هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
Bassant Samir 🩵🌿
۷ اردیبهشت ۱۴۰۵، ۱۵:۴۶
بشوف مقارنات كتير حوالينا وللأسف أنت مش بتكون عادل مع نفسك فيها 👉🏻🤔
سواء في الشغل أو الحياة!
- اتعلم متقارنش نفسك ولا تقلل من مجهودك ولا تحط نفسك في مستوى قليل لمجرد أنك شفت شخص شاطر أو مستواه أعلى.
✔️ ممكن الشخص ده حياته الشخصية كويسه، لكن أنت مش عارف هو بيمر بايه في البيت أو مع نفسه، وصل لده ازاي، صحته عامله ايه، علاقاته أو شغله مرتاح فيه أو لا؟
(فبلاش تظلم نفسك وتظلمه في مقارنة غير عادلة).
- أما الشخص اللي بتقارن نفسك بيه في شغلك، ليه بتقارن وتحط المقارنة أصلًا في دماغك. 🚶🏻♀️
• يمكن هو أشطر في مجال معين.
•ويمكن أنت أشطر منه في مجال تاني بس مشغول بالتقليل من نفسك ومش عارف تطلع مميزاتك وتستغلها.
⬅️انشغل بنفسك وفقط وقارن نفسك بنفسك امبارح ومن سنة كانت عاملة ازاي؟؟؟
- طور نفسك في مجالك.
- اشتغل على مميزاتك.
- خليك واثق من نفسك.
- مش عيب تبدأ وتغلط كلنا بنتعلم.
فبطل تحجم نفسك عشان كل اللي حواليك واو وأنت شايف أنك مش زيهم، أنت أكيد عندك مميزات وحاجات كتير شاطر فيها لكن انشغالك بغيرك وتقليلك من نفسك ومجهودك مخليك مش عارف تكتشفها.
ولما تشوف شخص شاطر وعاوز تكون زيه؛
• ادعيلهم بالتوفيق وادعي لنفسك واسعى واتعلم زيهم لو حابب مجالهم، أو شوف أنت مميز في ايه واخلق لنفسك مكان مميز في مجالك. 💯
ولاخر مرة هقول متقارنش نفسك بحد عشان أنت بتطلع الخسران في الآخر، اتعلم تهتم بنفسك وتطور منها وخليك في صفحتك فقط، متروحش تبص على صفحات غيرك وترجع تندم وتقول صفحتك فاضية ليه. 👌🏻🤎
#Bassant_Samir. ✍🏻
1,740
16
0
Bassant Samir 🩵🌿
۷ اردیبهشت ۱۴۰۵، ۱۵:۴۶
بقول الكلام لنفسي ولأي شخص مستني كل يوم وقت مناسب، ساعة مناسبة، ظروف مناسبة عشان يبدأ!!
ابدأ وتوكل على الله، لأن لو استنينا الظروف أو لما تروق، هنفضل طول عمرنا مستنيين.
ابدأ والله المستعان 🤎
1,170
28
0
Bassant Samir 🩵🌿
۷ اردیبهشت ۱۴۰۵، ۱۵:۴۶
📷 Photo
مهما ضاقت تذكر أن لك رب له حكمه وتدابير لكل أمر 🤎
أحياناً ممكن منعرفش الحكمة ورا أي حاجة بتحصلنا أو ليه حصل كدا؟ لكن تيقن إن ده خير ليك وفيه رحمة خفيه منه، نصيب وقدر لازم نمر بيه.
ايه الحكمة؟
ليه حصل؟
أكيد هنسأل جوا نفسنا كدا لكن وقتها لازم تسلم قلبك وأمورك لربنا.
ممكن نعرف الحكمة والسبب بعدين ونقول يارب قد ايه كنت رحيم ولطيف بينا واحنا مكناش صابرين ولا عارفين إن ده كان خير لينا أو شر وربنا كفانا شره باللي حصل ده.
أو ممكن منعرفش السبب لغاية م نقابل وجه كريم، في كل وأي وقت عليك تسليم أمورك لربنا والرضاء بحكمته وقضاءه لأن الله عز وجل أعلى وأعلم.
ربنا يكتب لنا كل الخير ويرزقنا الحكمة ويكتب لنا الأفضل والأصلح دائمًا. 🤎🤎
#Bassant_Samir. ✍🏻
1,520
Bassant Samir 🩵🌿
۷ اردیبهشت ۱۴۰۵، ۱۵:۴۶
اللحظة المثالية اللي أنت مستنيها عشان تبدأ مش هتيجي غير لما أنت تقرر تبدأ في أي لحظة لأن مفيش وقت مناسب ومثالي محدد ومعروف الكل يبدأ فيه!!! 👌🏻🤎
الوقت المثالي هو أنك تبدأ وتُدرك إن أنت اللي بتخلي الوقت مثالي ولا لا.
- مثالي بأنك بدأت وتغلبت على تأجيلك كل يوم.
- مثالي باستغلالك لليوم صح وإنجازك لكل اللي وراك.
- مثالي بأنك قدرت تتخطى كل الظروف اللي بتمر بيها وتبدأ.
- مثالي بأنك تفهم إن أنت المحدد القوي عشان تخليه مثالي ولا لا. 👉🏻
فلو عاوز تبدأ في وقت مناسب فابدأ من اللحظة دي وأنت بإيدك تخليها الوقت المثالي والمناسب ليك. 🥷🏻
#Bassant_Samir. ✍🏻
1,320
21
0
Bassant Samir 🩵🌿
۷ اردیبهشت ۱۴۰۵، ۱۵:۴۶
سؤال سخيف ومخيف ..
إزاي ممكن لشخص بيتابع يوميا ال Facebook بالـ Stories و Reels اللي فيه ويفتح Messenger يرد على الرسائل ..
بعدين يدخل WhatsApp يرد على اللي بعتله رسالة ويشوف الـ Stories ويعمل رياكت وReplay عليها ..
ويدخل بعدها علي Instagram يشوف التعليقات على صورته الاخيرة ويرد عليها ويلقي نفسه دخل عالـ Feeds وفتح الـ Stories و Reels الانستجرام ولازم يرد كمان علي رسايل Instagram ..
والمصيبة الكبري الـ TikTok يدخل يشوف فيه كل ما فسد و خَبُث
ولما يخلص من دا كله يفتح YouTube ويشوف مقلب خالد في زوجته بوسي اوعي يفوتك،
ويبص بصة عالـ Shorts هناك لااازم
وصوت الـ Notifications شغال يمين وشمال
دا غير وقت مخصص يوميا لـ
هنتفرج علي فيلم إيه النهاردة
هنشوف ماتش مين انهاردة
هنلعب جيم إيه النهاردة
هنخرج فين النهاردة
وهلم جرا
إزاي ممكن للشخص دا -وهو الأغلبية من الشباب والبنات - إزاي ممكن يقدر انه ينجز عمله أو مذاكرته من غير تقصير ..
ويحافظ على صلواته ..
ويؤدى حق أهله ..
ويقرأ ورد قرآنه ..
ويمارس رياضته ..
ويطور من نفسه ..
ازاي ممكن يبدأ فى حفظ القرآن أو فى طلب العلم الشرعى ..
ازاي ممكن يتعلم مهارة جديدة أو يقرأ كتابا جديد .. !!
والله صدق رسول الله صلى الله عليه وسلم "نعمتان مغبون فيهما كثير من الناس، الصحة والفراغ"
وقتك لو لم تحكم تصرفك فيه وكل دقيقة تعرف هتصرفها في إيه كويس فأهلا بيك في ضياع العشرينات والتلاتينات والأربعينات وصدمة العمر عدي بسرعة... 👌🏻💯
- Ahmed Shawki
1,830
Bassant Samir 🩵🌿
۷ اردیبهشت ۱۴۰۵، ۱۵:۴۶
"أُحِب كثرة الصلاة على النبي عليه الصلاة والسلام في كل حال، وأنا في يوم الجمعة وليلتها أشدُّ استحبابًا."
-الإمام الشافعي رحمه الله.
2,610
39
0
Bassant Samir 🩵🌿
۷ اردیبهشت ۱۴۰۵، ۱۵:۴۶
اللهم ابعد عن قلوبنا الحزن والهم والضيق، اللهم افض علينا من بركاتك ورحماتك وقنا كل شر ي رحمن رحيم، وارزقنا الهداية والصلاح والتوفيق. 🤎
2,030
34
0
Bassant Samir 🩵🌿
۷ اردیبهشت ۱۴۰۵، ۱۵:۴۶
📷 Photo
عشان كدا مهم أوي تنظم وقتك صح وتحاول على قد ماتقدر تمشي بالقاعدة دي في يومك.
ولو بتشتغل أكتر من 8 ساعات فأنت للأسف هتضطر تقسم ال 6 ساعات الباقيين ل 3 و 3، أو الأربع ساعات ل 2 و 2.
بس أيًا يكن، أنت في كل الحالات بتسعى وبتحاول وبإذن الله ربنا مش هيضيع تعبك.
وربنا يعين ويرزق كل شخص بيشتغل أكتر ومعظم وقته في الشغل بفرصة أفضل وأكتر راحة.
بالتوفيق 👏🏻🤎
#Bassant_Samir. ✍🏻
2,500
31
Bassant Samir 🩵🌿
۷ اردیبهشت ۱۴۰۵، ۱۵:۴۶
"أهدهد نفسي بقول د.أحمد عبد المنعم "العشوائية أفضل من التوقف."
ويُذهِب عني جلد الذات قول الشيخ ناجي: "تروح وتيجي لله، العلم والفهم دول فتوح من الله، تيجي أو لأ.. مش بتاعتك."
ويقلقني قول د.هدى: "حطّ المِزاج على الرف وقوم من النوم شوية.. مسيرنا ننام النومة الأبدية."
وأتصبر بقول أ. بدر آل مرعي: "من خير النِعم، أن يؤتى الإنسان قلبًا لا تُعطلُه الأحزان عن السَّعي"
وأستبشر لقول م.أيمن: "سقف الممكن مذهل."
-لكاتبها.
3,460
58
0
Bassant Samir 🩵🌿
۷ اردیبهشت ۱۴۰۵، ۱۵:۴۶
📷 Photo
نيجي بقى لتالت 8 ساعات
دول أهم 8 ساعات خلال يومك، لأن خلال ال 8 ساعات دول هتشتغل على مستقبلك ونفسك 🤎
عاوز تقسمهم 4و 4 يكون أفضل 👌🏻
4 ساعات ⬅️ للصلاة، للأكل والشرب، المواصلات، عيلتك، أصحابك، كل ده لازم تلمه خلال الأربع ساعات الأولى.
الأربع ساعات الباقيين
⬅️ هتشتغل فيهم على المستقبل بتاعك، سواء في الكارير بتاعك أو تطوير نفسك شخصيًا
طب وليه اتطور نفسي م أنا بشتغل وشغل كويس؟
أنت لو اكتفيت بشغلك بس وتطوير نفسك فيه هتبقى من أحسن الناس في الحته اللي أنت بتعملها بس!
إنما مع الأربع ساعات دول، أنت بتطور نفسك في مهارات تانيه وبتكتسب خبرات أكتر في مجالات مختلفة.
فبالتالي أنت بتشتغل على نفسك يومياً وفي نفس الوقت بتختصر عليك سنين كتير، فبدل ماتكون سينيور في الشغل بتاعك، أنت ممكن في ربع الوقت اللي قضيته في الشغل تكون مدير.
أو بفرصك ومهاراتك اللي اتعلمتها، فتحت لنفسك فرصة أكبر في شغلك وبقيت مرتاح أكتر وبمرتب أعلى.
