تخاريف مبرمج

Public

نمی‌توانید بپیوندید؟ @ta5rif_mj

۴.۸k عضو

به‌روزرسانی شده: May 15, 2026 at 1:53 PM

تخاريف مبرمج

قناة محتوي عربي خاصة بالباك أند والفرونت أند و السيستم ديزاين و الداتا بيز والنود والجافا سكربت والجافا

@ta5rif_mj is a growing community focused on کدنویسی و برنامه‌نویسی and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (8 روز گذشته)

مجموع: 4.8K

رشد 24 ساعت: +0 0%

آخرین پست‌ها

تخاريف مبرمج

۱ خرداد ۱۴۰۵، ۲۳:۰۵

📷 Photo

الاسئلة دي من بره المنهج 😂😂😂

612

تخاريف مبرمج

۱ خرداد ۱۴۰۵، ۲۳:۰۵

📷 Photo

🤲🤲🤲🤲🤲

529

تخاريف مبرمج

۱ خرداد ۱۴۰۵، ۲۳:۰۵

https://www.linkedin.com/posts/ahmed-emad-abdelall_كان-في-سؤال-في-المنتورشيب-في-المشروع-رقم-activity-7381006453828042752-3BeA?utm_source=share&utm_medium=member_android&rcm=ACoAAAFp3BYBj1LDhkBx80nnyIukxmxIXCQfqhk

506

تخاريف مبرمج

۱ خرداد ۱۴۰۵، ۲۳:۰۵

📷 Photo

طب والنهارده
للاسف ده اللي بيحصل الفكرة بقي ازاي انك تستفيد من موضوع ال product Engineer
لانه بقي مطلوب

838

تخاريف مبرمج

۱ خرداد ۱۴۰۵، ۲۳:۰۵

📷 Photo

جمعه مباركه ❤️❤️❤️❤️🔥🔥🔥

759

تخاريف مبرمج

۱ خرداد ۱۴۰۵، ۲۳:۰۵

📷 Photo

774

تخاريف مبرمج

۱ خرداد ۱۴۰۵، ۲۳:۰۵

📷 Photo

انا بقالي فترة بتكلم عن موضوع ال product Engineer وانه هيبقي مطلوب ك وظيفة اساسيه الفترة اللي جايه

طبيعة الوظيفة دي انك تبقي product mindset
وكمان عندك ال capabilities اللي المفروض تشتغل عليها

طب ايه هي

1. Product mindset
فاهم ال product cycle وعندك mindset بتاعته
وعندك innovative ideas , ownership

2. Fullstack Developer
تكون فاهم backend, Front-end, Devops
وبالتالي انت بتكون قايم بكل الأدوار مش لازم تبقي متخصص في كله لكن عندك القدرة علي التخصص في حاجه فيهم يفضل طبعا backend

3. AI Tools
ازاي تستخدم ادوات ال ai بطريقة professional عشان تساعدك انك تبني المشروع كامله في وقت أقل وكمان ازاي تقدر تعمل review code صح
وكمان تستخدم ادوات ال ai اللي تسرع انتاجيتك بشكل غير طبيعي

انا اتكلمت علي موضوع ال product engineer من اكتر من شهر وقولت بقي مطلوب جدا وكمان مرتباته هتبقي حلوة جدا

بص علي الصورة المرفقة

دمتم بخير

540

تخاريف مبرمج

۱ خرداد ۱۴۰۵، ۲۳:۰۵

لما اتكلمت عن توجه السوق ل Product Engineer
ده كان من خلال رؤيتي للسوق نفسه خاصه مع وجود ال AI
المشكلة ان الفكرة نفسها مش جديدة ، الفكرة قديمة جدا
يعني ايه قديمة يعني الفكرة قايمة علي ال Fullstack Developer

انا كنت شغال Full stack من زمان
افتكر من 2006 لما كنا شغالين Server Side
كان اللي بيفرق ان ال web design كان بيقطع ال HTML
واحنا كنا بنضيفه لل Servlet وبعد كده
بقي JSP , وبعد كده كنا بنكتب كود ال HTML باستخدام كود ال Java نفسه باستخدام تقنيه GWT

ده غير انك لما كنت بتعمل مشاريع Desktop كنت بتستخدم swing

ولما اتطورنا استخدمنا thymlef , وبعد كده XHTML
مع ال JSF

وبعد كده دخلنا في ال Client side rendering مع ال Jquery

ثم تطور الموضوع مع ال Angular JS

ثم دخلنا في ال Single Page Application- SPA

إذا شغل ال Full stack موجوده من زمان مش جديد

الفكرة بقي ان دخل ال CICD , ودخل مصطلح ال devops

بعد ما كان شغل ال operation كان لوحدة بقي كمان مطلوب دمج الاتنين سوا

دلوقتي بقي مع دخلونا لل AI
انت بقيت كمان لازم تفكر ك Solo developer

لازم تبقي عندك ال mindset بتاعة ال product managers
لازم تعرف ادوات ال ai وتستخدمها كويس،

اي شركة كانت Startup or Enterprise or midume size
بتفكر في الاتي
ازاي تعمل deliver لمشاريع كتير في وقت قليل جدا
وكمان ب cost قليل جدا

عشان طبعا تكسب اكتر ، ما ده شغل الرأسمالية

شطارتك انت بقي ازاي انت ك developer تكسب من الموضوع ده
ازاي تبني ال product mindset
ازاي تستخدم ادوات ال ai وترفع انتاجيتك
ازاي تحقق كل ده في وقت قليل وكمان ب cost منخفض ليك
وتكسب من وراه كتير

انا مش جاي أقولك انت محتاج تكسب كم الف في الشهر ولا تطلع تقول انا بعمل كذا

كل ده لنفسك وبس مكسبك وحياتك الشخصية لنفسك ولاسرتك فقط

الفكرة كلها في التطور اه مش هتبقي متخصص في كل حاجه لكن تقدر تتخصص في حاجه واحدة وتبقي عندك القدرة علي التحرك في حاجات كتيرة جدا ومتبقاش عطلان علي حد

حاول ت maximise ال value بتاعتك لان ساعتها انت هتطلب اللي انت عايزة والي عايزك يبقي يدفع

السوق دايما عرض وطلب فدايما خلي الطلب عليك موجود وانت وشطارتك في التفاوض وانت وشطارتك تقبل ايه وترفض ايه


دمتم بخير

تخاريف مبرمج

۱ خرداد ۱۴۰۵، ۲۳:۰۵

وانت بتعمل system design او عندك interview system design غالبا هتتسال او هتفكر في مجموعه من ال design patterns اللي هتحتاجها طبقا لل requirements اللي عندك في السيستم

الفكرة مش إنك تبقي حافظ 10 patterns
الفكرة إنك تبقي فاهم كل واحد بيتستخدم امتي وليه

لو عندك reads تقيلة هتلاقي نفسك بتفكر في cache patterns زي Cache Aside أو Read Through

لو عندك services كتير وعايز تقلل ال coupling
Event Driven أو Pub Sub بيبقوا اختيار منطقي

لو في dependency ممكن تقع
Circuit Breaker بيحمي باقي السيستم

لو شغال microservices
API Gateway و Database per Service بيبقوا baseline

الموضوع كله مش إنك تختار pattern عشان اسمه
الموضوع إنك تفهم المشكلة والقيود اللي عندك

وبناء عليه تختار الحل المناسب لل requirements بتاعتك اللي تناسب السيستم بتاعك

وده بيفرق جدا وانت بتصمم السيستم بتاعك

هسيبلك في الكومنتات ال cheat sheet لأهم 10 Design patterns in system design

دمتم بخير

587

تخاريف مبرمج

۱ خرداد ۱۴۰۵، ۲۳:۰۵

📷 Photo

537

تخاريف مبرمج

۱۸ اردیبهشت ۱۴۰۵، ۱۴:۱۱

في موضوع مهم بيتسأل كتير في أي System Design interview

WebSockets vs Polling vs SSE

الفكرة كلها مش مين أحسن بشكل مطلق الفكرة امتى تستخدم ايه

* Polling
أبسط حل
الـ client بيبعت request كل شوية يسأل في update ولا لأ

المشكلة
- waste في ال requests
- latency عالي حسب ال interval
- بيضغط السيرفر على الفاضي

ينفع يستخدم في الحالات دي
حاجات بسيطة، traffic قليل، أو لما realtime مش critical

* SSE (Server-Sent Events)
هنا السيرفر هو اللي بيpush data للـ client
بس اتجاه واحد فقط

الميزة
- أخف من WebSockets
- أسهل في التنفيذ
- مناسب لل realtime read-only

ينفع يستخدم في الحالات دي
- notifications
- live feeds
- dashboards

* WebSockets

- connection مفتوح طول الوقت بين client و server
- full duplex يعني رايح جاي

الميزة
- realtime حقيقي
- latency قليل جدا
- efficient في high frequency updates

المشكلة
- أعقد في management
- scaling أصعب
- محتاج handling لل connection lifecycle

ينفع يستخدم في الحالات دي
- chat apps
- gaming
- trading systems

هسيبلك ال cheat sheet في الكومنتات تقدر تستفيد فيه في المراجعه وانت بتخطط لل System Design interview

دمتم بخير

468

تخاريف مبرمج

۱۸ اردیبهشت ۱۴۰۵، ۱۴:۱۱

فكرة بوستات الـ System Design cheat sheet بسيطة جدا إنها تبقى quick refresher قبل أي interview سواء Senior أو Tech Lead أو Solution Architect

بس خلينا نكون واضحين
هي بتديك know how ، لكن مش بديل خالص إنك تقرأ كويس وتشتغل بإيدك وتعمل system design mock interviews كتير

قيمتها الحقيقية كمان إنها بتساعدك تفكر صح تقارن بين options وتفهم الـ trade-offs والـ decision criteria اللي على أساسها تختار وتقول ده ينفع ولا لا وليه ، وده أصلا هدف أساسي من الـ cheat sheets

وإن شاء الله مكملين في السلسلة شوية كمان

ولو حابين نحولها لسلسلة فيديوهات قولوا في الكومنتات

دمتم بخير

372

تخاريف مبرمج

۱۸ اردیبهشت ۱۴۰۵، ۱۴:۱۱

امبارح كنت شغال علي حاجه اسمها Local AI Stack كان اتكلم عليها Lead Architect اسمه عبد النور

الكلام عليها كان موجز جدا مفيش فيه اي تفاصيل كتير لكن الفكرة نفسها كانت كويسه جدا من حيث انك بتشتغل علي

1. Local models
2. Security
3. No coupling
4. Zero cost

طبعا ده ممكن ميبقاش افضل models وكمان بتحتاج hardware محترم جدا
وهو كان شغال علي جهاز Mac m5 48GB

ما شاءالله جهاز إمكانيات كويسه جدا
هو كان عامل Workflow كل model بيقوم بوظيفة معينه جدا يعني ايه الكلام ده

انت هتكتب تاسك معينه او طلب معين
عندك حاجه اسمها ai router وظيفته انه ياخد ال context بتاعك ويقولك هو هيشتغل علي اي ai model ويروح يعمل load ai model ويشتغل ويرجعلك ال response

الفكرة جميلة جدا جدا ولكن التنفيذ في كم حاجه
1. Hardware specifications
انت محتاج تعرف ايه ال ai models اللي هتشتغل علي الهاردوير بتاعك
2. Need to setup ollama & LMStudio

3. Open web UI
ده حاجه شبيه ب chatgpt ui interface ورهيب جدا جدا بالامكانيات بتاعته

المهندس كان اتكلم عن LiteLLM بس لسه هجربة

المهم فعلا ظبط وعملت Download لل ai models من ال LMStudio عشان ب support resumes

واتعلمت طريقة ازاي انقلهم من LMStudio لل ollama

وشغلت open web ui من خلال docker وربطته ب ollama

وبعد كده كتبت function جوه open web ui عشان يعمل ال routing لل ai model المناسب

فعليا اقدر اقول بنسبة 60 % الامور كانت ناجحه جدا جدا وكمان ال performance كان كويس بناء علي إمكانيات الجهاز عندي

Routing -> qwen
Code-> qwen code
General -> qwen
Thinking -> deepseek
Agent -> qwen

لسه محتاج انزل Gemma version يناسب الجهاز عشان يشتغل في ال routing

ولسه كمان محتاج اجرب Lite llm مع LMStudio جايز ال setup ده يكون ابسط فعلا

التجربة كانت كويسه جدا جدا ، كمان شغلت ollama local مع open code وحقيقي كان كويس جدا جدا واستخدمت Gemma 4 وبقي يكتب في ال files لسه هجرب qwen code

ان شاءالله هعمل فيديو عن ال free ai models اللي ممكن تستخدمها عشان ال tokens لما تخلص تلاقي حاجه تنجدك لان الايام الجايه الاسعار هتولع للاسف 🔥🔥🔥🔥

تخاريف مبرمج

۱۸ اردیبهشت ۱۴۰۵، ۱۴:۱۱

ناس كتير في الـ system design أول ما يسمعوا latency أو DB تقيلة يقولك نحط cache

بس الحقيقة إن الكلمة دي لوحدها ملهاش أي قيمة
القيمة في الأسئلة اللي وراها
- هل السيستم فعلاً محتاج caching ولا بتزود complexity؟
- فين الـ bottleneck أصلاً؟
- هتكاشي إيه بالظبط؟
- هتستخدم أنهي pattern؟
- والأهم هتتعامل إزاي مع invalidation؟

لأن بصراحة
أكبر غلطة مش إنك تستخدم cache غلط
أكبر غلطة إنك تستخدمه من غير ما تفهم tradeoffs

الصورة دي cheat sheet بسيطة تمشي بيها في أي interview من أول القرار لحد المشاكل اللي ممكن تقع فيها

لو فهمت flow ده كويس ، موضوع caching هيبقى سهل جدا عليك

الصورة في الكومنتات

دمتم بخير

500

تخاريف مبرمج

۱۸ اردیبهشت ۱۴۰۵، ۱۴:۱۱

موضوع الـ API Design في الـ system design interviews مش محتاج تعقيد خالص ، بالعكس أغلب الناس بتقع عشان بتزودها زيادة عن اللزوم

الفكرة كلها إنك تمشي بشكل بسيط ومنطقي

إنت عندك entities → بتحولها resources → وبعدها بتحدد user عايز يعمل ايه عليها

يعني events → /events
user عايز يشوف → GET
يحجز → POST

النقطة اللي ناس كتير بتتلخبط فيها إنهم بيقعدوا يفكروا REST ولا GraphQL ولا RPC وهو في الحقيقة

لو مش عارف REST وخلاص

GraphQL لما تبقي محتاج مرونة جامدة في الداتا
RPC لما services بتكلم بعض وعايز performance عالي

برضه متغلطش الغلط الشهير متبعتش userId في الـ body وتقول ده المستخدم ، لا المستخدم بيتحدد من الـ token
ولو عندك list كبيرة متقولش هارجع مليون record
قول pagination
ولو system فيه writes كتير cursor مش page

الفكرة كلها إنك تبين إنك فاهم: مش بتصمم endpoints وخلاص لكن فاهم ال trade-offs
وفاهم امتي تستخدم ايه وليه

هسيبلك صورة ال cheat sheet في الكومنتات فيها كل التفاصيل اللي محتاجها عشان لو بتجهز نفسك ل system design interview

لو استوعبتها كويس هتعدي الجزء ده في أي interview وانت مرتاح بفضل الله

دمتم بخير

484

تخاريف مبرمج

۱۸ اردیبهشت ۱۴۰۵، ۱۴:۱۱

واحد من الحاجات اللي بتضيع ناس كتير في ال system design interviews هو ال data modeling مش عشان صعب بس عشان بيحاولوا يكبروا الموضوع زيادة عن اللزوم

الموضوع ابسط من كده ، انت مش مطلوب منك تبقي data engineer انت بس محتاج تمشي بطريقة منظمة

الفكرة كلها بتمشي كده
APIs >> Queries >> Indexes >> Schema >> Optimization

مش العكس يعني ايه؟
يعني متقعدش ترسم جداول وخلاص اسأل نفسك الأول
الـ API ده هيعمل query ازاي؟

بعدها اعمل index يخلي ال query دي سريعة
نقطة مهمة جدا ابدأ بـ relational database (غالبا Postgres)

ولو لقيت نفسك بتقول NoSQL من غير سبب واضح
راجع نفسك تاني ليه ؟
كل قرار بتاخده لازم تبرره بـ 3 حاجات

- access pattern
- data volume
- consistency
غير كده يبقي القرار مش مظبوط

ال normalization هو ال default ما تعملش denormalization بدري

ولو الأداء وحش جرب index الأول ولو لسه ساعتها فكر في cache أو denormalization

والغلطات اللي دايما بنشوفها
- مفيش indexes
- over engineering
- اختيار DB غلط أو علاقات معقدة مالهاش لازمة

لو مشيت بالطريقة دي هتلاقي data modeling بقى جزء سهل جدا من الانترفيو مش الحاجة اللي بتعطلك

الصورة دي cheat sheet للمراجعه وانت بتجهز نفسك لل System Design interview

هسيبلك الصورة في الكومنتات

دمتم بخير

411

تخاريف مبرمج

۱۸ اردیبهشت ۱۴۰۵، ۱۴:۱۱

"لو فاكر إن في قرار تقني صح 100%… يبقى غالباً هتدفع تمنه بعدين"

📘 "حكايات وأسرار من خلف الـ Trade-offs | مع تخاريف مبرمج"

الكتاب مبني على 26 Use Case من شغل حقيقي
مشاكل حصلت فعلاً + حلول اتجربت + التفكير ورا كل قرار

ناس كتير بتدور على الحل الصحة بس الحقيقة إن مفيش حل صح مطلق

الفكرة هنا مش تحفظ حلول لكن تفهم إزاي تفكر وقت ما تبقى محتار

أكتر من 150 شخص اشتروا الكتاب لحد دلوقتي

375 صفحة بشكل Slides توصل للمعلومة بسرعة من غير حشو

لو عايز تختصر وقت كبير من التجارب وتبدأ تاخد قرارات بوعي أكتر فالكتاب ده معمول عشان كده

✅ داخل مصر: 350 جنيه | بره مصر: $12.99
💥 العرض متاح لمدة 24 ساعة

المحتوي من هنا
https://thexmentor.netlify.app/book

للحجز:
داخل مصر: تحويل فودافون كاش أو إنستاباي على 01005046171
وبعدها ابعت واتساب على نفس الرقم

خارج مصر: Redotpay (كلمني خاص للتفاصيل)

لو ناوي تطور طريقة تفكيرك في القرارات… ابدأ من هنا

دمتم بخير

545

تخاريف مبرمج

۱۸ اردیبهشت ۱۴۰۵، ۱۴:۱۱

طريقة الـ feature flag اللي ناس كتير بتتكلم عليها كأنها إعجاز، خاصة إن بقالها سنة ولا اتنين موجودة بس عشان الأجانب اتكلموا عليها

عايز أقولك إنها ولا جديدة ولا حاجة، بالعكس دي طريقة قديمة جدا، وممكن أقولك كمان إنها كانت شغالة عندنا بشكل مصري 100%.

أول شركة اشتغلت فيها كنا شغالين على مشروع كبير، ولسه شغال لحد دلوقتي، وكان عندنا فكرة الـ feature flag بس بشكل تاني خالص كانت معمولة على هيئة System Settings.

أي feature بنطلعها بيبقى ليها option كده on/off.

الكلام ده من امتى؟ من 2008.

شوفت بقى إنها قديمة إزاي؟ مش موضوع طالع جديد ولا حاجة.

واللي اشتغل في المشروع ده ناس كانت تقيلة جدا بجد، وأنا اتعلمت منهم كتير جدا، وكانت الشركة دي سبب كبير في تطوري بعد ربنا.

نرجع بقى لنقطة: كانت بتعمل إيه؟ وإيه الدليل إنها كانت feature flag فعلا؟

ببساطة، فكرة الـ feature flag إنك تقدر تشغل أو توقف feature من غير أي deployment جديد، وده ليه استخدامات كتير زي إنك تتحكم وقت المشاكل، أو تعمل testing، أو حتى rollout تدريجي.

خليني أحكيلك موقف حصل معانا
كنا شغالين على integration مع 3rd party، وحصل خطأ بشري السعر دخل بالسالب بالغلط فالناس كانت بتشتري، والرصيد عندها بيزيد.

كارثة اكيد

طبعا كان عندنا alerting بيقولنا إن في حاجة مش طبيعية، وفعلا عرفنا بسرعة.
دلوقتي الطبيعي إنك تقول وقع السيستم وخلاص عشان توقف الخساير.
وهقولك آه، ده صح لو مفيش feature flag.
لكن اللي حصل عندنا غير كده تماما

كل اللي عملناه إننا قفلنا الـ service دي بس، وأي حد يدخل عليها يطلعله message :Service unavailable.

بس كده.
السيستم كله كان شغال عادي جدا.
بعد كده بدأنا نحصر كل الـ transactions اللي تمت، ونعالجها ونخصم المبالغ الصح، خصوصا إن السيستم كان عبارة عن محفظة بتتشحن.

وعملنا fix للـ issue وخلاص.
كل ده والسيستم شغال، ومفيش أي downtime حصل.

وده حرفيًا كان نجاح كبير جدا.
لإنك لو كنت عملت system down كان هيحصل الآتي:

1. هتخسر مصداقية وثقة العملاء
2. هتخسر فلوس، لأن في خدمات تانية كانت شغالة

فاللي حصل إن كان عندك backup plan جاهزة، وكمان تنفيذ صح على أرض الواقع لمشكلة كبيرة جدا كانت ممكن تخسرك جامد.

وعشان كده بقولك الـ feature flag مش حاجة جديدة إحنا بس كل شوية بنكتشف القديم باسم جديد.

دمتم بخير

تخاريف مبرمج

۱۸ اردیبهشت ۱۴۰۵، ۱۴:۱۱

📷 Photo

اهو لا سحر ولا شعوذة
مشروع المنتورشيب رقم 4

530

تخاريف مبرمج

۱۸ اردیبهشت ۱۴۰۵، ۱۴:۱۱

📷 Photo

😂😂😂😂😂

599

تخاريف مبرمج

۱۱ اردیبهشت ۱۴۰۵، ۲۱:۵۹

لو معاك حساب GitHub قديم، عدى عليه أكتر من شهر مش أكتر، تقدر تستفيد بـ150 دولار كريديت فيهم نماذج زي Claude Opus 4.7 و 4.6

هتسجل من اللينك ده
https://agentrouter.org/register?aff=Z5oy

وتعمل تسجيل باستخدام GitHub

وهتلاقي هنا تفاصيل استخدامه في Claude Code أو KiloCode أو RooCode

http://docs.agentrouter.org/en/start.html

692

تخاريف مبرمج

۱۱ اردیبهشت ۱۴۰۵، ۲۱:۵۹

📷 Photo

الكلام ده انا بتكلم عليه من فترة ، موضوع ال ai product engineer جاي وبتوسع كبير ، الناس تتجهز ان شاءالله

549

تخاريف مبرمج

۱۱ اردیبهشت ۱۴۰۵، ۲۱:۵۹

📷 Photo

الصراحه ChatGPT اتطور جامد في موضوع الصورة بشكل كويس جدا

636

تخاريف مبرمج

۱۱ اردیبهشت ۱۴۰۵، ۲۱:۵۹

📷 Photo

Open code go 5$
سعرها كويس جدا كتجربة شهر وبعد كده ب 10 $

لل quote فيها حلوة جدا 👏👏

607

تخاريف مبرمج

۱۱ اردیبهشت ۱۴۰۵، ۲۱:۵۹

بص لو هنتكلم بجد شوية

الفكرة اللي ناس كتير فاهمها غلط إن Claude Code لازم اشتراك عشان يشتغل، وده مش دايمًا صحيح حسب طريقة التشغيل نفسها

فيه سيناريوهات تقدر تستخدم فيها Claude Code بشكل مجاني أو شبه مجاني عن طريق نماذج مفتوحة أو بدائل زي Google Gemma 4، بس لازم تبقى فاهم إن ده مش نفس تجربة Claude الرسمي من Anthropic

الاختلاف الأساسي بيكون في:
الأداء في الكود
الدقة في الفهم الطويل للسياق
والاستقرار في المشاريع الكبيرة

لكن لو هدفك تجربة أو استخدام خفيف أو development tooling بسيط، تقدر تبني setup كويس من غير ما تدفع اشتراك مباشر

في الفيديو بشرح الفكرة بشكل عملي وإزاي تشغل Claude Code على Windows وتربطه بنموذج بديل زي Gemma 4 خطوة بخطوة، مع توضيح إمتى ده ينفع وإمتى لأ

المهم تفهم إن الموضوع مش "كسر اشتراك" قد ما هو اختيار architecture بديل حسب احتياجك

ده لينك الفيديو
https://youtu.be/W6FXG48Yq3Y

دمتم بخير

1,410

تخاريف مبرمج

۱۱ اردیبهشت ۱۴۰۵، ۲۱:۵۹

📷 Photo

اللي حلو ال chatgpt ده ياعماد اهو كله كشري 😂😂😂

521

تخاريف مبرمج

۲ اردیبهشت ۱۴۰۵، ۰۰:۰۳

أكبر وهم ممكن تعيش فيه كـ Developer إنك فاكر إنك ماشي صح بس عشان الكود شغال.

كل فترة في المنتورشيب بنراجع نفسنا ونطور طريقة شغلنا مش بس بنكتب كود، إحنا بنبني طريقة تفكير.

الفترة اللي فاتت ركزنا على نقطة مهمة جدا ازاي الـ Developer يقدر يقيم نفسه بنفسه وهو شغال من غير ما يستنى حد يقوله انت صح ولا غلط.

وعشان كده عملنا Model بسيط مبني على شوية محاور أساسية

- Architecture

- Code Quality

- Functionality

- Git Usage

- Testing

- DevOps Awareness

- Bonus

كل جزء فيهم عليه weight واضح يخليك تعرف انت واقف فين بالظبط.

بس الفكرة مش Score تحاسب نفسك بيه
الفكرة إن ده Tool يساعدك تراجع نفسك بشكل مستمر وانت شغال

والأهم إن كل سيكشن فيه Red Flags واضحة
حاجات أول ما تشوفها تعرف إن في مشكلة لازم تتحل فورا

النتيجة؟
- تركيز أعلى
- قرارات أحسن
- تفكير أنضف وانت بتكتب الكود
- وشغل ماشي على Guidelines واضحة بينك وبين التيم

وده بيقلل مشاكل كتير جدا سواء Bugs أو Performance أو حتى اختلافات التيم

لأن ببساطة لما الـ Process تبقى واضحة كل حاجة تانية بتظبط لوحدها

الـ Model ده معمول مخصوص للناس من 0 لـ 4 سنين خبرة
عشان يبقى عندهم Framework واضح يشتغلوا عليه بدل العشوائية

ولو انت في المرحلة دي فالحاجة دي ممكن تختصر عليك وقت كبير جدا وانت لسه بتبني نفسك

دمتم بخير

779

تخاريف مبرمج

۲ اردیبهشت ۱۴۰۵، ۰۰:۰۳

📷 Photo

666

تخاريف مبرمج

۲ اردیبهشت ۱۴۰۵، ۰۰:۰۳

احنا حرفيا بقينا مش عارفين ناخد بريك من أي حاجة
حتى مع وجود الـ AI اللي المفروض يسهّل الدنيا، الموضوع بقى مرهق أكتر بكتير

المشكلة مش في الشغل بس المشكلة إنك مش ملاحق أصلا.
كل يوم في جديد، وكل يوم في حاجة لازم تتعلمها، اللي كان بيتعمل في شهور بقى بيحصل في أيام!

بجد ربنا يكون في عون الكل
بس واضح جدا إن الـ burnout بقى أسرع وأقسى من الأول بكتير.

محتاجين نهدي الرتم شوية.

دمتم بخير

540

تخاريف مبرمج

۲ اردیبهشت ۱۴۰۵، ۰۰:۰۳

بصراحة مبسوط جدا باللي حصل على الـ repo بتاع الـ Super AI Agency Framework

دي شوية أرقام بسيطة من أول يوم بس:

1. Total Visitors: 300

2. Total Clones: 32

3. Stars: 18

4. Forks: 3

التفاعل مفرح جدا بجد، وشكر كبير لكل حد دخل وجرب

كمان عملت update على الـ workflow بحيث يبقى متماسك أكتر، يقلل الهلوسة، ويطلع documentation أنضف بكتير

محتاج منكم تجربوه وتدوني feedback حقيقي، وأي اقتراحات سواء تحسينات أو أفكار جديدة مرحب بيها جدًا

ولو عندكم أفكار لـ spec kit extensions ممكن نضيفها، ياريت تشاركوني بيها

لينك الريبو :
https://github.com/ahmedemad3/super-ai-agency-framework

دمتم بخير

1,870

Showing 30 of 46 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

تخاريف مبرمج

تخاريف مبرمج

رتبه‌بندی

رشد مشترکان (8 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Velvet Fang’s

ریاضی و علوم کامپیوتر دانشگاه لرستان

هوش مصنوعی|سورس پروگرام

پرامپت هوش مصنوعی

TOP-TECH

کاموا | نکته‌ و تست 1405

SDQ

اتاق برنامه نویسی </>

کانال‌های تلگرام مرتبط

Velvet Fang’s

ریاضی و علوم کامپیوتر دانشگاه لرستان

هوش مصنوعی|سورس پروگرام

پرامپت هوش مصنوعی

TOP-TECH

کاموا | نکته‌ و تست 1405

SDQ

اتاق برنامه نویسی </>

نظرات کاربران (0)

آخرین پست‌ها