احب اعايد الناس الوكفت ويانه وماخذلونه احب اعايد شكو واحد بقى يحبنه وماغيرته سوالف الناس احب اعايد الناس التحب الخير لاي شخص حتى لو متعرفه احب اعايد الموجودين ويانه بفرحنه وحزنه الناس الي ماملوا منه بوكت برودنه وعصبيتنه الناس الي ويانه عالحلوة وعالمرة الناس الي تجبر بخاطرنه كل لحظه ويوم وسنه الناس الي تحب جمال الروح ومايغرها الشكل الناس الي تذكرتها بأبسط الاشياء كل عام وأنتوا بخير
مرات يصيرلك موقف ويا شخص يخليك تزعل وتشيل بخاطرك، على الرغم لو صار وياك نفس الموقف بس من شخص عادي بحياتك ما راح تتفاجئ نهائياً الموضوع يعتمد على الشخص نفسه وعلى مكانته بگلبك
مافرطت بيوم باحد ولا نكرت لاحد فضل ولا سويت عداوة ويه احد ولا عندي هل شي صريح كلش بمشاعري اذا كلتلك كلمة جميلة ف انه اعنيها من كل قلبي ما ممكن ازيف شعوري ولا اعرف الكذب والخدع لكن انه عزيز نفس اذا هان قلبي افارك للابد
"قُلّ لن يصيبنا إلا ما كتب الله لنا "
هاي الآية من أقوى وأعظم الأشياء الي قريتها بحياتي، دائماً تقويني وتطمّني من أتذكرها بكل مصيبة تصير وياي أو موقف أو أي شي يعكر مزاجي ياريت لو كل الناس عدكم يقين ويتأكدوا إنه كلشي رب العالمين كاتبه إلهم راح ياخذوه حتى لو بآخر الدنيا، ومحد راح ياخذ شي مو اله وممكتوبله رزقك، عمرك، نجاحك، فشلك، زواجك، فرحك، زعلك، كلشي مكتوب، وما راح تاخذ شي مو الك، وأتطمن وتاكد إنه رب العالمين دائمًا وياك وكلشي يصيرلك هو خير الك حتى لو إنت شايفه ضدك
لتحاول تشرح للشخص " مرتين " شلون المفروض يعاملك لانه هو اساساً سمعك بالمرة الاولى عادة الناس هم الي يقررون بتصرفاتهم شنو يكونون بالنسبه الك ومهما حاولت على الرغم من تقصيرهم واهمالهم راح تشوف نفسك بالاخير مليت منهم وتحطهم بالمكان الي افعالهم قررتها نصيحة عوفك من الكلام الحلو الافعال دائماً مرايه الي بالقلب
مجانت صدفة انك متعرف تنام فتقرر تسهر اليوم هذا حتى تعرف حقيقة جانت مضمومة عليك مجانت صدفة ان الدنيا ترجع تجمعك ب انسان تعرفه من سنين ويرجع اغلى من الاول مجانت صدفة من يصير بينك وبينهم سوء تفاهم وتعرفهم على حقيقتهم مجانت صدفة ان كل بوست تشوفه جان مسج الك ورب العالمين راح يراضيك باقرب وكت مجانت صدفة من الايام تبعدك عن احد فجاه بوكت معين وتنقذك منه مجانت صدفة من تروح لمكان معين وبوكت معين ويصيرلك رزق بي من غير لاحول ولاقوة مجانت صدفة من تسمع من احد متعرفه قصه تشبهك وجان رب العالمين يوصلك رساله انته مو لوحدك والعيب مو بيك مجانت صدفة يطلع واحد بحياتك تصير روحك بي وتتعلق بي ويصير سندك وتضمن وياه ايام العمر مجانت صدفة من تنزل وره موعدك بنص ساعه وتطلع مستعجل وضايج وربك يسترها وياك من حادث محقق الستر مو صدفة والصحه مو صدفة ىالحب مو صدفة ماكو شغلة تصير صدفة سواء جانت حلوة او لا كلشي يصير راح تعرفه بمرور الايام
اني مااؤمن بالصدف بس عندي يقين بالله بكل شيء
