ጠሊቅ

Public

مشاهده کانال

نمی‌توانید بپیوندید؟ @Telikbiblestudy

۴۵ عضو

به‌روزرسانی شده: May 6, 2026 at 4:21 AM

ጠሊቅ

ከ21 አመት እስከ 35 አመት ላሉ ወጣቶች የሚዘጋጅ የመፅሐፍ ቅዱስ ጥናት

@Telikbiblestudy is a dedicated channel for بزرگسال (18+) with regular updates in بزرگسال (18+)

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (3 روز گذشته)

مجموع: 45

رشد 24 ساعت: +0 0%

آخرین پست‌ها

ጠሊቅ

۴ اردیبهشت ۱۴۰۵، ۱۴:۳۸

መመርመር

የሚከተሉት ጥቅሶች የመቅሰፍቶችን ትርጉም በተሻለ ሁኔታ ለመረዳት እንዴት ይረዳሉ?

ጠንቋዮችና ጥንቆላቸው፦
ዘፍጥረት 41:8
ዳንኤል 1:20
ዳንኤል 2:1, 27

በግብፅ የተደረጉ ምልክቶችና ተአምራት፦
መዝሙር 78:40–55
መዝሙር 105:23–38
መዝሙር 135:5–9

ሌሎች መቅሰፍቶች፦
ዘዳግም 28:21, 27
ራእይ 15:1
ራእይ 16

ከዘጸአት 7–10 ጋር ተያይዘው ወደ አእምሮ የሚመጡ ሌሎች ጥቅሶች/ተስፋዎች የትኞቹ ናቸው?

ማስታወሻ:
የዚህ ሳምንት የመታሰቢያ ጥቅሳችሁን ከ ዘፀአት ምዕራፍ 7 እስከ 10 ተመልከቱ።

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መግቢያ

ቁጥጥርን መፈለግ

በመከራችሁ ጊዜ ወደ ማን ወይም ወደ ምን ትዞራላችሁ? ምናልባት ምግብ፣ ገንዘብ፣ መጠለያ ወይም ድጋፍ በሚያስፈልጋችሁ ጊዜ ልትተማመኑበት የምትችሉበት ሰው ሊኖራችሁ ይችላል። ብዙ ጊዜ ዕርዳታ ባትጠይቁም እንኳ፣

ችግር ሲገጥማችሁ ዕርዳታ ለማግኘት የምትሄዱበት ቦታ እንዳለ ታውቃላችሁ። አንዳንድ ሰዎች በሕይወታቸው ስኬታማ ለመሆን፣ ሥራቸውን ለማሳደግ ወይም ከተግባራቸው መዘዝ ለመዳን በወዳጆቻቸው ወይም በዘመዶች ይተማመናሉ።
ችግር ሲገጥማችሁ ሊረዳችሁ የሚችል ሰው ባይኖርስ ምን ታደርጋላችሁ? አስቸጋሪ ሁኔታዎች ሲበራከቱና ጫና ሲጨምር፣ ሰዎች ብዙውን ጊዜ የራሳቸውን "መፍትሄዎች" ይፈጥራሉ። ሰዎች ሕይወታቸው ከቁጥጥር ውጭ እንደሆነ ሲሰማቸው ወደ ማኅበራዊ ሚዲያ፣ የብልግና (pornography) ምስሎች ወደ ማየት፣ አደንዛዥ ዕፅ አላግባብ ወደ መጠቀም ወይም ወደ አሉታዊ ግንኙነቶች ሊዞሩ ይችላሉ። እነዚህ ከብዙዎቹ ጥቂቶቹ ናቸው።

የጥንት ሰዎችም ከቁጥጥራቸው ውጭ የሆኑ ችግሮች ይገጥሟቸው ነበር። በግብፅ በተደጋጋሚ የሚነሳው ጥያቄ፣ “የአባይ ወንዝ በዚህ ዓመት ጥሩ ምርት ለማግኘት የሚያስፈልገውን ያህል ውሃ ይሰጣል?” የሚል ነበር። የአባይ ወንዝ በዚያ ዘመን ከነበሩት ወንዞች ሁሉ ትልቁ እና ለመላው የግበፅ አገር የመስኖ ውሃ የሚሰጥ ነበር። ይህ ወንዝ ለግብፃውያን ሥልጣኔ ታላቅነት ቁልፍ ከሆኑ ነገሮች አንዱ ነበር። ሆኖም ወንዙ ተለዋዋጭ ሊሆን ይችላል። የጎርፍ ውሃ በአባይ ሸለቆ ውስጥ ከልክ በላይ ከፍ ሲል ያን ጊዜም ሰብል ማምረት አይችሉም ነበር። በተቃራኒው ደግሞ የወንዙ ውሃ መጠኑ ሲቀንስ እንደገና የሚበሉት ምግብ አይኖራቸውም ነበር። ግብፃውያን ተለዋዋጭ የሆነ ወንዝ የማግኘት እድል አልነበራቸውም፤ ለዚህም እርዳታ ፍለጋ ወደ አማልክቶቻቸው ዘወር አሉ። የአባይ ወንዝ ብቻ አልነበረም፤ በተፈጥሮ ውስጥ ሌሎች በርካታ ነገሮችን መቆጣጠር ያስፈልጋቸው ነበር። እነዚህን ከቁጥጥር ውጭ የሆኑ የተፈጥሮ ኃይሎችን መቆጣጠር በሚችሉ አማልክት ማመን በዚያ ዘመን የመሠረታዊ ባህላዊ ልማድ ነበር — ይህም ግብፃውያንን ከዕብራውያን አምላክ ጋር በቀጥታ ግጭት ውስጥ እንዲገቡ አደረጋቸው። ውጤቱም ለግብፃውያን አማልክት አስከፊ ነበር።

ከመረጣችሁት የመጽሐፍ ቅዱስ ትርጉም ዘጸአት 7:1-5 ማስታወሻ ላይ ጻፉ። በመቀጠልም ክፍሉን በራስዎ ቃላት እንደገና ይጻፉ ወይም ስለ ምዕራፍ 7 እስከ 10 የተረዳችሁትን ዋና ነገር ጻፉ።

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መዋሃድ

ህያው እባብ!

የግብፅ መቅሰፍቶች በመጽሐፍ ቅዱስ ውስጥ ከሚታወቁ ታሪኮች አንዱ ናቸው። እነሱም ታላቅ የተፈጥሮ ሀይል የነበረቸው ነበሩ፤ እያንዳንዱ መቅሰፍት ሲመጣ ጥፋቱ እየጨመረ ይሄድ ነበር። የዚህን ጥፋት ምክንያት ለመረዳት መቅሰፍቶቹ በእስራኤል አምላክና በግብፅ አማልክት መካከል ያለውን ፍልሚያ እንዴት እንደሚወክሉ መመርመር አስፈላጊ ነው።
ፈርዖን ዕብራውያንን እግዚአብሔርን ለማምለክ ለሦስት ቀን ወደ ምድረ በዳ እንዲሄዱ ለመፍቀድ ፈቃደኛ አለመሆኑ ለአሥሩ መቅሰፍቶች መድረኩን አዘጋጀ። ፈርዖን “እንድታዘዘውና እስራኤልን እንድለቅለት ለመሆኑ ይህ እግዚአብሔር (ያህዌ) ማነው? እግዚአብሔርን (ያህዌ) አላውቅም፤ እስራኤልንም አልለቅም” (ዘጸ. 5:2) አለ። ፈርዖን የዕብራውያን አምላክን ለመታዘዝ ዳተኛ ነበር።

በምላሹ እግዚአብሔር ሙሴን “አሁን በፈርዖን ላይ የማደርገውን ታያለህ፤ ከኃያሉ እጄ የተነሣ እንዲሄዱ ይለቅቃቸዋል፤ ከኀያሉም እጄ የተነሣ ከአገሩ ያስወጣቸዋል” (6:1) አለው። ውርርዱ የጀመረው በአሮን በትር ነበር። እግዚአብሔር (ያህዌ) ሙሴንና አሮንን እንዲህ አላቸው፡- “ፈርዖን፣ ‘ተአምር አሳዩኝ’ ባላችሁ ጊዜ፣ አሮንን እንዲህ በለው፤ ‘በትርህን ውሰድና በፈርዖን ፊት ጣላት፤’ ከዚያም እባብ ትሆናለች” (7:8)። ሆኖም አሮን ይህንን ሲያደርግ፣ የፈርዖን አስማተኞች ተመሳሳይ ነገር አደረጉ (ቁ. 11)። እግዚአብሔር የአሮን እባብ የአስማተኞቹን እባቦች እንዲውጥ በማድረግ መልስ ሰጠ። ይህ የመክፈቻ ግጥሚያ በግብፃውያን አማልክትና የዕብራውያን አምላክ መካከል ያለ ውድድር እንደነበር ግልጽ ያደርጋል። የግብፅ አስማተኞች የእግዚአብሔርን ከተፈጥሮ በላይ የሆነ ኃይል መኮረጅ ችለው ነበር፤ ይህም ሰዎች እውነተኛው አምላክ ማን እንደሆነ ለራሳቸው እንዲወስኑ አስገድዷቸዋል። ይህ ደግሞ ፈርዖን ልቡን ለሙሴ ትእዛዝ ለምን እንዳደነደነ ያብራራል።

የእባቦች ውጊያ መጀመሪያ ብቻ ነበር። ተከታዮቹ መቅሰፍቶች የግብፅን መላውን የአማልክት ስርዓት የሚያፈርስ ስልታዊ ሂደት ነበሩ። ምንም እንኳን ብዙ ጊዜ መቅሰፍቶች ተብለው ቢጠቀሱም፣ የዕብራይስጥ ጽሑፍ ግን ምልክቶችና ድንቆች (ቁ. 3) በማለት ይጠቅሳቸዋል። ይህም የሚያጎላው ከመቅሰፍቶቹ ጀርባ ከተፈጥሮ በላይ የሆነ ኃይል ስለነበረ ነው። እነሱም ቀላል የተፈጥሮ አደጋዎች አልነበሩም።
ትረካው በጥንቃቄ የተደራጀ ነው። የመጀመሪያዎቹ ዘጠኝ መቅሰፍቶች በሦስት ቡድኖች ተከፋፍለው የተጠቀሱ ሲሆን አሥረኛው መቅሰፍት ግን ከሌሎቹ ይለያሉ። እያንዳንዱ ቡድን የሚጀምረው ሙሴ በማለዳ ፈርዖንን በመገናኘትና የማስጠንቀቂያ መልእክት በማድረስ ነው (7:15፤ 8:20፤ 9:13)፤ ከዚያም በእያንዳንዱ ቡድን ውስጥ ሦስተኛው መቅሰፍት የሚከሰተው ምንም ማስጠንቀቂያ ሳይሰጥ ነው።

ማስታወሻ:

ከዘፀአት ምዕራፍ 7 እስከ 10 የወደዳቹትን ጥቅስ አሰላስሉ። ለማስታወስ እንዲረዳህ/ሽ ደጋግመህ/ሽ ጥቅሱን ጻፈው/ጻፊው።
እባብ ትወዳላችሁ? ለምን ይመስላችኋል አብዛኛው ሰው እባብ ሚጠላው?

ከተፈጥሮ በላይ የሆነ ሰይጣናዊ ሲሰራ ተመልክታችሁ ታቃላችሁ? ምን አይነት ተሞክሮ አላችሁ?

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መተርጎም

ፍልሚያው ጀመረ

መቅሰፍቶቹ በግብፃውያን አማልክት ላይ የተሰነዘሩ አስገራሚና የተቀናጁ ጥቃቶች ነበሩ። የግብፅ የኢኮኖሚ ኃይል የመጣው ከአባይ ወንዝ ስለነበር፣ እግዚአብሔር ማሳያውን እዚያ ላይ ወንዙንም ወደ ደም በመለወጥ ጀመረ። ሆኖም የፈርዖን አስማተኞች ይህንን ተአምር መኮረጅ ችለው ነበር፣ እና እንደገና የፈርዖን ልብ ደነደነ። ከሰባት ቀናት በኋላ ቀጣዩ ምልክት ተከሰተ፤ ምድሪቱም በእንቁራሪቶች ተሸፈነች። ዳግመኛም የግብፅ አስማተኞች ተመሳሳይ ምልክት አደረጉ (ዘጸ. 8:7)። ፈርዖን በብዛት በበዙት እንቁራሪቶች ተቸገረና ሙሴን እንዲያስወግዳቸው ጠየቀ። ሙሴ ተስማማ፤ ነገር ግን መቅሰፍቱን የመለሰው የእግዚአብሔር ኃይል መሆኑን እንዲያውቅ ፈርዖን ጊዜውን እንዲወስን አደረገ (ቁ. 9, 10)። ሆኖም እንቁራሪቶች ሲጠፉ፣ ፈርዖን እንደገና ልቡን አደነደነ። ሦስተኛው ተናካሽ ትንኝ መቅሰፍት ያለ ማስጠንቀቂያ በምድሪቱ ላይ ወደቀ፤ እና በዚህ ጊዜ የፈርዖን አስማተኞች መቅሰፍቱን መድገም አልቻሉም። በዚህ ምክንያት የፈርዖን ምላሽ የተለየ እንዲሆን እንጠብቅ ይሆናል። አስማተኞቹ “የእግዚአብሔር ጣት” እንደሆነ (ቁ. 19) ተናዘዙ፤ ነገር ግን የፈርዖን እግዚአብሔርን የመቃወም ልምዱ ከጊዜ ወደ ጊዜ እየጠነከረ ሄደ። ፈርዖን እየጨመረ ግትር እየሆነ መጣ።

እግዚአብሔር አራተኛውን መቅሰፍት ላከ፤ በዚህ ጊዜ የዝንቦች መንጋ ነበር። በፈርዖን አማልክት ላይ ያለውን የበላይነት ለማሳየት እስራኤላውያን ከሚኖሩበትን የጌሤም ምድር ውጪ በዝንብ ተሞላ። ቀጣዮቹ መቅሰፍቶች በፈጣን ተከታታይነት መጡ፤ ፈርዖንም በየመቅሰፍቱ ቃሉን ማጠፍ ቀጠለ። የፈርዖን ልብ በእያንዳንዱ መቅሰፍት እየጨመረ ተቃዋሚ ሆነ።

እግዚአብሔር የፈርዖንን ግትርነት እየተጠቀመበት የነበረው እስራኤላውያን ኃይሉን ይበልጥ ግልጽ አድርገው እንዲያዩ ለመርዳት ነበር። ሙሴና አሮን የሰባተኛው የአንበጣ መቅሰፍት እንደሚመጣ ለፈርዖን ሲያስጠነቅቁ፣ የፈርዖን አገልጋዮች የሙሴን ጥያቄ እንዲያከብር አሳሰቡት። እነሱ የሙሴን ቃላት ማመን ጀምረው ነበር። በዚህ ጫና ምክንያት፣ ፈርዖን ሴቶችና ሕፃናት እዚያው እንዲቆዩ በማድረግ ወንዶቹ ብቻ እንዲሄዱ ተስማማ። ሙሴ ሁሉም ሕዝቦች እንዲሄዱ አጥብቆ ጠየቀ፤ ፈርዖን ግን ፈቃደኛ አልሆነም፤ የአንበጣ መቅሰፍትም ጀመረ። እንደገና፣ ፈርዖን በአንበጣዎቹ በደረሰው ውድመት ምክንያት ኃጢአቱን ለሙሴ ተናዘዘ፣ ሙሴም እግዚአብሔር መቅሰፍቱን እንዲያቆም ጠየቀ። ዳግመኛም የፈርዖን ልብ ደነደነና ሕዝቡን ለመልቀቅ ፈቃደኛ አልሆነም። ከዚያም የመጨረሻው ያልተነገረ ዘጠነኛው መቅሰፍት ወደቀ፤ የጨለማ መቅሰፍት ወረደ ይህም ምድሪቱን ለሦስት ቀናት በጨለማ ሸፈናት። በዚህ ጊዜ ፈርዖን ይበልጡኑ ተሸነፈና ሁሉንም እንስሳት እዚያው እስከተው ድረስ ሁሉም ሰዎች እንዲሄዱ ፈቀደ። ሙሴ ግን በዚህም አልተስማማም፤ እንስሳቱ እግዚአብሔርን ሲያመልኩ ለመስዋዕትነት እንደሚያስፈልጉ ገለጸ። በዚያን ጊዜ፣ ለመጨረሻ ጊዜ፣ የፈርዖን ልብ ደነደነና ሙሴን ከፊቱ አባረረው፤ ከእንግዲህ ወዲያ ፊቱን እንደማያይ አስታወቀ።

ማስታወሻ:
የጻፍከውን እና ምልክት ያደረግክበትን ጽሑፍ ተመልከት/ች እና ምልክቶችህ/ሽ በአጠቃላይ ምን ልዩ ግንዛቤዎችን የሚያመለክቱ ይመስልሃል/ሻል?

ይህን ምንባብ ካጠናህ በኋላ ምን አይነት ጥያቄዎች ወደ ውስጥህ መጡ? የትኞቹ ክፍሎች አስቸጋሪ ናቸው?

ሌሎች ምን ዓይነት መመሪያዎችን እና መደምደሚያዎችን ታገኛለህ/ሽ?

ከእግዚአብሔር በተቃራኒው ታግላችሁ ታውቃላችሁን? እንዴት ግጭት መፍትሔ አገኘ?

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መረዳት

ሙሉ እምነት በግብፅ ምድር

በግብፅ በባርነት በኖሩበት ዘመን ሁሉ እግዚአብሔርን ማምለክ ያልተዉ እስራኤላውያን ነበሩ፡፡ እነዚህ ወገኖች ልጆቻቸው በየቀኑ በሚመለከቱት የኢ-አማንያን ድርጊትና ለሐሰተኛ አማልክት የሚደረግ ስግደት ውስጣቸው ይረበሽ ነበር፡፡ በዚህ የጭንቀት ስሜት ውስጥ ሆነው ጌታ ከግብፃውያን የባርነት ቀንበር ነፃ አውጥቷቸው ከጣዖት አምላኪያን ጫና ነፃ ይወጡ ዘንድ ለመኑ፡፡ ዕብራውያኑ የሚያመልኩት የሰማይና የምድር ፈጣሪ ብቸኛ፣ እውነተኛና ሕያው እግዚአብሔርን መሆኑን እምነታቸውን ሳይሸሽጉ ለግብፃውያን ገልጸውላቸዋል፡፡ ሰማይና ምድር ከተፈጠረበት ጊዜ አንስቶ እስከ ያዕቆብ ዘመን ድረስ ያለውን አምላካዊ ሕልውናና ሥልጣን በማስረጃ እያስደገፉ ደጋግመው ይነግሯቸው ነበር፡፡ አጋጣሚው ግብፃውያኑ ከዕብራውያን አምላክ ጋር እንዲተዋወቁ ዕድል ቢፈጥርም ነገር ግን በባሪያዎቻቸው እምነት ላለመመራት የወሰኑት ግብፃውያን ማበረታቻ በመስጠት ይህ ሳይሳካ ሲቀር ደግሞ በማስፈራሪያና በጭካኔ ሃሳባቸውን ሊያስቀይሩ ሞክረዋል፡፡

የእስራኤል አለቆች በወገኖቻቸው ዘንድ እየተሸረሸረ የነበረው እምነት ተጠብቆ ይቆይ ዘንድ ለአባቶቻቸው የተገባውን ቃል ኪዳንና ዮሴፍ ከመሞቱ በፊት ከግብፅ ነጻ እንደሚወጡ የተናገራቸውን የትንቢት ቃላት ደጋግመው ለመንገር ጥረት ያደርጉ ነበር፡፡ አንዳንዶች ይሰሙና ያምኑ ነበር፡፡ ሌሎች ግን ያሉበትን ሁናቴ በመመልከት የተሰጠውን ተስፋ ለመቀበል አምቢ አሉ፡፡ ግብፃውያኑ በባሪያዎቻቸው መካከል የሚነገረው መረጃ ደርሷቸው በተስፋቸው ላይ በማፌዝ የአምላካቸውን ሥልጣን ካዱ፡፡ እነርሱ ያሉበትን የባርነት ሁኔታ በመጥቀስ አምላካቸው ጻድቅና መሃሪ ከሆነና ከእነርሱ አማልክት የበለጠ ሥልጣን ካለው ለምን ነፃ እንደማያወጣቸው በማፌዝ ይጠይቋቸው ነበር፡፡

ዕብራውያኑ በእምነታቸው ላይ ምንም ዓይነት የተለየ ፈተና፣ ይህ ነው የሚባል መከራ ወይም አበሳ ሳይደርስባቸው ነጻነታቸውን እንደሚያገኙ አድርገው ይጠባበቁ ነበር፡፡ ሆኖም ግን ነጻ ለመውጣት ዝግጁነት ይጎድላቸው ነበር፡፡ በእግዚአብሔር ላይ የነበራቸው እምነት አነስተኛ በመሆኑ እግዚአብሔር ሥራውን ለእነርሱ የሚሠራበት ጊዜ ደርሷል ብሎ እስከሚያምን ድረስ የሚደርስባቸውን መከራ በትዕግስት ለመቋቋም ፈቃደኛ አልነበሩም፡፡ አብዛኞቹ ወደማያውቁት ምድር በመሄድ ከሚያጋጥማቸው አስቸጋሪ ሁኔታ ይልቅ በባርነት ቢቆዩ ደስተኞች ነበሩ፡፡ የአንዳንዶቹ ልማድ ደግሞ ከግብፃውያን ጋር እጅግ ተመሳሳይ ከመሆኑ የተነሳ ግብፅ ውስጥ ቢኖሩ ይመርጡ ነበር፡፡ ስለዚህ ጌታ ሥልጣኑን በፈርዖን ፊት ለመጀመሪያ ጊዜ በገለጸበት ወቅት ነጻ አላወጣቸውም፡፡ የግብፃውያንን ንጉሥ የጭካኔ መንፈስ ለማደንደንና እራሱን ለህዝቡ ለመግለጽ ሲል ሁኔታው ይበልጥ እየጎለበተ እንዲሄድ በማድረግ ሥልጣኑን አሳየ፡፡ የእርሱን ፍትሐዊነት፣ ኀይልና ፍቅር በመመልከት ግብፅን ለቅቀው በመውጣት እራሳቸውን ለአገልግሎቱ ለመስጠት ይመርጣሉ፡፡ አብዛኞቹ እስራኤላውያን ብልሹ አስተሳሰብ ይዘው ከግብፅ ለመውጣት እንቢተኛ ባይሆኑ ኖሮ የሙሴ ሥራ እጅግ በቀለለ ነበር፡፡ (ከኤሌን ዋይት, የኃይማኖት አባቶችና ነቢያት ከተሰኘ አማርኛ ትርጉም መፅሃፍ ከገፅ, 286 የተወሰደ)

ማስታወሻ:
እስራኤላውያን ከባርነት የመዳን የነበረቸውን ተስፋ ለማመን ሲቸገሩ ስትመለከቱ፣ እናንተስ በተመሳሳዩ የእግዚአብሔርን የትኞቹን ተስፋዎች ትጠራጠራላችሁ? ሙሉ በሙሉ እርሱን ለማመን ምን ከባድ አደረገባችሁ?

በቃላችሁ የያዛችሁትን ጥቅስ በድጋሚ ተመልከቱ። ይህንን እንዴት በዚህ ሳምንት ከህይወታችሁ ጋር ታዋህዱታላችሁ?

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መጠየቅ

የዚህ ሳምንት የመታሰቢያ ጥቅስን እና የመጽሐፍ ቅዱስ ጥናትን እንዲሁም ማንኛውንም ግኝቶች፣ ምልከታዎች እና ጥያቄዎች ከሰንበት ትምህርት ክፍልዎ (ወይም ከመጽሐፍ ቅዱስ ጥናት ቡድንዎ) ጋር ያካፍሉ። እነዚህን የውይይት ጥያቄዎች ከቀሪው ቡድን ጋር ተመልከቷቸው።

እግዚአብሔር እንደ ሙሴ የልጅ ግርዛት መዘንጋት በመሳሰሉ ሰዎች ቀላል አድርገው በሚመለከቷቸው ጉዳዮች እንዴት ይመለከታቸዋል? (ዘጸ. 4:24–26)
ሙሴ በዓለም ላይ እጅግ ኃያል የሆነውን ሰው ለመጋፈጥ ምን ያህል ድፍረት አስፈልጎት ነበር?

እግዚአብሔር ሙሴ ለሦስት ቀን መንገድ ወደ ምድረ በዳ እንዲሄዱ ብቻ ለምን እንዲጠይቅ አደረገው?

ሙሴ ፈርዖንን እንዲጋፈጥ የእግዚአብሔርን ትእዛዝ ከታዘዘ በኋላ ነገሮች ለእስራኤላውያን ይበልጥ እንዲከብዱ እግዚአብሔር ለምን ፈቀደ ብለው ያስባሉ?

በሕይወት ውስጥ የእግዚአብሔር መገኘት አጠያያቂ በሚሆንበት ጊዜ፣ አሁንም ለማመን ጥንካሬ የሰጠው ምንድን ነው?

ዘጸአት 6:2–9ን ያንብቡ። እግዚአብሔር ለሕዝቡ ስቃይ እንዴት ምላሽ ይሰጣል? ምን ተስፋዎችን ይሰጣል?

ለዳግም ምጽአት ለሚጠባበቁ ሰዎች፣ እግዚአብሔር እስራኤልን ለማዳን ከገባው ጥንታዊ ቃል ኪዳን ምን ትምህርቶች ልንማር እንችላለን? ታሪክ እንዴት ይደገማል?

መከራዎች እግዚአብሔር በሕይወታችን ውስጥ ሊያደርገው ለሚፈልገው ነገር በማዘጋጀት ረገድ ምን ሚና ይጫወታሉ?

አሁን ምን ፈተናዎች እየተከሰቱ ነው? እግዚአብሔር ለምን እያዘጋጀን ሊሆን ይችላል?

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

ትምህርት አምስት

መቅሰፍት በሁሉም ቦታ

ዘጸአት 7–10

ጠሊቅ

۴ اردیبهشت ۱۴۰۵، ۱۴:۳۸

መመርመር

የሚከተሉት ጥቅሶች እግዚአብሔር ሕዝቡን ከግብፅ አውጥቶ ወደ ተስፋይቱ ምድር የመምራቱ ጠቀሜታ እንዴት እንደሚያብራሩ?

ለአብርሃምና ለዘሮቹ የተሰጠው ተስፋ፦
ዘፍጥረት 15:1–16
ዘፍጥረት 17:1–14
ዘፍጥረት 26:2–5
ዘፍጥረት 28:13–15

ተስፋውን ለመቀበል አስቸጋሪ ሁኔታዎች፦
ዘፍጥረት 34:30
ዘኍልቍ 14:1–12

ከዘጸአት 5 እና 6 ጋር ተያይዘው ወደ አእምሮ የሚመጡ ሌሎች ጥቅሶች/ተስፋዎች የትኞቹ ናቸው?

ማስታወሻ:
የዚህ ሳምንት የመታሰቢያ ጥቅሳችሁን ከ ዘፀአት ምዕራፍ 5 እና 6 ተመልከቱ።

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መጋበዝ

ለምን ተውኸኝ?

በዘጸአት 5:22-23 ላይ ሙሴ፡- "አቤቱ ጌታ (አዶናይ) ሆይ፤ በዚህ ሕዝብ ላይ መከራ ያመጣኸው ለምንድን ነው? የላክኸኝ ለዚሁ ነው? በአንተ ስም እናገር ዘንድ ወደ ፈርዖን ከሄድሁበት ጊዜ ጀምሮ፣ እርሱ በዚህ ሕዝብ ላይ አበሳ አምጥቷል፤ አንተም ሕዝብህን ከቶ አልታደግኸውም" ብሎ አለቀሰ። በመከራውና በተልእኮው ውድቀት ተስፋ በመቁረጥ እግዚአብሔር መኖሩን ጥያቄ አቀረበ።
በኢየሱስ ሕይወት ውስጥ ተመሳሳይ ተሞክሮዎችን እናገኛለን። "በድካማችን የማይራራልን ሊቀ ካህናት የለንምና፤ ነገር ግን እንደ እኛ በማንኛውም ነገር የተፈተነ ሊቀ ካህናት አለን፤ ይሁን እንጂ ምንም ኀጢአት አልሠራም።" (ዕብ. 4:15)። በኢየሱስ ሕይወት ውስጥ፣ አብ እጅግ ቅርብ መሆን የነበረበት በሚመስልበት ወሳኝ ጊዜያት አብ እጅግ በጣም ሩቅ ይመስል ነበር።

ኢየሱስ በምድረ በዳ ያሳለፈው ጊዜ አንዱ ምሳሌ ነው። የማቴዎስ ወንጌል ኢየሱስ በአገልግሎት ጅማሬ ላይ በዮሐንስ መጠመቁን ይገልጻል። በዚያ ሰአት አብ ከሰማይ ተናገረ፣ መንፈስ ቅዱስም እንደ ርግብ በእርሱ ላይ ወረደ። ይህንን መንፈሳዊ ተሞክሮ ጣሪያ ብለን ልንጠራው እንችላለን። ከዚያም ያው መንፈስ ቅዱስ በቀጥታ ወደ ምድረ በዳ መራው፣ በዚያም በዲያብሎስ ለአስቸጋሪ ፈተናዎች ተጋለጠ። ለአርባ ቀናት ያለ ምግብ ሰውነቱ በሙሉ በሙሉ ከደከመ ብኃላ ዲያብሎስ ተገለሰ። እራሱ ሰይጣን ኢየሱስን ለማንገላታት መጣ። ኢየሱስ በዚያን ሰአት ከአባቱ ጋር ያለውን ግንኙነትና እምነት በጊዜው እያጋጠመው ባለው ነገር (ድካም እና ረሀብ ስሜት) ላይ ብቻ መሠረት ቢያደርግ ኖሮ አስቡት!
በኋላ ላይ የኢየሱስ ተልዕኮ ወደ ኢየሩሳሌም እና ወደ ሮማውያን መስቀል ሲመራው፣ አብ አባቱ ለእርሱ ያለውን ፍቅር በተመለከተ በቀላሉ ተስፋ መቁረጥና በጥርጣሬ ሐሳቦች መሸነፍ በሚቻልበት ሁኔታ ውስጥ ሲገባ እንመለከታለን። በጌቴሴማኒ ደቀ መዛሙርቱን፡- “ነፍሴ እስከ ሞት ድረስ እጅግ ዐዝናለች" (ማቴ. 26:38) ብሎ ተናገረ። ምርጥ ወዳጆቹም ሊያበረታቱትና ሊደግፉት ሲገባ፣ ትተውት ሄዱ።

በመስቀል ላይ ሳለ፣ ኢየሱስ ወደ ትልቁ ፈተና አመራ። ያደረገው ነገር ሁሉ ከንቱ መስሎ ታየ። በጣም ከሚያከብራቸው ደቀ መዛሙርቱ አንዱ ከዳው፣ ከቅርብ ደቀ መዛሙርቱ አንዱ ካደው እናም የተቀሩትም ሁሉ ትተዉት ሸሹ። በመስቀል ላይ ሳለ ሁሉም ሰዎች ሁሉም ነገር እንደ ከሸፈ እና መሲሕ፣ "በእግዚአብሔር እንደተመታ" (ኢሳ. 53:4) አድርገው ተመለከቱት። በመጨረሻም ኢየሱስ፡- "አምላኬ፣ አምላኬ፣ ለምን ተውከኝ?" (ማቴ. 27:46) ብሎ ጮኸ። ከመተው ስሜት የከፋ ነገር የለም። መቅጣት አንድ ነገር ነው፤ መተው ደግሞ ሌላ ነገር። ሁሉም ነገር ኢየሱስ ብቻውን እንደሆነ የሚነግረው ይመስል ነበር። ማንም አልነበረውም። ሆኖም አባቱ እዚያ ነበር፣ በጨለማ ውስጥ ተደብቆ።

እነዚህ ኢየሱስን ያጋጠሙት ነገሮች እኛም ዛሬ አስቸጋሪ የሕይወት ሁኔታዎች ሲገጥሙን ከምናያቸው ነገሮች በላይ በዙሪያችን እንዳለ ማመን ያስፈልገናል። እግዚአብሔር በጨለማ ጊዜያችንም ቢሆን እንዳለ መተማመን እንችላለን (መዝ. 18:11)። በእኛ ላይ ከሚነሱብን ይልቅ ከእኛ ጋር የሚቆሙ እጅግ እንደሚበዙ እንመለከታለን (2 ነገሥት 6:16)። ከአምላካችን ጋር ያለንን ግንኙነት በሕይወታችን ውስጥ አሁን እያጋጠመን ባለው ነገር ላይ ተመስርተን መፍረድ የለብንም።

ማስታወሻ:
ዘፀአት ምዕራፍ 5 እና 6 በድጋሚ አሰላስሉና በጥቅሱ ውስጥ ክርስቶስን ፈልጉት።

በምን አይነት የተለየ ምልከታ ወይም በድጋሚ ክርስቶስን በዚህ ሳምንት ጥናታችሁ አያችሁት?

“አባቴ ሆይ፥ ለምን ተውከኝ?” ብሎ በጮኸ ጊዜ ኢየሱስን ምን እያጋጠመው የነበር ይመስላችኋል?

የወጣቶች ጠሊቅ የሰንበት ትምህርት ጥናት ለማግኘት

ጠሊቅ

۴ اردیبهشت ۱۴۰۵، ۱۴:۳۸

መተርጎም

ነገሮች ይባባሳሉ

ለእግዚአብሔር መሥዋዕት ለማቅረብ ለሦስት ቀን ወደ ምድረ በዳ የመሄድ ጥያቄ ምክንያታዊ ነበር፣ ሆኖም ፈርዖን ለዚህ ቀላል ጥያቄም ቢሆን ግትር ባሕርዩን አሳየ። እስራኤላውያኑ አምላካቸውን እንዲያመልኩ ወይም ከሥራቸው እረፍት እንዲያገኙ ለመፍቀድ ምንም ፍላጎት አልነበረውም። ፈርዖን በቁጣ “እናንተ ልግመኞች! ልግመኞች (ናችሁ)!” በማለት ጮኸ (ዘጸ. 5:17)። ከዚያም ለእስራኤላውያን ሁኔታው የባሰ እየከፋ ሄደ። ፈርዖን የሥራ አዛዦችን ለባሪያዎቹ ጭድ መስጠቱን እንዲያቆሙ አዘዘ፤ ነገር ግን የቀድሞውን ያህል ምርት እንዲያስገቡ አሁንም ጠየቀ። ሥራቸው ይበልጥ ከባድና አድካሚ ሆነ። የሥራ አዛዦቻቸው ከመቼውም ጊዜ በላይ ጨካኞች ሆኑ። እግዚአብሔር ነፃነትን ቃል ሲገባላቸው፣ ሕይወታቸው ይበልጥ የከፋ የሚሄድ መሰለ።
የእስራኤል ባለሥልጣናት ወደ ሙሴና አሮን ሄደው ተስፋ መቁረጣቸውን ገለጹ፡- “እግዚአብሔር ይይባችሁ ይፍረድባችሁ” ሲሉ ተናገሩ(ቁ. 21)። የፈርዖን አስከፊና ጨካኝ ምላሽ የአይሁድ መሪዎች እግዚአብሔር በሙሴ አማካኝነት እየሰራ አይደለም ብለው እንዲያምኑ አደረጋቸው። ሁኔታቸውን እየከፋ በመሄዱ ሙሴን ወቀሱት። ቁጣው ስለተቀሰቀሰ ፈርዖን እንዳይገድላቸው ፈሩ። በዚህ ወቅት እስራኤላውያን ሙሴን አያከብሩትም ነበር እና አቅጣጫዎቹን ለመከተል አላሰቡም ነበር (6:12)።

የእግዚአብሔር ሰዎች መከራ ሲገጥማቸው የተሳሳቱ ድምዳሜዎች ላይ ይደርሳሉ። በሕይወታችን ውስጥ ያሉ ክስተቶችን በተለይም መጥፎ ክስተቶችን መቆጣጠር ሳንችል ስንቀር ወደ ታላቅ ኃይል ወዳለው ፊታችንን እናዞራለን። በመቀጠልም ነገሮች እየከፉ ከሄዱ ብዙውን ጊዜ መደምደሚያችን አምላካችን ደካማና ሊረዳን የማይችል መሆኑ ነው። ምንም ቢሆን የእግዚአብሔር ሰዎች ሕይወታቸው ምን ያህል ጥሩ እንደሆነ በመመልከት ብቻ እግዚአብሔርን መለካት የለባቸውም። እንደ እውነቱ ከሆነ በዚህ ታሪክ የሚታየው ተቃራኒው እውነት ነው። በታሪኩ መመልከት እንደምትችሉት ነገሮች ለእናንተ መጥፎ እየሆኑ በመጡ ቁጥር፤ እግዚአብሔር ወደ እናንተ እየቀረበ እና ለእናንተ መዳን እየሰራ መሆኑን የሚያሳይ ምልክት ሊሆን ይችላል። ሰይጣን ሁልጊዜ የእግዚአብሔርን ሕዝብ ለማበሳጨትና ተስፋ ለማስቆረጥ የሚፈልግ ሥራ የበዛበት ጠላት ነው። ነገሮች ከመሻሻላቸው በፊት ብዙውን ጊዜ ይባባሳሉ።

ከሠላማዊ ሕይወታችን ክልል ውስጥ ሆነን፣ ወደ እስራኤላውያን ትግል ስንመለከት በእምነታቸው ደካሞች እንደሆኑ መቁጠር ቀላል ነው።እስራኤላውያኑ ብዙ የእምነት እንዲሁም የመታገስ ትምህርት መማር ነበረባቸው። እኛም ዛሬ በሕይወታችን እግዚአብሔርን ስንከተል ተቃውሞና መሰናክሎች እንደሚደርሱብን መጠበቅ አለብን። የእርግዝና በጣም አስቸጋሪው ጊዜ ውልደት ከመድረሱ በፊት ያለው የምጥ ጊዜ ነው። እናት ህመሙ ሲጨምር የጓጓችውን ልጅ ልታቅፍ እየቀረበች መሆኑ ሊሰማት ይችላል። ልበ ሙሉ ሁኑ፤ መከራ የእግዚአብሔር አለመኖር ሳይሆን መኖር የሚያሳይ ምልክት ሊሆን ይችላል።


ማስታወሻ:
የጻፍከውን እና ምልክት ያደረግክበትን ጽሑፍ ተመልከት/ች እና ምልክቶችህ/ሽ በአጠቃላይ ምን ልዩ ግንዛቤዎችን የሚያመለክቱ ይመስልሃል/ሻል?
ይህን ምንባብ ካጠናህ በኋላ ምን አይነት ጥያቄዎች ወደ ውስጥህ መጡ? የትኞቹ ክፍሎች አስቸጋሪ ናቸው?
ሌሎች ምን ዓይነት መመሪያዎች እና መደምደሚያዎች ታገኛለህ/ሽ?

እግዚአብሔር ያዘዘውን ሲያደርጉና ነገሮች በሕይወት ውስጥ ይበልጥ ሲከፉ ምን ስሜት ይፈጠራል?

እግዚአብሔር በሕይወት ውስጥ መኖሩን ነገሮች ምን ያህል በጥሩ ሁኔታ እየሄዱ እንደሆነ በመለካት ያለውን ፈተና እንዴት መዋጋት ይቻላል?

የወጣቶች ጠሊቅ የሰንበት ትምህርት ጥናት ለማግኘት

Showing 10 of 10 posts

No more posts