Todavía no hay reseñas. ¡Sea el primero en compartir su experiencia!
Últimas publicaciones
Dr.Suzan El-Shaf3y...د.سوزان الشافعي
11 may 2026, 15:38
🎥 Video
لو ابنك قالك مليش مزاج اروح المدرسة النهاردة هتعملي إيه؟
1,770
0
0
Dr.Suzan El-Shaf3y...د.سوزان الشافعي
11 may 2026, 15:38
"مش راضي يصلِّي!!"
-----------------------------
بالنِّسبة للصَّلاة للأولاد الصغيرين🧒🏻👧🏻
في ناس بتقول الصَّلاة دي هداية من عند ربنا.
أنا قلت لابني يقوم يصلِّي و هوَّ مش بيصلِّي، خلاص هوَّ حر هعملُّه إيه🤷🏻♀️
علي رأي واحدة ربنا يرحمها كانت بتقولي النَّاس دي مش كويسة❌
عارفين ليه؟🧐
أصل لو ابنها صحي في يوم، وقال لها مش عاوز أروح المدرسة..هتعمل فيه إيه؟🙄
أو أم تقول مش قادرة أخلِّي بنتي تتحجب..عشان ماقدرش أفرض عليها🧕🏻
يبقي كده لو بنتك صحيت في يوم وقالت مش عاوزة أروح المدرسة أو الجامعة🏫 تقوليلها خلاص خليكِ في البيت و ماتنزليش🤔
هل الأمهات فعلا بيعملوا كده😬؟
لأ.
طيب هل إحنا هنقدر نعمل كده ونشجع ولادنا علي الصَّلاة؟👍🏻.
لأ برده، إلَّا لو إيماننا حديد💪🏻.
وربنا يسامحنا جميعًا🤲🏻
الصَّلاة دي مافيش فيها هزار⛔
وبعدين في خمسين طريقة تخلِّي ابنك ده يصلِّي🧎🏻
هيَّ مسألة تعود🔄
بيصعب عليَّا جدًا حد كبير ومش بيصلِّي😔
دكتورة_سوزان_علمتني
1,790
0
Dr.Suzan El-Shaf3y...د.سوزان الشافعي
11 may 2026, 15:38
📷 Photo
2,000
0
0
Dr.Suzan El-Shaf3y...د.سوزان الشافعي
11 may 2026, 15:38
🎥 Video
الشخصية دي موجودة في حياة كل واحد فينا
2,070
0
0
Dr.Suzan El-Shaf3y...د.سوزان الشافعي
11 may 2026, 15:38
💢 "الضَّرب ممنوع "،،،
--------------------------
💥 للأمهات اللي بتضرب ابنها، وتهزؤه وتفضحه أُدام النَّاس إذا عمل حاجة غلط 😠
🚨 لازم تعرفي إن الضَّرب عمره ما كان علاج، الحاجة الوحيدة اللي هيعملها الضرب إنُّه هيطلعه⬅️
"إنسان جبان" ..
▪️ أيوه زمان كان الأهالي بيضربوا وكلام من ده، لكن احنا دلوقتي فاهمين ديننا أكتر، و الدِّين داخل في كل حاجة...
🔖واحدة متخانقة مع زوجها بتحكيلي إنَّها بتضرب بنتها بوحشية؛ بحجة إنَّها مش عايزاها تعمل الغلط اللي زوجها بيعمله( بتطلع غيظها في البنت) 🙄
قلتلها :-"إنتِ أم مجنونة"،🥴
#️⃣ ماينفعش تسخري من ابنك، أو تطلعيه ما بيفهمش حاجة ومش متربي، أو هو اللي فاشل في أصحابه أُدام النَّاس 🫣 ولا حتَّى أُدام إخواته ولا أُدام أقرب النَّاس من العيلة ..
▪️دي تربية في منتهى السُّوء بنشوفها دلوقتي 🙄
#️⃣عايزة تفهِّميهه وتنصحيه، يبقى بينك وبينه.. النَّصيحة في العلن فضيحة ،،،
💥 جاتلي مرة بنت بتعيَّط، أخوها في الإعدادية.. بتقول:ـ
" ماما قعدت تشتم فيه، وراحت رافعة إيديها و ضربته بالألم ✋، راح هو رد عليها وضربها هو كمان 🫣"..
ـ قولتلها :- " عنده حق 😡"
#️⃣ الولد أو البنت ال ١٤ ، ١٥ سنة ده ما ينضربش، ولا زي ما بنشوف في الأفلام اللي يقول لابنه :-
"امشِ اطلع بره البيت ".!!!
🔖 اللي هيطلع بره ده مش هيرجع، ولو رجع هتبقى نفسيته انتهت 😔 ..
🔸مش بيقولك:- «لاعبه سبعًا، وأدبه سبعًا، وصاحبه سبعًا»..
و حتى لو كان الضرب بغرض التَّعلم ، فهو له حدود فى ديننا...
#دكتورة_سوزان_علمتني
2,030
Dr.Suzan El-Shaf3y...د.سوزان الشافعي
11 may 2026, 15:38
💢 "بيقولوا ما ينفعش"،،،
------------------------------
🚨 لو حد سألك :
" هو ينفع أهنِّي غير المسلمين (أقول لهم كل سنة وأنتم طيبين)" ؟؟ هتردِّي تقولي إيه ؟؟🤔
ـ إذا قولتيلها :
"أيوه ينفع" ..
▪️ هتقولك :
" ازاي ده الشِّيخ الفلاني قال ما ينفعش"..
ساعتها هتقولي إيه ؟ هيَّ ما قالتش حاجة غلط ..
🔖 (خليكِ ناصحة، لازم تفهمي إن هيَّ أدام بتسأل يبقى سمعت إن في رأي تاني)..
🔖 في وقت الفتن اللي احنا فيه ده لازم تتعلِّمي تردِّي تقولي إيه؟ وإمتى تردِّي وإمتى تسكتي ،،
✴️ معاملة أهل الكتاب
"مسألة خلافية"
والاختلاف في ٣ حاجات :ـ
[ تهنئتهم ـ عيادتهم( زيارة مريضهم) ـ تعزيتهم ]
🔸في رأي بيقول :
"يجوز "، و رأي تاني بيقول لا يجوز "..
لكن حتَّى الرَّأي اللي بيقول لا يجوز تهنئتهم بيقول إلَّا إذا كان بينك و بينهم علاقة ( عمل ، جيرة، ....)
📍لو إنتِ قاعدة في جمع و كلهم بيقولوا "لا يجوز " ما تخالفيش إنتِ ( درءًا للفتن)..
ـ هل هم بيقولوا حاجة غلط ؟..لأ ..لإن في رأي بيقول كده..
📍لكن لو في واحدة جاءت تسألك ينفع تقولهم كل سنة وإنتم طيبين ولَّا لأ، تقوليلها :
" دي مسألة خلافية " يعني في رأيين و الاثنين "صح"، واحنا علينا ناخد "بالأحوط"، و ممنوع أي رأي يغلَّط الرَّأي الآخر "
▪️هتقولك :
" يبقى الأحوط إنِّى ما أقولش "
ـ" لأ، الأحوط هنا إنِّك تعملي زي ما النَّاس اللي حوليكِ بيعملوا ( درءّا للخلاف )"..
🔸احنا في مصر متداخلين جدًا مع بعض في كل نواحي الحياة و متربيين مع بعض ، فالأحوط إنِّنا ناخد بالرَّأي اللي بيقول " يجوز تهنئتهم "، درءًا للعداء و الخلافات ، احنا في وطن واحد...
#دكتورة_سوزان_علمتني
2,420
Dr.Suzan El-Shaf3y...د.سوزان الشافعي
11 may 2026, 15:38
🎥 Video
خناقة كل سنة على شم النسيم
2,250
0
0
Dr.Suzan El-Shaf3y...د.سوزان الشافعي
11 may 2026, 15:38
💢 "شم النِّسيم"،،،
----------------------
💥 ما حُكم الاحتفال بشم النِّسيم؟
ـ لمَّا أقولك "حُكم" يبقى الإجابة واحدة من ثلاثة :
يجوز ـ لا يجوز ـ مسألة خلافية .
🔖الاحتفال بشم النِّسيم زي الاحتفال بعيد الأم، عيد الثَّورة، مولد النَّبي.
💥 طيب هل يجوز للمسلمين الاحتفال بأي مناسبة ( غير العيدين ) ؟
📍في رأي يقول ⬅️
لا يجوز للمسلم الاحتفال إلَّا بالعيدين( الفطر والأضحى )
📍رأي آخر يقول ⬅️
يجوز الاحتفال لكن بشرطين :-
١ـ أن يكون سبب الاحتفال يُوافق الشَّريعة ..
🔖 [ يُوافق الشَّريعة يعني لا يُخالف الدِّين، ولا يعني أن يكون رسُول اللَّه -ﷺ- أو أحد السَّلف قد فعله أو لم يفعله ]..
٢ـ أن تكون طريقة الاحتفال تُوافق الشَّريعة .
🔖 على فكرة شم النِّسيم من عادات قدماء المصريين، له علاقة بالنيل والزَّرع والحصاد، وليس له علاقة بأعياد المسيحيين.
💥 يعني لو واحدة قالت:
" لأ، ما ينفعش نحتفل "..
ـ هل قالت حاجة غلط ؟..لأ.
ليه؟ ..لإن في رأي بيقول كده.
💥 ولو واحدة أخدت بالرَّأي التَّاني، و راحت احتفلت، و جابت بيض و رنجة و الحاجات دي ، هيَّ كمان مش غلط..
🔸 الغلط إن أي حد يغلَّط التَّاني..
💥 طيب نعمل إيه؟ نحتفل ولَّا لأ ؟ 🤔
#️⃣ احنا اتعلِّمنا في المسائل الخلافية إنِّنا بناخد بالأحوط..
📍 الأحوط : إنِّك تعملي زي ما بيعمل المجتمع اللي إنتِ فيه" درءًا للخلاف "..
يعني إذا كنتِ في السُّعودية غير ما تكوني في مصر..
في السُّعودية مش هتحتفلي، لكن في مصر بيحتفلوا بشم النِّسيم...
#دكتورة_سوزان_علمتني
2,870
Dr.Suzan El-Shaf3y...د.سوزان الشافعي
11 may 2026, 15:38
📷 Photo
2,410
0
0
Dr.Suzan El-Shaf3y...د.سوزان الشافعي
11 may 2026, 15:38
🎥 Video
لسه لحد دلوقتي فيه حد بيسأل السؤال ده؟
2,300
0
0
Dr.Suzan El-Shaf3y...د.سوزان الشافعي
26 abr 2026, 01:51
🎥 Video
وصية النبي في علاج قسوة القلب
2,360
0
0
Dr.Suzan El-Shaf3y...د.سوزان الشافعي
26 abr 2026, 01:51
💢 "قسوة القلب"،،،
------------------------
ـ مرة واحد راح يشتكي للنَّبي-ﷺ- من"قسوة قلبه"..🩶
🔸 يعني إيه قسوة قلبه؟
ـ يعني مش عاجبه حاجة، و لا عاجبه حاله، و لا عاجبه حد😏، ولا فارق معاه دموع حد، أو إن في حد زعلان منه، مش فارقة معاه خالص (كلنا ساعات بيحصل معانا قسوة القلب دي)..
💥 تفتكروا النَّبي -ﷺ- نصحه يعمل إيه ؟
ـ ياترى قال له صلِّي؟ صوم؟ حج؟ اقرأ قرآن؟؟.. لأ.
✴️ النَّبي-ﷺـ قاله يعمل حاجتين :
"أطعم مسكينًا، وامسح على رأس يتيم"..
🔸 فإنتِ لمَّا تجيلك حالة قسوة القلب دي (تلاقي نفسك غولة ماشية في وسط النَّاس👺) أطعمي مسكينًا، وامسحي على رأس يتيم ..
🔸 مافيش واحدة ما عندهاش أيتام في عيلتها، أو جارة تُوفِّيَ زوجها و سابلها أولاد صغيرين..
🚨 تعملي إيه مع اليتيم لمَّا تقابليه؟ لو حتَّى زيارة لكم مع أهله ؟.. ⬅️ تكرميه..
ـ يعني هتسلِّمي على الكل بالإيد، لكن هو تطبطبي عليه، و تمسحي على رأسه، و تقعديه على رجلك، و تاخدي وتدي معاه في الكلام :
" إيه الشياكة دي كلها، البلوفر بتاعك ده جميل أوي، يلَّا قوللي بقى إنتَ في مدرسة إيه وسنة كام.....؟"
ـ لو هتقدمي شيكولاتة هو تديله بزيادة و تميزيه ..
ـ لو رايحة تزوريهم مع ماما خديله حاجات مخصوصة له تفرحيه بيها (حاجات حلوة، لعبة، أدوات مدرسية )..
✴️ اعملي زي ما وصانا النَّبي -ﷺ- بنيِّة إن ربنا يشيل منِّنا قسوة القلب ...
#دكتورة_سوزان_علمتني
2,840
0
Dr.Suzan El-Shaf3y...د.سوزان الشافعي
26 abr 2026, 01:51
💢 "كذبة إبريل"،،،
----------------------
💥 هو الكذب فيه كذبة بيضاء و كذبة سوداء ؟!!!
🔖 مافيش حاجة اسمها كذبة بيضاء وكذبة سوداء، الكذب كذب.
🔰 سُئل رسُول اللَّه ﷺ :
"أَيزنِي المُؤمنُ؟ قَال: بَلى، قَالُوا : أيَسرقُ المُؤمنُ؟ قَال : بَلى، قَالُوا : أيشرَبُ الخَمرَ المُؤمنُ؟ قَالَ: بَلى، قَالُوا: أيكذِبُ المُؤمنُ؟ قَالَ : لَا، وذكر الآية:
"إِنَّمَا يَفْتَرِي ٱلْكَذِبَ ٱلَّذِينَ لَا يُؤْمِنُونَ بِـَٔايَٰتِ ٱللَّهِ ۖ وَأُوْلَٰٓئِكَ هُمُ ٱلْكَٰذِبُونَ".
🔥بس أنا ساعات ببقى مُضطرَّة، مش عايزة أقول الحقيقة، أعمل إيه ساعتها؟
📌لو حد سألك عن حاجة وأنتِ مش عايزة تقوليها، عندك حل من اثنين :
ـ إمَّا إنِّك تعرَّضي.
ـ أو تغيَّري الموضوع.
🔰 قال رسُول اللَّه ﷺ : "لَكُم فِي التَّعريض مَندوحَة عَن الكَذب"
(مندوحة=بديل)
💥 يعني إيه تعريض؟
-يعني تقولي كلام تقصدي بيه شيء، واللي بيسمعك يفهم حاجة تانية غير اللي تقصديه..
✴️ و من الأمثلة على الكلام ده :
📍أثناء هجرة الرسُول -ﷺ- كانت قريش عاملة جائزة ١٠٠ ناقة للي يرشدهم أو يجيبلهم رسُول اللَّه ﷺ ...
ـ في الطَّريق قابل سيدنا مُحمد -ﷺ- ومعه سيدنا أبو بكر -رضيَّ اللَّه عنه- رجلًا يعرف سيدنا أبا بكر -رضيَّ اللَّه عنُّه- ولا يعرف سيدنا مُحمدًا ﷺ..
ـ فسأل الرجل سيدنا أبا بكر:
"مَن الرَّجل؟"
(قصده سيدنا مُحمد ﷺ)
فرد سيدنا أبو بكر :
"رجلٌ يهديني الطَّريق"..
🔖 كده الرجل فهم إن سيدنا مُحمد ﷺ دليل (guide) بيرشد سيدنا أبا بكر للطَّريق علشان مايتُهش...
لكن سيدنا أبو بكر يقصد أن سيدنا مُحمدًا -ﷺ- يهديه الطَّريق إلى اللَّه..
📍 الإمام مالك كان بيدِّي دروس في المسجد النَّبوي، وبعد ما بيخلَّص في ناس بيروحوا له البيت يسألوه عن أمور معينة، وفي يوم كان مش قادر يستقبل حد ، فقال للأَمَة بتاعته :
" لو خبطوا على الباب، ارسمي دائرة ⭕️ على الأرض(وكان في الوقت ده الأرض في البيت بتبقى رمل وحصى)، ولمَّا يخبَّطوا ويسألوكِ:
ـ أشَّيخُ بالبيت؟
شاوري جوه الدائرة بصباعك وقوليلهم :
ـ الشَّيخ ليس هنا..
🔖 كده هي قصدها إنُّه مش جوه الدائرة اللي بتشاور عليها، وهمَّ فهموا إنُّه مش في البيت..
📍الرسُول -ﷺ- كانت قاعدة جنبه امرأة من الأنصار وابنها جري منها، وكانت ماسكة تمرة في يدها، وشاورت لابنها بالتمرة وقالت له:
" هَلُمَّ إليَّ أعطيك تمرًا."
فسألها رسُول اللَّه ﷺ: "أستعطينه تمرًا حقًا؟"
فقالت له:
"بلى يا رسُول اللَّه".
فقال لها رسُول اللَّه ﷺ :
" لو لم تكوني ستُعطينه تمرًا، لكُتِبت عليكِ يوم القيامة كذبة".
📍 حلو أوي الإيشارب ده جبتيه بكام ؟
ـ ب (١٠ ) و هو سعره( ٨)🫣🔖 كده إنتِ كذابة ..👎
للأسف فى بعض النَّاس بتستسهل الكذب، بحجة إنُّه مش بيضر حد، الكذب كذب و تؤاخذين عليه.
📍 في دكتورة كانت لمَّا ابنها يرد على التليفون وتكون هيَّ مش عايزة تتكلِّم، كانت تفتح باب الشقة وتقف على الدوَّاسة، فابنها يرد يقول: ماما برة..
🔖مسؤليتك كأم إنِّك تربِّي ولادك على خطورة الكذب وعِظَم الذَّنب..
#دكتورة_سوزان_علمتني
Dr.Suzan El-Shaf3y...د.سوزان الشافعي
26 abr 2026, 01:51
📷 Photo
2,150
0
0
Dr.Suzan El-Shaf3y...د.سوزان الشافعي
26 abr 2026, 01:51
💢 "متخانقة معاهم"،،،
----------------------------
✴️ معاملتك مع رحمك تختلف تمامًا عن معاملتك مع أي حد...
ـ إنتِ لو عندك واحدة تعرفيها من النَّادي أو أي مكان و مش عاجباكِ، هتعملي إيه ؟
ببساطة هتقاطعيها، ومش هتكلِّميها تاني ..
🔸 لكن ما تقدريش تعملي كده مع رحمك، لإن الرَّحم مُعلقة بالعرش .
🔰 عَنْ عَائِشَةَ قَالَتْ: قَالَ رَسُولُ اللهِ -صَلَّى اللهُ عَلَيْهِ وَسَلَّمَ-: الرَّحِمُ مُعَلَّقَةٌ بِالْعَرْشِ تَقُولُ: مَنْ وَصَلَنِي وَصَلَهُ اللَّهُ، وَمَنْ قَطَعَنِي قَطَعَهُ اللَّهُ .
✴️ وصلة الرَّحم لها صور و طرق مختلفة :-
💥" حماتي وأخت زوجي مش رحم، يبقى مش لازم أعاملهم كويس"..😏
▪️إنتِ بتعامليهم كويس طمعًا في رضا زوجك، لإن إذا رضيَّ زوجك عنِّك ربنا يرضى عنِّك 🤍
💥 صلة رحم بالصَّدقة...
عندك رحم فقراء، أكيد صلة الرَّحم معاهم ما تبقاش بإنِّى أتِّصل بيهم بالتِّليفون، أو أروح أزورهم، وآخدلهم معايا ورد! 🙃
▪️ أنتهز أي فرصة (دخلة مدارس، رمضان، عيد...) و أعطيهم اللي يعينهم، لو بتدي عيديات ١٠ جنيه لأولاد أخواتك، أديلهم همَّ ١٠٠ لكل واحد ..
💥 بالدُّعاء...
حد من رحمك صعب التَّواصل معاه، مسافر بعيد، أو ليكِ خال بعيد مقاطعينه، ادعيله..
" ربنا يكرمه و يبارك له في أولاده ..."
بدعائك له تاخدي ثواب صلة الرَّحم .
💥برد الغيبة...
ماما متخانقة مع عمتي، كل ما تيجي سيرتها تتكلِّم عليها وحش، أحاول أنا أرد غيبتها...
" يا ماما حرام عليكِ، دي ست كبيرة ومريضة .."
هيَّ صحيح عمتي غلطت في ماما قبل كده، بس لازم أرد غيبتها لإنَّها رحمي .
💥 بتأليف القلوب...
ماما : " روحتِ عند عمتك ؟ ها قالت إيه؟ لسة لسانها طويل ولَّا اتهدت ؟! " 😏
(هيَّ الحقيقة لسة لسانها طويل، و بهدلت النَّاس اللي قاعدة، لكن إنتِ خليكِ ذكيَّة، تعملي إيه بقى؟
" واللَّه يا ماما لو شوفتيها تصعب عليكِ، المرض هدَّها على الآخر، حتَّى أنا سمعت إنَّها هتعمل عملية، أنا لو منك أروح أزورها مسكينة"..
ـ "أنا أزورها مش ممكن أبدًا"
-"يا ماما ده واجب، وإنتِ طول عمرك صاحبة واجب " 😉🫠
🔸إنتِ كده بتألِّفي القلوب 🤍🤍
ـ لو رفضت واتنرفزت يبقى ما تصريش عليها، و غيري الموضوع، و سيبي الزَّمن يصلح الأحوال .
💥 بكف واحتمال الأذى...
"خالتي لسانها طويل، و غلطت فيَّا، لكن أنا مش هارد عليها، هاحتمل الأذى و أكف أذايا عنها لإنَّها رحمي ..
هى لو مش خالتي كنت رديت عليها، وعرَّفتها ازاي تطوِّل لسانها عليَّا.
🔖 لازم نستميت في صلة أرحامنا، لما لصلة الرَّحم من فضل، و أهمية لرضا ربِّ العالمين.
#دكتورة_سوزان_علمتني
🍭🍬🥳🎉🎊🎈استعدادات ليلة العيد خطوة بخطوة 🍭🍬🥳🎉🎊🎈
🌇 قبل المغرب 🤲📿 كثرة الدعاء في آخر لحظات رمضان :
. بخير الدنيا . العفو و العتق من النار . النظر إلي وجهه الكريم . صحبة النبي ﷺ . الدعاء للإسلام و المسلمين
🤲🤲 . " اللهم لا تجعل هذا آخر عهدنا برمضان و بالليالي العشر وبليلة القدر، وإن جعلته آخر عهدنا بهم فعوضنا عنهم الفردوس الأعلى ، والنظر إلى وجهك الكريم ، وصحبة المصطفى في أعلى عليين " 🤲🤲
🌆 بعد المغرب ← . 💰زكاة الفطر( بالسؤال عن قيمة زكاة الفطر هذا العام : 35 جنيهًا عن الفرد)
🔈 . التكبير المُطلق : هو اتكبيرات العيد والذي يُقال في غير أوقات الصلاة ، و يبدأ فيه من غروب شمس ليلتي العيدين إلى صلاة العيد
🚿 . الغُسل (بنية غُسل العيدين) 🛏️. النوم مبكراً
992
0
Dr.Suzan El-Shaf3y...د.سوزان الشافعي
31 mar 2026, 11:13
🎥 Video
892
0
0
Dr.Suzan El-Shaf3y...د.سوزان الشافعي
31 mar 2026, 11:13
🎥 Video
المعاملة مع الأم مش بالند، مينفعش تغلطيها قدام الناس
1,120
0
0
Dr.Suzan El-Shaf3y...د.سوزان الشافعي
31 mar 2026, 11:13
💢 "أهمُّ لحظات في رمضان"،،،
-------------------------------
✴️ أكثروا من الدُّعاء في آخر لحظات رمضان (يوم الوقفة قبل إفطار آخر يوم) ..
ـ دي آخر لحظات صايمين فيها، يا عالم السَّنة الجاية هيدخل علينا رمضان ولَّا لأ، ولو دخل علينا رمضان هنكون قادرين نصوم ولَّا لأ. (ربنا يعافينا)..
نعمة كبيرة وفضل من اللَّه -سبحانه و تعالى- إنِّنا نَبلُغ رمضان، ونكون من الصائمين، لازم نعرف قيمتها..
🔖 مش لازم تكوني على وضوء، ولا قاعدة على سجادتك، ولا ساترة العورة علشان تدعي، ادعي وإنتِ واقفة بتحضَّري الفطار ..
✴️ ندعي بإيه؟ ادعي بكل اللي إنتِ عايزاه، ادعي بخير الدُّنيا والآخرة، العتق من النَّار، لذة النَّظر إلى وجه اللَّه الكريم، صُحبة الحبيب المُصطفى ﷺ..
✴️ في أوقات تلاقي نفسك عايزة تدعي كتير، و ربنا فاتح عليكِ، لمَّا ربنا يفتح عليكِ بالدُّعاء في"٣" دعوات عايزاهم دايمًا على لسانك:
ـ رضاكَ والجنَّة.
ـ لذة النَّظر إلى وجهك الكريم.
ـ صُحبة النَّبي ﷺ.
🔰 قال رسُول اللَّه-ﷺ-:
﴿إنَّ لِرَبِّكُم فِي أيَامِ دَهرِكُم نَفَحَاتٍ، فتَعَرَّضُوا لهَا لَعَلَ أحَدَكُم أنْ يُصِيبَهُ مِنهَا نَفحَةٌ لَا يَشْقَى بَعدَهَا أبَدًا﴾
💥 اوعي تدعي لنفسك بس ..ادعي لوالديكِ، زوجكِ، ذريتكِ، أخوتكِ، كل من له فضل عليكِ ...
و لا تنسوا الدُّعاء للإسلام، و المسلمين، وتدعو لمصر..
#دكتورة_سوزان_علمتني
