Eleven Sports

Public

¿No puede unirse? @elevensports11

19.1k Miembros

Actualizado: May 13, 2026 at 7:42 PM

Eleven Sports

@elevensports11 is a growing community focused on Esports and related topics

Clasificación

Clasificación global

#456

Clasificación por idioma

#45

Clasificación por categoría

#23

-1

Crecimiento de participantes (Últimos 8 días)

Total: 19.1K

crecimiento de 24 horas: +0 0%

Últimas publicaciones

Eleven Sports

25 may 2026, 15:23

ပရီးမီးယားလိဂ်ချန်ပီယံ အာဆင်နယ်အသင်း ဆုကြေးပေါင်သန်း(၂၀၀)နီးပါးရရှိ

၂၀၂၅-၂၆ ရာသီ ပရီးမီးယားလိဂ်ပြိုင်ပွဲမှာ ချန်ပီယံဆုရရှိခဲ့တဲ့ အာဆင်နယ်အသင်းဟာ ဆုကြေးပေါင်သန်း(၂၀၀)နီးပါး ရရှိမှာဖြစ်ကြောင်း သိရပါတယ်။

ပြီးခဲ့တဲ့ ၂၀၂၄-၂၅ ရာသီတုန်းက ချန်ပီယံဖြစ်ခဲ့တဲ့ လီဗာပူးလ်အသင်းက ဆုကြေးပေါင်(၁၇၄.၉)သန်းသာရရှိခဲ့ပေမဲ့ ဒီရာသီမှာ အာဆင်နယ်အသင်းက ပေါင်(၁၉၈.၇)သန်း ရရှိမှာပါ။

ပရီးမီးယားလိဂ်က ပြည်တွင်း၊ ပြည်ပ ရုပ်သံဝင်ငွေတွေနဲ့ စပွန်ဆာဝင်ငွေတွေအပေါ် မူတည်ပြီး ပြိုင်ပွဲဝင်အသင်းတွေကို ဆုကြေးခွဲဝေပေးခြင်းဖြစ်သလို၊ ချန်ပီယံအသင်းနဲ့ ဒုတိယအသင်းအကြား ကွာခြားမှုနည်းပါးပါတယ်။

ရပ်တည်မှုအဆင့် တစ်ဆင့်ချင်းအလိုက် ဆုကြေးနှုန်းထား မြင့်တက်သွားတာကြောင့် တန်းဆင်းရတဲ့အသင်းနဲ့ ချန်ပီယံအသင်းကတော့ ကွာခြားမှုများပြားပါတယ်။

ဒါကြောင့် ဒီရာသီမှာ အာဆင်နယ်အသင်းက ဆုကြေး ပေါင်(၁၉၈.၇)သန်းရရှိသလို ဒုတိယနေရာက မန်စီးတီးက ပေါင်(၁၉၂.၅)သန်း၊ တတိယနေရာက မန်ယူအသင်းက ပေါင်(၁၉၁.၅)သန်း ရရှိပါတယ်။

အဆင့်(၂၀)နေရာက တန်းဆင်းခဲ့ရတဲ့ ဝုလ်ဗ်အသင်းကတော့ ဆုကြေးပေါင်(၁၁၇.၇)သန်းသာ ရရှိကြောင်း သိရပါတယ်။

Photos: X

444

Eleven Sports

25 may 2026, 15:23

📷 Photo

416

Eleven Sports

25 may 2026, 15:23

ဖိလစ်ပိုင်အသင်းရဲ့ အပြီးသတ်ကစားသမားစာရင်းမှာ ပြည်ပအ​ခြေစိုက်ကစားသမား (၁၈) ဦးအထိ ပါဝင်

ဖိလစ်ပိုင်လက်ရွေးစင်အသင်းနည်းပြဖြစ်သူ စပိန်နိုင်ငံသား ကားလက်စ်ကူဒရတ်ဟာ ၂၀၂၆ ဖိလစ်ပိုင် (၃) နိုင်ငံချစ်ကြည်ရေးဖိတ်ခေါ်ဖလားပြိုင်ပွဲအတွက် အပြီးသတ်ကစားသမား ၂၂ ဦးစာရင်းကို ထုတ်ပြန်ခဲ့ပြီး ပြည်ပအခြေစိုက်ကစားသမား ၁၈ ဦးအထိ ပါဝင်လာကြောင်း သိရပါတယ်။

ဖိလစ်ပိုင်လက်ရွေးစင်အသင်းရဲ့ အပြီးသတ်ကစားသမား ၂၂ ဦးစာရင်းမှာ ထိုင်းနိုင်ငံတွင် သွားရောက်ကစားနေတဲ့ ကစားသမား (၇) ဦး၊ အမေရိကန်နိုင်ငံတွင် သွားရောက်ကစားနေတဲ့ ကစားသမား (၃) ဦး၊ ခရိုအေးရှားနိုင်ငံတွင် သွားရောက်ကစားနေတဲ့ ကစားသမား (၂) ဦး၊ စပိန်၊ ဆွစ်ဇာလန်၊ အီတလီ၊ ဂျာမနီ၊ နယ်သာလန်၊ ဒိန်းမတ်နိုင်ငံတို့တွင် သွားရောက်ကစားနေတဲ့ ကစားသမား တစ်ဦးစီနဲ့ ဖိလစ်ပိုင်ပြည်တွင်းမှာ ကစားနေတဲ့ ကစားသမား (၄) ဦး ပါဝင်နေလျက် ရှိကြောင်း သိရပါတယ်။

ဖိလစ်ပိုင်လက်ရွေးစင်အသင်းနည်းပြဖြစ်သူ စပိန်နိုင်ငံသား ကားလက်စ်ကူဒရတ်ဟာ ၂၀၂၆ ဖိလစ်ပိုင် (၃) နိုင်ငံချစ်ကြည်ရေးဖိတ်ခေါ်ဖလားပြိုင်ပွဲအတွက် အပြီးသတ်ကစားသမား ၂၂ ဦးစာရင်းကို ထုတ်ပြန်ခဲ့ပေမဲ့ ပြည်ပအခြေစိုက် ကစားသမား များပြားနေမှုကြောင့် မေ ၂၅ ရက်အထိ လေ့ကျင့်မှုမစတင်နိုင်သေးကြောင်း သိရပါတယ်။

ဖိလစ်ပိုင်ဘောလုံးအဖွဲ့ချုပ် (PFF) ဟာ ဖိလစ်ပိုင် (၃) နိုင်ငံချစ်ကြည်ရေးဖိတ်ခေါ်ဖလားပြိုင်ပွဲကို ဇွန် ၃ ရက်မှ ၉ ရက်အထိ မနီလာမြို့ရှိ ပရိသတ် ၁၂၀၀၀၀ ကျော်ဆံ့ ရီဇယ်မမ်မိုရီရယ်ကွင်းမှာ ကျင်းပမှာဖြစ်ပါတယ်။

ပြိုင်ပွဲကို အိမ်ရှင်ဖိလစ်ပိုင်အသင်း၊ မြန်မာအသင်းနဲ့ ဂူအမ်အသင်းတို့ အုပ်စုပတ်လည်ပုံစံ ယှဉ်ပြိုင်ကစားကြမှာဖြစ်ပါတယ်။

Photos- PFF

871

Eleven Sports

25 may 2026, 15:23

📷 Photo

874

Eleven Sports

25 may 2026, 15:23

လီဗာပူးလ်နဲ့ နှုတ်ဆက်ချိန်မှာ ငိုခဲ့တာက တစ်ဘဝလုံး ငိုခဲ့တာထက် ပိုမိုများပြားလိမ့်မယ်လို့ ဆာလာ ပြောကြား

လီဗာပူးလ်အသင်းရဲ့ တိုက်စစ်ကစားသမား ဆာလာက အသင်းနဲ့ နှုတ်ဆက်ချိန်မှာ ငိုခဲ့တာက တစ်ဘဝလုံးငိုခဲ့တာထက် ပိုမိုများပြားလိမ့်မယ်လို့ ထင်ကြောင်း ပြောကြားခဲ့ပါတယ်။

အသက်(၃၃)နှစ်ရှိပြီဖြစ်တဲ့ အီဂျစ်ကစားသမား ဆာလာဟာ လီဗာပူးလ်အသင်းကို ၂၀၁၇ နွေရာသီကတည်းက ရောက်ရှိခဲ့သူဖြစ်ပြီး (၉)နှစ်အကြာမှာ လမ်းခွဲခဲ့ခြင်းဖြစ်ပါတယ်။

လီဗာပူးလ်အသင်းအတွက် ပြိုင်ပွဲစုံ (၄၄၂)ပွဲကစားပြီး (၂၅၇)ဂိုး သွင်းယူခဲ့တဲ့ ဆာလာက ပြီးခဲ့တဲ့ ပရီးမီးယားလိဂ်နောက်ဆုံးပွဲစဉ်မှာ လီဗာပူးလ်အသင်းနဲ့ ပရိသတ်တွေကို နှုတ်ဆက်ခဲ့တာပါ။

''တစ်ဘဝလုံး ငိုခဲ့တာထက် အခုငိုတာက ပိုများလိမ့်မယ်လို့ ကျွန်တော် ထင်ပါတယ်။ ကျွန်တော်က ခံစားလွယ်တဲ့ ယောကျာ်းတစ်ယောက် မဟုတ်ပါဘူး။ ကျွန်တော်တို့ ဒီမှာ ငယ်ငယ်ကတည်းက နေထိုင်ခဲ့ပြီး အစကနေ အဆုံးအထိ အရာရာတိုင်းကို မျှဝေခဲ့ကြပါတယ်။ ကျွန်တော်တို့ ဒီအသင်းကို နေရာမှန်ဆီ ပြန်ပို့ခဲ့ပါတယ်။ ရောဘတ်ဆန်ကလည်း သူ့မှာရှိသမျှအားလုံးကို ဒီကွင်းထဲမှာ ပေးဆပ်ခဲ့တာပါ။ သူနဲ့အတူ အဝတ်လဲခန်းတစ်ခုကို မျှဝေသုံးစွဲခဲ့ရတဲ့အတွက်လည်း ကျွန်တော် တကယ်ဂုဏ်ယူပါတယ်'' လို့ ဆာလာက ပြောကြားခဲ့ပါတယ်။

စကော့တလန်နောက်ခံလူ ရောဘတ်ဆန်ကလည်း ဆာလာနဲ့အတူ ၂၀၁၇ နွေရာသီမှာ လီဗာပူူးလ်ကို ရောက်ရှိခဲ့သူဖြစ်ပြီး အခုနွေရာသီမှာ အတူလမ်းခွဲခဲ့ကြတာပါ။

Photos: X

1,060

Eleven Sports

25 may 2026, 15:23

📷 Photo

1,080

Eleven Sports

25 may 2026, 15:23

နာပိုလီအသင်းကို စုစည်းညီညွတ်မှုရှိအောင် မလုပ်ဆောင်နိုင်တဲ့အတွက် လမ်းခွဲဖို့ ဆုံးဖြတ်ခဲ့ခြင်းဖြစ်ကြောင်း ကွန်တီ ပြောကြား

နာပိုလီနည်းပြ ကွန်တီက အသင်းကို စုစည်းညီညွတ်မှုရှိအောင် မလုပ်ဆောင်နိုင်တဲ့အတွက် လမ်းခွဲဖို့ ဆုံးဖြတ်ခဲ့ခြင်းဖြစ်ကြောင်း ပြောကြားခဲ့ပါတယ်။

ကွန်တီဟာ နာပိုလီအသင်းကို ၂၀၂၄ နွေရာသီမှာ (၃)နှစ်စာချုပ်နဲ့ စတင်ကိုင်တွယ်ခဲ့ပြီး ပြီးခဲ့တဲ့ရာသီမှာ စီးရီးအေချန်ပီယံဆု ရယူပေးနိုင်ခဲ့ပါတယ်။

ကွန်တီက ဂျူဗင်တပ်စ်၊ အင်တာမီလန်တို့နဲ့လည်း စီးရီးအေချန်ပီယံဆု ရရှိခဲ့တာကြောင့် မတူညီတဲ့ အသင်း(၃)သင်းနဲ့ စီးရီးအေချန်ပီယံဆု ရယူနိုင်တဲ့ ပထမဆုံးနည်းပြအဖြစ်လည်း မှတ်တမ်းဝင်ခဲ့ပါတယ်။

ကွန်တီက အူဒီးနီးစ်အသင်းနဲ့ ယှဉ်ပြိုင်ခဲ့တဲ့ စီးရီးအေပွဲစဉ်အပြီးမှာ လမ်းခွဲတော့မယ့်အကြောင်း အတည်ပြုခဲ့တာပါ။

''ပြီးခဲ့တဲ့တစ်လက အသင်းဥက္ကဋ္ဌဆီ ဖုန်းခေါ်ပြီး ကျွန်တော်တို့ရဲ့ စီမံကိန်း အဆုံးသတ်တော့မယ်လို့ ပြောခဲ့ပါတယ်။ ကျွန်တော် အခုလို ဆုံးဖြတ်ခဲ့တာက အသင်းမှာ စုစည်းညီညွတ်တဲ့ ပတ်ဝန်းကျင်ဖြစ်အောင် မလုပ်ဆောင်နိုင်ခဲ့တာကြောင့်ပါ။ ဒါက တခြားအသင်းတွေနဲ့ ပြိုင်ဆိုင်တဲ့နေရာမှာ ခက်ခဲစေပါတယ်။ ဒီအသင်းကို ကိုင်တွယ်ခွင့်ရတာ ဆုလာဘ်တစ်ခုပါ။ ဥက္ကဋ္ဌနဲ့ ပရိသတ်တွေက ကျွန်တော့်ကို နားလည်ပေးခဲ့ကြတယ်လို့ ထင်ပါတယ်'' လို့ ကွန်တီက ပြောကြားခဲ့ပါတယ်။

ကွန်တီက အီတလီလက်ရွေးစင်အသင်းကို ပြန်လည်ကိုင်တွယ်ဖွယ်ရှိကြောင်း သတင်းထွက်နေပေမဲ့ အနာဂတ်နဲ့ပတ်သက်ပြီး မသိရှိသေးကြောင်းနဲ့ အချိန်ယူပြီး အနားယူသွားဦးမှာဖြစ်ကြောင်း ပြောကြားခဲ့ပါတယ်။

Photos: X

1,270

Eleven Sports

25 may 2026, 15:23

📷 Photo

1,270

Eleven Sports

25 may 2026, 15:23

ဒီရာသီမှာ တတိယနေရာရရှိခဲ့တာက အနာဂတ်အောင်မြင်မှုအတွက် မောင်းနှင်အားဖြစ်စေနိုင်တယ်လို့ ကာရစ် ပြောကြား

မန်ယူနည်းပြ ကာရစ်က ဒီရာသီ ပရီးမီးယားလိဂ်မှာ တတိယနေရာ ရပ်တည်နိုင်ခဲ့တာက အနာဂတ်အောင်မြင်မှုအတွက် မောင်းနှင်အားဖြစ်စေနိုင်တယ်လို့ ပြောကြားခဲ့ပါတယ်။

ကာရစ်ဟာ မန်ယူအသင်းကို ပြီးခဲ့တဲ့ ဇန်နဝါရီလမှာ စတင်ကိုင်တွယ်ခဲ့ပြီး သူ တာဝန်ယူခဲ့ချိန်က အဆင့်(၆)နေရာမှာ ရှိနေခဲ့တာပါ။

ကာရစ်က မန်ယူအသင်းကို (၁၇)ပွဲ ကိုင်တွယ်ရာမှာ (၁၂)ပွဲနိုင်၊ (၃)ပွဲသရေ၊ (၂)ပွဲရှုံးခဲ့ပြီး သူ မန်ယူအသင်းကို ကိုင်တွယ်ချိန်က စတွက်ရင် ပရီးမီးယားလိဂ်မှာ အမှတ်အများဆုံးရယူနိုင်တဲ့ နည်းပြအဖြစ် မှတ်တမ်းဝင်ခဲ့ကြောင်း သိရပါတယ်။

ဒါကြောင့်လည်း ပွဲစဉ်တစ်ဝက်ပြည့်အောင် ကိုင်တွယ်ရခြင်းမရှိခဲ့ပေမဲ့ ပရီးမီးယားလိဂ်အကောင်းဆုံးနည်းပြဆုအတွက် ဆန်ခါတင်စာရင်းမှာ ပါဝင်ခဲ့တာဖြစ်ပြီး မန်ယူအသင်းကလည်း အမြဲတမ်းနည်းပြအဖြစ် ခန့်အပ်ခဲ့တာပါ။

''ကျွန်တော်တို့ သန်မာစွာ အဆုံးသတ်နိုင်ခဲ့ပါတယ်။ ဒါကို ရှေ့ဆက်သယ်ဆောင်သွားချင်ပါတယ်။ ကျွန်တော်တို့ တကယ်အာရုံစိုက်ရမှာက ဒီအဆုံးသတ်ကို မဟုတ်ပါဘူး။ နောက်တစ်ဆင့်ကိုပါ။ ဒါက နောက်ရာသီအတွက် တည်ဆောက်သွားဖို့ ပလက်ဖောင်းတစ်ခုပါ'' လို့ ကာရစ်က ပြောကြားခဲ့ပါတယ်။

မန်ယူအသင်းဟာ ပြီးခဲ့တဲ့ရာသီမှာ အဆင့်(၁၅)သာရရှိခဲ့တာကြောင့် ဒီရာသီမှာ ဥရောပပွဲ ကစားခွင့်မရခဲ့ပေမဲ့ လာမယ့်ရာသီမှာတော့ ချန်ပီယံလိဂ်ပြိုင်ပွဲ ယှဉ်ပြိုင်ကစားရတော့မှာပါ။

Photos: X

1,370

Eleven Sports

25 may 2026, 15:23

📷 Photo

1,360

Eleven Sports

10 may 2026, 19:19

📷 Photo

985

Eleven Sports

10 may 2026, 19:19

★ ဖလိုင်းဝိတ်တန်းချန်ပီယံခါးပတ်ကို ကာကွယ်နိုင်ခဲ့တဲ့ ဂျိုရှူအာဗန် ဒေါ်လာ ၁ သန်းကျော်အထိ ရရှိနိုင်

UFC ဖလိုင်းဝိတ်တန်းချန်ပီယံခါးပတ်ကို အောင်မြင်စွာကာကွယ်နိုင်ခဲ့တဲ့ ဂျိုရှူအာဗန်အနေနဲ့ အခုနိုင်ပွဲကနေ ဒေါ်လာ တစ်သန်းကျော်အထိ ရရှိနိုင်တယ်လို့
သိရပါတယ်။

ဒီပွဲမတိုင်ခင်မှာ သတင်းတချို့မှာတော့ Championship Bonus နဲ့ PPV ရှယ်ယာ
တွေအပါအဝင် ဒေါ်လာ ၇၀၀၀၀၀-၉၀၀၀၀၀ အကြားရနိုင်တယ်လို့ ရေးသားခဲ့ပါတယ်။

အခုပွဲဟာ UFC 328 ရဲ့ Fight of the Night အဖြစ် သတ်မှတ်ခံရလို့ ဂျိုရှူအာဗန်ရော တက်ဆူရိုပါ
အပိုဆုကြေး ဒေါ်လာ တစ်သိန်းစီ ထပ်မံပိုင်ဆိုင်ခဲ့
ပါတယ်။

ဂျိုရှူအာဗန်ရဲ့ကနဦးရနိုင်ခြေမှာ Champion Payနဲ့ Co-main ရပိုင်ခွင့်တွေနဲ့အတူ ဒေါ်လာ ၂၅၀၀၀၀ အထက် ရှိခဲ့ပြီး Win Bonus ပါရင်တော့ ပမာဏက ယင်းထက် ပိုများသွားနိုင်ပါတယ်။

ဒါဟာ ပန်တိုဂျာရဲ့ထိုးသတ်တဲ့ပွဲမှာ ဒေါ်လာ ၁၄၅၀၀၀ သာရှိခဲ့ရာကနေ အခုချန်ပီယံကာကွယ်ပွဲမှာ နှစ်ဆနီးပါး မြင့်တက်လာခဲ့ပါတယ်။

ဂျိုရှူအာဗန်ရဲ့ချန်ပီယံကာကွယ်ပွဲက မြန်မာကျပ်ငွေနဲ့တွက်ရင် စုစုပေါင် ကျပ် လေးဘီလျံနဲ့
ငါးဘီလျံဝန်းကျင်လောက် ရှိသွားနိုင်ပါတယ်။

ဂျိုရှူအာဗန်ဟာ ပန်တိုဂျာကို အနိုင်ယူပြီး ချန်ပီယံဖြစ်ခဲ့ချိန်တုန်းက ဒေါ်လာ ၁.၂ သန်းလောက်ရခဲ့တယ်လို့ Time of India က ဖော်ပြခဲ့ပါတယ်။

Photos: UFC

1,030

Eleven Sports

10 may 2026, 19:19

📷 Photo

1,370

Eleven Sports

10 may 2026, 19:19

■ စီးရီးအေ ပွဲစဉ်-၃၆ ပွဲကြိုသုံးသပ်ချက်

◘ ပါးမား - ရိုးမား (ည ၁၀း၃၀ နာရီ)

ရာသီအဆုံးသတ်ပိုင်းမှာ ရိုးမားအသင်းက ရလဒ်တွေပြန်ကောင်းလာတယ်။ နောက်ဆုံး နှစ်ပွဲဆက် Clean Sheet ရလဒ်နဲ့ အနိုင်ရခဲ့တာကြောင့် ချန်ပီယံလိဂ်ဝင်ခွင့် အဆင့် ၄ နေရာအတွက် ဂျူဗင်တပ်စ်အသင်းကို ဖိအားပေးထားနိုင်တယ်။
ပါးမားအသင်းကတော့ တန်းဆင်းဇုန်နဲ့ ဝေးသွားပြီဖြစ်လို့ ဖိအားမရှိတော့သလို အမှတ်လည်း မလိုတော့ပါဘူး။ ဒါပေမဲ့ ရိုးမားအသင်းကလည်း အဝေးကွင်းမှာ နောက်ဆုံးပွဲအနိုင်ရထားတာကလွဲရင် ကျန်ပွဲတွေမှာ ရလဒ်ရော ခြေစွမ်းပါ
အားရစရာမရှိဘူး။ ရိုးမားအသင်း နိုင်ပွဲဆက်ဖိုရှိပေမဲ့ ဂိုးမပြတ်လောက်ဘူး။

◘ အေစီမီလန် - အတ္တလန်တာ (မေလ ၁၁ ရက် နံနက် ၁း၁၅ နာရီ)

နှစ်သင်းစလုံး ရာသီကုန်ခါနီးမှာ ရလဒ်တွေဆိုးနေတယ်။ အေစီမီလန်အသင်းက ရမှတ်တွေ ဆက်တိုက်ဆုံးရှုံးနေပြီး လက်ကျန်ပွဲတွေသာ အဲဒီအတိုင်းဆက်သွားရင် ချန်ပီယံလိဂ်ဝင်ခွင့်အတွက်တောင် စိုးရိမ်စရာဖြစ်နိုင်တယ်။
အတ္တလန်တာကလည်း နောက်ဆုံးလေးပွဲဆက် နိုင်ပွဲပျောက်ဆုံးထားလို့ လာမယ့်ရာသီ ဥရောပပြိုင်ပွဲဝင်ခွင့်ရဖို့ မျှော်လင့်ချက် သိပ်မရှိတော့ပါဘူး။ နောက်ပိုင်းတွေ့ဆုံမှုတွေမှာတော့ အတ္တလန်တာအသင်းက အသာရထားတယ်။
မီလန်မြေဖြစ်လို့ သရေကျနိုင်ပြီး ဂိုးနည်းတဲ့ပွဲလည်းဖြစ်နိုင်တယ်။

◘ အခြားပွဲစဉ်များ

ဗီရိုနာ - ကိုမို*
*ခရီမိုနီဆီ - ပီဆာ
*ဖီအိုရင်တီးနား - ဂျီနိုအာ

Photos: Teams' Facebook

1,450

Eleven Sports

10 may 2026, 19:19

📷 Photo

1,320

Eleven Sports

10 may 2026, 19:19

📷 Photo

1,510

Eleven Sports

10 may 2026, 19:19

■ ၂၀၂၇ အာရှဖလားပြိုင်ပွဲ အုပ်စုမဲခွဲပွဲအခမ်းအနား ကျင်းပပြုလုပ်

၂၀၂၇ အာရှဖလားပြိုင်ပွဲ အုပ်စုမဲခွဲပွဲအခမ်းအနားကို အိမ်ရှင်နိုင်ငံဖြစ်တဲ့ ဆော်ဒီအာရေဗျနိုင်ငံမှာ ကျင်းပပြုလုပ်ခဲ့ပါတယ်။

ပြိုင်ပွဲဝင် ၂၄ သင်းကို လေးသင်းပါ အုပ်စု ခြောက်ခု ရေးဆွဲခဲ့တာလည်းဖြစ်တယ်။

အုပ်စု A မှာ အိမ်ရှင် ဆော်ဒီအာရေဗျ၊ ကူဝိတ်၊ အိုမန်နဲ့ ပါလက်စတိုင်း၊ အုပ်စု B မှာ ဥဇဘက်ကစ္စတန်၊ ဘာရိန်း၊ မြောက်ကိုရီးယားနဲ့ ဂျော်ဒန်၊ အုပ်စု C မှာ အီရန်၊ ဆီးရီးယား၊ ကာဂျစ္စတန်နဲ့ တရုတ်၊ အုပ်စု D မှာ သြစတြေးလျ၊ တာဂျစ်ကစ္စတန်၊ အီရတ်နဲ့
စင်ကာပူ၊ အုပ်စု E မှာ တောင်ကိုရီးယား၊ ယူအေအီး၊ ဗီယက်နမ်နဲ့ တတိယအဆင့်ခြေစစ်ပွဲ အုပ်စု B ပထမရအသင်း၊ အုပ်စု F မှာ ဂျပန်၊ လက်ရှိချန်ပီယံ ကာတာ၊ ထိုင်းနဲ့ အင်ဒိုနီးရှားတို့ ကျရောက်ခဲ့ကြပါတယ်။

အာရှဖလားအအောင်မြင်ဆုံး ဂျပန်အသင်းနဲ့ နှစ်ကြိမ်ဆက်ချန်ပီယံ ကာတာအသင်းတို့ တစ်အုပ်စုတည်း ကျရောက်ခဲ့တာကတော့ ထူးခြားမှု ဖြစ်ခဲ့ပါတယ်။

ဒီနှစ်သင်းဟာ ကာတာအသင်း ပထမဆုံးအကြိမ် ဗိုလ်စွဲတဲ့ ၂၀၁၉ ပြိုင်ပွဲ ဗိုလ်လုပွဲမှာလည်း တွေ့ဆုံခဲ့ပြီး ကာတာအသင်းက ဂျပန်အသင်းကို ၃-၁ ဂိုးနဲ့ အနိုင်ရဗိုလ်စွဲခဲ့ပါတယ်။

၂၀၂၇ အာရှဖလားပြိုင်ပွဲကို လာမယ့်နှစ် ဇန်နဝါရီလ ၇ ရက်ကနေ ဖေဖော်ဝါရီလ ၅ ရက်အထိ ကျင်းပသွားမှာဖြစ်ပါတယ်။

Photos: AFC Asian Cup

1,610

Eleven Sports

28 abr 2026, 06:10

📷 Photo

1,720

Eleven Sports

28 abr 2026, 06:10

📷 Photo

#Photo_News

စူပါကွန်ပျူတာက ခန့်မှန်းထားတဲ့ ၂၀၂၅-၂၆ ရာသီ ပရီးမီးယားလိဂ်ပြိုင်ပွဲရဲ့ နောက်ဆုံးရပ်တည်မှု

Photosl: X

1,500

Eleven Sports

28 abr 2026, 06:10

မြန်မာ - ထိုင်း ရိုးရာလက်ဝှေ့စိန်ခေါ်ပွဲမှာ အဲမွီနဲ့ အောင်ခိုင်တို့ ပါဝင်ထိုးသတ်မယ်

ကရင်ပြည်နယ်၊ လှိုင်းဘွဲ့မြို့နယ်မှာ ကျင်းပမယ့် မြန်မာ - ထိုင်း မြန်မာ့ရိုးရာ လက်ဝှေ့စိန်ခေါ်ပွဲမှာ နာမည်ကြီး မြန်မာ့ရိုးရာလက်ဝှေ့သမားများဖြစ်တဲ့ နက္ခမင်း၊ ကမ္ဘာရှား၊ အဲမွီ၊ အောင်ခိုင်တို့ ပါဝင်ထိုးသတ်မှာဖြစ်ကြောင်း သိရပါတယ်။

မြန်မာ - ထိုင်း မြန်မာ့ရိုးရာ လက်ဝှေ့စိန်ခေါ်ပွဲကို ဧပြီ ၂၈၊ ၂၉ ရက်များမှာ နေ့လယ် ၁၁ နာရီမှစလို့ ကျင်းပပြုလုပ်သွားမှာဖြစ်ကြောင်း သိရပါတယ်။

ပြိုင်ပွဲမှာ (၇) သိန်းအောင်လံ၊ (၁၀) သိန်းအောင်လံပွဲများ အပါအဝင် (၃) ချီ၊ (၄) ချီ၊ (၅) ချီနဲ့ နယ်မြေခံ အထူးပွဲများကိုလည်း ထည့်သွင်းကျင်းပသွားမှာဖြစ်ကြောင်း သိရပါတယ်။

ဧပြီ ၂၈ ရက်မှာ မြန်မာ - ထိုင်း တွဲဆိုင်း (၄) ဆိုင်းအပါအဝင် တွဲဆိုင်ပေါင်း (၁၂) ဆိုင်း ကျင်းပပြုလုပ်သွားမှာဖြစ်ပါတယ်။

ဧပြီ ၂၈ ရက် ပြည်တွင်းတွဲဆိုင်းများအဖြစ် ဟဲဘလူးထူးနဲ့ ကျော်ရဲမင်း၊ ကျားရဲအောင် နဲ့ ဇွဲကျောက်ဆူး၊ ရဲသွေးနီနဲ့ အောင်ရဲလင်း၊ Jessic မြိုင်နဲ့ စင်္ကြာဝဠာချမ်းသာ၊ ဆုသဇင် နဲ့ ဆုမြတ်အေး၊ ဖော့နီမုနဲ့ နန်းစံ၊ စီတိုးနဲ့ လောကွားဒူး၊ မင်းထက်ကျော်နဲ့ အောင်ဟိန်း၊ မြန်မာ - ထိုင်း စိန်ခေါ်ပွဲများအဖြစ် ချစ်ဝိုင်းဝိုင်း (မြန်မာ) နဲ့ ချမောက်ဖေ (ထိုင်း)၊ စောထူးအောင် (မြန်မာ) နဲ့ လုတုန်ဆော် (ထိုင်း)၊ နက္ခမင်း (မြန်မာ) နဲ့ သလော့ (ထိုင်း)၊ ကမ္ဘာရှား (မြန်မာ) နဲ့ ဒေနပ်ဖုန်း (ထိုင်း) တို့ ယှဉ်ပြိုင်ထိုးသတ်ကြမှာဖြစ်ပါတယ်။

ဧပြီ ၂၉ ရက်မှာ မြန်မာ - ထိုင်း တွဲဆိုင်း (၄) ဆိုင်းအပါအဝင် တွဲဆိုင်ပေါင်း (၉) ဆိုင်း ကျင်းပပြုလုပ်သွားမှာဖြစ်ပါတယ်။

ဧပြီ ၂၉ ရက် ပြည်တွင်းတွဲဆိုင်းများအဖြစ် နိုင်မြ ကျော်နဲ့ ဆန်းကိုအောင်၊ ရည်ဆူးလေးနဲ့ စောမြင့်နိုင်၊ သီဟနဲ့ အောင်ချစ်ကြည်၊ လုံးချောနဲ့ DJ၊ သွေးသစ်အောင်နဲ့ ဒေါင်းသဲခြေ၊ မြန်မာ - ထိုင်း စိန်ခေါ်ပွဲများအဖြစ် သာအဲဆိုဒ် (မြန်မာ) နဲ့ ဖိနပ်လင်း (ထိုင်း)၊ စောသစ်မင်း (မြန်မာ) နဲ့ ဆဲတန်းနွဲ (ထိုင်း)၊ အဲမွီ (မြန်မာ) နဲ့ ဘယားစစ် (ထိုင်း)။ အောင်ခိုင် (မြန်မာ) နဲ့ ဖားဖရပ် (ထိုင်း) တို့ ယှဉ်ပြိုင်ထိုးသတ်ကြမှာဖြစ်ကြောင်း သိရပါတယ်။

ဧပြီ ၂၉ ရက်မှာ ထိုင်းဖိုက်တာ ဘယားစစ်နဲ့ ယှဉ်ပြိုင်ထိုးသတ်မယ့် မြန်မာဖိုက်တာ အဲမွီဟာ ထိုင်းနိုင်ငံ၊ ဘန်ကောက်မြို့မှ. ကျင်းပနေတဲ့ ONE Championship မွေထိုင်းပွဲများကို သွားရောက်ထိုးသတ်နေသူဖြစ်ပါတယ်။

မြန်မာဖိုက်တာ အဲမွီဟာ ONE Championship မှာ မွေထိုင်းပွဲ ခြောက်ပွဲ ထိုးသတ်ထားရာ နှစ်ပွဲနိုင်၊ လေးပွဲ ရှုံးနိမ့်ထားပါတယ်။

အဲမွီဟာ ONE Championship မှာ နောက်ဆုံး သုံးပွဲဆက်တိုက် ရှုံးနိမ့်ထားပါတယ်။

အဲမွီဟာ ONE Championship မှာ နောက်ဆုံးပွဲအဖြစ် ပြီးခဲ့တဲ့ ၂၀၂၅ ခုနှစ် စက်တင်ဘာအတွင်းက ထိုင်းဖိုက်တာ မေမော့နဲ့ ထိုးသတ်ခဲ့ရာ အမှတ်နဲ့ ရှုံးနိမ့်ထားပါတယ်။

ပထမတန်း ရိုးရာလက်ဝှေ့ကျော် အောင်ခိုင်ဟာ နာမည်ကြီး ရိုးရာဖိုက်တာများဖြစ်တဲ့ သွေးသစ်ဝင်း လှိုင်၊ ရာမာဉ်၊ ရန်နိုင်ထွန်း၊ စောမင်းအောင် အစရှိသူများနဲ့ ထိုးသတ်ထားသူဖြစ်သလို ထိုင်းဖိုက်တာများနဲ့လည်း ပွဲပေါင်းများစွာ ထိုးသတ်ထားသူဖြစ်ကြောင်း သိရပါတယ်။

Photos: Facebook

Eleven Sports

28 abr 2026, 06:10

📷 Photo

1,700

Eleven Sports

28 abr 2026, 06:10

ကစားသမားတွေကို အနားပေးတာက လေ့ကျင့်ခန်းဆင်းသလိုပဲ အရေးပါတယ်လို့ ဂွါဒီယိုလာ ပြောကြား

မန်စီးတီးနည်းပြ ဂွါဒီယိုလာက ကစားသမားတွေကို အနားပေးတာက လေ့ကျင့်ခန်းဆင်းသလိုပဲ အရေးပါတယ်လို့ သုံးသပ်ပြောကြားခဲ့ပါတယ်။

ဂွါဒီယိုလာက FA ဖလား ဆီးမီးဖိုင်နယ်ပွဲ ယှဉ်ပြိုင်ကစားခဲ့ပြီးနောက် ကစားသမားတွေကို (၃)ရက် အနားပေးခဲ့ကြောင်း သိရပါတယ်။

မန်စီးတီးအသင်းဟာ ဆောက်သမ်တန်နဲ့ FA ဖလားဆီမီးဖိုင်နယ်ကို စနေနေ့မှာ ကစားခဲ့ရပြီး အဲဗာတန်နဲ့ ပရီးမီးယားလိဂ်ပွဲကို မေ(၄)ရက် တနင်္လာနေ့မှာမှ ယှဉ်ပြိုင်ကစားရမှာဖြစ်တာကြောင့် (၃)ရက်အနားပေးခဲ့ခြင်းဖြစ်ကြောင်း သိရပါတယ်။

''တစ်ရက်အနားပေးပြီးရင် အသင်းက ပိုကောင်းလာတယ်ဆိုတာ ဒီနိုင်ငံမှာ ကျွန်တော် သင်ယူခဲ့ရပါတယ်။ သူတို့ လေ့ကျင့်ဖို့လိုသလို လန်းလန်းဆန်းဆန်းရောက်ရှိလာဖို့လည်း လိုပါတယ်။ ကျွန်တော် ဒီကို ရောက်ခါစတုန်းက အများကြီးလေ့ကျင့်ခိုင်းခဲ့ပေမဲ့ အခုတော့ မိသားစုအတွက် အချိန်ကုန်စေခဲ့ပါတယ်။ အဲဗာတန်နဲ့ ရင်ဆိုင်ဖို့ကလည်း (၈)ရက်လိုတာကြောင့် အချိန်ရပါတယ်။ ကစားသမားတွေအနေနဲ့ သူတို့ရဲ့ နားရက်မှာ လုပ်ချင်ရာလုပ်နိုင်ပါတယ်။ သူတို့ဆန္ဒရှိရင် ဘယ်ကိုပဲဖြစ်ဖြစ် ခရီးထွက်လို့လည်း ရပါတယ်။ ဗုဒ္ဓဟူးနေ့လယ်မှာ လေ့ကျင့်ဖို့ ရောက်လာရင် ရပါပြီ'' လို့ ဂွါဒီယိုလာက ပြောကြားခဲ့ပါတယ်။

မန်စီးတီးအသင်းဟာ ဒီရာသီမှာ လိဂ်ဖလားချန်ပီယံဆု ရရှိထားပြီး ပရီးမီးယားလိဂ်နဲ့ FA ဖလားတွေ ထပ်မံရရှိဖို့လည်း ရေပန်းစားနေကြောင်း သိရပါတယ်။

Photos: X

1,650

Eleven Sports

28 abr 2026, 06:10

၂၀၂၆-၂၇ ရာသီ ချန်ပီယံလိဂ်ယှဉ်ပြိုင်ခွင့်အတွက် အသင်း(၉)သင်း အဖြေထွက်

လာမယ့် ၂၀၂၆-၂၇ ရာသီမှာ ချန်ပီယံလိဂ် League Phase အဆင့် ယှဉ်ပြိုင်ခွင့်ရဖို့ အသင်း(၉)သင်း အဖြေထွက်ခဲ့ပြီဖြစ်ကြောင်း သိရသည်။

၂၀၂၆-၂၇ ရာသီ ချန်ပီယံလိဂ်ပြိုင်ပွဲရဲ့ League Phase အဆင့်မှာ ဒီရာသီလိုပဲ အသင်း(၃၆)သင်း ယှဉ်ပြိုင်ခွင့်ရရှိမှာဖြစ်ပြီး လောလောဆယ် အဖြေပေါ်သွားတဲ့အသင်းတွေကတော့ အာဆင်နယ်၊ မန်စီးတီး၊ အင်တာမီလန်၊ ဘာစီလိုနာ၊ ရီးယဲလ်မက်ဒရစ်၊ ဘိုင်ယန်မြူးနစ်၊ ဒေါ့မွန်၊ PSG နဲ့ PSV တို့ ဖြစ်ပါတယ်။

ဥရောပဘောလုံးအဖွဲ့ချုပ်(UEFA)က ချန်ပီယံလိဂ်ယှဉ်ပြိုင်ခွင့်အတွက် ဝင်ခွင့်ခွဲတမ်းကို လိဂ်အလိုက် သတ်မှတ်ပေးထားပြီး ဒီအသင်း(၉)သင်းက သက်ဆိုင်ရာလိဂ်အလိုက် ဝင်ခွင့်ရရှိဖို့ သေချာသွားခဲ့ကြတာပါ။

လာမယ့်ရာသီ ချန်ပီယံလိဂ်ပြိုင်ပွဲရဲ့ League Phase အဆင့်မှာ အင်္ဂလန်ကလပ်(၅)သင်း ယှဉ်ပြိုင်ခွင့်ရမှာဖြစ်ပြီး အီတလီ၊ စပိန်နဲ့ ဂျာမနီက (၄)သင်းစီ ယှဉ်ပြိုင်ခွင့်ရမှာပါ။

စွမ်းဆောင်ရည်အပေါ်မူတည်တဲ့ အပိုထပ်ဆောင်း တစ်နေရာအတွက်တော့ စပိန်နဲ့ ဂျာမနီတို့ အပြိုင်ဖြစ်နေပါတယ်။

လာမယ့်ရာသီ ချန်ပီယံလိဂ်ယှဉ်ပြိုင်ခွင့်ရရှိဖို့ ပထမဆုံးအဖြေထွက်ခဲ့တဲ့အသင်းက ဘာစီလိုနာဖြစ်ပြီး လက်ရှိ(၉)သင်းမှာ နောက်ဆုံးအဖြေထွက်ခဲ့တဲ့အသင်းကတော့ ဒေါ့မွန်အသင်းဖြစ်ကြောင်း သိရပါတယ်။

Photos: X

1,690

Eleven Sports

28 abr 2026, 06:10

📷 Photo

1,670

Eleven Sports

28 abr 2026, 06:10

ပရီးမီးယားလိဂ်၊ စီးရီးအေနဲ့ လာလီဂါ ပွဲကြိုသုံးသပ်ချက်

မန်ယူ - ဘရန့်ဖို့ဒ် (ဧပြီ ၂၈ ရက် နံနက် ၁း၃၀ နာရီ)

မန်ယူအသင်းက ချန်ပီယံလိဂ်ဝင်ခွင့်အတွက် ပူစရာမရှိတော့သလောက်ဖြစ်နေပေမဲ့ တတိယနေရာမှာ ရပ်တည်နိုင်ဖို့ လိုလားနေပါတယ်။ ဘရန့်ဖို့ဒ်ကလည်း ယူရိုပါလိဂ်ဝင်ခွင့် မျှော်လင့်လို့ရနေတာကြောင့် အားစိုက်ကစားမှာ သေချာပါတယ်။ နိုင်ပွဲပျောက်နေတာကြာပြီဖြစ်ပေမဲ့ သရေပွဲတွေ ဆက်တိုက်ကစားထားတာကြောင့် လျှော့တွက်လို့တော့ မရပါဘူး။ ပထမအကျော့တုန်းကလည်း မန်ယူအသင်းကို အနိုင်ယူထားခဲ့ပါတယ်။ ဒါပေမဲ့ အိမ်ကွင်းမှာ ဆုံတွေ့ခဲ့တဲ့ ပရီးမီးယားလိဂ်(၄)ပွဲဆက်တိုက် အနိုင်ရထားတဲ့ မန်ယူအသင်းကိုပဲ ရွေးချယ်ရမှာပါ။

လာဇီယို - အူဒီးနီးစ် (ဧပြီ ၂၈ ရက် နံနက် ၁း၁၅ နာရီ)

နှစ်သင်းစလုံးက ထိပ်ဆုံး(၁၀)သင်းစာရင်းဝင်ဖို့သာ ဦးတည်ကစားရမယ့် အနေအထားမျိုးဖြစ်တာကြောင့် ဖိအားရှိမနေကြပါဘူး။ လတ်တလောခြေစွမ်းပိုင်းကလည်း ခြားနားချက်သိပ်မရှိပါဘူး။ လာဇီယိုက အိမ်ကွင်းအားသာချက်ရှိနေပေမဲ့ အူဒီးနီးစ်ရဲ့ အဝေးကွင်းစွမ်းဆောင်ရည်ကလည်း ကောင်းမွန်နေပါတယ်။ သရေကျမယ့်ပွဲလို့ ထင်ပါတယ်။

အခြားပွဲများ

ကာဂလီယာရီ - အတ္တလန်တာ *

အက်စ်ပန်ညို - လီဗန်တေး *

Photos: X

1,640

Eleven Sports

28 abr 2026, 06:10

📷 Photo

1,640

Eleven Sports

28 abr 2026, 06:10

📷 Photo

1,660

Eleven Sports

13 abr 2026, 18:19

📷 Photo

581

Eleven Sports

13 abr 2026, 18:19

အီရန်အသင်း ၂၀၂၆ ကမ္ဘာ့ဖလား မယှဉ်ပြိုင်ဖြစ်ရင် အစားထိုးဖို့အသင်းကို Play-offs ယှဉ်ပြိုင်စေပြီး ရွေးချယ်ဖွယ်ရှိ

လာမယ့် ၂၀၂၆ ကမ္ဘာ့ဖလားပြိုင်ပွဲမှာ အီရန်အသင်း မယှဉ်ပြိုင်ဖြစ်ရင် အစားထိုးဖို့ အသင်းကို Play-offs ယှဉ်ပြိုင်စေပြီး ရွေးချယ်ဖွယ်ရှိကြောင်း သိရပါတယ်။

၂၀၂၆ ကမ္ဘာ့ဖလားပြိုင်ပွဲမှာ အီရန်အသင်းက အီဂျစ်၊ ဘယ်လ်ဂျီယံ၊ နယူူးဇီလန်တို့ရဲ့အုပ်စုမှာ ကျရောက်နေပြီး အုပ်စုပွဲစဉ်(၃)ပွဲစလုံးကို အမေရိကန်မှာ ကစားရမှာပါ။

လက်ရှိအချိန်မှာ အီရန်နဲ့ အမေရိကန်တို့ တိုက်ပွဲဖြစ်ပွားနေတာကြောင့် အီရန်က ကမ္ဘာ့ဖလားအုပ်စုပွဲတွေကို မက္ကဆီကိုနိုင်ငံမှာ ယှဉ်ပြိုင်ကစားခွင့်ပြုဖို့ ဖီဖာထံ တောင်းဆိုခဲ့ပေမဲ့ ဖီဖာက ငြင်းပယ်ခဲ့ကြောင်း သိရပါတယ်။

ဒါကြောင့် အီရန်အသင်းက ကမ္ဘာ့ဖလားပြိုင်ပွဲကနေ နုတ်ထွက်ဖွယ်ရှိနေပြီး အဲဒီလို နုတ်ထွက်ခဲ့ရင် အစားထိုးဖို့ ဖီဖာက စဉ်းစားနေပြီဖြစ်ကြောင်း သိရပါတယ်။

ဖီဖာက ၂၀၂၆ ကမ္ဘာ့ဖလားခြေစစ်ပွဲမအောင်မြင်တဲ့အသင်းတွေထဲက ဥရောပက ကမ္ဘာ့အဆင့်အမြင့်ဆုံးနှစ်သင်းနဲ့ အာရှက ကမ္ဘာ့အဆင့်အမြင့်ဆုံးနှစ်သင်းကို Play-offs ယှဉ်ပြိုင်စေဖို့ စဉ်းစားနေကြောင်း သိရပါတယ်။

ဒါကြောင့် ကမ္ဘာ့ဖလားပြိုင်ပွဲ (၃)ကြိမ်ဆက် ခြေစစ်ပွဲမအောင်မြင်ခဲ့တဲ့ အီတလီအသင်း အခွင့်အရေးပြန်ရလာနိုင်ကြောင်း သုံးသပ်ဖော်ပြမှုတွေလည်း ရှိလာခဲ့ပါတယ်။

Photos: X

742

Eleven Sports

13 abr 2026, 18:19

📷 Photo

748

Showing 30 of 55 posts

Calificación

Se requiere iniciar sesión

Reseñas de usuarios (0)

Todavía no hay reseñas. ¡Sea el primero en compartir su experiencia!

Canales de Telegram relacionados

Loading recommended channels...

Eleven Sports

Eleven Sports

Clasificación

Crecimiento de participantes (Últimos 8 días)

Últimas publicaciones

Calificación

Reseñas de usuarios (0)

Canales de Telegram relacionados

ajedrez

RUEDAVAR

GOAT BET APUESTAS🐐

Liverpool Real Madrid

੭୧ 🐰 ♡ archive mlbb. ꒱ ׅ ׂ

real Madrid vs barselona

блондикьюс

🎖Club de Oro🎖- Apuestas Deportivas

Canales de Telegram relacionados

ajedrez

RUEDAVAR

GOAT BET APUESTAS🐐

Liverpool Real Madrid

੭୧ 🐰 ♡ archive mlbb. ꒱ ׅ ׂ

real Madrid vs barselona

блондикьюс

🎖Club de Oro🎖- Apuestas Deportivas

Reseñas de usuarios (0)

Últimas publicaciones