TIKVAH-ETHIOPIA

Public

View Channel

3.8K

Can't Join? @Ethiopian_ICS0

14.2k Members

Updated: May 4, 2026 at 5:23 PM

TIKVAH-ETHIOPIA

Buy Ads: https://telega.io/c/Ethiopian_ICS0 ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsp

@Ethiopian_ICS0 is a growing community focused on tikvahethsp and tikvahethafaanoromoo and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 14.2K

24h growth: +0 0%

Latest Posts

TIKVAH-ETHIOPIA

27. Apr. 2026, 15:35

📷 Photo

" ተሽከርካሪው በደረሰበት ከፍተኛ ጉዳት ምክንያት የታርጋ ቁጥሩን ለይቶ ለማወቅ አስቸጋሪ ነው " - ፖሊስ

በደሃና ወረዳ በደረሰ አሰቃቂ የትራፊክ አደጋ የ18 ሰዎች ህይወት ሲያልፍ በ62 ሰዎች ላይ ደግሞ ጉዳት ደረሰ።

በአማራ ክልል፣ በዋግ ኽምራ ብሄረሰብ አስተዳደር ከእብናት ከተማ ተነስቶ ወደ ሰቆጣ ከተማ በመጓዝ ላይ የነበረ አይሱዚ ተሽከርካሪ በደረሰበት ድንገተኛ አደጋ የ18 ሰዎች ህይወት ማለፉን የደሃና ወረዳ ፖሊስ ጽህፈት ቤት አስታወቀ።

ፖሊስ አደጋው የደረሰው በደሃና ወረዳ 09 ቀበሌ ልዩ ስሙ "ቢግልሽዋ" ተብሎ በሚጠራው አካባቢ እንደሆነና፣ ተሽከርካሪው በደረሰበት ከፍተኛ ጉዳት ምክንያት የታርጋ ቁጥሩን ለይቶ ለማወቅ አስቸጋሪ መሆኑን ገልጿል።

በደረሰው በዚህ አሳዛኝ አደጋ የ18 ሰዎች ህይወት ወዲያውኑ ያለፈ ሲሆን፣ በሌሎች 62 መንገደኞች ላይ ደግሞ ቀላልና ከባድ የአካል ጉዳት ደርሶባቸዋል።

የአደጋውን መንስኤና ዝርዝር ጉዳዮችን በተመለከተ ተጨማሪ መረጃ ለማግኘት ቲክቫህ ኢትዮጵያ የዋግ ኽምራ ብሄረሰብ አስተዳደር ም/አስተዳዳሪና ኢንቨስትመንት መምሪያ ሀላፊ የሆኑት አቶ ሹመት ጥላሁንን ብንጠይቅም በሌላ ቀን እንድንደውል በመንገር ዝርዝር መረጃ ከመስጠት ተቆጥበዋል።

በርካቶች በአንድ መኪና 80 ሰው ሲጫን ተቆጣጣሪ እንኳን የለም ወይ ? ሲሉ ጠይቀዋል።

ቲክቫህ ኢትዮጵያ
ሚያዚያ 18 ቀን 2018 ዓ/ም

🎂 መጨረሻው  ላይ  ያለውን  ልንክ በመጫን  የኬክ  እና  ሻይ  ብር  ውሰዱ👇🏿
https://t.me/addlist

229

TIKVAH-ETHIOPIA

27. Apr. 2026, 15:35

📷 Photo

#TeddyAfro

" በምንም መልኩ ከአርቲስቱ ጋር የሚገናኝ የወንጀል ምርመራ ስራ የለንም/አልሰራንም ፤ እሱ ላይ የቀረበ ጥቆማም የለም ፤ እሱ የኛ ተጠርጣሪ አይደለም ! " - የፌዴራል ፖሊስ ለቲክቫህ ኢትዮጵያ

አርቲስት ቴዎድሮስ ካሳሁን (ቴዲ አፍሮ) " ኢትዮሪካ " አልበሙን ለአድማጭ አድናቂዎቹ ካቀረበበት ጊዜ አንስቶ በእሱና በእሱ ዙሪያ ባሉ ሰዎች ላይ ጫና እየደረሰ መሆኑ እየተነገረ ነው።

" ምክትል ማናጀሩን ጨምሮ የረጅም ጊዜ የቅርብ ጓደኛው  " መታሰራቸውም ተመላክቷል።

ከዚህ ባለፈ ታጥቀው በመኪና የመጡ አካላት " ሲኤምሲ " አካባቢ የሚገኝ የሙዚቃ ስቱዲዮ እና ስራዎችን የሚያዘጋጅበት ቦታን በምሽት በኃይል በመስበር መዝረፋቸው ተነግሯል።

የጀርመን ድምጽ ሬድዮ ጣቢያም የቴዲ አፍሮን የቅርብ ሰዎች ዋቢ በማድረግ ስቱዲዮው " ተዘርፏል " ብሏል። ጠባቂዎችም መደብደባቸውን ገልጿል። ከተዘረፉት ውስጥ ያልወጡ የሙዚቃ ስራዎች ያሉባቸው ፋይሎች እንዳሉ አመልክቷል።

እስካሁን ድረስ እየደረሱ ነው ስለተባሉት ጫናዎች እና በስቱዲዮው ላይ በታጠቁ አካላት " ተፈጽሟል " ስለተባለው ዝርፊያ አርቲስት ቴዎድሮስ ካሳሁን (ቴዲ አፍሮ) በይፋ የሰጠው ቃል፣ በማነጀሩ በኩል የሰጠው ማብራሪያ የለም።

ቲክቫህ ኢትዮጵያ ፥ ቴዲ አፍሮ ላይ እየደረሰ ነው ስለተባለው ከፍተኛ ጫና እንዲሁም " ተፈጽሟል " ስለተባለው ዝርፊያ የኢትዮጵያ ፌዴራል ፖሊስን ጠይቋል።

ቲክቫህ ኢትዮጵያ ያነጋገራቸው የወንጀል ምርመራ ጠቅላይ መምርያ የወንጀል ምርመራ ኦፕሬሽን ዋና መምሪያ ኃላፊ ም/ኮሚሽነር ሙሊሳ አብዲሳን ነው።

ም/ኮሚሽነር ሙሊሳ ፥ " የፌደራል ፖሊስ እንደዚህ አይነት ውንብድና አይሰራም። ስብእናውም አይደለም። የሚሰራው በህግና በህግ ብቻ ነው " ብለዋል።

" ብዙ ኦፕሬሽኖችን እንሰራለን በነዚህ ኦፕሬሽኖች ውስጥ ከእሱ (ከቴዲ አፍሮ) ጋር የሚገናኙ እኛ ያደረግነው ነገር የለም " ሲሉ ገልጸዋል።

ቴዲ አፍሮ የኢትዮጵያ ፌዴራል ፖሊስ ተጠርጣሪ እንዳልሆነ ፣ በእሱ ላይ ምንም አይነት ምርመራ እንዳልተደረገ / የምርመራ ስራ እንዳልተሰራ ፣ እንዲሁም ከእሱ ጋር የሚገናኝ ጥቆማ ለፖሊስ እንዳልደረሰውና ፌዴራል ፖሊስ እሱ ላይ አንድም ነገር እንዳላደረገ ለቲክቫህ ኢትዮጵያ ተናግረዋል።

" ህዝቡም ይሄን ይወቅልን " ብለዋል።

" እሱ አርቲስት ነው ሙዚቃውን አውጥቷል ፤ ቤቱ ነው ያለው በስርዓት እየኖረ ነው ያለው ፤ በእሱ ላይ የተደረገ ምንም አይነት ነገር የለም " ሲል ገልጸዋል።

" እኛም እንደማንኛውም ሰው ሚዲያ ላይ እናያለን ፤ በየቀኑ በሺዎች የሚቆጠሩ የፈጠራ ወሬዎች ይፈጠራሉ። ስለዚህ አርቲስቱን እንደማስያዣ ይዘው የፖለቲካ አጀንዳ ማራገብ የሚፈልጉትንም እያየናቸው ነው " ሲሉ አስረድተዋል።

ም/ኮሚሽነር ሙሊሳ ፥ " ይሄ ዜጋ ህገመንግስታዊ መብቱን ተጠቅሞ ሙዚቃ ሰርቷል። ድጋፊዎቹ ይደግፉታል፤ የሚቃወሙትም አሉ ፤ ያ ሌላ ሜዳ ነው። ስለዚህ ከእሱ ጋር የሚገናኝ ምንም አይነት ንክኪ ያለው ጉዳይ ላይ ተሳትፎ አላደርግንም " ሲሉ አብራርተዋል።

" ህግ ጥሶ ከተገኘ እንደማንም ሰው ሊጠየቅ የሚችል ሰው ነው ዜጋ እስከሆነ ድረስ " ያሉት አቶ ሙሊሳ ፥ " በአሁኑ ጊዜ ከእሱ ጋር የሚገናኝ ምንም አይነት የምርመራ ስራ አልሰራንም " ብለዋል።

" ዋናውና ትልቁ ነገር ህዝቡም በደምብ ሊገነዘብ የሚገባው ዝም ብሎ ኮሽ ባለ ቁጥር ድሮ ሰው ' እንደዚህ ዘፈንክ ' ተብሎ እንደሚያስር እንደዚህ አይነት ነገር graduate አድርጎ አልፏል የጸጥታ ተቋሙ። ወንጀል ከሰራ ማንም ሰው ይጠየቃል ፤ የመንግሥት አካል ፣ አመራርም ቢሆን በህግ በማስረጃ ይጠየቃል። ወንጀል ያልሰራ ሰው ግን በፍጹም አይጠየቅም " ሲሉ ተናግረዋል።

ም/ኮሚሽነር ሙሊሳ አብዲሳ፥ " ' ክልከላ ተደርጓል ' ሲባል የነበረውም ውሸቶች ናቸው " ያሉ ሲሆን " ሁሉም መሰረተ ቢስ ነው።  ይሄ ልጁን (ቴዲን) ተጠቅመው ህዝብ ላይ ሽብር ለመፍጠር የሚደረግ የሳይበር ወሬ ነው እንጂ በተግባር ቤቱ ሆኖ በስርዓት እየኖረ ያለ ሰው ነው " ብለዋል።

" አርቲስት ሆኖ ሙዚቃ መስራት ፤ የፈለከውን opinion (አመለካከት) የመያዝ ህገመንግስታዊ መብት ነው። ከዚህ ውጪ ያለ ማስረጃ ሰው የማይያዝበትን ሂደት ፈጥረናል ለዚህ ቴክኖሎጂ ተጠቅመን የትኛውም አይነት የምርመራ ስራዎችን እንሰራለን የምንሰራቸውንም በግልጽ ለህዝብ እናሳውቃለን " ብለዋል።

ም/ኮሚሽነር ሙሊሳ " ሰው ሊታወቅ ይችላል ፣ ወንድምህ ሊታሰር ይችላል አናውቅም ፣ ጓደኛህ ሊታሰር ይችላል አናውቅም ግን ይህ ሰው ከማን ጋር ይውላል ማነው ብለን አናስርም ፤ የምንሰራቸው ስራዎች legitimate ናቸው ፍ/ቤት አቅርበን በስርዓት ጊዜ ቀጠሮ ጠይቀን እንመረምራለን ይሄ የማስረጃ ጉዳይ ነው ሂደታችንም ይኸው ነው። ከዚህ ውጭ ምንም ከአርቲስቱ ጋር የሚገናኝ ምርመራ አልሰራንም " ሲሉ አስረድተዋል።

" ሌላ የፖለቲካ ፍላጎት ያላቸው ሰዎች እሱን መጠቀሚያ ማድረግ ስለሚፈልጉ እሱ ስለማያዋጣቸው ቢተውት ጥሩ ነው " ብለዋል።

ከቴዲ ጋር የተያያዘው ጉዳይ ቀድሞ መጀመሩን ያነሱት አቶ ሙሊሳ " ' መግለጫ ተከለከለ ' ተባለ ምን ስለሆነ ? ሚስቱ እኮ አለች ሚዲያ አላት እሱ መስጠት አይችልም ? ቤቱ ሆኖ መስጠት አይችልም ? በሞባይል ስልኩ መስጠት ይችላል። መንግሥት ' ከለከለ ' የሚለው ከመነሻው መሰረተ ቢስ ነው፤ ለምን ይከለከላል ? ሰው የታገለው እንደዚህ አይነት መብቶች እንዲከበሩለት ነው። እንደ law enforcement የምንሰራው መብት እንዲከበር ነው " ሲሉ አብራርተዋል።

" ከአርቲስቱ ጋር የተገናኘና እሱንም መሰረት የሚያደርግ ምንም ነገር ባልሰራንበት ፤ ሳይበር ተጠቅመው ብዙ የፖለቲካ ፍላጎት ያላቸው ህዝቡን በሌላ ነገር ማንቀሳቀስ ያልቻሉ እሱ እንደተነካ አድርገው የሚፈጽሙት ተግባር መሰረተ ቢስ ነው " ሲሉ አጽንኦት ሰጥተዋል።

ም/ኮሚሽነር ሙሊሳ አብዲሳ ህዝቡ የሚሰማውን ሁሉ ከማመን እንዲጠነቀቅ ጥሪ አቅርበዋል።

" የሰማነው ነገር ፣ የሚወራው ሁሉ እውነት አይደለም። ዛሬ AI አለ ፤ ለምሳሌ፦ ' የሙዚቃው መሳሪያ ተወሰደ ' ተብሎ የተሰራው ሙሉ በሙሉ ውሸት ነው። በሳይበር፣ በሚዲያ የተወራው ሁሉ እውነት አይደለም። ህዝቡ ይሄን ማመዛዘን አለበት። የነ ብርቱካንን ኬዝ ታስታውሳላችሁ አምና ምን እንደሆነ ህዝቡ ከተረጋጋ በኋላ እውነታው ወጣ " ሲሉ ተናግተዋል።

" ዛሬ ላይ ማንም ሰው ፣ ግለሰብ ሚዲያ በእጁ ነው ይሄንን መከልከል አይቻልም ፤ መረጃ ተጠቃሚው ህዝብ ግን በደምብ ቆሞ ማሰብ ያለበት የትኛው ነው የሚጠቅመው የሚለውን ነው ፤ እየለየ ሊጠቀም ይገባል " ብለዋል።

ቲክቫህ ኢትዮጵያ
አዲስ አበባ
ሚያዚያ 18 ቀን 2018 ዓ/ም

https://t.me/addlist

TIKVAH-ETHIOPIA

27. Apr. 2026, 15:35

📷 Photo

#👀TeddyAfro

አርቲስት ቴዎድሮስ ካሳሁን (ቴዲ አፍሮ) ለአድማጭ አድናቂዎቹ ያቀረበው 18 ዘፈኖችን የያዘው " ኢትዮሪካ " አልበም በ9 ቀናት ውስጥ ብቻ በዩትዩብ ከ100 ሚሊዮን በላይ እይታን አገኘ።

" ዳስ ጣል/አንሳው " የተሰኘው ሙዚቃ በዚሁ በ9 ቀን ውስጥ 18,000,000 እይታን/አድማጭ በማግኘት ቀዳሚውን ስፍራ የያዘ ሲሆን ፤ ሌሎች ከፍተኛ እይታ/አድማጭ ካገኙት ውስጥ ስምምነ 8,000,000 ፣ ጀምበር 7,700,000 ይገኙበታል።

ቲክቫህ ኢትዮጵያ
ሚያዚያ 18 ቀን 2018 ዓ/ም✔️
👇
https://t.me/addlist

784

TIKVAH-ETHIOPIA

27. Apr. 2026, 15:35

📷 Photo

👀" የምወዳደረው አራዳ ወረዳ ሁለት 14 በሚባልው የምርጫ ክልል ነው " - ዲያቆን ዳንኤል ክብረት ለቲክቫህ ኢትዮጵያ⭐️

🏠የጠ/ሚ ዐቢይ አሕመድ (ዶ/ር) የማህበራዊ ጉዳዮች አማካሪ ሙዓዘ ጥበባት ዲ/ን ዳንኤል ክብረት በሰባተኛው ጠቅላላ ምርጫ የብልጽግና ፓርቲ እጩ ሆነው ለምርጫ መቅረባቸውን ለቲክቫህ ኢትዮጵያ አረጋግጠዋል።

ይሁን እንጅ ለወከሉት ምርጫ ክልል ዝግጅታቸውን በተመለከተ ቲክቫህ ኢትዮጵያ ማብራሪያ ሲጠይቃቸው " ዝርዝር ማብራሪያ ለመናገር አሁን ያለሁበት ቦታ አይመቸኝም " ብለዋል።

የብልጽግና ፓርቲ እጩ ሆነው ቀርበዋል መባሉ ግን እውነት ነው ? በሚል ላቀረብነው ጥያቄ ግን፣ " አዎ " የሚል አጭር የማረጋገጫ ምላሽ ሰጥተውናል።

ታዲያ የትኛውን አካባቢ ወክለው ነው የሚወዳደሩት ? ለሚለው የቲክቫህ ኢትዮጵያ ጥያቄ፣ " የምወዳደረው አራዳ ወረዳ ሁለት 14 በሚባልው የምርጫ ክልል ነው " ብለዋል።

ዘንድሮ እጩ ሆነው የሚወዳደሩበት አራዳ ምርጫ ክልል የአዲስ አበባ ዩኒቨርሲቲ ፕሬዚዳንት ሳሙኤል ክፍሌ (ዶ/ር) ከዚህ ቀደም ተወዳድረውበት የነበረውን ተክተው ማለት ነው? ስንላቸው " አዎ " የሚል ምላሽ ሰጥተዋል።

ቲክቫህ ኢትዮጵያም፣ እንዴት በሳሙኤል ክፍሌ (ዶ/ር) ቦታ ሊተኩ ቻሉ ? ብሎ ሲጠይቃቸው፣ " እሱን እኔ አላውቅም ፓርቲውና ምርጫ ቦርድ ናቸው የሚያውቁት " ሲሉ መልሰዋል።

በዚህ ጉዳይ ላይ የአዲስ አበባ ዩኒቨርሲቲ ፕሬዚዳንት ሳሙኤል ክፍሌ (ዶ/ር)ን ማብራሪያ ለማካተት በእጅ ስልካቸው ቢደውልም ለጊዜው ሳያነሱ ቀርተዋል።

ይሁን እንጂ ሳሙኤል (ዶ/ር) ከሚያዝያ ወር 2018 ዓ/ም መጀመሪያ አንስቶ በገዛ ፈቃዳቸው ከውድድሩ ራሳቸውን ማግለላቸውን ለኢትዮጵያ ኢንሳይደር ድረገጽ አስታውቀዋል።

ከምርጫ ውድድሩ የራቁት " በግል ምክንያት " እንደሆነ የገለጹ ሲሆን፣ የኢትዮጵያ ብሔራዊ ምርጫ ቦርድም ጥያቄያቸውን ተቀብሎ ከዕጩነት ዝርዝር ውስጥ እንዳወጣቸው አስረድተዋል።

ሳሙኤል (ዶ/ር) ገዢውን ፓርቲ ወክለው በአራዳ ክፍለ ከተማ ለፓርላማ እንዲወዳደሩ ቀርበው የነበረ ቢሆንም የእርሳቸው ዕጩነት ፕሬዝዳንቶች ከፓርቲ አባልነት እንዲለቁ ከሚያዝዘው የራስ ገዝ ዩኒቨርሲቲዎች አዋጅ ጋር እንደሚቃረን ሲገለጽ ቆይቷል።

በዚህም መሰረት ሳሙኤልን (ዶ/ር) ተክተው በአራዳ ክፍለ ከተማ ለፓርላማ የሚወዳደሩት ዲያቆን ዳንኤል ክብረት መሆናቸው ተረጋግጧል።

ዲያቆን ዳንኤል ክብረት በ6ኛው ዙር ጠቅላላ ምርጫ በግላቸው በመወዳደር የህዝብ እንደራሴዎች ምክር ቤት አባል መሆናቸው ይታወሳል። በሰባተኛው ምርጫ ደግሞ የብልጽግና ፓርቲ እጩ ተወዳዳሪ ሆነዋል።

ቲክቫህ ኢትዮጵያ
አዲስ አበባ✔️
#TikvahEthiopiaFamilyAA✔️
👇
https://t.me/addlist

TIKVAH-ETHIOPIA

27. Apr. 2026, 15:35

📷 Photo

‎" የእናትና ልጅን ጨምሮ የ4 የሰው ህይወት አልፏል " - የዳሞት ጋሌ ወረዳ ዋና አስተዳዳሪ ለቲክቫህ ኢትዮጵያ
‎
‎በደቡብ ኢትዮጵያ  ክልል ወላይታ ዞን ዳሞት ጋሌ ወረዳ ‎በዳሞታ ተራራ ግርጌ በሚገኙ ሁለት ቀበሌያት ትላንት ሌሊት የጣለውን ከፍተኛ ዝናብ ተከትሎ በተከሰተው የመሬት ናዳ አደጋ የ4 ሰው ህይወት ማለፉን የወረዳው ዋና አስተዳዳሪ አቶ አለማየሁ ባርጌ ለቲክቫህ ኢትዮጵያ ገለጹ።
‎
‎በወረዳው ወሽ ጋሌ እና በኮናሳ ፑላሳ በሚባሉ ቀበሌያት አደጋው መከተሰቱን የገለፁት ዋና አስተዳዳሪው በናዳው እናትና ልጅን ጨምሮ የሁለት ቤተሰብ አባላት የሆኑ የ4 ሰዎች ህይወት ማለፉን ገልፀዋል።
‎
‎አደጋው የደረሰበት አከባቢ አስቀድሞውኑ ስጋት እንደነበርና በአከባቢው የሚኖሩ ሰባ አባዎራዎችን የማስነሳት ስራ ተጀምሮ እንደነበር አስረድተዋል።
‎
‎ተጎጂዎችን ጨምሮ ለአደጋ ተጋላጭ የሆኑ የአከባቢውን ነዋሪዎች በዘላቂነት የመደገፍና የማቋቋም ሥራ እንደሚሰራ ገልፀዋል።
‎
‎የወላይታ ዞን መንግስት ኮሚኒኬሽን በፌስ ቡክ ገፁ ባወጣው የሀዘን መግለጫ  " በወቅታዊው የአየር ሁኔታ ትንበያ መሠረት የዝናብ ሁኔታ ከመደበኛ በላይ የመጨመር አዝማሚያ ሊኖር ስለሚችል በዞናችን ፦
- በካዎ ኮይሻ፣
- ኪንዶ ኮይሻ፣
- ኪንዶ ዲዳዬ፣
- ድጉና ፋንጎ እና አበላ አባያ እንዲሁም ሌሎችም አካባቢዎች የመሬት መንሸራተት፣ ናዳ እና የወንዝ ሙላት ሊያጋጥም ስለሚችል ሕብረተሰቡ ጥንቃቄ እንዲያደረግ " ሲል አሳስቧል።

ቲክቫህ ኢትዮጵያ
ሀዋሳ
ሚያዚያ 17 ቀን 2018 ዓ/ም

https://t.me/addlist

TIKVAH-ETHIOPIA

27. Apr. 2026, 15:35

📷 Photo

👀የ12ኛ ክፍል ፈተና የሚሰጥበት ቀን ይፋ ሆነ።✔️

✔️የሁለተኛ ደረጃ ትምህርት ማጠናቀቂያ ሠርተፊኬት (12ኛ ክፍል ፈተና) ከሰኔ 24 እስከ ሃምሌ 17 ቀን 2018 ዓ/ም ድረስ እንደሚሰጥ የትምህርት ምዘናና ፈተናዎች አገልግሎት አሳውቆናል።

በሌላ በኩል ፦

- የሬሜዲያል ፕሮግራም ሀገር አቀፍ ፈተና ከግንቦት 17 እስከ ግንቦት 20 ቀን 2018 ዓ/ም ➡️ ግንቦት 19 ኢድ አልአድሃ

- የቅድመ ምረቃ ትምህርት መውጫ ፈተና ከሰኔ 2 እስከ ሰኔ 12 ቀን 2018 ዓ/ም

- የድህረ ምረቃ ትምህርት መግቢያ ፈተና (NGAT) ከሃምሌ 29 እስከ ሃምሌ 30 ቀን 2018 ዓ/ም

- የመሰረታዊ የንባብና የስሌት ክህሎት ምዘና ጥናትና ምርምር መረጃ መሰብሰብ ከሚያዚያ 26 እስከ ግንቦት 7 ቀን 2018 ዓ/ም ... ይሰጣል።

ቲክቫህ ኢትዮጵያ
ሚያዚያ 16 ቀን 2018 ዓ.ም
☄️☄️
https://t.me/addlist

861

TIKVAH-ETHIOPIA

27. Apr. 2026, 15:35

📷 Photo

👨‍💼Day one of Big 5 Construct Ethiopia is officially underway, and the exhibition halls are buzzing with energy as conversations and connections kick off.

The doors have opened and over 10,000 construction professionals are already on the show floor connecting with suppliers, discovering new products and exploring solutions for upcoming projects.

If you have not secured your free visitor pass yet, there is still time.

Two more days to source, learn and connect with 200+ brands from over 20 countries.

Register now and join the industry at Addis International Convention Centre.
🗓️ 23–25 April 2026 | 10am - 6pm daily
📍 Addis International Convention Centre (AICC), Ethiopia✔️
👇
https://t.me/addlist

1,010

TIKVAH-ETHIOPIA

27. Apr. 2026, 15:35

📷 Photo

" ይሄ ሆቴል 1.9 ቢሊዮን ብር ተጠቅሟል " - አትሌት ሻለቃ ኃይሌ ገብረስላሴ

➡ ቀጣይ መዳረሻ ጎንደር ፣ ድሬዳዋ ፣ ሀረር ነው !

የአትሌት ሻለቃ ኃይሌ ገብረስላሴ 11ኛው መዳረሻ ባለአራት ኮከብ ሆቴልና ሪዞርት በአማራ ክልሏ ደብረ ብርሃን ከተማ ዛሬ ሚያዚያ 15 ቀን 2018 ዓ/ም ተመርቋል።

በምረቃ መርሃ ግብሩ፣ የሰሜን ሸዋ አስተዳደር አቶ መካሻ አለማየሁ፣ የደብረ ብርሃን ከተማ ከንቲባ አቶ በድሉ ውብሸትን ጨምሮ ሌሎች ተጋባዥ እንግዶችና ኃላፊዎች ተገኝተዋል።

አትሌት ሻለቃ ኃይሌ ወቅቱ ባደረጉት ንግግር፣ ሆቴሉ 8 ሺህ ካሬ ላይ ነው ያረፈው ፤ ይሄ ሆቴል 1.9 ቢሊዮን ብር ተጠቅሟል " ብለዋል።

የሆቴልና ሪዞርት ግንባታው " ዘግየት ቢልም በምንፈልገው መሰረት ተሳክቶልን ነው የተሰራው " ሲሉ ተናግረዋል።

ከዚህ ቀደም 10 ሆቴል እና ሪዞርቶች እንደተገነቡና ደብረ ብርሃን 11ኛው መዳረሻ መሆኑን ገልጸው፣ " የቀጣዩ መዳረሻችን ፦
- ጎንደር
- ድሬዳዋ
- ሀረር ይሆናል " በማለት ሆቴል ግንባታው እንደሚቀጥል አረጋግጠዋል።

እንዲሁም፣ " የኃይሌ ሆቴልና ሪዞርት ግሩፕ የሚያጨበጭብለት ሆቴል ጎንደር ነው " ሲሉም የጎንደሩ ሆቴል ልዩ መሆኑን ከወዲሁ ጠቁመዋል።

የኃይሌ ሆቴሎች እና ሪዞርቶች ግሩፕ ማኔጅንግ ዳይሬክተር አቶ ጋዲሳ ግርማ በበኩላቸው፣ ሆቴሉ ባለአራት ኮከብ መሆኑን ገልጸዋል።

እስካሁን በቋሚነት ለ200 ዜጎች ቋሚ የሥራ እድል መፈጠሩን ሆቴሉ ሙሉ ለሙሉ ሥራ ሲጀምር ከ300 በላይ ለሚሆኑ ዜጎች የሥራ እድል እንደሚፈጥር ተናግረዋል።

ደብረ ብርሃን ኃይሌ ሆቴልና ሪዞርት፦

•123 የእንግዳ ማረፊያ፣
• የሀገር ውስጥና ውጭ ምግብ የሚሰናዱባቸው አራት ሬስትራንቶች
• አንድ ባር
• ስድስት የተለያዩ መሰብሰቢያ አዳራሾችን የያዘ መሆኑንም አብራርተዋል።

የደብረ ብርሃን ከተማ ከንቲባ አቶ በድሉ ውብሸት፣ ሻለቃ ኃይሌና ቤተሰቦቻቸውን አመስግነው ሆቴሉ በከተማዋ ያሉትን ኢንቨስትመንት ምቹና ሳቢ የማድረግ እድሉ ከፍተኛ መሆኑን ገልጸዋል።

የሰሜን ሸዋ ዞን አስተዳዳሪ አቶ መካሻ አለማየሁ ደግሞ " ኃይሌ ደብረብሃን ወጣት እንድትሆን ይሄንን ሆቴል አምጥተሃል " ሲሉ አመስግነዋል።

ሰሜን ሸዋ ዞን ለኢንቨስትመንት ሥራ ምቹ መሆኑን ገልጸው፣ ባለፉት 6 ወራት 370 የሚሆኑ ከ50 ቢሊዮን ብር በላይ ያስመዘገቡ ባለሃብቶች የኢንቨስትመንት ፈቃድ መውሰዳቸውን ኢንቨስትመንቱ ለ65 ሺህ ዜጎች የሥራ እድል እንደሚፈጥር ተናግረዋል።

" ቡልጋ ላይ 270 ኢንቨስትመንቶች አሉ " ያሉት አቶ መካሻ፣ " አትሌት ሻለቃ ኃይሌ ቡልጋ ላይ አንድ ሆቴል እንዲሰራ አደርገዋለሁ " ሲሉም ተናግረዋል።

ቲክቫህ ኢትዮጵያ
ሚያዚያ 15 ቀን 2018 ዓ/ም

https://t.me/addlist

TIKVAH-ETHIOPIA

19. Apr. 2026, 20:28

📷 Photo

✅በረዶ የቀላቀለ ዝናብ የአንድ ሰውና 139 እንስሳት ህይወት ቀጠፈ።✔️

✔️ሟቹ የ10 ዓመት ልጅ ነው።

✔️ትናንት አርብ ሚያዝያ 9/2018 ዓ.ም በትግራይ ምስራቃዊ ዞን 2 አውላዕሎ ወረዳ ሓየሎም ቀበሌ ዛዕና እና ተልዓል በተባሉ መንደሮች በረዶ የቀላቀላቀለ ዝናብ የሰው ህይወት ቀጥፏል።

✔️በረዶ የቀላቀለው ዝናቡ ለ1 ከ40 ደቂቃ መቆየቱ የገለፀው ወረዳው ይህንን ዜና እስከተጠናቀረበት ባለው ጊዜ አንድ የ10 ዓመት ልጅ ፣  135 በግና ፍየል ፣  2 ከብት 1 አህያ ህይወታቸው ሲያልፍ የንብ ቆፎዎችና 4 መኖሪያ ቤቶች ፈርሷል።

✔️መቐለና ዙሪያዋ ጨምሮ በትግራይ ክልል በርካታ አከባቢዎች ዝናብ መዝናብ ላይ ይገኛል።

💋ቲክቫህ ኢትዮጵያ
መቐለ
ሚያዚያ 10 ቀን 2018 ዓ/ም

💰መጨረሻው  ላይ  ያለውን  ልንክ በመጫን  የኬክ  እና  ሻይ  ብር  ውሰዱ👇🏿
https://t.me/addlist

575

TIKVAH-ETHIOPIA

19. Apr. 2026, 20:28

📷 Photo

🪙" ‎ታጣቂዎቹ የህዝብ ትራንስፖርት ተሽከርካሪ በማስቆም የፀጥታ አካላትን ብቻ ለይተው በማውረድ ነው በጥይት ደብድበው የገደሏቸው " - ፖሊስ⭐️✔️

‎ታጣቂዎች በፈፀሙት ጥቃት በአንድ ተሽከርካሪ ውስጥ የነበሩ፦
- አንድ የማዕከላዊ ኢትዮጵያ ፖሊስ አባል ፣
- አንድ የአዲስ አበባ ፖሊስ አባል፣
- አንድ የሀገር መከላከያ ሰራዊት አባል ሲገደሉ ተሳፋሪዎች ላይ ዝሪፊያ መፈፀሙን የማዕከላዊ ኢትዮጵያ ክልል ፖሊስ አስታወቀ።🛍
‎
‎የማዕከላዊ ኢትዮጵያ ክልል ፖሊስ ኮሚሽን የሕዝብ ግንኙነትና ገፅታ ግንባታ ዘርፍ ኃላፊ ኮማንደር ታጁ ነጋሽ ለቲክቫህ ኢትዮጵያ እንደገለፁት ጥቃቱ የተፈፀመው ሚያዚያ 5 ቀን 2018 ዓ/ም ከቀኑ 11 ሰዓት ገደማ በምስራቅ ጉራጌ ዞን ሶዶ ወረዳ በሱተንና ጥያ መሃል ' ቀሬ ' ተብሎ በሚጠራው አከባቢ ነው።💓

ታጣቂዎች የሕዝብ ትራንስፖርት ተሽከርካሪ በማስቆም ሶስት የመንግስት የፀጥታ አባላትን ገድለው ሌሎች ተሳፋሪዎችን መዝረፋቸውን ኮማንደር ታጁ ለቲክቫህ ኢትዮጵያ ተናግረዋል።📈
‎
‎በጥቃቱ ኮማንደር አልማዝ ዮሐንስ የተባሉ የማዕከላዊ ኢትዮጵያ ክልል ከንባታ ዞን ከፍተኛ የፖሊስ መኮንን ጨምሮ አንድ የአዲስ አበባ ፖሊስ አባል እና አንድ የሀገር መከላከያ ሠራዊት አባል መገደላቸውን አስታውቀዋል።🕯✔️
‎
‎ተሽከርካሪው መነሻውን ወላይታ ሶዶ አድርጎ ወደ አዲስ አበባ ሲጓዝ እንደነበር የተገለፀ ሲሆን የፖሊስ መኮንኗ ከመኖሪያቸው ዱራሜ ተሳፍረው ወደ አዲስ አበባ እየተጓዙ እንደነበር ታውቋል።⭐️✔️
‎
‎ታጣቂዎቹ ከላይ በተጠቀሰው ስፍራ ተሽከርካሪውን በማስቆምና የመንግስት የፀጥታ አካላትን ብቻ ለይተው በማውረድ በጥይት ደብድበው እንደገደሏቸው ተገልጿል።💵✔️

ከሶስቱ የመንግስት የፀጥታ አባላት መካከል በኢትዮጽያ ሀገር መከላከያ ዩንቨርሲቲ ዋር ኮሌጅ በስትራቴጂክ አመራር ስልጠና ላይ የነበሩት ኮማንደር አልማዝ ዮሐንስ በሶስት ጥይት ተመተው መገደላቸውን ኮማንደር ታጁ ነጋሽ ለቲክቫህ ኢትዮጵያ አስረድተዋል።🌟✔️

የቀብር ስነ ስርዓታቸውም በፖሊሳዊ አሸኛኘት በዱራሜ ከተማ የተለያዩ ክልሎች የፖሊስ ኮሚሽነሮችና የፖሊስ አባላትና ወዳጅ ዘመድ በተገኙበት በወንጌላውያን አማኞች መካነ መቃብር ተፈፅሟል።🛍✔️

ኮማንደር አልማዝ ባለትዳር እንዲሁም የሁለት ሴትና አንድ ወንድ ልጅ እናት ነበሩ።💵✔️
‎
‎የጥቃት አድራሾቹን ማንነት በሚመለከት " ፀረ ሰላም ሃይሎች " ከሚል በዘለለ የማዕከላዊ ኢትዮጵያ ክልል ፖሊስ ሆነ ሌሎች መዋቅሮች የገለፁት ነገር የለም።🌟
‎
‎ቲክቪህ ኢትዮጵያ በጉዳዩ ላይ ተጨማሪ መረጃዎችን ሲያገኝ የሚያቀርብ ይሆናል።💸✔️

ቲክቫህ ኢትዮጵያ
ሀዋሳ✔️
ሚያዚያ 8 ቀን 2018 ዓ/ም

https://t.me/addlist

TIKVAH-ETHIOPIA

19. Apr. 2026, 20:28

📷 Photo

"... አሁን የተወሰደው እርምጃ የህዝቡን ቁጣ ለማቀዝቀዝ የተደረገ ጊዜያዊ ማዘናጊያ ነው ወይስ ዘላቂ የህግ የበላይነትን የማረጋገጥ ስራ ? " - ነዋሪዎች

ሰሞኑን #በአምቦ_ከተማ ነዋሪ በሆኑ የማህበራዊ ሚዲያ ተጠቃሚዎች ይፋ የተደረጉት ቪድዮዎች የብዙሃንን ትኩረት የሳቡና ያስደነገጡ እንዲሁም የበርካቶች መነጋገሪያ ሆኑ ነበሩ።

በቪድዮዎቹ ላይ ማንነታቸው በግልጽ የሚታወቅ፤ የሚታይ ጎረምሶች በቡድን በመሆን ግለሰቦችን በጠራራ ፀሐይ ሲደበድቡ፣ ሲያሰቃዩና ሲያዋርዱ ይታያሉ።

ይህ ድርጊት በአምቦ ነዋሪዎች ዘንድ ለረጅም ጊዜ የታመቀ ቁጣን ቀስቅሷል።

የከተማ አስተዳደሩ ቪድዮዎች ላይ የሚታየውን ካሳዬ ቀነኒሳ የተባለውን ግለሰብ ጨምሮ ግብረአበሮቹ በቁጥጥር ስር መዋላቸውን አሳውቋል።

ቲክቫህ ኢትዮጵያ ቪድዮዎቹ ማህበራዊ ሚዲያ ላይ መንሸራሸር ከጀመሩበት ጊዜ አንስቶ ከአምቦ ነዋሪዎች ቃል ሲቀበል እንዲሁም ስለ ከተማው አጠቃላይ ሁኔታ መረጃ ሲሰበስብ ነበር።

አብዛኞቹ ቃላቸውን የሰጡ ነዋሪዎች ስማቸው እንዲነሳባቸው አይፈልጉም። ለምን ? ስንላቸውም " እነዚህ ሰዎች ብቻቸውን ይህን ሁሉ ያደርጋሉ ብለን አናስብም ከጀርባቸው አሁንም ሰዎች አሉ ለደህንነታችን እንሰጋለን " ነው መልሳቸው።

በዚሁ መሰረት ስማቸውን አንጠቅስም።

የከተማው ነዋሪዎች እንደሚገልጹት፣ እነዚህ ግለሰቦች ተራ የወንብድና ተግባር ላይ የተሰማሩ ሳይሆኑ በቡድን የተደራጁና " የከተማ ማፊያ " የሚባሉ ናቸው።

አንድ የከተማዋ ነዋሪ ሁኔታውን እንዲህ ሲሉ ይገልጹታል ፥

" እነዚህ ሰዎች በቡድን ነው የሚንቀሳቀሱት። በከተማዋ ውስጥ የማይነኩ ከሕግ በላይ የሆኑ ናቸው። በጠራራ ፀሐይ ሰውን ይደበድባሉ፣ ያስፈራራሉ፣ ይቀማሉ። ከእነሱ ጋር ቅርበት ያለው ሰው እንኳን 'የፈለገውን ወንጀል ቢሰራ አይነካም' የሚል እምነት በከተማው ውስጥ ሰፍኗል። የሚገርመው ደግሞ ድርጊቱን እየቀረጹ ለሰው የሚያሳዩት ራሳቸው መሆናቸው ነው ይህም ምን ያህል ሕግን እንደማይፈሩ ያሳያል። "

ሌላኛው ነዋሪ ደግሞ ቡድኑ ብቻውን ሳይሆን ከደጋፊ አካላት ጋር ግንኙነት እንዳለው ይጠረጥራሉ ፦

" ለበርካታ ጊዜያት እንዲህ ሲያደርጉ እንዴት ዝም ይባላሉ ? ቪድዮ ወጥቶ ህዝብ ሲጮህ ብቻ 'ያዝን' ማለት ምን ማለት ነው ? እስከዛሬ የት ነበሩ ? ሰው ሲደበደብ አጠገቡ ፖሊስና የመንግስት መዋቅር አልነበረም ? ይህ 'በተለያዩ መዋቅር ውስጥ ያሉ የመንግስት ሰዎች በቁጥጥር ስር እንዳይውሉ ይደግፏቸዋል' የሚለውን ጥርጣሬ ያጠነክረዋል። በአንዳንድ ይፋዊ ፕሮግራሞች ላይ ጭምር እኮ ሲገኙ የሚታዩ ሰዎች ናቸው በተለይ ካሳዬ ተብዬው። ቪድዮ ባይወጣ ምንም ላይደረጉ ነበር ? "

በተለያዩ ጊዜያት በነዚህ ሰዎች ጥቃት ደርሶብናል ያሉና ቤተሰቦቻቸው የተሰቃዩባቸው እንዲሁም ጉዳዩን የሚያውቁ ነዋሪዎች የሚከተለውን ቃል ሰጥተዋል ፦

" እነዚህ ሰዎች ነዋሪዎችን ያውም ደግሞ ድሃን የሚደበድቡት ገንዘብ ለማግኘት አይደለም ህዝብን ለማንበርከክና ለማሳነስ ጭምር ነው።

በቪድዮው ያያችሁት የጥቂት ቀናት ድርጊት ነው። እኛ ግን ለወራትና ለአመታት እንደ እባብ እየተቀጠቀጥን፣ 'አቤት' የምንልበት አጥተን ቆይተናል። ስንት እናት አንብታለች ፤ ስንት ወጣት እነሱን ፍራቻ ተሳቋል። አሁን ቪድዮ ወጥቶ  የኢትዮጵያ ህዝብ ሲያውቀው ነው መንግስት 'ነቃሁ' የሚለው ?

ወንጀል የሚሰራ ሰው ይደበቃል፤ እነዚህ ግን በጠራራ ፀሐይ ሰውን አጋድመው እደበደቡ ራሳቸው ይቀርጻሉ። ይህ የሚያሳየው ጥበቃ እንደሚደረግላቸው እርግጠኛ መሆናቸውን ነው።

አሁን 'ያዝናቸው' መባሉ ብቻ በቂ አይደለም። እነዚህ ግለሰቦች ከማን ጋር እንደሚተባበሩ የትኛው አካል ከጀርባ ሆኖ ጥበቃ እንደሚያደርግላቸው በዝርዝር ተጣርቶ ለህዝብ ይፋ መደረግ አለበት።

ፍትህ ለጊዜያዊ ማስታገሻ መሆን የለበትም።

አራት እና አምስት ሰዎችን በመያዝ ብቻ ' ፍትህ ሰፍኗል ' ብሎ ማሰብ ስህተት ነው። በከተማዋ የተዘረጋው የጥቅም ትስስርና የወንጀለኞች መዋቅር ካልፈረሰ ነገ ሌሎች ተተኪዎች መነሳታቸው አይቀሬ ነው። "

ቃላቸውን የሰጡን ነዋሪዎች ጉዳዩ ትኩረት ያገኘው ከረፈደ መሆኑ አሳዝኗቸዋል። የመንግሥትን አካላትም ታዝበዋል።

" ቪድዮ ባይቀረጽና ባይወጣ ኖሮ እስከ መቼ ድረስ በነዚህ ጎረምሶች ዱላ ስንደበደብ እንቆይ ነበር ? " ሲሉም ጠይቀዋል።

💰ከተማ አተዳደሩ ምንድነው የሚለው ?🌟

የአምቦ ከተማ አስተዳደር " በግለሰቦች የሚፈጸም ወንጀል መንግስትን አይወክልም " ብሏል።🪙

በዜጎች ላይ የድብደባ ወንጀል ፈጽመዋል ተብለው የተጠረጠሩና ጥቆማ የቀረበባቸውን 4 ግለሰቦች ከቀናት በፊት በቁጥጥር ስር መዋላቸውን አመልክቷል።🪙

በተጨማሪም ሲፈለግ የነበረውና ከአካባቢው ተሰውሮ የቆየው ካሳዬ ቀነኒሳ የተባለው ግለሰብ በጸጥታ አካላት በተደረገ ክትትል በቁጥጥር ስር መዋሉ አሳውቋል።🪙

ሌሎችንም ተባባሪ ተጠርጣሪዎችን ወደ ህግ ፊት ለማቅረብ ክትትሉ መቀጠሉ ገልጿል።⭐️

ባለፉት ወራት በግለሰቦች መካከል በተፈጠረ ግጭት የተቀረጹ ቪድዮዎች በማህበራዊ ሚዲያ መሰራጨታቸውን የጠቀሰው አስተዳደሩ ፥ ድርጊቱ በግለሰቦች መካከል የተፈጠረ እንጂ ከመንግስት ጋር የሚያገናኘው ምንም አይነት ጉዳይ እንደሌለ አብራርቷል።⭐️

ይህን ድርጊት የመንግስት አመራሮች እጅ እንዳለበት አድርጎ በማቅረብ የሚሰራጨውን መረጃም " የመንግስትን መዋቅር ከውስጥ ለማፍረስና ህዝብን ከመንግስት ጋር ለማጋጨት የሚደረግ የስም ማጥፋት ዘመቻ ነው " ሲል ገልጾታል።✅

አምቦ በለውጥ አመታት ውስጥ አስተማማኝ ሰላም የሰፈነባት ከተማ ብትሆንም አንዳንድ አካላት " መንግስት እንደ ቢሾፍቱ፣ አዳማ፣ ሸገር እና ነቀምቴ ያሉ ከተሞችን እያለማ የአምቦን ከተማ ልማት ክልክሏል " በማለት ህዝቡን ለማደናገር በተደጋጋሚ ጥረት ቢያደርጉም " ሳይሳካላቸው ቀርቷል " ብሏል።💸✔️

አሁን ደግሞ " የግለሰቦችን ፀብ የመንግሥት እጅ እንዳለባት ፣ አመራሮች እንዳሉበት አድርገው መጥተዋል " ሲል በስም ያልጠቀሳቸውን አካላት ወቅሷል።💵

" ማንኛውም ሰው ወንጀል ፈጽሞ ከህግ ማምለጥ እንደማይችል " አሳስቦ የከተማዋ ነዋሪዎች ከመንግስት ጎን በመቆም የአካባቢያቸውን ሰላምና ጸጥታ እንዲጠብቁ ጥሪ አቅርቧል።📱

የነዋሪዎች ጥያቄ ምንድነው📱

መንግሥት " ተጠርጣሪዎችን በቁጥጥር ስር አውያለሁ " ቢልም ነዋሪዎች አሁንም ጥያቄ አላቸው።💓

- እስከዛሬ የት ነበራችሁ❓
- ካሳዬ ቀነኒሳ እና ግብረ አበሮቹ እስከ ዛሬ በነጻነት ሲንቀሳቀሱ የነበረው በማን ድጋፍ ነው❓
- አሁን የተወሰደው እርምጃ የህዝቡን ቁጣ ለማቀዝቀዝ የተደረገ ጊዜያዊ ማዘናጊያ ነው ወይስ ዘላቂ የህግ የበላይነትን የማረጋገጥ ስራ❓
- ከግለሰቦቹ ጀርባ ያሉና ድጋፍ  ያደረጉ ካሉ እነሱስ ተጠያቂ ይሆናሉ ❓
- ተጎጂዎች የደረሰባቸው አካላዊና ስነ-ልቦናዊ ጉዳት እንዴት ይካሳል?
- ሌሎች እንደህ ያሉ ጎረምሶች እንዳይነሱ ምን አይነት ፍትህ ይሰጣል❓

" እኛ የምንፈልገው 'የተያዙ' የሚል የዜና ዘመቻ ሳይሆን ፍትህ በአደባባይ እንድትሰፍን ነው " ብለዋል።🌟

ቲክቫህ ኢትዮጵያ✔️
ሚያዚያ 8 ቀን 2018 ዓ/ም

https://t.me/addlist

TIKVAH-ETHIOPIA

19. Apr. 2026, 20:28

📷 Photo

✅የትምህርት ደረጃ ለማሻሻል በኦሮሚያ ክልል 83% ሲሰራ፣ የሌሎች ክልሎች 17% ብቻ በመሆኑ ትምህርት ሚኒስቴር ጥያቄ ተነሳበት።🌟

" በትምህርት ለትውልድ ንቅናቄ ፕሮግራም " ከፍተኛ ሀብት በመሰብሰብ የትምህርት ቤቶች ደረጃን ለማሻሻል በኦሮሚያ ክልል የተሰራው ሥራ 83 በመቶ ሲሆን፣ በቀሪዎቹ ክልሎች የተሰራው ደግሞ 17 በመቶ ብቻ መሆኑን ትምትህርት ሚኒስቴር አስታውቋል።🌟

መስሪያ ቤቱ ይህን ያለው፣ ዛሬ ሚያዚያ 7 ቀን 2018 ዓ/ም፣ በህዝብ ተወካዮች ምክር ቤት የሰው ሀብት ልማት፣ ሥራ ስምሪትና ቴክኖሎጂ ጉዳዮች ቋሚ ኮሚቴ የ2018 ዓ/ም የዘጠኝ ወር ሪፖርት ባቀረበበት ወቅት ነው።🌟

ሪፖርቱን አድምጦ የገመገመው ቋሚ ኮሚቴው በበኩሉ፣ በትምህርት ለትውልድ ንቅናቄ ፕሮግራም ከፍተኛ ሀብት በመሰብሰብ የትምህርት ቤቶችን ደረጃ ለማሻሻል 83 በመቶ በኦሮሚያ ክልል ቢሰራም፣ የቀሪዎቹ ክልሎች አፈጻጸም " በጣም ዝቅተኛ " በመሆኑ ጉዳዩ " መጣራት አለበት " ብሏል።🌟

ቋሚ ኮሚቴው፣ ፕሮግራሙ ሀገራዊ ንቅናቄ ሆኖ እያለ ከኦሮሚያ ውጭ ባሉት ሌሎች ክልሎች አፈጻጸሚ "በጣም ዝቅተኛ" የሆነው ለምንድን ነው ? ሲልም የትምህርት ሚኒስቴርን ጠይቋል።🌟

የትምትርት ሚኒስትሩ ብርሃኑ ነጋ (ፕ/ር)፣ ለዚሁ ጥያቄ በወቅቱ በሰጡት ምላሽ " ትምህርት ቤቶችን በሚመለከት መብቱ ያላቸው ክልሎች ናቸው። በጀቱ ተልኳል፤ አፈጻጸም ላይ ምን አደረጋችሁ? የማለት መብት የለንም " ሲሉ መልሰዋል።🌟

በተለይ ከንቅናቄው ጋር በተያያዘ በክልሎች መካከል ያለው አስተዋጽኦ የተለያየ መሆኑን ያነሱት ሚኒስትሩ፣ ኦሮሚያ ክልል 83 በመቶ አፈጻጸም መታየቱ " እዛ አካባቢ ያለውን ተነሳሽነት የሚያሳይ ነው " ብለዋል።🌟

ትኩረታቸው ተማሪ ላይ እንጅ ክልል ላይ እንዳልሆነ አስረድተው፣ " እያንዳንዱ ኢትዮጵያዊ ተማሪ ከሌላው ኢትዮጵያዊ ጋር እኩል፣ ተመጣጣኝ የሆነ ትምህርት ማግኘት አለበት የሚል እምነት አለን " ነው ያሉት።🌟

" ት/ቤቶች የት ነው መገንባት ያለባቸው? ለሚለው፥ ከዚህ በፊት ትምህርት ሚኒስቴር 'እገነባለሁ' ካለ በክልሎች ነበር የሚከፋፈሉት፤ እሱን አሁን አይሆንም ነው ያልነው። መሆን ያለበት፥ አንድ ክልል ውስጥ ሊሆን ይችላል ብዙ ችግር ያለው " በማለትም አስረድተዋል።🌟

" ት/ቤቶች መሰራት ያለባቸው የትነው ት/ቤቶች እንዲሰሩ ሁሉም ኢትዮጵያዊ እኩል ትምህርት እንዲያገኝ የሚያስፈልገው? ብለን እያንዳንዱን በወረዳ ደረጃ ነው እያየን ያለነው " ሲሉም አክለዋል።✔️

የቋሚ ኮሚቴው ሰብሳቢ ነገሪ ሌንጮ በበኩላቸው፣ ከኦሮሚያ ክልል በመከተል በህዝብ ብዛት ከፍተኛ የሆኑ እንደ አማራ ባሉ እና መሰል ክልሎች የትምህርት ደረጃን በማሻሻል ሥራው 17% መሆን እንዳልነበረበት፣ ትምህርት ሚኒስቴር ጉዳዩን መለስ ብሎ እንዲያጤን፣ ከክልሎች የሚመጡ ሪፖርቶችን ዝም ብሎ መቀበል ሳይሆን መፈተሽ እንደሚገባ አስገንዝበዋል።✔️

ቋሚ ኮሚቴው ባሳለፈው ማሳሰቢያ፣ በክልሎች "የተለያዩ ሞዴልና ልዩ አዳሪ ት/ቤቶች የግንባታ ሥራ በታቀደው በጀት፣ ጊዜና ጥራት ተጠናቀው አገልግሎት እንዲሰጡ አስፈላጊው ክትትልና ቁጥጥር" እንዲዲያደርግ ትምህርት ሚኒስቴርን አሳስቧል።✔️

ቲክቫህ ኢትዮጵያ
አዲስ አበባ
ሚያዚያ 7 ቀን 2018 ዓ/ም✔️

https://t.me/addlist

TIKVAH-ETHIOPIA

19. Apr. 2026, 20:28

📷 Photo

" ኢትዮጵያ የባህር በር ባለቤት ካልሆነች አታድግም ይህ ብቻ ሳይሆን ሰፈሩ አይለወጥም ፤ ሰፈሩ ሰላም አያገኝም ፤ የዓለም ንግድም ይስተጓጎላል !! " - ጠ/ሚ ዐቢይ አሕመድ (ዶ/ር)

የባህር በር ጉዳይ ....

ጠ/ሚ ዐቢይ አሕመድ (ዶ/ር) ፦

" የባህር በር ካላቸው ሀገራት አንጻር ከእኛ ጎረቤቶች አንጻር ከ50% እስከ 100% ዋጋ ይበልጣል ሎጅስቲክስ።

አንድ ምርት ከቻይና ወደ ናይሮቢ ገብቶ የሚሸጥበት ዋጋ እኛ ጋር ገብቶ ከሚሸጥበር ዋጋ ቢያንስ 30% የዋጋ ጭማሪ እኛ ጋር ይኖረዋል፤ cost ስላለው። ሲገዛ ፣ ሲንቀሳቀስ የሚወጡት ወጪዎች ተደምሮ ነው ትርፍ ተጨምሮ የሚሸጠው፤  በዛ ምክንያት በኬንያ ማርኬት እና በኢትዮጵያ ማርኬት የሚታየው በባህር በር ምክንያት ብቻ ከፍተኛ የዋጋ ጭማሪ ይኖረዋል።

የሎጅስቲክስ ቅልጥፍና ፍጥነት ፥ በአጭር ጊዜ አንድን ምርት ለፈላጊው ማቅረብ ሲገባ ቢዘገይ ኮንትራት ሊሰረዝ ይችላል፤ የሚሰረዘው ግን ባንተ ምክንያት ሳይሆን በሎጅስቲክስ ምክንያት ነው። በቆይታም አንድ ምርት እየቆየ ሲሄድ መንገድ ላይ ዘግይቶ ምርት ኳሊቲው ይበላሻል ፤ በተለይ ምግብ ሲሆን።

ስለሆነም በአጭር እና ረጅም ጊዜ ከፍለን ካልሰራን በስተቀር የባህር በር አልቦነት፣ የወደብ አልቦነት ፣ የሎጅስቲክስ ውስንነት የኢትዮጵያ ብልፅግና ላይ ከፍተኛ ማነቆ ሆኖ ነው ሚቀጥለው በኛም ዘመን ከኛም በኋላ።😂

በዚህ ጉዳይ ላይ ግራ ቀኝ የሚሉ ዜጎች ስሰማ ይገርመኛል። የባህር በር ጉዳይ በጥቅል ሀገር ወይም መንግስት የሚባል ጉዳይ አይደለም ፤ ባንተ እና በእኔ በእያንዳንዱ ዜጋ ህይወት ላይ በየቀኑ የሚያጋጥም ነገር ነው።💵

ይሄን ልብስ (የለበሱትን) አንድ ሀገር ተመርቶ በቀለለ ትራንስፖርት ገብቶ የሚሸጥበት 50 ብር ከሆነ እኛ ባህር በር በማጣታችን 70 ብር ይሆንብናል። በለስላሳው፣ በመድሃኒቱ ፣ በሁሉም ነገር ይታያል ይሄ። እያንዳንዱን ዜጋ impact ያደርጋል።💵

ኢትዮጵያን የሚያክል በአለም 10ኛ population የያዘ ፤ በዘመናት መካከል የወደብ አልቦነት ችግር ያልነበረበት ሀገር በቀላሉ በንግድ ህግ፣ በንግግር ፣ በሰጥቶ መቀበል መርህ ማግኘት ሲቻል ከምፅዋ ጫፍ እስከ ሙቃዲሾ ቀንድ ጫፍ 5000 ኪ.ሜ ብዙ ሃብት ያለበት ቦታ ላይ በክፋት ፤ ባለመነጋገር ፤ በሰጥቶ መቀበል መርህ ባለማመን ፤ coexist ለማድረግ ባለመዘጋጀት አንዳችን ለአንዳችን ጥፋት እንድንሆን በሚያመቻች መንገድ ለመሄድ በማሰብ ብቻ ኢትዮጵያን የባህር በር አልቦ አድርጎ መቀጥል በየትኛውም ዘመን አዋጭ አይደለም።✔️

ኢትዮጵያን የባህር አልቦ ማድረግ ለኛ ብቻ አይደለም ለሰፈራችንም አዋጭ አይደለም። ተነጋግሮ፣ ተመካክሮ፣ ሁሉን አሸናፊ በሚያደርግ መልኩ መፍታት ካልተቻለ ልክ አሁን እንደምናየው ነው። ለምንድነው የሆርሙዝ ሰርጥ እንዲከፈት የዓለም አጀንዳ የሆነው ? ቀይ ባህር ቢዘጋ ማስከፈት ከእኛ በላይ ለማን አጀንዳ ይሆናል ? አሁን ባለው ሁኔታ እንደ ምስራቅ አፍሪካ ተጎጂ የለውም። ሰሜን አፍሪካ ሁሉም ወደብ ያላቸው ብቻ ሳይሆኑ ሜድትራኒያን ባህር ስለሆነ ለአውሮፓ ቅርብ ስለሆነ ልክ እንደኛ በምስራቅ በኩል አይደለም ያሉት። ምእራብ አፍሪካም እኛ የገጠመን ችግር አይደርስባቸውም። ታች ወደ ደቡብ ቢኬድ የነሱም ከቀይ ባህር ጋር አንድ አይነት ስላልሆነ በነሱ ሩት ውስጥ እኛ የምናየውን ችግር አይታይም።✔️

እኛ በቀይ ባህር፣ ገልፍ ኦፍ ኤድን ሰርጥ በቀጥታ ጥቃት የሚደርስብን ሀገር ነን። ይሄን ጥቃት የሚበራክተው የሩቁ ብቻ ሳይሆን የቅርቡም ችግር ውስጥ የገባ መሆኑ ነው። ይህን እያየን ለመከላከል፣ የኛን ጥቅም ለመጠበቅ እንኳን መስማማት የማንችልው መሆናችን ነው።✔️

ይሄ ወሳኝ ጉዳይ ነው ጎረቤቶቻችን ማሰብ አለባቸው፣ ዓለምም ማሰብ አለበት።🌟

እኛ ምን እያደረግን ነው ? ከአጭር ጊዜ አንጻር የንግድ ቀጠናዎች ጅቡቲና ሞጆ በስፋት እየሰራን ነው። የደረቅ ወደብ እየሰራን ነው። ድሬዳዋ ላይም ሞጆ ላይም። free trade zone አለን ባቡር አለን፣ ሃይዌይ አለን፣ ደረቅ ወደብ አለን። ይሄ ለአጭር ጊዜም ቢሆን import በምናደርጋቸው ቁሶች ላይ ለማቀላጠፍና ዋጋ ለመቀነስ ያግዘናል።🌟

ከረጅም ጊዜ አንጻር ግን ኢትዮጵያ የባህር በር ባለቤት ካልሆነች አታድግም ብቻ ሳይሆን ሰፈሩ አይለወጥም፤ ሰፈሩ ሰላም አያገኝም፤ የዓለም ንግድም ይስተጓጎላል። የዓለም ንግድ እንደ ኢትዮጵያ ባሉ anchor ሀገሮች ቁጥጥር ስር መዋል የሚገባቸው አካባቢዎች፤ እንደ ኢትዮጵያ ያሉ ሀገራት ከጉዳዩ ርቀው ከሄዱ ትናንሽ ሀገራት ያንን ሰርጥ መጠበቅ ስለማይችሉ በነሱም ጭምር በተቀረው ዓለም አደጋ ያመጣል።✔️

ቲክቫህ ኢትዮጵያ
ሚያዚያ 7 ቀን 2018 ዓ/ም✔️

https://t.me/addlist

TIKVAH-ETHIOPIA

19. Apr. 2026, 20:28

📷 Photo

🌟" ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መልሷል " - የአርቲስቱ ማኔጅመንት💸✔️

🌟በኢትዮጵያ የኪነጥበብ ዘርፍ ዛሬም ድረስ ስሙ በጉልህ የሚነሳውና በርካታ አድናቂዎች ያሉት አርቲስት ቴዎድሮስ ካሳሁን (ቴዲ አፍሮ) ከ9 ዓመታት በኋላ  አዲስ አልበም ነገ ለአድማጮቹ ያቀርባል።

🌟አርቲስቱ " ኢትዮጵያ " የተሰኘውን አልበሙን የዛሬ 9 ዓመት ለአድማጩ ካደረሰ በኋላ ነገ " ኢትዮሪካ " የተሰኝ አልበሙን በራሱ የዩትዩብ ቻናል ላይ እንዲሁም በዓለም አቀፍ የሙዚቃ ማዳመጫ ድረገጾች ላይ እንደሚለቅ ተገልጿል።

🌟አልበሙ ምንም እንኳን " ሰዋሰው መልቲሚዲያ " በተሰኘው የዘፈን አቅራቢ ድርጅት በኩል ለህዝብ ይደርሳል ተብሎ ቢነገርም በመካከል አለመግባባት ተፈጥሮ በራሱ መንገድ ወደ አድማጭ እንደሚያደርሰው ነው የተሰማው።

🌟በማህበራዊ ሚዲያ ላይ ይህን አለመግባባት አጀንዳ ያደረጉና ያራገቡ የተለያዩ ገጾች ጉዳዩን ቀጥታ ከፖለቲካ ጋር እንደሚያያዝ ሲገልጹና ያልተረጋገጡ መረጃዎችን ሲያሰራጩ ከርመዋል።

🌟ስምምነቱ የፈረሰው ለምድነው❓

እንደ " ኢትዮፒካሊንክ " የመዝናኛና መረጃ የሬድዮ ፕሮግራም ከሆነ፣ ቴዎድሮስ ካሳሁን (ቴዲ አፍሮ) ከሰዋሰው መልቲሚዲያ ጋር የነበረውን ውል በስምምነት ነው ያፈረሰው።

ስምምነቱ የፈረሰው በአሳታሚውና በአርቲስቱ በኩል ውል ውስጥ የተካተቱት አዳዲስ ጉዳዮች ልዩነት ለመፍጠራቸው ነው።

ሁለቱ አካላት ከአራት አመት በፊት ነው ስምምነት የተፈራረሙት። ውሉን ለማደስ በነበረ ሂደት ግን አዳዲስ ሃሳቦች በመግባታቸው አለመግባባቶች ተፈጥረዋል።

ሰዋሰው በአዲሱ ውል ላይ ቀደም ያሉ የቴዴ አፍሮ ዘፈኖችን በሰዋሰው መተግበሪያ ላይ እንዲጫኑና ለዚህም በየአመቱ የሚከፈል ገንዘብ በቅድመ ክፍያ ለመክፈል ፍላጎቱን ገልጿል።

ይህ ሃሳብ ግን በቴዲ በኩል ተቀባይነት ሳያገኝ ቀርቷል።

በተጨማሪ ከአራት ዓመት በፊት በተፈረመው ውል ላይ ከስልክ ድምጽ ማሳመሪካ CRBT የሚገኝ ገቢ ለሰዋሰው እንዲሰጥ የሚፈቅደውን ስምምነት ማሻሻያ እንዲደረግበት በቴዲ የቀረበው ጥያቄ ከሰዋሰው ይሁንታ አላገኘም።

ልዩነቶቹ ሊጠቡ ባለመቻላቸውና የአልበሙ መውጫ በመድረሱ ሁለቱም ወገኖች ውሉን በስምምነት አቋርጠዋል።

ውሉ ሲፈረም ሰዋሰው ለቴዲ አጠቃላይ 50 ሚሊዮን ብር ለመክፈል ተስማምቶ ነበር። የዚህንም ግማሽ 25 ሚሊዮን ብር በወቅቱ ተከፍሎት ነበር።

አልበሙ እንዲወጣ ስምምነት ላይ ተደርሶ የነበረው ከአራት አመት በፊት የነበረ ቢሆንም በተለያዩ አለመግባባቶች ምክንያት ውሉ ሊታደስ አልቻለም። በመጨረሻም ውሉ በሰላማዊ መግባባት ፈርሷል።

ከሁለት ሳምንት በፊት ቴዲና አሳታሚው ድርጅት ውይይት አድርገው ውሉን ለማደስ ባለመግቤታችው ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መመለሱን የአርቲስቱ የማናጅመንት ባልደረባ ተናግረዋል።

ሰዋሰው መልቲሚዲያም አርቲስቱ የወሰደውን ግማሽ ክፍያ 25 ሚሊዮን ብር ከአራት አመት የባንክ ወለድ ጋር ጨምሮ መመለሱን አረጋግጧል።

አሳታሚው " በስራ ሂደት በሚያጋጥሙ ሃሳቦች ምክንያት ውሉ በስምምነት ነው የተፈረሰው " ብሏል።

ቴዲ አፍሮ " ኢትዮሪካ " የተሰኘው አልበሙን ነገ ሀሙስ ሚያዚያ 8 ቀን 2018 ዓ.ም ከቀኑ 8 ሰዓት ላይ በራሱ ዩትዩብ ቻናል እንዲሁም በተለያዩ የማዳመጫ አማራጮች ለህዝብ ያደርሳል ተብሎ ይጠበቃል።

አልበሙ ቅዳሜ ይወጣል ቢባልም ቀደም ብሎ እንዲወጣ የተወሰነው በቴዲ አፍሮ መሆኑን እንዲሁም የወር ፣ የቀን እና ሰዓቱ ቁጥር ግጥምጥሞሽ አርቲስቱ በምክንያት ያደረገው መሆኑን የማናጅመንት ክፍሉ ለ" ኢትዮፒካሊንክ " የመዝናኛና መረጃ ፕሮግራም አሳውቋል።

✔️NB. ስምምነቱ ሊፈርስ ስለቻለበት ምክንያት እና አርቲስቱ ስለመለሰው የገንዘብ መጠን ሙሉ መረጃው የተወሰደው ከ " ኢትዮፒካሊንክ " የሬድዮ ፕሮግራም ነው።

🌟ቲክቫህ ኢትዮጵያ
ሚያዚያ 7 ቀን 2018 ዓ/ም✔️
👇
https://t.me/addlist

TIKVAH-ETHIOPIA

19. Apr. 2026, 20:28

📷 Photo

🌟#Update

🌟በፓኪስታን አስተናጋጅነት በሚካሄደውና የዓለም ህዝብ የሚጠብቀው የሰላም ንግግር ላይ ለመሳተፍ ከፍተኛ የኢራን ባለስልጣናት ልዑካን ቡድን ኢስላማባድ ገብቷል።🌟

ይህ ድርድር በአሜሪካ-እስራኤል እና በኢራን መካከል ያለውን ጦርነት ለማቆም ያለመ ሲሆን የአሜሪካ ልዑካንም ለነገው ድርድር አስቀድመው ጉዞ ጀምረዋል።☺️

🐠በኢራን በኩል ፦
° መሀመድ ባቄር ቃሊባፍ - የኢራን ፓርላማ አፈ-ጉባኤ
° አባስ አራቅቺ - የኢራን የውጭ ጉዳይ ሚኒስትር
° አሊ አክባር አህመዲያን - የከፍተኛ ብሄራዊ መከላከያ ምክር ቤት ፀሐፊ
° አብዶልናሰር ሄማቲ - የኢራን ማዕከላዊ ባንክ ገዥ
° መሀመድ ባቄር ዞልቃድር - የቀድሞ የኢራን አብዮታዊ ዘበኛ (IRGC) አዛዥ ይሳተፋሉ።⭐️

ከእነዚህም በተጨማሪ በርካታ የኢራን ፓርላማ አባላት ልዑካን ቡድኑን ተቀላቅለዋል።☺️

በፓኪስታን፣ ኢስላማባድ የሰላም ንግግሩ እንዲካሄድ ሽርጉዱ ቢቀጥልም አሜሪካ ጠንካራ ወታደራዊ ማስጠንቀቂያዎችን እየሰጠች ነው።👛

እንደ ' ዎል ስትሪት ጆርናል ' ዘገባ ከሆነ ፥ የአሜሪካ ጦር " ለሚኖሩ ወታደራዊ ክንውኖች " በሚል በሺዎች የሚቆጠሩ የባህር ኃይል አባላትን ወደ መካከለኛው ምስራቅ እያሰማራ ነው።🟠

ፕሬዝዳንት ዶናልድ ትራምፕ ደግሞ የሰላም ንግግሩ ስኬታማ ካልሆነ የአሜሪካ የጦር መርከቦች በድጋሚ በኢራን ላይ ጥቃት ለመሰንዘር " በተሻለ ትጥቅ " እየተዘጋጁ መሆኑን እንደገለጹ ኒውዮርክ ፖስት ዘግቧል።💎

አሁን በአንድ በኩል ዲፕሎማሲያዊ ጥረቶች ሲደረጉ በሌላ በኩል ደግሞ ከፍተኛ ወታደራዊ ውጥረት ነግሷል።💎

ቲክቫህ ኢትዮጵያ
ሚያዚያ 2 ቀን 2018 ዓ/ም✈️
👇
https://t.me/addlist

TIKVAH-ETHIOPIA

19. Apr. 2026, 20:28

📷 Photo

#Pakistan #Israel

" ይህንን የካንሰር መንግሥት (#እስራኤልን) የፈጠሩ አካላት በገሃነም እሳት እንዲቃጠሉ እጸልያለሁ " - የፓኪስታን የመከላከያ ሚኒስትር

🔴 " የአይሁድ መንግሥትን 'ካንሰር' ብሎ መጥራት ሀገሪቱ እንድትጠፋ ጥሪ ከማቅረብ ተለይቶ አይታይም " - እስራኤል

በአሜሪካ እና ኢራን መካከል ሰላም እንዲወርድ እያሸማገለች የምትገኘው ፓኪስታን የመከላከያ ሚኒስትሯ ያሰራጩት መልዕክት በእስራኤል ዘንድ ቀጣ አስነሳ።

የፓኪስታን መከላከያ ሚኒስትር ኻዋጃ አሲፍ በ ይፋዊ X ገጻቸው ላይ ባሰፈሩት መልዕክት ፥ እስራኤልን " ክፉ፣ ለሰው ልጅ እርግማን እና ካንሰር " ሲሉ ጠርተዋታል።

እስራኤል የተመሰረተችው አውሮፓውያን ከአይሁዶች ለመገላገል በወሰዱት እርምጃ በፍልስጤም መሬት ላይ መሆኑን ገልጸዋል።

" በኢስላማባድ የሰላም ንግግር እየተካሄደ ባለበት ወቅት እስራኤል በሊባኖስ የዘር ማጥፋት እየፈጸመች ነው " ሲሉ ከሰዋል።

ከጋዛ እና ከኢራን ቀጥሎ አሁን በሊባኖስ የሚፈሰሰው ደም ሳይገታ መቀጠሉን በመጥቀስ " ይህንን የካንሰር መንግሥት የፈጠሩ አካላት በገሃነም እሳት እንዲቃጠሉ ተስፋ አደርጋለሁ ፤ እጸልያለሁም " የሚል ጠንካራ ሃሳብ አጋርተዋል።

የእስራኤል መንግሥት ለፓኪስታን መከላከያ ሚኒስትር መልዕክት አፋጣኝ እና ጠንካራ ምላሽ ሰጥቷል።

የጠቅላይ ሚኒስትር ቤንያሚን ኔታንያሁ ቢሮ " እስራኤል ትጥፋ የሚለው ጥሪ እጅግ አስነዋሪ ነው። ይህ ከየትኛውም መንግሥት በተለይም ደግሞ 'ገለልተኛ የሰላም አሸማጋይ ነኝ' ከሚል አካል የሚጠበቅ መግለጫ አይደለም " ብሏል።

የውጭ ጉዳይ ሚኒስትር ጊዲዮን ሳዓር፥ የመከላከያ ሚኒስትሩን ንግግር " ግልጽ የአይሁድ ጥላቻ የታየበት " ነው ሲሉ አውግዘውታል።

" የአይሁድ መንግሥትን 'ካንሰር' ብሎ መጥራት ሀገሪቱ እንድትጠፋ ጥሪ ከማቅረብ ተለይቶ አይታይም " ብለዋል።

አክለውም " እስራኤል መጥፋቷን ከሚመኙ አሸባሪዎች ራሷን የመከላከል መብቷ የተጠበቀ ነው " ሲሉ ተናግረዋል።

ይህ የቃላይ ምልልስ ፓኪስታን በአሜሪካ እና በኢራን መካከል እያደረገች ያለችውን የሽምግልና ጥረት ጥያቄ ውስጥ ሊጥለው እንደሚችል የዲፕሎማሲ ተንታኞች እየገለጹ ይገኛሉ።

ቲክቫህ ኢትዮጵያ
ሚያዚያ 2 ቀን 2018 ዓ/ም
👇
https://t.me/addlist

TIKVAH-ETHIOPIA

19. Apr. 2026, 20:28

📷 Photo

‎#Update

‎" 3ቱን አሽከርካሪዎች ጨምሮ የ7 ሰዎች ሕይወት አልፏል " - ኮማንደር ንጋቱ ጌታቸው
‎
‎በወላይታ ዞን በዴሳ ተብሎ በሚጠራው አከባቢ በደረሰ የትራፊክ  አደጋ የ7 ሰዎች ሕይወት ሲያልፍ በ13 ሰዎች ላይ ከባድና ቀላል ጉዳት መድረሱን የወላይታ ዞን ፖሊስ አዛዥ ኮማንደር ንጋቱ ጌታቸው ለቲክቫህ ኢትዮጵያ ተናገሩ።
‎
‎አደጋው በወላይታ በዴሳ የሰሌዳ ቁጥሩ ኮድ-3-77092 ኢት የሆነ የከባድ ጭነት ተሽከርካሪ የድንጋይ ከሰል ጭኖ ወደ ሀዋሳ መስመር ሲጓዝ በተቃራኒ መንገድ ከቆሙ ፎርስ ባለሶስት እግር ባጃጅ እንዲሁም ባለሁለት እግር ሞተር ተሽከርካሪዎች ጋር ተጋጭቶ የተከሰተ መሆኑን አብራርተዋል።
‎
‎የዐይን እማኞች ለፖሊስ እንደገለፁት አደጋ አድራሹ ተሽከርካሪ የራሱን መስመር ለቆ ከፍጥነት በላይ ሲጓዝ እንደነበርና ቆመው የነበሩ ተሽከርካሪዎች በመግጨት መንገድ ዳር ወደነበሩ መኖሪያ ቤቶች በመዝለቅ 3 መኖሪያ ቤቶችን ማውደሙን መግለፃቸውንም አዛዡ አስታውቀዋል።
‎
‎በአደጋው አጠቃላይ እስካሁን ባለው 6 ወንድ 1 ሴት በድምሩ 7ሰዎች ሕይወት ወዲያውኑ  ሲያልፍ በ4 ሰዎች ላይ ከባድ በ3 ሰዎች ላይ ደግሞ ቀላል ጉዳት መድረሱን ገልጸዋል።

አዛዡ የሶስቱም አሽከርካሪዎች ሕይወት ማለፉንም ተናግረዋል።
‎
‎ተጎጂዎች ወደ በዴሳ የመጀመሪያ ደረጃ ሆስፒታል እና ወደ ሶዶ ኦቶና ሆስፒታል መወሰዳቸውንም ኮማንደር ንጋቱ ለቲክቫህ ኢትዮጵያ አስረድተዋል።

ቲክቫህ ኢትዮጵያ
ሀዋሳ
ሚያዚያ 2 ቀን 2018 ዓ/ም
👇
https://t.me/addlist

1,520

Showing 17 of 17 posts

No more posts