Shahnoza Soatova blogi

Public

View Channel

Can't Join? @shahnozxon

4.9k Members

Updated: May 4, 2026 at 5:35 PM

Shahnoza Soatova blogi

Ki har ne olami sug‘roda mavjud, Bori ul olami kubroda mavjud. (Alisher Navoiy) Murojaat uchun: @shahnozchatbot

@shahnozxon is a dedicated channel for olami and bori with regular updates in Pinay Inhalte

Ranking

Global Ranking

#456

Language Ranking

#45

Category Ranking

#23

-1

Participant Growth (Last 2 Days)

Total: 4.9K

24h growth: -35 1%

Latest Posts

Shahnoza Soatova blogi

27. Apr. 2026, 15:23

ЖССТ раҳбари: "Зироат Мирзиёева — болалар онкологиясига қарши курашда ҳақиқий етакчи"

Жаҳон соғлиқни сақлаш ташкилоти раҳбари Тедрос Гебрейесус Ўзбекистон Биринчи хонимининг инсонпарварлик миссиясини юқори баҳолади. У ўз постида шундай ёзади: "Зироат Мирзиёева билан болалар саратонига қарши кураш ва соғлиқни сақлашдаги тенгликни таъминлаш борасидаги саъй-ҳаракатларни муҳокама қилганимдан мамнунман".

Доктор Тедроснинг https://x.com/DrTedros/status/2046849307475628417 кўра, Зироат Маҳмудовнанинг бу соҳадаги етакчилиги ва шахсий ташаббуслари кўплаб болалар ҳаётини сақлаб қолишда муҳим пойдевор бўлиб хизмат қилмоқда. Халқаро ҳамжамият Ўзбекистоннинг бу борадаги тажрибасини диққат билан кузатмоқда.

https://x.com/DrTedros/status/2046849307475628417

View on X (Twitter)

844

Shahnoza Soatova blogi

27. Apr. 2026, 15:23

🎥 Video

“Буюк Шарқ Ренессанси” халқаро олимпиадаси ўтказилади.

Республика Маънавият ва маърифат маркази, Мактабгача ва мактаб таълими вазирлиги, Фан олимпиадалари маркази, Ташқи ишлар вазирлиги, Фанлар академияси, Тарих институти ва бошқа ҳамкор ташкилотлар томонидан ўрта таълим мактаби ўқувчилари ўртасида “Буюк Шарқ Ренессанси” халқаро олимпиадаси ўтказилади.

5–7 май кунлари Тошкентда "Буюк Шарқ Ренессанси" халқаро олимпиадаси ўтказилади.

Унда болалар:
— аждодларимиз меросини чуқур ўрганади;
— таҳлил қилиш кўникмасини ривожлантиради;
— халқаро муҳитда тажриба орттиради.

Олимпиада 2 босқичдан иборат бўлади.

1-босқич: Шарқ алломаларининг ижоди ва асарлари ҳақида билимлар синови;

2-босқич: Билет тортиш орқали танланган рақам остида яширинган тарихий обида номини топиш. Бунда қуръа ташлаш орқали 3 та тарихий обида танланади ва иштирокчилар жамоавий тарзда ушбу учта тарихий обида бўйича ёзма жавоб тайёрлашади.

Танловда 14–18 ёшли ўқувчилар жамоа бўлиб қатнашиши мумкин.

Энг яхши натижалар медаллар ва сертификатлар билан тақдирланади.

Батафсил маълумот олиш учун: https://www.gerio.uz/

1,260

Shahnoza Soatova blogi

27. Apr. 2026, 15:23

Соат масаласида

Исроф
Ўзи бор-йўғи вақтни кўрсатиши учун сотиб олинадиган матоҳ, бунча қимматини олиш нимага керак?

Худди шундай кроссовка ҳам, барибир бир умр кийилмайди, нари борса бир неча йилгина хизмат қилади, лекин фалон пуллигини олишади, кийишади, тақишади, оммага чиқишади ва шунча савол туғдиришади. Булар оддий буюмку, барибир вақтингиз кўпроқ ёки қадамингиз тезроқ бўлмайди улар билан. Ҳеч тушунмайман-да...

Сиёсий фаросат(сизлик)
Коррупцияга қарши кураш энг юқори даражаларда айтилиб, назорат кучайтирилиб, шунча ишлар қилиняпти. Лекин бир олифталик жамиятга ёмон мессеж юборяпти. Бунинг номини сиёсий фаросат(сизлик) дейилади. Исроф оқибати шу.
Амалдорнинг ҳар бир қимматбаҳо буюми – қимматбаҳо ишонч кредитининг йўқолиши бўлади.

Одамлар бу дабдаба ниманинг ҳисобидан деб ҳақли сўрашяпти ва жавобини олишолмагач, хулоса қилишяпти. Бу хулосалар, афсуски, унутилмайди, таъсир қилади.

Қолоқлик
Бизда ҳамон мешчанлик кайфияти жуда кучли. Тўй қилса ҳам дабдаба, соат тақса ҳам – кўўўп пул сарфланган бўлиши керак, мақтаниши керак, ҳамма кўриб "ооо" дейиши керак. Карьера борасида шундай юксак чўққига чиқиб борган инсонлар яхши ишлаб зўр натижалар орқали ўзини кўрсатиши, тарих яратиши, яхши ном қолдириши мумкин – қандай имконият а? Унинг олдида бу буюмлар нима деган нарса? Аммо приоритетлар... афсуски улар ҳамон эскича.

Дунё аллақачон бошқа даражага кўтарилди, машҳурлар хайрия ишлари, қилган эҳсонлари ва ижтимоий лойиҳалари билан мақтанаётган замонда бизнинг бойлар ҳамон машинаси, данғиллама участкаси билан мақтанади. Элитамиз эса брендпарастликда илғор.

Камида 100 йил ортда қоляпмиз...
"Бизнинг жаҳолат – жаҳли мураккаб!"

3,500

Shahnoza Soatova blogi

27. Apr. 2026, 15:23

Бугун зўрвонликка қарши тарғибот тадбирларида қатнашдим. Бир мансабдор аёл эридан калтак ейишини айтиб берди. Ачиндим. Бечора, шунга чидаб яшаяпти болалари учун дедим. Бирпасдан сўнг шу аёл қўл остидаги бошқа аёлни қаттиқ уришди, жуда қўпол муомала қилди. Табиий, энди гап эшитган ходимга ачина бошладим. Кейин Фроммнинг "Инсон қўйми, бўрими?" деган тадқиқоти эсимга тушди. Тадқиқот охирида олим "Инсон ҳам қўй, ҳам бўри – ўрнига ва контекстга қараб", деган хулоса беради. Бугунги кўрганим бунинг исботи эди – бирпасда бир одам ҳам зўравонлик қурбони, ҳам "абюзер" сифатида гавдаланди. Ёқимсиз ҳис қолди ичимда...

Зўравонлик занжирини узинглар, унинг ҳалқасига айланиб олманглар. Биз қандай жамият қурсак, эртага болаларимиз ўша жамиятда яшайди.

2,640

Shahnoza Soatova blogi

27. Apr. 2026, 15:23

🎥 Video

Кеча Синдоровлар оиласида ғалаба шундай нишонланди
👏👏💥🥳🥳🥳

Ватанга Жавоҳирдек ақлли, музаффар ўғлон тарбиялаб берганингиз учун раҳмат! Ҳавасдамиз!!!

1,990

Shahnoza Soatova blogi

27. Apr. 2026, 15:23

Билиб-билмай "ёмонлар" сафига қўшилиб қолмасликнинг битта йўли бор...

Ижтимоий тармоқларда баъзан бирор чиройли гап ёки қандайдир даъватни ўқиб, лайк босамиз ёки тарқатамиз. Лекин орқасида қандайдир экстремистик гуруҳ турганини билмаймиз. Кейин эса... муаммолар бошланади. ”Мен билмагандим, бехосдан бўлди”, деган гаплар қонун олдида ўтмайди.

Депутат Дилдора Камалованинг постида https://t.me/deputatlar_nima_deydi қонунчиликка зўр ўзгартириш киритиляпти экан — энди Ўзбекистонда экстремистик ташкилотларнинг очиқ рўйхати (қора рўйхат) шакллантирилади.

Депутатимиз жуда тўғри айтяпти: одамларимиз у ёки бу ташкилотнинг юзини, номини аниқ билиши керак. Агар фуқаро у ташкилот экстремистик эканлигини, давлат томонидан тақиқланганини билса, албатта ундан узоқроқ юради, таъсирига тушмайди.

Демак, яқинда ҳаммамиз кўриб, билиб турадиган аниқ рўйхат бўлади. Кимнидир қандайдир ноаниқ гуруҳлар ўзига оғдирмоқчи бўлса, шундай рўйхатни очамиз-да, текшириб оламиз.

1,040

Shahnoza Soatova blogi

27. Apr. 2026, 15:23

Қарзни ундириш муҳимми ёки инсоннинг яшаши?

​Кўп йиллардан бери очиқ қолган оғриқли бир масала бор эди: банк ёки МИБ фуқаронинг пенсиясидан қарзни ечиб олаётганда, унинг тирикчилиги учун лоақал бир сўм қолдириши керакми? Афсуски, амалиётда кўпинча пластик картадаги бор пул нолгача ечиб олинарди.

​Қонунчилик палатасида кўриб чиқилган янги қонун лойиҳаси мана шу бўшлиқни тўлдиряпти.

Эндиликда қонун даражасида қатъий талаб ўрнатиляпти: пенсиядан ҳар қандай чегирмалар қилинганда ҳам, одамнинг қўлида яшаши учун энг зарур бўлган сумма — "энг кам истеъмол харажатлари" кафолатли қолиши керак.

​Мажлис https://parliament.gov.uz/lifestream/220 яна битта муҳим деталь: ногиронлиги бор ва расман ишлайдиган фуқаролар учун бюрократия бекор қилинди. Уларнинг пенсияси ҳар икки йилда мурожаатсиз, тизим орқали автоматик тарзда қайта ҳисоблаб борилади. Битта маълумотнома деб ойлаб сарсон бўлишлар тарихда қоляпти.

Хуллас, янги қонун оддий халқнинг, айниқса пенсионерларнинг ижтимоий ҳимоясини реал ишлайдиган даражага олиб чиқяпти.

1,090

Shahnoza Soatova blogi

27. Apr. 2026, 15:23

📷 Photo

Яшасиин!👏👏👏

Жавоҳир — ғолиб! У Номзодлар турнирини ютди! Тарихда биринчи марта ва бундай гўзал тарзда ғалаба қозониб Номзодлар турнирини ўзбек ўғлони ютди!

Бутун ўйин бир томону матчнинг сўнгидаги психологик кураш бир томон бўлди. Жавоҳир ҳар томонлама муҳташам ўйин кўрсатди. Бутун дунё гувоҳлигида замонамизнинг энг зўр шахматчиларидан бири эканини исботлади. Шу ёшида етук, ҳақиқий профессионал!

Дунёда энг зўри бўлиш ҳаммамизга муборак. Тарихий ғалаба муборак, дўстлар👏👏👏

Ота-онасига раҳмат! Бувию боболари ҳам, мураббийлару ҳомийлари ҳам — ҳаммаларига раҳмат!

Бугун байрам💃💃💃

2,300

Shahnoza Soatova blogi

27. Apr. 2026, 15:23

#repost Шаҳноза опанинг мурожаатига кўра, унинг фарзанди Равшанов А. Фарғона Экоситидаги 66-боғчадаги трансформатор щити ўралмагани учун юқори кучли электр билан куйган. Боланинг тана аъзолари чуқур куйгани сабаб 2 ойдан бери даволаняпти. Боланинг чап қўли…

900

Shahnoza Soatova blogi

27. Apr. 2026, 15:23

🎥 Video

Болалар дубляж мактабининг сустлашиб кетганини сиз ҳам сезганмисиз? Катта бўшлиққа ўхшаб қолган бу соҳа. Тан олайлик, катталарнинг бола бўлиб гапириши қулоққа жуда оғир ботади. Кўз олдингизда образни чўктириб юборади.

Болалар контентини ривожлантириш маркази ана шу бўшлиқни тўлдириш йўлида энг тўғри қадамни ташлабди. https://t.me/bolalarkontentiuz забардаст санъаткорни бу ишга жалб қилиб, https://t.me/bolalarkontentiuz деган дубляж мактаби ташкил этаётган экан.

Яқинда кастинг ўтказилиб, иқтидорли болажонлар саралаб олинибди. Энди уларга Мукамбар опанинг ўзлари дарс берар эканлар.

Бу миллий дубляжимиз келажаги учун экилган энг хайрли уруғ. Эртага бу уруғлар улкан мева беради, дубляжимиз яна ўз табиийлигига қайтади. Болажонларимизнинг овози экранлардан жаранглаб чиқишини интизорлик билан кутамиз!

1,010

Shahnoza Soatova blogi

19. Apr. 2026, 21:10

📷 Photo

#repost

Шаҳноза опанинг мурожаатига кўра, унинг фарзанди Равшанов А. Фарғона Экоситидаги 66-боғчадаги трансформатор щити ўралмагани учун юқори кучли электр билан куйган.

Боланинг тана аъзолари чуқур куйгани сабаб 2 ойдан бери даволаняпти. Боланинг чап қўли ишламаяпти. Ҳозир у Фарғона шошилинч тиббий шифохонасида.

Опанинг мурожаати бир нечта ташкилотлар биргаликда ишлаш талаб этилгани учун алоҳида ташкилотларга чиқмасдан, каналимда эълон қиляпман.

Опа фарзандининг шу кўйга тушгани ва назорат қилинмагани учун айбдорлар жазоланишини истаяпти. Фарзандига юқори малакали шифокорлар ёрдам берса, ҳолати яхшиланишидан умидвор.

Мен Соғлиқни сақлаш вазирлиги, Мактабгача ва мактаб таълими вазирлиги, Ижтимоий ҳимоя агентлиги, Прокуратура томонидан вазият чуқур ўрганилиб, чора кўрилишини сўраб қоламан. Шоядки, боланинг ҳолати яхшиланса. Бир онанинг, бир боланинг тақдирига бефарқ бўлмайлик.

Қолаверса, боғча ва мактаблардаги шундай хавфли нуқталарни ҳудудий электр тармоқлари мутахассислари ва ташкилот раҳбарлари яна қайта текшириб чиқишнинг айни вақти. Кунлар исияпти, болалар кўчада кўпроқ вақт ўтказа бошлайди. Аянчли оқибатларга олиб келадиган вазиятларни олдини олиш зарур.

Shahnoza Soatova blogi

19. Apr. 2026, 21:10

#repost Шаҳноза опанинг мурожаатига кўра, унинг фарзанди Равшанов А. Фарғона Экоситидаги 66-боғчадаги трансформатор щити ўралмагани учун юқори кучли электр билан куйган. Боланинг тана аъзолари чуқур куйгани сабаб 2 ойдан бери даволаняпти. Боланинг чап қўли…

946

Shahnoza Soatova blogi

19. Apr. 2026, 21:10

📷 Photo

Орзуларга қанот берувчи миллиард сўмлик грантлар

Бир ажойиб хушхабардан жуда қувондим. Юртимиздаги 20 нафар қатъиятли ва интилувчан аёл Uzum ҳамда Hamroh компаниялари тақдим этган жами 1 миллиард сўмлик грантлар соҳибасига айланишибди. Хотин-қизлар учун катта мотивация, чунки аёл кишининг жасорати ва изланиши доим қўллаб-қувватлашга лойиқ.

Хайрли ташаббус ортида нафақат молиявий кўмак, балки ташкилотчиларнинг аёллар тадбиркорлигини ривожлантириш йўлидаги улкан меҳнати ва ишончи ётибди. Мазкур грантлар хотин-қизларимизга менторлик кўмагини олиш ҳамда ўз бизнесларига энг замонавий технологияларни татбиқ этиш учун кенг имкониятлар беради.

Тадбирда сўзга чиққан Оила ва хотин-қизлар қўмитаси раиси Зулайҳо Маҳкамова аёллар тадбиркорлигини ривожлантириш давлат сиёсатининг устувор йўналиши эканини таъкидлаб, Uzum ва Hamroh лойиҳаларини хотин-қизларнинг ички салоҳиятини рўёбга чиқарувчи ҳақиқий кўприк деб атади.

Ўзига ишонган ва мақсад сари тўхтамайдиган опа-синглиларимизнинг муваффақиятини кўриш ёқимли. Зеро, бу каби имконият эшиклари янги зафарлар учун фақат дебочадир.

Shahnoza Soatova blogi

19. Apr. 2026, 21:10

📷 Photo

Миллий медиа ассоциациясида тайинловлар

Бугун Ўзбекистон Миллий медиа ассоциациясининг навбатдаги йиғилиши бўлиб ўтди. Ассоциация раиси Одилжон Тожиевнинг маълум қилишича, ташкилотда жиддий таркибий ўзгаришлар амалга https://t.me/odiljon_tojiyev

Хусусан, ассоциация тузилмасида мутлақо янги - Бош директорнинг гендер сиёсати ва медиа-муҳит хавфсизлиги бўйича ўринбосари лавозими жорий этилибди (бу яхши қадам 👍👍👍).

Шунингдек, ташкилот бошқарув тизимида ҳам янги кадрлар иш бошлади:
- Ассоциация Бош директори этиб Рахматжон Умаров сайланди. У шу кунгача Республика Маънавият ва маърифат марказида муҳим лойиҳаларни бошқариб келаётган эди.
- Дилшод Маматурдиев - бош директорнинг биринчи ўринбосари;
- Хусан Бекмуродов - бош директорнинг молиявий ишлар бўйича ўринбосари этиб тайинланишди.

Янги жамоага, айниқса, гендер масалаларига масъул бўладиган янги йўналиш вакилларига муваффақият тилаймиз.

Shahnoza Soatova blogi

19. Apr. 2026, 21:10

📷 Photo

#adliya_xabari

Adliya vazirligi tomonidan ishlab chiqilgan O‘zbekiston Respublikasi Prezidentining “Konsert-tomosha faoliyatini amalga oshiruvchi shaxslarni soliqqa tortish va hisobini yuritish tizimini soddalashtirish to‘g‘risida” qarori loyihasi bo‘yicha jamoatchilik muhokamasi yakunlandi.

Mazkur loyiha so‘nggi yillarda jamoatchilik muhokamasiga qo‘yilgan hujjatlar orasida eng ko‘p ko‘rilganlardan (16 mingga yaqin) biri bo‘lib, muhokama natijalari bo‘yicha loyiha yuzasidan 130 ta taklif va mulohazalar kelib tushdi.

Ushbu qaror loyihasi sohaga oid qonunchilik va mavjud tizimni tartibga solish ta’sirini baholash natijalari asosida ishlab chiqilgan bo‘lib, uning asosiy maqsadi Soliq kodeksida belgilangan soliq solishning majburiyligi va adolatliligi prinsiplarini ro‘yobga chiqarishdan iborat.

Tahlillarga asosan 2024-yil uchun 2 020 nafar xonanda soliq deklaratsiyasi taqdim qilgan bo‘lib, ularga jami 1,1 mlrd so‘m daromad solig‘i hisoblangan bo‘lsa (o‘rtacha bir nafar xonandaga yiliga 544,5 ming so‘m), 2025-yil uchun 305 nafar xonanda soliq deklaratsiyasi taqdim etib, ularga 154 mln. so‘m daromad solig‘i hisoblangan (o‘rtacha bir nafar xonandaga yiliga 505,6 ming so‘m).

Bu holatlar sohada soliq ma’murchiligini takomillashtirish, yagona va shaffof raqamli hisob tizimini joriy etish zaruratini ko‘rsatmoqda.

Mazkur qaror loyihasi manfaatdor vazirlik va idoralar, shu jumladan Iqtisodiyot va moliya vazirligi, Madaniyat vazirligi, Raqobat qo‘mitasi hamda Soliq qo‘mitasi bilan kelishilgandan so‘ng jamoatchilik muhokamasiga qo‘yilgan.

Adliya vazirligi ushbu loyihaning muhokamasida faol qatnashgan fuqarolarga minnatdorlik bildirgan holda barcha taklif va mulohazalar atroflicha o‘rganib chiqilishi, natijasi bo‘yicha loyihani takomillashtirib, yuqori turuvchi idoralarga kiritilishini ma’lum qiladi.

Kanalga ulaning va yangiliklardan xabardor bo‘ling
🚀 https://t.me/adliyaimd | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Showing 15 of 15 posts

No more posts

Rating

User Reviews (0)

No reviews yet. Be the first to share your experience!

Related Telegram Channels

Loading recommended channels...

Shahnoza Soatova blogi

Shahnoza Soatova blogi

Ranking

Participant Growth (Last 2 Days)

Latest Posts

Rating

User Reviews (0)

Related Telegram Channels

VF内核主频道

gordonua

Marleny Aleelayn

Ayushi Sharma Chemistry

🇮🇪SATTE KA BADSHAH🇮🇪

遵义六盘水安顺公榜

🔞🍑TIJUANA SIN CENSURA

seedance 1 lite

Related Telegram Channels

VF内核主频道

gordonua

Marleny Aleelayn

Ayushi Sharma Chemistry

🇮🇪SATTE KA BADSHAH🇮🇪

遵义六盘水安顺公榜

🔞🍑TIJUANA SIN CENSURA

seedance 1 lite

Latest Posts

User Reviews (0)