Ustozdan ustozga

Public

View Channel

629

2.7K

194

Can't Join? @ustozdan_ustozga

4.8k Members

Updated: May 6, 2026 at 8:32 AM

Ustozdan ustozga

Tarix fani ustozi, sharqshunos

Join @ustozdan_ustozga for exclusive tarix and sharqshunos content and discussions in 21

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 4.8K

24h growth: +0 0%

Latest Posts

Ustozdan ustozga

25. Apr. 2026, 06:38

Inson o‘zini qachon anglaydi?

Bir kichik tajriba meni katta xulosaga olib keldi.

Har oy o‘quvchilarga insho yozdirardim. Ammo vaqt o‘tib shuni sezdim: bolalar bir xil savollarni takrorlaydi. Bu savollar darsni sekinlashtiradi, diqqatni bo‘ladi.

Shunda noodatiy yo‘l tutdim.

O‘quvchilarning o‘z og‘zidan chiqadigan odatiy javoblarni yozib oldim:
— “Ha yoki yo‘q”
— “Bilmayman”
— “Keyingi safar aytaman”
— “Hozir jim”
— “Bor-e, aytmayman”
— “To‘ppa-to‘g‘ri”

Asosan javoblarda inkor holati ko'p edi. Insho vaqtida esa mavzu va kutilmalarimni tushuntirib bo'lgach gapirmas edim. Sababi bola o'zining fikrini namoyon qilsin, mening yondashuvimni emas.

Keyingi safar esa ularning savollariga aynan shu “ovozlar” bilan javob berdim.

Va shu yerda qiziq narsa yuz berdi.

Bolalar dastlab kulishdi, xazil mutoyibaga moyillik qilishdi, ammo oxirida birdan to‘xtab qolishdi. Go‘yoki ular o‘zlarini tashqaridan eshitgandek bo‘ldi.

O‘z savollarining qanday eshitilishini, qanday taassurot qoldirishini his qila boshladi. Eng muhimi arzimas narsani bot-bot takrorlanayotganini, bu takror shunchaki eshitmaslik va diqqat qilmaslik ortidan kelib chiqishini his qila boshlashdi.

Shu lahzadan boshlab savollardan oldingi diqqat o‘zgardi.

Chunki inson ko‘pincha tushuntirish orqali emas, aks ettirish orqali o‘zini anglaydi.
Inson o‘zining ichki holatini, tashqaridan ko‘ra boshlaganida o‘zgaradi.

Ustoz bekorga aytmagan, ustozning vazifasi har doim javob berish emas.
Ba’zida u — o‘quvchiga uning o‘zini ko‘rsatib beruvchi ko‘zgu bo‘lishdir.

Chunki haqiqiy o‘zgarish majburlashdan emas, anglashdan boshlanadi.

8,870

197

Ustozdan ustozga

25. Apr. 2026, 06:38

Tafakkur singan nuqta

Dars jarayonidaman. Oldimda jim sinf. Hech kim reaksiya bermaydi. Go‘yo bu yerda yagona maqsad — 45 daqiqani qandaydir tugatish.

Ichimda og‘riq: “Qanday qilib bu tanlarga ruh berish mumkin?”

Kuzata boshladim.

O‘quvchilar yomon emas. Ular shunchaki "oldindan hammasini biladi":
— mavzu doskada yozilgan,
— kitobda bor,
— aksari o‘qib ham kelgan.

Demak muammo bilimda emas. Muammo — "kutilmada".

Shunda bir qaror qildim:
mavzuni o‘zgartirmayman…
"lekin uning nomini o‘zgartiraman."

Har bir dars mavzusini qayta yozishni boshladim:
— jarangliroq,
— intrigaga boyroq,
— bolalar tiliga yaqinroq,
— bugungi trendga mosroq.

Mavzuni "o‘rgatish" emas, "sotish"ni boshladim.

Va yana bir kichik detal:
har dars oxirida keyingi mavzudan "spoiler" tashlab ketadigan bo‘ldim.

Natija sekin keldi, lekin aniq keldi:

O‘quvchi endi faqat "o‘qib kelish" bilan cheklanmayapti.
U kutyapti: "Darsda nima bo‘larkin?"

Sinfdagi harorat o‘zgardi.

Shunda bir haqiqatni yana bir bor tushundim:

"Ustoz o‘quvchini majburan o‘zgartira olmaydi.
Ustoz faqat sharoitni o‘zgartiradi.
O‘quvchi esa o‘zi o‘zgaradi."

8,540

248

Ustozdan ustozga

25. Apr. 2026, 06:38

Ustoz muammoni olib tashlamaydi.

U insonni shunday holatga olib keladiki:
muammo o‘sha-o‘sha qoladi,
lekin inson endi undan kichik emas.

Shuning uchun ham ustoz:

yechim bermaydi, yo‘nalish beradi;

taskin bermaydi, ongni uyg‘otadi;

ko‘tarib yurmaydi, ko‘tarishni o‘rgatadi.

Va eng chuqur pedagogik haqiqat shuki:

Insonning hayoti yengillashgani uchun emas,
insonning o‘zi og‘irlashgani uchun hayot yengildek tuyula boshlaydi.

Ustoz bekorga aytmagan, ustoz muammoni yo‘qotuvchi emas, muammo ichida insonni yo‘qolib ketmaslikka o‘rgatuvchidir.

8,700

236

Ustozdan ustozga

25. Apr. 2026, 06:38

TIZIM VA USTOZLIK: ENG NOZIK CHIZIQ

Har bir ustoz hayotida bir savol bor.
U baland aytilmaydi, lekin ichkarida doim turadi:

“Men haqiqatan dars beryapmanmi, yoki faqat tizimni bajaryapmanmi?”

Bugungi ta’lim tizimi bizdan aniqlikni talab qiladi:
— vaqtni to‘g‘ri taqsimlash
— metodikani to‘g‘ri qo‘llash
— natijani ko‘rsatish

Bularning hammasi kerak.
Lekin muammo boshqa joyda boshlanadi:

ustoz tizimda ishlashni o‘rganadi,
lekin asta-sekin tizimga aylanib qoladi.

Shu yerda ichki dilemma tug‘iladi:

— qoidani mukammal bajarishmi?
— yoki o‘quvchining hayotiga ta’sir qilishmi?

Ko‘pincha tizim birinchisini rag‘batlantiradi.
Chunki u oson o‘lchanadi.

Ammo ikkinchisi — haqiqiy ustozlik.
Va u ko‘rinmaydi, lekin seziladi.

Bir haqiqatni unutmaslik kerak:

Tizim — bu vosita.
Ustoz — bu ma’no.

Agar vosita ma’nodan ustun kelsa,
dars qoladi, lekin ta’lim yo‘qoladi.

Ko‘pchilik ikki yo‘ldan birini tanlaydi:

Tizimga to‘liq moslashadi
→ natija bor, lekin ruh yo‘q

Tizimni rad qiladi
→ ruh bor, lekin tartib yo‘q

Lekin uchinchi yo‘l ham bor:

tizim ichida qolib, o‘zingni yo‘qotmaslik.

Haqiqiy ustoz kim?

— u rejani bajaradi, lekin unga qul bo'lmaydi
— u qoidani biladi, lekin fikrni o‘ldirmaydi
— u dars o‘tadi, lekin o‘quvchini uyg‘otadi

Habermasning ajoyib fikri bor:
tizim samaradorlikka ishlaydi,
inson esa ma’noga muhtoj.

Agar darsda faqat tizim ishlasa — bola bajaradi.
Agar ustoz ishlasa — bola o‘ylaydi.

Eng katta xavf xatolik emas.

Eng katta xavf — o‘ylamasdan to‘g‘ri bajarish.

Bu holatni Hannah Arendt ham ogohlantirgan:
inson fikrlashdan to‘xtagan joyda, u asta-sekin o‘zini yo‘qotadi.

Shuning uchun har bir ustoz vaqti-vaqti bilan o‘ziga savol berishi kerak:

“Men bugun tizimni bajardimmi, yoki insonni uyg‘otdimmi?”

Agar ikkalasi birlashsa — bu ustozlik.
Agar faqat bittasi qolsa — bu ish.

Ustoz bekorga aytmagan, tizim sizni yaxshi xodim qiladi. Lekin faqat o‘zingiz sizni haqiqiy ustoz qilasiz.

Ustozdan ustozga

25. Apr. 2026, 06:38

Yangilik orqali o‘rgatish (curiosity-based learning)

Bu — miyada “qiziqish refleksi”ni ishga tushirish.

Inson miyasi shunday qurilganki:

yangilik → diqqat → savol → o‘rganish

Bugungi yoshlar:

trend,

drama,

mem,

skandal,

texnologiya,

mashhur shaxslar
orqali yashayapti.

Agar ustoz:

“Bugun darsimiz shunaqa bo‘lishi kerak” desa – miyaning himoya rejimi yoqiladi.
Agar esa:
“TikTok’da muhokama bo‘layotgan mana shu narsa aslida nima?” desa – miya ochiladi.

Masalan:

Sun’iy intellekt trend → falsafa (ong nima?)

Influencerlar → sotsiologiya (kapital va obro‘)

Serial → tarixiy mentalitet

Konflikt → axloq va adolat

Bu usulda bilim hayotdan ajralmagan bo‘ladi.

Bugungi yosh nimani muhokama qilsa — ustoz aynan shu eshikdan kirsa, ta’lim majburiyatdan ehtiyojga aylanadi.

Ya’ni:

Ustoz mavzuni tanlamaydi,

mavzu orqali o‘quvchini topadi.

Ustoz bekorga aytmagan:

"Zamonaviy ustoz axborot manbai emas,
ma’no tarjimoni bo‘lishi kerak."

Chunki bugungi yoshda bilim kam emas.
Lekin nimaga yashash kerakligini tushuntiradigan odam kam.

9,810

208

Ustozdan ustozga

25. Apr. 2026, 06:38

Kun kelib har bir ustoz, ikkita eng qo'rqinchli xatoni tan oladi:

Birinchisi barcha yovuz ishlarni tug'rilay oladigan kadrlar yetishtirmaganligi bo'lsa,
Ikkinchisi shu yovuzliklarni qiladiganlarni tarbiyalaganligi bo'ladi.

Birinchi xato — “yaxshilarni yetishtirmadim” — bu ojizlik azobi.
Ikkinchi xato — “yovuzlarni tarbiyaladim” — bu vijdon azobi.

Bu yerda muammo shundaki, ustoz ko‘pincha o‘zini faqat natijaga qarab baholaydi: baho, test, reyting.
Lekin hayot ustozni boshqa mezon bilan sinaydi: kim bo‘lib chiqdi bu bola?

Hannah Arendt “yovuzlikning banalligi” degan tushunchani kiritgan edi — ya’ni yovuzlik ko‘pincha yovuz niyatdan emas, fikrlamaslikdan tug‘iladi.
Aynan shu yerda ustozning haqiqiy vazifasi boshlanadi:
faqat o‘rgatish emas, balki o‘rgatganini tug'ri qo'llay olish.

Agar ustoz shunchaki itoatkor, yaxshi baho oladigan, lekin savol bermaydigan avlodni tarbiyalasa —
u bilmagan holda ikkinchi xatoga yaqinlashadi.

Shu bois eng sog‘lom savol bu:

“Men bilim berish bilan birga,
vijdon ham uyg‘otdimmi?”

Ustoz bekorga aytmagan,
"Ustoz uchun eng katta yutuq — shogirdining lavozimi emas, Insonligini ko'rish.
Eng katta mag‘lubiyati esa shogirdining qilgan zulmini tanib qolishidir."

12,700

205

Ustozdan ustozga

25. Apr. 2026, 06:38

🎥 Video

📚 Rahimov matematika olimpiadasida qatnashing!

Iqtidorli, bilimga chanqoq o‘quvchilarni aniqlash va ularni qo‘llab-quvvatlash uchun matematika fanidan olimpiada o'tkazmoqdamiz!

Olimpiadada Respublikamizning shahar, tuman va eng chekka qishloqlardan ham 5-, 6-, 7- va 8-sinf o‘quvchilari qatnashishlari mumkin.

G‘olib boʻlgan 12 o‘quvchiga Rahimov School:

🏫 To'liq o'qish
🛏 Yotoqxona
🍽 Ovqatlanish

xarajatlarini qoplaydigan 100% lik GRANT taqdim etadi!

📝 Olimpiada bosqichlari va umumiy shartlar bilan quyidagi havola orqali tanishishingiz mumkin:
http://telegra.ph/Rahimov-Matematika-Olimpiadasi-02-05

📌 Roʻyxatdan oʻtish uchun: https://t.me/RS_olimpiadabot

👉 Yangiliklarni o‘tkazib yubormaslik uchun bizni kuzatib boring!

https://t.me/RahimovSchool | https://t.me/rs_olimpiada

Ustozdan ustozga

25. Apr. 2026, 06:38

📚 Rahimov matematika olimpiadasida qatnashing! Iqtidorli, bilimga chanqoq o‘quvchilarni aniqlash va ularni qo‘llab-quvvatlash uchun matematika fanidan olimpiada o'tkazmoqdamiz! Olimpiadada Respublikamizning shahar, tuman va eng chekka qishloqlardan ham 5…

9,560

Ustozdan ustozga

25. Apr. 2026, 06:38

Insonni o‘rgatishda adashtiradigan narsa – bilim emas, tasavvur.

Ya’ni biz haqiqatni emas, haqiqat haqidagi o‘zimiz yasagan rasmni uzatamiz.

Eng katta tuzoq – ustozning ichki ishonchida namoyon bo'ladi:

“Men tushuntirdim, demak u tushundi.”

Aslida esa:

Ustoz o‘z ongidagi mantiqni ko‘radi.

O‘quvchi esa o‘z tajribasi chegarasida eshitadi.

Bu yerda xato bilimda emas, perspektivada.

test topshirdi - demak bildi.

savolga javob berdi - demak tushundi.

Lekin ko‘pincha bu faqat:

yodlash,

taxmin qilish,

yoki ustoz nimani xohlashini sezish.

Ya’ni o‘quvchi haqiqatni emas, bahoni o‘rganadi.

Ustoz bekorga aytmagan: "ustoz tasavvurni o'zidan o'quvchiga o'tkazishdan oldin, o'quvchini tasavvurini o'ziga ko'chirishi kerak" deb.

6,910

153

Ustozdan ustozga

25. Apr. 2026, 06:38

“G‘azab ustozni emas, faqat sinfni yengadi. Ustoz esa vaziyatni yengishi kerak.”

Bir darsni tasavvur qiling.
Sinf shovqin. Ikki o‘quvchi kulishyapti, biri telefon bilan o‘ynayapti, boshqasi topshiriqni umuman ochmagan.

Ustozning ichida g‘azab ko‘tariladi. Ovozi balandlashadi.
“Jim bo‘linglar!”, “Sizlardan odam chiqmaydi!”, “O‘tir, ikki!”…

Sinf jim bo‘ldi.
Lekin bu jimlik – tartib emas, bu qo‘rquv.

Bolalar o‘rganmadilar, faqat yashirindilar.
Savol bermadilar, faqat jim turdilar.
Xato qilishdan emas, ustozdan qo‘rqadigan bo‘lib qoldilar.

Bu yerda kim yutdi?
Ustoz emas. Faqat g‘azab.

Haqiqiy ustoz boshqacha qiladi.
U ovozni emas, vaziyatni boshqaradi.

Savol beradi:
— Nega e’tibor yo‘q?
— Qaysi joy qiyin bo‘ldi?
— Nima qiziqtirmayapti?

O'zining xotirjamligi bilan o'quvchini nazoratiga bo'ysuntiradi.

Chunki muammo shovqinda emas, ma’noda bo‘ladi.
Bolalar tartibsiz emas, ko‘pincha ma’nosiz darsga qarshi jim norozilik qiladi.

G‘azab bilan sinfni yengish oson.
Lekin vaziyatni yengish — faqat ong bilan mumkin.

Ustozning kuchi ovoz balandligida emas,
xotirjamligida.
Tahdidda emas, tushuntirishda.
Bosimda emas, munosabatda.

Chunki g‘azab sinfni sindiradi,
lekin vaziyatni anglash — shaxsni tarbiyalaydi.

7,690

199

Showing 10 of 10 posts

No more posts

Rating

User Reviews (0)

No reviews yet. Be the first to share your experience!

Related Telegram Channels

Go Work Facts : Climate activist " you don't have a job " only I work / do important things - Reality behind Last Generation

130

Loading recommended channels...

Ustozdan ustozga

Ustozdan ustozga

Ranking

Participant Growth (Last 3 Days)

Latest Posts

Rating

User Reviews (0)

Related Telegram Channels

Go Work Facts : Climate activist " you don't have a job " only I work / do important things - Reality behind Last Generation

KUIS AMBIS TWK

How not to summon a demon lord

shátu

Katökama 97

Catálogo Only gay 2

𝐂𝐨𝐧𝐜𝐢𝐥𝐢𝐮𝐦

LAST SOUL

Related Telegram Channels

Go Work Facts : Climate activist " you don't have a job " only I work / do important things - Reality behind Last Generation

KUIS AMBIS TWK

How not to summon a demon lord

shátu

Katökama 97

Catálogo Only gay 2

𝐂𝐨𝐧𝐜𝐢𝐥𝐢𝐮𝐦

LAST SOUL

User Reviews (0)

Latest Posts