Mindset-Empire

Public

Can't Join? @Mindsetempiree

42 Members

Updated: May 25, 2026 at 9:12 AM

Mindset-Empire

At Mindset empire, we empower personal growth through mindfulness, meditation, and emotional intelligence. Join us to cultivate inner peace, resilience, and meaningful connections for a balanced, harmonious life.

@Mindsetempiree is a growing community focused on growth and meditation and related topics

Ranking

Global Ranking

#23416

-1971

Language Ranking

#2994

+84

Category Ranking

#79

-7

Participant Growth (Last 30 Days)

Total: 42

24h growth: +0 0%

Latest Posts

Mindset-Empire

Mar 20, 2026, 04:28 AM

ውድ ቤተሠቦች እንደምን አላችሁ?  ዛሬ በዚች ማለዳ ደስ የሚል አጭር ታሪክ አቀርብላችሁዋለው......

👉 ሽማግሌው ቀራፂ ከመንደሩዋ የጥበብ ማእከል ተነስቶ ወደ መኖሪያ ቤቱ ሲያመራ ደማቋ የበጋ ፀሀይ ሙቀቷን በነፋሻማው የካሪቢያን ደሴት ላይ ያለስስት እየረጨች ነበር። በመንገዱ ላይ ነጭ የተንጣለለ ቪላ ቤት ያለው ግዙፍ የ እርሻ መሬት ባለቤት ከሠራተኞቹ ጋር በመሆን ለብዙ ትውልድ ከሀይለኛው ፀሀይ ከለላ ይሠጥ የነበረውን እድሜ ጠገብ ዛፍ ሲጥሉ ያያል። ሽማግሌው ቀራፂ ቆሞ ድርጊታቸውን ለአፍታ ሲመለከት ቆየና ወደ ሠውዬው በመጠጋት "እነዚህን የወዳደቁ የዛፍ ግንዶች ምን ታደርግባቸዋለህ? " ሲል ጠየቀው።
ባለ ፀጋውም አለ ፦ "እንጨቶቹ ከማገዶነት ባለፈ ለምንም አይረቡኝም"

ሽማግሌው ቀራፂም  አጋጣሚውን በመጠቀም ከወዳደቁት የዛፍ ግንዶች አንዱን እንዲሠጠው ጠይቆ አዎንታዊ መልስ ስላገኘ፣ ትልቁን የዛፉን ቅርንጫፍ በጥንቃቄ አንስቶ በትከሻው ከተሸከመ በኋላ ወደ መኖሪያ ቤቱ መንገዱን ቀጠለ።

ጎጆ ጋ እንደደረሠ የዛፉን ቅርንጫፍ  በቤቱ ወለል መሀል አስቀመጠውና ባለፀጋው "ረብ የለውም"  ያለውን እንጨት እያዟዟረ በጥሞና ያስተውለው ገባ። ድንገት አንዳች ሀሳብ መጥቶለት መጋዝና መሮውን ያነሳ ጊዜ የተሸበሸበ ፊቱ ላይ እንግዳ የሆነ ፈገግታ ይታይበት ነበር። ፀሀይና ዝናብ ሲፈራረቁበት ከኖረው ጉጥ የበዛበት የዛፍ ቅርንጫፍ ውስጥ አንድን ነገር ከረብ-የለሽነት ነፃ ለማውጣት የሚጥር በሚመስል መልኩ መትጋቱን ተያያዘው።

🌞 በነጋታው ጠዋት የወጣችው ፀሀይ ቀራፂውን በውብ ሁኔታ ከእንጨቱ የሠራትን ውብ ወፍ እንዳቀፈ ተኝቶ አገኘችው ። ቀራፂው ከአድካሚው ጥረትና ትጋት በኋላ ወፏን " የማይረባ እንጨት" ከመሆን ነፃ አውጥቶአታል። በኋላ ላይ ቀራፂው ይህቺን ወፍ የቤቱ በረንዳ ላይ አስቀምጦ ረሳት።

ከሳምንት በኃላ ባለፀጋው ለጉብኝት መጥቶ ወፏን በረንዳ ላይ እንዳለች ተመለከታት። ወዲያውኑም ሽማግሌውን ቀራፂ በጠየቀውና በፈለገው ዋጋ ወፏን እንዲሸጥለት  ጠየቀው። አናም ባለፀጋው ሠውዬ የተጠየቀውን ዋጋ ደስ እያለው ከፍሎ በእርካታ ስሜት ወፏን ደረቱ ላይ እንዳቀፋት ወደ ቪላው ተመለሠ። ሽማግሌው ቀራፂ በደሳሳ ጎጆው ደጃፍ ተቀምጦ ብሩን እየቆጠረ  "አይረቤነት እንደ ተመልካቹ ነው ። አንዳንዶች ይመለከታሉ ፣ ሌሎች ግን ያስተውላሉ" ብሎ አሠበ ።🤠

ስለዚህ አንድን ነገር ከመመልከት አልፋችሁ ማስተዋልን ተካኑ ። የዛሬ መልእክታችን ነው ። ሠናይ ጊዜ.......

382

Mindset-Empire

Mar 20, 2026, 04:28 AM

ሕይወት ምንድን ናት ዓላማዋስ ? ለእኔ የሕይወት ዘመን ጥያቄዬ ነው፡፡ ግን ህልውና ተችሮን ስንፈጠር ከሆነ ህይወት ምንጭ ስንፈልቅ፤ መኖር በሚባለው የህይወት ጅርት እየፈሰስን በመስኩ እየተገማሸርን፤ ቁልቁለቱን እየተዳፋን፤ አቀበቱን እንጠማዘዛለን፡፡

ሕይወት እና መንገድ

መሄድ መሄድ መሄድ. . . .

መውጣት እና መውረድ. . .

በቁልቁለቱ ስንዳፋ ህይወትንና ዓላማዋን እንደ እንደቁልቁለቱ እየበየንን፤ከመስኩ ስናርፍም ብያኔያችንን እያሳረፍን፡፤ አቀበት ገጥሞ መንገድ ሲያስለቅቀን የህይወትንም ብያኔ እንዲሁ  እየለቀቅን እየቀየርን የመኖርን ጅረት ዞረን እንቅላለን፡፡ ከምንጭ ወጥተን በመኖር ጅረት ፈሰን ከማብቂያው ምንጭ መልሰን እንጠልቃለን ፡፡ በየመሃሉም የምንሆነውን እንሆናለን፡፡ ህይወት ሁኔታዊ በዚያው መጠን ቅፅበታዊ፡፡ ያለፈውን ትዝታ አድርገን የመጪውን ተስፋ ሰንቀን በዚያ ተስፋ ግን ቅፅበትን እንኖራለን፡፡ የገባኝ ህይወት ይህ ነው፡፡ ቅፅበት፡፡ ቅፅበቷን የምናልፍበትና የምናሳልፍበት፡፡ ከህይወት ምንነት በላይ ትርጉም፤ ከህይወት ዓላማም በላይ ግብ ነው፡፡ ያችን ቅፅበት በፍቅር፡፡ የህይወት ትርጉም ፍቅርና ቅፅበት ሆነ ማለት ነው፡፡

ህይወት ቅፅበት ቢሆንም በቅፅበቷ የማንገፋው ጋራ የለም፡፡ እናም ታዲያ ለህይወት ዳገት ምርኩዝ፣ ለተዳፋቱ ድጋፍ. . . አቀበት ያለ ምርኩዝ መግፋት ምንኛ ፈታኝ ነው? ያለ ድጋፍስ ቁልቁለት ምን ያህል አስቸጋሪ ነው?

በመውጣት መውረዱ የህይወት ምጥጥኖሽ፣ሚዛን ልኬቶች አሁንም የህይወት ቅመሞች፡፡ የህይወትን ዳገት በተሰበረ ቅስም፣ በላሻቀ ሞራል መግፋት አስቸጋሪ ፈታኝ  ባስ ሲልም የመጨረሻዋን ህቅታ የሚጠይቅም ይሆናል፡፡ ለዚህ ግዜ ታዲያ ማለፊያ ድልድይ፣ ማረፊያ መስክ ድጋፍ ምርኩዝ በህይወት የሚያስፈልግን፡፡ የህይወት ቅመም፡፡

ህይወት መልካም ናት፤ ከነግሳንግሷ፡፡ ህይወት ውብምናት ተለዋዋጭ ልይዩ፡፡ በህይወት የተቃራኒ ጎኗ፣ ደስታ፣ ሃሴት ተድላ . . . ለዚህም ታዲያ የይህወት ቅመም. . . ደስታን ለብቻ መግፋት ይቻል ይሆን? አቅፈን የምንስመው፣ ጮኸን የምናስደነግጠው፣ አብስረን የምናፍነከንከው ለደስታችን አድማቂ ቀለም፣ አጣፋጭ ቅመም . . . .ለህይወት፡፡

ሕይወት ልይዩ ናት፡፡ ይህም አንዱ ቅመም፡፡ የህይወት መንገዱ አንድ ፣  መድረሻው አንድ፣  ስሌት ቀመሩም አንድ ቢሆን ኖሮ . . . ሕይወት ማስጠሎ ፡፡ በመኖር ጅረት ስንፈስ በማናውቀውና  በማይገመት ሂደት ዳና እየፈጥርን በተተለመው የህይወት መንገድ ስንፈስ ካሰብነው ስንደርስ ግብ የመታን የህይወትን ትግል ያሸነፍን ሲመስለን እንደገና አዲስ. . .  አዲስ. . .  አዲስ. . . ህይወትን ክለሳ፡፡ የህይወት ቅመም. . . .

ዑድቱን ጠብቆ . . . ሕይወት ይቀጥላል በምህዋሩ ይዞራል ቅመማት ባይኖሩስ ምንኛ ያስጠላል. . .

180

Mindset-Empire

Mar 20, 2026, 04:28 AM

- - " #የህይወት_ህግጋቶች " - -

ከመናገርህ በፊት | ☞ አስብ ★
ከመፈረምህ በፊት | ☞ አንብብ
ከማስተማርህ በፊት | ☞ ተማር ★
ከመምከርህ በፊት | ☞ ተግብር ★
ከመቁረጥህ በፊት| ☞ ለካ ★
ከማጉደልህ በፊት | ☞ ተካ ★
ከመዋጥህ በፊት | ☞ አላምጥ ★
ከመገንዘብህ በፊት | ☞ አድምጥ ★
ከማመንህ በፊት | ☞ አረጋግጥ ★
ከመረከብህ በፊት | ☞ ቁጠር ★
ከመወሰንህ በፊት | ☞ መርምር ★
ከመስራትህ በፊት | ☞ አቅድ ★
ከመተኮስህ በፊት | ☞ አልም ★
ከመተቸትህ በፊት | ☞ አጣራ ★
ከመብላትህ በፊት | ☞ ስራ ★
ከመሞትህ በፊት | ☞ ነሰሃ ግባ ★
ከመሄድህ በፊት | ☞ተስፋ ሰንቅ ★
ስትወያይ-----☞ ሁን አስተዋይ ★
ስትናደድ---- ☞ ቶሎ ብረድ ★
ስትናገር---- ☞ በቁምነገር ★
ስትቸገር---- ☞ መላ ፍጠር ★
ስትቀመጥ---- ☞ ቦታ ምረጥ ★
ስትወስን---- ☞ ቆራጥ ሁን !!
☆☆☆☆☆☆☆☆☆☆☆☆☆
ለላቀ ህይወት !

144

Mindset-Empire

Mar 20, 2026, 04:28 AM

፨፨የሶቅራጥስ 3ቱ ጥያቄዎች!፨፨

አንድ ሠው ወደ ሶቅራጠስ ሄዶ እንዲህ አለው...
‹‹ሶቅራጥስ ወዳጄ፣ እገሌ ስለተባለው ወዳጅህ የሠማሁት ደስ አይልም›› አለው፡፡ ሶቅራጥስ ግን ዝም አለ፡፡
ሠውየውም እንደገና፡- ‹‹ይገርማል ከእርሱ አይጠበቅም፤ በጣም ገርሞኛል›› አለ፡፡ ሶቅራጥስም ይህ ሰው እንደማይለቀው ስለተረዳ አንድ መደራደሪያ ሀሳብ አቀረበለት፡፡ ‹‹ስለ ወዳጄ ልትነግረኝ የፈለግከውን ልሠማው የምችለው ሶስት ጥያቄዎች አሉኝ፤ እነርሱን ስትመልስልኝ ብቻ ነው›› አለው፡፡ ሠውየውም ተስማማ፡፡

▶የመጀመሪያው ጥያቄዬ የእውነት ጥያቄ ነው፡፡ ስለወዳጄ የሠማኸው መቶ በመቶ እውነት ነው ወይ?›› አለው፡፡ ሠውየውም፡- ‹‹መቶ በመቶ እንኳን እርግጠኛ መሆን አልችልም›› አለው፡፡ ሶቅራጥስም፡- ‹‹ልትነግረኝ የፈለግከው እርግጠኛ ያልሆነ ነገር ነው ማለት ነው፡፡

▶ ሁለተኛው ጥያቄዬ የመልካምነት ነው፡፡ የምትነግረኝ መልካም ነገር ነው ወይ?›› አለው፡፡
ሠውየውም፡- ‹‹እርሱማ መልካም አይደለም›› አለው፡፡
ሶቅራጥስም፡- ‹‹እውነትነቱ ያልተረጋገጠና መልካም ያልሆነ ነገር ልትነግረኝ ፈልገሃል ማለት ነው፡፡

▶ ሶስተኛውና የመጨረሻው ጥያቄዬን ልጠይቅህ?›› አለው፡፡
ሠውየውም፡- ‹‹እሺ›› አለ፡፡
ሶቅራጥስም፡- ‹‹የምትነግረኝ ነገር ለእኔ የሚጠቅመኝ ነገር አለው ወይ?›› አለው፡፡
ሠውየውም፡- ‹‹የለም›› ብሎ መለሠ፡፡ ሶቅራጥስም በመጨረሻ፡- ‹‹እውነትነቱ ያልተረጋገጠ፤ መልካም ያልሆነ፤ ለእኔ የማይጠቅም ነገር አልሠማም›› አለው ይባላል፡፡
©ከዕውቀት_አድማስ


👇ሼር👇ጆይን👇ሼር👇

Mindset-Empire

Mar 20, 2026, 04:28 AM

ምንምነት ውስጥ ምንም ነገር አለ።
፧
፧
ሀሳብ አለ።
… እሚታሰብ እሚንሰለሰል ። ሳትፈልገው ሚፈልግህ…… ሳታልመው
እሚያልምህ…… በአንተ ዙሪያ እየዘወረ እሚዘውረወህ…… ሀሳቡን
ተረድተህ ለመሰደር ብትባዝንም ምንጩንና ፍንጩ የማይገለጥልህ
ግዜ አለ……… ታወጣ ታወርድና ይህን ሀሳብህን ለሚካፈልህ ጓደኛ
ትሻለህ… …ለመረዳት ሀሳብህን ለመካፈል የመጣው ጓድህ " ምን
ገጠመህ ጓዴ? " ይልሀል። የገጠመህ እክል አታውቀውም ግን
ጨንቆሀል……ግን ደብቶሀል…… ግን ያባዝንሀል…… የተምታታ ስሜት
ውስጥህ ሰርፇል። እንዲህ ነው ብለህ ተንፍሰህ ነገሩን ሀሳቡን
ማቅለል ያዳግትሀል።
፤
……ያሳለፍካቸውን ቀናት እየተመለስክ ውሎህን አዳርህን
እያስታወስክ የተገበርካቸውን ትሰልላለህ ። ምንም አታገኝም ወይም
ከስሜቱ ጋር እየታገልክ መንስኤው ይጠፋሀል። ዝም ብሎ ውስጥህ
ይነጫነጫል ንጭንጭህን  ተባዕት ወይም እንስት በታገኝ
አግኝተውህ የውስጥህን ስላልተነፈስክ ይከብዳቸዋል።እንዲህ
ይገጥማል ሀቅ ነው ። መንስኤ አለው ወይም ደርሰህ ተደብተሀል።፤
፤
☞ ………ምንም ባልነው ነገር ምንም ያላልነው ነገር ይፈተላል።
ምንም ማለት ባዶ አይደለም ባዶ ያልነውም ምንም አይደለም ማለት
አይደለም። ባዶነትም አንድ ምንነት ነውና።ግን ምን ሆኛለሁ? ምንም
አልሆንኩም አልልም ባዶ ሆኛለሁና።
።
እናም
☞ ማንኛውም ሀሳብ ሀሳብ ሆኖ… ሀሳብነቱ ገዝፎ ሀሳብን አጨንግፎ
እሱ ሲያንሰራራ… …አንሰራርቶ ሀሳብ ሀሳብነቱን የሚረዳ ሀሳቡ
ደርሶበት ያረፈበት ሰው ላይ ነው።
※
ደግሞም
ምንም ነገር ውስጥ ምንም ነገር አለ
✔ ምንም ነገር ያለምንም ነገር አይነሳምና።

Mindset-Empire

Mar 20, 2026, 04:28 AM

ሠላም Mindset Empire አባላቶች እንደምን አላችሁ??

ይሄን ቻናል እንድከፍት ያነሳሳኝ ነገር በአገራችን ኢትዮጵያ ውስጥ በስፋት ያልተለመደውን ሳይኮሎጂ ወይም  የስነ ልቦና ምክር በቀላሉ እና ለብዙ ሠዎች ምቹ  በሆነ ሁኔታ እንዲደርስ ታስቦ የተከፈተ ነው።
በተለይም እኛ ወጣቶች በህይወታችን ላይ ያሉትን አስቸጋሪና ፈታኝ ሁኔታዎች እንዴት እናልፋቸዋለን???? እንዴትስ እንወጣቸዋለን የሚለውን ጥያቄ የሚመልስ ነው።

፨ በጣም እፈራለው
፨ተስፋ ቆርጫለው
፨ከቤተሠቦቼ ጋር አልስማማም
፨ደስተኛ አይደለሁም
፨ብቸኝነት ይሰማኛል
፨በሠዎች ዘንድ ተፈላጊ አይደለሁም
፨ከሠዎች ጋር መግባባት አልችልም
፨ህይወቴን አልወደውም

እንዴት እነዚህን ነገሮች እንደምናስተካክል በቆይታችን መልስ እንሰጥባቸዋለን።
ይህን ቻናል ሌሎችም እንዲጠቀሙበት ለ ጉዋደኞቻችሁና ላላችሁበት group share እንድታረጉ በታላቅ ፍቅር እጠይቃለው❤️❤️❤️❤️❤️

164

Mindset-Empire

Mar 20, 2026, 04:28 AM

ሠላም እንደምን አደራችሁ ውድ የ Mindset-Empire ቻናል አባላት???
ዛሬ በዚች ውብና ያማረች ማለዳ ቀናችንን እንዴት በደስታ እንደ ምናሳልፍ በትንሹ እናያለን፦

አብዛኛዎቻችን ወጣቶች ማለዳ ከእንቀልፋችን ስንነቃ ምንም ነገር ከመከወናችን በፊት ስልካችንን በአንድም ሆነ በተዘዋዋሪ መንገድ መጎብኘታችን የተለመደ ነው። ለነገሩ ዛሬ እንኩአን ጎበኘነው። ምናልባት ይሔን ምክር ሊያሳየን ይሆን🤔🤔🤔🤔🤔

፨  ስንቶቻችን ነን ማታ ስንተኛ ጠዋት እንደምንነሳ እርግጠኛ ሆነን አልጋችን ውስጥ የገባነው???
፨ ስንቶቻችንስ ነን ዛሬ ጉአደኛችንን እንደምነገኘው እርግጠኛ ሆነን ቀጠሮ ያስያዝነው?????

🤔ታድያ ጠዋት ስንነሳ ስንቶች ሊያዩት የተመኙትን ማለዳ እኛ በማየታችን በራሱ ደስታን ሚፈጥር ነገር አይደለም??? ወይስ ማለዳን ማየት ልማድ ሆነብንና ደስታችን አለቀ?????

አንዳንዴ  ከጉአደኞቼ  ጋር ሳወራ ዛሬ ምን አዲስ ነገር አለ በዬ ጠይቃለው ፤ እናም የሚሰጡኝ ምላሽ በጣም ይገርመኛል🤓🤓🤓🤓🤓 ምንም አዲስ ነገር የለም ፤ ሁሉም ያው ነው ይሉኛል። ታዲያ እኔ ሳስበው እነዚህ ልጆች በጣም ያሳዝኑኛል😔😔😔😔 እሚያሳዝኑኝ በዛሬዋ ቀን ላይ አዲስ ነገር ስለሌላቸው ሳይሆን፤ አዲስ ነገር እያለ ማየት ባለመቻላቸው ነው።

እነሡ ያላዩት አንተ ያየኸው አዲስ ነገር ምንድነው ልትሉኝ ትችላላችሁ.......
መልሡ አጭርና ግልፅ ነው...እሡም የዛሬው ቀን ነው😁😁😁😁😁 ያስቃል አይደል????
እስቲ መልሡልኝ......የዛሬውን ቀን ከዚህ  ቀደም ኖራችሁት ነበር ??? የዛሬዋን ጠዋት ትላንት አይታችሁዋት ነበር🙄🙄🙄🙄🙄🙄🙄🙄 መቼም ካላበዳችሁ በስተቀር መልሳችሁ አልነበረም ነው።

፨ስለዚህ የዛሬዋ ቀን አዲስ ናት😇😇😇😇😇 ሁሉም ሠው ጋር ያለው አዲስ ነገር የዛሬው ቀን ነው። ታድያ ይሄን ማሠቡ በራሱ አይደለም የዛሬዋን ቀን ቀሪው ዘመናችንን ደስተኛ አያደርገንም ????? ለዚህ እኮ ነው ያለንን ብናውቅ የጎደለን የለም እሚባለው🤡🤡🤡🤡🤡🤡

👉 አሁን ካላችሁበት ተነሡና መስታወት ፊት ቁሙ ። ምን ያክል እድለኛ እንደሆናችሁ ታውቃላችሁ። በመስታወቱ ውስጥ እራሳችሁን እያያችሁ ስማችሁን እየጠራችሁ ፦ ሁሌም ደስተኛ መሆን እችላለው..... የትኛውንም ትልቅ ተራራ መጋፈጥ እችላለው......... ብላችሁ ለራሳችሁ ተናገሩ።  ከዛ እውነተኛ ደስታ parry መሄድ gf or bf መያዝ መኪና መንዳት ወዘተ.... እንዳልሆነ ትረዳላችሁ።

🤠 ደስታ ከውጭ ሳይሆን ከውስጣችን
ያለ የፈጣሪ ስጦታ ነው።
🤠 በህይወትህ ስኬታማ መሆን
ከፈለክ ፈጣሪህን ከፊት
በማስቀደም አንተ ተከተለው።

🙏🙏 መልካም የ ደስታ ቀን ይሁንልን። አሜን........

Mindset-Empire

Mar 20, 2026, 04:28 AM

"እውቀት ለወሲብ የሚያነሳሳቸው ሰዎች"

ከላቀ ውበታቸው እና ከንቃታቸው ደረጃ የተነሳ ወንድን አማርጠው ምርኮኛቸው እንደሚያደርጉ የምንመሰክርላቸው ሴቶች አይን ውስጥ የማይገባ መናኛ ወንድ ላይ ሲወድቁ አይተን እናውቃለን።

መልከ ጥፉ የሆኑ ፥ ኪሳቸው የጎደለ ፥ በባህሪም ቢሆን 'ምስጉን' ከሚባሉት ወገን ያልሆኑ፥ ቀልድ አዋቂነት የደረሰበት ያልደረሱ ፥ ዝነኛነትም ያልጎበኛቸው ወንዶች በውበትዋ የተጨበጨበላትን ሴት በፍቅር ሲያንበረክኩ አይተን "ምን አይነት መተት ይሆን?" ብለን ይሆናሉ። ነገሩ መተት አይደለም። በቅርቡ የተደረሰበት የስነልቦና ሳይንስን ጉዳዩን "ሳፒዮ ሴክሽዋል" ብሎ በይኖታል።

ሳፒዮ ሴክሽዋል ከምንም ነገር በላይ እውቀት ለወሲብ የሚያነሳሳቸው ሰዎች መጠሪያ ነው።
አዎ እውቀት ብቻውን ለወሲብ የሚቀሰቅሳቸው፥ በፍቅርም የሚጥላቸው ሰዎች አሉ።

እርግጥ መጠኑ ይለያይ ይሆናል እንጂ ሁሉም ሰው እውቀት ይመስጠዋል። ነገር ግን ለአንዳንድ ሰዎች መመርመር የሚወድ ሰው በተለየ መንገድ ወሲባዊ መነቃቃትን ይፈጥርበታል። ሳፒዮ ሴክሽዋል የሆኑቱ የላቀ እና በከፍተኛ እወቀት የታገዘ ንግግር ሲሰሙ ፥ ሳይንሳዊ ዶክመንተሪ ሲመለከቱ ፥ በእውቀት የታጨቀ መፅሐፍ ሲያነቡ ለወሲብ ይነሳሳሉ።
የማሰብ ችሎታ ለወሲብ ይገፋቸዋል፥ በፍቅርም ይጥላቸዋል!

"ሳፒዮሴክሹዋል" በቅርቡ የታዋወቀ ሃሳብ ነው። ቃሉ "ሳፔር" ከሚለው የላቲን ግሥ የተገኘ ሲሆን "ጥበበኛ መሆን፥ ማስተዋል" የሚል አቻ ትርጓሜ አለው።

ይህ ዝንባሌ ያላቸው ሰዎች አስደናቂ የማሰብ ችሎታ ካለው ሰው ጋር ለመዋሰብ ምንም አይነት ስሜታዊ ግንኙነት አያስፈልጋቸውም።

የማያውቁት ሰው እውቀት አዘል ንግግር ሲሰጥ በመመልከት ብቻ ስሜታቸው ይነሳሳል።

ይህ ዝንባሌ ያላቸው ሰዎች ከወሲብ በፊት ከሚደረግ አካላዊ ንክኪ ይልቅ ጥልቅ ውይይት ፥ ምሁራዊ ማብራሪያ ስሜት ይሰጣቸዋል።
የትኛውም አይነት የሚወደድ ባህሪ ያለው ሰው በእውቀት ጉዳይ ደካማ ከሆነ ከህይወታቸው ለማስወጣት ሁለቴ አያስቡም።

203

Mindset-Empire

Mar 20, 2026, 04:28 AM

የትምህርት ቤት ክፍያ

አንዳንድ ሰዎች ለምን እንደማይማሩ ሲጠየቁ፣ “ትምህርት ቤት መማር ብዙ ዋጋ ያስከፍላል” ይላሉ፡፡ እንደ እውነቱ ከሆነ ግን ልክ ነው መማር ያስከፍላል - ገንዘብን፣ ጊዜን፣ እንቅልፍን፣ ጉልበትን . . . ያስከፍላል! ነገር ግን መማር ከሚያስከፍለው ይልቅ አለመማር ያስከፍላል፡፡ መማር አሁን ያስከፍልና ነገ ይከፍላል፤ አሁን ያደክምና ነገ ያሳርፋል፡፡ አለመማር ግን፣ “አሁን ዘና በል” በማለት ነጻ ይለቀንና እድሜ ልካችንን እያስከፈለና እየገዘገዘን ያከርመናል፡፡

ከላይ የተጠቀሰው የመደበኛ ትምህርት ሂደት እውነታ መደበኛ ባልሆነው የየእለት የሕይወት ትምህርትም አንጻር ያው ነው፡፡ ለነገው ሕይወታችን ጥበብን፣ ልምድንና የሕይወት ተሞክሮ ተግባራዊ እውቀትን የምናገኝበት ብቸኛ መንገድ ዛሬ አዳዲስ ነገሮችን በመሞከር ከምንሰራቸው ስህተቶች የተነሳ ነው፡፡ በሌላ አባባል ሲገለጽ፣ ስህተት ማለት ለነገ የሕይወት ስኬት ዛሬ የምንከፍለው የትምህርት ቤት ክፍያ ነው፡፡

“በሕይወታችን ሁለት ፍላጎቶች ብቻ ናቸው ያሉን፡፡ አንደኛው ሁል ጊዜ መማር ሲሆን፣ ሁለተኛው ደግሞ ሁል ጊዜ ሳይሳሳቱ ትክክል መሆን” (Errol Gerson)፡፡ እነዚህን ሁለቱንም ነገሮች ግን በአንድ ላይ ማስኬድ አንችልም፡፡

ሁል ጊዜ ትክክል መሆን ከፈለግን አዳዲስ ነገሮችን መሞከር እናቆማለን፡፡ ያን ጊዜ ሕይወት ይቆማል - ትልቁና የመጨረሻው ስህተት!፡፡ በተቃራኒው ደግሞ ሁል ጊዜ አዳዲስ ነገሮችን ከሞከርን መሳሳታችን አይቀርም - ታላቁና ውጤታማው ስኬት መንገድ!
ሁል ጊዜ አዳዲስ ነገሮችን የመሞከርን መንገድ የመረጥን ጊዜ ሕይወት በብዙ ልምድ፣ ልምምድ፣ ጥበብና እውቀት ታሸበርቃለች፡፡

ዛሬ አዳዲስ ነገሮችን በመሞከር የምንከፍለው ዋጋ ለነገው ሕይወታችን ስኬታማነት የሚከፈል ስለሆነ ማለት ነው፡፡

ተንቀሳቀሱ! ጀምሩ! ስሩ! ከተሳሳታችም ከስህተታችሁ በመማር ለነገ የተሻለ ማንነት ያዙ!
መልካም ሰኞ❤

272

Mindset-Empire

Mar 20, 2026, 04:28 AM

በዚህ ሀሳብ ትስማማላችሁ?

“አብዛኛው ሰዎች ለእናንተ ታማኝ አይደሉም፤ ይልቅ በእናንተ ላይ ባላቸው ፍላጎት ውስጥ ታማኝ ናቸው። ታድያ ፍላጎታቸው ሲቀየር ለእናንተ ያላቸው ታማኝነት አብሮ ይቀየራል!።”

ካህሊል ጅብራን

214

Mindset-Empire

Dec 6, 2025, 11:19 AM

“ያለማሰብ ውሳኔ”

“እውነትን በራስህ አይኖች ማየትን ተማር፡፡ አንድ ሰው የነገረህን ነገር ብቻ እውነት አድርገህ በፍጹም አትቀበል”

በአሁን ሰዓት በአንድ አንተ በማታውቀው ቦታ ሁለት ሰዎች ተገናኝተው እጅግ በጣም ስሜታዊ በሆነ መልኩ ስለአንተ እየተነጋገሩ ነው እንበል፡፡ እነዚህ ሰዎች በሚነጋገሩበት ነገር ላይ ያለህን አመለካከት ወይም ስሜት ተናገር ብትባል ምን ትላለህ? ምናልባት መልስህ፣ “ምንም አመለካከት ወይም ስሜት የለኝም” የሚል ይሆናል ብዬ እገምታለሁ፡፡ ምክንያቱም፣ ስለሁኔታው ምንም የምታውቀው ነገር ስለሌለህ ነው፡፡ ሰዎቹ ተገናኝተው ስለአንተ አወሩ እንጂ አንተ ጋር ምንም የደረሰ ነገር የለም፡፡ በተጨማሪም፣ ስለአንተ የሚለዋወጡት ጠንካራ ስሜትን ያዘለ ንግግር መልካም ይሁን ክፉ የምታውቀው ነገር የለህም፡፡ ስለሆነም፣ በሁኔታው ላይ ምንም አይነት አመለካከትም ሆነ ስሜት ሊኖርህ አይችልም፡፡

ከዚህ እውነታ ሁለት ነገሮችን መመልከት እንችላለን፡፡

አንደኛው፣ የምትሰማቸውንና የምታያቸውን አሉታዊ ነገሮች በቀነስክ ቁጥር ጠንካራ ስሜቶችና አመለካከቶችን ትቀንሳለህ፡፡ ስለሆነም፣ ለሕይወትህ ሕልውናና እድገት አስፈላጊ ከሆኑን ነገሮች ውጪ መስማትና ማየት የማይገቡህን ነገሮች ማጣራትና አላስፈላጊውን ማስወገድ ታላቅ ጥበብ ነው፡፡

በሁለተኛ ደረጃ ልታስብ የሚገባህ ጉዳይ፣ አንዳንድ ጊዜ ስለአንተ የሚባለውን ሁሉ ላለመስማት የማትችልበት ጊዜ እንዳለ ማስታወስ አለብህ፡፡ ስለዚህም፣ ልክ ከላይ እንደጠቀስነው ስለነገሮቹ ፈጽሞ በማትሰማበት ጊዜ የሚኖርህን አይነት ኃይልና አቅም እንዲኖርህ ከፈለግህ፣ በምትሰማውና በምታየው ነገር አንጻር የግድ ጠንካራ ስሜትና አመለካከት ልትይዝ እንማይገባህ ማሰብ ትችላለህ፡፡

ያም ሆነ ይህ የምታንሸራሽራቸው ስሜቶችና ለመግለጽ የምትፈልጋቸው አመለካከቶች በተበራከቱ ቁጥር ያንን ለማድረግ ለዋናው ዓላማህ ሊውል ከሚገባው ጉልበትና ጊዜ ላይ መቀናነስ እንደሚገባህ አትዘንጋ፡፡ በአንዳንድ ሁኔታዎች ላይ በአይኖችህ ካላየህና በማስረጃ ካላረጋጋጥክ በስተቀር መረጃን በጆሮህ ሰምተህ ብቻ ከማመን ተጠበቅ፡፡ በተጨማሪም፣ በውስጥ በአይኖችህ አይተህ ሙሉ ለሙሉ ያላመንክበትን ነገር በአንደበትህ በመናገር ከማስተጋባትም ራስህን ጠብቅ፡፡

“የጥበብ መንገድ” ከተሰኘው የዶ/ር ኢዮብ መጽሐፍ የተቀነጨበ፡፡
https://t.me/Mindsetempiree

Mindset-Empire

Dec 6, 2025, 11:19 AM

ምን አይነት ሕዝብ ነው?
የተቃኘ እይታ

የተቃኘ እይታ ማለት የአንድን ሁኔታ ጥሩነትም ሆነ መጥፎነት በጥቅሉ ከመገመትና ቀድሞውኑ በአንድ አቅጣጫ በተዘጋ እይታ ለማየት ከመዘጋጀት ይልቅ ግራና ቀኙን ባመዛዘነ እይታ ለመመልከት መዘጋጀት ማለት ነው፡፡

አንድ በእድሜ ጠና ያሉ አዛውንት ወደፊትና ወደኋላ እንዲወዛወዝ የተሰራውን ወንበራቸውን እንደ ልማዳቸው ወደደጅ አውጥተው የልጅ ልጃቸውን በጉልበታቸው ላይ አስቀምጠው ከተማ መሃል ባለው ቤታቸው ደጃፍ ላይ የሚጫወቱትን ልጆች ያያሉ፡፡ በአንድ ጎኑ የልጆቹ ጨዋታ ደስ ይላቸዋል፣ በሌላ ጎኑ ደግሞ ብዙም የሚሰሩት የሌላቸው ጡረተኛ ስለሆኑ በዚያ ተቀምጦ ጨዋታውን በማየት ጊዜን ማሳለፍ የየቀን ልማዳቸው ነው፡፡  እነዚህ ልጆች በጨዋታ መሃል ሲጣሉ እኝህ አዛውንት ካሉበት ሆነው ከፈ ባለ ድምጽ በማድረግ ያረጋጓቸዋል፡፡ ልጆቹ ስለሚታዘዟቸው ደስታቸው ይህ ነው አይባልም፡፡

የዛሬዋ ቀን ትንሽ ለየት ትላለች፡፡ ከየት መጡ የማይባሉ ጎብኚዎች (ቱሪስቶች) እጅግ የገዘፉ የጉዞ ሻንጣዎቻቸውን በጀርባቸው ላይ አዝለው በከተማዋ ላይ ፈስሰዋል፡፡ በዚያ ከሚያልፉት ቱሪስቶች መካከል አንዱ በመንገድ ላይ በድርቅና ከተዋወቀው “የመንደር” አስተርጓሚ ጋር ወደሳቸው ቀረበና ጥያቄ ሊጠይቃቸው እንደሚፈልግ ገለጸላቸው፡፡

ፈቃዳቸውን ካገኘ በኋላ እንዲህ አለ፣ “ይህች ከተማ ምን አይነት ከተማ ነች? ለመሆኑ ሕዝቧስ ምን አይነት ሕዝብ ነው? ክፉ ነው ወይስ ደግ?” አላቸው፡፡ ሽማግሌው መልሰው፣ “አንተ የመጣህባት ከተማ ምን አይነት ከተማ ነች? ሕዝቡ ክፉ ነው ወይስ ደግ?” በማለት ጥያቄውን በጥያቄ መለሱለት፡፡ ቱሪስቱ በመመለስ፣ “እኔ የመጣሁባት ከተማ ውስጥ ያለው ሰው ሁሉ ደግና እጅግ መልካም ነው” አላቸው፡፡ ሽማግሌውም፣ “እዚህም እንዲሁ ነው፣ ሁሉም ሰው ደግና እጅግ መልካም ነው” አሉት፡፡

ቱሪስቱ ምስጋናውን አቅርቦ ገና ከመሄዱ እሱ ከመጣበት ከተማ የመጣ ሌላ ቱሪስት ወደ እሳቸው ቀረበ፡፡ እነዚህ ቱሪስቶች ከሃገራቸው ከመነሳታቸው በፊት ያንን ብቸኛ ጥያቄ ጠይቁ ብለው ቃለ-መሃላ ያስገቧቸው ይመስል ይህኛውም ቱሪስት ያንኑ ጥያቄ አዛውንቱን ጠየቃቸው፡፡ “ይህች ከተማ ምን አይነት ከተማ ነች? ለመሆኑ ሕዝቧ ክፉ ነው ወይስ ደግ” አላቸው፡፡ ሽማግሌውም ልክ ለቀደመው ቱሪስት እንደመለሱት፣ “አንተ የመጣህባት ከተማ ምን አይነት ከተማ ነች? ሕዝቡ ክፉ ነው ወይስ ደግ?” በማለት ጥያቄውን በጥያቄ መለሱለት፡፡ ቱሪስቱ በመመለስ፣ “እኔ የመጣሁባት ከተማ ያለው ሰው ሁሉ ጨካኝና እጅግ ክፉ ነው” አላቸው፡፡ ሽማግሌውም፣ “እዚህም እንዲሁ ነው፣ ሁሉም ሰው ጨካኝና እጅግ ክፉ ነው” አሉት፡፡

የአያቷን ምላሽ በመገረም ትሰማ የነበረችው ልጅ፣ “አባባ፣ ሁለት ሰዎች አንድ አይነት ጥያቄ ጠይቀውህ የተለያዩ መልሶችን እንደሰጠሃቸው አውቀሃል” አለቻቸው፡፡ አያት እንዲህ አሉ፣ “አውቃለሁ፡፡ አየሽ ጉዳዩ እንዲህ ነው፣ ሰው በሄደበት ቦታ ሁሉ ለማየት የተዘጋጀውን ነው የሚያየው፡፡ የከተማው ሰው ሁሉ ክፉ ነው ብሎ አምኖ ከመጣ ያንኑ እየመረጠ ያያል፣ ሰው ሁሉ ደግ ነው ካለ ደግሞ ያንኑ እየለቀመ የማየት ዝንባሌ አለው፡፡ ለእነዚህ ቱሪስቶችም የመለስኩላቸው ይህንኑ ነው፡፡ ከአንድ አይነት ከተማ መጥተው አንዱ የሃገሩን ሕዝብ ደግ ሲል ሌላኛው ደግሞ ያንኑ ሕዝብ ክፉ ሊሉ የበቁት ከአመለካከታቸው የተነሳ ነው፡፡”

የእኚህ አዛውንት አባባል እውነትነት አለው፡፡ የእይታችን ዝንባሌ በሄድንበት ሁሉ የምንመለከተውን ነገር የመወሰን ኃይለኛ ጉልበት አለው፡፡ አንድን ነገር በተዛባ እይታ መመልከት አጅግ አሳዛኝ ውጤትን ያስከትላል፤ የሌለውን እውነታ እንድንመለከትና በተሳሳተ ግምት ውስጥ እንድንኖር ተጽእኖን ያደርግብናል፡፡ በእርግጥም ከዝንባሌአችን የተነሳ ያየናቸውና ያተኮርንባቸው ሁኔታዎች ቢኖሩም እንኳ አመለካከታችን ሁኔታዎቹን ስለሚያጎላቸው ነገሮቹ ሊሻሻሉ ይችላሉ የሚል ተስፋ እንዳይኖረን ያደርገናል፡፡

የምንኖርበት ሕብረተሰብ መልካም ሕብረተሰብ ነው!!! ምድሪቱም መልካም ነች!!! እኛም መልካም መልካሙን እናስብ!!! በጎ በጎውን እንናገር !!!
https://t.me/Mindsetempiree

Mindset-Empire

Dec 6, 2025, 11:19 AM

የምትከተለውና የምትተወው

“አንድን ነገር መቼ ትተህ መሄድ እንዳለብህ ማወቅ ጥበብ ነው፡፡ ያንን እርምጃ መውሰድ ደግሞ ቆራጥነት ነው፡፡ በጨዋነትና አንገትህን ሳትደፋ መሄድ ደግሞ
ማዕረግና ክብር ነው”

የሰው ጥበቡና ክብሩ የሚለካው በሚከታተላቸው ታላላቅ ነገሮች ብቻ ሳይሆን ትቶ ለመሄድ በወሰናቸው ነገሮችም ጭምር ነው፡፡ አንድ ሰው ወደፊት የሚደርስበት ከፍታ ከወዲሁ የሚታወቀው ምንም እንኳን መስዋእትነት ቢያስከፍለውም፣ ከአጠቃላይ የሕይወቱ መርህና የልህቀት ደረጃ ጋር ከማይመጥን ነገር ለመለየት ባለው ቆራጥነት ነው፡፡ አንድን የተሻለ ነገር በእጃችን ለመጨበጥ በመጀመሪያ የያዝነውን ነገር የመልቀቅ ጥያቄ ሊቀርብልን እንደሚችል መዘንጋት የለብንም፡፡

ለመክፈል ፈቃደኛ የሆንክለት መስዋእትነት ነገ የምትደርስበትንና በእጅህ የሚገባውን ነገር ጥራት ይወስነዋል፡፡ አንዳንድ ሰዎች ተራውንና ላላቸው ታላቅ የሕይወት ግብ የማይመጥነውን ላለመልቀቅ ሲሉ ከብዙ መልካም ነገር ይጎድላሉ፡፡ ለጊዜያዊው ሲሉ ዘላቂውን ይሰዋሉ፤ ለተራው ሲሉ የከበረውን ይጥላሉ፤ ላይ ላዩን ብቻ ለተብረቀረቀው ነገር ሲሉ ጥልቅና የውስጥ ውበት የተላበሰውን እውነተኛውን ችላ ይላሉ፡፡ እንደዚህ አይነት ሰዎች አንድን የላቀ ነገር ለማግኘት አናሳውን መስዋእት ማድረግ እንዳለባቸው የዘነጉ ጥበብ-የለሽ ሰዎች ናቸው፡፡

አገራችንን የሞሉትን የችግር ምንጮች ካየሃቸው ይህ አመለካከት የተጠናወታቸው ሰዎች ናቸው፡፡ የሚያስቡት፣ የሚናገሩትና የሚከተሉት ነገር ሁሉ ተራ የሆነባቸው ሰዎች በሕብረተሰቡ መካከል ለሚፈጠሩ ለአብዛኛዎቹ ቀውሶች መንስኤ ናቸው፡፡ እንደዚህ አይነት ሰዎች ለብዙሃኑ ጥቅም ሲሉ የራሳቸውን አጀንዳ መጣል የሚባለውን ሃሳብ በፍጹም የሚገነዘብ አእምሮ የላቸውም፡፡ ለአጠቃላይ ሃገራዊ ራእይ ሲሉ ጊዜያዊ ጥቅምንና መብተኝነት መልቀቅ የሚባለው ሃሳብ ፈጽሞ ሊታያቸው አይችልም፡፡

አንተ በምትወስደው እርምጃ ምክንያት ያለህበት ሕብረተሰብ ወደተሻለ ደረጃ እንደሚደርስ ብታውቅ ያንን ነገር ለማድረግ ዝግጁ ነህ? አንተ ለመተው ፈቃደኛ በሆንከው ነገር ምክንያት በሕብረተሰቡ መካከል ሰላም እንደሚሰፍን ብትገነዘብ ያንን ነገር ለመተው ምን ያህል ፈቃደኛ ነህ?

ሃሳቡን ስንደመድመው፣ የሕይወታችን ጥራት የሚለካው በምንተገብራቸው ነገሮች ብቻ ሳይሆን አንዳንዴም ለመተው በምንወስናቸውም ነገሮች እንደሆነም ማስታወስ ጥበብ ነው፡፡ የጥበባችን ልክ የሚመዘነው እከተለዋለሁ በምንለው ነገር ብቻ ሳይሆን እተወዋለሁ በምንለውም ነገር ጭምር ስለሆነ ማለት ነው፡፡ አስተዋይነታችን የሚለካው መያዝ-መጨበጥ አለብኝ በምንለው ነገር ብቻ ሳይሆን አንዳንድ ጊዜም ለመልቀቅ ፈቃደኛ በሆንነው ነገር እንደሆነ ለማስታወስ ይፈቀድልኝ፡፡ ብርታታችን የሚታየው ለመብቴ እቆማለሁ በሚለው ጠንካራ አቋማችን ብቻ ሳይሆን ለአጠቃላይ ሰላም ሲባል አንዳንዴ መብቴን እተዋለሁ በሚለውም አመለካከታችን እንደሆነ ይሰመርበት፡፡
https://t.me/Mindsetempiree

Mindset-Empire

Dec 6, 2025, 11:19 AM

ያስቸገረኝ ጥቃቅኑ አሸዋ ነበር!

ተወልዶ ካደገበት ሃገሩ በተፈጠሩ ማሕበራዊ ቀውሶች ምክንያት ወደሌላ ሃገር በስደት ለመሄድ የቆረጠ አንድ ሰው ረጅም፣ አድካሚና አስፈሪ የሆነን በረሃ ለቀናት በእግሩ በመሄድ ካቋረጠ በኋላ እጅግ ደክሞና ዝሎ ነበር፡፡ በመጨረሻም በደረሰበት አንዲት ከተማ ውስጥ በተሰጠው እርዳታ ትንሽ አገገመ፡፡

የዚህን ሰው ጉዞ የሰማና ለሕብረተሰቡ ለማቅረብ የፈለገ አንድ ጋዜጠኛ አገኘውና አንድን ጥያቄ ጠየቀው፡፡ “ተጉዘህ የመጣኸው በረሃ ብዙ ሰው የማይደፍረው በረሃ ነው፡፡ ለመሆኑ በመንገድህ ላይ በጣም የጎዳህና ያስቸገረህ ውኃ ጥም ነበር? ምግብ ማጣት ነበር? አውሬ ነበር? ሽፍቶች ነበሩ? ወይስ . . . ?

የዚህ ስደተኛ መልስ ለጋዜጤኛው ያልተጠበቀ ነበር፡፡ በዚህ አደገኛ በረሃ አቋርጬ ስመጣ በጣም ያስቸገሩኝ የጠቀስካቸው ትልልቅ ነገሮች አልነበሩም፡፡ ጉዞየን በጣም አድካሚና አስቸጋሪ ያደረገብኝ በእርምጃዬ ወቅት ጫማዬ ውስጥ እየገባ የሚቆረቁረኝና አላራምድ ያለኝ ጥቃቅኑ አሸዋ ነበር፡፡

የሕይወት ጉዞም እንዲሁ ነው! አብዛኛውን ጊዜ የሚያስቸግረን፣ የሚቆረቁረን፣ አላራምድ የሚለንና ከዓላማችን የሚጎትተን ችግር ትልልቁ አይደለም፡፡ በየቀኑ የሚያጋጥሙን ጥቃቅን “አሸዋዎች” ናቸው፡፡ ትንንሽ አመለካከት ያላቸው ሰዎች ባህሪይ፣ ትንንሽና አናሳ ወሬን የሚያወሩ ሰዎች ሁኔታ፣ ትንንሽና ስሜትን የሚነካኩ የየቀን ገጠመኞች . . . ጉዟችንን አዳጋችና አድካሚ ያደርጉታል፡፡

“በትንንሽ” ሰዎችና ሁኔታዎች ሳትበገሩ ትልቁ የሕይወት ስእልና ዓላማችሁ ላይ በማተኮር ወደፊት መገስገስን ያወቃችሁበት ጊዜ ዋናውን የሕይወት ድል የተጎናጸፋችሁበት ጊዜ ነው፡፡

በርቱ!
https://t.me/Mindsetempiree

Mindset-Empire

Dec 6, 2025, 11:19 AM

መቅደም ያለበት ነገር!

•  ማንንም ከማድመጣችሁ በፊት በቅድሚያ ትክክል እንደሆነ ህሊናችሁ የሚመሰክርላችሁን እውነት አድምጡ፡፡

•  ማንንም ከመፍራታችሁ በፊት በቅድሚያ ፈጣሪን ፍሩ!

•  ስለማንም ሰው ሁኔታ ከሌሎች ሰዎች ጋር ከማውራታችሁ በፊት በቅድሚያ ስለራሳችሁ ጉዳይ ከራሳችሁ ጋር አውሩ!

•  ማንንም ሰው ከማገዛችሁ በፊት በቅድሚያ ራሳችሁን አግዙ!

•  ያልሆነላችሁንና የሆነባችሁን ከማሰላሰላችሁ በፊት በቅድሚያ የሆነላችሁንና ያልሆነባችሁን አሰላስሉ!
https://t.me/Mindsetempiree

Mindset-Empire

Dec 6, 2025, 11:19 AM

ዓላማችሁ ላይ እስከምትደርሱ ድረስ!

•  ዛሬ ጥሩ ያልሆኑ ሁኔታዎችን ታግሳችሁ ለማለፍ ፈቃደኛ መሆን ይኖርባችኋል!

•  ዛሬ ማግኘት የማትፈልጉትን ሰው ለጊዜው ለማግኘት ፈቃደኛ መሆን ይኖርባችኋል!

•  ዛሬ መስራት የማትፈልጉትን የስራ ዓይነት ለጊዜው ለመስራት ፈቃደኛ መሆን ይኖርባችኋል!

•  ዛሬ እጅግ አስቸጋሪ ከሆነ “አለቃ” ስር ለጊዜው ለመቆየት ፈቃደኛ መሆን ይኖርባችኋል!

•  ዛሬ መኖር በማትፈልጉበት ቤት ለጊዜው ለመኖር ፈቃደኛ መሆን ይኖርባችኋል!

•  ዛሬ መናገር የሚያምራችሁን ነገር ለጊዜው ዝም ብላችሁ ለማለፍ ፈቃደኛ መሆን ይኖርባችኋል!

ዓላማችሁን ከመከተል ግን በፍጹም ወደ ኋላ እንዳትሉ!
https://t.me/Mindsetempiree

Mindset-Empire

Dec 6, 2025, 11:19 AM

https://t.me/Mindsetempireehttps://t.me/Mindsetempiree

Mindset-Empire

Dec 6, 2025, 11:19 AM

ከአሁን መሸሽ- መበለጥ!
በጊዜ ለሚስካ ሥርዓት ውስጥ እየኖርሁ ጊዜ ቅዠት ነው ብል ምን እጠቀማለሁ የሚል ጥያቄ አለህ አይደል?

ልብ በል! ጥያቄህ ምሁራኑ ካበጁት የእውቀት ግኝት አንደኛው ነው፡፡ ይህም ከእውቀቶቹ ሁሉ አንድ መገለጫ ነው፡፡ እነሱ ያሉትን ማለትህ ባንተ ላይ የረባ ለውጥ ላይኖረው ይችላል፤ እነሱ ያለፉበትን ምቹ ህይወት አንተ እስካላለፍህበት ድረስ፡፡ ስለዚህ ነገሩ ያለው ከአንተ እና ከራስህ ጋር ብቻ ነው::

ቁመናህን የፈጠሩት የሰውነት አባለ-አካሎችህ ንቁ በሆኑ ጊዜ አንተም እንደ አንተ የነቃህ ትሆናለህ፡፡ ይሄን ቅልጥፍና ከታጠቅህ ነው ከሚሄደው «ጊዜ› ጋር መሄድ የምትችለው፡፡

THE POWER OF NOW
Eckhart tolle

Mindset-Empire

Dec 6, 2025, 11:19 AM

ሰላም ለእናንተ ይሁን እንዴት ናችሁ

"ታግሶ ለቆየ ጊዜ መልስ ይሰጣል"

አንተ ክቡር ፍጡር እንዴት ነክ ባክህ፡፡ ኧረ ዝም አትበለኝ "እግዚአብሔር ይመስገን" በል፡፡ ደሞ ሰው ሁነክ መፈጠርክን ታማርራለክ አሉ፤ በቴሌቪዥን መስኮት ተመጣጣኝ ምግብ የሚመገቡትን፤ ለንፅህናቸው መጠበቂያ ብዙ ዶላሮች የሚፈሰባቸውን የፈረንጅ ውሾች እየተመለከትክ 'ምናለ እነሱን ባደረገኝ' ትላለክ አሉ፡፡

ወዳጄ ይሄን ሀሳብክን እኔ እንደሰማውት ሌላ ማንም ሳይሰማ ቆፍርና ቅበረው፤ እውነት ነው የምልክ አንተ ፈጣሪ ከፈጠራቸው ፍጡራን ሁሉ የላቅከው ነው፡፡ በሌሎች ፍጥረቶቹ ላይ እኮ ሹሞካል፡፡

እና አማርጠክ ስላልበላክ፤ አማርጠክ ስላለበስክ፤ ሚያማምሩ መኪኖች ስላልነዳክ፤ የተንጣለለ ቪላ ውስጥ ስላልኖርክ ነው ሰው መሆንን ትተክ ውሻ መሆን ያማረክ? ንገረኝ እስኪ የትኛውን መሆን ነው ፍፁም ደስታ የሚሰጠው? መቼም ውሻ መሆን አትለኝም፡፡

ይገባኛል የደከምከውን ያህል አላገኘክም፤ የጣርከውን ያህል ስኬታማ አልሆንክም፤ ነገር ግን አንተ ብቻ ታገስ እንጂ ጊዜ መልስ አለው፡፡ የጊዜ ባለቤት ፈጣሪ አንተ የተመኘከውን ቅንጣት ደስታ ሳይሆን እሱ ያዘጋጀልክን ትልቅ እርካታ ያጎናፅፍካል፡፡

ታላቁን የአፍሪካ አባት ማንዴላን አስታወስካቸው? 27 ዓመት በአንዲት ክፍል ታስረው ነበር፤ 27 ቀን አይደለም ያልኩህ 27 አመት ወይም 9855 ቀናት በአንዲት ክፍል ውስጥ ታስረው ነበር፡፡ እኒህ ታላቅ ሰው ለማማረርና ተስፋ ለመቁረጥ ካንተ የተሻለ ምክንያት ነበራቸው፡፡ ነገር ግን ተስፋ በመቁረጥ ፈንታ ተስፋን ሰንቀው ያን ሁሉ ግዜ በያልፋል አሳልፈውት ከእስር ከወጡ በኀላ የሀገራቸው ፕራዘዳንት ሆኑ፡፡

አየህ አንተ ጠንካራ ከሆንክ የጊዜ ባለቤት እንዴት እንደሚያነግስክ፡፡ ስለዚህ ለችግሮችክ ፊት አትስጣቸው፤ ስትንፋስክ እስካለች ድረስ ተፋለማቸው፤ አንድ ቀን ያ ሁሉ መከራ አልፎ እንደ ታሪክ ታወራዋለክ፤ እናም ወዳጄ ሰው ሁነክ መፈጠርክን አታማረው፤ ትልቅ ስጦታ ነውና፡፡ ሲስቱ ላንቺም ጭምር ነው ማወራው፡፡

ከወደዱት ለወዳጆ ያጋሩ
https://t.me/Mindsetempiree

202

Mindset-Empire

Dec 4, 2025, 08:30 PM

የአሳ ፍቅር

አንድ ወጣት የሰራውን አሳ በችኮላና በጉጉት እያጣጣመ ሲበላ አንድ አዛውንት፣ “ለምንድን ነው ይህንን አሳ እንደዚህ በጉጉት የምትበላው?” አሉት፡፡

ወጣቱም በመመለስ ፣ “አሳ በጣም ስለምወድ ነዋ” አለ፡፡

አዛውንቱም፣ “ኦ! አሳ ትወዳለህ? ለዚህ ነው ከሚኖርበት ከውኃው ውስጥ አጥምደህ፣ አውጥተህና ትንፋሽ አሳጥተህ እንዲሞት በመተው የቀቀልከውና የበላኸው? እባክህን፣ አሳ እንደምትወድ አትንገረኝ፡፡ የምትወደው ራስህን ነው፡፡ አሳው ስለሚጥምህ፣ ስለሚያረካህና ስለሚጠቅምህ ከውኃ ውስጥ አውጥተህ ቀቀልከውና በላኸው፡፡ የወደድከውና የጠቀምከው ራስህን እንጂ አሳውን አይደለም”፡፡

እኝህ አዛውንት በዚህ ገጠመኛቸው ላይ በመመርኮዝ ትምህርት ሲሰጡ እንዲህ ይላሉ፣ አብዛኛው "ፍቅር" ብለን የምንጠራው ነገር በሌላ መጠሪያው “የአሳ ፍቅር” ነው ሊባል የሚገባው፡፡

እውነተኛ ፍቅር የሚለካው በምንቀበለው ነገርና በምናገኘው ጥቅም ሳይሆን በምንሰጠውና ሌላውን በምንጠቅመው ነገር ነው፡፡

የምንወደውን ሰው እንሰጠዋለን፡፡ ስንሰጠው ደግሞ የመነሻ ሃሳባችን ወሳኝ ነው፡፡ በሁለት ንጽጽራዊ ምሳሌዎች እናብራራው፡፡

እቤታችን ያለውን በግ እንወደዋለን ስለዚህም ምግብ እንሰጠዋለን፡፡ ይህ በግ በሰጠነውና ባበላነው ቁጥር የማይደልብ ቢሆንና እንዲያው በሆነ ምክንያት ለምግብነት አይሆንም ብንባል ግን ለበጉ ምግብ መስጠታችንንና መቀለባችንን እናቆማለን ወይም እንቀንሳለን፡፡ ለምን? ፍቅራችን “የአሳ ፍቅር”፣ ፍቅራችን እኛ ከምናገኘው ጥቅም አንጻር ስለሆነ፡፡

በተቃናኒው እቤታች ያለውን ልጃችንን እንወደዋለን ስለዚህም ምግብ እንሰጠዋለን፡፡ ይህ ልጃችን ባበላነው ቁጥር ቢከሳና ህመምተኛ  ቢሆን መመገብን አናቆምም፡፡ እንዲያውም ለእሱ ያለን ኃዘንና ፍቅር ይብስበታል፡፡ ለምን? የፍቅራችን መነሻ ልክ እንደ አሳው ፍቅር ከእኛ ጥቅም ሳይሆን ከእሱ ጥቅም ስለሆነ ነው፡፡

ማንኛውንም የቀላል ጓደኝነት፣ የፍቅር፣ የትዳርም ሆነ የስራ ቅርበታቸሁንና “ፍቅራችሁን” ተመልከቱት፡፡ እነዚያ ሰዎች እናንተን እስከጠቀሙ ድረስ የምትወዷቸው፣ የማይጠቅሙበት ሁኔታ ሲከሰት ወይም የነበራቸው ሁኔታ ሲቃወስባቸው ዘወር የምትሉ ከሆነ ፍቅራችሁ “የአሳ ፍቅር” ይባላል፡፡

አንድ ሰው ስለሚጠቅመንና ስለሚያግዘን መውደዳችንና መንከባከባችን በራሱ ችግር ባይኖረውም ይህንን ሰው ከጥቅማችን አንጻር ብቻ መውደዳችንና የማይጠቅመን እንደመሰለን ስንጥለው ግን የወረደው የፍቅር ደረጃ ላይ ይመድበናል፡፡

https://t.me/Mindsetempiree

Mindset-Empire

Nov 29, 2025, 07:19 PM

ከአምስት እና አስር አመት በፊት የተነሳኸውን ፎቶ ተመልክተህ ታውቃለህ?

በፎቶው ውስጥ ያለው ሰው አንተ ነህ፤ ግን ደግሞ አንተ አይደለህም። የአለባበስ ስልቱ፣ የፀጉር አቆራረጡ፣ በአይኖቹ ውስጥ የሚነበበው ስሜት... ሁሉም ነገር የተለየ ነው። ምናልባት ስታየው ትንሽ ታፍር ይሆናል፤ ወይም ትስቃለህ።

ግን እውነታው ይሄ ነው፤ ያ የድሮው አንተ የዛሬውን አንተን ለመፍጠር በብዙ መንገድ አልፏል። ተምሯል፣ ወድቋል፤ተነስቷል፣ አልቅሷል፣ ስቋል። እያንዳንዱ የህይወት ምዕራፍ የራሱን ማንነት ይዞ ይመጣል። ያንን የድሮ ማንነትህን አትጥላው፤ ላንተ የዛሬ ማንነት መሰረት የጣለልህ እሱ ነው። ላደረገው ትግልና ላሳለፈው መንገድ ሁሉ አክብሮት ይገባዋል
https://t.me/Mindsetempiree

Mindset-Empire

Nov 29, 2025, 07:19 PM

የሕልማችሁ እውነተኛነት ማረጋገጫ!

➫ ሕልማችሁ ካላችሁ የገንዘብ አቅም በላይ ካልሆነ ሕልም አይደለም፡፡

➫ ሕልማችሁ ካላችሁ የእውቀት ደረጃ በላይ ካልሆነ ሕልም አይደለም፡፡

➫ ሕልማችሁ ካላችሁ የሰው-ለሰው ግንኙትና የእውቅና ብዛት ያለፈ ካልሆነ ሕልም አይደለም፡፡

➫ ሕልማችሁ አሁን ካላችሁበት የኑሮ ሁኔታ ያለፈ ካልሆነ ሕልም አይደለም፡፡

➫ ሕልማችሁ ያለ የሌላችሁን አቅም ተጠቅማችሁ እንኳን የሚወጥራችሁ ካልሆነ ሕልም አይደለም፡፡

የሕልማችሁ ጉዳይ ከባድ ሆኖ ሲታያችሁ፣ የማትደርሱበት ሲመስላችሁና ሩቅ እንደሆነ ስታስቡ እውነትም ሕልማችሁ “ሕልም” ነውና ደስ ይበላችሁ፡፡

ዝም ብላች አቅዱ፣ ራሳችሁን አሻሽሉ፣ ወደ ሕልማችሁ ተራመዱ!

ይሆናል! ይሳካል!
https://t.me/Mindsetempiree

Mindset-Empire

Nov 29, 2025, 07:19 PM

ሰዎች ትኩረት ሰጡኝ አልሰጡኝ እያልኩ አልጨነቅም።ምክንያቱም በ አሁኑ ሰዐት ስኬት እንጂ ትኩረት አያስፈልገኝም።🔥

ጠንክረህ ስራ ! 💪
https://t.me/Mindsetempiree

Mindset-Empire

Nov 29, 2025, 07:19 PM

“በልጅነቴ አባቴ በህይወት እያለ በስህተት አባቴ ያስቀመጠውን የአልኮል መጠጥ ወስጄ ልጠጣው ስል አባቴ አይቶኝ በፍጥነት በመሮጥ እንዳልጠጣው ይቀማኝና ይከለክለኝ ነበር።አልኮል ለልጆች መርዝ ነው በማለት ያስረዳኛል፡፡

እሱ ለምን እንደሚጠጣ ስጠይቀው፤ የጠየከኝን ጥያቄ ለመመለስ ታሪኩ ረዥም ነው፤ ስታድግ በደንብ ትረደዋለህ ብሎኝ አልኮል እንዳልጠጣ በማስጠንቀቅ ገበያ ሄዶ ንፁሁ ውሃ ገዝቶልኝ ያጠጣኝ ነበር፡፡

የአልኮል መጠጥ ባየሁኝ ጊዜ አባቴ የነገረኝ ቃላት ሁልጊዜ አስታውሳለሁ።”

ክርስቲያኖ ሮናልዶ
የክርስቲያኖ ሮናልዶ አባት አቬሮ የአልኮል መጠጥ ሱሰኛ የነበረ ሲሆን ለብዙ ዓመታት አብዝቶ አልኮልን በመጠጣቱ ምክንያት በ51 ዓመቱ በጉበት በሽታ ታሞ ነበር የሞተው፡፡

ገንዘብ እና ሃብት የሰውን ልጅ ህይወት እስከ መጨረሻው ድረስ ሊያድን አይችልም እንጂ ሮናልዶ አባቱን በህይወት ለማቆየት ሁሉንም ነገር ሞክሮ ነበር፡፡

Mindset-Empire

Oct 18, 2025, 07:40 AM

ሰዎች ሲሳሳቱ!

በሕይወታችን በሚዛናዊነት ልንይዛቸው ከሚገቡን ወሳኝ ነገሮች መካከል በአካባቢያችን የሚገኙ ሰዎች፣ በተለይም የየእለት የኑሮ ስምሪታችን የሚያገናኘን ሰዎች ስህተት ሲሰሩ የምንሰጠው ምላሽ ቀንደኛው ነው፡፡ ከሰዎች ጋር የምናሳልፈው ጊዜ በበዛ ቁጥር ሰዎቹ ስህተት ሲሰሩ ማየታችን አይቀርም፡፡

የቤተሰብ አባሎቻችን፣ የትዳር አጋራች፣ የቅርብ ጓደኞቻችን፣ የስራ ባልደረቦቻችን፣ አለቆቻችን፣ የሃገር መሪዎቻችንና . . . ካለማቋረጥ ስህተትን ይሰራሉ፡፡ ለዚህ አይቀሬ ግላዊም ሆነ ማሕበራዊ ሂደት የምንሰጠው ምላሽ ሚዛናዊነት ለግልም ሆነ ለማሕበራዊ ስኬታችን እጅግ ወሳኝ የሆነ ጉዳይ ነው፡፡

አብዛኛዎቻችን ከአስተዳደጋችን ለስህተታችን ምህረት ሳይደረግልን ከላይ ከላዩ ተጠብጥበን ስላደግን ሁኔታው አሁን ለሰዎች ስህተት ምህረት-የለሽ እንድንሆን ተጽእኖ አድርጎብናል፡፡ ስለዚህም፣ ለሁሉም ስህተት ጨከን ማለት ሚዛናችንን ስለሚያስተን መቼ ጠንከር፣ መቼ ደግሞ ለስለስ ማለት እንደሚገባን ማሰብ ታላቅ ሚዛናዊነትን ይሰጠናል፡፡

በቃ! የለመድነው መውቀስና መወቀስ፣ መምታትና መመታት፣ ማማትና መታማት፣ ስም ማጥፋትና ስም መጥፋት . . . ስለሆነ ስህተትን አይቶ በቀላሉ የማለፍን ጉዳይ ሆን ብለን ለራሳችን ካላስተማርነው በስተቀር ያስቸግረናል፡፡ ምንም ስህተትን በማያሳልፍና በተሳሳተን ሰው ላይ ልክ እንደወደቀ ዛፍ ሁሉም ሰው መጥረቢያውን በሚሰነዝርበት ሕብረተሰብ መካከል ስንኖር የምህረት፣ የይቅርታና አንዳንድ ጊዜ “ይሁን” ብለን አለፍ የምንል አይነት “አብሪ ኮከቦች” እንድነሆን የሚከተሉት ሃሳቦች ያግዙናል ብዬ አስባለሁ፡፡

አብዛኛውን ጊዜ ስህተት በሰሩ ሰዎች ላይ የመጨከን ዝንባሌችን የሚገናኘው ከማናውቃቸው ነገሮች የተነሳ ነው፡፡ ሶስቱን ዋና ዋና የማናውቃቸውን ነገሮች እንመልከት . . .

1. ይህ ሰው ይህንን ስህተት ላለመስራት ምን ያህል እንደታገለ አናውቅም፡፡

ሰዎች ስህተትን ሲሰሩ ያንን ስህተት ላለመስራት ምን ያህል እንደታገሉና እንደሞከሩ ብናውቅ ትንሽ ለስለስ እንልላቸው ነበር፡፡ እኛው ራሳችንም ብንሆን አንዳንድ ጊዜ አንድን ስህተት ላለመስራትና ላለመድገምም ጭምር ብዙ ታግለን ስላቃተን ብቻ ራሳችንን ስህተት ላይ እንደምናገኘው ማሰብ አለብን፡፡

2. ይህ ሰው ይህንን ስህተት እንዲሰራ ጫና ያሳደረበትን ከአቅሙ በላይ የሆነን ሁኔታ አናውቅም፡፡

አንዳንድ ጊዜ ሰዎች አንድን ስህተት እንዲሰሩ የሚያስገድዳቸው የራሳቸው የሆኑ ሁኔታዎችና የሚያልፉበት ነገር ይኖር ይሆናል፡፡ የሰዎቹ ጾታ፣ የእድሜ ደረጃ፣ የገንዘብ አቅም፣ የእውቀት ብቃት፣ ያለፈ ልምምድና የመሳሰሉት ሁኔታዎች የራሱ ውህደት (Chemistry) ስላለው ማንም ሰው ያንኑ ችግር በእነሱ ሁኔታ ሊጋፈጠው አይችልም፡፡ ይህንን ማሰብ ትንሽ ሰፋ እንድንልና ሚዛናዊ እንድንሆን ያግዘናል፡፡

3. ይህ ሰው በሚያልፍበት በተመሳሳይ ሁኔታ ብናልፍ እኛ ራሳችን ምን ያህል ስህተት ልንሰራ እንደምንችል አናውቅም፡፡

ሰዎች በመሪነት የውሳኔ ስህተት ሲፈጽሙ እኔ እንደ አንድ ዜጋ የፍርድ ቃል መናገር ሊቀለኝ ይችላል፤ መሪ ስላለሆንኩኝ፡፡ እኔ መሪ ብሆንና እሱ በሚያልፈበት ሁኔታ ባልፍ ግን ምን አይነት ስህተት እሰራ እሆን? በተመሳሳይ ሁኔታ ባልና ሚስቶች፣ ሴቶችና ወንዶች፣ መሪና ተመሪዎች፣ ነጋዴዎችና ገበያተኛዎች . . . ሊያስቡ የሚገባቸው እነሱ በዚያኛው ሰው ቦታ ቢሆኑ ሊሰሩ የሚገደዱት ስህተት ሊኖር የመቻሉን ጉዳይ ነው፡፡

በተቻለን መጠን ስህተትን ላለመስራት የመታገላችንን ጉዳይ ስናሰምርበት፣ ከዚያው ጋር በተቻለን መጠን ሰዎች ስሀተት ሲሰሩ የፍርድና የወቀሳ ሃሳብ ከመሰንዘራችን በፊት ግራና ቀኙን የማየት ሰፊነት የማዳበርንም ጉዳይ እንድናሰምርበት አሳስባለሁ፡፡
https://t.me/Mindsetempiree

Mindset-Empire

Oct 18, 2025, 07:40 AM

የሳይኮሎጂ ጎሎች (Goals of Psychology)

እያንዳንዱ ሙያ የራሱ የሆነ አላማ/ ግብ እንዳለው ሁሉ ሳይኮሎጂም እንደ አንድ የሙያ ዘርፍ የራሱ የሆነ ዋና ዋና ግቦች አሉት፡፡ በመሆኑም ሳይኮሎጂ በትምህርት ደረጃ ቢሰጥም እንዲሁሞ በለት ተለት የሕይወት ተግባራችን ብንጠቀመው የመጨረሻ ዋና ዋና ግቦቻችን የሚሆኑት አራት ናቸው እነርሱም፦

1.ባህሪን መግለፅ (Describe )
2.ባህሪን ማብራራት (Explain)
3.ባህሪን መተንበይ (predict)
4.ባህሪን መምራት/ መቆጣጠር እና መለወጥ (control & Change)

1.ባህሪን መግለፅ (Describe)

ይህ የአንድ አካልን ባህሪ መመልከት፣ ማጤን እና እያንዳንዱን ነገር ማስተዋል ያካትታል፡፡ ይህ ግብ ስለ ምንፈልገው ነገር የሚከተሉትን ነገሮች ይመልስልናል፡፡ "ምን እየሆነ ነው?" "ነገሩ መች እና የት ሆነ?" ነገሩ ማን ላይ ሆነ?" ነገሩ በምን አይነት ሁኔታ ውስጥ ሆነ" የሚሉትን ያካትታል፡፡

ለምሳሌ፦ በአቅራቢያችን ያለ ሰው በተለያየ ምክንያተት ፀባዩ ቀስ በቀስ እየተለወጠብን ሲሄድ፣ ለኛ ያለው ዋጋ ሲቀንስ/ ሲጨምር የምናስተውልበት መንገድ ነው፡፡

ይህን ለማድረግ የምንጠቀመዉ የስሜት ህዋሶቻችንን (መስማት፣ ማየት...) ሲሆን በተጨማሪም የተለያዩ ምልከታዎች፣ መጠይቆች፣ አጫጭር ውይይቶች የመሳሰሉትን በመጠቀም ባህሪውን መግለፅ እንችላለን።

2.ባህሪን ማብራራት (Explain)

ይህ ደግሞ "ለምን ይህ ሆነ?" ብለን ለምንጠይቀው ጥያቄ ማብራሪያ መልስ ነው፡፡ ማብራራት ለእያንዳንዱ ለተመለከትናቸው ባህሪያት መነሻ ምክንያታቸውን የምንፈልግበት ሂደት ነው፡፡

ለምሳሌ፦ ባህሪው በጊዜ ሂደት እንደተለወጠብን ያስተዋልነውን የቅርብ ሰው" ለምን ይህ ሊሆን ቻለ ብለን የበለጠ በቅርቡ ያሉ ሰዎችን/ እራሱን ስለ ምክንያቱ ስንጠይቅ ነው፡፡

3.ባህሪን መተንበይ (predict)

ይህ ትንበያ ደግሞ ማንኛውም ሰው አሁን ካለው ባህሪ ተነስተን ወደፊት ምን ሊሆን ይችላል ብለን መላምት ማስቀመጥ ነው፡፡

ለምሳሌ፦ በቅርባችን ያለ አንድ ሰው ከቀን ቀን ባህሪው እየተበላሸ ሲመጣ ከዚህ በፊት ሌሎች ላይ ካየነው የባህሪ መበላሸት ውጤት አንፃር ይህ ልጅ በዚህ ከቀጠለ እንደዚህ ይሆናል ብለን predict የምናረግበት ነው፡፡

ይህን ለማድረግ የምንጠቀመው ተዛምዶአዊ ግንኙነት (Corelation) በመስራት ነው፡፡

4.ባህሪን መምራት/ መቆጣጠር እና መለወጥ (control & Change )

ይህ ማለት ደግሞ የማይፈለግ፣ የማይወደድ፣ በህብረተሰቡ ቅቡልነት የሌለውን ባህሪ ወደ መልካም የምንመራበት የምናስተካክልበት መንገድ ነው፡፡ በዚህ ጊዜ ባህሪን በእጅጉ ለማሻሻል ብዙ ሳይኮሎጂካል መንገዶችን እንጠቀማለን።

Source: General Psychology (Psyc 1011) Higher Education Manual

https://t.me/Mindsetempiree

Mindset-Empire

Oct 18, 2025, 07:40 AM

ለፍቅረኞች  እና   ባለትዳሮች
...............................................
ፍቅርና  ትዳር  ሁልጊዜ  እንዳማረበት  እንዲዘልቅ  ማድረግ  ያለባችሁ  ጥንቃቄዎች

  ስሜትን  የሚያነቃቁ  ነገሮችን  ማድረግ  ።  ደስታን  የሚፈጥር  ነገሮችን  በማድረግ  የአድንቆት  አስተያየት  መስጠት  ያስፈልጋል  ።  ለምሳሌ  ወንዱ  ሴት  ፍቅረኛውን  ወይም  የትዳር  አጋሩን  ታምሪያለሽ  ፣  ቆንጆ  ነሽ  ... ወዘተ  በማለት  አድንቆት  መግለፅ  ።

  ትችትን  መቀነስ  ።  ስንተች  ከመልካም  ምግባር  መጀመር  ፣  መሀል  ላይ  መስተካከል  ያለበትን  መጠቆም  ፣ በመጨረሻም  በበጎ  ነገር  መደምደም  ያስፈልጋል  ።

  አዳማጭ  ሁኑ  ።  ማዳመጥ  ለፍቅረኛ  የሚሰጥ  ትልቁ  ስጦታ  ነው  ።

  ራሳችሁ  ላይ  ትኩረት  አድርጉ  ።  ለራሳችሁ  ፣  ለጓደኛችሁ  ፣  ለቤተሰብ  ወዘተ  ከትዳራችሁ  በተጨማሪ  ጊዜ  ስጡ  ።  የግላችሁ  ጊዜ  ማሳለፊያ  ልምድ  ይኑራችሁ  ።

  ይቅርታ  ጠይቁ  ።  ምንም  እንኳን  ለተፈጠረው  ችግር  የእናንተ  እጅ  ባይኖርም  ይቅርታ  አድርጉ  ።

  ይቅርታ  ካልጠየቁኝ  ሞቼ  እገኛለሁ  አትበሉ  ።  ይህ  አላስፈላጊ  ተደራራቢ  ችግሮች  ይፈጥራል  ።

  ዘወትር  ፈላጊዎች  አትሁኑ  ።   የትወጣ  የትገባ  ...አለመባባል  ።

  ሀሳባችሁን  አጭርና  ለስለስ  ባለ  ምርጥ  ቃል  ግለፁ  ።  ደጅ  ደጁን  የሚል  ሰው  አንዳንድ  ጊዜ  ህመም  የሚፈጥርበትን  የቃላት  ልውውጥ  ሽሽት  ውስጥ  ይሆናል  ።

  ሁሉን  መስዋዕት  አታድርጉ  ።  ሁሉን  ነገር  ለእርስ  በርስ  ግንኙነት  ሲባል  መስዋዕት  ማድረግ  አይመከርም  ።  ጫና  እየተደረገባችሁ  ሁሉን  እምነታችሁን  ፣  ምርጫችሁንና  መንገዳችሁን  ገደል  አትክተቱ  ።

  በመጠኑ  ምስጢራዊ  ሁኑ  ።  ለብቻችሁ  ለመዝናናት  የሚኖራችሁ  ጊዜ  በጋራ  ለሚኖራችሁ  ጊዜ  ጥሩ  ቆይታ  አስተዋጽኦ  ያደርጋል  ።

  በቴክኖሎጂ  አጠቃቀም  ዙሪያ  ስምምነት  አድርጉ  ።  ስልክ  የማይነሳበት  ፣  ቴሌቪዥን  የማይመለከቱበት  ፣  ኮምፒውተር  ላይ  የማታፈጡበት  የጋራ  ስዓት  ይኑራችሁ  ።

  በፈቃደኝነት  የተመሰረተ  ሩካቤ ( ፆታዊ  ግንኙነት  )  ይኑራችሁ  ።  የአንዳችሁ  ፍላጎት  ሳይኖር  የሚደረግ  ሩካቤ  እንደ  ማስገደድ  ይሆናል  ።

https://t.me/Mindsetempiree

Mindset-Empire

Oct 18, 2025, 07:40 AM

ክብርህን መጠበቅ ትፈልጋለህ???

ያልተጋበዝክበት አትህድ ፣ ያልተጠራህበት አቤት አትበል ፣
መገኘትህ ዋጋ በማይሰጥበት ቦታ አትገኝ!

በጣም ቀለል ያልክ ሰው መሆን ስለምትፈልግ እና ውስብስብ ሕይወት ስማትፈልግ ለሁሉም ነገር መሬት የወረድክ መሆንህን ማረጋገጥ ትፈልጋለህ ፣ ያንን ማድረግ ለአንተ ሰላም ይሰጥሃል።

ሰዎች ፣ የገዛ ወዳጆችህ ለሌሎች የተከበረ የጥሪ ወረቀት ሰጥተው ፣ አክብረው ሲጠሩ አንተ ግን መኖርህ እንኳ ቢዘነጋ ግድ የለህም ፣ አንተ ባትጠራም እንደምትገኝ አስለምደሃልና የአንተ ብዙ አያሳስባቸውም ፣ ቀላል ሰው ነህና ለአንተ ብዙ ዋጋ አይከፍሉም

በችግራቸው ፣ በአስፈልካቸው ሁሉ አጠገባቸው ነህና እስኪጠሩህ ሳትጠብቅ አቤት ብለህ ትገኛለህ ፣ ከዛም ከነበሩበት አዘቅት መወጣጫን ለመፍጠር አብረህ ወደ ትግሉ ሜዳ ትገባለህ ፣

የእነርሱ ትኩረት ግን ቀለል ብለህ የተገኘኸው አንተ ላይ ሳይሆን እምቢ ያላቸውና ያታገላቸው ላይ ነው
በጣም ብዙ የሚጠቅምህ ፣ የራስህም ስንት የሚያሳስብህ ጉዳይ እያለ ፣ በቀላሉ ለአንተ ቦታ እና ዋጋ የማይሰጥበት ቦታ ሄደህ ተቀምጠሃልና ፣ በእጅህ ዋጋህን አርክሰሃልና ይንቁሃል ፣ አልፈውም ያዋርዱሃል።

ይኼ ሁሉ ተደምሮ የኋላ ኋላ ሰዎች ከአንተ ለሚያገኙት ጥቅም እንጂ ለአንተ ቅንጣት ያህል ቦታ እንደሌላቸው ይገባሃል!

ዬቱንም ያህል ብትከራከረኝ በጣም ውድ እና ትልቅ ቦታ የሚሰጠው ነገር በየቦታው በቀላሉ የማይገኝ ነገር ነው ፣
ሲጋብዙህ ሂድላቸው ፣ ሲጠሩህ አቤት በልላቸው ፣ ዋጋ ሲሰጡህ ተገኝላቸው

ነገር ግን ያ ሁሉ የውሸት ከሆነ ፣ ለአንተ ምንም ዋጋ እንደሌላቸውና መገኘትህን ቸል ማለታቸው የተረዳህ ጊዜ ፣ ያን ጊዜ ቶሎ እራቃቸው ፣ ቁረጣቸው ፣ ከሕይወትህ አውጣቸው!

የሰው ልጅ ፣ በዬትኛውም የኑሮ ደረጃ ላይ ያለ የራሱ ክብር አለው

ሊስትሮ ከእኔ የተሻለ ጫማዬን ማፅዳት ባይችል ኖሮ ፣ እዛ መሄድ ባልተጠበቀብኝ ነበር ፣ ነገር ግን እኔ የሌለኝ ሙያ አለውና ፣ እርሱ ጋ የተሻለ ጥቅም እና አገልግሎት አለና እርሱን መርጬ እስከሄድኩኝ ድረስ እርሱ ዋጋ ያለው ሰው ነው ፣

አይገርምም እርሱ ያፀዳልኝን ጫማ አድርጌ እንዳማረብኝ አስባለው ፣ ሰዎችን ሳልሳቀቅ አገኛለው ፣ ቤተመንግስት ይሁን የትኛውንም ትላልቅ ሥፍራ ዘና ብዬ እየረጋገጥኩ እገባለው ፣ በራስ መተማመኔ ከፍ ብሏልና ምንም አያሳስበኝም።

ከዚህ ጋር ተያይዞ ሊስትሮን እንደምደመሳሌ ተጠቀምኩኝ እንጂ በጣም ብዙ ዝቅተኛ የኑሮ ደረጃ ላይ የሚገኙ ፣ በሰዎች ዘንድ ትልቅ ዋጋ የማይሰጣቸውን እልፍ አእላፋትን ማንሳት ይቻላል።

ዋናው ቁምነገሩ ግን በአምላክ አምሳል የተፈጠረ የትኛውም የኑሮ ደረጃ ላይ ያለ ሰው ክቡር ነውና እናክብረው ፣ ያ እኛ ላይ እንዳልተደረግን እና መናቅ የተሰማን ፣ ምንም ዋጋ ያልተሰጠን ሥፍራ ቶሎ በመልቀቅ ሊደርስብን ከምንችል ትልቅ የስነ ልቦና ጉዳት ራሳችንን እንታደግ!

ይኼን ስል መወጣጠር ፣ አላስፈላጊ ጉራ ፣ ለሰዎች እንደተራራ የከበደ ሰው መሆን ፣ ነገሮችን ከልክ በላይ ማወሳሰብ እና ያልሆኑትን ሌላ ሰው ለመሆን መሞከር አስፈላጊ አይደለም ፣ ነገር ግን ነገርን ሁሉ በልክ እናድርግ።

ጥቂትም ብትሆን :- ብዙ ሳትጎዳ ፣ ልብህ ሳይሰበር ፣ ሕመም ሳይጠናብህ እና እንድትጠነቀቅ ፣ ዋጋህን እንድታውቅ ለማስታወስ ያህል የፃፍኳት ምክር ቢጤ ናትና ውሰዳት ፣ እንደ ጠቢብ ሰው ወስደህ ገንዘብህ አድርጋት።

እንደጠቀመህ ተስፋ አደርጋለው ፣ እዚህ ድረስ ማንበብህን ትዕግስትን አደንቃለው ፣ ደግሞም ከልብ አመሰግናለው

ነገር አለቀ ወደጆቼ ጥቅሜን ስትውቁ ወደ እኔ ኑ 😳💪

https://t.me/Mindsetempiree

Mindset-Empire

Oct 8, 2025, 11:08 AM

ውድ ቤተሰቦቻችን በዚህ ቻናል ላይ የሚሰጡትን ሀሳቦች እንደወደዳችኋቸው እርግጠኞች ነን። በቅርቡ አዳዲስ ህይወታችንን መቀየር የምንችልባቸውን ሀሳቦች በተለየ አቀራረብ ለማቅረብ አስበናል። እንዲሁም የምንፈልገውን ለውጥ የምናመጣበትን ስልጠናዎች እንጀምራለን። አምናችሁን ለተቀላቀላችሁ ምስጋናችን ከልብ ነው🙏አዲስ ለምትቀላቀሉን ደሞ ምርጫችሁ ስለሆንን ደስተኞች ነን።https://t.me/Mindsetempiree

406

Mindset-Empire

Oct 8, 2025, 11:08 AM

Showing 30 of 38 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Mindset-Empire

Mindset-Empire

Ranking

Participant Growth (Last 30 Days)

Latest Posts

Rating

User Reviews (0)

Related Telegram Channels

🍃Relaxing music for calm, anxiety, meditation🧘🏻‍♀️

EVEREST DRUJBA TWO

The Eternal Mantra

Healing Nature Music | Meditation

Andrey Kordochkin

Self.Inquirer

ARIKYTSYA 💦

🙏OSHO Meditation video and audio excerpts

Related Telegram Channels

🍃Relaxing music for calm, anxiety, meditation🧘🏻‍♀️

EVEREST DRUJBA TWO

The Eternal Mantra

Healing Nature Music | Meditation

Andrey Kordochkin

Self.Inquirer

ARIKYTSYA 💦

🙏OSHO Meditation video and audio excerpts

User Reviews (0)

Latest Posts