ONE NATION NEWS

Public

View Channel

6.6K

120.1K

Can't Join? @onenationnews1

3.5k Members

Updated: May 16, 2026 at 2:52 AM

ONE NATION NEWS

ONN is Arakan “Arakkha"Rakhine"news outlet that monitors and investigates injustices and human rights.

@onenationnews1 is a growing community focused on human and arakkharakhinenews and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 8 Days)

Total: 3.5K

24h growth: +0 0%

Latest Posts

ONE NATION NEWS

May 22, 2026, 02:58 AM

📷 Photo

အကြမ်းဖက် စစ်တပ်၏ လေကြောင်းဗုံးကြဲမှုကြောင့် ကျိန္တလီတွင် အရပ်သား ၉ ဦး ဒဏ်ရာရ

One Nation News/မေ ၂၁၊ ၂၀၂၆

ရက္ခိုင်ပြည်၊ ဂွမြို့နယ်အတွင်းရှိ ကျိန္တလီမြို့ကို ယနေ့ မေလ ၂၁ ရက် နံနက်အစောပိုင်းတွင် အကြမ်းဖက်စစ်ကောင်စီတပ်က ဂျက်တိုက်လေယာဉ်များ အသုံးပြု၍ လေကြောင်းတိုက်ခိုက်မှု ပြုလုပ်ခဲ့ရာ အရပ်သား ၉ ဦး ထိခိုက်ဒဏ်ရာရရှိခဲ့ပြီး နေအိမ်အချို့လည်း ပျက်စီးဆုံးရှုံးမှုများ ဖြစ်ပွားခဲ့ကြောင်း ဒေသခံများထံမှ သိရသည်။

ဒေသခံများ၏ ပြောကြားချက်အရ ယနေ့ နံနက် ၉ နာရီဝန်းကျင်တွင် အကြမ်းဖက် စစ်တပ်၏ ဂျက်ဖိုက်တာလေယာဉ် ၂ စီးသည် ကျိန္တလီမြို့အပေါ်သို့ ပျံသန်းရောက်ရှိလာပြီး  ၁၀ ကြိမ်ခန့် ဗုံးဆက်တိုက်ကြဲချတိုက်ခိုက်သွားခဲ့ကြောင်း သိရသည်။

ယနေ့မနက်ပိုင်းတွင် တိုက်လေယာဉ် ၂ စီးဖြင့် ကျိန္တလီမြို့ပေါ်သို့ ၁၀ ကြိမ်ခန့် ဗုံးကြဲတိုက်ခိုက်မှုများ ပြုလုပ်ခဲ့သောကြောင်း  ဗုံးသီးအချို့မှာ အမှတ် (၂) ရပ်ကွက်အတွင်း ကျရောက်ပေါက်ကွဲခဲ့ပြီး ပေါက်ကွဲမှုကြောင့် ဒေသခံပြည်သူအများအပြား ထိခိုက်ဒဏ်ရာရရှိခဲ့ကြောင်း သိရသည်။

ကျိန္တလီမြို့ခံတစ်ဦးက "ဗုံးသီးတွေ ရပ်ကွက်ထဲကို တိုက်ရိုက်ကျရောက်ပြီးပေါက်ကွဲခဲ့တာ လူတွေအများအပြား ဒဏ်ရာရခဲ့တယ်" ဟု ပြောသည်။

လေကြောင်းတိုက်ခိုက်မှုကြောင့် ဗုံးစထိမှန်ဒဏ်ရာရရှိသူများမှာ ကျိန္တလီမြို့ အမှတ် (၂) ရပ်ကွက်တွင် နေထိုင်သူများဖြစ်သည့် အသက် ၃၉ နှစ်အရွယ် ဦးညီငယ်၊ အသက် ၆၅ နှစ်အရွယ် ဒေါ်ပုမ၊ အသက် ၃၂ နှစ်အရွယ် ဒေါ်ခင်သက်၊ အသက် ၄၅ နှစ်အရွယ် ဦးဌေးလွင်၊ အသက် ၅၈ နှစ်အရွယ် ဒေါ်ခင်မိုး၊ အသက် ၄၀ အရွယ် ဒေါ်ကြည်ကြည်၊ အသက် ၆၂ နှစ်အရွယ် ဦးမြင့်ဝင်းတင်၊ အသက် ၃၃ နှစ်အရွယ် ကိုပြည့်ဖြိုးအောင်နှင့် အသက် ၂၈ နှစ်အရွယ် မေငယ်တို့ဖြစ်ကြောင်း ဒေသခံများထံမှ သိရသည်။

ထို့အပြင် ဗုံးသီးကျရောက်ပေါက်ကွဲမှု၏ သက်ရောက်မှုကြောင့် အမှတ် (၂) ရပ်ကွက်အတွင်းရှိ အရပ်သားနေအိမ် ၂ လုံးလည်း ပျက်စီးထိခိုက်ခဲ့ကြောင်း သိရှိရသည်။

တိုက်ပွဲများ အရှိန်မြင့်တက်နေသည့် ရက္ခိုင်ပြည်နယ်အတွင်း စစ်ကော်မရှင်တပ်က ၎င်းတို့ လက်လွတ်ဆုံးရှုံးနေသည့် နယ်မြေများရှိ အရပ်သားပြည်သူများနေထိုင်ရာ ရပ်ကွက်များကို ပစ်မှတ်ထားပြီး လေကြောင်းတိုက်ခိုက်မှုများ ဆက်လက်ပြုလုပ်နေကြောင်း ဒေသခံသတင်းရင်းမြစ်များ၏ ပြောကြားချက်အရ သိရှိရသည်။

ဓာတ်ပုံ - APM

ONE NATION NEWS

May 22, 2026, 02:58 AM

ကြိမ်ချောင်းကျေးရွာ၊ ခရစ်တော်ဝတ်ပြုကျောင်းပြဿနာကို (ULA)နှင့် ဗဟိုသာသနာရေးဌာနတို့ ပူးပေါင်း၍ မျှတစွာဖြင့် ကွင်းဆင်း ဖြေရှင်း

One Nation News/ မေ ၂၁၊ ၂၀၂၆

အာရက္ခပြည်၊ ကျောက်တော်မြို့နယ်၊ ကြိမ်ချောင်းကျေးရွာ၌ ဆောက်လုပ်နေဆဲဖြစ်သော သတ္တမနေ့ခရစ်တော်အသင်း၏  ဝတ်ပြုကျောင်းကို ဗုဒ္ဓဘာသာယုံကြည်ကိုးကွယ်သော ဒေသခံမြိုလူမျိုးများက ဖျက်ဆီးခဲ့သည်ဟု အွန်လိုင်း ဆိုရှယ်မီဒီယာများ၌ လက်ရှိတွင် သတင်းမှားများ ပျံ့နှံ့လျှက်ရှိသည်။

အဆိုပါ မြိုလူမျိုးများနေထိုင်ရာ ကြိမ်ချောင်းကျေးရွာသို့ အာရက္ခပြည်သူ့တော်လှန်ရေးအစိုးရ(ULA)နှင့် ဗဟိုသာသနာရေးဌာနမှ သွားရောက်၍ ကွင်းဆင်းလေ့လာရာတွင် ပျံ့နှံ့နေသော သတင်းများနှင့် လက်တွေ့မြေပြင်အခြေအနေမှာ ကိုက်ညီမှုမရှိဘဲ ကွဲလွဲနေသည်ဟု ONNမှ မြေပြင်သို့ ကွင်းဆင်းသတင်းရယူရာတွင် သိရသည်။

လက်ရှိ ကြိမ်ချောင်းကျေးရွာရှိ ဓမ္မဆရာထွန်းနိုင်၏အိမ်ခြံတွင် ဆောက်လုပ်နေသော အဆောက်အဦး၏ရှေ့တွင် "ခရစ်တော်ဝတ်ပြုကျောင်း" ဟု အဓိပ္ပာယ်ရှိသည့် "CHURCH" ဟူသော စာလုံးပါရှိသည့် ဆိုင်းဘုတ်တစ်ခုအား သတ္တမနေ့ခရစ်တော်အသင်းက စိုက်ထူခဲ့ကြသည်ဟု ဆိုသည်။

သို့ဖြစ်၍ ၄င်းသည် သာသနိက အဆောက်အဦးတစ်ခုဖြစ်သည်ဟု သတ်မှတ်နိုင်ပြီး အဆောက်အဦး၏တည်နေရာမှာ လူနေအိမ်များနှင့် ဘေးချင်းကပ်လျက်ဖြစ်နေသည်။

ထို့ပြင် ဝတ်ပြုကျောင်းဆောက်လုပ်နေသော မြေသည် သာသနာမြေမဟုတ်သည့် အပြင် ရွာသူ၊ရွာသားများပိုင်(ရွာဘုံမြေ)ဖြစ်နေ၍ ရွာခံသားများက ၄င်းမြေနေရာတွင် သာသနိကအဆောက်အဦးဆောက်ခြင်းကို လက်မခံနိုင်သောကြောင့် အဆိုပါဆိုင်းဘုတ်အား ဆွဲနှုတ်ကာ ၄င်းနေရာတွင် ထားရစ်ခဲ့သည်ဟု ဆိုသည်။

ဖြစ်ရပ်မှာ အဆိုပါအဆောက်အဦးရှေ့မှ ဆိုင်းဘုတ်ကို ဆွဲနှုတ်ရုံသာဖြစ်ပြီး ၄င်းဆိုင်းဘုတ်အား ဖျက်ဆီးခြင်း၊ အဆောက်အဦးအားဖျက်ဆီးခြင်းတို့မရှိသည်ကို ONN က ကြိမ်ချောင်းကျေးရွာသို့ ကွင်းဆင်းလေ့လာခဲ့ရာတွင် တွေ့ရှိခဲ့ရသည်။

၄င်း ဝတ်ပြုဘုရားကျောင်းသည် သာသနိက အဆောက်အဦးတစ်ခုဖြစ်သည့်အတွက်  မြေယာဥပဒေအရ သာသနာ့မြေမဟုတ်သည့်နေရာတွင် သာသနိကအဆောက်အအုံများ ဆောက်ခွင့် မရှိကြောင်းလည်း အာရက္ခဗဟိုသာသနာရေးဌာနက ထောက်ပြခဲ့သည်။

၄င်းနှင့်ပက်သက်၍ ဗဟိုသာသနာရေးဌာနမှ တာဝန်ရှိသူတစ်ဦးဖြစ်သည့် ဦးမောင်စံလှအား မေးမြန်းကြည့်ရာတွင် " မြေယာဥပဒေနဲ့ပဲဖြစ်ဖြစ်၊ သာသနာ့ထုံးတမ်းစဥ်လာအရပဲဖြစ်ဖြစ် သာသနာ့မြေမဟုတ်တဲ့နေရာမှာ သာသနိကအဆောက်အဦးတွေကို ဆောက်လုပ်လို့ မရပါဘူး၊ တကယ်လို့ ဆောက်ချင်တယ်ဆိုရင် ရှိနေတဲ့ မြေနေရာအမျိုးအစားကို သာသနာ့မြေဖြစ်အောင် အစိုးရခွင့်ပြုချက်နဲ့ပြောင်းလဲပြီးမှ ဆောက်ရမှာဖြစ်ပါတယ် " ဟု ONNကို ပြောကြားထားသည်။

(ULA)မှ တာဝန်ရှိသူများအနေဖြင့်လည်း ဝတ်ပြုကျောင်း(CHURCH) တည်ဆောက်နေသော ခရစ်ယာန်ဓမ္မဆရာများကို ခေါ်ယူ၍ ထိုသို့ဆောက်လုပ်ခြင်းသည် မမှန်ကန်ကြောင်းနှင့် ဆောက်လုပ်လိုလျှင် ဥပဒေလုပ်ထုံးလုပ်နည်းအရ လုပ်ဆောင်ရမည်ဖြစ်ကြောင်း နားလည်အောင်ရှင်းပြပေးခဲ့သည်။

တစ်ဖက်တွင်လည်း ဗုဒ္ဓဘာသာဝင် ရွာခံသားများနှင့်တွေ့ဆုံပြီး ဝတ်ပြုကျောင်းရှေ့ရှိ ဆိုင်းဘုတ်အား ရွာသားများကိုယ်တိုင် သွားရောက်၍ လှဲချခဲ့ခြင်းမှာ မသင့်တော်ဘဲ ဒေသအာဏာပိုင်အဖွဲ့အစည်းအား အသိပေးပြီးမှ လုပ်ဆောင်သင့်ကြောင်း ULAက သတိပေးပြောကြားခဲ့သည်။

(ULA)မှ တာဝန်ရှိသူ တစ်ဦးက  " ဘယ်သူမှန်တယ်ဘယ်သူမှားတယ်ဆိုတာထက် ရပ်ရွာအတိုင်းအတာမှာဖြစ်တဲ့ ပြဿနာအသေးအဖွဲ့ကို ကြီးကြီးမားမားမဖြစ်ရအောင် နှစ်ဦးနှစ်ဖက်လုံးအနေနန့် ထိန်းသိမ်းရပါမယ်၊ ဗုဒ္ဓဘာသာဝင်တွေက ဆိုင်းဘုတ်ကို ဆွဲနှုတ်ခဲ့သလို တစ်ဖက်မှာလည်း ခရစ်တော်အသင်းတာဝန်ရှိသူတွေအနေနဲ့ ဥပဒေနဲ့ မလွတ်ကင်းတဲ့ အရာတစ်ခုကို လုပ်ဆောင်ခဲ့တာမို့ နှစ်ဦးနှစ်ဖက်စလုံးမှာ အပြစ်မလွတ်ကင်းတာတော့ အမှန်ပါ၊ ဒီလိုအသေးအဖွဲ့ကနေကြီးကြီးမားမားဖြစ်လာအောင် အွန်လိုင်းထက်မှာ ဝါဒဖြန့်သူတွေကိုပဲ အပြစ်တင်လိုပါတယ်" ဟု ပြောကြားပြီး ပဋိပက္ခဖြစ်ပွားခဲ့သည့် နှစ်ဖက်စလုံးကို ခေါ်ယူကာ မျှတစွာ ဆုံးဖြတ်ပေးခဲ့သည်။

အဆိုပါ ဆိုင်းဘုတ်ဆွဲနှုတ်သည့်ဖြစ်ရပ်ကို ရုပ်သံဗွီဒီယိုရိုက်၍ ခရစ်တော်ဝတ်ပြုကျောင်းကို ဖြိုဖျက်နေသည်ဟုဆိုကာ အွန်လိုင်းထက်တွင် ဝါဒဖြန့်ချီရန် စတင်ခဲ့သူမှာ ကြိမ်ချောင်းကျေးရွာနေ ခရစ်တော် ယုံကြည်သက်ဝင်သူ  ဦးထွန်းနိုင်ဆိုသူဖြစ်ပြီး ၄င်း၏ ဇနီးမယားမှာလည်း ကြံရာပါဖြစ်သည်ဟု ၄င်းတို့၏ လက်ကိုင်ဖုန်းများကို စစ်ဆေးကြည့်ရာမှတစ်ဆင့်သိရသည်။

၄င်းတို့၏ ဝါဒဖြန့်ခြင်းမှတစ်ဆင့် ဆိုရှယ်မီဒီယာ စာမျက်နှာများဖြစ်သည့် (The Mro Times)၊ (Mro Youth)၊ (ကီမာမြီ) အပြင် တခြား Page များက ပြန်လည်ဖြန့်ဝေခဲ့ပြီး ဘာသာကြီးနှစ်ခုကြား နားလည်မှုလွဲပြီး အမုန်းတရားများပွားစေမည့် ဖြစ်ရပ်များဖြစ်စေခဲ့သည်။

ထို့ကြောင့် (ULA)မှ တာဝန်ရှိသူများနှင့် ဗဟိုသာသနာ
ရေးဌာနမှတို့ ပူးပေါင်း၍ အဖြစ်မှန်ကို လက်တွေ့ကျကျ ကွင်းဆင်းလေ့လာပြီး နှစ်ဦးနှစ်ဖက်စလုံး အဆင်ပြေစေရန်နှင့် ဘာသာရေးသဟဇာတဖြစ်မှုများ မပျက်ပြားစေရန် မျှတစွာဖြေရှင်းခဲ့၍ အဆိုပါပြဿနာမှာ လက်ရှိတွင် ပြေလည်သွားခဲ့ပြီဖြစ်သည်။

ONE NATION NEWS

May 22, 2026, 02:58 AM

ခရစ်တော်ကို ယုံကြည်သက်ဝင်သော သတ္တမနေ့ခရစ်တော်အသင်းက တာဝန်ရှိသူများက အွန်လိုင်းထက်တွင်ပျံ့နှံ့နေသော သတင်းများသည် မဟုတ်မမှန်ကြောင်းနှင့် ဗုဒ္ဓဘာသာကိုးကွယ်သူ ရွာခံသားများကလည်း ခရစ်ယာန်ဘာသာကို မလိုမုန်းထား၍ ထိုသို့ပြုမူခြင်း မဟုတ်ကြောင်းကိုလည်း နောက်ဆုံးတွင်အပြန်အလှန်ဆွေးနွေး၍ နားလည်မှုရယူနိုင်ခဲ့ကြသည်။

ဓာတ်ပုံ- ကြိမ်ချောင်းကျေးရွာ၊ ခရစ်တော်ဝတ်ပြုကျောင်းပြဿနာကို (ULA)နှင့် ဗဟိုသာသနာရေးဌာနတို့ ပူးပေါင်း၍ သင်းအုပ်ဆရာများ၊ ရွာသားများနှင့် ကွင်းဆင်းတွေ့ဆုံ ဆွေးနွေးစဥ် (One Nation News)

258

ONE NATION NEWS

May 22, 2026, 02:58 AM

📷 Photo

261

ONE NATION NEWS

May 22, 2026, 02:58 AM

📷 Photo

အစွန်းရောက် အစ္စလာမ်မစ် မူဆလင်လက်နက်ကိုင်များ၏ တိုက်ခိုက်မှုများကြောင့် ရက္ခိုင်တွင် ၃ နှစ်ခန့်အတွင်း အရပ်သား ၁၆၀ ကျော် သေဆုံးပြီး ၂၀ ကျော်ဒဏ်ရာရ

One Nation News/ မေ ၂၁၊ ၂၀၂၆

အာရက္ခဒေသ အတွင်း ၂၀၂၃ ခုနှစ် နိုဝင်ဘာလမှ ၂၀၂၆ ခုနှစ် ဖေဖော်ဝါရီလအထိ အစွန်းရောက် အစ္စလာမ်မစ် မူဆလင်လက်နက်ကိုင်အဖွဲ့များ၏ တိုက်ခိုက်မှုများကြောင့် အရပ်သား ၁၆၂ ဦး အသက်ဆုံးရှုံးခဲ့ပြီး ၂၂ ဦး ထိခိုက်ဒဏ်ရာရရှိခဲ့သည့်အပြင် လူပျောက်ဆုံးမှု ၃၀ ခန့်ရှိနေကြောင်း လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းရေးရုံး (HDCO) ၏ ယမန်နေ့က ထုတ်ပြန်သည့် စစ်တမ်းတွင် ဖော်ပြထားသည်။

HDCO ၏ စစ်တမ်းအချက်အလက်များအရ အစွန်းရောက် အစ္စလာမ်မစ် မူဆလင်လက်နက်ကိုင်များ၏ အကြမ်းဖက်တိုက်ခိုက်မှုများအတွင်း ရက္ခိုင်ဒေသခံ ၁၃၇ ဦး၊ မူဆလင် ၃၅ ဦး၊ ဟိန္ဒူ ၃၄ ဦး၊ ခမီ ၁၃ ဦး၊ မြို ၆ ဦးနှင့် ဒိုင်းနက် ၄ ဦး တို့ အကြမ်းဖက်ခံခဲ့ရကြောင်း ဖော်ပြထားသည်။

HDCO ၏ စစ်တမ်းဖော်ပြချက်များအရ မူဆလင်လက်နက်ကိုင်များ၏ အကြမ်းဖက်သတ်ဖြတ်မှုများအတွင်း အရှင်လတ်လတ် မီးရှို့သတ်ဖြတ်ခံရသူ ၁၁ ဦး၊ နေအိမ်အတွင်း ပစ်သတ်ခံရသူ ၉ ဦး၊ ရပ်ရွာအတွင်း ဖမ်းဆီးသတ်ဖြတ်ခံရသူ ၉ ဦး၊ သွားလာရာလမ်းတွင် ကြားဖြတ်တိုက်ခိုက်ခံရပြီး သတ်ဖြတ်ခံရသူ ၃ ဦး၊ ဖမ်းဆီးခံရပြီးနောက် သတ်ဖြတ်ခံရသူ ၃၉ ဦး၊ ခရီးသွားလာစဉ် အသတ်ခံရသူ ၃၂ ဦး၊ အသက်မွေးဝမ်းကျောင်းလုပ်ငန်း လုပ်ကိုင်နေစဉ် ဖမ်းဆီးသတ်ဖြတ်ခံရသူ ၁၂ ဦးနှင့် အထောက်အထားအသေးစိတ် မသိရှိရသေးသူ ၄၃ ဦးအထိ ရှိကြောင်း ဆိုသည်။

စစ်တမ်းကိန်းဂဏန်းများအရ ရက္ခိုင်လူမျိုးများသည် ထိခိုက်နစ်နာမှု အများဆုံးခံစားရသည့်အုပ်စုအဖြစ် တွေ့ရှိရသော်လည်း ဘာသာရေးအခြေပြု အကြမ်းဖက်မှုများ၏ သက်ရောက်မှုသည် အခြားလူနည်းစု တိုင်းရင်းသားမျိုးနွယ်စုများအပေါ်တွင်လည်း ကျယ်ကျယ်ပြန့်ပြန့် ရှိနေကြောင်း ဖော်ပြနေသည်။

နိုင်ငံတကာ လွတ်ငြိမ်းချမ်းသာခွင့်အဖွဲ့ (Amnesty International) ၏ မှတ်တမ်းများအရ ပြီးခဲ့သည့် ၂၀၁၇ ခုနှစ် ဩဂုတ်လ ၂၅ ရက်နေ့တွင် မောင်တောမြို့နယ် ခမောင်းဆိပ်ဒေသရှိ ဟိန္ဒူဘာသာဝင် ရွာသားများအား အစ္စလာမ်မစ် အစွန်းရောက် ARSA အဖွဲ့က အစုလိုက်အပြုံလိုက် သတ်ဖြတ်ခဲ့ပြီး၊ ယင်းလုပ်ရပ်သည် မူဆလင်သီးသန့်ဇုန် တည်ထောင်ရန် ကြိုးပမ်းမှုတစ်ရပ်၏ အစိတ်အပိုင်းအဖြစ် ဆောင်ရွက်ခဲ့ခြင်းဖြစ်ကြောင်း ဖော်ပြထားသည်။

ထို့အပြင် ဟိန္ဒူမိန်းမများနှင့် မိန်းကလေးငယ်များကို ဘင်္ဂလားဒေ့ရှ်သို့ သယ်ယူခေါ်ဆောင်ပြီး အစ္စလာမ်ဘာသာသို့ အတင်းအကျင့်ပြောင်းစေခဲ့ကြောင်း၊ ထိုအချိန် အစွန်းရောက် အစ္စလာမ်လက်နက်ကိုင်များက ဖိအားနှင့် အကြမ်းဖက်မှုဖြင့် လက်ထပ်ခြင်းအား တိုက်တွန်းခဲ့ကြောင်းလည်း သိရှိရသည်။

ONE NATION NEWS

May 22, 2026, 02:58 AM

🎥 Video

ကျောက်တော်မြို့နယ်၊ ကြိမ်ချောင်းကျေးရွာရှိ ဓမ္မဆရာထွန်းနိုင် နေအိမ်တွင် သတ္တမနေ့အသင်းတော်ဆိုင်းဘုတ် အဖြုတ်ခံရခြင်းနဲ့ပတ်သက်လို့ ဆိုရှယ်မီဒီယာတွင် ပျံ့နှံ့နေသည့် သတင်းအမှားများအပေါ်  သတ္တမမြောက်ခရစ်တော်အသင်းတော် သင်းအုပ်ဆရာများ၏ ဖြေရှင်းချက်

One Nation News/မေ ၂၁၊၂၀၂၆

ကျောက်တော်မြို့နယ်၊ ကြိမ်ချောင်းကျေးရွာမှာ ပြီးခဲ့တဲ့ မေလ ၁၅ ရက်နေ့၊ ညနေပိုင်းမှာ ကျေးရွာအတွင်းမှာရှိတဲ့ ဓမ္မဆရာထွန်းနိုင်နေအိမ်ခြံဝင်းအတွင်းရှိ သတ္တမနေ့အသင်းတော် ဆိုင်းဘုတ် အဖြုတ်ခံရခြင်းနဲ့ ပတ်သက်လို့ ဆိုရှယ်မီဒီယာမှာ ပျံ့နှံ့နေတဲ့ သတင်းအမှားတွေနဲ့ ပတ်သက်ပြီး One Nation News ဝိုင်းတော်သားတွေက အဲဒီရွာကို ကွင်းဆင်းသတင်းယူခဲ့တာလည်း ဖြစ်ပါတယ်။

367

ONE NATION NEWS

May 22, 2026, 02:58 AM

🎥 Video

စစ်ကောင်စီ ဂိတ်အဆင့်ဆင့်က လွှတ်ပေးလိုက်သည့်  WY စိတ်ကြွဆေးပြား ၃၂ သိန်းကို အာရက္ခတပ်တော်(AA)က ဖမ်းဆီးရမိ

(ရုပ်သံသတင်းတို)
One Nation News/ မေ ၂၁၊၂၀၂၆
‎
စစ်ကောင်စီ စစ်ဆေးရေးဂိတ်​တွေအဆင့်ဆင့်မှ  ငွေကြေးပေးပြီးတော့ လွတ်မြောက်လာတဲ့ WY စိတ်ကြွဆေးပြား ၃၂ သိန်းကို ပြည်ခရိုင်၊ ပန်းတောင်းမြို့နယ်အတွင်း အာရက္ခတပ်တော် (AA)နဲ့ ပူးပေါင်းမဟာမိတ်တပ်ဖွဲ့တွေက ဖမ်းဆီးရမိခဲ့တာဖြစ်ပါတယ်။
‎
‎ပြီးခဲ့တဲ့ မေလ ၁ ရက်နေ့ နေ့လည်ပိုင်းက အာရက္ခတပ်တော်(AA) နဲ့ မဟာမိတ်တပ်ဖွဲ့တွေဟာ ဥသျှစ်ပင်မြို့အနီးမှာ နယ်မြေလုံခြုံရေးဆောင်ရွက်နေစဉ်အတွင်း မသင်္ကာဖွယ်တဲတစ်လုံးကိုတွေရှိခဲ့တာကြောင့် ဝင်ရောက်စစ်ဆေးခဲ့ရာ WY စိတ်ကြွဆေးပြား ၃၂ သိန်းနဲ့အတူ လူနှစ်ဦးကို ဖမ်းမိခဲ့တာပါ။
‎
‎ဖမ်းဆီးခံရသူ ၂ ဦးမှာ ဥသျှစ်ပင်မြို့ ပြည်တော်သာရပ်ကွက်မှ အသက် ၄၀ အရွယ် အောင်လကျော် နဲ့ ပြည်မြို့ ဗိုလ်တထောင်ရပ်ကွက်မှ အသက် ၄၁ နှစ်အရွယ် အောင်ကျော်မိုး တို့ဖြစ်ပြီး RS မြင်းတံဆိပ်ပါ WY ဆေးပြားများနဲ့အတူ တွေ့ရှိခဲ့တာဖြစ်ပါတယ်။
‎
‎စုံစမ်းဖော်ထုတ်ချက်​တွေအရ အဲ့ဒီမူးယစ်ဆေးများ၏ ပိုင်ရှင်များမှာ ရန်ကုန်တိုင်း ရွှေပြည်သာမြို့နေ ဦးမိုးကျော်ထွေးနဲ့ အင်းစိန်မြို့နေ ဦးရန်နိုင်တို့ဖြစ်ကြပြီး အ​​ကြမ်းဖက်မြန်မာစစ်တပ်နဲ့လည်းပတ်သက်ဆက်နွယ်​နေတယ်လို့သိရပါတယ်။ ဒါ့အပြင် အဆိုပါဆေးဝါးများကို စစ်ကောင်စီထိန်းချုပ်ထားတဲ့ ပြည်ခရိုင်အတွင်းမှ စစ်ဆေးရေးဂိတ်တွေကနေတဆင့် စစ်ဆေးခံရမှုတစုံတရာမရှိပဲ  ဖြတ်သန်းခွင့်ရခဲ့တယ်လို့လည်း အာရက္ခမှုခင်းနဲ့ဆက်စပ် သတင်းများ ထုတ်ပြန်ရေးအဖွဲ့က ဆိုပါတယ်။

ONE NATION NEWS

May 22, 2026, 02:58 AM

📷 Photo

စစ်ကောင်စီ ဂိတ်အဆင့်ဆင့်က လွှတ်ပေးလိုက်သည့်  WY စိတ်ကြွဆေးပြား ၃၂ သိန်းကို အာရက္ခတပ်တော်(AA)က ဖမ်းဆီးရမိ

One Nation News/မေ ၂၀၊၂၀၂၆

စစ်ကောင်စီ စစ်ဆေးရေးဂိတ်အဆင့်ဆင့်တွင် ငွေကြေးပေးကာ လွတ်မြောက်လာခဲ့သည့် WY စိတ်ကြွဆေးပြား ၃၂ သိန်းကို ပြည်ခရိုင်၊ ပန်းတောင်းမြို့နယ်အတွင်း အာရက္ခတပ်တော် (AA) နှင့် ပူးပေါင်းမဟာမိတ်တပ်ဖွဲ့များက ဖမ်းဆီးရမိခဲ့ကြောင်း သိရသည်။

၂၀၂၆ ခုနှစ် မေလ ၁ ရက်နေ့ နေ့လည်ပိုင်းတွင် အာရက္ခတပ်တော်(AA) နှင့် မဟာမိတ်တပ်ဖွဲ့များသည် ဥသျှစ်ပင်မြို့အနီး နယ်မြေလုံခြုံရေးဆောင်ရွက်နေစဉ်တွင်း မသင်္ကာဖွယ်တဲတစ်လုံးအား စစ်ဆေးခဲ့ရာမှ WY စိတ်ကြွဆေးပြား ၃၂ သိန်းနှင့်အတူ လူနှစ်ဦးကို ဖမ်းမိခဲ့ခြင်းဖြစ်ကြောင်း သိရသည်။

ဖမ်းဆီးခံရသူများမှာ ဥသျှစ်ပင်မြို့ ပြည်တော်သာရပ်ကွက်နေ အောင်လကျော် (၄၀ နှစ်) နှင့် ပြည်မြို့ ဗိုလ်တထောင်ရပ်ကွက်နေ အောင်ကျော်မိုး (၄၁ နှစ်) တို့ဖြစ်ကြပြီး RS မြင်းတံဆိပ်ပါ WY ဆေးပြားများကို လက်ဝယ်ထားရှိခဲ့ကြောင်း သိရသည်။

စုံစမ်းဖော်ထုတ်ချက်များအရ မူးယစ်ဆေးများ၏ ပိုင်ရှင်များမှာ ရန်ကုန်တိုင်း ရွှေပြည်သာမြို့နေ ဦးမိုးကျော်ထွေးနှင့် အင်းစိန်မြို့နေ ဦးရန်နိုင်တို့ဖြစ်ကြပြီး စစ်ကောင်စီနှင့် ဆက်နွယ်သူများဖြစ်ကြောင်း သိရသည်။ ယင်းအပြင် ဆေးဝါးများကို စစ်ကောင်စီထိန်းချုပ်ထားသည့် ပြည်ခရိုင်အတွင်းရှိ စစ်ဆေးရေးဂိတ်များမှ စစ်ဆေးမှုမရှိဘဲ ဖြတ်သန်းခွင့်ရခဲ့ကြောင်းလည်း ထွက်ဆိုထားသည်ဟု သိရသည်။

အဆိုပါ အမှုကို အာရက္ခပြည်သူ့တော်လှန်ရေးအစိုးရ၊ တရားဥပဒေစိုးမိုးရီးနဲ့ ပြည်သူ့လုံခြုံရေးဌာန (ဒီလပ်) က မူးယစ်ဆေးဝါးနဲ့ စိတ်ကို ပြောင်းလဲစေသည့် ဆေးဝါးများဆိုင်ရာ ဥပဒေပုဒ်မ - ၁၉ (က)/၂၁/ကျင့် - ၅၁၂ အရ ၂၀၂၆ ခုနှစ်၊  မေလ (၁၅) ရက်တွင် အမှုဖွင့် အရေးယူထားပြီး အမှုသက်သေခံပစ္စည်းများသိမ်းဆည်းခြင်း၊ ကွင်းဆက်တရားခံများကို ဆက်လက်စစ်ဆေးဖော်ထုတ် အရေးယူခြင်း အပါအဝင် ကျန်လုပ်ငန်းများကို ပြည့်စုံခိုင်မာစွာ တည်ဆောက်ပြီး ဥပဒေအကြံပြုချက်နဲ့အညီ ဆက်လက် ဆောင်ရွက်နေသည်ဟု သိရသည်။

ပန်းတောင်းမြို့နယ်သည် လက်ရှိတွင် အာရက္ခတပ်တော်(AA) လှုပ်ရှားသည့်နယ်မြေများအနက် တစ်ခုဖြစ်ပြီး ဒေသခံများနှင့်ပူးပေါင်းကာ တရားဥပဒေစိုးမိုးရေး၊ မူးယစ်ဆေးဝါးနှိမ်နင်းရေးတို့ကို ဆောင်ရွက်လျက်ရှိကြောင်း သိရသည်။

ယင်းအပြင် အာရက္ခတပ်တော်(AA) လှုပ်ရှားရာဒေသများတွင် “ကျားဖြန့် လုံးဝမရှိစေရ"၊ "ကျားဖြန့်သမားများအတွက် နေရာလုံးဝမရှိစေရ ” ဆိုသည့်မူဝါဒဖြင့် မူးယစ်ဆေးဝါးနှင့် အွန်လိုင်းလောင်းကစားလုပ်ငန်းများကို တင်းကြပ်စွာ တိုက်ဖျက်သွားမည်ဟုလည်း ဆိုထားသည်။

ONE NATION NEWS

May 22, 2026, 02:58 AM

📷 Photo

မောင်တော ဒေသခံတစ်ဦး မိုင်းနင်းမိ၍ ခြေထောက်ဒဏ်ရာရ

One Nation News/မေ ၂၁၊၂၀၂၆

အာရက္ခဒေသ၊ မောင်တောမြို့နယ် လေးမိုင်ကျေးရွာတွင် မေလ ၁၈ ရက်က မြေမြှုပ်မိုင်းနင်းမိ၍ ဒေသခံအမျိုးသား တစ်ဦးမှာ ခြေထောက် ဒဏ်ရာရရှိသွားကြောင်း သိရသည်။

မောင်တောမြို့နယ် ချီတာပါရာရွာမှ အသက် ၄၆ နှစ်အရွယ် ဦးခင်မောင်နိုင်သည် လေးမိုင်ကျေးရွာ၌ စိုက်ပျိုးရေးမျိုးစေ့များ သိုလှောင်ထားသည့် နေရာ အနီး မြက်ရှင်းနေစဉ် မြေမြှုပ်မိုင်း နင်းမိခဲ့ခြင်း ဖြစ်ကြောင်း သိရသည်။

မြေမြှုပ်မိုင်း နင်းမိပေါက်ကွဲ၍ ဦးခင်မောင်နိုင်၏ ညာဖက်ခြေထောက်မှ ခြေချောင်းများပြတ်ထွက်သွားပြီး လက်ရှိမှာ ဆေးရုံ၌ ဆေးကုသမှုခံယူနေရကြောင်းလည်း သိရသည်။

အဆိုပါမိုင်းပေါက်ကွဲမှုဖြစ်ပွားခဲ့သည့် နေရာမှာ ယခင်က အကြမ်းဖက်စစ်တပ် စခန်းချနေထိုင်ခဲ့သော နေရာဖြစ်ကြောင်း သိရပြီး မြေမြှုပ်မိုင်းများ ထောင်ထားခဲ့ကြောင်းသိရသည်။

အာရက္ခဒေသ၊ မောင်တောမြို့နယ်တွင် ဧပြီ ၂၇ ရက်နေ့က လည်းစစ်ကျန်မြေမြှုပ်မိုင်းနင်းမိ၍ မောင်တောမြို့ လေးမိုင် မူဆလင်ရွာမှ ဦးယာဆိမ်း၏ သား အသက် (၁၁) နှစ်အရွယ်ရှိ မာဟူဒိမ်မူဆလင်ကလေးငယ်တစ်ဦး ခြေပြတ်သွားကြောင်းသိရသည်။

မောင်တောအပြင် အာရက္ခဒေသက မြို့နယ်များမှာ အာရက္ခတပ်တော်(AA)က မိုင်းရှင်းလင်းရေးများကို ဆက်တိုက် လုပ်ဆောင်နေသော်လည်း အကြမ်းဖက်စစ်တပ်ထောင်ထားခဲ့သော စစ်ကျန်မြေမြုပ်မိုင်းများကြောင့် ဒေသခံများမှာ မြေမြှုပ်မိုင်း အန္တရာယ်ကို ရင်ဆိုင်နေရဆဲဖြစ်သည်။

ပုံ-မောင်တောမြို့နယ်တွင် မြေမြှုပ်မိုင်းရှင်းလင်းနေသည့် အာရက္ခတပ်တော်တပ်ဖွဲ့ဝင်များ (One Nation News)

ONE NATION NEWS

May 22, 2026, 02:58 AM

📷 Photo

အာရက္ခဒေသတွင်း လူမှုသဟဇာတကျရေးကို မနာလိုမရှုစိမ့်သည့် လူပုဂ္ဂိုလ်နှင့်အဖွဲ့အစည်းတချို့က အမုန်းတရားများဖန်တီးနေဟု ဦးခိုင်သုခပြော

One Nation News/မေ ၂၁၊၂၀၂၆

အာရက္ခဒေသအတွင်း လူမျိုးရေး၊ ဘာသာရေးနှင့် လူမှုသဟဇာတကျရေးကို ထိခိုက်စေရန် ရည်ရွယ်၍ လူပုဂ္ဂိုလ်နှင့် အဖွဲ့အစည်းတချို့က အမုန်းတရားနှင့် ပဋိပက္ခများ ဖြစ်ပေါ်လာစေရန် ရည်ရွယ်ချက်ရှိရှိဖြင့် ကြံစည်လုပ်ဆောင်နေကြောင်း အာရက္ခတပ်တော်(ULA/AA) ပြောခွင့်ရ ဦးခိုင်သုခက ဆိုသည်။

ယင်းကဲ့သို့ လုပ်ဆောင်မှုများသည် အေးချမ်းစွာနေထိုင်နေသည့် မူဆလင်အသိုင်းအဝန်းများအပေါ် ယုံကြည်မှု ထိခိုက်စေနိုင်ပြီး (ULA/AA) က တည်ဆောက်နေသည့် လူမျိုးပေါင်းစုံချစ်ကြည်ရေးနှင့် အပြန်အလှန်လေးစားအသိအမှတ်ပြုမှုများကို အနှောင့်အယှက်ဖြစ်စေကြောင်း ဆိုသည်။

ယင်းအပြင် တန်းလျှောက်ခံ(ထန်းရှောက်ခံ)ရွာသားများ စစ်ပွဲအတွင်း အသတ်ခံရသည်ဆိုသည့် စွပ်စွဲချက်များနှင့် ပတ်သက်၍ အာရက္ခတပ်တော်(AA) ဘက်က ယင်းကဲ့သို့သော ဖြစ်စဉ် မရှိခဲ့ကြောင်း သတင်းမီဒီယာများအား အထောက်အထားများဖြင့် အကြိမ်ကြိမ် ရှင်းလင်းထားပြီးဖြစ်ကြောင်း ဦးခိုင်သုခက ဆိုသည်။

နောက်ပြီး  တန်းလျှောက်ခံရွာ၏ ယခင်နှင့် လက်ရှိ လူဦးရေစာရင်းများ၊ ပြောင်းရွှေ့သွားသူများ၊ ပြည်ပထွက်ခွာသွားသူများ၏ အချက်အလက်များကို အသေးစိတ် မှတ်တမ်းတင်ထားကြောင်း သိရသည်။

လက်ရှိ စွပ်စွဲခံနေရသည့် အရိုးစုများမှာ တိုက်ပွဲအတွင်း သေဆုံးခဲ့သည့် စစ်ကောင်စီတပ်သားများ၏ အရိုးစုများသာဖြစ်ကြောင်း အာရက္ခတပ်တော်(AA) က ဆိုထားသည်။ အချို့အရိုးစုများတွင် စစ်ဝတ်စုံ၊ စစ်ဖိနပ်နှင့် ကျည်ကာဦးထုပ်များပါ ကျန်ရှိနေသေးကြောင်းလည်း ဆိုထားသည်။

ယင်းအပြင် ပြည်ပရောက် မူဆလင်အရေးလှုပ်ရှားသူအမည်ခံအဖွဲ့တချို့က အဆိုပါအရိုးစုများအပေါ်  မူဆလင်အမျိုးသမီးဝတ်စုံများ တင်ကာ ဓာတ်ပုံရိုက်ပြီး နိုင်ငံတကာတွင် (ULA/AA) အပေါ် အထင်အမြင်လွဲမှားစေရန် လုပ်ကြံဖန်တီးစွပ်စွဲနေကြောင်း ဦးခိုင်သုခက ပြောသည်။

ယင်းကဲ့သို့သော လုပ်ရပ်များသည် လူမှုအသိုင်းအဝန်းအကြား အမုန်းတရားများ ပိုမိုတိုးပွားလာစေနိုင်ပြီး ငြိမ်းချမ်းစွာ အတူယှဉ်တွဲနေထိုင်ရေးကို ထိခိုက်စေနိုင်ကြောင်းလည်း ၎င်းက သတိပေးပြောဆိုထားသည်။

ယင်းကြောင့် အာရက္ခဒေသအတွင်း အေးချမ်းစွာနေထိုင်လိုသည့် မူဆလင်အသိုင်းအဝန်းများအနေဖြင့် ပြည်ပရောက်လှုပ်ရှားသူအဖွဲ့များနှင့် အခြေအမြစ်မရှိသည့် အစီရင်ခံစာများ ထုတ်ပြန်နေသည့် အဖွဲ့အစည်းများကို ဝိုင်းဝန်းဆန့်ကျင် ကန့်ကွက်ကြရန်လည်း ဦးခိုင်သုခက တိုက်တွန်းထားသည်။

ONE NATION NEWS

May 7, 2026, 02:48 PM

📷 Photo

အတွေးအမြင်နက်ရှိုင်းပြီး တက်ကြွတဲ့ခေါင်းဆောင်ဖြစ်ကြောင်း အာရက္ခတပ်တော်တပ်မှူးချုပ် ဗိုလ်ချုပ်ထွန်းမြတ်နိုင်အား အိန္ဒိယသတင်းထောက် ချီးကျူး

One Nation News/မေ ၇၊၂၀၂၆

ပြည်ပသတင်းဌာနတစ်ခုဖြစ်သည့် The Diplomat သတင်းဌာနမှ သတင်းထောက် Rajeev Bhattacharyyaနှင့် ရက္ခိုင်အမျိုးသားအဖွဲ့ချုပ်၊ အာရက္ခတပ်တော်(ULA/AA) တပ်မှူးချုပ် ဗိုလ်ချုပ် ထွန်းမြတ်နိုင်တို့ ပြီးခဲ့သည့် မတ်လ ၂ ရက်နေ့က အာရက္ခပြည်တွင်းတွင် လူတွေ့အင်တာဗျူးတစ်ခု ပြုလုပ်ခဲ့ကြောင်း သတင်းဖော်ပြချက်များအရ သိရသည်။

ULA/AA အကြီးအကဲ ဗိုလ်ချုပ် ထွန်းမြတ်နိုင်ကို "မိမိတွေ့ဆုံခဲ့သမျှထဲတွင် စာဖတ်အားကောင်းပြီး အတွေးမြင်နက်ရှိုင်းကာ တက်ကြွသည့် လက်နက်ကိုင်ခေါင်းဆောင်တစ်ဦး" ဖြစ်သည်ဟု အိန္ဒိယသတင်းထောက် Rajeev Bhattacharyya က ၎င်း၏ လူမှုကွန်ယက်စာမျက်နှာတွင် ရေးသားထားသည်။

၎င်းသတင်းထောက်က အလုပ်များပြီး လုံခြုံရေးအခြေအနေများကြားမှ တွေ့ဆုံခွင့်ပေးခဲ့သည့်အတွက် ဗိုလ်ချုပ်ထွန်းမြတ်နိုင်အား ကျေးဇူးတင်ကြောင်းနှင့် ၎င်းရေးသားထားသည့် ULFA ဆိုင်ရာ စာအုပ်ကိုလည်း လက်ဆောင်အဖြစ် ဗိုလ်ချုပ်အား ပေးအပ်ခဲ့ကြောင်း ပုံနှင့်တကွ ၎င်းRajeev Bhattacharyya၏ ဖေ့စ်ဘုတ်တွင် ရေးသားမျှဝေထားသည်။

တပ်မှူးချုပ် ဗိုလ်ချုပ်ထွန်းမြတ်နိုင်အား လက်ဆောင်ပေးအပ်ခဲ့သည့် အဆိုပါ ULFA(United Liberation Front Of Assam) စာအုပ်သည် ၁၉၇၉ ခုနှစ်တွင် တည်ထောင်ထားသော အိန္ဒိယနိုင်ငံ အရှေ့မြောက်ပိုင်း အာသံပြည်နယ်အခြေစိုက် လက်နက်ကိုင်အဖွဲ့တစ်ခုဖြစ်ပြီး Assamကို သီးခြားလွတ်လပ်ရေးရရှိစေရန် ရည်ရွယ်လှုပ်ရှားနေသော အဖွဲ့ဖြစ်ပြီး ၎င်းအဖွဲ့၏ သမိုင်းကြောင်း၊ လှုပ်ရှားမှုများနှင့် ဒေသအတွင်း ဆက်နွယ်မှုများကို အသေးစိတ်သုံးသပ် ရေးဖွဲ့ထားသော စာအုပ်ဖြစ်ကြောင်း သိရသည်။

အိန္ဒိယသတင်းထောက် Rajeev Bhattacharyyaသည် ၎င်းရေးသားထားသော ULFAစာအုပ်အား ဗိုလ်ချုပ်နှင့် လူတွေ့အင်တာဗျူးလုပ်ရန် တွေ့ဆုံစဥ်တွင် လက်ဆောင်ပေးအပ်ခဲ့ခြင်းဖြစ်သည်။

၎င်းနှင့် ULA/AAခေါင်းဆောင် ဗိုလ်ချုပ် ထွန်းမြတ်နိုင်၏ အင်တာဗျူးကို မေလ ၄ ရက်နေ့တွင် The Diplomat က ထုတ်ဝေထားပြီး အဆိုပါအင်တာဗျူးတွင် မြန်မာစစ်အစိုးရနှင့် ဆက်ဆံရေးအပါအဝင် ဒေသအတွင်း စစ်ရေး၊ နိုင်ငံရေးအခြေအနေများအပေါ် ဆွေးနွေးထားသည်။

ဓာတ်ပုံ-Rajeev Bhattacharyya's facebook

ONE NATION NEWS

May 7, 2026, 02:48 PM

ပလက်ဝခရိုင်တွင် ခရိုင်ပါတီနဲ့ အုပ်ချုပ်ရေးဌာနမှ သက်ငယ် မုဒိန်းမှု အသိပညာပေးဟောပြောပွဲ ပြုလုပ်နေ

One Nation News/မေ ၇၊ ၂၀၂၆

ပလက်ဝခရိုင်တွင် ခရိုင်ပါတီနှင့် အုပ်ချုပ်ရေးဌာန ပူးပေါင်းပြီး လူငယ်များအတွက် မုဒိန်းနှုန်းလျော့ချရေး အသိပညာပေး အစီအစဉ်များကို အကောင်အထည်ဖော်နေကြသည်ဟု သိရှိရသည်။

ပလက်ဝမြို့နယ်ရှိ ကျေးရွာများအထိ သွားရောက်ကာ သက်ငယ်မုဒိန်းမှု ကာကွယ်ရေးဆိုင်ရာ အသိပညာပေး ဟောပြောမှုများ ပြုလုပ်ခဲ့ပြီး၊ မိဘများနှင့် အုပ်ထိန်းသူများ အလေးထားလိုက်နာသင့်သည့် သက်ငယ်မုဒိန်းမှုကာကွယ်တားဆီးရေးဆိုင်ရာ အချက် ၇ ချက်ကို အဓိကထား ရှင်းလင်းဟောပြောခဲ့ကြောင်း သိရှိရသည်။

သက်ငယ်မုဒိန်း ကာကွယ်တားဆီးရန် လိုက်နာရမည့် အချက် ၇ ချက်ကို အောက်ပါအတိုင်း ဖော်ပြထားပါသည်။

(၁) ကလေးများအား သူတို့၏ ခန္ဓာကိုယ်အစိတ်အပိုင်းများ (သီးသန့်နေရာများ) ကို မည်သူ့ကိုမျှ ကိုင်ခြင်း၊ သို့မဟုတ် ထိတွေ့ခွင့်မရှိစေရန် သင်ကြားပေးရမည်။ အထူးသဖြင့် နှုတ်ခမ်းကို နမ်းခြင်း၊ ရင်သား၊ တင်ပါး၊ လိင်အင်္ဂါများကို လုံးဝ မကိုင်ရစေရန်၊ မိဘမဟုတ်သူများအားလုံးအတွက် ငြင်းဆိုနိုင်ရန် သင်ပေးရမည်။

(၂) ကလေးများ၏ သီးသန့်နေရာများကို မထိတွေ့စေခြင်းနှင့် ဓာတ်ပုံရိုက်ခြင်းကို မပြုလုပ်စေရန် စည်းမျဉ်းထားရပါမည်။ ၎င်းအကြောင်းမှာ သက်ငယ်သူများအား မူမမှန်သော လိင်ဆက်ဆံမှုများသို့ ဆွဲဆောင်နိုင်သည့် လူအချို့က ကလေးများ၏ သီးသန့်နေရာများကို ဓာတ်ပုံနှင့် မှတ်တမ်းတင်ထားခြင်းမှ ကာကွယ်ရန်ဖြစ်ပါသည်။ ဓာတ်ပုံများအပြင် အဝတ်မပါဘဲ ရိုက်ထားသော အချက်အလက်များသည် အခြားသူများဆီသို့ မရောက်သွားစေရန် သေချာစွာ သာမန် လုံခြုံမှုကို ထိန်းသိမ်းထားရမည်ဖြစ်သည်။

(၃) တတိယအချက်အနေဖြင့် ကလေး၏ ကိုယ်ပိုင်ခန္ဓာကိုယ်အတွင်းရှိ သီးသန့်အပိုင်းများကို အခြားသူများ မထိတွေ့နိုင်အောင် မိဘများက အထူးဂရုစိုက်ကာကွယ်ပေးရန် လိုအပ်ပါသည်။ ထို့ပြင် ကလေးကိုလည်း အခြားသူ၏ ကိုယ်ပိုင်သီးသန့်နေရာများကို ထိတွေ့ရန် တောင်းဆိုလာပါက လက်မခံသင့်ကြောင်းနှင့် ပြတ်သားစွာ ငြင်းဆိုနိုင်ရမည်ဖြစ်ကြောင်း သင်ကြားပေးထားရမည်ဖြစ်သည်။ ထိုကဲ့သို့သော အပြုအမူများသည် မသင့်လျော်ပြီး အန္တရာယ်ရှိနိုင်ကြောင်းကိုလည်း ကလေးအနေဖြင့် နားလည်အောင် ရိုးရှင်းစွာ ရှင်းပြထားရန် အရေးကြီးပါသည်။

(၄) သက်ငယ်မုဒိန်းကျူးလွန်သူများသည် ကလေးများကို ကျူးလွန်ပြီးနောက် မိဘ သို့မဟုတ် အုပ်ထိန်းသူများကို ပြန်ပြောပါက သတ်ပစ်မည် ဟု ခြိမ်းခြောက်လေ့ရှိကြသည်။ ထိုကဲ့သို့ ခြိမ်းခြောက်မှုများကြောင့် ကလေးများသည် မည်သူကိုမှ မပြောဘဲ တစ်ယောက်တည်း ခံစားနေရပြီး အကြမ်းဖက်မှုကို တစ်ကြိမ်တစ်ခါသာမက အကြိမ်ကြိမ် ကြုံတွေ့နေရနိုင်သည်။ ထို့ကြောင့် မည်သည့်အခြေအနေမျိုးတွင်မဆို မိဘ သို့မဟုတ် ယုံကြည်ရသော လူကြီးများကို ပြန်လည်ပြောပြခြင်းသည် အန္တရာယ်ကင်းပြီး အကာအကွယ်ရနိုင်သည့် အရေးကြီးဆုံးနည်းလမ်းဖြစ်ကြောင်း ကလေးများကို နားလည်အောင် သင်ကြားထားရန် လိုအပ်ပါသည်။

(၅) သက်ငယ်ကလေးများအား အန္တရာယ်ပြုသူများသည် ပြုလုပ်ပြီးနောက်တွင်လည်း ခြိမ်းခြောက်ခြင်း၊ မည်သူကိုမှ မပြောရန် ဖိအားပေးခြင်းတို့ကို လုပ်ဆောင်တတ်ကြသည်။ ထို့ပြင် ကလေးကို ကစားသလို ဆက်ဆံကာ မပြောရင် ဆက်ကစားမယ်၊ ပြောလိုက်ရင် နောက်တစ်ခါ မကစားတော့ဘူး ဟု လှည့်ဖြားစကားများဖြင့် စိတ်ပိုင်းဆိုင်ရာ ထိန်းချုပ်ရန် ကြိုးစားတတ်ကြသည်။ ထိုသို့ဖြစ်စဉ်များကြောင့် ကလေးသည် ကျူးလွန်သူနှင့် နီးစပ်သည့် ဆက်ဆံရေးဖြစ်လာပြီး၊ သူ့ပြောဆိုချက်များကို ယုံကြည်သလိုဖြစ်ကာ မိဘများကို မပြောဘဲ လျှို့ဝှက်ထားမိနိုင်သည်။ ထို့ကြောင့် မိဘနှင့် ကလေးအကြားတွင် မည်သည့်အကြောင်းအရာမဆို လွတ်လပ်စွာ ပြောဆိုနိုင်သည့် ယုံကြည်မှုရှိသော ဆက်ဆံရေးကို တည်ဆောက်ထားရန် အရေးကြီးသည်။

(၆) သက်ငယ်မုဒိမ်းမှုကို ကျူးလွန်သူတွေဟာ သူစိမ်းဘဲမဟုတ်ပဲ မည်သူမဆို ဖြစ်နိုင်တဲ့အတွက်၊ မိမိမိသားစုဝင်၊ ဆွေမျိုး၊ ကလေးနဲ့ ရင်းနှီးကျွမ်းဝင်သူတို့ကို အထူးသဖြင့် သတိထားစေဖို့ လိုအပ်ပါတယ်။ သုတေသနတွေပြသသလို၊ သက်ငယ်မုဒိမ်းမှုကျူးလွန်သူ ၉၃ ရာခိုင်နှုန်းက ကလေးနဲ့ ရင်းနှီးသူများဖြစ်ကြပြီး၊ ၇ ရာခိုင်နှုန်းသာ ကျူးလွန်မှုကို မသိကျွမ်းသေးသော သူစိမ်းတွေက ဆောင်ရွက်ကြသည်။ ထိုကြောင့်၊ မည်သူမဆို အကယ်၍ ကလေးနှင့် ရင်းနှီးပြီး အခြားသူများအပေါ် သက်တမ်းမဲ့ ထိခိုက်မှုလုပ်ဆောင်ရန် လက်ခံမရကြောင်း ပြောပြ သေချာထားရမည်။

(၇) မိဘနှင့် အုပ်ထိန်းသူများအနေဖြင့် ကလေးများကို မည်သည့်အချိန်တွင်မဆို တစ်ဦးတည်း မထားသင့်ကြောင်း အထူးအလေးထားပြောကြားထားပါသည်။ ကလေးအား အလုပ်ခိုင်းစဉ်တွင် တစ်ဦးတည်း သွားခိုင်းခြင်း၊ အဝေးရှိ အိမ်သာသို့ တစ်ဦးတည်း သွားစေခြင်း၊ သို့မဟုတ် ရပ်ရွာအတွင်း တစ်ယောက်တည်း လှည့်လည်သွားလာစေခြင်းများကို ရှောင်ကြဉ်ရန် လိုအပ်ပါသည်။ အထူးသဖြင့် ညနေခင်းမှစ၍ မှောင်ရီလာချိန်များတွင် ပိုမိုဂရုတစိုက် စောင့်ရှောက်ကာ ကလေး၏ လုံခြုံရေးကို အမြဲဦးစားပေးရမည်ဖြစ်ကြောင်းလည်း အလေးထားဟောပြောထားသည်။

ONE NATION NEWS

May 7, 2026, 02:48 PM

📷 Photo

ပုဏ္ဏားကျွန်းစစ်‌ရှောင်စခန်းတွင်း သောက်ရေဖြန့်ဝေမှုနှင့် ဖျော်ဖြေရေးအစီအစဉ်အား ပရဟိတညီနောင်အဖွဲ့လေးဖွဲ့မှ ပြုလုပ်ကျင်းပပေး

One Nation News/မေ ၆၊၂၀၂၆

အာရက္ခပြည်၊ ပုဏ္ဏားကျွန်းမြို့နယ်အတွင်းရှိ စစ်ရှောင်စခန်းများတွင် သောက်ရေဖြန့်ဝေမှုနှင့် စိတ်ဓာတ်မြှင့်တင်ရေး ဖျော်ဖြေရေးအစီအစဉ်ကို
ပုဏ္ဏားကျွန်းမြို့နယ်ရေအရေးပေါ် ကူညီရေးစုပေါင်းပရဟိတအဖွဲ့မှ ပြုလုပ်ကျင်းပခဲ့ကြောင်း သိရသည်။

အဆိုပါ အစီအစဉ်ကို ပုဏ္ဏားကျွန်းမြို့နယ်ထဲက ပရဟိတညီနောင်အဖွဲ့လေးဖွဲ့ ရေဖြန့်ဝေနေသည့် စစ်ရှောင်စခန်းများတွင် စစ်ရှောင်ပြည်သူများ၏ စိတ်ပိုင်းဆိုင်ရာဒဏ်ရာများ လျော့နည်းစေရန်နှင့် နေထိုင်မှုအခက်အခဲများအတွင်း စိတ်အားတက်ကြွစေရန် ရည်ရွယ်ကာ ကျင်းပခဲ့ခြင်းဖြစ်သည်။

အဆိုပါပွဲတွင်း ပုဏ္ဏားကျွန်းလူငယ်များအစည်းအရုံးဥက္ကဌ ကိုပြည့်ဖြိုးနိုင်က
"ပျော်ပွဲရွင်ပွဲလုပ်တဲ့အခါ စစ်ရှောင်တွေအနေနဲ့ အတိုင်းမသိပျော်နေကြတာတွေမြင်ရပါတယ်။
ဘာလို့လဲဆိုတော့ သူတို့က တကယ်စိတ်ဓာတ်ကျနေကြတဲ့အချိန်မှာ ကျနော်တို့ကသွားပြီး ပွဲတွေလုပ်ပေးတဲ့အခါ သူတို့ရဲ့စိတ်ကိုပျော်ရွှင်စေတဲ့အတွက် ကျေးဇူးအများကြီးလဲတင်ကြပါတယ်။ သူတို့ရဲ့ ပျော်ရွှင်မှုတွေကိုလဲ မြင်တွေ့ရပါတယ်" ဟု စစ်ဘေးရှောင်များအား အားပေးစကားပြောကြားခဲ့သည်။

အစီအစဉ်တွင် အဆိုပါ ညီနောင်အဖွဲ့လေးဖွဲ့၏ အဖွဲ့ဝင်များဖြစ်ကြသော K Khine၊ YP J၊ NoKo နှင့် Salmon တို့အပြင် အာရက္ခဒေသမှ အဆိုတော်များဖြစ်သည့် စုဝေဖြိုး၊ My Moeset နှင့် ဂီတမှူး လုကာတို့ကလည်း ပါဝင်ဖျော်ဖြေကာ အားဖြည့်ခဲ့ကြသည်။

အဆိုပါ အစီအစဉ်အား ပါဝင်ကူညီအားဖြည့်ခဲ့ကြသည့် အနုပညာရှင်များနှင့် အဖွဲ့ဝင်များအား အထူးကျေးဇူးတင်ရှိကြောင်း စီစဉ်သူများက ဆိုသည်။

ပုဏ္ဏားကျွန်းမြို့နယ်သည် အာရက္ခပြည်အတွင်း စစ်ရှောင်ပြည်သူများ အများဆုံးနေထိုင်ရာဒေသများထဲမှ တစ်ခုလည်းဖြစ်သည်။

အာရက္ခပြည်တွင် လက်ရှိဖြစ်ပွားနေသော တိုက်ပွဲများနှင့် အကြမ်းဖက်မြန်မာစစ်တပ်၏လေကြောင်းဗုံးကြဲတိုက်ခိုက်ခြင်းများကြောင့် ဒေသခံပြည်သူများ အများအပြားသည် မိမိတို့၏ နေအိမ်များကို စွန့်ခွာကာ စစ်ရှောင်စခန်းများတွင် နေထိုင်လာကြရသည်။

နွေရာသီကာလတွင်လည်း စစ်ရှောင်ပြည်သူများမှာ ရေရှားပါးမှုဒဏ်ကိုခံခဲ့ကြရပြီး အချိန်ကြာမြင့်စွာ စစ်ရှောင်ဘဝဖြင့် နေထိုင်နေရခြင်းကြောင့် စိတ်ပိုင်းဆိုင်ရာဖိအားများ၊ စိုးရိမ်ပူပင်မှုများနှင့် စိတ်ဒဏ်ရာများကိုလည်း ကြုံတွေ့နေရသည်။

ပုံ-ပုဏ္ဏားကျွန်းလူငယ်များအစည်းအရုံး(PYA)

ONE NATION NEWS

May 7, 2026, 02:48 PM

📷 Photo

မူဆလင်ဒုက္ခသည်စခန်းအနီးတွင် ARO ထိပ်ပိုင်းခေါင်းဆောင် အဗ္ဗဒူဟာလင်း ပစ်သတ်ခံရ

One Nation News/ မေ ၆၊ ၂၀၂၆

အာရကန်ရိုဟင်ဂျာအဖွဲ့အစည်း (ARO) ၏ ထိပ်ပိုင်း ခေါင်းဆောင် ဖြစ်သည့် အဗ္ဗဒူဟာလင်းသည် မူဆလင်ဒုက္ခသည်စခန်းအနီးတွင် ပစ်ခတ်တိုက်ခိုက်ခံရမှုကြောင့် သေဆုံးသွားကြောင်း ဘင်္ဂလားဒေ့ရှ်အခြေစိုက်မီဒီယာများ တွင် ဖော်ပြထားသည်။

ပြီးခဲ့သည့် မေလ ၅ ရက်နေ့ ညနေ ၆ နာရီခွဲခန့်အချိန်တွင် ဟာလင်းသည် ဘာလုခါလီကနေ ခီယာမြို့၊ ကူတူပါလောင် မူဆလင်ဒုက္ခသည်စခန်း 8W အနီးရှိ ဟိ Lal Bridge ဧရိယာတွင် အမည်မသိလက်နက်ကိုင် အဖွဲ့တစ်ဖွဲ့၏ တိုက်ခိုက်ခံရမှုကြောင်း ပြင်းထန်စွာဒဏ်ရာရရှိခဲ့ပြီး ဆေးရုံတွင် ကုသမှုခံယူနေရင်း သေဆုံးသွားကြောင်းသိရသည်။

ဤဖြစ်ရပ်တွင် ARO ထိပ်ပိုင်းခေါင်းဆောင်အပြင် ၎င်းနှင့်အတူပါလာသည့် မိုဟာမက်လွန်လာ (၃၇) နှစ်နှင့် နူရ်မိုဟာမက် (၃၂) နှစ်တို့ ဒဏ်ရာရရှိခဲ့ ပြီး ၎င်းတို့အား ဆေးရုံသို့ ပို့ဆောင်ကာ ဆေးကုသမှုခံယူနေရဆဲဖြစ်ကြောင်းသိရသည်။

အဗ္ဗဒူဟာလင်းသည် ကော့ဇ်ဘဇား၊ အူးခီယာရှိ မူဆလင်ဒုက္ခသည်စခန်းတွင် အငြင်းပွားမှုတစ်ခုကြောင့် ၎င်း၏ ပြိုင်ဘက်အဖွဲ့များက ပစ်ခတ်သွားသဖြင့် သေဆုံးခဲ့ရကြောင်းသိရသည်။ ၎င်းအား တရားစွဲဆိုထားသည့် အမှုများစွာလည်း ရှိနေသည်။

ရဲတပ်ဖွဲ့၏ သတင်းအရ ဤတိုက်ခိုက်မှုတွင် (ARSA) နှင့် ဆက်စပ်နေသော အကြမ်းဖက်သမားများဟု ကနဦး သံသယရှိကြောင်း သိရသည်။

ဒုက္ခသည်စခန်းအတွင်းရှိ သတင်းရင်းမြစ်များက ဒုက္ခသည်စခန်းအတွင်း လွှမ်းမိုးမှု၊ ငွေညှစ်မှုနှင့် ရာဇဝတ်မှုဆိုင်ရာ လုပ်ဆောင်မှုများနှင့်ပတ်သက်၍ လက်နက်ကိုင်အဖွဲ့အမျိုးမျိုးကြား ရှည်လျားသော အငြင်းပွားမှုတစ်ခုရှိကြောင်း ပြောကြားခဲ့သည်။

မူဆလင်ဒုက္ခသည်စခန်းအတွင်း တရားဥပဒေစိုးမိုးရေးအတွက် တာဝန်ရှိသည့် ( APBN ) ၏ တပ်မှူး ဆာရက်ဂျ် အာမင် က ၎င်းကိစ္စကို အတည်ပြုခဲ့ပြီး ရဲနှင့် လုံခြုံရေးတပ်ဖွဲ့များသည် မူဆလင်ဒုက္ခသည်စခန်းအတွင်း တရားဥပဒေစိုးမိုးရေးကိစ္စများကို လုပ်ဆောင်နေကြောင်း ပြောကြားခဲ့သည်။

ဒုက္ခသည်စခန်းတွင် ဤကဲ့သို့ လက်နက်ကိုင်တိုက်ခိုက်မှုမျိုး ဖြစ်ပွားခြင်းသည် လုံခြုံရေးအခြေအနေနှင့် ပတ်သက်၍ စိုးရိမ်မှုများဖြစ်ပေါ်နေကြောင်းသိရသည်။

မူဆလင်ဒုက္ခသည်စခန်းများတွင် မူဆလင်လက်နက်ကိုင်အကြမ်းဖက်အဖွဲ့များဖြစ်သည့် ARSA,RSO,ARA,RIM,ARO,... စသည့်အဖွဲ့များ ဝင်ရောက်လှုပ်ရှားလျက်ရှိနေပြီး စခန်းနေ မူဆလင်ဒုက္ခသည်များအား အတင်းအဓမ္မ စီးနင်းမှု၊ ပစ္စည်းသိမ်းယူမှုနှင့် ခြိမ်းခြောက်မှုများ မကြာခဏ ဖြစ်ပွားလျက်ရှိသည်။

Photo- Theerritorialnews.com-TTN

ONE NATION NEWS

May 7, 2026, 02:48 PM

📷 Photo

ရိုဟင်ဂျာအမည်ခံ အကြမ်းဖက်လက်နက်ကိုင် ARA အဖွဲ့ ခေါင်းဆောင်နော်ဘီဟူစိန်၏ညီ လုပ်ကြံသတ်ဖြတ်ခံရ
(မေလ ၅ရက်နေ့ကလည်းARO ထိပ်ပိုင်းခေါင်းဆောင်တစ်ဦးသတ်ဖြတ်ခံခဲ့ရ)

One Nation News/မတ် ၇၊၂၀၂၆

ဘင်္ဂလားဒေ့ရှ်၊ ကော့စ်ဘဇားခရိုင်၊အူခီးယားမြို့နယ်ရှိဒုက္ခသည်စခန်းတစ်ခုတွင် ARA ခေါင်းဆောင် နော်ဘီဟူစိန် ၏ ညီဖြစ်သူ ထပ်မံ လုပ်ကြံသတ်ဖြတ်ခံခဲ့ရကြောင်းသိရသည်။

မေလ ၆ ရက်နေ့ နေ့လယ် ၂ နာရီခန့်တွင် အူခီယားရှိ ယူအန် ဒုက္ခသည် စခန်းအမှတ် (၈) အရှေ့ဘက်ဒေသမှာ ဖြစ်ပွားခဲ့ခြင်းဖြစ်ပြီး အမှတ် (၈) ဘင်္ဂလားဒေ့ရှ် လက်နက်ကိုင်ရဲတပ်ဖွဲ့တပ်ရင်း (APBN) မှ တပ်ရင်းမှူး Mohammad Asaduzzaman က သေနတ်ပစ်ခတ်မှုမှာ မှန်ကန်ကြောင်း အတည်ပြုခဲ့ကြောင်း ဘင်္ဂလားဒေ့ရှ် ဒေသအတွင်း မီဒီယာများက ဖော်ပြသည်။

သေနတ်ဒဏ်ရာဖြင့် ဒဏ်ရာရသူ ကမဲလ်ကို ဒုက္ခသည် စခန်းမှ ဆေးရုံသို့ ခေါ်ဆောင်လာချိန်တွင် တာဝန်ကျဆရာဝန်က သေဆုံးသွားပြီဖြစ်ကြောင်း ကြေညာခဲ့ပြီးသေဆုံးသူမှာ ARA ခေါင်းဆောင် နော်ဘီဟူစိန် (Nabi Hossain)ရဲ့ ညီငယ်ဖြစ်သူ မူဟာမတ် ကမဲလ် (Mohammad Kamal) ဖြစ်သည်ဟု ဘငျ်ဂလားဒေ့ရှ်ရဲတပ်ဖွဲ့က အတည်ပြုခဲ့ကြောင်းသိရသည်။

မေလ ၅ ရက်နေ့ကလည်း ARO ထိပ်ပိုင်းခေါင်းဆောင် အဗ္ဗဒူဟာလင်း ဆိုသူသည် ဘာလုခါလီကနေ ခီယာမြို့၊ ကူတူပါလောင် မူဆလင်ဒုက္ခသည်စခန်း 8W အနီးရှိ ဟိ Lal Bridge ဧရိယာတွင် အမည်မသိလက်နက်ကိုင် အဖွဲ့တစ်ဖွဲ့၏ တိုက်ခိုက်ခံရမှုကြောင်းသေဆုံးသွားခဲ့ပြီး နောက်တရက်တွင် ARA ခေါင်းဆောင် နော်ဘီဟူစိန် (Nabi Hossain)၏ ညီငယ်ဖြစ်သူ မူဟာမတ် ကမဲလ် (Mohammad Kamal) လုပ်ကြံသတ်ဖြတ်ခံရခြင်းဖြစ်သည်။

သတ်ဖြတ်ခံခဲ့ရသည့် ARO တပ်မှူး အဒူဟာလိမ်းဟာ ၂၀၂၄ ခုနှစ်က အာရက္ခတပ်တော်(AA)ကမောင်တောမြို့နယ် နခခ (၅) တပ်ရင်းကိုသိမ်းပိုက်ရာ အကြမ်းဖက် စစ်တပ်နှင့်ပူးပေါင်းပြီး အာရက္ခတပ်တော်ကိုတိုက်ခိုက်ခဲ့မှုတွေကို ပြုလုပ်ခဲ့သူတစ်ဦးဖြစ်ကြောင်းသိရသည်။

ရိုဟင်ဂျာအမည်ခံ အကြမ်းဖက်အဖွဲ့အစည်းများက ဘငျ်ဂလားဒေ့ရျှနိုငျငံ မူဆလင်ဒုက္ခသည်စခန်းများတွင် ဝင်ရောက်လှုပ်ရှားလျက်ရှိနေပြီး စခန်းတွင်းမူဆလင်ဒုက္ခသည်များအပေါ်အကြမ်းဖက် လုပ်ရပ်များလုပ်ဆောင်လျက်ရှိပြီး လက်နက်ကိုင်တပ်ဖွဲ့များအကြားလည်းအပြန်အလှန် သတ်ဖြတ်မှုများနေ့စဥ် ဖြစ်ပွားလျက်ရှိနေသည်ဟုသိရသည်။

ပုံ-ARA ခေါင်းဆောင်နော်ဘီဟူစိန်၏ညီ

ONE NATION NEWS

May 7, 2026, 02:48 PM

🎥 Video

ဘင်္ဂလားဒေ့ရှ်နိုင်ငံအစိုးရက နောက်ကွယ်မှ ပါဝင်ပံ့ပိုးပေးနေကြောင်း မူဆလင်လက်နက်ကိုင်အကြမ်းဖက်အဖွဲ့ ARSA ၏ ပြောရေးဆိုခွင့်ရှိသူ ရှိတ်ခ် ဘူရာဟန်မှ ထုတ်ဖော်ပြောဆို

One Nation News/ မေ ၅ ၊ ၂၀၂၆

မူဆလင်လက်နက်ကိုင်အကြမ်းဖက်အဖွဲ့တစ်ဖွဲ့ဖြစ်ည့် ( ARSA ) ၏ ပြောရေးဆိုခွင့်ရှိသူ ရှိတ်ခ် ဘူရာဟန်မှ မေလ (၂) ရက်နေ့တွင် ARSA Spokesperson တယ်လီဂရမ်ချန်နယ်မှ ဗီဒီယိုတစ်ခုကို မျှဝေထားခဲ့သည်။ ၎င်းဗီဒီယိုရုပ်သံအား မြန်မာဘာသာပြန်ပြီး တင်ဆက်ပေးထားပါသည်။

452

ONE NATION NEWS

May 7, 2026, 02:48 PM

📷 Photo

အရပ်သားများအပေါ် ဗုံးကြဲမှုများကြောင့် နိုင်ငံရေးဆွေးနွေးမှု အလွန်ခက်ခဲကြောင်း အာရက္ခတပ်တော် AA တပ်မှူးချုပ်ပြော

One Nation News/ မေ ၆၊ ၂၀၂၆

အကြမ်းဖက်စစ်တပ်၏ လေကြောင်းတိုက်ခိုက်မှုများ ဆက်တိုက်ဖြစ်ပွားနေသည့် အခြေအနေများအောက်တွင် နိုင်ငံရေးဆွေးနွေးမှုများ ဆောင်ရွက်ရန် အလွန် ခက်ခဲနေကြောင်း အာရက္ခတပ်တော် (AA) တပ်မှူးချုပ်က ထုတ်ဖော်ပြောကြားခဲ့သည်။

ပြီးခဲ့သည့် မေ ၂ ရက်နေ့တွင် The Diplomat သတင်းဌာန၏ အကြီးတန်းသတင်းထောက် Rajeev Bhattacharyya နှင့် ပြုလုပ်ခဲ့သော အင်တာဗျူးတစ်ခုအတွင်း အာရက္ခတပ်တော် တပ်မှူးချုပ်က ယင်းသို့ ထုတ်ဖော်ပြောကြားခဲ့ခြင်း ဖြစ်သည်။

အကြမ်းဖက်စစ်တပ်ဘက်မှ အရပ်သားများအပေါ် ဗုံးကြဲတိုက်ခိုက်မှုများ ဆက်လက်ပြုလုပ်နေသရွေ့ ကျနော်တို့အနေဖြင့် နိုင်ငံရေးဆွေးနွေးမှုများကို ဆောင်ရွက်ရန် အလွန်ခက်ခဲနေမည်ဖြစ်သည်။ စစ်ကောင်စီသည် အသာစီးရှိနေသော အခြေအနေမှ ဆွေးနွေးလိုနေသော်လည်း ကျနော်တို့ဘက်က ထိုသို့သော ဖိအားများကို လျော့ပေါ့လက်ခံမည်မဟုတ် ဟု တပ်မှူးချုပ်က ပြောကြားခဲ့သည်။

အကြမ်းဖက်စစ်တပ်ဘက်မှ အာရက္ခတပ်တော်ကို ၂၀၂၃ ခုနှစ် မတိုင်မီအခြေအနေသို့ ပြန်လည်ရောက်ရှိစေရန် လိုလားနေကြောင်းနှင့် ထိုသို့ဆိုပါက အာရက္ခတပ်တော်ဘက်မှလည်း ၁၇၈၄ ခုနှစ် (ရခိုင်လွတ်လပ်သောနိုင်ငံ) အခြေအနေသို့ ပြန်လည်လိုလားနိုင်ကြောင်း တပ်မှူးချုပ်က ထောက်ပြခဲ့သည်။

ထို့အပြင် လက်တွေ့မကျသော တောင်းဆိုချက်များကို ဆက်လက်တင်ပြနေမည့်အစား အကြမ်းဖက်စစ်တပ်အနေဖြင့် မြေပြင်အခြေအနေများကို အခြေခံကာ ပါဝင်ပတ်သက်သူအားလုံးပါဝင်သည့် စစ်မှန်သော ဆွေးနွေးမှုများအပေါ် အာရုံစိုက်သင့်ကြောင်းနှင့် ဆွေးနွေးပွဲများသည် မြေပြင်အခြေအနေနှင့် ကင်းကွာ၍ မရကြောင်းလည်း ပြောကြားခဲ့သည်။

ထို့နောက် အာရက္ခတပ်တော်က အရပ်သားများ၏ လုံခြုံရေးကို အဓိကထားကာ ထိရောက်စွာကာကွယ်နိုင်မည့် နည်းလမ်းများကို ရှာဖွေနေကြောင်း၊ ဤကိစ္စသည် ခက်ခဲပြီး ဗုံးကြဲတိုက်ခိုက်မှုများကို မှတ်တမ်းတင်နိုင်ရန် နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်နေကြောင်း၊ ထို့အပြင် လူသားချင်းစာနာမှုဆိုင်ရာ အလွန်ပြင်းထန်သည့် စိုးရိမ်စရာများကိုလည်း ထိန်းသိမ်းစောင့်ရှောက်ရမည့်အနေဖြင့် တပ်မှူးချုပ်က ထုတ်ဖော်ပြောကြားခဲ့သည်။

ဓာတ်ပုံ- အာရက္ခတပ်တော်(AA)တပ်မှူးချုပ်နှင့် The Diplomat သတင်းထောက်

ONE NATION NEWS

May 7, 2026, 02:48 PM

📷 Photo

ဘင်္ဂလားဒေ့ရှ်နိုင်ငံအစိုးရက နောက်ကွယ်မှ ပါဝင်ပံ့ပိုးပေးနေကြောင်း မူဆလင်လက်နက်ကိုင်အကြမ်းဖက်အဖွဲ့ ARSA ၏ ပြောရေးဆိုခွင့်ရှိသူ ရှိတ်ခ် ဘူရာဟန်မှ ထုတ်ဖော်ပြောဆို

One Nation News/ မေ ၅ ၊ ၂၀၂၆

မူဆလင်လက်နက်ကိုင်အကြမ်းဖက်အဖွဲ့တစ်ဖွဲ့ဖြစ်ည့် ( ARSA ) ၏ ပြောရေးဆိုခွင့်ရှိသူ ရှိတ်ခ် ဘူရာဟန်မှ မေလ (၂) ရက်နေ့တွင် ARSA Spokesperson တယ်လီဂရမ်ချန်နယ်မှ ဗီဒီယိုတစ်ခုကို မျှဝေထားခဲ့သည်။

အဆိုပါ ဗီဒီယိုရုပ်သံတွင် ရှိတ်ခ် ဘူရာဟန် က  "ဘင်္ဂလားဒေ့ရှ်နိုင်ငံရဲ့ အစိုးရလည်းကျွန်တော်တို့အနောက်မှာ ပါဝင်ပံ့ပိုးပီးနေပြီဖြစ်တယ်။ အချိန်တစ်ခုရောက်ရင် ကျွန်တော်တို့ ရိုဟင်ဂျာတွေက အာရက္ခပြည်သူတွေကို ကုလားဘင်မှာ နွားတွေကို သတ်သလို သတ်ပစ်မယ်။ ကျွန်တော်တို့ပိုင်ဆိုင်တဲ့ အိမ်ခြံမြေနဲ့ လယ်ကွင်းတွေမှာ  ရခိုင်တွေကို ရွာသစ်တွေချပေးပြီး၊လယ်တွေပေးနေတာကို ကျွန်တော်တို့ တစ်နေ့ရအောင်ပြန်လို့ သိမ်းယူကြရမယ် " ဟု ကြိမ်းဝါးပြောဆိုထားပါသည်။

ဆက်လက်၍ သူက " အာရက္ခတပ်တော် (AA)မှာ ရခိုင်သားတွေအားလုံး တစ်စည်းတစ်လုံးနဲ့ ပါဝင်ပူးပေါင်းလုပ်ဆောင်နေသလို ကျွန်တော်တို့ ရိုဟင်ဂျာတွေမှာလည်း ပါဝင်ပူးပေါင်းပြီးရင် လုပ်ဆောင်ကြရမယ်။ ကျွန်တော်တို့ ရိုဟင်ဂျာလူမျိုးတွေကို ဘင်္ဂလားဒေ့ရှ် သမ္မတက အဲ့နေရာမှာ နေထိုင်ခွင့်ပေးထားတဲ့အတွက်လည်း အလွန်ပင်ကျေးဇူးတင်မိပါတယ်။ ကျွန်တော်တို့ ရိုဟင်ဂျာလူမျိုးတွေကို အာရက္ခတပ်တော်(AA)က နည်းလမ်းပေါင်းစုံနဲ့ စည်းလုံးရင်လည်း ရမှာမဟုတ်ဘူး။ ကျွန်တော်တို့ ရိုဟင်ဂျာလူမျိုးတွေရဲ့ ပန်းတိုင်ဖြစ်တဲ့ ဘူးသီးတောင်၊မောင်တောကို သိမ်းယူမယ်ဆိုရင် ကျွန်တော်တို့အားလုံး စည်းလုံး၊ညီညွှတ်ပြီးရင် ကြိုးစားပြီးတော့ သိမ်းယူကြရမယ်။ '' ဆိုပြီး ရိုဟင်ဂျာ များကို စည်းရုံးပြောဆိုထားသည်။

ဘင်္ဂလားဒေ့ရှ်နိုင်ငံရှိ ဒုက္ခသည်စခန်းများတွင် မူဆလင်များမှာလည်း ARSA ၏ အကြမ်းဖက်မှုများအား အရေးယူရန် မူဆလင်ဒုက္ခသည်များ တောင်းဆိုနေကြောင်း ပြီးခဲ့သည့် ရက်များက ဘင်္ဂလားဒေ့ရှ်အခြေစိုက်မီဒီယာများတွင်ဖော်ပြထားသည်။

ARSA အကြမ်းဖက်အဖွဲ့သည် ဘင်္ဂလားဒေ့ရှ်ရှိ ဒုက္ခသည်စခန်းများတွင် ဒုက္ခသည်မူဆလင်များအား အတင်းအဓမ္မ ဖမ်းဆီးမှု၊ ပြန်ပေးဆွဲခြင်း၊ ပစ္စည်းသိမ်းယူမှုနှင့် ခြိမ်းခြောက်မှုများ မကြာခဏ ဖြစ်ပွားလျက်ရှိသည်။

ထို့အပြင် အာရက္ခ - ဘင်္ဂလားနယ်စပ်များတွင်လည်း အရပ်သားပြည်သူများကို ခြုံခိုတိုက်ခိုက်ခြင်း၊ သတ်ဖြတ်ခြင်း၊ ပြန်ပေးဆွဲခြင်း၊ ငွေညှစ်ခြင်းများကို အကြိမ်ကြိမ် ပြုလုပ်လျက်ရှိသည်။

ဓာတ်ပုံ- ARSA Spokesperson Telegram Channel

ONE NATION NEWS

May 7, 2026, 02:48 PM

📷 Photo

သံတွဲမြို့က တရားမဝင် လောင်းကစားဒိုင်များကို DLEPSက စီးနင်းဖမ်းဆီး

One Nation News/မေ ၅၊ ၂၀၂၆

အာရက္ခပြည်၊ သံတွဲမြို့နယ်တွင် ပြီးခဲ့သည့် မေလ ၂ ရက်နေ့က တရားမဝင် နှစ်လုံး၊ သုံးလုံး လောင်းကစားလုပ်ငန်း လည်ပတ်နေသည့် ဒိုင်တစ်ခုကို DLEPS ဌာနမှ ဝင်ရောက်စီးနင်း ဖမ်းဆီးခဲ့ကြောင်း သိရှိရသည်။

ဝရမ်းအမှတ် (၁/၂၀၂၆) ကိုအသုံးပြု၍ သံတွဲမြို့ အမှတ် (၆) ရပ်ကွက် ငုဝါလမ်းပေါ်ရှိ နေအိမ်တစ်လုံးတွင် လျှို့ဝှက်ဖွင့်လှစ်ထားသော အဆိုပါဒိုင်ကို အာဏာပိုင်များက ဝင်ရောက်စီးနင်းခဲ့ခြင်း ဖြစ်သည်ဟုသိရှိရသည်။

စီးနင်းမှုဖြစ်စဉ်အတွင်း အဆိုပါနေအိမ်မှ အိမ်ရှင် ဒေါ်ကျော့သန္တာနှင့်အတူ ဒေါ်ထွေးထွေးမြင့် (၃၅ နှစ်)၊ ဦးထွန်းထွန်းဦး (၃၈ နှစ်)၊ ဦးမင်းချစ်ဦး (၄၀ နှစ်) နှင့် ဦးတင်သန်း (၅၀ နှစ်) တို့ကို လောင်းကစားနှင့်ပတ်သက်သည့် သက်သေခံပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။

ဒေသခံသတင်းရင်းမြစ်များ၏ ပြောကြားချက်အရ သံတွဲမြို့သို့ ပြန်လည်ဝင်ရောက်နေထိုင်လာသူ အချို့မှာ လောင်းကစားလုပ်ငန်းများသာမက ခိုးရာပါပစ္စည်းများ ရောင်းဝယ်ခြင်းနှင့် တရားမဝင် ဖျော်ဖြေရေးလုပ်ငန်းများကိုလည်း စနစ်တကျ လုပ်ကိုင်လာနေကြကြောင်း သိရှိရသည်။

ယခုလက်ရှိတွင်ဖမ်းဆီးခံထားရသူ ၅ ဦးကို လောင်းကစားဆိုင်ရာ ဥပဒေပုဒ်မများဖြင့် အမှုဖွင့်အရေးယူနိုင်ရန် ဆောင်ရွက်နေကြောင်းနှင့် မြို့နယ်အတွင်း တရားမဝင် လောင်းကစားလုပ်ငန်းများနှင့် အခြားမှုခင်းများ လျော့နည်းစေရေးအတွက် လုံခြုံရေးတပ်ဖွဲ့များမှ ဆက်လက် စောင့်ကြည့်စစ်ဆေးမှုများ ပြုလုပ်သွားမည်ဖြစ်ကြောင်း သိရသည်။

ONE NATION NEWS

May 7, 2026, 02:48 PM

📷 Photo

အိန္ဒိယရေတပ်ဦးစီးချုပ်နှင့် အကြမ်းဖက်မြန်မာစစ်တပ်စစ်ဦးစီးချုပ် ရဲဝင်းဦးတို့ တွေ့ဆုံခဲ့

One Nation News/မတ် ၅၊၂၀၂၆

အိန္ဒိယရေတပ်ဦးစီးချုပ် (Admiral Dinesh Kumar Tripathi)ဦးဆောင်သောအဖွဲ့နှင့် အကြမ်းဖက်မြန်မာစစ်တပ်စစ်ဦးချုပ် ရဲဝင်းဦးတို့ မတ်လ ၄ရက်နေ့က နေပြည်တော်တွင်တွေ့ဆုံခဲ့ကြောင်းသိရသည်။

တွေ့ဆုံပွဲကို အကြမ်းဖက်စစ်တပ်ဖက်မှ တပ်ဖက်ဆိုင်ရာအကြီးအကဲများတက်ရောက်ခဲ့ပြီး အိန္ဒိယဖက်မှ ရေတပ်ဦးစီးချုပ်နှင့်အတူ မြန်မာဆိုင်ရာ သံအမတ်အပါအဝင် စစ်ဖက်သံအရာရှိများတက်ကာ နှစ်နိုင်ငံစစ်ရေးပူးပေါင်းဆောင်ရွက်ရန်နှင့် အခြားကိစ္စများကိုလည်း ဆွေးနွေးခဲ့ကြောင်းသိရသည်။

ဆွေးနွေးမှုတွင် အကြမ်းဖက်မြန်မာစစ်တပ်နှင့် အိန္ဒိယစစ်တပ်တို့အကြား စစ်ရေးပူးပေါင်းဆောင်ရွက် တိုးမြှင့်ရေး၊နှစ်နိုင်ငံ စစ်ဖက်ခေါင်းဆောင်များ ရင်းနှီးမှုတည်ဆောက်ရန်အပြန်အလှန်ချစ်ကြည်ရေးခရီးစဥ်များ စေလွှတ်ရန်နှင့် နှစ်နိုင်ငံ ရေတပ်များအကြား စစ်ရေးပူးပေါင်းဆောင်ရွက်ရန် ဆွေးနွေးခဲ့ကြကြောင်းသိရသည်။

၎င်းအပြင် နှစ်နိုင်ငံနယ်စပ်လုံခြုံရေးနှင့် တည်ငြိမ်အေးချမ်းရေးအတွက် စစ်ရေးပူးပေါင်းဆောင်ရွက်သွားမည့်အရေးနှင့် အာဏာသိမ်းအစိုးရနှင့်ပူးပေါင်းကာ နှစ်နိုင်ငံအကျိုးစီးပွားအတွက် ဆောက်မည်သွားမည့်အကြောင်းဆွေးနွေးခဲ့ကြကြောင်း စစ်ကောင်စီပိုင်သတင်းဌာနများ၏ထုတ်ပြန်ချက်အရသိရသည်။

ပုံ - အကြမ်းဖက်စစ်တပ်

ONE NATION NEWS

May 1, 2026, 02:32 PM

📷 Photo

167

ONE NATION NEWS

May 1, 2026, 02:32 PM

📷 Photo

(၄)ကြိမ်မြောက် သက်အမျိုးသားနေ့ အထိမ်းအမှတ် အခမ်းအနားအား အာရက္ခဒေသတွင်  စည်ကားသိုက်မြိုက်စွာ ကျင်းပ

One Nation News/ မေ ၁၊၂၀၂၆

ယနေ့ မေလ ၁ ရက်နေ့တွင် ကျရောက်သော (၄) ကြိမ်မြောက် သက်အမျိုးသားနေ့အခမ်းအနားကို အာရက္ခဒေသက မြို့နယ်တစ်ခုတွင် စည်ကားသိုက်မြိုက်စွာ ကျင်းပခဲ့သည်။

အခမ်းအနားပွဲကို  သက်လူမျိုးခေါင်းဆောင်များ၊ ရပ်မိရပ်ဖများနှင့် ဒေသခံပြည်သူ အများအပြား ပါဝင်ဆင်နွှဲခဲ့ကြပြီး သက်လူမျိုးများ၏ ရိုးရာဝတ်စုံများကို ဝတ်ဆင်ကာ ခမ်းနားထည်ဝါစွာ တက်ရောက်ခဲ့ကြပြီး တက်ရောက်လာသူများက သက်လူမျိုးများ၏ ယဉ်ကျေးမှု၊ ရိုးရာဓလေ့နှင့် တညီတညွတ်တည်းရှိမှုကို ဂုဏ်ပြုခဲ့ကြသည်။

၎င်းအခမ်းအနားအတွင်း အာရက္ခတပ်တော်(ULA/AA) မှ ခရိုင်ပါတီ တာဝန်ရှိသူများ၊ စစ်ဖက်တာဝန်ရှိသူများနှင့် ရက္ခိုင်ပြည်ကျောင်းသားသမဂ္ဂအဖွဲ့တို့က တက်ရောက်ချီးမြှင့်ခဲ့ပြီး ပွဲကျင်းပရေးကော်မတီ နာယကနှင့် ရကသမှ တာဝန်ရှိသူတစ်ဦးက မိန့်ခွန်းများ ပြောကြားခဲ့သည်။

တက်ရောက်လာကြသော ဧည့်သည်တော်များကိုလည်း သက်လူမျိုးများ၏ ရိုးရာယဥ်ကျေးမှု အက အလှများဖြင့် ဖျော်ဖြေခဲ့ကြပြီး   သက်လူမျိုးများ၏ ရိုးရာအစားအစာများကိုလည်း ကျွေးမွေးဧည့်ခံခဲ့ကြသည်။

သက်လူမျိုးများသည် အာရက္ခမြေတွင် ရှေးအဆက်ဆက်ကပင် အခြေချနေထိုင်လာခဲ့ကြသည့် မိမိတို့၏ ဂုဏ်ယူဖွယ်ရာသမိုင်းကြောင်း ယဥ်ကျေးမှု၊ စာပေနှင့်ဓလေ့ထုံးတမ်းများကို ခိုင်မာစွာထိမ်းသိမ်းလာခဲ့ကြသော ဌာနေလူမျိုးစုများ ဖြစ်သည်။

၎င်းအပြင်   သက်လူမျိုးခေါင်းဆောင်များက သက်အမျိုးသားနေ့၏ အရေးပါမှု၊ ခမီလူမျိုးများ၏ သမိုင်းကြောင်းနှင့် ယဉ်ကျေးမှုကို ထိန်းသိမ်းစောင့်ရှောက်ရန် လိုအပ်ပုံတို့ကို အကျယ်တဝင့် ဟောပြောခဲ့ကြပြီး သက်လူမျိုးများအကြား စည်းလုံးညီညွတ်မှု တိုးတက်စေရန်နှင့် အမျိုးသားရေးစိတ်ဓာတ် ရှင်သန်ထက်မြက်စေရန်တို့ကိုလည်း တိုက်တွန်းခဲ့ကြသည်။

ဓာတ်ပုံ- ၄ ကြိမ်မြောက် သက်အမျိုးသားနေ့ အခမ်းအနားအား တွေ့ရစဉ် (One Nation News)

ONE NATION NEWS

May 1, 2026, 02:32 PM

📷 Photo

သက်မျိုးနွယ်စုအပါအဝင် ညီနောင်မျိုးနွယ်စုများအားလုံး စိန်ခေါ်မှုအခက်အခဲများကိုကျော်လွှားနိုင်ရန် အာရက္ခပြည်သူတစ်ရပ်လုံးတွင် တာဝန်ရှိကြောင်း ရက္ခိုင်ပြည်ကျောင်းသားသမဂ္ဂက တိုက်တွန်း

One Nation News/ မေ ၁၊ ၂၀၂၆

အာရက္ခပြည်၌ နေထိုင်လာခဲ့ကြသော မျိုးနွယ်စုဘိုးဘေးများသည်လည်း မိမိတို့၏ စာပေ၊ ယဥ်ကျေးမှု၊ဓလေ့ထုံးတမ်းများနှင့် စိန်ခေါ်မှုအခက်အခဲများကို ညီနောင်မျိုးနွယ်စုမျအားလုံးအတူတကွ လက်တွဲကျော်လွှား၍ နောင်လာမည့်မျိုးဆက်သစ်များတိုင်အောင် ကောင်းမွေများလက်ဆင့်ကမ်းပေးခဲ့နိုင်ရန်မှာ ညီနောင်သက်လူမျုးများအပါအဝင် အာရက္ခပြည်သူတစ်ရပ်လုံး၏ တာဝန်ပင်ဖြစ်ကြောင်း ရက္ခိုင်ပြည်ကျောင်းသားသမဂ္ဂမှ ယနေ့ မေလ ၁ ရက်နေ့တွင် ကျရောက်သော သက် အမျိုးသားနေ့ အား ပေးပို့သော ဂုဏ်ပြုသဝဏ်လွှာတွင် တိုက်တွန်းပြောဆိုထားပါသည်။

အဆိုပါသဝဏ်လွှာအတွင်း အာရက္ခပြည်၌ သက်အမျိုးသားများသည် ရှေးယခင်ကတည်းက အစောဆုံးနေထိုင်ခဲ့ကြသည့် မျိုးနွယ်စုတစ်ခုဖြစ်သည့်အပြင် အာရက္ခပြည်၏ အခြားသော ညီနောင်မျိုးနွယ်စုများနှင့်အတူ တိုင်းပြည်တိုးတက်ရေးကို အတူတကွ လုပ်ဆောင်လာခဲ့ကြသော လူမျိုးများဖြစ်ကြောင်း ဖော်ပြထားသည်။

ထို့အပြင် အာရက္ခပြည်၏ မျိုးနွယ်စုဝင်များထဲတွင် ယနေ့အချိန်၌ သက်အမျိုးသားများသည် လူဦးရေအရ အလွန်လျော့နည်းလာခြင်းမှာ အာရက္ခပြည် မျိုးနွယ်စုဝင်များအပြင် သက်လူမျိုးများ၏ သတိပြုရမည့် အချက်ဟု ရက္ခိုင်ပြည်ကျောင်းသားသမဂ္ဂမှ ရှူမြင်မိကြောင်း သဝဏ်လွှာအတွင်းပြောကြားထားသည်။

ယနေ့ မေလ ၁ ရက်နေ့တွင်ကျရောက်သော သက်အမျိုးသားနေ့ သည် အာရက္ခပြည်မျိုးနွယ်စုဝင်ပြည်သူများအတွက် အထွက်အမြတ်ထားအပ်သော နေ့ထူးနေ့မြတ်တစ်ရက်ဖြစ်သည်။

ONE NATION NEWS

May 1, 2026, 02:32 PM

📷 Photo

‎တရုတ်နိုင်ငံ၏ မိတ်ဆွေဟောင်းဖြစ်သူ ဒေါ်အောင်ဆန်းစုကြည်နှင့်ပတ်သက်လို့ သူမ၏ အခြေအနေကို အစဉ်အမြဲ ဂရုစိုက်လျက်ရှိသည်ဟု တရုတ်နိုင်ငံခြားရေးဝန်ကြီးဌာနပြောကြား
‎
‎One Nation News/ မေ ၁၊ ၂၀၂၆
‎
‎တရုတ်နိုင်ငံ၏ မိတ်ဆွေဟောင်းဖြစ်သူ ဒေါ်အောင်ဆန်းစုကြည်ပတ်သက်လို့ သူမ၏ အခြေအနေကို အစဉ်အမြဲ ဂရုစိုက်လျက်ရှိသည်ဟု တရုတ်နိုင်ငံခြားရေးဝန်ကြီးဌာနက ပြောကြားလိုက်ခြင်းဖြစ်သည်။
‎
‎တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရှိသူ လျင်ကျန့်က ယမန်နေ့ ဧပြီလ ၃၀ ရက် ပုံမှန်သတင်းစာရှင်းလင်းပွဲ AFP သတင်းဌာန၏ မေးမြန်းချက်ကို ဤသို့ ပြောကြားခဲ့ခြင်းဖြစ်သည်။
‎
‎သတင်းစာရှင်းလင်းပွဲအတွင်း AFP သတင်းထောက်က အာဏာသိမ်းအစိုးရ ဦးမင်းအောင်လှိုင်နှင့် တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိတို့ ဧပြီ ၂၆ ရက်တွင် တွေ့ဆုံဆွေးနွေးခဲ့ရာ နှစ်ဖက်အနေဖြင့် ဒေါ်အောင်ဆန်းစုကြည်အကြောင်း ဆွေးနွေးခဲ့ပါသလောဟု မေးမြန်းခဲ့ခြင်း ဖြစ်သည်။
‎
‎၎င်းမေးခွန်းအပေါ် လျင်ကျန့်က ဒေါ်အောင်ဆန်းစုကြည်သည် တရုတ်နိုင်ငံ၏ မိတ်ဆွေဟောင်းဖြစ်သည့်အတွက် သူမ၏အခြေအနေအား မိမိတို့အနေဖြင့် အစဉ်အမြဲ ဂရုစိုက်လျက်ရှိကြောင်း ပြောကြားခဲ့ခြင်းဖြစ်သည်။
‎
‎ချစ်ကြည်ရင်းနှီးသည့် အိမ်နီးချင်းနိုင်ငံအနေဖြင့် တရုတ်နိုင်ငံသည် မြန်မာနိုင်ငံက မိမိနိုင်ငံ၏အခြေအနေနှင့်ကိုက်ညီသော ဖွံ့ဖြိုးတိုးတက်ရေးလမ်းကြောင်း လျှောက်လှမ်းမှုကို ထောက်ခံအားပေးသလို မြန်မာနိုင်ငံ ဘက်ပေါင်းစုံက ပို၍ကျယ်ပြန့်သော၊ ပို၍ ခိုင်မာသော၊ ပို၍ ရေရှည်ဖြစ်သော ငြိမ်းချမ်းရေးနှင့် ပြန်လည်ရင်ကြားစေ့ရေး ဖော်ဆောင်ခြင်းကို ထောက်ခံကြောင်းကိုလည်း ၎င်းက ပြောကြားခဲ့သည်။
‎
‎တရုတ်နိုင်ငံခြားရေးဝန်ကြီးဌာန ထိုသို့ပြောဆိုပြီးနောက် ယမန့်နေ့တွင်ပင် ဒေါ်အောင်ဆန်းစုကြည်ကို နေပြည်တော်အကျဉ်းထောင်မှ နေအိမ်သို့ ပြောင်းရွှေ့လိုက်ပြီဖြစ်ကြောင်း အာဏာသိမ်းအစိုးရက သတင်းထုတ်ပြန်ခဲ့သည်။

ONE NATION NEWS

May 1, 2026, 02:32 PM

📷 Photo

အာရက္ခရေပိုင်နက်သို့ တရားမဝင် ဝင်ရောက်ငါးဖမ်းသူ ဘင်္ဂလားဒေ့ရှ်နိုင်ငံသား ၇ ဦးကို အာရက္ခကမ်းခြေစောင့်တပ် ဖမ်းဆီးရမိ

One Nation News/မေ ၁၊ ၂၀၂၅

အာရက္ခကမ်းခြေစောင့်လုံခြုံရေးတပ်ဖွဲ့ဝင်များသည် အာရက္ခရေပိုင်နက်အတွင်းသို့ တရားမဝင် ကျူးကျော်ဝင်ရောက်၍ ငါးခိုးဖမ်း နေ သော ဘင်္ဂလားဒေ့ရှ်နိုင်ငံသား ငါးခိုးဖမ်းသမား ၇ ဦးကို ဖမ်းဆီးရမိခဲ့ကြောင်း သိရှိရသည်။

ယမန်နေ့ ဧပြီ ၃၀ ရက်နေ့ မနက် ၉ နာရီ ၂၀ မိနစ်ခန့်တွင် အာရက္ခကမ်းခြေစောင့်လုံခြုံရေးတပ်ဖွဲ့ဝင်များသည် အာရက္ခရေပိုင်နက် ကမ်းစပ်မှ မီတာ (၇၉၀) ခန့်အကွာ၌ တရားမဝင် ခိုးဝင်၍ ငါးခိုးဖမ်းနေသော ဘင်္ဂလားဒေ့ရှ်နိုင်ငံသား ၃ ဦး ပါဝင်သည့် ငါးဖမ်းလှေတစ်စင်းကို ဖမ်းဆီးရမိခဲ့ကြောင်း သိရှိရသည်။

ထို့အပြင် အဆိုပါနေ့ မနက် ၉ နာရီ ၂၅ မိနစ်ခန့်တွင်လည်း အာရက္ခကမ်းစပ်မှ (၁.၃၆) ကီလိုမီတာခန့်အကွာ၌ တရားမဝင် ငါးခိုးဖမ်းနေသော ဘင်္ဂလားဒေ့ရှ်နိုင်ငံသား ၄ ဦးပါဝင်သည့် ငါးဖမ်းလှေတစ်စင်းကို အာရက္ခကမ်းခြေစောင့်လုံခြုံရေးတပ်ဖွဲ့မှ ထပ်မံဖမ်းဆီးရမိခဲ့ကြောင်း သိရှိရသည်။

နောက်ပြီး ၎င်းဖမ်းဆီးရမိခဲ့သော ငါးဖမ်းလှေ (၂) စီးနှင့်အတူ ငါးခိုးဖမ်းနေသည့် နောက်ထပ် ငါးဖမ်းလှေ (၅) စီးမှာ ဘင်္ဂလားဒေ့ရှ်ရေပြင်ဘက်သို့ ထွက်ပြေးလွတ်မြောက်သွားကြောင်း သိရှိရသည်။

ယခု လက်ရှိတွင် ဖမ်းဆီးထားသော ငါးဖမ်းလှေ (၂) စီးနှင့် ငါးခိုးဖမ်းသမား (၇) ဦးကို တရားဥပဒေအတိုင်း စစ်ဆေးလျက်ရှိကြောင်းလည်း သိရှိရသည်။

အာရက္ခကမ်းခြေစောင့်လုံခြုံရေးတပ်ဖွဲ့သည် အာရက္ခရေပိုင်နက်အတွင်းသို့ တရားမဝင် ခိုးဝင်၍ ရည်ရွယ်ချက်ရှိရှိ ငါးခိုးဖမ်းနေသူများကို အချိန်ပြည့် စောင့်ကြည့်ဖမ်းဆီးလျက်ရှိပြီး ဖမ်းဆီးရမိသူများကိုလည်း ဥပဒေအရ တရားစီရင်ကာ ထိရောက်ပြတ်သားစွာ အရေးယူလျက်ရှိကြောင်း သိရသည်။

ပုံ/APM

ONE NATION NEWS

May 1, 2026, 02:32 PM

📷 Photo

မြောက်ဦးမြို့နယ်တွင် အရက်မူးစကားများရာကို ဝင်ဖြေဖျန်ရာမှ ဖြေဖျန်သူ အသတ်ခံရ၊ ပြစ်မှုကျူးလွန်သူနှစ်ဦးကို ဒီလပ်က ဖမ်းဆီးထား

One Nation News / ဧပြီ ၃၀၊ ၂၀၂၆

မြောက်ဦးမြို့နယ်၊ ရှမ်းတောင် (မူဆလင်)ရွာမှ ရွာသားတစ်ဦး အသတ်ခံရသည့်လူသတ်မှုမှ တစ်ရားခံနှစ်ဦးကို (DLEPS)က ဥပဒေလုပ်ထုံးလုပ်နည်းများနှင့်အညီ ဖမ်းဆီးထားကြောင်း အာရက္ခ မှုခင်းနန့်ဆက်စပ်သတင်းများ ထုတ်ပြန်ရီးအဖွဲ့ မှ ယနေ့ ဧပြီလ ၃၀ ရက်တွင် ထုတ်ပြန်ထားသည်။

အသတ်ခံရသူမှာ မြောက်ဦးမြို့နယ်၊ ရှမ်းတောင်(မူဆလင်)ရွာမှ အသက် ၆၂ အရွယ် တော်ယူဖာခါပလာတူး ဖြစ်ပြီး ဝိုင်းဝန်းထိုးကြိတ်ခံရသည့် ဒဏ်ရာများကြောင့် သေဆုံးသွားခြင်းဖြစ်သည်။

ဖြစ်စဉ်မှာ မြောက်ဦးမြို့နယ်၊ ရှမ်းတောင် (မူဆလင်)ရွာမှ ချောရီဟူဆောင်း (၂၁နှစ်)နှင့်အာဒူဟာဘီ (၁၉နှစ်)တို့သည် ပြီးခဲ့သည့် ဧပြီလ (၂၀) ရက်နေ့၊ ညနေ(၆) နာရီ မိနစ် (၃၀) အချိန်ခန့်တွင် မြောက်ဦးမြို့နယ်၊ ဥက္ကာကျော်အုပ်စု၊ ဘောက်(ရက္ခိုင်)ရွာရှိ ဦးအောင်ကျော်မြ(ခ)ပြားချေ၏ အရက်ဆိုင်၌ အရက်အတူသောက်စားကြရာမှ အချင်းချင်း စကားများကြသည်ကို ထိုဆိုင်၌ပင် အရက်သောက်နေသော ရှမ်းတောင်(မူဆလင်) ရွာမှ တော်ယူဖာခါပလာတူး(၆၂နှစ်) မှ စကားမများကြရန် ဝင်တားရာ ချောရီဟူဆောင်းနှင့် အာဒူဟာဘီတို့နှစ်ဦးသည် တော်ယူဖာခါပလာတူးနန့်ပါ ဆက်လက် စကားများရန်ဖြစ်ခဲ့ကြသည်။

ထိုသို့ စကားများရန်ဖြစ်ပြီးနောက် တော်ယူဖာခါပလာတူး အရက်ဆိုင်မှထွက်သွားစဉ် ချောရီဟူဆောင်းနန့် အာဒူဟာဘီတို့ ၎င်းနောက်မှ လိုက်ပါလာကာ အရက်ဆိုင်၌ စကားများရန်ဖြစ်ခဲ့သည်ကို မကျေနပ်၍ ဘောက် (ရက္ခိုင်) ရွာအပြင်ဖက် လယ်ကွင်းအရောက်တွင် ရန်မဖြစ်ရန် ဝင်ရောက်ဖြေဖြန်သည့် တော်ယူဖာခါပလာတူးအား ချောရီဟူဆောင်းနှင့်အာဒူဟာဘီရို့မှဝိုင်းဝန်း ထိုးကြိတ် ကန်ကျောက်ကြခဲ့ကြသဖြင့် တော်ယူဇာခါပလာတူးမှာ ဒဏ်ရာများရရှိကာ သတိမေ့မျောပြီး သေဆုံးသွားခဲ့သည်။

အဆိုပါ လူသတ်မှုနှင့် ပတ်သက်၍ ဥပဒေအရ အရေးယူ ဆောင်ရွက်ပေးပါရန် တော်ယူဖာခါပလာတူး၏ သားဖြစ်သူ မိုဟာမတ်တာဟတ်က ဧပြီလ(၂၁)ရက်နေ့၊မိုးထ (၇)နာရီအချိန် တွင် တိုင်ကြားလာ၍ သက်ဆိုင်ရာ ဒီလပ်စခန်း၏ (ပ)၈/၂၀၂၆၊ ရာဇသတ်ကြီးပုဒ်မ - ၃၀၂ဖြင့်အမှုဖွင့် ဆောင် ရွက်ခဲ့သည်။

ထိုသို့တိုင်တန်းပြီးနောက် ဒီလပ်စခန်းသည် လူသတ်မှုကျူးလွန်သူ တရားခံများဖြစ်ကြသည့် ချောရီဟူဆောင်းကို ဧပြီလ (၂၁)ရက်နေ့၊နေ့လယ်(၂) နာရီ မိနစ်(၃၀) အချိန်တွင်လည်းကောင်း၊ အာဒူဟာဘီကို ထိုနေ့ ညည့် (၁၀) နာရီ မိနစ်(၃၀)တွင်လည်းကောင်း အသီးသီးဖမ်းဆီးပြီး ချုပ်ရီမန်ရယူခြင်း၊ အမှုမှသက်သေခံပစ္စည်းများ သိမ်းဆည်းခြင်း၊ ကျန်ဒီလပ်လုပ်ငန်းများအား ပြည့်စုံခိုင်မာစွာ တည်ဆောက်ပြီး ဥပဒေအကြံပြုချက်နှင့်အညီ အယင်ဆုံး တရားစွဲတင်သွားမည် ဖြစ်ကြောင်း ထုတ်ပြန်ထားသည်။

ပုံ- အာရက္ခ မှုခင်းနန့်ဆက်စပ်သတင်းများ ထုတ်ပြန်ရီးအဖွဲ့

ONE NATION NEWS

Apr 20, 2026, 07:37 PM

📷 Photo

အကြမ်းဖက်မြန်မာစစ်တပ်က ဗုံးကြဲတိုက်ခိုက်ခဲ့သည့် ကြောင်ချောင်းရွာကို ခရိုင်ပါတီကော်မတီမှ ကျပ်သိန်း ၂၀၀ ကျော် ထောက်ပံ့

One Nation News/ ဧပြီ ၂၀၊ ၂၀၂၆

အကြမ်းဖက်မြန်မာစစ်တပ်က ဗုံးကြဲတိုက်ခိုက်ခဲ့သည့် ပလက်ဝခရိုင်အတွင်းရှိ ကြောင်ချောင်းရွာကို ခရိုင်ပါတီကော်မတီမှ ငွေကျပ်သိန်း ၂၀၀ ကျော်ကို ယမန်နေ့ ဧပြီလ ၁၉ ရက်နေ့ မွန်းတည့် ၁၀ နာရီ ဝန်းကျင်ခန့် က ကူညီ ထောက်ပံ့ပေးခဲ့ကြကြောင်းသိရသည်။

၂၀၂၆ ခုနှစ်၊ မတ်လ (၂၉) ရက်နေ့၊ ညနေ (၄) နာရီ (၀၅) မိနစ်အချိန်က ဖက်ဆစ် အကြမ်းဖက်မြန်မာစစ်တပ်သည် ပလက်ဝမြို့နယ်အတွင်းရှိ "ကြောင်ချောင်းကျေးရွာ" အား ဂျက်ဖိုက်တာ (၂) စီး ဖြင့် ဗုံးကြဲတိုက်ခိုက်မှု သုံးကြိမ်၊ ရော့ကတ်ဖြင့်တိုက်ခိုက်မှု နှစ်ကြိမ် ပြုလုပ်ခဲ့သည်။ အဆိုပါကျေးရွာအနီး မည်သည့်တိုက်ပွဲမှလည်းမရှိဘဲသူရဲဘောကြောင်စွာ လာရောက်ဗုံးကြဲတိုက်ခိုက်ခဲ့ခြင်းဖြစ်သည်။

အဆိုပါ ဗုံးကြဲတိုက်ခိုက်ခဲ့မှုကြောင့် ကြောင်ချောင်းကျေးရွာမှ  အသက် (၁၆) နှစ်အောက် ကလေး (၄) ဦးအပါအဝင် အပြစ်မဲ့အရပ်သားပြည်သူ စုစုပေါင်း (၇) ဦးသေဆုံးခဲ့ရပြီး နောက်ထပ် ကလေးငယ် ၂ ဦးအပါအဝင် (၄) ဦးလည်း ဒဏ်ရာရရှိခဲ့ကာ လူနေအိမ်များလည်း မီးလောင် ပျက်စီးဆုံးရှုံးခဲ့ရသည်။

ထို့ကြောင့် သေဆုံးသူ ၇ ယောက်အတွက် တစ်ယောက်ကို ငွေကျပ် သိန်း ၂၀ စီထောက်ပံ့ခဲ့သလို ဒဏ်ရာရသူ တစ်ယောက်ကို ငွေကျပ် ၇ သိန်းနဲ့ ၄ ယောက်၊ မီးလောင်ဆုံးရှုံးသွားတဲ့ နေအိမ် ၂ လုံးအတွက် ငွေကျပ် ၃၀ သိန်း၊ အလတ်စားပျက်စီးဆုံးရှုံးသွားခဲ့တဲ့ နေအိမ် ၃ လုံးအတွက် သိန်း ၃၀ တို့ကို ပလက်ဝခရိုင်၊ ခရိုင်ပါတီကော်မတီက ကူညီခဲ့ကြကြောင်းသိရသည်။

ကြောင်ချောင်းကျေးရွာတွင် အိမ်ခြေ ၅၀ ကျော်ကျော်သာရှိပြီး လူဦးရေ ၂၀၀ ကျော်သာရှိသည့် ကျေးရွာလေးတစ်ရွာဖြစ်ကြောင်းသိရသည်။

လက်ရှိတွင် အကြမ်းဖက် မြန်မာစစ်တပ်သည် ယခုရက်များအတွင်း အာရက္ခပြည်အား ဂျက် တိုက်လေယာဉ် သုံးစီး (သုံးစီးအထက်) နှင့် ကင်းထောက်လေယာဉ်များကို တပြိုင်တည်းသုံးကာ လေကြောင်းတိုက်ခိုက်မှုများကို ယခင်ကထက် ပိုမို သူရဲဘောကြောင်၊ အောက်တန်းကျစွာ ပြင်းပြင်းထန်ထန် ပြုလုပ်လာသောကြောင့် မိဘပြည်သူများ အနေဖြင့် ဖက်ဆစ် အကြမ်းဖက် စစ်ကော်မရှင်တပ်၏ လေကြောင်းအန္တရာယ်ကို အထူး သတိရှိကြပါရန် အာရက္ခပြည်သူ့အစိုးရမှ ရပ်ရွာများတွင် ဆိုင်းဘုတ်၊ ကားများဖြင့်လှည်ပတ်ပြီး အသိပေး နှိုးဆော်ထားသည်။

ONE NATION NEWS

Apr 20, 2026, 07:37 PM

📷 Photo

“ဝ”ဒေသအတွင်း တရားမဝင်ဝင်ရောက်မှုများကို UWSA တင်းကြပ်နှိမ်နင်း
(တရုတ်နိုင်ငံသား ၅၀၀ ကျော်ကို ၄ လအတွင်း ပြန်ပို့)

One Nation News/ဧပြီ ၂၀၊ ၂၀၂၆

“ဝ” ကိုယ်ပိုင်အုပ်ချုပ်ခွင့်ရဒေသအတွင်း တရားမဝင်ဝင်ရောက်လာသော နိုင်ငံခြားသားများအပေါ် တင်းကြပ်စွာ အရေးယူဆောင်ရွက်နေကြောင်း “ဝ” ပြည်တရားစီရင်ရေးကော်မတီ(WSP) ၏ ထုတ်ပြန်ချက်အရ သိရသည်။

အဆိုပါ ထုတ်ပြန်ချက်များအရ ၂၀၂၆ ခုနှစ် နှစ်ဦးပိုင်းမှ စတင်ကာ ဧပြီ ၂၀ ရက်အထိ တရားမဝင် ဝင်ရောက်လာသော တရုတ်နိုင်ငံသား စုစုပေါင်း ၅၂၆ ဦးကို ဖမ်းဆီး၍ မူလနိုင်ငံသို့ ပြန်လည်ပို့ဆောင်နိုင်ခဲ့ကြောင်း သိရသည်။

ယင်းအပြင် ဧပြီ ၁၃ ရက်တွင်လည်း တရုတ်ဘက်မှ အလိုရှိနေသော ရာဇဝတ်မှုဆိုင်ရာ သံသယရှိသူ ၁၁ ဦးကို နယ်စပ်ဂိတ်များမှတစ်ဆင့် ပြန်လည်လွှဲပြောင်းပေးခဲ့သည်ဟု
ထုတ်ပြန်ခဲ့သည်။

WSP ၏ ထုတ်ပြန်ချက်အရ မကြာသေးမီအပတ်အတွင်းလည်း တရုတ်နိုင်ငံသား ၂၀ ဦးကို ထပ်မံပြန်လည်ပို့ဆောင်ခဲ့ပြီး ယင်းတို့မှာ အွန်လိုင်းလိမ်လည်မှု (ကျားဖျန်) လုပ်ငန်းများနှင့် ဆက်စပ်သူများ၊ တရားမဝင် နယ်စပ်ဖြတ်ကျော်သူများနှင့် ရာဇဝတ်မှုဆိုင်ရာ တရားလိုလူများဖြစ်ကြောင်း ဖော်ပြထားသည်။

UWSA ဘက်မှ “ဝ” ဒေသသည် တရားမဝင်လုပ်ငန်းများနှင့် ရာဇဝတ်မှုများအတွက် လုံခြုံစခန်းတစ်ခုအဖြစ် ပုန်းကွယ်ရာနေရာ မဟုတ်ကြောင်းနှင့် ဥပဒေချိုးဖောက်သူ မည်သူမဆို အရေးယူခံရမည်ဟု သတိပေးထားသည်။

ပုံ-WSP

ONE NATION NEWS

Apr 20, 2026, 07:37 PM

📷 Photo

တစ်ပတ်အတွင်း အာရက္ခဒေသက မြို့သုံးမြို့ ဗုံးကြဲခံရမှု ရဟန်းအပါအဝင် ပြည်သူ ၁၄ ဦး ဒဏ်ရာရပြီး တစ်ဦးသေဆုံး

One Nation News/ဧပြီ ၂၀၊ ၂၀၂၆

အာရက္ခပြည်၊ ကျောက်တော်၊ ပုဏ္ဏားကျွန်း၊ မြောက်ဦးမြို့ရှိ အရပ်သား ပြည်သူများ နေထိုင်သည့်နေရာများ၊ စာသင်ကျောင်း၊ ဆေးရုံ၊ ဆေးခန်းများ၊ လျှပ်စစ်ဓာတ်အားပေးစက်ရုံများနှင့် ဘုန်းကြီးကျောင်းကဲ့သို့သော ဘာသာရေးအဆောက်အအုံများအပြင် အများပြည်သူသွားလာကြသည့် လမ်း၊ တံတားများအား ဂျက်ဖိုက်တာများဖြင့် လှည့်ပတ်ဗုံးကြဲတိုက်ခိုက်မှုများကို ဖက်ဆစ်အကြမ်းဖက် စစ်ကော်မရှင်တပ်မှ ယခုရက်သတ္တပတ်အတွင်း ဆက်တိုက်ပြုလုပ်ခဲ့သည်ဟု ယမန်နေ့ ဧပြီ ၁၉ရက်နေ့တွင် အာရက္ခတပ်တော်က သတင်းထုတ်ပြန်ထားသည်။

၂၀၂၆ ခုနှစ်၊ ဧပြီလ (၁၉) ရက်နေ့၊ နံနက် (၁၀) နာရီခန့်မှ (၁၀) နာရီခွဲအချိန်အထိ ဖက်ဆစ်အကြမ်းဖက် စစ်ကော်မရှင်တပ်သည် ပုဏ္ဏားကျွန်းမြို့နယ်၊ ရေဖြူကန်ကျေးရွာရှိ ယခင်နယ်စပ်ဒေသ တိုင်းရင်းသားလူငယ်များဖွံ့ဖြိုးရေး (နတလ) သင်တန်းကျောင်းနှင့် ပုဏ္ဏားကျွန်းမြို့ ရွာဟောင်းပိုင်းရပ်ကွက် နှင့် လျှပ်စစ်ဓာတ်အားပေး/မီးခွဲရုံ တို့အား ဂျက်ဖိုက်တာ (၃) စီးဖြင့် (၇) ကြိမ်တိုင်တိုင် ရှေ့ဆင့်နောက်ဆင့် လာရောက် ဗုံးကြဲတိုက်ခိုက်ခဲ့သည်။

ထိုသို့ တိုက်ခိုက်မှုကြောင့် မီးခွဲရုံ မီးလောင်ကျွမ်းသွားခဲ့ပြီး ရွာဟောင်းပိုင်းရပ်ကွက်တွင် လူနေအိမ် (၆) လုံး ပျက်စီးသွားကာ အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရရှိသွားခဲ့သည်။ထို့အပြင် ၂၀၂၆ ခုနှစ်၊ ဧပြီလ (၁၉) ရက်နေ့၊ မွန်းတည့် (၁၂) နာရီခန့်အချိန်တွင် ဖက်ဆစ်အကြမ်းဖက် စစ်ကော်မရှင်တပ်သည် ပုဏ္ဏားကျွန်းမြို့ နယ်၊ ငှက်ကြီးကျွန်းကျေးရွာအား ဂျက်ဖိုက်တာတစ်စီးဖြင့် တစ်ကြိမ်လာရောက် ဗုံးကြဲတိုက်ခိုက်ခဲ့ရာ အပြစ်မဲ့ အရပ်သားပြည်သူတစ်ဦး ထိခိုက်သေဆုံးသွားခဲ့သည်။

၂၀၂၆ ခုနှစ်၊ ဧပြီလ (၁၉) ရက်၊ နံနက် (၁၀) နာရီနှင့် နေ့လယ် (၁၂) နာရီခွဲအချိန်တို့တွင်လည်း မြောက်ဦးမြို့နယ်၊ ကျောက်ဆည်ပြင်ကျေးရွာ၊ ကျောက်ဆည်ပြင် ဘုန်းကြီးကျောင်းအား ဖက်ဆစ်အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် နှစ်ကြိမ်လာရောက် ဗုံးကြဲတိုက်ခိုက်ခဲ့သည်။

၎င်းတိုက်ခိုက်မှုကြောင့် ဘုန်းကြီးကျောင်း၊ သာသနိကအဆောက်အအုံများ နှင့် ဘုန်းကြီးကျောင်းပတ်ဝန်းကျင်ရှိ လူနေအိမ်အချို့တို့ မီးလောင်ပျက်စီးခဲ့ပြီး စာသင်နေကြသော စာသင်သား သံဃာတော်များအပါအဝင် အပြစ်မဲ့ပြည်သူ စုစုပေါင်း (၁၃) ဦး ထိခိုက်ဒဏ်ရာ ရရှိခဲ့ကြသည်။ ထို့အပြင် နွား (၅) ကောင် သေဆုံးပြီး (၁) ကောင် ဒဏ်ရာရရှိကာ ဆိတ် (၁) ကောင် သေဆုံးသွားခဲ့ရသည်။

ကျောက်တော်မြို့နှင့် ပလက်ဝမြို့ရှိ အရပ်သားပြည်သူလူထုများနေထိုင်သည့် နေရာအချို့ကိုလည်း ဖက်ဆစ်အကြမ်းဖက် စစ်ကော်မရှင်တပ်သည် ဂျက်ဖိုက်တာ (၅) စီး နှင့် Y12 (၂) စီးတို့ဖြင့် ရှေ့ဆင့်နောက်ဆင့် တချိန်တည်းတွင် ဗုံးကြဲတိုက်ခိုက်ခဲ့မှုများကို ယခုရက်သတ္တပတ်အတွင်း ပြုခဲ့သည်။

ဓာတ်ပုံ - AA Info Desk

ONE NATION NEWS

Apr 20, 2026, 07:37 PM

📷 Photo

မြောက်ဦးမြို့နယ် ကျောက်ဆည်ပြင်ရွာ ဘုန်းကြီးကျောင်းကို အကြမ်းဖက်စစ်တပ် ဗုံးကြဲတိုက်ခိုက်မှုကြောင့် ရဟန်းသံဃာအပါအဝင် အပြစ်မဲ့ပြည်သူ ၁၀ ကျော် ထိခိုက်ဒဏ်ရာရ

One Nation News/ ဧပြီ ၁၉၊၂၀၂၆

အကြမ်းဖက်မြန်မာစစ်တပ်သည် မြောက်ဦးမြို့နယ်၊ ကျောက်ဆည်ပြင်ကျေးရွာကို ယနေ့ ဧပြီလ ၁၉ ရက်နေ့၊ နံနက်ပိုင်းတွင်် နှစ်ကြိမ်တိုင်တိုင် လေကြောင်းကနေ ဗုံးကြဲတိုက်ခိုက်မှု ပြုလုပ်ခဲ့ကြောင်း ဒေသခံများထံမှ သိရသည်။

အကြမ်းဖက်စစ်တပ်သည် ကျောက်ဆည်ပြင်ကျေးရွာအနီးဝန်းကျင်ကို ယနေ့ နံနက် ၁၀ နာရီခန့်တွင် ပထမတစ်ကြိမ် ပေါင် ၅၀၀ ဗုံး နှစ်လုံး ကြဲချတိုက်ခိုက်ခဲ့ပြီး၊ မွန်းလွှဲ ၁၂ နာရီခွဲတွင် ဒုတိယတစ်ကြိမ်အဖြစ် ကျောက်ဆည်ပြင်ရွာ ဘုန်းကြီးကျောင်းကို ပေါင် ၅၀၀ ဗုံးနှစ်လုံးဖြင့် ဂျက်လေယာဥ်ဖြင့် လာရောက် ဗုံးကြဲတိုက်ခိုက်ခဲ့သည်။

ထိုသို့အကြမ်းဖက်မြန်မာစစ်တပ်၏ ဗုံးကြဲတိုက်ခိုက်မှုကြောင့် ကျောက်ဆည်ပြင်ကျေးရွာတွင် သီတင်းသုံးနေထိုင်လျက်ရှိသည့် ရဟန်းသံဃာ သုံးပါးမှာ ထိခိုက်ဒဏ်ရာရရှိသွားပြီး ကျောက်ဆည်ပြင်ကျေးရွာမှ ဒေသခံအမျိုးသား ၁၂ ဦးနှင့် အမျိုးသမီး ၂ ဦးမှာလည်း ထိခိုက်ဒဏ်ရာရရှိသွားကြောင်း သိရသည်။

ကျောက်ဆည်ပြင်ဘုန်းကြီးကျောင်း ဗုံးကြဲတိုက်ခိုက်ခံရမှုအတွင်း ထိခိုက်ဒဏ်ရာရထားသူများအနက် ရဟန်းသံဃာတစ်ပါးမှာ စိုးရိမ်ရကြောင်း ဒေသခံများက ပြောသည်။

၎င်းအပြင် ကျောက်ဆည်ပြင်ကျေးရွာရှိ အပြစ်မဲ့ပြည်သူများတွင် မွေးမြူထားသည့် နွား ၅ ကောင်နှင့် ဆိတ်တစ်ကောင်မှာလည်း သေဆုံးသွားကြောင်း သိရသည်။

ဖက်ဆစ်အကြမ်းဖက်စစ်တပ်၏ ကျောက်ဆည်ပြင်ရွာကို နှစ်ကြိမ်တိုင်တိုင် ဗုံးကြဲတိုက်ခိုက်မှုသည် စစ်ရေးပစ်မှတ်မဟုတ်သည့် အရပ်သားပြည်သူများ နေထိုင်ရာ အရပ်ဒေသနှင့် ရဟန်းရှင်လူတို့ သီတင်းသုံးရာ ဘုန်းကြီးကျောင်းကို ရည်ရွယ်ချက်ရှိရှိ အကြမ်းဖက် တိုက်ခိုက်ခဲ့ခြင်းလည်း ဖြစ်ပြီး အရပ်သားပြည်သူများအပေါ် ပြောင်ပြောင်တင်းတင်းကျူးလွန်သည့် စစ်ရာဇဝတ်မှုလည်း ဖြစ်သည်။

အကြမ်းဖက်မြန်မာစစ်တပ်သည် ယနေ့ ဧပြီလ ၁၉ ရက်နေ့တစ်ရက်တည်းမှာပင် ပုဏ္ဏားကျွန်းမြို့ကိုလည်း ဂျက်တိုက်လေယာဥ် သုံးစီးကို အသုံးပြုပြီး ဗုံးကြဲတိုက်ခိုက်ခဲ့သည်။

ဓာတ်ပုံ- မြန်မာစစ်တပ်ဗုံးကြဲမှုကြောင့် မီးလောင် ပျက်စီးနေသည့် ကျောက်ဆည်ပြင် ဘုန်းကြီးကျောင်းနှင့် ရဟန်းသံဃာ၊ ပြည်သူများ

Showing 30 of 36 posts

Loading posts...