Khit Thit Media

Public

View Channel

6.6K

120.1K

Can't Join? @khitthitnews

397.7k Members

Updated: May 11, 2026 at 10:48 AM

Khit Thit Media

ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/

@khitthitnews offers specialized information about httpsyktnewscom for subscribers interested in World News

Ranking

Global Ranking

#456

Language Ranking

#45

Category Ranking

#23

-1

Participant Growth (Last 10 Days)

Total: 397.7K

24h growth: -7746 2%

Latest Posts

Khit Thit Media

May 12, 2026, 02:10 PM

ကနီနှင့် ကျောက်ကြီးမြို့နယ်ရှိ ကျေးရွာများကို စစ်တပ်က လေကြောင်း၊ လက်နက်ကြီးများဖြင့် တိုက်ခိုက်မှု ပြည်သူ ၄ ဦးသေဆုံးပြီး မြေပြင်တွင်လည်း စစ်ကြောင်းထိုးနေ၍ ရွာပေါင်း ၄၀ ကျော်မှ ပြည်သူများ တိမ်းရှောင်နေရ

ရန်ကုန်၊ မေ ၁၂

စစ်ကိုင်းတိုင်း၊ ကနီမြို့နယ်ရှိ ကျေးရွာများကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခြင်းကြောင့် ပြည်သူ ၄ ဦးသေဆုံးပြီး မြေပြင်တွင်လည်း စစ်ကြောင်းထိုးနေ၍ ရွာပေါင်း ၄၀ ကျော်မှ ပြည်သူများ တိမ်းရှောင်နေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

မေလ ၁ ရက်နေ့ နံနက် ၁၀ နာရီ ၃၇ မိနစ်ခန့်တွင် ကနီမြို့နယ်၊ ညောင်သူများရွာ အနီးရိ စစ်ဘေးရှောင် ပြည်သူများ နေထိုင်ရာ တောတဲများကို စစ်တပ်က ဒရုန်းဖြင့် ဗုံးကျဲ တိုက်ခိုက်ခဲ့ကြောင်း၊ ယင်းနေ့ ည ၁၁ နာရီကျော်ခန့်တွင်လည်း တံတားဦးလေတပ်မှတက်သော ဂျက်ဖိုက်တာ ၂ စီးက မင်းမရွာနှင့် သမင်ခြံရွာတို့ကို လေကြောင်း တိုက်ခိုက်ခဲ့ပြီး နေအိမ်များ ပျက်စီးခဲ့ကြောင်း သိရသည်။

မေလ ၅ ရက်နေ့ နံနက် ၁၁ နာရီခန့်တွင် ကနီမြို့ပေါ်ရှိ အကြမ်းဖက် စစ်တပ်က ဒရုန်းဖြင့် ကနဲရွာကို ဗုံးကျဲ တိုက်ခိုက်ခဲ့ပြီး နေအိမ် ၁ လုံးပျက်စီးခဲ့ကြောင်း၊ မေလ ၇ ရက်နေ့တွင် နံနက် ၁၀ နာရီခန့်တွင် မိတ္ထီလာလေတပ်မှ တက်သော ဂျက်ဖိုက်တာ ၁ စီးက ဝင်မနားရွာကို လေကြောင်း တိုက်ခိုက်ခဲ့ပြီး ပြည်သူ ၂ ဦးသေဆုံးခဲ့ကြောင်း၊ မေလ ၈ ရက်နေ့ မွန်းလွဲ ၁၂ နာရီ ၃၀ မိနစ်ခန့်တွင် မုံရွာမြို့ နမခ မှ တက်လာသော အသေခံဒရုန်း ၂ စီးသည် စစ်ဘေးရှောင် ပြည်သူများကို ဗုံးကျဲ တိုက်ခိုက်ခြင်းကြောင့် အသက် ၂၇ နှစ်အရွယ် စစ်ရှောင် အမျိုးသား ၁ ဦးသေဆုံးခဲ့ပြီး ၃ ဦး ဒဏ်ရာရရှိကာ ကား ၁ စီးပျက်စီးခဲ့ကြောင်း သိရှိရသည်။

မေလ ၉ ရက်နေ့တွင် မွန်းလွဲ ၁၂ နာရီ ကျော်ခန့်တွင် မုံရွာ နမခ မှ တက်လာသော အသေခံဒရုန်း ၂ စီးသည် ကနီ-မင်းကင်း လမ်းပိုင်းကို ဗုံးကျဲ တိုက်ခိုက်ခဲ့ကြောင်း၊ ယင်းနေ့ မွန်းလွဲ ၁ နာရီ ကျော်ခန့်တွင်လည်း တံတားဦး လေတပ်မှတက်သော ဂျက်ဖိုက်တာ ၁ စီးသည် ကနီ-မင်းကင်း လမ်းပိုင်းကို လေကြောင်း တိုက်ခိုက်မှု ထပ်မံ ပြုလုပ်ခဲ့ပြီး အသက် ၅ဝ နှစ် အရွယ် အမျိုးသမီး ၁ ဦး နှလုံးရပ်၍ သေဆုံးခဲ့ကြောင်း သိရသည်။

ထို့ပြင် ကနီမြို့နယ် အတွင်းကိုလည်း မေလ ၂၈ ရက်နေ့မှ စတင်ပြီး အကြမ်းဖက် စစ်တပ်က စစ်ကြောင်းထိုးနေ၍ ကျေးရွာ ၄၄ ခုမှ ပြည်သူ ၃၀၀၀၀ ကျော် ဘေးလွတ်ရာ ထွက်ပြေး တိမ်းရှောင်နေရပြီး စားနပ်ရိက္ခာများ အရေးပေါ်လိုအပ်နေကြောင်း၊ ထိုအကြမ်းဖက် စစ်တပ် စစ်ကြောင်းသည် မုံရွာ-ယာ​ကြီး-ကလေးဝ လမ်းပိုင်းရှိ ယာကြီးကျေးရွာအုပ်စုအတွင်း ဆက်လက် စစ်ကြောင်းထိုးနေဆဲဖြစ်ကြောင်း သိရှိရသည်။

"ကနီနယ်ထဲမှာ စစ်ခွေးစစ်ကြောင်းကော လေကြောင်း တိုက်ခိုက်တာကော ဆက်တိုက်လုပ်နေဆောင်နေပါတယ်။ အခုပြည်သူတွေက စစ်ခွေးစစ်ကြောင်း အန္တရာယ်ရော လေကြောင်း တိုက်ခိုက်တာတွေကြောင့် ဘေးလွတ်ရာကို ထွက်ပြေး တိမ်းရှောင်နေရတယ်။ စားနပ်ရိက္ခာတွေလည်း လိုအပ်နေပါတယ်" ဟု ဒေသပြည်သူတစ်ဦးကပြောဆိုသည်။

ထို့ပြင် ယင်းမာပင်ခရိုင်အတွင်း လတ်တလောဖြစ်ပေါ်နေသော စစ်ရေးအခြေအနေများကြောင့် ပြည်သူများအနေဖြင့် မုံရွာ – ယာကြီး – ကလေးဝလမ်း ၊ ညောင်ပင်ကြီး – ယင်းမာပင်လမ်း နှင့် ဖိုလ်ဝင်တောင် – ယင်းမာပင်လမ်း တို့ကို လုံးဝ (လုံးဝ) အသုံးမပြုကြရန်နှင့် အကြမ်းဖက် စစ်တပ်နှင့် အချိန်မရွေး တိုက်ပွဲများ ဖြစ်ပွားနိုင်ပြီး ထိတွေ့တိုက်ပွဲအတွင်း ရောက်ရှိသွားပါက ပြည်သူ့တော်လှန်ရေးတပ်ဖွဲ့များအနေဖြင့် တစ်စုံတစ်ရာ တာဝန်ယူပေးနိုင်မည် မဟုတ်ကြောင်း ယင်းမာပင်ခရိုင် ပကဖ ကလည်း အသိပေး ထုတ်ပြန်ထားသည်။

အလားတူ ပဲခူးတိုင်း၊ ကျောက်ကြီးမြို့နယ်တွင်လည်း အကြမ်းဖက် စစ်တပ်က လက်နက်ကြီးများ ပစ်ခတ် တိုက်ခိုက်ခြင်းကြောင့် ပြည်သူ ၃ ဦး ထိခိုက်ဒဏ်ရာရရှိကာ နေအိမ် ၁ လုံး နှင့် ဘုန်းကြီးကျောင်း ၁ ကျောင်း ထိခိုက်ပျက်စီးခဲ့ကြောင်း KNU ဗဟိုက ထုတ်ပြန်ထားသည်။

မေလ ၇ ရက်နေ့တွင် အကြမ်ဖက် စစ်တပ်က သံဆိပ်မှနေပြီး ၈၁ မမ လက်နက်ကြီး ၂ လုံး ပစ်ခတ်ခဲ့ရာ လက်ကောက်ဝ ကျေးရွာအတွင်းသို့ ကျရောက် ပေါက်ကွဲခဲ့ပြီး အသက် ၄၂ နှစ်အရွယ် စောမောင်လှ ၊ အသက် ၂၅ နှစ်အရွယ် နော်စိုးမိုးနှင့် အသက် ၁၇ နှစ်အရွယ် နော်ရင်ကြည် တို့ ၃ ဦး ထိခိုက်ဒဏ်ရာ ရရှိခဲ့ကြောင်း၊ မေလ ၅ ရက်နေ့ တွင်လည်း ရွှေဝါတပ်ရင်းရှိ အကြမ်းဖက် စစ်တပ်က ဟောင်ဝှစ်ဇာ လက်နက်ကြီး ၁ လုံး ပစ်ခတ်ခဲ့ရာ လိမ်ပင်ဝဲ ကျေးရွာအတွင်း ကျ‌ရောက်ပေါက်ကွဲခဲ့ပြီး နေအိမ် နှင့် ကျေးရွာဘုန်းကြီးကျောင်း ထိမှန်ပျက်စီးခဲ့ကြောင်း သိရသည်။

အကြမ်းဖက် စစ်တပ်က နိုင်ငံတကာတွင် တရားဝင်မှုရရှိရန် အတုအယောင် ရွေးကောက်ပွဲကို ဆောင်ရွက်ခဲ့ပြီး အတုအယောင်အစိုးရတစ်ရပ်ကို ဖွဲ့စည်းနိုင်ရေး ကြိုးပမ်း နေသော်လည်း ပကတိ မြေပြင် တွင်မှု အရပ်သားပြည်သူလူထုများအား ရည်ရွယ်ချက်ရှိရှိ ပစ်မှတ် ထားကာ လေကြောင်းတိုက်ခိုက်မှုများ နှင့် လက်နက်ကြီးပစ်ခတ်တိုက်ခိုက်မှုများကို ကျူးလွန်လျက် ရှိပြီး စစ်ရာဇဝတ်မှု များအား ပြောင်ပြောင် တင်းတင်းချိုးဖောက်လျက်ရှိကြောင်း KNU က ပြောဆိုထားသည်။

1,670

Khit Thit Media

May 12, 2026, 02:10 PM

📷 Photo

1,680

Khit Thit Media

May 12, 2026, 02:10 PM

📷 Photo

3,720

Khit Thit Media

May 12, 2026, 02:10 PM

ထိုင်းနိုင်ငံအတွင်းသို့ နည်းလမ်းမျိုးစုံဖြင့် ခိုးဝင်လာသော တရားမဝင် မြန်မာအလုပ်သမား ၇၇ ဦးတို့ကို ထိုင်းအာဏာပိုင်များက ဖမ်းဆီး၊ ခိုးဝင်လာသူအများစုမှာ လူငယ်များဖြစ်နေ

ရန်ကုန်၊ မေ ၁၂

ထိုင်းနိုင်ငံ၊ နေရာအနှံ့အပြားတွင် နည်းလမ်းမျိုးစုံဖြင့် ခိုးဝင်လာသော တရားမဝင် မြန်မာအလုပ်သမား ၇၇ ဦးတို့ကို ထိုင်းအာဏာပိုင်များက ဖမ်းဆီးလိုက်ကြောင်း ထိုင်းသတင်းများအရ သိရှိရသည်။

ယမန်နေ့ မေလ ၁၁ ရက်နေ့ မွန်းလွဲ ၃ နာရီခန့်အချိန် ထိုင်းနိုင်ငံ၊ ချင်းရိုင်ခရိုင်အတွင်းရှိ နေအိမ် ၁ လုံးတွင် ဘန် ကောက်မြို့သို့ သွားရောက်အလုပ်လုပ်ကိုင်ရန် စောင့် ဆိုင်းနေကြ‌သော တရားမဝင် အထောက်အထားမဲ့ မြန်မာအလုပ်သမား ၃၆ ဦးကို ထိုင်းအာဏာပိုင်များက ဖမ်းဆီးလိုက်ကြောင်း ၊ ချင်းရိုင်ခရိုင်၊ ပါအော့ဒွန်ချိုင်း ကျေးရွာရှိ အိမ်အမှတ်မရှိသော နေအိမ် ၁ လုံးကို ထိုင်းအာဏာပိုင်များက ဝင်ရောက်စစ်ဆေးမှုများ ပြုလုပ်ခဲ့ရာ မြန်မာနိုင်ငံသား အမျိုးသား ၁၇ ဦးနှင့် အမျိုးသမီး ၁၉ ဦး၊ စုစုပေါင်း ၃၆ ဦးတို့ကို ဖမ်းဆီးခဲ့ကြောင်း သိရသည်။

ဖမ်းဆီးခံရသူများ၏ ထွက်ဆိုချက်အရ ၎င်းတို့သည် ဘန်ကောက်မြို့နှင့် အနီးတစ်ဝိုက်ရှိ ခရိုင်များသို့ သွားရောက် အလုပ်လုပ်ကိုင်ရန် ပွဲစားခအဖြစ် တစ်ဦးလျှင် ထိုင်းဘတ်ငွေ ၅,၀၀၀ မှ ၁၀,၀၀၀ အထိ ပေးဆောင်ခဲ့ရကာ မယ်ဆိုင်နယ်စပ်မှတစ်ဆင့် ထိုင်းနိုင်ငံအတွင်းသို့ တရားမဝင် ဝင်ရောက်လာခဲ့ပြီး ယခုဖမ်းဆီးခံရသည့် နေအိမ်တွင် ခေတ္တတည်းခိုကာ မြို့တွင်းသို့ ဆက်လက်ဝင်ရောက်ရန် စောင့်ဆိုင်းနေစဉ် ဖမ်းဆီးခံရခြင်းဖြစ်ကြောင်း သိရှိရသည်။

ထိုသို့ ဖမ်းဆီးရမိသော မြန်မာအလုပ်သမားများကို ကိုယ်ရေးအချက်အလက်မှတ်တမ်းများ ယူခြင်းနှင့် အမည်ပျက်စာရင်း သွင်းခြင်းများ ပြုလုပ်ခဲ့ပြီး မယ်ဆိုင်မြို့ရှိ အမှတ် ၁ ချစ်ကြည်ရေးတံတားမှတစ်ဆင့် မြန်မာနိုင်ငံသို့ ပြန်လည်ပို့ဆောင်မည်ဖြစ်ကြောင်း သိရှိရသည်။

ထိုသို့ ဝင်ရောက်ဖမ်းဆီးမှုသည် ပြီးခဲ့သည့် ရက်ပိုင်းက ဖိစနုလောက့်ခရိုင်တွင် တရားမဝင် မြန်မာအလုပ်သမား ၁၄၉ ဦးကို ဖမ်းဆီးရမိခဲ့ရာမှ ကွင်းဆက် စုံစမ်းမှုများပြုလုပ်၍ ထပ်မံဖမ်းဆီးနိုင်ခဲ့ခြင်းဖြစ်ကြောင်း၊ လက်ရှိချိန်တွင် ထိုင်းအာဏာပိုင်များက အဆိုပါ လူမှောင်ခိုကွန်ရက်တွင် ပါဝင်ပတ်သက်နေသည့် ပွဲစားများနှင့် အပေါင်းအပါများကို ဥပဒေအရ အရေးယူနိုင်ရန်အတွက် ဆက်လက်စုံစမ်း ဖော်ထုတ်နေကြောင်း သိရှိရသည်။

အလားတူ မေလ ၇ ရက်နေ့ကလည်း ထိုင်းနိုင်ငံ၊ ရာ့ချ်ဘူရီခရိုင်၊ ပတ်ထော်မြို့နယ်အတွင်း ရာ့ချ်ဘူရီခရိုင် ရဲတပ်ဖွဲ့သည် သတင်းပေးချက်အရ ဖက်ကစင်လမ်းမကြီးပေါ်တွင် လမ်းပိုင်းစစ်ဆေးရေးများ လုပ်ဆောင်နေစဉ် အဖြူရောင် Toyota ပစ်ကပ်ကားတစ်စီးကို သံသယဖြစ်ဖွယ် တွေ့ရှိခဲ့ကာ ထိုကားမှာ အနောက်ခန်းကို အလုံပိတ်ထားပြီး လမ်းနှင့်ထိလုနီးပါး ဖြစ်နေ၍ ရဲတပ်ဖွဲ့က ကြားဖြတ်တားဆီး စစ်ဆေးခဲ့ကြောင်း သိရှိရသည်။

ထိုသို့ စစ်ဆေးရာတွင် ကားအနောက်ခန်းအတွင်းပိုင်းတွင် အထပ် ၂ ထပ်ဖြစ်အောင် ပြုပြင်ထားပြီး အပေါ်ထပ်တွင် မြန်မာနိုင်ငံသား အမျိုးသား ၁၄ ဦးနှင့် အောက်ထပ်တွင် မြန်မာနိုင်ငံသား အမျိုးသမီး ၁၂ ဦး၊ စုစုပေါင်း ၂၆ ဦးကို ပြည့်နှက်နေအောင် တင်ဆောင်လာသည်ကို တွေ့ရှိခဲ့ရ၍ ထိုင်းရဲတပ်ဖွဲ့မှ မြန်မာနိုင်ငံသားများနှင့် ယာဉ်မောင်းဖြစ်သူ ထိုင်းနိုင်ငံသား ၁ ဦးကို ဖမ်းဆီးခဲ့ကြောင်း သိရသည်။

ဖမ်းဆီးရမိသူများ၏ ထွက်ဆိုချက်အရ ၎င်းတို့သည် ဟတ်ယိုင်မြို့သို့ သွားရောက်အလုပ်လုပ်ကိုင်ရန်အတွက် ပွဲစားခအဖြစ် တစ်ဦးလျှင် ဘတ် ၅,၈၀၀ ပေးဆောင်ခဲ့ရကြောင်း၊ ယာဉ်မောင်းဖြစ်သူ အသက် ၂၃ နှစ်အရွယ် ထိုင်းနိုင်ငံသား အမျိုးသားက မြန်မာအလုပ်သမားများကို ကျွမ်းဘန်းမြို့နယ်မှ ဟတ်ယိုင်သို့ ပို့ဆောင်ပေးရန် တစ်ဦးလျှင် ဘတ် ၂,၀၀၀ (စုစုပေါင်း ဘတ် ၅၀,၀၀၀) ရရှိကြောင်းနှင့် ထိုသို့ ပို့ဆောင်ပေးခြင်းကို ၂ ကြိမ်မြောက် ပြုလုပ်ခြင်းဖြစ်ကြောင်း ဝန်ခံထားသည်။

ထိုသို့ ဖမ်းဆီးခံရသော မြန်မာနိုင်ငံသား ၂၆ ဦးနှင့် ကားမောင်းသူကို ပတ်ထော်မြို့နယ်ရဲစခန်းသို့ ပို့ဆောင်ကာ ဥပဒေအရ အရေးယူထားပြီး ကွင်းဆက်တရားခံများနှင့် ပွဲစားများကို ဖုန်းအချက်အလက်များမှတစ်ဆင့် ဆက်လက်ဖော်ထုတ်လျက်ရှိကြောင်း သိရှိရသည်။

ထို့ပြင် မေလ ၈ ရက်နေ့ကလည်း ထိုင်းနိုင်ငံ၊ အယုဒ္ဓယခရိုင် အဝေးပြေးရဲတပ်ဖွဲ့သည် လူဝင်မှုကြီးကြပ်ရေးအဖွဲ့နှင့် ပူးပေါင်း၍ အဝေးပြေးလမ်းမကြီးအမှတ် ၃၂၆၃ ပေါ်တွင် စစ်ဆေးမှုများ ပြုလုပ်နေစဉ် သံသယဖြစ်ဖွယ် ကား ၂ စီးကို တွေ့ရှိခဲ့၍ ထိုကား ၂ စီးကို ထိုင်းအာဏာပိုင်များက တားဆီးစစ်ဆေးရာ မှန်အမည်းရောင်များ ကပ်ထားသော ဒုတိယမြောက်ကားအတွင်း၌ နိုင်ငံကူးလက်မှတ်နှင့် အထောက်အထား တစ်စုံတစ်ရာမရှိသည့် မြန်မာအလုပ်သမား ၁၃ ဦးကို ပြည့်နှက်နေအောင် တင်ဆောင်လာသည်ကို တွေ့ရှိခဲ့ကာ ယာဉ်မောင်းဖြစ်သူ မြန်မာနိုင်ငံသား ၂ ဦးနှင့် မြန်မာအလုပ်သမား ၁၃ ဦးတို့ ဖမ်းဆီးခံခဲ့ရကြောင်း သိရသည်။

Khit Thit Media

May 12, 2026, 02:10 PM

ဖမ်းဆီးရမိသူများ၏ ထွက်ဆိုချက်အရ မြန်မာအလုပ်သမားများကို နခွန်စဝမ်ခရိုင်မှတစ်ဆင့် ဘန်ကောက်နှင့် ဆင်ခြေဖုံးဒေသများသို့ ပို့ဆောင်ပေးရန်ဖြစ်ကြောင်း၊ ပို့ဆောင်ပေးသူ မြန်မာနိုင်ငံသား ၂ ဦးမှာ လူမှုကွန်ရက်များမှ ဆက်သွယ်လုပ်ကိုင်နေသူများဖြစ်ပြီး ယခုကဲ့သို့ ပို့ဆောင်ပေးခြင်းကို အကြိမ်ကြိမ် ပြုလုပ်ခဲ့ဖူးကြောင်း ဝန်ခံထွက်ဆိုထားသည်။

မြန်မာအလုပ်သမား ၁၃ ဦးသည် မြန်မာနိုင်ငံဘက်မှ တာ့ခ်ခရိုင်၊ မဲဆောက်မြို့နယ်ရှိ သဘာဝတောလမ်းကြောင်းများမှ ထိုင်းနိုင်ငံအတွင်းသို့ တရားမဝင် ဝင်ရောက်လာခြင်းဖြစ်ပြီး အလုပ်အကိုင်ရရှိရန်အတွက် ပွဲစားခအဖြစ် တစ်ဦးလျှင် ထိုင်းဘတ်ငွေ ၂၀,၀၀၀ ခန့် ပေးဆောင်ခဲ့ရကြောင်း၊ ထိုသို့ ဖမ်းဆီးရမိသူများကို ဘန်ဆောင်းမြို့နယ် ရဲစခန်းသို့ ပို့ဆောင်ကာ ဥပဒေအရ ထိရောက်စွာ အရေးယူနိုင်ရန် ဆောင်ရွက်လျက်ရှိကြောင်း သိရှိရသည်။

ထိုင်းနိုင်ငံတွင် မြန်မာအလုပ်သမားများကို ကူညီပေးနေသော အလုပ်သမားအရေး လှုပ်ရှားသူများ၏ အဆိုအရ ယခုလပိုင်းအတွင်း ဖမ်းဆီးခံရသော တရားမဝင် မြန်မာအလုပ်သမားများမှာ အသက် ၁၈ နှစ်မှ အသက် ၄၀ နှစ်အတွင်း လူငယ် အမျိုးသား၊ အမျိုးသမီးများအများဆုံးဖြစ်ကြောင်း ပြောဆိုကြသည်။

3,780

Khit Thit Media

May 12, 2026, 02:10 PM

📷 Photo

5,220

121

Khit Thit Media

Apr 2, 2026, 02:36 PM

📷 Photo

7,800

215

Khit Thit Media

Apr 2, 2026, 02:36 PM

Khit Thit သတင်းဌာန၏ ဧပြီ ၂ ရက် နေလယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဧပြီ ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

မြန်မာနိုင်ငံအတွင်း စက်သုံးဆီသုံးစွဲမှုလျှော့ချနိုင်ရေးအတွက်ဆိုပြီး ယာဉ်အိုယာဉ်ဟောင်းတွေကို EV-လျှပ်စစ်ကားတွေနဲ့ အစားထိုးဖို့ အကြမ်းဖက် မင်းအောင်လှိုင်က မူဝါဒချမှတ်လိုက်ပြန်သလို ၊ အဲ့ဒီ့ EV လျှပ်စစ်ကားအများဆုံးတင်သွင်းသူတွေဟာ သူ့ရဲ့ သားနဲ့သမီးတွေပဲဖြစ်နေပါတယ်။

အာရက္ခတပ်တော် AA သိမ်းပိုက်ထားတဲ့ သံတွဲမြိုနယ်ကို အကြမ်းဖက် စစ်တပ်က လေကြောင်း တိုက်ခိုက်မှုအတွင်း ကလေးငယ် ၂ ဦး အပါအဝင် ပြည်သူ ၄ ဦး သေဆုံးထားသလို ၊ စစ်တပ်ဦးစီးချုပ် အသစ်ဖြစ်လာတဲ့ ရဲဝင်းဦးလက်ထက်မှာ ပထမဆုံးကျူးလွန်တဲ့ စစ်ရာဇဝတ်မှုဖြစ်တယ်လို့ အာရက္ခတပ်တော် AA က ထုတ််ပြန်ပြောဆိုလိုက်ပါတယ်။

မကွေးတိုင်း၊ မြိုင်မြို့နယ် နဲ့ပေါက်မြို့နယ်ထဲက ရေနံထွက်ရှိရာနေရာအချို့မှာ အမျိုးသား ညီညွတ်ရေး အစိုးရ(NUG) ကာကွယ်ရေးဝန်ကြီးဌာန (MOD)ရဲ့တပ်ရင်းတွေက အင်အားအလုံးရင်းနဲ့ ဝင်ရောက်နေရာယူလာတာကြောင့် ဒေသခံတပ်ဖွဲ့တွေနဲ့ ပွတ်တိုက်မှုတွေရှိနေတယ်လို့ စစ်ရေး သတင်းရင်းမြစ်တွေဆီက သိရပါတယ်။

အရှေ့အလယ်ပိုင်းက စစ်ပွဲအတွင်း အီရန်က ပိတ်ဆို့ထားတဲ့ ဟော်မုဇ်ရေလက်ကြား ပြန်ဖွင့်နိုင်ရေးအတွက် ဗြိတိန်က နိုင်ငံပေါင်း ၃၅ နိုင်ငံနဲ့ အစည်းအဝေးပွဲ လက်ခံကျင်းပမယ့် သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
https://youtu.be/REkbb19EGDI?si=hYqd4Qo9q3D9BW7s

8,100

Khit Thit Media

Apr 2, 2026, 02:36 PM

အကြမ်းဖက် မင်းအောင်လှိုင်၊ ညိုစောနှင့် နန်းနီနီအေးတို့က သမ္မတ အရည်အချင်းသတ်မှတ်ချက်နှင့်ပြည့်စုံဟုဆိုကာ ဧပြီလ ၃ ရက်နေ့တွင် သမ္မတ ရွေးချယ်မည်ဟု ကြေညာ၊ မင်းအောင်လှိုင် သမ္မတဖြစ်လာမည်ဟုဆို

ရန်ကုန်၊ ဧပြီ ၂

အကြမ်းဖက် မင်းအောင်လှိုင်၊ ညိုစောနှင့် နန်းနီနီအေးတို့က သမ္မတ အရည်အချင်းသတ်မှတ်ချက်နှင့်ပြည့်စုံဟုဆိုကာ ဧပြီလ ၃ ရက်နေ့တွင် သမ္မတ ရွေးချယ်မည်ဟု အကြမ်းဖက် လွှတ်တော်က ယနေ့ ကြေညာသည်။

ကြံ့ဖွတ်ပါတီက ကြီးစိုးထားသော အကြမ်းဖက် ပြည်သူ့လွှတ်တော်ကိုယ်စားလှယ် အစုအဖွဲ့က မင်းအောင်လှိုင်ကို ဒုတိယသမ္မတအဖြစ်လည်းကောင်း၊ အကြမ်းဖက် အမျိုးသားလွှတ်တော်ကိုယ်စားလှယ်အစုအဖွဲ့က နန်းနီနီအေးကို ဒုတိယသမ္မတအဖြစ်လည်းကောင်း၊ အကြမ်းဖက်စစ်တပ်ကိုယ်စားလှယ်အစုအဖွဲ့က ညိုစောကို ဒုတိယသမ္မတအဖြစ်လည်းကောင်း အသီးသီး ရွေးချယ်ခဲ့ကြပြီးနောက် ယနေ့တွင် အကြမ်းဖက် ဒုသမ္မတ ၃ ဦးလုံးသည် သမ္မတ အရည်အချင်းသတ်မှတ်ချက်နှင့် ကိုက်ညီသည်ဟု အောင်လင်းဒွေးက ကြေညာခဲ့သည်။

ယင်းနောက် ဧပြီလ ၃ ရက်နေ့တွင် အကြမ်းဖက် လွှတ်တော်က သမ္မတ ရွေးချယ်ပွဲ ပြုလုပ်မည်ဖြစ်ပြီး ယင်းရွေးချယ်ပွဲတွင် မင်းအောင်လှိုင်ကို သမ္မတ အဖြစ် တင်မြှောက်ကြမည်ဖြစ်ကြောင်း ကြံ့ခိုင်ရေးပါတီ သတင်းရင်းမြစ်က ပြောဆိုသည်။

"ဦးမင်းအောင်လှိုင်ကို သမ္မတ ရွေးချယ်ပွဲ မနက်ဖြန် အမတ်တွေအားလုံး မပျက်မကွက်တက် ဖို့ စည်း/ကော်က (ကြံ့ဖွတ်ပါတီ စည်းကမ်းထိန်းသိမ်းရေးကော်မတီ)မှာပါတယ်။ မနက် ဖြန် ၁၀ နာရီ လွှတ်တော်စမယ်" ဟု ကြံ့ခိုင်ရေးပါတီ သတင်းရင်းမြစ်က ပြောဆိုသည်။

အကြမ်းဖက် မင်းအောင်လှိုင်သည် စစ်ဦးစီးချုပ်ရာထူးမှ အနားယူထားသော်လည်း လက်ရှိအချိန်အထိ ဗိုလ်ချုပ်မှူးကြီးရာထူးဖြင့် စစ်ကော်မရှင်အစည်းအဝေးများကို ဆက်လက် ကျင်းပနေဆဲဖြစ်သည်။

7,790

Khit Thit Media

Apr 2, 2026, 02:36 PM

📷 Photo

7,660

155

Khit Thit Media

Apr 2, 2026, 02:36 PM

ဗိုလ်လက်ယာ တာဝန်ခံ ဖြေရှင်းရမယ့် ကိစ္စရပ်တွေနဲ့ ညှိနှိုင်းပူးပေါင်းဆောင်ရွက်သွားရမယ့် စစ်အာဏာရှင် အမြစ်ဖြတ်တော်လှန်ရေးခရီး

By ရန်ကုန်ခေတ်သစ်

မြန်မာ့နွေဦးတော်လှန်ရေးဟာ ၅ နှစ်ကျော် ကာလထဲကို ချဉ်းနင်းဝင်ရောက်လာပြီ ဖြစ်ပါတယ်။ ဒီခရီးလမ်းတလျှောက်မှာ ရန်သူကို အလဲထိုးနိုင်ဖို့ လက်နက်နှင့် ဘဏ္ဍာငွေက အသက်သွေးကြောဖြစ်တယ်ဆိုသော်ငြား လွဲမှားတဲ့ ဘဏ္ဍာငွေ ရှာဖွေပုံနည်းလမ်းနှင့် စီမံခန့်ခွဲမှု အမှားတွေကြောင့် တော်လှန်ရေးကို လမ်းမချော်စေဖို့ အရေးကြီးပါတယ်။

တော်လှန်ရေးဟာ ပြည်သူကို ကာကွယ်ဖို့ဖြစ်ပေမယ့်လည်း အခန့်မသင့်လို့ အာဏာနှင့် ငွေကြေးနောက်ကို လိုက်ပါမျောသွားတဲ့အခါ အာဏာရှင်လက်သစ် မွေးထုတ်သလိုဖြစ်လာတတ်ပါတယ်။

အထူးသဖြင့် အညာရေနံမြေ လို့ တင်စားခေါ်ဝေါ်ကြတဲ့ မကွေးတိုင်း၊ မြိုင်မြို့နယ်အတွင်းက ရေနံမှော်ဒေသတွေမှာ ဖြစ်ပေါ်နေတဲ့ အခြေအနေတွေဟာ စိုးရိမ်ဖွယ်ရာ ဖြစ်နေပါတယ်။

ဒီလိုဖြစ်စဉ်တွေရဲ့ ဗဟိုချက်မှာတော့ မြိုင်မြို့နယ် ပကဖ တာဝန်ခံမှသည် မကွေး တိုင်း ဖက်ဒရယ်ယူနစ် ကာကွယ်ရေးဝန်ကြီးဖြစ်လာသူ ဗိုလ်လက်ယာရဲ့ အခန်းကဏ္ဍနဲ့ သူတာဝန်ခံရမှာတွေလည်း များစွာရှိနေပါတယ်။

ဗိုလ်လက်ယာ (ခ) ကိုလက်ယာဟာ ၂၀၀၁ ခုနှစ်မှာ ရဲတပ်ဖွဲ့သို့ စတင်ဝင်ရောက်ခဲ့ပြီး ၂၀၂၁ ခုနှစ် အာဏာသိမ်းမှုအပြီးမှာတော့ CDM လှုပ်ရှားမှုထဲသို့ ဝင်ရောက်လာခဲ့သူ ဖြစ်ပါတယ်။

တော်လှန်ရေးကာလအတွင်းမှာ မြိုင်မြို့နယ် ပြည်သူ့ကာကွယ်ရေးအဖွဲ့ (ပကဖ) တာဝန်ခံ ဖြစ်လာပြီးတဲ့နောက် ဝင်ငွေကောင်းတဲ့ ရေနံတွင်းတွေကို အခြေပြုပြီး သူ့ဩဇာက ကြီး မား ကျယ်ပြန့်လာပါတယ်။

အညာဒေသရဲ့ ရေနံမြေလို့ခေါ်တဲ့ အဲ့ဒီဒေသမှာ ရေနံကျင်းပေါင်း သိန်းနဲ့ချီရှိနေပြီး တစ်နေ့ကို ဆီပီပါပေါင်း သောင်းချီ ထွက်ရှိတာ ဖြစ်ပါတယ်။ အဲ့ဒီသယံဇာတွေက ရရှိတဲ့ ငွေကြေးအင်အားနဲ့ ဒေသတော်လှန်ရေးတပ်ဖြစ်တဲ့ မြိုင်ပကဖအတွက် လက်နက်ဝယ်ယူမှုတွေ လုပ်ဆောင်ခဲ့ပါတယ်။

ဒီလက်နက်တွေနဲ့ အင်အားနည်းပါးတဲ့အဖွဲ့တွေကို လက်နက်တပ်ဆင်ပေးတာတွေလည်း ရှိလာပြီး မြိုင်ပကဖ လက်အောက်ခံ ဩဇာခံ တပ်တွေလိုဖြစ်လာတာတွေလည်း ရှိပါတယ်။ ဒါဟာ ဩဇာခံတပ်တွေဟာ တော်လှန်ရေးထက် ကိုယ့်လက်နက်တပ်ဆင်ပေးသူကို ဩဇာခံသလို ဖြစ်လာတာကလည်း တော်လှန်ရေးအတွက် အပြုသဘော မဆောင်လှပါဘူး။

အခြားတစ်ဖက်မှာလည်း ဗိုလ်လက်ယာလက်အောက်ခံ တပ်တချို့ရဲ့ ကျူး လွန်တဲ့ ရာဇဝတ်မှုတချို့ရှိနေပြီး ဒါတွေကိုလည်း တာဝန်ခံ ဖြေရှင်းပေးမှုတွေ လိုအပ်နေဆဲဖြစ်ပါတယ်။

ဒီကျူးလွန်မှုတွေဟာ ဗိုလ်လက်ယာက တိုက်ရိုက်ကြီး လုပ်ဆောင်တာမဟုတ်ပေမယ့်လည်း သူ့လက်အောက်မှာရှိနေတဲ့ တပ်တချို့က ကျူးလွန်တာမို့ သူ့မှာ တာဝန်အပြည့်ရှိတာကလည်း အသေအချာပါပဲ။

၂၀၂၅ ခုနှစ်၊ နိုဝင်ဘာလမှာ ဖြစ်ပွါးခဲ့တဲ့ ဗဟင်းကျေးရွာ ပအဖ တာဝန်ခံ ဦးလှအောင် သတ်ဖြတ်ခံရမှုက ထင်ရှားတဲ့ သာဓက တခုဖြစ်ပါတယ်။ ဗိုလ်လက် ယာရဲ့ တပည့်ဖြစ်သူနဲ့ အချင်းချင်း စကားများရာမှအစပြုကာ “ဗိုလ်လက်ယာ အမိန့်နဲ့” ဟုဆိုပြီး ဦးလှအောင်နှင့် အဖွဲ့ဝင်များကို ညသန်းခေါင် သေနတ်ဖြင့်ချိန်ကာ ဖမ်းဆီးသွားခဲ့ပါတယ်။

နောက်ပိုင်း စစ်ဆေးမေးမြန်းရာမှာ “လက်လွန်သွားသည်” ဆိုကာ အကြောင်းပြပြီး ဦးလှအောင်ကို သတ်ဖြတ်ပစ်ခဲ့ပါတယ်။ ရုပ်အလောင်းကိုတောင် မိသားစုထံ ပြန်မပေးဘဲ သင်္ဂြိုလ်လိုက်ခြင်းဟာ စစ်ကောင်စီရဲ့ ရက်စက်ကြမ်းကြုတ်တဲ့ နည်းလမ်းတွေကို ပြန်လည် ကျင့်သုံးနေခြင်း ဖြစ်ပါတယ်။

၂၀၂၃ ခုနှစ်၊ ဇန်နဝါရီလ ၃၁ ရက်နေ့တုန်းက မြိုင်မြို့နယ်၊ စဘေကန်ရွာအနီးမှာ ကြက်ဝိုင်းလုပ်နေတုန်း မြိုင်အနောက်မြောက်ပိုင်းက လက်နက်ကိုင်အဖွဲ့တစ်ခု ရောက်လာပြီး သေနတ်ပစ်ဖောက် ဖမ်းဆီးခဲ့ပါတယ်။ အဲဒီမှာ နန်းတော်ရာရွာက အသက် ၄၈ နှစ်အရွယ် ဦးဌေးမောင်ဟာ ဦးခေါင်းကို ကျည်ထိမှန်ပြီး နေရာတင် ပွဲချင်းပြီး သေဆုံးသွားခဲ့သလို၊ ကိုဇင်လင်းမောင်ဆိုသူလည်း ဦးခေါင်းမှာ ကျည်ထိမှန် ဒဏ်ရာရခဲ့ပါတယ်။

ဒီကိစ္စနဲ့ပတ်သက်ပြီး မိသားစုက အမှုမဖွင့်ခဲ့ပေမဲ့ ရက်ဆွမ်းကပ်ပြီးတဲ့နောက်မှာ ကိုချမ်းစိုး၊ ကိုကြည်မြင့်နဲ့ နန်းတော်ရာ ပကဖ တာဝန်ခံ ကိုကျော်မြင့်တို့က နစ်နာကြေး ငွေကျပ် ၄၈ သိန်း လာပေးခဲ့တယ်လို့ သိရပါတယ်။

၂၀၂၃ ခုနှစ်၊ မေလ ၁၆ ရက်နေ့ ညပိုင်းမှာ ဝက်ဖိုးရွာက အုပ်ချုပ်ရေးမှူးဟောင်း ဦးအောင်ဌေးကို လက်နက်ကိုင်တစ်စုက "မေးစရာရှိတယ်" ဆိုပြီး ကား၊ ဆိုင်ကယ်၊ ဖုန်းတွေနဲ့အတူ ခေါ်သွားပါတယ်။ ဦးအောင်ဌေးဟာ အာဏာသိမ်းပြီးနောက်ပိုင်း စစ်ကောင်စီနဲ့ ပတ်သက်မှုမရှိဘဲ အေးဆေးနေသူဖြစ်သလို PDF တွေ လာဖမ်းမယ်ဆိုတာ သိပေမဲ့ ထွက်မပြေးဘဲ စောင့်နေခဲ့သူပါ။

၂၀၂၄ ခုနှစ်၊ ဖေဖော်ဝါရီလမှာတော့ သူတို့ယူသွားတဲ့ ကားနဲ့ ဆိုင်ကယ်ကို ဦးအောင်ဌေးရဲ့ ယောက်ဖဖြစ်သူဆီ ပြန်အပ်ခဲ့ပြီး ဦးအောင်ဌေးကိုတော့ အမှတ် (၁) စစ်ဒေသကို လွှဲလိုက်ပြီလို့ ပြောခဲ့ပေမဲ့ ဒီနေ့အထိ ဘာသတင်းမှမရဘဲ ပျောက်ဆုံးနေဆဲ ဖြစ်ပါတယ်။

Khit Thit Media

Apr 2, 2026, 02:36 PM

နောက်အမှုတစ်ခုကတော့ သံမြေကျင်းကျေးရွာ ပကဖ ရဲဘော် မိုးစက် (ခ) အောင်ကိုမင်း အသတ်ခံရမှုအတွက် သံမြေကျင်း ပကဖ တာဝန်ခံ ကိုစိုးသူက မြိုင်မြို့နယ် ပကဖ တာဝန်ခံ ကိုလက်ယာနဲ့ တွေ့ဖို့ကြိုးစားပေမဲ့ တွေ့ခွင့်မရခဲ့ပါဘူး။ ပလဖ ဘက်ကို တိုင်ကြားတဲ့အခါမှာလည်း "ဒါဟာ ပကဖ အချင်းချင်းဖြစ်တဲ့ကိစ္စမို့ ပကဖ ပဲ ရှင်းလိမ့်မယ်" ဆိုပြီး ငြင်းထုတ်ခဲ့ပါတယ်။ ဒါကြောင့် ကျူးလွန်သူတွေဟာ အခုထိ လွတ်မြောက်နေဆဲ ဖြစ်ပါတယ်။

၂၀၂၅ ခုနှစ်၊ အောက်တိုဘာလ ၁၆ ရက်နေ့မှာ ယင်းမာပင်မြို့နယ်၊ ဖိုဝင်တောင်ဂိတ်မှာ မြိုင်မြို့နယ် ပကဖ အဖွဲ့ဝင် ၄ ဦး ဖြစ်တဲ့ ကိုစိုးမိုးထက်၊ ကိုဝင်းမင်းဌေး၊ ကျော်ဇင်ထွန်း၊ ကိုယဉ်မင်းထွေး တို့ကို ဘိန်းမဲ ၂ ပိသာခွဲ၊ ကိုကင်း၊ Happy မူးယစ်ဆေးထုပ်တွေနဲ့အတူ ဖမ်းဆီးရမိခဲ့တယ်လို့ သိရပါတယ်။ ဒါကိုလည်း သက်ဆိုင်ရာက အရေးယူထားပြီဖြစ်ပေမယ့် အဓိက တာဝန်ခံရမယ့်သူကတော့ မြို့နယ် ပကဖ တာဝန်ခံဖြစ်တဲ့ ဗိုလ်လက်ယာမှာ တာဝန်ရှိနေပါတယ်။

ဒါ့အပြင် အညာရေနံမြေဒေသမှာ ပြည့်တန်ဆာခန်းတွေ၊ မာဆတ်နဲ့ KTV စတဲ့ ဆိုင်ပေါင်းများစွာ ရှိခဲ့ပေမယ့်လည်း အာဏာရှင်တော်လှန်ရေး ဖြစ်နေချိန်မှာလည်း အဲဒါတွေက ပိုလိုတောင် ပေါ်ပေါ်ထင်ထင် အဲဒီဆိုင်တွေ ဖွင့်လှစ်လာတာကလည်း မြိုင်ပကဖနဲ့ ဒေသ ရပ်/ကျေး တာဝန်ခံတွေရဲ့ အခန်းကဏ္ဍကို မေးခွန်းထုတ်ရမှာပါ။

အညာရေနံမြေမှာ ဖွင့်နေတဲ့ ဆိုင်ခန်းတွေကနေ တစ်လကို သက်ဆိုင်ရာတွေက ဆိုင်ခန်း တစ်ခန်းကို ငွေကျပ် ၄ သိန်းဝန်းကျင်အထိ အခွန်ကောက်ခံနေတာဖြစ်ပါတယ်။

အဆိုးဝါးဆုံးကိစ္စကတော့ အဲ့ဒီ KTV နဲ့ ပြည့်တန်ဆာခန်းတွေဟာ ဒုစရိုက်လုပ်ငန် းတွေသာမကဘဲ မူးယစ်ဆေးဝါးတွေ လွယ်လွယ်ကူကူ ဝင်ရောက်နေတာပါပဲ။ ဒါတွေကို တားဆီးဖို့ ဒေသရပ်/ကျေးအာဏာပိုင်တွေမှာ တာဝန်ရှိပါတယ်။ မတားဆီးဘဲ သူတို့ကိုယ်တိုင် ပါဝင်နေသေလားဆိုတာကလည်း မေး ခွန်းထုတ်စရာပါပဲ။

ရှမ်းပြည်နယ်မြောက်ပိုင်းမှ သွင်းယူလာသော Ketamine (K) နှင့် Ecstasy (E) အပါအဝင် မူးယစ်ဆေးဝါးများကို အဲ့ဒီ KTV နဲ့ ပြည်တန်ဆာခန်းများမှာ ကျယ်ကျယ်ပြန့်ပြန့် ဖြန့်ဖြူးရောင်းချနေတယ်လို့ သတင်းတွေ ဆက်တိုက်ထွက်ပေါ်နေတာ ဖြစ်ပါတယ်။

မူးယစ်ဆေးဝါးနဲ့ လောင်းကစားကို တားမြစ်ထားတယ်လို့ အပေါ်ယံဆိုသော်ငြား လက် တွေ့မှာတော့ အညာရေနံမြေမှာ တွင်တွင်ကျယ်ကျယ်ဖြစ်နေပါတယ်။

လက်ရှိ ရေနံမှော်ဒေသတွင်းမှာ အဖွဲ့ပေါင်းစုံကနေ ဂိတ်အမျိုးမျိုးဖွင့်ပြီး အခွန်ငွေတွေ အဆမတန် ကောက်ခံနေပါတယ်။ ဆီတပီပါကို ၃,၀၀၀ ကျပ်ကနေ ၁၇,၀၀၀ ကျပ်အထိ ဂိတ်တိုင်းမှာ အထပ်ထပ်အခါခါ ပေးဆောင်နေရတဲ့အတွက် ရေနံချက်ဖိုလုပ်ကိုင်သူတွေနဲ့ ကုန်သည်တွေမှာ အမြတ်မကျန်တော့ဘဲ အခက်ကြုံနေရပါတယ်။

ထင်းကား၊ ဆီကားများထံကလည်း အခွန်ကောက်ယူမှုတွေကြောင့် အဲ့ဒီဒေသက ကုန် ဈေးနှုန်းတွေ တက်လာခဲ့ပါတယ်။ စစ်ကောင်စီရဲ့ မှတ်ပုံတင်ကို အသုံးမပြုလိုတဲ့ ပြည်သူတွေကိုပါ ဒေသစစ်ဆေးရေးဂိတ်တွေမှာ ကြမ်းကြမ်းတမ်းတမ်း စစ်ဆေးမှုတွေ ရှိနေပါတယ်။ ဒါတွေကလည်း မဖြစ်မနေ ပြောင်းလဲ ပြုပြင်ရပါမယ်။

ရေနံမြေကို အခြေခံပြီး စစ်ဘုရင်ဝါဒလို ဖြစ်လာခြင်းနဲ့ ကျင့်သုံးမှုတွေ ရှိနေသလိုဖြစ်လာတာက နွေဦးတော်လှန်ရေးအတွက် ကြီး မားတဲ့ ခြိမ်းခြောက်မှု တခုဖြစ်ပါတယ်။တော်လှန်ရေးရဲ့ သန့်စင်မှုကို ပျက်စီးစေနိုင်တာမို့ ဒါတွေကို အချိန်မီ ပြန်လည်ပြုပြင်ရမှာဖြစ်ပါတယ်။

မြေပြင်မှာ ဖြစ်ပျက်နေမှုတွေဟာ NUG ကာကွယ်ရေးဝန်ကြီးဌာန၊ NUG ပြည်ထဲရေးဝန်ကြီးဌာနနဲ့ မကွေးတိုင်းယူနစ်အစိုးရ၊ မကွေးဖက်ဒရယ်ယူနစ် ကာကွယ်ရေးဝန်ကြီးဌာနတို့က ပူးပေါင်းဆောင်ရွက်မှုနဲ့ အမြန်ဆုံးပြန်လည် တည့်မတ်ရမှာလည်းဖြစ်ပါတယ်။

ဘယ်လောက်ပဲ လက်နက်အင်အား တောင့်တင်းပါစေ အမှန်တရားနဲ့ ဝေးကွာနေပြီး စည်း လုံးမှုမရှိဘဲ သူတစ်လူ ငါတစ်မင်းဖြစ်နေရင် တော်လှန်ရေးကို အနည်းနဲ့ အများထိခိုက်ပြီး ပြည်သူလူထုရဲ့ ဒီမိုကရေစီ အိပ်မက်တွေအပေါ် မှေးမှိန်မှု ဖြစ်စေမှာကို မကွေး ဖက်ဒရယ်ယူနစ် ဝန်ကြီးချုပ်၊ မကွေး ဖက်ဒရယ်ယူနစ်ကာကွယ်ရေးဝန်​ကြီးနဲ့ သက်ဆိုင်ရာ NUG အစိုးရတာဝန်ရှိသူတွေက သတိပြုပြီး ညှိနှိုင်းဆောင်ရွက်ကြဖို့လိုအပ်ပါတယ်။

တော်လှန်ရေးအတွက် စစ်အုပ်စုကို ပစ်ရမယ့် သေနတ်ကျည်ဆန်တွေကို ရန်သူစစ်တပ်ဆီ ကို တည့်တည့်ပစ်ပြီး လက်ရှိ ဖြစ်ပေါ်နေတဲ့ စီမံခန့်ခွဲမှု အလွဲအမှားတွေကို ချက်ချင်း ပြုပြင်ကာ တော်လှန်ရေး ခရီးကို အားလုံး စုစုစည်းစည်းညီညီညွတ်ညွတ် ရှေ့ဆက်လျှောက်လှမ်းရမှာဖြစ်ပါတယ်။

Khit Thit Media

Apr 2, 2026, 02:36 PM

📷 Photo

9,510

163

Khit Thit Media

Apr 2, 2026, 02:36 PM

ဖားကန့် နေရာအနှံ့တွင် ယနေ့ နံနက်ပိုင်းမှ စတင်၍ တိုက်ပွဲများ ဖြစ်ပွားနေ၊ စစ်တပ်ပစ်ခတ်သော လက်နက်ကြီးကျည် မြို့ပေါ်ကျရောက် ပေါက်ကွဲ၍ ပြည်သူ ၆ ဦး ထိခိုက်ဒဏ်ရာရ

ရန်ကုန်၊ ဧပြီ ၂

ကချင်ပြည်နယ်၊ ဖားကန့်မြို့နယ် နေရာအနှံ့တွင် ယနေ့ နံနက်ပိုင်းမှ စတင်၍ တိုက်ပွဲများ ဖြစ်ပွားနေပြီး အကြမ်းဖက် စစ်တပ်ပစ်ခတ်သော လက်နက်ကြီးကျည် မြို့ပေါ်ကျရောက် ပေါက်ကွဲ၍ ပြည်သူ ၆ ဦး ထိခိုက်ဒဏ်ရာရရှိခဲ့ကြောင်း ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဧပြီလ ၂ ရက်နေ့ နံနက် အစောပိုင်း ၅ နာရီခန့်မှ စတင်ပြီး KIA ပူးပေါင်းတပ်နှင့် အကြမ်းဖက် စစ်တပ်တို့ ဖားကန့် မှော်ဝမ်းကြီးနှင့် လုံးခင်းရှိ မှော်စီဆာရွာ ဘက်တို့တွင် တိုက်ပွဲများ ဖြစ်ပွားနေခြင်းဖြစ်ကြောင်း၊ ထို့ပြင် စစ်တပ်ကလည်း လက်နက်ကြီးများဖြင့် ရမ်းသမ်း ပစ်ခတ်နေကြောင်း သိရသည်။

အကြမ်းဖက် စစ်တပ် ပစ်ခတ်သော လက်နက်ကြီးကျည်သည် ယနေ့ နံနက်အစောပိုင်း ၆ နာရီ ၃၅ မိနစ်ခန့်တွင် ဖားကန့်မြို့ပေါ်ရှိ ဆောင်းကဖေး အရှေ့ဘက်နှင့် မြို့မရပ်ကွက်၊ ကလပ်ကုန်း အနီးကို ကျရောက်ပေါက်ကွဲခဲ့ပြီး ပြည်သူ ၆ ဦး ထိခိုက်ဒဏ်ရာရကာ နေအိမ်များလည်း ပျက်စီးမှုရှိကြောင်း သိရှိရသည်။

"ဒီနေ့ ဖားကန့်မှာ နေရာစုံသလောက်ပဲ တိုက်ပွဲဖြစ်နေတာ ဖားကန့် မှော်ဝမ်းကြီးဘက်နဲ့ လုံးခင်းက မှော်စီဆာရွာဘက်မှာ နံနက် ၅ နာရီ လောက်တည်းက တိုက်ပွဲစဖြစ်နေတာ ဖားကန့်မြို့ထဲလည်း စစ်ခွေးတွေပစ်တဲ့ လက်နက်ကြီးကျည် ကျရောက် ၂ နေရာကို တရုတ်ဘုံကျောင်းနားနဲ့ ကလပ်ကုန်းနားကျတာ ပြည်သူ ၆ ဦး ထိခိုက်ဒဏ်ရာရတယ်လို့ သိရတယ်" ဟု ဒေသသတင်းရင်းမြစ်က ပြောဆိုသည်။

လက်ရှိချိန်တွင် ဖားကန့်မြို့နယ်အတွင်း တိုက်ပွဲများ ပြင်းထန်နေခြင်းကြောင့် ဖားကန့် ဖားပြင်လမ်း၊ နမ္မဖြတ်လမ်း၊ ဆန်းကြွယ်လမ်းနှင့် မှော်ဝမ်းကြီးလမ်းများ ခေတ္တပိတ်ထားရပြီး ဖားကန့်မြို့ပေါ်တွင်လည်း အကြမ်းဖက် စစ်တပ်က ကင်းပုန်းဝပ်မှုများ ရှိကြောင်း သိရသည်။

အလားတူ မတ်လ ၆ ရက်နေ့ကလည်း ဖားကန့်မြို့ မရှီကထောင်ရပ်ကွက်တွင် အကြမ်းဖက် စစ်တပ်နှင့် KIA ပူးပေါင်းတပ်များ တိုက်ပွဲများ ဖြစ်ပွားခဲ့ပြီး အကြမ်းဖက် စစ်တပ်က လက်နက်ကြီးများဖြင့် ပစ်ခတ် တိုက်ခိုက်ခြင်းကြောင့် မရှီကထောင်ရပ်ကွက်အတွင်းမှ ပြည်သူများ ဘေးလွတ်ရာ တိမ်းရှောင်ခဲ့ရကြောင်း သိရှိရသည်။

Khit Thit Media

Apr 2, 2026, 02:36 PM

📷 Photo

10,200

181

Khit Thit Media

Apr 2, 2026, 02:36 PM

မြ၀တီ-ကော့ကရိတ်အာရှလမ်းမှာ စစ်မက်ဇုန်ထဲတွင် ပါဝင်နေပြီး လုံခြုံရေးအတွက် မည်သူကမှ အာမခံမှု မရှိဟု KNU ပြောရေးဆိုခွင့်ရှိသူ သတိပေး၊ အာရှလမ်းပိုင်းတွင် ပါဝင်သော ကော့ကရိတ်မြို့နယ်အတွင်း တိုက်ပွဲများ နေ့စဉ်ဖြစ်ပွား ပြင်းထန်နေဆဲ

ရန်ကုန်၊ ဧပြီ ၂

ကရင်ပြည်နယ်၊ မြ၀တီမြို့နယ်၊ မြ၀တီ-ကော့ကရိတ်အာရှလမ်းမှာ စစ်မက်ဇုန်ထဲတွင် ပါဝင်နေပြီး လုံခြုံရေးအတွက် မည်သူကမှ အာမခံမှု မရှိဟု KNU ပြောရေးဆိုခွင့်ရှိသူလည်းဖြစ်၊ KNU ဗဟိုအလုပ်အမှုဆောင်လည်းဖြစ်သူ ပဒိုစောတောနီးက သတိပေးပြောဆိုလိုက်သည်။

အကြမ်းဖက်စစ်တပ်က ယနေ့ ဧပြီလ ၂ ရက်နေ့တွင် ဘားအံ-ကော့ကရိတ်-မြ၀တီ (အာရှလမ်း)ကို ဖွင့်လှစ်ကြောင်း ကြေညာပြီး ဖွင့်ပွဲဖြင့် ကားတန်းများကို ဖြတ်သန်းစေမှုများ လုပ်ဆောင်နေခြင်းဖြစ်သည်။

KNU ဘက်ကမူ အာရှလမ်းမကြီးသည် စစ်မက်ဇုန်ထဲတွင် ပါဝင်နေပြီး စစ်ဖြစ်နေကြောင်း၊ စစ်ပွဲကာလဖြစ်၍ မည်သူကမှ လုံခြုံရေးကို တာဝန်ယူနေသည့် အခြေအနေ မရှိကြောင်း၊ ယင်းအာရှလမ်းတွင် သွားလာရင်း တစ်စုံတစ်ခု ဖြစ်ပွားပါက မည်သူက တာဝန်ယူမည်နည်းဆိုသည်မှာ မေးခွန်းထုတ်ရမည်ဖြစ်ကြောင်း ပဒိုစောတောနီးက ပြောဆိုသည်။

"အဲဒါနဲ့ပတ်သက်ပြီးတော့ ထူးထူးခြားခြားပြောစရာမရှိဘူး။ ဘာဖြစ်လို့လဲဆိုတော့ ဒီဟာကြီးက လုံခြုံရေးအရ အင်မတန်အရေးကြီးတယ်။ လုံခြုံမှုမရှိဘဲ သွားရင်းလာရင်းနဲ့ တစ်စုံ တစ်ခုဖြစ်မယ်ဆိုရင် ဘယ်သူက တာဝန်ယူမလဲဆိုတာ ဘယ်သူမှ တာဝန်မယူတဲ့အနေ အထားမျိုးမှာ ကိုယ့်အသက်ကိုယ်မနှောမြောဘူးဆိုတဲ့လူကတော့မရှိပါဘူး။ ကိုယ့်အသက်ကိုယ် မနှောမြောဘဲ သွားချင်းသပဆိုရင်လည်း သွား ။ ကျနော်တို့ ဘယ်လိုမှ တားလို့မရဘူး။ ဒါစစ်ဖြစ်နေတဲ့အချိန်ကာလလည်းဖြစ်တယ်။ စစ်မက်ဇုန်ထဲမှာလည်း ဖြစ်နေတဲ့အခါ ၀ုန်းဒိုင်း၀ုန်းဒိုင်းကျဲနေတာကလည်း နေ့တိုင်းအသိပဲလေ။ ဒါကြောင့်မို့လို့ ထူးထူးခြားခြား ပြောစရာမရှိပါဘူး" ဟု ပဒိုစောတောနီးက ရန်ကုန်ခေတ်သစ်သတင်းဌာနထံသို့ သည်။

ထိုင်း-မြန်မာနယ်စပ် ကုန်သွယ်ရေးလမ်းကြောင်း၏ အဓိကအရေးပါဆုံး မြဝတီ-ကော့ကရိတ် အာရှလမ်းမကြီးကို ယနေ့ ဧပြီ ၂ ရက် နံနက် ၈ နာရီအချိန် တံတားဦးကျေးရွာ (လွန်းညရေပြာ)အနီး ဖွင့်ပွဲလုပ်ဆောင်နေခြင်းဖြစ်သည်။

လတ်တလော အာရှလမ်း၏ အစိတ်အပိုင်းဖြစ်သော ကော့ကရိတ်မြို့နယ်အတွင်းတွင် တိုက်ပွဲများ ဖြစ်ပွားနေကြောင်း၊ စစ်တပ်ကလည်း ကော့ကရိတ်မြို့နယ်ကို နယ်မြေစိုးမိုးနိုင်မှု မရှိသေးဘဲ နှစ်ဖက် ထိတွေ့မှုများ ဆက်လက်ဖြစ်ပွားနေကြောင်း သိရှိရသည်။

"ကော့ကရိတ်ဂွင်မှာ စစ်တပ်ကလည်း ဒရုန်းတွေ လက်နက်ကြီးတွေနဲ့ပစ်နေတာ နေ့တိုင်းရှိတယ်။ မတော်လို့များ အာရှလမ်းပေါ်ကျလို့ ခရီးသည်တွေ ထိခိုက်တာဖြစ်ရင်တော့ စစ်တပ်က တာဝန်ယူမလား။ ဘယ်တုန်းကမှ စစ်တပ်က တာဝန်မယူခဲ့ဘူး။ ကော့ကရိတ်မှာ ဒရုန်းနဲ့ လက်နက်ကြီးတွေကို အများဆုံး သုံးနေတာ စစ်တပ်ကပဲ ပစ်ခတ်နေတာ" ဟု ကော့ကရိတ်မြို့နယ်အတွင်း တိုက်ပွဲဝင်နေသော တော်လှန်ရေး သတင်းရင်းမြစ်က မေးခွန်းထုတ်သည်။

စစ်တပ်က ကော့ကရိတ်မှ မြ၀တီအထိ၊ မြ၀တီမှ ကော့ကရိတ် အရပ်သားကားများကို ယာဉ်တန်းဖြင့် သွားလာခိုင်းနေပြီး ယနေ့နံနက်ပိုင်း ယာဉ်တန်းဖြင့် ဖြတ်သန်းနေကြကြောင်း သိရှိရသည်။

ကရင်ပြည်နယ်အတွင်း တိုက်ပွဲများကြောင့် မြဝတီ-ကော့ကရိတ်အာရှလမ်းမကြီးကို ၂၀၂၃ ဒီဇင်ဘာ ၁ ရက်နေ့မှစတင်၍ ပိတ်ထားခဲ့ရခြင်းဖြစ်သည်။

Khit Thit Media

Mar 29, 2026, 05:38 AM

📷 Photo

10,300

209

Khit Thit Media

Mar 29, 2026, 05:38 AM

📷 Photo

10,600

229

Khit Thit Media

Mar 29, 2026, 05:38 AM

ထိုင်းနိုင်ငံ၊ ချွန်ဘူရီခရိုင်ရှိ အထပ်သားပြား စက်ရုံမှ အလုပ်ထုတ်ခံရသော မြန်မာ အလုပ်သမား ၅၅ ဦး နစ်နာကြေး ဘတ်ငွေ ၃ သိန်းခွဲကျော် ပြန်လည်ရရှိ

ရန်ကုန်၊ မတ် ၂၈

ထိုင်းနိုင်ငံ၊ ချွန်ဘူရီခရိုင်ရှိ အထပ်သားပြား စက်ရုံမှ အလုပ်ထုတ်ခံရသော မြန်မာ အလုပ်သမား ၅၅ ဦး အတွက် နစ်နာကြေး ဘတ်ငွေ ၃ သိန်းခွဲကျော် ပြန်လည်ရရှိအောင် လုပ်ဆောင်ပေးနိုင်ခဲ့ကြောင်း MHAC မဟာမိတ်အဖွဲ့မှ ဦးဆောင်စီစဉ်သူ အေအေစီ ကိုရဲမင်းက ရန်ကုန်ခေတ်သစ် သတင်းဌာနထံသို့ ပြောဆိုသည်။

ချွန်ဘူရီခရိုင်ရှိ အထပ်သားပြား စက်ရုံတစ်ခုတွင် မြန်မာလုပ်သား ၂၀၀ ခန့် အလုပ်သမား အခွင့်အရေးများ ချိုးဖောက်ခံရပြီး အထောက်ထားရှိသော်လည်း ရဲကြေးအဖြစ် လစဥ် ဘတ် ၁၀၀၀ ဖြတ်တောက်ခံရခြင်း၊ အလုပ်ပုံမှန်မဆင်းရခြင်းတို့ အပြင် ကြိုတင်အကြောင်းမကြားဘဲ စက်ရုံ HR ၏ ညွှန်ကြားချက်ဖြင့် ကြားခံ အေဂျင်စီများက လုပ်အားခများမပေးဘဲ အလုပ်မှ ထုတ်ပယ်ခဲ့ခြင်းဖြစ်ကြောင်း သိရသည်။

ထိုသို့ အလုပ်ထုတ်ပယ်ခံရသော မြန်မာလုပ်သား ၂၀၀ ခန့်ထဲမှ ၆၈ ဦးသာ သက်သေအထောက်အထား ခိုင်မာစွာဖြင့် အေအေစီ ကိုရဲမင်း ဦးဆောင်သော MHAC မဟာမိတ်အဖွဲ့ထံ ဆက်သွယ်အကူအညီ တောင်းခံလာသောကြောင့် မတ်လ ၁၈ ရက်နေ့တွင် MHAC မဟာမိတ်အဖွဲ့၏ တာဝန်ရှိသူများမှ မြန်မာ လုပ်သား ၅၅ ဦးတို့နှင့်အတူ နယ်မြေခံ အလုပ်သမား ကာကွယ်စောင့်ရှောက်ရေးရုံးသို့သွားရောက်၍ ကူညီမှုများ စတင်ပြုလုပ်ပေးခဲ့ကြောင်း သိရှိရသည်။

ထိုသို့ ကူညီပေးမှုများ လုပ်ဆောင်ပြီးနောက် မတ်လ ၂၄ ရက်နေ့တွင် သက်ဆိုင်ရာ အေဂျင်စီများက ယင်းမြန်မာလုပ်သားများအတွက် ရသင့်ရထိုက်သည့် ဘတ်ငွေ ၃သိန်း ခွဲကျော်နှင့် နေထိုင်အလုပ်လုပ်ကိုင်ခွင့် အထောက်ထားများအတွက် ဆက်လက်တာဝန်ယူပေးခဲ့ပြီး မြန်မာလုပ်သား ၅၅ ဦးအတွက် အမှုကို MHAC မဟာမိတ်အဖွဲ့က အောင်မြင်စွာ ကူညီဆောင်ရွက်ပေးနိုင်ခဲ့ကြောင်း သိရသည်။

"လူ့အခွင့်အရေးချိုးဖောက်ခံရပြီး အလုပ်ဖြုတ်ခံရတာတော့ အလုပ်သမား ၂၀၀ လောက်ရှိတယ်။ အထောက်အထားတွေရှိလည်း ရဲကြေးအဖြစ် လစဉ် ဘတ်ငွေ ၁ ထောင်ဖြတ်ခံရတယ်။ အလုပ်ပုံမှန်မဆင်းရတာတွေ အလုပ်ပုံမှန်မရှိတာတွေ လုပ်အားခတွေ ပုံမှန်မရတာတွေ နောက်ဆုံး အလုပ်ကနေ ထုတ်ပယ်ခံရလိုက်ရတဲ့ အခြေအနေပါ။ အဲတာကြောင့် အလုပ်သမားတွေဘက်က အကိုတို့က ရပ်တည်ပြီးတော့ ထိုင်းအာဏာပိုင်တွေပူးပေါင်းပြီးတော့ သက်ဆိုင်ရာထိုင်နယ်မြေခံ အလုပ်သမားကာကွယ်ရေးဌာန ထိုင်းအစိုးရ အာဏာပိုင်တွေနဲ့ ပူးပေါင်းပြီးတော့ ဝင်ရောက်ကူညီပေးခဲ့တာပါ။ လာရောက်တိုင်တဲ့ အလုပ်သမား ၅၅ ယောက်ကို နစ်နာကြေး ဘတ်ငွေ ၃ သိန်းခွဲကျော်လောက်ရအောင် ကူညီပေးနိုင်ခဲ့တယ်" ဟု MHAC မဟာမိတ်အဖွဲ့မှ ဦးဆောင်စီစဉ်သူ အေအေစီ ကိုရဲမင်းက ရန်ကုန်ခေတ်သစ် သတင်းဌာနထံသို့ ပြောဆိုသည်။

Khit Thit Media

Mar 29, 2026, 05:38 AM

📷 Photo

11,600

214

Khit Thit Media

Mar 29, 2026, 05:38 AM

ပွင့်ဖြူ၊ အင်းတော်နှင့် ဖားကန့် မြို့နယ်တို့တွင် စစ်တပ် ထောင်ထားသော မိုင်းများပေါက်ကွဲပြီး ကလေးငယ် ၁ ဦး အပါအဝင် ပြည်သူ ၂ ဦးသေဆုံး

ရန်ကုန်၊ မတ် ၂၈

မကွေးတိုင်း၊ ပွင့်ဖြူမြို့နယ်တွင် အကြမ်းဖက် စစ်တပ်က ထောင်ထားသော မိုင်းပေါက်ကွဲပြီး အမျိုးသမီး ၁ ဦး သေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

မတ်လ ၂၅ ရက်နေ့ နံနက် ၁၁ နာရီခန့်တွင် ပွင့်ဖြူမြို့နယ်၊ ဆင်လူးရွာမှ လင်းမယား ၂ ဦးသည် တောထဲတွင် နွားစားအတွက် မြက်ရိတ်သွားစဉ် အကြမ်းဖက် စစ်တပ်က ထောင်ထားသည့် မိုင်းနင်းမိပြီး ၂ ဦး လုံးထိခိုက်ဒဏ်ရာရရှိကာ မကွေးဆေးရုံသို့ ပို့ဆောင်ခဲ့ရကြောင်း သိရသည်။

မကွေးဆေးရုံသို့ ရောက်ရှိစဉ် မိုင်းထိမှန်သော အသက် ၃၈ နှစ်အရွယ် ဒေါ်စန္ဒာဝင်းသည် ဒဏ်ရာပြင်းထန်သောကြောင့် သေဆုံးခဲ့ပြီး ကိုသောင်းလွင်သည် ထိခိုက်ဒဏ်ရာများဖြင့် ဆေးရုံဆက်တက်နေရကြောင်း သိရှိရသည်။

"၂၅ ရက်နေ့ နံနက် ၁၁ နာရီလောက်မှာ ပွင့်ဖြူမြို့နယ်၊ ဆင်လူးရွာက လင်မယား ၂ ဦး တောထဲမှာ မြက်ရိတ်သွားရင်း ပျူစောထီးတွေ ထောင်ထားတဲ့ မိုင်းထိပြီး အမျိုးသမီး မကွေးဆေးရုံအရောက်မှာ သေဆုံးတယ်။ နှစ်ယောင်လုံးက ဆင်လူးပျူဟေစာထီး တောင်ရွာ ကပါ။ အမျိုးသမီးက နွားလှည်းနဲ့ ရွာတောင်ဘက်ကို နွားစား ရိတ်သွားရင်း ဆင်လူးပျူစောထီးနဲ့ စစ်ခွေးတွေထောင်တဲ့မိုင်းထိတာ ယောက်ျားက ရွာအနောက်ဘက် သံဇယ်တောင်ပေါ်သွားရင်းနဲ့ ထိတာ" ဟု ဒေသပြည်သူတစ်ဦးက ပြောဆိုသည်။

အလားတူ စစ်ကိုင်းတိုင်း၊ အင်းတော်မြို့နယ်၊ အလယ်ဆိပ်ကျေးရွာတွင်လည်း တိုက်ပွဲအတွင်း အကြမ်းဖက် စစ်တပ်က ချန်ထားခဲ့သော မိုင်းပေါက်ကွဲခြင်းကြောင့် ကလေးငယ် ၁ ဦး သေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ပြောဆိုသည်။

မတ်လ ၂၇ ရက်နေ့တွင် အင်းတော်မြို့နယ်၊ အလယ်ဆိပ်ရွာ၌ အသက် ၉ နှစ်ကျော် အရွယ် ကလေးငယ် ၂ ဦး ဆော့ကစားနေစဉ် အကြမ်းဖက် စစ်တပ်က ချန်ထားခဲ့သော မိုင်းပေါက်ကွဲခြင်းကြောင့် ကလေးငယ် ၁ ဦး သေဆုံးခဲ့ကြောင်း သိရသည်။

"ကလေး ၂ ဦး ဆော့ကစားနေရင်းနဲ့ စစ်ခွေးတွေ ချန်ထားခဲ့တဲ့ မိုင်းပေါက်ကွဲလို့ ကလေး ၁ ဦး သေဆုံးတယ်။ နောက်တစ်ဦးလည်း ထိခိုက်ဒဏ်ရာရတယ်လို့ သိရတယ်" ဟု ဒေသပြည်သူတစ်ဦးက ပြောဆိုသည်။

ထို့ပြင် ကချင်ပြည်နယ်၊ ဖားကန့်မြို့နယ်တွင်လည်း အကြမ်းဖက် စစ်တပ် ထောင်ထားသော မိုင်းပေါက်ကွဲခဲ့ကြောင်း ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ မတ်လ ၂၈ ရက်နေ့ နံနက်ပိုင်းတွင် ဖားကန့်မြို့နယ်၊ ယူမာရွာနှင့် ထုံဘိုရွာ လမ်းပိုင်းရှိ ရွှေမြန်မာဆီဆိုင် တံတားထိတ်အနီး အမှိုက်ပုံတွင် အကြမ်းဖက် စစ်တပ်က ထောင်ထားသော မိုင်းပေါက်ကွဲခဲ့ကြောင်း၊ ထိုမိုင်းပေါက်ကွဲခြင်းကြောင့် ပြည်သူများ ထိခိုက်မှုရှိကြောင်း သိရသည်။

"ပြည်သူ ၁ ဦး အမှိုက်ပစ်နေတုန်း မိုင်းထပေါက်တာ တံတားဘောင်ခံနေတော့ ထိခိုက်တာတော့ မရှိပါဘူး" ဟု ဒေသသတင်းရင်းမြစ်က ပြောဆိုသည်။

photo credit - အင်းတော်မြို့နယ် အဖွဲ့

Khit Thit Media

Mar 29, 2026, 05:38 AM

စစ်အုပ်စုက စံချိန်မမီသော အထပ်မြင့်အဆောက်အအုံများ ခွင့်ပြုခဲ့ခြင်းနှင့် နိုင်ငံတကာ အကူအညီများကို ကန့်သတ်ခြင်းများကြောင့် စစ်ကိုင်းငလျင်ကြီး လှုပ်ခတ်ချိန်တွင် ပြည်သူများ ဒုက္ခများနှင့် ရင်ဆိုင်ခဲ့ရဟု NUG အစိုးရ ပြောဆို

ရန်ကုန်၊ မတ် ၂၈

အကြမ်းဖက် စစ်တပ် အုပ်စုက စံချိန်မမီသော အထပ်မြင့် အဆောက်အအုံများ ခွင့်ပြုခဲ့ခြင်းနှင့် နိုင်ငံတကာ အကူအညီများကို ကန့်သတ်ခြင်းများကြောင့် စစ်ကိုင်းငလျင်ကြီး လှုပ်ခတ်ချိန်တွင် ပြည်သူများ ဒုက္ခများနှင့် ရင်ဆိုင်ခဲ့ရဟု NUG အစိုးရက ပြောဆိုလိုက်သည်။

အဆိုပါ ပြောကြားချက်သည် ယနေ့ မတ်လ ၂၈ ရက်နေ့တွင် "၂၀၂၅ ခုနှစ်၊ မတ်လ ၂၈ ရက်နေ့တွင် လှုပ်ခတ်ခဲ့သော အင်အား ရစ်ခ်တာစကေး ၇.၇ ရှိသည့် စစ်ကိုင်းငလျင်ကြီး တစ်နှစ်ပြည့် ထုတ်ပြန်ချက်" တွင် NUG အစိုးရက ထည့်သွင်းပြောဆိုခဲ့ခြင်းဖြစ်သည်။

"အကြမ်းဖက်စစ်အုပ်စု၏ အုပ်ချုပ်မှုအောက်တွင် စံချိန်စံညွှန်းမမီသော အထပ်မြင့်အဆောက်အအုံများအား ခွင့်ပြုခဲ့ခြင်း၊ အရေးပေါ်တုံ့ပြန်ရေးစနစ် များ အားနည်းခြင်းနှင့် နိုင်ငံတကာအကူအညီများကို ကန့်သတ်ခွဲခြားခဲ့ခြင်းတို့ကြောင့် ပြည်သူများမှာ မလိုလားအပ်သော ဆုံးရှုံးမှုများနှင့် ပိုမိုကြီးမားသော အတိဒုက္ခများကို ရင်ဆိုင်ခဲ့ရသည်ကို တွေ့ရှိ ရပါသည်" ဟု NUG အစိုးရက ပြောဆိုထားသည်။

ပြီးခဲ့သည့် ၂၀၂၅ ခုနှစ်၊ မတ်လ ၂၈ ရက်နေ့ မွန်းလွဲ ၁၂ နာရီ ၅၀ မိနစ်ခန့်တွင် မြန်မာနိုင်ငံ၊ စစ်ကိုင်းမြို့၏ အနောက်-အနောက်မြောက်ဘက် ၁၆ ကီလိုမီတာကို ဗဟိုပြု၍ အင်အားရစ်ခ်တာစကေး ၇.၇ ပမာဏရှိသည့် အလွန်အင်အားပြင်းသော ငလျင်ကြီး လှုပ်ခတ်ခဲ့သည်မှာ ယနေ့ ၂၀၂၆ ခုနှစ်၊ မတ် ၂၈ ရက်နေ့တွင် တစ်နှစ်တင်းတင်း ပြည့်မြောက်ခဲ့ပြီ ဖြစ်သည်။

စစ်ကိုင်းငလျင်ကြီးဖြစ်ပွားစဉ်နှင့် ဖြစ်ပွားပြီးချိန်တွင် အကြမ်းဖက် စစ်အုပ်စုက နိုင်ငံတကာမှ ပေးပို့သော ရှာဖွေကယ်ဆယ်ရေးနှင့် လူသားချင်းစာနာမှု အကူအညီများကို ကန့်သတ်ပိတ်ပင်ခဲ့ခြင်းနှင့် ငလျင်ဘေးသင့်ပြည်သူများအပေါ် ခွဲခြားဖယ်ကြဉ်မှုများ ပြုလုပ်ခဲ့ခြင်းတို့ကြောင့် အမှန်တကယ် အကူအညီလိုအပ်နေသူများစွာ ဒုက္ခရောက်ခဲ့ရသည့်အပြင် ငလျင်ဘေးကယ်ဆယ်ရေး ကာလအတွင်း အကြမ်းဖက် စစ်အုပ်စု၏ လူမဆန်သော လေကြောင်းတိုက်ခိုက်မှုများ ပြုလုပ်ခဲ့သောကြောင့် ပြည်သူများမှာ ဘေးအန္တရာယ် ဒုက္ခများနှင့် ထပ်မံရင်ဆိုင်ခဲ့ရကြောင်း သိရသည်။

အမျိုးသားညီညွတ်ရေးအစိုးရ NUG မှ သုံးသပ်ချက်များအရ အကြမ်းဖက် စစ်အုပ်စု၏ အုပ်ချုပ်မှုအောက်တွင် စံချိန်စံညွှန်းမမီသော အထပ်မြင့်အဆောက်အအုံများကို ခွင့်ပြုခဲ့ခြင်း၊ အရေးပေါ်တုံ့ပြန်ရေးစနစ်များ အလွန်အမင်း အားနည်းခြင်းနှင့် နိုင်ငံတကာအကူအညီများကို ကန့်သတ်ခွဲခြားခဲ့ခြင်းတို့ကြောင့် စစ်ကိုင်းငလျင်ကြီးဖြစ်ပွားစဉ်နှင့် ဖြစ်ပွားပြီးနောက်တွင် ပြည်သူများမှာ မလိုလားအပ်သော ဆုံးရှုံးမှုများနှင့် ပိုမိုကြီးမားသော အတိဒုက္ခများကို ရင်ဆိုင်ခဲ့ရသည်ဟု NUG အစိုးရက ပြောဆိုသည်။

အဆိုပါ ငလျင်ကြီးနှင့် နောက်ဆက်တွဲငလျင်များကြောင့် စစ်ကိုင်းတိုင်း၊ မန္တလေးတိုင်း၊ ရှမ်းပြည်နယ် (တောင်ပိုင်း)၊ နေပြည်တော်နှင့် ပဲခူးတိုင်းတို့တွင် ပြည်သူပေါင်း ၄,၂၀၀ ဦး အသက်ဆုံးရှုံးခဲ့ရပြီး ၃,၆၈၁ ဦး ထိခိုက်ဒဏ်ရာရရှိကာ ၃၅၁ ဦး ပျောက်ဆုံးခဲ့ရသည့်အပြင် နေအိမ်ပေါင်း ၃,၄၀၀ ခန့်၊ ဘာသာရေးအဆောက်အအုံ ၃,၉၃၀ ခန့်နှင့် စာသင်ကျောင်း၊ ဆေးရုံ၊ လမ်းတံတား အပါအဝင် အခြေခံအဆောက်အအုံပေါင်း ၆,၅၀၁ ခန့် ပျက်စီးဆုံးရှုံးခဲ့ရကြောင်း၊ ထို့ပြင် မြန်မာနိုင်ငံ၏ သမိုင်းနှင့် ယဉ်ကျေးမှုတန်ဖိုးများကို ကိုယ်စားပြုသည့် သက်တမ်းရင့် ရှေးဟောင်းသမိုင်းဝင်အမွေအနှစ် အဆောက်အအုံများနှင့် ဘာသာရေး အဆောက်အအုံပေါင်း ၈၀ ကျော် ပြိုကျပျက်စီးခဲ့ရခြင်းမှာလည်း နိုင်ငံတော်နှင့် ပြည်သူများအတွက် အစားထိုးမရနိုင်သော ဆုံးရှုံးမှုကြီး ဖြစ်ပေါ်ခဲ့ရကြောင်း သိရသည်။

ငလျင်ဘေးသင့်ချိန်တွင် အမျိုးသားညီညွတ်ရေးအစိုးရ NUG အနေဖြင့် ငလျင်ဘေးသင့်ပြည်သူများအား ကယ်ဆယ် ကူညီနိုင်ရန်အတွက် ထိုးစစ်ခေတ္တရပ်စဲရေး ကြေညာကာ ပြည်သူမှ ပြည်သူသို့ အစီအမံဖြင့် မြို့နယ်ပေါင်း ၄၆ မြို့နယ်ရှိ အိမ်ထောင်စု ၂၀,၃၄၄ စုကို ငွေကျပ်သန်းပေါင်း ၆,၀၇၇ ခန့် အသုံးပြု၍ ကူညီထောက်ပံ့ခဲ့ကြောင်း၊ ငလျင်ဒဏ်ကြောင့် ပျက်စီးသွားသော နေအိမ်များ၊ လမ်းတံတားများ၊ ရေလှောင်တံမံများနှင့် စာသင်ကျောင်း၊ ဆေးရုံ စသည့် အခြေခံအဆောက်အအုံများကို ပြန်လည်ပြုပြင်တည်ဆောက်ပေးခြင်းနှင့် အသက်မွေးဝမ်းကျောင်းလုပ်ငန်းများ ပြန်လည်ထူထောင်ပေးခြင်းနှင့် စိတ်ပိုင်းဆိုင်ရာ ကျန်းမာရေးပံ့ပိုးမှုများကို တစ်နှစ်တာအတွင်း ဆောင်ရွက်ခဲ့ကြောင်း သိရသည်။

ထို့ပြင် မတရားမှုနှင့် သဘာဝဘေးဒဏ် နှစ်ရပ်လုံးကို ခါးစည်းခံနေရသော စစ်ကိုင်းတိုင်းအပါအဝင် တော်လှန်ရေးနယ်မြေများရှိ ပြည်သူများထံသို့ လူသားချင်းစာနာမှု အကူအညီများ အချိန်မီရောက်ရှိနိုင်ရေးအတွက် တိုင်းရင်းသား တော်လှန်ရေး အဖွဲ့အစည်းများ၊ ဒေသန္တရအုပ်ချုပ်ရေးအဖွဲ့များ၊ အရပ်ဘက် အဖွဲ့အစည်းများနှင့် ပူးပေါင်းဆောင်ရွက်ခဲ့ကြောင်း၊ အမျိုးသားညီညွတ်ရေးအစိုးရ NUG သည် ယခုဖြစ်ရပ်ကို သင်ခန်းစာယူကာ နောင်တစ်ချိန်တွင် သဘာဝဘေးအန္တရာယ်များကို

Khit Thit Media

Mar 29, 2026, 05:38 AM

ကြံ့ကြံ့ခံနိုင်ရုံမျှမက ပြည်သူတို့၏ ဘဝလုံခြုံမှုကို အပြည့်အဝ အာမခံချက်ပေးနိုင်သည့် တရားမျှတသော ဖက်ဒရယ်ဒီမိုကရေစီ နိုင်ငံတော်သစ်ကို တည်ဆောက်သွားမည်ဟု NUG က ကတိပြုထားကြောင်း၊ ထို့ပြင် ငလျင်ဒဏ်ကြောင့် အသက်ဆုံးရှုံးခဲ့ရသူများ၊ မိသားစုနှင့် ခွဲခွာခဲ့ရသူများ၊ ထိခိုက်ဒဏ်ရာရရှိခဲ့သူများ၊ အိုးအိမ်မဲ့ဖြစ်ခဲ့ရသည့် မိဘပြည်သူများအားလုံးနှင့်အတူ ထပ်တူထပ်မျှ အထူး ဝမ်းနည်းကြေကွဲရပါကြောင်း ထုတ်ပြန်ချက်အဆုံးတွင် ဖော်ပြထားသည်။

11,400

234

Khit Thit Media

Mar 29, 2026, 05:38 AM

စစ်တပ် နှင့် မင်းအောင်လှိုင်၏ ပြန်ကြားရေး ဇော်မင်းထွန်း ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေးတပ်ဖွဲ့ ၏ ညွှန်ကြားရေးမှူးရာထူးမှ အနားပေးခံရပြီး ပြန်ကြားရေးဒုဝန်ကြီးအဖြစ် ဆက်ရှိသော်လည်း ရုံးနှင့်အခမ်းအနားများတွင် မတွေ့ရဟုဆို

ရန်ကုန်၊ မတ် ၂၈

အကြမ်းဖက်စစ်တပ်၏ ပြန်ကြားရေးအဖွဲ့ ခေါင်းဆောင် အကြမ်းဖက် ဇော်မင်းထွန်းမှာ ပြည်သူ့ဆက် ဆံရေးနှင့် စိတ်ဓာတ်စစ်ဆင်ရေးတပ်ဖွဲ့ ၏ ညွှန်ကြားရေးမှူးရာထူးမှ အနားပေးခံရပြီး ပြန်ကြားရေးဒုဝန်ကြီးအဖြစ် ဆက်ရှိနေသော်လည်း ရုံး တက်ခြင်းနှင့်အခမ်းအနားများ တက်ခြင်း မတွေ့ရတော့ကြောင်း ပြန်ကြားရေးဝန်ကြီးဌာန သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

မတ်လ ၂၃ ရက်နေ့ ပြည်သူ့ဆက် ဆံရေးနှင့် စိတ်ဓာတ်စစ်ဆင်ရေးတပ်ဖွဲ့ ၏ ညွှန်ကြားရေးမှူး အဖြစ် ဗိုလ်မှူးချုပ် ရဲရင့်အောင် အစားထိုးဝင်ရောက်လာ​ပြီး အကြမ်းဖက် ဗိုလ်ချုပ် ဇော်မင်းထွန်းမှာမူ ယင်းရာထူးမှ အနားယူသွားကြောင်း၊ သို့ရာတွင် ပြန်ကြားရေးဒုဝန်ကြီး အဖြစ် ဆက်လက် ရှိနေဆဲဖြစ်ကြောင်း သိရှိရသည်။

"ပြည်သူ့ဆက်ဆံရေးနဲ့ စိတ်ဓာတ်စစ်ဆင်ရေးရုံး ညွှန်ကြားရေးမှူးက သူ ပြုတ်သွားတာလည်း ရုတ်တရက်ပဲ။ ပြန်ကြားရေးဒုဝန်ကြီးအဖြစ်ကတော့ ဆက်ရှိသေးတယ်။ ဒါပေမယ့် ရုံးတက်တာနဲ့ အခမ်းအနားတွေမှာတော့ မတွေ့ရဘူး။ အရန်အင်အားရောက်တယ်လည်း ပြောကြတယ်။ စစ်ကြောခံရတယ်ဆိုပြီးတော့လည်း မှန်းဆကြတယ်။ အဲဒါတွေတော သေချာမသိဘူး။ ပြန်ကြားရေးဒုဝန်ကြီး အဖြစ် ဆက်ရှိနေတယ်။ ရုံးတက်တာနဲ့ အခမ်းအနားတွေမှာတော့ မတွေ့ရဘူး" ဟု ပြန်ကြားရေး သတင်းရင်းမြစ်က ပြောဆိုသည်။

အကြမ်းဖက် ဇော်မင်းထွန်း စစ်ရုံးညွှန်ကြားရေးမှူးအဖြစ်မှ ရုတ်တရက် အနားယူခြင်း၊ လူမြင်ကွင်းမှ ပျောက်ကွယ်သွားခြင်းအတွက် စစ်ဆေးခံရသည်ဆိုသော သတင်းများ ထွက်ပေါ်နေသော်လည်း ရန်ကုန်ခေတ်သစ်အနေဖြင့် အတည်ပြုနိုင်ခြင်းမရှိပေ။

အခြားတစ်ဖက်တွင်လည်း အကြမ်းဖက်ဇော်မင်းထွန်းသည် စစ်တပ်နှင့် စစ်ခေါင်းဆောင် မင်းအောင်လှိုင်အတွက် အဓိက ပြန်ကြားရေးနှင့် ဝါဒဖြင်္န့ လုပ်ဆောင်ခဲ့သူဖြစ်ပြီး သူ၏ ကြမ်းတမ်းသော စကားအပြောအဆို၊ အင်္ဂလိပ်စကားလုံးများကို အာဘောင် အာရင်းသန်သန်ဖြင့် အသံထွက်မှန်ကန်ခြင်းမရှိဘဲ ပြောဆိုမှုများကြောင့် ပြည်တွင်းပြည်ပတွင် လှောင်စရာတစ်ခုအဖြစ် အမြဲ သရော်ခံရသူလည်းဖြစ်သည်။

DSA စစ်တက္ကသိုလ် ဗိုလ်သင်တန်းအပတ်စဉ် ၃၇ ကျောင်းဆင်းဖြစ်သော ဇော်မင်းထွန်းသည် ယခင် သမ္မတရုံးနှင့် နိုင်ငံတော်အတိုင်ပင်ခံပုဂ္ဂိုလ်ရုံး၏ ညွှန်ကြားရေးမှူးချုပ်နှင့် ပြောရေးဆိုခွင့်ရှိသူဟောင်း ဇော်ဌေးနှင့် အပတ်စဉ်တူ ကျောင်းဆင်းတူသူလည်းဖြစ်သည်။

မကွေးတိုင်း၊ ရေနံချောင်းမြို့နယ်တွင် မွေးဖွားခဲ့သော ဇော်မင်းထွန်းသည် ဇနီးနှင့် သမီး ၁ ဦး ရှိသည်။

Khit Thit Media

Mar 29, 2026, 05:38 AM

📷 Photo

10,200

272

Khit Thit Media

Mar 29, 2026, 05:38 AM

Khit Thit သတင်းဌာန၏ မတ် ၂၈ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ မတ် ၂၈ ရက် ညနေပိုင်း တင်ဆက်ပေးမယ့် သတင်းတွေကတော့

-အမေရိကန်သမ္မတထရမ့်အစိုးရအနေနဲ့ မြန်မာနိုင်ငံဆိုင်ရာ မူဝါဒကို သုံးသပ်ပြီး မြန်မာစစ်တပ်ကို ထိထိရောက်ရောက် အရေးယူမှုတွေ လုပ်ဖို့ အမေရိကန် လွှတ်တော်အမတ် ၄ ဦးက ထရန့်ဆီကို စာပေးပို့လိုက်တယ်လို့ သိရပါတယ်။

အကြမ်းဖက် စစ်အာဏာရှင်စနစ်ကို အမြစ်ပြတ်ချေမှုန်းနိုင်မည့် အဓိကလက်နက်ဟာ ပြည်သူလူထုရဲ့ ညီညွတ်မှုအင်အားသာဖြစ်တယ်လို့ NUG က သတိပေးထုတ်ပြန်လိုက်ပါတယ်။

မြန်မာနိုင်ငံမှာ စစ်ကိုင်းငလျင်ကြီးလှုပ်ခတ်ပြီး ၁ နှစ်အကြာမှာပဲ အီရန်စစ်ပွဲကြောင့် မြန်မာပြည်သူ တွေဟာ ဝမ်းရေးဒုက္ခနဲ့ ထပ်မံရင်ဆိုင်နေရပြန်တယ်လို့ ကမ္ဘာ့စားနပ်ရိက္ခာအစီအစဉ် (WFP) က သတိပေးလိုက်ပါတယ်။

အီရန်စစ်ပွဲနဲ့ပက်သက်ပြီး အမေရိကန်သမ္မတ ထရန့်က ဟော်မုခ်ရေလက်ကြားကို ချက်ချင်းပြန်ဖွင့်ဖို့ အီရန်ကို ၁၀ ရက်အချိန်ပေး ထားတဲ့ ရာဇသံကြောင့် ကမ္ဘာ့လောင်စာဆီစျေးကွက် အကြီးအကျယ် တုန်လှုပ်နေပြီး စျေးတွေ ထပ်တက်နေပြန်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/fEl5eMLWF-s?si=6kpNGb6F-izjYVcR