Ethiopians-University

Public

View Channel

6.6K

120.1K

Can't Join? @ethiopians_university1

6.5k Members

Updated: May 14, 2026 at 6:29 PM

Ethiopians-University

Daily educational news 📢 Buy Ads: https://mangoads.com/

@ethiopians_university1 offers specialized information about news and educational for subscribers interested in World News

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 6.5K

24h growth: -45 1%

Latest Posts

Ethiopians-University

May 24, 2026, 04:43 AM

📷 Photo

#Hawassa_University

በ2018 ዓ.ም በሀዋሳ ዩኒቨርሲቲ ለስፔሻላይዜሽን ስልጠና አዲስ የተመደባችሁ ሬዚደንት ሐኪሞች ምዝገባ ግንቦት 26 እና 27/2018 ዓ.ም የሚከናወን መሆኑን ኒቨርሲቲው አሳውቋል፡፡

ለምዝገባ የሚያስፈልጉ፦
➝ የመጀመሪያ ዲግሪ እና ስቱደንት ኮፒ ዋናውና ኮፒው
➝ ሁለት ፓስፖርት መጠን ፎቶግራፍ
➝ የስፖንሰርሺፕ ደብዳቤ (በጤና ሚኒስቴር ስፖንሰር ከተደረጋችሁ ውጪ)
➝ የድኅረ-ምረቃ ትምህርት መግቢያ ፈተና (NGAT) ውጤት

ምዝገባውን ለማድረግ ኦፊሺያል ትራንስክሪፕት በኢሜል ([email protected]) ወይም በፖ.ሳ.ቁ 05 አስቀድሞ ማስላክ ያስፈልጋል። እንዲሁም ይሰሩበት ከነበረ ተቋም የክሊራንስ ደብዳቤ ማቅረብ ይኖርብዎታል።

ምዝገባው በዩኒቨርሲቲው የሕክምናና ጤና ሳይንስ ኮሌጅ ሬጅስትራር ቢሮ የሚከናወን ሲሆን፤ ከዩኒቨርሲቲው ዋናው ሬጅስትራር ጽ/ቤት እና ከሀዋሳ ዩኒቨርሲቲ የድኅረ-ምረቃ ትምህርት ቤት Admission እና Acceptance ደብዳቤ መያዝ ይጠበቅባችኋል።

280

Ethiopians-University

May 24, 2026, 04:43 AM

📷 Photo

#Woldia_University

የወልድያ ዩኒቨርሲቲ ተጠባባቂ ፕሬዝዳንት ሆነው የተመደቡት አነጋግረኝ ጋሻው (ዶ/ር) አቀባበል ተደርገላቸዋል።

ወልድያ ዩኒቨርሲቲ አዲስ ፕሬዝዳንት የተመደበለት ተቋሙን ላለፉት ስድስት ዓመታት በፕሬዝዳንትነት ሲያገለግሉ የቆዩት አበበ ግርማ (ዶ/ር) የኃላፊነት ጊዜያቸው መጠናቀቁን ተከትሎ መሆኑ ተገልጿል።

አዲሱ ፕሬዝዳንት የትምህርት ሚኒስቴር የሥራ ኃላፊዎች በተገኙበት የሥራ ርክክብ አድርገዋል፡፡

አዲሱ ፕሬዝዳንት በዩኒቨርሲቲው ባለፉት ዓመታት የተሠሩ እንዲሁም አሁን በግንባታ ላይ የሚገኙ ፕሮጀክቶችን ጎብኝተዋል።

አነጋግረኝ ጋሻው (ዶ/ር) ከዚህ ቀደም የደብረ ታቦር ዩኒቨርሲቲ ፕሬዝዳንት በመሆን ማገልገላቸው ይታወሳል።

175

Ethiopians-University

May 24, 2026, 04:43 AM

📷 Photo

#AAEB

በአዲስ አበባ ከተማ አስተዳደር የ2018 ዓ.ም የ6ኛ እና የ8ኛ ክፍል ከተማ አቀፍ ፈተናዎች ከሰኔ 8-12/2018 ዓ.ም ይሰጣሉ። - አዲስ አበባ ትምህርት ቢሮ

የ6ኛ ክፍል ፈተና
● ከሰኔ 8 እስከ 10/2018 ዓ.ም ይሰጣል፡፡

የ8ኛ ክፍል ፈተና
● ሰኔ 11 እና 12/2018 ዓ.ም ይሰጣል፡፡

84,882 የ6ኛ ክፍል ተማሪዎች በ199 የመፈተኛ ጣቢያዎች እንዲሁም 86,808 የ8ኛ ክፍል ተማሪዎች በ201 የመፈተኛ ጣቢያዎች ፈተናውን ለመውሰድ መመዝገባቸውን የከተማ አስተዳደሩ ትምህርት ቢሮ ገልጿል፡፡

293

Ethiopians-University

May 24, 2026, 04:43 AM

📷 Photo

#Registration #INSA

5ኛው የሳይበር ታለንት ሰመር ካምፕ ስልጠና በስድስት ዩኒቨርሲቲዎች ይሰጣል፡፡ - ኢመደአ

ለ5ኛው ዙር ስልጠና እስካሁን ከ4 ሺህ በላይ ታዳጊዎችና ወጣቶች ከመላው ሀገሪቱ የተመዘገቡ ሲሆን፣ የተራዘመው የሰልጣኞች ምዝገባ ሰኞ ግንቦት 17/2018 ዓ.ም ይጠናቀቃል።

የዘንድሮው ሰመር ካምፕ በስድስት ከፍተኛ ትምህርት ተቋማት በጋራ እንደሚሰጥ የኢንፎርሜሽን መረብ ደህንነት አስተዳደር የሳይበር ልሕቀት ማዕከል ዳይሬክተር ቢሻው በየነ ገልፀዋል፡፡

ስልጠናው የሚሰጥባቸው ማዕከላት፦
● አዲስ አበባ ሳይንስና ቴክኖሎጂ ዩኒቨርሲቲ
● ባሕር ዳር ዩኒቨርሲቲ
● ደብረ ብርሃን ዩኒቨርሲቲ
● ወላይታ ሶዶ ዩኒቨርሲቲ
● ሐረማያ ዩኒቨርሲቲ
● ጅማ ዩኒቨርሲቲ

ይመዝገቡ👇
https://ctc.insa.gov.et/registration

357

Ethiopians-University

May 24, 2026, 04:43 AM

📷 Photo

#Bahir_Dar_University

የትምህርት ሚኒስቴር የራስ ገዝነት ገምጋሚ ቡድን የባሕር ዳር ዩኒቨርሲቲ የራስ ገዝነት ዝግጅትን ገምግሟል፡፡

ባሕር ዳር ዩኒቨርሲቲ በቀጣይ ዓመት የራስ ገዝ አስተዳደር ስርዓት ከሚመሰርቱ ዘጠኝ የመንግሥት ዩኒቨርሲቲዎች አንዱ ነው፡፡

የባሕር ዳር ዩኒቨርሲቲ የራስ ገዝነት ዝግጅትን የገመገመው የትምህርት ሚኒስቴር ገምጋሚ ቡድን፥ በዩኒቨርሲቲው የተዘጋጁ የፖሊሲ ሰነዶች፣ መመሪያዎች እና ደንቦችን መርምሯል፡፡ ቡድኑ የዩኒቨርሲቲውን ዘጠኝ ካምፓሶች፣ ላብራቶሪዎች፣ ወርክሾፖች፣ ስማርት የመማሪያ ክፍሎች እና የ ICT መሠረተ ልማቶች ጎብኝቷል።

በተጨማሪም ከዩኒቨርሲቲው መምህራን፣ አመራሮች እና አስተዳደር ሠራተኞች ጋር በዩኒቨርሲቲው ራስ ገዝነት ዝግጅት ላይ ውይይት ተካሒዷል።

ገምጋሚ ቡድኑ በቆይታቸው ያካሔዱትን ግምገማ መሰረት ያደረገ የመውጫ ሪፖርት ለዩኒቨርሲቲው ከፍተኛ አመራሮች እና የራስ ገዝ አስተዳደር ዝግጅት አስተባባሪ ኮሚቴ አባላት አቅርበዋል።

404

Ethiopians-University

May 24, 2026, 04:43 AM

📷 Photo

በትምህርት ሚኒስቴር፣ በውጭ አገራት የጋራ ሀብት ልማት ቢሮ (FCDO) እና በብሪቲሽ ካውንስል መካከል የ5 ሚሊዮን ፓውንድ ስምምነት ተፈረመ፤

በትምህርት ሚኒስቴር፣ በዩናይትድ ኪንግደም የውጭ አገራት የጋራ ሀብት ልማት ቢሮ (FCDO) እና በብሪቲሽ ካውንስል መካከል በኢትዮጵያ የእንግሊዝኛ ቋንቋ ትምህርትን ለማሻሻል የሚያስችል የሶስትዮሽ ስምምነት ተፈራርመዋል።

በለንደን ከተማ እየተካሄደ ከሚገኘው የአለም የትምህርት ፎረም 2026 ጎን ለጎን የትምህርት ሚኒስቴር፣ በውጭ አገራት የጋራ ሀብት ልማት ቢሮ (FCDO) እና በብሪቲሽ ካውንስል መካከል የእንግሊዝኛ ቋንቋ ትምህርትን ለማጠናከርና ለማሻሻል የሚያስችል የአምስት ሚሊየን ፓውንድ ስምምነት ተፈራርመዋል።

ስምምነቱ በኢትዮጵያ የእንግሊዝኛ ቋንቋ ትምህርት ጥራትን ለማሻሻል፣ የመምህራን አቅምን ለማጎልበት እና የተማሪዎችን የቋንቋ ክህሎት  ተገልጿል።

ይህ ስምምነት የአምስት ሚሊየን ፓውንድ ፕሮጀክት ሲሆን በኢትዮጵያ የእንግሊዝኛ ቋንቋን በማሻሻል ረገድ ከፍተኛ አስተዋጽኦ ይኖረዋልም ተብሏል።

በተጨማሪም ስምምነቱ በትምህርት ዘርፉ ያለውን ዓለም አቀፍ ትብብር የሚያጠናክር ሲሆን፣ ተማሪዎች በዓለም አቀፍ ደረጃ ተወዳዳሪ የሚያደርጋቸውን የቋንቋ ክህሎት እንዲያዳብሩ ከፍተኛ አስተዋጽኦ ይኖረዋል ተብሎ ይጠበቃል።

486

Ethiopians-University

May 24, 2026, 04:43 AM

📷 Photo

#Update #EUEE #Remedial | #Exit_Exam

ሀገር አቀፍ ፈተናዎች በሚሰጥባቸው የጊዜ መርሐግብር ላይ ማሻሻያ መደረጉን ሰምተናል።

በዚህም፥
➠ የሪሚዲያል ፈተና ከግንቦት 27/2018 ዓ.ም እስከ ሰኔ 03/2018 ዓ.ም

➠ የቅድመ-ምረቃ የመውጫ ፈተና ከሰኔ 04-12/2018 ዓ.ም

➠ የ12ኛ ክፍል ሀገር አቀፍ መልቀቂያ ፈተና ከሰኔ 23/2018 ዓ.ም እስከ ሐምሌ 17/2018 ዓ.ም የሚሰጡ መሆኑ ተገልጿል።

የመርሐግብር ለውጥ መደረጉን የተወሰኑ የመንግሥት ዩኒቨርሲቲዎች በማኅበራዊ ትስስር ገፆቻቸው እያጋሩ ይገኛሉ።

394

Ethiopians-University

May 24, 2026, 04:43 AM

📷 Photo

#TVTI #Exit_Exam

በፌዴራል ቴክኒክና ሙያ ስልጠና ኢንስቲትዩት በዋና ግቢ እና በስሩ በሚገኙ የሳተላይት ተቋማት የ2018 ዓ.ም ዕጩ ተመራቂዎች እንዲሁም ከ2015 እስከ 2017 ዓ.ም የተሰጡ የመውጫ ፈተናዎችን ተፈትናችሁ ማለፊያ ውጤት ያላመጣችሁ ተማሪዎች የመውጫ ፈተና የምዝገባ ጊዜ ከግንቦት 10-20/2018 ዓ.ም መሆኑን ኢንስቲትዩቱ አሳውቋል፡፡

● በዚህ ዓመት (2018 ዓ.ም) ትምህርታችሁን የምትጨርሱ ተመራቂዎች ምዝገባው በምትማሩበት ግቢ በየትምህርት ክፍላችሁ ይከናወናል፡፡

● በሳተላይት ተቋማት የምትጨርሱ የተከታታይ ፕሮግራም ተመራቂዎች በሳተላይት አስተባባሪዎች አማካኝነት በየሳተላይት ካምፓሶች ምዝገባው ይከናወናል፡፡

● ከ2015 እስከ 2017 ዓ.ም የተሠጡ የመውጫ ፈተናዎች ተፈትናችሁ ያላለፋችሁ ተማሪዎች በሙሉ የምዝገባ ቦታ በዋናው ግቢ ICT Department ህንፃ ቁጥር 2 (Block-2) 1ኛ ፎቅ ይሆናል፡፡ በአቅራቢያዉ የሳተላይት ተቋም ያለበት ተማሪ በሳተላይት ተቋማት መመዝገብ ይችላሉ ተብሏል፡፡

ለምዝገባ ስትሔዱ በኢንስቲትዩቱ የኢትዮጵያ ንግድ ባንክ ሒሳብ ቁጥር 750 ብር ገቢ አድርገው የባንከ ስሊፕና ኮፒ ይዛችሁ መቅረብ ይኖርባችኋል፡፡ በተጨማሪም የፋይዳ መታወቂያ ኮፒ ያስፈልጋል፡፡

ለማንኛውም ጥያቄ 👇
0912043138 / 0938617276

ለኢንስቲትዩቱ ተማሪዎች የመውጫ ፈተና የሚሰጥባቸው ዩኒቨርሲቲዎች፦

➞ ድሬዳዋ ዩኒቨርሲቲ
➞ አርሲ ዩኒቨርሲቲ
➞ ራያ ዩኒቨርሲቲ
➞ ዓዲግራት ዩኒቨርሲቲ
➞ ባሕር ዳር ዩኒቨርሲቲ
➞ ኮምቦልቻ ቴክኖሎጂ ኢንስቲትዩት
➞ አዳማ ሳይንስና ቴክኖሎጂ ዩኒቨርሲቲ
➞ አዲስ አበባ ሳይንስና ቴክኖሎጂ ዩኒቨርሲቲ
➞ ወልቂጤ ዩኒቨርሲቲ
➞ የቴክኒክና ሙያ ስልጠና ኢንስቲትዩት ዋናው ግቢ

336

Ethiopians-University

May 24, 2026, 04:43 AM

📷 Photo

#አስቸኳይ #Remedial

የፊታችን ሰኞ መሠጠት የሚጀምረውን የሪሚዲያል ተማሪዎች ፈተና ለመውሰድ የተመዘገባቹ በአስቸኳይ የማረጋገጥ ሥራ እንድታደርጉ ትምህርት ሚኒስቴር አሳስቧል።

የማረጋገጥ ሥራው (Self Verification) ከ2-3 ደቂቃዎች ብቻ የሚወስድና የተፈታኞችን የትምህርት ሰነዶች ከፋይዳ መታወቂያ ጋር ለማስተሳሰር የሚያስችል መሆኑ ተመላክቷል።

ተከታዩን ሊንክ ( https://verify.ethernet.edu.et/) ከተጫኑ በኋላ Remedial Examination የሚለውን ይጫኑ፣ Start Verification የሚለውን በመጫንና የሚያስፈልገውን በመሙላት ያረጋግጡ።

የሪሚዲያል ተማሪዎች ፈተና ከግንቦት 17-20/2018 ዓ.ም እእንደሚሰጥ ይታወቃል።

https://t.me/ethiopians_university

350

Ethiopians-University

May 24, 2026, 04:43 AM

📷 Photo

#MoE #UoG

የትምህርት ሚኒስቴር የራስ ገዝነት ገምጋሚ ቡድን በጎንደር ዩኒቨርሲቲ ሲያካሒደው የነበረውን የራስ ገዝነት ዝግጅት ግምገማ አጠናቋል፡፡

የገምጋሚ ቡድን አባላቱ በዩኒቨርሲቲው የተዘጋጁ 46 ሰነዶችን የገመገመ ሲሆን፤ ላብራቶሪዎችን፣ ወርክሾፖችን፣ የምርምርና ሕክምና መስጫ ማዕከላትን፣ የ ICT መሠረተ ልማቶችን፣ የእንሰሳት ሀብትና ግብርና ልማት ሥራዎችን ጎብኝተዋል።

በተጨማሪም ከዩኒቨርሲቲው መምህራን፣ ተማሪዎች እና አስተዳደር ሠራተኞች እንዲሁም ከጎንደር ከተማ የማኅበረሰብ ተወካዮች ጋር በዩኒቨርሲቲው ራስ ገዝነት ዝግጅት ላይ ውይይት ተካሒዷል።

ገምጋሚ ቡድኑ የመውጫ ሪፖርት ለዩኒቨርሲቲው ከፍተኛ አመራሮች እና የራስ ገዝ አስተዳደር ዝግጅት አስተባባሪ ኮሚቴ አባላት አቅርቧል።

ቡድኑ የዩኒቨርሲቲውን ጥንካሬዎች አቅርበው፣ መሻሻል ያለባቸው ጉዳዮችንም በሪፖርቱ አካቷል። ይህም የግምገማ ሪፖርት ለትምህርት ሚኒስቴር እንደሚያቀርብ ተገልጿል።

የዩኒቨርሲቲው ፕሬዝዳንት አስራት አጸደወይን (ዶ/ር) የልዑካን ቡድኑ የለያቸውና መሻሻል ያለባችውን ጉዳዮች በአጭር ጊዜ ለማስተካከል እንደሚሠራ ተናግረዋል፡፡

388

Ethiopians-University

May 9, 2026, 07:32 PM

📷 Photo

Still relying on guesswork in trading? FX Version By Irfan directly addresses the gap between market analysis and profitable strategies.

🚀 Stop leaving money on the table with incomplete insights

⚡️ Make informed decisions with sharp market analysis

🚀 Elevate trading to a science, not a gamble

Get ahead of the market

#Ad | https://t.me/adsteloBot

Ethiopians-University

May 9, 2026, 07:32 PM

📷 Photo

#INSA #CyberTalentChallenge

የኢንፎርሜሽን መረብ ደህንነት አስተዳደር (ኢመደአ) 5ኛ ዙር የሳይበር ታለንት ቻሌንጅ ሰመር ካምፕ ምዝገባ ማድረግ ጀምሯል፡፡

ፕሮግራሙ ከአንደኛ ደረጃ ትምህርት እስከ ዩኒቨርሲቲ ተመራቂ ድረስ ያሉ ልዩ ተሰጥኦና ፍላጎት ያላቸውን ታዳጊ ወጣቶች እንደሚያካትት አስተዳደሩ አሳውቋል።

🚀 የምዝገባ ጊዜ፦
ከሚያዚያ 29 እስከ ግንቦት 10/2018 ዓ.ም

ለመመዝገብ ብሔራዊ መታወቂያ (National ID) እንደሚያስፈልግ ተገልጿል፡፡

የመወዳደሪያ ዘርፎች፦
🔹 ሳይበር ደህንነት
🔹 ዴቨሎፕመንት
🔹 ኢምቤድድ ሲስተም
🔹 ኤሮስፔስ
🔹 ኢመርጂንግ ቴክኖሎጂ

የሰመር ካምፕ ፕሮግራሙ የሚካሔድባቸው ዩኒቨርሲቲዎች፦
➠ አዲስ አበባ ሳይንሳና ቴክኖሎጂ ዩኒቨርሲቲ
➠ ባሕር ዳር ዩኒቨርሲቲ
➠ ጅማ ዩኒቨርሲቲ
➠ ደብረ ብርሃን ዩኒቨርሲቲ
➠ ወላይታ ሶዶ ዩኒቨርሲቲ
➠ ሐረማያ ዩኒቨርሲቲ

ለመመዝገብ 👇🏼
https://ctc.insa.gov.et/registration

377

Ethiopians-University

May 9, 2026, 07:32 PM

📷 Photo

የአዲስ አበባ ከተማ አስተዳደር ትምህርት ቢሮ የ6ኛ፣ 8ኛ እና 12ኛ ክፍል ተማሪዎች የ2018 ዓ.ም #ሞዴል ፈተናዎችን ከግንቦት 10-12/2018 ዓ.ም ይሰጣል፡፡

የክልል አቀፍ እና ሀገር አቀፍ ሞዴል ፈተናዎቹ ተማሪዎቹ ያሉበትን ደረጃ አውቀው ለዋናው ፈተና በአግባቡ ዝግጅት እንዲያደርጉ የሚያስችል መሆኑን ተገልጿል፡፡

121

Ethiopians-University

May 9, 2026, 07:32 PM

📷 Photo

በመንግሥት ዩኒቨርሲቲዎች ውስጥ የተማሪዎች የምግብ አገልግሎትን የሚቆጣጠር ብሔራዊ ተቋም ሊመሰረት መሆኑ ተሰምቷል፡፡

ውሳኔው ዩኒቨርሲቲዎች ተማሪዎችን ከመመገብ መደበኛ ሥራ በመውጣት በአካዳሚያዊ እና ስትራቴጂካዊ ጉዳዮች ላይ ብቻ ትኩረት እንዲያደርጉ የሚያስችል ነው ተብሏል፡፡

በዚህም ለዩኒቨርሲቲዎቹ የምግብ አገልግሎትን ለማቅረብ የአንድ ማዕከል የግዢ፣ የዝግጅት እና የስርጭት አገልግሎት ለማቅረብ የሚያስችል ማዕቀፍ በትምህርት ሚኒስቴር እየተዘጋጀ መሆኑ ተገልጿል፡፡

ይህ ዕቅድ ለሕዝብ ተወካዮች ምክር ቤት የሰው ሀብት ስምሪትና ቴክኖሎጂ ጉዳዮች ቋሚ ኮሚቴ ባለፈው ወር መቅረቡ ታውቋል፡፡

ትምህርት ሚኒስቴር ከተሻሻለው የዩኒቨርሲቲ ተማሪዎች ዕለታዊ የምግብ ተመን ጋር የተጣጣመ ስታንዳርድ የምግብ ሜኑ ከታህሳስ 2017 ዓ.ም ጀምሮ ተግባራዊ እያደረገ ይገኛል፡፡

አሁን ላይ ሚኒስቴሩ የዩኒቨርሲቲዎች የምግብ አገልግሎትን የሚቆጣጠር ብሔራዊ የምግብ ተቋም ለማቋቋም እየተሠራ እንደሆነ በሚኒስቴሩ የከፍተኛ ትምህርት ዘርፍ ሚኒስትር ዲኤታ ኮራ ጡሽኔ ገልፀዋል፡፡

503

Ethiopians-University

May 9, 2026, 07:32 PM

📷 Photo

#AAU

አዲስ አበባ ዩኒቨርሲቲ የሥራ ሳምንት አውደ ርዕይ ከሚያዝያ 28-30/2018 ዓ.ም ያካሒዳል።

የመክፈቻ ስነ-ስርዓት ረዕቡ ሚያዝያ 28/2018 ዓ.ም በአዲስ አበባ ዩኒቨርሲቲ ዋናው ግቢ (6 ኪሎ) ራስ መኮንን አዳራሽ ጠዋት 2:30 ይከፈታል።

📍 ቦታ፦ በሁሉም የዩኒቨርሲቲው ኮሌጆች

795

Ethiopians-University

May 9, 2026, 07:32 PM

📷 Photo

የቅዱስ ጳውሎስ ሆስፒታል ሚሊኒየም ሕክምና ኮሌጅ በጤና ሳይንስ የትምህርት ዘርፎች ያሰለጠናቸውን 556 ተማሪዎች አስመርቋል።

ተመራቂዎቹ በጠቅላላ ሕክምና፣ በስፔሻላይዜሽን እና በተለያዩ የጤና ሳይንስ ዘርፎች የሰለጠኑ ናቸው።

ከተመራቂዎቹ መካከል 14ቱ ከተለያዩ የአፍሪካ አገራት የመጡ መሆናቸው ተገልጿል።

810

Ethiopians-University

May 9, 2026, 07:32 PM

📷 Photo

#ETA

የግል ከፍተኛ ትምህርት ተቋማት በሰኔ 2018 ዓ.ም መጀመሪያ የሚሰጠውን መውጫ ፈተና የሚፈተኑ ብቁ እጩ ምሩቃንን ዝርዝር መረጃ እንዲልኩ የትምህርትና ስልጠና ባለሥልጣን ጠይቋል።

የተፈታኞች ምዝገባ ከሚያዝያ 26/2018 ዓ.ም እስከ ግንቦት 07/2018 ዓ.ም እንደሚካሔድ የትምህርት ምዘናና ፈተናዎች አገልግሎት ማሳወቁ ይታወሳል።

አስፈታኝ የሆኑ ከፍተኛ ትምህርት ተቋማት በተጠቀሱት ቀናት ውስጥ ብቻ የተፈታኞቻቸውን መረጃ በተለመደው ሲስተም እንዲያስገቡ አገልግሎቱ አሳስቧል።

በመሆኑም የግል ከፍተኛ የትምህርት ተቋማት ፈቃድ በተሰጣቸው የትምህርት መስኮች፣ ትምህርት ደረጃ፣ መርሐግብር እና ካምፓስ በሰኔ 2018 ዓ.ም ለሚሰጠው የመውጫ ፈተና #ለመጀመሪያ_ጊዜ የሚፈተኑ እጩ ምሩቃን ዝርዝር መረጃ ከላይ በተያያዘው ቅፅ መሰረት ከሚያዝያ 26/2018 ዓ.ም እስከ ግንቦት 07/2018 ዓ.ም ከዚህ በፊት በምታስገቡበት ሲስተም እንድታስገቡ ባለሥልጣኑ በቀን 21/08/2018 ዓ.ም ለሁሉም የግል ከፍተኛ ትምህርት ተቋማት በጻፈው ደብዳቤ አሳስቧል፡፡

1,110

Ethiopians-University

May 9, 2026, 07:32 PM

📷 Photo

#National_Election

በዩኒቨርሲቲዎች ውስጥ ያሉ ተማሪዎች ለ7ኛው ጠቅላላ ምርጫ የመራጭነት ምዝገባ ዛሬ ሚያዝያ 24/2018 ዓ.ም እንደሚጠናቀቅ ይጠበቃል፡፡

ምዝገባው ከሚያዝያ 17/2018 ዓ.ም ጀምሮ ለ8 ቀናት ሲከናወን ቆይቷል።

በቀሩት ሰዓታት ለመመዝገብ በምርጫ ቦርድ የተዘጋጀውን የዩኒቨርሲቲ ተማሪዎች የመመዝገቢያ ፖርታልን ይጠቀሙ👇
https://uni.mirchaye.nebe.org.et/

ለመመዝገብ የሚያስፈልጉ፦
➝ በሚገኙበት ዩኒቨርሲቲ ኔትዎርክ ላይ መሆን፣
➝ ስልክ፣ ኮምፒውተር ወይም ላፕቶፕ፣
➝ ብሔራዊ መታወቂያ፣
➝ ብሔራዊ መታወቂያ ሲያወጡ የወጣበት የስልክ ቁጥር፡፡

928

Ethiopians-University

May 9, 2026, 07:32 PM

📷 Photo

#MoE

የትምህርት ዘርፉን ከነበረበት ችግሮች ለማውጣት በርካታ ተግባራት መከናወናቸውን የትምህርት ሚኒስትሩ ፕሮፌሰር ብርሃኑ ነጋ ገለጹ።
‎
የትምህርት ሚኒስትሩ "የማህበራዊ ልማት እመርታ ለሀገር ግንባታ’’ በሚል መሪ ሐሳብ በተዘጋጀውና በማህበራዊ ዘርፍ ባለፉት ዓመታት የተመዘገቡ ዐበይት ውጤቶች በሚቀርቡበት የምክክር መድረክ ላይ በትምህርት ዘርፉ የተከናወኑና የተመዘገቡ ስኬቶችን አቅርበዋል።

በዚሁ ጊዜ ከለውጡ በፊት የትምህርቱ ዘርፍ በእጅጉ የተጎዳ፣ ሰፊ እና አፋጣኝ ተሀድሶ ከሚያስፈልጋቸው ዘርፎች አንዱ  እንደነበር አብራርተዋል።

በተለይም የትምህርት ስርዓቱ እጅግ የተዳከመ፣ የመሠረተ ልማት ጥራትና የግብዓት እጥረት የነበረበት ፣ የተማሪ-መምህር፣ የተማሪ-ክፍል ጥምርታ አለመመጣጠን፣ ለትምህርት ዓይነቶች ብቁ የሆኑ መምህራን አለመኖርና የሚሉትና መሰል ችግሮች እነደነበሩበት አንስተዋል።

በተጨማሪም የስርዓተ ትምህርት አግባብነትና የመጻሕፍት ተደራሽነት ችግሮች፣ ኢ-ፍትሃዊነትና ኢ-እኩልነት፣ የትምህርት ሴክተሩ ትክክለኛነት መዳከም፣ ዝቅተኛ የቅድመ መደበኛ ትምህርት ተደራሽነት መኖር ከብዙ ማነቆዎች ጥቂቶች እንደነበሩ ዘርዝረዋል።
‎
በዚህም በጥናት በተደገፈ መልኩ የትምህርት ዘርፉን ፍላጎቶች እና ተግዳሮቶች በመለየት ከተመዘገቡ ዋና ዋና ለውጦች መካከል የሥርዓተ ትምህርት ዝግጅትና ትግበራ፣ የመጻሕፍት ህትመት ስርጭትና ተደራሽነት፣ የመምህራንና የትምህርት አመራር ልማት ልዩ የአቅም ግንባታ ስልጠና ትኩረት ተሰጥቷቸው መተግበራቸውን ጠቅሰዋል።

962

Ethiopians-University

May 9, 2026, 07:32 PM

📷 Photo

#AASTU

አዲስ አበባ ሳይንስና ቴክኖሎጂ ዩኒቨርሲቲ ወደ ራስ-ገዝነት ለመሸጋገር የሚያስችለውን የተቋማዊ ብቃት ግምገማ አካሒዷል።

ዩኒቨርሲቲው ትምህርት ሚኒስቴር ባስቀመጠው የመገምገሚያ መስፈርት መሠረት ራሱን በገለልተኛ ባለሙያዎች የማስገምገም ሥራ አከናውኗል።

ገለልተኛ ባለሙያዎች፣ የመምህራን ተወካዮች እንዲሁም የአስተዳደር ሠራተኞች የተካተቱበት ኮሚቴ ተዋቅሮ የግምገማ ሒደቱ መከናወኑን የዩኒቨርሲቲው ፕሬዝዳንት ደረጀ እንግዳ (ዶ/ር) ተናግረዋል።

የግምገማ ውጤቱ በዩኒቨርሲቲው ሥራ አመራር ቦርድ ከፀደቀ በኋላ ለትምህርት ሚኒስቴር እንደሚላክ ጠቁመዋል።

ግምገማው በዋናነት አራት ቁልፍ የትኩረት መስኮችን ማለትም አካዳሚክና ምርምር፣ አስተዳደራዊ መዋቅር፣ የፋይናንስ አስተዳደር እና የሰው ሀብት ልማት መሠረት አድሮጎ መካሔዱ ተገልጿል።

አሁን ላይ ለራስ-ገዝነት አስፈላጊ የሆኑ ፖሊሲዎች እና ስትራቴጂካዊ ሰነዶች ተዘጋጅተው መጠናቀቃቸው የተገለፀ ሲሆን፤ ዩኒቨርሲቲው በቀጣይ የውጭ ግምገማ ሒደቶችን ለመቀበል ዝግጁ መሆኑ ተመላክቷል።

827

Ethiopians-University

May 2, 2026, 09:50 AM

http://XsBets.com/
200% Deposit Bonus 12,000 Slots & Live Games. Sports Betting Available. No KYC Anonymous Crypto Casino. BTC, ETH, USDT

● Via https://t.me/adstelobot

Ethiopians-University

May 2, 2026, 09:50 AM

📷 Photo

#MoE

ትምህርት ሚኒስቴር ከሁሉም ክልሎች እና ድሬደዋ ከተማ አስተዳደር ጋር በመተባበር 1452 የቅድመ አንደኛ ደረጃ ትምህርት ቤቶችን ለመገንባት ማቀዱን ተገለጸ።

ትምህርት ሚኒስቴር ከሁሉም ክልሎች እና ድሬደዋ ከተማ አስተዳደር ጋር በመተባበር 1452 የቅድመ አንደኛ ደረጃ ትምህርት ቤቶችን ለመገንባት የሚረዳ የጋራ መግባቢያ ስምምነት ሰነድ ተፈራርሟል፡፡

የትምህርት ሚኒስትሩ ክቡር ፕሮፌሰር ብርሃኑ ነጋ ትምህርት ሚኒስቴር ከሁሉም ክልሎች እና ድሬደዋ ከተማ አስተዳደር ጋር በመተባበር 1452 የቅድመ አንደኛ ደረጃ ትምህርት ቤቶችን ለመገንባት ማቀዱን ገልጸዋል።

አዲስ የሚገነቡት ቅድመ አንደኛ ደረጃ ትምህርት ቤቶች በሀገር አቀፍ ደረጃ ከዚህ በፊት ቅድመ አንደኛ ትምህርት ቤቶች ባልተገነቡባቸው 727 ወረዳዎች ውስጥ መሆኑን ጠቁመዋል።

እንደ ሀገር ሊገነቡ ከታቀዱት 1452 ትምህርት ቤቶች መካከል ግማሽ የሚሆኑት  የሚገነቡት በትምህርት ሚኒስቴር መሆኑንና ቀሪዎቹ ደግሞ በክልሎችና ድሬደዋ ከተማ አስተዳደር መሆኑን አንስተዋል፡፡

ትምህርት ሚኒስቴር ለሚያስገነባቸው ትምህርት ቤቶች የሚያስፈልገውን 40 ሚሊዮን ዶላር ከአጋር ድርጅቶች እርዳታ ማግኘቱን ክቡር ሚኒስትሩ ገልጸዋል፡፡

506

Ethiopians-University

May 2, 2026, 09:50 AM

📷 Photo

#Wallaga_University

ወለጋ ዩኒቨርሲቲ ያስገነባቸውን የኢ-ለርንግ መልቲሚዲያ ስቱዲዮ፣ ስማርት የስብሰባ ክፍሎች እና ስማርት የመማሪያ ክፍሎች ተረከበ፡፡

ግንባታቸው ተጠናቆ ርክክብ የተደረገባቸው ፕሮጀክቶቹ፤ 260 ሚሊዮን ብር ወጪ እንደተደረገባቸው ተገልጿል፡፡

ፕሮጀክቶቹ የዩኒቨርሲቲውን የመማር ማስተማር፣ የምርምር እና የቴክኖሎጂ ሽግግር እንዲሁም አገልግሎት አሰጣጥን በዲጅታል ቴክኖሎጂ የሚያዘምኑ ናው ተብሏል፡፡

በ2016 ክረምት ሥራቸው የተጀመረው ፕሮጅክቶቹ፤ ሀን ሁይ አንታይ ቴክኖሎጂ በተባለ ድርጅት የተገነቡ መሆኑ ተመላክቷል፡፡

ለአገልግሎት የበቁት ፕሮጀክቶች፦
➝ e-Learning System
➝ Multimedia Educational Content Development Studio
➝ Collaborative Smart Classrooms
➝ Collaborative Smart Meeting Rooms

እያንዳንዳቸው 51 ተማሪዎች መያዝ የሚችሉ ሰባት ስማርት የመማሪያ ክፍሎች ለአገልግሎት የበቁ ሲሆን፤ 3 በሻምቡ ካምፓስ፣ 3 በጊምቢ ካምፓስ እና 1 በዩኒቨርሲቲው ኮምፕሪሄንሲቭ ስፔሻላይዝድ ሆስፒታል መመረቃቸው ከዩኒቨርሲቲው ያገኘነው መረጃ ያሳያል፡፡

549

Ethiopians-University

Apr 22, 2026, 04:43 PM

📷 Photo

#National_Election

በዩኒቨርሲቲዎች ውስጥ ያሉ ተማሪዎች ለ7ኛው ምርጫ የመራጭነት ምዝገባ ከሚያዝያ 17-24/2018 ዓ.ም እንደሚከናወን ተሰምቷል፡፡

የኢትዮጵያ ብሔራዊ ምርጫ ቦርድ ለዩኒቨርሲቲ ተማሪዎች የመመዝገቢያ ፖርታል ( https://uni.mirchaye.nebe.org.et/) አዘጋጅቷል፡፡

ምዝገባውን ለማከናወን ምን ያስፈልጋል?

➪ በሚገኙበት ዩኒቨርሲቲ ኔትዎርክ ላይ መሆን፣
➪ ስልክ፣ ኮምፒውተር ወይም ላፕቶፕ፣
➪ ብሔራዊ መታወቂያ፣
➪ ብሔራዊ መታወቂያ ሲያወጡ የወጣበት የስልክ ቁጥር፡፡

823

Ethiopians-University

Apr 22, 2026, 04:43 PM

📷 Photo

385

Ethiopians-University

Apr 22, 2026, 04:43 PM

#MoE

የመውጫ ፈተና የስነምግባር ጥሰቶችና ወንጀሎች

በዩኒቨርሲቲ ተማሪዎች የመውጫ ፈተና ላይ "የተደራጀ የማጭበርበር ስልት" እያጋጠመ መሆኑን የትምህርት ሚኒስትሩ ጠቆሙ።

በፈተና ወቅት ኮምፒውተርና ስልኮችን ደብቆ ማስገባት፣ የዩኒቨርሲቲ የቴክኖሎጂ ባለሙያዎች ከተወሰኑ ቡድኖች ጋር ተመሳጥሮ ተማሪዎች ወደ ፈተና ሳይገቡ በተማሪዎች ኮድ ገብተው መፈተንን የመሳሰሉ ለማመን የሚከበዱ የወንጀል ድርጊቶች መኖራቸውን ሚኒስትሩ ብርሃኑ ነጋ (ፕ/ር) ለሕ/ተ/ም/ቤት የሰው ሀብት ልማት፣ ሥራ ስምሪትና ቴክኖሎጂ ጉዳዮች ቋሚ ኮሚቴ ሰሞኑን ተናግረዋል፡፡

"የዩኒቨርሲቲ መምህር ነኝ የሚል፣ የትምህርትን ጥራት ለማስጠበቅ ጥረት የማያደርግ ሆኖ ሲገኝ በጣም ያሳፍራል። ተማሪዎችን በገንዘብ ለማስኮረጅ ወይም እንዲሰርቁ የሚፈቅድ መምህር አይደለም፡፡ ከዩኒቨርሲቲ ወይም ከትምህርት ዘርፍ ለማስወጣት እርምጃ እየወሰድን ነው" በማለት አብራርተዋል፡፡

ፈተናውን አሰራቂው አንድ ዩኒቨርሲቲ ሰራቂው ሌላ ዩኒቨርሲቲ ሆነው የሚያከናውኑት መሆኑን ገልፀው፤ በጉዳዩ ላይ ምርምራ እንዲካሔድ ለፌዴራል ፖሊስ መሰጠቱን ገልፀዋል።

"በሙሉ ያለንን ዳታ ሰብስበን ከያዘን በኋላ፣ በነዚህ ጉዳዮች ላይ ዝርዝር የሆነ ምርመራ እንዲካሔድ ብለን ለፌዴራል ፖሊስ ሰጥተናል" ሲሉ ተደምጠዋል።

የወንጀል ድርጊቱ በተፈጠረበት ወቅት ወዲያውኑ ለማስያዝና በቁጥጥር ስር ለማዋል በተደረገ ጥረት እንቢተኝነት አጋጥሞ ነበር ያሉት ሚኒስትሩ፤ ይህ በአመዛኙ በአዲስ አበባ የተከሰተ መሆኑን ጠቁመዋል፡፡

"ያስቀመጥነው ሕግ የሚለው በዚህ የጥፋት ሥራ ላይ የተገኙና ማስረጃ የተገኘባቸው፣ ከዩኒቨርሲቲው ጋር ግንኙነት ያላቸው ግለሰቦች ወዲያውኑ ከዩኒቨርሲቲው ይባረራሉ፡፡ ከዛ በኋላም የወንጀል ሥራ በመሆኑ ፌዴራል ፖሊስ በምርመራ የሚያገኘውን ተከትሎ ወደ ፍርድ እንዲቀርቡ ይደረrጋል፡፡ የተወሰኑት ታስረው ምርመራ ላይ ናቸው፡፡ እንዲህ አይነት ባህሪ የላቸው ግለሰቦች ከዩኒቨርሲቲዎች ጠቅላላና ለወደፊትም ከትምህርት ሴክተርውስጥ እንዳይሳተፉ ይደረጋል" ብለዋል፡፡

449

Ethiopians-University

Apr 22, 2026, 04:43 PM

📷 Photo

በየካቲት ወር የተሰጠው የመውጫ ፈተና አኃዛዊ መረጃዎች፦

➪ 213,676 ተፈታኞች የ2018 ዓ.ም አጋማሽ የመውጫ ፈተናውን ወስደዋል።

➪ 49,664 ተፈታኞች (23.24%) 50 በመቶ እና ከዚያ በላይ ውጤት አምጥተዋል (ቅሬታ አቅርበው የተስተካከለላቸውን ጨምሮ፡፡)

➪ የ12,166 ተማሪዎች ውጤት ተሰርዟል፡፡

● 2074 ተማሪዎች የተለያዩ ቴክኖሎጂዎች እና አካላዊ ነገር በመጠቀም ፈተና ክፍል ከገቡ በኋላ ለማጭበርበር የሞከሩ፡፡

● 817 ተፈታኞች የተለያዩ ያልተፈቀዱ ቁሳቁሶችን የያዙና በተፈቀዱ ኮምፒውተሮች ላይ ያልተፈቀዱ ድርጊቶችን የማድረግ ሥራ ሲሰሩ እጅ ከፍንጅ የተያዙ፡፡

● 8645 ሌላ ሰው እንዲፈተንላቸው ያደረጉ ተማሪዎች ውጤት ተሰርዟል (ለመፈተን አጭበርብረው የገቡ ሰዎች አቴንዳንስ አይፈርሙም ነበር፡፡)

● 630 ከአንድ ግዜ በላይ ደግመው ለመፈተን የሞከሩ ተማሪዎች ውጤት ተሰርዟል (ፈተናው በሦስት ዙር መሰጠቱ ይታሳል፡፡)

(መረጃው የትምህርት ምዘናና ፈተናዎች አገልግሎት ዋና ዳይሬክተር እሸቱ ከበደ (ዶ/ር) ለፓርላማ ካቀረቡት ሪፖርት የተወሰደ ነው።)

560

Ethiopians-University

Apr 22, 2026, 04:43 PM

📷 Photo

#MoE

የዩኒቨርሲቲ ተማሪዎች የማይመርጧቸው የትምህርት መስኮችን የሚያስተምሩ መምህራን ፊልድ መቀየር እንዳለባቸው የትምህርት ሚኒስቴር አስገነዘበ።

በዩኒቨርሲቲዎች ሒሳብ፣ ሳይንስ እና ግብርና ትምህርቶች በተማሪዎች እየተመረጡ አለመሆኑን በሕ/ተ/ም/ቤት የሰው ሀብት ልማት፣ ሥራ ስምሪትና ቴክኖሎጂ ጉዳዮች ቋሚ ኮሚቴ ሰሞኑን ባቀረበው ሪፖርት ጠቅሶ፣ ችግሩን ለመፍታት ምን እየተሠራ ነው ሲል ጠይቋል፡፡

የትምህርት ሚኒስትሩ ብርሃኑ ነጋ (ፕ/ር) በሰጡት ምላሸ ዩኒቨርሲቲ ውስጥ ፍልስፍና፣ ታሪክ ወይም ሌሎች የትምህርት መስኮች በተማሪዎች ካልተመረጡ መምህራኑም ሥራ ወዳለበት ቦታ ሊሄዱ ይገባል ብለዋል።

"መምህራንም ሆኑ ሠራተኞች በእኛ አገር አንዴ የያዙትን ቦታ መልቀቅ አይፈልጉም" በማለት ገልፀዋል፡፡

በዩኒቨርሲቲ ተማሪዎች በማይመረጡ የትምህርት መስኮች ሲያስተምሩ የነበሩ መምህራን፣ ከተማሪዎች ጋር በመሆን በሚያዋጣቸው ፊልድ መንቀሳቀስ አለባቸው ብለዋል፡፡

"በዩኒቨርሲቲዎች ያለ ምንም ምክንያት ወደ ክፍል በማይገቡ መምህራን ላይ በአዲስ አበባ ጭምር ቁጥጥር እናደርጋለን" ሲሉ ተናግረዋል፡፡

467

Ethiopians-University

Apr 22, 2026, 04:43 PM

📷 Photo

#MoE

ሀገራዊ የምርምር ስራዎች ስነ-ምግባራቸውን ጠብቀው እንዲከናወኑ የሚያስችል የዲጂታል አሰራር ስርዓት ይፋ ሆነ

የትምህርት ሚኒስቴር በሀገሪቱ የሚካሄዱ የምርምር ስራዎች ጥራታቸውን እና የምርምር ስነ-ምግባር መርሆዎችን ጠብቀው እንዲከናወኑ የሚያስችል አዲስ የሶፍትዌር መተግበሪያ ዛሬ በይፋ አስጀምሯል።
በመርሃ ግብሩ ላይ የተገኙት የከፍተኛ ትምህርት ልማት ዘርፍ ሚኒስትር ዴኤታ ክቡር አቶ ኮራ ጡሽኔ ይህ አዲስ የዲጂታል ስርዓት በ European & Developing Countries Clinical Trials Partnership (EDCTP) ድጋፍ የለማ መሆኑን ጠቁመው፣ የምርምር ስራዎችን ለመገምገም፣ ለመከታተልና ለመደገፍ ከፍተኛ ሚና እንደሚጫወት ገልጸዋል።

ሚኒስትር ዴኤታው አክለውም የክትትልና የግምገማ ስራዎችን ማዘመን የምርምር ስራዎች በሰው፣ በእንስሳትና በአካባቢ ላይ ሊያመጡ የሚችሉትን አሉታዊ ተጽዕኖ ለመቀነስ ወሳኝ መሆኑን ተናግረዋል።

600

Ethiopians-University

Apr 22, 2026, 04:43 PM

📷 Photo

በ2018 የትምህርት ዘመን ለመመዝገብ ከታቀደው ተማሪዎች መካከል 6.3 ሚሊዮን የሚሆኑት አለመመዝገባቸውን ትምህርት ሚኒስቴር ለፓርላማ በላከው ሪፖርት አስታውቋል።

በተለያዩ ክልሎች 2,672 ትምህርት ቤቶች ዘንድሮ የመማር ማስተማር ሥራ አለመጀመራቸው፤ ተማሪዎቹ በትምህርት ገበታቸው ላይ ላለመገኘታቸው በምክንያትነት ተጠቅሷል።

ትምህርት ሚኒስቴር ለሕ/ተ/ም/ቤት የሰው ሀብት ልማት፣ ስራ ስምሪትና ቴክኖሎጂ ጉዳዮች ቋሚ ኮሚቴ የላከው ባለ 108 ገጽ የዘጠኝ ወር የስራ አፈጻጸም ሪፖርት፤ በዘንድሮው የትምህርት ዘመን 33.5 ሚሊዮን ተማሪዎችን ለመመዝገብ ታቅዶ እንደነበር ያሳያል።

ይሁን እንጂ ሚኒስቴር መስሪያ ቤቱ በእቅድ ከያዘው ውስጥ 19 በመቶ (6,380,932) ተማሪዎች መመዘገብ አለመቻላቸው ተጠቁሟል።

ተማሪዎቹ በትምህርት ገበታቸው ላይ ላለመገኘታቸው ሚኒስቴር መስሪያ ቤቱ በምክንያትነት የጠቀሰው፤ 2,672 በላይ ትምህርት ቤቶች በሰው ሰራሽ እና በተፈጥሮ ችግሮች ምክንያት ስራ አለመጀመራቸውን ነው። ሆኖም ሪፖርቱ “ሰው ሰራሽ” እና “የተፈጥሮ” ያላቸውን ችግሮች አላብራራም።

በዘንድሮው የትምህርት ዘመን ስራ ካልጀመሩ ትምህርት ቤቶች ውስጥ 77.4 በመቶ በአማራ ክልል፣ 11.8 በመቶ በትግራይ እና 8.8 በመቶ በኦሮሚያ ክልሎች የሚገኙ መሆኑ በሪፖርቱ ተመላክቷል። የተቀሩት ሁለት በመቶ የሚሆኑት በተለያዩ አካባቢዎች የሚገኙ መሆናቸውን ከትምህርት ሚኒስቴር የተገኘው መረጃ ያመለክታል።

521

Showing 30 of 46 posts

Loading posts...