International News- Ethiopia

Public

View Channel

6.6K

120.1K

Can't Join? @Politics101Ethiopia

1.4k Members

Updated: May 19, 2026 at 4:22 PM

International News- Ethiopia

Welcome!!! This channel explains political ideas and makes sense of local and international news.

@Politics101Ethiopia is a growing community focused on news and explains and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 1.4K

24h growth: +0 0%

Latest Posts

International News- Ethiopia

Apr 29, 2026, 01:46 PM

Scenario 2 - ሩሲያ ጦርነቱን በድል ትደመድማለች
__________
ፖለቲካ 101- ትንተና (ክፍል ሁለት)

የሩሲያ-ዩክሬይን ጦርነት ወዴት እያመራ ነው? በሚል ርዕስ የመጀመሪያውን ሴናሪዮ ወይም ዩክሬይን ጦርነቱን በድል ትደመድማለች የሚለውን በስፋት ተመለልከተናል፡፡ በትንተናውም ዩክሬይን የሩሲያን ጦር የማሸነፍ አቅምና ዝግጁነት አላት በማለት የተወሰኑ ነጥቦችን አንስተን ነበር፡፡

ለአብነት የዩክሬይን ጦር በመጀመሪያ ሰሞን ለኪየቭ ተቃርቦ የነበረውን የሩሲያ ሃይል መመለስ መቻሉ፣ ካርኪቭን (2ተኛዋ የዩክሬይን ከተማ) ከሩሲያ የከበባ ቀለበት ነጻ ማውጣቱን፣ እንዲሁም በተለያየ ጊዜ በከፈታቸው መልሶ ማጥቃቶች ኬርሰንን ጨምሮ የተለያዩ አካባቢዎችን ነጻ ማውጣቱን እንዲሁም በተሻለ የሞራል ደረጃ ላይ መገኘቱን ጠቅሰናል፡፡ በዛሬው ጽሁፍ ሩሲያ ጦርነቱን በድል ስለምታጠናቅቀበት ቢሆን ወይም scenario አናንሳ፡፡

የሩሲያ “ድል”

ሩሲያ ለዩክሬይን ዘመቻዋ ያስቀመጠችው ግብ ከጦርነቱ መነሻ ጊዜ ከነበረው አሁን በብዙ ተለውጧል፡፡ ጦርነቱ የተጀመረ ቀን ቭላድሚር ፑቲን “ጦርነቱ ልዩ ወታደራዊ ዘመቻ እንጂ በኃይል አገሪቷን መውረር አይደለም” በማለት ኦፕሬሽኑ በዩክሬይን እያደገ የመጣውን የናዚነት እና ወታደራዊነት አዝማሚያ የመግታት መሆኑን ተናግሯል፡፡ በወቅቱ ዩክሬይንን demilitarise and denazify ለማደረግ የተቀመጠው ግብ የቭሎድሚር ዜሊንስኪን መንግስት መቀየር እና የሩሲያ ሳተላይት አገዛዝ መትከል የሚያካትት መሆኑ ለሁሉም ግልጽ ነበር፡፡ ነገር ግን ጦርነቱ እንደ መጀመሪያው ዕቅድ ባለመሄዱ የሩሲያ መንግስትም ግቡን በማሻሻል ዶንባስንና አካባቢውን ነጻ ማውጣት ላይ አተኩሯል፡፡ በመሆኑም ጦርነቱን ሩሲያ በድል ስለምትወጣበት scenario ስናወራ ዶንባስን እና ሌሎች ስትራቴጂክ ቦታዎች በሩሲያ ግዛት ስለሚካተቱበት እንጂ ዩክሬይን መንግስቷ እስኪቀየር ሙሉ በሙሉ ስለምትሸነፍበት ሁኔታ አይደለም፡፡

አሁን ላይ አራት የዩክሬይን ክልሎች (Oblasts) ዶኔትስክ፣ ሉሃንስክ፣ ኬርሶን እና ዛፖሪዢያ በአብዛኛው በሩሲያ እጅ ይገኛሉ፡፡ ይህም አስቀድሞ በ2014 ከተያዘችው ክሬምያ ጋር ተደማምሮ 20% የዩክሬይን ግዛት ወደ ሩሲያ ተደምሯል ማለት ነው፡፡ አሁን ላይ የሩሲያ ጦር ዋነኛ ግብ ከእነዚህ አራቱን ግዛቶች ውስጥ የቀሩ የዩክሬይን ኃይሎችን ሙሉ በሙሉ ማውጣት እና ክሬሚያን በሚገባ መከላለከል ነው፡፡ በመሆኑም ከዚህ በኋላ የሩሲያ ጦር በዋናነት የመከላከል እንጂ የማጥቃት ጦርነት ላያደርግ ይችላል፡፡ እርግጥ ነው ፑቲን በአንዳንድ ውጊያዎች በለስ ከቀናው ወደ መጀመሪያው የጦርነት ዕቅዱ ሊመለስ ይችል ይሆናል፡፡

የሩሲያው ጦር ዋና አዛዥ ቫለሪ ጌራሲሞቭ በመከላከል ጦርነት ከፍተኛ ልምድ ያካበቱ ሲሆን ዓለም ከሁለተኛው የዓለም ጦርነት በኋላ ያላየችውን የመከላከል መሰናክሎችን በጦር ግንባር (Frontlines) እንዲሁም እንዲሁም በጥልቀት ሩሲያ በተቆጣጠርችባቸው አካባቢዎች እንዲሰራ አድርጓል፡፡ ይህም የቀበሮ ጉድጓዶችን፣ የፈንጅ ወረዳዎችን፣ የድራገን ጥርሶችን እና ሌሎች እንቅፋቶችን ያካትታል፡፡ የጦርነቱ ግንባር 1000 ኪሜ ርዝመት ያለው በመሆኑ አብዛኛው የመከላከል ስራ በደቡብ ምስራቅ ዩክሬን (ኬርሰን እና ዛፖሪዢያ) ላይ ያተኮረ መሆኑን ልብ ይሏል፡፡
በመሆኑም የሩሲያ ጦር በመሬት ላይ አድፍጦ በመከላከል በአየር ላይ የያዘውን የበላይነት በመጠቀም በመላው ዩክሬይን ጥቃት ማድረሱን ይቀጥላል ተብሎ ይጠበቃል፡፡ የአየር ጥቃቱቱ የዩክሬይናውያንን ትኩረት ለመከፋፈል እና የመዋጋት አቅም ለማዳከም ይጠቀምበታል፡፡ ይህም ዩክሬይናውያን ረዘም ላለ ጊዜ ውጤት እንዳያገኙ በማድረግ ወደ መታከትና መዛል እንዲሄዱ ለማድረግ ያለመ ነው፡፡ በሂደቱም ምዕራባውያኑ የዜሊኒስኪ መንግስት ከማያቋርጥ ጦርነት ይልቅ በዶንባስ ያለውን ዕውነታ እንዲቀበል ሊያግባቡት ይችላሉ የሚል ስሌት ያለው ነው፡፡

ይህንን ለማስረገጥ የሩሲያ ጦር ከቫግነር ሰራዊት (ስለሰሞኑ ክስተት እመለስበታለሁ) ጋር በመተባበር በአንዳንድ ግንባሮች ጥቃት በመፈጸም ተጨማሪ ከተሞችን ለመያዝ ሊንቀሳቀስ ይችላል፡፡ ለምሳሌ በሰሜን በኩል የLyman ከተማን እንዲሁም በማዕከል በኩል Kramatorsk and Sloviansk ከተሞችን ለመቆጣጠር ጥረት ሊያደርግ ይችላል፡፡ ልብ ማለት የሚያስፈልገው ሩሲያ መሳሪያ አምራች አገር በመሆኗ የአቅርቦት ስጋት የለባትም፡፡ ዩክሬይናውያን ግን ቁልፍ መሰረተ ልማቶቻቸው በሩሲያ ሚሳኤል መውደማቸውን ተከትሎ ከሚያመርቱት ይልቅ በምዕራባውያን አቅርቦት ላይ ጥገኞች ናቸው፡፡ በሰው ኃይል በኩልም ሁለቱም ኃይሎች ከመደበኛ ሰራዊት ወደ ክተት ዘመቻ የገቡ ቢሆንም ከዩክሬይን ይልቅ ሩሲያ ተጨማሪ ሚሊየኖችን ወደ ሰራዊቷ ልትጨምር ትችላለች፡፡

የዩክሬን ጦር የሩሲያን የመከላከል መስመሮችን ጥሶ ድል ቢነሳስ?

ዩክሬን አሁን በጀመረችው መልሶ ማጥቃት በለስ ቀንቷል የሩሲያን የመከላከል መስመሮች መበጣጠስ ከቻለች ጦርነቱ ወደ አስከፊው ምዕራፍ ይገባል፡፡ በተለይ በደቡብ ምስራቅ በኩል ዩክሬኖቹ ጥሰው በመግባት ሩሲያና ክሬሚያን የሚያገናኝውን የመሬት መተላለፊያ ካወደሙት ሩሲያ አተርፍበታለሁ ብላ በጀመረችው ጦርነት ክሬሚያን ሁሉ ወደ ማጣት ልትደርስ ትችላለች፡፡ ምክንያቱም በሩሲያና በክሬሚያ መካከል የመሬት ግንኙነት ከሌለ በክሬሚያ ተቆርጦ ብቻውን የሚቀረው የሩሲያ ጦር የዩክሬይናውያንን የአየር ጥቃት ለረዥም ጊዜ መቋቋም ይከብደዋል፡፡

ሩሲያ ወደዚህ የውርደት ደረጃ ከደረሰች ምላሿ ምን እንደሆነ የሚገባቸው ምዕራባውያን በዚህ ጊዜ ጣልቃ ይገቡና ሩሲያ ክሬሚያን ይዛ እንድትቀጥል ነገር ግን ከዶንባስ አካባቢ እንድትወጣና ዩክሬይን ኔቶን እንድትቀላቀል የድርድር ሃሳብ ያቀርባሉ፡፡ የሩሲያ ምላሽ እንደተጠበቀ ሆኖ ዩክሬናውያኑ ግን በድል ጎዳና ላይ መሆናቸውን በመቍጠር እምቢ የሚሉ ከሆነ አለም የፈራው አስቀያሚው የታክቲካል ኒኩሌር ቦምብ ስጋት ዕውን ሊሆን ይችላል፡፡ ሩሲያ ክረሚያን ከምትነጠቅ እና መሳለቂያ ከምትሆን ኒኩሌሯን ተጠቅማ ከምዕራባውያንና ከሰብዓዊ መብት ተሟጋቾች የሚደርስባትን ማለቂያ የሌለው ውግዘት ብትቀበል ትመርጣለች፡፡ እንደምትረዱት ኒኩሌሯን የምትጠቀም ከሆነ ግን ዩክሬይናውን ዶንባስን ማጣት ብቻ ሳይሆን ሙሉ በሙሉ ሽንፈትን የሚጎናጸፉ ይሆናል፡፡

የሩሲያ ድል ምን አንድምታ ይኖረዋል?

የሩሲያ ድል በሩሲያ፣ አካባቢውና በዓለም አቀፍ ፖለቲካ ላይ በርካታ እንድምታ ይኖረዋል፡፡

1.የፑቲን መንግስት እንደጸና ይቀጥላል፡፡ ባለፈው እንደተገለጸው የሩሲያ ሽንፈት ማለት የፑቲን ሽንፈት ማለት ነው፡፡ ሩሲያ ተሸንፋ ፑቲን በስልጣን የሚቀጥልበት አግባብ በጣም ኢምንት ነው፡፡ ጦርነቱን ግን በድል ከተወጣው ፑቲን የሩሲያን ድንብር በማስፋት ከሶቪየት በኋላ ትልቅ ሌጋሲ ጥሎ የሚያርፍ መሪ ይሆናል፡፡

2.ሩሲያ በአካባቢዋ እና በዓለም የሚኖራት ተጽዕኖ ይጨምራል፡፡ በኔቶ ስር ያልተጠቃለሉ አገራት ከሩሲያ የጸጥታ ሽፋን ማግኘታቸው አይቀርም፡፡ ዩክሬይን ወደ ኔቶ የምትጠቃለልበት ዕድል የጠበበ ይሆናል፡፡ በአዲሱ የmultipolar ስርዓት ሩሲያ አንዷ ዋነኛ ተጫዋች ትሆናለች፡፡

3.በባለፈው ክፍል እንደገለጽነው ከጦርነቱ ራቅ ብላ ትምህርቶች እየወሰደች የምትገኘው ቻይና በታይዋን ላይ ተመሳሳይ ዕርምጃ ለመውሰድ ትበረታታለች፡፡ ሌሎች አገራትም በጉልበት ድንበራቸውን የማስፋፋት አደገኛ ዝንባሌ ሊያሳዩ ይችላሉ፡፡

3,550

International News- Ethiopia

Apr 29, 2026, 01:46 PM

📷 Photo

ኢትዮጵያ ለ BRICS አባልነት አመለከተች
------------------

ኢትዮጵያ BRICSን ለመቀላቀል በይፋ ጥያቄ ያቀረበች ሲሆን ከቡድኑ አባላት አዎንታዊ ምላሽ እየጠበቀች ነው ሲሉ የሪፐብሊኩ የውጭ ጉዳይ ሚኒስቴር ኦፊሴላዊ ተወካይ አቶ መለሰ አለማ ተናግረዋል በማለት በርካታ ሚዲያዎች ዘግበዋል።

ኢትዮጵያ የበርካታ አለም አቀፍ ተቋማት አባል እና መስራች እንደነበረች በመጥቀስ ሀገሪቱ ጥቅሟን ሊያስጠብቁ ከሚችሉ አለም አቀፍ ተቋማት ጋር ተባብራ ትሰራለች ብለዋል።

ከዚህ ቀደም አልጄሪያ፣ ባንግላዲሽ እና ግብፅ ለBRICS አባልነት ይፋዊ ማመልከቻዎችን አቅርበዋል።
~ፖለቲካ 101~~

4,380

International News- Ethiopia

Apr 29, 2026, 01:46 PM

Channel name was changed to «International News- Ethiopia»

International News- Ethiopia

Apr 29, 2026, 01:46 PM

የሩሲያ-ዩክሬይን ጦርነት ወዴት እያመራ ነው?
---------------
ፖለቲካ 101 - ትንተና

ከተጀመረ አመት ከግማሽ ያስቆጠረው የዩክሬን-ሩሲያ ጦርነት የተለያዩ ወታደራዊ ተለዋዋጭነቶችና እጥፋቶችን እያሳየ የዓለም ፖለቲካ ዋና አጀንዳ እንደሆነ ቀጥሏል፡፡ ዩክሬይንና ምዕራባውያኑ ጦርነቱን ወረራ በማለት ከሁለተኛ ዓለም ጦርነት በኋላ ያልታየ ወታደራዊ ርብርብ ሲያሳዩ ሩሲያ በበኩሏ ዘመቻውን “ልዩ ወታደራዊ ኦፕሬሽን” በማለት ከቤላሩስ፣ ኢራን፣ ሰሜን ኮርያና ኤርትራን ከመሳሰሉ አገራት ዲፕሎማሲያዊ ድጋፍ ውጭ ከፍተኛ የዓለም አቀፍ ውግዘትና ማዕቀብ ስር ትገኛለች፡፡ ቻይናና ህንድ ከፖለቲካው ገለል በማለት ከግጭቱ ከፍተኛ ተጠቃሚዎች ሲሆኑ አብዛኞቹ (ይሰመርበት) የአፍሪካ አገራት በአሁኑ የዓለም ስርዓት ላይ ባላቸው ቅሬታ እንዲሁም ሩሲያ በጸረ-ቅኝ ግዛት ከነበራት ታሪካዊ ሚና ጋር ተያይዞ በልባቸው ከሩሲያ ጎን በአፋቸው ደግሞ ገለልተኛነነትን መርጠዋል፡፡

ፖለቲካ 101 ገጽ ጦርነቱ ከጀመረ ጀምሮ ስለጉዳዩ በርካታ ዜናዎች፣ ትንተናዎች እና ቢሆኖችን ማቅረባችን ይታወሳል፡፡ በተለይ በጦርነቱ መጀመሪያ አካባቢ ግጭቱ እንዴት ይጠናቀቃል በሚለው ላይ የተለያዩ ቢሆኖች (scenarios) መስራታችን የሚታወስ ነው፡፡ ነገር ግን ከ18 ወራት በኋላ ግጭቱ አዲስ መስመር በመያዙ፣ የጦርነት ሂደቱን ተለዋዋጭነት በማገናዘብ በተለይም ዩክሬይን ለረዥም ጊዜ ስትዘጋጅበት የነበረውን መልሶ ማጥቃት በመጀመሯ ስለ ግጭቱ አደማደም አዲስ ቢሆኖች ማስቀመጡ ተገቢ ይመስላል፡፡

በእርግጥ መልሶ ማጥቃቱ ከጀመረ ሶስት ሳምንት ቢያስቆጥርም ጥቂት ይዞታዎችን መልሶ ከማምጣቱ በስተቀር ይህ ነው የሚባል አዲስ ለውጥ አላሳየም፡፡ ለምን የሚለውን ለሌላ ትንተና ትተን በዛሬው ጽሁፍ ጦርነት ወዴት እያመራ ይሆን የሚለውን ትንተና እንመልከት፡፡ ጦርነቱ ሲጠናቀቅ የሚሆነውን ለማመልክት አንዳንድ ተንታኞች ሁለት፣ ሌሎች ሶስት ጥቂቶች ደግሞ እስከ 5 ቢሆኖች ያስቀምጣሉ፡፡ በሶስት ክፍል ትንተናችን የሚከተሉትን ሶስት ሴናሪዎችን በዝርዝር እንመለከታለን፡፡

1.ጦርነቱ በዩክሬን አሸናፊነት ይጠናቀቃል፡፡
2.ጦርነቱ በሩሲያ አሸናፊነት ይደመደማል፡፡
3.ጦርነቱ መቋጫ ሳያገኝ ለረዥም ዓመታት ይቆያል/ ግልጽ አሸናፊ አይኖረውም

በዛሬ ትንተና የመጀመሪያውን ብቻ (ይሰመርበት) ቢሆን እንመለከታለን፡፡ ነገር ግን ጦርነት መቼም በታቀደለት ብቻ እንደማይሄድና በርካታ ተዋንያን የተለያየ ሚና እንዳላቸው ልብ ማለት ያስፈልጋል፡፡

Scenario 1 – የዩክሬይን ድል

በጦርነቱ የመጀመሪያ ወራት ቮሎድሚር ዜሊኒስኪ የሩሲያን ጦር ከሁሉም የዩክሬይን ድንበር ለማውጣት (ክሬሚያን ጨምሮ) የግድ ሶስተኛው የዓለም ጦርነት መጀመር አለበት በማለት ቢያንስ ከ2022 ጦርነት በፊት ወዳለው መመለስ ከተቻለ ትልቅ ስኬት ነው ብለው ነበር፡፡ በቱርክ ኢስታንቡል በተደረጉ ተከታታይ ድርድሮች ላይም በዩክሬይን ወገን የተነሳው ኔቶን አንቀላቀልም፣ የክሬሚያ ጉዳይ በ15 ዓመታት ውይይት ይፈታል ነገር ግን ሩሲያ ጦርነቱን አቁማ ለቃ ትውጣ የሚል ነበር፡፡

ነገር ግን የኋላ ኋላ ምዕራባውያኑ “አለሁ” በማለታቸው በተለይም የቀድሞው የብሪታንያ ጠቅላይ ሚኒስትር ቦሪስ ጆንሰን የዛሬ አመት ሚያዝያ ኪየቭን በጎበኙበት ወቅት ፑቲን ድርድር የሚገባው መሪ አለመሆኑን በመጥቀስ ምዕራባውያኑ ጦርነቱ አሁን እንዲያበቃ ዝግጁ አለመሆናቸው ገልጸውለት እንደነበር መረጃዎች ወጥተዋል፡፡ ዜሌኒስኪም በወቅቱ ይህንን ሳይገልጽ መስከረም ላይ “ቡቻ እና ኢርፒን ላይ ጭፍጨፋ ካደረሰብን ከፖቲን ጋር የቀጥታ ውይይት ከዚህ በኋላ አይኖርም” ብሏል፡፡ ይህ ማለት ዩክሬይን ከዚህ በኋላ የዶንባስ አካባቢዎችን ብቻ ሳይሆን ክሬሚያን መልሶ መውሰድ፣ የካሳ ክፍያ እና የሩሲያ መሪዎች በጦር ወንጀል እንዲጠየቁ እንድምትፈልግ አስታውቃለች፡፡ ምዕራባውያኑም ለዚህ አቋም በይፋ ድጋፋቸውን የሰጡ ይመስላል፡፡

በዚህ ሴናሪዮ መሰረት ዩክሬይን የሩሲያን ጦር የማሸነፍ አቅምና ዝግጁነት አላት፡፡ የዩክሬይን ጦር በመጀመሪያ ሰሞን ለኪየቭ ተቃርቦ የነበረውን የሩሲያ ሃይል መመለስ መቻሉ፣ ካርኪቭን (2ተኛዋ የዩክሬይን ከተማ) ከሩሲያ የከበባ ቀለበት ነጻ ማውጣቱን፣ እንዲሁም በተለያየ ጊዜ በከፈታቸው መልሶ ማጥቃቶች ኬርሰንን ጨምሮ የተለያዩ አካባቢዎችን ነጻ ማውጣቱን ተከትሎ የዩክሬይን ጦር በተሻለ የሞራል ባለቤት በመሆኑ ድል የማድረግ ዕድል አለው የሚሉ ሃሳቦች በስፋት እየተነሱ ነው፡፡ በተለይም የሩሲያ ጦር ከመጀመሪያዎቹ ሳምንታት ወዲህ ይህ ነው የሚባል የማጥቃት ሙከራ አለማድረጉን ይልቅስ የያዘውን ቦታ ለማርጋት መውተርተሩም ለዚህ እንደማሳያ ይጠቀሳል፡፡ ሩሲያ ዘመቻውን እንደጀመረች ይዛው ከነበረው መሬት የዩክሬይን ጦር 52% በመቶ ሚያህለውን ማስመለሱም ይጠቀሳል፡፡

በዩክሬይናውያን መነቃቃት ላይ ምዕራባውያን መጀመሪያ አካባቢ ለመስጠት ሲያቅማሙ የነበሩትን እንደ F-16 ጄቶች፣ ሊዮፖልድ ታንኮች እና ሌሎች ዘመናዊ የጦር መሳሪያዎች ከታከሉበት ዩክሬይን ጦርነቱን ማሸነፍ ትችላለች የሚለውን መከራከሪያ ያነሳሉ፡፡ እነዚህ መሳሪያዎች የሩሲያ ግዛት ልብ ድረስ በሄድ ዒላማ የሚመቱ በመሆኑ ጦርነቱን ጎትቶ ወደ ሩሲያውያን ሜዳ ሊወስዱ ይችላሉ፡፡ ምዕራባውያኑ “ጦርነቱን ዩክሬይን የግድ ማሸነፍ አለባት” በሚለው አቋማቸው የጸኑ ሲሆን ለዩክሬይን የፋይናንስ፣ የሚሊተሪ፣ የፖለቲካ እና የዲፕሎማሲ ድጋፋቸው በማፍሰስ ላይ ይገኛሉ፡፡ የሚከፈለውን ዋጋ ለመክፈል የተዘጋጁ የሚመስሉ ምዕራባውያኑ ድጋፋቸው በዚህ ከቀጠለ እንዲሁም በቅርቡ ኔቶ ለዩክሬይን የጸጥታ ዋስትና የሚሰጥ ከሆነ ዩክሬይናውያን በድል የሚጨርሱበት ዕድል ይኖራል፡፡

የሩሲያ ጦር 1000 ኪሎ ሜትር ያህል የተዘረጋውን ግንባር አጽንቶ ለማስቀጠል በመሳሪያ በኩል ችግር ባይገጥመውም በሰው ሃይል በኩል ግን ከአንዴም ሁለት ጊዜ የክተት ጥሪ አሰምቷል፡፡ በተጨማሪም ባክሙትን ለመቆጣጠር ከጦር አባላት ይልቅ ቫግነር የተሰኙትን ቅጥረኛ ወታደሮች መጠቀሙም ይታወሳል፡፡ ከዚህ በተጨማሪም ፕሬዝዳንት ፑቲን ወታደራዊ መኮንኖችን በፍጥነት መቀያየራቸው በጦር አመራሮች መካከል ክፍተቶች አሉ ወይ የሚል ጥያቄን አስነስቶ ነበር፡፡

በአጠቃላይ ከላይ የተዘረዘሩና ሌሎች ምክንያቶች በመጥቀስ አሁን በወርሃ ሰኔ የተጀመረው የዩክሬይን መልሶ ማጥቃት ፍሬ አፍርቶ ዩክሬይንና ምዕራባውያኑ በድል እንዲሁም በሩሲያ በሽንፈት ለድርድር ይቀመጣሉ የሚለው ቢሆን የመጀመሪያው ነው፡፡

የዩክሬይን ድል ምን አንድምታ አለው?

1.የሩሲያ ሽንፈት ማለት የፑቲን ሽንፈት ማለት ነው፡፡ ሩሲያ ተሸንፋ ፑቲን በስልጣን የሚቀጥልበት አግባብ በጣም ኢምንት ነው፡፡ ለውጡ ከጀመረ በፑቲን ብቻ አይቆምም፤ ሙሉ ወዳጆቹን መጠራረጉ አይቀርም፡፡ ስለዚህ የዩክሬን ማሸነፍ በሩሲያ መንግስት አንዲቀየር ምክንያት ሊሆን ይችላል፡፡

2.ሩሲያ በመጪው የዓለም ስርዓት የመሪነት ሚና አይኖራትም፡፡ ከቀዝቃዛው ጦርነት በኋላ በአንዷ በአሜሪካ ፍላጎት ሲጠመዘዝ የነበረው የዓለም ስርዓት (Unipolar Order) ከቻይና ተዓምራዊ የኢኮኖሚ ጉዞ በኋላ ወደ ባለ ብዙ ዋልታ (Multipolar Order) እየተለወጠ ባለበት ጊዜ ላይ እንገኛለን፡፡ ከብዙ ዋልታዎች መካከል አንዷ ትሆናለች ተብላ የምትጠበቀው ሩሲያ በመሆኗ በዚህ ጦርነት በሽንፈት ከወጣች በቻይና ወይም በምዕራባውያኑ ተጽዕኖ ስር መውደቋ አይቀርም፡፡

3.

International News- Ethiopia

Apr 29, 2026, 01:46 PM

ከጦርነቱ ራቅ ብላ ትምህርቶች እየወሰደች የምትገኘው ቻይና በታይዋን ላይ ተመሳሳይ ዕርምጃ ከመውሰድ ትቆጠባለች፡፡ ቻይና ብቻ ሳሆን በጉልበት ከጎረቤቶቻቸው መሬት ወይም ታሪክ ማስመለስ የሚፈልጉ ኃይሎች ቆም ብለው ማሰባቸው አይቀርም፡፡

4. የምዕራቡ አለም በዓለም ስርዓት ላይ ያለው የበላይነት ይበልጥ ይጠናከራል፡፡ በዚሁ በተባበረ መንፈስ ቻይናን ወደ መተናኮስ፣ ኢኮኖሚያዊና ማህበራዊ ጫና ወደ ማድረስ መሄዳቸው አይቀርም፡፡

በሁለተኛው ሴናሪዮ ይቀጥላል…
-------- ፖለቲካ 101--------

3,210

International News- Ethiopia

Apr 29, 2026, 01:46 PM

📷 Photo

2,500

International News- Ethiopia

Apr 29, 2026, 01:46 PM

የዕለቱ የአገር ውስጥ አበይት ፖለቲካ ነክ ዜናዎች
------------
ፖለቲካ 𝟭𝟬𝟭- ዳሰሳ

1. ከደብረማርቆስ ወደ ደንበጫ የሚወስደው መንገድ መዘጋቱ ተገለጸ

በአማራ ክልል ምስራቅ ጎጃም ዞን ከደብረማርቆስ ወደ ደንበጫ የሚወስደው መንገድ አማኑኤል ላይ መዘጋቱን ነዋሪዎች ገለጹ።

መንገዱ ሙሉ ለሙሉ የተዘጋው ከዛሬ ሰኔ 12/2015 ከ3 ሰዓት ጀምሮ መሆኑን የተናገሩት ነዋሪዎቹ፤ የመንገዱ መዘጋት ምክንያት ሰሞኑን ራሱን የኦሮሞ ነፃነት ሰራዊት ብሎ የሚጠራው በመንግሥት "ሸኔ" በመባል የተፈረጀው ሃይል በገብረጉራቻ አካባቢ ሹፌሮችን በማገቱ መሆኑን ተናግረዋል።

"ከአማራ ክልል ወደ አዲስ አበባ የሚያሽከረክሩ በርካታ ሹፌሮች ታግተው ቤተሰቦቻቸው ከ500 ሺህ ብር በላይ እየተጠየቁ ናቸው።" ብለዋል።

"መንግስት የታገቱትን ሹፌሮች እስከሚያስለቅቅ ድረስ መንገዱ ዝግ ይሆናል።" ሲሉም አክለዋል። ዘገባው የአዲስ ማለዳ ነው

2. ቻይና ፤ ትግራይን መልሶ መገንባት ድጋፍ እንደምታደርግ አስታወቀች።

በኢትዮጵያ የቻይና አምባሳደር የተመራ የልኡኳን ቡድን በትግራይ ክልል የስራ ጉብኝት እያደረገ ይገኛል።

ልዑኩ በጉብኝቱ ከክልሉ ጊዜያዊ አስተዳደት ፕሬዝደንት ጌታቸው ረዳ መወያየቱ ተነግሯል።

በውይይት ፕሬዝደንት ጌታቸው ረዳ የቻይና መንግስት የሰብአዊ ድጋፍ እና ትግራይን መልሶ በመገንባት ረገድ ድጋፍ እንዲያደርግ ጠይቀዋል።

ልኡኩም ፤ የቻይና መንግስት ዘላቂ ሰላም እንዲረጋገጥ እና ትግራይን መልሶ ለመገንባት ድጋፍ እንደሚያደርግ መግለፁን ድምፂ ወያነ ዘግቧል።

3. የፌዴሬሽን ምክር ቤትና የክልሎች የጋራ የምክክር መድረክ እየተካሄደ ነው

ጠንካራ ህብረ ብሄራዊ አገር መገንባትን አላማ ያደረገ የፌዴሬሽን ምክር ቤትና የክልሎች የጋራ የምክክር መድረክ በአዲስ አበባ እየተካሄደ ነው።

በምክክር መድረኩ ላይ አፈ ጉባኤ አገኘው ተሻገር ባደረጉት ንግግር፤

• በአገሪቱ ዲሞክራሲ እንዲጐለብት፣
•በፌደራል መንግስትና በክልሎች መካከል ያለው ግንኙነት እንዲጠናከር፣
•ፍትሃዊ የሀብት ክፍፍል እንዲኖር ለማስቻል

ምክር ቤቱ በአዋጅ በተሰጠው ስልጣንና ተግባር መሰረት ክትትልና ቁጥጥር ያደርጋል ብለዋል::

በመድረኩ የፌዴሬሽን ምክር ቤት አፈ ጉባኤ አቶ አገኘው ተሻገር፣ ሚኒስትሮች፣ የክልል ርዕሳነ መስተዳድሮች፣ የክልል አፈ-ጉባዔዎችና የከተማ አስተዳደር ከንቲባዎች ተገኝተዋል። ቀጣዩ መድረክ ሃዋሳ በ2016 ይካሄዳል::

ዜናዎቻችንን በድምፅ ለመስማት
https://vt.tiktok.com/ZSLrqxTCF/

2,040

International News- Ethiopia

Apr 29, 2026, 01:46 PM

ዋና ዋና ዓለም አቀፍ ዜናዎች
---------------
ፖለቲካ 101

1. አሜሪካ የታይዋን ነፃነትን አትደግፍም - ብሊንከን

ከቻይና ፕሬዝዳንት ዢ ጂንፒንግ ጋር ባደረጉት ቆይታ የአሜሪካው ፕሬዝዳንት ብሊንከን ዩናይትድ ስቴትስ የታይዋንን ነፃነት እንደማትደግፍ እና ከቤጂንግ ጋር ግጭት ለመፍጠር ምንም ፍላጎት እንደሌላት በድጋሚ ተናግረዋል ።

የሰው ልጅ የወደፊት እጣ ፈንታ የሚወሰነው ቻይና እና ዩኤስ በትክክል አብረው መኖር መቻላቸው ነው ሲሉ ፕሬዝዳንት ሺ በስብሰባው ላይ አፅንዖት ሰጥተዋል።

2. የአውሮፓ ህብረት ሀገራት በዚህ አመት 30ሺህ የዩክሬን ወታደሮችን ሊያሰለጥኑ ነው::

በተያያዘ ዜና የአውሮፓ ህብረት ለዩክሬን 50 ቢሊዮን ዩሮ (55 ቢሊዮን ዶላር) የሚደርስ ከፍተኛ የገንዘብ ድጋፍ ፓኬጅ ሊያቀርብ መሆኑን ብሉምበርግ ምንጮች ጠቅሶ ዘግቧል።

3. የፕሬዚዳንት ጆ ባይደን ልጅ የሆነው ሀንተር ባይደን ማክሰኞ እለት በሶስት የፌደራል ክሶች ጥፋተኛ ነኝ ሲል የፍትህ ዲፓርትመንት እንደገለፀው ሲኤንኤን እንደጠቀሰው።

በዴላዌር በሚገኘው የፌደራል ፍርድ ቤት በቀረበው መዝገብ መሰረት ሀንተር ባይደን በሁለት የፌደራል የታክስ ጥፋቶች እና አንድ የጦር መሳሪያ መያዝ ጋር የተያያዘ ክስ ጥፋተኛ መሆኑን አምኖ ይቀበላል። ፍርድ ቤት የጥፋተኝነት ክስ የሚቀርብበት ቀን ገና አልተወሰነም።

4. ባንጋላዴሽ BRICSን ለመቀላቀል በይፋ ማመልከቷን ዳካ ትሪቡን ዘግቧል

ብዙ ስለተባለለት የዩክሬን መልሶ ማጥቃት ትንተና ይዘን እንቀርባለን

1,920

International News- Ethiopia

Apr 29, 2026, 01:46 PM

ዋና ዋና የአገር ውስጥ ፖለቲካ ነክ ዜናዎች
—————————-
ፖለቲካ 101 -ዳሰሳ

1.አለም አቀፉ የአየር ትራንስፖርት ማህበር (IATA) ወደ ኢትዮጵያ የሚበሩ አየር መንገዶች የተያዘባቸውን 95 ሚልዮን ዶላር ገንዘብ መንግስት እንዲለቅ ጠይቋል፡፡

"ኢትዮጵያ (የአየር) ግንኙነት ችግር እንዳይገጥማት ይህ ገንዘብ በፍጥነት ሊለቀቅ ይገባል፣ ይህንን ማድረግ በአለም አቀፍ ስምምነቶች የተረጋገጠ ነው፡፡ "ይህ ትክክለኛ ያልሆነ መልእክት ያስተላልፋል፣ ኢትዮጵያ ትርፋማ ለሆነችነት ዘርፍ ያለባትን ሀላፊነት ልትወጣ ይገባል" ብሏል። ዘገባው የአዲስ ስታንዳርድ እና ኤልያስ መሠረት ዘግበውቷል፡፡

2.የኤርትራ ሰራዊት ለሽረ ዕደስላሴ አዋሳኝ በሆኑት በሽራሮ እና ማይፀብሪ አካባቢዎች ተደጋጋሚ ትንኮሳ እያደረሰ እንደሚገኝ ተገለጸ

የሽረ እዳስላሴ ከተማ ምክትል ከንቲባ ተፈሪ ሀይለመለኮት ለኢትዮ ኤፍ ኤም እንደተናገሩት፤ የኤርትራ ሰራዊት ከፍተኛ ትንኮሳ በየቀኑ እንደደሚፈፅማባቸው አስታውቀዋል፡፡ የኤርትራ ሰራዊት በባድመ፣ ገምሀሎ እና በሽራሮ በኩል 17 ኪሎ ሜትር ድረስ በመዝለቅ ከብቶች የመዝረፍ፣ የመግደል እና ለእርሻ የተሰማሩ ሰዎች የመግድል እንቅስቃሴ አሁንም ተባብሶ እንደቀጠለም የተናገሩ ሲሆን፤ በማይፀበሪም በተለያዩ አከባቢዎች ከፍተኛ የሆነ ትንኮሳ እየደረሰበት እንደሚገኝ ምክትል ከንቲባው አስረድተዋል።

ህብረተሰቡ በዚህ ድርጊት በከፍተኛ ሁኔታ የተማረረ መሆኑንም በመግለጽ፤ አሁንም ድረስ በሚድርስበት ጥቃት ክፉኛ እንደተጎዳ ተናግረዋል። የክልሉ መንግሥት በሰላም ስምምነቱ ላይ ባለው አመኔታ ነገሮችን በትዕግስት እያለፈ እንደሚገኝም ምክትል ከንቲባው ጨምረው ገልጸዋል፡፡ ዘገባው የአዲስ ማለዳ ነው፡፡

3.ትግራይ ክልል ውስጥ በተፈጸመ የሰብዓዊ እርዳታ ስርቆት የፌደራል መንግሥት ተጠያቂ መሆን የለበትም ተባለ

ከዓለም አቀፍ ድርጅቶች በትግራይ ክልል ለተቸገሩ ሰዎች ሲቀርብ በነበረው የሰብአዊ እርዳታ ቁሳቁስ ላይ በተፈጸመው ስርቆት፤ የፌደራል መንግሥት ተጠያቂ መሆን የለበትም ሲል የኢትዮጵያ አደጋ ስጋት ሥራ አመራር ኮሚሽን ገልጿል።

የኮሚሽኑ ከፍተኛ የሕዝብ ግንኙነት ባለሙያ አታለል አቡሃይ፤ "ለክልሉ ሲቅርብ የነበረን እርዳታ በአካባቢው እንደፈለጉ ሲያደርጉ ቆይተው፤ የፌደራል መንግሥት ተጠያቂ የሚሆንበት ሁኔታ የለም።" ሲሉም ተደምጠዋል። የትግራይ ክልል ጊዜያዊ አስተዳደር ጉዳዩ "የእኔ ኃላፊነት ነው" ብሎ መስራት አለበት ያሉት ባለሙያው፣ "በወንጀል ድርጊቱ የተሳተፉ አካላትን በቁጥጥር ሥር አውሎ ተጠያቂ ለማድረግ ኮሚቴ ተቋቁሞ እየተሰራ ነው።" ብለዋል።

"በጉዳዩ ላይ የፌደራል መንግሥቱ ከክልሉ ጊዜያዊ አስተዳደር ጋር እየሰራ ነው።" ያሉት ባለሙያው፤ "በቀጣይ የቁጥጥር ስርዓቱን በማጠናከር ዓለም አቀፍ የእርዳታ ሰጭ ድርጅቶች ወደ ሥራ የሚመለሱበትን ሁኔታ እንፈጥራለን።" ብለዋል።

4.ከሰሞኑ በሰሜን ሸዋ የታገቱትን አሽከርካሪዎችና ተሳፋሪዎች ለመልቀቅ አጋቾች ለአንድ ሰው ከ500 ሺሕ እስከ አንድ ሚሊዮን ብር እየጠየቁ መሆኑ ተነግሯል።
ታጣቂ ቡድኑ (ኦሮሞ ነጻነት ሰራዊት/ሸኔ) በአካባቢው በተደጋጋሚ መሰል ተግባራትን ማድረጉ የተለመደ ቢሆንም፣ የአሁኑ ለየት የሚያደርገው በቁጥር ብዙ የሆኑ ሰዎችን አፍኖ መውሰዱ እና ሌላ ጊዜ ሌሊት ላይ የሚያደርገውን ተግባር በቀን መፈጸሙ እንደሆነም ጠቁመዋል፡፡
-ፖለቲካ 101-

International News- Ethiopia

Apr 29, 2026, 01:46 PM

https://vt.tiktok.com/ZSLrA64Ec

ዜናዎቹን በድምፅ ለመስማት ቲክቶካችንን ፎሎው ያርጉ

1,870

Showing 10 of 10 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Telegram News

10.6m0

DONBASS NEWS

18.1k0

Death Sentence NOW ! Death penalty back for serious crimes, like women / child rape, cannibalist, racial terrorist, acid attack

810

Loading recommended channels...

International News- Ethiopia

International News- Ethiopia

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

Telegram News

DONBASS NEWS

Death Sentence NOW ! Death penalty back for serious crimes, like women / child rape, cannibalist, racial terrorist, acid attack

BBC News (World)

Reuters: World

Hananya Naftali - Israel News

World Pravda

Our Wars, Today

Related Telegram Channels

Telegram News

DONBASS NEWS

Death Sentence NOW ! Death penalty back for serious crimes, like women / child rape, cannibalist, racial terrorist, acid attack

BBC News (World)

Reuters: World

Hananya Naftali - Israel News

World Pravda

Our Wars, Today

User Reviews (0)

Latest Posts