Ewunet Media

Public

Can't Join? @Ewunet_Media

20.4k Members

Updated: May 13, 2026 at 5:50 PM

Ewunet Media

Promotion @Euads

@Ewunet_Media offers specialized information about promotion and euads for subscribers interested in Web series

Ranking

Global Ranking

#456

Language Ranking

#45

Category Ranking

#23

-1

Participant Growth (Last 11 Days)

Total: 20.4K

24h growth: +0 0%

Latest Posts

Ewunet Media

May 25, 2026, 06:42 PM

📷 Photo

7ኛውን ጠቅላላ ምርጫ አስመልክቶ በበይነ መረብ የሚሰራጩ ሐሰተኛ መረጃዎችን ለመቆጣጠር ክትትል እየተደረገ እንደሆነ ተገለጸ

የኢትዮጵያ ሰብዓዊ መብቶች ድርጅቶች ሕብረት ሰባተኛውን ጠቅላላ ምርጫ አስመልክቶ በዲጂታል ሚዲያ የሚሰራጩ ሐሰተኛ መረጃዎችና የጥላቻ ንግግሮች ላይ ክትትል እያደረገ መሆኑን አስታውቋል።

ሕብረቱ ይህንን ተግባር እያከናወነ ያለው የምርጫው ሂደት በሰላም እንዲጠናቀቅና አስቻይ የቅድመ ምርጫ ሁኔታ እንዲፈጠር ለማስቻል ነው ተብሏል።

በአሁኑ ወቅት ማኅበራዊ ትስስር ገጾች ለሕብረተሰቡ ምርጫን የተመለከቱ መረጃዎች ከሚደርሱባቸው ዋና ዋና መንገዶች አንዱ ሆኗል ያሉት የሕብረቱ ዳይሬክተር አቶ መሱድ ገበየሁ፤ ተቋማቸው በምርጫው ሂደት ላይ እንቅፋት ሊፈጥሩ የሚችሉ የበይነ መረብ የጥላቻ ንግግሮችንና ሐሰተኛ መረጃዎችን አስቀድሞ ለመለየት የሚያስችሉ የግንዛቤ ማስበጫ ስልጠናዎች ለባለድርሻ አካላት እየተሰጡ እንደሆነ ተናግረዋል።

ከዚህም በተጨማሪ በምርጫው አውድ ውስጥ የኢንተርኔት ተደራሽነት እና ጥራት ያለበትን ደረጃ የመገምገም ሥራ እየተከናወነ እንደሆነ ዳይሬክተሩ አብራርተዋል።

ሕብረቱ በአሁኑ ወቅት ልዩ ትኩረት ሰጥቶ ክትትል እያደረገባቸው ካሉ ጉዳዮች መካከል በምርጫው ወቅት ሊያጋጥሙ የሚችሉ የኢንተርኔት መዘጋት እና የስልክ ተደራሽነት መቆራረጦች ይገኙበታል።

እነዚህ መሰረተ ልማታዊ እክሎች መፈጠራቸው በራሱ ግጭትን ሊያነሳሱ ለሚችሉ የጥላቻ ንግግሮች ምቹ ሁኔታን ስለሚፈጥር፣ አስቀድሞ የመከላከልና የመከታተል ሥራው ተጠናክሮ እንደሚቀጥል ተጠቁሟል።

6,150

Ewunet Media

May 25, 2026, 06:42 PM

📷 Photo

መቼም የማይረሳ እጅግ ጣፋጭ ምሽት ለመድፈኞቹ !!!

አርሰናል የሊጉ ሻምፒዮን ሁኗል 🏆

በሚኬል አርቴታ የሚመራው የመድፈኞቹ ሰራዊት
አርሰናል ፣ ከ 22ዓመታት በኋላ የ2025/26 የውድድር ዓመት የእንግሊዝ ፕሪሚየር ሊግ ሻምፒዮን መሆኑን በይፋ አረጋግጧል ።

ከዚህ ቀደም አሰልጣኝ ፔፕ ጋርዲዮላ ፣ ለሁለት ተከታታይ የውድድር ዓመታት የሊግ ዋንጫውን ሳያሳካ ቀርቶ አያውቅም ።

5,080

Ewunet Media

May 25, 2026, 06:42 PM

📷 Photo

አጫጭር መረጃዎች

🇮🇱 ኔታንያሁ በሙስና ወንጀል ለ88ኛ ጊዜ ፍርድ ቤት ቀረቡ፡፡የእስራኤል ጠቅላይ ሚንስትር በቴላቪቭ በሚገኘው የአውራጃ ፍርድ ቤት የሙስና ክስ ምላሽ ለመስጠት ቀርቦ በቀጠለው የፍርድ ሂደት 88ኛ ጊዜ ፍርድ ቤት መቅረባቸው ተሰምቷል።የእስራኤል ቻናል 12 እንደዘገበዉ ዳኞች ተጨማሪ ዝርዝር መረጃን ሳይሰጡ በኔታንያሁ "የደህንነት እና የፖለቲካ መርሃ ግብር" ምክንያት የማክሰኞውን ክፍለ ጊዜ ለማሳጠር አጽድቀዋል።ኔታንያሁ በሶስት ክሶች በሙስና፣ ጉቦ እና እምነትን በመጣስ ክስ ቀርቦባቸዋል።

🇺🇸 የዩናይትድ ስቴትስ ፕሬዚዳንት ዶናልድ ትራምፕ በኳታር፣ ሳዑዲ አረቢያ እና በተባበሩት አረብ ኤሚሬቶች ጥያቄ በኢራን ላይ ለመሰንዘር የታቀደውን ጥቃት ለሌላ ጊዜ ማስተላለፋቸውን ገልጸው “አሁን ከባድ ድርድር እየተካሄደ ነው” ሲሉ ተናግረዋል፡፡

🇮🇷 የኢራን ፕሬዝዳንት ማሱድ ፔዜሽኪያን "ውይይት ማለት እጅ መስጠት ማለት አይደለም" እናም ቴህራን "በክብር፣ በስልጣን እና የሀገሪቱን መብቶች በማስከበር ጉዳይ" ወደ ውይይቱ መግባቷን ተናግረዋል::

🛢ትራምፕ በኢራን ላይ ሊያደርጉት የነበረውን ወታደራዊ ጥቃት ለአፍታ አቁሜያለሁ ማለታቸዉን ተከትሎ የነዳጅ ዋጋ ላይ ቅናሽ ተመዘገበ፡፡ የአለም የድፍድፍ ነዳጅ መለኪያ ብሬንት ክሩድ 1.5 በመቶ ቀንሷል።

🇱🇧🇮🇱 በደቡባዊ ሊባኖስ በሚገኙ የእስራኤል ወታደሮች ላይ የሮኬት እና የድሮን ጥቃት መፈጸሙን ሄዝቦላ አስታወቀ፡፡

🇺🇸🇮🇷 በኒውዮርክ ታይምስ እና በሲዬና ዩኒቨርሲቲ ከህዝብ በተሰበሰበ አስተያየት መሰረት 64 በመቶ የሚሆኑ አሜሪካዉያን ትራምፕ በኢራን ላይ የሚያደርጉትን ጦርነት ሲቃወሙ 30 በመቶው ብቻ ድጋፍ ሰጥተዋል፡፡

🇱🇧🇮🇱 የእስራኤል የጦር አውሮፕላን በደቡባዊ ሊባኖስ የጢሮስ ወረዳ አል ሙሻቃ አካባቢ በሚገኝ ህንፃ ላይ ድብደባን የፈጸመ ሲሆን ጥቃቱ የአካባቢው ነዋሪዎች ስፍራዉን ለቀዉ እንዲወጡ የግዳጅ ትእዛዝ ከሰጠ ከአንድ ሰአት በኋላ የተፈጸመ ነበር።ከማርች 2 ጀምሮ በሊባኖስ ላይ በደረሰው የእስራኤል ጥቃት የሞቱት ሰዎች ቁጥር ከ3ሺ በላይ መድረሱን የሊባኖስ ጤና ሚኒስቴር አስታዉቋል።

🇮🇷🇺🇸 የኢራን የዉጪ ጉዳይ ሚኒስትር አራግቺ ለዲፕሎማሲያዊ መሰናክሎች የአሜሪካን 'እንቅፋት' ተጠያቂ አድርገዋል፡፡አራግቺ የአሜሪካን "ተቃራኒ እና ከልክ ያለፈ ባህሪያት" ለዲፕሎማሲው ከባድ እንቅፋት እንደሆኑ ከፓኪስታን የሀገር ውስጥ ጉዳይ ሚኒስትር ሞህሲን ናኪቪ ጋር ባደረጉት ውይይት ገልጸዋል፡፡ ኢራን በአሜሪካን ተቋም ላይ ያላትን ጥልቅ ጥርጣሬ ምክንያት በማድረግ ያለፈውን የተስፋ ቃል መጣስ በመጥቀስ ቴህራን ግጭቱን ለማቆም ወደ ዲፕሎማሲያዊ ንግግሮች መግባቷ ከ"ሃላፊነት ካለው አመለካከት" የመነጨ ነው ብለዋል።

🇮🇷🇺🇸 የኢራን የሰላም ዕቅድ በጦርነቱ ለደረሰው ውድመት ካሳ እንዲሁም የአሜሪካ ወታደሮች እንዲወጡ የሚጠይቅ መሆኑ ተገለጸ፡፡ቴህራን አዲስ ያቀረበችው የሰላም ዕቅድ አሜሪካ በሁሉም ግንባሮች የምታደርገውን ጦርነት፣ ሊባኖስን ጨምሮ እንድታቆም፣ በኢራን አቅራቢያ የሚገኙ የአሜሪካ ወታደሮች እንዲወጡ እንዲሁም በጦርነቱ ለደረሰው ውድመት ካሳን የሚጠይቅ መሆኑን ማክሰኞ ዕለት የአገሪቱ መገናኛ ብዙኃን ዘግበዋል።

Ewunet Media

May 25, 2026, 06:42 PM

📷 Photo

8,180

Ewunet Media

May 25, 2026, 06:42 PM

🌍አጫጭር መረጃዎች

🇮🇷 የኢራን እግር ኳስ ቡድን ደጋፊዎች የ2026 የአለም ዋንጫ ተሳታፊ ለሆኑወ ብሄራዊ ቡድን በቴህራን አብዮት አደባባይ የድል ሽኝት አደረጉ።ኢራናዊው አሰልጣኝ አሚር ጋሌኖይ ደጋፊዎች በተገኙበት የቡድኑን አዲሱን የአለም ዋንጫ ማሊያ ይፋ አድርገዋል።

🇮🇱🇱🇧የእስራኤል ጦር በሄዝቦላህ የተተኮሰ ሰው አልባ አውሮፕላን (ድሮን)በእስራኤል ግዛት በድንበር አቅራቢያ ላይ በማረዱ በርካታ እስራኤላውያንን መቁሰላቸዉን የእስራኤል ጦር አስታወቀ። ጉዳት የደረሰባቸው ሰዎች ወደ ሆስፒታል መግባታቸዉ ተሰምቷል፡፡

🇹🇷 የቱርኪ ማዕከላዊ ባንክ የ2026 ጊዜያዊ የዋጋ ግሽበት ከ16 በመቶ ወደ 24 በመቶ ከፍ እንደሚል ያሳወቀ ሲሆን አሜሪካ እና እስራኤል በኢራን ላይ ከከፈቱት ጦርነት ጋር ተያይዞ የሚያስከትለው የዋጋ ንረት በአጭር ጊዜ ውስጥ ግልፅ እንደሚሆን ተንብዮአል።ገዥው ፋቲህ ካራሃን በኢስታንቡል የሩብ አመት የዋጋ ግሽበትን ሪፖርቱን ሲያቀርቡ ባንኩ የ2027 ጊዜያዊ የዋጋ ግሽበትን ከ9 በመቶ ወደ 15 በመቶ ከፍ ማለቱን አንስተዋል፡፡

🇮🇷የኢራን የውጭ ጉዳይ ሚኒስትር አባስ አራግቺ ዩናይትድ ስቴትስ እና እስራኤል በኢራን ላይ ባደረሱት ጥቃት ላይ ያተኮረ ንግግር ለብሪክስ አባል ሀገራት በኒው ዴሊ ህንድ በተካሄደው ስብሰባ ላይ ንግግር አድርገዋል።"ሁላችሁም እንደምመሰክሩት ሀገሬ ከአንድ አመት ባነሰ ጊዜ ውስጥ ሁለት ጊዜ በዩናይትድ ስቴትስ እና በእስራኤል አረመኔያዊ እና ህገወጥ ጥቃት ደርሶባታል" ሲሉ አራግቺ ተናግረዋል።የብሪክስ አባላቱ ብራዚል፣ ሩሲያ፣ ሕንድ፣ ቻይና፣ ደቡብ አፍሪካ፣ ግብፅ፣ ኢትዮጵያ፣ ኢራን፣ ሳዑዲ አረቢያ፣ የተባበሩት አረብ ኢምሬትስ እና ኢንዶኔዢያ ናቸዉ።

🇮🇱የእስራኤል መከላከያ ሚኒስቴር የኤፍ-35 ተዋጊዎቹን ብዛት ለመጨመር ከመከላከያ ኩባንያ ኤልቢት ጋር የ34 ሚሊዮን ዶላር ስምምነት ማድረጉን አስታወቀ።

🇱🇧ወደ 770 ሺ የሚጠጉ የሊባኖስ ህጻናት በግጭቱ የተነሳ የአእምሮ ጤና አደጋ ይደርስባቸዋል ሲል የተባበሩት መንግስታት ድርጅት የህጻናት አድን ፈንድ ዩኒሴፍ አስታዉቋል፡፡ በመቶ ሺዎች የሚቆጠሩ የሊባኖስ ህጻናት በሀገሪቱ ውስጥ ባለው የማያቋርጥ ግጭት እና የጅምላ መፈናቀል ምክንያት ሥር የሰደደ የአእምሮ ጤና ችግሮች ሊገጥማቸው እንደሚችል አስጠንቅቋል።

🇦🇪🇮🇱የእስራኤል ዘ ታይምስ የመረጃ ምንጭን ጠቅሶ እንደዘገበው ኔታንያሁ ከተባበሩት አረብ ኤሚሬቶች ፕሬዝዳንት ሼክ ሞሃመድ ቢን ዛይድ አል ናህያን ጋር በኦማን ድንበር አቅራቢያ በሚገኘው የአትክልት ስፍራ በአል አይን ከተማ በመጋቢት 26 መገናኘታቸውን የዜና ምንጩ ገልጿል። የኔታንያሁ የቀድሞ ቃል አቀባይ ዚቭ አግሞን ከኔታንያሁ ጋር ወደ ኢምሬትስ ሀገር እንደሄዱ ተናግረዋል ።

🇮🇱🇱🇧የእስራኤል ጦር በሊባኖስ ስምንት ከተሞች እና መንደሮች የሚኖሩ ነዋሪዎች ቤታቸውን በአስቸኳይ ለቀው እንዲወጡ ያሳሰበ ሲሆን በሕይወታቸው ላይ "አደጋ" እንዳይገጥማችሁ ሲል "አስቸኳይ" ትዕዛዝ አውጥቷል፡፡

🇰🇷 ደቡብ ኮሪያ በሆርሙዝ የባህር ዳርቻ የጭነት መርከቧ ላይ ጥቃት ያደረሰዉ አካል ማንነት ከተረጋገጠ በኃላ ዲፕሎማሲያዊ እርምጃ ለመውሰድ አቅዳለች። ዮንሃፕ የዜና ወኪል እንደዘገበው፣ ባለሥልጣናቱ ለጥቃቱ ኢራን በእርግጠኝነት ተጠያቂ ናት ብለው ያምናሉ፣ ነገር ግን ምርመራ እየተካሄደ ይገኛል።

🇺🇸🇮🇷 ትራምፕ ያለ ኮንግረስ ፍቃድ በኢራን ላይ ወታደራዊ እርምጃ የመውሰድ ስልጣናቸውን ለመገደብ ሲሉ ሶስት የዩናይትድ ስቴትስ ሪፐብሊካን ሴናተሮች ከዲሞክራቶች ጎን ተሰልፈዋል፡፡

Ewunet Media

May 25, 2026, 06:42 PM

📷 Photo

🇪🇹 በኢትዮጵያ የመጀመሪያ ደረጃ የጤና አገልግሎት ሽፋን 86.3 በመቶ ደርሷል – ጤና ሚኒስቴር

📈 ሚኒስቴሩ ይፋ ባደረገው መረጃ መሠረት፣ በሀገር አቀፍ ደረጃ የሚሰጠው የመጀመሪያ ደረጃ የጤና አገልግሎት ሽፋን 64 በመቶ ከነበረበት ከፍተኛ ጭማሪ አሳይቷል።

የማኅበረሰቡን የጤና ተሳትፎ ለማሳደግ የሚረዱ የጤና በጎ ፈቃደኞች አጠቃቀም ቀደም ሲል በ4 ወረዳዎች ብቻ ተወስኖ የነበረው ሲሆን፣ አሁን ላይ ወደ 330 ወረዳዎች እንዲያድግ ተደርጓል።

🏥 በመጀመሪያ ደረጃ የጤና ተቋማት አገልግሎት የተመላላሽ ታካሚዎች ቁጥር በ2013 ዓ.ም የነበረው 111 ሚሊዮን፣ በ2017 ዓ.ም የበጀት ዓመት ብቻ ወደ 233.8 ሚሊዮን ከፍ ማለቱንም ሪፖርቱ ያሳያል።

ይህም ማለት በአሁኑ ወቅት 80 በመቶ የሚሆኑ ታካሚዎች ሕክምናቸውን የሚያገኙት በቅርባቸው በሚገኙ የመጀመሪያ ደረጃ የጤና ክብካቤ ክፍሎች መሆኑን ሪፖርቱ ያመለክታል።

11,300

Ewunet Media

May 25, 2026, 06:42 PM

📷 Photo

🌍አጫጭር መረጃዎች

🇮🇷🇮🇱 ኢራን ለእስራኤል በመሰለል የተከሰሰውን ሰው በሞት ቀጣች።ከእስራኤል ጋር በስለላ ትብብር ወንጀል ተይዞ ለፍርድ ቀርቦ የነበረው ግለሰብ እሮብ ረፋድ ላይ በስቅላት መቀጣቱን የኢራን መንግስት ሚዲያ ዘግቧል።ግለሰቡ ኢህሳን አፍረሽቴህ በመባል የሚታወቅ ሲሆን በኔፓል ከሞሳድ ስልጠና ወስዶ ለእስራኤል ብሄራዊ መረጃን ሰጥቷል፡፡

🇮🇱 እስራኤል በዩሮቪዥን ዘፈን ውድድር ወደ ፍጻሜው ብታልፍም ሀገራት እስራኤል እንድትታገድ ጠይቀዋል፡፡አምስት የአውሮፓ ሀገራት እስራኤል በጋዛ ላይ ባካሄደችው የዘር ማጥፋት ጦርነት የተነሳ እስራኤል በዝግጅቱ በመካተቷ እያቋረጡ ይገኛል፡፡

🇱🇧🇮🇱 በደቡባዊ ሊባኖስ ሳርቢን ከተማ እና በዋዲ አል-ኡዩን አካባቢየተሰበሰበውን የእስራኤል ወታደሮች ለመበተን የሚሳኤል ጥቃት መፈጸሙን ሒዝቦላ አስታወቀ።በደቡባዊ ሊባኖስ ውስጥ በዴር ሲሪያን ከተማ ኻላት አል-ራጅ አካባቢ የእስራኤል ዲ 9 ቡልዶዘር ኢላማ ማድረጉን ቡድኑ አክሏል።

🇮🇱🇱🇧 የእስራኤል ወታደራዊ ኃይል በደቡባዊ ሊባኖስ 40 የሂዝቦላ ቦታዎችን ባለፉት 24 ሰአታት መደብደቡን አስታወቀ፡፡ዒላማዎቹ የጦር መሳሪያዎች ማከማቻዎች፣ ሚሳኤል እና የሮኬት ማስወንጨፊያዎች ይገኙበታል ብሏል።እስራኤል በሊባኖስ ላይ ያደረሰችው ፋታ የለሽ ጥቃቶች እርቅ ቢታወጅም ባለፉት 24 ሰዓታት የቆሰለ ሰውን ለማዳን የሞከሩ ሁለት የህክምና ባለሙያዎችን ጨምሮ ከ12 በላይ ሰዎች ተገድለዋል፡፡

🇺🇸 ፕሬዝዳንት ትራምፕ ቬንዙዌላን ለመጠቅለል እያሰቡ መሆኑን ከተናገሩ በኋላ አገሪቱን ‘51ኛ የአሜሪካ ግዛት’ አድርጎ የሚያሳይ ምስል አጋርተዋል፡፡ትራምፕ የግል ንብረታቸዉ በሆነዉ በትሩዝ ማኅበራዊ የትስስር ገፅ ቬንዙዌላ በአሜሪካ ሰንደቅ ዓላማ ተሸፍና የሚያሳይ እና “51ኛ ግዛት” የሚል ጽሑፍ የያዘ ምስል አጋርተዋል።

🇻🇳 አሜሪካ እና እስራኤል በኢራን ላይ ያደረጉትን ጦርነት ተከትሎ የሆርሙዝ የባህር ዳርቻ ሙሉ በሙሉ ተዘግቶ በመቆየቱ የድፍድፍ አቅርቦት እጥረትን ለመቅረፍ ቬትናም የተጣራ ዘይት ምርቶችን ወደ ሀገር ውስጥ ለማስገባት ከሲንጋፖር እና ቻይና የነዳጅ ጭነት ማሽቆልቆሉን ለማካካስ ከማሌዢያ እና ደቡብ ኮሪያ እየገዛች መሆኑን አስታወቀች፡፡

🇨🇳🇵🇰 የቻይና የውጭ ጉዳይ ሚኒስትር ዋንግ ዪ ፓኪስታን በአሜሪካ እና በኢራን መካከል ያለውን የሽምግልና ሚና እንድታጠናክር እና የሆርሙዝ ባህርን በድጋሚ ለመክፈት እንድትረዳ ጠየቁ፡፡ዋንግ ቻይና የፓኪስታንን የሽምግልና ጥረቶችን እንደምትደግፍ እና የራሷን አስተዋፅኦ እንደምታደርግም ተናግረዋል ።

🇺🇸 በትራምፕ የታቀደው “ጎልደን ዶም” የሚሳኤል መከላከያ ስርዓት ለመትከል በ20 ዓመታት ውስጥ 1.2 ትሪሊዮን ዶላር እንደሚያስወጣ የተተነበየ ሲሆን ይህም ከመጀመሪያው ግምት በእጅጉ የላቀ ነው።

🇺🇸🇮🇷 ትራምፕ የኢራንን ጦርነት በተመለከተ "ስለ አሜሪካውያን የፋይናንስ ሁኔታ እንደማያስቡ" እና ቴህራን የኒውክሌር ጦር መሳሪያ እንዳይኖራት ማስቆም ዋነኛው ተቀዳሚ ጉዳያቸዉ እንደሆነ ተናገሩ፡፡

🇺🇸🇮🇷 የአሜሪካ የውጭ ጉዳይ ሚኒስቴር ከኢራን አብዮታዊ ጥበቃ ኮርፖሬሽን እና ከአመቻቾቹ ጋር የተገናኘ የነዳጅ አቅርቦትን በተመለከተ ዝርዝር መረጃ ለሚሰጠኝ እስከ 15 ሚሊዮን ዶላር ሽልማት እሰጣለሁ ሲል አስታወቀ፡፡የነዳጅ ዘይት ጭነት፣ ታንከሮች ወይም  በህገ-ወ ዝውውር ላይ የተሳተፉ ወይም ተያያዥ ተግባራትን ያከናወኑ ግለሰቦችን በተመለከተ መረጃ ካላችሁ ከፍተኛ ጉርሳ እሰጣለሁ ሲል አክሏል፡፡

Ewunet Media

May 25, 2026, 06:42 PM

📷 Photo

🌍አጫጭር መረጃዎች

🇮🇷  የኢራን ፓርላማ አፈ-ጉባዔ መሀመድ ባገር ጋሊባፍ በማህበራዊ ሚዲያ ላይ በቴህራን ላይ የአሜሪካ ወታደራዊ እንቅስቃሴዎች ላይ በመሳለቅ “ዘመቻ እመነኝ ብሮ” (“Operation Trust Me Bro”) የሚለው ስትራቴጂ “ተሳክቷል” ሲሉ ተሳልቀዋል፡፡

🇱🇧🇮🇱 የእስራኤል ጦር ረቡዕ እለት በቤሩት ደቡባዊ መንደር በከፈተው ጥቃት የሂዝቦላህ ልሂቃን ራድዋን ዩኒት አዛዥ አህመድ ባሉትን መግደሉን በመግለጽ መግለጫ አውጥቷል።በተጨማሪም የናስር ክፍል የስለላ ክፍል ሃላፊ የሆኑትን መሀመድ አሊ ባዚን እና የሂዝቦላ የአየር ላይ መከላከያ ታዛቢ ኦፊሰርን ሁሴን ሀሰን ሮማኒ መግደሉን ይፋ አድርጓል፡፡

🇱🇧🇮🇱 ሂዝቦላህ በደቡብ ሊባኖስ በእስራኤል ወታደሮች ላይ ጥቃት ቢፈጽምም የእስራኤል በርካታ ሮኬቶች ቢወነጨፉም ምንም አይነት ጉዳት አላደረሰም ብሏል።የጦር ኃይሉ የጦር መሳሪያ ማከማቻ ቦታን ጨምሮ 15 የሂዝቦላህ ቦታዎች ላይ ጥቃት ደርሷል ብሏል።

🇱🇧🇮🇱 ከማርች 2 ጀምሮ በሊባኖስ ላይ በቀጠለዉ የእስራኤል ጥቃት ቢያንስ 2,715 ሰዎች ሲገደሉ፣ 8,353 ሌሎች ቆስለዋል፡፡ ግጭቱን ፍራቻ ከ1.6 ሚሊዮን በላይ የሚሆኑ ሰዎች መፈናቀላቸውን የቅርብ ጊዜ ይፋዊ አሃዞች ያሳያሉ።

🇵🇰🇮🇷🇺🇸 የፓኪስታን የውጭ ጉዳይ ሚኒስቴር ጦርነቱን ለማቆም በኢራን እና በዩናይትድ ስቴትስ መካከል ሊኖር የሚችለውን ስምምነት የሚጠቁሙ ምልክቶችን ቢገልጽም በዚህ ደረጃ ተጨማሪ መረጃ መስጠት እንደማይችል አስታዉቋል፡፡

🇮🇷ኢራን የሀገሪቱ ወደቦች በሆርሙዝ ባህር ዳርቻ ላይ ለታገቱ መርከቦች የባህር አገልግሎት፣ የቴክኒክ ድጋፍ እና የህክምና እርዳታ ለመስጠት መዘጋጀታቸውን ገልጻለች።ይህ መረጃ የተሰማዉ ከኢራን ወደቦች እና የባህር ኃይል ድርጅት በገልፍ አካባቢ ላሉ የንግድ መርከብ ካፒቴኖች በተላከው መልእክት ነው ሲል የኢራን መንግስታዊ የዜና ወኪል ዘግቧል።

🇮🇱🇵🇸 ድንበር የለሹ የሀኪሞች ቡድን እስራኤል ሆን ብላ በጋዛ ምግብ እና ዕርዳታ በመገደብ “የተመጣጠነ ምግብ እጥረት” በመፍጠር በተለይም ጨቅላ ህጻናት እና ነፍሰ ጡር እንዲሁም ጡት በሚያጠቡ ሴቶች ላይ ከፍተኛ ጉዳት አድርሳለች ሲል ከሰሰ።

🇺🇸🇮🇷የዩናይትድ ስቴትስ ፕሬዝዳንት ዶናልድ ትራምፕ በኢራን ላይ የሚያደረገዉ ጦርነት በአፋጣኝ እንዲያቆም በድጋሚ በመናገር ለደጋፊዎቻቸው በቅርቡ ስምምነት ላይ እንደሚደርሱ አስታዉቀዋል፡፡

🇮🇷 ሆርሙዝ በኢራን ቁጥጥር ስር መሆን አለበት ሲሉ የቀድሞ የኢራን አብዮታዊ ዘብ ከፍተኛ ባለስልጣን ተናገሩ። የቀድሞ የኢራን አብዮታዊ ጥበቃ ጓድ አዛዥ እና የአሁኑ የኢራን ተጠባባቂ ምክር ቤት አባል የሆኑት ሞህሰን ሬዛኢ ኢራን "በኒውክሌር ጉዳይ ላይ ከማንም ጋር እንደማትደራደር" እና የሆርሙዝ የባህር ዳርቻ ቁጥጥር በኢራን እጅ መቆየት አለበት ሲሉ ተናግረዋል፡፡"የሆርሙዝ ባህርን መቆጣጠር እና ማስተዳደር ከኢራን እጅ ከወጣ ጠላት እንደገና በኢራን እና በህዝቦቿ ላይ ጥቃት ይፈጽማል" ሲሉ ሬዛይ አስጠንቅቀዋል።

🇮🇱🇱🇧 የእስራኤል ጦር በደቡባዊ ሊባኖስ ውስጥ በወታደሮቼ ላይ በተፈጸመ ጥቃት አራት ወታደሮች ሲቆስሉ አንደኛው ክፉኛ ተጎድቷል ሲል አስታወቀ፡፡

Ewunet Media

May 25, 2026, 06:42 PM

📷 Photo

ተጠርጣሪው ተይዟል !!!

👉 በአሰቃቂ ሁኔታ በመግደል የተጠረጠረው ግለሰብ በቁጥጥር ሥር ዋለ

የሰንዳፋ በኬ ከተማ ነዋሪ እና የኢትዮጵያ ንግድ ባንክ የአሌልቱ ቅርንጫፍ ሠራተኛ የነበሩትን ወይዘሮ አዳነች ኩምሳን ታኅሣሥ 6 ቀን 2018 ዓ.ም በአሰቃቂ ሁኔታ በመግደል የተሰወረው ተጠርጣሪ ፀጋዬ አሳልፈው ጎንጤ በደብረ ብርሃን ከተማ በቁጥጥር ሥር ውሏል።

ሟች እና ተጠርጣሪው ታኅሣሥ 6 ቀን 2018 ዓ.ም ምሽት ላይ በአንድ ሆቴል ውስጥ ምግብ ሲመገቡ በመካከላቸው አለመግባባት ይፈጠራል። በዚህም ምክንያት ሟች ተጠርጣሪውን ጥላ በመሄዷ ተጠርጣሪው በመከተል ወደ መኪና ውስጥ ካስገባት በኋላ "ጎማጣ" ተብሎ በሚጠራው አካባቢ በሽጉጥ ተኩሶ ገድሏታል። አስክሬኑን ጥሎ በመጥፋቱ የሟች አካል በዱር አራዊት ተበልቶ ጭንቅላቷ ብቻ መገኘቱን የፖሊስ የምርመራ መዝገብ ያመላክታል።

ግለሰቡ ወንጀሉን የፈጸመበትን መኪና እና ሽጉጥ በአሌልቱ ከተማ ጥሎ መሰወሩን ፖሊስ ደርሶበታል። በመኪናው ውስጥ የተገኘውን የደም ዱካ እና ሽጉጡን እንደ ማስረጃ በመጠቀም ግለሰቡን በቁጥጥር ሥር ለማዋል ከፍተኛ ክትትል ሲደረግ ቆይቷል።

የኢትዮጵያ ፌዴራል ፖሊስ ከብሔራዊ መረጃና ደህንነት አገልግሎት፣ ከሌሎች የጸጥታ አካላት እና ከሰንዳፋ በኬ ከተማ አስተዳደር ጋር በመቀናጀት ባደረገው ኦፕሬሽን ተጠርጣሪው በቁጥጥር ሥር ሊውል ችሏል።

ግለሰቡ የተለያዩ የሐሰት መታወቂያዎችን በማውጣት በደብረ ብርሃን፣ በከሚሴ፣ በሸዋ ሮቢትና በአጣዬ ከተሞች ሰላማዊ ሰው መስሎ ሲንቀሳቀስ እንደነበር ተገልጿል።

11,400

Ewunet Media

May 25, 2026, 06:42 PM

📷 Photo

እስራኤል በጋዛ ላይ በፈጸመችው ጥቃት የሃማስ ኃላፊ አል-ሃይያ ልጅ ተገደለ

እስራኤል በጋዛ ከተማ ላይ በፈጸመችው የአየር ጥቃት ሁለት ሰው ሲገደል የሐማስ የፖለቲካ ቢሮ ኃላፊ እና የቡድኑ ዋና ተደራዳሪ የሆነውን ካሊል አል-ሀያ ልጅ አንደኛዉ መሆኑ ተሰምቷል፡፡ጥቃቱ የተፈፀመው እሮብ ዕለት በጋዛ ከተማ ዳራጅ ሰፈር ሲሆን ቢያንስ ሌሎች ዘጠኝ ፍልስጤማውያን ቆስለዋል ሲሉ የህክምና ባለሙያዎች ተናግረዋል፡፡

በተመሳሳይ ቀን በሌሎች ሁለት የአየር ጥቃቶች በጋዛ የፖሊስ ኃይል ውስጥ አንድ ከፍተኛ ኮሎኔል ጨምሮ ሌሎች አራት ሰዎችን ተገድለዋል፡፡አል-ሃይያ ለአልጀዚራ አስቀድመዉ እንደተናገሩት ልጄ አዛም በጥቃቱ “በጣም ቆስሏል” ብለዋል። አል-ሃይያ ቀደም ሲል እስራኤል በህይወቱ ላይ ባደረገችው የጥቃት ሙከራ ሶስት ወንድ ልጆችን አጥቶ ነበር ፤ ሁለቱ በጋዛ በ2008 እና 2014 ውጊያዎች ፣ ሶስተኛው በኳታር ዋና ከተማ ዶሃ ባለፈው አመት የሃማስን አመራር ለመግደል ባደረገችው ሙከራ ተገድሏል።

ከእስራኤል ጦር በኩል በጥቃቱ ዙሪያ የተሰጠ አስተያየት የለም።የሃማስ ባለስልጣን ባሲም ናይም እንተናገሩት እስራኤል በጋዛ ከተማ በፈጸመችዉ የአየር ጥቃት የካሊል አልሀያ ልጅ አዛም አል-ሀያ መገደሉን አረጋግጠዋል፡፡የሃማስ ባለስልጣን እና የሃይያ ረዳት የሆኑት ታሄር አል-ኖኖ “አዛም ካሊል በጥይት መጨፍጨፍ ከፍተኛ የሆነ የሞራል እና የስነምግባር ዝቅጠት ይወክላል” ብለዋል።“ተደራዳሪው ላይ መተኮስ በአቋም፣ የህዝቡን መብት በማስከበር እና በፍላጎታቸው ላይ የበለጠ ጸንቶ እንዲቆይ የሚያደርግ ብቻ ነው” ሲሉም አክለዋል።

9,990

Ewunet Media

May 10, 2026, 08:32 PM

📷 Photo

ARSENAL HAVE REACHED THE CHAMPIONS LEAGUE FINAL 👏

4,870

Ewunet Media

May 10, 2026, 08:32 PM

📷 Photo

በ'ፊንቴክ ኢንቨስትመንት' የማጭበርበር ወንጀል የተጠረጠሩ አርቲስቶች እና ቲክቶከሮች የዋስትና መብታቸው እንዲከበርላቸው የፌደራል ከፍተኛ ፍርድ ቤት ልደታ ምድብ ችሎት ወሰነ

ሆኖም ችሎቱ ተጠርጣሪዎች ለዋስትና የሚያቀርቡትን የገንዘብ መጠን ለመወሰን ለሰኞ ግንቦት 3/2018 ዓም ቀነ ቀጠሮ ሰጥቷል።

አቃቢ ህግ በበኩሉ አምስተኛ ተከሳሽ ከሆነው መንሱር ጀማል በቀር የዋስትና መብታቸው ቢከበር እንደማይቃወም ለችሎቱ አሳውቋል።

ችሎቱ በበኩሉ አቃቢ ህግ በአምስተኛ ተከሳሽ መንሱር ጀማል ዋስትና ጉዳይ ላይ አቃቢ ህግ ያለውን ተቃውሞ በጽሁፍ ለግንቦት ሦስት እንዲያቀርብ ትእዛዝ ሰጥቷል።

ቲክቫህ ኢትዮጵያ

4,060

Ewunet Media

May 10, 2026, 08:32 PM

📷 Photo

ከድብቅ ፍቅረኛዋ ጋር በስልክ ስታወራ የሰማው ግለሰብ የገዛ ሚስቱን በመግደሉ በእስራት ተቀጣ

👉"እኔ አሁን መምጣት አልችል እሱ አለ፤ አንተ ግን አንድ ኪሎ ስጋ እዘዝና ብላ ሂሳቡን እኔ በኃላ እከፍላለሁ" ስትል ሰምቻለሁ ተከሳሽ

በኦሮሚያ ክልል ሰሜን ሸዋ ዞን ያያ ጉለሌ ወረዳ ፍታል 01 ቀበሌ ውልደትና እድገቱ የሆነው የ38 ዓመቱ ሐብታሙ ጋረደው በ2001 ዓመት ቡሼ ሑሪሣ ከተባለች ወጣት ጋር ትዳር መስርቷል። የሀብታሙና የቡሼ የአስራ ሰባት አመት የትዳር ጉዞ ፍፁም ሠላማዊና የተረጋጋ ሆኖ በአራት ልጆች የተባረከ እንደነበር የዞኑ አቃቢ ሕግ ፅህፈት ቤት የተለያዩ ወንጀሎች ምርመራ የስራ ሒደት አቃቢ ሕግ ዳንኤል ንጉሴ ለብስራት ሬዲዮ ተናግረዋል።

ከቅርብ ጊዜ ወዲህ ግን በባልና ሚስት መካከልም አንድ ሠው የጥርጣሬ፣ የቅናት እና የግጭት መንስኤ ሆኗል።ይሕ ሰው ከአራት ልጆች እናት ከሆነችው ቡሼ ሑሪሣ ጋር ድብቅ የፍቅር ግንኙነት መስርቷል የሚል ከፍተኛ ጥርጣሬ በባል በሐብታሙ ጋረደው በኩል ከፍተኛ ጭንቀት ፈጥሯል። በባል በኩል ይህንን ተግባር እንድታቆም በተደጋጋሚ እንዳስመከራት ለፖሊስና ለአቃቢ ሕግ በሰጠው ቃል ማረጋገጡንም ይገልፃሉ።

ይሕ በእንዲህ እንዳለ፣ ጥቅምት 10 ቀን 2018 ዓም ከቀኑ ዘጠኝ ሠዓት ላይ የተፈጠረው አጋጣሚ ደግሞ የባልን ጥርጣሬ ጎልቶ ያወጣ ነበር የሚሉት አቃቢ ሕግ ዳንኤል፣ በዚያን እለት የሚስት ቡሼ ሑሪሳ የእጅ ስልክ ላይ ሲደወል ሮጣ ከቤት እንደወጣችና ወደጓሮ ዞር ብላ  "እኔ አሁን መምጣት አልችልም እሱ አለ፤ አንተ ግን አንድ ኪሎ ስጋ እዘዝና ብላ ሂሳቡን እኔ በኃላ እከፍላለሁ" ስትል ተደብቆ የስልክ ልውውጡን ይሠማ የነበረው ባል ሐብታሙ ጋረደው በውስጡ በተፈጠረ ድንገተኛ ንዴትና ብስጭት አጠገቡ ያገኘውን የፍልጥ እንጨት በማንሣት በሚስቱ ቦሼ ሑሪሣ ላይ ያሳርፋል።

በዚሕም በአፍ፣ በአፍንጫዋና በጆሮዋ ደም በመፍሰሱ ህይወቷ ያልፋል። ባልም ይሕንን ድርጊት እንደፈፀመ ለማምለጥና ለመሸሸግ ሣይሞክር በቀጥታ ካለበት አካባቢ ወደ ወረዳው ፖሊስ በመሔድ እጁን ይሠጣል። ፖሊስም የወንጀል ድርጊቱ የተፈፀመበት ቦታ በመድረስ የሟችን አስክሬን በማስነሣት ወደ ቅዱስ ዻውሎስ ሚኒሊየም ሆስፒታል ለምርመራ ይልክና የምርመራ ሒደቱን በሚያጠናክርበት ወቅት ተከሣሽ ሐብታሙ ጋረደው በሠጠው ቃል በትዳራቸው ውስጥ የተፈጠረውን በማስረዳት በእለቱ የሠማው የስልክ ልውውጥ ስሜት ውስጥ ከቶት ይሕንን ተግባር መፈፀሙን አምኖ ቃሉን ይሠጣል።

በጥንዶቹ መካከል ይሕንን ድርጊት ይፈፅማል የተባለው ግለሠብ ይሕንን ድርጊት እንደሠማ ለግዜው አካባቢውን ለቆ ጠፍቷል።ፖሊስም ከሆስፒታል የተላከውን የአስክሬን ምርመራ ውጤት ና ሌሎች ማስረጃዎችን በማጠናከር የምርመራ መዝገቡን አጠናቆ ለአቃቢ ሕግ ይልካል።

አቃቢ ሕግም በግድያ ወንጀል ክስ መስርቷል። ክሱን የተመለከተው የሰሜን ሸዋ ዞን ከፍተኛ ፍርድ ቤት ሚያዝያ 15 ቀን 2018 ዓም በዋለው ችሎት ፣በተከሣሹ ላይ የተመሠረተውን የግድያ ወንጀል በማሻሻል ወደ ቀላል የሆነ የሠው ግድያ በመቀየር ከፍ ባለ ደምን በሚያፈላ ምክንያትና ሕሊናን በሚያውክ  ምክንያት የአስገዳጅ ሁኔታ መወሰኑን በመተላለፍ  የተፈፀመ ወንጀል ጋር ና በሌሎች የቅጣት ማቅለያዎች ተከሣሽ ሐብታሙ ጋረደው በዘጠኝ አመት እስራት እንዲቀጣ የተወሠነበት መሆኑን አቃቢ ሕግ ዳንኤል ንጉሴ ጨምረው ለብስራት ሬዲዮ ተናግረዋል።

Ewunet Media

May 10, 2026, 08:32 PM

📷 Photo

ጋዜጠኛ አብዲ ከማል ከዚህ አለም በሞት ተለየ

በኢትዮጵያ ቴሌቪዥን (ኢቲቪ) ለረጅም ዓመታት በጋዜጠኝነት ሙያው ሲያገለግል የቆየው ጋዜጠኛ አብዲ ከማል ከዚህ ዓለም በሞት ተለይቷል።

ጋዜጠኛ አብዲ ከማል ላለፉት ጥቂት ወራት ከካናዳ ወደ ሀገሩ ገብቶ የነበረ ቢሆንም ዛሬ ማክሰኞ ሚያዝያ 27 ቀን 2018 ዓ.ም ከዚህ ዓለም ተለይቷል።

የጋዜጠኛው ሥርዓተ-ቀብር ዛሬ ማክሰኞ፣ በኮልፌ ሙስሊም መቃብር ስፍራ ከዝሁር ሰላት ቦኃላ ይፈጸማል።

ለቤተሰቦቹ፣ ለቅርብ ወዳጆቹ እንዲሁም ለመላው የሙያ ባልደረቦቹ መጽናናት እንዲሆን ዳጉ ጆርናል ይመኛል።

5,580

Ewunet Media

May 10, 2026, 08:32 PM

📷 Photo

በጉራጌ ዞን በእገታ እና በከባድ የውንብድና ወንጀል የተከሰሰው ግለሰብ በዕድሜ ልክ ጽኑ እስራት ተቀጣ

በጉራጌ ዞን በአብሽጌ ወረዳ ተከሳሽ ከእገታ በተገኘ ገንዘብ የጦር መሣሪያ ገዝቶ ሲንቀሳቀስ እንደነበርና የፍትሕ አካላት ባደረጉት ክትትልና ለፍርድ ቤቱ የቀረቡት መረጃና ማስረጃዎች መሰረት በማድረግ የዕድሜ ልክ እስራቱ ሊወሰንበት መቻሉን የጉራጌ ዞን ፍትህ መምሪያ ኃለፊ አቶ ኤልያስ ሰብለጋ ለብስራት ራዲዮ ተናግረዋል::ተከሳሹ ከታጠቁ ቡድኖች ጋር በመቀላቀል በየካቲት ወር 2017 ዓ.ም በአበሽጌ ወረዳ ጊቤ ቀበሌ ነዋሪ የሆኑትን አቶ ጊቤ ወርቅ በለጠን በመኖሪያ ቤታቸው በመደብደብና በማንገላታት ወደ ጫካ በመውሰድ አግቶ ማቆየቱ በክሱ ተገልጿል።

ተከሳሹና ግብረ አበሮቹ ታጋቹን በመያዝ ለቤተሰቦቻቸው በስልክ ደውለው ግማሽ ሚሊዮን ብር የጠየቁ ሲሆን ገንዘቡ ከተከፈላቸው በኋላ ታጋቹን የለቀቁ መሆኑ ተረጋግጧል። በተጨማሪም ተከሳሹ ለፖሊስና ለፍርድ ቤት በሰጠው ቃል ከሌሎች ግብረ አበሮቹ ጋር በመሆን ንብረት ጌቱ የተባለችን ልጅ አግተው 400 ሺህ ብር መቀበላቸውንና ከእገታ በተገኘው ገንዘብ ለግለሰቡ የጦር መሣሪያ እንደተገዛለት አምኗል።

የጸጥታ ኃይሉ ባደረገው ክትትል ተከሳሹ በሚያዝያ ወር 2017 ዓ.ም በቁጥጥር ሥር የዋለ ሲሆን፣ አንድ የኤስኬኤስ የጦር መሣሪያ ፣ 72 የክላሽንኮቭ ጥይቶችና ሌሎች ወታደራዊ ቁሳቁሶችን ደብቆ በተገኘበት ወቅት ለፖሊስና ለመከላከያ ሠራዊት መርቶ አሳይቷል።

የጉራጌ ዞን ከፍተኛ ፍርድ ቤት ሚያዝያ 21 ቀን 2018 ዓ.ም በዋለው ችሎት ተከሳሽ በዕድሜ ልክ ጽኑ እስራትና 5 ሺህ ብር  የገንዘብ መቀጮ እንዲቀጣ የወሰነ ሲሆን፣ በወንጀል ሕግ ቁጥር 124/2 መሠረትም ከመምረጥና መመረጥ መሰል ሕዝባዊ መብቶቹ እንዲታገዱ መወሰኑን አቶ ኤልያስ ሰብለጋ ጨምረዉ ለብስራት ሬዲዮ ተናግረዋል::

7,060

Ewunet Media

May 10, 2026, 08:32 PM

📷 Photo

🌍አጫጭር መረጃዎች

🇮🇷የኢራን ጠቅላይ መሪ ሞጅታባ ካሜኒ ቴህራን የባህረ ሰላጤውን አካባቢ እንደምትጠብቅ እና በሆርሙዝ የባህር ዳርቻ ላይ "የጠላትን ግፍ ታስወግዳለች" በማለት ተናገሩ።ኢራን የቀጠናው ሀገራት የአሜሪካን ጦር ሰፈር በሀገራቸው ውስጥ እንዳያስተናግዱ እና እራሳቸውን ከዋሽንግተን እንዲያርቁ ትጠይቃተቃውመዋል።

🇮🇷🇺🇸የኢራን የውጭ ጉዳይ ሚኒስቴር ቃል አቀባይ እስማኢል ባጋሃይ አሜሪካን የከፈተችውን ጦርነት በመወንጀል በኢራን ላይ ያደረሰችው ጥቃት "ራስን የመከላከል" ጉዳይ አለመሆኑን የዋሽንግተንን ሃሳብ ተቃውመዋል።

🇱🇧🇮🇱የሊባኖስ ጠቅላይ ሚኒስትር ናዋፍ ሳላም እያንዳንዱን ኢንች በእስራኤል የተወረረ የሊባኖስ ግዛት መልሶ ለማግኘት ጠንክረን እንቀጥላለን ሲሉ አረጋገጡ።

🇸🇬የሲንጋፖር ጠቅላይ ሚኒስትር ሎውረንስ ዎንግ
በተራዘመ የሆርሙዝ የባህር ዳርቻ መዘጋት ምክንያት እና በኢራን ላይ በሚደረገው ጦርነት  የኢኮኖሚ እድገት እንደሚቀንስ አስጠነቀቁ።

🇺🇸🇱🇧🇮🇱በቤይሩት የሚገኘው የአሜሪካ ኤምባሲ በሊባኖስ እና በእስራኤል መካከል “ቀጥታ ግንኙነት እንዲኖር” ጠይቋል። እስራኤል ሃሙስ ዕለት በሊባኖስ በፈፀመችው ጥቃት ቢያንስ 32 ሰዎች ሲገደሉ፤ሂዝቦላ በደቡብ ሊባኖስ በእስራኤል ወታደሮች ላይ ተኩስ ከፍቷል።

🇺🇸በፕሬዝዳንት ዶናልድ ትራምፕ ልጆች የሚደገፈው የአሜሪካ ኩባንያ ሰው አልባ አውሮፕላኖችን(ድሮን) ለጦር ኃይሎች እንደሚሸጥ አስታወቀ ።

🇵🇸🇮🇱የፍልስጤም እግር ኳስ ማህበር ፕሬዝዳንት ጅብሪል ራጁብ በቫንኮቨር ካናዳ በተካሄደው ዝግጅት ላይ ከእስራኤል አቻቸው ጋር ለመጨባበጥ ፈቃደኛ አልሆኑም። ይህንን ማድረግ የእስራኤልን የዘር ማጥፋት ዘመቻ መደገፍ ነው ሲሉ ተናግረዋል።

🇱🇧🇮🇱ሂዝቦላህ ዝቅተኛ የቴክኖሎጂ ፋይበር ኦፕቲክ ኬብል ድሮኖችን ያለ ራዲዮ ሲግናሎች ለማብረር በመጠቀም በደቡባዊ ሊባኖስ የእስራኤል ወታደሮች ለጥቃቶች እንዲጋለጡ ማድረጉ ተሰማ።

Ewunet Media

May 10, 2026, 08:32 PM

📷 Photo

በአዲስ አበባ ከተማ ባለፉት ዘጠኝ ወራት ከ4 ሺህ በላይ የፍቺ ምዝገባ መከናወኑ ተነገረ

የሲቪል ምዝገባና የነዋሪነት አገልግሎት ኤጀንሲ በ2018 በጀት ዓመት  ባለፉት   በዘጠኝ ወራት ውስጥ በወቅታዊ፣ በዘገየ፣ጊዜ ገደቡ ባለፈ ልደት  324,363  የጋብቻ 28,604፣ የሞት 19,448፣  የጉዲፈቻ 278 በአጠቃላይ የአምስቱም ኩነቶች 382ሺ309 አፈፃፀም ምዝገባ  ማድረጉን አስታውቋል ፡፡

በተጨማሪም በበጀት ዓመቱ በዘጠኝ ወራት ውስጥ 4452 ወቅታዊ የፍቺ ምዝገባ ተደርጓል ።   ከጤና ተቋማት በሚመጣ የማሳወቂያ ወረቀት የተመዘገበ የልደት እና የሞት 78.04% ምዝገባ በማድረግ የዕቅዱን 84.63% ለማከናወን መቻሉን   የኤጀንሲው  ዋና ዳይሬክተር አቶ ዮሴፍ ንጉሴ ለብስራት ሬዲዮ ተናግረዋል።  በሌላ በኩል 142,159 ያላገባ ማስረጃ አገልግሎት የተሰጠ ሲሆን  600,589 ነዋሪዎችን በዘመናዊ ቴክኖሎጂ በመመዝገብ አገልግሎት መስጠት ተችሏል።  ከተሰጠው የነዋሪነት መታወቂያ ውስጥ ዲጂታል 99.78%፣ ማኑዋል 0.22%  ማድረስ መቻሉ ነው የተገለጸው፡፡

የኤጀንሲው ዋና ዳይሬክተር አቶ ዮሴፍ ንጉሴ በበጀት ዓመቱ በዘጠኝ ወራት ውስጥ ያስመዘገባቸውን ውጤቶች እና የነበሩትን ጥንካሬዎች በመያዝ በቀጣይ የመጨረሻ ሩብ ዓመት ውስጥ በዕቅድ ተይዘው ያላለቁ ሥራዎችን የሚያጠናቅቅበት ይሆናል ብለዋል። ተቋሙ ከማዕከል እስከ ወረዳ ባለው አደረጃጀት የሚገኙ አመራሮች እና ባለሙያዎች እንዲሁም ባለድርሻ አካላት ሙሉ አቅማቸውን ተጠቅመው በመስራት የተሻለ ውጤት ማስመዝገብ ይጠበቅባቸዋል ሲሉ አክለዋል፡፡

6,760

Ewunet Media

May 10, 2026, 08:32 PM

📷 Photo

ተቆጣሽኝ በሚል ምክንያት አክስቱን የገደለው ግለሰብ የሞት ቅጣት ውሳኔ ተላለፈበት።

በለሚ ኩራ ክፍለ ከተማ ወረዳ 6፣ ኢካ ሳይት አካባቢ አክስቱን በግድያ ወንጀል የገደለው ግለሰብ፣ የሞት ቅጣት ተላለፈበት።
የክስተቱ ሂደት

የአዲስ አበባ ፖሊስ ባወጣው መግለጫ መሠረት፣ ተከሳሽ ሻምበል ሙሉጌታ ከክፍለ ሀገር ወደ አዲስ አበባ የመጣው አክስቱ ወርቅነሽ ኃይሌ ጋር አብሮ ለመኖር ነበር። ይሁን እንጂ መስከረም 27 ቀን 2017 ዓ.ም ምሽት፣ በሁለቱ መካከል በተፈጠረ አለመግባባት ሳቢያ ተከሳሹ አክስቱን ሕይወቷ እንዲያልፍ አድርጓል።

አካባቢው ላይ የሟች ቅሪት መገኘቱን ተከትሎ፣ የአካባቢው ነዋሪዎች ለፖሊስ በሰጡት ጥቆማ የምርመራ ሥራው ተጀምሯል። ፖሊስ በሰዓታት ውስጥ ወንጀል ፈጻሚውን በቁጥጥር ስር ማዋል የቻለ ሲሆን፣ በቂ የሰውና የሰነድ ማስረጃዎችን በማሰባሰብ የምርመራ መዝገቡን ለዐቃቤ ሕግ መርቷል።

ጉዳዩን ሲመለከት የቆየው የፌደራል ከፍተኛ ፍርድ ቤት ልደታ ምድብ ሁለተኛ ወንጀል ችሎት፣ የቀረበውን ክስና ማስረጃ ከመረመረ በኋላ ተከሳሹን ጥፋተኛ ብሎታል። በፍርድ ቤቱም በተከሳሽ ሻምበል ሙሉጌታ ላይ የሞት ቅጣት ውሳኔ አስተላልፏል።

ዘገባ፦ ኢንስፔክተር እመቤት ኃብታሙ

8,830

Ewunet Media

May 10, 2026, 08:32 PM

📷 Photo

ፌደራል ፖሊስ ቴዲ አፍሮ ሙዚቃ መስራት ፤ የፈለከውን አመለካከት የመያዝ ህገመንግስታዊ መብቱ ነው አለ

👉🏼 ፖሊስ አርቲስቱ ላይ የቀረበ ጥቆማም የተጀመረ ምርመራም የለም ፤ የእርሱ ቅርብ ሰዎችንም አናስርም ፣ ስቱዲዮዉም ተዘርፏል የተባለዉ ዉሸት ነዉ ብሏል

አርቲስት ቴዎድሮስ ካሳሁን (ቴዲ አፍሮ) " ኢትዮሪካ " አልበሙን ለአድማጭ አድናቂዎቹ ካቀረበበት ጊዜ አንስቶ በእሱና በእሱ ዙሪያ ባሉ ሰዎች ላይ ጫና እየደረሰ መሆኑ እየተነገረ ነው።

" ምክትል ማናጀሩን ጨምሮ የረጅም ጊዜ የቅርብ ጓደኛው  " መታሰራቸውም ተወርቷል።

ከዚህ ባለፈ ታጥቀው በመኪና የመጡ አካላት " ሲኤምሲ " አካባቢ የሚገኝ የሙዚቃ ስቱዲዮ እና ስራዎችን የሚያዘጋጅበት ቦታን በምሽት በኃይል በመስበር መዝረፋቸው ተነግሯል።

የጀርመን ድምጽ ሬድዮ ጣቢያም የቴዲ አፍሮን የቅርብ ሰዎች ዋቢ በማድረግ ስቱዲዮው " ተዘርፏል " ብሏል። ጠባቂዎችም መደብደባቸውን ገልጿል። ከተዘረፉት ውስጥ ያልወጡ የሙዚቃ ስራዎች ያሉባቸው ፋይሎች እንዳሉ አመልክቷል።

እስካሁን ድረስ እየደረሱ ነው ስለተባሉት ጫናዎች እና በስቱዲዮው ላይ በታጠቁ አካላት " ተፈጽሟል " ስለተባለው ዝርፊያ አርቲስት ቴዎድሮስ ካሳሁን (ቴዲ አፍሮ) በይፋ የሰጠው ቃል፣ በማነጀሩ በኩል የሰጠው ማብራሪያ የለም።

ቲክቫህ ኢትዮጵያ ፥ " ተፈጽሟል " ስለተባለው ዝርፊያ እኛ ጫና የኢትዮጵያ ፌዴራል ፖሊስን ጠይቋል።

የዜና ምንጩ ያነጋገራቸው የወንጀል ምርመራ ጠቅላይ መምርያ የወንጀል ምርመራ ኦፕሬሽን ዋና መምሪያ ኃላፊ ም/ኮሚሽነር ሙሊሳ አብዲሳን ናቸዉ።

ም/ኮሚሽነር ሙሊሳ ፥ " የፌደራል ፖሊስ እንደዚህ አይነት ውንብድና አይሰራም። ስብእናውም አይደለም። የሚሰራው በህግና በህግ ብቻ ነው " ብለዋል።

" ብዙ ኦፕሬሽኖችን እንሰራለን በነዚህ ኦፕሬሽኖች ውስጥ ከእሱ (ከቴዲ አፍሮ) ጋር የሚገናኙ እኛ ያደረግነው ነገር የለም " ሲሉ ገልጸዋል።

ቴዲ አፍሮ የኢትዮጵያ ፌዴራል ፖሊስ ተጠርጣሪ እንዳልሆነ ፣ በእሱ ላይ ምንም አይነት ምርመራ እንዳልተደረገ እንዲሁም ከእሱ ጋር የሚገናኝ ጥቆማ ለፖሊስ እንዳልደረሰውና ፌዴራል ፖሊስ እሱ ላይ አንድም ነገር እንዳላደረገ ለቲክቫህ ኢትዮጵያ ተናግረዋል።

" ህዝቡም ይሄን ይወቅልን " ብለዋል።

" እሱ አርቲስት ነው ሙዚቃውን አውጥቷል ፤ ቤቱ ነው ያለው በስርዓት እየኖረ ነው ያለው ፤ በእሱ ላይ የተደረገ ምንም አይነት ነገር የለም " ሲሉ ገልጸዋል።

" እኛም እንደማንኛውም ሰው ሚዲያ ላይ እናያለን ፤ በየቀኑ በሺዎች የሚቆጠሩ የፈጠራ ወሬዎች ይፈጠራሉ። ስለዚህ አርቲስቱን እንደማስያዣ ይዘው የፖለቲካ አጀንዳ ማራገብ የሚፈልጉትንም እያየናቸው ነው " ሲሉ አስረድተዋል።

ም/ኮሚሽነር ሙሊሳ ፥ " ይሄ ዜጋ ህገመንግስታዊ መብቱን ተጠቅሞ ሙዚቃ ሰርቷል። ድጋፊዎቹ ይደግፉታል፤ የሚቃወሙትም አሉ ፤ ያ ሌላ ሜዳ ነው። ስለዚህ ከእሱ ጋር የሚገናኝ ምንም አይነት ንክኪ ያለው ጉዳይ ላይ ተሳትፎ አላደርግንም " ሲሉ አብራርተዋል።

" ህግ ጥሶ ከተገኘ እንደማንም ሰው ሊጠየቅ የሚችል ሰው ነው ዜጋ እስከሆነ ድረስ " ያሉት አቶ ሙሊሳ ፥ " በአሁኑ ጊዜ ከእሱ ጋር የሚገናኝ ምንም አይነት የምርመራ ስራ አልሰራንም " ብለዋል።

" ዋናውና ትልቁ ነገር ህዝቡም በደምብ ሊገነዘብ የሚገባው ዝም ብሎ ኮሽ ባለ ቁጥር ድሮ ሰው ' እንደዚህ ዘፈንክ ' ተብሎ እንደሚያስር እንደዚህ አይነት ነገር graduate አድርጎ አልፏል የጸጥታ ተቋሙ። ወንጀል ከሰራ ማንም ሰው ይጠየቃል ፤ የመንግሥት አካል ፣ አመራርም ቢሆን በህግ በማስረጃ ይጠየቃል። ወንጀል ያልሰራ ሰው ግን በፍጹም አይጠየቅም " ሲሉ ተናግረዋል።

ም/ኮሚሽነር ሙሊሳ አብዲሳ፥ " ' ክልከላ ተደርጓል ' ሲባል የነበረውም ውሸቶች ናቸው " ያሉ ሲሆን " ሁሉም መሰረተ ቢስ ነው።  ይሄ ልጁን (ቴዲን) ተጠቅመው ህዝብ ላይ ሽብር ለመፍጠር የሚደረግ የሳይበር ወሬ ነው እንጂ በተግባር ቤቱ ሆኖ በስርዓት እየኖረ ያለ ሰው ነው " ብለዋል።

" አርቲስት ሆኖ ሙዚቃ መስራት ፤ የፈለከውን opinion (አመለካከት) የመያዝ ህገመንግስታዊ መብት ነው። ከዚህ ውጪ ያለ ማስረጃ ሰው የማይያዝበትን ሂደት ፈጥረናል ለዚህ ቴክኖሎጂ ተጠቅመን የትኛውም አይነት የምርመራ ስራዎችን እንሰራለን የምንሰራቸውንም በግልጽ ለህዝብ እናሳውቃለን " ብለዋል።

ም/ኮሚሽነር ሙሊሳ " ሰው ሊታወቅ ይችላል ፣ ወንድምህ ሊታሰር ይችላል አናውቅም ፣ ጓደኛህ ሊታሰር ይችላል አናውቅም ግን ይህ ሰው ከማን ጋር ይውላል ማነው ብለን አናስርም ፤ የምንሰራቸው ስራዎች legitimate ናቸው ፍ/ቤት አቅርበን በስርዓት ጊዜ ቀጠሮ ጠይቀን እንመረምራለን ይሄ የማስረጃ ጉዳይ ነው ሂደታችንም ይኸው ነው። ከዚህ ውጭ ምንም ከአርቲስቱ ጋር የሚገናኝ ምርመራ አልሰራንም " ሲሉ አስረድተዋል።

" ሌላ የፖለቲካ ፍላጎት ያላቸው ሰዎች እሱን መጠቀሚያ ማድረግ ስለሚፈልጉ እሱ ስለማያዋጣቸው ቢተውት ጥሩ ነው " ብለዋል።

ከቴዲ ጋር የተያያዘው ጉዳይ ቀድሞ መጀመሩን ያነሱት አቶ ሙሊሳ " ' መግለጫ ተከለከለ ' ተባለ ምን ስለሆነ ? ሚስቱ እኮ አለች ሚዲያ አላት እሱ መስጠት አይችልም ? ቤቱ ሆኖ መስጠት አይችልም ? በሞባይል ስልኩ መስጠት ይችላል። መንግሥት ' ከለከለ ' የሚለው ከመነሻው መሰረተ ቢስ ነው፤ ለምን ይከለከላል ? ሰው የታገለው እንደዚህ አይነት መብቶች እንዲከበሩለት ነው። እንደ law enforcement የምንሰራው መብት እንዲከበር ነው " ሲሉ አብራርተዋል።

" ከአርቲስቱ ጋር የተገናኘና እሱንም መሰረት የሚያደርግ ምንም ነገር ባልሰራንበት ፤ ሳይበር ተጠቅመው ብዙ የፖለቲካ ፍላጎት ያላቸው ህዝቡን በሌላ ነገር ማንቀሳቀስ ያልቻሉ እሱ እንደተነካ አድርገው የሚፈጽሙት ተግባር መሰረተ ቢስ ነው " ሲሉ አጽንኦት ሰጥተዋል።

ም/ኮሚሽነር ሙሊሳ አብዲሳ ህዝቡ የሚሰማውን ሁሉ ከማመን እንዲጠነቀቅ ጥሪ አቅርበዋል።

" የሰማነው ነገር ፣ የሚወራው ሁሉ እውነት አይደለም። ዛሬ AI አለ ፤ ለምሳሌ፦ ' የሙዚቃው መሳሪያ ተወሰደ ' ተብሎ የተሰራው ሙሉ በሙሉ ውሸት ነው። በሳይበር፣ በሚዲያ የተወራው ሁሉ እውነት አይደለም። ህዝቡ ይሄን ማመዛዘን አለበት። የነ ብርቱካንን ኬዝ ታስታውሳላችሁ አምና ምን እንደሆነ ህዝቡ ከተረጋጋ በኋላ እውነታው ወጣ " ሲሉ ተናግተዋል።

" ዛሬ ላይ ማንም ሰው ፣ ግለሰብ ሚዲያ በእጁ ነው ይሄንን መከልከል አይቻልም ፤ መረጃ ተጠቃሚው ህዝብ ግን በደምብ ቆሞ ማሰብ ያለበት የትኛው ነው የሚጠቅመው የሚለውን ነው ፤ እየለየ ሊጠቀም ይገባል " ብለዋል።

መረጃዉ ከቲክቫህ ኢትዮጵያ የቴሌግራም ገጽ የተገኘ ነዉ።

Ewunet Media

May 10, 2026, 08:32 PM

📷 Photo

የዓለም ሪከርድ ተሰበረ

ከደቂቃዎች በፊት በተጠናቀቀው የለንደን ማራቶን ኬንያዊው ሴባስቲያን ሳዌ አሸነፈ።

አትሌቱ ርቀቱን ለመጨረስ 1:59.30 ፈጅቶበታል።

ይህም አዲስ የዓለም ሪከርድ ሆኖ ተመዝግቦለታል።

ቀደም ሲል ሪከርዱ በሌላኛው ኬንያዊ ኬልቪን ኪፕቱም (2:00.35) እጅ ነበር።

በዚህም የዛሬው አሸናፊ ሳዌ ማራቶንን ከሁለት ሰዓት በታች በመግባት የምድራችን የመጀመሪያው አትሌት ሆኗል። ስሙም በዓለም ድንቃድንቅ ታሪኮች መዝገብ ላይ የሚሰፍርለት ይሆናል።

ከሳዌ ጋር ከፍተኛ ትንቅንቅ ያደረገው ኢትዮጵያዊው ዮሚፍ ቀጀልቻ 1:59.41 በሆነ ጊዜ በሁለተኛነት አጠናቅቋል።

ዮሚፍ ሙሉ ማራቶን ሲሮጥ ለመጀመሪያ ጊዜ ሲሆን በመጀመሪያ ሩጫው በዚህ ሰዓት በመግባት የዓለማችን የመጀመሪያው አትሌት በመሆን ታሪክ መፃፍ ችሏል።

በተጨማሪም ሰዓቱ አዲስ የኢትዮጵያ የማራቶን ሪከርድ ሆኖ ተመዝግቦላታል።

ኡጋንዳዊ ጃኮብ ኪፕሊሞ 3ኛ ሆኖ ሲጨርስ የዓለምና የኦሎምፒክ ሻምፒዮኑ ኢትዮጵያዊው ታምራት ቶላ 4ኛ ወጥቷል።

6,590

Ewunet Media

Apr 28, 2026, 07:23 AM

📷 Photo

አሜሪካ እና እስራኤል በገልፍ እና በሆርሙዝ ባህር ዳርቻ ላይ ለጸጥታ እጦት ምንጭ የሆነውን ጥቃት ሰንዝረዋል ስትል ኢራን አስታወቀች

የኢራን የውጭ ጉዳይ ሚኒስትር የአሜሪካ እና የእስራኤል "ጥቃት" በባህረ ሰላጤው እና በሆርሙዝ የባህር ዳርቻ ላይ "የፀጥታ ችግር" ናቸው ብለዋል ። ሚኒስትሩ አባስ አራግቺ በኤክስ ላይ ባጋሩት መልዕክት በቴህራን ከደቡብ ኮሪያ ልዩ መልዕክተኛ ጋር እንደተገናኙ በማንሳት የኢራን የውጭ ጉዳይ ሚኒስትር አውራጃዎች "እነዚህን ጥቃቶች በማውገዝ ግልጽ እና ጠንካራ አቋም እንዲወስዱ" አሳስበዋል።

ኢራን ደህንነቷን እና ጥቅሟን ለመከላከል በአለም አቀፍ ህግ መሰረት እርምጃዎችን ወስዳለች ሲሉ አራግቺን አክለዋል። ኢራን በባህር ዳርቻው ላይ ሁለት መርከቦችን መያዟን እና ሦስተኛው የጭነት መርከብ ላይ ጥቃት ሰንዝራለች ብለዋል።

በሌላ መረጃ የኢራን ጦርነት እና የሆርሙዝ የባህር ዳርቻ መዘጋት ቀጣይነት ባለው መልኩ የአለም የሀይል ፍሰትን በእጅጉ ስለሚያስተጓጉል አለም በታሪክ ትልቁ የኢነርጂ ደህንነት ስጋት ተጋርጦባታል ሲሉ የአለም አቀፍ ኢነርጂ ኤጀንሲ ዋና ዳይሬክተር ፋቲህ ቢሮል አስጠንቅቀዋል።

"በታሪክ ውስጥ ትልቁን የኢነርጂ ደህንነት ስጋት እያጋጠመን ነው" ሲሉ ቢሮል በሲንጋፖር ውስጥ ለሴኤንቢሲ ኒዉስ ጋር ባደረጉት ቃለ ምልልስ ላይ ተናግረዋል፡፡በቀን 13 ሚሊዮን በርሜል የነዳጅ አቅርቦት መጥፋቱንና በወሳኝ ሸቀጦች ላይም ከፍተኛ መስተጓጎል እያጋጠመው መሆኑን ተናግረዋል።

4,710

Ewunet Media

Apr 28, 2026, 07:23 AM

📷 Photo

🌍አጫጭር መረጃዎች

🇮🇷  የኢራን አብዮታዊ ዘብ ማንኛውንም አዲስ ጥቃት ለመጋፈጥ ዝግጁ መሆኑን በማስታወቅ በቀሪ የጠላት ንብረቶች ላይ ከባድ ድብደባዎችን እንደሚፈጽም ተናግሯል ሲል የኢራኑ ሜህር የዜና ወኪል ዘግቧል።

🇬🇧🇮🇷  የዩናይትድ ኪንግደም የባህር ንግድ ኦፕሬሽን ማዕከል በሆርሙዝ ባህር ውስጥ ሁለተኛዉ መርከብ ላይ መተኮሱን ዘግቧል።የብሪታንያ ሮያል ባህር ኃይል የሚመራው ማዕከሉ እንዳስታወቀው ወደ ባህሩ የወጣችዉ የእቃ መርከብ ከኢራን በስተ ምዕራብ በስምንት የባህር ማይል ርቀት ላይ እንደተተኮሰባት እና አሁን በባህር ላይ መቆሟን አስታዉቋል፡፡

🇺🇸🇮🇷  የአሜሪካው ፕሬዝዳንት ዶናልድ ትራምፕ በሁለቱ ሀገራት መካከል ያለው ውይይት እሰከሚቀጥል ድረስ ከኢራን ጋር የተኩስ አቁም ስምምነቱን እንደሚያራዝሙ ቢናገሩም  አሜሪካ በኢራን ወደቦች ላይ የጣለችው እገዳ ቀጥሏል።የኢራን አብዮታዊ ጥበቃ ዘብ (IRGC) በበኩሉ በእቃ ጫኝ መርከብ ኮንቴይነር ላይ ተኩሷል፡፡

🇮🇱🇱🇧  የእስራኤል ወታደራዊ ኃይል በደቡብ ሊባኖስ የመኖሪያ አካባቢዎችን በቦምብ ደበደበ፡፡የእስራኤል ጦር በቢንት ጀቤይል እና በኪያም ከተሞች እንዲሁም በደቡባዊ ሊባኖስ ሃኒን ከተማ የመኖሪያ አካባቢዎች ላይ የቦምብ ጥቃት መፈፀሙ ተሰምቷል፡፡

🇮🇷🇮🇱 ኢራን ለእስራኤል በመሰለል የተከሰሱትን የሲቪል መከላከያ ባለስልጣን በሞት ቀጣች።ሚዛን ዜና አገልግሎት የኢራን የፍትህ አካላት ይፋዊ ሚዲያ ሲሆን በሀገሪቱ የሲቪል መከላከያ ባለስልጣን ውስጥ አንድ ከፍተኛ ባለስልጣን ለእስራኤል ሞሳድ የስለላ ድርጅት በመሰለል ወንጀል ከተከሰሱ በኋላ ተገድለዋል ብሏል፡፡

🇮🇷 በጦርነት ወቅት ጉዳት ከደረሰባቸው 1,300 ትምህርት ቤቶች ውስጥ ከግማሽ በላይ የሚሆኑት ወይም 775ቱ አሁን ተስተካክለዋል ሲል የኢራን የዜና ወኪል ዘግቧል።ከትምህርት ቤቶቹ ውስጥ 20 ያህሉ ወድመዋል ሲሉ የኢራን የትምህርት ሚኒስትር አሊሬዛ ካዜሚ በመናገር ከፍተኛ ጉዳቶች በተለይ በቴህራን፣ ከርማንሻህ፣ ኢስፋሃን እና ሆርሞዝጋን ግዛቶች ደርሷል ብለዋል፡፡

🇺🇸🇮🇱🇱🇧  ዩናይትድ ስቴትስ በእስራኤል እና በሊባኖስ መካከል የተጀመረዉ ውይይት ሐሙስ እንደሚቀጥል አስታወቀች፡፡የሊባኖስ መንግስት የእስራኤል ጦር ከደቡብ ሊባኖስ ሙሉ በሙሉ እንዲወጣ እንደሚፈልግ ገልጿል፡፡

🇬🇧🇵🇸  የፍልስጤም ደጋፊ ተማሪዎችን ተቃውሞ ለመከታተል 12 ታዋቂ የብሪታንያ ዩኒቨርሲቲዎች ከወታደራዊ መረጃ ጋር ግንኙነት ያለው የግል የደህንነት ድርጅት ቀጥረዋል ተባለ።ይህ እርምጃ በእንግሊዝ ከፍተኛ ትምህርት ተቋማት ላይ በነጻነት የመናገር መብት ላይ ክርክር መፈጠሩ ተነግሯል።

🇮🇷🇺🇸 አሜሪካ እገዳውን ስታነሳ ቴህራን ለመደራደር ዝግጁ መሆኗን የኢራን የተባበሩት መንግስታት ድርጅት አምባሳደር አሚር ሰኢድ ኢራቫኒ ለኢራን ሚዲያ ሻርግ ተናግረዋል፡፡ "ዩናይትድ ስቴትስ ከማንኛውም አዲስ ዙር ድርድር በፊት 'የተኩስ አቁምን መጣስ' ማቆም አለባት ሲሉ አክለዋል።

🇮🇷 የኢራን ፓርላማ አፈ-ጉባዔ አማካሪ እንደተናገሩት የተኩስ አቁም ማራዘሚያው “ምንም ማለት አይደለም” ሲሉ የተናገሩ ሲሆን “ለድንገተኛ ጥቃት ጊዜ የመግዛት ዘዴ ነው” በማለት ተናግረዋል ።

Ewunet Media

Apr 28, 2026, 07:23 AM

📷 Photo

🌍አጫጭር መረጃዎች

🇮🇱🇱🇧  የእስራኤል የመከላከያ ሚኒስትር ኢዝራኤል ካትስ የሂዝቦላህ አለቃ ቃሴም "ጭንቅላታቸውን በማጣት ዋጋ ይከፍላለሁ" በማለት ለመግደል ዝተዋል።ካትዝ የእስራኤል ኃይሎች በሊባኖስ ውስጥ “በተኩስ አቁም ወቅትም ቢሆን” በጥንካሬ መስራታቸውን እንደሚቀጥሉ ተናግረዋል።

🇲🇼  በኢራን ጦርነት የማዳበሪያ ዋጋ እየጨመረ በመምጣቱ የማላዊ ገበሬዎች ስጋት ዉስጥ ወድቀዋል፡፡በመካከለኛው ምስራቅ ያለው ግጭት አብዛኛው በሆርሙዝ ባህር ውስጥ ስለሚጓጓዝ የአለም የማዳበሪያ አቅርቦት ላይ ተጽእኖ እያሳደረ ይገኛል፡፡የማላዊ ማዳበሪያ ማህበር በ85 በመቶ ዋጋዉ ሊጨምር እንደሚችል አስታዉቋል፡፡

🇮🇷  ኢራን ከሞሳድ ጋር ግንኙነት በማድረግ የተከሰሰውን ሰው በስቅላት ቀጣች፡፡ኢራን ከእስራኤል የስለላ አገልግሎት ሞሳድ ጋር የተገናኘ የኔትወርክ መሪ በመሆን እና በቴህራን ውስጥ በጥር ህዝባዊ ተቃውሞ ላይ መስጊድ አቃጥሏል በሚል ክስ አንድ ሰው በሞት መቀጣቷን የፍትህ አካላት የዜና አውታር ሚዛን ዘግቧል።

🇮🇷🇺🇸 ከአሜሪካ ጋር የሚደረገ ድርድር 'አሁን ባለው ሁኔታ ተቀባይነት የለውም ሲሉ በኢራን ፓርላማ ብሔራዊ ደህንነት ኮሚሽን አባል የሆኑት መሀመድ ሬዛ ሞህሴኒ ሳኒ የተናገሩ ሲሆን ከአሜሪካ ጋር የመነጋገር እድል ላይ የበለጠ ጥርጣሬ ፈጥሯል ሲሉ አክለዋል።

🇪🇸🇸🇮🇮🇪 ስፔን፣ ስሎቬንያ እና አየርላንድ የአውሮፓ ህብረት ከእስራኤል ጋር ያለዉን የግንኙነት ስምምነት እንዲቋረጥ ጠይቀዋል ሲሉ የስፔን የውጭ ጉዳይ ሚኒስትር ጆሴ ማኑኤል አልባረስ ተናግረዋል፡፡ ይህዉ ጥያቄ የቀረበዉ በሉክሰምበርግ የአውሮፓ ህብረት የውጭ ጉዳይ ሚኒስትሮች ስብሰባ ከመጀመሩ በፊት ማክሰኞ እለት ነዉ፡፡

🇨🇳🇮🇷  የቻይና የውጭ ጉዳይ ሚኒስቴር በሆርሙዝ የባህር ዳርቻ ላይ ያለው ትራንዚት በቅርቡ ወደ መደበኛ ሁኔታ እንደሚመለስ ተስፋ አደርጋለሁ አለ። ሚኒስቴሩ በመግለጫው አሜሪካ እና ኢራን ለሁለተኛው ዙር የሰላም ድርድር ግስጋሴያቸውን እንደሚቀጥሉ ተስፋ አለኝ ብሏል።

🛢 የአለም አቀፍ ኢነርጂ ኤጀንሲ ሃላፊ የሆኑት ፋቲህ ቢሮል እንደተናገሩት እየተካሄደ ያለው ግጭት በአለም ላይ እጅግ የከፋውን የኢነርጂ ቀውስ አስከትሏል ሲሉ ተደምጠዋል።

🇮🇱🇵🇸  የእስራኤል ጦር በጋዛ 3 ሰዎችን ገደለ፡፡የዋፋ የዜና ወኪል እንደዘገበው የእስራኤል ጦር በካን ዮኒስ አቅራቢያ በፈጸመዉ ጥቃት 3 ፍልስጤማውያን መገደላቸውን የገለጸ ሲሆን አንደኛው በቅርቡ ትዳር መስርቷል፡፡

🇮🇷🇺🇸🇵🇰  ቴህራን ወደ ፓኪስታን ኢስላምባድ ልዑካን ለመላክ መቻል አለመቻሉ ላይ እርግጠኛ ባልሆነበት በዚህ ጊዜ ኢራን ከአሜሪካ ጋር እንደምትደራደር ወይም “ከዚህ በፊት አይተው የማታውቀዉ ችግሮች” እንደሚገጥሟት ትራምፕ ዝተዋል፡፡

🇮🇷🇺🇸 ኢራን የዩናይትድ ስቴትስ የባህር ኃይል የእቃ ጫኝ መርከቧን በመያዙ ለተባበሩት መንግስታት ድርጅት አቤቱታ አቅርባለች፡፡ ድርጊቱ አለም አቀፍ ህግን የሚጻረር አረመኔያዊ ተግባር ነዉ ስትል ቴህራን ኮንናዋለች፡፡

🇮🇷🇺🇸 በኢራን ላይ የሚደረገውን ጦርነት በመቃወም በደርዘን የሚቆጠሩ የአሜሪካ የቀድሞ ወታደሮች እና ቤተሰቦቻቸው በዋሽንግተን ዲሲ የሚገኘውን የኮንግረሱ ህንፃ መዉረራቸዉን ተከትሎ በቁጥጥር ስር ዋሉ፡፡

Ewunet Media

Apr 28, 2026, 07:23 AM

📷 Photo

#ችሎት

የፌደራል መጀመሪያ ደረጃ ፍርድ ቤት፥ በ'ፊንቴክ ኢንቨስትመንት' የማጭበርበር ወንጀል የተጠረጠሩ አርቲስቶች እና ቲክቶከሮች ላይ መርማሪ ፖሊስ የምርመራ መዝገቡን አጠናቆ እንዲያቀርብ ተጨማሪ ሰባት ቀናት ሰጥቷል።

ተጠርጣሪዎቹ ሚያዚያ 9 ቀን 2018 ዓ/ም ችሎት በቀረቡበት ወቅት መርማሪ ፖሊስ የተለያዩ የምርመራ ተግባራት ሲያከናውን መቆየቱን በመግለጽ ተጨማሪ የምርመራ ጊዜ እንዲሰጠው ጠይቆ ነበር።

ፖሊስ ተጨማሪ የምርመራ ቀን የጠየቀው ፦
- የወንጀሉ ድርጊት ውስብስብነት
- የተጭበረበረው የገንዘብ መጠን ከፍተኛ መሆን
- የተጎጂዎች ቁጥር መበራከት ተጨማሪ ምርመራ ጊዜ የሚያስፈልገው ነው በማለት ነው።

ፍርድ ቤቱ በፖሊስ በኩል የቀረበውን ቀሪ ምስክሮችን ለመስማትና የሰነድ ማስረጃዎችን ለማሰባሰብ የጠየቀውን የ14 ቀን ተጨማሪ የምርመራ ጊዜ እንዲሁም በተጠርጣሪ ጠበቆች ዘንድ የቀረበውን የዋስትና መብት ጥያቄ ላይ ለመወሰን ለዛሬ ሚያዚያ 14/2018 ዓ/ም ተለዋጭ ቀጠሮ ሰጥቶ ነበር።

በቀጠሮው መሰረት በዛሬው ዕለት ችሎቱ መርማሪ ፖሊስ የምርመራ መዝገቡን አጠናቆ እንዲያቀርብ ለ21/08/18 ዓም ተጨማሪ ሰባት ቀናት መስጠቱን ቲክቫህ ኢትዮጵያ በዛሬው ዕለት የዋለው ችሎት ላይ በመታደም ማረጋገጥ ችሏል።

4,100

Ewunet Media

Apr 28, 2026, 07:23 AM

📷 Photo

የኢራኑ መሪ ሞጅታባ ኮሚኒ የኢራን ተደራዳሪዎች ወደ ፓኪስታን ማቅናታቸውን አረጋገጡ።

የሁለቱ ሀገራት ሁለተኛ ዙር ድርድር ዛሬ ይጀመራል ተብሎ ይጠበቃል።

የአሜሪካ ተደራዳሪ ልዑክ በምክትል ፕሬዚዳንት ጄዲ ቫንስ እየተመራ በትናንትናው እለት ኢስላማባድ ገብቷል።

በውይይቱ ከፓኪስታን በተጨማሪ ከግብፅ እና ቱርክ የተውጣጡ አሸማጋዮች ይሳተፋሉ ተብሏል።

4,920

Ewunet Media

Apr 28, 2026, 07:23 AM

📷 Photo

በአጣየ ፖሊ ቴክኒክ እና  ኮሌጅ በርካታ ተማሪዎች  ስደት በመምረጣቸው የተማሪዎች ቁጥር በእጥፍ  መቀነሱ  ተነገረ

በአጣየ  ከተማ የሚገኘው የአጣየ ፖሊ ቴክኒክ ኮሌጁ በአካባቢው በነበረ የጸጥታ ችግር በተደጋጋሚ የንብረት መውደም አደጋ ደርሶበት እንደነበረ ከዚህ በፊት ብስራት ሬዲዮ መዘገቡ ይታወሳል። ኮሌጁ በዚህ ሰዓት ትምህርት መስጠት የጀመረ ቢሆንም በአካባቢው ባለው  አለመረጋጋት እና የተለያዩ  ችግሮች  ተማሪዎች ወደ ትምህርት ገበታቸው እየተመለሱ አለመሆኑን  እና በርካቶች ደግሞ ወደ ስደት እየመረጡ መሆኑን  የኮሌጁ ዲን የሆኑት አቶ እንድሪስ ሰዒድ በተለይ ለብስራት ሬዲዮ ተናግረዋል።

ኮሌጁ ባለው የትምህርት መሳሪያ እጥረት  ጥራት ያለው ትምህርት  ለመስጠት ትልቅ ተግዳሮት እንደሆነበት ተገልጿል። በተለይም የኮምፒውተር  ፣የላፕቶፕ እንዲሁም የሌሎች ቁሳቁስ እና የመሰረተ ልማት ችግር እንዳለበትም አክለው ነግረውናል ። ኮሌጁ ከተመሰረተ ሀያ  ዓመት በላይ  የሆነው ሲሆን በርካታ ተማሪዎች በተለያዩ የትምህርት ዘርፎች  አገልግሎት እየሰጠ እንደሚገኝ ተጠቁሟል።

በ2018 የትምህርት ዘመን ይገኛሉ  ተብለው ከተጠበቁ 641  ተማሪዎች ውስጥ ትምህርት ገበታቸው ላይ የተገኙት 340  ብቻ  መሆናቸው  ተገልጿል ። በተቋሙ የአጫጭር   እንዲሁም በሌሎች በረጅም ጊዜ የሚሰጡ  የትምህርት አይነቶች ሲኖሩ  ከረጅም የትምህርት ዘርፎች በሁለት የትምህርት አይነቶች ብቻ ተማሪ መገኘቱ ተገልጿል ።  ከዚህ በፊት በአውቶ ፣በጋርመንት ፣ በኮንስትራሽን እና መሰል በርካታ የትምህርት ዘርፎች የነበሩ መሆኑን አሁን ላይ ግን ምንም አይነት ተማሪ አለመኖሩን   አቶ  እንድሪስ ሰዒድ አክለዉ ለብስራት ሬዲዮ አስተላልፈዋል።

4,640

Ewunet Media

Apr 28, 2026, 07:23 AM

📷 Photo

ባለፈዉ ዓመት በመላዉ ዓለም ወደ 8 ሺ የሚጠጉ ስደተኞች ሞተዋል ወይም የደረሱበት አልታወቀም ሲል የተባበሩት መንግስታት የስደተኞች ኤጀንሲ አስታወቀ

እ.ኤ.አ በ2025 በዓለም ዙሪያ ወደ 8 ሺ የሚጠጉ ስደተኞች የተሻለ ህይወትን ፍለጋ በአስጊ መንገድ ሲጓዙ መሞታቸውን ወይም ጠፍተዋል ሲል የአለም አቀፍ የስደተኞች ድርጅት (አይኦኤም) ማክሰኞ እለት ባወጣዉ አዲስ ሪፖርት አስታዉቋል፡፡የኤጀንሲው የሰብአዊ ምላሽ እና ማገገሚያ ክፍል ዳይሬክተር የሆኑት ማሪያ ሞይታ በጄኔቫ ለጋዜጠኞች እንደተናገረችዉ አኃዙ በዓለም አቀፍ ደረጃ አደገኛ ስደት እየተባባሰ መምጣቱን ያሳያል ብለዋል፡፡

“በእስያ ከመቼውም ጊዜ በላይ የሞቱ ሰዎች ቁጥር ተመዝግቧል፣ በመቶዎች የሚቆጠሩ የሮሂንጊያ ተወላጆች እና አፍጋኒስታን ዜጎች ከተጎዱት መካከል ግንባር ቀደም ናቸው።ሞይታ የስደተኞች ጫና  በግጭት ፣በአየር ንብረት ለዉጥ ፣በስራ ቅጥር ፍላጎት እና በፖሊሲ የተነሳ ተባብሷል ብላለች፡፡"ከመቀነስ ይልቅ በምትኩ እያየነው ያለነው የስደት መንገዶች እየተለወጡ መሆናቸውን ነው" ስትል ኃላፊዋ ተናግራለች።

የአለም አቀፍ የስደተኞች ድርጅት አባል የሆነችው አንድሪያ ጋርሺያ በበኩሏ ባለፈው አመት የተመዘገበዉ ሞት ከ2024 ጋር ሲነፃፀር ቅናሽ ያሳየ ሲሆን በወቅቱ የ9,197 ስደተኞች ሞት መመዝገቡን ተናግራለች። የ2025 ዝቅተኛው አሃዝ ጥቂት ሰዎች ይሞታሉ ማለት አይደለም ፣ ይልቁንም ተደራሽ የመረጃ እጥረት እና በርካታ ጉዳዮችን የማጣራት ችግር መኖሩን ያንፀባርቃል ብለዋል ።

እንደ አይኦኤም ዘገባ የመካከለኛው ሜዲትራኒያን ባህር ገዳይ የፍልሰት መንገድ ሆኖ ቀጥሏል፡፡በቤንጋል የባህር ወሽመ ለሶስተኛ ተከታታይ አመት የሟቾች ቁጥር ማሻቀቡን ቀጥሏል። ከአፍጋኒስታን ለቀው የሚሰደዱ አፍጋኒስታውያን የሚጠቀሙባቸው የመሬት መስመሮችም ገዳይ ከሆኑት የፍልሰት መንገዶች መካከል መሆናቸውን ኤጀንሲው ገልጿል።

5,750

Ewunet Media

Apr 28, 2026, 07:23 AM

📷 Photo

ፕሬዚዳንት ትራምፕ የአሜሪካ ተደራዳሪዎች በነገው እለት ወደ ፓኪስታን እንደሚያቀኑ ገለጹ።

ትራምፕ በአሜሪካ እና በኢራን መካከል ሁለተኛው ዙር ውይይት በቀጣይ ሳምንት እንደሚጀመር ጠቁመዋል።

ድርድሩ የተኩስ አቁሙን ያስቀጥላል የሚል እምነት እንዳላቸው ተናግረዋል።

የፓኪስታን ባለስልጣናት ያለስምምነት የተጠናቀቀውን የመጀመሪያ ዙር ውይይት ለማስቀጠል ከሁለቱ ሀገራት ባለስልጣናት ጋር ሰፊ ውይይት ሲያካሂዱ ቆይተዋል። #eastbaytimes

4,790

Ewunet Media

Apr 28, 2026, 07:23 AM

📷 Photo

🌍አጫጭር መረጃዎች

🇮🇷🇮🇱 በኢራን ውስጥ ለሞሳድ በመሰለል ወንጀል ጥፋተኛ የተባሉ ሁለት ሰዎች ተገደሉ።የኢራኑ ታስኒም የዜና ወኪል እንደዘገበው ከእስራኤል የስለላ ድርጅት ሞሳድ ጋር የተገናኘ የአውታረ መረብ አባል በመሆን የተከሰሱ ሁለት ሰዎች ሰኞ ማለዳ ላይ ተገድለዋል።

🇮🇷  ኢራን 95 በመቶ የኤርፖርት መሠረተ ልማቷ እንዳልተጎዳ የፋርስ የዜና ወኪል ዘግቧል፡፡የአየር መንገዱ ማኅበር ፀሐፊን በመጥቀስ ፋርስ ቢበዛ ወደ 20 የሚጠጉ የሀገሪቱ አውሮፕላኖች ከፍተኛ ጉዳት ደርሶባቸዋል ብሏል።ኢራን የአየር ክልሏን ለንግድ በረራዎች ለመክፈት በዝግጅት ላይ ትገኛለች፡፡

🇫🇷🇱🇧🇮🇱  ታዋቂው የፈረንሣይ-ሊባኖስ ጥምር ዜግነት ያለዉ አርቲስት አሊ ቼሪ በቤይሩት ቤተሰቡ መኖሪያ ቤት ላይ በደረሰው ጥቃት ወላጆቹን ለገደለዉ ጥቃት በእስራኤል ላይ የጦር ወንጀል ክስ አቀረበ፡

🇺🇸🇮🇷  ኢራን ከአሜሪካ ጋር ተጨማሪ ውይይት ለማድረግ እቅድ የላትም ሲል የውጭ ጉዳይ ሚኒስቴር አስታወቀ፡፡ አክሎም የተኩስ አቁም ስምምነቱን ከትግበራው ጀምሮ በአሜሪካ በኩል ተጥሷል፣ ይህንንም ለፓኪስታን አስታራቂ ቡድን አሳውቀናል ብሏል።

🇺🇸🇮🇷 አሜሪካውያን ኢራንን የመውቀስ ጨዋታ እየተጫወቱ ነው ሲሉ የኢራን ውጭ ጉዳይ ሚኒስቴር ቃል አቀባይ ተናገሩ፡፡አዎንታዊ ሚና ከመጫወት ይልቅ ነገሩን እያበላሹ ነዉ፤ አሜሪካውያን እውነቱን እንዲናገሩ መጠበቅ አንችልም፤ ሁልጊዜ እኛን እየከሰሱን ነው ሲሉ አክለዋል፡፡

🇨🇳  የቻይና የውጭ ጉዳይ ሚኒስቴር ቃል አቀባይ የኢራን ባንዲራ የያዘችው ቱስካ መርከብ መያዙን ተከትሎ በኢራን እና በአሜሪካ መካከል የሰላም ድርድር እንዲቀጥል ጠይቀዋል።ጉዎ ጂያኩን እንደተናገሩት ቻይና መርከቧን በአሜሪካ ኃይሎች በኃይል መጥለፍ ላይ የተሰማትን ስጋት ገልጻለች፡፡

🇮🇱🇮🇷  እስራኤል ለኢራን ሲሰልሉ የነበሩ ሁለት ተጠርጣሪ ሰላዮችን አሰረች።የእስራኤል ቻናል 12 እንደዘገበዉ ተጠርጣሪዎቹ የአስራ ዘጠኝ ዓመቱ ሳጊ ሃይክ እና የ21 ዓመቱ አሳፍ ሼትሪት ሲሆኑ ከነስ ጽዮና ከተማ የመጡ ናቸው።

🇮🇱🇵🇸በጋዛ ላይ እስራኤል ጦርነት ከጀመረበት ጊዜ አንስቶ ቢያንስ 1,151 ፍልስጤማውያን በዌስት ባንክ ሲገደሉ ከ11,885 በላይ ሰዎች ደግሞ ቆስለዋል።በዚሁ ወቅት ከ23,000 በላይ ፍልስጤማውያን ታስረዋል።

🇺🇸🇮🇷  ትራምፕ የኢራን መርከብ ተያዘች ካሉ በኋላ የነዳጅ ዋጋ ጨምሯል።ፕሬዝዳንት ዶናልድ ትራምፕ ዩናይትድ ስቴትስ የኢራን ባንዲራ የያዘች የጭነት መርከብ ተይዛለች ካሉ በኋላ ሰኞ እለት የአለም የነዳጅ ዋጋ ጨምሯል።የብሬንት ድፍድፍ ነዳጅ በዓለም አቀፍ ገበያ 4.74 በመቶ ጨምሮ 94.66 ዶላር ሲደርስ በዌስት ቴክሳስ ኢንርሚዲየት ገበያ ደግሞ 5.6 በመቶ ጭማሪ በማሳየት ወደ 88.55 ዶላር ከፍ ብሏል።

🇮🇱🇱🇧 እስራኤል በሊባኖስ ላይ ህጋዊ ወረራ ለማድረግ ከሂዝቦላህ ጋር የተኩስ አቁም ስምምነቱን እየተጠቀመች ሊሆን እንደሚችል ተነገረ፡፡መቀመጫቸውን በእስራኤል ያደረጉት የፖለቲካ ተንታኝ አቤድ አቡ ሽሃዴህ ምናልባት እስራኤል ከሂዝቦላህ ጋር የጀመረችውን የተኩስ አቁም የሊባኖስን ይዞታ ወደራሷ በመጠቅለል ህጋዊ ለማድረግ እየተጠቀመች ነው ብለዋል።

Ewunet Media

Apr 28, 2026, 07:23 AM

📷 Photo

በአሜሪካ ሉዊዚያና አንድ አባት ሰባት ልጆቹን ጨምሮ 8 ህፃናትን ተኩሶ ገደለ

በደቡባዊ አሜሪካ ግዛት ሉዊዚያና ውስጥ አንድ ታጣቂ በፖሊስ ከመገደሉ በፊት የራሱን ሰባት ልጆችን ጨምሮ ስምንት ህጻናትን መግደሉን ባለስልጣናት አስታውቀዋል። እሁድ ጧት በሽሬቬፖርት ውስጥ በሁለት ቤቶች ላይ በተፈጸመው ጥቃት እድሜያቸው ከአንድ እስከ 12 ዓመት የሆናቸው ህፃናት እና ታዳጊዎች ሰለባ መሆናቸውን የሽሬቬፖርት ፖሊስ ዲፓርትመንት ቃል አቀባይ ክሪስ ቦርዴሎን ተናግረዋል።

ከቆሰሉት ሁለት ጎልማሶች መካከል አንዷ የተጠርጣሪው ልጆች እናት ነች። ሻማር ኤልኪንስ በማለት ፖሊስ የገለጸው ተጠርጣሪው በተወሰደበት እርምጃ ህይወቱ አልፏል። መርማሪዎች ጥቃቱን ለምን ሊፈፅም እንደቻለ የገለፁት ነገር የለም።

ፖሊስ ገና ብዙ የሚመረመር ነገር እንዳለ አስታውቋል።ይህ አሳዛኝ ሁኔታ ነው፤ምናልባት እኛ ካጋጠመን በጣም የከፋ አሳዛኝ ሁኔታ ሊሆን ይችላል ሲሉ የሽሬቬፖርት ከንቲባ ቶም አርክኔውዝ ተናግረዋል።

የሉዊዚያና ገዥ ጄፍ ላንድሪ እና ባለቤታቸው "በዚህ አሰቃቂ ሁኔታ ልባችን ተሰብሯል እናም ለተጎዱት ሁሉ እንጸልያለን" ሲሉ በማህበራዊ ሚዲያ ላይ ለጥፈዋል። ቅዳሜና እሁድ የተከሰተውን ጥቃት ሳይጨምር በዩናይትድ ስቴትስ በተያዘው ዓመት ቢያንስ 119 የጅምላ ጥቃት ተፈፅመዋል። በዚህን 79 ህጻናትን ጨምሮ 117 ሰዎች ሲገደሉ 458 ሰዎች ቆስለዋል።

4,910

Showing 30 of 59 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Ewunet Media

Ewunet Media

Ranking

Participant Growth (Last 11 Days)

Latest Posts

Rating

User Reviews (0)

Related Telegram Channels

$WUD 🍻

TV Series — [T4TSA.cc]

Euro

DOGS Community

YELEGRAM Escrow Services [REDIRECT]

ImpNavigator

WeShorts Drama Club

HUDI 🟢 PORTAL

Related Telegram Channels

$WUD 🍻

TV Series — [T4TSA.cc]

Euro

DOGS Community

YELEGRAM Escrow Services [REDIRECT]

ImpNavigator

WeShorts Drama Club

HUDI 🟢 PORTAL

User Reviews (0)

Latest Posts