Popular Journal

Public

View Channel

Can't Join? @popularjournal

27.4k Members

Updated: May 5, 2026 at 2:03 AM

Popular Journal

https://www.popularmyanmar.com/ https://www.youtube.com/c/PopularJournalOfficial

@popularjournal is a growing community focused on httpswwwpopularmyanmarcom and httpswwwyoutubecomcpopularjournalofficial and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 27.4K

24h growth: +0 0%

Latest Posts

Popular Journal

Apr 27, 2026, 12:57 AM

👉လေယာဉ်များ ဘေးကင်းလုံခြုံစွာပျံသန်းနိုင်ရေးအတွက် ပြုပြင်ထိန်းသိမ်းရေးလုပ်ငန်းများ အရေးကြီးကြောင်း ပို့ ဆောင်ရေးဝန်ကြီးပြော

👉ဓာတ်သတ္တုသယံဇာတများကို တိုးချဲ့ရှာဖွေပြီး နိုင်ငံတော်ဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်ကြရန်ပြည်ထောင်စုဝန်ကြီး တိုက်တွန်း

👉ဧရာမရေခဲတုံးကြီးပိတ်နေ၍ ယခုနှစ်ဧဝရက်တောင်တက်ရာသီ မစနိုင်သေး

👉ဆွစ်လေယာဉ်စက်ချို့ယွင်း၍ ခရီးသည် ခြောက်ဦး ဒ-ဏ်ရာရ

👉ပိုမိုနီးကပ်စွာပူး‌ပေါင်း ဆောင်ရွက်ရန် တရုတ်နှင့် ထိုင်း သဘောတူ

👉မဟာပါသာဏလှိုဏ်ဂူတော်ကြီးအား ကြိုတင်ပြင်ဆင်နေ
ဓနုဖြူမြို့မစျေး မီးလေ-ာင်မှုအား အချိန်တစ်နာရီခွဲခန့်ကြာငြှိမ်းသတ်ခဲ့ရ ဆိုင်ခန်းပေါင်း(၃၀၀)ခန့်အပါအဝင် ပျ-က်စီးဆုံးရှုံးမှုကြီးမားခဲ့

179

Popular Journal

Apr 27, 2026, 12:57 AM

📷 Photo

မြစ်ကြီးနားမြို့ရှိ ရွှေကောင်းမှုစေတီတော်အား ထုံးသ င်္ကန်းဆက်ကပ်လှူဒါန်းပြီး ဗုဒ္ဓဘိသေကအနေကဇာတင် ရွှေဘုန်းမြင့်စေတီတော်ကိုလည်း စိန်ဖူးတော်၊ ငှက် မြတ်နားတော်တင်လှူပူဇော်

ကချင်ပြည်နယ်၊ မြစ်ကြီးနားမြို့၊ အောင်ဇေရန်အောင် သပြေတစ်ထောင်ကျောင်းတိုက်ရှိ ရွှေကောင်းမှုတော်စေတီအား ထုံးသင်္ကန်းဆက်ကပ်လှူဒါန်းပြီး ဗုဒ္ဓဘိသေက အနေကဇာတင်ကာ ရွှေဘုန်းမြင့်စေတီတော်ကိုလည်း စိန်ဖူးတော်၊ ငှက်မြတ်နားတော်တင်လှူပူဇော်ခဲ့ကြသည်။

ယနေ့ ဧပြီ ၂၆ ရက်နံနက်ပိုင်းကကျင်းပခဲ့ခြင်းဖြစ်ပြီး မြစ်ကြီးနားမြို့၊ ဓမ္မရက္ခိတဝန်းသိုကျောင်းတိုက် ဆရာ တော်အမူးပြုသော သံဃာတော်များကစေတီတော်အား ဗုဒ္ဓဘိသေကအနေကဇာတင်ပြီး အန္တရာယ်ကင်းပရိတ်တရားတော်မြတ်များအား ရွတ်ဖတ်ပူဇော်ခဲ့ကြသည်။

ထို့နောက် တိုင်းမှူးနှင့် တာဝန်ရှိသူများ၊ အလှူရှင်များက ရွှေဘုန်းမြင့်စေတီတော်အား စိန်ဖူးတော်၊ ငှက်မြတ်နားတော်နှင့် အရန်စေတီထီးတော်များအားတင်လှူပူဇော်ခဲ့ကြသည်။

221

Popular Journal

Apr 27, 2026, 12:57 AM

📷 Photo

🌏🌏26.4.2026သတင်းအပြည့်အစုံ🌏🌏

👉ရက်ဆက်နီးပါးပြန်လှုပ်လာသည့် ငလျင်များ ယနေ့ ဧပြီ ၂၆ ရက်နံနက်အစောပိုင်းကလည်း ဖောင်းပြင်မြို့ကိုဗဟိုပြုလှုပ်ခတ်

👉ဓနုဖြူမြို့မစျေးမီးလောင်ခဲ့ရာ မီးသတ်ယာဥ် ၁၄စီးဖြင့်ငြိမ်းသတ်ခဲ့ရ

👉ဟုမ္မလင်းဆိပ်ကမ်းတွင် မီးလေ-ာင်ကျွမ်းခဲ့သည့် ရေယာဉ်အား ဆိပ်ကမ်းသို့ ဆွဲယူဆိုက်ကပ်

👉ထရမ့်တက်ရောက်သော အိမ်ဖြူတော် သတင်းထောက်များအသင်း ညစာစားပွဲတွင် ပ-စ်ခတ်မှုဖြစ်ပွား၊ ထရန့်အား ဘေးလွတ်ရာသို့ ရွှေ့ပြောင်းပေးခဲ့ရ၊ ပ-စ်ခတ်မှုဖြစ်စဉ်ကို အာဏာပိုင်များ စုံစမ်းစစ်ဆေးနေ

👉ဧရာဝတီတံတား(ရတနာပုံ)အား (၄၅)တန်ကားများဖြတ် သန်းခွင့်ရပြီဖြစ်

👉မဟာပါသဏလှိုဏ်ဂူတော်၌ (၃) ရက်တိုင် ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂ လာအခမ်းအနားကျင်းပမည်

👉ဗိုလ်ချုပ်အောင်ဆန်းပြတိုက် (ရန်ကုန်) အကြီးစားပြုပြင်မွမ်းမံခြင်း လုပ်ငန်းဆောင်ရွက်နေမှု ဆောက်လုပ်ရေးဝန်ကြီးဌာန ဒုတိယဝန်ကြီးဦးမျိုးမြင့် ကြည့်ရှုစစ်ဆေး

👉အရှေ့တောင်အာရှ ကာယဗလနှင့် ကာယကြံ့ခိုင်မှု အားကစားပြိုင်ပွဲကို မြန်မာနိုင်ငံက အိမ်ရှင်အဖြစ် လက်ခံကျင်းပမည်

173

Popular Journal

Apr 27, 2026, 12:57 AM

📷 Photo

(၈)နှစ်တာအတွင်း တစ်နိုင်ငံလုံး၏ တက္ကသိုလ်ဝင်တန်းစာမေးပွဲအောင်ချက်ရာခိုင်နှုန်းတွင် ၂၀၂၃ ခုနှစ်ကအ များဆုံးဖြစ်

(၈)နှစ်တာအတွင်း တစ်နိုင်ငံလုံးအတိုင်းအတာဖြင့် တ က္ကသိုလ်ဝင်တန်းစာမေးပွဲအောင်ချက်ရာခိုင်နှုန်းတွင် ၂၀၂၃ ခုနှစ်က အောင်ချက်ရာခိုင်နှုန်းအများဆုံးဖြစ်ခဲ့ကြောင်း သိရသည်။

၂၀၂၃ ခုနှစ်တွင် အောင်ချက်ရာခိုင်နှုန်း(၆၇ ဒသမ ၈၇)၊ ၂၀၂၄ ခုနှစ်တွင် အောင်ချက်ရာခိုင်နှုန်း(၅၇ ဒသ မ ၉၀)၊ ၂၀၂၅ ခုနှစ်တွင် အောင်ချက်ရာခိုင်နှုန်း(၄၈ ဒ သမ ၀၆)၊ ၂၀၂၂ ခုနှစ်တွင် အောင်ချက်ရာခိုင်နှုန်း(၄၆ ဒသမ ၈၈)ရှိခဲ့ကြောင်း သိရသည်။

၂၀၂၀ ခုနှစ်တွင် အောင်ချက်ရာခိုင်နှုန်း(၃၄ ဒသမ ၇၁) ၊ ၂၀၁၇ ခုနှစ်တွင် အောင်ချက်ရာခိုင်နှုန်း(၃၃ ဒသမ ၈၉)၊ ၂၀၁၈ ခုနှစ်တွင် အောင်ချက်ရာခိုင်နှုန်း(၃၂ ဒသ မ ၈၂)၊ ၂၀၁၉ ခုနှစ်တွင် အောင်ချက်(၃၁ ဒသမ ၄၄)ရှိခဲ့ကြောင်း သိရသည်။

လာမည့် လပိုင်းအတွင်း၌ ၂၀၂၆ ခုနှစ် တက္ကသိုလ်တန်းစာမေးပွဲ၏ အောင်စာရင်းများကိုထုတ်ပြန်ကြေ ညာသွားမည်ဖြစ်ကြောင်း သိရသည်။

276

Popular Journal

Apr 27, 2026, 12:57 AM

📷 Photo

တရုတ်နိုင်ငံခြားရေးဝန်ကြီး မစ္စတာ ဝမ်ယိ နေပြည်တော်မှပြန်လည်ထွက်ခွာ

မြန်မာနိုင်ငံသို့ တရားဝင်ခရီးစဥ်လာရောက်ခဲ့သည့် တရုတ်ကွန်မြူနစ်ပါတီဗဟိုကော်မတီ၊ နိုင်ငံရေးဗျူရိုအဖွဲ့ဝင်နှင့် နိုင်ငံခြားရေးဝန်ကြီး မစ္စတာ ဝမ်ယိ သည် ယနေ့ ဧပြီ ၂၆ ရက်နံနက်ပိုင်းက နေပြည်တော်လေဆိပ်မှတစ်ဆင့် အထူးလေယာဥ်ဖြင့် တရုတ်နိုင်ငံသို့ပြန်လည်ထွက်ခွာသွားခဲ့ကြောင်း သိရသည်။

တရုတ်နိုင်ငံခြားရေးဝန်ကြီး မစ္စတာ ဝမ်ယိအား နိုင်ငံခြားရေးဝန်ကြီးဌာန ဒု-ဝန်ကြီးဦးနိုင်မင်းကျော်၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး မစ္စ မာကျား၊ ဌာနဆိုင်ရာတာဝန်ရှိသူများ၊ မြန်မာ-တရုတ်ရင်းနှီးမြှုပ် နှံမှုနှင့် ကုန်သွယ်မှုမြှင့်တင်ရေးအသင်းမှ အဖွဲ့ဝင်များက နေပြည်တော်လေဆိပ်တွင်ပို့ဆောင်နှုတ်ဆက်ခဲ့ကြကြောင်း သိရသည်။

မြန်မာနိုင်ငံခရီးစဥ်အတွင်း၌ တရုတ်နိုင်ငံခြားရေးဝန် ကြီး မစ္စတာ ဝမ်ယိ သည် နိုင်ငံတော်သမ္မတ ဦးမင်းအောင်လှိုင်၊ မြန်မာနိုင်ငံခြားရေးဝန်ကြီးဌာန ပြည်ထောင်စုဝန်ကြီးတို့နှင့်တွေ့ဆုံ၍ နှစ်နိုင်ငံပူးပေါင်းဆောင်ရွက်မှုများမြှင့်တင်ရန်အပါအဝင် ဆွေးနွေးမှုများစွာပြုလုပ်ခဲ့ကြောင်း သိရသည်။

220

Popular Journal

Apr 27, 2026, 12:57 AM

ပဲခူးတိုင်း၊ နေပြည်တော်၊ မန္တလေးတိုင်းနှင့် ကချင်ပြည် နယ်တို့တွင် မိုးရွာသွန်းပြီးလေပြင်းတိုက်ခတ်၍ သစ်ပင်လဲကျမှုများဖြစ်ပေါ်

ပဲခူးတိုင်း၊ နေပြည်တော်၊ မန္တလေးတိုင်းနှင့် ကချင်ပြည် နယ်တို့တွင် ယနေ့ ဧပြီ ၂၆ ရက်က မိုးရွာသွန်းပြီးလေ ပြင်းတိုက်ခတ်၍ သစ်ပင်လဲကျမှုများဖြစ်ပေါ်ခဲ့ကြောင်း မီးသတ်တပ်ဖွဲ့ထံမှ သိရသည်။

ပဲခူးတိုင်း၊ တောင်ငူမြို့တွင် နေ့လည် ၃ နာရီခွဲကျော်ခန့်က မိုးရွာသွန်းပြီးလေပြင်းတိုက်ခတ်မှုကြောင့် အမှတ် (၁)ရပ်ကွက်၊ သိမ်တော်ဦးဘုရားလမ်းရှိ နေအိမ်ပေါ်သို့ သစ်ပင်လဲကျခဲ့သဖြင့် တောင်ငူမြို့နယ်မီးသတ်စခန်းမှတပ်ဖွဲ့ဝင်များက ဖယ်ရှားရှင်းလင်းပေးခဲ့ကြကြောင်း သိရသည်။

နေပြည်တော်၊ တပ်ကုန်းမြို့နယ်တွင်လည်း နေ့လည် ၃ နာရီခွဲကျော်ခန့်က မိုးရွာသွန်းပြီးလေပြင်းတိုက်ခတ်၍ ရန်ကုန်-မန္တလေးကားလမ်းဟောင်း၏ မိုင်တိုင်အမှတ် ၂၅၉/၃ အနီးရှိ ကုန်စုံဆိုင်ပေါ်သို့သစ်ပင်လဲကျခဲ့ရာ မီးသတ်တပ်ဖွဲ့ဝင်များမှ ဖယ်ရှားရှင်းလင်းပေးခဲ့ကြကြောင်း သိရသည်။

ထို့ပြင် မွန်းတည့် ၁၂ နာရီ ၅၅ မိနစ်ခန့်ကလည်း မန္တ လေးတိုင်း၊ ပျော်ဘွယ်မြို့တွင် မိုးရွာသွန်းပြီးလေပြင်းတိုက်ခတ်မှုကြောင့် မြင်းဘက်ရပ်ကွက်၊ ရန်ကုန်-မန္တ လေးကားလမ်းဟောင်းဘေးတွင်သစ်ပင်လဲကျကာလမ်းပိတ်နေသဖြင့် မီးသတ်တပ်ဖွဲ့ဝင်များ၊ အရန်မီး သတ်တပ်ဖွဲ့ဝင်များမှ ဖယ်ရှားရှင်းလင်းပေးခဲ့ကြကြောင်း သိရသည်။

ထို့အတူ နံနက် ၅ နာရီခန့်ကလည်း ကချင်ပြည်နယ်၊ မိုးညှင်းမြို့နယ်၊ ဟိုပင်မြို့တွင်လေပြင်းတိုက်ခတ်မှုကြောင့် မြို့မမြောက်ရပ်ကွက်၊ ရွှေဘို-မြစ်ကြီးနားသွားကားလမ်း ပြည်ထောင်စုလမ်းမကြီးပေါ်တွင် သစ်ကိုင်းများကျိုးကျနေသဖြင့် မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များမှ ဖယ်ရှားရှင်းလင်းပေးခဲ့ကြကြောင်း သိရသည်။

ယမန်နေ့ ဧပြီ ၂၅ ရက်ည ၁၀ နာရီခန့်ကလည်း ကချင် ပြည်နယ်၊ မိုးကောင်းမြို့နယ်တွင် မိုးသည်းထန်စွာရွာ သွန်းပြီးလေပြင်းတိုက်ခတ်မှုကြောင့် နောင်ကိုင်တော်ရပ်ကွက်ရှိ နေအိမ်များအမိုးလန်ပျက်စီးခြင်း၊ နတ်ကြီးကုန်းရပ်ကွက်၊ မြန်မာ့စီးပွားရေးဘဏ်ဝန်းအတွင်း အ ဆောက်အဦ၊ အရှေ့ရပ်ကွက်ရှိ ပြန်ကြားရေးနှင့်ပြည်သူ့ဆက်ဆံရေးရုံးအရှေ့နှင့် မိုးကောင်းတံတားအဆင်းရှိ ဓာတ်အားလိုင်းကြိုးများပေါ်သို့ သစ်ပင်လဲကျမှုများဖြစ်ပွားခဲ့ကြောင်း သိရသည်။

ထို့ကြောင့် ယနေ့ ဧပြီ ၂၆ ရက်နံနက် ၇ နာရီ ၄၅ မိနစ်ခန့်မှစတင်၍ မိုးကောင်းမြို့နယ်မီးသတ်စခန်းမှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက လဲကျနေသည့်သစ်ပင်များကို ဖယ်ရှားရှင်းလင်းပေးခဲ့ကြကြောင်း သိရသည်။

Popular Journal

Apr 27, 2026, 12:57 AM

📷 Photo

ပဲခူးတိုင်း၊ နေပြည်တော်၊ မန္တလေးတိုင်းနှင့် ကချင်ပြည် နယ်တို့တွင် မိုးရွာသွန်းပြီးလေပြင်းတိုက်ခတ်၍ သစ်ပင်လဲကျမှုများဖြစ်ပေါ်

267

Popular Journal

Apr 20, 2026, 11:14 PM

📷 Photo

🌏🌏 20.4.2026 သတင်းအပြည့်အစုံ🌏🌏

👉နေပြည်တော်ရှိ ကျေးရွာ(၆)ရွာမှတောင်သူများကို ပုလဲဓာတ်မြေသြဇာတစ်အိတ်လျင် (၁၀၀,၅၀၀)ကျပ်ဖြင့်ရောင်းချပေး

👉ရန်ကုန်-မန္တလေးအမြန်လမ်းမကြီးပေါ်ရှိ ဆွာချောင်းတံတားသစ်(အပြန်လမ်း)အား ဇွန်လတွင်ပြန်လည်အသုံးပြုနိုင်မည်

👉ပွင့်ဖြူမြို့နယ်၌ မိုးသက်လေပြင်းတိုက်ခတ်၍ လမ်း များပေါ်သို့ သစ်ပင်အများအပြားလဲကျ

👉မြန်မာ-ရုရှား-တရုတ် သုံးနိုင်ငံ ပူးပေါင်း၍ စွမ်းအင်လုံခြုံရေးနှင့် စွမ်းအင်ဖူလုံရေး ဆောင်ရွက်သွားမည့် အစီအမံများ ဆွေးနွေးနိုင်ခဲ့

👉လယ်ယာမြေလုပ်ပိုင်ခွင့်ပုံစံ (၇) ရရှိသူများ လိုက်နာရမည့် စည်းကမ်းချက်များ ထုတ်ပြန်

👉မြန်မာနှစ်သစ်ကူး သကြင်္န်ပွဲတော်ကာလအပြီး ရုံးပိတ်ရက်ရှည်ပြီးနောက် ပြန်လည်တွေ့မြင်ရသည့် ရန်ကုန်မြို့လယ်မြင်ကွင်းများ

👉အီရန်ကုန်သင်္ဘောကိုယူအက်စ်ကသိမ်း၍ လက်တုန့်ပြန်မည်--တေရန်

👉အင်အားအနည်းငယ်ရှိသောငလျင်တစ်ခု မင်းကင်းမြို့ကိုဗဟိုပြုလှုပ်ခတ်

👉အထူးဒေသ(၁)ရှိ ပြည်ထောင်စုလမ်းမကြီး၏ ကွတ်ခိုင်-နမ့်ဖတ်ကာသွားလမ်းပိုင်းတွင် မြေပြိုကျနေမှုများကိုပြန်လည်ပြုပြင်

Popular Journal

Apr 20, 2026, 11:14 PM

👉ပွင့်ဖြူနှင့် စလင်းမြို့နယ်တို့မှ လေဘေးသင့်သူများကို အိမ်‌ဆောက်ပစ္စည်းဖိုးထောက်ပံ့ငွေနှင့် ကယ်ဆယ်ရေးပစ္စည်း (၁၆) မျိုးထောက်ပံ့

👉ဂျပန်မှာအားပြင်းငလျင်လှုပ်ခတ်၍ ဆူနာမီသတိပေးချက် ထုတ်ပြန်

👉မြန်မာသံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးထားခြင်းမရှိဟု ဆိုးလ်မြို့ရှိ မြန်မာသံရုံးထုတ်ပြန်

👉ရေနံကုန်သွယ်မှုတွင် ဒေါ်လာအစား ယွမ်ကို အသုံးပြုလာနိုင်ကြောင်း UAE က အမေရိကန်အား သတိပေး

👉ပဲခူးတိုင်း၏ ဆဋ္ဌမအကြိမ်မြောက် မြန်မာ့နှစ်သစ်ကူးတရားအလှူတော်(တတိယည)တွင် ပဲခူးမြို့၊ သာသနာ့ဇောတိကစာသင်တိုက် ပဓာနနာယကဆရာတော်တရားဟောကြားတော်မူ

Popular Journal

Apr 20, 2026, 11:14 PM

📷 Photo

နိုင်ငံ၏ပညာရေးကဏ္ဍကိုမြှင့်တင်ပြီး နိုင်ငံသူ၊ နိုင်ငံသားများ၏ စိတ်နေစိတ်ထား(Mind Set)မြင့်မားလာအောင်ဆောင်ရွက်ရမည်ဟု နိုင်ငံတော်သမ္မတပြော

နိုင်ငံ၏ပညာရေးကဏ္ဍမြှင့်တင်ရေးနှင့်ပတ်သက်၍ နိုင်ငံတော်သမ္မတ ဦးမင်းအောင်လှိုင်က ယနေ့ ဧပြီ ၂၀ ရက်တွင်ကျင်းပသည့် ပြည်ထောင်စုအစိုးရအဖွဲ့အ စည်းအဝေး၌ ပြောကြားခဲ့ခြင်းဖြစ်သည်။

ပညာရေးအားနည်းမှုများကြောင့် အသိပညာအားနည်းမှုများဖြစ်ပေါ်လာရာမှတစ်ဆင့် နိုင်ငံရေးပြဿနာများ ဖြစ်ပေါ်လာကာ မြန်မာနိုင်ငံ၏ ပညာရေးအားနည်း ချက်ကိုအသုံးချ၍ ပြည်တွင်း၊ ပြည်ပမှ နိုင်ငံရေးသမားများက ၎င်းတို့အကျိုးအတွက် သွေးထိုးလှုံ့ဆော်အသုံး ချလုပ်ဆောင်ခဲ့သဖြင့် နိုင်ငံ၏ပညာရေးကဏ္ဍကိုမြှင့်တင်ပြီး နိုင်ငံသူ၊ နိုင်ငံသားများ၏ စိတ်နေစိတ်ထား (Mind Set)မြင့်မားလာအောင်ဆောင်ရွက်ရမည်ဟု ပြောသည်။

ထို့ပြင် မြန်မာနိုင်ငံ၏ ပညာရေးကဏ္ဍသည် လွတ်လပ် ရေးမရမှီနှင့် လွတ်လပ်ရေးရပြီးချိန်တို့၌ ပညာရေးအား နည်းချက်များရှိခဲ့၍ "အ"သုံးလုံးလှုပ်ရှားမှုများဆောင် ရွက်ခဲ့ရမှု၊ ကျောင်းပညာသင်ကြားရေးမှာ လူများစုပ ညာရေးဖြစ်ခဲ့သော်လည်းကောင်းမွန်ခဲ့မှု၊ နိုင်ငံတကာအဆင့်မီ ပညာရှင်များထွက်ပေါ်ခဲ့မှုတို့ကိုရှင်းလင်းပြောကြားခဲ့သည်။

ယခုအချိန်၌ သက်ဆိုင်ရာဘာသာရပ်များအလိုက် ပြည်ပနိုင်ငံများမှမဟုတ်ဘဲ ပြည်တွင်း၌ပင်အောင်မြင်သော ကျွမ်းကျင်ပါရဂူဘွဲ့ရရှိသူများစွာရှိမှု၊ ပြည်ပနိုင်ငံများ၌ ပညာတော်သင်သွားရောက်ပြီး D. Sc ဘွဲ့ရရှိသူ များလည်းရှိ၍ လူအများစုပညာရေးများတိုးတက်လာစေရန် ပညာရေးနှင့်ပတ်သက်၍ ပြုပြင်ပြောင်းလဲမှုများဆောင်ရွက်မြှင့်တင်ပေးရန်လည်း ရှင်းလင်းပြောကြားသည်။

" မိမိတို့အနေနဲ့ နိုင်ငံတော်ဘဏ္ဍာငွေတွေကို ပညာရေးကဏ္ဍမှာပိုမိုတိုးမြှင့်ရင်းနှီးမြှုပ်နှံရပါမယ်။ ပညာရေးကဏ္ဍတိုးတက်ဖို့ ၂၀၂၆ ဘဏ္ဍာရေးနှစ်မှာ ပညာရေးဝန်ကြီးဌာနအတွက် နိုင်ငံတော်ဘဏ္ဍာငွေရဲ့ (၆ ဒသမ ၉၂)ရာခိုင်နှုန်း၊ တခြားဝန်ကြီးဌာနတွေက ပညာရေးကဏ္ဍတွေပါဝင်ရင် နိုင်ငံတော်ဘဏ္ဍာငွေက (၉ ဒသမ ၂၂)ရာခိုင်နှုန်းကိုအသုံးပြုသွားမှာပါ။ လာမယ့် ဘဏ္ဍာ ရေးနှစ်မှာလည်း ပညာရေးကဏ္ဍအတွက် နိုင်ငံတော်ဘ ဏ္ဍာငွေရဲ့ (၁၀)ရာခိုင်နှုန်းထက်မနည်းတိုးမြှင့်အသုံးပြုသွားမှာပါ။ လာမည့်တစ်နှစ်ကျော်မှာ နိုင်ငံတော်ဘဏ္ဍာငွေရဲ့ (၁၅)ရာခိုင်နှုန်းအထိတိုးမြှင့်မယ်။ မိမိတို့အစိုးရ အဖွဲ့တာဝန်ယူဆောင်ရွက်တဲ့ ငါးနှစ်တာကာလအတွင်းမှာ (၂၀)ရာခိုင်နှုန်းအထိ တိုးမြှင့်ဆောင်ရွက်သွားပါမယ်" ဟု နိုင်ငံတော်သမ္မတက ပြောသည်။

ထို့ကြောင့် ပညာရေးကဏ္ဍတွင် ရင်းနှီးမြှုပ်နှံခြင်းသည် နိုင်ငံတော်၏အနာဂတ်ဖွံ့ဖြိုးတိုးတက်ရေးအတွက် ရင်း နှီးမြှုပ်နှံခြင်း၊ နိုင်ငံအတွက် တန်ဖိုးအရှိဆုံးသော ရင်း နှီးမြှုပ်နှံခြင်းပင်ဖြစ်၍ ပညာရေးကဏ္ဍမြှင့်တင်ရန် တိုင်းနှင့် ပြည်နယ်များအလိုက် ကျောင်းနေရာခိုင်နှုန်းများမြင့်တက်လာစေရေး၊ တန်းစဉ်ကူးပြောင်းမှုများ လျော့နည်းမှုမရှိစေရေးဆောင်ရွက်ရန်လိုကာ "အမျိုး သားစည်းကမ်းအစ စာသင်ကျောင်းက”ဆိုသည့်အ တိုင်းမျိုးချစ်စိတ်ဓာတ်ရှိသည့်၊ စည်းကမ်းကောင်းမွန်မှုရှိသည့် လူငယ်များကိုအခြေခံပညာကျောင်းများမှမွေးထုတ်ပေးရန်လိုသည်ဟု နိုင်ငံတော်သမ္မတက ပြောကြားခဲ့သည်။

Popular Journal

Apr 20, 2026, 11:14 PM

📷 Photo

အစိုးရအဖွဲ့၏ ရက်ပေါင်း(၁၀၀)အတွင်း ဦးစားပေးဆောင်ရွက်မည့် လုပ်ငန်းစီမံချက်များ

အစိုးရအဖွဲ့၏ ရက်ပေါင်း(၁၀၀)အတွင်း ဦးစားပေးဆောင်ရွက်မည့် လုပ်ငန်းစီမံချက်များနှင့်ပတ်သက်၍ ယနေ့ ဧပြီ ၂၀ ရက်တွင်ကျင်းပခဲ့သည့် ပြည်ထောင်စုအစိုးရအဖွဲ့အစည်းအဝေး၌ နိုင်ငံတော်သမ္မတ ဦးမင်းအောင်လှိုင်ကပြောကြားခဲ့သည်။

ရက်ပေါင်း(၁၀၀)အတွင်း ဘဏ္ဍာရေးနှင့်အခွန်ဝန်ကြီးဌာနမှ တောင်သူလယ်သမားများကို ချေးငွေနှုန်းထားတိုးမြှင့်ရေးစီမံချက်အနေဖြင့် ချေးငွေများတိုးမြှင့်ထုတ် ပေးမည်ဖြစ်ကာ စပါး၊ ဂျုံ၊ ချည်မျှင်ရှည်ဝါတို့အား (၃) သိန်းကျပ်အထိ၊ အခြားသီးနှံ (၁၈)မျိုးကို (၂)သိန်းခွဲကျပ်အထိ၊ ပန်းနှမ်း၊ ဆီ မုန်ညှင်း၊ ဂုံလျှော် တို့အား (၁) သိန်းခွဲကျပ်အထိတိုးမြှင့်ချေးပေးမည်ဖြစ်ပြီး လယ်ယာသုံးစက်ကိရိယာချေးငွေအား ကျပ်သိန်း (၃,၀၀၀)အထိတစ်ကဏ္ဍ၊ ကျပ်သိန်း(၃,၀၀၀)အထက်ဖြစ်ပါက တစ်ကဏ္ဍပေးမည်ဖြစ်သည်။

လမ်းပန်းဆက်သွယ်ရေးတွင် အနီးစခန်းလေဆိပ်အ ဆင့်မြှင့်တင်ခြင်းကို ပြီးပြတ်အောင်ဆောင်ရွက်ခြင်း၊ ပို့ကုန်နှစ်ဆတိုးမြှင့်ရန် ပို့ဆောင်ရေးဝန်ကြီးဌာန၊ မြန်မာ့ဆိပ်ကမ်းအာဏာပိုင်၏ သိုလှောင်ရုံများကို ဦးစားပေးတည်ဆောက်ခြင်း၊ ရထားလမ်းများအားလုံးကိုအဆင့်မြှင့်တင်ရာ၌ လတ်တလောတွင် ရန်ကုန်-မန္တလေးလမ်း၊ ရန်ကုန်-မော်လမြိုင်လမ်း၊ ရန်ကုန် -ပြည်လမ်းတို့အ ဆင့်မြှင့်တင်ခြင်း၊ မြစ်ကြီးနား-မိုးကောင်း-မိုးညှင်းရ ထားလမ်း၌ တံတားပြင်ဆင်ခြင်းများ၊ လမ်းပြင်ဆင်ခြင်းများ၊ ရထားစက်ခေါင်းများ၊ တွဲများ၊ စက်ရုံများအ ဆင့်မြှင့်တင်ခြင်းတို့ကိုဆောင်ရွက်သွားမည်ဖြစ်သည်။

ဆက်သွယ်ရေးကဏ္ဍတွင် မိုဘိုင်းစခန်းအသစ်(၂၇)ခုတိုးချဲ့၍ စခန်း(၉)ခု၌ 4 G LTE အဆင့်မြှင့်တင်ခြင်း၊ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနမှ ကျေးလက်ရေရရှိရေးလုပ်ငန်း၊ ဆိုလာရေတင်စနစ်ဖြင့် သောက်သုံးရေနှင့် စိုက်ပျိုးရေရရှိရေးလုပ်ငန်း၊ ပညာ ရေးဝန်ကြီးဌာနမှ သုတေသနစွမ်းရည်မြှင့်တင်သည့် ရှေ့ပြေးတက္ကသိုလ်များအဖြစ် Nay Pyi Taw State Academy ၊ ရန်ကုန်တက္ကသိုလ်၊ မန္တလေးတက္ကသိုလ်တို့တွင် Research and Activation များကိုရှေ့ပြေးတက္က သိုလ်များအဖြစ်သတ်မှတ်ဆောင်ရွက်ခြင်းတို့ကိုပြု လုပ်သွားမည်ဖြစ်သည်။

၂၀၂၆- ၂၀၂၇ ပညာသင်နှစ်မှစ၍ အလယ်တန်းတန်းပညာအ ဆင့်တွင် စက်မှု၊ စိုက်ပျိုးရေးနှင့် မွေးမြူရေးပညာရပ်များထည့်သွင်းသင်ကြားပေးခြင်း၊ ပြည်သူ့နီ တိနှင့် စာရိတ္တပညာရပ်များကို အခြေခံပညာကျောင်းများတွင် အဓိကအနေဖြင့် လူငယ်များအကျင့်စာရိတ္တမြင့်မားစေရေးအတွက် ထည့်သွင်းသင်ကြားပေးခြင်း၊ ဗလငါးတန်နှင့်ပြည့်ဝသည့် ကျောင်းများဖြစ်စေရန် အ ခြေခံပညာကဏ္ဍတွင် Smart School နှင့် Football for School Program ကို အားကစားနှင့် လူငယ်ရေးရာဝန် ကြီးဌာန၊ မြန်မာနိုင်ငံဘောလုံးအဖွဲ့ချုပ်တို့နှင့် ပေါင်း စပ်၍ ရက်ပေါင်း(၁၀၀)အတွင်း ရန်ကုန်တိုင်း၊ မန္တလေး တိုင်း၊ ဧရာဝတီတိုင်း၊ ပဲခူးတိုင်းနှင့် ရှမ်းပြည်နယ်တို့ရှိ ကျောင်းများ၌ Pilot Project အနေဖြင့်ဆောင်ရွက်ခြင်း ၊ မူကြိုကျောင်းများကို အဆင့်မြှင့်တင်ခြင်းများပြုလုပ်သွားမည်ဖြစ်သည်။

ကျန်းမာရေးဝန်ကြီးဌာနမှ ပြည်နယ်နှင့် တိုင်း/ခရိုင်/မြို့ နယ်(၅၀)တွင် ဒု-ကျန်းမာရေးဦးစီးမှူးများခန့်အပ်၍ ကျန်းမာရေးမြှင့်တင်ခြင်း၊ နေပြည်တော်၊ ရန်ကုန်၊ မန္တ လေးမြို့တို့ရှိ နှလုံးဆေးကုသရေးဌာနများတွင် လူနာတစ်သိန်းအတွက် နှလုံးရောဂါကာကွယ်ရေးအန္တရာယ် အကဲဖြတ်ပေးသည့် ဆေးကုသမှုများကို တရုတ်နိုင်ငံနှင့်ပူးပေါင်းဆောင်ရွက်ခြင်း၊ တိုင်းနှင့် ပြည်နယ်များရှိသူနာပြုကျောင်းများကို သူနာပြုသိပ္ပံများအဖြစ် အ ဆင့်မြှင့်တင်ခြင်၊ အခြားကဏ္ဍပေါင်းစုံတိုးတက်ရေးဆောင်ရွက်ခြင်းတို့ကိုလည်းပြုလုပ်သွားမည်ဖြစ် သည်။

ထို့အတူ ပညာရေး၊ ကျန်းမာရေး၊ လမ်းပန်းဆက်သွယ် ရေးကဏ္ဍများအပြင် သဘာဝဘေးအန္တရာယ်နှင့် ပဋိပ က္ခများကြောင့် ထိခိုက်ပျက်စီးခဲ့ရသော အစိုးရအ ဆောက်အအုံ၊ လမ်း၊ တံတား၊ ဆက်သွယ်ရေးအခြေခံအဆောက်အဦများကို ပြန်လည်ထူထောင်ပေးသွားမည်ဖြစ်ကာ ငလျင်ကြောင့်ပျက်စီးသွားသည့် နိုင်ငံ့ဝန်ထမ်းအိမ်ရာအဆောက်အဦများ အမြန်ဆုံးပြီးစီးအောင်ဆောင်ရွက်ရန်၊ နိုင်ငံတော်၏ဘဏ္ဍာငွေများကိုအလေ အလွင့်မရှိ ထိရောက်အကျိုးရှိအောင်စနစ်တကျသုံးစွဲရန် နိုင်ငံတော်သမ္မတက မှာကြားသည်။

ထို့ပြင် အစိုးရအဖွဲ့အနေဖြင့် တိုင်းပြည်အတွက်ကောင်းအောင်ဆောင်ရွက်ရာ၌ တစ်ဦးချင်း၏ဖြတ်သန်းလာခဲ့သည့်အတွေ့အကြုံများပေါင်းစပ်၍ အကောင်းဆုံးဖြစ်အောင်ဆောင်ရွက်ပြီး နိုင်ငံနှင့်ပြည်သူ့အကျိုးအတွက် ဖော်ဆောင်ပေးနိုင်ရန်လိုကာ တိုင်းပြည်အတွက်ကောင်းအောင်ဆောင်ရွက်မည်ဟူသည့် စိတ်ဖြင့် ကြံ စည်လုပ်ကိုင်ဆောင်ရွက်ကြစေလိုပြီး ဖွံ့ဖြိုးမှုနောက် ကျနေသည့် ပြည်နယ်နှင့် တိုင်းများကိုဦးစားပေး၍ ထူ ထောင်ရေးလုပ်ငန်းများ၊ ဖွံ့ဖြိုးရေးလုပ်ငန်းများဆောင်ရွက်ရန် နိုင်ငံတော်သမ္မတက တိုက်တွန်းပြောကြားခဲ့သည်။

Popular Journal

Apr 20, 2026, 11:14 PM

📷 Photo

ပဲခူးတိုင်း၏ ဆဋ္ဌမအကြိမ်မြောက် မြန်မာ့နှစ်သစ်ကူးတရားအလှူတော်(တတိယည)တွင် ပဲခူးမြို့၊ သာသနာ့ဇောတိကစာသင်တိုက် ပဓာနနာယကဆရာတော်တရားဟောကြားတော်မူ

ပဲခူးတိုင်းဒေသကြီးအစိုးရအဖွဲမှကြီးမှူးကျင်းပသည့် ဆဋ္ဌမအကြိမ်မြောက် မြန်မာနှစ်သစ်ကူးတရားအလှူတော် ဓမ္မသဘင်ပွဲ(တတိယည)ကို ဧပြီ ၁၉ ရက်က ဆင်ယင်ကျင်းပခဲ့သည်။

ပဲခူးတိုင်းဝန်ကြီးချုပ်ဦးမျိုးဆွေဝင်းနှင့် ဇနီး၊ တိုင်းလွှတ်တော်ဥက္ကဋ္ဌနှင့် ဇနီး၊ တာဝန်ရှိသူများနှင့် တရားနာပရိသတ်များအား ပဲခူးမြို့၊ သာသနာ့ဇောတိကစာသင်တိုက်ပဓာနနာယကဆရာတော် ဘဒ္ဒန္တဇနိတ (အဂ္ဂမဟာဂန္ထဝါစကပဏ္ဍိတ)က "သြဝါဒကထာ"ခေါင်းစဥ်ဖြင့် နိဗ္ဗာန်ရောက်ကြောင်းတရားတော်များကို ဟောကြားတော်မူခဲ့သည်။

ထို့နောက် ပဲခူးတိုင်းဝန်ကြီးချုပ် ဦးမျိုးဆွေဝင်းက ဓမ္မပူဇာအလှူငွေကျပ်(၇၅)သိန်းနှင့် လှူဖွယ်ပစ္စည်းများကို ဆရာတော်ထံဆက်ကပ်လှူဒါန်းပြီး လှူဒါန်းမှုအစုစုအတွက် ရေစက်သွန်ချအမျှအတမ်းပေးဝေခဲ့ကြသည်။

1,250

Popular Journal

Apr 20, 2026, 11:14 PM

📷 Photo

PDF များ ရက်ပေါင်း(၁၀၀)အတွင်း အလင်းဝင်ရန်ဖိတ်ခေါ်ခဲ့သည့် နိုင်ငံတော်သမ္မတ ဦးမင်းအောင်လှိုင်

လာမည့် ဇူလိုင် ၃၁ ရက်တွင်ပြည့်မည့် အစိုးရအဖွဲ့ရက်ပေါင်း(၁၀၀)အတွင်း PDF များအလင်းဝင်ကြရန် နိုင်ငံ တော်သမ္မတ ဦးမင်းအောင်လှိုင်က ယနေ့ ဧပြီ ၂၀ ရက်တွင်ကျင်းပသည့် ပြည်ထောင်စုအစိုးရအဖွဲ့အစည်းအ ဝေး၌ ဖိတ်ခေါ်ခဲ့ခြင်းဖြစ်သည်။

PDF များနှင့်ပတ်သက်၍ တွေ့ဆုံဆွေးနွေးခြင်းနှင့် ငြိမ်း ချမ်းရေးအတွက်အလင်းဝင်ရန်ပြောထားကာ လက်ရှိအချိန်တွင်လည်း အလင်းဝင်လာသူအများအပြားရှိပြီး အလင်းဝင်ရန်တောင်းဆိုခြင်းများရှိရာ မိမိတို့အနေဖြင့်ကြိုဆိုသည်ဟု ပြောသည်။

" PDF နဲ့ပတ်သက်ပြီး ရက်ပေါင်း ၁၀၀ အတွင်းမှာလာပြီးငြိမ်းချမ်းရေးအတွက်လာကြပါ။ ဒီကာလအတွင်းမှာ ဥပဒေဘောင်အတွင်းဝင်လာကြဖို့ဖိတ်ခေါ်ပါတယ်။ နိုင် ငံရေးအရလည်း ဘာမှခိုင်လုံတဲ့အကြောင်းပြချက်မဟုတ်ပါဘူး။ PDF တွေအနေနဲ့ အသုံးချမခံရအောင်နေကြဖို့ပြောလိုပါတယ်"ဟု နိုင်ငံတော်သမ္မတက ပြော သည်။

ထို့ပြင် ငြိမ်းချမ်းရေးအတွက် NCA လက်မှတ်ရေးထိုးထားသည့်အဖွဲ့များ၊ NCA လက်မှတ်ရေးထိုးထားခြင်းမရှိသည့်အဖွဲ့များကို ဇူလိုင် ၃၁ ရက်နေ့မတိုင်မီတွေ့ဆုံဆွေးနွေးရန်ဖိတ်ခေါ်ကာ မိမိတို့အနေဖြင့် ငြိမ်းချမ်းရေးလိုချင်ပြီး တိုင်းပြည်တည်ငြိမ်အေးချမ်းမှုမရှိပါက ဖွံ့ ဖြိုးရေးကိစ္စများကိုလုပ်ဆောင်နိုင်မည်မဟုတ်ဟု ပြော သည်။

" ငြိမ်းချမ်းရေးလုပ်မှသာ တည်ငြိမ်အေးချမ်းမှုရှိမှသာ ဖွံ့ဖြိုးရေးလုပ်ငန်းကလုပ်လို့ရတယ်။ ရှေ့ကတည် ဆောက်ရေးလုပ်ငန်းလုပ်သွား နောက်ကအဖျက်လုပ် ငန်းတွေပါလာရင် သမင် မွေးရင်း၊ ကျား စားရင်း ဆိုသလိုဖြစ်နေမှာပါ။ ဒါကြောင့် ကျွန်တော်တို့အနေနဲ့ ငြိမ်း ချမ်းရေးမှာလည်း မဖြစ်နိုင်တာတွေလျှောက်တောင်းဆိုပြီး ကိုယ့်အဖွဲ့အစည်းတည်တံ့ခိုင်မြဲရေးအတွက်လုပ်နေတယ်ဆိုရင် မှားသွားမယ်။ ကျွန်တော်တို့အနေနဲ့လည်းလုပ်သင့်လုပ်ထိုက်တာတွေကိုတော့ နိုင်ငံတော်အနေနဲ့လုပ်ရမှာတွေရှိလာပါလိမ့်မယ်"ဟု နိုင်ငံတော်သမ္မတက ပြောသည်။

ထို့ပြင် လက်မှတ်ရေးထိုးထားပြီး သဘောတူညီချက်ယူထားခြင်းများရှိကာ ဥပမာအနေဖြင့် (၄၃)ချက်သ ဘောတူညီထားခြင်း၊ NCA လက်မှတ်ရေးထိုးဆွေးနွေးခဲ့သည့် Union Accord ရထားသောသဘောတူညီချက်များကို လာမည့် ပြည်ထောင်စုလွှတ်တော်များ၌တင်ပြ ၍ အပိုင်းလိုက်ဆောင်ရွက်သွားမည်ဟု နိုင်ငံတော်သမ္မ တ ဦးမင်းအောင်လှိုင်က ပြောကြားခဲ့သည်။

Popular Journal

Apr 20, 2026, 11:14 PM

📷 Photo

မြန်မာသံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးထားခြင်းမရှိဟု ဆိုးလ်မြို့ရှိ မြန်မာသံရုံးထုတ်ပြန်

ကိုးရီးယားနိုင်ငံ၊ ဆိုးလ်မြို့ရှိ မြန်မာသံရုံးအနေဖြင့် သံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးထားခြင်းမရှိဟု ယနေ့ (ဧပြီ ၂၀) တွင် ထုတ်ပြန်သည်။

သံရုံးဆိုင်ရာ ကိစ္စရပ်များကို သံရုံးကသာ ဆောင်ရွက်ပေးလျက်ရှိနေခြင်းဖြစ်ကာ ယင်းသို့ဆောင်ရွက်ရာ၌ လျှောက်ထားသူများက ပူးတွဲတင်ပြလာသော အထောက်အထား၊ အချက်အလက်များ ပြည့်စုံမှန်ကန်မှုရှိမရှိ စိစစ်ပြီး အချိန်မကြန့်ကြာစေရန် ဆောင်ရွက်လျက်ရှိသည်ဟုလည်း ဆိုသည်။

ထို့ကြောင့် မြန်မာ သံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးခြင်းမရှိပါကြောင်း ထုတ်ပြန်ထားခြင်း ဖြစ်သည်။

1,180

Popular Journal

Apr 20, 2026, 11:14 PM

ရေနံကုန်သွယ်မှုတွင် ဒေါ်လာအစား ယွမ်ကို အသုံးပြုလာနိုင်ကြောင်း UAE က အမေရိကန်အား သတိပေး

အီရန်ပဋိပက္ခ ကြာရှည်လာပါက မိမိတို့၏ ဒေါ်လာအရန်ငွေများအပေါ် ဖိအားဖြစ်စေနိုင်ကြောင်း အာရပ်စော်ဘွားများပြည်ထောင်စု (UAE) က အမေရိကန်အား သတိပေးလိုက်ပြီးနောက် တရုတ်ယွမ်ငွေကဲ့သို့သော အခြားရွေးချယ်စရာ ငွေကြေးများဖြင့် ရေနံကုန်သွယ်ရန် လမ်းဖွင့်ပေးလိုက်ခြင်းဖြစ်ကြောင်းဆိုသည်။

သတင်းအပြည့်အစုံဖတ်ရန်>>

https://www.popularmyanmar.com/ရေနံကုန်သွယ်မှုတွင်-ဒေါ/

1,160

Popular Journal

Apr 20, 2026, 11:14 PM

📷 Photo

ဂျပန်မှာအားပြင်းငလျင်လှုပ်ခတ်၍ ဆူနာမီသတိပေးချက် ထုတ်ပြန်

ဂျပန်နိုင်ငံမြောက်ပိုင်းတွင် တနင်္လာနေ့က ပြင်းအား ၇ ဒဿမ ၅ ရှိသော ငလျင်တစ်ခု လှုပ်ခတ်ခဲ့ကြောင်း ဂျပန်မိုးလေဝသဌာနက ပြောကြားခဲ့ပြီး အီဝါတီ၊ အာအိုမိုရီနှင့် ဟော့ကိုင်းဒိုးစီရင်စုများတွင် ၃ မီတာအထိမြင့်မားသော ဆူနာမီရေလှိုင်းများ ရို-က်ခတ်နိုင်ကြောင်း သတိပေးခဲ့သည်။

ငလျင်သည် ဒေသစံတော်ချိန် ညနေ ၄း၅၃ နာရီတွင် မြောက်ပိုင်းအီဝါတီစီရင်စု၏ ပစိဖိတ်ကမ်းလွန်ရေပြင်၌ အနက် ၁၀ ကီလိုမီတာခန့်မှ လှုပ်ခတ်ခဲ့သည်ဟု မိုးလေဝသဌာနက ပြောကြားခဲ့သည်။

ငလျင်သည် ကီလိုမီတာရာပေါင်းများစွာ ဝေးကွာသော တိုကျိုမြို့ရှိ ကြီးမားသောအဆောက်အအုံများကို လှုပ်ခါစေသည်အထိ ပြင်းထန်ခဲ့သည်။

ငလျင်ကြောင့် တိုကျိုဘူတာနှင့် ရှင်အာအိုမိုရီဘူတာကြား ရထားပြေးဆွဲမှုများကို ရပ်ဆိုင်းထားကြောင်း ကျည်ဆန်ရထားအော်ပရေတာ Tohoku Shinkansen က ပြောကြားခဲ့သည်။

ငလျင်သည် ဂျပန်၏ ငလျင်ပြင်းအားစကေးတွင် ၅ အထက်ရှိခဲ့ပြီး လူများ လှုပ်ရှားသွားလာရန် ခက်ခဲစေလောက်အောင် ပြင်းထန်သည်။

Ref: စီအင်န်အေ

1,380

Showing 16 of 16 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Popular Journal

Popular Journal

Ranking

Participant Growth (Last 3 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

User Reviews (0)

Latest Posts