JizPI online | rasmiy kanal

Public

View Channel

Can't Join? @jizpi_online

8.1k Members

Updated: May 27, 2026 at 5:55 AM

JizPI online | rasmiy kanal

Jizzax politexnika instituti rasmiy kanali • www.jizpi.uz • telegram.me/jizpi_online • instagram.com/jizpiuz • facebook.com/jizpiuz • twitter.com/jizpiuz • Barcha rasmiy manbalarimiz: @jizpiuz • Guruh: @jizpionline • Murojaaat uchun:

@jizpi_online offers specialized information about instituti and wwwjizpiuz for subscribers interested in Viral Videos

Ranking

Global Ranking

#456

Language Ranking

#45

Category Ranking

#23

-1

Participant Growth (Last 12 Days)

Total: 8.1K

24h growth: -38 0%

Latest Posts

JizPI online | rasmiy kanal

May 15, 2026, 06:16 AM

📷 Photo

Sirtqi ta’lim talabalari o‘rtasida “Dekan kubogi” bo‘lib o‘tdi

🏆 Jizzax politexnika instituti Kibersport fakultetining sirtqi ta’lim shaklida tahsil olayotgan talabalari o‘rtasida sportning mini futbol turi bo‘yicha tashkil etilgan “Dekan kubogi” musobaqasi yuqori saviyada, ko‘tarinki ruh va murosasiz bahslar ostida yakunlandi.

⚽️ Mazkur musobaqa davomida talabalar o‘zlarining sport mahorati, jismoniy tayyorgarligi, jamoaviy hamjihatligi hamda g‘alabaga bo‘lgan intilishlarini namoyon etdilar. Har bir uchrashuv sportga xos halollik, do‘stlik va o‘zaro hurmat tamoyillari asosida tashkil etildi.

🏟 Musobaqada fakultetning quyidagi guruhlari talabalari faol ishtirok etdilar:
🔹 601-24 — Iqtisodiyot
🔹 602-24 — Buxgalteriya hisobi
🔹 603-24 — Menejment
🔹 612-24 — Raqamli qurilmalar va telekommunikatsiya
🔹 642-24 — Elektronika va avtomatika

Talabalar tomonidan namoyish etilgan qiziqarli va murosasiz o‘yinlar musobaqaga o‘zgacha shukuh bag‘ishladi.

🥇 Musobaqa yakunlariga ko‘ra faxrli o‘rinlar quyidagicha taqsimlandi:

🥇 1-o‘rin — 603-24 Menejment guruhi jamoasi
🥈 2-o‘rin — 642-24 Elektronika va avtomatika guruhi “Elektronchilar-2” jamoasi
🥉 3-o‘rin — 642-24 Elektronika va avtomatika guruhi “Elektronchilar-1” jamoasi

🎖 Musobaqa yakunida g‘olib va sovrindor jamoalar diplom hamda esdalik sovg‘alari bilan taqdirlandilar.

🏃‍♂️ “Dekan kubogi” sport musobaqasi talaba-yoshlar o‘rtasida sog‘lom turmush tarzini keng targ‘ib qilish, sportga bo‘lgan qiziqishni yanada oshirish, bo‘sh vaqtni mazmunli tashkil etish hamda fakultet miqyosida do‘stona va sog‘lom raqobat muhitini shakllantirishda muhim ahamiyat kasb etdi.

📱

664

JizPI online | rasmiy kanal

May 15, 2026, 06:16 AM

📷 Photo

Jizzax politexnika institutida jismoniy tayyorgarlik sinovlari davom etmoqda

Sinovlar Oʻzbekiston Respublikasi Prezidentining 2021-yil 16-iyuldagi PQ-5148-son qarori hamda Sport vazirligining 2026-yil 30-apreldagi tegishli ko‘rsatmasi asosida o‘tkazilmoqda. Bu orqali yoshlar o‘rtasida jismoniy faollikni oshirish, sog‘lom turmush tarzini keng targ‘ib qilish va ularning jismoniy salohiyatini mustahkamlash maqsad qilingan.

2026-yil 5–20-may kunlari respublika bo‘ylab oliy ta’lim muassasalari talabalari o‘rtasida jismoniy tayyorgarlik sinovlari ikki bosqichda tashkil etilgan:

🔹 Birinchi bosqich (5–15-may) — davlat oliy ta’lim muassasalari talabalari ishtirokida o‘tkaziladi. Sinovlar bevosita oliy ta’lim muassasalarining sport maydonlarida tashkil etilib, talabalar o‘z jismoniy tayyorgarlik darajasini namoyon etadilar.

🔹 Ikkinchi bosqich (15–20-may) — xorijiy va nodavlat oliy ta’lim muassasalari talabalari uchun mo‘ljallangan bo‘lib, sinovlar ularning sport bazalarida o‘tkaziladi. Zarur hollarda davlat oliy ta’lim muassasalari infratuzilmasidan foydalanish imkoniyati ham yaratiladi.

Mazkur tizimli yondashuv barcha talabalarni qamrab olish, teng sharoit yaratish hamda sinovlarni samarali tashkil etishga xizmat qiladi. Natijada minglab yoshlar sog‘lom raqobat muhitida o‘z imkoniyatlarini sinovdan o‘tkazish imkoniga ega bo‘ladilar.

#Jismoniy_tayyorgarlik_sinovlari

📱

JizPI online | rasmiy kanal

May 15, 2026, 06:16 AM

📷 Photo

Fakultet dekani talabalar turar joyida bo‘lib, talabalar bilan uchrashdi

Jizzax politexnika institutining 4-sonli talabalar turar joyida talaba-yoshlarning bo‘sh vaqtini mazmunli tashkil etish, ularning hayotiy maqsad va intilishlarini qo‘llab-quvvatlash, talabalik davrining mazmun-mohiyatini chuqur anglashga ko‘maklashish maqsadida “Talabalik – oltin davrim” mavzusida uchrashuv tashkil etildi.

Talabalik davri inson hayotining eng unutilmas, sermazmun va mas’uliyatli bosqichlaridan biri hisoblanadi. Bu davr yoshlarning bilim olish, kasbiy ko‘nikmalarni shakllantirish, mustaqil fikrlash va kelajakdagi ulkan maqsadlar sari dadil qadam tashlashida muhim o‘rin tutadi. Mazkur davrdan oqilona foydalanish, ta’lim bilan bir qatorda ma’naviy va madaniy hordiq chiqarishga ham e’tibor qaratish har bir talaba uchun katta ahamiyatga ega.

Uchrashuvda 4-sonli talabalar turar joyida istiqomat qilayotgan Sanoat texnologiyalari fakulteti talabalari bilan fakultet dekani I. Abbazov hamda “Tabiiy tolalar va matoga ishlov berish texnologiyasi” kafedrasi mudiri F. Egamberdiyev samimiy muloqot olib bordilar.

Muloqot davomida talabalik yillarining qadriga yetish, mavjud imkoniyatlardan samarali foydalanish, ilm-fan va kasbiy rivojlanishga alohida e’tibor qaratish, shuningdek, bo‘sh vaqtni mazmunli tashkil etish borasida muhim tavsiya va maslahatlar berildi.

Tadbir talaba-yoshlarda o‘z oldiga aniq maqsadlar qo‘yish, talabalik davrining har bir lahzasini qadrlash hamda kelajak sari ishonch bilan intilish ruhini yanada mustahkamladi.

📱

JizPI online | rasmiy kanal

Apr 5, 2026, 06:29 AM

📷 Photo

Muhandislik oyligi doirasida xalqaro ilmiy-amaliy konferensiya tashkil etildi (2-qism)

Jizzax politexnika institutida Xalqaro Turon fanlar akademiyasining Jizzax filiali tomonidan 2026-yil 4-aprel kuni “Sun’iy intellekt davrida milliy o‘zlikni anglash: Turon tarixiy merosi va zamonaviy rivojlanish” mavzusida xalqaro ilmiy-amaliy konferensiya bo‘lib o‘tdi.

Mazkur konferensiyada respublikamiz hamda xorijiy oliy ta’lim muassasalari vakillari, yetuk olimlar va mutaxassislar ishtirok etib, dolzarb ilmiy yo‘nalishlar bo‘yicha o‘z ma’ruzalari va ilmiy maqolalari bilan qatnashdilar.

Konferensiya davomida sun’iy intellekt, milliy o‘zlik, tarixiy meros hamda zamonaviy taraqqiyot masalalari keng muhokama qilinib, ilmiy hamkorlikni rivojlantirishga qaratilgan muhim taklif va tavsiyalar ilgari surildi.

📱

592

JizPI online | rasmiy kanal

Apr 5, 2026, 06:29 AM

📷 Photo

Muhandislik oyligi doirasida xalqaro ilmiy-amaliy konferensiya tashkil etildi (1-qism)

📱

471

JizPI online | rasmiy kanal

Apr 1, 2026, 07:19 AM

📷 Photo

Jizzax shahrida “Qalqon” jamoatchilik guruhi ishtirokida profilaktik reydlar o‘tkazildi

Jizzax shahrida O‘zbekiston yoshlar ittifoqi Jizzax viloyati Kengashi, Milliy gvardiya boshqarmasi, Jizzax shahar prokuraturasi hamda Faxriylar kengashi hamkorligida oliy ta’lim muassasalarida tashkil etilgan “Qalqon” jamoatchilik guruhi a’zolari tomonidan profilaktik reyd tadbirlari o‘tkazildi.

Mazkur tadbirlar ijarada yashovchi yoshlar va talabalar hayotini o‘rganish, shuningdek jamoat tartibini saqlashni ta’minlash maqsadida tashkil etildi.

🔸 Reyd jarayonlarida Jizzax politexnika instituti “Qalqon” jamoatchilik guruhi vakillari ham faol ishtirok etdi.

🔸 Tadbir davomida yoshlar yashash sharoitlari o‘rganilib, profilaktik suhbatlar o‘tkazildi hamda mavjud muammolarni bartaraf etish bo‘yicha tegishli tavsiyalar berildi.

📱

604

JizPI online | rasmiy kanal

Apr 1, 2026, 07:19 AM

📷 Photo

📢 “Milliy tadqiqot” amaliy tadqiqot loyihalari tanlovi eʼlon qilindi!

🗓 Loyihalarni qabul qilish muddati:
2026-yil 20-martdan 20-aprelgacha
📍 Platforma: http://loyiha.ilmiy.uz/

🔑 Asosiy shartlar:
Ilmiy jamoa oʻrtacha yoshi: 45 yoshdan oshmasligi kerak.
Vazirlik va idoralarning qoʻllab-quvvatlash xati talab etiladi.

📌 Tanlov mavzulari orasida:
Seysmik hududlarda bino va inshootlarni loyihalash normativlarini Yevropa standartlari bilan integratsiyalash;
Orolboʻyi hududidagi ekologik muammolarni sunʼiy yoʻldosh maʼlumotlari asosida baholash;
Temuriylar davri manbalari elektron platformasini yaratish;
Sunʼiy yoʻldoshlar uchun innovatsion ADCS tizimini ishlab chiqish va boshqa dolzarb ilmiy yoʻnalishlar https://t.me/djizakinnovation.

🆔 Loyiha taqdim etish uchun ScienceID zarur. Roʻyxatdan oʻtish: http://id.ilmiy.uz/

ℹ️ Qoʻshimcha maʼlumot uchun: https://gov.uz/oz/innovation/contest/view/145424

📱

JizPI online | rasmiy kanal

Apr 1, 2026, 07:19 AM

📷 Photo

Jizzax politexnika institutida navbatdagi Ilmiy kengash yig‘ilishi bo‘lib o‘tdi

Bugun Jizzax politexnika instituti konferensiyalar zalida institutning navbatdagi Ilmiy kengash yig‘ilishi bo‘lib o‘tdi.

Unda institut rektori, texnika fanlari doktori, professor Alisher Usmankulov hamda Kengash a’zolari ishtirok etdi.

Yig‘ilish kun tartibida quyidagi masalalar ko‘rib chiqildi:
— Oliy ta’lim, fan va innovatsiyalar vazirligi hay’atining qarorlari va buyruqlari, shuningdek institut Kengashi qarorlari hamda rektor buyruqlarining ijrosi;
— 2025-yil hamda 2026-yilning I choragi davomida institut fakultetlari va kafedralarida davlat grantlari va xo‘jalik shartnomalari doirasida amalga oshirilgan ilmiy-tadqiqot ishlarining natijalari va kelgusidagi vazifalar;
— institut Xalqaro hamkorlik bo‘limi faoliyatining yillik hisoboti;
— Raqamli ta’lim texnologiyalari markazi faoliyati, institut rasmiy veb-saytini takomillashtirish hamda ta’lim jarayonlarini raqamlashtirish bo‘yicha ustuvor yo‘nalishlar.

Yig‘ilish davomida kun tartibidagi masalalar yuzasidan tegishli axborot va hisobotlar tinglanib, muhokamalar olib borildi.

Shuningdek, belgilangan vazifalar ijrosini ta’minlash yuzasidan mas’ullarga aniq topshiriqlar berildi.

Yakunda bugun o‘z tavallud ayyomini nishonlayotgan institutning Yoshlar masalalari va ma’naviy-ma’rifiy ishlar bo‘yicha birinchi prorektori Eshbekova Sanobar Omonliqovna tavallud ayyomi munosabati bilan samimiy tabriklandi.

📱

JizPI online | rasmiy kanal

Apr 1, 2026, 07:19 AM

📷 Photo

Maktab bitiruvchilari uchun “Ochiq eshiklar kuni” tashkil etildi

Jizzax politexnika instituti Transport muhandisligi fakulteti Kimyo muhandisligi kafedrasi hamda xotin-qizlar kengashi tomonidan maktab bitiruvchilari uchun “Ochiq eshiklar kuni” tadbiri tashkil etildi.

Tadbir davomida ishtirokchilarga institutda talaba-yoshlar uchun yaratilgan shart-sharoitlar, o‘quv jarayoni, mavjud imkoniyatlar, zamonaviy laboratoriya jihozlari hamda o‘qishni xorijda davom ettirish yo‘llari haqida batafsil ma’lumot berildi.

Shuningdek, “Muhandislik maktabi” faoliyati bilan ham yaqindan tanishtirildi.

📱

771

JizPI online | rasmiy kanal

Mar 30, 2026, 01:51 PM

🎥 Video

📢 DIQQAT, E’LON!

Muhandislik oyligi doirasida sun’iy intellekt, robototexnika, dronlar, kiberxavfsizlik kabi ixtirochilik yo‘nalishlarida umumiy mukofot jamg‘armasi 100 million so‘m bo‘lgan “Oliygoh kubogi” tanlovida ishtirok eting!

🏆 “” tanlovi quyidagi tartibda o‘tkaziladi:
📅 1-kun | 2026-yil 1-aprel
“Kiberxavfsizlik” va “Sun’iy intellekt” yo‘nalishlari
📍 Institutning A binosida joylashgan Madaniyat saroyida

📅 2-kun | 2026-yil 3-aprel
“3D modellashtirish” yo‘nalishi
📍 Institut bosh binosida joylashgan sport zalida

📅 3-kun | 2026-yil 8-aprel
“Dron loyihalash”, “Topshiriq bajaruvchi robot” hamda “Qishloq xo‘jaligida innovatsion texnikalar” yo‘nalishlari
📍 Institut bosh binosida joylashgan sport zalida

📌 Tanlovda ishtirok etmoqchi bo‘lgan talabalar hamda qo‘shimcha ma’lumot olish uchun quyidagi manzilga murojaat qilishingiz mumkin:

👤 Iqtidorli talabalarni ilmiy-tadqiqot faoliyatini tashkil etish bo‘limi boshlig‘i — Asatulla Mustafaqulov
🏢 314-xona
📞 Tel: +998 91 591 22 25

✨ Fursatni qo‘ldan boy bermang — o‘z iqtidoringizni namoyon eting!

📱

1,170

JizPI online | rasmiy kanal

Mar 30, 2026, 01:51 PM

📷 Photo

DIQQAT, TANLOV!

“Kelajak soati” loyihasi uchun dars ssenariylari tanlovi o’tkaziladi!

Tanlovda 7 yoshdan 70 yoshgacha bo’lgan barcha ishtirok etishi mumkin

Mavzu: 9-may – Xotira va qadrlash kuni munosabati bilan “Millat fidoyilari. Xotira va qadrlash”

Yoʻnalishlar va mukofotlar:

1. Maktabgacha ta’lim yoʻnalishi –
gʻolib uchun smart televizor;

2. Maktab ta’limi (boshlangʻich, oʻrta va yuqori sinflar) yoʻnalishi –
gʻoliblar uchun smart televizor va noutbuk;

3. Oliy ta'lim yoʻnalishi –
gʻolib uchun noutbuk;

Barcha yoʻnalishlar boʻyicha eng yaxshi ssenariylar jamlanmasi uchun bosh sovrin – iPhone 17 smartfoni!

Dars ssenariylarini 2026-yil 10-aprelga qadar quyidagi https://t.me/KelajakSoati_murojaat_bot yuborishingiz talab etiladi.

Tanlovga kelib tushgan ssenariylar mutaxassislar va jamoatchilik vakillaridan iborat Tanlov hay’ati tomonidan belgilangan mezonlar asosida baholanadi.

Tanlov natijalari joriy yilning 1-may sanasiga qadar e’lon qilinadi.

Muhim!

https://telegra.ph/Kelajak-soati-loyihasi-doirasida-otkazilayotgan-Millat-fidoyilari-Xotira-va-qadrlash-mavzusidagi-dars-ssenariylari-tanlovi-03-24 va “Kelajak soati” https://t.me/kelajaksoati_rasmiy joylangan namunaviy ssenariylar bilan tanishib chiqish tavsiya etiladi.

Biz sizga ishonamiz!
Harakatni bugundan boshlang!

https://t.me/kelajaksoati_rasmiy

📱

JizPI online | rasmiy kanal

Mar 30, 2026, 01:51 PM

📷 Photo

⚡️ “Media haftalik”: mamlakatimizda yilning eng yirik media loyihasi start olmoqda

Global axborot makonidagi shiddatli o‘zgarishlar, ijtimoiy tarmoqlar va sun’iy intellektning rivojlanishi, feyk xabarlar oqimi media sohasi vakillaridan mutlaqo yangicha yondashuvlarni talab etmoqda. Shu maqsadda respublikamizda yilning eng yirik va muhim ta’limiy-amaliy loyihasi — jurnalistlar, blogerlar va matbuot kotiblarini yagona platformada birlashtiruvchi “Media haftalik” o‘z ishini boshladi.

https://t.me/kontentmarkazi tomonidan hamkor tashkilotlar bilan birgalikda yo‘lga qo‘yilayotgan mazkur loyiha butun respublikadan qariyb 12,5 ming ishtirokchini qamrab oladi. Joriy yilning 30-martidan 26-iyuniga qadar har bir hududda 5 kunlik intensiv o‘quv-seminarlar va mahorat darslari o‘tkazilishi rejalashtirilgan.

⚙️ Dasturda nazariya va amaliyot birlashadi: asosiy urg‘u haqiqiy tajriba orttirishga qaratiladi. Mamlakatimizning eng yetakchi media-ekspertlari, muharrir va prodyuserlari ishtirokida kontent yaratish, faktcheking, raqamli gigiyena, SMM va strategik kommunikatsiyalar kabi muhim mavzular bo‘yicha treninglar olib boriladi.

Mashg‘ulotlar telejurnalistlar, bosma nashrlar, blogerlar va davlat idoralari matbuot kotiblari uchun alohida yo‘nalishlarda o‘tkaziladi. Bilimlarini oshirgan ishtirokchilarga maxsus sertifikatlar topshiriladi.

📌 O‘zbekiston bo‘ylab harakatlanuvchi mazkur media-estafetaning ilk bosqichi 30-mart kuni Qoraqalpog‘iston Respublikasida boshlanadi. Darslar davomida ishtirokchilar real keyslar asosida ishlash, xatolarni tahlil qilish, yangi yondashuvlarni shakllantirish imkoniyatiga ega bo‘ladi. Spikerlar o‘z tajribalari bilan o‘rtoqlashib, zamonaviy media rivojining ustuvor yo‘nalishlari bo‘yicha tavsiyalar beradi.

💬 Haftalik yakunida hududdagi soha vakillarini qamrab oluvchi yirik Media forum tashkil etiladi.

Loyihada ishtirok etish istagida bo‘lgan nomzodlar Yoshlar ishlari agentligining hududiy boshqarma va bo‘limlariga murojaat qilishlari mumkin.

Media haftalik quyidagi sanalarda hududlar kesimida tashkil etiladi:

• 30-mart – 3-aprel: Qoraqalpog‘iston Respublikasida;
• 6-aprel – 10-aprel: Xorazm viloyatida;
• 13-aprel – 17-aprel: Surxondaryo viloyatida;
• 20-aprel – 24-aprel: Qashqadaryo viloyatida;
• 27-aprel – 1-may: Samarqand viloyatida;
• 4-may – 8-may: Navoiy viloyatida;
• 11-may – 15-may: Buxoro viloyatida;
• 18-may – 22-may: Farg‘ona viloyatida;
• 25-may – 29-may: Namangan viloyatida;
• 1-iyun – 5-iyun: Andijon viloyatida;
• 8-iyun – 12-iyun: Jizzax viloyatida;
• 15-iyun – 19-iyun: Sirdaryo viloyatida;
• 22-iyun – 26-iyun: Toshkent viloyati va Toshkent shahrida.

🦋 https://t.me/kontentmarkazi

📱

JizPI online | rasmiy kanal

Mar 30, 2026, 01:51 PM

📷 Photo

📢 JizPI o‘qituvchisi xalqaro treningni muvaffaqiyatli yakunladi!

🇮🇳 Hindistonda Aholi yashash joylarini boshqarish instituti (Human Settlement Management Institute)da ITEC dasturi doirasida ishtirok etgan Jizzax politexnika instituti Transport logistikasi kafedrasi assistenti Bekzod Turatov xalqaro treningni muvaffaqiyatli tamomladi.

🎓Trening davomida u Hindistonning yetakchi oliy ta’lim muassasalaridan biri — Indian Institutes of Technology (IIT)da “Oliy ta’lim muassasalarida ilmiy tadqiqot” (Scientific Research of Higher Education Institutions) mavzusida ma’ruza bilan ham ishtirok etdi.

🌍 Ma’lumot uchun, mazkur universitet QS World University Rankings reytingiga ko‘ra dunyoning yetakchi OTMlari qatoridan o‘rin olgan bo‘lib, ilmiy tadqiqot va innovatsiyalar sohasida yuqori natijalarga ega.

🚆 Shuningdek, yosh olim “Towards Sustainable Urban Mobility in Developing Urban Context” mavzusidagi xalqaro treningni muvaffaqiyatli yakunlab, xalqaro sertifikatga ega bo‘ldi.

👏 JizPI jamoasi nomidan Bekzod Turatovni ushbu yutuq bilan tabriklaymiz va kelgusi ilmiy faoliyatida ulkan muvaffaqiyatlar tilaymiz!

📱

JizPI online | rasmiy kanal

Mar 30, 2026, 01:51 PM

📷 Photo

Transport muhandisligi fakultetida “Zakovat” intellektual o‘yini o‘tkazildi

Transport muhandisligi fakultetida talaba-yoshlar ishtirokida “Zakovat” intellektual o‘yini o‘tkazildi.

“Zakovat” o‘yini yoshlarining tezkor fikrlash, mantiqiy tahlil va bilim salohiyatini rivojlantirishga qaratilgan milliy intellektual tadbirdir.

O‘yinda quyidagi jamoalar qatnashdi:
🔘Renesans jamoasi;
🔘Bilimdonlar jamoasi;
🔘Do‘stlik jamoasi;
🔘Zukkolar jamoasi;
🔘Turon jamoasi;
🔘Perfekt jamoasi;
🔘Muhandislar jamoasi.

🏆 Natijalar:
🥇 I o‘rinni Do‘stlik  jamoasi;
🥈 II o‘rinni Zukkolar  jamoasi;
🥉 III o‘rinni Bilimdonlar jamoasi egalladi.

Tadbir talabalarda tezkorlik, mantiqiy fikrlash va jamoaviy hamkorlik ko‘nikmalarini rivojlantirishga xizmat qiladi.

📱

850

JizPI online | rasmiy kanal

Mar 30, 2026, 01:51 PM

🎥 Video

🕗 “Kelajak muhandislari” respublika ko‘rik tanloviga arizalar qabuli yakunlanishiga atigi 3 kun qoldi!

📌 Vaqt kam — imkoniyat esa katta!

O‘z g‘oyangiz, loyihangiz yoki ixtiroyingizni namoyish etish imkonini qo‘ldan boy bermang!

📝 Eslatib o‘tamiz, tanlov 3 ta
yo‘nalishda o‘tkaziladi:

🔠 Eng yaxshi g‘oya
🔠Eng yaxshi loyiha
🔠 Eng yaxshi ixtiro

🚗 Har bir yo‘nalish g‘olibi — elektromobil sohibiga aylanadi!

Agar ariza topshirishga hali ulgurmagan bo‘lsangiz — bu sizning imkoniyatingiz!

📲 Hoziroq ro‘yxatdan o‘ting: http://muhandis.edu.uz/

⏰ Eslatma: arizalar qabuli 31-mart kuni soat 23:59 da yakunlanadi!

Balki navbatdagi g‘olib aynan siz bo‘larsiz!

https://t.me/Rasmiy_axborot_official

614

JizPI online | rasmiy kanal

Mar 30, 2026, 01:51 PM

📷 Photo

Sanoat texnologiyalari fakultetida “Eng yaxshi kitobxon” ko‘rik-tanlovi o‘tkazildi

Jizzax politexnika instituti Sanoat texnologiyalari fakulteti talaba-yoshlari o‘rtasida kitobxonlik madaniyatini yuksaltirish, ularning ma’naviy-intellektual salohiyatini oshirish hamda mustaqil fikrlash va keng dunyoqarashini shakllantirish maqsadida “Eng yaxshi kitobxon” ko‘rik-tanlovini tashkil etdi.

Tanlov Oliy ta’lim, fan va innovatsiyalar vazirligi tomonidan yoshlar o‘rtasida kitobxonlikni targ‘ib qilish va milliy hamda jahon adabiyotini chuqur o‘rganishga qaratilgan topshiriqlar ijrosini ta’minlash doirasida o‘tkazildi. Ishtirokchilar o‘zlari yoqtirgan asarlar, ularning mazmun-mohiyati va g‘oyaviy yo‘nalishi haqida fikr bildirdilar, shuningdek, Alisher Navoiy, Abdulla Qodiriy, Chingiz Aytmatov, Fyodor Dostoevsky ijodi yuzasidan savol-javoblar o‘tkazildi.

Yakunda B. Ummatova, P. Xaydarova hamda M Abdumutolibova eng yaxshi kitobxon talaba deb topildi.

Mazkur tanlov talaba-yoshlarni milliy va umuminsoniy qadriyatlarga hurmat ruhida tarbiyalash, kitob mutolaasiga bo‘lgan qiziqishni oshirish va ma’naviy barkamol shaxs sifatida yetishtirishda muhim ahamiyatga ega bo‘ladi.

📱

JizPI online | rasmiy kanal

Mar 30, 2026, 01:51 PM

📷 Photo

“Jaholatga qarshi ma’rifat bilan kurashish – davr talabi” mavzusida tadbir o‘tkazildi

Jizzax politexnika institutida “Jaholatga qarshi ma’rifat bilan kurashish – davr talabi” mavzusida tadbir tashkil etildi. Tadbirda Jizzax viloyati Transportda xavfsizlikni taminlash boshqarmasi xodimlari, institut mutaxassislari hamda talaba-yoshlar ishtirok etdi.

Tadbir davomida so‘zga chiqqan ma’ruzachilar diniy radikalizm va ekstremizm, giyohvandlik va narkojinoyatlarga qarshi kurash, yoshlarning ma’naviy tarbiyasi va jamiyat taraqqiyotiga hissa qo‘shish masalalariga to‘xtalib, talabalarda ongli yondashuv va ma’rifatni shakllantirish zarurligini ta’kidladilar.

Yig‘ilishda talabalar o‘zlarini qiziqtirgan savollarga javob olishdi, zarur bilim va tushunchalarni egalladilar.

📱

648

JizPI online | rasmiy kanal

Mar 27, 2026, 06:37 PM

📷 Photo

Yoshlarda halollikni shakllantirishga qaratilgan mashg‘ulot o‘tkazildi

Jizzax politexnika instituti Korrupsiyaga qarshi kurashish komplayens nazorat tizimini boshqarish bo‘limi xodimlari hamda Ijtimoiy fanlar kafedrasi professor-o‘qituvchilari hamkorligida Qurilish muhandisligi fakultetining 1-bosqich talabalari ishtirokida “Yoshlarda halollikni shakllantirish” mavzusida ma’naviy-ma’rifiy mashg‘ulot tashkil etildi.

Mashg‘ulot davomida talabalarga sofdil va adolatli bo‘lish, har qanday nohaqliklarga qarshi kurashishda mustaqil fikrga ega bo‘lish kabi muhim fazilatlar yuzasidan atroflicha tushunchalar berildi.

Shuningdek, talaba-yoshlarga ta’lim tizimini “korrupsiyasiz soha”ga aylantirish, ta’lim jarayonida shaffoflikni ta’minlash borasida amalga oshirilayotgan ishlar haqida ma’lumot berilib, ularni qiziqtirgan savollarga batafsil javoblar taqdim etildi.

Bu kabi tadbirlar yoshlar ongida halollik, adolat va mas’uliyat kabi yuksak insoniy qadriyatlarni mustahkamlashga xizmat qiladi.

📱

JizPI online | rasmiy kanal

Mar 27, 2026, 06:37 PM

📷 Photo

Ilmiy maqola muhokamasi o‘tkazildi

🔬 Jizzax politexnika instituti Muhandislik kommunikatsiyalari kafedrasida Pirnazarov Ilxom Islomovichning 2025-yil noyabr oyida SCOPUS bazasiga kiritilgan, 2025 IEEE XVII “Elektron asbobsozlikning dolzarb masalalari” (APEIE) xalqaro ilmiy-texnik konferensiyasida chop etilgan ilmiy maqolasi muhokama qilindi.

📄 Maqola mavzusi:
“Semi-Transparent Photovoltaic Panels for Greenhouses: Experimental Study on Microclimate, Crop Growth, and Dust Mitigation”

👤 Muallif: Pirnazarov I. I.
🔗 DOI: 10.1109/APIEIE66761.2025.11289424

Mazkur ilmiy ishda issiqxonalar uchun energiya manbai sifatida yarim shaffof quyosh panellaridan foydalanish, ularning mikroiqlimga ta’siri, ekinlar o‘sishi hamda changni kamaytirishdagi samaradorligi atroflicha tahlil qilingan.

Muhokama jarayonida maqolada keltirilgan ilmiy natijalar, qo‘llanilgan metodlar hamda amaliy ahamiyat yuzasidan mutaxassislar tomonidan qimmatli fikr-mulohazalar, savol va takliflar bildirildi.

Ushbu muhokama ilmiy tadqiqotchining kelgusidagi izlanishlarini yanada takomillashtirishda muhim ahamiyat kasb etadi.

📱

JizPI online | rasmiy kanal

Mar 27, 2026, 06:37 PM

📷 Photo

Amaliyot va ilmiy izlanishlar uyg‘unligi — muhim tajriba maktabi

🏗 Jizzax politexnika instituti “Qurilish materiallari va konstruksiyalari” kafedrasi magistranti Turg‘unova Feruza “SANFA” MCHJda o‘z magistrlik dissertatsiyasi doirasida ilmiy-tadqiqot ishlarini olib bormoqda.

🔬 Shuningdek, u mazkur kompaniya bilan tuzilgan xo‘jalik shartnomasi ijrosi yuzasidan amaliy tajribalarni ham faol ravishda amalga oshirmoqda.

📈 Ushbu faoliyat orqali magistr nafaqat o‘zining ilmiy salohiyatini oshirib, balki ishlab chiqarish jarayonlari bilan bevosita tanishgan holda muhim amaliy tajriba to‘plamoqda.

🤝 Bunday hamkorliklar oliy ta’lim va ishlab chiqarish integratsiyasini ta’minlashda muhim ahamiyat kasb etadi.

📱

334

JizPI online | rasmiy kanal

Mar 27, 2026, 06:37 PM

📷 Photo

“Yosh elektrik” to‘garagi mashg‘ulotlari davom etmoqda

Jizzax politexnika instituti “Energetika va elektr texnologiyalari” kafedrasi qoshida tashkil etilgan “Yosh elektrik” to‘garagi o‘z faoliyatini samarali davom ettirmoqda.

Mazkur to‘garakda ishtirok etayotgan o‘quvchilar elektr texnikasi va elektrotexnika yo‘nalishlari bo‘yicha nazariy bilimlarini mustahkamlash bilan birga, amaliy ko‘nikmalarini ham rivojlantirmoqdalar.

Mashg‘ulotlar jarayonida turli elektr qurilmalarining ishlash prinsiplari o‘rganilib, tajribalar asosida amaliy mashqlar bajarilmoqda. Shuningdek, o‘quvchilar xavfsizlik qoidalariga rioya etgan holda elektr jihozlari bilan ishlash ko‘nikmalarini egallamoqdalar.

🔌 To‘garak mashg‘ulotlari yoshlarning texnik tafakkurini rivojlantirish, kasbiy qiziqishlarini oshirish hamda kelajakda malakali mutaxassis bo‘lib yetishishlariga xizmat qilmoqda.

📱

559

JizPI online | rasmiy kanal

Mar 27, 2026, 06:37 PM

📷 Photo

Fizika fanidan to‘garak mashg‘ulotlari davom etmoqda

Fizika fanidan tashkil etilgan to‘garak mashg‘ulotlarida o‘quvchilarning ilmiy qiziqishini oshirishga alohida e’tibor qaratilmoqda.

Mashg‘ulotlar jarayonida turli xil tajribalar o‘tkazilib, nazariy bilimlar amaliy mashg‘ulotlar orqali mustahkamlanmoqda. O‘quvchilar fizik hodisalarni mustaqil tahlil qilish, muammoli masalalarga yechim topish hamda ilmiy yondashuv asosida fikrlash ko‘nikmalarini rivojlantirmoqdalar.

Shuningdek, to‘garak davomida zamonaviy laboratoriya jihozlari hamda interaktiv ta’lim usullaridan samarali foydalanilmoqda. Bu esa o‘quvchilarning mantiqiy fikrlashini rivojlantirish, ilmiy dunyoqarashini kengaytirish va amaliy bilimlarini boyitishda muhim ahamiyat kasb etmoqda.

✨ Mazkur mashg‘ulotlar yoshlarning fizika faniga bo‘lgan qiziqishini yanada oshirishga xizmat qilmoqda.

📱

524

JizPI online | rasmiy kanal

Mar 27, 2026, 06:37 PM

📷 Photo

“Yosh matematik” to‘garagidan fotolavhalar

Jizzax politexnika instituti Oliy matematika kafedrasi qoshida faoliyat yuritayotgan “Yosh matematik” to‘garagining navbatdagi mashg‘ulotlaridan fotolavhalar.

Mazkur mashg‘ulot “Differensial tenglamalarning amaliy tatbiqlari” mavzusiga bag‘ishlandi. Unda iqtidorli talabalar ishtirok etib, differensial tenglamalarning turli amaliy masalalardagi qo‘llanilishi, ularning yechimlari hamda real hayotdagi tatbiqlari yuzasidan batafsil ma’lumotlarga ega bo‘ldilar.

📊 Mashg‘ulot davomida talabalar nazariy bilimlarini mustahkamlash bilan birga, amaliy misollar asosida tahliliy fikrlash va masala yechish ko‘nikmalarini rivojlantirdilar.

✨ Bunday mashg‘ulotlar talabalar salohiyatini oshirish, ularning ilmiy izlanishga bo‘lgan qiziqishini kuchaytirishda muhim ahamiyat kasb etmoqda.

📱

435

Showing 23 of 23 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

JizPI online | rasmiy kanal

JizPI online | rasmiy kanal

Ranking

Participant Growth (Last 12 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

User Reviews (0)

Latest Posts