INSA - የኢንፎርሜሽን መረብ ደህንነት አስተዳደር - INSA

INSA - የኢንፎርሜሽን መረብ ደህንነት አስተዳደር - INSA

Public

Can't Join? @insagovet

0

11.7k Members

Updated: May 15, 2026 at 1:13 AM

INSA - የኢንፎርሜሽን መረብ ደህንነት አስተዳደር - INSA

Official INSA Telegram Channel በእዚህ የቴሌግራም ቻናል የሳይበርና የኢንፎርሜሽን መረጃዎች፤ የስራና ጨረታ ማስታወቂያዎች ያገኛሉ፡፡ ይከተሉን/Join Us On: YouTube: https://www.youtube.com/@cyberigna100... Facebook: https://www.facebook.com/INSA.ETHIOPIA Twitter ፡ https://twitter.com/INSAEthi

@insagovet is a growing community focused on twitter and telegram and related topics

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 7 Days)

Total: 11.7K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

INSA - የኢንፎርሜሽን መረብ ደህንነት አስተዳደር - INSA

May 23, 2026, 07:01 PM

📷 Photo

የሀገርን የዲጂታል ሉዓላዊነት ማረጋገጥ የሚቻለው በዘመናዊ ቴክኖሎጂ ብቻ ሳይሆን፣ በባለሙያዎች የስነ-ልቦና ጥንካሬና የአዕምሮ ብቃት ጭምር ነው - ወ/ሮ ትዕግስት ሃሚድ

አዲስ አበባ፤ ግንቦት 12/2018 ዓ.ም፥ የኢንፎርሜሽን መረብ ደህንነት አስተዳደር (ኢመደአ) የሀገሪቱን ዲጂታል ሉዓላዊነት ለማረጋገጥ በሚያከናውናቸው አበይት ተግባራት ውስጥ፣ የተቋሙን የሰው ኃይል የአዕምሮ ጤና ማስጠበቅ ለተልዕኮ ስኬት ወሳኝ መሆኑን የኢመደአ ዋና ዳይሬክተር ወ/ሮ ትዕግስት ሃሚድ ገለጹ።

ተቋሙ "የአዕምሮ ጤናችን በሳይበር ደህንነት እና በመረጃ ምህዳር ውስጥ" በሚል መሪ ቃል ያዘጋጀውን የፓናል ውይይት የከፈቱት ዋና ዳይሬክተሯ ወ/ሮ ትዕግስት ሃሚድ እንደተናገሩት፤ የሀገርን የዲጂታል ሉዓላዊነት ማስከበር የሚቻለው በዘመናዊ ቴክኖሎጂ ብቻ ሳይሆን፣ በባለሙያዎች የስነ-ልቦና ጥንካሬና የአዕምሮ ብቃት ጭምር ነው።
ተጨማሪውን ለማንበብ፡- https://web.facebook.com/INSA.ETHIOPIA

1,790

16

0

INSA - የኢንፎርሜሽን መረብ ደህንነት አስተዳደር - INSA

May 23, 2026, 07:01 PM

📷 Photo

📣 የኢመደአ 5ኛዉ የሳይበር ታለንት ሰመር ካምፕ ዘንድሮ በስድስት የሀገሪቱ ዩኒቨርሲቲዎች ይሰጣል!

አዲስ አበባ፤ ግንቦት 13/2018 ዓ.ም፡- የኢንፎርሜሽን መረብ ደህንነት አስተዳደር (ኢመደአ) በ2018 ዓ/ም ክረምት ለ5ኛ ጊዜ የሚያካሂደውን የሳይበር ታለንት ሰመር ካምፕ (Cyber Talent Summer Camp) ዝግጅት እና ሀገራዊ ፋይዳ አስመልክቶ ዛሬ ጋዜጣዊ መግለጫ ሰጥቷል።

የኢመደአ የሳይበር ልሕቀት ማዕከል ዳይሬክተር አቶ ቢሻው በየነ በመግለጫቸው እንዳስታወቁት፤ እስካሁን ከመላው ሀገሪቱ ከ4,000 በላይ ታዳጊዎችና ወጣቶች የተመዘገቡ ሲሆን፣ ከወላጆችና ከትምህርት ቤቶች እየቀረበ ያለውን ከፍተኛ ፍላጎት ከግምት በማስገባት የምዝገባ ጊዜው እስከ ሰኞ ግንቦት 17 ቀን 2018 ዓ.ም እንደሚጠናቀቅ አስታውቀዋል።

የዘንድሮው ካምፕ የዲጂታል አካታችነት (Digital Inclusion) መርህን በመከተል፣ ታዳጊዎች ካሉበት አካባቢ ሳይንቀሳቀሱ በቅርበት ስልጠናውን እንዲያገኙ በማሰብ በስድስት የከፍተኛ ትምህርት ተቋማት በጋራ ይሰጣል ሲሉ አቶ ቢሻው ገልጸዋል። ስልጠናው የሚሰጥባቸው ማዕከላት፡
🔹 አዲስ አበባ ሳይንስና ቴክኖሎጂ ዩኒቨርሲቲ
🔹 ባህር ዳር ዩኒቨርሲቲ
🔹 ደብረ ብርሃን ዩኒቨርሲቲ
🔹 ወላይታ ሶዶ ዩኒቨርሲቲ
🔹 ሐረማያ ዩኒቨርሲቲ
🔹 ጅማ ዩኒቨርሲቲ
ተጨማሪውን ለማንበብ፡- https://web.facebook.com/INSA.ETHIOPIA

1,560

INSA - የኢንፎርሜሽን መረብ ደህንነት አስተዳደር - INSA

May 23, 2026, 07:01 PM

📷 Photo

📢 የምዝገባ ጊዜ ተራዝሟል!

ዲጂታል ኢትዮጵያን በሳይበር ደህንነት እና በቴክኖሎጂ እውቀት ለመገንባት ራዕይ ላላቸው ወጣቶች የተዘጋጀው 5ተኛው ዙር የሳይበር ታለንት ቻሌንጅ ሰመር ካምፕ የዕጩ ሰልጣኞች ምዝገባ ጊዜ ተራዝሟል!

ባለፉት ዙሮች በካምፑ አልፈው ዛሬ ላይ የራሳቸውን የቴክኖሎጂ ስታርት-አፕ የመሰረቱ፣ በድሮን ቴክኖሎጂ፣ በኢምቤድድ ሲስተምስ እና በሳይበር ደህንነት ዘርፍ ሀገራዊ ችግር ፈቺ ስራዎችን እየሰሩ ያሉ የካምፑ ፍሬዎችን ተመልክተናል።
እርስዎስ የዚህ አነቃቂ ጉዞ አካል ለመሆን ምን ይጠብቃሉ?

📅 የምዝገባ ማጠቃለያ ቀን፦ እስከ ግንቦት 17 / 2018 ዓ.ም ድረስ ብቻ!
የቴክኖሎጂ እና የሳይበር ተሰጥኦ ያላቸው፣ መስፈርቱን የሚያሟሉ ወጣቶች የተራዘመውን እድል ተጠቅማችሁ ፈጥናችሁ እንድትመዘገቡ እናሳስባለን።

🔗 የምዝገባ ሊንክ፦ https://ctc.insa.gov.et/registration
ፈጠራችሁን ወደ ተግባር ቀይራችሁ የሀገራችሁን የሳይበር ሉዓላዊነት የምታስከብሩበት መድረክ ይጠብቃችኋል!
#INSA #CyberTalent2018 #SummerCamp #CyberSecurity #DigitalEthiopia2030 #TechTalent

2,890

INSA - የኢንፎርሜሽን መረብ ደህንነት አስተዳደር - INSA

May 23, 2026, 07:01 PM

📷 Photo

የሳይበር ደህንነትን ማረጋገጥ ለስታቲስቲክስ ሉዓላዊነትና ለፖሊሲ ነጻነት መሰረት ነው - ወ/ሮ ትዕግስት ሃሚድ፡ የኢመደአ ዋና ዳይሬክተር

አዲስ አበባ፤ ግንቦት 10/2018 ዓ/ም፡- በዛሬው እለት በክቡር ጠቅላይ ሚኒስትር ዐቢይ አሕመድ (ዶ/ር) በይፋ በተከፈተውና “የመረጃ ሉዓላዊነት ለፖሊሲ ነጻነት'' በሚል መሪ ቃል በተዘጋጀው ሀገራዊ ጉባኤ ላይ ""የወደፊቱን መቅረጽ፡ በዲጂታል የጸና የስታቲስቲክስ ስነ-ምህዳር - Architecting the Future: A Digitally Fortified Statistical Ecosystem” በሚል ርዕስ የፓናል ውይይት ተካሂዷል።

በዚህ የፓናል ውይይት ላይ የኢንፎርሜሽን መረብ ደህንነት አስተዳደር (ኢመደአ) ዋና ዳይሬክተር ክብርት ወ/ሮ ትዕግስት ሃሚድ በፓናሊስትነት በመሳተፍ የመረጃ ደህንነትንና ሉዓላዊነትን በተመለከተ ማብራሪያ ሰጥተዋል።

ዋና ዳይሬክተሯ በፓናሉ ላይ ካነሷቸው ዋና ዋና ነጥቦች መካከል፤ በኢትዮጵያ ውስጥ ከዚህ ቀደም በአግባቡ የተደራጀ ዳታ ያለመኖሩ ወይም ይህንን መረጃ ለማግኘት ትልቅ ችግር እንደነበር ጠቅሰው፤ በአሁኑ ወቅት በኢትዮጵያ ስታቲስቲክስ አገልግሎት በኩል የተሰሩ ስራዎችና የተመዘገቡት ውጤቶች ትልቅ ሀገራዊ እምርታ መሆናቸውን ገልጸዋል።
ተጨማሪውን ለማንበብ፡- https://web.facebook.com/INSA.ETHIOPIA

2,300

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

"ረቂቅ አዋጁ የኢትዮጵያን የሳይበር ጥቃት የመከላከል አቅም የሚያጠናከርና ሀገራችን ወደ አዲስ ምዕራፍ የሚያሸጋግር ነው" --- የተከበሩ ፈትሂ ማህዲ (ዶ/ር)

የኢትዮጵያ ብሔራዊ ጥቅምን በማስጠበቅ የዲጂታል ሉዐላዊነቷን ለማስከበር ረቂቅ አዋጁ ፋይዳው የላቀ መሆኑን በህዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ ኮሚቴ ምክትል ሰብሳቢ የተከበሩ ፈትሂ ማህዲ (ዶ/ር) ገልጸዋል።

የኢትዮጵያን ቁልፍ መሠረተ ልማቶች የሳይበር ደህንነት ለማስጠበቅ ረቂቅ አዋጁ ፋይዳው የጎለ መሆኑን በህዝብ ይፋዊ ውይይቱ ተጠቁሟል ፡፡

የተከበሩ ፈትሂ ማህዲ (ዶ/ር) ይህንን ያሉት በኢትዮጵያ የቁልፍ መሠረተ ልማቶች የሳይበር ደህንነት ረቂቅ አዋጅ ላይ ይፋዊ የህዝብ ውይይት በተካሄደበት ወቅት ነው፡፡
ተጨማሪውን ለማንበብ፡- https://web.facebook.com/INSA.ETHIOPIA

1,030

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

🚀 የኢመደአ የ2018 ዓ.ም የሳይበር ታለንት ቻሌንጅ ሰመር ካምፕ ፕሮግራም ምዝገባ ተጀመረ!

የኢንፎርሜሽን መረብ ደህንነት አስተዳደር (ኢመደአ) #INSA ላለፉት 4 ተከታታይ ዓመታት በሳይበር ደህንነትና ተዛማጅ ዘርፎች ልዩ ተሰጥኦ ያላቸውን ታዳጊዎች በመለየትና በማሰልጠን ወደ ሳይበር ኢንዱስትሪው እንዲቀላቀሉ፣ ወደ ተቋሙ እንዲገቡ እንዲሁም የራሳቸውን ስታርታፕ እንዲጀምሩ አስችሏል።

በ2018 ዓ.ም ደግሞ ከቀደሙት ዓመታት በተሻለ አቅምና ዝግጅት 5ኛውን ዙር የሳይበር ታለንት ቻሌንጅ ሰመር ካምፕ ለማካሄድ ዝግጅቱን አጠናቋል። ፕሮግራሙ ከአንደኛ ደረጃ ትምህርት እስከ ዩኒቨርስቲ ተመራቂ ድረስ ያሉ ልዩ ተሰጥኦና ፍላጎት ያላቸውን ታዳጊ ወጣቶች ያካትታል።
📌 ምዝገባው ከሚያዚያ 29/2018 እስከ ግንቦት 10/2018 ዓ/ም ድረስ ይቆያል!
📌 ለመመዝገብ ብሔራዊ መታወቂያ (National ID) ያስፈልጋል!

💡 በሚከተሉት ዘርፎች ላይ ልዩ ፍላጎትና ተሰጥኦ ካላችሁ፦

🔹 ሳይበር ደህንነት

🔹 ዴቨሎፕመንት

🔹 ኢምቤድድ ሲስተም

🔹 ኤሮስፔስ

🔹 ኢመርጂንግ ቴክኖሎጂ
ተጨማሪውን ለማንበብ፡- https://web.facebook.com/INSA.ETHIOPIA

2,140

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

"የአምራች ዘርፉን የዲጂታላይዜሽን ጉዞ ከሳይበር ጥቃት ለመጠበቅ የሁሉንም ባለድርሻ አካላት ቅንጅት ይጠይቃል" - የኢመደአ ዋና ዳይሬክተር ወ/ሮ ትዕግስት ሃሚድ

በ"ኢትዮጵያ ታምርት ኤክስፖ 2018" ማዕቀፍ "የኢትዮጵያን የአምራች ዘርፍ የሥራ ፈጠራ አቅም ማሳደግ፦ በአስተዳደር፣ በዲጂታላይዜሽን እና የቤተሰብ ድርጅቶች ሚና" በሚል መሪ ቃል የፓናል ውይይት ተካሄዷል።

በመድረኩ ላይ በፓናሊስትነት የተገኙት የኢንፎርሜሽን መረብ ደኅንነት አስተዳደር (ኢመደአ) ዋና ዳይሬክተር ወይዘሮ ትዕግስት ሃሚድ፤ የዘርፉን የወደፊት አቅጣጫና ተያያዥ ስጋቶችን በተመለከተ ሰፊ ማብራሪያ ሰጥተዋል።

ዋና ዳይሬክተሯ በንግግራቸው፤ የዲጂታል ክህሎት ያላቸውን ባለሙያዎች ማፍራት (Talent Development) እና ብቁ የሆኑትን መለየት (Hunting) ከአምራች ዘርፉ ጋር በተቀናጀ መልኩ ሊከናወን እንደሚገባ ጠቁመዋል።
ተጨማሪውን ለማንበብ፡- https://web.facebook.com/INSA.ETHIOPIA

1,580

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

⚠️ ጥንቃቄ ለዲጂታል ደህንነታችን፡ “ሰርጎ ገብ - Intrusion” የሳይበር ጥቃት ምንድን ነው?

የኢንፎርሜሽን መረብ ደህንነት አስተዳደር (ኢመደአ) በቅርቡ ይፋ ባደረገው የ2018 በጀት ዓመት የ9 ወራት ሪፖርት መሠረት፣ በሀገራችን ላይ ከተሰነዘሩ ከ50 ሺህ በላይ የሳይበር ጥቃት ሙከራዎች መካከል “ሰርጎ ገብ - Intrusion” ቀዳሚውን ስፍራ ይዟል።

በሪፖርቱ መሠረት፡-
• ድምር የጥቃት ሙከራዎች፡ 50,155
• የሰርጎ ገብ ጥቃቶች ብዛት፡ 20,601 (41%)

ሰርጎ ገብ (Intrusion) ምንድን ነው?
ሰርጎ ገብ ጥቃት ማለት አንድ ያልተፈቀደለት አካል (Hacker) ወደ ግለሰቦች፣ የግል ድርጅቶች ወይም የመንግስት ተቋማት የኮምፒውተር መረብ፣ ሲስተም ወይም ዳታቤዝ ሰብሮ በመግባት መረጃዎችን ለመሰረቅ፣ ለማጥፋት ወይም ሲስተሙን ለመቆጣጠር የሚያደርገው ሙከራ ነው።

ጥቃቱ እንዴት ይከሰታል?
ተጨማሪውን ለማንበብ፡- https://web.facebook.com/INSA.ETHIOPIA

2,010

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

እንኳን ለ85ኛው የአርበኞች መታሰቢያ በዓል በሰላም አደረሳችሁ!

ቀደምት ጀግኖች አባቶቻችን እና እናቶቻችን በዱር በገደሉ ህይወታቸውን ገብረው የሀገራችንን ሉዓላዊነት እና ነጻነት አቆይተውልናል። ክብር ለነጻነታችን መሰረት ለሆኑት ጀግኖች አርበኞቻችን ይሁን!

በዚህ የዲጂታል ዘመን ደግሞ የጦር ሜዳው እና የትግሉ አውድ ተቀይሯል። የዘመኑ አርበኝነት ማለት የሀገርን የመረጃ ሉዓላዊነት (Data Sovereignty) ማስከበር እና የሳይበር ምህዳሩን ከተለያየ አቅጣጫ ከሚሰነዘሩ ጥቃቶች በንቃት መከላከል ነው።

ቴክኖሎጂን ለሀገር ግንባታ ማዋል፣ ዲጂታል መሰረተ-ልማቶቻችንን ከዘመናዊ ወረራ መጠበቅ፣ እንዲሁም ሀሰተኛ እና አጥፊ መረጃዎችን በመመከት የኢትዮጵያን ብሔራዊ ጥቅም እና ደህንነት ማስከበር የሁላችንም የዘመኑ አርበኝነት ሃላፊነት ነው።

ሁላችንም በዲጂታሉ ዓለም የሀገራችን አርበኞች እንሁን!
ሚያዚያ 27/2018 ዓ/ም
#INSA #ኢትዮጵያ #የአርበኞች_ቀን #የዘመኑ_አርበኝነት #CyberSecurity #CyberSovereignty #DigitalPatriotism

2,360

INSA - የኢንፎርሜሽን መረብ ደህንነት አስተዳደር - INSA

May 9, 2026, 09:24 AM

📷 Photo

ረቂቅ አዋጁ ቁልፍ መሠረተ ልማቶችን ከሳይበር ጥቃት ለመጠበቅ ሁነኛ መሣሪያ መሆኑ ተገለፀ

ሚያዚያ 26 ፣ 2018 ዓ.ም፤ በሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ ኮሚቴ የቁልፍ መሰረተ ልማቶች የሳይበር ደህንነት አዋጅን አስመልክቶ ከአስረጂዎች ጋር ውይይት አካሄደ።
የቋሚ ኮሚቴው ሰብሳቢ የተከበሩ ዲማ ኖጎ (ዶ/ር)፣ ረቂቅ አዋጁ ቁልፍ የመንግስትም ሆነ የግል መሠረተ ልማቶችን ከሳይበር ጥቃት መጠበቅ የሚያስችል መሣሪያ መሆኑን ገልፀው፣ ቋሚ ኮሚቴው ባለድርሻ አካላትን በማሳተፍ ረቂቅ አዋጁን በጥልቀት መርምሮ የውሳኔ ሀሳብ እንደሚያዘጋጅ ጠቁመዋል።
የቋሚ ኮሚቴው ምክትል ሰብሳቢ የተከበሩ ፈትሂ ማህዲ (ዶ/ር)፣ ዓለም ውስብስና ተለዋዋጭ በሆነ የቴክኖሎጂ ለውጥ ውስጥ ባለችበት በዚህ ወቅት ቴክኖሎጂን በመጠቀም ከፍተኛ የሳይበር ጥቃቶች እንደሚፈፀሙ ገልፀው፣ ረቂቅ አዋጁ ቁልፍ መሠረተ ልማቶችን ከእነዚህ ጥቃቶች በመጠበቅ የሀገርን ሉዓላዊነት በማረጋገጥ ረገድ አይነተኛ ፋይዳ እንደሚኖረው አመላክተዋል።
ምክትል ሰብሳቢው አክለውም ከፈንድ አሰባሰብ ጋር በተያያዘ ከግለሰብ የሚሰበሰብበት አግባብ አለመኖሩን በአዋጁ በግልፅ ማመላከት እንደሚገባ ጠቁመው ከቅጣት አጣጣል ጋር ያለውን ፍትሐዊነት፣ ከሀገራዊ እና አለም ዓቀፋዊ ህጎች ጋር ያለውን ተናባቢነት እንዲሁም ከሰብዓዊ መብት ጋር በተያያዘ ቋሚ ኮሚቴው በጥንቃቄ የሚያየው መሆኑን ገልፀዋል።
ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

ለዲጂታል ኢትዮጵያ ጉዞ ስኬት አስቻይ የሆኑ አዳዲስ ብሔራዊ የሳይበር ደህንነት ስታንዳርዶች

ኢትዮጵያ በሳይበር ምህዳር ላይ ያላትን ደህንነት እና ሉዓላዊነት ለማረጋገጥ የሚያስችሉ አምስት (5) አስገዳጅ የሳይበር ደህንነት ስታንዳርዶች፣ ሰላሳ አንድ (31) ጋይድላየኖች (Guidelines) እና ማዕቀፎች በኢትዮጵያ የደረጃዎች ቦርድ መጽደቃቸው ይታወሳል፡፡

እነዚህ ዓለም አቀፍ ስታንዳርዶች ለሀገራችን የሳይበር ደህንነትና ሉዓላዊነት መረጋገጥ ያላቸው ፋይዳ ምንድን ነው?

1. ለዲጂታል ኢትዮጵያ 2030 ስትራቴጂ ስኬት፡- ስታንዳርዶቹ የዲጂታል ሉዓላዊነታችንን ከማረጋገጥ ባሻገር የዲጂታል ኢትዮጵያ 2030ን ራዕይ ዕውን ለማድረግ የጀርባ አጥንት ናቸው። ደህንነቱ የተጠበቀ የሳይበር ምህዳርን በመፍጠር በተቋማትና በዜጎች ዘንድ እምነትን (Building Trust) ይገነባሉ። በተጨማሪም ቀልጣፋና ተከታታይነት ያለው የኤሌክትሮኒክ መንግስት አገልግሎትን (E-Government) በማሳለጥ፣ ዓለም አቀፍ ተወዳዳሪነትን በመፍጠር እና የውጭ ኢንቨስትመንትን በስፋት ለመሳብ የሚያስችል ጠንካራ የህግና የቁጥጥር ማዕቀፍ ይፈጥራሉ።

2. የቁልፍ መሰረተ-ልማት የሳይበር ደህንነት አዋጅን ከማስፈጸም አኳያ፡- በቅርቡ በሚኒስትሮች ምክር ቤት ታይቶ ወደ ሕዝብ ተወካዮች ም/ቤት የተላከው “የቁልፍ መሰረተ ልማት የሳይበር ደህንነት ረቂቅ አዋጅ” የታለመለት ግብ ላይ እንዲደርስ እነዚህ አስገዳጅ ስታንዳርዶች ቁልፍ መሳሪያ ናቸው። የፋይናንስ፣ የቴሌኮም፣ የኃይል፣ የጤና እና ሌሎች ሀገራዊ የጀርባ አጥንት የሆኑ ተቋማትን ደህንነት ከሳይበር ጥቃት በመጠበቅ የሀገርን ብሄራዊ ጥቅም ያረጋግጣሉ።
ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

የኢንፎርሜሽን መረብ ደህንነት አስተዳደር (ኢመደአ) ባለፉት 9 ወራት ውስጥ በሀገሪቱ ቁልፍ መሰረተ-ልማቶች ላይ ከተሰነዘሩ 50,155 የሳይበር ጥቃት ሙከራዎች ውስጥ 99 በመቶውን  ሙሉ በሙሉ ማክሸፍ ችሏል።

1,320

31

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

ኢመደአ ለዲጂታል ንግድና ለመንግስታዊ የኦንላይን አገልግሎቶች ወሳኝ የሆነውን የብሔራዊ ሩት ሰርተፍኬት ስነ-ስርዓት አከናወነ።

አዲስ አበባ፤ሚያዚያ 20/2018 ዓ.ም፦ የኢንፎርሜሽን መረብ ደህንነት አስተዳደር (ኢመደአ) ለሀገራዊ የዲጂታል ደህንነትና ለታማኝ የመረጃ ልውውጥ መሰረት የሚጥል "የሩት ሰርተፍኬት የቁልፍ ስነ-ስርዓት" (Root Certificate Key Ceremony) ዛሬ በይፋ አከናውኗል።

የመጀመሪያው የሆነው የዚሁ ብሔራዊ የሩት ሰርተፍኬት አስተዳደር ማስጀመሪያ መርሃ-ግብር፤ የኢመደአ ዋና ዳይሬክተር ወ/ሮ ትግስት ሃሚድ እና የዘጠኝ የመንግስት ተቋማት ከፍተኛ አመራሮች በተገኙበት ተካሂዷል።

"በመርሃ ግብሩ ላይ የተገኙት የኢመደአ ዋና ዳይሬክተር ወይዘሮ ትዕግስት ሃሚድ፤ የዲጂታል ሰርተፍኬት መሠረተ-ልማት ለዲጂታል ንግድ (e-Commerce) እና ለመንግስታዊ የኦንላይን አገልግሎቶች (e-Government) ስኬታማነት ወሳኝ ሚና እንደሚጫወት ገልጸዋል።

ይህ መሠረተ-ልማት በዲጂታል ስርዓቱ ላይ የሚኖረውን አመኔታ ከማሳደጉም ባለፈ፣ ማንኛውም የመረጃ ልውውጥ በከፍተኛ የደህንነት ጥበቃ እንዲከናወን የሚያስችል መሆኑንም ዋና ዳይሬክተሯ አብራርተዋል።"

አስተዳደሩ ከዚህ ቀደም መሰል የዲጂታል ደህንነት ድጋፎችን ሲያደርግ መቆየቱን ያስታወሱት ወ/ሮ ትዕግስት፤ በተለይም ለኤሌክትሮኒክ ደረሰኝ አሰራር፣ ለፓስፖርት ዝግጅት እና ለብሔራዊ መታወቂያ (ፋይዳ) ስራዎች አስፈላጊው የዲጂታል ሰርተፍኬት ቀደም ብሎ መሰጠቱን ጠቁመዋል። የዛሬው መርሃ-ግብርም የዚሁ ሀገራዊ የዲጂታል ትራንስፎርሜሽን ጉዞ አካል መሆኑን አስገንዝበዋል።

ይህ የሩት ሰርተፍኬት አስተዳደር አራት ዋና ዋና የደህንነት...

ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

ኢመደአ በ9 ወራት የተሰነዘሩ ከ50 ሺህ በላይ የሳይበር ጥቃት ሙከራዎችን በማክሸፍ የዲጂታል ሉዓላዊነትን የማስጠበቅ ስራውን በብቃት እየተወጣ መሆኑን ዋና ዳይሬክተሯ ወ/ሮ ትዕግስት ሃሚድ ገለጹ።

የኢንፎርሜሽን መረብ ደህንነት አስተዳደር (ኢመደአ) የ2018 በጀት ዓመት የዘጠኝ ወራት የእቅድ አፈጻጸም ሪፖርቱን ገምግሟል።

ይህ አፈጻጸም የሀገራችንን የ"ዲጂታል ኢትዮጵያ 2030" ስትራቴጂያዊ ራዕይ ከማሳካት፣ ብሔራዊ ደህንነትን ከማረጋገጥ እንዲሁም ኢትዮጵያ በሳይበር ደህንነት ዘርፍ ያላትን ቀጠናዊና ዓለም አቀፋዊ ተጽዕኖ ፈጣሪነት ይበልጥ ከማሳደግ አኳያ ትልቅ ትርጉም ያለው መሆኑ በግምገማው ተገልጿል።

ባለፉት ዘጠኝ ወራት በሀገሪቱ ቁልፍ መሰረተ-ልማቶችና ተቋማት ላይ 50,155 (ሃምሳ ሺህ አንድ መቶ ሃምሳ አምስት) የሳይበር ጥቃት ሙከራዎች የተሰነዘሩ ሲሆን፤ ከዚህ መካከል ሰርጎ ገብ (Intrusion) በ20,601 የጥቃት ሙከራዎች ከፍተኛውን ወይም 41% በመቶ ሸፍኗል።

አስተዳደሩ ባደረገው የነቃ የ24 ሰዓት ክትትልና በዘረጋው የላቀ የመከላከያ አቅም ከእነዚህ ጥቃቶች ውስጥ 99 በመቶ የሚያህሉትን ሙሉ በሙሉ ማክሸፍ ተችሏል።
የኢመደአ ዋና ዳይሬክተር ክብርት ወ/ሮ ትዕግስት ሃሚድ በመድረኩ ላይ እንደገለጹት፤ ተቋሙ በስትራቴጂካዊ እቅዱ ከያዛቸው አምስት ዋና ዋና የትኩረት መስኮች አንፃር ባለፉት ዘጠኝ ወራት አበረታች ስኬቶች መመዝገባቸዉን ገልጸዋል።
ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

ከይለፍ-ቃል (Password) ወደ ማለፊያ-ቁልፍ (Passkey)፡ የዲጂታል ደህንነታችንን እናሳድግ!

Passkey (የማለፊያ-ቁልፍ) ምንድን ነው?
ይህ አዲስ ቴክኖሎጂ በስልካችን ወይም በኮምፒውተራችን ላይ የሚቀመጡ ክሪፕቶግራፊክ (Cryptographic) ቁልፎችን የሚጠቀም ሲሆን፤ የጣት አሻራን (Fingerprint) ወይም የፊት ገጽታን (Facial recognition) በመጠቀም በቀላሉ ወደ አካውንታችን እንድንገባ ያስችለናል። ይህ ማለት ከዚህ በኋላ ረጅም እና ውስብስብ የይለፍ-ቃላትን ማስታወስ ላያስፈልገን ይችላል። በአሁኑ ወቅት እንደ አፕል (Apple)፣ ጉግል (Google)፣ ማይክሮሶፍት (Microsoft) እና ኤክስ (X) የመሳሰሉ ታላላቅ የቴክኖሎጂ ተቋማት ይህንን አሰራር በስፋት እየደገፉት ይገኛሉ።

በሀገራችን ኢትዮጵያ የዲጂታል ኢኮኖሚ እና አገልግሎቶች በፍጥነት እያደጉ ባለበት በአሁኑ ወቅት፤ የሳይበር ጥቃቶች እና የመረጃ ስርቆቶችም በተመሳሳይ እየጨመሩ ይገኛሉ። በመሆኑም የማለፊያ-ቁልፎች (Passkeys) አጠቃቀም ከማጭበርበር (Phishing) እና ከመለያ ስርቆት የላቀ ጥበቃን ይሰጡናል።
ይሁን እንጂ የሳይበር ደህንነት ባለሙያዎች እንደሚያስጠነቅቁት፤ ይህ ቴክኖሎጂ ገና በሁሉም ድረ-ገጾች እና መተግበሪያዎች ላይ ሙሉ ለሙሉ ስላልተተገበረ ብቻውን የመጨረሻ መፍትሄ ሊሆን አይችልም።


እንዴት ልንጠቀመው እንችላለን?
አብዛኛዎቻችን በስማርት ስልኮቻችን ላይ የምንጠቀማቸው የጉግል እና አፕል አካውንቶች የ Passkey አገልግሎትን ጀምረዋል። በስልካችሁ “Security Settings” ውስጥ በመግባት "Passkeys" የሚለውን በመምረጥ ማስተካከል ትችላላችሁ።

2,480

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

🛡 የልጆችዎን የሳይበር ደህንነት እንዴት ይጠብቃሉ?

በዚህ የዲጂታል ዘመን ልጆቻችንን ከሳይበር አደጋዎች መጠበቅ የነገዋን ሀገር እንደመገንባት ይቆጠራል። በመሆኑም ወላጆች እነዚህን 4 አጫጭር ነጥቦች በመተግበር ልጆቻቸውን ሊጠብቁ ይገባል፦

🔹 1. ግልጽ ውይይት ያድርጉ፡- ቴክኖሎጂን ከመከልከል ይልቅ፤ ልጆች በቲክቶክ፣ ቴሌግራም ወይም ጌሞች ላይ የሚያጋጥሟቸውን ያልተገቡ ምስሎችም ሆነ ትንኮሳዎች ሳይደብቁ እንዲነግሩዎት የጓደኝነት ድባብ ይፍጠሩ።

🔹 2. የቁጥጥር መተግበሪያዎችን ይጠቀሙ (Parental Controls)፡- እንደ “Google Family Link” ያሉትን በመጠቀም ልጆችዎ የሚጎበኙትን ድረ-ገጽ እና በስልክ የሚያሳልፉትን ጊዜ ይቆጣጠሩ።

🔹 3. የግል መረጃ አያያዝን ያስተምሩ፡- ልጆች ሙሉ ስማቸውን፣ ትምህርት ቤታቸውን፣ ያሉበትን ቦታ (Location)፣ እንዲሁም የቤተሰብ መረጃን በኢንተርኔት ለማያውቁት ሰው እንዳይሰጡ በጥብቅ ያስጠንቅቁ።

🔹 4. ከአጭበርባሪ ሊንኮች ይጠብቁ (Phishing)፡- "ነፃ ሽልማት ደርሶሃል" በሚሉ አጭበርባሪ መልዕክቶች እንዳይታለሉ እና የይለፍ ቃላቸውን (Password) ለማንም እንዳይሰጡ ያስተምሩ።

በሀገራችን የዲጂታል ክፍያዎች (እንደ ሞባይል ባንኪንግ፣ ቴሌብር ወዘተ) አጠቃቀም በፍጥነት እያደገ ነው። ልጆች ባለማወቅ የወላጆችን ስልክ ወስደው ለተለያዩ የኢንተርኔት ጌሞች ክፍያ እንዳይፈጽሙ ወይም ለአጭበርባሪዎች የባንክ መረጃ እንዳያጋልጡ የስልክዎን የይለፍ-ቃል (Password/PIN) ሚስጥራዊነት ይጠብቁ!
#Ethiopia #INSA #DigitalEthiopia2030 #CyberSecurity #OnlineSafety #KidsOnline #CyberAwareness

2,230

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

የኢመደአ የታለንት ልማት ማዕከል ተማሪዎች በሳይንስና ፈጠራ ስራ ውድድር የላቀ ድል አስመዘገቡ! 🏆

በኢንፎርሜሽን መረብ ደህንነት አስተዳደር (ኢመደአ) ስር የሚገኘው የታለንት ልማት ማዕከል የ4ኛው ዙር የክረምት ካምፕ (Summer Camp) ተሳታፊ ተማሪዎች በአዲስ አበባ ከተማ አስተዳደር ደረጃ በተካሄዱ የፈጠራ እና ሳይንስ ውድድሮች ላይ ተሳትፈው አንጸባራቂ ድል ተቀዳጅተዋል።

በክፍለ ከተማና በከተማ አቀፍ ደረጃ በተካሄዱት በእነዚህ የፈጠራ ውድድሮች ላይ፦

✅ በአይሲቲ (ICT) እና በልዩ ፍላጎት ዘርፎች ከክፍለ ከተማ ደረጃ 4 ፕሮጀክቶች 1ኛ በመውጣት አሸንፈዋል።
✅ በከተማ አቀፍ ደረጃ ደግሞ 2 ፕሮጀክቶች የላቀ ብቃታቸውን በማሳየት የ1ኛነት ደረጃን ተቆናጠዋል።
ተጨማሪውን ለማንበብ፡- https://web.facebook.com/INSA.ETHIOPIA

2,640

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

በኢንፎርሜሽን መረብ ደህንነት አስተዳደር #INSA በየሳምንቱ የሚዘጋጀው “ሳይበርኛ” የቴሌቪዥን ፕሮግራም፤ በዚህ ሳምንት “የራስን መረጃ በራስ ቋት” በሚል ርዕስ ተቋማችን ከሚሰጣቸው ቁልፍ አገልግሎቶች አንዱ ስለሆነው “Gotera Cloud - ጎተራ ክላውድ” ሰፊ ዳሰሳ አድርጓል፡፡ የራስዎን እና የተቋምዎን መረጃዎች በሀገር ውስጥ፣ በአስተማማኝ እንዲሁም ደህንነቱ በተጠበቀ ሁኔታ ስለማከማቸት በቂ ግንዛቤ የሚሰጠውን ይህንን ፕሮግራም ከታች በተያያዘው የዩቲዩብ ማስፈንጠሪያ (Link) በመግባት ሙሉ ዝግጅቱን እንዲከታተሉ በአክብሮት እንጋብዛለን!
👉 ቪዲዮውን ለማየት፡ https://youtu.be/wLILnX5ML7M
#INSA #DigitalEthiopia2030 #Cyberigna #GoteraCloud #CloudStorage #CyberSecurity

Video Thumbnail

3,170

17

INSA - የኢንፎርሜሽን መረብ ደህንነት አስተዳደር - INSA

May 2, 2026, 05:42 AM

📷 Photo

ማይክሮሶፍት ኮፓይለትን (Microsoft Copilot) የተመለከተ አዲስ መመሪያ ይፋ አደረገ

ማይክሮሶፍት ከሚያዝያ 2026 (እ.ኤ.አ.) የደህንነት ማሻሻያዎች በኋላ የኢንፎርሜሽን ቴክኖሎጂ (IT) አስተዳዳሪዎች የማይክሮሶፍት ኮፓይለትን (Microsoft Copilot) ከተቋማት ኮምፒውተሮች እና ሲስተሞች ላይ እንዲያነሱ (Uninstall) የሚያስችል አዲስ መመሪያ አስተዋውቋል። ይህ አሰራር እንደ 'Microsoft Intune' እና 'System Center Configuration Manager' ባሉ ቱሎች አማካኝነት በዊንዶውስ 11 (Windows 11) ሲስተሞች ላይ ኮፓይለትን ያለምንም መስተጓጎል በተቆጣጠረ መልኩ ለማንሳት ያስችላል።

ይህ ማሻሻያ በዓለም አቀፍ ደረጃ አርቴፊሻል ኢንተለጀንስ (AI) አስተዳደር ላይ እያደገ የመጣውን ትኩረት የሚያሳይ ሲሆን፤ በተለይም የመረጃ ደህንነት (Data Protection) ከፍተኛ ጥንቃቄ በሚጠይቅባቸው የተቋማት አከባቢዎች ላይ ከፍተኛ ጠቀሜታ አለው። በቅርቡ ኮፓይለት ሚስጥራዊነት ያላቸውን ኢ-ሜይሎች ከማጠቃለል (Summarize) ጋር በተያያዘ የፈጠራቸው ስህተቶች በመረጃ ደህንነት ላይ ስጋቶችን አሳድሮ ቆይቷል።

ይህን አዲስ አሰራር የኤ.አይ (AI) አጠቃቀምን በተሻለ ሁኔታ ለመቆጣጠርና ሚስጥራዊ የሆኑ የመንግስት መረጃዎችን (Data) ከስጋት ለመጠበቅ ከፍተኛ ጥቅም የሚሰጥ ሲሆን፤ የዲጂታል ሉዓላዊነትን (Digital Sovereignty) እና የስጋት አስተዳደርን (Risk Management) የበለጠ የሚያጠናክር ነው።

2,880

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

የይለፍ ቃላት (Passwords) ዘመን እያበቃለት ይሆን?

አብዛኛዎቹ ዘመናዊ የሳይበር ጥቃቶች የሚጀምሩት በተሰረቁ የተጠቃሚ መለያዎች መሆኑን ተከትሎ፣ የይለፍ ቃላት (Passwords) ለከፍተኛ የሳይበር ጥቃት ተጋላጭ መሆናቸው ተገለጸ።
በቅርቡ የወጡ የደህንነት ጥናቶች እንደሚያመለክቱት፣ ይህ ተጋላጭነት እየሰፋ በመምጣቱ የቴክኖሎጂ ባለሙያዎች "የይለፍ ቃል አስተማማኝነቱ እያበቃ ነው" የሚል ማስጠንቀቂያ እየሰጡ እንደሚገኝ ተገልጿል።

የመረጃ መንታፊዎች ሰራተኞችን ለማታለል እውነተኛ የሚመስሉ የሐሰት መግቢያ ገጾችን በመጠቀም መረጃዎችን እየሰረቁ መሆናቸው ተነግሯል።
በዚህም የተጠቃሚን መዘናጋት በመጠቀም የብዙ-ደረጃ ማረጋገጫን (MFA) በመጥለፍ ወደ ተቋማት ሚስጥራዊ መረጃ ሰርገዉ መግባት መቻላቸው የችግሩን አሳሳቢነት ጨምሮታል።
በተለይ አርቴፊሻል ኢንተለጀንስ (AI) የሳይበር ወንጀለኞች የሚልኳቸውን መልዕክቶች ይበልጥ አሳማኝ እንዲሆኑና ሰዎችን በቀላሉ እንዲያታልሉ ትልቅ እገዛ እያደረገላቸው እንደሚገኝ ተመልክቷል።
ተጨማሪውን ለማንበብ፡- https://web.facebook.com/INSA.ETHIOPIA

2,960

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

ሲስኮ (Cisco) በምርቶቹ ላይ አራት እጅግ አደገኛ የሆኑ የደህንነት ክፍተቶች መገኘታቸውን አስታወቀ

ሲስኮ (Cisco) በቅርቡ ባወጣው መግለጫ በምርቶቹ ላይ አራት እጅግ አደገኛ (Critical) የሆኑ የደህንነት ክፍተቶች መገኘታቸውን ያስታወቀ ሲሆን፤ በተለይም የ “Webex” እና “ISE” ስርዓቶችን የሚጠቀሙ የመንግስትም ሆነ የግል ተቋማት በአስቸኳይ የደህንነት ማሻሻያዎችን (Security Updates) እንዲያደርጉ አሳስቧል።

ከክፍተቶቹ መካከል አንዱ የሲስኮ ዌቤክስ (Cisco Webex Services) ክፍተት (CVE-2026-20184) ሲሆን ይህ ክፍተት የሳይበር ጥቃት አድራሾች የሌላ ህጋዊ ተጠቃሚን ማንነት ወስደው (Impersonate) ያለምንም ፈቃድ ወደ ሲስተም ሰብረው እንዲገቡ የሚያስችል ነው። በዚህም ሲስኮ ክፍተቱን የደፈነው ቢሆንም፤ ተቋማት “Single Sign-On” ሲስተምን የሚጠቀሙ ከሆነ የዕለት ተዕለት የስራ እና የኮሙኒኬሽን አገልግሎት መቋረጥ እንዳያጋጥማቸው አዲስ የ “SAML certificate” ወደ መቆጣጠሪያ ማዕከሉ (Control Hub) መጫን እንዳለባቸው አሳስቧል።

ሌሎቹ የሲስኮ ISE ክፍተቶች (CVE-2026-20147, CVE-2026-20180, እና CVE-2026-20186) ሲሆኑ፤ በተጨማሪም በ “Identity Services Engine (ISE)” የፖሊሲ መቆጣጠሪያ ላይ ሶስት አደገኛ ክፍተቶች መገኘታቸውም ተጠቁሟል። እነዚህ ክፍተቶች አጥቂዎች አድሚኒስትሬተር (Admin) መግቢያ ካገኙ ሲስተሙን ሙሉ በሙሉ እንዲቆጣጠሩ እና የፈለጉትን ትዕዛዝ እንዲያስተላልፉ እድል የሚሰጡ ናቸው፡፡

ባለፈው ወር ብቻ በሌላ የሲስኮ ምርት (FMC) ላይ በነበረ ክፍተት አጥቂዎች የራንሰምዌር (Ransomware) ጥቃት ማድረሳቸው ይታወሳል።

3,040

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

ጎግል ክሮም የግል መረጃ መንታፊዎችን ጥቃት የሚመክት አዲስ የደህንነት መከላከያ ስርዓት አስተዋወቀ

የጎግል የደህንነት ተመራማሪዎች የኢንተርኔት ተጠቃሚዎችን የግል መረጃ ከሚመነትፉ ሶፍትዌሮች #Infostealers ለመከላከል የሚያስችል አዲስ መከላከያ በጎግል ክሮም ብሮውዘር ላይ መተግበሩን አስታወቁ።

ከመሣሪያ ጋር የተቆራኘ የቆይታ ማረጋገጫ (Device Bound Session Credentials) ተብሎ የሚጠራው ይህ አዲስ አሰራር፣ በተለይ የሰዎችን የድረ-ገጽ ቆይታ መረጃዎች #Cookies በመስረቅ የሚፈጸምን የሳይበር ጥቃት ሙሉ በሙሉ ለማስቀረት ታስቦ የተዘጋጀ ነው።

ኩኪዎች አንድን ድረ-ገጽ ሲጎበኙ ድረ-ገጹ ስለ እርስዎ መረጃ እንዲያስታውስ (ለምሳሌ የይለፍ ቃል ሳይጠይቁዎት እንዲቆዩ ወይም የመረጡትን ቋንቋ እንዲይዝ) በብሮውዘርዎ አማካኝነት በኮምፒውተርዎ ላይ የሚቀመጡ ትናንሽ የመረጃ ፋይሎች ናቸው።

ምንም እንኳ እነዚህ ፋይሎች ለድረ-ገጾች ቅልጥፍና አስፈላጊ ቢሆኑም፣ እስካሁን ባለው አሰራር ሌቦች አንዴ የእርስዎን "ኩኪ" (ወደ አካውንትዎ ለመግባት የሚያገለግል ዲጂታል ፈቃድ) ከሰረቁ፣ የእርስዎን የይለፍ ቃል ሳያስፈልጋቸው ወደ ግል ማህበራዊ ገጾችዎ ወይም የባንክ አካውንትዎ መግባት ይችላሉ።

አዲሱ ቴክኖሎጂ ይህንን ክፍተት የሚደፍነው የእርስዎን የድረ-ገጽ ቆይታ ከሚጠቀሙበት ኮምፒውተር ሃርድዌር ጋር በጥብቅ በማቆራኘት ሲሆን ሲስተሙ በመሣሪያዎ ውስጥ ብቻ የሚቀመጥና ሊሰረቅ ወይም ሊቀዳ የማይችል ልዩ "ዲጂታል ቁልፍ" ይፈጥራል ተብሏል።

በዚህም ምክንያት መረጃ መንታፊዎች የእርስዎን ኩኪዎች ቢሰርቁ እንኳ፣ ያ ልዩ የሃርድዌር ቁልፍ በሌላው ማሽን ላይ ስለማይገኝ የተሰረቀው መረጃ ...

ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

ማይክሮሶፍት የሚያዝያ 2026 የሳይበር ደህንነት ማሻሻያ ይፋ አደረገ

ማይክሮሶፍት የሚያዝያ 2026 ወርሃዊ የደህንነት ማሻሻያውን (Patch Tuesday) ይፋ ያደረገ ሲሆን፣ በዚህም 167 የሳይበር ደህንነት ክፍተቶችን ዘግቷል። ከእነዚህም ውስጥ ሁለት አስቀድመው ያልታወቁ (Zero-day) ክፍተቶች የሚገኙበት ሲሆን፣ አንደኛው በአሁኑ ወቅት በሳይበር ጥቃት አድራሾች በተግባር ጥቅም ላይ እየዋለ ያለ አደገኛ ክፍተት እንደሆነም ተገልጿል።

ይህ ማሻሻያ 8 እጅግ አደገኛ (critical) ክፍተቶችን ያካተተ ሲሆን፣ አብዛኛዎቹ ጥቃት አድራሾች በርቀት ሆነው የድርጅት ኮምፒውተሮችን እንዲያዙ ወይም አደገኛ ትዕዛዞችን እንዲያስኬዱ (remote code execution) የሚያስችሉ ናቸው። በተለይም በ “SharePoint” ላይ የማታለል ጥቃት (spoofing) ለማድረስ የሚያስችለው ክፍተት (CVE-2026-32201) በጥቃት አድራሾች ጥቅም ላይ የዋለ ሲሆን፤ በተጨማሪም በ “Microsoft Defender” ላይ ያልተገባ የቁጥጥር ደረጃ (privilege escalation) ለማግኘት የሚያስችለው ክፍተትም በዚሁ ማሻሻያ ተዘግቷል።

በሌላ በኩል የተለያዩ የማይክሮሶፍት ኦፊስ (Word, Excel, PowerPoint) ክፍተቶችም የተጠገኑ ሲሆን፤ አንዳንዶቹ አደገኛ ሰነዶችን (malicious documents) በመክፈት ወይም የፋይሉን ቅድመ እይታ (preview pane) በመመልከት ብቻ ለጥቃት ሊያጋልጡ የሚችሉ ነበሩ።

በመሆኑም በሀገራችን የሚገኙ የመንግስትም ሆነ የግል ተቋማት (በተለይም ባንኮች እና የፋይናንስ ተቋማት) ከእነዚህ ወቅታዊ የሳይበር ጥቃቶች መረጃዎቻቸውን ለመጠበቅ፤ የ Windows፣ SharePoint እና Office ሶፍትዌሮቻቸውን በአስቸኳይ ማዘመንን (Update) ይኖርባቸዋል።

3,110

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

መልካም የስቅለት በዓል!!
ለመላው የክርስትና እምነት ተከታይ ኢትዮጵያውያን እና የኢንፎርሜሽን መረብ ደህንነት አስተዳደር አባላት መልካም የስቅለት በዓል! በዓሉ የሰላም፣ የፍቅር እና የበረከት እንዲሆን እንመኛለን፡፡

3,180

37

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

የኢመደአ ዋና ዳይሬክተር የ2018 ዓ.ም የትንሳኤ በዓልን አስመልክቶ የእንኳን አደረሳችሁ መልዕክት አስተላለፉ

የኢንፎርሜሽን መረብ ደህንነት አስተዳደር (ኢመደአ) ዋና ዳይሬክተር ወ/ሮ ትዕግስት ሃሚድ፤ የ2018 ዓ.ም የትንሳኤ በዓልን ምክንያት በማድረግ ለመላው የክርስትና እምነት ተከታይ ኢትዮጵያውያንና ለተቋሙ አባላት የእንኳን አደረሳችሁ መልዕክት አስተላልፈዋል።

ዋና ዳይሬክተሯ በመልእክታቸው በዓሉ የሰላም፣ የፍቅርና የደስታ እንዲሆን መልካም ምኞታቸውን ገልጸዋል።
የትንሳኤ በዓል ጨለማ በብርሃን የተተካበት ፣ ሞት ድል የተነሳበት ታላቅ ሃይማኖታዊ በዓል መሆኑን የጠቀሱት ዋና ዳይሬክተሯ፤ በዓሉ ከምንም በላይ ታላቅ ፍቅር የተገለጠበት፣ እርቅና ሰላም የሰፈነበት በመሆኑ ህዝበ ክርስቲያኑ የተጣሉትን በማስታረቅ፣ የተራቡትን ማዕድ በማጋራትና የተቸገሩትን በመርዳት ሊያከብረው እንደሚገባ አሳስበዋል።

በተለይም በሀገራችን ያለውን የአብሮነትና የመደጋገፍ እሴት በማጠናከር በዓሉን በደስታ፣ በፍቅርና በሰላም እንዲያሳልፉ ጥሪያቸውን አቅርበዋል። ዋና ዳይሬክተሯ አያይዘውም በዓላትን ስናከብር ደስታችን ሙሉ ይሆን ዘንድ በዲጂታል መስተጋብሮቻችን ላይ ከፍተኛ ጥንቃቄ ማድረግ እንደሚገባም አሳስበዋል።

በዚህ ወቅት የሕዝቡን የደስታ ስሜት እንደ አጋጣሚ በመጠቀም የሚፈጸሙ የሳይበር ጥቃቶች ስለሚጨምሩ፤ “የፋሲካ ስጦታ ደርሶዎታል” በሚሉ አሳሳች ሊንኮች የግል መረጃን ከመስጠት መቆጠብ፣ “የባንክ አካውንትዎ ተዘግቷል” በሚሉ የሐሰት ጥሪዎች የሚስጥር ቁጥርን (PIN) አሳልፎ አለመስጠት፣ እንዲሁም በማኅበራዊ ሚዲያ የሚሰራጩ የሐሰት መረጃዎችን ከማጋራት በፊት ምንጫቸውን ማረጋገጥ ይገባል።

በመሆኑም እያንዳንዱ ዜጋ የራሱ የሳይበር ደህንነት ዘብ በመሆን ራሱንና ሀገሩን ከጥቃት እንዲከላከል ጥሪያቸውን አስተላልፈዋል።

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

ኢትዮጵያ በሳይበር ደህንነት ዘርፍ ያላትን ተሞክሮና ራዕይ በ ጂአይቴክስ አፍሪካ 2026 አቀረበች

የኢንፎርሜሽን መረብ ደህንነት አስተዳደር (ኢመደአ) ዋና ዳይሬክተር ክብርት ወ/ሮ ትዕግስት ሃሚድ በሞሮኮ እየተካሄደ በሚገኘው " GITEX Africa 2026" ዓለም አቀፍ የቴክኖሎጂ ጉባኤ ላይ "የማይበገር ሀገራዊ የሳይበር ደህንነት አቅም መገንባት - Building a Cyber-Resilient Nation” በሚል ርዕስ በተዘጋጀው ስትራቴጂካዊ የመሪዎች የፓናል ውይይት ላይ ተሳታፊ በመሆን የኢትዮጵያን ተሞክሮ አጋርተዋል።

ክብርት ዋና ዳይሬክተሯ በውይይቱ ወቅት ኢትዮጵያ በሳይበር ደህንነት ረገድ የነበራትን "ጥቃት ከተፈጸመ በኋላ የማገገም" (Reactive Recovery) አካሄድ ወደ "ቀዳሚ ባለቤትነት እና ሉዓላዊ ጥበቃ" (Sovereign Proactivity) መቀየሩን ገልጸዋል። ይህም የሳይበር ጥቃቶች ከመከሰታቸው በፊት አስቀድሞ ለመከላከል የሚያስችል ቴክኖሎጂ፣ የሰው ኃይል እና መሰረተ-ልማት የመገንባት ስትራቴጂ መሆኑን አብራርተዋል።

ኢትዮጵያ ዲጂታል ሉዓላዊነቷን ለማረጋገጥ እየወሰደቻቸው ያሉትን ተግባራዊ እርምጃዎች የዘረዘሩት ዋና ዳይሬክተሯ፤ ብሔራዊ የሳይበር ደህንነት ፖሊሲ ተዘጋጅቶ ተፈጻሚ መሆኑ፣ ወሳኝ የመሠረተ ልማት ተቋማት የሳይበር ደህንነታቸውን እንዲጠብቁ የሚያስገድድ አዋጅ መዘጋጀቱ፣ እንዲሁም የሕዝብ ቁልፍ መሰረተ ልማት (Public Key Infrastructure - PKI) እና የሉዓላዊ የመንግስት ክላውድ (Sovereign Government Cloud) ግንባታን በዋቢነት ጠቅሰዋል። ቀደም ሲል የነበሩ ውስንነቶችን ማለትም በውጭ ቴክኖሎጂዎች ላይ የነበረን ጥገኝነት እና የሰው ኃይል ፍልሰትን...
ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

ፈጣን የቴክኖሎጂ ሽግግር እና የሳይበር ደህንነት ተነጣጥለው የሚታዩ ጉዳዮች አይደሉም - ክብርት ወ/ሮ ትዕግስት ሃሚድ: የኢመደአ ዋና ዳይሬክተር

የኢንፎርሜሽን መረብ ደህንነት አስተዳደር (ኢመደአ) ዋና ዳይሬክተር ክብርት ወ/ሮ ትዕግስት ሃሚድ በሞሮኮ እየተካሄደ በሚገኘው የቴክኖሎጂ ጉባኤ (GITEX Africa 2026) ላይ የኢትዮጵያን የሳይበር ደህንነት ስትራቴጂ እና የአፍሪካን ዲጂታል ጉዞ የተመለከቱ ገለጻዎችን አድርገዋል። ክብርት ዋና ዳይሬክተሯ “Cyber Risk at Scale: Securing Infrastructure Without Slowing Growth” በሚል ርዕስ በተዘጋጀው የባለሙያዎች የፓናል ውይይት መድረክ ላይ ተሳታፊ በመሆን በኢትዮጵያ እየተተገበረ ያለውን "ዲጂታል ኢትዮጵያ 2030" ብሄራዊ ራዕይ እና የሳይበር ሉዓላዊነትን የማረጋገጥ ስራዎችን አብራርተዋል።

ክብርት ዋና ዳይሬክተሯ በንግግራቸው "አንዱን ጥሎ አንዱን አንጠልጥሎ" የሚለውን የኢትዮጵያውያን አባባል በመጥቀስ፤ ፈጣን የቴክኖሎጂ ሽግግር እና የሳይበር ደህንነት ተነጣጥለው የሚታዩ ጉዳዮች አለመሆናቸውን ገልጸዋል። አያይዘውም የሳይበር ደህንነትን ገና የቴክኖሎጂ ስራዎች ሲታቀዱ ጀምሮ አብሮ የመቅረጽ (Secure-by-Design) አስፈላጊነት ላይ አጽንኦት ሰጥተዋል።
ተጨማሪውን ለማንበብ፡- https://web.facebook.com/INSA.ETHIOPIA

4,390

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

የሳይበር ደህንነት ገዢ ማዕቀፎች እና የዝግጁነት ዳሰሳ ዙሪያ የግንዛቤ ማስጨበጫ መድረክ ተካሄደ

የኢንፎርሜሽን መረብ ደህንነት አስተዳደር (ኢመደአ) ከኦሮሚያ ብሄራዊ ክልላዊ መንግስት ከተለያዩ ቢሮዎች ከተውጣጡ አመራሮችና ባለሙያዎች ጋር በሳይበር ደህንነት ስታንዳርድ ምንነትና አተገባበር፣ በዝግጁነት ዳሰሳ ፋይዳ እና በአጠቃላይ የሳይበር ደህንነት ግንዛቤ ዙሪያ የምክክር መድረክ አካሄደ።

መድረኩን በንግግር የከፈቱት የክልሉ የሳይንስና ቴክኖሎጂ ባለስልጣን ምክትል ሃላፊ ኢንጅነር ጅማ ቱሉ፤ የሳይበር ደህንነትን ማረጋገጥ የአንድ ተቋም ብቻ ሳይሆን የሁሉም የጋራ ኃላፊነት መሆኑን ገልጸው፣ ከኢመደአ ጋር በቅንጅት መስራት አስፈላጊ መሆኑን አጽንኦት ሰጥተዋል።

የሳይበር ምህዳር ተለዋዋጭ፣ ውስብስብና የማይገመት መሆኑን ተከትሎ፤ በምህዳሩ ላይ የሚሰነዘሩ ጥቃቶችን ለመከላከል የሳይበር አስተዳደር መፍትሄዎችን መተግበር የምርጫ ሳይሆን የህልውና እና የሉዓላዊነት ጉዳይ መሆኑ በውይይቱ ወቅት ተብራርቷል።

የተቋማት ከፍተኛ አመራሮች ብሄራዊ፣ አህጉራዊና አለም አቀፋዊ የሳይበር ስጋቶችን እና ክሱት ቴክኖሎጂዎችን (Emerging Technologies) አስቀድመው መገንዘባቸው፣ ተቋማቸውን ከጥቃት ለመጠበቅ የሚያስችል ስትራቴጂካዊ አቅም እንደሚፈጥርም በመድረኩ ላይ ተመላክቷል።

በመድረኩ ላይ የቀረቡ የመወያያ ጽሁፎች ተሳታፊዎች በተቋማቸው ያለውን ተጋላጭነት እንዲፈትሹ እና የሳይበር ደህንነት ዝግጁነት ዳሰሳ (Readiness Assessment) ያለውን ሀገራዊ ፋይዳ እንዲገነዘቡ ያስቻለ መሆኑም ተገልጿል።

3,030

INSA - የኢንፎርሜሽን መረብ ደህንነት አስተዳደር - INSA

Apr 22, 2026, 12:28 PM

📷 Photo

የ GRC አገልግሎት - ለተቋምዎ ዘላቂ ደህንነት እና የዲጂታል እምነት ዋስትና!

የሳይበር ደህንነትን ማስጠበቅ ማለት ወቅታዊ የደህንነት ቴክኖሎጂዎችን መግዛት እና መታጠቅ ብቻ አይደለም፡፡ ይልቁንም ቴክኖሎጂውን የሚመራ የአሰራር ስርዓት ማልማት እና መተግበር መቻል እንዲሁም ይህን ስራ መምራት እና ማከናወን የሚችል የሰው ሃይልን መገንባት ጭምር ነው፡፡ የኢንፎርሜሽን መረብ ደህንነት አስተዳደር (ኢመደአ) ተቋማት ይህንን ስርዓት እንዲዘረጉ የሚያስችለውን የሳይበር ደህንነት አመራርና አስተዳደር (Governance, Risk, and Compliance - GRC) አገልግሎት እየሰጠ ይገኛል።

ይህ አገልግሎት ስጋትን መሰረት ያደረገ የሳይበር ደህንነት የአሰራር ስርዓቶችን በማልማት እና በመተግበር ሀገራዊ እና አለም አቀፋዊ መስፈርቶችን በማሟላት ደህንነታቸው የተረጋገጠ እና ተወዳዳሪ እንዲሆኑ የሚያስችል ነው፡፡ ከዚህም ባሻገር ችግሮች በሚፈጠሩበት ጊዜ ተገቢውን የእርምት እርምጃ ለመውሰድ እና ተጠያቂነትን ለመፍጠር ተቋማዊ መሰረትንና መደላድልን የሚፈጥር ነው፡፡

በዓለም አቀፍ ደረጃ በሳይበር ደህንነት ስኬታማ የሆኑ ተቋማት እና ሀገራት ተሞክሮ የሚያሳየው፤ የሳይበር ደህንነት የአይቲ (IT) ክፍል ኃላፊነት ብቻ ሳይሆን የከፍተኛ አመራሩ ቁልፍ አጀንዳ መሆኑን ነው። እንደ ISO 27001 እና NIST ያሉ ዓለም አቀፍ የሳይበር ደህንነት ማዕቀፎች (Frameworks) ተቋማት ስጋቶቻቸውን በሳይንሳዊ መንገድ እንዲያስተዳድሩ እና አለም አቀፍ የህግ ተገዢነትን (Compliance) እንዲያረጋግጡ ያስገድዳሉ።
ተጨማሪውን ለማንበብ፡- https://web.facebook.com/INSA.ETHIOPIA

INSA - የኢንፎርሜሽን መረብ ደህንነት አስተዳደር - INSA

Apr 8, 2026, 09:25 AM

📷 Photo

የተቋምዎ ዲጂታል ደህንነት በእርሶ እጅ ነው! የሳይበር ተጋላጭነትዎን ቀድመው ይለዩ!

በዲጂታል ዘመን ስኬታማ መሆን ማለት መረጃን በፍጥነት ማጋራት ብቻ ሳይሆን፣ መረጃን በአስተማማኝ ሁኔታ መጠበቅም ጭምር ነው። የኢንፎርሜሽን መረብ ደህንነት አስተዳደር (ኢመደአ) የሀገራችንን ዲጂታል ሉዓላዊነት ለማረጋገጥ ከሚሰጣቸው ቁልፍ አገልግሎቶች መካከል የሳይበር ደህንነት ፍተሻ እና ግምገማ (Cyber Security Audit & Evaluation) አንዱ ነው።

የዲጂታል ኢትዮጵያ 2030 ስትራቴጂ ስኬት መሰረቱ “ዲጂታል እምነት - Digital Trust” ነው። ዜጎች እና የውጭ ኢንቨስተሮች በሀገሪቱ የዲጂታል ስርዓት ላይ ሙሉ እምነት እንዲኖራቸው የሲስተሞች ደህንነት በየጊዜው መፈተሽ አለበት። የሳይበር ኦዲት አገልግሎት ተቋማት ጥቃት ሳይደርስባቸው በፊት ክፍተቶቻቸውን አውቀው እንዲያስተካክሉ በማድረግ፣ ብሄራዊ የመረጃ የበላይነትን (Information Superiority) ለመገንባት እንደ ዋነኛ ምሰሶ ያገለግላል።

ይህ አገልግሎት ለየትኞቹ ተቋማት ወሳኝ ነው?
ተጨማሪውን ለማንበብ፡- https://web.facebook.com/INSA.ETHIOPIA

1,340

Showing 30 of 42 posts