GEBEYA MEDIA

Public

View Channel

Can't Join? @gebeyanews

97.6k Members

Updated: May 11, 2026 at 10:37 PM

GEBEYA MEDIA

የገበያ ሚዲያ የቴሌግራም ቻናል ቤተሰብ በመሆን ወቅታዊና የተረጋገጡ መረጃ እና ፕሮግራሞችን ይከታተሉ! Follow us on: Facebook፦ facebook.com/share/1Z6NASMxns/ YouTube፦ youtube.com/@gebeyamedia Gebeya Business YouTube፦ youtube.com/@gebeyabusines ለመረጃ እና መልዕክት፦ 0948622222 ማርኬቲንግ ፦ 0963380000

@gebeyanews is a dedicated channel for follow and youtube with regular updates in Viral Videos

Ranking

Global Ranking

#456

Language Ranking

#45

Category Ranking

#23

-1

Participant Growth (Last 9 Days)

Total: 97.6K

24h growth: -2027 2%

Latest Posts

GEBEYA MEDIA

May 12, 2026, 12:57 AM

📷 Photo

አሳዛኝ ዜና!

በምዕራብ ሸዋ በደረሰ የትራፊክ አደጋ የበርካታ ሰዎች ህይወት አለፈ።

በምዕራብ ሸዋ ዞን ኢልፋታ ወረዳ ከበኬ ወደ ደንዲ ጊንጪ ሲጓዝ የነበረ የህዝብ ማመላለሻ ልዩ ስሙ "ጋራ ሆላ" በተባለ ስፍራ ትንናት ግንቦት 01 ቀን 2018 ዓ.ም በደረሰ አሰቃቂ የትራፊክ አደጋ እስካሁን የ30 ሰዎች ህይወት ማለፉ ታውቋል።

898

GEBEYA MEDIA

May 12, 2026, 12:57 AM

📷 Photo

ፍርድ ቤት በካሙዙ ካሳ እና በሻኩራ ፕሮዳክሽን ላይ የእግድ ትዕዛዝ አስተላለፈ

ግንቦት 01/2018 (ገበያ ሚዲያ) በብሪክስ (BRICS) ሀገራት በተካሄደው የ”ኪነ ኢትዮጵያ” የባህል ጉብኝት ላይ የተሳተፉ 37 አርቲስቶች ያልተከፈላቸውን ከ30.8 ሚሊዮን ብር በላይ የሙያ ክፍያ ለማስመለስ በሙዚቃ አቀናባሪ ካሙዙ ካሳ እና በሻኩራ ፕሮዳክሽን ላይ ክስ መስርተዋል።

ዝርዝሩን ያንብቡ 👉 https://gebeyaethiopia.com/post/949/

856

GEBEYA MEDIA

May 12, 2026, 12:57 AM

📷 Photo

መልካም ቀን!

#ገበያ_ሚዲያ
#gebeyanews

744

GEBEYA MEDIA

May 12, 2026, 12:57 AM

📷 Photo

የግለሰቦችን ፊት ፈሳሽ በመርጨት ቅሚያ የፈጸሙ ተጠርጣሪዎች ተያዙ

ግንቦት 2/2018 (ገበያ ሚዲያ) በአቃቂ ቃሊቲ ክፍለ ከተማ በግለሰቦች ፊት ላይ ሳኒታይዘር መሰል ፈሳሽ በመርጨት ዘረፋ ሲፈጽሙ የነበሩ ተጠርጣሪዎች በቁጥጥር ስር መዋላቸውን የአዲስ አበባ ፖሊስ አስታወቋል።

ወንጀሉ የተፈጸመው ትላንት ግንቦት 1 ቀን 2018 ዓ.ም ከጠዋቱ 4:00 ሰዓት አካባቢ በአቃቂ ቃሊቲ ክፍለ ከተማ ወረዳ 4 ልዩ ስሙ ገላን ኮንዶሚኒየም ተብሎ በሚጠራው አካባቢ መሆኑ ተገልጿል።

ተጠርጣሪዎቹ የሰሌዳ ቁጥሩ ኮድ 2 B 11975 አ.አ የሆነ ኮሮላ ኤክስኪዩቲቭ ተሽከርካሪ በመጠቀም አንዲት ግለሰብ ላይ ድንገተኛ ጥቃት መሠንዘራቸውን ፖሊስ ገልጿል።

እንደ ፖሊስ መረጃ ተጠርጣሪዎቹ የግለሰቧ ፊት ላይ ሳኒታይዘር መሰል ፈሳሽ በመርጨት የማደንዘዝ ስልት በመጠቀም የወርቅ የአንገት ሀብል፣ የብር የጣት ቀለበት እንዲሁም ተንቀሳቃሽ ስልክ ተቀምተዋል።

ተጠርጣሪዎቹ ወንጀሉን ፈጽመው በተሽከርካሪያቸው ለማምለጥ ቢሞክሩም የግል ተበዳይ ባሰሙት የድረሱልኝ ጩኸት የአካባቢው ማህበረሰብና የፖሊስ አባላት ባደረጉት ትብብር ከነበሩት አራት ተጠርጣሪዎች መካከል ሶስቱ በቁጥጥር ውስጥ ሲውሉ አንዱ ተጠርጣሪ ግን ማምለጡን ፖሊስ አስረድቷል።

በተጨማሪም የአቃቂ ቃሊቲ ክፍለ ከተማ ፖሊስ መምሪያ በተጠርጣሪዎቹ ላይ ባደረገው ፍተሻ ለወንጀል ተግባር የሚጠቀሙበት ሳኒታይዘር መሰል ፈሳሽ፣ 6 ተንቀሳቃሽ ስልኮች እና 1 የእጅ ሰዓት መያዙን አስታውቋል።

በዚህም የአዲስ አበባ ፖሊስ ዋና ጠቅላይ መምሪያ የህብረተሰቡ ንቁ ተሳትፎ ለተጠርጣሪዎቹ መያዝ ትልቅ አስተዋጽኦ ማድረጉን ገልጾ ምስጋና አቅርቧል።

956

GEBEYA MEDIA

May 12, 2026, 12:57 AM

📷 Photo

ሰሜን ኮሪያ "ኪም ከተገደሉ አውቶማቲክ የኒውክሌር ጥቃት ይሰነዘራል" የሚል ሕግ አጸደቀች

ግንቦት 01/2018 (ገበያ ሚዲያ) ሰሜን ኮሪያ የሀገሪቱ የበላይ መሪ ኪም ጆንግ ኡን በባዕድ ሀገር ኃይሎች ከተገደሉ ወይም ለስራ ብቁ ካልሆኑ፤ የሀገሪቱ ጦር ወዲያውኑ እና በራሱ ጊዜ የሚሰነዘር የኒውክሌር አጸፋዊ ጥቃት እንዲፈጽም የሚያዝ ሕገ-መንግስታዊ ማሻሻያ ማድረጓ ተሰምቷል።

ይህ አስገራሚ የተባለው የሕግ ማሻሻያ የተደረገው፤ የአሜሪካና የእስራኤል ጥምረት በኢራን ላይ በወሰዱት እርምጃ የሀገሪቱ የበላይ መሪ አያቶላ አሊ ኻሜኒ እና የቅርብ አማካሪዎቻቸው መገደላቸውን ተከትሎ ፒዮንግያንግ በገባችበት ከፍተኛ ስጋት መሆኑ ተገልጿል።

የደቡብ ኮሪያ ብሔራዊ የስለላ ተቋም (NIS) ለከፍተኛ የመንግስት ባለስልጣናት በሰጠው መግለጫ እንዳመላከተው፤ በሰሜን ኮሪያ የኒውክሌር ፖሊሲ ሕግ አንቀጽ 3 ላይ ማሻሻያ ተደርጓል።

ማሻሻያው "የሀገሪቱ የኒውክሌር ኃይሎች የዕዝ እና ቁጥጥር ስርዓት በጠላት ኃይሎች ጥቃት አደጋ ላይ ከወደቀ የኒውክሌር ጥቃት በራስ-ሰር እና በአፋጣኝ ይሰነዘራል" የሚል ሲሆን ይህም ማለት መሪው ኪም ጆንግ ኡን በህይወት ባይኖሩ እንኳ ጥቃቱ እንዳይቆም የሚያደርግ ስርዓት ነው።

ሰሜን ኮሪያ የኒውክሌር አጠቃቀም ሕጓን ስታሻሽል ይህ የመጀመሪያዋ አይደለም፤ ነገር ግን የአሁኑ "አውቶማቲክ" መባሉ ለየት ያደርገዋል።

ሃገሪቷ እ.ኤ.አ በ2022 ሰሜን ኮሪያ የኒውክሌር ባለቤትነቷ "የማይመለስ" መሆኑን የሚያውጅ ሕግ አውጥታ የነበረች ሲሆን አዲሱ ማሻሻያ ግን የኒውክሌር ትዕዛዝ ሰንሰለቱን ከመሪው ግላዊ ውሳኔ አውጥቶ ወደ "ኮምፒውተራይዝድ" ወይም ቀድሞ ወደ ተወሰነ ወታደራዊ መመሪያ ቀይሮታል።

ይህ በእንዲህ እንዳለ የአሁኑን የህግ ማሻሻያ ተከትሎ በሴኡል በሚገኘው ኩክሚን ዩኒቨርሲቲ የታሪክና ዓለም አቀፍ ግንኙነት ፕሮፌሰር የሆኑት አንድሬ ላንኮቭ የኢራን መሪዎች መገደል ለሰሜን ኮሪያ ትልቅ የማንቂያ ደወል ሆኗል ብለዋል።

አያይዘውም አሜሪካና እስራኤል የኢራንን አመራር በአጭር ጊዜ ውስጥ የመምታት ብቃታቸውን ማሳየታቸው ኪም ጆንግ ኡንን በከፍተኛ ሁኔታ እንዳስፈራቸው ፕሮፌሰሩ ገልጸዋል።

ሰሜን ኮሪያ ከመሪዋ ደህንነት በተጨማሪ በደቡባዊ ድንበሯ ላይ አዲስ ዓይነት የጦር መሳሪያዎችን ለማሰማራት ማቀዷን የሀገሪቱ የዜና ወኪል ዘግቧል።

ኪም ጆንግ ኡን በዚህ ሳምንት የጥይትና አረር ፋብሪካን የጎበኙ ሲሆን አዲስ የተመረተውን ባለ 155 ሚሊ ሜትር ተንቀሳቃሽ መድፍ መርምረዋል።

ይህ አዲስ መድፍ ከ60 ኪሎ ሜትር በላይ ርቀት የመምታት አቅም ያለው ሲሆን፤ የደቡብ ኮሪያን ዋና ከተማ ሴኡልን በቀጥታ ኢላማ ውስጥ የሚያስገባ መሆኑ የተገለጸ ሲሆን መድፉ በዚህ ዓመት በድንበር አካባቢ በሚገኙ የጦር ክፍሎች ውስጥ እንደሚሰማራ ተነግሯል።

ምንም እንኳ አሜሪካ እና እስራኤል በኢራን ላይ ስኬታማ ጥቃት ቢሰነዝሩም፤ በሰሜን ኮሪያ ላይ ተመሳሳይ እርምጃ መውሰድ አስቸጋሪ እንደሆነ ባለሙያዎች ይናገራሉ።

ለዚህም ምክንያቱ የሰሜን ኮሪያ ድንበር እጅግ ጥብቅ መሆኑ የውጭ ዜጎች እንቅስቃሴ ቁጥጥር የሚደረግበት መሆኑና ሃገሪቷ እንደ ኢራን በቴክኖሎጂ (በካሜራዎች) በቀላሉ የማይሰለል አሰራር ስላላት ነው።

ኪም ጆንግ ኡን ለደህንነታቸው በከፍተኛ ሁኔታ እንደሚሰጉ የሚታወቅ ሲሆን በጉዞዎቻቸው ወቅት የታጠቁ የጥበቃ አባላት እንደማይለዩአቸውና በአብዛኛው በከፍተኛ ሁኔታ በታጠቁ ባቡሮች እንደሚንቀሳቀሱ ይታወቃል።

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #ሰሜን_ኮሪያ #ኪም_ጆንግ_ኡን #ኒውክሌር #አሜሪካ #ደቡብ_ኮሪያ #ኢራን

GEBEYA MEDIA

May 12, 2026, 12:57 AM

📷 Photo

ለአነስተኛና መካከለኛ ኢንተርፕራይዞች የፈጠራ ውድድር ጥሪ ቀረበ

ግንቦት 01/2018 (ገበያ ሚዲያ) ፔትኮ ኢትዮጵያ ለሀገሪቱ የኢንዱስትሪ ዕድገትና ለሥራ ዕድል ፈጠራ አስተዋጽኦ የሚያደርጉ የፈጠራ ኢንተርፕራይዞችን ለመደገፍና ለማሳደግ ያለመ የውድድር ጥሪ ይፋ ማድረጉን አስታውቋል።

በኢትዮጵያ ኢንተርፕራይዝ ልማት በተጋራው በዚህ የፈጠራ ውድድር ላይ ለመሳተፍ አመልካቾች በሕጋዊ መንገድ የተመዘገቡና ቢያንስ ለአንድ ዓመት በሥራ ላይ የቆዩ መሆን ይኖርባቸዋል ተብሏል ።

ውድድሩ በተለይ በእጅ ጥበብ፣ በደረቅ ቆሻሻ አወጋገድ፣ በሰርኩላር ኢኮኖሚ፣ በግብርና ምርት ማቀነባበር እና በምግብ ሥርዓት ዘርፎች ላይ ለተሰማሩ ኢንተርፕራይዞች ቅድሚያ እንደሚሰጥ ተገልጿል።

በውድድሩ ወቅት ለሴቶች እና ከ15 እስከ 35 ዓመት በሆኑ ወጣቶች የሚመሩ ኢንተርፕራይዞች፣ ከዋና ዋና ከተሞች ውጭ የሚገኙ የሥራ ዘርፎች፣ ለአካባቢ ጥበቃ ዘላቂ የሆኑ እና ሰርኩላር የንግድ ሞዴሎችን የሚከተሉ ድርጅቶች እና ሰፊ የሥራ ዕድል የሚፈጥሩና ሁሉንም ያካተቱ የፈጠራ ሥራዎች ልዩ ትኩረት እንደሚሰጥ ተመላክቷል።

በተጨማሪም በአሸናፊነት ለሚመረጡ ኢንተርፕራይዞች የገንዘብ ድጋፍ፣ የሙያ ምክር አገልግሎት (Mentorship) እና የገበያ ትስስር ድጋፍ ይደረግላቸዋል።

ውድድሩ በአማራ፣ በትግራይ፣ በኦሮሚያ፣ በሲዳማ፣ በደቡብ ኢትዮጵያ፣ በማዕከላዊ ኢትዮጵያ ክልሎች እንዲሁም በአዲስ አበባ እና በድሬዳዋ ከተማ አስተዳደሮች ለሚገኙ ድርጅቶች ክፍት እንደሆነ ሰፍሯል።

በዚህም ፍላጎት ያላቸው አመልካቾች ከሚያዝያ 30 እስከ ግንቦት 7 ቀን 2018 ዓ.ም ድረስ ከታች ባስቀመጥነው ሊንክ ማመልከት የሚችሉ መሆኑ ተገልጿል።

https://forms.cloud.microsoft/Pages/ShareFormPage.aspx?id=ZN7BG-8X1kOA9tft3JOpg6LJQSccmMpIsyNMjhO52klUMVM1UlA1SlA5RzlPVkdPQkhRVjBHQzROQy4u&sharetoken=VQM6g8OOObaf28t5ztIP

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #ኢንተርፕራይዝ #የሥራ_ዕድል #የፈጠራ_ውድድር

GEBEYA MEDIA

May 12, 2026, 12:57 AM

📷 Photo

ይህም በእግር ኳስ ታሪክ ለአንድ ተጨዋች የተሰበሰበ ከፍተኛው ፊርማ ሲሆን በአንድ ወቅት “አለም ላይ ለሚገኙ ለደሀ ሀገራቶች ተሰጥቶ የነበረው ያልተከፈለ ብድር ይቁም” ተብሎ ተጀምሮ ከነበረው የ ኦንላይን ድምፅ ማሰባሰብ በላይ በልጦ ተቀምጧል።
በዚህም ምክንያት ይህ የሪያል ማድሪድ ደጋፊዎች ፊርማ የማሰባሰብ ሪከርድ በጊነስ ቡክ ላይ ጭምር መስፈር ችሏል። በጊነስ ታሪክ በኦንላይን ፊርማ ማሰባሰብ ከዚህ ቀደም የተያዘው ሪከርድ 20 ሚልየን ነበር። አሁን የማድሪድ ደጋፊዎች በ24 ሰአታት ውስጥ ብቻ 40 ሚልየን ደርሰው ሪከርዱን ሰብረውታል።
ዝርዝሩን ያንብቡ 👉 https://gebeyaethiopia.com/post/919/

755

GEBEYA MEDIA

May 12, 2026, 12:57 AM

📷 Photo

በተጫዋቾች ድብድብ እና በደጋፊዎች ዘመቻ እየተናጠ ያለው ሪያል ማድሪድ

ከሰሞኑኑ በድራማዎች የታጀበው የነጩ መንደር ሰዎች ያልተጠበቀ ሁነት የአለም እግር ኳስ መነጋገሪያ ሆኗል።

የውድድር አመቱን ያለዋንጫ ለማጠናቀቅ የተገደዱት ሎስብላንኮቹ ማባሪያ የሌለው አዳዲስ ጉዳዮችን በእየቀኑ እያሰሙን ነው።

የአለማችን ኃያል በሆነው የእስፔኑ ክለብ ውስጥ ባላፉት ሳምንታት ያለ ማቋረጥ አዳዲስ አነጋጋሪ ጉዳዮች ተሰምተውበታል።

የቫልቬርዴ እና የቹኣሜኒ ለማመን የሚከብድ ጠንካራ ድብድብ ፤ በካሬራስ ፊት ላይ በኃይል ያረፈው የሩዲገር ሰፊ መዳፍ ፤ የአሰልጣኝ አርቤላኦ ከ 8 ተጫዋቾች ጋር ንግግር መንሳት ፤ የተጫዋቾች በቋንቋ እና በዜግነት መቧደን ፤ የኪሊያን ሜቫፔ ከህክምና ቡድኑ ጋር አለመተማመን እና የክለቡን ጉዳይ ወደጎን በማለት ከፍቅረኛው ጋር አሸሸ’ገዳሜ ማለት እና በብዙ ሚሊየን የሚቆጠሩ ደጋፊዎች የይልቀቅልን ፊርማ ማሰባሰብን ጨምሮ እኒህ ለአንድ ክለብ የህልውና አደጋ የሚፈጥሩ ሁነቶች ከሰሞኑኑ በሎንስ ብላንኮች ቤት የተፈጠረ አስቂኝ ፣ አስገራሚ እና አሳዛኝ ሁነት ነው።
ተጨማሪ ያንብቡ 👉 https://gebeyaethiopia.com/post/919/

814

GEBEYA MEDIA

May 12, 2026, 12:57 AM

📷 Photo

መልካም ቀን!

#ገበያ_ሚዲያ
#gebeyanews

703

GEBEYA MEDIA

May 12, 2026, 12:57 AM

📷 Photo

በረከት ገበሬዋን ጨምሮ አራት ግለሰቦች
በከባድ ሙስና እንደሚፈለጉ ፖሊስ አስታወቀ

ሚያዚያ 30/2018 (ገበያ ሚዲያ) የኢትዮጵያ ፌደራል ፖሊስ የወንጀል ምርመራ ቢሮ ባወጣው መግለጫ፣በማህበራዊ ሚዲያ በረከት ገበሬዋ በሚል ስያሜ የምትታወቀውን በረከት ወርቁ አደራ ጨምሮ አራት ግለሰቦች በከባድ የሙስና ወንጀል እንደሚፈለጉ አስታወቀ።

ፖሊስ ይፋ ባደረገው መረጃ መሠረ በከባድ የሙስና ወንጀል ተጠርጥረው የፍለጋ ማስታወቂያ የወጣባቸው ግለሰቦች በረከት ወርቁ አደራ (በረከት ገበሬዋ)፣ጌታቸው አሞኘ ያየህ፣ይልቃል የኔሰው ዘለቀ እና አቡሽ እየለ ገነት ናቸው።

የፌደራል ፖሊስ የወንጀል ምርመራ ቢሮ እነዚህን ግለሰቦች በሕግ ቁጥጥር ስር ለማዋል የኅብረተሰቡን ትብብር ጠይቋል።

ስለ ተጠርጣሪዎቹ መረጃ ያለው ማንኛውም ሰው በስልክ ቁጥር 0111119475 በመደወል ለፖሊስ ጥቆማ መስጠት እንደሚችል አስታውቋል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #በረከት_ገበሬዋ #bereket_geberewa #ፌደራል_ፖሊስ #federal_police

725

GEBEYA MEDIA

Mar 30, 2026, 08:57 AM

📷 Photo

ቻይና ግዙፍ የስምሪት ዘመቻ ጀመረች

መጋቢት 20/2018 (ገበያ ሚዲያ) ቻይና ከአሜሪካ የባህር ኃይል ጋር ሊኖር ለሚችል የባህር ውስጥ ሰርጓጅ መርከቦች ውጊያ ራሷን እያዘጋጀች መሆኑ ተሠምቷል።

በዚህም 42 የሚሆኑ የጥናት መርከቦችን እና በመቶዎች የሚቆጠሩ ዘመናዊ የውቅያኖስ ውስጥ ሴንሰሮችን ማሰማራቷ ተገልጿል።

ይህ ስምሪት ቻይና በፓስፊክ እና በህንድ ውቅያኖስ ላይ ያላትን ወታደራዊ አቅም ለማጠናከር የያዘችው ስትራቴጂ አካል መሆኑ ተገልጿል።

ቻይና "ግልጽ ውቅያኖስ" የተሰኘ ስትራቴጂ እየተገበረች ሲሆን ዋና ዓላማውም እስከ ዛሬ ድረስ የአሜሪካ ሰርጓጅ መርከቦች በባህር ውስጥ ሳይታዩ እና ሳይታወቁ የመንቀሳቀስ (Stealth) ያላቸውን ብልጫ ማክሸፍ ነው ተብሏል።

በዚህም የተሰማሩት 42 መርከቦች በሳይንሳዊ ምርምር ስም የባህር ወለልን ጥልቀት፣ የውሃውን ሙቀት እና የጨው መጠን በዝርዝር የሚያጠኑ ሲሆን ይህም የአሜሪካ ሰርጓጅ መርከቦች የት እንደሚገኙ በቀላሉ ለመለየት ይረዳታል ሲሉ ወታደራዊ ተንታኞች ገልጸዋል።

ከመርከቦቹ በተጨማሪ በመቶዎች የሚቆጠሩ የውሃ ውስጥ የመከታተያ መረቦች እና ሴንሰሮች በስትራቴጂካዊ የባህር መስመሮች ላይ ተዘርግተዋል ሲል ግሎባል ዲፌንስ ኒውስ አስነብቧል።

እነዚህ መሳሪያዎች የባህር ውስጥ የሞገድ እንቅስቃሴን በመከታተል የጠላት መርከቦች የሚፈጥሩትን ቅንጣት ታክል ድምጽ ወይም የውሃ መናወጥ ለቻይና ወታደራዊ ማዕከል ሪፖርት ያደርጋሉ ነው የተባለው።

ይህ የቻይና እንቅስቃሴ በተለይ በታይዋን እና በጓም አቅራቢያ በሚገኙ የባህር ክልሎች ላይ ያተኮረ መሆኑ ከዋሽንግተን ጋር ያለውን ወታደራዊ ፍጥጫ ይበልጥ ሊያባብሰው እንደሚችል ተገምቷል።

በመላኩ ደምሰው

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #Ethiopia #ኢትዮጵያ #addisababa #አዲስአበባ #china #ቻይና #አሜሪካ #America

GEBEYA MEDIA

Mar 30, 2026, 08:57 AM

📷 Photo

የነዳጅ ታሪፍ ጭማሪው በኤሌክትሪክ በሚሠሩ አውቶቡሶች ላይም መደረጉ ቅሬታ አስነሳ

መጋቢት 20/2018 (ገበያ ሚዲያ) በነዳጅ ዋጋ መጨመር ምክንያት በኤሌክትሪክ አውቶቡሶች ላይ የታሪፍ ጭማሪ መደረጉ ቅሬታ እንደፈጠረባቸው የትራንስፖርቱ ተጠቃሚዎች ተናግረዋል።

በመካከለኛው ምሥራቅ በተፈጠረው ጦርነት ምክንያት በዓለም አቀፍ ደረጃ የነዳጅ ዋጋ በማሻቀቡ፤ የነዳጅ ተጠቃሚ ተሽከርካሪዎች ላይ የትራንስፖርት ዋጋ ጭማሪ መደረጉ ይታወሳል።

ይሁን እንጂ በኤሌክትሪክ የሚሰሩና የሕዝብ ትራንስፖርት አገልግሎት የሚሰጡ አውቶቡሶች ታሪፍ የጨመረበት ምክንያት ግልጽ አይደለም ሲሉ ጠይቀዋል።

በተጨማሪም በየጊዜው በተለያዩ አገልግሎቶች ላይ የዋጋ ጭማሪ ሲደረግ እንጂ ሲቀንስ አይታይም የሚሉት ቅሬታ አቅራቢዎች ጭማሪው ኅብረተሰቡን እያስጨነቀ ይገኛል ብለዋል።

አክለውም ጭማሪው በኑሮ ውድነቱ ላይ የራሱ የሆነ ተፅዕኖ የሚያስከትል በመሆኑ ፍትሐዊና የኅብረተሰቡን አቅም ያማከለ ማስተካከያ ሊደረግበት እንደሚገባ አሳስበዋል።

የአዲስ አበባ ከተማ ትራንስፖርት ቢሮ የመሠረተ ልማት ዘርፍ ምክትል ኃላፊ አቶ አስመሮም ብርሃኔ በምላሻቸው ቬሎሲቲ ዋጋ የጨመረው የሕዝብ ትራንስፖርት አገልግሎት መስጫ ታሪፍ ላይ ማሻሻያ ለማድረግ ጥናት ሲደረግ የኤሌክትሪክና የነዳጅ ለብቻ ተብሎ ታሪፉ እንዳልወጣና ዋጋው ተመሳሳይ እንዲሆን ተደርጓል ብለዋል።

የታሪፍ ጭማሪው የነዳጅ ዋጋ መጨመርን ብቻ ሳይሆን የጥገና፣ የአስተዳደር ወጪ፣ እንዲሁም ለሠራተኛ የሚከፈል ደመወዝ ጭማሪ፣ የመለዋወጫ ዕቃዎች ወጪና ሌሎች ተያያዥ ጉዳዮችን መሠረት ያደረገ መሆኑን አስረድተዋል ሪፖርተር ጋዜጣ ዘግቧል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #Ethiopia #ኢትዮጵያ #addisababa #አዲስአበባ #ትራንስፖርት #ነዳጅ #ታሪፍ #velocity #የኤሌክትሪክ_መኪና #fuel

GEBEYA MEDIA

Mar 30, 2026, 08:57 AM

📷 Photo

የመን ለመጀመሪያ ጊዜ ወደ እስራኤል የባሊስቲክ ሚሳይሎችን ተኮሰች

መጋቢት 19 /2018 (ገበያ ሚዲያ) የእስራኤል መከላከያ ኃይል ዛሬ ባወጣው መግለጫ ከየመን ግዛት የተተኮሰ የባሊስቲክ ሚሳይል ለመጀመሪያ ጊዜ ወደ እስራኤል መላኩን አስታውቋል።

በኢራን እንደሚደገፍ የሚነገርለት የየመን ሁቲ አማፂያን የሰነዘረው ይህ ጥቃት በአካባቢው እየተካሄደ ያለውን ግጭት ወደ አዲስ ምዕራፍ ሊያሸጋግር ይችላል የሚል ስጋት ፈጥሯል።

እንደ እስራኤል ጦር ገለጻ ሚሳይሉ ወደ ደቡባዊ እስራኤል ክፍሎች እያመራ በነበረበት ወቅት በቤርሳቤህ ከተማ እና በኔጌቭ በረሃ አካባቢዎች ከፍተኛ የአደጋ ማስጠንቀቂያ ደወሎች ተሰምተዋል።

ይሁን እንጂ የእስራኤል የአየር መከላከያ ሥርዓት ሚሳይሉን ኢላማው ላይ ሳይደርስ በሰማይ ላይ መትቶ መጣሉንና በዚህም ምክንያት የደረሰ የሰው ሕይወት መጥፋትም ሆነ የንብረት ውድመት አለመኖሩ ተገልጿል።

በሌላ በኩል የሁቲ አማፂያን ከዚህ ቀደም በእስራኤል እና በሐማስ መካከል እየተካሄደ ባለው ጦርነት ምክንያት በተለያዩ ጊዜያት ድሮኖችን ቢተኩሱም በቀጥታ ረጅም ርቀት ተጓዥ ሚሳይል ወደ እስራኤል ሲያስወነጭፉ ግን ይህ የመጀመሪያው ነው ተብሏል።

አማፂያኑ ከጥቃቱ በፊት በሰጡት መግለጫ በእስራኤል ላይ የሚደረገው ወታደራዊ እርምጃ ተጠናክሮ እንደሚቀጥልና አስፈላጊ ሆኖ ሲገኝም ቀጥተኛ ጣልቃ ገብነት እንደሚያደርጉ በተደጋጋሚ ማስጠንቀቂያ ሲሰጡ እንደነበር ይታወሳል።

ይህ አዲስ ክስተት ቀድሞውኑ ውጥረት በነገሰበት የመካከለኛው ምስራቅ ቀጠና፣ ሌላ ተጨማሪ የጦርነት ግንባር ሊከፍት ይችላል በሚል በዓለም አቀፉ ማህበረሰብ ዘንድ ከፍተኛ ስጋትን ጭሯል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #የመን #እስራኤል #yemen #Israel

GEBEYA MEDIA

Mar 30, 2026, 08:57 AM

📷 Photo

በፊንቴክ ኢንቨስትመንት ማጭበርበር ወንጀል ተጠርጥረው የነበሩ አርቲስቶች ላይ ክስ ተመሰረተ።

መጋቢት 19/2018 (ገበያ ሚዲያ) የኢትዮጵያ ፌደራል ፖሊስ በዜጎች ላይ የ1.7 ቢሊዮን ብር ከፍተኛ የማጭበርበር ወንጀል የፈጸሙትን የፊንቴክ ኢንቨስትመንት ድርጅት መስራቾችና ባለቤቶች ላይ ምርመራውን አጠናቆ ለዐቃቤ ሕግ መላኩንና ክስ መመስረቱን አስታውቋል።

በጉዳዩ ላይ እጃቸው አለበት የተባሉ ታዋቂ አርቲስቶችና የማስታወቂያ ባለሙያዎችም በቁጥጥር ሥር ውለዋል።

እንደ ፖሊስ መግለጫ የድርጅቱ ባለቤቶች ዳንኤል ዮሃንስ ኢየሱስ እና ግርማይ ገ/ሚካኤል የተባሉ ግለሰቦች ከ1200 በላይ ዜጎችን በተለያዩ የተሳሳቱ ተስፋዎች አጭበርብረዋል።

ግለሰቦቹ ተጎጂዎች 950 ሺህ ብር (50%) ቅድመ ክፍያ ከከፈሉ በ90 ቀናት ውስጥ መኪና እንደሚያስረክቡና ቀሪውን በ5 ዓመት ያለወለድ በባንክ ብድር እንደሚያመቻቹ መናገራቸውን ፖሊስ አስታውቋል።

በተጨማሪም ከቻይናው BYD ካምፓኒ ጋር ምንም ዓይነት ውል ሳይኖራቸው ውል እንዳላቸው በማስመሰል እና በጅቡቲ ወደብ የሌሉ መኪኖችን እንዳሉ አድርጎ መረጃ በመስጠት ተከሰዋል።

እንዲሁም በመስቀል አደባባይ ከተለያዩ ቦታዎች የተዋሱትን መኪኖች በመሰብሰብ ድርጅቱ ያስገባቸው በማስመሰል ማሳያ ማዘጋጀታቸውን ፖሊስ ገልጿል።

ተጠርጣሪዎቹ ከእያንዳንዱ ተጎጂ ለቅድመ ክፍያ፣ ለታክስና ለቻርጀር በሚል በአጠቃላይ 1 ሚሊዮን 365 ሺህ ብር መቀበላቸውንም አስፍሯል።

በቁጥጥር ሥር የዋሉ ተጠርጣሪዎች ዳንኤል ዮሃንስ፣ ግርማይ ገ/ሚካኤል፣ ሰለሞን ቦጋለ፣ ሰራዊት ፍቅሬ፣ ዳንኤል ተገኝ፣ አብርሃም ግዛው፣ ይገረም ደጀኔ፣ መንሱር ጀማል እና ካሊድ ናስር ናቸው።

የፌደራል ፖሊስ በጠቅላላው 19 ዓይነት የተለያዩ ወንጀሎችን በመለየት ምርመራውን እያከናወነ ይገኛል።

በቁጥጥር ሥር የዋሉት አርቲስቶችና ባለሙያዎች ፍርድ ቤት ቀርበው እስከ መጋቢት 30 ቀን 2018 ዓ.ም የጊዜ ቀጠሮ ተሰጥቶባቸዋል።

ፖሊስ ለምርመራው ስኬት መረጃ ለሰጡ ዜጎችና አብሮ ለሰራው የፍትህ ሚኒስቴር ምስጋናውን አቅርቧል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #ፊንቴክ #ፖሊስ #federal_police

GEBEYA MEDIA

Mar 30, 2026, 08:57 AM

📷 Photo

መልካም ቀን!

#ገበያ_ሚዲያ
#gebeyanews

491

GEBEYA MEDIA

Mar 30, 2026, 08:57 AM

📷 Photo

የኢራን አብዮታዊ ዘብ የሆርሙዝ ሰርጥን ሙሉ በሙሉ ዘጋ

መጋቢት 18/2018 (ገበያ ሚዲያ) የኢራን አብዮታዊ ዘብ ስልታዊ ጠቀሜታ ያለው የሆርሙዝ ሰርጥ ከዛሬ ጀምሮ ሙሉ በሙሉ መዘጋቱንና ማንኛውም ዓይነት የባህር ላይ ትራንስፖርት እንቅስቃሴ የተከለከለ መሆኑን በይፋ አስታወቀ።

እንደ ሀገሪቱ ይፋዊ መግለጫ ማለፍ የሚሞክር ማንኛውም መርከብ "ከባድ እና የማያዳግም እርምጃ" እንደሚወሰድበት ተገልጿል።

ይህ ውሳኔ የተላለፈው የአሜሪካው ፕሬዝዳንት ዶናልድ ትራምፕ "ሰርጡ ክፍት ነው" የሚል መረጃ መስጠታቸውን ተከትሎ ሲሆን መመሪያውን ተገን በማድረግ ለማለፍ የሞከሩ 3 ግዙፍ የኮንቴይነር መርከቦች በኢራን የባህር ኃይል ተገደው እንዲመለሱ ተደርገዋል።

ይህም ሰርጡ በተግባር ሙሉ በሙሉ መዘጋቱን ያረጋገጠ ክስተት ሆኗል።

የአብዮታዊ ዘቡ ባወጣው መግለጫ ወደ እስራኤል እና አሜሪካ ወደቦች የሚደረግም ሆነ ከዚያ የሚወጣ ማንኛውም እንቅስቃሴ በየትኛውም ኮሪደር እንዳይከናወን በሙሉ ድምፅ መታገዱን አስታውቋል።

የዓለምን አንድ አምስተኛ የነዳጅ ፍላጎት የሚያሟላው ይህ የባህር መስመር መዘጋቱ በዓለም አቀፍ የነዳጅ ገበያ ላይ ከፍተኛ ድንጋጤ ፈጥሯል።

ምንም እንኳን ሰርጡ ሙሉ በሙሉ ተዘግቶ ወታደራዊ ፍጥጫው ቢከርም የጀርመን የውጭ ጉዳይ ሚኒስትር ፣ አሜሪካ እና ኢራን በተዘዋዋሪ መንገድ ንግግር እያደረጉ መሆኑን ገልጸዋል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #ሆርሙዝ #ነዳጅ #Iran #StraitOfHormuz #ኢራን #አሜሪካ

748

GEBEYA MEDIA

Mar 30, 2026, 08:57 AM

📷 Photo

የኢትዮጵያ ብሔራዊ ቡድን ወሳኝ ድል ተጎናፀፈ!

የኢትዮጵያ ብሔራዊ ቡድን ከሜዳው ውጪ ተጉዞ ከሳኦ ቶሜ እና ፕሪንስፔ ጋር ዛሬ ምሽት 1 ሰዓት ላይ ያደረገውን የአፍሪካ ዋንጫ ቅድመ ማጣሪያ ጨዋታ 3 ለ 0 በሆነ ውጤት አሸንፏል።

የዋልያዎቹን የማሸነፊያ ግቦች አቤል ሁለቱን ሲያስቆጥር ከነአን ማርክነህ ደግሞ ሌላኛዋን ግብ ከመረብ አገናኝቷል።

በውጤት እና ስኬት ማጣት ቀውስ ውስጥ የነበረውን የኢትዮጵያ ብሔራዊ ቡድን ዳግም የተረከቡት አሰልጣኝ ዮሀንስ ሳህሌ የአሰልጣኝነት ዘመናቸውን በድል ጀምረዋል።

ወደ ሞሮኮ አምርተው ያልተጠበቀ ድል ያስመዘገቡት ዋልያዎቹም ከብዙ ጊዜ በኋላ እጅግ አስፈላጊ ነጥብ በማስመዝገብ በእግር ኳሱ ዘርፍ መላ ላጣው የኢትዮጵያ ህዝብ የተስፋ መብራት ለኩሰዋል።

የዋልያዎቹ የእለቱ ተጋጣሚ ሳኦ ቶሜ እና ፕሪንሲፔ በበኩላቸው ካለፉት 28 ጨዋታዎች 23 ጨዋታዎች ለመሸነፍ ተገደዋል።

የመልስ ጨዋታው ማክሰኞ መጋቢት 22/2018 ዓ.ም በድሬዳዋ ስታዲየም ከቀኑ 10:00 ሰዓት ላይ በዝግ  ይደረጋል።

በምሽቱ ጨዋታ ከሜዳቸው ውጪ ተጉዘው ወሳኝ ድል የተቀዳጁት ዋልያዎቹ ጨዋታውን በድምር ውጤት ማሸነፍ ከቻሉ የአፍሪካ ዋንጫ ማጣሪያን አልፈው የምድብ ድልድል ውስጥ ይካተታሉ።

በመኮነን አልማው

1,240

GEBEYA MEDIA

Mar 30, 2026, 08:57 AM

📷 Photo

መልካም ቀን!

#ገበያ_ሚዲያ
#gebeyanews

682

GEBEYA MEDIA

Mar 30, 2026, 08:57 AM

📷 Photo

የምሽቱ ተጠባቂ ጨዋታ የሰዓት ማሻሻያ ተደረገበት።

መጋቢት 18/2018 (ገበያ ሚዲያ) ምሽት 12፡00 ላይ ሊከናወን የነበረው የሳኦ ቶሜ እና ኢትዮጵያ ጨዋታ በካፍ የሰዓት ሽግሽግ ተደርጎበታል።

ይህንንም ተከትሎ ካፍ ጨዋታው ምሽት 1፡00 ላይ እንደሚካሔድ ይፋ አድርጓል።

የኢትዮጵያ ብሔራዊ ቡድን የመልሱን ጨዋታ በድሬዳዋ ስታዲየም የሚያደርግ ይኾናል።

ከቀጥታ ስርጭት ሽፋን ጋር በተያያዘ እስካሁን የታወቀ ነገር የሌለ ሲሆን አዲስ መረጃ የሚኖር ከሆነ ተከታትለን እናቀርባለን።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#gebeyamedia #gebeyasport #ገበያስፖርት #ዋልያ #waliya #ethiopiasport #የኢትዮጵያ_ስፖርት #ethiopia_national_team #ኢትዮጵያ #addisababa #አዲስአበባ #sport #የአፍሪካ_ዋንጫ

610

GEBEYA MEDIA

Mar 30, 2026, 08:57 AM

📷 Photo

ካናዳ ክርስትያኖችን ያስቆጣ አዲስ ህግ አጸደቀች

መጋቢት 18/2018 (ገበያ ሚዲያ) የካናዳ የሕዝብ ተወካዮች ምክር ቤት በሃይማኖታዊ መጽሐፍት በተለይም በመጽሐፍ ቅዱስ ላይ ተመስርቶ የሚሰጡ አስተያየቶችን እንደ ጥላቻ ንግግር በመቁጠር በወንጀል ሊያስጠይቅ የሚችለውን C-9 ወይም “የጥላቻ መከላከል አዋጅ” በከፍተኛ ድምፅ አፅድቋል።

በጠቅላይ ሚኒስትር ማርክ ካርኒ አስተዳደር የቀረበው ይህ ረቂቅ ሕግ በ186 የድጋፍ እና በ137 ተቃውሞ ድምፅ ነው የጸደቀው።

C-9 የተሰኘው ይህ አዲስ ሕግ ቀደም ሲል በካናዳ የወንጀል ሕግ ውስጥ የነበረውን “የሃይማኖት ነፃነት መብት ጥበቃ” የሚሰርዝ ነው።

ይህም ማለት አንድ ግለሰብ ስለ ጾታ፣ ጋብቻ ወይም ግብረ-ሰዶማዊነት በመጽሐፍ ቅዱስ ውስጥ ያሉ ጥቅሶችን በመጥቀስ አስተያየት ቢሰጥና ድርጊቱ “የሌሎችን ስሜት ጎድቷል” ተብሎ ከተገመተ እንደ ጥላቻ ንግግር ተቆጥሮ የወንጀል ክስ ሊመሰረትበት ይችላል።

የሕገ-መንግሥት ባለሙያዎች እና የተለያዩ የሃይማኖት ተቋማት ሕጉ “የሰዎችን ስሜት” መሠረት ያደረገ ክስ እንዲመሰረት መንገድ ይከፍታል በሚል ከፍተኛ ስጋታቸውን ገልጸዋል።

በሌላ በኩል የካናዳ የካቶሊክ ጳጳሳት ጉባኤ እና የተለያዩ የክርስትና ድርጅቶች ሕጉን “ፀረ-ክርስቲያን” ሲሉ የጠሩት ሲሆን የካምፔን ላይፍ ኮአሊሽን (CLC) የዘመቻ ሥራ አስኪያጅ ዴቪድ ኩክ ይህ ሕግ ፖሊሶችና ዳኞች የእግዚአብሔርን ቃል ዒላማ እንዲያደርጉ በር የሚከፍት ነው ሲሉ ተችተዋል።

የወግ አጥባቂ ፓርቲ አባላትም ሕጉ የዜጎችን የመናገርና የሃይማኖት ነፃነት የሚጻረር መሆኑን በመጥቀስ በረቂቁ ላይ የቀረበው የሃይማኖት ጥበቃ ማሻሻያ እንዲሰረዝ ቢጠይቁም በገዥው ፓርቲ ውድቅ ተደርጓል።

ሕጉ በምክር ቤቱ የጸደቀ ቢሆንም ሙሉ በሙሉ የሀገሪቱ ሕግ ሆኖ ከመፅናቱ በፊት ለካናዳ የሕግ መወሰኛ ምክር ቤት የቀረበ ሲሆን ተቃዋሚዎች እና የሃይማኖት ተሟጋቾች የካናዳ ክርስቲያኖች ለሴናተሮች ስልክ በመደወልና ኢሜይል በመላክ ሕጉ እንዳይጸድቅ ግፊት እንዲያደርጉ ጥሪ አቅርበዋል።

ይሁን እንጂ አብዛኞቹ የሴኔት አባላት በቀድሞው ጠቅላይ ሚኒስትር ጀስቲን ትሩዶ የተሾሙ በመሆናቸው ሕጉ ያለ ምንም መሰናክል በሴኔቱ የመጽደቅ ዕድሉ ከፍተኛ እንደሆነ ተገምቷል።

#ገበያ_ሚዲያ

ገበያ ሚዲያ | ገበያ ቢዝነስ | Facebook

#ገበያ_ሚዲያ #gebeyamedia #gebeyanews #ገበያ #Ethiopia #ኢትዮጵያ #addisababa #አዲስአበባ #ካናዳ #canada #chrstianity

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

GEBEYA MEDIA

GEBEYA MEDIA

Ranking

Participant Growth (Last 9 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

User Reviews (0)

Latest Posts