Eleven Media Group

Public

Can't Join? @elevenmediagroup

40k Members

Updated: May 25, 2026 at 4:05 PM

Eleven Media Group

https://www.facebook.com/pg/ElevenMediaGroup https://www.instagram.com/elevenmediagroup https://www.youtube.com/elevenwebtv11

Join @elevenmediagroup for exclusive httpswwwinstagramcomelevenmediagroup and httpswwwyoutubecomelevenwebtv11 content and discussions in 1

Ranking

Global Ranking

#14116

+34671

Language Ranking

#2318

+7110

Category Ranking

#987

+2551

Participant Growth (Last 30 Days)

Total: 40.0K

24h growth: -193 0%

Latest Posts

Eleven Media Group

Apr 23, 2026, 05:22 AM

■ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဦးတင်အောင်စန်းအား ခန့်အပ်
အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဦးတင်အောင်စန်းအား ခန့်အပ်ကြောင်း နိုင်ငံတော်သမ္မတရုံးက အမိန့်အမှတ် ၄၇/၂ဝ၂၆ ဖြင့် ထုတ်ပြန်သည်။
နိုင်ငံတော်သမ္မတနှင့် နိုင်ငံတော်သမ္မတရုံးတို့အား အမျိုးသားလုံခြုံရေးဆိုင်ရာကိစ္စရပ်များကို ဘက်ပေါင်းစုံမှ လေ့လာသုံးသပ်အကြံပြုနိုင်ရန်အတွက် နိုင်ငံတော်သမ္မတရုံးဝန်ကြီးဌာန ပြည်ထောင်စု ဝန်ကြီး ဦးတင်အောင်စန်း အား အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် ခန့်အပ်တာဝန် ပေးလိုက်ကြောင်း နိုင်ငံတော်သမ္မတရုံး၏ အမိန့်တွင်ပါရှိသည်။
ဦးတင်အောင်စန်းသည် တပ်မတော်တွင်ဗိုလ်ချုပ်ကြီးအဆင့်နှင့် ကာကွယ်ရေးဦးစီးချုပ်(ရေ)တာဝန်များထမ်းဆောင်ခဲ့ပြီး၂၀၂၁ ခုနှစ် ဖေဖော်ဝါရီ ၁ ရက်မှ ၂၀၂၆ ခုနှစ် ဧပြီ ၉ ရက်အထိ နိုင်ငံတော်စီမံအုပ်ချုပ်ရေးကောင်စီ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် အစိုးရလက်ထက်တို့တွင် နစကအဖွဲ့ဝင်၊ ဒုတိယဝန်ကြီးချုပ်၊ ပို့ဆောင်ရေးနှင့် ဆက်သွယ်ရေးဝန်ကြီး၊ ကာကွယ်ရေးဝန်ကြီး၊ ဝန်ကြီးချုပ်ရုံးဝန်ကြီး၊ သမ္မတရုံးဝန်ကြီးဌာန(၁) ပြည်ဝန်ကြီး၊ အမျိုးသားကာကွယ်ရေးနှင့် လုံခြုံရေးဆိုင်ရာအကြံပေးပုဂ္ဂိုလ်တာဝန်များထမ်းဆောင်ခဲ့သူဖြစ်သည်။
လက်ရှိ နိုင်ငံတော်သမ္မတဦးမင်းအောင်လှိုင် ဦးဆောင်သည့်အစိုးရအဖွဲ့တွင် ဦးတင်အောင်စန်းသည် နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီးအဖြစ် ထပ်မံခန့်အပ်ခံရပြီး ယခု အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ်လည်း ထပ်မံတာဝန်ပေးအပ်ခံရခြင်းဖြစ်သည်။
#elevennews_2026 #ဦးတင်အောင်စန်း #အမျိုးသားလုံခြုံရေးဆိုင်ရာအကြံပေးပုဂ္ဂိုလ်

1,250

Eleven Media Group

Apr 23, 2026, 05:22 AM

📷 Photo

■ အီရန်တော်လှန်ရေးအစောင့်တပ်က ဟော်မုဇ်ရေလက်ကြားတွင် သင်္ဘောသုံးစင်းကို တိုက်ခိုက်ခဲ့ပြီး နှစ်စင်းကို ဖမ်းဆီး

ဟော်မုဇ်ရေလက်ကြားကို ဖြတ်သန်းနေသည့် သင်္ဘောသုံးစင်းကို ဧပြီ ၂၂ ရက်တွင် အီရန်တော်လှန်ရေးအစောင့်တပ် (IRGC) က ပစ်မှတ်ထားတိုက်ခိုက်ခဲ့ကြောင်း အီရန်သတင်းမီဒီယာများက ဖော်ပြခဲ့သည်။

IRGC နှင့်နီးစပ်သည့် Fars သတင်းဌာန၏ ထုတ်ပြန်ချက်အရ အဖမ်းမခံရသည့် Euphoria အမည်ရှိ သင်္ဘောက တိုက်ခိုက်ခံရပြီးနောက် လက်ရှိ အီရန်ကမ်းလွန်တွင် သောင်တင်နေသည်။

MSC Francescaနှင့် Epaminondas အမည်ရှိ သင်္ဘောနှစ်စင်းကိုမူ အီရန်တော်လှန်ရေးအစောင့်တပ်က ဖမ်းဆီးလိုက်ပြီး အီရန်ကမ်းရိုးတန်းဘက်သို့ ဦးတည်ခေါ်ဆောင်လာကြောင်း IRGC ရေတပ်၏ ထုတ်ပြန်ချက်ကို သတင်းဌာနများက ကိုးကားဖော်ပြကြသည်။ဖမ်းခေါ်လာသည့် သင်္ဘောနှစ်စင်းကို ကုန်ပစ္စည်းများ၊ စာရွက်စာတမ်းများနှင့် မှတ်တမ်းမှတ်ရာများကို စစ်ဆေးရန် အီရန်ပိုင်နက်ရေပြင်အတွင်း လွှဲပြောင်းပေးပြီးပြီဟု IRGC ရေတပ်ကဆိုသည်။

1,240

Eleven Media Group

Apr 23, 2026, 05:22 AM

■ နိုင်ငံတော်သမ္မတနှင့် ထိုင်းနိုင်ငံ ဒုတိယဝန်ကြီးချုပ် တွေ့ဆုံပြီး နှစ်နိုင်ငံအကြား စိုက်ပျိုးရေး၊ မွေးမြူရေး၊ ရင်နှီးမြှုပ်နှံမှု၊ လျှပ်စစ်နှင့် စွမ်းအင်ကဏ္ဍအပါအဝင် ဘက်ပေါင်းစုံ ပူးပေါင်းဆောင်ရွက်မှုများ တိုးမြှင့်ဆောင်ရွက်​ရေး​ ဆွေး​နွေး

နိုင်ငံတော်သမ္မတ ဦးမင်းအောင်လှိုင် ထံ ထိုင်းနိုင်ငံ၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာ ဆီဟဆက်ဖူဝန်ကေ့ကဲ့ဝို့ ဦးဆောင်သော ကိုယ်စားလှယ်အဖွဲ့သည် ယနေ့(ဧပြီ ၂၂ ရက်)နံနက်ပိုင်းတွင် နေပြည်တော်ရှိ နိုင်ငံတော်သမ္မတ၏ ဧည့်ဆောင်တော်၌ လာရောက်ဂါရဝပြု တွေ့ဆုံခဲ့​ကြောင်း သိရသည်။

ထိုသို့ တွေ့ဆုံရာတွင် မြန်မာ-ထိုင်းနှစ်နိုင်ငံသည် အိမ်နီးချင်းကောင်းနိုင်ငံများ ဖြစ်သည်နှင့်အညီ သံတမန်ဆက်ဆံမှုများ ရှည်ကြာကောင်းမွန်လျက်ရှိမှု အခြေအနေများနှင့် ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်သွားမည့်အခြေအနေများ၊ နယ်စပ်ဒေသတည်ငြိမ်အေးချမ်းရေး၊ မူးယစ်ဆေးဝါးတားဆီးနှိမ်နင်းရေးနှင့် အွန်လိုင်းလိမ်လည်လောင်းကစားမှုများပပျောက်ရေး၊ နယ်စပ်ဖြတ် ကျော် မီးခိုးမြူငွေ့များလျှော့ချနိုင်ရေးတို့အတွက် ပူးပေါင်းဆောင်ရွက်သွားမည့် အခြေ အနေများ၊ နယ်စပ်ဒေသ ကုန်သွယ်မှုများမြှင့်တင်နိုင်ရေးအတွက် ကုန်သွယ်မှု လမ်းကြောင်းများ ပြန်လည်ဖွင့်လှစ် ဆောင်ရွက်လျက်ရှိမှုအခြေအနေများ၊ မြန်မာနိုင်ငံတွင် လွတ်လပ်ပြီးတရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲကို အောင်မြင်စွာကျင်းပပြုလုပ်နိုင်ခဲ့ပြီး ပြည်သူများကရွေးချယ်သည့် အစိုးရအဖွဲ့မှ နိုင်ငံတော်အား ဒီမိုကရေစီလမ်းကြောင်းပေါ်၌ ခိုင်ခိုင်မာမာဖြင့် ဆက်လက် လျှောက်လှမ်းလျက်ရှိမှုအခြေအနေများ၊ နိုင်ငံတော်အစိုးရအနေဖြင့် ပြည်တွင်း ငြိမ်းချမ်းရေးရရှိရေးအတွက် ငြိမ်းချမ်းရေးဆွေးနွေးပွဲများ ပြုလုပ်နိုင်ရန် ဖိတ်ခေါ် ထားရှိမှု အခြေအနေများ၊ မြန်မာနိုင်ငံအနေဖြင့် အာဆီယံဘုံသဘောတူညီချက်(၅) ရပ်ပါ အချက်များတွင်ပါဝင်သည့် လူသားချင်းစာနာထောက်ထားမှုဆိုင်ရာ ကိစ္စရပ်များ၊ ပြည်တွင်းငြိမ်းချမ်းရေး ကြိုးပမ်းဆောင်ရွက်မှုများနှင့် အခြားအချက်များကို အကောင်း ဆုံးပူးပေါင်း ဆောင်ရွက်လျက်ရှိမှုအခြေအနေများ၊ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်များတွင် ထိုင်းနိုင်ငံမှ ပါဝင်ကူညီဆောင်ရွက် ပေးသွားမည့်အခြေအနေများ၊ နှစ်နိုင်ငံအကြား စိုက်ပျိုးရေး၊ မွေးမြူရေး၊ ရင်နှီးမြှုပ်နှံမှု၊ လျှပ်စစ်နှင့်စွမ်းအင်ကဏ္ဍနှင့် ကုန်ထုတ်လုပ်မှုလုပ်ငန်းများနှင့် ဘက်ပေါင်းစုံ ပူးပေါင်းဆောင်ရွက်မှုများ ဆက်လက်တိုးမြှင့်ဆောင်ရွက်သွားမည့် အခြေအနေများနှင့်ပတ်သက်၍ ဆွေးနွေခဲ့ကြသည်။

အဆိုပါတွေ့ဆုံပွဲသို့ နိုင်ငံတော်သမ္မတနှင့်အတူ နိုင်ငံတော်သမ္မတရုံး ပြည်ထောင်စု ဝန်ကြီး ဦးခင်မောင်ရီ၊ နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးတင်မောင်ဆွေ၊ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ဌာန ပြည်ထောင်စုဝန်ကြီး ဦးအောင်ကျော်ဟိုးနှင့် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်တို့တက်ရောက်ကြပြီး ထိုင်းနိုင်ငံ၊ ဒုတိယ ဝန်ကြီးချုပ် နှင့်နိုင်ငံခြားရေးဝန်ကြီးနှင့်အတူ ထိုင်းနိုင်ငံခြားရေးဝန်ကြီး၏ အကြံပေး ပုဂ္ဂိုလ်များဖြစ်သည့်

H. E. Mr. Kallayana Vipattipumiprates & Gen. Nothapol Boonngam နှင့် အဖွဲ့ဝင်များ၊ မြန်မာနိုင်ငံဆိုင်ရာ ထိုင်းနိုင်ငံသံရုံးမှ တာဝန်ရှိသူများ တက်ရောက်ခဲ့​ကြောင်း သိရသည်။

■ Website Link - - - >>> https://news-eleven.com/article/311399

#elevennews_2026 #ထိုင်း

Eleven Media Group

Apr 23, 2026, 05:22 AM

📷 Photo

1,660

Eleven Media Group

Apr 23, 2026, 05:22 AM

■ ရန်ကုန်တိုင်းဒေသကြီးအတွင်း ၁၈ နာရီမှ ၂၀ နာရီအထိ၊ မန္တလေးတိုင်းဒေသကြီးတွင် ၁၆ နာရီမှ ၁၈ နာရီ၊ ကျန်တိုင်းဒေသကြီးများတွင် အနည်းဆုံး ၁၄ နာရီအထိ လျှပ်စစ်ဓာတ်အား တိုးမြှင့်ဖြန့်ဖြူးမည်
ရန်ကုန်တိုင်းဒေသကြီးအတွင်း ၁၈ နာရီမှ ၂၀ နာရီအထိ၊ မန္တလေးတိုင်းဒေသကြီးတွင် ၁၆ နာရီမှ ၁၈ နာရီ၊ ကျန်တိုင်းဒေသကြီးများတွင် အနည်းဆုံး ၁၄ နာရီအထိ လျှပ်စစ်ဓာတ်အားတိုးမြှင့်ဖြန့်ဖြူးမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနက ထုတ်ပြန်သည်။
လျှပ်စစ်နှင့်စွမ်းအင်ဝန်ကြီးဌာန၊ လျှပ်စစ်ဓာတ်အားတိုးမြှင့်ထုတ်လုပ်နိုင်ရေး လုပ်ငန်းညှိနှိုင်းအစည်းအဝေးကို ဧပြီ ၂၂ ရက် နံနက် ၁၁ နာရီတွင် နေပြည်တော်ရှိလျှပ်စစ်နှင့်စွမ်းအင်ဝန်ကြီးဌာန၊ ရုံးအမှတ် (၂၇)၊ အစည်းအဝေးခန်းမ၌ ပြုလုပ်ခဲ့ပြီး လျှပ်စစ်ဓာတ်အားတိုးမြှင့်ဖြန့်ဖြူးပေးရန် ဆုံးဖြတ်ခဲ့ခြင်းဖြစ်သည်။
အဆိုပါအစည်းအဝေးသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်၊ ဒုတိယဝန်ကြီး ဦးအေးကျော်၊ အမြဲတမ်းအတွင်းဝန်၊ ပြည်ထောင်စုဝန်ကြီးရုံး၊ ဦးစီးဌာနနှင့် လုပ်ငန်းများမှ ညွှန်ကြားရေးမှူးချုပ်များ၊ဦးဆောင်ညွှန်ကြား ရေးမှူး များ၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်း ဥက္ကဋ္ဌနှင့် တာဝန်ရှိသူများ တက်ရောက်ခဲ့ ကြပြီး မန္တလေးလျှပ်စစ်ဓာတ်အားပေးရေးကော်ပိုရေးရှင်း ခေတ္တဥက္ကဋ္ဌနှင့် တာဝန်ရှိသူများမှ Video Conferencing ဖြင့် တက်ရောက်ခဲ့သည်။
ပြည်ထောင်စုဝန်ကြီးက လျှပ်စစ်ဓာတ်အား တိုးမြှင့်ထုတ်လုပ်ဖြန့်ဖြူးပေးနိုင်မည့် အခြေအနေများနှင့်ပတ်သက်၍ ညှိနှိုင်းဆွေးနွေးသုံးသပ်ပြီး တိုးတက်ဖြန့်ဖြူးပေးနိုင်မည့် အခြေအနေနှင့် အခြားရရှိနိုင်မည့် နည်းလမ်းများကိုလည်း စီမံဆောင်ရွက်သွားမည် ဖြစ်ကြောင်း၊ ဆောင်ရွက်ဆဲ လျှပ်စစ်ဓာတ်အား ထုတ်လုပ်ရေးစီမံကိန်းများကိုလည်း အမြန်ဆုံးပြီးစီးနိုင်ရေး သက်ဆိုင်ရာအဖွဲ့အစည်းများအား တွန်းအားပေး ကြပ်မတ်သွားမည် ဖြစ်ကြောင်း၊ အကြမ်းဖက်ဖျက်ဆီးခံရသည့် အချို့သော ရေအားလျှပ်စစ်စီမံကိန်းများ၊ မဟာဓာတ်အားလိုင်းများ၊ ဓာတ်အားခွဲရုံများကို အမြန်ဆုံးပြုပြင်ဆောင်ရွက်မည် ဖြစ်ကြောင်း၊ ပြန်လည်ပြုပြင်ခြင်းလုပ်ငန်းများ ဆောင်ရွက်နေချိန်တွင်လည်း အကြမ်းဖက် တိုက်ခိုက်မှုများခံရပြီး မိမိတို့ဝန်ထမ်းများ သေဆုံး၊ ထိခိုက်၊ ဒဏ်ရာရမှုများကြောင့် နှောင့်နှေး ကြန့်ကြာမှုများရှိကြောင်း ပြောကြားသည်။
ထို့ပြင်စီမံကိန်းများပြီးစီးမှု နောက်ကျခဲ့ခြင်းကြောင့် ပြည်သူလူထု၏ဓာတ်အားလိုအပ်ချက်ကို ပြည့်ဝစွာဖြည့်ဆည်းပေးနိုင်ခြင်း မရှိခဲ့ကြောင်း၊ LNG သည် ဈေးနှုန်းကြီးမြင့်သော်လည်းလတ်တလောတွင် အချိန်အတိုင်းအတာတစ်ခုအထိ ဖြည့်ဆည်း သုံးစွဲနေကြရမှာဖြစ်သည့်အတွက် နိုင်ငံတော်အစိုးရအနေဖြင့် စီမံထားပြီးဖြစ်ကြောင်း၊ ထို့ကြောင့် LNG ဖြင့်ပို့လွှတ်သည့် လျှပ်စစ်ဓာတ်အားကို တစ်ယူနစ်လျှင် ၉၀၀ ကျပ်နှုန်း သီးသန့် ဓာတ်အားလိုင်းဖြင့် ဓာတ်အားဖြတ်တောက်မှုမရှိဘဲ စက်မှုဇုန်များ၊ လုပ်ငန်းကြီးများသို့ ဖြန့်ဖြူးပေးလျက်ရှိသည့် အခြေအနေ များနှင့် ပူပြင်းသည့် ယခုကာလများတွင် အများပြည်သူ လျှပ်စစ်ဓာတ်အား ပိုမို သုံးစွဲခွင့်ရရှိနိုင်ရန် ရရှိနိုင်သည့်စွမ်းအင်အရင်းအမြစ်များကို စနစ်တကျ စစ်ထုတ်သုံးစွဲပြီး Power Generation ကို စီမံဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးက ဆက်လက်ပြောကြားသည်။
လျှပ်စစ်ဓာတ်အား ထုတ်လုပ်မှုစနစ်များကို တွက်ချက်မှုများ ဆောင်ရွက်ပြီးနောက် ရေအားလျှပ်စစ် ဓာတ်အားပေးစက်ရုံ၊ သဘာဝဓာတ်ငွေ့သုံး ဓာတ်အားပေးစက်ရုံ၊ ကျောက်မီးသွေးသုံး ဓာတ်အားပေးစက်ရုံ၊ နေရောင်ခြည်စွမ်းအင်သုံး ဓာတ်အားပေးစက်ရုံတို့မှ လက်ရှိဓာတ်အားထုတ်လုပ်နေမှုအပြင် ပိုမိုရရှိလာသော သဘာဝဓာတ်ငွေ့ဖြင့် ထိရောက်မှု ရှိအောင် ဓာတ်အားထုတ်လုပ်ဖြန့်ဖြူးပေးနိုင်မည့် အစီအမံများကို ချမှတ်ပြီး ရန်ကုန်တိုင်းဒေသကြီးအတွင်း ၁၆ နာရီမှ ၁၈ နာရီ ဓာတ်အားဖြန့်ဖြူးနေမှုအစား ၁၈ နာရီမှ နာရီ ၂၀ အထိတိုးမြှင့်၍လည်းကောင်း၊ မန္တလေးတိုင်းဒေသကြီးအတွင်း ၁၄ နာရီမှ ၁၆ နာရီအစား ၁၆ နာရီမှ ၁၈ နာရီအထိ တိုးမြှင့်၍လည်း ကောင်း၊ အခြားပြည်နယ်/တိုင်းဒေသကြီးများအတွက် ၁၂ နာရီခန့် ဓာတ်အားဖြန့်ဖြူးနေမှုအစား အနည်းဆုံး ၁၄ နာရီ နေ့စဉ်ဖြန့်ဖြူးပေးခြင်းကို ဧပြီ ၂၂ ရက် ညနေ ၃ နာရီမှ စတင်တိုးမြှင့် ဖြန့်ဖြူးပေးသွားမည်ဖြစ်ကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။
#elevennews #လျှပ်စစ်ဓာတ်အား #yangon #mandalay
Website Link - - - >>> https://news-eleven.com/article/311398

Eleven Media Group

Apr 23, 2026, 05:22 AM

🎥 Video

ဧပြီလ ၂၂ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မြန်မာနိုင်ငံသို့ ရောက်ရှိနေ
- နိုင်ငံရေးအကျဉ်းသားအားလုံး လွတ်မြောက်ရေး၊ မြန်မာ့ငြိမ်းချမ်းရေးနှင့် တည်ငြိမ်ရေးဖြစ်စဉ်များကို ဆက်လက်ပံ့ပိုး ကူညီမည်ဟု အမေရိကန် ထုတ်ပြန်
- ညောင်ဦးမြို့နယ်ရှိ ရပ်ကွက်အချို့တွင် လေပြင်းတိုက်ခတ်မှုကြောင့် သစ်ပင်များလဲကျပြီး လမ်းပိတ်ဆို့မှုများဖြစ်ပွားခဲ့
- အီရန်နျူကလီးယားစခန်းများ ပျက်စီးသွား၍ ယူရေနီယံများကို ဖယ်ရှားရန် ခက်ခဲလိမ့်မည်ဟု ထရန့်ဆို
- ရိုမေးနီးယားလက်ရွေးစင်အသင်းနည်းပြအဖြစ် ဂျော်ဂီဟာဂျီ ဒုတိယအကြိမ် ခန့်အပ်ခံရ

1,980

Eleven Media Group

Apr 23, 2026, 05:22 AM

📷 Photo

■ ဦးဝင်းမြင့်နှင့် အကျဉ်းသားအချို့အား လွတ်ငြိမ်းခွင့်ပြုခြင်းအပေါ် အသိအမှတ်ပြုကြောင်း ဗြိတိသျှသံရုံး၊ သြစတြေးလျသံရုံးနှင့် နော်ဝေးသံရုံးထုတ်ပြန်

■ အကျပ်အတည်းကိုဖြေရှင်းရာတွင် အာဆီယံ၏အခရာကျသည့်အခန်းကဏ္ဍကို ပံ့ပိုးထောက်ခံဟုဆို

သမ္မတဟောင်းဦးဝင်းမြင့်နှင့် အကျဉ်းသားအချို့အား လွတ်ငြိမ်းခွင့်ပြုခြင်းအပေါ် အသိအမှတ်ပြုကြောင်းဗြိတိသျှသံရုံး၊ သြစတြေးလျသံရုံးနှင့် နော်ဝေးသံရုံးတို့က ထုတ်ပြန်သည်။

မြန်မာနိုင်ငံဆိုင်ရာ ဗြိတိသျှသံရုံးအကြီးအကဲ Andrew Jackson ၏ ထုတ်ပြန်ချက်တွင် ဦးဝင်းမြင့် နှင့် အကျဉ်းသားအချို့အား လွတ်ငြိမ်းခွင့်ပြုခြင်းအပေါ် ယူကေအစိုးရအနေဖြင့် အသိအမှတ်ပြုကြောင်း၊ အခြားသော အကျဉ်းသားများစွာ၏ သတင်းကို စိုးရိမ်စွာဖြင့် စောင့်မျှော်လျက်ရှိကြောင်း ဖော်ပြထားသည်။

■ Website Link >>>> https://news-eleven.com/article/311396

2,360

Eleven Media Group

Apr 23, 2026, 05:22 AM

■ Digital Education နှင့်ပတ်သက်၍ Digital Learning Platform ကို ဆောင်ရွက်ရမည်ဖြစ်ရာ သင်ယူမှုစီမံခန့်ခွဲရေးစနစ်ကို ဉာဏ်ရည်တုနည်းပညာ Artificial Intelligence (AI) နှင့် ချိတ်ဆက်ဆောင်ရွက်ရမည်ဖြစ်ကြောင်း ပညာရေးဝန်ကြီး ပြောကြား

Digital Education နှင့်ပတ်သက်၍ Digital Learning Platform ကို ဆောင်ရွက်ရမည်ဖြစ်ရာ သင်ယူမှုစီမံခန့်ခွဲရေးစနစ် (Learning Management System-LMS) ကို ဉာဏ်ရည်တုနည်းပညာ Artificial Intelligence (AI) နှင့် ချိတ်ဆက်ဆောင်ရွက်ရမည်ဖြစ်ကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်က ပြောကြားသည်။

ဧပြီ ၂၁ ရက်က ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် ဒုတိယဝန်ကြီး ဒေါက်တာဇော်မြင့်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်များ၊ တာဝန်ရှိသူများနှင့်အတူ Naypyitaw State Academy အစည်းအဝေးခန်းမ၌ ညွှန်ကြားရေးမှူးချုပ်များ၊ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ (ဌာနမှူး) များ၊ တာဝန်ရှိသူများနှင့် တွေ့ဆုံစဉ် ထိုသို့ပြောကြားခဲ့ခြင်းခြင်းဖြစ်သည်။

ပြည်ထောင်စုဝန်ကြီးက Digital Education နှင့် ပတ်သက်၍ Digital Learning Platform ကို ဆောင်ရွက်ရမည်ဖြစ်ရာ သင်ယူမှုစီမံခန့်ခွဲရေးစနစ် (Learning Management System-LMS) ကို စနစ်တကျဆောင်ရွက်သွားရမည်ဖြစ်ကြောင်း၊ ယင်းသို့ဆောင်ရွက်ရာတွင် ဉာဏ်ရည်တုနည်းပညာ Artificial Intelligence (AI) နှင့် ချိတ်ဆက်ဆောင်ရွက်ရမည်ဖြစ်ကြောင်း၊ AI tools များကို အသုံးပြု၍ Lecture များ ပိုမိုကောင်းမွန်အောင် ပြင်ဆင်ကြစေလိုကြောင်း၊ ဆရာ ဆရာမများ ကိုယ်တိုင် LMS Platform ကို ကျွမ်းကျင်စွာ အသုံးပြုတတ်စေရန် သင်တန်းများပေးရမည်ဖြစ်ကြောင်း၊ သို့ဖြစ်၍ Naypyitaw State Academy ကစတင်ကာ LMS Platform ကို အကောင်အထည်ဖော်ရမည်ဖြစ်ကြောင်း၊ လူရည်ချွန်စီမံကိန်း အကောင်အထည်ဖော်ဆောင်ရွက်လျက်ရှိရာ Naypyitaw State Academy တွင် လိုအပ်သည့် ပြင်ဆင်ဆောင်ရွက်မှုများကို ဆက်စပ်ဝန်ကြီးဌာနများနှင့် ပူးပေါင်းဆောင်ရွက်ကြစေလိုကြောင်း၊ လူရည်ချွန်စီမံကိန်း ကျင်းပဆောင်ရွက်နိုင်ရေး ပူးပေါင်းဆောင်ရွက်ကြစေလိုကြောင်း ၎င်းက ပြောကြားသည်။

■ Read more >>>> https://news-eleven.com/article/311389

Eleven Media Group

Apr 23, 2026, 05:22 AM

📷 Photo

■ ထိုင်း-မြန်မာ နယ်စပ်ဒေသတစ်လျှောက်တွင် နေထိုင်သည့် ထိုင်းနိုင်ငံသားများအတွက် စိုးရိမ်ကြောင်း ထိုင်းဝန်ကြီးချုပ် ပြောကြား

ထိုင်း-မြန်မာ နယ်စပ်ဒေသတစ်လျှောက်တွင် နေထိုင်သည့် ထိုင်းနိုင်ငံသားများအတွက် စိုးရိမ်ကြောင်း ထိုင်းဝန်ကြီးချုပ်နှင့် ပြည်ထဲရေးဝန်ကြီး အနူတင် ချန်ဗီရာကူလ်က ပြောကြားခဲ့ပြီး နယ်စပ်တစ်ဖက်ခြမ်းရှိ တိုက်ပွဲများ ထိုင်းနိုင်ငံအတွင်းသို့ လုံးဝကူးစက်လာရမည်မဟုတ်ကြောင်း သတိပေးခဲ့သည်။

မြန်မာနိုင်ငံတွင် တိုက်ပွဲများ ဆက်လက်ဖြစ်ပွားနေချိန်တွင် နယ်စပ်လုံခြုံရေး စီမံခန့်ခွဲမှုနှင့် ပတ်သက်ပြီး ပုံမှန်အစည်းအဝေးတစ်ခုအတွင်း ညွှန်ကြားချက်အချို့ ထုတ်ပြန်ခဲ့ကြောင်း အနူတင်က ပြည်ထဲရေးဝန်ကြီးဌာနတွင် ပြောကြားခဲ့သည်။

အဆိုပါအခြေအနေများနှင့် ပတ်သက်၍ ဘက်ပေါင်းစုံမှ စိုးရိမ်လျက်ရှိကြောင်းလည်း ၎င်းက ဆိုသည်။

Ref: Khaosod English

■ Read more >>>> https://news-eleven.com/article/311393

2,710

Eleven Media Group

Apr 23, 2026, 05:22 AM

📷 Photo

2,290

Eleven Media Group

Mar 28, 2026, 04:02 PM

📷 Photo

■ ပထမဆုံး India အမှတ်တံဆိပ် SKD EV နှစ်ဘီးနှင့် သုံးဘီးယာဉ်များ တပ်ဆင်ထုတ်လုပ်ရေး စက်ရုံ ကရင်ပြည်နယ်တွင် ဖွင့်လှစ်

ပထမဆုံး India အမှတ်တံဆိပ် SKD EV နှစ်ဘီးနှင့် သုံးဘီးယာဉ်များ တပ်ဆင်ထုတ်လုပ်ရေး စက်ရုံ ကရင်ပြည်နယ်တွင် ဖွင့်လှစ်ခဲ့ကြောင်း သိရသည်။

ယင်းစက်ရုံဖွင့်ပွဲကို မတ် ၂၇ ရက်က ကရင်ပြည်နယ် ဘားအံစက်မှုဇုန် စုရပ်အမှတ် (၁) အကွက်အမှတ် (၃၈) အဆိုပါစက်ရုံရှေ့၌ ကျင်းပခဲ့သည်။

■ Website Link >>>> https://news-eleven.com/article/310836

242

Eleven Media Group

Mar 28, 2026, 04:02 PM

ထို့ပြင် ရန်ကုန်တိုင်းဒေသကြီး မှော်ဘီမြို့နယ် အောက်ဝါးနက်ချောင်းကျေးရွာအုပ်စု အင်တန်းကျေးရွာနေ အမျိုးသမီးတစ်ဦးက မှတ်ပုံတင်ပြုလုပ်လို၍ အဒေါ်ဖြစ်သူ ဒေါ်နှင်းယုလွင်အား ဆက်သွယ်ခဲ့ရာ အ‌ဒေါ်ဖြစ်သူက ခရေပင်ရိပ်မွန်အိမ်ရာအတွင်းရှိ တိုက်အမှတ် (၁၀၂) သို့ ရောက်ရှိနေကြောင်း ပြောဆိုသဖြင့် အဆိုပါနေအိမ်သို့ သွားရောက်ခဲ့ရာ အ‌ဒေါ်ဖြစ်သူအား မတွေ့ရှိဘဲ ရန်ကုန်တိုင်းဒေသကြီး မင်္ဂလာဒုံမြို့နယ် ချစ်တီးကုန်းရပ်ကွက်နေ မမေမြတ်သူ (ခ) မေသူနှင့် ခင်ပွန်းဖြစ်သူ တရုတ်နိုင်ငံသား Mr. SHAOXUAN တို့အား တွေ့ရှိခဲ့ပြီး မမေမြတ်သူ (ခ) မေသူက ၎င်းအား တရုတ်ယောက်ျားယူပါက တင်တောင်းငွေ ကျပ်သိန်း ၁၀၀ ရရှိမည်၊ လက်ဝတ်ရတနာများ ဆင်ပေးမည်ဟု ပြောဆိုစည်းရုံးသဖြင့် သဘောတူခဲ့သည်ဟု သိရသည်။

တစ်ပတ်ခန့်အကြာတွင် မမေမြတ်သူ (ခ) မေသူက ကြိုတင်ငွေသိန်း ၂၀ ပေးခဲ့ပြီး တရုတ်နိုင်ငံသား Mr. Li Wei နှင့် ပေါင်းသင်းနေထိုင်ခဲ့ရကြောင်း၊ ငါးလခန့် ပေါင်းသင်းနေထိုင်စဉ် မမေမြတ်သူ (ခ)
မေသူက နိုင်ငံကူးလက်မှတ်စာအုပ်ပြုလုပ်ပေးခြင်း၊ ဗီဇာလျှောက်ထားခြင်း၊ ရွှေလက်စွပ်၊ ရွှေနားကပ် ပြုလုပ်ပေးခြင်းတို့ ဆောင်ရွက်ခဲ့ကြောင်း၊ တရုတ်နိုင်ငံသားက မမေမြတ်သူ (ခ) မေသူအား
အကျိုးဆောင်ခအဖြစ် ယွမ် ၄၀၀၀၀ ပေးခဲ့ရကြောင်း စိစစ်ပေါ်ပေါက်သဖြင့် အမှတ် (၆) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု (ရန်ကုန်) မှ တရားလိုပြုလုပ် တိုင်တန်းခဲ့ရာ မင်္ဂလာဒုံမြို့မရဲစခန်း (ပ) ၁၈၁/၂၀၂၅၊ လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲ တင်ပို့ခဲ့ပြီး မတ် ၂၄ ရက်တွင် မင်္ဂလာဒုံခရိုင်တရားရုံးမှ တရားခံ မေမြတ်သူ (ခ) မေသူနှင့် Mr. SHAOXUAN တို့ နှစ်ဦးအား လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅ အရ အလုပ်နှင့်ထောင်ဒဏ် ၁၅ နှစ်စီ၊
တရားခံတရုတ်နိုင်ငံသား Mr. Li Wei အား လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/၄၄ အရ အလုပ်နှင့် ထောင်ဒဏ် ၁၀ နှစ် ကျခံစေရန် အမိန့်ချမှတ်ခဲ့ကြောင်း ပြည်ထဲရေးဝန်ကြီးဌာနမှ သိရသည်။

■ Website Link >>>> https://news-eleven.com/article/310834

■ Eleven Website: https://news-eleven.com/
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel :
■ Eleven Viber : https://vb.me/elevenmediagroup

Eleven Media Group

Mar 28, 2026, 04:02 PM

📷 Photo

■ အမေရိကန်နှင့် အစ္စရေးတို့၏ တိုက်ခိုက်မှုကြောင့် အီရန်အစိုးရအပြောင်းအလဲ ဖြစ်လာနိုင်ခြေမရှိဟု ဂျာမနီ ဝန်ကြီးချုပ် ပြောကြား

အရှေ့အလယ်ပိုင်းတွင် အမေရိကန်၊အစ္စရေးနှင့် အီရန်တို့အကြား ဖြစ်ပွားနေသည့် စစ်ပွဲသည် အီရန်၏ အစိုးရအပြောင်းအလဲကို ဖြစ်ပေါ်စေနိုင်ဖွယ်မရှိကြောင်း ဂျာမနီဝန်ကြီးချုပ် ဖရိုင်းဒရစ် မားဇ်က မတ် ၂၇ ရက်တွင် ပြောကြားခဲ့သည်။

ဖရန့်ဖတ်မြို့၌ FAZ သတင်းစာက ကြီးမှူးကျင်းပသော ဖိုရမ်တစ်ခုတွင် မာ့ဇ်က အီရန်အစိုးအရအပြောင်းအလဲဖြစ်နိုင်ခြေနှင့်ပတ်သက်ပြီး မေးခွန်းထုတ်ခဲ့ကာ လက်ရှိပဋိပက္ခမှာ လျော့ပါးသွားမည့် အရိပ်အယောင် မရှိသေးကြောင်း ထောက်ပြခဲ့သည်။

"တကယ်လို့ အဲဒါ (အီရန်အစိုးရအပြောင်းအလဲ) က ရည်မှန်းချက်ဆိုရင်တော့ ခင်ဗျားတို့ အောင်မြင်မှာမဟုတ်ဘူးလို့ ကျွန်တော်ထင်တယ်။ အရင်က ဖြစ်ပွားခဲ့တဲ့ ပဋိပက္ခတွေမှာလည်း အဲဒီနည်းလမ်းက အမှားအယွင်းတွေနဲ့ပဲ အဆုံးသတ်ခဲ့တာ များပါတယ်" ဟု မားဇ်က ပြောကြားခဲ့ပြီး အာဖဂန်စစ်ပွဲကို သာဓကအဖြစ် ရည်ညွှန်းပြောဆိုခဲ့သည်။

■ Ref:AFP
■ Website Link >>>> https://news-eleven.com/article/310835

393

Eleven Media Group

Mar 28, 2026, 04:02 PM

📷 Photo

■ အင်အားပြင်းငလျင်ကြီး လှုပ်ခတ်မှု တစ်နှစ်ပြည့်အထိမ်းအမှတ် ရန်ကုန်မြို့ရှိ သံရုံးအချို့က ကြေညာချက်များထုတ်ပြန်

အင်အားပြင်းငလျင်ကြီး လှုပ်ခတ်မှု တစ်နှစ်ပြည့်အထိမ်းအမှတ် ရန်ကုန်မြို့ရှိ သံရုံးအချို့က ကြေညာချက်များထုတ်ပြန်သည်။

တစ်နှစ်ပြည့်မြောက်သည့် ယခုအချိန်တွင်၊ အသက်ဆုံးရှုံးခဲ့ရသူများကို မိမိတို့ သတိရအောက်မေ့လျက်ရှိပြီး ပြန်လည်ထူထောင်ရေးလုပ်ငန်းများ ဆောင်ရွက်နေကြသည့် မြန်မာပြည်သူများနှင့်အတူ ဆက်လက်ရပ်တည်လျက်ရှိသည်ဟု ရန်ကုန်မြို့ရှိ အမေရိကန်သံရုံးက ထုတ်ပြန်သည်။

■ Website Link >>>> https://news-eleven.com/article/310833

908

Eleven Media Group

Mar 28, 2026, 04:02 PM

■ WeChat နှင့် TikTok ကိုအသုံးပြုပြီး မြန်မာအမျိုးသမီးငယ်များကို တရုတ်နိုင်ငံသားများနှင့် ပေါင်းသင်းနေထိုင်စေကာ ခေါင်းပုံဖြတ်သူများနှင့် ပေါင်းသင်းနေထိုင်သည့် တရုတ်နိုင်ငံသားများနှင့် မြန်မာအမျိုးသမီးများကို ထောင်ဒဏ်များချမှတ်

WeChat နှင့် TikTok ကိုအသုံးပြုပြီး မြန်မာအမျိုးသမီးငယ်များကို တရုတ်နိုင်ငံသားများနှင့် ပေါင်းသင်းနေထိုင်စေကာ ခေါင်းပုံဖြတ်သူများနှင့် ပေါင်းသင်းနေထိုင်သည့် တရုတ်နိုင်ငံသားများနှင့်မြန်မာအမျိုးသမီးများကို ထောင်ဒဏ်များချမှတ်လိုက်ကြောင်း ပြည်ထဲရေးဝန်ကြီးဌာနမှ ထုတ်ပြန်သည်။

ရန်ကုန်တိုင်းဒေသကြီး မင်္ဂလာဒုံမြို့နယ် ချစ်တီးကုန်းရပ်ကွက် ခရေပင်ရိပ်မွန်အိမ်ရာတွင် မမေမြတ်သူ (ခ) မေသူနှင့် တရုတ်နိုင်ငံသား လင်မယားသည် မြန်မာအမျိုးသမီးများကို တရုတ်နိုင်ငံသားများနှင့် လက်ထပ်ပေါင်းသင်းစေပြီး ငွေကြေးအကျိုးအမြတ်များအား ခေါင်းပုံဖြတ်ရယူလျက်ရှိကြောင်း သတင်းရရှိသဖြင့်သွားရောက်စစ်ဆေးရာ မြန်မာအမျိုးသမီးသုံးဦးကို တရုတ်နိုင်ငံသား သုံးဦးနှင့်အတူ တွေ့ရှိခဲ့ရသည်။

ဖြစ်စဉ်မှာ ဧရာဝတီတိုင်းဒေသကြီး ငပုတောမြို့နယ်နေအမျိုးသမီးတစ်ဦးကို သူငယ်ချင်းဖြစ်သူ အေးအေးထွေးက တရုတ်နိုင်ငံသားနှင့် လက်ထပ်ပါက ငွေကျပ်သိန်း ၁၀၀ နှင့်ရွှေတစ်ဆင်စာပေးမည်ဖြစ်ကြောင်း၊ ကြိုတင်ငွေသိန်း ၂၀ ပေးမည်ဟု ပြောဆိုစည်းရုံးခဲ့ကြောင်း၊ ကရင်ပြည်နယ် မြဝတီမြို့နေ အမျိုးသမီးတစ်ဦးသည် လူမှုကွန်ရက် TikTok ၌ အလုပ်အကိုင်ရှာဖွေခဲ့ရာ အမည်မမှတ်မိအကောင့်တစ်ခုမှ အထက်ပါအတိုင်းစည်းရုံးခဲ့ပြီး ရန်ကုန်သို့လာရောက်ရန် ခေါ်ဆောင်သဖြင့် သွားရောက်ခဲ့ရာ မသဉ္ဇာဝင်း၊ မနှင်းဝေခိုင်၊ မလဲ့ရည်ဝင်းတို့နှင့် တွေ့ဆုံခဲ့ကြောင်း၊ရန်ကုန်တိုင်းဒေသကြီး လှည်းကူးမြို့နယ်နေ အမျိုးသမီးတစ်ဦးက ဧရာဝတီတိုင်းဒေသကြီး လပွတ္တာမြို့နယ်နေ တရုတ်မ (ခ) မသန်းသန်းစိုးထံ ဖုန်းဖြင့် ဆက်သွယ်၍ အလုပ်လုပ်ကိုင်လိုကြောင်း ပြောဆိုခဲ့ရာ အလားတူ စည်းရုံးခံခဲ့ရကြောင်း၊ ထို့နောက် ၎င်းအမျိုးသမီးသုံးဦးကို စည်းရုံးခဲ့သူအသီးသီးမှ မမေမြတ်သူ (ခ) မေသူနှင့် တရုတ်နိုင်ငံသား Mr. SHAOXUANတို့ လင်မယားနေထိုင်သည့် အိမ်ရာသို့
ပို့ဆောင်ပေးခဲ့ခြင်းဖြစ်သည်။

ယင်းအမျိုးသမီးတစ်ဦးစီသည် တရုတ်နိုင်ငံသားသုံးဦးနှင့် ပေါင်းသင်းနေထိုင်ခဲ့ရကြောင်း၊ မမေမြတ်သူ (ခ) မေသူနှင့် တရုတ်နိုင်ငံသား Mr. SHAO-XUAN တို့ လင်မယားက တရုတ်နိုင်ငံသားများထံမှ တရုတ်ယွမ် ၄၀၀၀၀ စီရယူခဲ့ပြီး မြန်မာအမျိုးသမီးများကို ငွေကျပ်သိန်း ၄၀ ခန့်နှင့် လာရောက်ပို့ဆောင်ပေးသူများကို ငွေကျပ် ၅ သိန်းမှ ၁၀ သိန်းစီ ခန့်ပေးခဲ့ပြီး ကျန်ငွေကြေးအကျိုးအမြတ်များကို ခေါင်းပုံဖြတ်ရယူခဲ့ကြောင်း စိစစ်သိရှိရသဖြင့် မတ် ၂၄ ရက်တွင် မင်္ဂလာဒုံခရိုင် ခရိုင်တရားရုံးမှ တရားခံ မမေမြတ်သူ (ခ) မေသူနှင့် တရုတ်နိုင်ငံသား Mr. SHAOXUAN တို့ နှစ်ဦးကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ အရ အလုပ်နှင့် ထောင်ဒဏ် ၁၅ နှစ်စီ၊ တရုတ်နိုင်ငံသား
Mr. Qin Weifeng ၊ Mr. Chen Li Bing ၊ Mr. Shang Xu Dong ၊ မသဉ္ဇာဝင်း၊ မနှင်းဝေခိုင်နှင့် မလဲ့ရည်ဝင်းတို့ ခြောက်ဦးကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/ ၄၄ အရ အလုပ်နှင့် ထောင်ဒဏ် ၁၀ နှစ်စီ ကျခံစေရန် အမိန့်ချမှတ်ခဲ့ပြီး တိမ်းရှောင်တရားခံ မအေးအေးထွေးနှင့် မသန်းသန်းစိုး (ခ) တရုတ်မတို့ကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/ ၄၄/ ကျင့် ၅၁၂ အရ ၈၇/ ၈၈ အတည်ပြုထုတ်ဆင့်ခဲ့သည်ဟု ပြည်ထဲရေးဝန်ကြီးဌာနက ထုတ်ပြန်သည်။

အလားတူ မကွေးတိုင်းဒေသကြီး မကွေးမြို့နယ် ရွာဟောင်းကန်ကျေးရွာနေ အမျိုးသမီးတစ်ဦးအား ရန်ကုန်တိုင်းဒေသကြီး ကွမ်းခြံကုန်းမြို့နယ် ကမာပါကျေးရွာနေ မအေးချမ်းမြေ့နှင့် ရှမ်းပြည်နယ်
တောင်ကြီးမြို့ အေးသာယာမြို့ အမှတ် (၃) ရပ်ကွက်နေ မယမင်းထက် (ခ) မထက်တို့ နှစ်ဦးက တရုတ်နိုင်ငံ ရွှေလီမြို့ရှိ ထမင်းဆိုင်၌ အလုပ်လုပ်လိုပါက တစ်လလျှင် ယွမ် ၃၅၀၀၊ မြန်မာငွေ ၁၈
သိန်းကျပ်ခန့်ရရှိမည်ဖြစ်ကြောင်း ပြောဆိုစည်းရုံးကာ တရုတ်နိုင်ငံသို့ ပို့ဆောင်ခဲ့ကြောင်း၊ တရုတ်နိုင်ငံရှိ အမည်မသိတရုတ်ပွဲစားအမျိုးသမီး၏ နေအိမ်တွင် နေထိုင်စဉ် မယမင်းထက် (ခ) မထက်က
Wechat မှတစ်ဆင့် တရုတ်ယောက်ျားယူရမည်၊ ယွမ် ၃၀၀၀၀ ရမည်၊ တစ်နှစ်ပေါင်းသင်း ရမည်ဟု ပြောကြားခဲ့ကြောင်း သိရသည်။

၎င်းမှတရုတ်ယောက်ျားမယူလိုဘဲ နေအိမ်သို့ ပြန်လိုကြောင်း ပြောကြားခဲ့ရာ လမ်းခရီးကုန်ကျစရိတ်များအား ပေးလျော်ရမည်ဟု ပြောကြားခဲ့ကြောင်း၊ ထို့နောက် တရုတ်ပွဲစားအမျိုးသမီး၏ နေအိမ်မှ
ထွက်ပြေးကာ ၎င်းနှင့်ရင်းနှီးသူတစ်ဦး၏ နေအိမ်တွင် တစ်လခွဲခန့် ရှောင်တိမ်းနေထိုင်စဉ် တရုတ်ရဲတပ်ဖွဲ့က လာရောက်ခေါ်ဆောင်ခဲ့ပြီး မြန်မာနိုင်ငံသို့ ပြန်လည်လွှဲပြောင်းပေးခဲ့ကြောင်း စိစစ်ပေါ်ပေါက်သဖြင့် မတ် ၂၄ ရက်တွင် မဟာအောင်မြေခရိုင်တရားရုံးမှ တရားခံ မယမင်းထက် (ခ) မထက်ကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ အရ အလုပ်နှင့်ထောင်ဒဏ် ၁၁ နှစ်ကျခံစေရန် အမိန့်ချမှတ်ခဲ့ပြီး တိမ်းရှောင်တရားခံ အေးချမ်းမြေ့အား ရာဇဝတ်ကျင့်ထုံး ဥပဒေပုဒ်မ ၈၇/၈၈ အတည်ပြုထုတ်ဆင့်ခဲ့သည်ဟု သိရသည်။

Eleven Media Group

Mar 28, 2026, 04:02 PM

📷 Photo

■ အမေရိကန်နှင့် အစ္စရေးတို့၏ တိုက်ခိုက်မှုကြောင့် အီရန်အစိုးရ အပြောင်းအလဲဖြစ်လာနိုင်ခြေမရှိဟု ဂျာမနီဝန်ကြီးချုပ် ပြောကြား

အရှေ့အလယ်ပိုင်းတွင် အမေရိကန်၊ အစ္စရေးနှင့် အီရန်တို့အကြား ဖြစ်ပွားနေသည့် စစ်ပွဲသည် အီရန်၏ အစိုးရအပြောင်းအလဲကို ဖြစ်ပေါ်စေနိုင်ဖွယ်မရှိကြောင်း ဂျာမနီဝန်ကြီးချုပ် ဖရိုင်းဒရစ် မားဇ်က မတ် ၂၇ ရက်တွင် ပြောကြားခဲ့သည်။

ဖရန့်ဖတ်မြို့၌ FAZ သတင်းစာက ကြီးမှူးကျင်းပသော ဖိုရမ်တစ်ခုတွင် မာ့ဇ်က အီရန်အစိုးအရအပြောင်းအလဲဖြစ်နိုင်ခြေနှင့်ပတ်သက်ပြီး မေးခွန်းထုတ်ခဲ့ကာ လက်ရှိပဋိပက္ခမှာ လျော့ပါးသွားမည့် အရိပ်အယောင် မရှိသေးကြောင်း ထောက်ပြခဲ့သည်။

"တကယ်လို့ အဲဒါ (အီရန်အစိုးရအပြောင်းအလဲ) က ရည်မှန်းချက်ဆိုရင်တော့ ခင်ဗျားတို့ အောင်မြင်မှာမဟုတ်ဘူးလို့ ကျွန်တော်ထင်တယ်။ အရင်က ဖြစ်ပွားခဲ့တဲ့ ပဋိပက္ခတွေမှာလည်း အဲဒီနည်းလမ်းက အမှားအယွင်းတွေနဲ့ပဲ အဆုံးသတ်ခဲ့တာ များပါတယ်" ဟု မားဇ်က ပြောကြားခဲ့ပြီး အာဖဂန်စစ်ပွဲကို သာဓကအဖြစ် ရည်ညွှန်းပြောဆိုခဲ့သည်။

Ref: AFP

■ Website Link >>>> https://news-eleven.com/article/310831

1,210

Eleven Media Group

Mar 26, 2026, 05:08 PM

📷 Photo

■ ပြည်သူ့လွှတ်တော် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ အား အဖွဲ့ဝင် ၁၅ ဦးဖြင့် ဖွဲ့စည်းခဲ့ပြီး ဥက္ကဋ္ဌအဖြစ် ဦးသန်းထွန်းဦးနှင့် အတွင်းရေးမှူးအဖြစ် ဦးသန်းထွန်းတို့အား တာဝန်ပေးအပ်

■ Read More - - - >>> https://news-eleven.com/article/310780

931

Eleven Media Group

Mar 26, 2026, 05:08 PM

📷 Photo

■အမျိုးသားလွှတ်တော် လွှတ်တော်အခွင့်အရေးကော်မတီကို အဖွဲ့ဝင် ၁၅ ဦးဖြင့် ဖွဲစည်းခဲ့ပြီး ဥက္ကဋ္ဌအဖြစ် ဦး Jeng Phang နော်တောင်နှင့် အတွင်းရေးမှူးအဖြစ် ဦးအောင်တင်မြင့် တို့ကို ခန့်အပ်
အမျိုးသားလွှတ်တော် လွှတ်တော်အခွင့်အရေးကော်မတီကို အဖွဲ့ဝင် ၁၅ ဦးဖြင့် ဖွဲစည်းခဲ့ပြီး ဥက္ကဋ္ဌအဖြစ် ဦး Jeng Phang နော်တောင်နှင့် အတွင်းရေးမှူးအဖြစ် ဦးအောင်တင်မြင့် တို့ကို ခန့်အပ်ခဲ့ကြောင်း သိရသည်။
ယနေ့(မတ် ၂၆ ရက်)တွင် ကျင်းပသည့် တတိယအကြိမ် အမျိုးသားလွှတ်တော်ပထမပုံမှန်အစည်းအဝေး တတိယနေ့တွင် အဖွဲဝင် ၁၅ ဦး ပါဝင်သော အမျိုးသားလွှတ်တော် လွှတ်တော်အခွင့်အရေးကော်မတီကို ဖွဲ့စည်းခဲ့ခြင်း ဖြစ်သည်။

■ Read More - - - >>> https://news-eleven.com/article/310776

1,340

Eleven Media Group

Mar 26, 2026, 05:08 PM

📷 Photo

■ ပျော်ဘွယ်မြို့နယ်တွင် စက်သုံးဆီ အရောင်းဆိုင်နှင့် ကွမ်းပစ္စည်းရောင်းဝယ်ရေးဝန်းအတွင်းရှိ စက်သုံးဆီ သိုလှောင်ရုံအတွင်း မီးလောင်မှုဖြစ်ပွား
မန္တလေးတိုင်းဒေသကြီး၊ ပျော်ဘွယ်မြို့နယ်တွင် စက်သုံးဆီ အရောင်းဆိုင်နှင့် ကွမ်းပစ္စည်းရောင်းဝယ်ရေးဝန်း အတွင်းရှိ စက်သုံးဆီသိုလှောင်ရုံအတွင်း မီးလောင်မှု ၂၀၂၆ ခုနှစ် မတ်လ ၂၆ ရက်နေ့ နံနက် ၈ နာရီ ၃၀ မိနစ် အချိန် ဝန်းကျင်က ဖြစ်ပွားခဲ့သည်။

■ Read More - - - >>> https://news-eleven.com/article/310779

974

Eleven Media Group

Mar 26, 2026, 05:08 PM

📷 Photo

■ ပြည်သူ့လွှတ်တော် လွှတ်တော်အခွင့်အရေး ကော်မတီကို အဖွဲ့ဝင် ၁၅ ဦးဖြင့် ဖွဲ့စည်းခဲ့ပြီး ဥက္ကဋ္ဌအဖြစ် ဦးမောင်မောင်အုန်းနှင့် အတွင်းရေးမှူးအဖြစ် ဒေါက်တာကျော်ကျော်ဌေး တို့အား တာဝန်ပေးအပ်
ပြည်သူ့လွှတ်တော် လွှတ်တော်အခွင့်အရေး ကော်မတီကို အဖွဲ့ဝင် ၁၅ ဦးဖြင့် ဖွဲစည်းခဲ့ပြီး ဥက္ကဋ္ဌအဖြစ် ဦးမောင်မောင်အုန်းနှင့် အတွင်းရေးမှူးအဖြစ် ဒေါက်တာကျော်ကျော်ဌေး တိုအား တာဝန်ပေးအပ်ခဲ့သည်။
ယနေ့(မတ် ၂၆ ရက်)တွင် ကျင်းပသည့် တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး စတုတ္ထနေ့တွင် အဖွဲဝင် ၁၅ ဦး ပါဝင်သော ပြည်သူ့လွှတ်တော် လွှတ်တော်အခွင့်အရေးကော်မတီကို ဖွဲ့စည်းခဲ့ခြင်း ဖြစ်သည်။
“ လွှတ်တော်အခွင့်အရေးကော်မတီမှာ ပါဝင်မယ့် အဖွဲဝင်ဦးရေ၊ အဖွဲဝင်များရဲ့ အမည်စာရင်း၊ ကော်မတီဥက္ကဋ္ဌနဲ့ အတွင်းရေးမှူးတို့ရဲ့ အမည်စာရင်း၊ ကော်မတီရဲ့တာဝန်၊ လုပ်ပိုင်ခွင့်၊ ရပိုင်ခွင့်၊ သက်တမ်း၊ ကော်မတီ အစည်းအဝေးများနှင့်စပ်လျဉ်းပြီး တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး တတိယနေ့ ၂၄ ရက် ၃ လ ၂၀၂၆ ရက်နေ့မှာ တင်ပြခဲ့ပြီး ဖြစ်ပါတယ်” ဟု ပြည်သူ့လွှတ်တော်ဥက္ကဋ္ဌ ဦးခင်ရီ က ပြောကြားသည်။

■ Read More - - - >>> https://news-eleven.com/article/310778

975

Eleven Media Group

Mar 26, 2026, 05:08 PM

📷 Photo

■ ထိုင်းတွင် စက်သုံးဆီစျေးနှုန်း ၂၀ ရာခိုင်နှုန်း မြင့်တက်သွားသဖြင့် မော်တော်ယာဉ်မောင်းသူများ အံ့အားသင့်နေကြ
ထိုင်းအစိုးရက စက်သုံးဆီအတွက် ထောက်ပံ့ကြေးလျှော့ချရန် ဆုံးဖြတ်လိုက်မှုကြောင့် မတ် ၂၆ ရက်နံနက်ပိုင်းတွင် နိုင်ငံတစ်ဝန်း စက်သုံးဆီစျေးနှုန်းများ ၂၀ ရာခိုင်နှုန်းအထိ ထိုးတက်သွားရာ မော်တော်ယာဉ်မောင်းနှင်သူများ အံ့ဩနေကြသည်။
ယနေ့မနက် ငါးနာရီမှစတင်၍ ဒီဇယ်နှင့်ဓာတ်ဆီ တစ်လီတာလျှင် ခြောက်ဘတ်မှ ရှစ်ဘတ်အထိ ရုတ်တရက်ခုန်တက်သွားခဲ့ပြီး စက်သုံးဆီစျေးနှုန်းတက်မည်ကို မတ်၂၅ ရက်ည ၁၁ နာရီဝန်းကျင်တွင် ကြိုတင်ကြေညာခဲ့သဖြင့် စျေးမတက်မီကတည်းက ဆီဆိုင်များတွင် ကားတန်းရှည် ဖြစ်ပေါ်ခဲ့သည်။
စျေးမြင့်တက်လာပြီးနောက် ယခုထိုင်းနိုင်ငံ၏ ဒီဇယ်စျေးနှုန်းသည် မလေးရှားနိုင်ငံ၏ စျေးနှုန်းနှင့် တူသွားပြီဖြစ်ပြီး မလေးရှားသို့ စက်သုံးဆီခိုးထုတ်ရောင်းချနေသည့် မှောင်ခိုသမားများအတွက်တော့ စိတ်ပျက်စရာအခြေအနေ ဖြစ်နိုင်သည်။ထိုင်းပြည်သူများကြားတွင်လည်း စက်သုံးဆီစျေးနှုန်း မြင့်တက်သွားသည့်အပေါ် ဝေဖန်မှုများ မြင့်တက်နေသည်။
■ Read More - - - >>> https://news-eleven.com/article/310773

1,480

Eleven Media Group

Mar 26, 2026, 05:08 PM

■ ဗဟိုဘဏ်က စက်သုံးဆီအတွက် သုံးရက်အတွင်း ဒေါ်လာ ၇၁ သန်း ထုတ်ရောင်း

မြန်မာနိုင်ငံတော်ဗဟိုဘဏ်က စက်သုံးဆီတင်သွင်းသည့်ကုမ္ပဏီများသို့ သုံးရက်အတွင်း အမေရိကန်ဒေါ်လာ ၇၁ သန်း ထုတ်ရောင်းကြောင်း သိရသည်။

မတ် ၂၅ ရက်တွင် ဗဟိုဘဏ်က နိုင်ငံခြားငွေကြေးဈေးကွက်တွင် စက်သုံးဆီလုပ်ငန်းရှင်များအတွက် အမေရိကန်ဒေါ်လာ ၂၆ သန်း ရောင်းချမည်ဟု ထုတ်ပြန်သည်။

လက်ရှိအခြေအနေများအရ ပြည်ပမှ ဆီပိုမိုတင်သွင်းနိုင်ရေးအတွက် မြန်မာနိုင်ငံတော်ဗဟိုဘဏ်အနေဖြင့် ဈေးကွက်လိုအပ်ချက်အပေါ် အပြည့်အဝပံ့ပိုးပေးနိုင်ရန် မတ် ၂၃ ရက်တွင် စက်သုံးဆီတင်သွင်းသည့် ကုမ္ပဏီများကို အမေရိကန်ဒေါ်လာ ၄၅ သန်းအား သက်ဆိုင်ရာဘဏ်များမှတစ်ဆင့် ရောင်းချပေးခဲ့ကြောင်း သိရသည်။

အလားတူ မြန်မာနိုင်ငံတော်ဗဟိုဘဏ်မှ ဈေးကွက်လိုအပ်ချက်အရ FX Trading Platform တွင် သွင်းကုန်လုပ်ငန်းရှင်များအတွက် ထိုင်းဘတ် သန်း၅ဝကိုလည်း ရောင်းချပေးမည်ဖြစ်ကြောင်း မတ် ၂၃ ရက်က ထပ်မံထုတ်ပြန်ခဲ့သည်။

မတ် ၁၈ ရက်က ဗဟိုဘဏ်က CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများအနက် စားသုံးဆီတင်သွင်းသည့်ကုမ္ပဏီများသို့ အမေရိကန်ဒေါ်လာ ၃၄ သန်း ထပ်မံရောင်းချမည်ဖြစ်ကြောင်း ထုတ်ပြန်ခဲ့သည်။

မတ် ၁၁ ရက်ကလည်း ဗဟိုဘဏ်က CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများအနက် စားသုံးဆီတင်သွင်းသည့်ကုမ္ပဏီများသို့ အမေရိကန်ဒေါ်လာသန်း ၃၀ ထပ်မံရောင်းချခဲ့သည်။

■ Read More - - - >>> https://news-eleven.com/article/310774

1,230

Eleven Media Group

Mar 26, 2026, 05:08 PM

📷 Photo

■ ထိုင်းနိုင်ငံ ချင်းမိုင်နှင့် ချင်းရိုင်ခရိုင်တွင် ​ကျောင်းသားများအား လှည့်ဖြား၍ SIM Card မှတ်ပုံတင် ခိုင်းသည့်ဂိုဏ်းကို​ ဖော်ထုတ်ဖမ်းဆီးရမိ​
ထိုင်းနိုင်ငံ ချင်းမိုင်နှင့် ချင်းရိုင် ခရိုင်အတွင်းရှိ ပစ်မှတ် ၈ခုတွင် ​ကျောင်းသားများအား လှည့်ဖြား၍ SIM Card မှတ်ပုံတင် ခိုင်းသည့် ဂိုဏ်းကို​ ထိုင်းအာဏာပိုင်များက မတ်လ ၂၃ ရက်​နေ့ ဝင်​ရောက်စီးနင်း ဖော်ထုတ်ဖမ်းဆီးရမိ​ကြောင်းသိရ သိရသည်။
ACSC-CIB (နည်းပညာဗဟိုဌာနနှင့် စုံစမ်းစစ်ဆေးရေးရဲတပ်ဖွဲ့) သည် ချင်းမိုင်ခရိုင်နှင့် ချင်းရိုင်ခရိုင်အတွင်းရှိ ပစ်မှတ်နေရာ ၈ ခုကို ဝင်ရောက်စီးနင်းခဲ့ပြီး နယ်စပ်ဖြတ်ကျော် ဆင်းမ်ကတ်ရောင်းဝယ်သည့် ဂိုဏ်းတစ်ခုကို နှိမ်နင်းနိုင်ခဲ့ခြင်းဖြစ်သည်ဟုသိရသည်။
စုံစမ်းစစ်​ဆေး​ရေးအဖွဲ့သည် ချင်းမိုင်ခရိုင်၊ မဲအိုင်းမြို့နယ်၊ သာတွန် (Tha Ton) ဒေသရှိ အသက် ၁၅ နှစ်အောက် ကလေးငယ်များနှင့် လူငယ်များကို အခမဲ့အင်တာနက်ဆင်းမ်ကတ် (SIM Card) များ ဝေငှမည်ဟုဆိုကာ လှည့်ဖြားခဲ့သည့် ဖြစ်စဉ်ကို အခြေခံ၍ ရဲတပ်ဖွဲ့က ဖော်ထုတ် ဖမ်းဆီးနိုင်ခဲ့ခြင်းဖြစ်သည်။
■ Read More - - - >>> https://news-eleven.com/article/310775

1,330

Eleven Media Group

Mar 26, 2026, 05:08 PM

📷 Photo

■ အဆိုတော် ဦးပက်ထရစ် အငှားယာဉ်မောင်းနေစဉ် Heat Stoke ဖြစ်ကာ သေဆုံး
အဆိုတော် ဦးပက်ထရစ် အငှားယာဉ်မောင်းနေစဉ် Heat Stoke ဖြစ်ကာ သေဆုံးမှု မတ် ၂၆ ရက်၊ နံနက်ပိုင်းက ဖြစ်ပွားခဲ့ကြောင်း မေတ္တာအလင်းလူမှုကူညီရေးအသင်းထံမှ စုံစမ်းသိရှိရသည်။
အသက် ၆၀ ကျော်အရွယ် အဆိုတော် ဦးပက်ထရစ်သည် မတ် ၂၆ ရက်၊ နံနက်ပိုင်းက ၄င်း၏ အငှားယာဉ်အား မောင်းနှင်နေစဉ် ကမ္ဘာအေးဘုရားလမ်း၊ မဟာစည်ထိပ်တွင် ယာဉ်အား လမ်းဘေးသို့ ရပ်တန့်လိုက်ကြောင်း သိရသည်။
"ဦးပတ်ထရစ်က ဂက်စ်အငှားယာဉ် မောင်းတာပါ။ရာသီဥတုပူတော့ သူက မောင်းလာရင်း မဟာစည်ထိပ်လည်းကျရော လမ်းဘေးကို ရပ်လိုက်တာ။အဲ့လိုရပ်တော့ ဆီတန်းစီနေတဲ့ ကားပေါ်က လူတွေက သူ့ကို ဝိုင်းပြီး ကူညီပေးကြတယ်။ရာသီဥတုပူတော့ ကနဦး Heat Stoke ဖြစ်တာလို့ သိရတယ်"ဟု အခင်းဖြစ်နေရာသို့ သွားရောက်ကူညီရေး ဆောင်ရွက်ခဲ့သည့် မေတ္တာအလင်းလူမှုကူညီရေးအသင်းမှ တာဝန်ရှိသူတစ်ဦးက ပြောကြားသည်။

■ ဓာတ်ပုံ - မေတ္တာအလင်းလူမှုကူညီရေးအသင်း
■ Read More - - - >>> https://news-eleven.com/article/310772

1,510

Eleven Media Group

Mar 24, 2026, 05:16 PM

■ စက်သုံးဆီ ရက် ၅၀ စာသိုလှောင်ထားပြီး မစိုးရိမ်ကြရန်နှင့် မမှန်မကန်ရောင်းချခြင်းများရှိပါက တိတိကျကျတိုင်ကြားရန် စွမ်းအင်ဝန်ကြီးဌာနဆို

စက်သုံးဆီ ရက် ၅၀ စာသိုလှောင်ထားပြီး မစိုးရိမ်ကြရန်နှင့် မမှန်မကန်ရောင်းချခြင်းများရှိပါက တိတိကျကျတိုင်ကြားရန် စွမ်းအင်ဝန်ကြီးဌာနက ထုတ်ပြန်ထားသည်။

နိုင်ငံတော်အနေဖြင့် စက်သုံးဆီဖူလုံမှု ရက် ၅၀ စာ သိုလှောင်ထားရှိပြီး ပုံမှန်တင်သွင်းနေသည့်လမ်းကြောင်းများအပြင် အခြားလမ်းကြောင်းများကိုလည်း ချိတ်ဆက်ဆောင်ရွက်ထားကြောင်း၊ ပြည်သူများ စိုးရိမ်ကြောင့် ကြပြီး ဝယ်ယူခြင်းမပြုလုပ်ကြရန်နှင့် စက်သုံးဆီ ရောင်းချခြင်း မမှန်မကန် တွေ့ရှိပါက သက်ဆိုင်ရာသို့ ဖုန်းများဖြင့် တိကျစွာ တိုင်ကြားမှုပြုလုပ်ခြင်းတို့ ဆောင်ရွက်ပေးကြရန် စွမ်းအင်ဝန်ကြီးဌာနက ထုတ်ပြန်သည်။

တိကျစွာတိုင်ကြားလာသည့် ဖြစ်စဉ်များကို သက်ဆိုင်ရာအရောင်းဆိုင်များသို့ သွားရောက်စစ်ဆေးကာ ရောင်းချခွင့်လိုင်စင်ပိတ်သိမ်းခဲ့သည်ဟု စွမ်းအင်ဝန်ကြီးဌာနက ထုတ်ပြန်သည်။

ပြီးခဲ့သည့် ရက်ပိုင်းက ရန်ကုန်မြို့ရှိ စက်သုံးဆီဆိုင်တစ်ဆိုင်တွင် မော်တော်ယာဉ် နောက်ပိုင်းတွင် ပီပါဖြင့်တင်ကာ လာရောက်ဝယ်ယူသည့်ဖြစ်စဉ်နှင့် ပတ်သက်ပြီး လူမှုကွန်ရက်စာမျက်နှာများတွင် ပျံ့နှံ့ခဲ့ကာ ဝေဖန်မှုများလည်း မြင့်တက်ခဲ့ကြောင်း သိရသည်။

ထို့ပြင် မွန်ပြည်နယ်တွင်လည်း စက်သုံးဆီကို ဆီပေပါများဖြင့် တရားမဝင်ရောင်းချသဖြင့် စက်သုံးဆီရောင်းချသည့် ဆိုင်တစ်ဆိုင်မှ တာဝန်ရှိသူများကို အမှုဖွင့်အရေးယူခဲ့သည့် ဖြစ်စဉ်များရှိခဲ့သည်။

■ Read More - - - >>> https://news-eleven.com/article/310715

1,380

Eleven Media Group

Mar 24, 2026, 05:16 PM

📷 Photo

■ မြန်မာဘက်သို့ မှောင်ခိုတင်ပို့မည့် တရားမဝင် ဒီဇယ်ဆီ လီတာနှစ်သောင်းကျော်ကို ထိုင်းအာဏာပိုင်များ ဖမ်းဆီး

မြန်မာဘက်သို့ မှောင်ခိုတင်ပို့မည့် တရားမဝင် ဒီဇယ်ဆီ လီတာနှစ်သောင်းကျော်ကို ထိုင်းအာဏာပိုင်များက ဖမ်းဆီးလိုက်သည်ဟု ဘန်ကောက်ပို့စ်သတင်းတွင် ဖော်ပြထားသည်။

မဲဆောက်ခရိုင်တွင် အဆိုပါမော်တော်ယာဉ်ကို ဖမ်းဆီးရမိခဲ့ခြင်းဖြစ်ပြီး ဒီဇယ်ဆီများကို ခိုးသွင်းရန်ကြိုးပမ်းနေသည့် မော်တော်ယာဉ်မောင်းနှင့် စက်သုံးဆီတင်ဆောင်လာသည့် ၁၀ ဘီးမော်တော်ယာဉ်ကို ဖမ်းဆီးရမိခဲ့ခြင်းဖြစ်သည်။

မဲဆောက်ခရိုင် တာစိုင်းလိတ်ကျေးရွာ နယ်စပ်အနီးတွင် ကုန်တင်ကားတစ်စီးကို ခရိုင်တာဝန်ရှိသူများက ရပ်တန့်စစ်ဆေးခဲ့ကြောင်း၊ ယင်း ၁၀ ဘီးကားကို ပြုပြင်မွမ်းမံပြီး မြန်မာနိုင်ငံသို့ မှောင်ခိုဒီဇယ် လီတာ ၂ဝဝဝဝ တင်ဆောင်လာကြောင်း တာဝန်ရှိသူများက ပြောကြားခဲ့ပြီး မည်ကဲ့သို့ ပြုပြင်ခဲ့သည်ကိုမူ အစီရင်ခံစာများတွင် ဖော်ပြထားခြင်းမရှိပေ။

ထို့ပြင် အနီးအနားရှိ ဂိုဒေါင်တစ်ခုကိုလည်း ဝင်ရောက်စစ်ဆေးရာ လောင်စာဆီသို လှောင်ရန်အတွက် အသုံးပြုသည့် စက်ပစ္စည်းများနှင့် ကွန်တိန်နာများကိုတွေ့ရှိခဲ့သည်။

■ Read More - - - >>> https://news-eleven.com/article/310716

1,300

Eleven Media Group

Mar 24, 2026, 05:16 PM

📷 Photo

■ တောင်ကြီးမြို့တွင် ဆိုင်ကယ်များ ဆီဝယ်ရ ခက်ခဲလာပြီး အချိန်ကြာမြင့်စွာ တန်းစီကြရ

ရှမ်းပြည်နယ် (တောင်ပိုင်း) တောင်ကြီးမြို့တွင် ဆိုင်ကယ်များ ဆီဝယ်ရ ခက်ခဲလာပြီး အချိန်ကြာမြင့်စွာ တန်းစီကြရကြောင်း သိရသည်။

မတ် ၂၄ ရက်တွင် မော်တော်ဆိုင်ကယ်များ ဆီဝယ်ယူခွင့်ရရှိရန် ဆီဆိုင်များတွင် အချိန်ကြာမြင့်စွာ တန်းစီစောင့်ဆိုင်းနေရပြီး ဆိုင်ကယ်အရေအတွက် ရာချီသည်အထိ ဆိုင်ကယ်တန်း ရှည်လျားကြောင်း သိရသည်။

တောင်ကြီး ကံသာ အတက်လမ်း ၊ မြသုခသွားလမ်းနှင့် အလယ် BOC တို့တွင် မော်တော်ဆိုင်ကယ် ဆီဝယ်ယူခွင့်ရရန် နံနက်အစောပိုင်းမှ စ၍ ကြိုတင်စောင့်ဆိုင်းနေကြရခြင်းဖြစ်ကာ ဆိုင်ကယ်တန်းမှာ ရှည်လျားသည့်အတွက် ၂ နာရီကျော် စောင့်ဆိုင်းရကြောင်း သိရသည်။

မတ် ၂၃ ရက်တွင် ဆီဝယ်ယူခွင့်ရရန် တန်းစီစောင့်ဆိုင်းသူ ပိုမိုများပြားလာနေခြင်းဖြစ်ကာ စုံ/မ စနစ် ထုတ်ပြန်စဉ်က ဆိုင်ကယ်နှင့် ကားများ တန်းစီမှု အနည်းငယ်လျော့ကျခဲ့သေးကြောင်း၊ ယခုတစ်ဖန် ပြန်များလာနေခြင်းဖြစ်ကြောင်း သိရသည်။

■ Read More - - - >>> https://news-eleven.com/article/310713

1,980

Eleven Media Group

Mar 24, 2026, 05:16 PM

📷 Photo

■ အမျိုးသားလွှတ်တော် ဥပဒေကြမ်းကော်မတီအား အဖွဲ့ဝင် ၁၅ ဦးဖြင့် ဖွဲ့စည်းမည်ဖြစ်ပြီး ဥက္ကဋ္ဌအဖြစ် ဒေါ်နွယ်နွယ်ဦးနှင့် အတွင်းရေးမှူးအဖြစ် ဦးဇင်မင်းထက်တို့အား တာဝန်ပေးအပ်ရန် လျာထား

အမျိုးသားလွှတ်တော်ဥပဒေကြမ်းကော်မတီအား အဖွဲ့ဝင် ၁၅ ဦးဖြင့် ဖွဲ့စည်းမည်ဖြစ်ပြီး ဥက္ကဋ္ဌအဖြစ် ဒေါ်နွယ်ဦးဦးနှင့် အတွင်းရေးမှူးအဖြစ် ဦးဇင်မင်းထက်တို့အား တာဝန်ပေးအပ်ရန် လျာထားကြောင်း သိရသည်။

ယနေ့ (မတ် ၂၄ ရက်) တွင် ကျင်းပသည့် တတိယအကြိမ် အမျိုးသားလွှတ်တော် ပထမပုံမှန်အစည်းအဝေး တတိယနေ့တွင် အမျိုးသားလွှတ်တော် ဥပဒေကြမ်းကော်မတီအား အဖွဲ့ဝင် ၁၅ ဦးဖြင့် ဖွဲ့စည်းရန် လျာထားခဲ့ခြင်းဖြစ်သည်။

■ Read More - - - >>> https://news-eleven.com/article/310714

1,500

Eleven Media Group

Mar 24, 2026, 05:16 PM

📷 Photo

■ ပြည်သူ့လွှတ်တော် လွှတ်တော်အခွင့်အရေးကော်မတီကို အဖွဲ့ဝင် ၁၅ ဦးဖြင့် ဖွဲ့စည်းမည်ဖြစ်ပြီး ဥက္ကဋ္ဌအဖြစ် ဦးမောင်မောင်အုန်းနှင့် အတွင်းရေးမှူးအဖြစ် ဒေါက်တာကျော်ကျော်ဌေးတို့ကို ခန့်အပ်ရန် လျာထား

ပြည်သူ့လွှတ်တော် လွှတ်တော်အခွင့်အရေးကော်မတီကို အဖွဲ့ဝင် ၁၅ ဦးဖြင့် ဖွဲ့စည်းမည်ဖြစ်ပြီး ဥက္ကဋ္ဌအဖြစ် ဦးမောင်မောင်အုန်းနှင့် အတွင်းရေးမှူးအဖြစ် ဒေါက်တာကျော်ကျော်ဌေးတို့ကို ခန့်အပ်ရန် လျာထားကြောင်း သိရသည်။

ယနေ့ (မတ် ၂၄ ရက်) တွင် ကျင်းပသည့် တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး တတိယနေ့တွင် အဖွဲ့ဝင် ၁၅ ဦး ပါဝင်သော ပြည်သူ့လွှတ်တော် လွှတ်တော်အခွင့်အရေးကော်မတီ ဖွဲ့စည်းရေးနှင့်စပ်လျဉ်း၍ ပြည်သူ့လွှတ်တော်ဥက္ကဋ္ဌ ဦးခင်ရီက လွှတ်တော်သို့ ရှင်းလင်းပြောကြားခဲ့သည်။

“ အခုဆက်လက်ပြီး လွှတ်တော်အခွင့်အရေးကော်မတီ ဖွဲ့စည်းရေးကို ဆောင်ရွက်သွားမှာ ဖြစ်ပါတယ်။ ဒီလိုဖွဲ့စည်းရာမှာ ပြည်သူ့လွှတ်တော် ဒုတိယဥက္ကဋ္ဌသည် ရာထူးအလျောက် ကော်မတီရဲ့ ဥက္ကဋ္ဌအဖြစ် ဆောင်ရွက်ရမှာ ဖြစ်ပါတယ်” ဟု ပြည်သူ့လွှတ်တော်ဥက္ကဋ္ဌ ဦးခင်ရီက ပြောကြားသည်။

■ Read More - - - >>> https://news-eleven.com/article/310711

1,700

Eleven Media Group

Mar 24, 2026, 05:16 PM

📷 Photo

■ မွန်ပြည်နယ်တွင် စက်သုံးဆီဝယ်ရန် တန်းစီစောင့်ဆိုင်းနေသည့် အမျိုးသားတစ်ဦး အပူရှပ်ကာ သေဆုံး

မွန်ပြည်နယ် ချောင်းဆုံမြို့နယ် မုဒွန်းကျေးရွာနေ ဆိုင်ကယ် Taxi မောင်းနှင်သည့် အမျိုးသားတစ်ဦး စက်သုံးဆီဝယ်ယူနိုင်ရန် အချိန်ကြာမြင့်စွာ တန်းစီစောင့်ဆိုင်းခဲ့ရသည့်ဒဏ်ကြောင့် အပူရှပ်ကာ သေဆုံးခဲ့ကြောင်း ဒေသခံများ၏ ပြောကြားချက်များအရ သိရသည်။

အဆိုပါ ချောင်းဆုံမြို့နယ် မုဒွန်းကျေးရွာအလယ်ပိုင်း၊ ရပ်ကွက် (၁၂) နေ အသက် ၄၀ နှစ်အရွယ် ဆိုင်ကယ် Taxi မောင်းနှင်သည့် အမျိုးသားမှာ မတ် ၂၃ ရက် နံနက် ၂ နာရီခွဲအချိန်ခန့်မှ နေ့လည်ပိုင်းအချိန်အထိ မုဒွန်းကျေးရွာရှိ စက်သုံးဆီအရောင်းဆိုင်၌ တန်းစီခဲ့ပြီး နေအိမ်သို့ ပြန်လာစဉ် ခေါင်းကိုက်ဝေဒနာခံစားနေခဲ့ရာက သွေးပေါင်ကျကာ အသက်သေဆုံးသည်အထိဖြစ်ခဲ့ရကြောင်း မုဒွန်းကျေးရွာ ဒေသခံတစ်ဦးက ပြောကြားသည်။

Photo Credit: CJ

ပုံစာ: ချောင်းဆုံမြို့နယ် မုဒွန်းကျေးရွာရှိ စက်သုံးဆီအရောင်းဆိုင်တွင် စက်သုံးဆီဝယ်ယူရန် စောင့်ဆိုင်းနေကြသူများအား တွေ့ရစဉ်

■ Read More - - - >>> https://news-eleven.com/article/310712

1,610

Showing 30 of 100 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Eleven Media Group

Eleven Media Group

Ranking

Participant Growth (Last 30 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

User Reviews (0)

Latest Posts