Digital Digest

Public

View Channel

Can't Join? @digitaldigestuz

26.5k Members

Updated: May 12, 2026 at 5:34 AM

Digital Digest

Texnologiya, sun’iy intellekt, neyron tarmoqlar, kiber olam, trendlar va qiziqarli xabarlarga qiziquvchilar uchun foydali kanal.

@digitaldigestuz is a dedicated channel for kiber and qiziqarli with regular updates in Viral Videos

Ranking

Global Ranking

#456

Language Ranking

#45

Category Ranking

#23

-1

Participant Growth (Last 11 Days)

Total: 26.5K

24h growth: +0 0%

Latest Posts

Digital Digest

May 11, 2026, 07:43 PM

📷 Photo

Lenovo kompaniyasi Weibo platformasida Legion Y70 o‘yin smartfonining asosiy texnik xususiyatlarini ko‘rsatib beruvchi bir nechta promo-rasmlarni e’lon qildi

Qurilma 8000 mA·soat sig‘imga ega katta batareya bilan jihozlanadi. Ishlab chiqaruvchining ta’kidlashicha, bu akkumulyator 1200 ta zaryadlash sikliga bardosh bera oladi.

Bundan tashqari, smartfon 2K aniqlikdagi displeyga ega bo‘ladi. Lenovo qurilmaning avtonom ishlashiga alohida e’tibor qaratgan va Legion Y70 ekranining energiya sarfi 1,5K aniqlikdagi boshqa displeylarga qaraganda kamroq ekanini ta’kidlagan. Yangilanish tezligi hozircha ma’lum emas, biroq Gizmochina nashri uni 144 Hz bo‘lishi mumkinligini taxmin qilmoqda.

Samarali sovitish tizimi uchun Legion Y70 5500 mm² maydonga ega bug‘li kamera bilan jihozlanadi.

Kompaniya hozircha smartfon qaysi chip asosida ishlashini oshkor qilmagan, biroq ayrim OAV manbalari uning ehtimol Snapdragon 8 Gen 5 protsessori bilan chiqishini xabar qilgan.

Legion Y70 Xitoyda 19-may kuni sotuvga chiqariladi. Boshqa hududlarda sotilishi haqida Lenovo hozircha ma’lumot bermagan.

1,220

Digital Digest

May 11, 2026, 07:43 PM

📷 Photo

Sony PS Store do’konidagi narxlarni oshirgani uchun foydalanuvchilarga 7,8 million dollar to‘laydi

Sony Interactive Entertainment kompaniyasiga qarshi jamoaviy da’vo bo‘yicha kelishuvni Kaliforniya sudi dastlabki tarzda ma’qulladi.

Kompaniya raqamli o‘yinlar bozorini monopoliyalashtirish, bir nechta shtatlar qonunlarini buzish va narxlarni sun’iy ravishda oshirishda ayblanmoqda.

Biroq hammasi ham oddiy emas: kompensatsiya olish huquqiga faqat 2019-yil aprelidan 2023-yil dekabrigacha PS Store do’konida chakana savdoda sovg‘a kodlari orqali mavjud bo‘lgan o‘yinlarning raqamli versiyalarini sotib olgan foydalanuvchilar ega bo‘ladi. Ro‘yxatga jami 100 dan ortiq o‘yin kiritilgan. Jabrlangan foydalanuvchilarning umumiy soni esa ochiqlanmagan.

Faol foydalanuvchilarga kompensatsiya avtomatik tarzda ichki hisobiga tushiriladi. Avvalgi akkaunt egalari esa PSN Digital Games Settlement sayti orqali ariza topshirishi kerak bo‘ladi.

1,340

Digital Digest

May 11, 2026, 07:43 PM

📷 Photo

Yangi Call of Duty PS4 va Xbox One’da chiqmaydi

Internetda Call of Duty seriyasining navbatdagi o‘yini — Modern Warfare 4 PS4 uchun ham chiqishi mumkinligi haqida mish-mishlar tarqaldi.

Biroq Call of Duty’ning rasmiy akkaunti bu ma’lumotni tezda rad etdi va keyingi qism faqat joriy avlod platformalari uchun ishlab chiqilayotganini ma’lum qildi.

Shunday qilib, Black Ops 7 ushbu franshizaning oldingi avlod konsollarida mavjud bo‘ladigan so‘nggi o‘yini bo‘lib qoladi.

Modern Warfare 4’ning rasmiy e’loni va oldindan buyurtmalari yaqin vaqt ichida boshlanishi kutilmoqda.

1,580

Digital Digest

May 11, 2026, 07:43 PM

📷 Photo

Samsung One UI 8.5 yangilanishini tarqatishni boshladi

Samsung Galaxy smartfonlari va planshetlari uchun One UI 8.5 yangilanishini tarqatishni boshlaganini o‘zining yangiliklar blogida ma’lum qildi. Hozircha yangilanish Janubiy Koreyada ishga tushirilgan, biroq yaqin vaqt ichida boshqa hududlarda ham foydalanuvchilarga taqdim etiladi.

Yangilanishni birinchi bo‘lib oladigan qurilmalar ro‘yxatiga 2025 va 2024-yil flagmanlari kirdi. 2026-yil flagmanlari — Galaxy S26 seriyasi esa One UI 8.5’ni ancha oldinroq olgan bo‘lib, ularda proshivka “qutidan chiqqan zahoti” mavjud.

Yaqin vaqt ichida One UI 8.5 quyidagi qurilmalarga kelishi kutilmoqda:

• Galaxy S25, S25+, S25 Ultra, S25 Edge va S25 FE
• Galaxy S24, S24+, S24 Ultra va S24 FE
• Galaxy Z Fold 7, Flip 7
• Galaxy Z Fold 6, Flip 6
• Galaxy Tab S11, Tab S11 Ultra
• Galaxy Tab S10, Tab S10+ va Tab S10 Ultra

Samsung ushbu ro‘yxatda faqat eng ustuvor modellarni ko‘rsatgan bo‘lib, One UI 8.5 boshqa Galaxy qurilmalariga ham keladi. Masalan, yangilanish allaqachon Galaxy Z TriFold egalariga ham yetib bormoqda, garchi qurilma rasmiy ro‘yxatda keltirilmagan bo‘lsa ham.

Digital Digest

May 11, 2026, 07:43 PM

📷 Photo

PlayStation 6 kadrlar generatsiyasini qo‘llab-quvvatlaydigan yangi PSSR versiyasiga ega bo‘ladi

Sony Interactive Entertainment’ning yuqori darajadagi ilmiy xodimi rezyumesida PlayStation 6 uchun kadrlar generatsiyasi texnologiyasi haqida eslatma topildi.

Eslatib o‘tamiz, PlayStation 5 Pro chiqishi bilan PSSR (rasm sifatini oshirish texnologiyasi) taqdim etilgan edi va u yaqinda yirik yangilanish ham oldi.

Kutilishicha, PS6 uchun maxsus tarzda ushbu apskeyler texnologiya kadrlar generatsiyasi funksiyasiga ega bo‘ladi. Bu esa sun’iy intellekt yordamida unumdorlikni oshirib, 60 FPS’ni yangi avlod uchun minimal standartga aylantirishi mumkin.

1,580

Digital Digest

May 11, 2026, 07:43 PM

📷 Photo

YouTube foydalanuvchilari operativ xotirani “yeb yuboradigan” xatoga duch kelishdi

Internetda YouTube’ning ayrim sahifalari 7 GB dan ortiq tezkor xotira iste’mol qilayotgani va kamdan-kam hollarda tizim “qotib qolishi” mumkinligi haqida shikoyatlar paydo bo‘la boshladi. Muammo faqat Chrome’ga emas, balki Edge, Firefox va Brave kabi boshqa brauzerlarga ham ta’sir qilmoqda.

Bugzilla platformasidagi (Mozilla’ga tegishli) dasturchilar o‘z tekshiruvlarini o‘tkazib, muammo YouTube interfeys mexanizmida ekanini aniqlashdi — u brauzerlarni cheksiz qayta chizish (render) sikliga tushirib qo‘yadi.

Dasturchilar ma’lumotiga ko‘ra, YouTube “like” va “share” kabi tugmalar gorizontal joylashuvga sig‘ayotganini qayta-qayta tekshiradi. Agar elementlar joyga sig‘masa, tizim ulardan birini yashiradi. Ammo ortiqcha tugma yo‘qolgach, YouTube uni yana qaytarish kerak degan buyruq oladi, chunki bo‘sh joy paydo bo‘ladi. Natijada bu jarayon cheksiz takrorlanib, kompyuterni doimiy hisob-kitob va interfeysni qayta chizish bilan yuklaydi.

Bunday holat, internetdagi skrinshotlarga qaraganda, protsessor va xotira yuklamasini 100% gacha olib chiqishi mumkin. Shu bilan birga, muammoli YouTube sahifalari “qotib qoladi”. Google hozircha bu vaziyatga izoh bermagan, shu sabab Bugzilla dasturchilarining xulosalari hali rasman tasdiqlanmagan.

Digital Digest

May 11, 2026, 07:43 PM

📷 Photo

Injustice 3 va Hogwarts Legacy 2 faol ishlab chiqilmoqda

Warner Bros. Games studiyasining bir xodimi portfelida topilgan ma’lumotlarga ko‘ra, rasmiy e’lon qilinmagan ikkita loyiha ustida faol ish olib borilmoqda.

Hogwarts Legacy davomiy qismi haqida kompaniya moliyaviy direktori avvalroq ham ma’lumot bergan edi. Uning so‘zlariga ko‘ra, Garri Potter olamiga asoslangan yangi o‘yin yaqin bir necha yil ichida kompaniyaning ustuvor loyihalaridan biri hisoblanadi.

Injustice 3 ishlanayotgani esa avval rasmiy tasdiqlanmagan.

Shu bilan birga, NetherRealm vitse-prezidenti Ed Bun studiyaning keyingi o‘yini tanlovi 2021-yildayoq amalga oshirilganini ma’lum qilgan. Injustice 3 haqidagi mish-mishlar esa bir necha yildan beri davom etib kelmoqda.

1,510

Digital Digest

May 11, 2026, 07:43 PM

pinned a photo

Digital Digest

May 11, 2026, 07:43 PM

📷 Photo

Steam Machine narxi kutilganidan ham yuqori bo‘lishi mumkin

Valve kompaniyasiga oid insaydlarga ixtisoslashgan Bred Linch ma’lumotlariga ko‘ra, Steam Machine qurilmasining ichki tannarxi global operativ xotira tanqisligi sabab keskin oshib ketgan.

Avvalroq ham Valve konsolning chiqarilish muddati va narx siyosatini qayta ko‘rib chiqqani haqida xabarlar tarqalgan edi. Aniq raqamlar hanuz yo‘q, biroq manbaga ishonsak, aynan Steam Machine eng katta zarba olgan, Steam Frame garniturasi esa nisbatan kamroq zarar ko‘rgan.

1,550

Digital Digest

May 11, 2026, 07:43 PM

📷 Photo

⚡️ IPad 11” (A16) planshetini sovg’a qilamiz!

“Rubrika” kanaliga obuna bo’ling 👉 Havola

Asosiy shart:

Faol bo’ling! Havola bo’yicha o’tib postni diqqat bilan o’qib chiqing va ko’rsatilgan shartni yozilganidek bajaring 👉 https://t.me/c

G’olib ishtirokchi 20-may kuni kechki payt random saytlari orqali izohlardagi skrinshotlar orasidan qo’lda tanlab olinadi.

7,440

Digital Digest

Mar 30, 2026, 11:26 PM

📷 Photo

Insayder: Apple eng so‘nggi 200 MP li 1/1,12” o‘lchamdagi kamerani sinamoqda

Ma’lumotlarga qaraganda, gap Sony kompaniyasining flagman sensori LYT-901 haqida ketmoqda. Ushbu modul Oppo Find X9 Ultra va vivo X300 Ultra modellarida kutilmoqda.

Hozircha yangi kamera yaqinlashayotgan iPhone modellarida paydo bo’lishi haqida ma’lumot yo’q.

1,610

Digital Digest

Mar 30, 2026, 11:26 PM

📷 Photo

Google boshqa sun’iy intellekt ilovalaridan Gemini’ga o‘tishni soddalashtirdi

Google foydalanuvchilar o‘z afzalliklari, shaxsiy konteksti va suhbatlar tarixini boshqa sun’iy intellekt xizmatlaridan Gemini’ga ko‘chirishga yordam beradigan yangi vositani taqdim etdi.

Yangilanish ikki turdagi importni taklif qiladi. “Xotira”ni ko‘chirish uchun sozlamalarda berilgan promptni joriy sun’iy intellekt ilovasiga nusxalash, so‘ng yaratilgan javobni qaytadan Gemini’ga joylashtirish talab etiladi.

Shuningdek, boshqa sun’iy intellekt xizmatlaridagi to‘liq suhbatlar tarixini bitta ZIP-arkiv orqali yuklash mumkin — bu eski suhbatlarni Gemini ichida xuddi shu joydan davom ettirish imkonini beradi.

Kontekstni ko‘chirish funksiyasini tatbiq etish 26-martdan boshlandi. Yangilanish doirasida avvalgi suhbatlar bo‘limi “Xotira” deb qayta nomlanadi.

1,890

Digital Digest

Mar 30, 2026, 11:26 PM

📷 Photo

WhatsApp’da sun’iy intellekt asosida javoblar yaratish funksiyasi paydo bo‘ldi

Yangi AI funksiyasi Writing Help deb nomlanadi — u yozishmalar asosida tayyor javob variantlarini taklif qiladi, shuningdek matnni qayta ifodalash, xatolarni tuzatish va xabar ohangini o‘zgartirishga yordam beradi.

Meta kompaniyasi ta’kidlashicha, AI ishlatilgan taqdirda ham yozishmalar maxfiyligicha qoladi.

Ilovaga qo‘shilgan boshqa yangi funksiyalar:

• Chat ichida rasmni tahrirlash (Meta AI yordamida): ortiqcha obyektlarni olib tashlash, fonni yoki rasm uslubini o‘zgartirish mumkin.
• Xotirani tozalash vositasi: chatlarni o‘chirmasdan turib, katta hajmdagi fayllarni topish va o‘chirish imkonini beradi.
• Chat tarixini ko‘chirish: iOS va Android o‘rtasida, shuningdek bir platforma ichida ma’lumotlarni o‘tkazish qo‘llab-quvvatlanadi.
• iOS’da ikki akkauntni bir vaqtda ishlatish: bu funksiya o‘tgan yil oxirida beta-versiyada paydo bo‘lgandi.
• Emoji yozishda stiker tavsiyalari: yozayotganingizda mos stikerlar avtomatik taklif qilinadi.

Yangilanish allaqachon tarqatila boshlandi — yaqin kunlarda barcha foydalanuvchilarga yetib boradi.

Digital Digest

Mar 30, 2026, 11:26 PM

📷 Photo

Exynos 2800 chipi 1,4 nm texnologiyada ishlab chiqarilmaydi

ZDNet nashrining xabar berishicha, Samsung kompaniyasi navbatdagi flagman chipset — Exynos 2800 ustida ishlashni yil oxirigacha yakunlaydi. Yangi chip kutilganidek 1,4 nm emas, balki chip 2 nm texnologiya asosida ishlab chiqariladi.

Kompaniya yangilangan 2 nm texnologik jarayon — SF2P Plus dan foydalanishga qaror qilgan. Ushbu jarayon hozirgi 2 nm texnologiyaga nisbatan: 12% yuqori unumdorlikni va 25% kam energiya sarfini ta’minlaydi.

ZDNet ma’lumotiga ko‘ra, Samsung 1,4 nm o‘rniga takomillashtirilgan 2 nm texnologiyani tanlashining asosiy sababi — barqarorlik va optimizatsiyaga ustuvor ahamiyat berishdir.

Avvalroq Samsung rahbarlaridan biri Exynos chiplarini Ultra flagman smartfonlarda ham qo‘llash istagini bildirgan edi (hozirda bu modellarda Snapdragon ishlatiladi).

Agar Exynos 2800 muvaffaqiyatli chiqsa, bo’lajak barcha Samsung flagmanlari aynan shu chip bilan jihozlanishi mumkin va Snapdragon versiyalaridan butunlay voz kechilishi ehtimoli bor.

1,550

Digital Digest

Mar 30, 2026, 11:26 PM

📷 Photo

iQOO brendi rasmiy ravishda Z seriyasining yangi smartfonlarini taqdim etdi — iQOO Z11 va iQOO Z11x

Ikkala modelning asosiy o‘ziga xosligi — katta avtonomiya.

iQOO Z11

Katta model 9020 mAh sig‘imli batareya va 90 Vt quvvat bilan tez zaryadlashni qo‘llab-quvvatlaydi. Smartfonning og‘irligi taxminan 216 grammni tashkil qiladi.

U 6,83 dyuymli OLED-displeyga ega bo‘lib, 1.5K o‘lcham va 165 Hz yangilanish tezligini taqdim etadi, shuningdek, MediaTek Dimensity 8500 protsessoridan foydalanadi.

Top konfiguratsiyada 16 GB operativ va 512 GB ichki xotira mavjud. Asosiy kamerasi 50 MP modulga va qo‘shimcha 2 MP sensor bilan jihozlangan, old kamera esa 32 MP. Smartfon kumush, och ko‘k va qora ranglarda taqdim etiladi.

Xitoydagi rasmiy narxlar: 8/256 GB — 1999 yuan (~$290) / 12/256 GB — 2299 yuan (~$335) / 16/256 GB — 2599 yuan (~$375) / 12/512 GB — 2799 yuan (~$405) / 16/512 GB — 3199 yuan (~$465).

iQOO Z11x

Kichik model 7050 mAh sig‘imli batareya (ba’zi spetsifikatsiyalarda 7200 mAh deb ko‘rsatiladi) va 44 Vt quvvat bilan tez zaryadlashni qo‘llab-quvvatlaydi.

Smartfon MediaTek Dimensity 7400 Turbo protsessori va 6,76 dyuymli IPS (LCD) FHD+ displey bilan jihozlangan, yangilanish tezligi 120 Hz.

Z11x kameralar to‘plami kattaroq modelga to‘liq mos: asosiy kamera 50 MP, qo‘shimcha sensor 2 MP, old kamera 32 MP.

Xitoydagi rasmiy narxlar: 8/256 GB — 1499 yuan (~$215) / 12/256 GB — 1799 yuan ($260) / 8/512 GB — 1899 yuan (~$275) / 12/512 GB — 2199 yuan (~$320).

Digital Digest

Mar 30, 2026, 11:26 PM

⚡️ Redmi Note 14 smartfonini sovg’a qilamiz! Ishtirok etish uchun: 1. Quyidagi kanallarga obuna bo’ling: @digitaldigest, @sheldonkundaligi, @sayohatchikundaligi, @grantvastipendiyalar, @bankster, @yaxshikayfiyat, @profit, @postscriptum 2. Kanallarda chiqadigan…

2,190

Digital Digest

Mar 30, 2026, 11:26 PM

⚡️ Redmi Note 14 smartfonini sovg’a qilamiz! Ishtirok etish uchun: 1. Quyidagi kanallarga obuna bo’ling: @digitaldigest, @kislorod, @ruldanimagap, @olma, @dailywallpaper, @foydalihavola, @xavflivaziyat, @yo’lqoidasi 2. Kanallarda chiqadigan “qo’llab-quvvatlash…

2,070

Digital Digest

Mar 30, 2026, 11:26 PM

📷 Photo

Intel Geekbench benchmark natijalarini manipulyatsiya qilganlikda gumon qilinmoqda

Primate Labs (Geekbench yaratuvchilari) xulosasiga ko‘ra, Intel’ning yangi chiplaridagi 40% gacha bo‘lgan unumdorlik o‘sishi Binary Optimization Tool bilan bog‘liq. Bu utilita apparat darajasida Geekbench ishlashiga aralashib, test yakunidagi natijalarni sun’iy ravishda oshiradi.

Binary optimizatsiya jarayoni qanday ishlashi haqida Intel ma’lumot bermagan va manba kodini ham e’lon qilmagan.

Shu bilan birga, yangi chip ko‘pchilik o‘yinlar va 3D-grafika bilan ishlovchi dasturlarni qo‘llab-quvvatlamaydi. Shu sababli sezilarli unumdorlik o‘sishi faqat sintetik testlarda va o‘nga yaqin loyihalarda — masalan, Shadow of the Tomb Raider, Assassin’s Creed Mirage va Final Fantasy XIV’da kuzatilmoqda.

Foydalanuvchilarni chalg‘itmaslik va kompaniya foydasiga ishlamaslik uchun Geekbench ishlab chiquvchilari Arrow Lake va Panther Lake arxitekturasidagi chiplar testlari uchun ogohlantirish qo‘shishga qaror qildi. Unga ko‘ra, bu natijalar ishonchsiz bo‘lishi mumkin.

Intel hozircha vaziyatga izoh bermagan.

Digital Digest

Mar 30, 2026, 11:26 PM

📷 Photo

Yangi Unihertz Titan 2 Elite va Elite Pro QWERTY-smartfonlari taqdim etildi

Texnik xususiyatlar bo‘yicha modellar o‘rtasidagi farqlar unchalik katta emas — chip Dimensity 7400 va 8400, xotira hajmi va Pro-versiyada telefoto kamerada optik stabilizatsiya mavjudligi.

Smartfonlar Android 16 operatsion tizimi ostida ishlaydi. Ishlab chiqaruvchi 5 yil davomida yangilanishlar bilan qo‘llab-quvvatlashni va’da qilmoqda.

Asosiy xususiyatlar:

• Displey: 4,03”, 1200×1080 AMOLED, 120 Hz;
• Chipset: MediaTek Dimensity 7400 / MediaTek Dimensity 8400;
• Kameralar: 50 MP + 50 MP telefoto + 32 MP old kamera;
• Aloqa: 5G, NFC, Wi-Fi 6, Bluetooth 6.0;
• Xotira: 12+256 / 12+512 GB;
• Biometriya: barmoq izi skaneri;
• Batareya va quvvatlash: 4050 mAh, 33 W.

Narxi — $389 / $479.

Unihertz Titan 2 Elite iyun oyida sotuvga chiqadi, Pro-versiyasi esa noyabrda mavjud bo‘ladi.

1,730

Digital Digest

Mar 30, 2026, 11:26 PM

📷 Photo

Sony va Honda Afeela elektromobillari ishlab chiqilishini to‘xtatishini e’lon qildi

Uzoq vaqt oldin taqdim etilgan sedan bozorga chiqmaydi: buning bir qismi mashinaning ma’naviy eskirib qolishi bilan, bir qismi esa Honda boshqa ishlab chiqilgan elektromobillardan voz kechishi tufayli katta zarar ko‘rishi bilan bog‘liq.

Shuningdek, AQShda “elektr” avtomobillarga soliq imtiyozlarining bekor qilinishi, mamlakatning qazilma yoqilg‘iga qaytishi va tarif bojxonalari ham o‘z ta’sirini ko‘rsatdi.

2,040

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Digital Digest

Digital Digest

Ranking

Participant Growth (Last 11 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

User Reviews (0)

Latest Posts