Մայր Աթոռ Սուրբ Էջմիածին/ Mother See of Holy Etchmiadzin

Մայր Աթոռ Սուրբ Էջմիածին/ Mother See of Holy Etchmiadzin

Public

Can't Join? @MotherSee

0

4.3k Members

Updated: May 26, 2026 at 8:14 PM

Մայր Աթոռ Սուրբ Էջմիածին/ Mother See of Holy Etchmiadzin

The official Telegram channel of the Mother See of Holy Etchmiadzin www.armenianchurch.org/ facebook www.facebook.com/holyetchmiadzin/ twitter twitter.com/HolyEtchmiadzin Inst instagram.com/mother_see_of_holy_etchmiadzin

@MotherSee is a growing community focused on twitter and channel and related topics

Ranking

Global Ranking

#16964

-768

Language Ranking

#2545

-62

Category Ranking

#1260

-74

Participant Growth (Last 16 Days)

Total: 4.3K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

Մայր Աթոռ Սուրբ Էջմիածին/ Mother See of Holy Etchmiadzin

May 16, 2026, 07:08 AM

📷 Photo

Մայր Աթոռ Սուրբ Էջմիածնում նշվեց Համբարձման տոնը

🟣 Մայիսի 14-ին Հայաստանյայց Առաքելական Սուրբ Եկեղեցին տոնախմբեց մեր Տեր Հիսուս Քրիստոսի Համբարձման տոնը:
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ Միածնաէջ Մայր Տաճարում, մատուցվեց Սուրբ և Անմահ Պատարագ: Պատարագիչն էր Մայր Աթոռի Վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը:
Պատարագի սրբազան արարողությանը ներկա էին Հայաստանից ու Սփյուռքից թեմակալ առաջնորդներ, Մայր Աթոռի միաբաններ և բազում ուխտավոր հայորդիներ:
https://www.armenianchurch.org/hy/news/hambardzman-ton-14-05-2026/12197

716

0

0

Մայր Աթոռ Սուրբ Էջմիածին/ Mother See of Holy Etchmiadzin

May 16, 2026, 07:08 AM

📷 Photo

Ամենայն Հայոց Կաթողիկոսն ընդունեց Հայորդյաց տների սաներին

🟣 Մայիսի 14-ին՝ Համբարձման տոնի առիթով, Մայր Աթոռ Սուրբ Էջմիածնի և Հայկական Բարեգործական Ընդհանուր Միության հովանու ներքո գործող Հայորդյաց տների սաները Մայր Աթոռի շրջափակում հանդես եկան մշակութային գեղեցիկ միջոցառմամբ՝ տոնական օրն առավել ուրախ և հիշարժան դարձնելով ներկա ուխտավորների և այցելուների համար։

Միջոցառման ավարտին Հայորդյաց տների սաներին ընդունեց և իր հայրական սերն ու օրհնությունը փոխանցեց Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը։
https://www.armenianchurch.org/hy/news/ht-16-05-2026/12198

656

Մայր Աթոռ Սուրբ Էջմիածին/ Mother See of Holy Etchmiadzin

Apr 2, 2026, 06:13 AM

📷 Photo

Ծաղկազարդի տոնը Մայր Աթոռ Սուրբ Էջմիածնում

Մարտի 29-ին Հայաստանյայց Առաքելական Սուրբ Եկեղեցին տոնախմբեց մեր Տեր Հիսուս Քրիստոսի Երուսաղեմ հաղթական մուտքի հիշատակը` Ծաղկազարդի տոնը, որը Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ հռչակվել է մանուկների օրհնության օր։
Այս առիթով Առավոտյան ժամերգությունից հետո, հանդիսապետությամբ Ամենայն Հայոց Կաթողիկոսի, Մայր Աթոռ Սուրբ Էջմիածնի մոմավառության աղոթասրահում տեղի ունեցավ Անդաստանի արարողություն և մանուկների օրհնության կարգ:
https://www.armenianchurch.org/hy/news/tsaghkazard-29-03-2026/12155

1,130

Մայր Աթոռ Սուրբ Էջմիածին/ Mother See of Holy Etchmiadzin

Apr 2, 2026, 06:13 AM

📷 Photo

Ամենայն Հայոց Կաթողիկոսը Մայր Աթոռում ընդունեց Հայորդյաց տների սաներին

Մարտի 29-ին՝ Ծաղկազարդի տոնի առիթով, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Մայր Աթոռ Սուրբ Էջմիածնի և Հայկական Բարեգործական Ընդհանուր Միության հովանու ներքո գործող Հայորդյաց տների շուրջ 760 սաների:
https://www.armenianchurch.org/hy/news/hayoryac-tner-29-03-2026/12156

1,010

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

ՄԱՅՐ ԱԹՈՌ ՍՈՒՐԲ ԷՋՄԻԱԾՆՈՒՄ ԱՎԱԳ ՇԱԲԱԹՎԱ ԱՐԱՐՈՂՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑ

✝️ ԾԱՂԿԱԶԱՐԴ (մարտի 29)
📍 Անդաստան (ոստերի օրհնություն) և մանուկների օրհնություն - ժամը 10:00
📍 Սուրբ Պատարագ - ժամը 11։00
📍 Դռնբացեքի կարգ - ժամը 17։30
✝️ ԱՎԱԳ ԵՐԵՔՇԱԲԹԻ՝ հիշատակ տասը կուսանաց (մարտի 31)
📍 Երեկոյան ժամերգություն - ժամը 17:30
✝️ ԱՎԱԳ ՀԻՆԳՇԱԲԹԻ (ապրիլի 2)
📍 Առավոտյան ժամերգություն, ավարտին՝ Կարգ ապաշխարողաց - ժամը 8:00
📍 Սուրբ Պատարագ - ժամը 10:30
📍 Ոտնլվայի կարգ - ժամը 16:00
📍 Խավարման կարգ - ժամը 19:00
✝️ ԱՎԱԳ ՈՒՐԲԱԹ (ապրիլի 3)
📍 Խաչելության կարգ - ժամը 12։00
📍 Երեկոյան ժամերգություն և Թաղման կարգ - ժամը 17:30
✝️ ԱՎԱԳ ՇԱԲԱԹ (ապրիլի 4)
📍 Առավոտյան ժամերգություն - ժամը 8:00
📍 Ճրագալույցի Սուրբ Պատարագ - ժամը 17։30
✝️ ՍՈՒՐԲ ՀԱՐՈՒԹՅԱՆ ՏՈՆ (ապրիլի 5)
📍 Զատկական Հայրապետական Սուրբ Պատարագ - ժամը 10:30

1,200

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

Ի պատասխան լրատվամիջոցների հարցումների

🟣 Համայն Վրաստանի Կաթողիկոս-Պատրիարք երջանկահիշատակ Իլիա Բ-ի հուղարկավորության կազմակերպչական մանրամասների վերաբերյալ պաշտոնական ծանուցում Սուրբ Էջմիածնում առայժմ չի ստացվել։ Երբ այն լինի, արարողություններին Հայ Եկեղեցու մասնակցության ձևաչափը կորոշվի՝ պայմանավորված Վրաց Ուղղափառ Եկեղեցու սահմանած արարողակարգով։

[Մայր Աթոռի Տեղեկատվական համակարգ]

1,800

0

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

Ամենայն Հայոց Կաթողիկոսն ընդունեց Հնդկաստանում բուժումն ավարտած
Արցախյան պատերազմի մասնակից Արտաշես Ամիրյանին

🟣 Մարտի 25-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Արցախյան առաջին պատերազմի ընթացքում հաշմանդամություն ձեռք բերած Արտաշես Ամիրյանին, ով Նորին Սրբության հոգածությամբ մեկնել էր Հնդկաստան՝ ստանալու անհրաժեշտ բուժումն ու պրոթեզավորումը։
https://www.armenianchurch.org/hy/news/hndkastan-25-03-2026/12153

1,190

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

Ամենայն Հայոց Կաթողիկոսը ցավակցագիր է հղել Համայն Վրաստանի Կաթողիկոս-Պատրիարք Իլիա Բ-ի վախճանման առիթով

🟣Ն․Ս․Օ․Տ․Տ․ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը հանուն Հայաստանյայց Առաքելական Սուրբ Եկեղեցու Գերագույն հոգևոր խորհրդի, Մայր Աթոռ Սուրբ Էջմիածնի միաբանության և հավատավոր ժողովրդի ցավակցագիր է հղել Համայն Վրաստանի Կաթողիկոս-Պատրիարք Նորին Սրբություն Իլիա Բ-ի վախճանման առիթով։
🟣«Նորին Սրբություն Իլիա Բ Կաթողիկոս-Պատրիարքի բազմամյա հովվապետական ծառայության ընթացքը վկայություն եղավ հավատքի ամրության ու հոգևոր նվիրյալ առաջնորդության։ Նրա հովվապետությունը նշանավորվեց Վրաստանում հոգևոր կյանքի վերազարթոնքով, եկեղեցական կյանքի զորացմամբ և աշխուժացմամբ։ Դժվարին ժամանակներում երջանկահիշատակ Պատրիարքը հայրական իմաստությամբ և սիրով առաջնորդեց իր հավատավոր հոտը՝ հաստատուն պահելով Վրաց Սուրբ Եկեղեցու առաքելությունը», - ասված է Ամենայն Հայոց Կաթողիկոսի ցավակցագրում։
🟣Վեհափառ Հայրապետն Ամենակալ Տիրոջ մխիթարությունն է հայցել Վրաց Ուղղափառ Եկեղեցու հոգևորականությանն ու վրաց սգակիր բարեկամ ժողովրդին՝ մաղթելով, որ Նորին Սրբության հիշատակը միշտ վառ մնա հավատավոր իր զավակների սրտերում և ներշնչման աղբյուր դառնա գալիք սերունդների համար։

1,970

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

Գերագույն հոգևոր խորհրդի ժողով Մայր Աթոռ Սուրբ Էջմիածնում

🟣 Մարտի 10-13-ը Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, տեղի ունեցավ Գերագույն հոգևոր խորհրդի ժողովը։

Ամենայն Հայոց Կաթողիկոսի ողջույնի և օրհնության խոսքից հետո ժողովի նիստերը վարելու հրավիրվեց Վանական խորհրդի ատենապետ Տ. Նաթան արքեպիսկոպոս Հովհաննիսյանը։

Ավստրիայի Սանկտ-Փյոլթըն քաղաքում 2026թ․ փետրվարի 17-19-ին գումարված եպիսկոպոսական հավաքի մասին զեկուցեց Դամասկոսի հայոց թեմի առաջնորդ Տ. Արմաշ եպիսկոպոս Նալբանդյանը։
https://www.armenianchurch.org/hy/news/ghx-13-03-2026/12150

1,910

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

ՀԱՂՈՐԴԱԳՐՈւԹՅՈւՆ

🟣 Ն. Ս. Օ. Տ. Տ. Գարեգին Երկրորդ Ամենայն Հայոց Կաթողիկոսի՝ մարտ 16, 2026 թվակիր Հայրապետական տնօրինությամբ Վայոց Ձորի թեմի առաջնորդ Գերաշնորհ Տ. Աբրահամ արքեպիսկոպոս Մկրտչյանը ազատ է կացուցվել թեմակալ առաջնորդի պաշտոնից և կոչվել հանգստյան՝ իր գրավոր և բանավոր դիմումների հիման վրա։

Հայրապետական տնօրինությամբ Սյունյաց թեմի առաջնորդ Գերաշնորհ Տ. Մակար եպիսկոպոս Հակոբյանը համատեղության կարգով նշանակվել է Վայոց Ձորի թեմի առաջնորդական տեղապահ՝ իրականացնելու թեմակալ առաջնորդի պարտականությունները։

1,730

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

Ն. Ս. Օ. Տ. Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՏՈՆԻ ԱՌԻԹՈՎ

🟣 Մայր Աթոռ Սուրբ Էջմիածնից Հայրապետական Մեր օրհնությունն ու բարեմաղթանքներն ենք բերում բոլոր տիկնանց և օրիորդաց և շնորհավորում Կանանց տոնի առիթով։

Վերստին ուրախությունն ունենք մեծարելու մեր մայրերին ու քույրերին և արժևորելու նրանց բարի ավանդը՝ շնորհալի, ազգասեր ու հայրենասեր սերունդներ դաստիարակելու գործում, ինչպես նաև նրանց գնահատելի ձեռքբերումները գիտության ու կրթության, տնտեսության, առողջապահության և այլ կարևոր ոլորտներում։

Արդարև, այսօրվա անկայուն աշխարհում, երբ մեր ժողովուրդը ամենուր բազում դժվարություններ է կրում, շատ հոգսեր ծանրացած են նաև կանանց ուսերին, ովքեր իրենց ընտանիքների հոգատարության հետ մեկտեղ նվիրումով ու նախանձախնդրությամբ ջանքեր են ներդնում ազգային կյանքի առաջընթացի և մեր հայրենիքի զորացման համար։

Մեր աղոթքն ու մաղթանքն է, որ Բազումողորմ Աստված խաղաղություն պարգևի աշխարհին ու մեր հայրենիքին և Իր օրհնության ու շնորհների ներքո պահպանի մեր մայրերին ու քույրերին, որպեսզի հավատով և հույսով զորացած, շարունակեն իրենց գովարժան հանձնառություններով նպաստ բերել մեր երկրի ու մեր ժողովրդի բարօրությանը։​

Թող մեր Տեր Հիսուս Քրիստոսի սերն ու ողորմությունը, շնորհներն ու օրհնությունը լինեն մեզ հետ և բոլորի, այսօր և միշտ․ ամեն։

Օրհնությամբ`

ԳԱՐԵԳԻՆ Բ
ԿԱԹՈՂԻԿՈՍ ԱՄԵՆԱՅՆ ՀԱՅՈՑ

2,880

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

Մայր Աթոռ Սուրբ Էջմիածնում սկսվեց
Գերագույն հոգևոր խորհրդի ժողովը

🟣 Մարտի 10-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, սկսվեց Գերագույն հոգևոր խորհրդի ժողովը:

Տերունական աղոթքից հետո Գերագույն հոգևոր խորհրդի հոգևորական և աշխարհական անդամներին իր օրհնությունն ու բարեմաղթանքները փոխանցեց Ամենայն Հայոց Կաթողիկոսը` հայցելով Սուրբ Հոգու առաջնորդությունը ժողովի բարեհաջող և արդյունավետ ընթացքի համար։

ԳՀԽ օրակարգում ընդգրկված են Եկեղեցական-ներկայացուցչական ժողովի գումարման ու կազմակերպչական աշխատանքներին, Եկեղեցու հովվական, կրթական, կանոնական, վարչական, կարգապահական, սոցիալական առաքելությանը վերաբերող հարցեր: Քննարկման առարկա կդառնան նաև եկեղեցական կյանքը հուզող խնդիրները։

Ըստ ընդունված կարգի՝ Գերագույն հոգևոր խորհրդին կներկայացվի Մայր Աթոռ Սուրբ Էջմիածնի 2025 թվականի գործունեության տեղեկագիրը, կլսվեն հոգևոր-վարչական գործունեության զեկույցը, ֆինանսական հաշվետվությունը և վերստուգիչ հանձնախմբի տարեկան հաշվետվությունը:

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

Կատարվեց հոգեհանգստյան կարգ Սումգայիթի կոտորածի զոհերի հոգիների խաղաղության համար

🟣 Փետրվարի 27-ին, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, Միածնաէջ Մայր Տաճարում՝ Հանգստյան ժամերգության ավարտին կատարվեց հոգեհանգստյան կարգ՝ ի հիշատակ 1988թ. Ադրբեջանի իշխանությունների կողմից կազմակերպված սումգայիթյան ջարդերի զոհերի։

Եկեղեցականաց դասը և ներկա հավատավոր ժողովուրդը աղոթք բարձրացրեցին առ Աստված կոտորածի ենթարկված անմեղ հայորդիների հոգիների խաղաղության և հանգստության համար։

3,580

0

Մայր Աթոռ Սուրբ Էջմիածին/ Mother See of Holy Etchmiadzin

Mar 29, 2026, 01:09 AM

📷 Photo

Ամենայն Հայոց Կաթողիկոսն ընդունեց
Սուրբ Աթոռի առաքելական նվիրակին

🟣 Մարտի 5-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանում Սուրբ Աթոռի առաքելական նվիրակ արքեպիսկոպոս Անտե Յոզիչին:

Հանդիպման ընթացքում անդրադարձ կատարվեց Հայաստանյայց Առաքելական և Հռոմի Կաթոլիկ Եկեղեցիների միջև ձևավորված եղբայրական հարաբերություններին և միջեկեղեցական գործակցության հետագա սերտացմանը:

Զրուցակիցները խոսեցին նաև տարածաշրջանում ստեղծված բարդ իրավիճակի և Հայաստանում Եկեղեցի-պետություն հարաբերությունների ներկա կացության մասին։

Վերջում Ամենայն Հայոց Հայրապետն իր եղբայրական ողջույններն ու բարեմաղթանքները հղեց Հռոմի Սրբազան Քահանայապետ Լևոն 14-րդ Պապին:

1,960

Մայր Աթոռ Սուրբ Էջմիածին/ Mother See of Holy Etchmiadzin

Mar 25, 2026, 11:04 AM

📷 Photo

Նոր նշանակում

🟣 Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ Հոգեշնորհ Տ. Հովսեփ աբեղա Հակոբյանը, ազատվելով Հառիճի Թրբանճյան հոգևոր ընծայարանում ստանձնած պարտականություններից, ծառայության է կոչվել Արգենտինայի հայոց թեմում։

2,060

0

Մայր Աթոռ Սուրբ Էջմիածին/ Mother See of Holy Etchmiadzin

Mar 25, 2026, 11:04 AM

📷 Photo

Կատարվեց Տ. Տաթև արքեպիսկոպոս Սարգիսյանի հուղարկավորության արարողությունը

🟣 Փետրվարի 24-ին Մայր Աթոռ Սուրբ Էջմիածնի միաբանական գերեզմանատանը տեղի ունեցավ Մեծի Տանն Կիլիկիո կաթողիկոսության երիցագույն միաբաններից Տ. Տաթև արքեպիսկոպոս Սարգիսյանի հուղարկավորության արարողությունը:

Առավոտյան Սուրբ Գայանե վանքում Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ մատուցվեց Սուրբ և Անմահ Պատարագ: Պատարագիչն էր Մեծի Տանն Կիլիկիո կաթողիկոսության միաբան Գերաշնորհ Տ․ Շահան արքեպիսկոպոս Սարգիսյանը։

Սրբազան արարողության ընթացքում բարեհիշատակ Տ. Տաթև արքեպիսկոպոս Սարգիսյանի աճյունը դրվեց Սուրբ Խորանի առջև և կատարվեց Սրբազան Հոր վերջին օծման կարգը: Սրբալույս մյուռոնով օծվեցին Տաթև արքեպիսկոպոսի ճակատը և աջ ձեռքը: Այնուհետև եկեղեցականաց դասը, բարձրանալով Սուրբ Խորան, իր վերջին հրաժեշտի խոնարհումը բերեց հանգուցյալ Տաթև Սրբազանին։

Շահան արքեպիսկոպոսն իր դամբանական խոսքում անդրադարձավ հանգուցյալ Սրբազանի կյանքին և գործունեությանը։
https://www.armenianchurch.org/hy/news/tatev-arqeps-24-02-2026/12144

Showing 16 of 16 posts

No more posts