ምስጢረ ምስጢራት ❼❼❼

Public

View Channel

1.2K

Can't Join? @Semarit888

1.9k Members

Updated: May 19, 2026 at 6:09 AM

ምስጢረ ምስጢራት ❼❼❼

https://t.me/boost/Semarit888 ዓላማ፦ እግዚአብሔርን በማስቀደም!!! ➻ ሃይማኖታዊ ➻ ቅድስት ቤተ ክርስቲያናዊ ➻ ሀገራዊ የኾኑ ነገሮችን መወያየት/ መነጋገር ነው። # ሃይማኖት የነፍስ መጽኛና የሕይወት መሠረት ናት። የነጻነትም ፀሐይ ከኹሉም ቀድማ በምሥራቃዊት የቅዱሳን መላእክት ልብ የተገለጠችው "#ርትዕት ሃይማኖት" ናት!! @Dnselomon777

@Semarit888 is a dedicated channel for httpstmeboostsemarit888 and dnselomon777 with regular updates in UPSC & SSC

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 1.9K

24h growth: +0 0%

Latest Posts

ምስጢረ ምስጢራት ❼❼❼

May 2, 2026, 09:52 PM

እንኳን ለሊቀ ሰማዕታት ቅዱስ ጊዮርጊስ ዓመታዊ የዕረፍት በዓል አደረሳችሁ፤ አደረሰን።  🙏🙏🙏

✞ ቅዱስ ጊዮርጊስ ሊቀ ሰማዕታት [ዕረፍቱ]፤ ፵፮ ቅዱሳን ሰማዕታት (ማኅበራነ ቅዱስ ጊዮርጊስ) የሚከብርባት ዕለት ናት✞

(የስሙ ትርጓሜ:- 'ጊዮርጊስ - ')
☞ እግዚአብሔር በሰጠው ሥጋዊ ኃይሉ በጦርነት ጊዜ ድልን የሚቀዳጅ ግሩም ፈረሰኛ፥ በመንፈሳዊ ኃይሉም አጋንንት የሚርዱለት የሚንቀጠቀጡለት ሰማዕት ነው።

➻ በ10 ዓመቱ አባቱ ሞቶበት አንድ ክርስቲያናዊ መስፍን ወስዶ ከታናሽ እኅቶቹ ከማርታና ከእስያ ጋር ያሳደገው፤ 20 ዓመት ሲሞላው መስፍኑ አሳዳጊው የ15 ዓመት ሴት ልጁን ሊድርለት ዝግጅቱን ሲጀምር እግዚአብሔር እርሱን ለዚህ አላጨውምና መስፍኑ በዚያው ወራት ሞቶ ኀዘኑን ከፈጸመ በኋላ ወደ ቢሩት/ቤሩት ሔደ።

➻ በቢሩት ይመለክ የነበረውን አስፈሪ ደራጎን በጸሎቱ ኃይል ድል ከነሣ በኋላ፣ እንዲሁም አንዲት ቢሩታዊት ልዕልትንና የዚያች ሀገር ሰዎችን ክርስቶስን ወደማመን ካመጣ በኋላ ወደ ፋርስ የተመለሰ፤ በፋርስ ሀገር ንጉሥ ዱድያኖስ በ70 ነገሥታት ላይ ተሹሞ አብያተ ክርስቲያናትን ባቃጠለና አጵሎን፣ አርዳሚስ፣ ዜውስ. . . የተባሉ ጣዖታትን አቁሞ ሕዝቡን ለጣዖት እንዲሰግዱ በማስገደድ እያሰቃየ መኾኑን በተመለከተ ጊዜ ወዳጆቹን እነስቅራጥስን ተሰናብቶ ወደ ንጉሡ ቤተ መንግሥት በመሄድ በዱድያኖስና በ70ው ነገሥታት ፊት ሃይማኖቱን የገለጠ ሰማዕት ነው፧፧

➻ ጣዖታትንም የረገመ፤ ንጉሡ ዱድያኖስ እያለ ክርስቶስን ከማመን ሊያስወጣው ቢጥርም በማለት በፈጣሪው የታመነ ሰማዕት፤

➻ በሰው ኅሊና ሊታሰቡ እንኳ የማይቻሉ እጅግ ብዙ ሥቃያትን የተሠቃየ (በእንጨት ላይ ሰቅለው ሥጋውን በመቃን የፈተቱት ጊዜ አለ፤ እግሩን ረጃጅም የብረት ችንካሮች ያሉበትን ጫማ አጫምተው ችንካሮቹ በአጥንቱ እስቲያልፉ ድረስ ያሠቃዩት ጊዜ አለ፤

➻ በ70 ብረቶች ቸንክረው፥ በእሳትም ተኩሰው ናላው ተበጥብጦ በአፍና በአፍንጫው እስቲፈስ በዘንግ የደበደቡት ጊዜ አለ፤ በሆዱ ላይ የደንጊያ ምሰሶ አሥረው ያንከባለሉት ጊዜ አለ፤ ሥጋው ተበጣጥሶ በመሬት ላይ እስቲወድቅ ድረስ በመጋዝ ቆራርጠው ጨው የነሰነሱበት ጊዜ አለ፤

➻ ደሙ ፈስሶ እሳቱን እስቲያጠፋው በብረት አልጋ ላይ ቸንክረው ከበታቹ እሳትን ያነደዱበት ጊዜ አለ፤ በምትሐተኛ ሰው የተዘጋጀ መርዝ በጥብጠው ያጠጡት ጊዜ አለ፤ በረኃብና በጥም እንዲሞት በአንዲት ድኃ መበለት ቤት ከምሰሶ ጋር አሥረው የተውበት ጊዜ አለ፤ በመንኮራኵር ቆራርጠው፥ ሥጋውን በእሳት አቃጥለው፥ በድንጋይም ፈጭተው ደብረ ይድራስ በተባለ ተራራ ላይ የበተኑት ጊዜ አለ. . .)፤

➻ የዐፅሙን/አጥንቱን/ ብናኝ በተራራ ላይ የበተኑትን ወታደሮች፣ እንዲሁም የአምላኩን ኃይል በዐይናቸው የተመለከቱ የብዙ ብዙ የሚኾኑ ጣዖት አምላኪዎችን ክርስቶስን ወደ ማመን መልሶ ለሰማዕትነት ያበቃ፤

➻  ከ7 ዓመት ጽኑዕ የመከራ ጊዜያት በኋላ የክብር ባለቤት መድኃኒታችን ኢየሱስ ክርስቶስ ከአእላፍ ቅዱሳን ጋር ወርዶ ታላቅ ቃልኪዳንን ከሰጠው በኋላ ቀን አንገቱን ተሰይፎ በመንግሥተ ሰማያት 7 የብርሃን አክሊላትን የተቀዳጀ፤

➻ ዛሬም ድረስ በስሙ ለተማጸኑ ኹሉ ለረድኤት ከዐውሎ ነፋስ የሚፋጠን ኃያል ሰማዕት ነው።

አይለየን ለዘለዓለሙ አሜን!🙏

Share 👇

383

ምስጢረ ምስጢራት ❼❼❼

May 2, 2026, 09:52 PM

📷 Photo

‎🌹🌹🌹በስመ አብ ወወልድ ወመንፈስ ቅዱስ አሐዱ አምላክ አመ ዕሥራ ወሠሉሱ /፳፫/ ለወርኀ ሚያዚያ በዛቲ ዕለት ኮነ ዕለተ ዕረፍቱ ለቅዱስ ጊዮርጊስ ሊቀ ሰማዕት ጸሎቱ ወበረከቱ ወምሕረተ ፍቁር አምላኩ የሀሉ ምስለ ኵልነ ምእመናን ዘቅድስት ቤተ ክርስቲያን ለዓለመ ዓለም አሜን።🌹🌹🌹 🙏🙏🙏
‎
‎

‎  ሰላም ለክሳድከ ዘተመሰለ ምንኀረ።
‎  በአንቅዖ ሐሊብ ወማይ አመ በመጥባሕት ተመትረ።
ጊዮርጊስ ዘጾርከ ሥቃየ አመታት መፅዕረ።
‎  በለኒ በቃለ ብሥራት ከመ ነሀሉ ኅቡረ።
‎  ጥቃ ቤተ ነፍስየ ለከ ሐነጽኩ ማኅደረ።

‎ትርጕም፡
/
‎
‎
‎እንኳንም አደረሳችሁ! አደረሰን 🙏🙏🙏
‎

Share 👇

383

ምስጢረ ምስጢራት ❼❼❼

May 2, 2026, 09:52 PM

📷 Photo

381

ምስጢረ ምስጢራት ❼❼❼

May 2, 2026, 09:52 PM

[ ፳፪ ቀን ]
የመልአኩ
መታሰቢያ በዓል ነው

🔥

➻ ነቢዩ ቅዱስ ዳዊት በመዝሙር 33፥7 “ በማለት እንደተናገረ ሊቀ መላእክት ቅዱስ ዑራኤል እግዚአብሔርን የሚፈሩና የሚያከብሩት ሰዎች በጨነቃቸው ጊዜ በመካከላቸው እየተገኘ ያጽናናቸዋል። ምስጢር ይገልጥላቸዋል፤ ከመከራ ሥጋ ከመከራ ነፍስ ይጠብቃቸዋል።

➻ ዑራኤል ማለት “” ማለት ነው። ዑራኤል በብርሃናት ላይ ኹሉ የተሾመ መልአክ ነው፡፡ በመጽሐፈ ሔኖክ 6፥2 ተብሎ ተጽፏል፡፡ ከሊቃነ መላእክት አንዱ መኾኑንና ፍርሃት ረዓድ ላለባቸው ረዳታቸው እንደኾነ የመላእክትን ነገር የተናገረ ሔኖክ ነግሮናል፡፡ ቅዱስ ዑራኤል ምስጢር ገላጭ ነው።

➻ ምስጢር ማናገር የመንፈስ ቅዱስ ሥራ ቢኾንም የተሰወረውን መግለጥ፣ በአዲስ ቋንቋ ማናገር፦ ለመላእክት የተሰጠ ጸጋቸው መኾኑም ግልጽ ነው። የተወደደ ሥራ ለሚሠሩና እንዲያውቁ ለተፈቀደላቸው ኹሉ ቅዱስ ዑራኤል ምስጢር ይገልጣል፡፡

➻ በመጽሐፈ ዕዝራ/ ሱትኤል 13፥38 እንደተጻፈው መልአኩ ቅዱስ ዑራኤል ዕዝራ ሱቱዔልን ብሎ ሐምሌ 22 አእምሮና ማስተዋልን ገልጦለታል። ለሄኖክም ምሥጢረ ሰማይንና ዕውቀትን የገለጠለት እርሱ ነው፡፡

➻ ለአባ ጊዮርጊስ ዘጋስጫ ልቡናውን ያበራለት ይህ መልአክ እንደኾነ ገዳሙ ባሳተመው ገድሉ ላይ ተጽፎልን። በዚህ አገልግሎቱም ሊቃውንቱ “ከሣቴ ምስጢር” ወይም ይሉታል። አፋቸውን ከፍተው የምስጋና ቃል የሚናገሩ ኹሉ ክብርና ጥበቃን ከመላእክት ይቀበላሉ፡፡

➻ ዕዝራ ለረጅም ወራት እግዚአብሔርን ደጅ ጸንቶ ነበር። የነገሩትን የማይረሳ እግዚአብሔር መልአኩን ላከለት፤ የሰማዩን ምስጢርም ዐወቀ። ይህ መልአክ እመቤታችን ቅድስት ድንግል ማርያም ወደ ግብፅ በተሰደደች ጊዜ በመካከላቸው ኹኖ መንገድ ይመራቸው እንደነበር በድርሳነ ዑራኤል ተገልጿል።

➻ ጌታችን መድኃኒታችን ኢየሱስ ክርስቶስ በቀራንዮ አደባባይ ደሙን በፈቃዱ ባሰሰ በጽዋዕ የተቀበለው መልአኩ ቅዱስ ዑራኤል መኾኑን በዕለተ ዓርብ በሚነበበው ግብረ ሕማማት ተጽፏል።

➻ በሊቀ መላእክትነት የተሾመበት በዓል ጥር 22፣ ከጌታችን የፈሰሰውን ደም በጽዋዕ የተቀበለበት መጋቢት 27 ቀን ይከበራል።

376

ምስጢረ ምስጢራት ❼❼❼

May 2, 2026, 09:52 PM

📷 Photo

'ቤዛዊተ-ዓለም'

ከእመ-አምላክ ጋር ተያይዞ ቃሉ ሲነገር ቀጥታ «ምትክ» ወይም «ስለ» የሚለውን ፍቺ ይሰጠናል - [መዝገበ ቃላዊ ፍቺውም ጭምር (ከሌሎች በተጨማሪ) ይኽ መኾኑ መታወቅ አለበት]።

ምንስ ለማለት ተፈልጎ ነው!? ከተባለ በእግዚአብሔር ፊት ከሰው ይፈለግ የነበረ "ሞገስ" እሷ ላይ ስለተገኘ ፤ «ባሕርያችንን ለመንሣት» ምክንያት ስለኾነች ፤ ባሕርያችን በእሷ በኩል ለአምላክነት [ለተዋሕዶ] በቅታለችና #ቤዛዊተ_ዓለም አልናት - [ቤዛ ማለት ምትክ ወይም ስለ ማለት እማይደል!!]።

የእግዚአብሔር አንድያ ልጅ ሰው ኾኗል አልኾነም!?
➬ምን ጥያቄ አለው ኾኗል እንጂ!!

በዚኽም ምክንያት የእኛን መልክ ያዘ ተብሏል አይደል!?
➬እውነት ነው -አዎ ተብሏል!!

የእኛን መልክ የያዘው ከማን ነው!!
➬ከድንግል ማርያም!!

(እኛን ኾነ የምንለው በድንግል በኩል ሰው በመኾኑ ነው እኛን ለመኾኑ #ምክንያቷ ድንግል ናት) ስለዚኽ በእኛ ምትክ ስለ እኛ  - በአጠቃላይ ዓለምን ተክታ ሰውነትን ለተዋሕዶ ለአምላክ ሰጥታለች አይደል!?
➬አዎ ሰጥታለች!!

ታዲያ "ቤዛዊተ-ዓለም" ይሉኻል እኮ ይኼ ነው‼

የቤዛዊተ ዓለም ድንግል ማርያም - ኀይል አድራጊ ምልጃዋ/ልመናዋ አይለየን!!
✥ °°°°°°°°°°°°°°°°°°°°°°°° ✥

📝ማስታወሻ፦
የሚለው መጽሐፍ - በቅርቡ ለኅትመት የሚበቃ የሰዋስወ ብርሃን ቅዱስ ጳውሎስ መንፈሳዊ ኮሌጅ የሐዲስ ኪዳን መምህር የኾኑት መጽሐፍ ነው።


[

385

ምስጢረ ምስጢራት ❼❼❼

May 2, 2026, 09:52 PM

📷 Photo

ቅዱስ ባስልዮስ
ስለእመቤታችን ምን አለ? 🤔

➻"...... ማንስ ነው ከቅዱሳን ኹሉ በላይ እንደኾነች ያላስተዋለ? እግዚአብሔር ለአገልጋዮቹ የሚልቅ ጸጋን ከሰጠና የሚነኩት ኹሉ ከበሽታው ከተፈወሰ፣ ጥላቸው ያረፈበት ተአምር ከተፈፀመለት፣ ጴጥሮስ በጥላው ካዳነ (የሐዋ 5÷15)፣ የጳውሎስ የልብሱ ጨርቅ ዕራፊ መናፍስትን ካወጣ (የሐዋ. 19÷11)፤ ለእናቱማ ምን አይነት ስልጣንና ኃይል ተሰጥቷት ይኾን?

➻ ለቅዱሳኑ ይኽን ያኽል ድንቅ እንዲያደርጉ ባለሟልነትን ከሰጣቸው ወልዳ ላሳደገችው እናቱማ ምን ያኽል ይሰጣት ይኾን? በምን አይነት ስጦታ አስጊጧት ይኾን?

➻ ጴጥሮስ "ክርስቶስ አንተ የሕያው እግዚአብሔር ልጅ ነህ" ስላለው ብፁዕ ከተባለና የመንግሥተ ሰማያት ቁልፍ ከተሰጠው (ማቴ. 16÷16-19)፤ እርሷ ከኹሉም ይልቅ እንዴት የተባረከች (ብፅዕት) አትኾን? (ሉቃ1÷45)፤

➻ ጳውሎስ ታላቅ ክብር ያለውን የክርስቶስን ስም በመሸለሙ "ምርጥ እቃ" ከተባለ (የሐዋ 9÷15)፤ የአምላክ እናትማ የምእመናን ምግብ የኾነ መናውን ሳይኾን የሕይወት ሰማያዊ እንጀራን ያስገኘች እርሷ ምን አይነት ልዩ እቃው ትኾን?

➻ ነገር ግን ስለ እርሷ ብዙ እናገራለሁ ብዬ ስለክብሯ ጥቂት በመናገር እራሴን በኀፍረት ውስጥ እንዳልጨምር እፈራለሁ፤ ስለዚህ ካኹን ወዲህ የንግግሬን መልህቅ ስቤ በዝምታ ወደቤ ላይ ማረፍን መርጫለሁ። "

(ቅዱስ ባስልዮስ)

Share 👇

529

ምስጢረ ምስጢራት ❼❼❼

May 2, 2026, 09:52 PM

📷 Photo

🌺🌹፳፩ ቀን 🌺🌹

በእንተ ዝኒ ለናስቆቁ ንሕነ ፤
ጽፉቀ ጽፉቀ በይነ አበሳነ ፤
ከመ ንርአይ ብርሃነ ብርሃነ ።
ትርጕም፡ 👇

➻

➻ ምድራዊ ያይደለ ምንጩ መንፈስ ቅዱስ፤ የትንሣኤው ብርሃን ኹሌም በልባችን እንደ ወንዝ እንዲፈስ፤ እኛም እንጂ ስለበደላችን ብዛት ደጋግመን እናልቅስ።

ዮሐ. ፩ ፥ ፬ - ፭ ።

Share 👇

398

ምስጢረ ምስጢራት ❼❼❼

May 2, 2026, 09:52 PM

📷 Photo

🌹🥇🔥

🌹 ጉባኤ-ኒቅያ 🌹

🥇 የቅኔና የመጻሕፍት ትርጓሜ ቤት 🥇

​“ የጽናት ፍሬ የኾነ የምሥራች እነሆ ! ”

​ጉባኤ-ኒቅያ ከተመሠረተች ገና ስምንት ወራት ብቻ ቢኾናትም፤ በመምህራችን ጽኑ የማስተማር ፍላጎትና በደቀ-መዛሙርቱ ትጋት ድንቅ መንፈሳዊ ውጤቶችን እያስመዘገበች ትገኛለች። አኹን ደግሞ በታላቅ ዝግጅት የመጻሕፍት ትርጓሜ (አንድምታ) ትምህርት በይፋ መጀመራችንን ስናበሥርዎ በታላቅ ደስታ ነው!

➩​ የምንሰጣቸው የትርጓሜ ትምህርቶች ፥ 🔥

➾ ​የውዳሴ-ማርያም አንድምታ
➾ ​የቅዳሴ-ማርያም አንድምታ
➾ ​የኪዳን እና ትምህርተ-ኅቡዓት
➾ ​ሙሉ የሐዲስ ኪዳን አንድምታ ትምህርቶች ፥
➾ እንዲሁም ልዩ ፥ የነገረ-ሃይማኖት ኮርሶችን

➥ በ​መምህር ጸዳለ-ብርሃን አእምሮ
➜ የመጻሕፍተ-ሐዲሳት የትርጓሜ መምህር ይሰጣሉ !

​➭ የእግዚአብሔርን ቃል በጥልቀት መማርና መረዳት ለሚፈልጉ ሁሉ የጉባኤያችን በሮች ክፍት ናቸው።

🌹🥇🔥
ለመመዝገብ ና ​ለበለጠ መረጃ፡
✍️ https://t.me/EAGLE21_29
☝️በዚህ ይጻፉልን !🌹

🌹🥇🔥

425

ምስጢረ ምስጢራት ❼❼❼

May 2, 2026, 09:52 PM

📷 Photo

➻ አረንጓዴው ቀስት
የሚያመለክተው በገዛ ፈቃዱ ጠላቱን መርጦ እንደቅጠል የረገፈውና እየረገፈ ያለው የቅድስት ኦርቶዶክስ ተዋሕዶ ቤተ ክርስቲያን ምእመን ሲኾን፤

➻ ቀዩ ቀስት ደግሞ
ከቅድስት ኦርቶዶክስ ተዋሕዶ ቤተ ክርስቲያን ምእመን ልብ በቀይ ካርድ የተባረረው ብልግና ❞ብልፅግና❝ ፓርቲ ሊኾን ይችላል። 🤭


Share 👇

‎

420

ምስጢረ ምስጢራት ❼❼❼

May 2, 2026, 09:52 PM

🌺‎ዘመነ መርዓዊ🌺
‎
‎
‎
‎
‎“የባልና የሚስት ፍቅር ማኅበረሰቡን አንድ ላይ የሚያገናኝ ኃይል ነው።

ወንዶች ለዚህ ፍቅር ሲሉ ሰይፍ ያነሣሉ፣ ሕይወታቸውን እንኳን ይሰዋሉ። በባልና በሚስት መካከል መግባባት ሲኖር፦
ልጆች በደንብ ያድጋሉ፤
ቤተሰብ በሥርዐት ይጠበቃል፤  ጎረቤቶች፣ ወዳጆችና ዘመዶች በዚህም ይደሰታሉ።

ሰላማዊ ትዳር ከአንድ ቤተሰብም አልፎ አገርን ይጠቅማል።”
‎
‎የነፍስ ምግብ ከተሰኘው መጽሐፍ፤
‎ ቅዱስ ዮሐንስ አፈወርቅ እንዳስተማረው፤
‎
‎
Share 👇

‎

452

ምስጢረ ምስጢራት ❼❼❼

Apr 29, 2026, 07:43 PM

📎 File

ሰኔ

422

ምስጢረ ምስጢራት ❼❼❼

Apr 29, 2026, 07:43 PM

📎 File

429

ምስጢረ ምስጢራት ❼❼❼

Apr 29, 2026, 07:43 PM

📎 File

ነሐሴ

412

ምስጢረ ምስጢራት ❼❼❼

Apr 29, 2026, 07:43 PM

📎 File

የካቲት

399

ምስጢረ ምስጢራት ❼❼❼

Apr 29, 2026, 07:43 PM

📎 File

መጋቢት

407

ምስጢረ ምስጢራት ❼❼❼

Apr 29, 2026, 07:43 PM

📎 File

ሚያዚያ

396

ምስጢረ ምስጢራት ❼❼❼

Apr 29, 2026, 07:43 PM

📎 File

ግንቦት

413

ምስጢረ ምስጢራት ❼❼❼

Apr 29, 2026, 07:43 PM

📎 File

ኅዳር

350

ምስጢረ ምስጢራት ❼❼❼

Apr 29, 2026, 07:43 PM

📎 File

ታኅሣሥ

379

ምስጢረ ምስጢራት ❼❼❼

Apr 29, 2026, 07:43 PM

📎 File

ጥር

390

ምስጢረ ምስጢራት ❼❼❼

Apr 17, 2026, 01:54 AM

🎥 Video

አሕመዲን ጀበል

329

ምስጢረ ምስጢራት ❼❼❼

Apr 17, 2026, 01:54 AM

🎥 Video

አሕመዲን ጀበል

358

ምስጢረ ምስጢራት ❼❼❼

Apr 17, 2026, 01:54 AM

🎥 Video

የሥነልቦና ጦርነት በኦርቶዶክሳውያን ላይ

አሕመዲን ጀበል

342

ምስጢረ ምስጢራት ❼❼❼

Apr 17, 2026, 01:54 AM

‎፩ .ትንሣኤ ምንድን ነው?🤔🤭
‎
‎
‎➻ ትንሣኤ እንደ አገባቡ እንደ አመጣጡ በብዙ መተርጎሙ እንደ ተጠበቀ ሁኖ ክብር ይግባውና ከአምላካችን ከኢየሱስ ክርስቶስ አንጻር ስናየው ግን በፈቃዱ ቅድስት ነፍሱን ከቅዱስ ሥጋ በዕለተ ዐርብ የለየ አምላክ በዕለተ እሑድ የሞትን ኃይል አጥፍቶ መቃብርን ድል ነሥቶ ቁራኝነትን አስወግዶ ቅዱስ ሥጋውንና ቅድስት ነፍሱን ማገናኘቱን የሚያሳይ ቃል ነው።
‎
‎፪
‎
‎ክብር ይግባውና የአምላካችን የኢየሱስ ክርስቶስ ሞቱም ትንሣኤውም የታመነና እውነት ነው።
‎
‎ክርስቶስ በእውነት እንደ ሞተ እናምናለን ያቺን ሞታችንን ያጠፋ ዘንድ የሞታትን ሞት ዘወትር እናስባለን።
‎
‎ለዚህ ነው በቅዳሴአችን ንዜኑ ሞተከ እግዚኦ አቤቱ ሞትህን እናስባለን ማለታችን።
‎
‎ነገርግን ማስተዋል የሚገባን መሠረታዊ ጉዳይ የክርስቶስ ሞት እንደ ሰው ሞት ቢሆንሞ ከሰው ሞት የተለየ እንደሆነም መገንዘብ ይገባናል።
‎
‎እንደ ቤተክርስቲያን አስተምህሮ የጌታ ሞት ከሰው ሁሉ ፈጽሞ የተለየ እንደሆነ ይታመናል።
‎
‎የዚህም ምክንያቱ የክርስቶስ አካል መዋቲ ሥጋ ብቻ ስላልሆነ ነው።
‎
‎ክርስቶስ ኢመዋቲ የሆነ መለኮት ነው። ደግሞ ክርስቶስ መዋቲ ሥጋ ገንዘቡ ነው።
‎
‎ስለዚህ መዋቲነት ገንዘቡ ከሆነ የኢመዋቲነት ባሕርይ ግን የሌለው የሰው ልጅ ሞትና ፍጹም አምላክ ፍጹም ሰው የሆነ የክርስቶስ ሞት አንድ ሊሆን አይችልም።
‎
‎በመካከል ታላቅ ልዩነት እንዳለ መገንዘብ ይገባናል።
‎
‎ከእነዚህም ልዩነቶች መካከል አንዱ ጊዜ ተዋሕዶ የሆነው የመለኮትና የትስብእት ተዋሕዶ ባሕርያዊና የትኛውም ክስተት ሊለየው የማይቻለው መሆኑ ነው።
‎
‎ነፍስ ከሥጋ በተለየች ጊዜ መለኮት ከነፍስም ከሥጋም አልተለየም።
‎
‎ሰው ሁሉ በሚሞትበት ጊዜ ሥጋ ነፍስ ስትለየው ይበተናል ይፈርሳል ይበሰብሳል ክብር ይግባውና የክርስቶስ ቅዱስ ሥጋው ግን ይህ ሁሉ አላገኘውም ለምን? ቢባል መለኮት ስላልተለየው።
‎
‎ደራሲ ሰላም ሰላም ለቅዱስ ሥጋከ እም መለኮቱ ዘኢተፈልጠ ለሰዓት አሐቲ ከመ ቅጽበተ ዐይን ኅዳጠ-
‎
‎ለቅጽበት ከመለኮቱ ላልተለየ ለቅዱስ ሥጋህ ሰላም እላለሁ ማለቱ ይህንን የሚያስረዳ ነው።
‎
‎ስለዚህ የክርስቶስ ሞት ከሰው ሁሉ ሞት የሚለይበት ምስጢር፦መለኮት ያልተለየውና የማይለየው ከመሆኑ የተነሳ አራቱ ባሕርያት ባለ መለያየታቸው ባለ መፍረስ ባለ መበስበስ ሞትና መቃብር እርሱን ከማግኘት ሌላ ያልሰለጠኑበት መሆኑ እንደሆነ በአግባቡ መረዳት ይገባል።
‎

‎
‎ከላይ በእውነት ተነሥቷል ብለን እንደተናገርነው
‎የአምላካችን ትንሣኤ በዐይን ምስክሮች፣ በቅዱሳት መጻሕፍት በትንቢተ ነቢያት እና በቅዳሴ መላእክት የተገለጠና የተረጋገጠ መለኮታዊ ምስጢር ነው።
‎
‎በነቢያትና በራሱ በክርስቶስ እንደተነገረው ክርስቶስ በእውነት በሦስተኛው ቀን ከሙታን ተለይቶ ተነሥቷል ።
‎
‎ቅዱሱ የእግዚአብሔር መላክ የትንሣኤውን ንጉሥ ከመቃብር ሲፈልጉት ለነበሩት ቅዱሳት አንስት ክርስቶስ በመቃብር እንደሌለ የመቃብሩን ባዶነት የሞትን ድል መነሳት ሲያስረዳ እርሱ በእዚህ በመቃብር የለም እንደተናገረ ተነሥቶአል ​​ኑና የተኛበትን ስፍራ እዩ ብሏል። ማቴ ፳፰፥፮
‎
‎ይሁን እንጂ ይህ የመቃብር ባዶ መሆን የሞት ድል መነሣት ለሰው እንዲህ በቀላሉ የሚረዳ አልነበረም።
‎
‎ምክንያቱም "ሞት" ለሰው ልጅ የዘመናት ባለጋራ ሁኖት ድል ሲነሳው ዘመዱን ቤተሰቡን ሁሉ ሲነጥቀው የኖረ ነጣቂ ነበርና።
‎
‎ክርስቶስም የሞትን ነገር ጎላ አድርጎ ለመግለጥ የፈለገበት መሠረታዊ ምክንያት ይህ ነው።
‎
‎ከመሞቱ በፊት ክርስቶስ እሞታለሁ ብሎ ሞቱን እነሣለሁ ብሎ ትንሣኤውን ተናግሯል።
‎
‎ከሙታን ተለይቶ ሲነሣም መቃብሩ እንዲመሠክርለት የተገነዘበት መግነዙ እንዲመሠክርለት መላእክትና ደቂቀ አዳም እንዲመሠክሩለት አድርጓል ግን በዚህ ብቻ ያበቃ አይደለም።
‎
‎ከትንሣኤው በኋላም ለአርባ ቀን ትንሣኤውን በመገለጥ በመዳሰስ በቃልም በግብርም መስክሯል። ይህ ሁሉ የሞትን ድል መነሣት ማመን እጅግ ከባድ ስለ ነበር ነው።
‎የክርስቶስ ትንሣኤ ዲያብሎስን ያዋረደ መቃብርን ባዶዉን ያስቀረ ሞትን ድል የነሣ ለሰው ልጅ ሕያውነትን ያደለ በሰው ልጆች ሕይወት ውስጥ ትልቅ ቦታ የሚሰጠው ቃላት የማይገልጡት ኅሊናት የማይመረምሩት ጥልቅነቱ የማይደረስበት ነው።
‎
‎ይህንን ክስተት ሊቁ ቅዱስ አትናቴዎስ - ሞት በድል ተዋጠ - በማለት የክርስቶስ ትንሣኤ በሞት ላይ የሆነ ድል እንደሆነ አስረድቷል።
‎
‎ስለዚህ የክርስቶስ ትንሣኤ ላመኑ ምዕመናን ወደረ የማይገኝለትና ከድንቅ ሁሉ በላይ የሆነ ድንቅ ነው።
‎
‎

‎
‎ቅዱስ ኤፍሬም በድርሳኑ ስለ ትንሣኤ በተናገረበት አንቀጽ ላይ ለማያምኑት የትንሣኤ ነገር ያጠራጥራቸዋል ፤ ለሚያምኑ ሐዋርያት ግን የክርስቶስ ትንሣኤ የድንቅ ድንቅ ነው። ብሏል።
‎
‎ከዚህም ትንሣኤ ድንቅ ብለን ብቻ የምናልፈው ሳይሆን ድንቅ በተባለው ላይ ሁሉ ላይ ድንቅ እንደሆነ እንረዳለን።
‎
‎ ፬? 🤔🤭
‎
‎ክርስቶስን ከሞት ያስነሳው ማን ነው? አብ ነው? መንፈስ ቅዱስ ነው? ወይስ በራሱ ሥልጣን?
‎
‎መጽሐፍ ቅዱስ ሦስቱንም በተለየ ስማቸው እየጠራ ከማስነሣት ጋ አያይዟቸዋል።
‎
‎

‎
‎እግዚአብሔር የሞትን ሕማም አጥፍቶ አስነሣው፥ ሞት ይይዘው ዘንድ አልቻለምና። የሐዋርያት ሥራ ፪ ፳፬:
‎
‎
!
‎
‎"ይህን ቤተ መቅደስ አፍርሱት በሦስት ቀንም አነሣዋለሁ። ዮሐንስ፪ ፡፲፱
‎
‎


‎"ነገር ግን ኢየሱስን ከሙታን ያስነሣው የእርሱ መንፈስ በእናንተ ዘንድ ቢኖር፥ ክርስቶስን ያስነሣው... በመንፈሱም ለሚሞተው ሰውነታችሁ ሕይወትን ይሰጣል።" ሮሜ ፰ ፲፩
‎
‎አባቶቻችን ይህንን ይዘው ይተረጉማሉ መጻሕፍት አብ ወልድ መንፈስቅዱስ ብለው አድለው መናገራቸው ሦስቱ በአምላካዊ ግብር እንድ መሆናቸውን ለማመልከት ነው።
‎
‎ስለዚህ ከሙታን ተለይቶ የተነሣው ወልድ ብቻ ቢሆንም ወልድ የተነሣባት ሥልጣን ግን የሦስቱም ስለሆነች መጻሕፍት ለሶስቱም ሰጥተው ተናግረዋል።
‎

‎
‎የሥላሴ አምላካዊ ግብር ለሦስቱ ሁሉ እንደ ሚነገር ሲያብራራ የአብ የወልድ የመንፈስቅዱስን አሠራር ልንለያይ አይገባንም። የእግዚአብሔር ሥራ ሁሉ ለሦስቱ አካላት የሚነገር ነውና ብሏል።
‎
‎ስለዚህ ትንሳኤ የቅድስት ሥላሴ የአብ የወልድ እና የመንፈስ ቅዱስ የአንድነት ግብር መሆኑን መረዳት ሃይማኖት ነው።
‎
‎፭
‎
‎ትንሳኤ በሞት ላይ ያለን ድል የሚያሳይ ነው።
‎ትንሣኤ በኃጢአት የተበላሸውን ሰብዓዊ ተፈጥሮአችንን ያደሰ፣ እና የዘላለም ሕይወትን መንገድ የከፈተ ነው ።

ምስጢረ ምስጢራት ❼❼❼

Apr 17, 2026, 01:54 AM

‎
‎ጌታ በትንሣኤው ሞታችንን ድል አድርጎ አጥፍቶታል
‎እሙታን ተንሢኦ ሢኦለ ከይዶ በሞቱ ለሞት ደምሰሶ
‎ከሙታን ተለይቶ ተነሥቶ ሲዖልን ረግጦ በሞቱ ሞትን አጠፋው።
‎
‎እልመስጦአግያ
‎
‎ስለዚህ ትንሣኤ ሞታችን ድል የተነሣበት በዓል ነው።
‎ከዚህም በላይ ግን ጌታ በትንሣኤው ያጠፋልን ሞትን ብቻ ሳይሆን የሞትን መገኛም አጥፍቶልናል
‎

!
‎
‎ አትናቴዎስ ክርስቶስን ሲመሰክር ዝ ውእቱ ዘአጥፍኦ ለሞት ወሠአሮ ለዲያብሎስ ይህ በሞቱ ሞትን የሻረ በትንሣኤው ዲያብሎስን ድል የነሣ ነው በማለት ትንሣኤ ሞት ከእኛ የራቀበት ሕይወት ወደ እኛ የቀረበበት ድንቅ በዓል መሆኑን አስረድቶናል።
‎

ሐዋርያውም "ሁሉ በአዳም እንደሚሞቱ እንዲሁ ሁሉ በክርስቶስ ደግሞ ሕያዋን ይሆናሉ።" በማለት  በመዋቲው አዳም ምክንያት ሞት የታወጀብን እኛ ሕይወት በሆነው በዳግማይ አዳም ክርስቶስ ትንሳኤ ሕይወት እንደ ታወጀልን መሥክሮልናል ፩ቆሮ.፲፭፥ ፳፪

ስለዚህ የክርስቶስ ትንሣኤ ክርስቶስን ላመኑ ሁሉ  ሞት ከነ ምንጩ የደረቀበት የሰው ዘር በዲያብሎስ ላይ ድልን ማሸነፍን የተቀዳጀበት  የእምነታችን መልህቅ፣ የደስታችን ምንጭ እና ያለመሞት ቃል ኪዳን ነው።



ትንሣኤ ከበዓላት ሁሉ የላቀ የበዓላት ሁሉ በዓል ነው  ይህ ቀን እጅግ ልዩና ድንቅ በሆነ በደስታ ጸሎት በደስታ ምስጋና በደስታ አምልኮ ይታሰባል።

በተለይህም ምድራዊት ሰማይ በሆነች በኢትዮጵያ ኦርቶዶክስ ተዋሕዶ ቤተክርስቲያን ያለው የትንሣኤ በዓል አከባበሩ እንኳንስ በመናገር ተገኝቶ በማየት እንኳ የመዓዛውንና የጣዕሙን ጥልቀት መረዳት በእጅጉ ኅሊናን የሚፈትን ነው።

በዚህች ሌሊት ምዕመናን ከክርስቶስ ከሕማሙም ከሞቱ ከትሣኤውም ይሳተፉባታል።

ልክ ሐዋርያት የክርስቶስን መነሣት ሲጠባበቁ እንደነበሩት የዛሬዎች የክርስቶስ ተከታዮችም ጥልቀት ባለው ተመስጦ በፍጹም ትጋት ክርስቶስ የተነሣባትን መንፈቀ ሌሊት  ይጠባበቃሉ።

ያቺ ሰዓትም ደርሳ ክርስቶስ ከሙታን ተለይቶ ተነሣ የሚለውን ሲሰሙ ከሐዋርያት የተወለዱ ምዕመናን ሐዋርያት በክርስቶስ ትንሣኤ እንደ ተደሰቱ ደስ ይሰኛሉ።

ትንሣኤ በአፍኣ በመብል በመጠጥ ብቻ የሚከበር ሳይሆን ምዕመናን በፍጹም መታደስ ሆነው የሚያከብሩት በዓል ነው።



ሰው ሁሉ ከዚህ የእምነት በዓል ይካፈል ሁሉም መልካምነትንና ባለ ጠግነትን ገንዘብ ያድርግመንግሥተ ክርስቶስ ተገልጣለችና ማንም አይዘን ብሏል።

ይህም በዓለ ፋሲካን ከእርሱ ያገኘነውን በማሰብ በፍጹም ተመስጦ ሁነን ልናከብር እንደሚገባን ያስረዳል።

ማጠቃለያ፦
ትንሣኤ አንድ ጊዜ ተከሥቶ የቀረ ታሪክ አይደለም።
ትንሣኤ ሁል ጊዜ መንፈሳዊ ሕይወታችነን የሚሠራ ልቡናችንን የሚያጸና ተስፋችን ዘወትር የምንቀዳበት ሁል ጊዜ የምናስበው።

ከኅሊናችን የማይርቅ በሰውነታችን የምንመካበት ጥልቅ እምነታችን ነው።

በዕለተ ትንሣኤ ክርስቶስ ከሙታን ተለይቶ ተነሣ በማለት ይህንን እምነታችን ከወትሮው በተለየ አብዝተን እንመሠክራለን።

በመሆኑም የተወደዳችሁ ምዕመናን የክርስቶስን ትንሣኤ በቃል ብቻ ሳይሆን በምግባርም ያለ ፍርኀት የምንመሠክረው እምነታችን ነው።

እንኳን ለብርሃነ ትንሣኤው አደረሰን አደረሳችሁ ፤ መልካም የትንሣኤ በዓል ይሁንላችሁ!!


©ሊቀ ሊቃውንት ነቢየ-ልዑል አዳሙ

ምስጢረ ምስጢራት ❼❼❼

Apr 17, 2026, 01:54 AM

📷 Photo

399

ምስጢረ ምስጢራት ❼❼❼

Apr 17, 2026, 01:54 AM

📷 Photo

"የማይሞተው በሥጋ ሞተ፤ ከሙታንም ተለይቶ ተነሣ፤ የጌታችን የኢየሱስ ክርስቶስ ከንጽሕት ድንግል የመወለዱ የሞቱና የትንሣኤው ሥርዐት እኛን ለማዳን እኛን ወደ እርሱ ለመመለስ ተደረገ።"

ሃይማኖተ አበው ዘሳዊሮስ

Share 👇

358

ምስጢረ ምስጢራት ❼❼❼

Apr 17, 2026, 01:54 AM

📷 Photo

‎
‎ይህቺ ዕለት፣ ለሐዋርያው ቶማስ መታሰቢያ ትኾን ዘንድ ‹ቶማስ› ተብላ ትጠራለች፡፡ የትንሣኤው ዕለት እሑድ ማታ ጌታችን በዝግ ቤት ገብቶ ለሐዋርያት ሲገለጽ ቶማስ ከእነርሱ ጋር አልነበረም፡፡ በመጣ ጊዜ ሌሎቹ ሐዋርያት ትንሣኤውን ቢነግሩት ‹‹ሳላይ አላምንም›› ብሎ ነበር፡፡ በሳምንቱ እርሱ በተገኘበት ጌታችን በድጋሜ ለሐዋርያት ተገለጸ፡፡ ስለዚህም ይህቺ ዕለት በሐዋርያው ቶማስ ስም ተሰይማለች። (ዮሐ. ፳፥፳፬-፴)፡፡
‎

‎Share 👇

‎

290

ምስጢረ ምስጢራት ❼❼❼

Apr 17, 2026, 01:54 AM

በስመአብ ወወልድ ወመንፈስ ቅዱስ አሐዱ አምላክ ዘለዓለም ሥላሴ፨
‎
‎
ክርስቶስ ተንሥአ እሙታን፤
‎በዐቢይ ኃይል ወሥልጣን፤
‎አሠሮ ለሰይጣን፤
‎አግዐዞ ለአዳም፤
‎ሰላም፤
‎እምይእዜሰ፤
‎ኮነ፤
‎ፍሥሐ ወሰላም
‎
‎ከትንሣኤ እስከ ዳግም ትንሣኤ
‎ያሉ ዕለታት ስያሜዎች።
‎
‎


‎  ▪️ማዕዶት የሚለው ቃል ዐደወ ተሻገረ ከሚለው የግእዝ ግስ የተገኘ ሲኾን ማዕዶት ማለት መሸጋገሪያ፣ ድልድይ ማለት ነው።
‎
‎➻ የዛሬዋ ዕለተ ሠኑይ (ሰኞ) ጌታችን በሞትና ትንሣኤው ነፍሳትን ከሲዖል አውጥቶ ወደ ገነት አሻግሮ ለማስገባቱ መታሰቢያ ኾና «ፀአተ ሲዖል ማዕዶት» ትባላለች፡፡  ዮሐ.19-18፣ ሮሜ 5-10-17
‎
‎➻ የትንሣኤው ማግስት ሰኞ በምዕራባውያኑና ምሥራቃውያኑ የትንሣኤ ሰኞ "Easter Monday" ስትባል በተለይ በምሥራቅ አብያተ ክርስቲያናት እና ቢዛንታይን ካቶሊካውያን (Byzantine Rite Catholic Churches):  ብሩህ ሰኞ  " Bright Monday" ወይም የታደሰችዋ (አዲሷ) ሰኞ "Renewal Monday" ትባላለች።
‎
‎➻ ማዕዶት በሀገራችን በተለይ ከወታደራዊው የደርግ መንግሥት አስቀድሞ መንግሥታዊ ሥራ የማይሠራባትና በአዋጅ (በካሌንደር) የተዘጋች ብሔራዊ የበዐል ቀን ነበረች። ዕለቷም በተለይ አዛውንቶችና የንስሐ አባቶች በተለይም ከስቅለት እስከ ትንሣኤ ሌሊት በጾም ላሳለፉ አክፋዮች የተለያዩ ሥጦታዎች የሚሰጥባትና ዘመድ አዝማድ የእንኳን አደረሳችሁ  የደስታ  መግለጫ የሚለዋወጡባት ነበረች። ""
‎
‎➻ በአኹኑ ጊዜ ማዕዶት በኢትዮጵያ ብሔራዊ በዐል ኾና መከበሯ ቢቆምም በቤተክርስቲያንና በምእመናን ግን በታላቅ ክብረ በዓል ትከበራለች።
‎
‎➻ ማዕዶትን ብሔራዊ በዐላቸው አድርገው በአዋጅ የሚያከብሩ የዓለማችን ሀገራት በርካቶች ሲኾኑ፤ ከነዚህም መካከል Austria, Australia, Belgium, Canada, Croatia, Czech Republic, Denmark, Finland, France, Germany, Guatemala, Switzerland,  Hungary, Ireland, Italy, New Zealand, Norway, Poland, Sweden, The Netherlands, The United Kingdom, The United States ወዘተርፈ በከፊልና በአጠቃላይ ሥራ አይሠራባቸውም።
‎
‎➻ ማዕዶት ማለት መሻገር፣ ማለፍ ማለት ነው፡፡ በዚህ ዕለት በፋሲካችን በክርስቶስ ትንሣኤ ከድቅድቅ ጨለማ ወደ ሚደነቅ ብርሃን፣ ከሞት ወደ ሕይወት፣ ከሲኦል ወደ ገነት፣ ከሃሳር ወደ ክብር መሻገራችንን እናስባለን፡፡ ይህም በደመ ክርስቶስ ተቀድሰን በትንሣኤውም ድኅነት ተደርጐልን መከራን መርገምን የኃጢአትን ባሕር አንድም ባሕረ እሳትን መሻገራችንን ያመለክታል። ሕዝበ እስራኤል በነቢየ እግዚአብሔር በሙሴ መሪነት በስቃይና መከራ ይኖሩበት ከነበረው ከግብጽ ባህረ ኤርትራን በሙሴ በትር ተሻግረው ወደ ምድረ ከነዓን ተሻግረዋል። (ዘጸ 14÷16) ጌታችን መድኃኒታችን ኢየሱስ ክርስቶስም የበትረ ሙሴ ምሳሌ በሆነው በቅዱስ መስቀሉ የሲዖልን የእሳት ባህር ከፍሎ እኛን ወደቀደመ ርስታችን መልሶናል።
‎
‎➻ ”ፋሲካ ብሂል ማዕዶት ብሂል፥ በዘቦቱ ዐዶነ እሞት ውስተ ሕይወት -> ፋሲካ ማለት መሻገሪያ ማለት ነው፥ በእርሱ ከሞት ወደ ሕይወት ተሻግረናልና። ይኸውም እስራኤል ዘሥጋ የፋሲካውን በግ ካረዱ በኋላ በደሙ ከሞተ በኵር ተሰውረው፥ ከግብፅ የባርነት ቤት በመውጣት፥ ባሕረ ኤርትራን ተሻግረው፥ ምድረ ርስት እንደ ገቡ ነፍሳትም በደመ ክርሰቶስ ተሰውረው ባሕረ እሳትን በመሻገር ወደ ቀደመ ርስታቸው ወደ ገነት ገብተዋል ይላሉ። ይኸንንም በተመለከተ የቀደመችውን ፋሲካ ከአዲሷ ፋሲካ ጋር እያነጻጸሩ፦
‎
‎"
ዛቲ ፋሲካ ቀዳሚት ሕግ ወሥርዓት፥
‎ዛቲ ፋሲካ ተዝካረ ትንሣኤሁ ለመድኃኒነ፥
‎ዛቲ ፋሲካ ለኵልነ በዓል፤

‎
‎ትርጕም፦ ይህች ፋሲካ የቀደመች ሕግና ሥርዓት ናት፥
‎ይህች ፋሲካ የክርስቶስ የትንሣኤው መታሰቢያ ናት፥
‎ይህች ፋሲካ ለኹላችን በዓል ናት" ይላል። ቅዱስ ጳውሎስም “ ብሏል፤ ፩ኛ:ቆሮ:፭፥፯።
‎
‎➻ ምናልባትም “እለ ውስተ ሲኦል ፃኡ፥ ወእለ ውስተ ጽልመት ተከሠቱ፥ ወርእዩ ብርሃነ ዓቢየ -> በሲዖል ያላችሁ ውጡ፥ በጨለማ ያላችሁ ተገለጡ፥ ደገኛ ብርሃንን ዕዩ ” እንዲል፤ ጌታ ነፍሳትን ከሲዖል አውጥቶ ወደ ገነት የመለሰው በዕለተ ዓርብ ሠርክ (ዐሥራ አንድ ሰዓት) አይደለምን? እንል ይሆናል። ትክክል ነው። ነገር ግን አባቶቻችን ዓርብ ስቅለቱ ስለሚከበር ከፀአተ ሲዖልና ከማዕዶት ጋር ደርበው ላለማክበር ነው።
‎
‎➻ ምክንያቱም፦ ኹለቱ ታላላቅ በዓላት በድርብ የሚከበሩ ከኾነ የአንደኛው ታሪክ ጎልቶ ሲነገር የሌለኛው ሊደበዝዝ ይችላል። እንዲህ እንዳይኾን ነው። ምስጢሩ እንደ ተጠበቀ ሥርዐት ሠርተው ለየብቻ እንዲከበር ያደረጉት። ቅዱስ ያሬድም ለኹለቱም ታላላቅ በዓላት ለየብቻቸው ድጓ ሠርቶላቸዋል።
‎
‎➻ ማዕዶት ወይም መሻገር ከየት ወደ የት ነው? ቢሉ፤ ጌታችንና መድኃኒታችን ኢየሱስ ክርስቶስ በከበረ ደሙ፦
‎
‎❖ ከባርነት ወደ ነጻነት
‎❖ ከጨለማ ወደ ብርሃን
‎❖ ከሞት ወደ ሕይወት
‎❖ ከኃጢአት ወደ ጽድቅ
‎❖ ከሲዖል ወደ ገነት
‎❖ ከገሃነመ እሳት ወደ መንግሥተ ሰማያት አዳምንና እኛን ልጆቹን አሸጋግሮናልና።
‎
‎❖ አባታችን አዳምና ልጆቹ ከሲዖል የወጡት በዕለተ ዐርብ በሠርክ ቢኾንም ቅድስት ቤተ ክርስቲያን በዚህ ዕለት እዲታሰብ ታዛለች።
‎
‎❖ ጌታችን ምርኮን ማርኮ ጥጦስ መንገድ ጠራጊ ኾኖለት ወደ ገነት ሲያስገባቸው ለድንግል ማርያም አሳይቷታል።
‎
‎❖ አንድም "ማዕዶት የእመቤታችን ምሳሌ ናት፦
‎" እንዲል አባ ሕርያቆስ ።
‎ትርጕም፦ ማዕዶት ድኅነታችን የሚታሰብባት አዳም ወደቀደመ ክብሩ ልጅነት ወደቀድሞ ቦታው ገነት የተሸጋገረባት ድልድይ ናት...።"
‎
‎➻ እመ አምላክም በፍጹም ልቧ ደስ ተሰኝታለች፤ አዳምና ልጆቹ እመቤታችንን ከላይ ኾነው እጅ ነስተዋታል፤ እርሷ የድኅነታቸው ምክንያት ናትና።
‎
‎➻ ከዚህ ኹሉ በላይ ከመበስበስ ወዳለመበስበስ የተሸጋገርንበት፣ ሙስና መቃብር የጠፋበት፣ የሞት ኃይሉ የደከመበት፣ ከአስፈሪነት ይልቅ ወደ ዘለዓለም ሕይወት መሸጋገሪያ ድልድይነት የተለወጠበት ዘመነ ፍሥሓ ነው።
‎
‎
Share👇

ምስጢረ ምስጢራት ❼❼❼

Apr 17, 2026, 01:54 AM

📷 Photo

🌹ማዕዶት🌹

መሻገሪያ ወይም ማለፍ ማለት ሲሆን በትንሣኤ ማግስት ያለው ሰኞ ይጠራበታል። ምሳሌው ቀድሞ እስራኤላውያን ባሕረ ኤርትራን ተሻግረው ምድረ ርስት ገብተዋል። ምሳሌውም ፈርዖን የዲያብሎስ፣ ሠራዊቱ የሠራዊተ ዲያብሎስ፣ ግብፅ የሲኦል፣ ባሕረ ኤርትራ የባሕረ ሲኦል፣ እስራኤል የምእመናን፣ ሙሴ የወልደ እግዚአብሔር፣ በትረ ሙሴ የመስቀል ምሳሌ እስራኤላውያን በሙሴ መሪነት ተሻግረው ምድረ ርስት እንደገቡ ነፍሳትም በክርስቶስ መሪነት ባሕረ ሲኦልን ተሻግረው ገነት የመግባታቸው ምሳሌ ነው። በዚህም ማዕዶት ይባላል።

የነፍሳት ከሲኦል ወደ ገነት መግባት ይዘከርበታል። በሞት ላይ ሥልጣን የነበረው ዲያብሎስ ነው። ሞት በአዳም ምክንያት (ባለመታዘዝ) በልጅ ልጆቹ ላይ ነገሠ። የሞት መውጊያው ኃጢአት ነው። ሲኦል አሸናፊ ነበር። ለአዳም ልጆች የሥቃይ ቦታ። መቃብር ሰውን ውጦ ሊያስቀር ሥልጣን ነበረው።

የሞት መውጊያ ኃጢአት የሌለበት ክርስቶስ በሥጋው ወደ መቃብር በነፍሱ ወደ ሲኦል ሄዶ "ሰበከ ሎሙ ግዕዛን" ለነፍሳት ነጻነትን ሰበከ። የሲኦል በሮች ኃይል አጡ። በመስቀሉ ኃይለኛው ዲያብሎስ ታስሮ ነበር። ነፍሳት በክርስቶስ መሪነት አዳም ተከትለው ወጡ። ሲኦል ባዶ ሆነ።

መጽሐፈ ሰዓታት

"ተፈስሂ  ማርያም ለአዳም ፋሲካሁ ፣ወማዕዶታ ለሔዋን እንተ ይዕቲ አጽመ ገቦሁ፣እስመ ግእዛኖሙ ኮነ ለወልድኪ በትንሳኤሁ፣በወርሃ እብሬትኪ እግዝእትየ ዘኢይትረከብ ከማሁ፣መኑ ዘይቴክዝ ወመኑ ዘይላሁ፡" ይላል።

፤
“የአዳም ፋሲካው (ደስታው) ከአዳም የጎን አጥንት የተገኘች የሔዋን መሸጋገሪያ የሆንሽ ማርያም ሆይ ደስ ይበልሽ፡፡ መዳናቸው በልጅሽ ትንሣኤ ሆኗልና፡፡ እመቤቴ ሆይ፡ ባንች ዘመን እንዲሁ የሚያለቅስም የሚተክዝም አይገኝም፡፡”

©መ/ር ንዋይ ካሳሁን

Share 👇

398

Showing 30 of 40 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

ምስጢረ ምስጢራት ❼❼❼

ምስጢረ ምስጢራት ❼❼❼

Ranking

Participant Growth (Last 6 Days)

Latest Posts

Rating

User Reviews (0)

Related Telegram Channels

TS CIS

PTCVRHXSXS

KTCLXCCZ

Rita’sꨄ︎

AGDchan

ThePippinCo

KubCTF

FAQ - PROOF - OPINIONS

Related Telegram Channels

TS CIS

PTCVRHXSXS

KTCLXCCZ

Rita’sꨄ︎

AGDchan

ThePippinCo

KubCTF

FAQ - PROOF - OPINIONS

User Reviews (0)

Latest Posts