Ethiopian Customs Commission

Public

View Channel

1.2K

Can't Join? @EthiopianCustomsCommission

4k Members

Updated: May 5, 2026 at 3:03 AM

Ethiopian Customs Commission

Ethiopian Customs Commission (ECC) is responsible for import and export goods. With this telegram channel we will share information about customs. Facebook: https://www.facebook.com/ecczena Website: www.ecc.gov.et Need help? @ecchelp_bot

Join @EthiopianCustomsCommission for exclusive goods and will content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 4.0K

24h growth: +0 0%

Latest Posts

Ethiopian Customs Commission

Apr 26, 2026, 09:46 PM

📷 Photo

በሞጆ ጉምሩክ ቅ/ጽ/ቤት ሰራተኞች እና በደንበኞች ድጋፍ የተገነባው የገርቢ ኢሬቻ ቅድመ መደበኛ ት/ቤት ግንባታ ተመረቀ

#############################

(ጉምሩክ ኮሚሽን ፣ ነሀሴ 10 ቀን 2017 ዓ.ም )

በጉምሩክ ኮሚሽን በሞጆ ጉምሩክ ቅ/ጽ/ቤት ሰራተኞች እና በደንበኞች ድጋፍ የተገነባው በሞጆ ከተማ አስተዳደር የገርቢ ኢሬቻ ቅድመ መደበኛ ት/ቤት የገቢዎች ሚኒስትር ዓይናለም ንጉሴ እና ሌሎች ከፍተኛ አመራሮች በተገኙበት በዛሬው ዕለት ተመርቋል።

የገቢዎች ሚኒስቴር ዓይናለም ንጉሴ በምርቃት ስነስርዓቱ ባደረጉት ንግግር ፤ የገቢዎች ሚኒስቴር እና የጉምሩክ ኮሚሽን ከተሰጣቸው መንግስታዊ ኃላፊነት ከመወጣት ጎን ለጎን በተፈጥሮአዊና ሰው ሰራሽ ችግሮች ውስጥ ለሚገኙ ወገኖች ከችግራቸው እንዲያገግሙ ለማድረግ የተለያዩ ድጋፎችን እያደረጉ መሆኑን ገልጸዋል።

"የትምህርት ተቋማት ለሃገር ግንባታ መሰረት የሚጣልባቸው ቦታዎች ናቸው " ያሉት ሚኒስትሯ የገቢዎች ሚኒስቴር እና የጉምሩክ ኮሚሽን ለትምህርት ተቋማት የሚያደርጉትን ድጋፍ አጠናክረው እንደሚቀጥሉም አስገንዘበዋል።

የሞጆ ጉምሩክ ቅ/ጽ/ቤት ስራ አስኪያጅ አቶ ጌቱ አለሙ በበኩላቸው ፤ ቅ/ጽ/ቤቱ በተጠናቀቀው የበጀት ዓመት 113 .6 ቢሊዮን ብር ገቢ መሰብሰቡን ጠቁመው በ2018 የበጀት ዓመት 128.7 ቢሊዮን ብር ገቢ ለመሰብሰብ ዕቅድ ይዞ እየሰራ መሆኑን ገልጸዋል።

ስራ አስኪያጁ አክለውም የሞጆ ጉምሩክ ቅ/ጽ/ቤት በኮሚሽኑ ከተሰጠው ተልዕኮ በተጨማሪ የተለያዩ ሰብአዊ ድጋፎችን በማድረግ ማህበራዊ ኃላፊነቱን በአግባቡ እየተወጣ ነው ብለዋል።

የገርቢ ኢሬቻ ቅድመ መደበኛ ት/ቤት ከመላው ሰራተኞች እና ከደንበኞች በተደረገ ድጋፍ በተቀመጠው ጊዜ እና ጥራት በአጭር ጊዜ ተገንብቶ መጠናቀቁንም አቶ ጌቱ ጠቁመዋል።

የሞጆ ከተማ አስተዳደር ከንቲባ ጋዛሊ ሀሹ ፤ የከተማው አስተዳደር ባቀረበው ጥያቄ መሰረት ት/ቤቱ መገንባቱን ጠቁመው በግንባታው አስተዋጽዖ ላበረከቱ የቅ/ጽ/ቤቱ አመራሮች፣ ባለሙያዎች እና ደንበኞች ምስጋና አቅርበዋል።

የከተማው አስተዳደር ከጉምሩክ ኮሚሽን ጋር በቅንጅት እየሰራ መሆኑን የጠቆሙት ከንቲባው ለሞጆ ጉምሩክ ቅ/ጽ/ቤት አስፈላጊውን ሁሉ ድጋፍ እንደሚያደርግም ተናግረዋል።

ከትምህርት ቤቱ ምርቃት ጎን ለጎን የገቢዎች ሚኒስትር ዓይናለም ንጉሴ ፣ የገቢዎች ሚኒስቴር ፣ የጉምሩክ ኮሚሽን ከፍተኛ አመራሮች እንዲሁም የሞጆ ከተማ አስተዳደር አመራሮች በትምህርት ቤቱ ቅጥር ግቢ አረንጓዴ አሻራቸውን አስቀምጠዋል።

በዛሬው ዕለት በተደረገው የገርቢ ኢሬቻ ቅድመ መደበኛ ት/ቤት የምርቃት እና የርክክብ ስነስርዓት፤ የጉምሩክ ኮሚሽን የኦፕሬሽን ዘርፍ ምክትል ኮሚሽነር ሙሉወርቅ ደረሰ ፣ የተቋማዊ ዓቅምና ድጋፍ ዘርፍ ም/ ኮሚሽነር ምስራቅ ማሞ፣ የገቢዎች ሚኒስቴር እና የጉምሩክ ኮሚሽን አመራሮች፣ የሞጆ ጉምሩክ ቅ/ጽ/ ቤት አመራሮች እና ባለሙያዎች እንዲሁም የሞጆ ከተማ አስተዳደር አመራሮች ተገኝተዋል።

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-

ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

9,820

106

Ethiopian Customs Commission

Apr 26, 2026, 09:46 PM

📷 Photo

የዓለም ንግድ ድርጅት የንግድ ስልጠት ስምምነት መርሆዎች እና አተገባበር ላይ ያተኮረ ስልጠና እየተሰጠ ነው
### ### ### ### ### ### ### ### ### ###
(ጉምሩክ ኮሚሽን፣ ሀምሌ 28 ቀን 2017 ዓ.ም )

ከዋናው መስሪያ ቤት እና ከቅርንጫፍ ጽ/ቤቶች ከተለያዩ የስራ ክፍሎች ለተውጣጡ 50 የጉምሩክ ባለሙያዎች የዓለም ንግድ ድርጅት የንግድ ስልጠት ስምምነት (World Trade Organization Trade Facilitation Agreement) መርሆዎች እና አተገባበር ላይ ያተኮረ ስልጠና እየተሰጠ ይገኛል፡፡

ዛሬ በተጀመረው እና ለአምስት ቀናት በሚቆየው ስልጠና የመክፈቻ ፕሮግራም ላይ የጉምሩክ ኮሚሽን የህግ ተገዥነት ምክትል ኮሚሽነር አዝዘው ጫኔ፣ የዓለም የገንዘብ ድርጅት የምስራቅ አፍሪካ የቴክኒካል ድጋፍ ማዕከል የጉምሩክ አማካሪ ኬኔዝ ኦቶላ እና የዓለም የንግድ ድርጅት ተወካዮች ተገኝተዋል፡፡

ስልጠናውን በንግግር የከፈቱት የህግ ተገዥነት ምክትል ኮሚሽነር አዝዘው ጫኔ፣ ኢትዮጵያ የዓለም ንግድ ድርጅት አባል ለመሆን ከሚመለከታቸው አካላት ጋር በተለያዩ ጊዜያት ድርድሮችን እያካሄደች መሆኑን ገልጸው የጉምሩክ ኮሚሽን ድርድሩ እውን እንዲሆን የሚያስችሉ ዘርፈብዙ ዝግጅቶችን እያደረገ መሆኑን አስረድተዋል፡፡

ከእነዚህ ቅድመ ዝግጅቶች መካከል የዓቅም ግንባታ ስልጠናዎችን መስጠት ግንባር ቀደም ነው ያሉት ምክትል ኮሚሽነሩ “ይህ ስልጠናም ወቅታዊ፣ ወሳኝ እንዲሁም የባለሙያዎችን ዓቅም ለመገንባት የሚያስችል ነው” ብለዋል፡፡
በዓለም ንግድ ድርጅት አባል ሀገራት መካከል ያለውን የሰዎች እና የዕቃዎች ዝውውር ፈጣን ለማድረግ ብሎም በጉምሩክ እና በድንበር አስተዳደር ተቋማት መካከል ያለውን ግንኙነት ለማጠናከር የንግድ ስልጠት ከፍተኛ ሚና እንደሚጫወትም ምክትል ኮሚሽነሩ ጠቁመዋል፡፡

የዓለም የገንዘብ ድርጅት የምስራቅ አፍሪካ የቴክኒካል ድጋፍ ማዕከል የጉምሩክ አማካሪ ኬኔዝ ኦቶላ በበኩላቸው፣ የዓለም የገንዘብ ድርጅት ከኢትዮጵያ የጉምሩክ ኮሚሽን ጋር በቅርበት እየሰራ መሆኑን ጠቅሰው ተመሳሳይ የዓቅም ግንባታ ስልጠናዎች ተጠናክረው እንደሚቀጥሉም ተናግረዋል፡፡

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Ethiopian Customs Commission

Apr 26, 2026, 09:46 PM

📷 Photo

"በኮሚሽኑ ብቃትን እና ብዝሀነትን መሰረት ያደረገ የሰው ሀይል ለማደራጀት ትኩረት ተሰጥቶ እየተሰራ ነው " :- ኮሚሽነር ደበሌ ቃበታ (የጉምሩክ ኮሚሽን ኮሚሽነር )

#############################

(ጉምሩክ ኮሚሽን፣ ነሀሴ 5 ቀን 2017 ዓ.ም )

ከሁሉም ክልሎች እና ከተማ አስተዳደሮች የተመለመሉ 3 ሺህ 329 አዲስ ዕጩ የጉምሩክ ሰራተኞች አቀባበል እና የስልጠና ማስጀመሪያ መርኃ ግብር በዛሬው ዕለት በሚሊኒየም አዳራሽ ተካሂዷል።

በመርኃግብሩ የጉምሩክ ኮሚሽን ኮሚሽነር ደበሌ ቃበታ ፣ የአዲስ አበባ ዩኒቨርስቲ ፕሬዝዳንት ሳሙኤል ክፍሌ ( ዶ/ር )፣ የጉምሩክ ኮሚሽን የህግ ተገዥነት ዘርፍ ምክትል ኮሚሽነር አዝዘው ጫኔ፣ የተቋማዊ ዓቅምና ድጋፍ ዘርፍ ም/ኮሚሽነር ምስራቅ ማሞ፣ የኦፕሬሽን ዘርፍ ም/ኮሚሽነር ሙሉወርቅ ደረሰ፣ የጉምሩክ ኮሚሽን፣ የገቢዎች ሚኒስቴር እና የአዲስ አበባ ዩኒቨርስቲ የተለያዩ የስራ ክፍል ኃላፊዎች ተገኝተዋል።

የመክፈቻ ንግግር ያደረጉት የጉምሩክ ኮሚሽን ኮሚሽነር ደበሌ ቃበታ፤ በሃገር አቀፍ ደረጃ ዘመን ተሻጋሪ ጠንካራ ተቋም ለመገንባት የተለያዩ ስራዎች እየተሰሩ መሆኑን ገልጸዋል።

የጉምሩክ ኮሚሽን በሃገር አቀፍ ደረጃ የተያዘውን ሁለንተናዊ ሪፎርም ለማስቀጠል ባለፉት ዓመታት በሁሉም ዘርፎች በተለይም በሰብዓዊ ልማት ተጨባጭ ተግባራት ማከናውኑን ኮሚሽነር ደበሌ አስረድተዋል።

ኮሚሽኑ የተሰጠው ተልዕኮ ከፍተኛ መሆኑን ያስገነዘቡት ኮሚሽነር ደበሌ በኮሚሽኑ ብቃትን እና ብዝሀነትን መሰረት ያደረገ የሰው ሀይል ለማደራጀት ትኩረት ተሰጥቶ እየተሰራ ነው ነውም ብለዋል።

ይህን ዕውን ለማድረግም በተለያዩ ጊዜያት የዩኒቨርስቲ ምሩቃንን በመቀበል እና አስፈላጊውን ስልጠና በመስጠት ኮሚሽኑን እንዲቀላቀሉ መድረጉን ኮሚሽነር ደበሌ አስታውሰዋል።

በአሁኑ መርኃግብርም ከሁሉም ክልሎች እና ከተማ አስተዳደር ለተመለመሉ አዲስ እጩ ሰራተኞች ከአዲስ አባባ ዩኒቨርስቲ ጋር በመተባበር ለተከታታይ 30 ቀናት በተለያዩ ርዕሶች ዙሪያ ስልጠና እንደሚሰጥም ኮሚሽነሩ ጠቁመዋል።

የአዲስ አበባ ዩኒቨርስቲ ፕሬዝዳንት ሳሙኤል ክፍሌ (ዶ/ር) በበኩላቸው፤ ጠንካራ ሃገር የሚገነባው የጠንካራ ተቋማት ሲኖሩ መሆኑን አስታውሰው የአዲስ አበባ ዩኒቨርስቲ እና የኢትዮጵያ ጉምሩክ ኮሚሽን ይህንን ለማሳካት በትብብር እየሰሩ ነው ብለዋል።

ዶ/ር ሳሙኤል አክለውም፤ ዩኒቨርስቲው በተቀመጠው መስፈርት መሰረት ለዕጩ የጉምሩክ ሰራተኞች አስፈላጊውን ስልጠና በብቃት ለመስጠት የሚያስችል ዝግጅት ማድረጉንም ተናግረዋል ::

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-

ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Ethiopian Customs Commission

Apr 26, 2026, 09:46 PM

📷 Photo

በተጠናቀቀው የበጀት ዓመት የላቀ አፈጻጸም ላስመዘገቡ ቅ/ጽ/ቤቶች እውቅና እና ሽልማት ተበረከተላቸው።
#############################
(ጉምሩክ ኮሚሽን ፣ ሀምሌ 24 ቀን 2017 ዓ.ም )

የገቢዎች ሚኒስቴር እና የጉምሩክ ኮሚሽን የ2017 በጀት ዓመት ዕቅድ አፈጻፀም ግምገማ እና የ2018 በጀት ዓመት ዕቅድ ውይይት ሲጠናቀቅ ባለፈው የበጀት ዓመት የላቀ አፈጻጸም ላስመዘገቡ ቅ/ጽ/ቤቶች እውቅና እና ሽልማት ተበርክቶላቸዋል።

የገቢ አሰባሰብ፣ የአገልግሎት አሰጣጥ ቅልጥፍና፣ ኮንትሮባንድን በመከላከል እና ሌሎች የህግ ተገዢነት ስራዎች፣ የአቤቱታ አፈታት (የውሳኔ ጥራት)፣ የኦዲት ግኝት ምላሽ እና የሪፖርት አቀራረብ መስፈርቶች በየዘርፉ የላቀ አፈጻጸም ላስመዘገቡ ቅ/ጽ/ቤቶች የዋንጫ፣ የላፕቶፕ ኮምፒውተር፣ ስማርት ቴሌቪዥን፣ የታብሌት እና የዕውቅና የምስክር ወረቀት ተበርክቶላቸዋል።

የፕላን፣ በጀት እና ፋይናንስ ቋሚ ኮሚቴ ሰብሳቢ የተከበሩ አቶ ደሳለኝ ወዳጆ በእውቅና መርሀግብሩ ላይ የማክሮ ኢኮኖሚውን ማሻሻያ በአግባቡ ተግባራዊ ለማድረግ የሁለቱ ተቋማት ሚና የጎላ ነው ብለዋል፡፡ በቀጣይም ለላቀ ስኬት መትጋት እንደሚገባ አስገንዝበው ተሸላሚዎችን እንኳን ደስ አላችሁ ብለዋል ፡፡

የገቢዎች ሚኒስቴር ሚኒስትር ዓይናለም ንጉሴ በእውቅና ሽልማቱ ወቅት እንደተናገሩት፤ በተጠናቀቀው የበጀት ዓመት ለተመዘገበው ስኬት የቅ/ጽ/ቤቶች ሚና ከፍተኛ መሆኑን ገልጸው የእውቅና ሽልማቱ ተጨማሪ ውጤት ለማስመዝገብ የሚያስችል እንዲሁም ተነሳሽነትን የሚጨምር ነው ብለዋል።

የጉምሩክ ኮሚሽን ኮሚሽነር ደበሌ ቃበታ በበኩላቸው፤ እውቅና እና ሽልማቱ የተያዙ ዕቅዶችን ለማሳካት የሚያስችል እና የመፈጸም 0ቅምን የሚጨምር መሆኑን ገልጸዋል::

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Ethiopian Customs Commission

Apr 26, 2026, 09:46 PM

📷 Photo

በህገወጥ መንገድ ሲዘዋወር የነበረ 27.75 ኪሎ ግራም የሚመዝን ጥፍጥፍ ወርቅ ተያዘ
**
(ጉምሩክ ኮሚሽን፣ ሀምሌ 26 ቀን 2017 ዓ.ም )

በአዲስ አበባ ከተማ በቃሊቲ ጉምሩክ ቅርንጫፍ በቱሉዲምቱ መቆጣጠሪያ ጣቢያ በህገወጥ መንገድ ሲዘዋወር የነበረ 27.75 ኪ.ግ ጥፍጥፍ ወርቅ በቁጥጥር ስር ውሏል፡፡

በህገወጥ መንገድ ሲዘዋወር የነበረውን የወርቅ ጥፍጥፍ በተሽከርከሪ አካል ውስጥ ደብቀው ሲያዘዋውሩ የነበሩ ሶስት ተጠርጣሪዎች እና ሁለት ተሽከርካሪዎች በቁጥጥር ስር ማዋል ተችሏል፡፡
በህገወጥ መንገድ ሲዘዋወር በቁጥጥር ስር የዋለው ጥፍጥፍ ወርቅ ከአንድ ወር በላይ ክትትል ሲደረግበት እና በጉምሩክ የኢንተለጀንስ ባለሙያዎች የተያዘ ነው፡፡

የጉምሩክ ኮሚሽን በዚህ የህግ ማስከበር ስራ ላይ ለተሳተፉ ለቃሊቲ ጉምሩክ ባለሙያዎች ፣ አመራሮች እና የፌደራል ፖሊስ አባላት ምስጋናውን ያደርሳል፡፡
የኮንትሮባንድ እና ህገወጥ ንግድ የአፈጻጸም ስልቱ ተለዋዋጭ በመሆኑ ድርጊቱን ለመግታትና በሀገር ኢኮኖሚ የሚያሳድረውን አሉታዊ ተጽእኖ ለመከላከል ጉምሩክ ኮሚሽን ብቻ የሚያደርገው እንቅስቃሴ በቂ ባለመሆኑ ሁሉም ባላድርሻ አካላትና ህብረተሰቡ የበኩሉን ድርሻ እንዲወጣ የጉምሩክ ኮሚሽን ጥሪውን ያቀርባል፡፡

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Ethiopian Customs Commission

Apr 26, 2026, 09:46 PM

📷 Photo

በተጠናቀቀው የበጀት ዓመት በኮንትሮባንድና ጉምሩክ ማጭበርበር መንግስት ሊያጣ የነበረውን ከ217 ቢሊዮን ብር በላይ ማዳን ተችሏል።
###################################
(ጉምሩክ ኮሚሽን ፣ ሀምሌ 22 ቀን 2017 ዓ.ም )

የገቢዎች ሚኒስቴር እና የጉምሩክ ኮሚሽን የ2017 በጀት ዓመት ዕቅድ ግምገማ እና የ2018 በጀት ዓመት ዕቅድ ውይይት መድረክ እንደቀጠለ ነው ።

በዛሬው ዕለት በነበረው መርሃግብር የገቢዎች ሚኒስቴር የ2017 በጀት ዓመት ዕቅድ አፈጻጸም ሪፖርት በሚኒስትር ጽ/ቤት ኃላፊ በአቶ ፍቃዱ ታደሰ እንዲሁም የጉምሩክ ኮሚሽን የ2017 በጀት ዓመት ዕቅድ አፈጻጸም ሪፖርት በፕላንና በጀት ዳይሬክቶሬት ዳይሬክተር በአቶ አብዲሳ ዱፌራ ቀርቦ ውይይት ተደርጎበታል።

አቶ አብዲሳ ባቀረቡት ሪፖርት፤ የጉምሩክ ኮሚሽን በ2017 የበጀት ዓመት በኮንትሮባንድ እና ጉምሩክ ማጭበርበር መንግስት ሊያጣው የነበረውን 217.18 ቢሊዮን ብር ማዳን እንደተቻለ ተመላክቷል።

በበጀት ዓመቱ 18.58 ቢሊዮን ብር የገቢ እና 2.81 ቢሊዮን ብር የወጭ በድምሩ 21.39 ቢሊዮን ብር ግምታዊ ዋጋ ያላቸውን የኮንትሮባንድ ዕቃዎችን በቁጥጥር ስር ማዋል ተችሏል።

በኮንትሮባንድ ወንጀል የተሳተፉ 1ሺህ 441 ተጠርጣሪዎችንም ከክልል እና ከፌደራል ባለድርሻ አካላት ጋር በመሆን በህግ ጥላ ስር እንዲውሉ መደረጉን በሪፖርቱ ተገልጿል::

በአጠቃላይ በተጠናቀቀው የበጀት ዓመት በኢንተለጀንስ ስራዎች፣ በድንገተኛ ፍተሻ፣ በገቢና ወጪ ኮንትሮባንድ ቁጥጥር እንዲሁም በሌሎች ግኝቶች መንግስት ሊያጣው የነበረውን 217. 8 ቢሊዮን ብር ማዳን እንደተቻለም ተመላክቷል።

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Ethiopian Customs Commission

Apr 26, 2026, 09:46 PM

📷 Photo

" በዘንድሮው የበጀት ዓመት በገቢው ዘርፍ አዲስ ታሪክ የሚፃፍበት ይሆናል " ፦ ወ/ሮ ዓይናለም ንጉሴ ፥ የገቢዎች ሚኒስትር
###################################
(ጉምሩክ ኮሚሽን ፣ ሀምሌ 2 4 ቀን 2017 ዓ.ም )

የገቢዎች ሚኒስቴር እና የጉምሩክ ኮሚሽን በ2017 ዕቅድ አፈጻፀም እና በ2018 በጀት ዓመት ዕቅድ ላይ በቢሸፍቱ ከተማ ሲያደርጉት የነበረው ውይይት ተጠናቋል።

በውይይቱ በገቢዎች ሚኒስቴር እና በጉምሩክ ኮሚሽን በተጠናቀቀው የበጀት ዓመት በገቢ አሰባሰብ ፣ በአገልግሎት አሰጣጥ እና በቴክኖሎጂ ልህቀት እና በሌሎች ዘርፎች የተከናወኑ ስራዎች ተነስተው ጥልቅ ውይይት ተደርጎባቸዋል።

ለተነሱ ጥያቄዎች ምላሽና ማብራሪያ እንዲሁም የስራ መመሪያ የሰጡት የገቢዎች ሚኒስትር ዓይናለም ንጉሴ ፤ በተጠናቀቀው የበጀት ዓመት በገቢው ዘርፍ ለሐገር ኢኮኖሚ ዕድገት መሰረት የሚጥሉ ዘርፈ ብዙ ስራዎች መከናወናቸውን ገልጸዋል።

"የዘንድሮው የበጀት ዓመት በገቢው ዘርፍ አዲስ ታሪክ የሚፃፍበት ይሆናል " ያሉት ሚኒስትሯ በበጀት ዓመቱም 1.28 ትሪሊዮን ብር ገቢ ለመሰብሰብ ዕቅድ ተይዞ እየተሰራ ነው ብለዋል።

በውይይቱ የተገኙት የህዝብ ተወካዮች ም/ቤት የፕላን ፣ በጀት እና ፋይናንስ ቋሚ ኮሚቴ ሰብሳቢ አቶ ደሳለኝ ወዳጆ ፤ ቋሚ ኮሚቴው የሚከታተላቸው ሁሉም ተቋማት ውጤታማ መሆናቸውን አስረድተዋል።

ከእነዚህ ተቋማት መካከል የገቢዎች ሚኒስቴር እና የጉምሩክ ኮሚሽን ተጨባጭ ውጤት በማስመዝገብ ቀዳሚውን ስፍራ እንደሚይዙ ተናግረው መንግስት ለገቢው ዘርፍ የሚያደርገውን ሁለንተናዊ ድጋፍ አጠናክሮ እንደሚቀጥልም አስገንዝበዋል።

የጉምሩክ ኮሚሽን ኮሚሽነር ደበሌ ቃበታ በበኩላቸው ፣ የገቢዎች ሚኒስቴር እና የጉምሩክ ኮሚሽን በመንግስት የተሰጣቸውን ተልዕኮ በአግባቡ እየተወጡ መሆኑን ተናግረዋል።

በአዲሱ የበጀት ዓመት የተያዘው የገቢ ዕቅድ ዕቅድ እንዲሳካ እና የአገልግሎት አሰጣጡን ተደራሽ ለማድረግ የሚያስችሉ አዳዲስ የቴክኖሎጂ ውጤቶች ወደስራ እንደሚገቡም ኮሚሽነር ደበሌ ጠቁመዋል።

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ http://www.ecc.gov.et/
በቴሌግራም፦

Showing 7 of 7 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Ethiopian Customs Commission

Ethiopian Customs Commission

Ranking

Participant Growth (Last 3 Days)

Latest Posts

Rating

User Reviews (0)

Related Telegram Channels

TS CIS

PTCVRHXSXS

KTCLXCCZ

Rita’sꨄ︎

AGDchan

ThePippinCo

KubCTF

FAQ - PROOF - OPINIONS

Related Telegram Channels

TS CIS

PTCVRHXSXS

KTCLXCCZ

Rita’sꨄ︎

AGDchan

ThePippinCo

KubCTF

FAQ - PROOF - OPINIONS

User Reviews (0)

Latest Posts