Great Ethiopian Run (ታላቁ ሩጫ በኢትዮጵያ)

Great Ethiopian Run (ታላቁ ሩጫ በኢትዮጵያ)

Public

Can't Join? @GreatEthRun

0

6.1k Members

Updated: May 16, 2026 at 11:06 PM

Great Ethiopian Run (ታላቁ ሩጫ በኢትዮጵያ)

Official Great Ethiopian Run Telegram Channel. Call 0116635757 for more details.

Join @GreatEthRun for exclusive ethiopian and call content and discussions in 1

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 5 Days)

Total: 6.1K

24h growth: -11 0%

Loading posts...

Rating

Login required

Loading reviews...

Loading recommended channels...

Latest Posts

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

17ኛው የአውሮፓ ቀን የህፃናት ሩጫ ተካሄደ

ታላቁ ሩጫ በኢትዮጵያ ከአውሮፓ ህብረት ጋር በመተባበር ያዘጋጀው 17ኛው የአውሮፓ ቀን የህፃናት ሩጫ ዛሬ ግንቦት 2 ቀን 2018 ዓ.ም በኢትዮጵያ ስፖርት አካዳሚ በታላቅ ድምቀት ተካሂዷል። በዕለቱ ከ2,000 በላይ ህፃናት ከቤተሰቦቻቸው ጋር በመሆን የሩጫውን ውድድር እና ልዩ ልዩ የመዝናኛ ፕሮግራሞችን በደስታ አሳልፈዋል።

ይህ የህፃናት ሩጫ ዕድሜያቸው እስከ 14 ዓመት የሆኑ ታዳጊዎችን ያሳተፈ ሲሆን፣ ተሳታፊዎቹ በአራት የዕድሜ ዘርፎች ማለትም ከ14፣ ከ11፣ ከ8 እና ከ5 ዓመት በታች ተከፋፍለው የሜዳ ላይ ፉክክር አድርገዋል። ዝግጅቱ ለህፃናቱ ጤናማ የአኗኗር ዘይቤን ከማስተማሩም በላይ አዳዲስ ጓደኞችን የሚያፈሩበት እና ከወላጆቻቸው ጋር የማይረሳ ጊዜ የሚያሳልፉበት መድረክ ሆኖ ተጠናቅቋል።

የዘንድሮው ዝግጅት ከዓለም አቀፍ የእናቶች ቀን ጋር መገጣጠሙ ለዕለቱ ልዩ ድምቀት ሰጥቶታል። ተሳታፊ ህፃናት ለእናቶቻቸው ያላቸውን ጥልቅ ፍቅር እና አክብሮት በልዩ ልዩ ስነ-ስርዓቶች የገለጹበት ሲሆን፣ በደስታ እና በቤተሰባዊ ፍቅር የታጀበው ይሄው አከባበር የህፃናቱን ስፖርታዊ ውድድር ይበልጥ ትርጉም ያለውና ማህበራዊ ትስስርን የሚያጠናክር እንዲሆን አድርጎታል።

የአውሮፓ ቀን የህፃናት ሩጫ በየዓመቱ የሚካሄድ ትልቅ ኩነት ሲሆን፣ ዋና ዓላማውም በኢትዮጵያ እና በአውሮፓ ህብረት መካከል ያለውን ጠንካራ ወዳጅነት በስፖርት እና በባህል ልውውጥ ማክበር ነው። በዛሬው ዕለትም ህፃናቱ በስፖርት አካዳሚው ሜዳ ላይ ያሳዩት ተሳትፎ እና ስፖርታዊ ጨዋነት የዝግጅቱን ስኬታማነት አረጋግጧል።

በሩጫው ማጠቃለያ ላይ በሁሉም የዕድሜ ዘርፎች ለተሳተፉ ህፃናት ሜዳሊያ የተሰጠ ሲሆን፣ አሸናፊ ለሆኑት ደግሞ ልዩ ሽልማቶች ተበርክተዋል።

1,240

13

0

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

የ2018 ኢትዮ ቴሌኮም ታላቁ ሩጫ በጅማ ቡናን ከሩጫ ጋር አስተሳስሮ ተከናወነ

የ"ልወቅሽ ኢትዮጵያ ክላሲክስ" (Discover Ethiopia Classics) ውድድር አካል የሆነው የ2018 የኢትዮ ቴሌኮም ታላቁ ሩጫ በጅማ ዛሬ ጠዋት በጅማ ከተማ ተካሄደ።

በውድድሩ ላይ ከ4,000 በላይ የሚሆኑ የከተማዋ ነዋሪዎች እንዲሁም ከተለያዩ አካባቢዎች የመጡ ሰዎች ተሳትፈዋል። ውድድሩን የጅማ ከተማ ከንቲባ አቶ ጣሃ ቀድር እንዲሁም ሌሎች ከፍተኛ የመንግስት የስራ ሃላፊዎችና ታዋቂ ግለሰቦች በክብር እንግድነት ተገኝተው አስጀምረውታል።

የዘንድሮው ውድድር "ፖሊዮን በጋራ እናጥፋ" (End Polio Now) የሚል መልዕክትን በማስተላለፍ ለጤና ግንዛቤ ትልቅ ትኩረት የሰጠ ነበር።

ከአባ ጅፋር ቤተመንግስት ተነስተው በከተማው መሃል ፈረንጅ አራዳ ፍፃሜያቸውን ባደረጉት የ15 ኪሎ ሜትር የጤና ሯጮች ውድድር በወንዶች ጃፈር ጀማል እና በሴቶች የግሌ እሸቱ አንደኛ በመውጣት አሸንፈዋል።

በአትሌቶች መካከል በተደረገው የ5 ኪሎ ሜትር ውድድር በወንዶችብሩክ ዘለቀ ፣ ኦሊፈን ዲባባ እና ማዲ ሪዳ ከአንድ እስከ ሶስት በመውጣት ሲያሸንፉ ፤ በሴቶች ዝናሽ ግዛው ቀዳሚ ስትሆን ማርሸት መላኩ እና ሊና አብዱ ተከታትለው ገብተዋል።

ዕድሜያቸው ከ16 እና ከ11 ዓመት በታች ለሆኑ ህፃናት የተዘጋጀው ውድድር በልዩ ሁኔታ የተከናወነ ሲሆን፣ የወደፊት ተተኪ እና ተስፈኛ አትሌቶች ታይተውበታል። በሁሉም የዕድሜ ክልል ላሉት ታዳጊዎችም ታላቁ ሩጫ በኢትዮጵያ ከአጋር ድርጅቶቹ ጋር በመሆን ልዩ ልዩ ሽልማቶችን አበርክቷል።

ጅማ የዘንድሮው የልወቅሽ ኢትዮጵያ ክላሲክስ የሩጫ ተከታታይ ውድድር ሶስተኛ መድረሻ ስትሆን፣ ቀጣዩ ውድድር በሯጮች መፍለቂያዋ በቦቆጂ ከተማ ግንቦት 16 ቀን 2018 ዓ.ም (May 24, 2026) ይካሔዳል።

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

📌 ምዝገባ በነፃ!
በሲቢኢ ብር ፕላስ ላይ ተጀምሯል ✍️

🗓 የዚህ ወር እንጦጦ ፓርክ ሲቢኢ ሩጫችን ግንቦት 1 ቀን ይካሔዳል

በቀላሉ በሲቢኢ ብር ፕላስ ይመዝገቡ📱

እንጦጦ ፓርክ ሲቢኢ ሩጫ✨

ቅዳሜ - ግንቦት 1 ቀን 2018ዓ.ም. እንገናኝ!

#EntotoParkCBERun #GreatEthiopianRun #Entoto

3,170

2

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

17ኛው የአውሮፓ ቀን የህፃናት ሩጫ በመጪው እሁድ ግንቦት 2 ቀን 2018 ዓ.ም በኢትዮጵያ ስፖርት አካዳሚ ይካሄዳል።

ይህ የሩጫ ውድድር 2,500 ህፃናት ከወላጆቻቸው ጋር የሚያሳልፉበት ልዩ ቀን ነው።

ታላቁ ሩጫ በኢትዮጵያ ከአውሮፓ ህብረት ጋር በመተባበር ባዘጋጀው የዘንድሮው ዝግጅት ላይ ዕድሜያቸው እስከ 14 ዓመት የሆኑ ህፃናት በአራት የዕድሜ ዘርፎች ማለትም፦ ከ14 ዓመት በታች፣ ከ11 ዓመት በታች፣ ከ8 ዓመት በታች እና ከ5 ዓመት በታች ተከፋፍለው ይወዳደራሉ።

የአውሮፓ ቀን የህፃናት ሩጫ ማህበራዊ ተሳትፎን፣ ጤናማ የአኗኗር ዘይቤን እና ማህበረሰባዊ ትስስርን የሚያበረታታ ዋና ዓመታዊ ኩነት ሆኗል። በተጨማሪም በኢትዮጵያ እና በአውሮፓ ህብረት መካከል ያለውን አጋርነት ለማጠናከር፣ ለባህል ልውውጥ እና ለእውቀት ሽግግር እንደ አስፈላጊ መድረክ ያገለግላል። ዝግጅቱ ቤተሰቦችን፣ ትምህርት ቤቶችን እና ድርጅቶችን በአንድነት እና በደስታ መንፈስ ያገናኛል።

በኢትዮጵያ የአውሮፓ ህብረት አምባሳደር ሶፊ ፍሮም-ኤምስበርገር ከዝግጅቱ አስቀድሞ ባስተላለፉት መልዕክት የዕለቱን አስፈላጊነት ሲገልጹ፡- “በአውሮፓ ቀን የምናከብረው የጋራ እሴቶቻችንን ብቻ ሳይሆን የወጣቶችን ጉልበት እና አቅም ጭምር ነው። በአዲስ አበባ የሚካሄደው የአውሮፓ ቀን የህፃናት ሩጫ ማህበረሰቦችን፣ ትምህርት ቤቶችን እና አጋሮችን በማቀናጀት አሳታፊነትን፣ ጤናን እና ወዳጅነትን ያበረታታል። እነዚህ ህፃናት የወደፊቱ የአውሮፓ ህብረት እና የኢትዮጵያ ትብብር በተስፋ፣ በአንድነት እና ለሚቀጥለው ትውልድ በሚፈጠሩ ዕድሎች ላይ የተገነባ መሆኑን ያስታውሱናል” ብለዋል።

ልጆቻቸውን ማስመዝገብ የሚፈልጉ ወላጆች እና አሳዳጊዎች አሁንም በቦሌ ዓለም ሲኒማ እና ላምበረት በሚገኘው የታላቁ ሩጫ በኢትዮጵያ ቢሮ መመዝገብ የሚችሉ መሆኑ ተገልጿል።

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

✨ለመላው የክርስትና ዕምነት ተከታዮች እንኳን ለበዓለ ትንሳኤ በሰላም አደረሳችሁ! ✝️

✨ታላቁ ሩጫ በኢትዮጵያ ✨

#GreatEthiopianRun

2,470

14

Great Ethiopian Run (ታላቁ ሩጫ በኢትዮጵያ)

May 20, 2026, 06:34 PM

📷 Photo

የ2018 ኢትዮ ቴሌኮም ታላቁ ሩጫ በጅማ እሁድ ሚያዝያ 18 ቀን / 2018ዓ.ም. ይካሔዳል

ታላቁ ሩጫ በኢትዮጵያ ከቱሪዝም ሚኒስትር ጋር በመተባበር እያከናወነው ያለው የ'ልወቅሽ ኢትዮጵያ ክላሲክስ' የስድስት ከተሞች ውድድር ዘንድሮ በደብረ ብርሃን እና ሐዋሳ የተከናወነ ሲሆን ፤ ቀጣይ አስተናጋጅ ከተማ ጅማ - ሚያዝያ 18 ቀን 2018ዓ.ም. ውድድሩን በድምቀት ታስተናግዳለች።

በ6 ከተሞች የሚካሔደው የ2018 ልወቅሽ ኢትዮጵያ ክላሲክስ ተከታታይ ውድድር ሶስተኛዋ መዳረሻ የሆነችው ጅማ ለ2018 ኢትዮ ቴሌኮም ታላቁ ሩጫ በጅማ ዝግጅቷን በማጠናቀቅ ላይ ትገኛለች።

ይህ ውድድር ወላጆች ልጆቻቸውን በተገቢው ጊዜ ክትባት እንዲያስከትቡ የሚያበረታታውን ‘ፖሊዮን በጋራ እናጥፋ’ የውድድር መልዕክት ይዞ ቀርቧል፡፡

የ15ኪ.ሜ.፤ የ5ኪ.ሜ እና የየህፃናት ሩጫዎችን ያካተተው ይህ ውድድር ኢትዮጵያውያንን ጨምሮ ከ10 የተለያዩ ሀገራት የተውጣጡ ዜጎችን እንደሚያሳትፍ ይጠበቃል። በ15ኪ.ሜ. ውድድሩ ላይ ከአዲስ አበባ እና ሌሎች ከተሞች ወደ ጅማ የሚጓዙ ከ90 በላይ ተሳታፊዎች የተመዘገቡ ሲሆን ፤ በ5ኪ.ሜ. ውድድሩ ላይ ከጅማ እና አካባቢው አትሌቶች እንዲሁም ከ4000 በላይ የጤና ሯጮች ይሳተፋሉ።

ሩጫው ከሚካሔድበት ቀን ሚያዝያ 18 አስቀድሞ ባለው ቅዳሜ የሚድሮክ ሆራይዘን ፕላንቴሽን የቡና እርሻ ጉብኝት እና የ5ኪ.ሜ. የእግር ጉዞ እና ሌሎች የጉብኝት እና የመዝናኛ ዝግጅቶች ተካተውበታል።

የዘንድሮውን ውድድር ስኬታማ ለማድረግ ከታላቁ ሩጫ በኢትዮጵያ ጋር በአጋርነት እየሰሩ የሚገኙት ውድድሩን እና ጅማ ከተማን ለማድመቅ የተዘጋጁት ኢትዮ ቴሌኮም፣ ቴሌብር፣ ቱሪዝም ሚኒስቴር፣ ሮተሪ ኢትዮጵያ፣ ፔፕሲ፣ ዳሽን ባንክ፣ ሚድሮክ ሆራይዘን፣ ቶፕ ውሃ፣ ኃይሌ ሆቴልና ሪዞርት እንዲሁም አፍራን ሆስፒታል ናቸው፡፡

Great Ethiopian Run (ታላቁ ሩጫ በኢትዮጵያ)

May 6, 2026, 05:16 AM

📷 Photo

✨ለመላው የክርስትና ዕምነት ተከታዮች እንኳን ለስቅለት በዓል በሰላም አደረሳችሁ! ✝️

✨ታላቁ ሩጫ በኢትዮጵያ ✨

#GreatEthiopianRun

2,210

24

Great Ethiopian Run (ታላቁ ሩጫ በኢትዮጵያ)

May 6, 2026, 05:16 AM

📷 Photo

📌 ምዝገባ ተጀምሯል!!! ✍️

🗓 የዚህ ወር እንጦጦ ፓርክ ሲቢኢ ሩጫችን መጋቢት 26 ይካሔዳል - በሲቢኢ ብር ፕላስ ይመዝገቡ📱

እንጦጦ ፓርክ ሲቢኢ ሩጫ✨

መጋቢት 26  ቀን 2018ዓ.ም. እንገናኝ!

#EntotoParkCBERun #GreatEthiopianRun

3,750

10

Great Ethiopian Run (ታላቁ ሩጫ በኢትዮጵያ)

May 6, 2026, 05:16 AM

📷 Photo

ውብ ቅዳሜን ከእኛ ጋር ያሳልፉ!🌟

እንጦጦ ፓርክ ሲቢኢ ሩጫ💫🏃‍♀️

ነገ - ቅዳሜ - መጋቢት 26 ቀን 2018ዓ.ም. እንገናኝ!

#EntotoParkCBERun #GreatEthiopianRun

3,300

10

Great Ethiopian Run (ታላቁ ሩጫ በኢትዮጵያ)

May 6, 2026, 05:16 AM

📷 Photo

📌 የዚህ ወር እንጦጦ ፓርክ ሲቢኢ ሩጫችን መጋቢት 26 ይካሔዳል - ሰኞ ማለዳ በሲቢኢ ብር ፕላስ ይመዝገቡ 📌

እንጦጦ ፓርክ ሲቢኢ ሩጫ✨

መጋቢት 26  / 2018ዓ.ም.

#EntotoCBERun #GreatEthiopianRun

3,110

14

Great Ethiopian Run (ታላቁ ሩጫ በኢትዮጵያ)

May 1, 2026, 02:41 AM

ታላቁ ሩጫ በኢትዮጵያ ለበጎ አድራጎት ድርጅቶች የ4 ሚሊዮን ብር የገንዘብ ድጋፍ አበረከተ

​አዲስ አበባ፣ ኢትዮጵያ
መጋቢት 17 ቀን 2018 ዓ.ም.

ታላቁ ሩጫ በኢትዮጵያ ‘ሌሎችን ለመርዳት እሮጣለሁ’ በተሰኘው የ2018 ሶፊማልት ታላቁ ሩጫ በኢትዮጵያ አለምአቀፍ 10ኪ.ሜ. የበጎ አድራጎት ዘመቻው አማካኝነት ያሰባሰበውን 4 ሚሊዮን ብር በቼሻየር ኢትዮጵያ መናገሻ ቢሮ በተከናወነ ደማቅ ስነ-ስርዓት ለተመረጡ የበጎ አድራጎት ድርጅቶች አስረክቧል።

በዘንድሮው የገቢ ማሰባሰቢያ መርሃ-ግብር ድጋፍ የተደረገላቸው ተቋማት ቼሻየር ኢትዮጵያ፣ ተስፋ ማህበራዊና ልማት ማህበር ፣ የኢትዮጵያ አካል ጉዳተኞች ማህበራት ፌደሬሽን እና እዘነት አካል ጉዳተኞች ህፃናት እና ወላጆች መርጃ ድርጅት በኢትዮጵያ ናቸው።

​በርክክብ ስነ-ስርዓቱ ላይ የሴቶችና ማህበራዊ ጉዳይ ሚኒስትር ክብርት ዶ/ር ኤርጎጌ ተስፋዬ ባስተላለፉት መልዕክት "ዛሬ ማዕከሉን ተገኝቼ በመጎብኘቴ በጣም ደስ ብሎኛል ፤ ታላቁ ሩጫ በኢትዮጵያ ከስፖርታዊ እንቅስቃሴው ባሻገር ህዝብን ከማስተሳሰር ባለፈ፣ ችግረኞችን ለመርዳት የሚያደርገው ጥረት ለሌሎችም አርአያ የሚሆን ተግባር ነው።በቀጣይም ሌሎች በርካታ ተቋማትን ማገዛችንን እንቀጥላለን" ብለዋል።

​አትሌት ኃይሌ ገብረስላሴ በበኩሉ "ይህን 'ሌሎችን ለመርዳት እሮጣለሁ’ ዘመቻን ስንጀምር ዓላማችን ስፖርታዊ ውድድሩ ለወገኖቻችን መድረሻ እንዲሆን ነበር። ዛሬ ላይ በየአመቱ ተጠናክሮ መቀጠሉ አስደሳች ነገር ነው። ከምንሰበስበው ገንዘብ በላይ ለበጎ አድራጎት ድርጅቶቹ በሚሰጠው ትኩረት ትልቅ ኩራት ይሰማኛል" ሲል ገልጿል።

​በዕለቱ በግላቸው ከፍተኛ የገንዘብ ድጋፍ ላሰባሰቡና ለዘመቻው ስኬት ጉልህ አስተዋፅኦ ላበረከቱ ግለሰቦች ልዩ ዕውቅና ተሰጥቷል። ታላቁ ሩጫ በኢትዮጵያ ወደፊትም ስፖርትን ከበጎ አድራጎት ጋር በማስተሳሰር ማህበራዊ ግዴታውን መወጣቱን እንደሚቀጥልም በዚሁ ወቅት ተገልጿል።

​ይህ ‘ሌሎችን ለመርዳት እሮጣለሁ’ የተሰኘው ዘመቻ ታላቁ ሩጫ በኢትዮጵያ ውድድርን ከማዘጋጀት ባሻገር ማህበራዊ ኃላፊነቱን ከሚወጣባቸው መንገዶች ዋነኛው ሲሆን፤ ከተጀመረም 20 ዓመታትን አስቆጥሯል። ባለፉት ሁለት አስርተ ዓመታት ውስጥ ብቻ ከ40 ሚሊዮን ብር በላይ ከተለያዩ ድርጅቶችና ግለሰቦች በማሰባሰብ ለተለያዩ ተቋማት ድጋፍ ሲያደርግ ቆይቷል። ዘመቻው ከገንዘብ ድጋፍ ባለፈ ተቋማቱ ተከታታይ የድጋፍ ምንጭና የመገናኛ ብዙኃን ሽፋን እንዲያገኙ በማድረግ ለህጻናት፣ ለሴቶች፣ ለአካል ጉዳተኞችና ለተፈናቃዮች የላቀ ፋይዳ ያለው ስራ ሲያከናውን ቆይቷል።

2,570

Great Ethiopian Run (ታላቁ ሩጫ በኢትዮጵያ)

May 1, 2026, 02:41 AM

📷 Photo

2,680

3

0

Great Ethiopian Run (ታላቁ ሩጫ በኢትዮጵያ)

Apr 19, 2026, 05:48 AM

ባንክ ኦፍ አሜሪካ በኢትዮጵያ ከሩጫ ጋር እያሳደገ የሚገኘው አጋርነት አካል አድርጎ የቅድሚያ ለሴቶች 5ኪ.ሜ. የስያሜ አጋር ሆነ

ከመጋቢት 2019 (March 2027) ጀምሮ ባንክ ኦፍ አሜሪካ ከአፍሪካ ትልቆቹ የሴቶች-ብቻ ሩጫ ውድድሮች አንዱ የሆነው ውድድር የስያሜ አጋር (Presenting Partner) ይሆናል።

ታላቁ ሩጫ በኢትዮጵያ ከባንክ ኦፍ አሜሪካ ጋር እያሳደገ የሚገኘው አጋርነት አካል ሆኖ፣ ዓመታዊው ቅድሚያ ለሴቶች 5ኪ.ሜ. ውድድርም አዲስ የስያሜ ስፖንሰር (presenting sponsor) እንደሚኖረው ዛሬ ይፋ አድርጓል፡፡ በህዳር ወር 2018ዓ.ም. የታላቁ ሩጫ በኢትዮጵያ መታወቂያ የሆነው የ10ኪ.ሜ. የጎዳና ሩጫ የስያሜ አጋር (Presenting Partner) እንደሚሆን ያሳወቀው ባንኩ፣ የቅድሚያ ለሴቶች 5ኪ.ሜ.ን መጨመሩ የበለጡ ሰዎችን ወደረዥም ርቀት ሩጫ ለማምጣት የያዘውን ተልዕኮ እንዲያሰፋ እና በማህበረሰቡ ዘንድ የሚያሳድረውን ተፅዕኖ እንዲያጠናክር ያስችለዋል፡፡

የታላቁ ሩጫ በኢትዮጵያ የአዲስ አበባ ሶስቱም ትልልቅ የሩጫ ሁነቶች (events) ፤ ታላቁ ሩጫ በኢትዮጵያ 10ኪ.ሜ.፣ የልጆች ሩጫዎች እና የቅድሚያ ለሴቶች 5ኪ.ሜ. ውድድሮች ላይ ባንክ ኦፍ አሜሪካ አዲሱ የስያሜ አጋር (Presenting Partner) ይሆናል።

ማህበረሰብን ያስቀደመ መርሆን መሰረት ያደረገው አጋርነት በርካታ ግቦችን ለማሳካት አቅዷል፡፡ ባንክ ኦፍ አሜሪካ በ10ኪ.ሜ. እና የልጆች ሩጫዎች ላይ ነፃ ተሳትፎዎችን በገንዘብ በመደገፍ የተሳታፊነትን ተደራሽነት የማስፋት ግብን ያግዛል፡፡ የታላቁ ሩጫ በኢትዮጵያ ቀጣዩን የሯጮች ትውልድ የማበርታት ተልዕኮም ከባንኩ ልጆች እና ወጣቶች በስፖርት እንዲሳተፉ የበለጡ እድሎችን ከማቅረብ ዓለምአቀፍ ስትራቴጂ ጋር ይዛመዳል፡፡ ባንክ ኦፍ አሜሪካ በታላቁ ሩጫ በኢትዮጵያ ለሚዘጋጁ ውድድሮች የሚውሉ ቴክኖሎጂዎችን ለማዘመን የሚያስችል ሀብትም ያቀርባል፤ ይህም በተራው የተሳታፊዎች ቁጥር ይበልጥ እንዲጨምር ያደርጋል፡፡

የታላቁ ሩጫ በኢትዮጵያ ዋና ስራ አስኪያጅ ዳግማዊት አማረ፣ ባንክ ኦፍ አሜሪካ የቅድሚያ ለሴቶች 5ኪ.ሜ. አዲሱ የስያሜ አጋር መሆኑን ይፋ ሲያደርጉ ‹‹ባለፉት ሀያ ዓመታት የልጃገረዶች እና ሴቶች ዓመታዊ ሩጫችንን ለማሳደግ ብዙ ወጪ ፈሰስ አድርገናል፡፡ አሁን በባንክ ኦፍ አሜሪካ የአጋርነት ድጋፍ ደግሞ የበለጡ እድሎች ይከፈቱልናል፡፡ ባንክ ኦፍ አሜሪካ ለሩጫዎቻችን እና በሩጫዎቻችን አማካይነት ልናገለግላቸው ለምንሻው ማህበረሰቦች እንዲሁም ከሴቶች እና ልጆች ጋር ላሉን ሰፊ ስራዎች አብረውን ለመስራት ላሳዩት ቁርጠኝነት ላመሰግናቸው እፈልጋለሁ›› ብለዋል፡፡

በማርች 8 ከሚከበረው ዓለም አቀፉ የሴቶች ቀን ጋር ተያይዞ የሚዘጋጀው የቅድሚያ ለሴቶች 5ኪ.ሜ. ባለፈው እሁድ 23ኛ ውድድሩን ሲያደርግ፣ ከ12ሺህ የበለጡ ተሳታፊዎችም ውድድሩን አጠናቅቀዋል፡፡ ከኢትዮጵያ የፖሊቲካ፣ ቢዝነስ እና ባህል ህይወት ብዙ ስመ-ጥር እንስቶችን እንዲሁም በኢትዮጵያ እያገለገሉ የሚገኙ በርካታ የውጪ አምባሳደሮችን የሚያሳትፈው ውድድር ተካፋዮቹ በኢትዮጵያ የሚኖሩ ሴቶችን ስኬቶች ለማክበር ሲሰባሰቡ የተለየ አይነት የህብረት ስሜት እንዲሰማቸው እንደሚያደርግ ተስተውሏል፡፡

የቅድሚያ ለሴቶች 5ኪ.ሜ. ሩጫ አምባሳደር እና የጥንድ የኦሊምፒክ 5000ሜ ሻምፒዮኗ መሰረት ደፋር በእሁዱ ውድድር ወቅት ስትናገር ‹‹ይህ ውድድር ሁሌም የተለየ ነው፡፡ በሁሉም የማህበረሰቡ ክፍሎች ወስጥ የሚገኙ ሴቶችን ስኬቶች ለማክበር እና ለሌሎቾ ሴቶች ስኬታማ የመሆን በራስ መተማመንን ለመስጠት አስደናቂ መድረክ ነው፡፡ ሁሌም በየዓመቱ እኛን ሴቶችን ማነሳሳት አይሳነውም›› ብላለች፡፡

ባንክ ኦፍ አሜሪካ አዲስ እና ጠለቅ ያለ የደንበኛ ግንኙነትን የመፍጠር፣ የቡድን አጋሮችን የማሳተፍ እና በሀገር ውስጥም ሆነ በዓለም አቀፍ ደረጃ ዘላቂ የኢኮኖሚ ተፅዕኖን የማገዝ እንቅስቃሴው አካል አድርጎ በስፖርት ውስጥ ካሉ እጅግ ታዋቂ ብራንዶች ጋር በአጋርነት ይሰራል፡፡

ባንክ ኦፍ አሜሪካ ዓለምአቀፋዊውን የብርታት መድረኩን በኢትዮጵያ ሁለቱም ውድድሮች - በአፍሪካ ትልቁ የጎዳና ሩጫ በሆነው የኖቬምበሩ ዓለምአቀፍ የ10ኪ.ሜ. እና የመጋቢቱ የቅድሚያ ለሴቶች 5ኪ.ሜ. - ላይ ከሚወዳደሩ የቀጣይ ትውልድ ሯጮች ጋር በማስተሳሰር ስፖርት እንዴት ዕድሎችን ሊፈጥር እንደሚችል እና ሰዎች እና ማህበረሰቦችን እንደሚያዋህድ ማሳየቱን ቀጥሏል፡፡

ባንክ ኦፍ አሜሪካ ከታላቁ ሩጫ በኢትዮጵያ ጋር ካለው አጋርነት ባሻገር በሩጫ፣ እግር ኳስ እና ጎልፍ ከዓለም አቀፍ ብራንዶች እና ሁነቶች ጋር በአጋርነት ይሰራል፡፡ እነዚህም Boston Marathon presented by Bank of America፣ Bank of America Chicago Marathon እና Chicago Distance Series፣ የ2026 የፊፋ ዓለም ዋንጫ፣ የአሜሪካ እግር ኳስ ፌዴሬሽን እና ሁሉም 27 የአሜሪካ ብሔራዊ ቡድኖች እንዲሁም በጎልፍ የማስተርስ ውድድር እና Augusta National Women’s Amateur ናቸው፡፡

Great Ethiopian Run (ታላቁ ሩጫ በኢትዮጵያ)

Apr 19, 2026, 05:48 AM

📷 Photo

2,310

25

0

Great Ethiopian Run (ታላቁ ሩጫ በኢትዮጵያ)

Apr 19, 2026, 05:48 AM

📷 Photo

የሴቶችና ማህበራዊ ጉዳይ ሚኒስቴር ሚንስትር ክብርት ኤርጎጌ ተስፋዬ (ዶ/ር) በጥቁር አንበሳ ስፔሻላይዝድ ሆስፒታል የሚገኘውን የካንሰር ህሙማን ማዕከል ጎበኙ።

መጋቢት 13 ቀን 2018 ዓ.ም. ከሚካሄደው የ2018 ሳፋሪኮም ቅድሚያ ለሴቶች 5ኪ.ሜ. ሩጫ አስቀድሞ በጥቁር አንበሳ ስፔሻላይዝድ ሆስፒታል ውስጥ የሚገኘውን የካንሰር ህሙማን ማዕከል ላይ ጉብኝት ተደርጓል።

በጉብኝቱ ከዶ/ር ኤርጎጌ በተጨማሪም የአዲስ አበባ ሜዲካል ኮሌጅ ምክትል ዳይሬክተር የሆኑት ዶ/ር ብርሀኑ ደስይበለው እና የአክቲቭ መስራች ኤሌ አኒሰን ተገኝተዋል።

‘AKTIVE AGAINST CANCER’ በዘንድሮ 2018 ሳፋሪኮም ቅድሚያ ለሴቶች 5ኪ.ሜ. ውድድር ላይ ሴቶች የካንሰር ህመምን ቀድሞ ለመከላከል ሩጫን በማዘውተር ጤናቸውን ይጠብቁ ዘንድ መልዕክታቸውን ያስተላልፋሉ።

ዛሬም በጉብኝቱ ላይ ዶ/ር ኤርጎጌ "የሴቶችና ማህበራዊ ጉዳይ ሚኒስትር እንደዚህ ያሉ ትብብሮችን ሁልጊዜ ይደግፋል ፤ ይህ ለኢትዮጵያ ሴቶች ትልቅ ትርጉም አለው ቅድሚያ ለሴቶች 5ኪ.ሜ. ዉድድር ሴቶችን የሚያበረታታ መድረክ ነው" በማለት ገልፀዋል።

ሻለቃ አትሌት ኃይሌ ገ/ሥላሴ ለካንሰር ማዕከሉ ያደረገውን ድጋፍ በማመስገን ንግግር ያደረጉት የጥቁር አንበሳ ስፔሻላይዝድ ሆስፒታል ስራ አስፈፃሚ ዶ/ር ብርሀኑ ሰንደቅ "ከታላቁ ሩጫ በኢትዮጵያ ጋር በመተባበር ስለ ካንሰር ግንዛቤ ለመፍጠር ብዙ ተስፋ አለን" ብለዋል።

ታላቁ ሩጫ በኢትዮጵያ ሩጫ ካንሰርን ለመከላከል ብሎም በማገገም ሒደት ውስጥ ባለው ጠቀሜታ ዙሪያ የግንዛቤ ማስጨበጫ ስራዎችን ለመስራት የሚችልበትን ስምምነት ለአራት ተከታታይ አመታት ከአክቲቭ አጌንስት ካንሰር ጋር ፈፅሟል።

የ2018 ሳፋሪኮም ቅድሚያ ለሴቶች 5ኪ.ሜ.  ነገ መነሻ እና መድረሻውን ቦሌ አትላስ በማድረግ ለ23ኛ ጊዜ ይከናወናል።

Great Ethiopian Run (ታላቁ ሩጫ በኢትዮጵያ)

Apr 19, 2026, 05:48 AM

📷 Photo

አትሌት በርነሽ ደሴ ለተከታታይ ዓመት የሳፋሪኮም ቅድሚያ ለሴቶች 5 ኪ.ሜ. አሸናፊ ሆነች

የ2018 ሳፋሪኮም ቅድሚያ ለሴቶች 5ኪ.ሜ. ውድድር ዛሬ በድምቀት መነሻና መዳረሻውን ቦሌ አትላስ በማድረግ በዛሬው ዕለት ተካሂዷል።

በሩጫው ላይ የአዲስ አበባ ከተማ ከንቲባ አዳነች አቤቤ ውድድሩን ከማስጀመራቸው አስቀድሞ ባደረጉት ንግግር “ሴቶች በጥበብ ይኖራሉ፤ በራስ መተማመን ይሠራሉ፤በራስ መተማመን ይሮጣሉ፤ ይችላሉም!“ ብለዋል።

በውድድሩ 16 ሺህ ሴቶች የተሳተፉ ሲሆን በአትሌቶች ዘርፍ ያለፈው ዓመት አሸናፊ የነበረችው በርነሽ ደሴ ከፀደይ ባንክ አትሌቲክስ ክለብ 15:22.91 በመግባት አሸናፊ ሆናለች።

ሮቤ ዲዳ 15:23.90 በመግባት 2ኛ ስትሆን በመድረኩ ተጠባቂ የነበረችው ሰናይት ጌታቸው 15:30.35 በመግባት 3ኛ ደረጃን ይዛ አጠናቃለች።

በባለፈው አመት ለአሸናፊ አትሌቶች የነበረው የ50 ሺህ ሽልማት በዚህ አመት በዕጥፍ አድጎ 100 ሺህ ብር ለአሸናፊዋ አትሌት ተበርክቷል።

በውድድሩ ላይ የአዲስ አበባ ከተማ አስተዳደር ከንቲባ ክብርት ወ/ሮ አዳነች አቤቤን ጨምሮ የሴቶችና ማህበራዊ ጉዳይ ሚኒስቴር ሚኒስትር ኤርጎጌ ተስፋዬ (ዶ/ር) ፣ የባህልና ስፖርት ሚኒስቴር የስፖርት ዘርፍ ሚኒስቴር ዲኤታ አቶ መኪዩ መሀመድና ሌሎችም የስራ ሀላፊዎች ተገኝተዋል።

የ23ኛው ዓመት ውድድር "በመላ ኑሪ በኮንፊደንስ ሩጪ" በሚል የውድድር መልዕክት ሲከበር የውድድሩ አምባሳደር አትሌት መሰረት ደፋርን ጨምሮ ታላላቅ አትሌቶችም የታደሙበት ነበር።

2,310

Great Ethiopian Run (ታላቁ ሩጫ በኢትዮጵያ)

Apr 8, 2026, 09:15 AM

📷 Photo

ለመላው የእስልምና እምነት ተከታዮች በሙሉ እንኳን ለ1447ኛው ዒድ አል-ፈጥር በዓል በሰላም አደረሳችሁ።

ዒድ ሙባረክ!

#GreatEthiopianRun

2,350

11

Great Ethiopian Run (ታላቁ ሩጫ በኢትዮጵያ)

Apr 8, 2026, 09:15 AM

📷 Photo

3,090

1

0

Great Ethiopian Run (ታላቁ ሩጫ በኢትዮጵያ)

Apr 8, 2026, 09:15 AM

ጋዜጣዊ መግለጫ

የ23ኛው ሳፋሪኮም ቅድሚያ ለሴቶች 5 ኪ.ሜ ሩጫ የቅድመ-ውድድር ጋዜጣዊ መግለጫ በእቴጌ መነን የልጃገረዶች ትምህርት ቤት በደመቀ ሁኔታ ተካሄደ

እሁድ መጋቢት 13 ቀን 2018 ዓ.ም. የሚካሄደውን የ2018 ሳፋሪኮም ቅድሚያ ለሴቶች  ኪ.ሜ. የጎዳና ላይ ሩጫ አስመልክቶ፤ የመጨረሻው የቅድመ-ውድድር ጋዜጣዊ መግለጫ ዛሬ በታሪካዊው እቴጌ መነን የልጃገረዶች ትምህርት ቤት ተካሒዷል።

በዝግጅቱ ላይ የውድድሩ አምባሳደር የሆነችው አትሌት መሰረት ደፋር እና የቀድሞ የትምህርት ቤቱ ተማሪ የነበሩት ታዋቂዋ ፖለቲከኛ ወ/ሮ ብርቱካን ሚደቅሳ እንዲሁም ከፍተኛ የመንግስት የስራ ኃላፊዎች ተገኝተዋል።

"ሴቶች በዓላማ ጠንክረው ከሰሩ ያሰቡበት ደረጃ መድረስ ይችላሉ፤ እናንተ ለሀገር ተስፋዎች ናችሁና በርቱ" ስትል አትሌት መሰረት ደፋር በመድረኩ ላይ ንግግር አድርጋለች።

ሌላው በመድረኩ ላይ ንግግር ያደረጉት የአ.አ. ወጣቶችና ስፖርት ቢሮ ኃላፊ አቶ አሰግደው ኃ/ጊዮርጊስ "እቴጌ መነን ወደ ትክክለኛ ማንነቱ የተመለሰ ታሪክ ሆኗል ፤ ጎበዝ፣ አስተዋይ እና የወደፊቷ ኢትዮጵያ መሪ የሆኑ ሴቶች እየተማሩበት ነው። ስፖርት በጤና እና ስነምግባር የበለፀገ ማህበረሰብን ይፈጥራል ዛሬ አብረን የተሳተፍንበት እንቅስቃሴ የዚህ ማሳያ ነው። መጋቢት 13 የሚኖረው ሩጫ ከምንም በላይ አብሮነታችንን የምናሳይበት እንዲሆን አብረን እንሰራለን" ብለዋል።

የቀድሞ የፖለቲካ ሰው ብርቱካን ሚደቅሳ ቀደም ሲል ይማሩበት በነበረው በዚህ ትምህርት ቤት ተገኝተው ለተማሪዎቹ እና ለመምህራኑ ንግግር ያደረጉ ሲሆን፣ ለአሁኑ ትውልድ ተማሪዎች ማበረታቻ እንዲሆን አዲስ ካሳተሙትን 'መመለስ' የተሰኘ መጽሐፍ የተወሰነ ክፍልን በማንበብ የራሳቸውን ታሪክ ከማጋራታቸው ባሻገር መፅሐፋቸውን በስጦታነት ለት/ቤቱ አበርክተዋል።

በልዩ ዝግጅቱ ማጠቃለያ ላይ በትምህርት ቤቱ ተማሪዎች መሀከል ጠንካራ የፉክክር መንፈስ የታየበት የዱላ ቅብብል የሩጫ ውድድር የተካሄደ ሲሆን፣ ይህም በውድድሩ ዋዜማ በትምህርት ቤቱ ማህበረሰብ ዘንድ ልዩ መነቃቃትን ፈጥሯል።

ስለ የ2018 ሳፋሪኮም ቅድሚያ ለሴቶች  ኪ.ሜ. አጠቃላይ መረጃ

* የውድድሩ ቀን፦ እሁድ መጋቢት 13 ቀን 2018 ዓ.ም።
* መነሻ እና መድረሻ፦ ቦሌ አትላስ ሆቴል አካባቢ።
* ተሳታፊዎች፦ 16,000 ሴቶች፣ ከ150 በላይ ጠንካራ ተፎካካሪ አትሌቶች እና ከ25 ተምሳሌት ሴቶች።

ታላቁ ሩጫ በኢትዮጵያ ለ23 ዓመታት ያለማቋረጥ ሲያካሂደው የቆየው ይህ ውድድር፣ ዘንድሮም "በመላ ኑሪ በኮንፊደንስ ሩጪ" በሚል የውድድር መልዕክት በደመቀ ሁኔታ ለመካሄድ ዝግጅቱን አጠናቋል።

3,760

Showing 19 of 19 posts

No more posts