ULUL ALBAB - The People of Intellect

ULUL ALBAB - The People of Intellect

Public

Can't Join? @weareululalbab

0

12.6k Members

Updated: May 13, 2026 at 9:33 AM

ULUL ALBAB - The People of Intellect

©️ Manbasiz olinmasin (rozilik yo'q)! @weareululalbab ❗️Kitoblar, tajriba, saviya, fikrlash, rivojlanish. Reklama olinmaydi.

@weareululalbab is a growing community focused on kitoblar and fikrlash and related topics

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 10 Days)

Total: 12.6K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

ULUL ALBAB - The People of Intellect

May 26, 2026, 06:51 AM

Doimiy bajarilsa, hayotingizni o'zgartiradigan KUNLIK odatlar:

- Yotgan o'rinni tuzatish;
- Doim tahoratda bo'lish;
- Kitob o'qish, yodlash;
- Zikr qilish;
- Yurish yoki yugurish;
- Sog'lom ovqatlanish;
- Yangi narsa o'rganish;
- Uyg'onib, telefon titmaslik;
- Uyqudan kamida yarim soat avval va yarim soat keyin gadjet ishlatmaslik;
- Ertangi kunni rejalash.

©

10,700

580

0

ULUL ALBAB - The People of Intellect

May 26, 2026, 06:51 AM

Zulhijja (ning ilk 10 kuni)da nimalar qilay? #foyda

Bir muqaddas oydan boshqasiga o'tarkanmiz, niyatlarimizni yangilab, bularga ahamiyat beramiz:

- Farzlarni mahkam tutish (vaqtida, xushu bilan);
- Nafllarni ko'paytirish (ro'za, namoz);
- Zulhijjaning birinchi kunidan boshlab, 9 kun (ayniqsa, arafa kuni) ro'za tutish;
- Istig'for, tavba, zikr va duolarni ko'paytirish;
- Qur'on tilovati;
- Sadaqa/ehson qilish;
- Kechirish, mag'firat so'rash va boshqa barcha ezgu niyatli solih amallar.

🧠 Mindset: Bu yil hajj qilayotgan bo'lsangiz nimalar qilardingiz/qilmasdingiz? Hajjga tayyorlangan insondek bo'lishga harakat qiling.

©

11,000

409

ULUL ALBAB - The People of Intellect

May 26, 2026, 06:51 AM

Yilingizning eng yaxshi kunlari kelmoqda!

Zulhijja oyi ilk 10 kunining ahamiyati:
⏺Alloh taolo ular ;

⏺Rasululloh sollallohu alayhi wasallam https://sunnah.com/bukhari:969 solih amallar uchun bu kunlardan yaxshisi yo'qligini aytdilar;

⏺Ibn Hajar rohimahulloh bu kunlarda ibodatlarning asosiylari jamlangani (namoz, ro'za, sadaqa, hajj) va boshqa biror oyda bu ibodatlar jam bo'lmasligini aytadilar;

⏺Ibn Rajab rohimahulloh bu kunlarda Arofot va qurbonlik kunlari borligi uchun ham boshqa kunlardan fazilatli ekanini aytadilar ("Lataiful-Ma'aarif").

Zulhijjaning birinchi kuni 18-mayga to'g'ri kelishi kutilmoqda, in sha Alloh.
Yaqinlarga eslating. Izlanib, 10 kunlikka tayyorlaning.

©

13,700

406

ULUL ALBAB - The People of Intellect

May 26, 2026, 06:51 AM

📷 Photo

Gul monologi #tafakkur

Dunyo o'zgardi...
O'zimga yaqindan nazar solganimda.
Gulligimdan rozi bo'lganimda.
Atrofimdagi boshqa gullarning ham go'zalligini ko'ra boshlaganimda.

Aridan shiramni qizg'onmaganimda.
Kapalakni boshimdan haydamaganimda.
Ularga tashakkur izhor qilganimda.
Tavoze ila boshimni egganimda.

Olganimdan ko'proq bera boshlaganimda.
Hisoblasha emas, mehrlasha boshlaganimda.
Haq talab qila emas, ularni haq deb bila boshlaganimda.

Shunda o'sdim, bo'y cho'zdim.
Quyosh nuriga yaqinroq bo'ldim.
Begona o'tlar chiridi shunda.

Bildim-ki, dunyo oynam ekan.
Aksimni ko'rsatar ekan.
Atrofda nimadir o'zgartirmoqchi bo'lsam, buni o'zimni o'zgartirishdan boshlashim kerak ekan.
Chunki oynada ko'ringan aks o'zgarishi uchun uning qarshisidagi haqiqat o'zgarishi kerak ekan...

©

10,400

ULUL ALBAB - The People of Intellect

May 26, 2026, 06:51 AM

"Fokusim yo'q, diqqatni jamlolmayman" #youasked

Fokusingiz bor.
Faqat noto'g'ri narsa ustida hozir.
Sizga aloqasi bo'lmagan narsalarda.
Na dunyo, na oxirat, na iymonga foyda beradigan narsalarda.
Shuning uchun xotirjam emassiz.
Natijada uxroviy ham dunyoviy ham foyda topmaganingiz uchun sizga diqqat-e'tiboringiz tarqoqdek tuyuladi.
Aslida, u shunchaki befoyda narsa ustida jam.

Masalan:
- xomxayollar;
- kelajak xavotirlari;
- birovning shaxsiy hayoti;
- instagram postlar, telegram storislar;
- birovning nima-yeb ichayotgani;
- birov ayoliga nima sovg'a qilgani;
- birov dam olishga qayerga ketgani;
- birov qaysi o'qishni bitirib, qaysi ishga kirgani;
- birovning fikrlari, maqsadlari, gaplari...

Boshqalarni qo'yib, o'z kamchiligingiz, bilimingiz, amalingizga fokus qaratishni sinab ko'ring. Alloh uchun behudani tark qiling va foydani ko'ring.

©

11,800

467

ULUL ALBAB - The People of Intellect

May 26, 2026, 06:51 AM

Bo'sh qolmang

Ko'p noto'g'ri ishlarga bo'sh qolganda qo'l uradi.
Yoki ularni qilish uchun bo'sh vaqt ajratadi.
O'shanda gunoh-ma'siyatlar qilib qo'yadi.
Keyin "koshki, shuning o'rniga falon narsa (yaxshilik) qilsam edi", deydi.
Nega bo'sh qolsa, yomonlikka qarab ketadi?

Chunki inson nafsi asli yomonlikka buyuruvchidir:
Albatta, nafs, yomonlikka ko‘p undovchidir, illo Robbim rahm qilsa (unday emas). (12:53)
Irshod ila uni yaxshilikka chaqirib, solih va foydali ishlar bilan band qilib turmasa, u insonni yomonlikka yetaklaydi.

Yechim #amal:
➡️Nafsga u bizga buyurishidan oldin biz unga buyruq berish;
➡️Uni komfortida bo'sh/bekor qoldirmaslik;
➡️Dam vaqtlari uchun oldindan foydali variantlar rejalab qo'yish:
"Vaqt qilich kabidir; sen uni kesmasang, u seni kesadi", degani shu.

©

11,400

380

ULUL ALBAB - The People of Intellect

May 26, 2026, 06:51 AM

Nafsni favqulodda band qilish uchun foydali ishlar:

- 2 rakat namoz (qazo yo nafl);
- 100 marta istig‘for yo salovat;
- 2-10 sahifa Qur’on;
- 10 daqiqa foydali kitob mutolaasi;
- biror kishiga foyda/yordam;
- musulmonlarni duo qilish;
- tadabbur/tafakkur mahsuli yozish;
- va hkz.

#foyda
Nima qilsa ham Allohning roziligini niyat qilib, bismillahdan boshlash.
Shunda Uni rozi qilmaydigan ishni ham boshlolmay qoladi.

©

9,150

467

0

ULUL ALBAB - The People of Intellect

May 26, 2026, 06:51 AM

📷 Photo

"Nega xafasan?", desalar, ularga haqiqatni ayt:

"Kamdan-kam istig'for aytaman va Qur'on o'qishni tark qilganman"...

#kitobdan

Javobni allaqayerlardan qidirib yurmaylik, sababi oddiy va ravshan aslida.

9,160

669

ULUL ALBAB - The People of Intellect

May 26, 2026, 06:51 AM

📷 Photo

Boshqarolmaysiz, ammo yo'naltira olasiz

Qaysi gulingizga suv quysangiz, o'sha gullaydi.
Qaysi niholingizni sug'orsangiz, o'sha unadi.
Qaysi hayvoningizni boqsangiz, o'sha semiradi.

Qaysi urug'ni ekib, sug'orsangiz, o'sha o'sadi.
Qaysi his-tuyg'ungizni boqsangiz, o'sha kattaradi:
- g'azab?
- gina?
- araz?
- hasad?
- muhabbat?
- ilm?
- shukr?
- tinchlik?
Qaysi o'y-fikringizga diqqat qilsangiz, ehtimoli ortadi.

Bir narsani tushuning:
- umringiz sizning bog'ingiz;
- qalbingiz sizning bog'ingiz;
- o'z bog'ingizga o'zingiz mas'ulsiz, bog'bon sizsiz.

Agar shuni anglab olsangiz, umringizni to'g'ri yo'naltira olasiz, Allohning izni bilan.

©

11,800

ULUL ALBAB - The People of Intellect

May 26, 2026, 06:51 AM

Har bir g'ashingni keltirgan holat - sabr qilishing uchun.

Har bir til va qalbingga kelgan nolish - shukr qilishing uchun.

Har safar birovni malomat qilishga shoshilishing - o'zingdagi nuqsondan.

Har bir qaytalangan xato o'rganishing kerak bo'lgan dars.

#eynafs Bu holatlardan go'zal chiqay, desang, vaqtida sabr, vaqtida shukr qil. Vaqtida istig'for ayt, vaqtida tavba qil.

©

12,000

515

0

ULUL ALBAB - The People of Intellect

May 11, 2026, 01:57 AM

Kunlik darsga vaqt ajratolish uchun ilk tayyorgarlik: #tajriba
1⃣ Kamida bir kun avval rejaga kiriting:
Ertaga dars uchun necha soat/daqiqa ajrataman?
Soat nechadan nechagacha dars qilolaman?
2⃣ Avvaldan muhitni tayyorlang:
Dars uchun parta/stolim tayyor va tartiblimi?
Kitob, daftar, qalam, kompyuter va boshqa qurollar hozirmi?
3⃣ Aynan nima o'rganishingizni biling:
Ertaga qaysi mavzuni o'qiyman?
Qaysi birini qayd qilaman?
4⃣ Dars vaqti chalg'itishi mumkin bo'lganlarni oldindan hal qilib qo'ying:
Ijtimoiy tarmoqni o'zimdan uzoqlatdimmi?
Telefonim jiringlab, bezovta qilmaydimi?
Ovqatim, kir-chir, ish, ko'chadagi ishlar hal qilinganmi?
5⃣ Cheklist va progres jadvali tuting:
Bajargan vazifalarim ko'z oldimdami?
Progresimni ko'rib turibmanmi?
Bugun dars qilolmasam, unga qanday ta'sir qiladi?

©

8,430

372

ULUL ALBAB - The People of Intellect

May 11, 2026, 01:57 AM

📷 Photo

Bugun "ildiz" sensan #amal

Muso va Hizr alayhissalomlar qissasidagi yetim bolalar haqida eshitgansiz. Shu bolalarga Allohning rahmati ularning otasi yo ota-bobosining solihligi tufayli yetdi:

وَكَانَ أَبُوهُمَا صَالِحا

Abdulloh ibn Abbos aytadilar:
"Ular otalari solih bo'lgani uchun hifz qilindilar. O'zlari solihmidilar (yo'qmi) - bu haqida zikr qilinmadi". (Tafsir at-Tobari, v15, 366)

Said ibn Musayyib dedilar:
"Men namoz o'qiyman, so'ng farzandimni eslayman va namozni ziyoda qilaman". (Tafsir al-Baghawi, v5, 196)

Abdulloh ibn Mas'ud rodiyallohu anhu kechasi qoim bo'lib, uxlayotgan farzandlariga qarab, "bu sen uchun", derdilar. So'ng yuqoridagi oyatni o'qib, yig'lardilar.

Asllar far'larga, tomirlar shoxlarga, shoxlar barglarga foyda beradi. Barg ochilmasa, gul gullamasa - ildiz tekshiriladi.

Bugun xoh ota, xoh ona sifatida farzandimiz/avlodimiz (ishi yo xulqi)dan nolishdan oldin o'zimiz:
- solih bo'lyabmizmi?
- solih amallar qilyabmizmi?
- solihlarni yaxshi ko'ryabmizmi?
- farzand haqqiga duo qilyabmizmi?
- tunda namozga turyabmizmi?
- unda qiyomni va duoni uzun qilyabmizmi?

Mohiyatni anglab, amalga kirishgunga qadar qayta o'qing.

©

ULUL ALBAB - The People of Intellect

May 11, 2026, 01:57 AM

📷 Photo

Beruvchi bo'l, tarqatuvchi, yetkazuvchi bo'l.
Shundoq ham zuluk-tabiati keng yoyilgan.
Shundoq ham hasad va qizg'onchiqlik ko'p uchraydi.

#foyda
🤩Bermoqlikni bardavom qilish uchun uni oliydan qabul qil.
🤩Berganingda minnat bo'lmasligi uchun senga ham u berilganini unutma.

O'zingdan hech narsa paydo bo'lmayabdi.
Allohdan senga, sen orqali boshqalarga.
Faqat va faqat sinovga qo'yilgan vosita ekaningni bil.

©

9,910

493

ULUL ALBAB - The People of Intellect

May 11, 2026, 01:57 AM

📷 Photo

#tafakkur

Podshohning huzuri tomon yurarkan, ziynat va ajoyibotlarga aldangan - maqsadini unutgandir.

©

8,830

410

ULUL ALBAB - The People of Intellect

May 11, 2026, 01:57 AM

Butun ijtimoiy tarmoq, media, propaganda ovora. Bizga: #kuzatuv

- vaqtni his qilish, qadriga yetishni unuttirish bilan ovora;
- dangasa avlod yetishtirish bilan ovora;
- axloqsizlikni normallashtirish bilan ovora;
- zulm/adolatsizlikni qabul qildirish bilan ovora;
- xotirjamlikni tortib olish bilan ovora;
- arzon dofaminga qaram qilish bilan ovora;
- nafsning quli qilish bilan ovora;
- dunyo ziynatlarini sevdirish bilan ovora;
- odamlarga nafrat va hasad qildirish bilan ovora;
- moddiyat va maishatni oliy maqsad qilib ko'rsatish bilan ovora,..

Afsuski, ovora bo'lishlari bekor ketmayabdi.
Afsuski, chaqiriqlarini yerda qoldirmayabmiz.
Afsuski, rejalari ish beryabdi.

Bizga irodasi baquvvat, shaxsiyati yetuk va axloqi ilmiga uyg'un yetakchilar/yoshlar/mutaxassislar kerak.
O'sha biz bo'lishimiz kerak.

©

12,300

526

ULUL ALBAB - The People of Intellect

May 11, 2026, 01:57 AM

#eynafs

Birovning emotsional qiyinchiligi evaziga kun ko'rma.
Birovning baxtsizligi evaziga kun ko'rma.
Birovning ko'z yoshlari evaziga kun ko'rma.
Birovning tinchini buzish o'rniga kun ko'rma.
Birovning qalbini sindirish evaziga kun ko'rma.

©

10,600

562

0

ULUL ALBAB - The People of Intellect

May 11, 2026, 01:57 AM

Qaysi davrda nimaga urg'u bergan bo'lardim? #tajriba dan #tavsiya

1. Bolalikda - kuzatuv, taqlid:
- shaxsiyat: insof, odob, intizom, yaxshilik-yomonlik tushunchalari;
- muhabbat (Allohga va maxluqlariga), muruvvat namunalarini ko'rish;
- Qur'on tinglash va sunnat amallaridan namuna olish,..

2. Yoshlik/o'smirlikda - o'zlikni anglash, tanqidiy fikrlash:
- yaralish va yashashda oliy maqsad;
- solih niyatli solih amallar;
- zikr, toat va itoatning ahamiyati;
- Qur'on va hadis yodlash;
- namoz va boshqa muhim farzlarga doir ilmlar;
- rahmoniy va shaytoniy ish/sifatlarni o'rganish;
- o'zini o'rganish (nafs bilan (biologik, emotsional, ruhiy)tanishuv);
- iste'dod va salohiyatni kashf qilish;
- mustaqillikka qadam;
- pul bilan muomala, jamg'arish,..

3. Balog'atdan keyin-ilk ulg'ayish davri - tahlil qilish va matonat:
- mas'uliyat olish;
- ilmda chuqurlashish;
- qadriyat va turmush tarzini moslash;
- bilim va ko'nikma hosil qilish;
- tajriba hosil qilish;
- salohiyat bo'yicha qattiq va yumshoq mahoratlar shakllantirish;
- halol kasb qilish;
- passiv sarmoya/kichik biznes boshlash;
- nafs tarbiyasiga jiddiy kirishish;
- xatolardan to'g'ri dars olish;
- toat-ibodatlar orqali Allohning yo'lida turish;
- ota-onaga bo'ysunish, oilaparvarlik,..

4. Yetilish - hikmat va barkamollik sari:
- ixlosni kuchaytirish;
- bag'rikenglik va hurlik;
- olgandan ko'p berish;
- sog'lom turmush tarzi;
- hikmat va qurbat istash;
- ilm va tajriba ulashish;
- ko'maklashish va yo'naltirish;
- oila va jamiyatga xizmatni ko'paytirish,..

Hozircha, shular.
Imkon bo'lsa to'ldiriladi, in sha Alloh.

©

10,700

ULUL ALBAB - The People of Intellect

May 11, 2026, 01:57 AM

📷 Photo

Kim sobit bo'lsa, o'sadi #reflection

Natijaga erishishning siri - sabr va sabot.
Bir ishni boshlab, tashlab ketmaslik.
Bir guruhga qo'shilib, tashlab chiqib ketmaslik.
Har darsga kirish va tark qilmaslik.
Kamdan bo'lsa ham, bosib biror narsa o'qish, o'rganish.

Ortingizga qarang, qancha ishni shunday tashlab ketdingiz?
Boshlagandan beri davom etganingizda nimalarga erishib tashlagan bo'lardingiz?

- 10 marta xatm qilib bo'lgan;
- ikki marta Qur'on yodlab bo'lgan;
- arab tilida allaqachon B2 darajaga chiqqan;
- tajvidni o'zlashtirib bo'lgan;
- 100ta kitobni allaqachon o'qib bo'lgan bo'lardingiz.

Faqat sobit bo'lolganimizda edi...

©

11,500

ULUL ALBAB - The People of Intellect

May 11, 2026, 01:57 AM

📷 Photo

Kishi o'ziga qilishi mumkin bo'lgan eng katta yaxshiliklardan biri - o'zini birovga solishtirmaslik;

Solishtirib, hasad qilmaslik.
Soxta havaslarga berilmaslik.
Internetda ko'rsatilganiga aldanmaslik.
Ko'rib, salbiy ta'sirlanmaslik.

Ta'sirlansa, uning omilidan uzoqlashsin.
Har xillikdan bahra ola bilsin.
Allohning rizq taqsimotidagi irodasiga shubha qilmasin.
Shukr ila o'ziga yetgan ne'matlar bilan band bo'lsin.

©

11,600

578

ULUL ALBAB - The People of Intellect

May 11, 2026, 01:57 AM

📷 Photo

Tasavvurni to'g'ri narsaga ishlatsang, izlanish, ijodiylik va isloh bo'ladi - gullatadi.
Noto'g'ri narsaga ishlatsang, vahima, vasvasa, yomon gumon bo'ladi - yemiradi.

O'z nafsing, jisming, aqlingni to'g'ri narsaga ishlatsang, senga xizmat qiladi - Allohning xalifasi bo'lasan.
Noto'g'ri narsaga ishlatsang, nafsingga sen xizmat qilasan, uning quliga aylanasan.

Vaqtingni to'g'ri narsaga ishlatsang, yo obid yo olim yo orif bo'lasan.
Noto'g'ri narsaga ishlatsang, odamiy ham bo'lolmaysan, 60-70 yillik umrni zoe qilasan.

#eynafs
Har narsadan to'g'ri foydalan.
Buni senga din va qadriyating o'rgatadi.

©

10,900

ULUL ALBAB - The People of Intellect

Apr 2, 2026, 06:50 AM

Alloh uchun tutgan ro'zalar, tilovat-u xatmlar, bedor tunlar va boshqa yaxshiliklaringizni Alloh qabul qilsin.

🥰 Ramazon hayiti muborak bo'lsin barchaga!

Shu barokatni topmoqchi bo'lsangiz, bugunni shukr va toatda, ma'siyatlardan yiroq holda o'tkazing.

©

11,500

678

0

ULUL ALBAB - The People of Intellect

Apr 2, 2026, 06:50 AM

Ramazondan keyin, asosan, uch holatdan birida bo'lamiz:
1️⃣Ramazondan ulkan foydalar olgan, katta isloh bilan chiqqanlar.
2️⃣Ramazondan oldingi va keyingi holati bir bo'lganlar.
3️⃣Ramazondan keyingi holati umidsizlik, amalsizlik va tushkunlik bo'lganlar.

Eng xatarlisi 3-guruhdagilar.
Chunki ayni shaytonning istagi - doim kishini umidsizlik domiga tortish bo'ladi va kim bunga ergashsa, amaldan to'siladi.
Natijada, shayton istaganiga yetadi.

#unutmang
😜Ramazondagi barokatni hozir topolmasligingiz - normal. U shunisi bilan Ramazon edi.
😜Alloh sizga najotni, shayton esa umidisizlikni xohlaydi. Kimning xohishiga ko'ra yuryabsiz?
😜Biroz bo'lsa ham isloh va Allohga qurbat hosil bo'ldimi - shuni saqlab qoling.
😜Boshlanishiga mayda qadamlar bilan bo'lsa ham.
😜Lekin bu minimum, siz oliy himmatli bo'ling.

©

8,620

424

ULUL ALBAB - The People of Intellect

Apr 2, 2026, 06:50 AM

Ramazonni qanday tugatish kerak? #foyda

Umar ibn Abdulaziz rohimahulloh qo'l ostilaridagi barcha hokimlarga Ramazonni (1) mag'firat va (2) sadaqa bilan tugatishni buyurib xat yozar edilar.

1️⃣ Said ibn Qatoda aytadi: "Odamlar, agar biri Ramazon oyida kechirilmasa, boshqa oyda ham kechirilmaydi, deyishardi".

Kishi agar Qadr kechasi (kechirilishdan) qaytarilsa, boshqa qachon qabul qilinardi? Kishi agar Ramazonda isloh bo'lmasa, boshqa qachon isloh bo'lardi?

2️⃣ Ba'zi ulamolar "(Ramazon) ro'zasini tutgan odam uchun fitr sadaqasi xuddi namozdagi kamchilik uchun qilinadigan sajdai sahv kabidir", derdilar.

- Ibn Rajab rohimahulloh.

©

11,500

393

ULUL ALBAB - The People of Intellect

Apr 2, 2026, 06:50 AM

Vidolashuv... #foyda

Oxirgi soatlarigacha:
➡️Allohdan mag'firat;
➡️do'zaxdan ozod qilinganlardan bo'lish;
➡️fitr sadaqasi berish;
➡️amallar qabulini so'rash;
➡️shukr qilish;
➡️so'nggi lahzalarni qadrlash;
➡️xatmi bo'lsa, tugatish;
➡️shu kayfiyatda asrdan keyin qalbdan duolar qilish. (Qabul, mag'firat, taqvo, bardavomlik, keyingi Ramazonga yetkazishini,.. so'rash).

Keling, qalblarimizni bo'shatib ketayotgan muborak Ramazon oyini go'zal kuzatib qo'yaylik.

Chunki amallar xotimasiga ko'radir...

©

15,400

552

0

ULUL ALBAB - The People of Intellect

Apr 2, 2026, 06:50 AM

📷 Photo

"Ushbu oydan unumli foydalana olmaganlar uni yaxshilik bilan yakunlasinlar, chunki amallar ularning xotimasiga qarab baholanadi".

- Ibn Rajab rohimahulloh

#eslatma
Bir yilda topib bo'lmas imkoniyatga to'la kun-tunlar ketib qolmoqda.
Biroz qiynalsangiz ham otni qamchilab oling.
Ehtimol, oxiriga kelib tez yugurib ketar...

©

11,600

533

ULUL ALBAB - The People of Intellect

Apr 2, 2026, 06:50 AM

Bu kabi mindset bilan kiring Ramazonga: #eslatma 1. Ramazon - Qur'on oyi. Bir kunim ham usiz o'tishi mumkin emas! 2. Allohning mag'firatiga erisholmasam, yutkazaman. 3. Shu oxirgi Ramazonim bo'lishi mumkin. 4. Bu yeb-ichish va ziyofat oyi emas. 5. Shu…

12,000

604

0

ULUL ALBAB - The People of Intellect

Apr 2, 2026, 06:50 AM

#eslatma

27-kechadan keyin ko'pchiligimiz sustlashib qolamiz. Lekin laylatul qadr o'tdi, degani Ramazon tugadi degani emas.

🟠Avvalo, bu oy 27 kundan iborat emas. Hali tugamadi, diqqatni yo'qotmaylik.
🟠Yana, sanoqlarimiz noto'g'ri bo'lishi ehtimoli bor.
🟠Laylatul qadr (27dan) boshqa kechaga to'g'ri kelishi ehtimoli ham bor.
🟠Oldimizda turgan tunlarning biri bo'lish ehtimoli ham bor.

Biz uchun qolgan kunlari o'tganlaridan ham ahamiyatliroq bo'lishi mumkin.
Imkoniyatlarni qo'yib yubormang, ikki kun qolgan bo'lsa ham!
Kamchilik buni anglaydi. Siz kamchilik qatorida bo'ling.

©

11,400

639

0

ULUL ALBAB - The People of Intellect

Apr 2, 2026, 06:50 AM

Qolgan kechalarni shunday taqsimlash mumkin:

1-qism:
⬇️ Shom va xuftonni vaqtida o'qish.
⬇️ Taroveh namozi 20 rak'at.
⬇️ Tungi zikrlar.
⬇️ Qur'on tilovati.

2-qism:
⬇️ Qiyomul layl namozi (qiyom va sajdani uzun qilish).
⬇️ Istig'for va tavba.
⬇️ Duolar.

3-qism:
⬇️ Qodir bo'lsa, yana nafl namozi.
⬇️ Qur'on tilovati va duolar.
⬇️ Sadaqa, ehson qilish.
⬇️ Bomdodgacha istig'for aytish.

Bu umumiy namuna. #tavsiya

©

13,000

480

0

ULUL ALBAB - The People of Intellect

Apr 2, 2026, 06:50 AM

pinned «Qolgan kechalarni shunday taqsimlash mumkin: 1-qism: ⬇️ Shom va xuftonni vaqtida o'qish. ⬇️ Taroveh namozi 20 rak'at. ⬇️ Tungi zikrlar. ⬇️ Qur'on tilovati. 2-qism: ⬇️ Qiyomul layl namozi (qiyom va sajdani uzun qilish). ⬇️ Istig'for va tavba. ⬇️ Duolar.…»

0

0

0

ULUL ALBAB - The People of Intellect

Apr 2, 2026, 06:50 AM

Tilga oson, ma'noga boy duolardan:

1. اللَّهُمَّ إِنَّكَ عَفُوٌّ (كَرِيمٌ) تُحِبُّ العَفْوَ فَاعْفُ عَنِّي
Allohumma innaka afuwwun (kariymun) tuhibbul 'afwa fa'fu 'anniy.

2. سُبْحَانَ الله وَبِحَمْدِهِ، سُبْحَانَ الله الْعَظِيم
Subhanallohi wa bihamdihi, subhanallohil ażiiym.

3. رَبَّنَا ظَلَمْنَا أَنفُسَنَا، وَإِنْ لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِين
Robbanaa żolamna anfusana, wa illam tag'fir lana wa tarhamna, lanakunanna minal xosiriyn.

4. لَا إِلٰهَ إِلَّا أَنتَ، سُبْحَانَكَ إِنِّي كُنتُ مِنَ الظَّالِمِين
Laa ilaha illa anta, subhanaka inni kuntu minaż-żolimiyn.

5.  اللهم يَا مُقَلِّبَ الْقُلُوب، ثَبِّتْ قَلْبِي عَلَى دِينِكَ
يَا مُصَرِّفَ الْقُلُوب، صَرِّفْ قَلْبِي عَلَى طَاعَتِكَ
Allohumma, ya muqollibal quluub, śabbit qolbi alaa diynik. Ya musorrifal qulub, sorrif qolbi alaa toatik.

6. اللَّهُمَّ اجْعَلْ خَيْرَ عُمْرِي آخِرَهُ، وَخَيْرَ عَمَلِي خَوَاتِمَهُ، وَخَيْرَ أَيَّامِي يَوْمَ أَلْقَاكَ فِيه
Allohummaj-'al xoyro 'umrii aaxiroh, wa xoyro 'amalii xowaatimah, wa xoyro ayyaami yawma alqoka fiyh.

7. رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّار
Robbana aatina fid-dunya hasanatan, wa fil aaxiroti hasanatan, wa qinaa ažaaban naar.

8. اللَّهُمَّ إِنِّي أَسْأَلُكَ الْهُدَى وَالتُّقَى وَالْعَفَافَ وَالْغِنَى
Allohumma inni as'alukal huda wat-tuqo, wal-'afafa, wal-g'ina.

9. اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
Allohumma a-'inni 'ala zikrika wa shukrika wa husni ibadatika.10. "Sayyidul istig'for" duosi

Ma'nolarini bilmasangiz, qidirib, bilib oling.

©

17,000

Showing 30 of 30 posts

No more posts