QISHLOQ XO'JALIGI VAZIRLIGI

Public

View Channel

115

334

Can't Join? @uzagroministry

19.4k Members

Updated: May 27, 2026 at 6:45 AM

QISHLOQ XO'JALIGI VAZIRLIGI

O‘zbekiston Respublikasi Qishloq xo‘jaligi vazirligi 🔗 Rasmiy sahifalarimizning manzillari: https://taplink.cc/uzagroministry 📍Manzil: Toshkent viloyati, Qibray tumani, Universitet ko‘chasi, 2-uy ☎️ Ishonch telefoni: 1243

@uzagroministry is a growing community focused on vazirligi and manzillari and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 12 Days)

Total: 19.4K

24h growth: -567 3%

Latest Posts

QISHLOQ XO'JALIGI VAZIRLIGI

May 15, 2026, 04:23 AM

🎥 Video

Kelajagingizni TDAU bilan quring — 3 yilda bakalavr diplomiga ega bo‘ling!

🎓Toshkent davlat agrar universiteti mintaqadagi zamonaviy agrar ta’limning strategik markazi sifatida yoshlarga keng imkoniyatlarni taqdim etmoqda.

❤️Universitet nafaqat nazariy bilim beradi, balki talabalarni xalqaro darajadagi raqobatbardosh mutaxassis sifatida https://t.me/tdau_news

🎥 Batafsil – mazkur rolikda

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

972

QISHLOQ XO'JALIGI VAZIRLIGI

May 15, 2026, 04:23 AM

📷 Photo

Qishloq xo‘jaligida raqamli texnologiyalar va investitsion hamkorlik

🌱 Qishloq xo‘jaligi vaziri o‘rinbosari Qahramon Yuldashev Yaponiyaning “ITOCHU Corporation” kompaniyasi vakillari bilan uchrashuv o‘tkazdi.

💬Muloqot davomida qishloq xo‘jaligi sohasini raqamlashtirish, zamonaviy va innovatsion texnologiyalarni keng joriy etish, agrar tarmoqda investitsion hamkorlikni rivojlantirish hamda istiqbolli qo‘shma loyihalarni amalga oshirish masalalari muhokama qilindi.

📌 Shuningdek, uchrashuvda resurs tejovchi texnologiyalarni tatbiq etish, agrar sohada raqamli yechimlardan samarali foydalanish, fermer xo‘jaliklarini moliyaviy qo‘llab-quvvatlash mexanizmlarini takomillashtirish yuzasidan atroflicha fikr almashildi.

🚜 Tomonlar Yaponiyaning ilg‘or tajribasini O‘zbekiston qishloq xo‘jaligiga joriy etish, innovatsion yondashuvlarni kengaytirish hamda o‘zaro manfaatli hamkorlikni yanada mustahkamlashga tayyor ekanliklarini ta’kidladilar.

🤝 Uchrashuv yakunida qo‘shma tashabbus va loyihalarni amalga oshirish, shuningdek, o‘zaro manfaatli hamkorlikni yangi bosqichga olib chiqish bo‘yicha kelishuvlarga erishildi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

May 15, 2026, 04:23 AM

📷 Photo

O‘zbekistonda baliq yemlari ishlab chiqarish bo‘yicha yangi loyiha muhokama qilindi

🌱 Bugun qishloq xo‘jaligi vaziri o‘rinbosari Qahramon Yuldashev, “O‘zbekbaliqsanoat” uyushmasi raisi Omon Musayev hamda Gruziyaning “Nutrimax” kompaniyasi vakillari o‘rtasida uchrashuv bo‘lib o‘tdi. Unda baliqchilik va akvakultura yo‘nalishida ikki tomonlama hamkorlikni rivojlantirish masalalari muhokama qilindi.

🏭 Ko‘p yillik tajribaga ega bo‘lgan “Nutrimax” kompaniyasi hayvonlar, parrandalar hamda baliqlar uchun yem ishlab chiqarishga ixtisoslashgan bo‘lib, bugungi kunda O‘zbekiston bozorida ham faoliyatini kengaytirishga qiziqish bildirmoqda.

🌊 Muloqot davomida kompaniyaning mamlakatimizda akvakultura uchun yem, xususan baliq yemlari, shuningdek uy hayvonlari uchun yem ishlab chiqarishni yo‘lga qo‘yishga qaratilgan investitsion loyiha yuzasidan fikr almashildi. Tomonlar loyiha doirasida amalga oshiriladigan ishlar, ishlab chiqarish quvvatlari, investitsiya yo‘nalishlari hamda hamkorlikning istiqbolli jihatlarini batafsil muhokama qildilar.

📈 Ta’kidlanganidek, mazkur tashabbus nafaqat ichki bozorda sifatli yem mahsulotlariga bo‘lgan talabni qondirish, balki baliqchilik tarmog‘ida zamonaviy ishlab chiqarish zanjirini shakllantirishga ham xizmat qiladi. Shu bilan birga, loyiha kelgusida eksport salohiyatini oshirish va yangi ish o‘rinlari yaratishda muhim omil bo‘lishi qayd etildi.

📝Uchrashuv yakunida Qahramon Yuldashev Qishloq xo‘jaligi vazirligi o‘z vakolati doirasida loyihani qo‘llab-quvvatlashga tayyor ekanligini bildirib, “Nutrimax” kompaniyasi bilan hamkorlik aloqalarining yo‘lga qo‘yilishi baliqchilik sohasini rivojlantirishda muhim qadam bo‘lishini ta’kidladi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

May 15, 2026, 04:23 AM

📷 Photo

Intizom va harakat — natijaning asosiy omili

🌱 Bugun qishloq xo‘jaligi vaziri Ibrohim Abdurahmonov raisligida yig‘ilish o‘tkazildi. Unda tizimdagi dolzarb masalalar, ijro intizomi hamda sohada amalga oshirilayotgan islohotlar samaradorligini oshirish masalalari muhokama qilindi. Yig‘ilishda vazir o‘rinbosarlari, departament rahbarlari hamda boshqarma boshliqlari ishtirok etdi.

❤️ Yig‘ilish avvalida O‘zbekiston Respublikasi Prezidentining qaroriga muvofiq, O‘zbekiston Respublikasi qishloq xo‘jaligi vaziri o‘rinbosari — Chorvachilik va yaylov xo‘jaligini rivojlantirish agentligi direktori lavozimiga tayinlangan Orif Butayev vazirlik jamoasiga rasman tanishtirildi.

🐄 Tadbir davomida bugungi kunda chorvachilik tarmog‘ining mamlakat oziq-ovqat xavfsizligini ta’minlashdagi o‘rni tobora ortib borayotgani alohida ta’kidlandi. Aholini sifatli va arzon oziq-ovqat mahsulotlari bilan ta’minlash, chorva bosh sonini ko‘paytirish, naslchilikni rivojlantirish hamda yaylovlardan samarali foydalanish bo‘yicha tizimli ishlarni kuchaytirish muhim vazifa ekani qayd etildi. Shu munosabat bilan yangi tayinlangan rahbarga mas’uliyatli faoliyatida muvaffaqiyat va omad tilandi.

📌 Yig‘ilish davomida tashkiliy masalalar ham atroflicha ko‘rib chiqildi. Har bir xodim o‘z faoliyatiga sadoqat, tashabbuskorlik va fidoyilik bilan yondashishi zarurligi, ayniqsa rahbar kadrlar zimmasidagi mas’uliyat tobora ortib borayotgani ta’kidlandi. Qishloq xo‘jaligi tizimida olib borilayotgan islohotlar samarasi, avvalo, joylardagi ijro sifati va rahbarlarning mas’uliyatiga bevosita bog‘liq ekani qayd etildi.

📊 Shuningdek, yig‘ilishda ijro intizomini mustahkamlash masalalariga alohida e’tibor qaratildi. Belgilangan vazifalarni hududlarda o‘z vaqtida va sifatli amalga oshirish, topshiriqlar ijrosini qat’iy nazoratga olish hamda natijadorlikni oshirish bo‘yicha mas’ullarga aniq topshiriqlar berildi. Vazirlik tizimida samaradorlikni oshirish, murojaatlar bilan ishlash sifatini yaxshilash va aholi hamda fermerlar oldidagi mas’uliyatni kuchaytirish ustuvor vazifalardan biri ekani ta’kidlandi.

📝 Yig‘ilish yakunida barcha rahbar va mutasaddilar oldiga belgilangan vazifalarni puxta va mas’uliyat bilan bajarish, tizimda ochiqlik, tartib-intizom hamda samaradorlikni ta’minlash yuzasidan muhim vazifalar belgilab berildi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

May 15, 2026, 04:23 AM

📷 Photo

Prezident Shavkat Mirziyoyev hududlarda intensiv sanoatlashgan bog‘larni ko‘paytirish chora-tadbirlari yuzasidan https://president.uz/oz/lists/view/9206 o‘tkazdi.
—
Президент Шавкат Мирзиёев провел https://president.uz/ru/lists/view/9206 по мерам увеличения числа интенсивных садов промышленного типа в регионах.

#Mirziyoyev #yigilish #qishloqxujaligi #bogdorchilik
https://x.com/president_uz https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

QISHLOQ XO'JALIGI VAZIRLIGI

Apr 5, 2026, 02:48 AM

📷 Photo

Aholi xonadonlari va xo‘jaliklarda chorva holati o‘rganildi

ℹ️Mamlakatimizda chorvachilikni rivojlantirish, aholi xonadonlarida parvarish qilinayotgan chorva mollari salomatligini mustahkamlash va sohada barqarorlikni ta’minlash yo‘lida izchil ishlar amalga oshirilmoqda.

🌱Ana shunday sa’y-harakatlar doirasida Qishloq xo'jaligi vazirligi, Veterinariya va chorvachilikni rivojlantirish qo‘mitasi mas’ullaridan iborat Ishchi guruh hamda Samarqand davlat veterinariya meditsinasi, chorvachilik va biotexnologiyalar universiteti olimlari ishtirokida Buxoro viloyatining Romitan, Olot va Vobkent tumanlarida keng qamrovli monitoring ishlari olib borildi.

ℹ️Monitoring davomida chorvachilik fermer xo‘jaliklari hamda aholi xonadonlarida parvarish qilinayotgan qoramollarning umumiy holati, saqlash sharoitlari, oziqlantirish tizimi hamda veterinariya-profilaktik tadbirlarning bajarilish darajasi atroflicha o‘rganildi. Mutaxassislar tomonidan aniqlangan holatlar yuzasidan amaliy tavsiyalar berilib, mavjud kamchiliklarni bartaraf etish bo‘yicha aniq yo‘nalishlar belgilab olindi.

Shu bilan birga, hududda chorvachilik sohasi vakillari, veterinariya xizmati xodimlari va tegishli tashkilotlar hamkorligida “Hayvonlar kasalliklarining kelib chiqishi, chetdan kirib kelishi va tarqalishining oldini olish hamda chorva mollarini saqlash, belgilangan ratsion orqali oziqlantirish va parvarishlash” mavzusida amaliy seminar tashkil etildi. Unda hayvonlar kasalliklarining kelib chiqishi, ularning chetdan kirib kelishi va tarqalishining oldini olish, shuningdek chorva mollarini to‘g‘ri saqlash, belgilangan ratsion asosida oziqlantirish va samarali parvarishlash masalalari muhokama markazida bo‘ldi.

✅Seminar davomida sohaga oid zamonaviy yondashuvlar, profilaktika choralarining ahamiyati hamda ilmiy asoslangan tavsiyalar keng yoritildi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 5, 2026, 02:48 AM

📷 Photo

Samarali dehqonchilik — baraka va mo‘l hosil manbai

🇺🇿Toshkent tumani Navoiy Mirishkor agrofirma hududida joylashgan “Abduazim Agro” fermer xo‘jaligida izchil va samarali qishloq xo‘jaligi ishlari olib borilmoqda. Zamonaviy agrotexnologiyalar asosida yerga ishlov berilib, har bir qarich maydondan unum olishga alohida e’tibor qaratilmoqda. Bu esa dehqon mehnatining qadri va natijasini yanada https://t.me/toshkenttumanihokimligi

Xususan, “Abduazim Agro” fermer xo‘jaligida 1200 gektar maydonda to‘qsonbosti usulida sabzi yetishtirilayotgani ilg‘or tajribaning yorqin namunasi bo‘lsa, 2 ming gektar maydonda parvarish qilinayotgan kartoshka ekinlari ham yurtimiz dasturxonining to‘kinligiga xizmat qilmoqda. Ekinlarga o‘z vaqtida agrotexnik ishlov berilib, hosildorlikni oshirishga qaratilgan barcha zarur choralar ko‘rilmoqda.

🇺🇿Mazkur keng ko‘lamli mehnat jarayonlari Navoiy Mirishkor agrofirma hududida qishloq xo‘jaligini rivojlantirish borasidagi samarali yondashuvlarni yaqqol namoyon etmoqda. Mehnat va mehr uyg‘unlashgan bunday maskanlarda esa albatta baraka va mo‘l hosil yetishadi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 5, 2026, 02:48 AM

🎥 Video

📺“O‘zbekiston 24” telekanali orqali O‘zbekiston Respublikasi Prezidentining “Qishloq va suv xo‘jaligi muhandislarini tayyorlash tizimini yanada takomillashtirish chora-tadbirlari to‘g‘risida” gi qaroriga sharh efirga uzatildi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

992

QISHLOQ XO'JALIGI VAZIRLIGI

Apr 5, 2026, 02:48 AM

📷 Photo

Yakkabog‘ dalalarida kartoshka va piyoz yetishtirish ishlari jadal kechmoqda

🌱 Qishloq xo‘jaligi vaziri Ibrohim Abdurahmonovning Qashqadaryo viloyatiga amalga oshirgan ishchi tashrifi doirasida Yakkabog‘ tumanida 1900 gektar maydonda yetishtirilayotgan kartoshka navlarining holati bilan tanishildi.

🌱 Mutasaddilar qayd etishicha, ilgari ushbu hududda kartoshkachilik yetarli darajada rivojlanmagan bo‘lsa, bugungi kunda bu yo‘nalishda intensiv agrotexnologiyalar izchil joriy etilmoqda.

🌍 Xususan, ekilayotgan kartoshka urug‘lari asosan xorijdan keltirilgan bo‘lib, ularning vegetatsiya jarayoni barqaror va sog‘lom kechmoqda.

🧅 Shuningdek, tumandagi yana bir 300 gektar maydonda piyoz ekinlari agrotexnik talablarga muvofiq parvarish qilinmoqda. Ta’kidlash o‘rinli, avvallari fermerlar piyoz urug‘ini boshqa viloyatlardan olib kelishga majbur bo‘lgan bo‘lsa, hozirda yetishtirilgan hosilning bir qismi iste’mol uchun yo‘naltirilmoqda, qolgan qismi esa urug‘lik zaxirasini shakllantirishga xizmat qilmoqda.

📊 Vazir o‘rganish jarayonida kartoshkachilikda ilmiy yondashuvni kuchaytirish, ekinlar sifatini oshirish hamda ularning fitosanitar holatini ta’minlashga qaratilgan agrotexnik tadbirlarni qat’iy standartlar asosida tashkil etish zarurligini alohida ta’kidladi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 1, 2026, 05:15 AM

🎥 Video

“Shinjon” usulida ekilgan g‘o‘za orasiga zira yetishtirish — qo‘shimcha daromad manbai

✅ Fermer xo‘jaliklarida yer resurslaridan samarali foydalanish va qo‘shimcha daromad olish maqsadida “Shinjon” usulida chigit ekiladigan maydonlarda bir vaqtda zira ekish tavsiya etiladi.

🟧 Ushbu yondashuv orqali bir maydondan ikki turdagi mahsulot olinib, iqtisodiy samaradorlik oshadi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

1,570

QISHLOQ XO'JALIGI VAZIRLIGI

Apr 1, 2026, 05:15 AM

📷 Photo

Namanganda yangi agroloyiha: ilm va amaliyot uyg‘unligi

🚜 Qishloq xo‘jaligi vaziri Ibrohim Abdurahmonov Andijon viloyatidagi tashrifini yakunlab, Namangan viloyatiga keldi va dastlab Norin tumanidagi istiqbolli agroloyiha bilan tanishdi.

🌾 20 gektar maydonda amalga oshirilayotgan mazkur loyihada “Arizona” navli kartoshka ekilgan bo‘lib, ikkilamchi ekin sifatida tarvuz yetishtirish rejalashtirilgan.

💰 Umumiy qiymati 800 mln so‘m bo‘lgan loyiha 80 nafar aholining bandligini ta’minlayotgani bilan ham ahamiyatli. Loyiha “Noirin Mix” MCHJ tomonidan agregator asosida tashkil etilgan.

👨‍🌾 Vazir dala sharoitini ko‘zdan kechirar ekan, agrotexnik tadbirlarni o‘z vaqtida va sifatli bajarish, suv resurslaridan oqilona foydalanish hamda zamonaviy texnologiyalarni keng joriy etish bo‘yicha aniq ko‘rsatmalar berdi.

📊 O‘z navbatida, bugungi natijadorlik — ilmiy yondashuv va amaliy tajribaning uyg‘unligiga bog‘liq ekani, aynan shu yondashuv hosildorlikni oshirishda hal qiluvchi omil bo‘lib xizmat qilishini qayd etdi.

🌍 Albatta, bugungi harakatlarning barchasi bitta aniq maqsadga qaratilgan — har qarich yerdan unum olish va uni barqaror daromad manbaiga aylantirish.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 1, 2026, 05:15 AM

📷 Photo

Salomatlik manbai: Quritilgan mevalarning qanday foydali xususiyatlari bor?

Quritilgan mevalar inson salomatligi uchun katta ahamiyatga ega bo‘lib, ular organizmni kerakli vitamin va minerallar bilan ta’minlaydi, immunitetni mustahkamlaydi va turli kasalliklarning oldini oladi.

👉Batafsil: https://gov.uz/oz/agro/news/view/40774

👉Подробно: https://gov.uz/ru/agro/news/view/40774

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 1, 2026, 05:15 AM

📷 Photo

Andijonda zamonaviy agrotexnologiyalar asosida ekin ishlari jadallik bilan davom etmoqda

🌱 Qishloq xo‘jaligi vaziri Ibrohim Abdurahmonov Andijon viloyatiga tashrifi davomida Oltinko‘l tumanida joylashgan “Qodir tekstil klaster” MCHJ dala maydoni bilan tanishdi.

🌲 Mazkur klasterga qarashli 640 gektar yer maydonining 70 gektar qismida xorijiy Shinjon usuli asosida 76×10 sxemada tajriba-sinov ishlari olib borilmoqda. Unda qizil, yashil, ko‘k va oq rangli plyonkalar ostiga qo‘shqator usulida ekin joylashtirilib, to‘liq tomchilatib sug‘orish tizimi orqali urug‘lik chigit qadash ishlari amalga oshirilmoqda.

🟧 Ko‘zdan kechirilgan 3 gektarlik konturda ekin joylashtirish ishlari aniq reja asosida tashkil etilgan bo‘lib, uning 1,5 gektar qismiga qizil plyonka, qolgan maydoniga esa oq plyonka ostida urug'lik chigit ekish rejalashtirilgan.

📝 Bugungi kunda tuman kesimida jami 1746 gektar maydonga urug‘ ekilgan bo‘lib, umumiy reja 3740 gektarni tashkil etadi.

🔴 Shuningdek, Baliqchi tumanidagi “Sherali ota” fermer xo‘jaligi faoliyati ham o‘rganildi. Mazkur xo‘jalikda ham xorijiy Shinjon usuli asosida 76×10 sxemada zamonaviy agrotexnologiyalar qo‘llanilib, tomchilatib sug‘orish tizimi orqali urug‘lik chigit qadash ishlari amalga oshirilmoqda.

♾ Yondosh hududda joylashgan “G‘ofurjon xo‘ji” fermer xo‘jaligida ham 10,6 gektarlik kontur ko'zdan kechirildi. Hududning 6 gektarlik qismida ko‘k plyonka ostida, shu usul asosida urug‘lik chigit ekish ishlari olib borilmoqda.

📰 Vazir dala sharoitida olib borilayotgan ishlarni ijobiy baholab, klaster rahbariyati va mutaxassislarga zamonaviy agrotexnologiyalarni yanada keng joriy etish, tomchilatib sug‘orish tizimidan samarali foydalanish, sifatli urug‘likni tanlash va agrotexnik tadbirlarni belgilangan muddatlarda amalga oshirish zarurligini ta’kidladi.

💧 Shu bilan birga, suv va boshqa resurslardan oqilona foydalanish, hosildorlikni oshirish hamda ilg‘or tajribalarni kengaytirish yuzasidan tegishli tavsiyalar berdi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Apr 1, 2026, 05:15 AM

📷 Photo

Izboskanda ilg‘or agrotexnologiyalar: yangi yondashuvlar va samarali tajriba

🌱 Ishchi tashrif bilan Andijon viloyatida bo‘lib turgan qishloq xo‘jaligi vaziri Ibrohim Abdurahmonov Izboskan tumanida joylashgan “AnGold” klasteriga qarashli dala maydonlarini ham ko‘zdan kechirdi.

🌲 Jami yer maydoni 2,5 ming gektar bo‘lgan mazkur klasterning Shinjon tajribasi asosida qo‘shqator usulida plyonka ostiga paxta ekilgan 20 gektarlik hududi vazir boshchiligidagi ishchi guruh tomonidan o‘rganildi.

🟧 E’tiborli jihati shundaki, kontur chetida 11 metrlik maxsus himoya hududi tashkil qilingan bo‘lib, ushbu hududga mahalliy g‘o‘za navi ekilgan.

🌱 Asosiy maydonga esa xorijiy urug‘lar joylashtirilgan. Bu usul zararkunanda hasharotlar, jumladan, ko‘sak qurtini himoya hududida ushlab qolish imkonini berib, asosiy paxta maydonining sog‘lom rivojlanishini ta’minlaydi.

📝 Shuningdek, paxta terimiga kirishilganda, dastlab terim mashinalari 11 metrlik himoya hududidagi hosilni yig‘ib oladi. Bu esa asosiy maydondagi hosilni sifatli va toza yig‘ishtirib olishga xizmat qiladi.

🔴 Tashrif davomida vazir ustoz-shogird an’anasi asosida faoliyat yuritayotgan tajribali fermerlar bilan muloqot qildi. Unda kam natija ko‘rsatayotgan xo‘jaliklarga amaliy yordam ko‘rsatish, aniq tavsiya va yo‘l-yo‘riqlar berish masalalari muhokama qilindi.

📰 Kezi kelganda aytish kerak, klaster mehnat jamoasi yonma-yon joylashgan 27 gektarlik konturda yana bir yangi tashabbus — urug‘lik chigitlarni qizil plyonka ostiga ekish amaliyotini yo‘lga qo‘ygan.

⭕️ Bu yerda sinovdan o‘tkazilayotgan mazkur usul agrotexnologiyalarni yanada takomillashtirishga xizmat qilishi kutilmoqda.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

[poll]

1,290

QISHLOQ XO'JALIGI VAZIRLIGI

Mar 30, 2026, 12:16 PM

🌳🌳🌳🌳🌳

Afrikada millionlab aholi xavf ostida — vaziyat tobora jiddiylashmoqda.

➖ Hindistonda guruch eksportiga cheklovlar joriy etildi, natijada global bozorda narxlar oshishni boshladi. Endi bu holat xalqaro oziq-ovqat xavfsizligiga qanday ta’sir qiladi?

➖ Yevropada fermerlar noroziligi kuchaymoqda — ular qanday muammolarni ko‘tarmoqda va talablar nimadan iborat?

➖ Toshkentda xalqaro forum bo‘lib o‘tdi — unda qanday muhim kelishuvlarga erishildi?

➖ Yanvar oyida xorijga qancha meva-sabzavot eksport qilindi va bu ko‘rsatkichlar qanday o‘sishni namoyon etmoqda?

🎥 Sohaga oid eng so‘nggi yangiliklar — “Agronews” dasturida.

📺 Ko‘rsatuvning to‘liq qismi: https://youtu.be/GSxquNvw7D4

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

📷 Photo

Munosabat

📌 Ijtimoiy tarmoqlarda Yakkabog‘ tumanida fermer yer maydoni noqonuniy auksionga chiqarilgani haqidagi xabarlar yuzasidan Qishloq xo‘jaligi vazirligi tomonidan quyidagilar ma’lum qilinadi:

📌 2019-yil 19-fevraldagi qarorga asosan 10,25 gektar uzumzor yer “Orolov Muxtor” fermer xo‘jaligiga ajratilgan, 2020-yil 26-mayda 49 yilga ijara shartnomasi tuzilgan.

✅ 2024-yil 11-iyunda yerlar:
— 7,285 gektar (18:11:000000718);
— 3 gektar (18:11:000000717) sifatida ro‘yxatdan o‘tkazilgan.
Shuningdek, 2025-yil 10-sentabrda reestrda 3 gektar yer 6,36 gektarga o‘zgartirilgan.

⚠️ 2024-yil 5-martdagi Kengash qaroriga muvofiq 5,241 gektar yer (18:11:000011783) zahira yer sifatida hokimlik nomiga ro‘yxatdan o‘tkazilgan.

📌 Tuman hokimining 2025-yil 14-noyabrdagi xatiga asosan yer uchastkasi auksion savdosiga chiqarish uchun taklif etilgan.

🗺 Yer tuzish hujjatlari vakolatli organlar bilan kelishilgan va 2025-yil 5-dekabrda tasdiqlangan.
2025-yil 9-dekabrda auksionga qo‘yilib, 2026-yil 23-fevralda Bozorov Doston Faxriddin o‘g‘li g‘olib bo‘lgan.
2026-yil 6-martda ijara shartnomasi imzolangan.

❔ Biroq, 2026-yil 11-martda kadastr organi tomonidan shartnoma ro‘yxatdan o‘tkazilmagan.

📰 Xulosa o‘rnida aytish mumkinki, mazkur holat bo‘yicha yer ajratish va auksion jarayonlari amaldagi qonunchilik va belgilangan tartiblar asosida amalga oshirilgani aniqlandi.

🌲 Yer tuzish hujjatlari vakolatli tashkilotlar tomonidan to‘liq ishlab chiqilgan, kelishilgan va tasdiqlangan, barcha jarayonlar raqamli tizimlar orqali shaffof tarzda olib borilgan.

📈 Jarayon davomida yuzaga kelgan ayrim texnik va huquqiy nomuvofiqliklarni bartaraf etish yuzasidan tegishli tashkilot va idoralarga “O‘zdavyerloyiha” DILI tomonidan murojaat yuborildi.

📣 Shu o‘rinda OAV vakillaridan har qanday materialni tayyorlashda masalani har tomonlama o‘rganib, barcha taraflarning fikrini eshitgan holda, faqat tasdiqlangan va ishonchli manbalarga asoslanib yoritishlarini so‘raymiz.

🌱 Qishloq xo‘jaligi vazirligi fermerlar va tadbirkorlar huquqlarini himoya qilishda qat’iy pozitsiyada bo‘lib, barcha jarayonlar qonunchilik doirasida va shaffof amalga oshirilishini ma’lum qilamiz.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

🎥 Video

🌱🌱🌱🌱🌱🌱

🌱 Sanoqli kunlardan so‘ng mamlakatimizning barcha hududlarida baraka urug‘larini qadash mavsumi qizg‘in pallaga kiradi.

🚜 O‘tgan yili mirishkorlarimiz Shinjon agrotexnologiyasi asosida ishlagan holda yuqori hosildorlikka erishdi — bu amaliy tajriba o‘z samarasini yaqqol namoyon etdi.

🔬 Bu yil esa olimlar yanada samarali, ilmiy asoslangan yangi texnologiyani taklif qilmoqda.

🎥 Batafsil — ushbu rolikda.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

📷 Photo

Issiqxonalar: zamonaviy yondashuv, innovatsiya va natija

📍 Qashqadaryo viloyati Qarshi tumanida joylashgan “Nasaf MMTP” hududida “Rashid Marxobo baraka” issiqxona xo‘jaligi tashkil etilgan.

🍓 Ushbu issiqxona zamonaviy agrotexnologiyalar asosida tashkil etilgan bo‘lib, Janubiy Koreyadan olib kelingan yuqori hosildor qulupnay navlari yetishtirilmoqda.

✅ Mahsulotlar gidroponika usulida parvarishlanayotgani suv va resurslardan samarali foydalanish, shuningdek, yuqori sifatli hosil olish imkonini bermoqda.

🚀 Zero, bunday yondashuv nafaqat hosildorlikni oshiradi, balki bozorbop va eksportbop mahsulot yetishtirish imkonini ham https://t.me/agrosanoat_uz

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

🎥 Video

Yevropa sari jiddiy qadam: O‘zbekiston Italiya bilan hamkorlikni kengaytirmoqda

✅ Bugungi kunda O‘zbekiston va Italiya o‘rtasida agrar sohada shakllanayotgan hamkorlik ikki mamlakat iqtisodiy aloqalarining eng istiqbolli va strategik yo‘nalishlaridan biri sifatida e’tirof etilmoqda.

📌So‘nggi yillarda o‘zaro siyosiy muloqotning faollashuvi hamda savdo-iqtisodiy aloqalarning izchil kengayib borayotgani ushbu hamkorlikni sifat jihatidan yangi bosqichga olib chiqmoqda.

📌 Poytaxtimizda bo‘lib o‘tgan “Italiya – Markaziy Osiyo (C5) + Ozarbayjon” xalqaro forumi esa agrar sohada o‘zaro hamkorlikni chuqurlashtirish, yangi investitsiya va texnologik loyihalarni shakllantirish uchun muhim siyosiy-iqtisodiy platforma vazifasini o‘tadi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

📷 Photo

🌾🌾🌾🌾🌾🌾

🌍 http://Euronews.com/ nashrida “Italiya – Markaziy Osiyo (C5) + Ozarbayjon” biznes forumi doirasida o‘tkazilgan muhim uchrashuv va muhokamalar haqida maqola e’lon qilindi. Unda global geosiyosiy vaziyat fonida Markaziy Osiyoda qishloq xo‘jaligi va oziq-ovqat xavfsizligi masalalarining dolzarbligi keng yoritilgan.

🎤 Maqola doirasida O‘zbekiston Respublikasi qishloq xo‘jaligi vaziri Ibrohim Abdurahmonov hamda Italiya Savdo agentligi prezidenti Matteo Zoppas bilan o‘tkazilgan intervyular ham o‘rin olgan. Ular forum davomida ikki tomonlama hamkorlik, investitsiyalarni kengaytirish va agrar sohada innovatsion yechimlarni joriy etish istiqbollari haqida fikr bildirdi.

📌 Ta’kidlanishicha, bugungi kunda global zanjirlar uzilishi va iqlim o‘zgarishlari Markaziy Osiyo mamlakatlarini qishloq xo‘jaligini modernizatsiya qilish hamda oziq-ovqat xavfsizligini mustahkamlash bo‘yicha yangi yondashuvlarni izlashga undamoqda.

🤝 Mazkur forum aynan shu yo‘nalishda mintaqaviy va xalqaro hamkorlikni kuchaytirish uchun muhim platforma bo‘lib xizmat qilmoqda.

💬 Maqolaning to‘liq matni bilan quyidagi havola orqali tanishishingiz mumkin:
https://www.euronews.com/business/2026/03/26/war-driven-disruptions-push-central-asia-to-rethink-agriculture-and-food-security

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

📷 Photo

Jizzaxda fermerlar malakasini oshirish kurslari o‘tkazildi

📌 Jizzax viloyati Mirzacho’l innovatsion qishloq xo‘jaligi “Azamat maktabi”da Andijon viloyatidan kelgan 60 nafardan ortiq fermer xo‘jaliklari rahbarlari uchun 40 soatlik maxsus o‘quv kurslari tashkil etildi.

📚 O‘quv jarayonlariga yuqori malakali professor-o‘qituvchilar hamda amaliyotchi mutaxassislar jalb etilib, ishtirokchilarga qishloq xo‘jaligida amalga oshirilayotgan islohotlar, ilmiy yondashuvlar asosida hosildorlikni oshirish, mavjud resurslardan samarali foydalanish masalalari bo‘yicha batafsil ma’lumotlar berildi.

✅ Shuningdek, paxta va g‘alla yetishtirishning zamonaviy usullari yuzasidan tavsiyalar taqdim etildi.

💬 Kurslar yakunida tinglovchilarga sertifikatlar topshirildi. Fermerlar egallagan bilim va ko‘nikmalarini amaliyotga joriy etishi belgilandi.

📌 Mazkur o‘quv kurslari qishloq xo‘jaligida samaradorlikni oshirish va ilg‘or tajribalarni keng joriy etishga xizmat qilishi kutilmoqda.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 30, 2026, 12:16 PM

[poll]

1,830

QISHLOQ XO'JALIGI VAZIRLIGI

Mar 30, 2026, 12:16 PM

📷 Photo

Paxtachilikda yangi bosqich: ilg‘or agrotexnologiyalar samaradorlikni oshirmoqda

🌱 Bugun Qishloq xo‘jaligi vaziri Ibrohim Abdurahmonov rahbarligida joriy ekish mavsumida ilg‘or agrotexnologiyalardan samarali foydalanish masalalariga bag‘ishlangan muhim yig‘ilish bo‘lib o‘tdi.

🎥 Video-konferens-aloqa shaklida tashkil etilgan yig‘ilishda Paxtachilik kengashi a’zolari, sohaviy tashkilotlar rahbarlari, hududiy boshqarmalar boshliqlari hamda markaziy apparat mas’ul xodimlari ishtirok etdi.

📌 Yig‘ilish avvalida o‘tgan mavsum natijalari tahlil qilinib, paxtachilikda Shinjon agrotexnologiyasining joriy etilishi yuqori samaradorlik bergani alohida qayd etildi. Shu bilan birga, mavjud yutuqlarni rivojlantirish va ilg‘or tajribalarni mahalliy sharoitlarga moslashtirish masalalari muhokama qilindi.

🗣 Vazir o‘z nutqida hududlarning iqlim xususiyatlarini inobatga olish, paxta navlarining tola uzunligi va sifat ko‘rsatkichlarini oshirish ustuvor vazifa ekanini ta’kidladi. Urug‘lik chigit ekish jarayonini ilmiy asosda tashkil etish muhimligi qayd etildi.

📌Xususan, shimoliy hududlarda paxtaning erta pishib yetilishini ta’minlash maqsadida ko‘k rangli plyonka ostiga ekish usulining afzalliklari ilmiy misollar bilan tushuntirildi. Shuningdek, qizil va yashil plyonkalar ostiga ekishning paxta tolasi uzunligi hamda hosildorlikka ijobiy ta’siri dalillar bilan asoslab berildi.

🌲 Yig‘ilish yakunida urug‘lik chigit ekish ishlarini yuqori saviyada tashkil etish, innovatsion agrotexnologiyalarni keng joriy qilish va buning uchun zarur shart-sharoitlarni yaratish yuzasidan mas’ullarga aniq topshiriqlar berildi.

✅ Mazkur chora-tadbirlar paxtachilikda hosildorlikni oshirish, mahsulot sifatini yaxshilash hamda tarmoqning raqobatbardoshligini kuchaytirishga xizmat qilishi kutilmoqda.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

📷 Photo

🌱🌱🌱🌱🌱

Surxondaryolik mirishkorlar respublikada birinchi

🇺🇿Surxondaryoning qulay iqlim sharoiti va unumdor tuproqlarida mehnat qilayotgan mirishkor dehqonlarimiz har yili qishloq xo‘jaligi mahsulotlarini yurtimiz bozorlariga birinchilardan bo‘lib yetkazib kelmoqda. Joriy yilda ham Muzrabot tumani dehqonlari aholining asosiy oziq-ovqat mahsulotlaridan biri bo‘lgan piyoz hosilini yig‘ib olishni boshladi.

🧅 Jumladan, "Mehnatobod" mahallasida "Bir mahalla — bir mahsulot" tamoyili asosida piyoz yetishtirish tizimli yo‘lga qo‘yilgan. Ayni paytda pishib yetilgan mahsulotlar ichki bozorlarga chiqarilib, eksportga ham yo‘naltirilmoqda.

👥Mahallada jami 855 ta xonadon mavjud bo‘lib, ularning qariyb 95 foizi piyoz yetishtirish bilan shug‘ullanadi.

📈Tajribali dehqonlardan biri Xoliqnazar Boymatov tomonidan 20 sotix yer maydonida piyoz yetishtirildi. Joriy mavsumda 30 tonnagacha hosil olish rejalashtirilgan bo‘lib, hisob-kitobga ko‘ra, 100 million so‘mgacha daromad olish kutilmoqda.

✅Ayni kunlarda mahallada piyoz yig‘im-terimi qizg‘in pallaga kirgan. Yetishtirilgan mahsulotlar bosqichma-bosqich ichki va tashqi bozorlarga yetkazib https://t.me/axborot_xizmati

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

🎥 Video

Qirliklarda yangi hayot boshlanmoqda

📍 Namangan viloyati Pop tumanida Qishloq xo‘jaligi vazirligi huzuridagi Agrosanoatni rivojlantirish agentligi tashabbusi bilan hamda O‘zbekiston Respublikasi Kambag‘allikni qisqartirish va bandlik vazirligi bilan hamkorlikda zamonaviy, sanoatlashgan, intensiv bog‘ barpo etilmoqda.

🌳Mazkur bog‘da o‘rik, shaftoli, gilos ko‘chatlarining yangi, eksportbop navlari ekilmoqda.

✅ Ushbu amalga oshirilayotgan loyihalar hududning meva eksport salohiyatini oshirishga hamda yangi ish o'rinlarini yaratishga https://t.me/agrosanoat_uz

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

📷 Photo

Kasbiy ma’rifat soati: KPI tahlili, xalqaro hamkorlik va huquqiy axborot masalalari muhokama qilindi

🌱Bugun Qishloq xo‘jaligi vazirligida rahbar xodimlarning bilim va malakalarini oshirishga qaratilgan navbatdagi “Kasbiy ma’rifat soati” tashkil etildi.

📊Tadbir davomida vazir hamda vazir o‘rinbosarlarining 2025-yil yakunlari bo‘yicha KPI tizimidagi faoliyat samaradorligi tahlil qilinib, 2026-yilning I choragi prognoz ko‘rsatkichlarini bajarish jarayonida yo‘l qo‘yilgan kamchiliklar muhokama qilindi hamda ularni bartaraf etish yuzasidan tezkor choralar belgilandi.

🎤 Shuningdek, Qishloq xo‘jaligini rivojlantirish strategiyasini amalga oshirish va innovatsiyalarni joriy etish yo‘nalishida olib borilayotgan ishlar yuzasidan taqdimot o‘tkazildi. Unda “Italiya – Markaziy Osiyo (C5) + Ozarbayjon” xalqaro forumi doirasida amalga oshirilgan ishlar haqida batafsil ma’lumot berildi.

💻Yuridik ta’minlash yo‘nalishida esa huquqiy axborotni proaktiv shaklda yetkazish tizimi samaradorligini oshirish, jumladan, Prezidentning PF-160-son Farmonida belgilangan vazifalarni samarali tashkil etish hamda huquqiy axborot tarqatishning yangi mexanizmlari yuzasidan ma’ruza qilindi.

ℹ️Muhokamalar jarayonida har uchala yo‘nalish bo‘yicha mavjud muammolar tahlil qilinib, ularni bartaraf etish, tizimli yondashuvni kuchaytirish va natijadorlikni oshirish bo‘yicha aniq vazifalar belgilandi.

💬 Tadbir yakunida ishtirokchilar bilan ochiq muloqot o‘tkazilib, KPI ijrosini ta’minlash, xalqaro hamkorlikni kengaytirish hamda huquqiy axborot tizimini takomillashtirish yuzasidan fikr va takliflar bildirildi.

✅Mazkur kasbiy ma’rifat soati rahbar xodimlarning mas’uliyatini oshirish, mavjud kamchiliklarni tezkor bartaraf etish hamda boshqaruv samaradorligini yanada kuchaytirishda muhim ahamiyat kasb etadi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

🎥 Video

Subsidiyalar hisoblash tizimi takomillashtirildi: jarayonlar to‘liq raqamlashtirilmoqda

ℹIste’mol qilinadigan elektr energiyasi xarajatlarini qoplash uchun ajratiladigan subsidiya miqdorini hisoblash hamda uni ajratish jarayonlarida shaffoflikni ta’minlash bo‘yicha amaldagi tartib tubdan takomillashtirilmoqda.

💻Joriy yildan boshlab, subsidiya mablag‘lari Agroportal orqali avtomatik tarzda hisoblanib, iste’molchilarga oyma-oy ravishda to‘lab berilishi yo‘lga qo‘yildi.

🖥 Hozirgi kunda subsidiya mablag‘larini hisoblash jarayonida iste’molchilarga tegishli nasos agregatlari, sug‘orish quduqlari hamda ular tomonidan joriy etilgan suv tejovchi texnologiyalar haqidagi ma’lumotlarni kiritish imkoniyati yaratildi. Ushbu ma’lumotlar tuman “Suv yetkazib berish xizmati” davlat muassasalari tomonidan "CROP AGRO" axborot tizimiga kiritiladi.

🎞Ma’lumotlarni kiritish jarayonini yuqoridagi videorolik asosida amalga oshirish tavsiya etiladi.

✅Buning uchun tuman “Suv yetkazib berish xizmati” davlat muassasasi xodimlari "CROP AGRO" axborot portaliga o‘zlarining elektron raqamli imzosi orqali kirib, iste’molchilarga oid ma’lumotlarni har bir kontur kesimida alohida tarzda kiritadilar.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

📷 Photo

Tuproq orqali yuqadigan kasalliklar. Ular qanday rivojlanadi?

🦠Tuproqda yashovchi patogenlar orqali ekinlarning ildizi yoki poyasidan kelib chiqadigan kasalliklar keyingi yillarda ortib bormoqda. Bunga sklerotiniya, pufakchali yumshoq rot, kanola, ildiz chirishi, pomidor, qalampir bakterial yarasi kabi kasalliklar kiradi.

Kasallikning sabablari:

➖ Ekinlarni ketma-ket ekish davrida tegishli mikroblarning bir qismi yillar davomida ko‘payib, tuproqda to‘planib borishi natijasida;

➖ Ko‘chatlarni ekilgan paytda sterilizatsiya qilish va tuproqqa ishlov vaqtida beparvo yondashuvlar natijasida;

➖ O‘g‘it va suvni noto‘g‘ri boshqarish natijasida. Ko‘p miqdordagi kimyoviy o‘g‘itlar, ayniqsa azotli o‘g‘itlar, fuzariozlar, vertitsillyoz vilt va rizoktoniyalar tuproqda bakteriyalar ortishi va tuproq orqali yuqadigan kasalliklarning paydo bo‘lishini kuchaytiradi.

❗️Noto‘g‘ri profilaktika ham muammoli vaziyatni keltirishi mumkin. Iildizlaridagi turli kasalliklarni samarali davolash uchun to‘g‘ri tanlovni amalga oshirish zarur.

❗️Aks holda, eng yaxshi profilaktika davri o‘tkazib yuborilsa, tiklanish qiyin. Shu bilan birga, o‘simlikdagi parazit nematodalar ham ildizlarda yaralarni keltirib chiqaradi.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

QISHLOQ XO'JALIGI VAZIRLIGI

Mar 27, 2026, 05:10 PM

🎥 Video

"AgroWorld Uzbekistan – 2026"— agrar sohada yangi imkoniyatlar maydoni!

✅ Poytaxtimizdagi "O‘zekspomarkaz" majmuasida bo‘lib o‘tayotgan xalqaro ko‘rgazma agrar soha vakillarini bir maydonda jamlab, zamonaviy texnologiyalar va innovatsion yechimlarni namoyish etmoqda, ishtirokchilarga esa yangi hamkorlar topish, biznes aloqalarini kengaytirish hamda ishlab chiqaruvchilar bilan to‘g‘ridan-to‘g‘ri muzokaralar olib borish imkonini bermoqda.

🌐 https://gov.uz/agro/ 💬 💬 https://www.facebook.com/agrouzbekistan 📺 https://www.youtube.com/channel/UCyNJPOK19dl0ekedbTf_pfg 📷 https://www.instagram.com/uzagroministry/

Showing 30 of 30 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Before criticizing someone, examine your conscience and analyze the situation from ALL possible points of views

540

Rape is synonym of trashing criminal all human rights, many traumas & suicide. It's time to sentence rapers as indirect homicide

440

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

2.1k0

Against discrimination of Islam / Muslims who don't commit crimes! Islamic religion is doing crime, but not all muslims!

540

Loading recommended channels...

QISHLOQ XO'JALIGI VAZIRLIGI

QISHLOQ XO'JALIGI VAZIRLIGI

Ranking

Participant Growth (Last 12 Days)

Latest Posts

Rating

User Reviews (0)

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

User Reviews (0)

Latest Posts