TIKVAH-ETH

Public

View Channel

115

334

Can't Join? @tikfahethiopia

6.2k Members

Updated: May 16, 2026 at 11:39 PM

TIKVAH-ETH

@tikfahethiopia is a growing community focused on Religion and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 6.2K

24h growth: +0 0%

Latest Posts

TIKVAH-ETH

May 20, 2026, 06:11 PM

የ12ኛ ክፍል ፈተና የሚሰጥበት ቀን ይፋ ሆነ።

የሁለተኛ ደረጃ ትምህርት ማጠናቀቂያ ሠርተፊኬት (12ኛ ክፍል ፈተና) ከሰኔ 24 እስከ ሃምሌ 17 ቀን 2018 ዓ/ም ድረስ እንደሚሰጥ የትምህርት ምዘናና ፈተናዎች አገልግሎት አሳውቋል።

በሌላ በኩል ፦

- የሬሜዲያል ፕሮግራም ሀገር አቀፍ ፈተና ከግንቦት 17 እስከ ግንቦት 20 ቀን 2018 ዓ/ም

- የቅድመ ምረቃ ትምህርት መውጫ ፈተና ከሰኔ 2 እስከ ሰኔ 12 ቀን 2018 ዓ/ም

- የድህረ ምረቃ ትምህርት መግቢያ ፈተና (NGAT) ከሃምሌ 29 እስከ ሃምሌ 30 ቀን 2018 ዓ/ም

- የመሰረታዊ የንባብና የስሌት ክህሎት ምዘና ጥናትና ምርምር መረጃ መሰብሰብ ከሚያዚያ 26 እስከ ግንቦት 7 ቀን 2018 ዓ/ም ይሰጣል።

3,670

TIKVAH-ETH

May 20, 2026, 06:11 PM

" በተኩሱ የዘጠኝ ሰዎች ህይወት ጠፍቷል። ሁለት ሰዎች ደግሞ ቆስለዋል። ቡለን ላይም ሁለት ሰዎች ተገድለዋል " - የክልሉ ምክር ቤት አባል

በቤንሻንጉል ጉሙዝ ክልል መተከል ዞን ግለገል በለስ እና ቡለን ወረዳዎች ታጣቂዎች በከፈቱት ተኩስ በቀናት ውስጥ የ11 ሰዎች ህይወት ሲያልፍ፣ ሁለት ሰዎች ደግሞ አካላዊ ጉዳት እንደደረሰባቸው የክልሉ ምክር ቤት አባል አቶ ለሜሳ ኔኖ ለቲክቫህ ኢትዮጵያ ገልጸዋል።

በግልገል በለስ ከተማ ትናንት ታጣቂዎች በከፈቱት ተኩስ ሳቢያ፣ "የዘጠኝ ሰዎች ህይወት ጠፍቷል። ሁለት ሰዎች ቆስለዋል" ሲሉ ገልጸው፣ በአጠቃላይ 11 ሰዎች ላይ ሞትና የአካል ጉዳት መድረሱን ተናግረዋል።

በተያያዘ፣ በመተከል ዞን ቡለን ወረዳ ከቀናት በፊት "ሁለት ሰዎች ተገድለዋል" ሲሉም በዞኑ የታጣቂዎች ጥቃት መደጋገሙን አስረድተዋል። በዚህም በአጠቃላይ በሁለቱ ወረዳዎች ባለፉት አራት ቀናት ብቻ 11 ሰዎች ሲገደሉ ሁለት ደግሞ ቆስለዋል።

ትናንት ግልገል በለስ ላይ የሰው ህይወት የቀጠፈው የተኩስ ልውውጡ የነበረው፣ "ግልገል በለስ ከተማ ማረሚያ ሰፈር አካባቢ ነው። እዚያው ከተማው ላይ ነው" ሲሉ አቶ ለሜሳ ለቲክቫህ ኢትዮጵያ ተናግረዋል።

ይህንኑ ተኩስ የከፈተው ማን እንደሆነ ሲያስረዱ ደግሞ፣ "ጥቃት አድራሹ አቶ መኩሪያ በሚባል ሰው የሚመራ ኃይል ነው። አቶ መኩሪያ ማለት ከዚህ በፊት የጉሙዝ ህዝብ ታጣቂ ነበር፤ ከሰላም ጥሪ አፈንግጦ ወደ ጫካ የተመለሰ ሰው ነው" ብለዋል።

ይህን ማረጋገጥ ተችሏል? በሚል ስንጠይቃቸው የምክር ቤት አባሉ፣ "አዎ ተረጋግጧል። የእርሱ ትውልድ ቦታም እዚያው ግልገል በለስ ነው። የተኩሱ አላማ ማረሚያ ቤቱ ላይ ጥቃት ማድረስ ነው" በማለት የጥቃቱ አላማ እስረኛ ሳይሆን እንዳልቀረ ገልጸዋል።

ከሟቾቹ መካከል ቄራ አገልግሎት ለማግኘት የሄዱ ንጹሐን እንደሚገኙበት በመግለጽ፣ ከዚህ ቀደምም ዳንጉርና ፓዊ አካባቢ ተመሳሳይ ጥቃት መድረሱን፣ የአሁኑ ጥቃት ለሦስተኛ ጊዜ የደረሰ መሆኑን ገልጸዋል።

እንዲሁም፣ "ቡለን ጎዶራሬ ላይም ከመከላከያ ጋር ተጋጭተው ሁለት ሰዎች ተገድለዋል፤ ጥቃቱ ዛሬ አራተኛ ቀኑ ነው። ይህን ያደረገው ደግሞ ኦነግ 'ሸኔ' ነው" በማለትም ለቲክቫህ ኢትዮጵያ ተናግረዋል።

በዞኑ መሰል ጥቃቶች የተደጋገሙ ሲሆን፣ የምክር ቤት አባሉ መፍትሄ ሀሳቡን በተመለከተ በአካባቢው "በተጠናከረ" የመንግስት የጸጥታ ኃይል ዘላቂ ጥበቃ ማድረግ፣ ጥቃት አድራሾቹ ላይ "ዘላቂ እርምጃ" መውሰድ መሆኑን አስረድተዋል።

ቲክቫህ ኢትዮጵያ፣ ተጨማሪ የአካባቢውን የጸጥታ አካላት ምላሽ ለማካተት ጥረት ቢያደርግም ያልተሳካ ሲሆን፣ ከቦታው እየወጡ ያሉ መረጃዎች ግን የተኩስ ጥቃቱ መፈጸሙን ጠቁመዋል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

4,140

TIKVAH-ETH

May 20, 2026, 06:11 PM

#Axum

" ጁምአ ተከልክለዋል። የችግሩ መነሻ ማይክራፎን ነው " - ምክር ቤቱ

በትግራይ ክልል አክሱም ከተማ ሰሞኑን የተስተዋለውን የህዝበ ሙስሊሙ ጥቃት እና "የጁምአ ተከለከልን" ቅሬታ በተመለከተ ትላንት በከተማው ስብስባ እንደነበር ቲክቫህ ኢትዮጵያ ከትግራይ እስልምና ጉዳዮች ከፍተኛ ምክር ቤት ገለጻ ተረድቷል።

ይሁን እንጂ በስብሰባው እንዳልተሳተፈ ምክር ቤቱ ገልጿል።

በእክሱም ከተማ ተካሄደ በተባለው ስብሰባ፣ " በትምህርት ቤቶች ሂጃብ መልበስ፣ ለዘመናት ሲሰራበት የነበረው የጁምዓ ሶላት በ'ሹቅ መስጊድ' እንዳይሰገድ መታገዱን " ደግሞ ሀሩን ሚዲያ ዘግቧል።

እንዲሁም፣ " በከተማዋ በኪራይ ቤቶች ላይ የሚገኙ መስጊዶች በሙሉ እንዲዘጉ ታዟል" ያለው ዘገባው፣ " የአዛን ጥሪ በድምጽ ማጉያ (ስፒከር) መጠቀም ፍጹም መከልከሉ" ም ጠቅሷል።

ቲክቫህ ኢትዮጵያም፣ በተለይ ከሰሞኑ በአክሱም ከተማ ያሉ የእስልምና እምነት ተከታዮች እያቀረቡት ያለውን ቅሬታ ከምን እንደደረሰ የትግራይ ክልል እስልምና ጉዳዮች ከፍተኛ ምክር ቤትን ማብራሪያ ጠይቋል።

በዚህም አንድ የምክር ቤቱ አመራር በሰጡት ምላሽ፣ " ትላንት ራሳቸው የወሰኑት አለ እነርሱ (የአክሱም ከተማ አካላት ማለታቸው ነው) ' ራሳችን ነው የምንጨርሰው ' " የሚል ሀሳብ አላቸው ሲል በደፈናው ገልጿል።

" 'ራሳችን ነው የምንጨርሰው ሌላ ሰው አያስፈልገንም' ብለው ስለተናገሩ እኛ መናገራችን ወደሌላ ብጥብጥ ማስገባት ነው " ሲሉ እኝሁ አመራር የገለጹ ሲሆን፣ ማናቸው እንደዛ ያሉት ? ስንላቸው፣ " ፖሊስም፣ የከተማ አስተዳደሩም አብረው ተሰብስበው እንደዛ እያሉ ዋሉ " ሲሉ መልሰዋል።

ትላንት በአክሱም ጉዳዩን የተመለከተ ስብሰባ እንደነበርም አመራሩ አረጋግጠዋል።

ታዲያ በስብሰባው ተገኝታችሁ ነበር ? ጉዳዩን በተመለከተ ምክር ቤታችሁ ማለት የሚፈልገው ምንድን ነው ? በሚል ስንጠይቃቸውም፣ " አልተጠራንም። እነርሱ ሪፖርት ሳያደርጉ መናገሩ ዝም ብሎ የመንደር ክርክር ይሆናል። 'ከእነርሱ አንሆንም' የሚል አላቸው፤ ባለፈው ጥሩ ነበር የአሁኑ ግን አስቸጋሪ ነው፤ ያወጡት መግለጫ መጥፎ ነው " ብለዋል።

በባለፈው ክስተት የተጎዱትን በተመለከተ በእናንተ በኩል ያደረጋችሁት ክትትል የለም ?  ሲል ቲክቫህ ኢትዮጵያ ላቀረበላቸው ጥያቄ ደግሞ፣ " ደብዳቤ ፅፈናል። መግለጫ አውጥተናል " ሲሉ መልሰዋል።

ታዲያ ምን ያክል ሰዎች ናቸው ባለፈው በነበረው ጥቃት የተጎዱት ? ስንል ላቀብነው ጥያቄም፣ " የተመቱት ጠቅላላ 11 ናቸው። ከሆስፒቲል እስካሁን ያልወጡ 2 ናቸው። አራት በጣም ከባድ ጉዳት የደረሰባቸው ናቸው " የሚል ምላሽ ሰጥተዋል።

ከሰሞንኛው ጥቃት ወዲህም ህዝበ ሙስሊሙ " ጁምአ ተከለከልን " የሚል ቅሬታ ቀርቧል፣ ተመልከታችሁታል ? የሰሞንኛው ጥቃት መነሻ ምንድን ነው? ለሚለው ጥያቄ፣ የምክር ቤቱ አመራር፣ " አዎ። ጁምአ ተከልክለዋል። የችግሩ መነሻ ማይክራፎን ነው። የድምፅ ጉዳይ ነው ችግሩ መነሻ፤ ድምፁ ይረብሻል በሚል ነው " ብለዋል።

ቲክቫህ ኢትዮጵም፣ በአክሱም የሚገኙ ህዝበ ሙስሊሞች "ጁምአ ተከለከልን" እያሉ ነው፤ ከዛ በፊትም የጸጥታ ችግር ተፈጥሮ ጉዳት መድረሱ ይታወቃል፤ ጉባዔው ጉዳዩ እንዲረግብ በምን መልኩ እያየው ነው ? ሲል ከኢትዮጵያ ሃይማኖት ተቋማት ጉባዔ አንድ አመራርን ጠይቋል።

" እንደ ጉባዔ ቁጭ ብለን አልተወያየንበትም። እንደ ተቋም አልተነጋገርንበትም፤ አጀንዳም ሆኖ አልቀረበም። ግን በተለያዩ መድረኮች ይነሳሉ። በመድረኮች የሚነሱት በህግ አግባብ እንዲፈቱ ጉባዔው በሰላም ጉዳይ ላይ ለሰላም ይሰራል " ብለዋል።

" የኛ መዋቅር እዚያ (ትግራይ) የለም። ሙሉ በሙሉ ፈርሷል ማለት ትችላለህ። ቤተ እምነቶቹ ሊኖሩ ይችላሉ ነገር ግን ከኛ ጋር ያለው ኮኔክሽን የለም " ሲሉ ተናግረዋል።

አመራሩ፣ " እኛ የተለመደው አሰራራችን፣ የሆነ ችግር ክልል ላይ ሲፈጠር የክልል መዋቅሮቻችን ሂደው ፈትተው ሪፖርት እንዲያደርጉልን እንጠብቃለን፤ ከዚያ ተነስተን መግለጫ የማውጣት፣ በአካል ሂዶ የመስራት ነው " ሲሉ አክለዋል።

" አጀንዳ ሆኖ እንደ ጉባዔ እስካሁን አልተወያየንበትም። ከየትኛውም መጂሊስም ይሁን ከሚመለከተው አካል በጉዳዩ እንድንወያይ የቀረበልን አጀንዳ የለም። ዞሮ ዞሮ ግን ጉዳዩ በጥልቀተና በቅርበት እየተከታተልነው ነው። የሚወሰን ካለ የምናሳውቅ ይሆናል " ብለዋል።

ቲክቫህ ኢትዮጵያ
አዲስ አበባ
ሚያዚያ 13 ቀን 2018 ዓ/ም

TIKVAH-ETH

May 20, 2026, 06:11 PM

በአንጋፋው ድምጻዊ ቴዎድሮስ ካሳሁን (ቴዲ አፍሮ) ላይ እየደረሰ ያለው ጫና እና ወከባ ህግን በጣሰ መልኩ ይበልጥ አደገኛ እርምጃ ወዳለበት ደረጃ መሸጋገሩ ተጋለጠ።

የፌዴራል ፖሊስ የደንብ ልብስ የለበሱ፣ መሳሪያ የታጠቁ እና በፌዴራል ፖሊስ ተሽከርካሪ የመጡ ታጣቂዎች፣ ሲኤምሲ አካባቢ የሚገኘውን የቴዲ አፍሮ የግል ስቱዲዮ እና ቢሮ በኃይል ሰብረው መግባታቸውን የዓይን እማኞች እና የቅርብ ምንጮች አረጋግጠዋል።

ይህ ህገ-ወጥ የኃይል እርምጃ የተፈጸመው ከምሽቱ 3፡00 ሰዓት አካባቢ መሆኑ የታወቀ ሲሆን፣ ታጣቂዎቹ ወደ ስቱዲዮው ጥሶ ለመግባት የህንጻውን ጥበቃ (ዘበኛ) በከፍተኛ ሁኔታ መደብደባቸው ተገልጿል።

የህግ አስከባሪ አካላት መደበኛውን የህግ አግባብ እና የፍርድ ቤት የብርበራ ትዕዛዝ ወደ ጎን በመተው፣ በምሽት የዜጎችን የስራ ቦታ እና የግል ንብረት በኃይል መስበራቸው የሀገሪቱን የፍትህ ስርዓት እና የዜጎችን ደህንነት ክፉኛ ጥያቄ ውስጥ የሚከት ድርጊት ሆኗል።

ከዚህ የኃይል እርምጃ ባሻገር የጉዳዩን አሳሳቢነት እጅግ ከፍ የሚያደርገው የተሰበረው ቢሮ ይዘት እና የተወሰዱት ንብረቶች ጉዳይ ነው።

ይህ ስቱዲዮ ቴዲ አፍሮ እንደ ዋና ቢሮ የሚጠቀምበት፣ የፈጠራ ስራዎቹን የሚያዘጋጅበት፣ ለህዝብ ጆሮ ያልደረሱ አዳዲስ የሙዚቃ ስራዎቹ እና ግጥሞቹ የሚገኙበት፣ እንዲሁም አዳዲስ ሀሳቦቹን የሚጽፍበት እጅግ ሚስጥራዊ እና ጥብቅ የጥበብ ማህደር ነው።

በስፍራው በርካታ እና ውድ የሆኑ አዕምሯዊ ንብረቶች የሚገኙ ሲሆን፣ አሁን በወጡ አዳዲስ መረጃዎች መሰረት ሰብረው የገቡት የፖሊስ አባላት ከስቱዲዮው ውስጥ ሁለት ላፕቶፖችን፣ ስፒከሮችን፣ የሙዚቃ ማቀናበሪያ መሳሪያዎችን እንዲሁም የተለያዩ የስቱዲዮ እቃዎችን ወስደዋል።

3,270

TIKVAH-ETH

May 20, 2026, 06:11 PM

#Peace🕊

በእስራኤል እና ሊባኖስ መካከል በአሜሪካ አማካኝነት የአስር ቀን የተኩስ አቁም ተደርሶ ከእኩለ ለሊት ጀምሮ ተግባራዊ መሆን ጀምሯል።

የአሜሪካው ፕሬዚዳንት ዶናልድ ትራምፕ ስምምነቱ ለአስር ቀን ብቻ የተደረሰ ቢሆንም ሊራዘም እንደሚችል ጠቁመዋል።

የእስራኤል ጠቅላይ ሚኒስትር ቤንያሚን ኔታንያሁ ከሊባኖስ ጋር " ታሪካዊ የሰላም ስምምነት " ዕድልን ይፈጥራል ብለዋል።

በኢራን የሚደገፈው ሄዝቦላህ የተኩስ አቁሙን እንደሚያከብር ጠቅሶ በኋላ ላይ " በሁሉም የሊባኖስ ግዛቶች የተሟላ ጥቃቶችን ማቆም " እንዲያካትት እና " የእስራኤል ጦር በነጻነት እንዳይንቀሳቀስ " ጠይቋል።

ኔታንያሁ ጦራቸው በደቡባዊ ሊባኖስ ውስጥ 10 ኪሜ ያህል ዘልቆ በመግባት " የደህንነት ቀጣና " ውስጥ እንደሚቆዩ የተናገሩ ሲሆን ይህ ግን ከሄዝቦላህ ፍላጎት ውጭ ነው።

አሜሪካ የሊባኖስ መንግሥት ሄዝቦላህ እስራኤል ላይ ጥቃት እንዳይፈጽም ለማድረግ " ተጨባጭ እርምጃዎችን መውሰድ " ይኖርበታል ብሏል።

ሄዝቦላህ እስራኤል "ክህደት" ከፈጸመች "ጣቴ ቃታ ላይ ነው " ሲሉ አስጠንቅቋል።

ስምምነቱን ተከትሎ ጦርነት ሸሽተው የወጡ ሊባኖሳውያን ወደ ቄያቸው እየተመለሱ ነው።

መረጃው የቢቢሲ ነው።

4,000

TIKVAH-ETH

May 20, 2026, 06:11 PM

📷 Photo

ሰበር  መረጃ‼️
የሆርሙዝ ሰርጥ ሙሉ ለሙሉ መከፈቱን የኢራኑ ውጭ ጉዳይ ሚንስትር አባስ አራክቺ ይፋ አደረጉ። ኢራን ለሁሉም ሰርጡን ክፍት አድርጋለች።
ኢራን የሆርሙዝ ሰርጥን ሙሉ ለሙሉ በመክፈቷ ዶናልድ ትራምፕ በትሩዝ ሶሻል ገፃቸው ላይ ምስጋና አቅርበዋል።

4,380

TIKVAH-ETH

May 20, 2026, 06:11 PM

የሆርሙዝ ሰርጥ ድጋሚ ተዘጋ።

የኢራን ጦር የሆርሙዝ ሰርጥን ዳግም መቆጣጠር እንደጀመረ ተዘገበ።

ፋርስ የዜና ወኪል፣ የኢራን የተማሪዎች ዜና ወኪል እንዲሁም ብሔራዊ መገናኛ ብዙኃኑ ኢሪብ አብዮታዊ ዘቡን ጠቅሰው የሰርስቱ አካባቢን ጦሩ ተቆጣጥሮ " በቀደመ ሁኔታው ላይ "መመለሱን ዘግበዋል።

የተወሰኑ የጭነት መርከቦች በሰርጡ በኩል ማለፍ ችለው ነበር።

አብዮታዊ ዘቡ በመግለጫው አሜሪካን " በባሕር ላይ ውንብድና " ወንጅሎ " እገዳ የምትለው " ከባሕር ላይ ዘረፋ አይተናነስም ብሏል።

ኢራን ቀደም ሲል ወደቦቿ ተዘግተው የሚቆዩ ከሆነ ሰርጡን እንደምትዘጋ ዝታ ነበር።

የሆርሙዝ ሰርጥ በኢራን በስተደቡብ የሚገኝ ጠባብ መተላለፊያ ሲሆን የዓለም 20 በመቶ ነዳጅ እና የተፈጥሮ ጋዝ ይጓጓዝበታል።

ኢረን ከአሜሪካ ያደረገችው ድርድር ያለ ስምምነት መጠናቀቁን ተከትሎ የአሜሪካ ጦር ወደ ኢራን ወደቦች መርከቦች እንዳይገቡ እና እንዳይወጡ ለማድረግ እገዳ ጥሏል።

የኢራን ከፍተኛ ባለሥልጣናት ግን እገዳው ካልተነሳ ሆርሙዝን እንደሚዘጉ ሲያስጠነቅቁ መቆየታቸውን ቢቢሲ ዘግቧል።

ሚያዚያ 10 ቀን 2018 ዓ/ም

3,660

TIKVAH-ETH

May 20, 2026, 06:11 PM

📷 Photo

ሰበር!!

አዲሱ የቴዲ አልበም በሰዓታት ውስጥ በዓለም አቀፍ ደረጃ በከፍተኛ ሁኔታ በመታየት ላይ ያሉ የሙዚቃ ቪዲዮዎች ሰንጠረዥ 2ኛ ደረጃን ይዟል።

3,460

TIKVAH-ETH

May 20, 2026, 06:11 PM

📷 Photo

የኢራን የበላይ መሪ በሕይወት ቢኖሩም "ቆስለዋል" ተባለ

አዲሱ የኢራን የበላይ መሪ አያቶላ ሞጅታባ ኻሜኒ በሕይወት ቢኖሩም “ቆስለዋል እንዲሁም አካላቸው ተጎድቷል" ሲሉ የአሜሪካ መከላከያ ሚኒስትር ፒት ሄግሴዝ ስለ ኢራን ጦርነት ወቅታዊ መረጃ ሲሰጡ ተናግረዋል።

የቀድሞው የበላይ መሪ የአያቶላ አሊ ኻሜኒ ልጅ ሞጅታባ ኻሜኒ፥ከኢራን ጋር ጦርነት እንዲቀሰቀስ ምክንያት በሆነው የመጀመሪያው የአሜሪካ እና እስራኤል ጥቃት መቁሰላቸው ተዘግቧል።

ይኸው ጥቃት አዛውንቱን ኻሜኒን የገደለ ሲሆን፥ የአዲሱን የበላይ መሪ ባለቤት እና በርካታ የቤተሰብ አባላትንም ሳይገድል እንዳልቀረ ይነገራል።

ሞጅታባ ኻሜኒ ከዚያ ጊዜ ጀምሮ በአደባባይ ያልታዩ ሲሆን፥ ስለ ጤና ሁኔታቸው የሚወጡ ዘገባዎችም የተለያዩ ናቸው።

ሄግሴዝ ስለ መሪው ሁኔታ ከጋዜጠኞች ለቀረበላቸው ጥያቄ ሲመልሱ፥“አሁን ላይ ከእርሳቸው ብዙም የሚሰማ ነገር የለም ይህም የሚጠበቅ ነው። ከፍተኛ ፍርሃት አለ። በሕይወት እንዳሉ ቢታመንም፣ ቆስለዋል እንዲሁም አካላቸው ተጎድቷል። ሁኔታው ያው ነው” ብለዋል።

ሄግሴዝ ባለፈው መጋቢት ወር ላይ እንደተናገሩት፥አዲሱ የኢራን የበላይ መሪ በጦርነቱ መጀመሪያ ላይ በደረሰባቸው ጉዳት ምክንያት በመፍራት፣ በመቁሰል እና በመሸሸግ ላይ እንደሚገኙ ገልጸው ነበር።

3,630

TIKVAH-ETH

May 20, 2026, 06:11 PM

#ኢትዮሪካ

አርቲስት ቴዎድሮስ ካሳሁን (ቴዲ አፍሮ) ከ9 ዓመታት በኋላ " ኢትዮሪካ " የተሰኘ የዘፈን አልበሙን በዛሬው ዕለት ለአድማጮች አድናቂዎቹ አቀረበ።

ከዚህ ቀደም አቡጊዳ ፣ ያስተሰርያል ፣ ጥቁር ሰው ፣ ኢትዮጵያ የተሰኙ አልበሞችን ያቀረበው ቴዲ አፍሮ በስራዎቹ ማሕበራዊ ፣ ፖለቲካዊ ፣ ሀገራዊ ጉዳዮችን ስለሚዳስስ አድናቂዎቹ በጉጉት ነው የሚጠብቁት።

በተለይም በ1997 ዓ/ም ያቀረበው " ያስተሰርያል " የተሰኘው አልበም የህዝብ ልብ ውስጥ ገብቶ እንዲቀር አድርጎታል።

በአልበም ይሁን በነጠላ ዜማዎቹ የሚመርጣቸው ርዕሶች ፤ ከምንም በላይ የዜማ እና የግጥም መድረስ ችሎታውን ብዙዎች ያደንቁለታል።

አሁን በአዲሱ አልበም ምንይዞ መጣ ?

ቴዲ አፍሮ በአዲሱ " ኢትዮሪካ " በተሰኘው አልበሙ 18 ዘፈኖችን ይዞ መጥቷል። በነዚህም ስለ ኢትዮጵያ ፤ ስለ ሀገር አንድነት ፣ ስለ ፍቅር ፣ ስለ ማህበራዊ ጉዳዮች ፣ ስለ ፍቅር፣ ስለ መዋደድ ዳሷል። ' ኢትዮሪካ ' በሚልም ስለ አፍሪካ አቀንቅኗል።

በአልበሙ ውስጥ ፦
- ዳስ ጣል
- ኢትዮሪካ
- ሳምነው
- ተወዳጅ
- ስምምነን
- ጽዮን ሙሽራዬ
- ቲንታንጎ
- የማዕረግ ጥግ
- ሺ ቢባል
- ታየኝ
- በመስኮቱ
- ብልጭታ
- የአዞ አምባ
- ዝ ፀዳል
- መሬማ
- መርከብ
- ስማ እራሴ
- ጀምበር ... የተሰኙ ዘፈኖች ነው የተካተቱበት።

ከነዚህ ዘፈኖች መካከልም ' የአዞ አምባ ' የሚለው ዘፈኑን " በተለያዩ ከሀገሪቱ ክፍሎች በማንነታቸው ብቻ ተለይተው በግፍ ለተገደሉ ንፁሃን ወገኖች እንዲሁም ከቄያቸው ለተፈናቀሉ ፣ የአካልና የስነልቦና ጉዳት ለደረሰባቸው ኢትዮጵያውያን " መታሰቢያነት አድርጓል።

' ዳስ ጣል ' በተሰኘው ዘፈኑ በዚህ ዘመን ጀግኖች አርበኞች ያቆዩት" ኢትዮጵያዊነት " ስለመገፋቱ ፤ አምኖ ስለ መከዳቱ እንዲሁም በፍቅር ከዳር እስከዳር የተጠራው አሁን ከመሃል ወደ ዳር መውጣቱን ከዚህ ባለፈም " አረንጓዴ ፣ ቢጫ፣ ቀይ " ባንዲራ መሬት ላይ ወድቆ ስለመረገጡ ገልጾበታል።

' ስምምነ ' በተሰኘው ስራው ደግሞ ሀገር ከሌለች ኢትዮጵያውያን እንደማይኖሩ ፤ መበታተን ልክ እንደ ብናኝ ረብ እንደሌለው ፤ ከዘር ተልቆ ቢታይ ኢትዮጵያውና የማይለያዩ እንደሆኑ ገልጾበታል። ኢትዮጵያን " የወጋሽ ይወጋ፣ የጎዳሽ ይጎዳ " ሲል ዘፍኖላታል።

በሌሎቹ ዘፈኖቹ ላይም ስለ ሀገር አንድነት ፣ ስለ ኢትዮጵያዊት ዳሷል።

አልበሙ ሙሉ በሙሉ በሚባል ደረጃ ግጥም እና ዜማ የራሱ የቴዲ አፍሮ ሲሆን በአንድ ወላይትኛ ዘፈኑ ላይ አርቲስት አስጌ ዴንዳሾ ተሳትፏል።

አርቲስት ቴዎድሮስ ካሳሁን (ቴዲ አፍሮ) 18 ዘፈኖች ያቀረበበት አልበሙን በራሱ የዩትዩብ ገጽ ላይ ነው ለአድማጭ አድናቂዎቹ ያቀረበው።

ቲክቫህ ኢትዮጵያ
ሚያዚያ 8 ቀን 2018 ዓ/ም

3,090

TIKVAH-ETH

May 6, 2026, 04:31 AM

📷 Photo

ጥበቃዉ ዛሬ ያበቃል

ሚሊዮኖች በጉጉት የጠበቁት ፤የድምጻዊ ቴዎድሮስ ካሳሁን (ቴዲ አፍሮ) ኢቶሪካ አልበም በዛሬው እለት ከቀኑ 8 ሰዓት ላይ ይለቀቃል

https://t.me/New_Ethopian_Music

2,800

TIKVAH-ETH

May 6, 2026, 04:31 AM

📷 Photo

የቴዲ አፍሮ አዲስ አልበም ቀጠሮ ተቀየረ‼️

በጉጉት ሲጠበቅ የነበረው የተወዳጁ ድምፃዊ ቴዎድሮስ ካሳሁን (ቴዲ አፍሮ) አዲስ አልበም "ኢትዮሪካ" ከተያዘለት የዳግማዊ ትንሳኤ ዋዜማ ቀደም ብሎ ለህዝብ ሊደርስ መሆኑ ታውቋል።

ከዘጠኝ ዓመታት ረጅም ጥበቃ በኋላ የሚለቀቀው ይህ ተናፋቂ ስራ ፣ በመጪው ሐሙስ ሚያዝያ 8 ቀን ከቀኑ 8፡00 ሰዓት ጀምሮ በቴዲ አፍሮ ይፋዊ የዩቲዩብ ገጽ እና በዋና ዋና የሙዚቃ አማራጮች ይለቀቃል።

👉 ሐሙስ ሚያዝያ 8 | 8:00 ሰዓት

3,500

TIKVAH-ETH

May 6, 2026, 04:31 AM

የአሜሪካ ተግባር የዓለምን የነዳጅ ዋጋ እንዲጨምር አገረገ

አሜሪካ ወደ ኢራን ወደቦች የሚገቡና የሚወጡ መርከቦችን ለማገድ የባሕር ላይ ከበባ እንደምታደርግ ማስታወቋን ተከትሎ፤ የነዳጅ ዋጋ ጭማሪ አሳይቷል።

አልጀዚራ እንደዘገበው፤ የአሜሪካ ድፍድፍ ነዳጅ (US crude oil) ዋጋ 8 በመቶ በመጨመር በአንድ በርሜል 104.24 ዶላር ደርሷል።

የዓለም አቀፍ መለኪያ የሆነው የብሬንት (Brent) ድፍድፍ ነዳጅ ዋጋም በ7 በመቶ ጭማሪ በማሳየት በበርሜል 102.29 ዶላር ሆኖ ተመዝግቧል።

ዓለማቀፉ ግዙፍ የኢነርጂ ገበያ ተንታኝ ኦኒክስን (Onyx) ዋቢ በማድረግ ብሉምበርግ እንደዘገበው ደግሞ፤ አሜሪካ የባሕር ላይ ከበባውን የምትቀጥል ከሆነ ዓለማቀፍ የነዳጅ ዋጋ እስከ 150 ዶላር ሊያሻቅብ ይችላል።

3,440

TIKVAH-ETH

May 6, 2026, 04:31 AM

📷 Photo

" ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መልሷል " - የአርቲስቱ ማኔጅመንት

በኢትዮጵያ የኪነጥበብ ዘርፍ ዛሬም ድረስ ስሙ በጉልህ የሚነሳውና በርካታ አድናቂዎች ያሉት አርቲስት ቴዎድሮስ ካሳሁን (ቴዲ አፍሮ) ከ9 ዓመታት በኋላ  አዲስ አልበም ነገ ለአድማጮቹ ያቀርባል።

አርቲስቱ " ኢትዮጵያ " የተሰኘውን አልበሙን የዛሬ 9 ዓመት ለአድማጩ ካደረሰ በኋላ ነገ " ኢትዮሪካ " የተሰኝ አልበሙን በራሱ የዩትዩብ ቻናል ላይ እንዲሁም በዓለም አቀፍ የሙዚቃ ማዳመጫ ድረገጾች ላይ እንደሚለቅ ተገልጿል።

አልበሙ ምንም እንኳን " ሰዋሰው መልቲሚዲያ " በተሰኘው የዘፈን አቅራቢ ድርጅት በኩል ለህዝብ ይደርሳል ተብሎ ቢነገርም በመካከል አለመግባባት ተፈጥሮ በራሱ መንገድ ወደ አድማጭ እንደሚያደርሰው ነው የተሰማው።

በማህበራዊ ሚዲያ ላይ ይህን አለመግባባት አጀንዳ ያደረጉና ያራገቡ የተለያዩ ገጾች ጉዳዩን ቀጥታ ከፖለቲካ ጋር እንደሚያያዝ ሲገልጹና ያልተረጋገጡ መረጃዎችን ሲያሰራጩ ከርመዋል።

ስምምነቱ የፈረሰው ለምድነው ?

እንደ " ኢትዮፒካሊንክ " የመዝናኛና መረጃ የሬድዮ ፕሮግራም ከሆነ፣ ቴዎድሮስ ካሳሁን (ቴዲ አፍሮ) ከሰዋሰው መልቲሚዲያ ጋር የነበረውን ውል በስምምነት ነው ያፈረሰው።

ስምምነቱ የፈረሰው በአሳታሚውና በአርቲስቱ በኩል ውል ውስጥ የተካተቱት አዳዲስ ጉዳዮች ልዩነት ለመፍጠራቸው ነው።

ሁለቱ አካላት ከአራት አመት በፊት ነው ስምምነት የተፈራረሙት። ውሉን ለማደስ በነበረ ሂደት ግን አዳዲስ ሃሳቦች በመግባታቸው አለመግባባቶች ተፈጥረዋል።

ሰዋሰው በአዲሱ ውል ላይ ቀደም ያሉ የቴዴ አፍሮ ዘፈኖችን በሰዋሰው መተግበሪያ ላይ እንዲጫኑና ለዚህም በየአመቱ የሚከፈል ገንዘብ በቅድመ ክፍያ ለመክፈል ፍላጎቱን ገልጿል።

ይህ ሃሳብ ግን በቴዲ በኩል ተቀባይነት ሳያገኝ ቀርቷል።

በተጨማሪ ከአራት ዓመት በፊት በተፈረመው ውል ላይ ከስልክ ድምጽ ማሳመሪካ CRBT የሚገኝ ገቢ ለሰዋሰው እንዲሰጥ የሚፈቅደውን ስምምነት ማሻሻያ እንዲደረግበት በቴዲ የቀረበው ጥያቄ ከሰዋሰው ይሁንታ አላገኘም።

ልዩነቶቹ ሊጠቡ ባለመቻላቸውና የአልበሙ መውጫ በመድረሱ ሁለቱም ወገኖች ውሉን በስምምነት አቋርጠዋል።

ውሉ ሲፈረም ሰዋሰው ለቴዲ አጠቃላይ 50 ሚሊዮን ብር ለመክፈል ተስማምቶ ነበር። የዚህንም ግማሽ 25 ሚሊዮን ብር በወቅቱ ተከፍሎት ነበር።

አልበሙ እንዲወጣ ስምምነት ላይ ተደርሶ የነበረው ከአራት አመት በፊት የነበረ ቢሆንም በተለያዩ አለመግባባቶች ምክንያት ውሉ ሊታደስ አልቻለም። በመጨረሻም ውሉ በሰላማዊ መግባባት ፈርሷል።

ከሁለት ሳምንት በፊት ቴዲና አሳታሚው ድርጅት ውይይት አድርገው ውሉን ለማደስ ባለመግቤታችው ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መመለሱን የአርቲስቱ የማናጅመንት ባልደረባ ተናግረዋል።

ሰዋሰው መልቲሚዲያም አርቲስቱ የወሰደውን ግማሽ ክፍያ 25 ሚሊዮን ብር ከአራት አመት የባንክ ወለድ ጋር ጨምሮ መመለሱን አረጋግጧል።

አሳታሚው " በስራ ሂደት በሚያጋጥሙ ሃሳቦች ምክንያት ውሉ በስምምነት ነው የተፈረሰው " ብሏል።

ቴዲ አፍሮ " ኢትዮሪካ " የተሰኘው አልበሙን ነገ ሀሙስ ሚያዚያ 8 ቀን 2018 ዓ.ም ከቀኑ 8 ሰዓት ላይ በራሱ ዩትዩብ ቻናል እንዲሁም በተለያዩ የማዳመጫ አማራጮች ለህዝብ ያደርሳል ተብሎ ይጠበቃል።

አልበሙ ቅዳሜ ይወጣል ቢባልም ቀደም ብሎ እንዲወጣ የተወሰነው በቴዲ አፍሮ መሆኑን እንዲሁም የወር ፣ የቀን እና ሰዓቱ ቁጥር ግጥምጥሞሽ አርቲስቱ በምክንያት ያደረገው መሆኑን የማናጅመንት ክፍሉ ለ" ኢትዮፒካሊንክ " የመዝናኛና መረጃ ፕሮግራም አሳውቋል።

NB. ስምምነቱ ሊፈርስ ስለቻለበት ምክንያት እና አርቲስቱ ስለመለሰው የገንዘብ መጠን ሙሉ መረጃው የተወሰደው ከ " ኢትዮፒካሊንክ " የሬድዮ ፕሮግራም ነው።

ቲክቫህ ኢትዮጵያ
ሚያዚያ 7 ቀን 2018 ዓ/ም

https://t.me/tikvahethiopia

TIKVAH-ETH

May 6, 2026, 04:31 AM

📷 Photo

የነዳጅ ዋጋ ጨምሯል ?

ቲክቫህ ኢትዮጵያ የነዳጅ ዋጋ መጨመሩን ተዘዋውሮ ባደረገው ቅኝት አረጋግጧል።

ነጭ ናፍጣ በሊትር 163.09 ብር ገብቷል። ቤንዚንም በሊትር 142.41 ብር ሆኗል።

ከዛሬ መጋቢት 23 ቀን 2018 ዓ/ም ጀምሮ የነዳጅ ምርቶች የችርቻሮ መሸጫ ዋጋ ላይ ጭማሪ መደረጉን ማደያዎች ለቲክቫህ ኢትዮጵያ ገለጹ።

የንግድ እና ቀጠናዊ ትስስር ሚኒስቴር ደብዳቤ፣ የዓለም የነዳጅ ዋጋን መሰረት በማድረግ ከመጋቢት 23 ቀን 2018 ዓ/ም ከምሽት 12:00 ሰዓት ጀምሮ የነዳጅ ምርቶች የችርቻሮ መሸጫ ዋጋ ላይ ጭማሬ መደረጉን ያስረዳል።

በደብዳቤው በተገለጸው መሰረት በሊትር፦
- ነጭ ናፍጣ 163.09 ብር
-​ ቤንዚን 142.41 ብር
-​ ኬሮሲን 151.39 ብር
- ቀላል ጥቁር ናፍጣ 163.98 ብር
- ከባድ ጥቁር ናፍጣ 160.68 ብር
-​ የአውሮፕላን ነዳጅ 150.48 ብር ሆኗል።

በተጨማሪም ቲክቫህ ኢትዮጵያ፣ ከመሸ ሳሪስ አካባቢ ባሉ ማደያዎች ቅኝት ያደረገ ሲሆን፣ ማደያዎቹ ሽያጭ እያከናወኑ ያሉት በተሻሻለው ዋጋ መሰረት ነው።

የማደያዎቹ ሠራተኞች ቤንዚን 142.41 ብር፣ ነጭ ናፍጣ 163.09 ብር እየሸጡ፣ ሹፌሮችም በዚሁ መሰረት እየቀዱ መሆኑን አረጋግጠዋል።

መንግሥት በመጋቢት ወር የዋጋ ጭማሪ ያደረገው ከዛሬ 22 ቀን በፊት ነበር።

ቲክቫህ ኢትዮጵያ
አዲስ አበባ
መጋቢት 23 ቀን 2018 ዓ/ም
#TikvahEthiopiaFamilyAA

https://t.me/tikvahethiopia

5,060

TIKVAH-ETH

May 6, 2026, 04:31 AM

በ"ፊንቴክ" የማጭበርበር ወንጀል የተጠረጠሩ አርቲስቶች እና ቲክቶከሮች ላይ ተጨማሪ የ8 ቀን የምርመራ ጊዜ ተፈቀደ!

ከ"ፊንቴክ ኢንቨስትመንት" ጋር በተያያዘ በከፍተኛ የማጭበርበር ወንጀል ተጠርጥረው በቁጥጥር ስር የዋሉ አርቲስቶች እና ቲክቶከሮች ዛሬ ሚያዚያ 1 ቀን 2018 ዓ.ም በፌደራል መጀመሪያ ደረጃ ፍርድ ቤት አራዳ ምድብ ችሎት ቀርበዋል።

ፖሊስ ባለፉት 12 ቀናት ውስጥ የ150 ምስክሮችን ቃል መቀበሉንና ከተለያዩ ተቋማት ማስረጃዎችን እየሰበሰበ መሆኑን በመግለጽ፣ ቀሪ ምርመራዎችን ለማጠናቀቅ ተጨማሪ 14 ቀናት እንዲሰጠው ጠይቋል። ፖሊስ እያንዳንዱ ተጠርጣሪ በወንጀል ድርጊቱ ውስጥ የነበረውን ተሳትፎና የጥቅም ትስስር የሚገልጽ ማብራሪያም ለችሎቱ አቅርቧል።

በሌላ በኩል የተጠርጣሪ ጠበቆች ደንበኞቻቸው የቤተሰብ አስተዳዳሪ መሆናቸውንና የጤና እክል ያለባቸው መኖሩን በመጥቀስ የዋስትና መብታቸው እንዲከበር ቢጠይቁም፣ ፍርድ ቤቱ የግራ ቀኙን ክርክር ካዳመጠ በኋላ ፖሊስ ምርመራውን እንዲያጠናቅቅ ተጨማሪ 8 ቀናት ፈቅዷል።

በዚህም መሠረት ፖሊስ ክስ ለመመስረት የሚያስችለውን ምርመራ አጠናቆ ለሚያዚያ 9 ቀን 2018 ዓ.ም ተለዋጭ ቀጠሮ እንዲቀርብ ትዕዛዝ ተላልፏል።በተጨማሪም የጤና እክል ገጥሟቸዋል የተባሉ ተጠርጣሪዎች አስፈላጊውን ሕክምና የሚያገኙበት ሁኔታ እንዲመቻች ፍርድ ቤቱ አዟል።

4,060

TIKVAH-ETH

Apr 19, 2026, 05:28 AM

📷 Photo

#Update
#MiddleEastWar

" የድርድር ጥሪው አሜሪካ ለምታቅደው የምድር ላይ ወረራ እንደ ሽፋን ምትጠቀምበት ነው " - ኢራን

ባለፉት 48 ሰዓታት ውስጥ በእስራኤል - አሜሪካ እና በኢራን መካከል ያለው ጦርነት ተባብሶ ቀጥሏል። ሁኔታው እጅግ አሳሳቢ እንደሆነ ይገኛል

ባለፉት 48 ሰዓታት የተሰሙ አሳሳቢ ጉድዮች ምንድናቸው ?

1. የየመን ሁቲ ኃይሎች ወደ እስራኤል 2 ጊዜ የባለስቲክ ሚሳኤል ተኩሰዋል። ይህም በጦርነቱ ለመጀመሪያ ጊዜ በቀጥታ የተሳተፉበት አጋጣሚ ሆኗል። እስራኤል ጥቃቱን ማክሸፏን ብትገልጽም የሁቲዎች ተሳትፎ ቀይ ባህርን እና ዓለም አቀፍ የንግድ መስመሮችን ለከፍተኛ አደጋ አጋልጧል።

2. አሜሪካ በኢራን ውስጥ ለሚደረግ " የተወሰነ የምድር ኦፕሬሽን " እቅድ እያዘጋጀች መሆኑን የዋሽንግተን ፖስት ዘገባ አመልክቷል። እስከ 10 ሺህ የሚደርሱ ወታደሮች ሊሰማሩ እንደሚችሉ ቢገመትም ፕሬዝዳንት ዶናልድ ትራምፕ እስካሁን የመጨረሻውን ትዕዛዝ አልሰጡም። የኢራን ባለስልጣናት፤ " የአሜሪካ እግር የኢራንን መሬት ከረገጠ ሬሳቸው በሬሳ ሳጥን ሆኖ ይወጣታል " በማለት ጠንካራ ማስጠንቀቂያ ሰጥተዋል።

3. ሊባኖስ ውስጥ ያለው ሁኔታ እጅግ አስከፊ ሆኗል። ከ700 ሺህ በላይ ሰዎች የተፈናቀሉ ሲሆን የቤይሩት ዩኒቨርሲቲ እና ትምህርት ቤቶች በፀጥታ ስጋት ምክንያት ተዘግተው ይገኛሉ። አሜሪካ በሊባኖስ የሚገኙ ዜጎቿ በአስቸኳይ ሀገሪቱን ለቀው እንዲወጡ ዳግም አሳስባለች።

4. የሆርሙዝ ሰርጥ መዘጋቱን ተከትሎ የነዳጅ ዋጋ በከፍተኛ ሁኔታ ጨምሯል። በአሁኑ ወቅት የብሬንት ነዳጅ ዋጋ ከ 100 - 115 ዶላር ባለው ክልል ውስጥ እየተገበያየ ይገኛል።

5. ኢራን በእስራኤልና በባህረ ሰላጤው ሀገራት ተደጋጋሚ የሚሳኤልና ድሮን ጥቃቶችን ስትፈጽም ፤ እስራኤል እና አሜሪካም ኢራን ውስጥ የሚፈጽሙትን ጥቃት አጠናክረው ቀጥለዋል።

ኢራን ፦

• በሳዑዲ አረቢያ የሚገኘው የፕሪንስ ሱልጣን አየር ኃይል ጣቢያን ኢላማ ያደረገ ጥቃት ፈጽማለች። በድሮን እና በሚሳኤል በተሰነዘረው ጥቃት ከ10-15 የሚሆኑ የአሜሪካ ወታደሮች ላይ የመቁሰል አደጋ ደርሷል። በተጨማሪም የአሜሪካ የነዳጅ መሙያ አውሮፕላኖች ጉዳት ደርሶባቸዋል ተብሏል።

• በእስራኤል ቴልአቪቭ ከተማ አቅራቢያ የሚገኙ የኢንዱስትሪ ቀጠናዎች እና የኬሚካል ፋብሪካዎች በሚሳኤል መመታታቸው ተነግሯል።

• በገልፍ ሀገራት UAE ፣ ባህሬን እና ኩዌት በሚገኙ ኢላማዎች ላይ ጥቃቶችን ሰርንዝራለች።

አሜሪካ እና እስራኤል ፦

- በኢራን የሚሳኤል እና ድሮን ክምችት ላይ ጉዳት ለማድረስ በሚሳኤልና ድሮን ማምረቻ ፋብሪካዎች ላይ ጥቃት ፈጽመዋል።

- የኢራን አብዮታዊ ዘብ (IRGC) ዋና መሥሪያ ቤት እና የአየር መከላከያ ሥርዓቶች ላይ ጥቃት መፈጸሙ ተገልጿል።

- ስትራቴጂካዊውና ለሆርሙዝ ሰርጥ ቅርብ የሆነው የ ' ባንደር ካሚር ' የወደብ ከተማ ድብደባ ተፈጽሞበታል። በተጨማሪም ከኒውክሌር ጋር ግንኙነት አላቸው የተባሉ አንዳንድ ተቋማት ላይ ጥቃት መፈጸሙ ተዘግቧል።

- የኢራን መገናኛ ብዙኃን በቴህራን ከተማ አካባቢ በተፈጸሙ የአየር ድብደባዎች ምክንያት አንዳንድ የከተማው ክፍሎች በጨለማ ተውጠዋል። በኢራን ዋና ከተማ ላይ ስለተፈጸሙት የቅርብ ጊዜ ጥቃቶች ከእስራኤል መከላከያ ወይም ከአሜሪካ ጦር እስካሁን የተሰጠ ምላሽ የለም።

የሰላም ተስፋ አለ ?

የፓኪስታን የውጭ ጉዳይ ሚኒስትር ኢስሃቅ ዳር ፥  በሚቀጥሉት ቀናት በአሜሪካ እና በኢራን መካከል "ትርጉም ያለው ንግግር" በሀገራቸው አስተናጋጅነት እንዲካሄድ ጥሪ አቅርበዋል።

ንግግሩ አሁን ላለው ግጭት " ሁሉን አቀፍ እና ዘላቂ መፍትሄ " ለማምጣት ያለመ እንደሆነ ተገልጿል።

የኢራን ፓርላማ አፈ-ጉባኤ ሞሃመድ ባገር ቃሊባፍ የድርድር ጥሪው አሜሪካ ለምታቅደው " የምድር ላይ ወረራ " እንደ ሽፋን የምትጠቀምበት ነው በማለት አጣጥለውታል።

" ጠላት በይፋ የድርድር ምልክት እያሳየ በምስጢር ግን ወረራ እያቀደ ነው " ብለዋል።

አፈ-ጉባኤው  " የእኛ ኃይሎች ማንኛውንም የአሜሪካ የምድር ጦር ለመቀበል ዝግጁ ናቸው፤ ምላሻችንም ግልጽ ነው፦ ውርደትን በፍጹም አንቀበልም " ሲሉ አስጠንቅቀዋል።

መረጃው ከተለያዩ ዓለም አቀፍ መገናኛ ብዙሃን የተወሰዱ ናቸው።

ቲክቫህ ኢትዮጵያ
መጋቢት 20 ቀን 2018 ዓ/ም

https://t.me/tikvahethiopia

TIKVAH-ETH

Apr 8, 2026, 10:10 AM

📷 Photo

" እያንዳንዳቸው አሁን ባለው የገበያ ዋጋ 8 ሚሊየን ብር የሚያወጣ ቢ.ዋይ.ዲ ሶንግ ፕላስ የመኪና ስጦታ ተቀብለዋል " - የፌዴራል ፖሊስ

የኢትዮጵያ ፌዴራል ፖሊስ፥ በዜጎች ላይ የ1 ነጥብ 7 ቢሊየን ብር ጉዳት ባደረሱት የፊንቴክ ኢንቨስትመንት ድርጅት መስራችና ባለቤቶች ላይ ምርመራ አጣርቶ ለዐቃቤ ሕግ በመላክ ክስ መመስረቱን አሳውዋል።

ፊንቴክ ኢንቨስትመንት የግል ድርጅት መስራችና ባለቤቶች ዳንኤል ዮሃንስ እና ግርማይ ገ/ሚካኤል የተባሉት ተጠርጣሪዎች ታዋቂና ተፅዕኖ ፈጣሪዎችን በመጠቀም ከ1 ሺህ 200 በላይ ዜጎችን በማጭበርበር የ1 ነጥብ 7 ቢሊየን ብር ጉዳት በማድረሳቸው በ19 ዓይነት የተለያዩ ወንጀሎች ምርመራ አጣርቶባቸው ለዐቃቤ ሕግ በመላክ ክስ መመስረቱን ገልጿል።

መጀመሪያ ክሱ የቀረበው ለአዲስ አበባ ፖሊስ ጠቅላይ መምሪያ ቢሆንም ምርመራው ውስብስብና ከፍተኛ ልምድ የሚጠይቅ ድንበር ተሻጋሪ በመሆኑ በተደራጀ መልኩ መጣራት ስላለበት ጉዳዩን ወደ ኢትዮጵያ ፌደራል ፖሊስ በማምጣት ምርመራው በስፋት ሲጣራ መቆየቱን ፖሊስ ገልጿል።

ተጠርጣሪ ዳንኤል ዮሃንስ ላይ ክስ ተመስርቶበት ማረሚያ ቤት ሆኖ ክሱን እንዲከታተል መደረጉንና ተጠርጣሪ ግርማይ ገ/ሚካኤልን ደግሞ በቁጥጥር ሥር ለማዋል ክትትል እያደረገ መሆኑን ገልጿል።

ፌደራል ፖሊስ ግርማይ ገ/ሚካኤል የተባለው ግለሰብ ከዚህ ቀደም እ.ኤ.አ በ2010 የደቡብ አፍሪካ የዓለም የእግር ኳስ ሻምፒዮና ወቅት " አስካሉካን " በተባለ ድርጅት ስም " ወደ ደቡብ አፍሪካ ሄዳችሁ የዓለም ዋንጫ እንድትመለከቱ አደርጋለሁ " በማለት ዜጎችን አጭበርብሮ በሚሊየኖች የሚቆጠር ገንዘብ ካሰባሰበ በኋላ ተደብቆ ከሀገር በመውጣቱ የኢትዮጵያ ፌደራል ፖሊስ ከኢንተርፖል ጋር በመተባበር ባደረገው ጠንካራ ክትትል ከተደበቀበት ሀገር ወደ ኢትዮጵያ እንዲመለስ አድርጎ በሕግ አግባብ ተጠያቂ እንዲሆን ማድረጉን የወንጀል ሪከርዱ እንደሚያመላክት አስረድቷል።

ሁለቱ ተጠርጣሪዎች ተጎጂዎችን 50 ፐርሰንት ቅድመ ክፍያ 950 ሺህ ብር በማስከፈል በ90 ቀናት ውስጥ የመኪና ባለቤት እንደሚያደርጓቸውና ቀሪ 950 ሺህ ብር ደግሞ ያለወለድ በ5 ዓመት ተከፍሎ የሚያልቅ የባንክ ብድር እንደሚያመቻቹላቸው በመግለጽ ዜጎችን በማጭበርበር ክፍያውን እንዲፈጽሙ አድርገዋል ሲል ገልጿል።

ተጠርጣሪዎቹ ሕብረተሰቡን ለማሳመን 148 መኪኖች ከጅቡቲ በማስገባት 100 መኪኖች ለተወሰኑ ግለሰቦች  እንዲከፋፈል በማድረግ እና ቀሪ 48 ዘመናዊ መኪኖችን መርጠው በድብቅ መሸጣቸውን እንዲሁም ወደ ሀገር ውስጥ ስለመግባታቸው ምንም አይነት መረጃና ማስረጃ ሳይኖር 350 መኪኖችን ከውጭ እንዳስገቡ በማስመሰል ሲያጭበረብሩ እንደነበር ፖሊስ በምርመራው አረጋግጧል፡፡

በተጨማሪም በጅቡቲ ወደብ ምንም ዓይነት መኪና ሳይኖር 400 መኪኖች ጅቡቲ ወደብ ላይ እንደቆሙና ወደ ሀገር ውስጥ ለማስገባት በሂደት ላይ እንዳሉ በማስመሰል ለተጎጂዎች ሐሰተኛ መረጃ መስጠታቸውን ፖሊስ ማረጋገጥ ችሏል።

በመስቀል አደባባይ ከተለያዩ ቦታዎች መኪኖችን በትውስት በማሰባሰብ ሕዝብን በሚያሳስት መልኩ ድርጅቱ ከውጭ ሀገር ያስገባቸው መኪኖች እንደሆኑ በማስመሰል እና የኤሌክትሪክ መኪና አምራች ከሆነው ቢዋይዲ ከተባለ የቻይና ካምፓኒ ጋር ምንም ዓይነት ውል ሳይኖራቸው ውል እንዳላቸው አድርገው የማጭበርበር ወንጀል ሲፈጽሙ መቆየታቸውን ፖሊስ በምርመራ ደርሼበታለሁ ብሏል።

ተጠርጣሪዎቹ በጅቡቲ ውስጥ " አልፋቲዞ " በሚል ስም ድርጅት በማቋቋም BYD ከተባለ የቻይና ካምፓኒ ጋር አብሮ ከሚሰራ ሌላ ድርጅት ጋር በመነጋገር 10 ፐርሰንት ቅድመ ክፍያ በመክፈል የመጀመሪያዎቹን 148 መኪኖች ወደ ሀገር ውስጥ አስገብተው እንደነበርና ተጨማሪ 188 መኪኖችን በተመሳሳይ 10 ፐርሰንት ቅድመ ክፍያ ለድርጅቱ በመክፈል መኪኖቹን ተረክበው ወደ ሀገር ውስጥ ሳያስገቡ ጅቡቲ ላይ እንዲሸጡ ማድረጋቸው ተገልጿል።

በአጠቃላይ 336 መኪኖችን 10 ፐርሰንት ጅቡቲ ለሚገኘው የቻይና ድርጅት በመክፈል ወስደው ቀሪ 90 ፐርሰንት ክፍያ አለመፈፀማቸውን ፌደራል ፖሊስ ባደረገው ምርመራ ደርሶበታል።

ከ1 ሺህ 200 በላይ ተጎጂዎችን በማጭበርበር መዝግበው 95 ሺህ ብር ቅድመ ክፍያ 285 ሺህ  ብር የመንግስት ታክስ እንዲሁም 130 ሺህ ብር ለኤክትሪክ መኪና ቻርጀር ለማሰራትና ለባለሙያ በሚል ከእያንዳንዳቸው 1 ሚሊየን 365 ሺህ ብር መቀበላቸውን ፖሊስ አረጋግጧል፡፡

የፊንቴክ ኢንቨስትመንት ድርጅትን ባልተገባና በተጋነነ መልኩ በማስተዋወቅ በህገወጥ መንገድ ከተሰበሰበው ገንዘብ ተጋሪ በመሆን የተጠረጠሩ ፦

- ሰለሞን ቦጋለ፣
- ሰራዊት ፍቅሬ፣
- ዳንኤል ተገኝ፣
- አብርሃም ግዛው፣
- ይገረም ደጀኔ፣
- መንሱር ጀማል እና ካሊድ ናስር የተባሉ ታዋቂ አርቲስቶችና የማስታወቂያ ባለሙያዎችንም ፌደራል ፖሊስ በቁጥጥር ሥር አውሎ ፍርድ ቤት በማቅረብ የጊዜ ቀጠሮ ጠይቆባቸው ፍርድ ቤትም እስከ መጋቢት 30 ቀን 2018 ዓ.ም መፍቀዱ ተገልጿል፡፡

የኢትዮጵያ ፌደራል ፖሊስ በማጭበርበርና በሕገ ወጥ መንገድ የተገኘን ገንዘብ ሕጋዊ አስመስሎ በማቅረብ (Money laundering) እና የድንበር ተሻጋሪ ወንጀሎችን ጨምሮ በ19 የወንጀል ጉዳዮች በተጠረጠሩ የፊንቴክ ኢንቨስትመንት ድርጅት መስራቾችና ባለቤቶች እንዲሁም በሕብረተሰቡ ዘንድ ያላቸውን ዕውቅናና ተቀባይነት በመጠቀም ሆነ ብለው የተጋነነ ማስታወቂያ በመንገር እና በተለያዩ ማህበራዊ ሚዲያ የሀሰት መረጃዎችን ለሕብረተሰቡ በማሰራጨት ዜጎችን እንዲጭበረበሩ በማድረግ በሕገወጥ መንገድ ከተገኘው ገንዘብ እያንዳንዳቸው አሁን  ላይ ባለው የገበያ ዋጋ 8 ሚሊየን ብር የሚያወጣ ቢ.ዋይ.ዲ ሶንግ ፕላስ የመኪና ስጦታ በመቀበል ፤ በሕገ ወጥ መንገድ የተገኘን ገንዘብ ሕጋዊ አስመስሎ በማቅረብ እና በዜጎች ላይ ከ1 ነጥብ 7 ቢሊየን ብር በላይ ጉዳት በማድረስ በተጠረጠሩ አርቲስቶችና የማስታወቂያ ባለሙያዎች ላይ የጀመረውን ምርመራ አጠናክሮ እንደሚቀጥል አስታውቋል።

ይህ ውስብስብ የወንጀል ጉዳይ በተሳካ ሁኔታ ተጣርቶ ክስ እንዲመሠረት ከፖሊስ ጋር በትብብር ለሠራው የፍትህ ሚኒስቴር እና በጉዳዩ ላይ መረጃ ሲሰጥ ለነበረው ሕብረተሰብ የፌደራል ፖሊስ ምስጋና አቅርቧል።

#EthiopianFederalPolice

https://t.me/tikvahethiopia

TIKVAH-ETH

Apr 8, 2026, 10:10 AM

📷 Photo

#Oil ከአንድ ወር በፊት በ70 ዶላር ሲሸጥ የነበረው የአንድ በርሜል ብሬንት ድፍድፍ ነዳጅ ዋጋ ዛሬ ላይ በመካከለኛው ምስራቅ ጦርነት ምክንያት 114 ዶላር እየተሸጠ ነው።

መጋቢት 20 ቀን 2018 ዓ/ም

https://t.me/tikvahethiopia

2,020

TIKVAH-ETH

Apr 8, 2026, 10:10 AM

📷 Photo

#ምላሽ
#ExitExam

" የ11 ሺሕ 785 ተማሪዎች የዲሲፕሊን ኬዝ አጋጥሟል። የ817 ተማሪዎች ውጤት ሙሉ በሙሉ ' Disqualified ' ነው። የፈተና ሰዓት ያልተገበሩ 2,076 ልጆችም Disqualified ነው " - እሸቱ ከበደ (ዶ/ር)

➡️ " አቴንዳሳቸው በአግባቡ ሪፖርት ሳይሆን ተፈትነናል ያሉ ወደ 9 ሺሕ 561 ተማሪዎች አሉ። የእነርሱም ለጊዜው ያዝ ተደርጓል። ህጋዊ ምክንያት ሲያቀርቡ ውጤታቸው ይለቀቃል! "

የ2018 ዓ/ም አጋማሽ ዓመት የመውጫ ፈተና ከወሰዱ ተማሪዎች መካከል፣ ከ11 ሺሕ 700 በላይ የሚሆኑት የዲሲፕሊን ችግር እንደተገኘባቸው የትምህርት ምዘና እና ፈተናዎች አገልግሎት ለቲክቫህ ኢትዮጵያ ገለጸ።

በርካታ ተፈታኝ ተማሪዎች ደግሞ፣ ውጤት ለማየት ሲሞክሩ "Disqualified" የሚል ምላሽ እያገኙ በመሆኑ የሚመለከተው ተቋም መፍትሄ እንዲሰጣቸው በቲክቫህ ኢትዮጵያ ከሰሞኑ በቲክቫህ ኢትዮጵያ በኩል ቅሬታ አቅርበዋል።

ለትምህርት ምዘናና ፈተናዎች አገልግሎት በኦንላይን እና በአካል ቅሬታ ቢያቀርቡም መፍትሄ እንዳላገኙም የገለጹ ሲሆን፣ ቲክቫህ ኢትዮጵያም የተማሪዎቹን ቅሬታ ይዞ፣ ይህ የሆነው ሲስተሙ ምን ሆኖባችሁ ነው ? ሲል ተቋሙን ምላሽ ጠይቋል።

የትምህርት ምዘና እና የፈተናዎች አገልግሎት ዋና ዳይሬክተር እሸቱ ከበደ (ዶ/ር)፣ " ምንም የሆነብን ነገር የለም። ' Disqualified ' የሆኑ ተፈታኞች ' Disqualified ' ናቸው። ቅሬታ ካላቸው ደግሞ በኦንላይን፣ በቅርብ ያሉ በአካልም ማቅረብ ይችላሉ። ባቀረቡት መሰረት ምላሽ እየሰጠን ነው" ብለዋል።

ታዲያ ተፈታኞቹ ውጤት ለማየት በሚሞክሩበት ጊዜ፣ "Disqulified" የሚላቸው ምን ስለሆነ ነው ? ለሚለው የቲክቫህ ጥያቄ ደግሞ፣ በአጠቃላይ የ11 ሺሕ 785 ተማሪዎች የዲሲፕሊን ችግር ማጋጠሙን በመጥቀስ፣ ተከታዩን ዝርዝር ማብራሪያ ሰጥተዋል።

ዋና ዳይሬክተሩ ለቲክቫህ ኢትዮጵያ ምን አሉ ?

" አንደኛ፥ በአጠቃላይ የዲሲፕሊን ኬዝ ያጋጠመን የ11 ሺሕ 785 ተማሪዎች ናቸው። ከእነዚህ ውስጥ በተለያዩ ጊዜ ሁለት ጊዜ ለመፈተን የሞከሩ 632 ተማሪዎች አሉ።

ሁለተኛ፥ 817 ተማሪዎች በፈተና ወቅት ያልተፈቀዱ እንደ ስልክ፣ ስማርት ሰዓት እና አጠሬራ በፈተና ወቅት ይዞ መግባት፣ ክፍል ውስጥ መረበሽ፣ ኮምፒዩተሮች ላይ ጉዳት ማድረስ፣ ሌላ ሰው እንዲፈተንላቸው ወይም ለሌላ ሰው ለመፈተን ሞክረው ፈተና ሲሰጡ የነበሩ ሰዎች ሪፖርት አቅርበዋል።

የእነዚህ (የ817 ተማሪዎች) ሙሉ በሙሉ Disqulified ነው። ልጆቹም ራሳቸውን ያውቃሉ።

ሦስተኛ፥ አንድን ፈተና የመጀመሪያ እና መጨረሻ ጊዜ አለ። ማንም ተማሪ የፈተናውን 25% Allowed time ተጠቅሞ ክፍል ውስጥ መገኘት አለበት። አለበለዚያ ውጭ ላይ ሌላ ኮሚዩኒኬሽን ይፈጠራል ተብሎ ኦረንቴሽን ተሰጥቷዋል።

ያንን (የፈተና ሰዓት) ያልተገበሩ 2 ሺሕ 76 ልጆች አሉ። የእነዚህም Disqalified ነው።

አራተኛው፥ የተፈታኞች በተመደቡበት የፈተና ክፍል አለመገኘት ነው። ክፍል ያለመገኘት፣ አቴንዳንስ በአግባቡ ያለመፈረም አለ። አቴንዳሳቸው በአግባቡ ሪፖርት ሳይሆን ተፈትነናል ያሉ ወደ 9 ሺሕ 561 አሉ። የእነርሱም ለጊዜው ያዝ (Hold) ተደርጓል።

ይህ ማለት አንዳንድ ተፈታኞች በጤና እክል ምክንያት ከተመደቡበት ቦታ ውጭ ሌላ ጋር ተፈትነው ይሆናል በልዩ ሁኔታ ተፈቅዶላቸው። የተዛወሩበትን ህጋዊ ምክንያት እና ያዛወራቸውን ሰው የፈቀደበትን ሲያቀርቡ ውጤታቸው ይለቀቃል።

ነገር ግን ክፍሉ ውስጥ ገብቶ አቴንዳንስ ሳይፈርም ' ተፈትኛለሁ ' ቢል ተቀባይነት ስለሌለው አቴንዳንስ ላይ የሌሉበትን ምክንያት እስካላቀረቡ እና እስካልተጠራ ድረስ ውጤታቸው ሙሉ በሙሉ ይሰረዛል።

ይሄ ዘንድሮ የተደረገ አይደለም፤ አዲስ የወጣ ህግ አይደለም።

ነገር ግን ቅሬታ አለኝ የሚል አካል ቅሬታውን ማቅረብ ይችላል። " ብለዋክ።

በአዲስ አበባ ዩኒቨርሲቲ ለመፈተን ቢሞሉም " የመፈተኛ ቦታ እጥረት አለብን " ተብለው ከ5 ኪሎ ካምፓስ ወደ 6 ኪሎ፣ ከ6ኪሎ ደግሞ ወደ 5 ኪሎ መዘዋወረቻውን የጠቀሱ ተማሪዎች ደግሞ፣ ለገጠማቸው ችግር ምክንያቱ የመፈተኛ ቦታ መቀያየር መሆኑን ለቲክቫህ ኢትዮጵያ መግለጻቸው ይታወቃል።

ለዚሁ ቅሬታ ምላሽ የጠቅናቸው ዋና ዳይሬክተሩ፣ ተዘዋውረው ከሆነ ያዘዋወራቸው ሰው ስለሚኖር እና በተዘዋወሩበት የፈተና ቦታም አቴንዳንስ ሞልተው ከሆነ፣ ፊርማው ተጣርቶ ትክክል መሆኑ ሲረጋገጥ ውጤት እንደሚለቀቅላቸው ገልጸዋል።

5 ኪሎ እየተጠበቀ 6 ኪሎ ለፈተና የሄደ ተማሪ ካለ 5 ኪሎ ላይ ኃላፊነት የተሰጠው አካል ተፈታኙን ሲያጣ ቀሪ ብሎ ሪፖርት እንደሚያደርግ፣ " 6 ኪሎ ላይ ኃላፊነት የተሰጠው አካል ተፈታኙን ተቀብሎ ስለሚያስፈርም፣ የፈረሙበት ስላለን እናረጋግጣለን " ነው ያሉት።

ቲክቫህ ኢትዮጵያ
አዲስ አበባ
መጋቢት 10 ቀን 2018 ዓ/ም
#TikvahEthiopiaFamilyAA

https://t.me/tikvahethiopia

TIKVAH-ETH

Apr 8, 2026, 10:10 AM

ሰበር በኢትዮጵያ ድንበር ውጊያው ተቀጣጥሏል

ኩርሙክ በሄሜቲ ጦር እጅ ገባች

ኢትዮጵያ እና ሱዳን በሚዋሰኑበት ድንበር ባለፉት ሶስት ቀናት ከባድ ውጊያ ተቀስቅሷል፡፡ የሱዳን ብሄራዊ ጦር ባለስልጣናት በዚህ ጦርነት ኢትዮጵያ እጇን አስገብታለች ሲሉ እየከሰሱ ነው፡፡ ባንፃሩ የፈጥኖ ደራሽ ኃይሉ ድል እንደቀናው እና የድንበሩን ስፍራ እንደተቆጣጠረ ይፋ አድርጓል፡፡

ሲንሁዋ የዜና ወኪል እንደዘገበው፣ የፈጥኖ ደራሽ ሰራዊት ከሱዳን ሕዝባዊ ነፃነት ንቅናቄ-ሰሜን (SPLM-N) ጋር በመሆን ባደረገው ወታደራዊ ጥቃት፣  “ከ400 በላይ የመንግሥት ወታደሮች” መገደላቸውን እና “ከፍተኛ መኮንኖች” መማረካቸውን ገልጿል።

ኩርሙክ በኢትዮጵያ ድንበር አቅራቢያ የምትገኝና የብሉ ናይል ግዛትን ከሲናር ጋር የምታገናኝ ስትራቴጂካዊ ኮሪደር በመሆኗ፣ መያዟ በቀጣናው ያለውን ወታደራዊ ሚዛን ሊቀይረው እንደሚችል ተነግሯል።

የከተማዋ መያዝ የተሰማው የሱዳን ባለሥልጣናት ኢትዮጵያ ለፈጥኖ ደራሽ ሰራዊት እና ለሱዳን ሕዝባዊ ነፃነት ንቅናቄ-ሰሜን ጥምር ኃይሎች በከተማዋ ላይ ለሰነዘሩት አዲስ ጥቃት ድጋፍ አድርጋለች በማለት በከሰሱበት ወቅት ነው።

የሱዳን መንግሥት ባለሥልጣናት ኢትዮጵያ አማጺያኑ በግዛቷ በኩል እንዲንቀሳቀሱ በመፍቀድ ትደግፋለች እያሉ በተደጋጋሚ የሚከሱ ሲሆን፣ “የጦር ተሽከርካሪዎች ከአሶሳ ተነስተው ወደ ድንበር አካባቢዎች መጓዛቸውን” የሱዳን ትሪቢዩን ዘገባ አመልክቷል።

አዲስ አበባ ለእነዚህ ከኅዳር ወር 2018 ዓ.ም ጀምሮ ለሚቀርቡ ተደጋጋሚ ክሶች እስካሁን ይፋዊ ምላሽ አልሰጠችም።

በኩርሙክ ዙሪያ በተደረገው የሰሞኑ ውጊያ፣ የፈጥኖ ደራሽ ሰራዊት እና የሱዳን ሕዝባዊ ነፃነት ንቅናቄ-ሰሜን ጥምር ኃይሎች  ከከተማዋ 20 ኪሎ ሜትር ርቀት ላይ በምትገኘው ጁሩት አቅራቢያ የሱዳን ጦር ክፍሎችን መደምሰሳቸውንም ጨምረው ገልጸዋል።

ኩርሙክ በሱዳን ያለፉት ግጭቶች ወቅት በተደጋጋሚ በተለያዩ ኃይሎች እጅ የቆየች ከተማ መሆኗ በድንበር አካባቢ ያላትን ከፍተኛ ስትራቴጂካዊ ጠቀሜታ ያሳያል ተብሏል።

2,760

TIKVAH-ETH

Apr 8, 2026, 10:10 AM

#ALERT🚨

ሩሲያ ከመጋቢት 23 ጀምሮ የነዳጅ (ቤንዚን) ኤክስፖርት ልታግድ ነው።

የሩሲያ መንግስት በመካከለኛው ምስራቅ ባለው ጦርነት ሳቢያ በዓለም አቀፍ የነዳጅ ገበያ ላይ የሚታየውን የዋጋ መለዋወጥ ለመቋቋም ከመጋቢት 23 ቀን 2018 ጀምሮ የቤንዚን የውጭ ኤክስፖርት ለማገድ መወሰኑ ታውቋል።

የሀገሪቱ ምክትል ጠቅላይ ሚኒስትር አሌክሳንደር ኖቫክ የኢነርጂ ሚኒስቴር እገዳውን የሚጥል ረቂቅ ውሳኔ እንዲያዘጋጅ ትዕዛዝ የሰጡ ሲሆን እገዳው እስከ ሐምሌ 24 ቀን 2018 ድረስ እንደሚቆይ የሩሲያ መንግስታዊ የዜና ወኪል ታስ ዘግቧል።

ሩሲያ ይህን እርምጃ የወሰደችው የሀገር ውስጥ የነዳጅ አቅርቦትን ለማረጋጋትና የዋጋ ንረትን ለመቆጣጠር ነው ተብሏል።

ሩሲያ ባለፈው የፈረንጆቹ ዓመት ወደ 5 ሚሊዮን ሜትሪክ ቶን የሚጠጋ ቤንዚን ወደ ውጭ ሀገራት ልካለች። አሁን የተጣለው እገዳ በዓለም አቀፍ የነዳጅ ገበያ ላይ የራሱ ተጽዕኖ ሊኖረው እንደሚችል ይገመታል።

መረጃው የ'ዘ ኢኮኖሚክ ታይምስ' ነው።

ቲክቫህ ኢትዮጵያ
መጋቢት 18 ቀን 2018 ዓ/ም

1,940

TIKVAH-ETH

Apr 8, 2026, 10:10 AM

📷 Photo

#BREAKING

የዒድ አልፈጥር በዓል አርብ (ጁምዓ) ይውላል።

ዛሬ የሸዋል ወር ጨረቃ ባለመታየቷ 1447ኛው የዒድ አልፈጥር በዓል ከነገ ወዲያ አርብ (ጁምዓ) ተከብሮ ይውላል።

ዒድ ሙባረክ !

#Haramain

ቲክቫህ ኢትዮጵያ
መጋቢት 9 ቀን 2018

https://t.me/tikvahethiopia

3,310

TIKVAH-ETH

Apr 8, 2026, 10:10 AM

ብሔራዊ ባንክ የRTGS የሥራ ሰዓት እንዲራዘም ወሰነ።

​የኢትዮጵያ ብሔራዊ ባንክ በሀገሪቱ ባንኮች መካከል የሚደረገውን ፈጣን የገንዘብ ዝውውር ሥርዓት (RTGS) የሥራ ሰዓት እንዲራዘም መወሰኑን ለሁሉም የሥርዓቱ ተጠቃሚዎች በጻፈው ደብዳቤ አስታውቋል።

በዚህም አሁን ላይ በሳምንት 6 ቀን በቀን 9 ሰዓት ይሰራ የነበረው ሥርዓት በቀን ለሁለት ተጨማሪ ሰዓታት እንዲራዘም በማድረግ ከጠዋቱ 2:00 ሰዓት እስከ ምሽቱ 1:00 ሰዓት ድረስ አገልግሎት እንዲሰጥ ተወስኗል።

ከፊታችን መጋቢት 14 ቀን 2018 ዓ.ም ጀምሮ ተግባራዊ የሚሆነው ይህ የብሔራዊ ባንክ ውሳኔ የዘርፉ ተዋናዮች በተራዘመው ሰዓት አገልግሎት እንዲሰጡ በማድረግ ወደ ባንኮች የሚገቡና የሚወጡ የገንዘብ ዝውውሮችን ያለምንም መስተጓጎል እንዲያከናወኑ ማሳሰቢያ ተላልፏል።

ቲክቫህ ኢትዮጵያ
መጋቢት 10 ቀን 2018 ዓ/ም

2,930

TIKVAH-ETH

Apr 8, 2026, 10:10 AM

📷 Photo

ሲሪላንካ ነዳጅ ለመቆጠብ ረቡዕን የእረፍት ቀን አድርጋ አወጀች፤ የስራ ቀናትም ወደ 4 ቀናት ዝቅ ብሏል።

የመካከለኛው ምስራቅ ጦርነትን ተከትሎ የነዳጅ ዋጋ በአንድ በርሜል 100 ዶላር መድረሱና በሆርሙዝ ሰርጥ የነዳጅ ጉዞ መገታቱን በእስያ አገራት ላይ ከፍተኛ ቀውስ ደቅኗል።

ሊከሰት የሚችለውን የነዳጅ እጥረት ለመቋቋም ስሪላንካ በየሳምንቱ ረቡዕን የመንግሥት መሥሪያ ቤቶች ዝግ የሚሆኑበት የዕረፍት ቀን አድርጋ አውጃለች።

እንደ መንግሥት መመሪያ መሰረት ይህ ትምህርት ቤቶችንና ዩኒቨርሲቲዎችን የሚጨምር ነው ተብሏል።

ነገር ግን እንደ ጤና እና ኢሚግሬሽን ባሉ አስፈላጊ አገልግሎቶች ላይ በተሰማሩ የመንግሥት ተቋማት ላይ ተጽዕኖ እንደሌለው ተገልጿል።

በሀገሪቱ ረቡዕ የእረፍት ቀን መደረጉን ተከትሎ የስራ ቀናት ወደ 4 ቀናት ዝቅ እንዲል ተደርጓል።

ከዚህ በተጨማሪ ዜጎች በኮታ ነዳጅ የሚገዙበት የ "ብሔራዊ ነዳጅ ፓስ" ምዝገባ መጀመሩም ተመላክቷል። 15 ሊትር ለግል መኪና ፤ ለሞተር ሳይክል 5 ሊትር እንዲገዙ የሚገድብ ሽንሸና ተደርጓል።

የሀገሪቱ ፕሬዝዳንት አኑራ ኩማራ ዲሳናያኬ " ለከፋው መዘጋጀት አለብን " ብለዋል።

የነዳጅ ዋጋ በአንድ በርሜል 100 ዶላር መድረሱን ተከትሎ ሌሎች የእስያ ሀገራትም ተመሳሳይ ጥብቅ የቁጠባ እርምጃዎችን እየወሰዱ ይገኛሉ።

ለምሳሌ፦

- በታይላንድ መንግሥት ሰዎች የአየር ማቀዝቀዣ (AC) ጥገኝነትን ለመቀነስ ከሙሉ ልብሶች ወይም ሱፎችን ይልቅ ቲሸርቶች እንዲለብሱ እያሳስቧል።

- በምያንማር የግል ተሽከርካሪዎች እንደ ታርጋ ቁጥራቸው በየተራ ቀናት ብቻ እንዲንቀሳቀሱ ተብለዋል።

- በፊሊፒንስ የመንግሥት መሥሪያ ቤቶች ሠራተኞች በሳምንት ቢያንስ አንድ ቀን ከቤት እንዲሠሩ ትእዛዝ ተላልፏል። የሀገሪቱ ፕሬዝዳንት ፈርዲናንድ ማርኮስ ጁኒየር በመንግሥት ዘርፍ አስፈላጊ ያልሆኑ ጉዞዎችን አግደዋል። ማርኮስ በተጨማሪም ለባለሦስት እግር ተሽከርካሪ አሽከርካሪዎች፣ ለገበሬዎችና ለዓሣ አጥማጆች እየናረ የመጣውን የነዳጅ ዋጋ እንዲቋቋሙ ከ3,000 እስከ 5,000 ፔሶ ($50-$84) የሚደርስ የገንዘብ ድጋፍ ይፋ አድርገዋል።

- ቪየትናም ዜጎች ነዳጅ ለመቆጠብ ሲሉ ይበልጥ ቤታቸው እንዲቆዩ አጥብቃ እያበረታታች ትገኛለች። የሀገሪቱ መንግሥትም ሕዝቡ ብስክሌት እንዲነዳ፣ መኪናን በጋራ እንዲጠቀም፣ የሕዝብ ትራንስፖርትን እንዲጠቀም እና አስፈላጊ ካልሆነ በስተቀር የግል ተሽከርካሪ አጠቃቀምን እንዲገድብ ጥሪ አቅርቧል።

ቲክቫህ ኢትዮጵያ
መጋቢት 8 ቀን 2018 ዓ/ም

https://t.me/tikvahethiopia

Showing 25 of 25 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Before criticizing someone, examine your conscience and analyze the situation from ALL possible points of views

540

Rape is synonym of trashing criminal all human rights, many traumas & suicide. It's time to sentence rapers as indirect homicide

440

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

2.1k0

Against discrimination of Islam / Muslims who don't commit crimes! Islamic religion is doing crime, but not all muslims!

540

Loading recommended channels...

TIKVAH-ETH

TIKVAH-ETH

Ranking

Participant Growth (Last 6 Days)

Latest Posts

Rating

User Reviews (0)

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

User Reviews (0)

Latest Posts