Ahmed Respond

Public

View Channel

115

334

Can't Join? @ahmedrespond

5.8k Members

Updated: May 15, 2026 at 6:02 PM

Ahmed Respond

— Orthodoxy Apologetics —

@ahmedrespond offers specialized information about orthodoxy and apologetics for subscribers interested in Religion

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 5.8K

24h growth: +0 0%

Latest Posts

Ahmed Respond

May 22, 2026, 05:06 PM

ለ18 አመታት የጽዮናዊያን አምባ የሆነች እስራኤልን ሲያስተዳድር የነበረው ቤንጃሚን ኔታኒያሁ Historical Realism'ን በመጠቀም ጦርነት በመጣ ጊዜ ጠንካራውና የታጠቀው እንጂ ቅዱስና ደግ የሆነው ጎራ አለማሸነፉን ለማስረዳት በሚል የሰላም፣ የፍቅር እና የቅድስና ተምሳሌት ኢየሱስ ክርስቶስን ጀንጊስ ካን ከሚባል በታሪክ እጅግ ብዙ ደም ያፈሰሰ መሪ ጋር "ምንም ብልጫ የላቸውም" ብሎ ማነጻጸሩ እንዲሁ የ 20ኛው ክ/ዘመን የታሪክ ተመራማሪ ዊል ዱራንት'ን ታሪካዊ ምልከታ ለመጥቀስ ብቻ (በኢየሱስ ላይ ያለውን የግል አመለካከት የማይገልፅ) ይመስላችኋል?

15,400

104

Ahmed Respond

May 22, 2026, 05:06 PM

ነገ ረቡዕ፣ ከምሽቱ 3:00 ሰዓት ጀምሮ (Ethiopian Local Time) ከኡሥታዝ ቃለ-አሚን ፀጋዬ ጋር በቲክታክ የቀጥታ ስርጭት (Live) እንገናኛለን።

ቆይታችንንም በኡሥታዝ ሳላህ ዘይን ከተዘጋጀው «ሰማዕቱ ብራና» የተሰኘ ስራ ጋር በማድረግ በመጽሐፉ ዙሪያ ሰፊ ግምገማ የምናካሂድ ይሆናል። ሁላችሁም ተጋብዛችኋል። እንዳትቀሩ!

15,900

157

Ahmed Respond

May 22, 2026, 05:06 PM

የቆየች ጽሑፌ ብትሆንም ተጋበዙልኝ :)

አላህ ‘ﷻ’ በቁርዓን ላይ እንዲህ ይለናል፦ “የወሮች ቁጥር አላህ ዘንድ በአላህ መጽሐፍ ውስጥ ሰማያትንና ምድርን በፈጠረበት ቀን ዐሥራ ሁለት ወር ነው፡፡ ከእነሱ አራቱ የተከበሩ ናቸው፡፡ ይህ ቀጥተኛው ሃይማኖት ነው፡፡ በእነርሱ ውስጥም ነፍሶቻችሁን አትበድሉ።“ — Quran

ስለዚህም አይደል አላህ ለፍጥረታቱ በወሰነው ትክክለኛ የጊዜ ቀመር ለመገልገል ስንል አሥራ ሁለት ወራትን ያለምንም ተጨማሪ እና ተቀናሽ ወራት “Leap Month” የያዘውን የጨረቃ የቀን መቁጠሪያ “Lunar Calendar” ለመቁጠሪያነት የምንጠቀመው — ይህ የቀን መቁጠሪያ ከያዛቸው አሥራ ሁለት ወራት ውስጥ አሁን ያለንበት የረመዳን ወር አንዱ ሲሆን ረሡል ‘ﷺ’ ከመካ ወደ መዲና ጉዞ ባደረጉ በሁለተኛው ዓመት እንደ ኤሮፓውያንን አቆጣጠር በ 624 CE ለመላው ሙሥሊም ማህበረሰብ ረመዳንን እንዲፆም ታዘዘ፦ “እናንተ ያመናችሁ ሆይ ጾም በነዚያ ከናንተ በፊት በነበሩት (ሕዝቦች) ላይ እንደ ተጻፈ በናንተም ላይ ተጻፈ (ተደነገገ) ልትጠነቀቁ ይከጀላልና፡፡” — Quran

ረመዳን “رمضان” የሚለው ቃል ረመደ “رمض” ማለትም “አቃጠለ” ከሚለው ስርወ ቃል የተገኘ ሲሆን “አቃጣይ” “የሚያቃጥል” ማለት ነው። የጨረቃ የቀን መቁጠሪያ “Lunar Calendar” ከፀሃዩ የቀን መቁጠሪያ “Solar Calendar” በ 11 ቀን አካባቢ ያነሰ ሲሆን የረመዳን ወር በአራቱም ወቅቶች ማለትም፦ ፀደይ፣ በጋ፣ በልግ እና ክረምት ውስጥ በየ ሠላሣ ሦሥት አመቱ ያልፋል፡፡ ለምሳሌ፦ በሀገራችን የዘመን መቁጠሪያ ከመስከረም እስከ ህዳር “ፀደይ” ...ከታህሳስ እስከ የካቲት “በጋ” ...ከመጋቢት እስከ ግንቦት “በልግ” ...ከሰኔ እስከ ነሀሴ “ክረምት” …ተብሎ ወራትን በየወቅቱ ላይ ተመድበው የሚገኙበት ድልድል ሲኖር! ይህ የድልድል ስርዓት “Intercalation” በኢሥላማዊ የዘመን መቁጠሪያ ውስጥ ግን የለም፡፡ ይህም የሆነበት ዋነኛ ምክንያት ወራትን በየ ወቅቱ መመደብ “Intercalation’’ አምላካችን አላህ በቁርዓን ውስጥ ስለከለከለ ነው፦ “የአንዱን ወር ክብር ወደ ሌላው ማዘግየት በክህደት ላይ (ክህደትን) መጨመር ብቻ ነው፡፡ በእርሱ እነዚያ የካዱት ሰዎች ይሳሳቱበታል፡፡ በአንድ ዓመት የተፈቀደ ያደርጉታል፡፡ በሌላው ዓመትም ያወግዙታል፡፡ (ይህ) አላህ ያከበራቸውን ወሮች ቁጥር ሊያስተካክሉ፣ አላህም እርም ያደረገውን የተፈቀደ ሊያደርጉ ነው፡፡” — Quran

ከዚህም ጋር ተያይዞ የመካከለኛው ክፍለ ዘመን የታሪክ አጥኚ እና የዓረቢኛ ቋንቋ ሊቅ ‘ሙሐመድ ኢብን ሙከረም ኢብን መንዙር’ “ሊሳን ዓል ዓረቢ” በተሰኘ ታላቅ መፅሐፋቸው ላይ የስርው ፍቺውን “Etymological Definition” ጉዳይ አስቀጥለው ይህን ንግግር ይጠቅሳሉ፦ “ኢብን ዱረይድ እንደተናገረው፦ ከጥንታዊ ቋንቋዎች የወራት ስሞችን በሚያስተላልፉበት ጊዜ ወራቶቹ ከተከሰቱበት ወቅት በኋላ በዚያ ይሰይሟቸው ነበር። ረመዳን ከፍ ያለ ሙቀት ባጋጠመበት ጊዜ ተከሰተ ስለዚህም ከዚያ በኋላ በዚያ ሰየሙት።“[¹]

ረመዳን የወሩ ስያሜ ከመሆኑ ጋር ተያይዞ የተሰየመበት ምክንያት የ ድልድል "Intercalation" ስርዓት በሌለው የዓረቦች ዘመን መቁጠሪያ ውስጥ ያረፈበት ወቅት ሞቃታማው/በጋ ስለነበር ነው። ቃሉን ከፈታንበት ስርው ፍቺ “Etymological Definition” በዘለለ “አቃጣይ” ወይም “የሚያቃጥል” የሚለው ትርጉም በረመዳን ላይ ፅንሰ ሀሳባዊ ፍቺ እንዳለው ያውቁ ኖሯል?
__
ማጣቀሻዎች፦
[1] Lisan Al 'Arabi By Ibn Manzur Volume 7 Page 161-2
...
Written By: Akhi Ahmed Respond

Ahmed Respond

May 22, 2026, 05:06 PM

“እያንዳንዱ ሰው የሚኖረው ከሁለት ዓለማት ጋር በሚያካሂደው መስተጋብር ነው። አንደኛው ዓለም ውጫዊ ዓለም ሲሆን፣ ሁለተኛው ዓለም ደግሞ በውስጡ ያለው ዓለም ነው። በውስጣችን ያለው ዓለም እኛ በህይወት እስካለን ድረስ ብቻ የሚኖር ሲሆን፣ ውጫዊው ዓለም ግን እኛ በህይወት ብንኖርም ባንኖርም የሚኖር ዓለም ነው። የአንድ ሰው ውስጣዊ ዓለም የሚባለው ግለሰቡ ያለውን አመለካከት፣ ዕውቀት፣ ክህሎት፣ ስሜት ወዘተ … ያጠቃልላል። ስለሆነም አንድ ሰው ውጫዊውን ዓለም የሚመለከትበትም ሆነ መጠቀም የሚችልበት አቅም በውስጣዊ ዓለሙ ባለው ብቃት ይወሰናል። ይህም ማለት አንድ ሰው የሚያውቀው፣ የሚረዳውና ሊሠራ የሚችለው የተማረው ነገር ውጤት ነው እንደማለት ነው። ዛሬ በዓለማችን ያሉ ዜጎች የአኗኗር ልዩነት የመጣው በአብዛኛው ለመማር ባገኙት ወይም ባጡት ዕድል ላይ ተመሥርቶ እንደሆነ በገሀድ የሚታወቅ ሐቅ ነው።“ — የተወሰደ

22,800

138

Ahmed Respond

May 22, 2026, 05:06 PM

እስኪ ዛሬ ትንሽ ነገር ልጋብዛቹህ🤗

'ነብዩ ሙሃመድ ሰ.አ.ወ ስሙ የገዘፈ የሰው ልጅ እሳቤ ማዕዘን ነው። ምንድን ነው የሚሉት? የሰው ልጅ የሁሉም ነገር ሚዛን ነው አይደል? በቃ ያ ሰው ሙሃመድ ሰ.አ.ወ ነው።

የትኛውም የልዕልና ከፍታ የሰው ልጅን ህይወት አይዳስስም። አንዱ ስለ ሰላምና ፍቅር ይሰብክሃል ነገር ግን የሰው ልጅ ጦርነትን ይፈጥራል ያኔ ምን ታደርጋለህ? […ስለሰለም እየሰበክ ትኖራለህ?]

ቡድሃ ኑሮ የለውም አንተ ግን አለህ!! እስኪ እሱን መሰረት አድርገህ ኑር። ግማሽ መንገድ ላይ ትቀራለህ። በህይወትህ ልክ ልክክ የማይሉ ታላላቅ ነፍሶች አሉ ግን በሚልየን መካከል እንዳለ አንድ ግለሰብ ለመኖር እንጂ እንደ ህዝብ አዳጋች ነው።

የትኛውም በሰው ልጅ ህይወት ውስጥ የሚከሰት ታላቅ ሰው አንዱን የህይወት መስክ መዝዞ ነው የምታገኘው። ወይ ፍቅር ሰብኮህ ያልፋል ወይ ጦር ያማዝዝሃል። ከላኦ ዙ እስከ ማህቪራ ፥ ከቡድሃ እስከ መካከለኛው ምስራቅ ነብያቶች. . .

ዳህማፓዳ ላይ ይሁን ሌላ ቦታ አንድ ታሪክ አለ። ቡድሃ ላይ ሰውየው ተፋበት። ቡድሃ በፍፁም ትዕግስት ውስጥ ነበር። ምንም አላለም ጭጭ።

ዳግመኛ መጥቶ ይቅርታ ጠየቀ "ትናንት የነበረው ማንነታችን ዛሬ የለም ተፊውም የተተፋበትም ዛሬ የሉም"

"And whoever is patient and forgives – indeed, that is of the matters [worthy] of resolve.” (42:43)

ይህ ግን ሁሌም አይሰራም። ቡድሃን መሆን አለብህ ነገር ግን ህይወት አንድ ቅርፅ ብቻ አይደለም ያላት። በዚህ ህይወት ውስጥ ተተፍቶብህ መታገስ የሚችለውን ቡድሃን ብትፈጥር ስህተቱ የገባው የሚነቃው ተፊ ያስፈልግሃል። ዳግመኛ ቢተፋብህስ? ፍቅር ሁሌም አይሰራም!!

ሁሌ ግራህን እያስደበደብክ መኖር ትችላለህ?

ከላይ ከጠቀስነው በላይ በመልዕክተኛው ሰ.አ.ወ ላይ ተከስቷል። የመካ ህይወታቸው አብዛኛው የመቻል ፥ የፍቅር ፥ የይቅር ባይነት ነበር። ከዘመድ እስከባዳ የገፋው የከዳው . . .

ህዝብን ለመምራት ለመጣ ነብይ ፍቅር ብቻ እንዲሰብክ ከጠበቅክ ስለፍትህ እንዳታወራ። በሚደርስብህ ሁሉ መቻል አለብህ።

እሳቸውጋ ግን የነበረው ሰፊ እዝነት ነው።

በራሳቸው ጉዳይ ከውልደት እስከ ህልፈት ይቅርታ አድርገዋል። የጌታቸው ሃቅ እስካልተነካ ትዕዛዙ እስካልተጣሰ ፊታቸው ጨፍገግ እንኳ አይልም። ህያው ብርሃን ደብዘዝ ሊል አይችልምኮ . . . [ሁለት ብርሃን ነበሩ አባትና ልጅ - ማን ይረሳል ከነ ስሟስ ፋጢመቱ ዛህራ ረ.ኣ. እንዴት ያለ መግዘፍ ነው?!] . . . .

እሳቸው ይህንን የህይወት መስክ ስላልኖሩት ምሳሌዬ ሊሆኑ አይችሉም ልትል አትችልም። ወንድ ከሆንክ ህይወታቸውን አጥና። ከፍርድ አትነሳ ሰው ብቻ ሁነህ አንብበው።

Stephen Prothero በ -God Is Not One መፅሃፉ መግቢያ ላይ ፦
. . . religion is not merely a private affair. It matters socially, economically, politically, and militarily.

ይህ በሳቸው ህይወት ውስጥ የሚታይ እንጂ በሌላ ስፍራ የምታገኘው አይደለም። አብዮት ካስነሱ ታላላቅ ርዕዮቶች በላይ የዘካ እና የሰደቃ ህግና ባህል ሚልየኖችን መግቧል [ፖለቲካህን ለደቂቃ ገለል ካደረግከው ሁሉም በልቶ ያድራል]

እዝነት ያለበት ፖለቲካዊ ርዕዮት የለም። ማሪዮ ፑዞ በGodfather ማብቂያ ላይ "Politics and Crime are the same" የሚለው ወድዶ አይደለም ምክንያቱም መድረስህ እንጂ ለመድረስ የጨፈለቅከው አያሳስብህም "the end justifies the means" ይላልና ኒኮሎ!

የስብሃት ትኩሳት ላይ ስለ ቤልጅየም መንግስት [ስልጡን ህዝቦችህ] ግፍ ያሰፈረውን ገረፍ ገረፍ አድርግ። የገነባኸው አለም የHIV መድሃኒት ከመስራት ፥ ኢቦላን እና ካንሰርን ከማጥፋት የመረጠው ለግብረሶዶም በጀቱን መመደብ ነው። ቤተ ክርስትያን እና መስጂዶችን ማጥፋት ቫይረስ ማምረት . . .

ስለየትኛው ግብረገብ ነው ምናወራው?

አይደለም ህይወትህን ለመዳሰስ በልተህ ማደርህ እንኳ እርግጥ ባልሆነበት ስንኩል ርዕዮት የገነባቸው መንግስታት ባሉበት አለም ነው ምትኖረው። ታውቃለህ ነብዩ ሰ.አ.ወ ሲያልፉ ገንዘባቸው ሳንቲም ሳትቀር ለምስኪን እንደዋለ?

ይህ ታላቁ ነብይ ነው!! በሚልየን ስላጎሩ የሃይማኖት አባቶች አናወራም። የምናወራው ስለከፍታው ነው። ያ "ለአለማት እዝነት" ስለተደረገው ንፁህ ነፍስ!!

በዚህ ዘመን የትኛውን የሃይማኖት ታላላቅ አባቶች ነው ቀረብ ብለህ ማናገር የምትችለው? ጋርዶቻቸውን ማለፍስ ትችላለህ?
ሙሃመድ ሰ.አ.ወ ጠባቂ ያሌለው ንጉስ ነበር። ርሃብ ካለ እኩል የሚርበው መጠማት ካለ እኩል የሚጠማው እንጂ ምዕመኑ ተቸግሮ እያየ አስተምሮ በቅንጡ መኪናው ወደቤቱ የሚያመራ አልነበረም።

እስኪ ሚድያህ ላይ ያሉ ቤሳቤስቲን ያሌላቸው የሃይማኖት ታዋቂ አባቶች አምጣልኝ!

ይኸውልህ ጓዴ Egoህንም ወደህ ፍትህንም ፈልገህ አይሆንም።

በድል አድራጊነት የትውልድ ቀዬውን መካን ሲቆጣጠር የተዋጉት "ምን ታደርገናለህ? ፍርድህስ ምንድን ነው?" ሲሉ . . . "ይቅር ብያችኋለሁ ባላችሁበት ኑሩ" ነበር ያለው!! ተሸንፈህ ይቅርታ ልታደርግ ትችላለህ አማራጭ የለህምና። አሸንፈህ ግን ይቅርታን ማድረግ ግን ሌላ ጉዳይ ነው።

የትኛውም የህይወት መምህር ቁንፅል ህይወትህን ብቻ ነው ሊመራህ የሚችለው። ይህንን ሃቅ በራስህ ድረስበትና ታዘብ!

አሁን ላለው ውጥንቅጥ መፍትሄ ትፈልጋለህ? ቤተሰብህ ተናግቷል? ወላጆችህ አኩርፈውሃል? ከገባህበት ማጥ መውጣት ተስኖሃል? በቃ ግራ ገብቶሃል? ለማንም አትናገር ተደብቀህ ህይወታቸውን አጥና ምክራቸውን ተግብረው ያኔ ወንበርህ ላይ ሁነህ ያላሰብከው ፈገግታ ፊትህ ላይ ታገኛለህ!!

Writing ✍️ 𝐇𝐞𝐫𝐚𝐧 𝐀𝐥𝐞𝐦𝐚𝐲𝐞𝐡𝐮🦋

Ahmed Respond

May 22, 2026, 05:06 PM

🎥 Video

Different Realities💔

26,000

226

Ahmed Respond

May 22, 2026, 05:06 PM

የአማራ ክልል የትምህርት ቢሮ የ 2018 የትምህርት አሰጣጥ ስርዓት ውስጥ ሁሉንም የክልሉ ትምህርት መምሪያዎች አስመልክቶ የግዕዝ ቋንቋን እንደ አንድ የትምህርት ዘርፍ እንዲያካትቱት በቂ ዝግጅት እንዲደረግ በማሳሰብ ያሰፈረው ደብዳቤ ለአሉታዊ ኂስ ተጋላጭነቱ እሙን እውነታ ነው!

በልዩነት የዓረቢኛ ቋንቋን እንደ አንድ የትምህርት ዘርፍ የሚሰጡ የግል ት/ቤቶችን በማቀብ "ሀገር በቀል" በሚል ስም ቋንቋን ከክርስቲያናዊ መጻሕፍት እየቃረሙ ትውልዱን መጋት በግልጋሎተ ሰፊነቱ የማይታማውን የዓረቢኛ ቋንቋ ከኢሥላማዊ ዘውግ በዘለለ ትርጓሜ የሌለው አስመስሎ ትውልድ ከመቅረፅ የወጣ ፍቺ አይኖረውም! እርግጥ ነው የግዕዝ ቋንቋን እንደ ቋንቋ በቤ/ክርስቲያኒቱ ቅዱሳን መጻሕፍት ብቻ ሳንወስነው በታሪክ ውስጥ ከነበረው የበላይነት በመነሳት በዘርፈ ብዙ መንገድ አስፈላጊነቱን መመልከት እንችላለን ...አልፎም የኢትዮጵያዊው ሙሥሊም ማሕበረሰብ እንቁ ጸሀፍት እምብዛምነት ተጠቃሽ መንስኤዎች አንዱ የቋንቋ ውስንነት ከመሆኑ ጋር ይህን ከመቅረፍ አኳያ በትምህርት ደረጃ ሊወሰዱ ከሚገባቸው ግንባር ቀደም ቋንቋዎች አንዱ የግዕዝ ቋንቋ መሆኑ ገሀድ እውነታ ነው! ነገር ግን "ሀገር በቀል" በሚል ስም ህቡዕ ሀይማኖታዊ ሴራችሁን ማራመጃ መሣሪያ ቋንቋው መሆኑ አሳፋሪ ድርጊት ከመሆኑ ጋር ተግባሩን የማንቃወምበት ጎራ በማይለይ ሴኩላር የአካሄድ ስርዓት ትውልዱን እንደ ትውልድ በሁለቱም (ዓረቢኛ፣ግዕዝ) መግባቢያዎች ብትገነቡ ስል አሳስባለሁ። …እና ስላቹ ትመቹኛላችሁ :)

25,600

202

Ahmed Respond

May 22, 2026, 05:06 PM

ሀልዎተ ኢሥላም (ቅድመ ሙሐመድ 'ﷺ' )
...
የክርስቲያን አቃቢያን መታወቂያ ላይ የ አደጋ ጊዜ መውጫ ተብለው ከሰፈሩ ጥያቄዎች አንዱ ይህ "ቅድመ ሙሐመድ 'ﷺ' ባሉ ታሪካዊ ማስረጃዎች የእስልምና መኖር ሊረጋገጥ ይችላልን?" የተሰኘው ጥያቄ ነው ...ጥያቄውም እንደ ጥያቄ በአድማጩ ማህበረሰብ ላይ በተንሰራፋበት አውድ ተገቢውን መልስ ከማቅረብ አኳያ በኛ በኩል ካሉ አካላት ግልጽ እና አመርቂ እይታ ባለመመልከቴ ይህቺን መጣጥፍ አሰፍር ዘንድ ወደድሁ።

የፍጥረተ አለሙ አስገኚ እኛ የሰው ልጆችን ሲፈጥር እሱን ለመገዛት የተመራን በመሆን ውስጥ ቃል የተገባልንን ገነት እንድናገኝ በሚል አላማ እንደሆነ በተከበረ ቃሉ አበክሮ ይነግረናል። (51፥56፣2፥21) ወደዚህች ምድር ሲያመጣንም እሱን ለመታዘዝም ሆነ ለማመፅ ከሚያበቃን የምርጫ ነፃነት “Free Will” ጋር ሲሆን ለፍጡራኑ ካለው ውዴታ በተነሳ ለገዛ ምርጫችን ሳይተወን በመልካም የሚያዙ በመጥፎ የሚያስጠነቅቁ ነብያትና መልዕክተኞችን ሲልክ ቆይቶ የነዚሁ ማገባደጃ እና ማብቂያ በማድረግ ነብዩ ሙሐመድን 'ﷺ' ከተከበረው ቃሉ ጋር ለአለም ልኳቸዋል። ይህ ነብያት የተላኩበት ለብቸኛው አምላክ እጅ የመስጠት (የመታዘዝ፣የመገዛት) መንገድ በዓረቢኛ የቃል አጠቃቀም ውስጥ ኢሥላም "اسلام" ተብሎ ሲጠራ የዚህ መንገድ አስኳል እና ምሰሶ የሆነው የአንድ እና ብቸኛ አምላክ አስተምህሮ "Monotheism" የነብያቱ መሠረታዊ አጀንዳ መሆኑን ጠቋሚ የሆኑ ዘርፈ ብዙ መረጃዎች ቢኖሩም በነዚህ መረጃዎች ላይ እንደ አንድ አርዕስት ለመመለስ በማሰብ በዛሬው ነጥብ ላይ አንዳንድ አስፈላጊ ግምገማዎችን እንቃኝ …

ዘርፈ ብዙ መሣሪያዎችን በመጠቀም ስለ አላፊ ክስተቶች የሚያትት የጥናት ዘርፍ "ታሪክ" ተብሎ ሲጠራ በዘርፉ ላይ ጥናት የሚያደርጉ ምሁራን ደግሞ "ታሪካውያን" በሚል የማዕረግ ስም እንጠራቸዋለን። ሴኩላር ዘርፉ ቀላል የማይባሉ ክስተቶችን እውነታነት እንዳረጋገጠልን ሁሉ ታሪካውያኑ በተለያየ ጊዜ ውስጥ ከማስረጃ ውስንነት አንፃር በአንዳንድ ክስተቶች ውስጥ ዝምታን መምረጣቸው የክስተቱን ህልውና ሙሉ ለሙሉ ጥያቄ ውስጥ የሚያስገባ (አለመከሰቱን፣አለመኖሩን) እንደማያመላክት ያስገነዘቡን ዘርፈ ብዙ ታሪካዊ ክስተቶች ለቁጥር አታካች ናቸው ለምሳሌ፦ በአያሌ የብሉይ ኪዳን ጥቅሶች ውስጥ ሰፍረው የምናገኛቸው ኬጥያውያን "Hittites" 'ሁጎ ዊንክለር' በተሰኘ ጀርመናዊ አርኪዮሎጂስት የመሪነት ውጥን በ 20 ክ/ዘመን ህልውናቸውን ስነ ቅርስ እስኪያረጋግጠው ድረስ ከታሪካውያኑ ዘንድ የነበረው ግምገማ ከአፈ ታሪክ የዘለለ አልነበረም ይለናል 'Dr. Ira M. Price' :-
“The Hittites are often mentioned in the Old Testament. Otherwise they were a forgotten people until the second half of the nineteenth century. The lack of extra-biblical testimony to their existence led some scholars about a half-century ago to deny their historicity.” [¹]
…
በሌላ አቅጣጫ አብዝሀኛው ማህበረሰብ ኢ-ርቱዕ "Secondary" ለምንለው እንደ ታሪክ መጻሕፍት ያሉ የምንጭ አይነቶች ተጋላጭ ከመሆኑ ጋር "history is written by the winners" እንዲል 'Napoleon Bonaparte' የታሪክ ምሁራን እና ጸሐፍት ምንጮች እንኳ አሸናፊ እንደሆነው አካል ፍላጎት ሲቀረፁ እና ሲረቁ የሚስተዋልበት አጋጣሚ እጅጉን ሰፊ ነው። 'Edward H. Carr' "What Is History?" በተሰኘ መጽሐፉ ላይ “Study the historian before you begin to study the facts.” [²] ሲል ያሳሰበን በዚሁ ስሌት እና ቀመር አይደለምን?

ለዚህ ነጥብ ማሳያ በመሆን ከሚቀርቡ ቁጥር ስፍር ከሌላቸው ማስረጃዎች መካከል ቤ/ክርስቲያን አንዷ ነች! ከጥንታዊቷ ቤ/ክርስቲያን ተቃራኒ አቅጣጫ ቆመዋል ተብለው በመታመን ምንፍቅና "Heretics" በሚል የአመለካከት መደብ ውስጥ የተካተቱ አካላት እንደ ምሳሌ መጥቀስ ይቻላል! "የነገረ አበው አባት" በመባል የሚታወቀው 'ቅዱስ አውሳብዮስ ዘ ቂሳሪያ' ስራ የሆነው "Church History" የተሰኘ መጽሐፍ (VIII) መቅድም ላይ እንዲህ ከማለቱ ጋር፦
“But we shall introduce into this history ...only those events which may be useful first to ourselves and afterwards to posterity.”
ይበልጡኑ ከ2 ተኛው እስከ 5ተኛው ክ/ዘመን ባለው የክርስትና ታሪካዊ ዳራ ውስጥ አያሌ በክርስትና ጎራ ስር ምድብነት የነበራቸው አንጃዎች እንደነበሩና ጠንከር ባለ ግብግብ ውስጥ በመግባት አንዱ አንዱን ሲያዳክም እና ሲጥል በዘለቀበት ፍልሚያ ውስጥ የአሸናፊነቱን ቦታ የያዘችው አካል "Proto Orthodox" በተቃራኒ የአመለካከት አቅጣጫ ላይ ቆመዋል ብላ ያመነችባቸውን አካላት ሄተሮዶክስ "Heterodox" በሚል ቅፅል በመቀፀል ቀላል የማይባል ጥፋትን ከማድረስ አልፎ ለዚህ ጥቃት ተጋላጭ የሆኑትን አካላት ታሪክ እንደመሰላት አድርጋ ከፃፈችው ከራሷ ከድል አድራጊዋ ቤ/ክርስቲያን የመረጃ ምንጮች እንድናገኝ እንዳደረገች 'Bart D. Ehrman' የተሰኘ አሜሪካዊ የአዲስ ኪዳን ምሁር "The Lost Christianities" በተሰኘ መጽሐፉ የመጀመሪያ ምዕራፍ ላይ በሰፊው ያትትልናል ... [³]
…
በማህበራዊ ፖለቲካዊ አውድ የሚወሰነው ታሪክ ዝምታ "Historical Silence" ቅድመ ሙሐመድ 'ﷺ' የእስልምናን ህልውና ውድቅ የሚያደርግ ማሳያ አድርጎ ማቅረቡ "argumuntum ad ignoratium" በተሰኘ ህፀፅ ውስጥ መመደቡን በማስያዝ እስልምና በታሪክ ምንድን ነው? ቢሉ የታሪክ እና ታሪካውያኑስ ምንድን ናቸው? በማለት መጠይቃችንን እያሰፈርን ስነ ቅርፃዊ ግምገማው የብዙሃኑን የህልውና ጥያቄ በቅጡ እንኳ ካለመመለሱ አልፎ ምድራችን በምትገኝበት አውድ የዚህ አለም እግዜሮች ስለ ሁኔታው ዝምታን መምረጣቸው …የትርክት ሀሰትነት አለመረጋገጥ እውነት እንደማያደርገው የትርክት እውነታነት አለመረጋገጥ ሀሰት አያደርገውምና በጊዜ ውስጥ ስለነበረው ጊዜ አሳላፊ ከሆነው ጌታ ቃል (ቁርዓን) ግንዛቤ ስር አርዕስቶቻችንን በማስጠለል የዛሬዋን መጣጥፍ እናገባድዳለን።
“ለእናንተ ከሃይማኖት ያንን በእርሱ ኑሕን ያዘዘበትን ደነገገላችሁ፡፡ ያንንም ወዳንተ ያወረድነውን ያንንም በእርሱ ኢብራሂምን ሙሳንና ዒሳንም ያዘዝንበትን ሃይማኖትን በትክክል አቋቁሙ በእርሱም አትለያዩ ማለትን (ደነገግን)።”
— Surah Ash Shuara 42:13
__
ማጣቀሻዎች፦
[1] Ira M. Price, The Monuments and the Old Testament (1909), pp. 75–6
[2] Edward H. Carr, What is History? (1961), p. 26
[3] Bart D. Ehrman, The Lost Christianities (2003), Ch. 1
...
Written By: Akhi Ahmed Respond

Ahmed Respond

May 22, 2026, 05:06 PM

Channel created

Ahmed Respond

May 22, 2026, 05:06 PM

As Selamu Aleikum everyone Im Back✋🙂‍↕️

30,600

617

Ahmed Respond

Apr 6, 2026, 09:41 AM

አላህ ለመርየም የጠየቀቺውን ሰቷት ቢሆንስ?

ቁርኣንን ሳነብ የሚገርመኝ አንቀጽ አለ:: እሱም መርየም በዝሙት በምትጠረጠር ሰዐት ምን አለ ሞቼ ብሆን እና የተረሳው ሆኜ ብቀር ያለችበት:: አላህ ለመርየም የጠየቀቺውን ሰቷት ቢሆንስ? ሁሌ ምጠይቀው ጥያቄ ነው :: ግን አላህ ምን ሰጣት? የተከበረች አደረጋት በልጇ አከበራት በልጇም ንፅህናዋን አስመሰከረላት:: የማወራው ስለ መርየም አይደለም እናንተስ አላህ የፈለገውን ወይስ እናንተ የፈለጋቹትን ይስጣቹ?

⭐ አቡበከር⭐✍️

22,900

188

Ahmed Respond

Apr 6, 2026, 09:41 AM

አላህ ለመርየም የጠየቀቺውን ሰቷት ቢሆንስ? ቁርኣንን ሳነብ የሚገርመኝ አንቀጽ አለ:: እሱም መርየም በዝሙት በምትጠረጠር ሰዐት ምን አለ ሞቼ ብሆን እና የተረሳው ሆኜ ብቀር ያለችበት:: አላህ ለመርየም የጠየቀቺውን ሰቷት ቢሆንስ? ሁሌ ምጠይቀው ጥያቄ ነው :: ግን አላህ ምን ሰጣት? የተከበረች አደረጋት በልጇ አከበራት በልጇም ንፅህናዋን አስመሰከረላት:: የማወራው ስለ መርየም አይደለም እናንተስ አላህ…

23,400

273

Ahmed Respond

Apr 6, 2026, 09:41 AM

📷 Photo

21,100

380

Showing 13 of 13 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Before criticizing someone, examine your conscience and analyze the situation from ALL possible points of views

540

Rape is synonym of trashing criminal all human rights, many traumas & suicide. It's time to sentence rapers as indirect homicide

440

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

2.1k0

Against discrimination of Islam / Muslims who don't commit crimes! Islamic religion is doing crime, but not all muslims!

540

Loading recommended channels...

Ahmed Respond

Ahmed Respond

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

User Reviews (0)

Latest Posts