ISLAM IS UNIVERSITY

Public

View Channel

115

334

Can't Join? @IslamisUniverstiy_public_group

14.3k Members

Updated: May 13, 2026 at 1:25 AM

ISLAM IS UNIVERSITY

⭐️ሰው የሚገነዘብ አእምሮና የሚያፈቅር ልቦና ባለቤት ነው።እነዚህ ሁለቱ ካልተመጣጠኑ ስብእናው አደጋ ውስጥ ነው።የሚያገናዝበው አዕምሮው፣የሚያፈቅረው ልቡ፣የሚንቀሳቀሰው አካሉናወደ ሰማይ የሚወነጨፈው መንፈሱ በውህደት ካልተንቀሳቀሱ ሰውየው ላይ ችግር አለ ማለት ነው 📨የፍቅር እና የጥላቻ ስሜቱ፣የፍላጎት እናየፍርሃት መንፈሱ በአዕምሮ ብስለት ካልተገራ አስቸጋሪ ነው አስተያየት👇 t.me/AnuSeu

@IslamisUniverstiy_public_group is a dedicated channel for tmeanuseu with regular updates in Religion

Ranking

Global Ranking

#456

Language Ranking

#45

Category Ranking

#23

-1

Participant Growth (Last 10 Days)

Total: 14.3K

24h growth: -124 1%

Latest Posts

ISLAM IS UNIVERSITY

May 11, 2026, 06:50 AM

🎥 Video

ወሎ ደሴ የኢድ ሶላት መልስ

⚡️⚡️ከእስታዲየም ዉጭ አስፓልት ላይ ብቻ የሰገደዉ ሰዉ ሲመለስ የሚያሳይ በድሮን የተቀረፀ

✍ ሙስሊሞች በኢድ እና በአረፋ በአል የተገኘዉን ምዕመናን በድሮን ቀርፃችሁ ማስቀመጥ እንዳለባችሁ አዘንጉ፡፡ የዘንድሮዉ የጅማ የተለየ ነበር ግን ምን ይደረጋል በድሮን አልተቀረፀም፡ ለወደፊት እሰቡበት፡፡
ደሴ ላይ ካሊዶ በየአመቱ ድሮን ቀረፃ ሊመሰገን ይገባል🙏🙏🙏
📷 kalido production

3,740

ISLAM IS UNIVERSITY

May 11, 2026, 06:50 AM

😊 #ላጤ_ሁኜ_ማደር_እጠላለሁ
✍🏼 አሚር ሰይድ

አሏህ ሱብሀነ ወተአላ በተከበረ የቁርአን ቃሉ ጋብቻን ሲያበረታታ እንዲህ ብሎ አዞናል፡-

{ وَأَنكِحُوا۟ ٱلۡأَیَـٰمَىٰ مِنكُمۡ وَٱلصَّـٰلِحِینَ مِنۡ عِبَادِكُمۡ وَإِمَاۤىِٕكُمۡۚ إِن یَكُونُوا۟ فُقَرَاۤءَ یُغۡنِهِمُ ٱللَّهُ مِن فَضۡلِهِۦۗ وَٱللَّهُ وَ ٰ⁠سِعٌ عَلِیمࣱ }

ከናንተም ትዳር የሌላቸውን አጋቡ፡፡ ከወንዶች ባሮቻችሁና ከሴቶች ባሮቻችሁም ለጋብቻ ብቁ የኾኑትን አጋቡ፡፡ ድኾች ቢኾኑ አላህ ከችሮታው ያከብራቸዋል፡፡ አላህም ስጦታው ሰፊ ዐዋቂ ነው፡፡(አል ኑር 32)

🌟  ኢብኑ መስዑድ (ረ.ዐ.) ደግሞ እንዲህ ይሉ ነበር ተብሏል:- “ከዕድሜዬ አስር ቀን እንኳን ቢቀረኝ ላጤ ሆኜ አላህን ላለመገናኘት ስል አገባለሁ።"ይሉ ነበር

ዑመር ኢብኑ አልኸጧብ (ረ.ዐ.) ጋብቻን የሚጠላ ሰዉ ሲገስፁ እንዲህ ብለዋል፡ - “ከጋብቻ የሚከላከል ጉዳይ ቢኖር ስንፍና አሊያም መናጢነት ብቻ ነው።”

✏️ ኢብኑ ዐባስ (ረ.ዐ.) የሐጅ አድራጊ ሐጅ የተሟላ አይሆንም እስኪያገባ ድረስ ማለታቸው ይነገራል። ኢብኑ አባስ ለሐጅ መሟላት ጋብቻ አስፈላጊ መሆኑን ጠቅሰዋል:: ምናልባት እንዲህ ማለትም አስበው ይሆናል ..... አንዱ ሰው በስሜት ከመሸነፍ አይድንም እስካላገባ ድረስ፤ ሐጅ ደግሞ የተሟላ ሊሆን የሚችለው ከስሜት ነፃ በሆነ ቀልብ የተከናወነ እንደሆነ ነው።
ዛሬ ላይ ሳያገባ እሷም ሳታገባ በተለይ ኡምራ የሚያደረገዉ ማሻ አሏህ ያስብላል፡፡ ሀጁም ያላገቡ ወጣቶችን ማካተት ከጀመር ዋል አደር ብሏል ግን መጀመሪያ ትዳሩ ላይ አተኮሮ ቀልቡን ሰብሰብ ቢያደርጉ ኸይር ነዉ፡፡

♦ ዒከሪማን እና ከሪብን እንዲሁም ሌሎችን ባገኙ ጊዜ ልጆቻቸውን በመሰብሰብ እንዲህ አሏቸው “ጋብቻ ከፈለጋችሁ አጋባችኋለሁ፤ አንድ ባሪያ ዝሙት የፈፀመ እንደሆን ኢማን ከቀልቡ ውስጥ ይወሰዳልና።"ይሏቸዉ ነበር ...ዝሙት የለመደ የለመደች ወጣት ትዳር ሲባሉ ማዕከላዊ እስርቤት የሚገቡ ይመስላቸዋልና

🟢 የሙዓዝ ኢብኑ ጀበል ሁለት ሚስቶች ሞቱ። በወረርሽኝ በሽታ ነበር የሞቱት፣ እርሱም በወባ ተጠቅቶ ነበር። በዚህን ጊዜ
“ #እኔ_ላጤ_ሆኜ_አላህን_መገናኘት_አልሻምና ዳሩኝ።” አሉ። ይህ ሁሉ የሚያመለከተው ከስሜት ጣጣ ራስን ለመጠበቅ ጋብቻ ሰላም ሰጭ መፍትሄ መሆኑን ነው።

✏️  ኢማም አሕመድ የልጃቸው የዐብደላህ እናት በሞተች በሁለተኛው ቀን እንዳገቡ ተነግሯል።
እንዴት ሀዘንሁን ሳትጨርሱ አገባሁ ተብለዉ  ተጠይቀው “ #ላጤ_ሆኜ_ማደር_እጠላለሁ" ነበር ያሉት።ዛሬ ላይ ስንት የሴትም የወንድም ወጣት ሸርጥ እያበዙ ላጤ ሁነዉ በስልካቸዉ በሚያዩት ነገር ሀራም ሲሰሩ ያድራሉ ግን ነገ ሞት ያለበት ሰዉ ሀላልን ብዙ ቅድመ መስፈርት ሲያበዙ የመጣዉ ትዳር 60% ከእናተ እቅድ ሀሳብ ጋር ከሄደ ገብቶ የትዳሩን ቤት ለማቋም መታገል መታገል መታታታገል ነዉ የሚሻለዉ

📷  #አንዳንድ_ዑለሞች ፡-“ያገባ ሰው ካላገባው አንፃር ያለው ደረጃ በአላህ መንገድ እንደሚታገልና ከትግል ርቆ እንደተቀመጠ ሰው ነው። ያገባ ሰው የሚሰግደው አንዲት ረከዐህ ሶላት,,, ካላገባው ሰው ከ70 ረከዐህ ትበልጣለች” እስከማለት የደረሱም አሉ።

ዛሬ ላይ ወጣቱ ትዳር እየሸሸ ፍቹ እየበዛ መጥቷል፡፡ዘመኑም እንደምታዩት ኑሮዉ እየተወደደ ጥርነቱ መፈናቀሉ በዛና ትዳር ማቋቋም ከብዷል፡፡

🎖🎖 ዛሬ ስለትዳር ላነሳበት የቻልኩት ምክንያት የዛሬ አመት አካባቢ Hiv ያለባቸዉን ለማጋባት በተቻለ አቅም ሰርቼ ነበር አልሀምዱሊላህ አላህም አላሳፈረኝም Hiv ካለባቸዉ አራት የሌለባቸዉ ሁለት ትዳር ማሳካት ችዬ ነበር በሚያሳዝን ሁኔታ አምስቱ ከተጋቡ ቡሀላ በመለያየት ተቋጭቷል አመት እንኳ መዝለቅ አልቻለም😔 አንዱ የቀረዉ እየተንገጫገጨ ነዉ፡፡

አስተያየት ስትሰጡ ትዳር አገናኘኝ የምትሉ ይሄ ነገር ስለተፈጠረብኝ ማገናኘቱን ለማቆም ተገድጃለሁ፡፡ ብዙዎቻችን ትዳር እንደቀላል አድርገን ይዘነዋል ፍች በወንድ ልጅ ምላስ ሶስቴ ፈትቻለሁ ሲል እንደ አሏሁ አክበር ቃል ቀሎታል...በዚህ ሁኔታ ከሄደ ግን ለሙስሊም ማህበረሰብ ዉርደት ነዉ፡፡

🚫 #አንድ_የገጠር_አዛዉንት  ሰዉ የበዛበት የገጠር መንደር ይኑሩ ነበር ታዳ አንዱ መጥቶ ሚስቴ ነገሯን አልቻልኩም ልፈታ ነዉ ቤቴን በነገር አጨሰችዉ ይላቸዋል...አዛዉንትም ወደ 11 ሰአት አካባቢ ና ይሉታል...እሺ ብሎ 11 ሰአት አካባቢ እሳቸዉ ጋር ይሄዳል፡፡ ይሄ 11ሰአት አካባቢ የገበሬ ሚስቶች ለባሎቻቸዉ እራት ለመስራት ከአረም ወይ ከእርሻ ቀድመዉ መጥተዉ እዉጭ እራት ለመስራት እንጨት ሲያነዱ ወደ ላይ የሰፈሩ ጭስ የሚበዛበት ሰአት ነዉ...አዛዉንቱ ና በል ወደ ተራራ እንዉጣ ብለዉ ተራራዉ ላይ ሁነዉ ያሉበትን ሰፈር ከተራሪዉ በላይ ሆነዉ እየተመለከቱ...አዛዉንቱ ሰዉየዉን ሰፈር ላይ ምን ይታይሀል??ብለዉ ጠየቁት
እሱም ጭስ ይታየኛል ብሎ መለሰቻቸዉ
አዛዉንቱም፡- ሁሉም ቤት ሴቶች እራት እየሰሩ ጭስ እየታየህ ነዉ ማንኛዉ ቤት የጭሱ መጠን ይለያያል እንጂ እየጨሰ ጭሱን እያጠፋ ነዉ የሚኖረዉ ብለዉ መከሩትና ወደ ሰፈራቸዉ ተመለሱ፡፡

ከዚህ የምንወስደዉ ማንኛዉም ቤት ፀብ ችግር አለ ግን ያንን አንዱ ሲሞቅ አንዱ እያበረደ እየኖረ ነዉ፡፡ ሚዲያ ላይ በትዳሬ ደስተኛ ነኝ ምናምን ሲሉ አትመኑ ሙሉ በሙሉ ደስተኛ የለም... ሚስቴ ጋር ተጣልቼ አላቅም ካለህ አንዱ መጥቶ እሱ ደዩስ ነዉ ሴቶች ማጥፋታቸዉ አይቀርም እሷ ወንድ እሱ ሴት ሁነዉ ነዉ የሚኖሩት ማለት ነዉ ወዳጄ

⚠️ #ትዳር የምወዳትን የምትወድህን ማግባቱ ኸይር ነዉ ግን ...ለትዳሬ የምወዳትን ትሆነኛለች ብለህ ያሰብከዉን አግብተሀል ወይ? በጭራሽ አይሆንም ለምን ዱንያ የፈተና አለም ናትና
እኔ መቼም የሚወደዉን አግብቶ የኖረ የማቀዉ ጓደኛ ስለሌለኝ ተዋደዉ የተጋቡ ትዳር ምን ይመስላሉ የሚለዉን ይሄ ነዉ ብየ መግለፅ አልችልም፡፡ ብቻ ከትዳር መስፈርትህ መስፈርትህ 60% ካማሏ ገብቶ እንዳይፈርስ መታገል ነዉ፡፡

🟡 #እኔን ብዙ ሰዉ ላጤ አርጎ ይቆጥረኛል ግን በትዳር አለም መኖር ከጀመርኩ አራት አመት ሊሆነኝ ነዉ ልጆችም ወልጃለሁ የልጅ ቁጥሩ ይቆይ 10 ልጅ ስደርስ አሳዉቃለሁ😊 ...ግን የምወደዉን አላገባሁም የገባሁት ግን የማቃትን ልጅ ነዉ ተረዳችሁኝ ... Hiv ያለባቸዉን በሚዲያ ሳገናኝ የነበረዉ ትዳር  የማይተዋወቁ ነበሩና ለፍቹ መፍጠን ምክንያት ሁናል ብየ አስቢያለሁ

✏️✏️ #ትዳር አሏህ በቁርአን እንዳለን መወደተን ወራህማ ብሎናል....መጀመሪያ መወደተን ፍቅሩ መጀመሪያ አካባቢ በአዲስ ሀይል የስሜት ይኖራል ከዛ ቡሀላ ወዳጄ ዲን አላት ዲን አለዉ የተበላዉ ብዙ የተወራዉ ሁሉ ልብስ የሸፈነዉ ጉድ ይገለጥና ራህማ ይሆናል በፍታት ምን ትሆናለች ከኔ ሂዳ ትጎዳ ይሆን ሲል እሷም እንደዚሁ ስትወዛገብ ልጅ ይመጣል ለልጃቸዉ ሲሉ ይኖራሉ ይሄዉ ነዉ፡፡👇👇👇

ISLAM IS UNIVERSITY

May 11, 2026, 06:50 AM

📷 Photo

ኢናሊላህ ወኢና ኢለይሂ ራጂኡን😔

ሬድዋን ሽኩር አጣን ስንል ትናንት ወዳ ማታ ተራዊህ ሰግዶ ያሲን ኡመርን አሏህ ወደ ቤቱ ወሰዳቸዉ..
አሏህ ከቀብር ቅጣት ጠብቆ ቀብራቸዉን ያስፋላቸዉ...ጀነተል ፊርዶስ ይወፍቃቸዉ

ደሴ ላይ በጣም አዘን፡፡ አብረህ አድገህ በልተህ ጠጥተህ መለየት ከባድ ነዉ፡፡አላገቡ አልወለዱ ሞት ቀደማቸዉ😢፡፡ ሀዘናችንም ለቅሷችን ድርብርብ ሆነ ለቤተሰብ ለዘመድ የማይዋጥ ሆነ የኛ ነገርስ??

⚡️ዐሊይ አቡጧሊብ ከዕለታት አንድ ቀን ኩመይል ከሚባሌ ሰዉ ጋር  ወደ መቃብር ቦታ አመሩ፤ እዚያ እንደ ደረሱም እንዲህ አሉ፡-

"...እናንተ የመቃብር ነዋሪዎች ሆይ!

..እናንተ አካላችሁ ወደ ብናኝ የተቀየረ ሰዎች ሆይ

.እናንተ የብቸኝነት ባለቤቶች ሆይ!

..እናንተ ዘንድ ያለው ዜና ምን ይሆን?
እኛ ዘንድ ያለዉ ዜና
☞ ንብረታችሁ ለወራሾች ተከፋፍሏል
☞ ልጆቻችሁ የቲሞች  ሆነዋል፤
☞አሳዳጊ አልባ ሆነው ቀርተዋል፤
☞ሚስቶቻችሁን ሌሎች ሰዎች አግብተዋል።

ይህ እኛ ጋ ያለው ዜና ነው፤ እናንተ ጋ ያለው ዜና ምን ይሆ?!"

ይህንን ካሉ በኋላ ወደ እኔ ዘወር ብለው፦

“አንተ ኩመይል ሆይ .... ሙታኑ መልስ እንዲሰጡ ቢፈቀድላቸው ኖሮ 'ከስንቅ ሁሉ በላጩ አላህን መፍራት ነው!' የሚል ምላሽ ይሰጡን ነበር።” አሉኝ። ዐሊይ ይህንን ተናግረው ተንሰቅስቀው አለቀሱ። አስከተሉና እንዲህ ሲሉ ምክራቸውን ለገሱኝ፦

“ኩመይል ሆይ! መቃብር የስራ ሳንዱቅ ነው፤ ውስጡ ያለውን ዜና የምታውቀው የሞትክ ዕለት ነው።”

ዛሬ አመዷን 27 ለይል ነዉ ይሄን መልዕክት ያነበባችሁ እነዚህንም ሌሎች የሞቱት ወገኖቻችንን እያሳተወስን በዱአ እናስታዉሳቸዉ

Join👇👇

5,640

ISLAM IS UNIVERSITY

May 11, 2026, 06:50 AM

አረ ምን አደከማችሁ ኢድ 99.999 % ጁምአ ነዉ፡፡ ታክሲ ግፊ ወረፋ ቤት ሴቶች.... ድካሙ😬

4,090

ISLAM IS UNIVERSITY

May 11, 2026, 06:50 AM

😔 #በእኔና_በሸሀዳ_መካከል_ግርዶሽ_ተደርጓል
✍ አሚር ሰይድ

መንሱር ኢብን ዑባድ የተሰኙ ሊቅ እንዲህ ይላሉ፦ "አንድ ወንጀል የሚያበዛ ጓደኛ ነበረኝ፤ ከዚያም ወደ አላህ ተመለሰ። የሌሊት ሶላትና ሌሎች ዒባዳዎችን በብዛት ሲፈፅም እመለከተዋለሁ። አንድ ቀን ከዓይኔ ተሰወረ። እንደታመመ ሰማሁ። ፊቱ ጠቁሯል። ዓይኖቹ ደም መስለዋል፤ ከንፈሮቹ አብጠዋል። በአየሁት የእሱ ለዉጥ በፍርሀት ተሞልቼ፦ " #ወንድሜ_ሆይ! ላ ኢላሀ ኢልለላህ የሚለውን ቃል አብዛ” አልኩት። ዐይኑን ከፍቶ ወደ እኔ ተመለከተና ራሱን ሳተ። ሸሃደተይን በደጋገምኩለት ቁጥር ዐይኑን ከፍቶ ይመለከተኝና ራሱን ይስታል። በመጨረሻም እንዲህ አለኝ፦ “በእኔና በሸሃዳ መካከል ግርዶሽ ተደርጓል።"

“ላ ሐውለ ወላ ቁውወተ ኢልላ ቢልላህ! ለምን? ሶላቱ፣ የሌሊት ሰዓታት አምልኮውና የምትቀራዉ ቁርአኑ የት ሄደ?" አልኩት።
....እሱም እንዲህ አለኝ፦“ብቻዬን በምሆንበት ጊዜ መጋረጃዬን ጣል አደርጋለሁ ከሰዎች በጣም እደበቃለሁ፤ ኸምር እጠጣለሁ፤ ለሞት ያደረሰኝ ከባድ በሽታ ላይ እስከምወድቅ ድረስ በዚሁ ሁኔታ ቀጠልኩ። አንዴ ልሞት ጫፍ ላይ ስደርስ ልጄን “ቁርአን አቀብይኝ'' አልኳት፡፡

“ #ጌታዬ_ሆይ! ከዚህ በሽታዬ አድነኝና ወደ ወንጀል ፈፅሞ አልመለስም።” ብዬ ተማፀንኩት። አላህ ከበሽታው አዳነኝ። ጤናዬ ሲመለስልኝ ወደ ነበርኩበት ወንጀል ተመለስኩ፡፡ ከጌታዬ ጋር የገባሁትን ቃልኪዳን ካድኩ። በበሽታ አላህ እስኪፈትነኝ ድረስ በዚያው ሁኔታ ቀጠልኩ። በበሽታው ከባድነት ለሞት ተቃረብኩ። በመጀመሪያው ህመሜ እንዳደረግኩት አደረግኩ፤ አላህንም ተማፀንኩ፦ “ #ጌታዬ_ሆይ! ከበሽታዬ አድነኝ፤ ካለሁበት መከራ ገላግለኝ” አላህ ካለሁበት መከራ ገላገለኝ። ጤናዬ ከተመለሰልኝ በኋላ ወደነበርኩበት ሁኔታ ተመለስኩ። በመጨረሻም በዚህ በሽታ ወደቅኩ። እንደምትመለከተኝ ቤተሰቦቼ በቤቴ መሀል ላይ እንዲያስተኙኝ አደረግኩ። ቁርአን ለማንበብ እንዲያቀብሉኝ ጠየቅኳቸው። አንዲትንም ፊደል መለየት አልቻልኩም። ይህኔ አላህ ከባድ ቁጣን እንደተቆጣብኝ አወቅኩ።

......ዐይኔን ወደ ሰማይ አንስቼ

“ #ጌታዬ_ሆይ! አንተ የሰማያትና የምድር ኃያል ካለሁበት መከራ ገላግለኝ።” አልኩ። ከዚያም እንዲህ የሚል ድምፅ ሰማሁ-

ያመመህ ጊዜ ከወንጀል ራቅህ...ከስንት መከራ ጌታህ ገላገለህ....ስንቴ ቃል ገብተህ ቃልህን አፍርሰሀል....አትፈራም እንዴ ቢመጣ ሞትህ?
ጤናህ ሲመለስ ቀጠለ ኃጢአትህ

ከስንትስ ፈተና በሰላም አወጣሁህ....ውለታን ሁሉ ጭራሽ ዘንግተህ...በወንጀል ብዛት እንዲህ ተክበህ?

መንሱር እንዲህ ይላሉ፦

“በአላህ እምላለሁ - ከርሱ ዘንድ ዐይኔ እንባ😢 እያዘነበ ወጣሁ። በሩ ላይ እንደደረስኩ እንደሞተ ተነገረኝ።”

ያአሏህ አሟሟታችንን አሳምርልን.....

🌟 አሏህ ሱወ በቁርአን እንዲህ ብሎናል
{ وَأَذَ ٰ⁠نࣱ مِّنَ ٱللَّهِ وَرَسُولِهِۦۤ إِلَى ٱلنَّاسِ یَوۡمَ ٱلۡحَجِّ ٱلۡأَكۡبَرِ أَنَّ ٱللَّهَ بَرِیۤءࣱ مِّنَ ٱلۡمُشۡرِكِینَ وَرَسُولُهُۥۚ فَإِن تُبۡتُمۡ فَهُوَ خَیۡرࣱ لَّكُمۡۖ وَإِن تَوَلَّیۡتُمۡ فَٱعۡلَمُوۤا۟ أَنَّكُمۡ غَیۡرُ مُعۡجِزِی ٱللَّهِۗ وَبَشِّرِ ٱلَّذِینَ كَفَرُوا۟ بِعَذَابٍ أَلِیمٍ }
ከክህደት ብትጸጸቱም እርሱ ለእናንተ በላጭ ነው፡፡ ከእምነት ብትሸሹም እናንተ አላህን የማታቅቱት መኾናችሁን ዕወቁ በማለት ወደ ሰዎች የሚደርስ ማስታወቂያ ነው፡፡ እነዚያን የካዱትንም በአሳማሚ ቅጣት አብስራቸው፡፡(አል ተዉባ 3)

📕📕📕ሙሀመድ ብን ከዕብ አልቀረዚይ እንዲህ ይላሉ፦

“ዑመር መሪነቱን ሲይዙ እኔ መዲና ነበርኩ፤ ጥሪያቸው ደረሰኝና ወደርሳቸው አመራሁ፡፡ እርሳቸው ዘንድ ስደርስ አተኩሬ ተመለከትኳቸው።

ዑመርም፦ “ከአሁን በፊት ተመልክተኸኝ በማታውቀው ዓይነት ነው አተኩረህ የምትመለከተኝ?” ለምን ይሆን??አሉኝ።

እኔም፦ "እንደው ገርሞኝ ነው።* አልኳቸው።

“ምን አስገረመህ?”አሉኝ

“አንተ የሙዕሚኖች መሪ ሆይ! የመልክህ መለወጥ፤ የሰውነትህ መክሳትና የፀጉርህ ማለቅ ነው የገረመኝ” አልኳቸው።

ዑመርም፦ “ በሞትኩ በሶስተኛው ቀን ምን እንደምመስል ብትመለከተኝ ምን ትላለህ? ጉድጓድ ውስጥ ተጋድሜ፤ ዓይኖቼ ፈሰው፤ አካሌን ትል ወሮትና መግል ሞልቶት ብታየኝ ምን ትላለህ?"ብለዉ መለሱኝ ብሏል፡፡

⚡️⚡️ #አል_ፉይደል_ኢብን_ዒያድ እንዲህ ይላሉ፦

“ዱንያ ወርቅ ብትሆንና ግን ጠፊ ከሆነች፣ አኺራ ደግሞ ሸክላ ብትሆንና ግን ቀሪ ከሆነች ጠፊ ከሆነው ወርቅ ይልቅ ቀሪ የሆነውን ሸክላ መምረጥ ይገባሀል። ታዲያ
ዱንያ ጠፊ የሆነች ሸክላ፣ አኺራ ደግሞ ቀሪ የሆነ ወርቅ ሲሆን ደግሞ ማንን መምረጥ ያለብህ ይመስልሃል?!
ይሉ ነበር.....

⚠️ ታዳ አንተም እኔም አንቺም ለነገዉ ለቀብር ህይወት ዛሬ ላይ የምንከስበዉ ኸይር ስራ በቂ ነዉ ግን?????...!!!

ለሌሎች ያካፍሉ
Join👇👇

ISLAM IS UNIVERSITY

May 11, 2026, 06:50 AM

ሶቅራጠስ እንዲህ ይላል፡-
ልጅ ሆኜ ጠዋት መነሳት አይሆንልኝም ነበር፣ እናቴ ጎበዝ ነጋዴ እንድሆን ስለምትፈልግ ይህን
ጠዋት ጠዋት መተኛቴን አትወድም  ነበር፡፡

አንድ ቀን እንዲመክረኝ ብላ ወደ መምህሬ ይዛኝ ሄደች፡፡
....መምህሬም“ሶቅራጠስ፤ የሆነች አጭር ታሪክ እነግርሀለሁ፤ ከዚያ ምን እንደተማርክ ትነግረኛለህ ፡፡” አለኝ፡፡
“እሺ” አልኩት፡፡
“ሁለት ወፎች ነበሩ፡፡ አንደኛው በጠዋት ተነሳና ብዙ ትላትሎችን አገኘ ለራሱ በላ፤ ልጆቹንም አበላ፡፡ ሁለተኛው ደግሞ አርፍዶ ሲነሳ የሚበላዉን አላገኝም፡፡ ከዚህ ታሪክ ምን እንማራለን? ” አለኝ፡፡
“ማልደው የሚነሱ ትላትሎች በወፎች እንደሚበሉ ነው፡፡”😆

እንዲህ ገልብጦ የሚያነብ ብዙ ሰው ስላለ ከአንዳንድ ነገሮች ዝም ማለቱ አስፈላጊ ነው፡፡

3,560

ISLAM IS UNIVERSITY

May 11, 2026, 06:50 AM

🎖🎖#በአንዳንድ_ልቦች_ዉስጥ_ነትቧል🎖🎖
✍ አሚር_ሰይድ

ሰይዲና ሙሀመድ ﷺ ስለቁርአን ፈዲላ ሲገልፁ እንዲህ ብለዋል፡- በአንድ ቀንና ሌሊት ውስጥ
>>  50 አንቀፅ ያነበበ ሰው ከዝንጉዎች አይፃፍም፡፡
>>100 አንቀፅ ያነበበ ከአላህ ታዛዦች መካከል
ይፃፋል።
>>200 አንቀፅ ያነበበ በትንሳኤ ቀን ቁርአን አይከሰውም፡፡
>> 500 መቶ አንቀፅ ያነበበ የቂንጣር(1200ወርቅ ወይም ብር ወቄት) ያህል ምንዳ ይፃፍለታል፡፡፡ ብለዋል

#ቁርአን 77430 ቃላት እና 430,740 ፊደላት አለዉ  አሏህ(ሱ.ወ) በቁርአን በአንድ ፊደል 10 ሀሰና አለዉ ብሎናል እናም 430,740 ፊደልን ብናሰላዉ
🔰 በወር ሶስቴ ብናከትም 12,922,200(አስራ ሁለት ሚሊየን ዘጠኝ መቶ ሀያ ሁለት ሺህ ሁለት መቶ)
ሀሰና ሲኖረዉ
🔰 በወር ሁለቴ ብናከትም 8,614,800(ስምንት ሚሊየን ስድስት መቶ አስራ አራት ሺህ ስምንት መቶ) ሀሰና እናገኛለን
🔰 በወር አንዴ ብናከትም 4,307,400(አራት ሚሊየን ሶስት መቶ ሰባት ሺህ አራት መቶ) ሀሰና እናገኛለን

በቀን ወይ በሳምንት ብናከትም ደግሞ አሰናዉ ሲበዛ እሰቡት:: ደግሞ የረመዷን ወር ነዉ የረመዷን ወር ማባዣዉ እጥፍ ድርብ ነዉና ይሄ እድል ለሚመጣዉ አመት ላይገኝ ስለሚችል አሁን በእጃችን እንዳለ ብንጠቀምበት ኸይር ነዉ፡፡

⚡️⚡️ ዛሬ ግን ቁርአን መቅራት ተዘናግተናል ለቁርአን ክብር ነፍገናል...የዛሬዉን ዘመን ያሉያት  #ኢብኑ_ዑመር (ረ ዐ) ከሶሐቦቹ ህልፈት በኋላ የተመለከቷቸው ሰዎች ግን መንገዱን የሳቱና የሚያነቡት ቁርአን ከጉሮሯቸው የማያልፍ ዓይነት የማይተገብሩ ነበሩ። እጅግ ባዘነና በተሰበረ ልብ የሚከተለውን አሉ፦

"ከዕድሜያችን የተወሰነ ጊዜን ያሳለፍነው ከቁርአን ንባብ በፊት ዕምነትን አስቀድመን ነው። በነቢያችን ሙሐመድ ﷺ ላይ አንድ የቁርአን ምዕራፍ ሲወርድ ሐላል የሆነውንና ሐራም የተደረገውን ድንጋጌ እንማራለን፤ ትዕዛዝና ዉግዙን እናጠናለን፤ በጥልቀት ማስተንተን ያለብንንም እንለያለን።

ከጊዜ በኋላ ሰዎችን ተመለከትኩ፤ ከእምነት በፊት ቁርአንን ያነባሉ፤ ከ ፋቲሓ  እስከ መጨረሻው ምዕራፍ ያነባሉ፣ ዳሩ ግን ትዕዛዝና ክልክሉን አይረዱም፤ ቆም ብለው ማስተንተን ያለባቸውንም አያውቁም፤ ይልቁንስ እንደቴምር እንክርዳድ ያንጋዋልለታል::

ይህ ቁርአን ልብስ እንደሚነትበው ሁሉ በአንዳንድ ሰዎች ልብ ውስጥ ይነትባል:: እጅግ በተዳከመ ሁኔታ ያነቡታል ምንም ፍላጎትም ሆነ ጣዕም አያገኙበትም፡፡የተኩላ ልብ ይዘው የበግ ልምድ የለበሱ ናቸው፤ ስራቸው የአላህ ፍራቻ የሌለበት ስግብግብነት ነው። ሲያጓድሉ 'መድረሳችን አይቀርም ይላሉ፤ ኃጢአት ላይ ሲወድቁ ደግሞ በአላህ ላይ ስላላጋራን ወንጀላችን በርግጥ ይማራል ይላሉ። (ሱነን-አድዳሪሚይ)

🟢  #እንጉርጉሮዎችና_ነሺዳዎች ቁርአን እስኪረሳ ድረስ በሚያደርግ መልኩ ለነርሱ ሰፊ ጊዜ መስጠት ጉዳት አለው፡፡ ኢብኑ ተይሚያ እንዲህ ይላሉ፡-

“ልቡን ለመግራት በማሰብ ግጥሞችን መስማት ያበዛ ቁርአን የመስማት ፍላጎቱ እየቀነሰ ይሄዳል”ብለዋል
በረመዳን ከነሺዳ ከመንዙማ ታቅበን ቁርአን ላይ ብናተኩር መልካም ነዉ፡፡ ሙሉቀን ነሺዳ መንዙማ ከማዳመጥ አንዲት ምዕራፍ ቁርአን መቅራት በላጭ ነዉ፡፡

#ከቀርአን_ዉስጥ_እነዚህን_አስተንትነ_ ያቃሉ❓

ሀቢቡና ሙሀመድ ﷺ እንዲህ ብለዋል:-

📔 በኢብኑ መስዑድ ረ.ዐ ዘገባ  የአላህ መልእክተኛ ﷺእንዲህ ብለዋል

የአል ዋቂዓህን ምዕራፍ በየለሊቱ ያነበበ ሰው ድህነት አያገኘውም፡፡ብለዋል

📒 ከዓኢሻ ረ.ዐ እንደተወራልን የአላህ መልእክተኛﷺ እንዲህ ብለዋል፡- ከጁሙዐህ ሶላት በኋላ ቁል ሁወላሁ አሀድን፡ ቁል አዑዙ ቢረቢ አል ፈልቅን ና ቁል አዑዙ ቢረቢ ናስን ሰባት ጊዜ ያነበበ ሰው ሀያሉና የተከበረው አላህ እስከሚቀጥለው ጁሙዐህ ድረስ ከክፉ ነገር ሁሉ ይጠብቀዋል፡፡› ብለዋል፡፡

📕 ቀታዳህ ረ.ዐ እንዳወራዉ የአላህ መልእክተኛ ﷺ እንዲህ ብለዋል፡- ብጭንቀት ጊዜ አያተል አልኩርሲይዪን እና የአልበቀራን ምዕራፍ የመጨረሻ አንቀፆች ያነበበ ሰው ሀያሉና የተከበረው አላህ ያግዘዋል፡፡› ብለዋል፡፡ ኢብኑ አስሱንኒይ ዘግበውታል፡፡

📗 አቢ ሁረይራ ረ.ዐ እንዳስተላለፉት ነብዩ ﷺ እንዲህ ብለዋል፡- በቀንና ለሊት ውስጥ የአላህን ፊት ፈልጎበት ያሲንን ያነበበ ሰው ወንጀሉ ተማረለት፡፡ ብለዋል፡፡

📘 በሌላ የአቡ ሁረይራ ዘገባ ሰይዲና ሙሀመድﷺ እንዲህ ብለዋል፡- ለሊት ላይ ሱረቱ አድ ዱኻንን ያነበበ ሰው ወንጀሉ የተማረለት ሆኖ ያነጋል፡› ብለዋል

📙 ሀቢቡና ሙሀመድ ﷺ እንዲህ ብለዋል፡-በነጋ
ጊዜ 3ጊዜ ‹አዑዙ ቢላሂ ሰሚዓል ዐሊሚ ሚነ ሸይጧኒ ረጂም፡፡ያለና ከአልሐሽር ምዕራፍ ሶስት አንቀፆችን ያነበበ ሰው አላህ እስኪያመሽ ድረስ ሰባ ሺህ መላእክቶች እዝነት ያወርዱበት ዘንድ ይወክልለታል፡፡በዚህ ቀን የሞተ እንደሆነም ሰማእት ነው፡፡
ሲመሽም ካለ ይሄን ደረጃ ያገኛል፡፡ ብለዋል

⚠️ ታዳ ወገን ለዱንያም ለአኼራም የሚጠቅመዉ ነሺዳና መንዙማ ማዳመጥ ነዉ ወይስ ቁርአንን መቅራት ነዉ?? የአእምሮ ባለቤቶች ህሊና ያላቸዉ ቢያስተነትኑ መልካም ነዉ፡፡

Join👇👇

ISLAM IS UNIVERSITY

May 11, 2026, 06:50 AM

🏅🏅🏅#ከጥቂቶች_አድርገኝ🏅🏅🏅
✍🏼 አሚር ሰይድ

ዑመር ኢብነል ኸጧብ (ረ.ዐ) አንድ አዕራቢይ ዱአ በሚያደርግበት  አለፉ። "ጌታዬ ሆይ!” ከጥቂቶች አድርገኝ።” እያለ አላህን ሲለምን ሰሙት።

....ዑመር ዱአዉ በጣም ገረማቸዉና "አንተ የአላህ ባሪያ ሆይ! እነማን ናቸው ጥቂቶቹ?” አሉት።
እዕራቢዩ እንዲህ ሲል መለሰላቸዉ:-

"አላህ እንዲህ ሲል  አልሰማህም እንዴ?!
وَمَنۡ ءَامَنَۚ وَمَاۤ ءَامَنَ مَعَهُۥۤ إِلَّا قَلِیلࣱ
“ከርሱም ጋር ጥቂቶች እንጂ አላመኑም።'” (ሁድ ፡ 40)

وَقَلِیلࣱ مِّنۡ عِبَادِیَ ٱلشَّكُورُ
“ከባሮቼም በጣም አመስጋኞቹም ጥቂቶች ናቸው።'' (ሰበእ ፡ 13)

ዑመርም በከፍተኛ መገረም፦ ኡመር ለራሳቸዉ እንዲህ ብለዉ ገሰፁ“አንተ ዑመር ሆይ! ሁሉም ሰው ከአንተ የተሻለ አዋቂ ነው።* አሉ።

✏️✏️ አሁን በለንበት ወቅት አመስገኝም አማኙም ጥቂት ብቻ ሁነዋል፡፡ ከእኔ ጀምሮ ሌሎቻችን ስሜታችንን ተከታዮች ነን፡፡ ከቁርአንም ከሀዲስም መስማት የምንፈልገዉ ለስሜታችን ለነፍስያችን የሚመቸንን እንጂ የአላህ ትዕዛዝ ለስሜታቸዉ ካልተመቸ መቀበል ካቆምን ሰነባበትን፡፡

ይሄ ስሜት መከተል ግን ምን ያህል እኛንም ማህበረሰብንም ዲንንም እንደጎዳን አስተዉለናል???

🌟🌟 ታዳ ይሄ ስሜት ተከታዮች ያሳሰበዉ  ታላቁ የረሱላችን ሀቢቡና ሙሀመድ ﷺ ሱሀባ የነበረዉ  ዐብደላህ ኢብኑ ዐባስ (ረ ዐ.) ስሜቱን የሚከተልን ሰው እንዲህ ብለዉ ይገስፁ ነበር

“አንተ የወንጀል ባለቤት ሆይ! የወንጀልን ክፉ ፍፃሜ ፍራ። በደንብ ከተረዳህ ወንጀልን የሚከተለው ከመጀመሪያው የባሰ ሌላ ወንጀል ነው።

#በቀኝና_በግራህ ያሉትን መዝጋቢ መላእክት ወንጀል ላይ በመሆንህ አለማፈርህ፤ ከፈፀምከው ወንጀል ይበልጥ ይገዝፋል።

☞አላህ ምን እንደሚያደርግህ እና ባንተ ጉዳይ ምን እንደሚወስን ገና ሳታውቅ መሳቅህና መደሰትህ ከሰራኸው ወንጀል ይበልጥ ይከብዳል።

☞ ልትፈፅም ያሰብከው ወንጀል በመሳካቱ መደሰትህ ከፈፀምከው ወንጀል በላይ ከባድ ነው።

☞ልትፈፅመው ያሰብከው ወንጀል ባለመሳካቱ ማዘንህ ወንጀሉን ከመፈፀምህ በላይትልቅ ጥፋት ነው፡፡

☞ወንጀል ስትፈፅም አላህ እያየኝ ነው የሚል ጭንቀት ልብህን ሳይንጠው የበርህን መጋረጃ ነፋስ ገልቦት ሰዎች እንዳያዩህ መፍራትህ ወንጀሉን ከመፈፀምህ በላይ የከበደ ነው። (ዘሙል ሀዋ፤ ኢብኑልጀውዚ)

⚡️⚡️⚡️ #ኢብኑልቀይም ከቀደምት አበው እንዳስተላለፉት እንዲህ ተሰምቷል ሲሉ ዘግበዋል፦ “አንድ ሰው ህሊናው ከርሱ እስካልተሰወረ ድረስ አላህን አያምፅም፤ ይህ ደግሞ ግልፅ ነው ምክንያቱም ህሊናው ቢኖር ከወንጀል ይከለክለው ነበር። ይህ ሰው በኃያሉ ጌታው መዳፍ ውስጥ ነው፤ በርሱ ኃይል ስር ነው፤ እርሱ ሁሉንም ነገሩን ያውቃል፤ በራሱ ግዛት ስር ነው፤ መላኢኮቹ ሰውዬውን ተመልካቾችና በርሱም ላይ መስካሪዎች ናቸው። የቁርአን፣ የኢማንና የእሳት ተግሳፆች ከሀጢአት ከልካዮች ናቸው። ወንጀሉን ሰርቶ ከሚያገኘው ደስታ ይልቅ በዱንያ ላይ በወንጀሉ ምክንያት የሚያጣው ነገር እጥፍ ድርብ ነው። ህሊና ያለው ሰው ይህንን ሁሉ እውነታ ዘንግቶና አቃልሎ ወንጀል ላይ ይወድቃልን?!”ብለዋል (አድ-ዳኡ ወድ-ደዋእ)

🌙🌙 ወገን ስሜት መከተል የጀሀነም መስመር ነዉ
እናም ራሳችንን አላህ መሀሪ አዛኝ ነዉ እያልን በወንጀል ባህር ባንዘፈቅ ጥሩ ነዉ...የስሜት መከተል ነገ ከነገወዳ ጥመቱ ይበዛና አላህ ይጠብቀንና የጀሀነም መስመር እንዳይሆን ከአሁኑ ጥንቃቄ እናድርግ

⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
ዛሬ ጁምአ ነዉ ዱንያዉም እንዲሰምር አኼራዉም እንዲያምር ነገ የቀብሩ ጥበት እንዲሰፋ የቀብሩ ጨለማ እንዲበራ  ለሀቢቡና ሙሀመድ ﷺ ሶለዋት እናዉርድ
{ إِنَّ ٱللَّهَ وَمَلَـٰۤىِٕكَتَهُۥ یُصَلُّونَ عَلَى ٱلنَّبِیِّۚ یَـٰۤأَیُّهَا ٱلَّذِینَ ءَامَنُوا۟ صَلُّوا۟ عَلَیۡهِ وَسَلِّمُوا۟ تَسۡلِیمًا }
አላህና መላእክቱ በነቢዩ ላይ የአክብሮት እዝነትን ያወርዳሉ፡፡ እናንተ ያመናችሁ ሆይ! በእርሱ ላይ የአክብሮት እዝነትን አውርዱ፡፡ የማክበርንም ሰላምታ ሰላም በሉ፡፡(አል አህዛብ 56)

ሶሉ አለል ሀቢብ ሰይዲና ሙሀመድﷺﷺ💚💚💚

Join👇👇

ISLAM IS UNIVERSITY

May 11, 2026, 06:50 AM

🎥 Video

አላህ ይርሀመዉ ጀነተል ፊርዶስ ይወፍቀዉ
ዳኢ ሐዊ ሙሀመድ

በአሜሪካ በ9አመት ማግባት ወንጀል ነዉ፡፡ሌሎች ነብዩ ሙሀመድ ﷺ በ9አመቷ አኢሻ ረዐ አገባት ልጅ ሁና እያሉ ኢማንህን ሊሸረሽሩ ይሞክራሉ ምን ተመልሳለህ ብሎ የሰጠዉ አስደናቂ መልስ

Join👇👇

3,130

ISLAM IS UNIVERSITY

May 11, 2026, 06:50 AM

#መሰረቱ_እየጠፋ_ቅርንጫፍ_መጠበቅ
✍🏽አሚር ሰይድ

ኡመር ኢብነል ኸጧብ (ረዐ) ከዕለታት በአንዱ ቀን ሱለይማን አቡ ሐሠማን የሱብሂ ሶላት ላይ መስጊድ አጡት፤ በቀጣዩ ቀንም ወደ ሥራ ቦታው ገበያ ሲወጡ ሱለይማን የንጋት ሶላት ላይ አጡት፤ በቀጣዩ ቀን በነቢዩ ﷺ መስጅድና በገበያው መካከል ወደሚገኘው የሱለይማን የመኖርያ ቦታ ሲሄዱም እጡት።

የሱለይማንን እናት ሽፋእን አገኟቸዉና

“ሱለይማንን የፈጅር ሶላት ላይ አላየሁትም፡፡” ብለዉ ጠየቀውት

የሱለይማን እናትም:-ሌሊቱን ሲሰግድ አደረና እንቅልፍ ጣለው።* በማለት መለሱ፡-

ዑመር (ረዐ) እንዲህ አሏቸው፡- የሱብሂን ሶላትን በጀመዓ መገኘት ሌሊቱን ሁሉ ስሰግድ ከማደር ይበልጥብኛል።አሏት

🌟 #ኢብኑል_ጀዉዚ የኢብሊስን ማታለያ ሽፋን “ተልቢስ ኢብሊስ” በተሰኘ ድርሳናቸው እንዲህ ብለዉ በመፀሀፋቸዉ ላይ ገልፀዋል፤-

#ኢብሊስ_በርካታ_አምላኪዎችን_አታሏቸዋል

☞ የሌሊት ሶላት ያበዛሉ፡፡ ሙሉ ሌሊቱን በሶላት የሚያሳልፉም አሉ። በሌሊት ሶላትና በሶላተ-ዱሓ የግዴታ ሶላት ከመስገድ በላይ ይደሰታሉ። የፈጅር ሶላት ጥቂት ሲቀረው እንቅልፍ ይጥላቸውና የግዴታ ሶላት ያመልጣቸዋል። ወይም ተነስተው ዝግጅት ላይ ባሉበት የጀመዓ ሶላት ያመልጣቸዋል። ወይም ደግሞ ቀኑን ሙሉ ተዳክመው ይውልና ቤተሱብ መደገፍ የሚያስችላቸው ስራ መስራት ይሳንቸዋል።

☞ በርካታ ሰዎችን ተመልክቻለሁ፤ ልብሳቸውን ነጃሳ እንዳይነካባቸው በከፍተኛ ሁኔታ እየተጠነቀቁ ከሀሜት ግን ራሳቸውን የማያርቁ፤

☞ ሶደቃን የሚያበዙ ግን በወለድ ሲገበያዩ ግድ የሌላቸው፤
☞ ሌሊት ሲሰግዱ አድረው የግዴታ ሶላት የሚያዘገዩ .......

ለቁጥር በሚያዳግት መልኩ መሰረቱ እየጠፋ ቅርንጫፍ የሚጠባበቁ በርካታ ሰዎች አይቻለሁ (ሶይደል ኻጢር - 125)

በረመዷን ሱና ማብዛት በጣም ተወዳጅ ነዉ ግን አልመታደል ሆነና ሰዉ ሱናዉን ይዞ ፈርዶች ግን እየተጓደሉ ነዉ...ተራዊህ ሰግደዉ ሱብሂ የሚያልፋቸዉ...የለሊት ሶላት ሰግደዉ ሱብሂ የሚያልፋቸዉ...የለሊት ስላት ሰግደዉ ቀን በድካም ተኝተዉ ዙሁር ወይ አሱር የሚያልፋቸዉ...ጫት ሲቅሙ አድረዉ ሱብሂን ቀን ዙሁር ወይ አሱር የሚያልፋቸዉ ዝንግ የአላህ ባርያዎች በዝተናል፡፡
ረመዷን ለሱና ነገሮች የተወሰነ ትኩረት ሰጥተን ዋናዉ ፈርድ የምናጓድል እየሆን ነዉ ...ታዳ በዚህ ሁኔታ የምናሳልፍ የአላህ ባሮች ስንሞት ረመዷን ፆም ለኛ ይመስክርናል ወይስ ተራቡ ተጠሙ ከተባሉ ባርያዎቹ እንቆጠር ይሆን???

📕📕 #ሌላዉ_መድሀኒት_ያልተገኘለት_ትኩሳት
በተራዊህ ስበብ የሚሰራዉ የሁለት ፆታ መዝገብ ተፅፎ የማያልቅ ነዉ ማንኛዉም ሰዉ የሚያየዉ ነዉ ኢሻ ሶላት ተራዊህ አካባቢ በመስጊድ አካባቢ ባሉ የጀበና ቡና መሸጫ ቦታ ከመስጊድ በላይ ደምቀዉ ማምሻ ሁነዋል....!! በዚህ ጉዳይ ብዙ አመት ተነገረ ምን ይደረጋል አባትና ሴት ልጅ ሳይተዋወቅ አንድ ቤት እየኖረ ያለ ተጨባጭ ነዉ ...አባት የኔ ልጅ ዲነኛ ናት እያለ ይመፃደቃል እሷ ሁለት ቢለዋ ሁነች ...ወንድም እህቱን መቆጣጠር ያቃተዉ ደዩስ ሁነኗል ብቻ ይቺ የቀልድ አለም ስታበቃ ምን መልስ ይኖረን ይሆን??

ረመዷን ከሚራቡት ከሚጠሙት ሳይሆን ከሚጠቀሙበት ወንጀላቸዉ ከሚማርላቸዉ ባርያዎቹ አድርገን መዉላና

Join👇👇

ISLAM IS UNIVERSITY

Apr 24, 2026, 08:40 AM

እንሂድ በቃ ማለቱ እንደሆነ ገብቶኛል

የመጣንበትን ጨረስን እያለኝ እንደሆነ ገብቶኛል

አሁን ገና አመመኝ .... አሁን ገና ወጋኝ

አይ አንተ ሂድ እኔ ታጥቤ እወጣለሁ አልኩት .... ልብሱን ለባብሶ "ስትገቢ ፃፊልኝ" ብሎኝ ሄደ

ተዘግቶ የኖረውን ውስጤን በአንድ ቀን ከፈተው

ተዘግቶ የኖረውን ገላዬን ዳግም ላይዘጋ በርግዶት ሄደ

ወንድ የማላውቀውን ሰው ወንድ በቃኝ እንድል አድርጎኝ ሄደ

ወንድ ስሸሽ ኖሬ በአንድ ወንድ ሁሉንም ጠገብኳቸው

የሞት ሞቴን ተነስቼ እንደነገሩ ተለቃለቅኩ

ጀምሮት የሄደውን ደሜን በውሀ አወረድኩት

ቀይ ለብሼ ገብቼ ቀይ ሆኜ ገብቼ .... ገርጥቼ ተመለስኩ

እቤት ገባሽ ወይ ብሎ አልፃፈልኝም ..... እነግርሃለሁ ያልሽኝን መቼ ነው የምትነግሪኝ ብሎ አልደወለልኝም ......

ይኼው እርቃኔን ትቶኝ ከወጣ ዛሬ አመቱ ..... ይኼው ቀይ ልብስ ከለበስኩ ዛሬ አመቱ ......
ይኼው መታመንን በደም ዋጋ ልገዛ ከወጣሁ ዛሬ አመቱ ....

ይኼው ከቤቴ ከወጣሁ ዛሬ አመቱ
ይኼው ከአልጋዬ ከወጣሁ ዛሬ አመቱ
ይኼው ከሰው ከተቀላቀልኩ ዛሬ አመቱ

ይኼው በቁሜ ከቀበረኝ አመቱ .... ሙት አመቴ ላይ ቆሜ ይኼንን ነገርኳችሁ

ቢያንስ እኔ ሞቼ እናንተን ማዳን ከተቻለ ብዬ

**** በባለታሪኳ ፈቃድ የተለጠፈ

© Abby Junior

Join👇👇

4,360

ISLAM IS UNIVERSITY

Apr 24, 2026, 08:40 AM

#እዉነተኛ_ታሪክ

በመጀመሪያ ቃል ነበራቸው ... እሷ እራሷን እንደመከላከያ የምትጠቀምበት እሱ ደግሞ "ወግ ወጉን" እያሳያቸው እንደሆነ የደመደመበት ቃል

መጀመሪያ እንደ ቀልድ የተወረወረ ከዛ ግን ከህሊናው ሊወጣ ያልቻለ ቃል

አንድ ቀን እንደለመዱት ማታ በየአልጋቸው ላይ ጋደም ብለው የባጥ የቆጡን ወሬ "እሺ .... ከዛስ .... ሲገርም ...." እየተባባሉ ይጨዋወታሉ .... በመሀል እስከዛሬ አስምሮት የነበረውን ድንበር ትንሽ ገፋ ማድረግ አሰበ

እሷንም መፈተሽ ለራሱም አንድ ደረጃ ወደፊት ጠጋ ማለትን ፈለገ .... "እኛ ጋር ዝናብ እየዘነበ ነው" አላት

ወቅቱ ክረምት ቢሆንም .... መዝነቡ የሚጠበቅ ቢሆንም .... እነሱም ጋር ሲዘንብ አምሽቶ ገና ማባራቱ ቢሆንም .... ወሬውን ያወራው ያ ልቧን ያሸፈተው ሰው ነውና

"ሲገርም" ብላ መለሰችለት

"አሁን ምን እንዳማረኝ ታውቂያለሽ?" አላት .... ድምፁን አለስልሶ

"ምን አማረህ?" አለችው .... ብዙ ብዙ ነገሮችን እንዲያወራ በሚገፋፋ ቅላፄ

"አንቺን አቅፎ መተኛት" አላት

" ና እሺ እቀፈኝ" ስትል መለሰች

"አንቺ ደግሞ የምሬን ነው እኮ"

"ታድዬ" .... ብላው ለሰከንዶች ዝም አለች

"ምነው .... ደበረሽ እንዴ" አላት ...

"እህ .... አንተ ደግሞ" ብላ መለሰች

"አይ ዝም ስትይ ግራ ተጋብቼ ነው እኮ .... የማይባል ነገር ካልኩ ይቅርታ" አለ .... ለማስመሰል፣ እሷን የበለጠ ለማዋራት እና ነገሮችን ለመፈተሽ በሚመች አካሄድ

"ኧረ ምንም ይቅርታ አያስፈልገውም .... ግን አንድ ነገር አለ ስለ እኔ ያልነገርኩህ .... እእእእ" ብላ ተመልሳ ፀጥ አለች

"ንገሪኝ እሺ" አለ በመቁነጥነጥ

ውስጡ ብዙ ብዙ ነገር አሰበ ..... ፍቅረኛ አለኝ ልትለኝ ነው? .... ትንሽ ተጣላን እንጂ ገና አልተለያየንም ልትለኝ ነው? .... አሁን ቦታ አራርቆን እሱ ውጪ ነው የሚኖረው ልትለኝ ነው? ..... ልጅ አለኝ ልትለኝ ነው? .... በሰከንዶች ውስጥ ያልደረሰበት የለም

" አይ ይቅር .... ሌላ ቀን ይሻላል" አለች

ተናደደ .... ብስጭቱ በድምፁ ሁሉ ይታወቃል

አሁን ካልነገርሽኝ አለ .... ብዙ ብዙ ለመነ .... ብዙ ብዙ ወተወታት

"አይ ዛሬ አልነግርህም .... ሌላ ቀን" በሚለው አቋሟ ፀናች

ትንሽ .... በጣም ትንሽ ቆይቶ .... ዛሬ እንቅልፌ ስለመጣ በቃ በጊዜ ልተኛ አላት

እንቅልፉ መጥቶ ሳይሆን ወሬውን አልነግርም ስላለችው እንደሆነ እርግጠኛ ነበረች። ግን ደግሞ ምን ብላ ማውራት እንዳለባትም ስላላወቀች ቅር እያላትም ቢሆን ስልኩን መዝጋትን መረጠች።

በማግስቱም አወራሩ እንደ በፊቱ ሊሆንላት አልቻለም

በዚህ ሁኔታ አንድ ሁለት ቀናት አለፉ .... ከበዳት

በአራተኛው ቀን ማታ .... "ሰሞኑን ግን ምን ሆነኻል" አለችው .... "ምንም አልሆንኩም" ሆነ መልሱ

"አይ የሆነ ነገርማ ሆነኻል .... እንዲህ አልነበረም እኮ የምታወራኝ" አለችው

ያ ግንፍል የሚለው ነገሩ ድንገት ተመልሶ መጣ

"አንቺ ከእኔ የምትደብቂው ነገር እንዳለሽ እያሰቡ ማውራት ደስ አይልም" አላት

ደነገጠች .... ከአንተ የምደብቀው ነገር ኖሮኝ አይደለም ብላ ለማስረዳት ብትታገልም ሊሰማት አልፈቀደም

የምትደብቂኝ ነገር ከሌለ ለምን አትነግሪኝም ሆነ የጭቅጭቁ ማዕከል

ጊዜው ገና ነው ስትለው የበለጠ ተናደደ .... አሁን ግራ ተጋባች

እራሷ ባመጣችው ነገር ሊጣሉ መሆኑ አስፈራት

"በቃ እሺ እነግርሃለሁ" አለች .... በፈራ ተባ ውስጥ

"እኮ ንገሪኛ እየጠበኩ ነው ...."

ድምጿ እየተርገበገበ ..... "ድንግል ነኝ" አለችው

"ምን?" አለ .... የሰማውን ባለማመን ወይም በመጠራጠር ውስጥ

የበለጠ ግራ ተጋባች .... የተናገረችው ነገር ነገ ላይ ያላሰበችውን አደጋ እንዳያመጣባት በመስጋት ያቆየችው እንጂ የሚያስደነግጥ አልመሰላትም ነበር

"ምነው?" ስትል ጠየቀች

" ድንግል ነኝ ነው ያልሽኝ?" አላት

"አዎ ምነው?"

አይ አንቺማ ድንግል አትሆኝም .... አንቺን የመሰለች ቆንጆ ልጅ በዚህ እድሜዋ ድንግል ልትሆን አትችልም ... ይልቅ ቀልዱን ተይውና ባለፈው ልትነግሪኝ የነበረውን ነገር ንገሪኝ ሆነ ምላሹ

"ነገርኩህ እንግዲህ ማመን አለማመን ያንተ ድርሻ ነው .... እንኳን ከወንድ ጋር ተኝቼ ይቅርና ወንድ ልጅ በቅጡ እንኳን ስሞኝ አላውቅም .... እፈራለሁ" አለችው

ከዛ በኋላ ብዙ ብዙ ቢያወሩም የትኛውም ወሬ ላይ ከቀልቡ አልነበረም .... ጭንቅላቱ ውስጥ አንድ ነገር ብቻ ያቃጭላል .... "ድንግል ነኝ" የሚለው

በዚህች ምድር ላይ ሲኖር ስለሰዎች የሚያስበው ነገር ቀላል ነው .... ለውሸት ቅርብ የሆኑ፣ አስመሳዮች እና እራሳቸውን መካብ የሚወዱ

እሷንም እዚህ ምድብ ውስጥ በአንዴው ከተታት .... ፍላጎቱ እንዲጨምር ያዘጋጀችው ነገር መስሎ ታየው

ይኼማ መረጋገጥ አለበት አለ

ለጓደኞቹ ሄዶ ሲነግራቸው .... ሳቁበት .... ያ እጅ እጅ የሚለውን ቀልዳቸውን ተራ በተራ ጋበዙት .... ድንግል ጋንዲም የለም አሉት

ተናደደ .... አሁን ጉዳዩ ይኼንን ማረጋገጥ ብቻ ሆነ

ብዙ ብዙ ሴት ጋር ተኝቷል .... ከተማሪዎች እስከ ሰፈሩ ውስጥ ያሉ የቤት ሰራተኞች የቀረው የለም .... አንዳቸውም ድንግል አልነበሩም .... ለእሱ እና ለጓደኞቹ ድንግልና ከጠፋ ዘመን የለውም

ታዲያ እሷ ማን ስለሆነች ነው .... አለ

"አብሬሽ ተኝቼ ካላረጋገጥኩት አለ"

መልሷ አይሆንም በሚለው ፀና

ሳምንታት ነጎዶ .... ወራት ተተኩ

ትግሉ ቀጠለ

እንደምንም ልቧን እያጠበ .... በአጓጊ ቃላት ምን አይነት አስደሳች ጊዜ እንደሚሆንላት እየሰበከ ... የመነጫነጭም የማኩረፍም መነሻው እና መዳረሻው እያደረገው ቀጠለ

ሲደጋገምባት .... አቃታት

ብትወጅኝ ትሰጪኝ ነበር የሚለውን ማደንዘዣ መቻል አቃታት

የሆነ ቀን ድንገት እሺ አለች .... በማግስቱ አዋክቦ አልጋ ላይ ጣላት

ቀይ በቀይ ለብሳ የመጣችው ያቺ ቀይ ልጅ ፊቷ በርበሬ መሰለ

እነዛ ውብ ጭኖቿ መንቀጥቀጥ ያዙ ....

አያምም ያላት ነገር አሳመማት .... ቀስ ብዬ ነው የማደርገው ያላት ነገር ሀይል፣ ጉልበት እና ትግል የተቀላቀለበት ሆነባት

ከአይኗ እምባ እየወረደ ነው .... ልቧ በአፏ ለመውጣት እየታገላት ነው .... ባለ በሌለ አቅሙ ተጠቅሞ የሚያደርገውን ካደረጋት በኋላ ረጋ አለ ... የሞት ሞቷን ቀና ስትል እግሮቿን ፈልቅቆ የገባው አካሉ ላይ አፍጥጧል ..... አይኗ ሳትፈልግ እዛው ላይ አረፈ ..... ቀና ሲሉ አይን ለአይን ተገጣጠሙ

"አመመሽ?" አላት ..... እውነቷ እንደማይታመን ተምራለች እና ውሸቷን አስቀደመች

"አይ" አለች ፊቷን ከእሱ እየደበቀች

"ደስ አለህ?" አለችው?

የሚመልሰው ጠፋው .... እየተሰማው ያለውን አያውቅም

"ይቅርታ" አላት .... ይኼኔ ሳይታወቃት የጀመረችውን ለቅሶ ፈልጋ ቀጠለችበት

ይቅርታው ለምኑ ነው? ድንግል ነኝ ስለው ስላላመነኝ ወይስ አያምሽም ብሎ ስላሳመመኝ ..... ግራ ተጋባች

ያ ሲገቡ እየፈነደቀ ያመጣት ፊት አሁን የለም

ያ በሩን ሲከፍትላት የነበረው ጥድፊያ አሁን የለም

ያ አልጋ ላይ ወርውሯት ከቀሚሷ ስር ፓንቷን ለመሳብ የነበረው ችኮላ አሁን የለም

ተነስቶ መታጠቢያ ቤት ገባ

ተስገብግቦ ያፈሰሰውን ደሜን ከሰውነቱ ላይ ሊያፀዳው ውሀውን ለቀቀው

ያ ሁሉ ድካም እዚህች ለመድረስ ነበር ለካ?

ታጥቦ ሲወጣ .... "እዚህ ትጣጠቢያለሽ ወይስ እቤት አለኝ"👇👇

ISLAM IS UNIVERSITY

Apr 24, 2026, 08:40 AM

🎖🎖🎖 #ይህ_ጀናዛ_አንተ_ነህ🎖🎖🎖
✍🏼 አሚር ሰይድ

አንድ ቀን ለሊት ላይ የሰዉ መተኛት ሞትን መዘንጋት  አቡ ደርዳእን አሳስባለች። እናም በደማስቆ መስጅድ ደረጃ ላይበመሆን በድቅድቅ ጨለማ ጥሪያቸውን አስተጋቡ፡፦ “እናንተ የደማስቆ ሰዎች ሆይ መካሪያችሁን አትሰሙም ወይ? ከናንተ በፊት የነበሩ ሠዎች በርካታ ገንዘብን ይሰበስቡ ነበር፤ ጠንካራ ግንቦችን ይገነቡ ነበር፤ ህልማቸው እሩቅ ነበር፤ ዳሩ ግን ስብሰባቸው ከንቱ ሆነ፤ ግንባቸው መቃብር ሆነ፤ ህልማቸውም ባዶ ሆነ።*

አቡ ደርዳእ ይህንን ሲያደርጉ አዲስ መንገድ መፍጠራቸው አልነበረም። በፍፁም፤ እርሳቸው ይህንን ጥሪ የተማሩት ከሀቢቡና ሙሀመድ ﷺ ነበር።

ሰይዲና ረሱል ﷺ ሁለት ሶስተኛ የሌሊቱ ክፍል ካለፈ በኋላ ዘወትር እንዲህ ሲሉ ጥሪ ያደርጉ ነበር:-

“እናንተ ሠዎች ሆይ! አላህን አስታውሱ ..... አላህን አስታውሱ .... መሬት የምትርገፈገፍበትና ሰማይም እርሷን የምትከተልበት ዕለት መጣች .... መሬት የምትርገፈገፍበትና ሰማይም እርሷን የምትከተልበት ዕለት መጣች . በእሱ ዉስጥ ያለ ሁሉ መጣ” (አሕመድ፣ ቲርሚዚ) ዘግበዉታል

📕📕 ከዕለታት በአንዱ አንድ ጀናዛ (አስክሬን) በፊት ለፊታቸው ያልፋል። በአካባቢው ያለ አንድ ሰው ስለ ሟቹ ማንነት ይጠይቃቸዋል።

"ይህ ጀናዛ የማን ጀናዛ ነው?” ነበር ጥያቄው። የአቡ ደርዳእ ምላሽ፦ “ይህ ጀናዛ አንተ ነህ! ይህ ጀናዛ አንተ ነህ! ! " የሚል ነበር። ከዚያም የሚከተለውን የቁርአን አንቀፅ አነበቡለት
{ إِنَّكَ مَیِّتࣱ وَإِنَّهُم مَّیِّتُونَ }
“አንተም ሟች ነህ፤ እነርሱም ሟቾች ናቸው።” (አዝ-ዙመር ፡ 30)

🌐🌐 የአቡ ደርዳእ ምክር  በመሞቻ ጊዜያቸውም አላቆመም። አቡ ደርዳእ በፅኑ በታመሙበት ሁኔታ ሊጎበኛቸው ከመጣ ሰው ጋር ባደረጉት ቃለ ምልልስ ነበር።

#አቡደርዳእ_ሆይ! በርግጥ አንተ ዱንያን በመለያየት ላይ እንዳለህ ይሰማኛል፤ እባክህን አላህ እኔን ሊጠቅመኝ በሚችልና አንተንም ላስታውስህ የሚያስችል ነገር እዘዘኝ።" አላቸው።
.....አቡደርዳእም፦ “ተቀመጥና የምልህን ሁሉ በደንብ አድምጥ፤ ተረዳውም።” አሉትና ንግግራቸውን ቀጠሉ። “ስፋቷ ሁለት ክንድና ርዝመቷ አራት ክንድ ከሆነችዋ ቀብር አንተ የት ነህ?! ከአንተ መለየት የማይፈልጉት ቤተሰቦችህ ወደዚያች ጉድጓድ ይዘውህ ይመጣሉ፤ ከወዳጆችህና ጓደኞችህ ጋር በመሆን ይቀብሩሃል፤ ግንቡንም ያጠብቁብሃል፣ እላይህ ላይ አፈር ከምረው ጥለዉህ ይመለሳሉ፤ ከዚያም ሁለት ስማቸው "ነኪር እና "ሙንከር” የተባሉ መላኢኮች ወደ አንተ ይመጣሉ። አስቀምጠውም ይጠይቁሃል፦ 'አንተ ማን ነህ? በምን ላይስ ነበርክ?

የአላህ መልዕክተኛ ላይ ያለህ ዕይታ ምንድን ነው?' የሚሉ ጥያቄዎችን ይጠይቁሃል። መልስህ 'ሰዎች ሲሉ የሰማሁትን አልኩ እንጂ የማውቀው ነገር የለም ከሆነ በአላህ እምላለሁ! አንተ ጥፋትና የተዋረደ ሁኔታ ላይ ነህ። በአንፃሩ መልስህ። ሙሐመድ የአላህ መልዕክተኛ ነው፤ በእርሱ ላይ መፅሐፍ ተወርዷል፤ በእርሱ እና ባመጣው ሁሉ አምኛለሁ' ከሆነ በአላህ እምላለሁ! አንተ ስኬታማና ትክክለኛ ሁኔታ ላይ ነህ።"
ብለዉ ሞት አፋፍ ላይ ሁነዉ መከሩት

💠💠 #አቡ_ደርዳእ እንዲህ ይሉ ነበር።

ሶስት ሰዎች ያስቁኛል እነሱም
➊ ሞት እያሳደደው ዱንያን ተስፋ የሚያደርግ፣
➋ ሳይዘነጋ የሚዘናጋ እና
➌ አላህ ከእርሱ ይውደድለት ወይም ይጥላበት ሳያውቅ አፉን ሞልቶ የሚስቅ ሰው።

የአቡ ደርዳእ ሳቅ ወደ ቁጣ የተቀየረው አንድ ሰው ተንከትክቶ ሲስቅ ሲመለከቱ ነበር። እንዲህ ሲሉ ገሰፁት፦

“አራት ክንድ ጥልቀት ጉድጓድ የተቆፈረልህ ቀን ምን ልትሆን ነው?!"

ሰውዬው ከዛ ቀን በኋላ ሲስቅ አልታየም።

🟢  #መዕሩፍ_አልከረኺይ ከተመሳሳይ ትምህርት ቤት የተመረቁ ናቸው። ሰዎች ሰብሰብ ብለው ተቀምጠዋል፤ ከመካከላቸው አንዱ ሌላን ሰው ማማት ቀጠለ። መዕሩፍ እንዲህ ሲሉ አባነኑት፦ “ስማ አንተ! ዓይንህ ላይ ጥጥ የሚቀመጥበትን  የምትገነዘበትን(ጀናዛህ የሚታጠብበትን) ዕለት አስታውስ።"

አሏህ በቅዱስ ቃሉ እንዲህ ማለቱን አንዘንጋ

{ أَفَحَسِبۡتُمۡ أَنَّمَا خَلَقۡنَـٰكُمۡ عَبَثࣰا وَأَنَّكُمۡ إِلَیۡنَا لَا تُرۡجَعُونَ }
የፈጠርናችሁ ለከንቱ መሆኑን እናንተም ወደ እኛ የማትመለሱ መሆናችሁን ጠረጠራችሁን?ለከንቱ የፈጠርናችሁ መሰላችሁን?(ሙዕሚን 115)

Join👇👇

ISLAM IS UNIVERSITY

Apr 24, 2026, 08:40 AM

#ልትፈፅመው_ያሰብከው_ወንጀል_አልተሳካም
✍🏼 አሚር ሰይድ

የሀቢቡና ሙሀመድ ﷺ  ባልደረባ የሆነዉ  ዐብደላህ ኢብኑ ዐባስ (ረ ዐ.)
#ስሜቱን_የሚከተልን_ሰው እንዲህ ብለዉ ይገስፁ ነበር

☞ “አንተ የወንጀል ባለቤት ሆይ! የወንጀልን ክፉ ፍፃሜ ፍራ። በደንብ ከተረዳህ ወንጀልን የሚከተለው ከመጀመሪያው የባሰ ሌላ ወንጀል ነው።

☞ በቀኝና በግራህ ያሉትን መዝጋቢ መላእክት ወንጀል ላይ በመሆንህ አለማፈርህ፤ ከፈፀምከው ወንጀል ይበልጥ ይገዝፋል።

☞ አላህ ምን እንደሚያደርግህ እና ባንተ ጉዳይ ምን እንደሚወስን ገና ሳታውቅ መሳቅህና መደሰትህ ከሰራኸው ወንጀል ይበልጥ ይከብዳል።

☞ ልትፈፅም ያሰብከው ወንጀል በመሳካቱ መደሰትህ ከፈፀምከው ወንጀል በላይ ከባድ ነው።

☞ #ልትፈፅመው_ያሰብከው_ወንጀል ባለመሳካቱ ማዘንህ ወንጀሉን ከመፈፀምህ በላይትልቅ ጥፋት ነው፡፡

ወንጀል ስትፈፅም አላህ እያየኝ ነው የሚል ጭንቀት ልብህን ሳይንጠው የበርህን መጋረጃ ነፋስ ገልቦት ሰዎች እንዳያዩህ መፍራትህ ወንጀሉን ከመፈፀምህ በላይ የከበደ ነው።
ብለዋል (ዘሙል ሀዋ፤ ኢብኑልጀውዚ)

✏️✏️ ዛሬ ላይ ወንጀልን ለመስራት አስበን 100%ወስነን ጀሊሉ እኛ የጀሀነም ጓዶች ጋር እንዳንቀላቀል ከዛ ወንጀል ስበብ አስባብ ፈጥሮ ሲያርቀን እንዳንሰራ ሲከለክለን አልሀምዱሊላህ አላህ ጠበቀኝ የሚል ይኖራልን??
ከኔ ጀምሮ ወንጀል ለመስራት ጨርሰን ያ ወንጀል እንዳንሰራ አላህ ሲጠብቀን ባለመሳካቱ እናዝናለን፡፡

ሸይጧን አሳስቶን ወይ እኛም አዉቆ ጠፍ ነን ነፍስያ ተጨምራ ወንጀል ስንሰራ በሰራነዉ ወንጀል መመፃደቅ ሁኗል፡፡ አሏህ ሱወ የደበቀልንን ወንጀል ግድ እወቁልኝ ስሙልኝ ብለን ወሬ ነጋሪ ሁነናል ፡፡ ግን ያቺ ሞት ስትመጧ ምን ይዉጠን ይሆን ግን ምን ያህሎቻችን ነን ልንፈፅም ያሰብነዉ ወንጀል ከሰራን ወንጀል መሆኑን አዉቀን  የቶበትንና ...ሳይሳካ ሲቀር አልሀምዱሊላህ ብለን ያመሰገነዉ???
ነገ ሞት ሳይመጣ እራሳችን ጋር ብንተሳሰብ ኸይር ነዉ ወገን.....

🌟 ይሄን የአሏህ ቃል ወንጀል ልንሰራ ስንል በቅርብ መስካሪ እንዳለ እናስታዉስ...

{ ٱلۡیَوۡمَ نَخۡتِمُ عَلَىٰۤ أَفۡوَ ٰ⁠هِهِمۡ وَتُكَلِّمُنَاۤ أَیۡدِیهِمۡ وَتَشۡهَدُ أَرۡجُلُهُم بِمَا كَانُوا۟ یَكۡسِبُونَ }

ዛሬ በአፎቻቸዉ ላይ እናትምና እጆቻቸዉ ያናግሩናል እግሮቻቸዉ ይሰሩት የነበረዉ ሁሉ ይመሰክራል(ያሲን 65)

Join👇👇

3,070

ISLAM IS UNIVERSITY

Apr 1, 2026, 02:10 PM

#ዑመር_ኢበኑል_ኸጣብ እና #የናይል_ወንዝ

የታሪክ ምሁራን እንደሚሉት ዓምር ኢብኑል ዓስ(ረ.ዐ) ግብዕን የተቆጣጠረው በ642 እ.ኤ.አ ሲሆን ሙስሊም የታሪክም ምሁራን ደግሞ 1540 እ.ኤ.እ በ(20ኛውዓ.ሂ) ነው ይላሉ፡፡

📕📕 ዓምር ኢብኑልዓስ(ረ.ዐ) አገሪቷን ከተቆጣጠረ በኋላ አብዛኛዎቹ ሰዎች ኢስላምን ቢቀበሉም በሀገሪቷ ውስጥ አጉል ልምድ ነበር፡፡ እሱም የግብፅ ነዋሪዎች ወደ ዓምር ኢብኑልዓስ (ረ.ዐ) ዘንድ በመምጣት እንዲህ ሲሉት ጥያቄ አቀረቡ።ጥያቄያቸውም “ከዚህ በፊት እንደምናደርገው በየዓመቱ ናይል ወንዝ በዛ ያለ ውሀ እንዲያመጣ በማሰብ ቆንጆ ልጃገረድ መርጠን ለወንዙ እንሰዋ ነበር ስለዚህ አሁንም እንዲፈቀድልን በአክብሮት እንጠይቃለን በማለት ነበር፡፡

ዓምር ኢብኑልዓስም(ረ.ዐ) "ይሄንንማ ዘግናኝ ድርጊት አልፈቅድም፡፡ 10ቀርና ጭካኔ የተሞላበትን ድርጊት ሴትን ልጅ ያውም ከነህይወቷ ወደ ወንዝ እንድትወረውሩ እንዴት እፈቅዳለሁ? እንዲህ ያለውን አረመኔያዊ ድርጊት ኢስላም አይፈቅድም። ኢስላም ሴትን ልጅ ከእንዲህ ዓይነት የባርነት ቀንበር ነፃ ሊያወጣት መብቷንም ሊጠብቅላት ያዛል። እናም አይሆንም.. አሏቸው፡፡ አጋጣሚ ሆኖ በዚያው አመት የአባይ የውሃ መጠኑ ከመቀነሱ የተነሳ አካባቢውን ድርቅ ቢጤ አንዣቦበት የሀገሪቷ ነዋሪዎች ለመሰደድ በዝግጅት ላይ እያሉ ነበር፡፡

✏️✏️ያን ጊዜ ዓምር ኢብኑል ዓስ (ረ.ዐ) ለዑመር (ረ.ዐ) መልእክት ላኩ መልእክቱም
....የሙእሚኖች አዛዥ ሆይ የዚህ አገር ሰዎች ለናይል ወንዝ ቆንጆ ሴት ልጃገረድ በየአመቱ እንድንሰጥ ይፈቀድልን? ካልሆነ የናይል ወንዝ ይደርቃል ብለው ጠይቀውኝ ከልክያቸው ነበር። ግና የወንዙ የውሀ መጠን እየቀነሰ ነው ሰዎቹም ለመሰደድ በዝግጅት ላይ ናቸው ምን ይሻላል? የሚል ነበር። ኸሊፋው (ረ.ዐ) በምላሹ ለወንዙ ደብዳቤ ጻፉለት፡፡ ደብዳቤውም ወንዙ ውስጥ እንዲጣል አዘዙ። ለናይል ወንዝ የተላከለት ደብዳቤም እንዲህ ይል ነበር፡-

✍ የአላህ አገልጋይና የሙስሊሞች መሪ ከሆነው ከዑመር-ለግብፅናይል ወንዝ ፡-

ናይል ሆይ በራስህ ፍላጎት የምትፈስ ከሆነ አንፈልግህም። በአላህ (ሱ.ወ) ትእዛዝ የምትፈስ ከሆነ ደግሞ ፍስትህን ቀጣይ ያደርገው ዘንድ ለሱ ለአላህ ዱዓ እናደርጋለን፡፡ ደብዳቤው ለወንዙ ተሰጠው ወንዙ ውስጥ ተጣለ፡፡ ውሃውም በዚያው አመት ተትረፍርፎ ፈሰሰ፡፡ በዚህ አይነት ነበር ግብፃውያኑ ከአጉል ልምዳቸው የተላቀቁት  ይህ ሁኔታ በግብፃውያኑ ላይ በጎ ተፅእኖ ነበረው፡፡ የኢስላምን መለኮታዊ ኃያልነት ተረድተው ከኢስላም እቅፍ እንዲገቡ አስችሏቸዋል።

#ፈትሁልሙ ቢን ፊ ፈዷኢሊል ኹለፋኢ ራሺድን ገፅ152-

ሱብሀነሏህ አላህን ይዞ ማንም ተረቶ ተሸንፎ ወድቆ ወደ ሆላ ቀርቶ በጭራሽ አያቅም..

በጃሂልያዉ ጊዜ በአለም ላይ ሴቶች እንደዜጋ አይቆጠሩም ነበር...ኢስላም ሲመጣ ግን ሴት ልጅ ክብር ከወርቅ በላይ ሆነች
ለሴት ልጅ ክብር ኢስላም የጎናፀፈዉን ሴት ልጅ እንድትከበር እንዳትቀበር የዝሙት መነገጃ እንዳትሆን በቁርአን በሀዲስ ታወጀ.... ታዳ ምን ይደረግ ዛሬ ላይ ክብራቸዉን የማያቁ ያላነበቡ ያልተማሩ ሴቶች በዙና አሁን ባለዉ ተጨባጭ በጃሂልያዉ ጊዜ በወንዶች ተገደዉ ነበር ዛሬ ግን ሴቶች በራሳቸዉ ጊዜ ማንም ሳያስገድዳቸዉ በአለባበስ ከወንድ ጋር ባላቸዉ ቀረቤታ በሚዲያ ማብዛት ለዝሙት ራሳቸዉን እየጋበዙ እያየን ነዉ ፡፡ ታዳ ሀቢቡና ሙሀመድ ﷺ ክብር ሰጥተዉሽ ስንት ገድል የፈጠሩ ለዲነል ኢስላም የተዋደቁ ጀግና እንስቶች ሙዕሚናት የተባሉት ጋር ነገ አንቺ ሙተሽ ስትቀሰቀሽ ምን መልስ ይኖርሽ ይሆን??

ሴቶች ሆይ ወደ ራሳችን ብንመለስ ወደ አላህ መንገድ ብንሰተር ጥሩ ነዉ..... ካልሆነ ግን በምዕራባዉያን ሴራ ተተብትበሽ በጊዜ ብዛት በኡመር ፋሩቅ ጊዜ እሳቸዉ አስቀሩት እንጂ ናይል ወንዝ ሴቶች እንደሚገበሩት አንቺም በዱንያ በፋሽን አጃጅለዉ ዱንያም አኼራሽም ሳያምር ወደ ጀሀነም እሳት እየወረወሩ የጀሀነም እሳት ግብር እየገበሩሽ እንደሆነ አትዘንጊ!!!

🌹🌹 ዛሬ ጁምአ ነዉ ሶሉ አለነቢይ ﷺﷺ

© Amir seid

ISLAM IS UNIVERSITY

Apr 1, 2026, 02:10 PM

🔴 በኢራቅ የሚገኘው የኤፍራጥስ ወንዝ በድንገት እየደረቀ፣ የወርቅ ዋጋ እየናረ ይገኛል። አሜሪካ ከመካከለኛው ምስራቅ ራስ ምታት ለመውጣት እንደምትፈልግ በተናገረችበት ወቅት የዩኤስኤስ አብርሃም ሊንከን የጦር መርከቧን በኢራን የባህር ዳርቻ ላይ ለምን አሰፈረች? ሀገራት አንደር ግራውንድ የእህል ጎተራዎችንና የወርቅ ማከማቻዎችን የሚገነቡትስ ለምንድን ነው?

መላው ዓለም ከሁሉ አቀፍ የኢኮኖሚ ቀውሶች ጋር ተዳምሮ ችግር ውስጥ ገብቷል ብለህ አታስብ።
ወዳጄ!
እየኖርንባቸው ባሉት ቀናት ውስጥ በአጋጣሚ የሚከናወን ምንም ነገር የለም።

ረሱል (ዓለይሂ አፍደሉስ-ሰላቲ ወት-ተስሊም) ከ1400 ዓመታት በፊት አሁን ያለንበት ቀውስ በቅርብ ርቀት ላይ እንዲታየን አድርገው ስለውልናል።

አቡ ሁረይራ እንዳስተላለፈው የአላህ መልዕክተኛ እንዲህ ብለዋል፡-
"የኤፍራጥስ ወንዝ የወርቅ ተራራን እስኪገልጥ ሰዓቲቱ አትቆምም። ሰዎችም ይገዳደላሉ። ከመቶ ዘጠና ዘጠኝ ሰዎች ይሞታሉ። ሁላቸውም ‘ምናልባትም የምተርፈው እኔ እሆናለሁ’ ይላል..." (ሙስሊም በሐዲስ ቁጥር 2894 ላይ ዘግበውታል)

"ይገልጣል" የሚለው ቃል ወንዙ ይደርቃል ከስር ያለው ወርቅ በግልፅ ይታያል ማለት ነው። በ2026 ቀደም ሲል የማይታየው የኤፍራጠስ የታችኛው ክፍል በሳተላይት ምስሎች መታየት ጀምሯል።

🟣 ይህ ሐዲስ አሁን ካለው ፖለቲካ ጋር ምን ግንኙነት አለው? ብላችሁ ልትጠይቁ ትችላላችሁ።

አሜሪካ ዶላር ከወርቅ ጋር ያለውን ግንኙነት የቆረጠችበትን ዓመት አስታውሱ? በወቅቱ የወረቀት ገንዘብ ኃይል ነው እያሉ ዓለምን ሁሉ አታለሉ። አሁን ተቃራኒውን እያደረጉ ነው። የወረቀት ገንዘብ በጊዜ ሂደት ዋጋውን እንደሚያጣ በመንገር ወርቅ ኃይል መሆኑን ይገልፁ ይዘዋል። በቂ የወርቅ ክምችትንም አዘጋጅተዋል።

በድንገት በኢኮኖሚ ድቀት ውስጥ ራሳችሁን ታገኛላችሁ። በኪስ ቦርሳችሁ ውስጥ የያዛችሁት ገንዘብ ዋጋ ቢስ ይሆናል። ሰዎች የወረቀት ገንዘባቸው ዋጋ ቢስ ሆኖ ጀሰዳቸው ሲራብ ወርቅ ያለው ብቻ ይተርፋል።

ረሱል በምድራችን የሀብት ማዕድ... ከ100 99 ሰዎች ወደሚገደሉበት ሥፍራ እንዳናቀና አስጠንቅቀውናል... የዘር ማጥፋት ዕልቂት እንደሚኖር ነግረውናል... ወዳጄ አሁን የምታየው የጦር ጋጋታ የድንበር ፍጥጫ ብቻ አይደለም ኤፍራጠስ ወንዝ በሚገልጠው የወርቅ ክምችት የሚደረግ ጦርነት ጭምር ነው።

ረሱል ከታላቁ መልሐማ (ከአርማጌዶን) በፊት የቀጠናውን ገፅና ሁኔታ ገልጸውታል... አቡ ሁረይራ እንዳስተላለፈው የአላህ መልዕክተኛ የመጨረሻውን ዘመን እንዲህ በማለት ማውሳታቸውን ይነግረናል፡-
"ጊዜ ይፈጥናል፣ መልካም ስራዎች ይቀንሳሉ፣ ስግብግብነት ይበራከታል፣ ፈተና ይንሰራፋል፣ ሀረጅም ይበዛል" አሉ "የአላህ መልእክተኛ ሆይ! ሀረጅ ምንድን ነው?" በማለት ሰሐቦች ጠየቁ ረሱልም "መገዳደል" ሲሉ መለሱ (ኢማሙል ቡኻሪ በሐዲስ ቁጥር 7061 ላይ ዘግበውታል)

"ስግብግብነት ይበዛል" በሚለው ቃል ረሃብና ድህነት ይገኛል። ሰዎችም በዚያ ሰበብ ስስታምና ራስ ወዳድ ይሆናሉ። ሀረጅ ያለ ዓላማ የሚሞቱ ሰዎች መበራከት ነው... ጦርነቱ ሲፈነዳ የሚሆነውም ይህ ነው።

አላህ ያከበረውን የሰው ልጅ ለመስበር፣ ሰዎችን በፍርሃት ማሽን ውስጥ ወደ ኮግ ለመቀየር የሉሲፈርን ቴክኖሎጂ እየተጠቀሙ ነው። ከረጅም ጊዜ በፊት እስራኤላውያንን ለማሸበር ፊርዐውን ሠራዊቱንና የጦር መርከቦቹን በባህር ላይ እንዳሰማራው ታሪክ ራሱን እየደገመ ነው። አላህ ግን ፍፁም የተለየ እቅድ አለው።

የ2026 የአሜሪካ መከላከያ ያወጣው ሰነድ የጦር ኃይሉ ሚና ኃብቶችን መጠበቅ እና ዲጂታል ሽግግርን ማረጋገጥ መሆኑን በግልጽ አስፍሯል። በሌላ አነጋገር፣ እነዚህ መርከቦች ለወርቅ ክምችቱ ሊዋጉ እየመጡ ነው። ከኢራን ጋር ውጊያው ሲጀመር ድንበሮች ዳግም ሲሳሉ ዐረቦች የሚጠፉበት ቢላ ሲሞረድ ያኔ ዕቅዳቸው ከሰዎች ሁሉ ይሸሸጋል።

የማዕከላዊ ባንክ ትልቁ ዓሣ ማርክ ካርኒ በዳቮስ መድረክ "የምናውቀው ስርዓት አብቅቷልና በአዲስ ይዘት ዳግም ማዋቀር ያስፈልጋል" ማለቱ ምን እንደሆነ ታውቃላችሁ?

ታላቁ ሰሐባ ሑዘይፋ "ሰዎች የአላህን መልእክተኛን ስለ መልካም ነገር ሲጠይቁ እኔ ግን ክፉ እንዳያገኘኝ በመፍራት ሸር ሸሩን እጠይቅ ነበር" ይላል። በሐዲሱ መጨረሻ ላይም "በጀሀነም ደጃፍ ላይ ቆመው ሰዎችን ወደ ፈተና የሚጎትቱ ተጣሪዎች አሉ..." በማለት ረሱል ገለፁ። ቡኻሪ በሐዲስ ቁጥር 3606 እና ሙስሊም በ1847 ላይ ዘግበውታል።

"በጀሀነም ደጃፍ ላይ ያሉ ተጣሪዎች" የዛሬዎቹ "የሰላም ምክር ቤቶች" እና ችግሮችን ሁሉ እንደሚፈታ የሚናገረው በርቀት የሚቆጣጠር ድንበር የማይገታው የአንድ ዋልታ ሥርዓት የሚሉን አዲሱ የዓለም ሥርዓት ነው። ወላሁ አዕለም። ይህ ከረጅም ጊዜ በፊት በአንደሉስ የተከሰተው ዓይነት ትዕይንት ነው። የጠዋኢፍ ነገሥታት ጠላት ላይ ተደግፈው እርስ በእርሳቸው ሲናከሱ የጋራ ጠላታቸው ሁሉንም አንድ በአንድ በላቸው።

🟡 ካናዳ እና አውሮፓ ከቻይና ጋር አዲስ ምዕራፍ መክፈት ጀምረዋል። ይህ ​​አሜሪካ እየፈረሰች መሆኑን የሚያሳይ ማስረጃ አይደለምን?" ልትል ትችላለህ።

ወዳጄ!
ጨዋታውን ለመረዳት በዚህ አምድ ላይ አተኩር። አሜሪካ ወታደራዊ "ጥንካሬ" ቻይና ደግሞ ለስላሳ የቴክኖሎጂ ዲጂታል ሲስተምን ትወክላለች። አሜሪካ ከምትነዛው ፍርሃት ስንሸሽ፣ ቻይና በምታቀርበው ፍጹም የክትትልና የቁጥጥር ቴክኖሎጂ ማዕቀፍ ውስጥ ሰተት ብለን እንገባለን። ባንዲራውን ሲቀባበሉ እኛ ሙስሊሞች ገፈቱን እንቀበላለን።

"ጣሉት በሠራዊቱ (ታጅቦ) በወጣ ጊዜ፡- "አላህ በወንዝ (ውሃ) ይፈትናችኋል ከርሱም የጠጣ ከእኔ አይደለም፡፡ ያልቀመሰው ሰው በእጁ መዝገንን የዘገነ ሰው ብቻ ሲቀር እርሱ ከኔ ነው" ያለበትን መመርያ አስታውሱ።

በፈተና የተሞላ፣ በስሜትና በዲጂታል ማራኪ ወንዝ ፊት ቆመናል። ውጤቱ ተመሳሳይ ሆኗል። ውሃውን ሳይጎነጩ በጽናት የቆዩ ጥቂቶች ብቻ ድሉን ያያሉ።

ሥርዓቱ በአላህ ትእዛዝ የሚፈርስበት ጊዜ ተቃርቧል። የሚሳኤል ጉልላቱ ወደ ቆሻሻ ብረትነት ይለወጣል። እኛን የሚከታተሉበት ስክሪን ሁሉ ይጨልማል። የኃይል ሚዛኑ ልባቸው በአላህ ላይ ወደተንጠለጠለ አማኞች ያጋድላል።

ያለነው በመጨረሻው ዘመን ላይ ነው። ጨዋታው እየተጠናቀቀ ነው። ዲን ላይ ፀንቶ ፍም እሳት መጨበጥ አሊያም በደጃል ስርዓት ውስጥ መፈጨት ሌላ የለም ከሁለቱ ፉስጣጥ አንዱን ብቻ መምረጥ። የኢስላምን ከፍታ አላህ ያሳየን በዲኑ ላይም ያፅናን።

➖➖➖➖➖➖➖➖➖➖➖➖
ጌታዬ ሆይ!
ብዕሬን እንደ ኻሊድ ኢብኑል ወሊድ ሠይፍ
የሰላ አድርግልኝ
Mahi mahisho
➖➖➖➖➖➖➖➖➖➖➖➖➖
https://t.me/yesheh_kalidrashid_daewawoch
➖➖➖➖➖➖➖➖➖➖➖➖➖

ISLAM IS UNIVERSITY

Apr 1, 2026, 02:10 PM

☝️☝️☝️☝️☝️☝️☝️☝️☝️☝️☝️
ዛሬ አንድ ቻናል ልጠቁማችሁ..ፕሮሞሽን እየሰራሁ ሳይሆን ነገሮችን ለሚያስተነትን ሰፊ አመለካከት ላለዉ ሰዉ የሚሆን...ነገሮችን ከብዙ አቅጣጫ ለሚመለከት የሚሆን በተለይ ደግሞ በጣጣጣም መፅሀፍ ለሚያነብ የሚሆን ቻናል ነዉ፡፡ ግን የቲክቶክ የሚዲያ ወሬ ለተቆጣጠረዉ እሱ የሚፅፋቸዉ ፁሁፎች ሊያወዛግቡት ይችላሉ፡፡

የተለያዩ ሀገራት ጠቅላይ ሚኒስተሮች አዲሱ የአለም ስርአት የሚሉት አለ...ግን አዲሱ የአለም ስርአት ወደ የት ነዉ የሚወስደን???ስለ ደጃል ምልክቶች አስተዉለን እናቃለን ግን??አዲሱ የአለም ስርአትና የሚባለዉ እና የደጃል ምልክቶች ጋር አወዳድረን እናቃለን??በአለም ዙሪያ ምን እየተፈጠረ እንደሆነ አስተዉለናል ግን???

አለምን የሚዘዉሩት ድብቅ ማህበራት ግን ምን ያህሎቻችን እናቃለን??ስለ አዲሱ አለም ስርአትና ስለድብቅ ማህበራት ዙሪያ የሚያተኩሩ ምን ያህል መፅሀፎች አንብባችሆል??ለማንኛዉ ይህ ቻናል ፀሀፊ Mahi mahisho በዚያ ዙርያ ያተኩራል

♦ Mahi mahisho የዚህ የሚፅፋቸዉ ካነበብኳቸዉ አንፃር 80% እስማማበታለሁ ፡፡እኔ ስለ አዲሱ አለም ስርአት የሚያተኩሩ ወደ 30 የሚሆኑ መፅሀፎች አሉኝ አንብቤያቸዋለሁ፡፡ እኛ ሙስሊሞች ገና ብዙ ነገር ይቀረናል እነሱ ለኩፍራቸዉ ለደጃል አቀባበል ለማድረግ ብዙ ርቀት ሂደዋል..በቤታችን በስልካችን..ፎቶ አነሳሳችን ሳይቀር ወደ አዲሱ አለም ስርአት የሚወስድ ነዉ፡፡

ብቻ ብዙ ነገር ቢፃፍ ቢወራ ለመፃፍም ይከብዳል ሰፊ ነዉ አዳማጩ አንባቢዉም ላይዋጥለት ይችላል

ይሄን ቻናል  ጋበዝኳችሁ ለሚያስተዉል ሰዉ አሁን ካለበት ቅዠት ይባንናል join በማድረግ በቻናሉ የተፓሰቱን በተቻለ አቅም ወደ ላይ ያሉትን ያንብቧቸዉ👇👇👇👇

https://t.me/yesheh_kalidrashid_daewawoch
https://t.me/yesheh_kalidrashid_daewawoch
https://t.me/yesheh_kalidrashid_daewawoch

Showing 17 of 17 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Before criticizing someone, examine your conscience and analyze the situation from ALL possible points of views

540

Rape is synonym of trashing criminal all human rights, many traumas & suicide. It's time to sentence rapers as indirect homicide

440

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

2.1k0

Against discrimination of Islam / Muslims who don't commit crimes! Islamic religion is doing crime, but not all muslims!

540

Loading recommended channels...

ISLAM IS UNIVERSITY

ISLAM IS UNIVERSITY

Ranking

Participant Growth (Last 10 Days)

Latest Posts

Rating

User Reviews (0)

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

Related Telegram Channels

Islam Makhachev

adana lgbt sohbet

Muslim.uz

Atheism India Group Link

Before criticizing someone, examine your conscience and analyze the situation from ALL possible points of views

Rape is synonym of trashing criminal all human rights, many traumas & suicide. It's time to sentence rapers as indirect homicide

𝑰𝒔𝒍𝒂𝒎𝒊𝒄 𝑹𝒆𝒔𝒐𝒖𝒓𝒄𝒆𝒔 & 𝑹𝒆𝒎𝒊𝒏𝒅𝒆𝒓𝒔

Against discrimination of Islam / Muslims who don't commit crimes! Islamic religion is doing crime, but not all muslims!

User Reviews (0)

Latest Posts