OLAM.TJ

Public

Can't Join? @Olam_tj

7.8k Members

Updated: May 14, 2026 at 11:52 PM

OLAM.TJ

@Olam_tj offers specialized information about OnlyFans for subscribers interested in OnlyFans

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 7.8K

24h growth: +0 0%

Latest Posts

OLAM.TJ

May 23, 2026, 09:09 PM

📷 Photo

Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 23 майи соли 2026

23-юми май дар Тоҷикистон Рӯзи ҷавонон таҷлил мешавад.
Соли 2011 – Дар пойтахт аввалин форуми миллии заноне, ки бо вируси норасоии масунияти бадан (ВНМО) зиндагӣ мекунанд, баргузор гардид.
Соли 2020 – Гурӯҳи шаҳрвандони Тоҷикистон, ки бинобар пандемияи коронавирус дар Туркия дармонда буданд, ба Душанбе оварда шуданд.
Соли 2024 – Иброҳим Раисӣ, раисҷумҳури Эронро дар зодгоҳаш шаҳри Машҳад ба хок супориданд. Чархболи ӯ рӯзи 19-уми май дар роҳи баргашт аз Табрез дар минтақаи Озарбойҷони шарқӣ суқут кард ва дар пайи ин ҳодиса ҷамъан 8 нафар ҷон бохтанд. Пас аз ин 5 рӯз дар Эрон мотами миллӣ эълон шуд.
👉

OLAM.TJ

May 23, 2026, 09:09 PM

📷 Photo

⚡️Дар Душанбе барои омӯзиши ройгони фанновариҳои рақамӣ мактаби нав месозанд

Дар шаҳри Душанбе мактаби фанновариҳои рақамӣ таъсис дода мешавад, ки дар он сокинони аз 18-сола боло метавонанд ба таври ройгон касбҳои муосири соҳаи фанновариҳои иттилоотиро омӯзанд ва минбаъд “ҳамчун муҳандисони рақамӣ фаъолият кунанд”.
Дар ин бора Оҷонсии навоварӣ ва фанновариҳои рақамии Тоҷикистон рӯзи 21-уми май иттилоъ дода, https://egov.tj/site/innovation/press/news/details/6469?lang=tg, ки ин мактаб дар ҳамкорӣ бо Хадамоти алоқаи Тоҷикистон ва бахши омӯзишии ширкати “Сбер”-и Русия бунёд мешавад. Мактаби нав ба забони русӣ “Школа 21” номгузорӣ мешудааст.
Ба гуфтаи манбаъ, ин мактаб дар бинои маркази тиҷоратии Хадамоти алоқа, воқеъ дар хиёбони Рӯдакӣ 57-и шаҳри Душанбе воқеъ хоҳад буд ва барои 200 ҷойи таҳсил пешбинӣ шудааст.

👉

OLAM.TJ

May 23, 2026, 09:09 PM

📷 Photo

❗️Саршумори чорво ва истеҳсоли гӯшт дар Тоҷикистон зиёд шудааст

🐄То аввали моҳи май дар Тоҷикистон 3 миллиону 69 ҳазору 700 сар гов ва 8 миллиону 214 ҳазору 100 сар гӯсфанду буз ҳисоб шудааст.
Дар ин бора Оҷонсии омори кишвар иттилоъ дода, гуфт, нисбат ба ҳамин давраи соли гузашта саршумори гов 9,3% ва аз гӯсфанду буз 11,7% афзоиш ёфтааст.
🥩 Ҳамчунин, ин ниҳод гуфт, дар 4 моҳ (январ-апрел)-и соли 2026 дар кишвар 68 ҳазору 17 тонна гӯшт истеҳсол шудааст, ки дар қиёс ба ҳамин давраи соли 2025-ум 12,5% зиёд мебошад.
🐏Ба иттилои Оҷонсӣ, дар умум 94,3% гов ва 81,6% гӯсфанду буз дар дасти аҳолӣ аст.
Мақомот зиёд шудани саршумори чорворо ба “дастгирии давлатӣ, беҳтар шудани заминаи хӯроки чорво, рушди хоҷагиҳои аҳоливу деҳқонӣ” ва дуруст ба роҳ мондани “баҳисобгирии саршумори чорво” рабт додаанд.
Бо ин вуҷуд гароншавии нархи гӯшт яке аз мавзуъҳои баҳсбарангез дар кишвар боқӣ мемонад.

👉

OLAM.TJ

May 23, 2026, 09:09 PM

📷 Photo

📊 Оҷонсии омори Тоҷикистон мегӯяд, дар се моҳи аввали соли ҷорӣ 48 ҳазор ҷойи кор дар кишвар таъсис ёфтааст.

💼 Ба гуфтаи манбаъ, аз ин теъдод 20 ҳазору 890 ҷойи он аз ҷониби ташкилоту корхонаҳо ташкил шудааст, ки ҳамагӣ 67,7%-и он шуғли доимӣ будааст.
Манбаъ афзудааст, ки ба ҷуз ин дар ташкилоту корхонаҳо 374 ҷойи кори иловагӣ таъсис ва 1 ҳазор 298 ҷойи дигар барқарор шудааст.
📈Оҷонсӣ гуфтааст, ки дар моҳҳои январ-марти имсол таъсиси ҷойҳои нави корӣ дар ташкилоту корхонаҳо назар ба ҳамин давраи соли 2025-ум 30,8% афзудааст.
🌾🏗🛒 Ҳамчунин, ба иттилои ин ниҳод, дар ин давра 25 ҳазору 929 ҷой кор аз ҷониби шахсони воқеӣ ташкил шудааст, ки қисми зиёди он ба соҳаҳои кишоварзӣ, сохтмон ва савдо рост меомадааст.

👉

OLAM.TJ

May 23, 2026, 09:09 PM

📷 Photo

⚡️Дар Хатлон нақши кормандони пулис дар пешгирии муноқишаҳои оилавиро баррасӣ кардаанд

Шариф Назарзода, сардори Раёсати корҳои дохилӣ дар вилояти Хатлон https://www.facebook.com/www.dushanbepolice.tj/posts/pfbid02aACGY3gJf1zLTLsBXsFvjALT64MdqoBJYtrjoHaJN7dYLjkchRRqMRwg9wVcosJMl?rdid=dwV9QN0yrgg8AnLs, ки ҳангоми баррасии муноқишаҳои оилавӣ бо сокинон хушмуомила бошанд ва арзу шикояти онҳоро саривақт санҷанд.
Ӯ ба ҳалли муноқишаҳои хонаводагӣ ва баланд бардоштани донишу малакаи кормандони ҳифзи ҳуқуқ, аз ҷумла, нозирони минтақавии пулис таъкид кардааст.
Назарзода илова кардааст, ки кормандони пулис усули хушахлоқии касбиро қатъӣ риоя карда, арзу муроҷиати шаҳрвандонро саривақт баррасӣ намуда, сатҳи ҷинояткориро коҳиш диҳанд.

👉

OLAM.TJ

May 23, 2026, 09:09 PM

📷 Photo

⚡️Эмомалӣ Раҳмон бо дабири кулли САҲА дидор кард

Эмомалӣ Раҳмон, раисҷумҳури Тоҷикистон рӯзи 20-уми май дар шаҳри Душанбе бо Фаридун Синирлиоғлу, дабири кулли Созмони амният ва ҳамкории Аврупо (САҲА) дидор ва “дурнамои ҳамкории Тоҷикистон бо ин созмони байналмилалӣ”-ро баррасӣ кардааст.
Эмомалӣ Раҳмон “рушди минбаъдаи шарикӣ”-и Тоҷикистон бо САҲА-ро муҳим дониста, гуфтааст, "кӯшиш мекунем, то барномаҳо ва лоиҳаҳои дар Тоҷикистон амалишаванда ба ниёзҳои воқеии мардуми мо ҷавобгӯ бошанд".
Ба иттилои расмӣ, ҳарду тараф ҳамкории дуҷониба дар ҳар се самти асосии кори САҲА - ҷанбаҳои низомӣ-сиёсӣ, иқтисодӣ-экологӣ ва инсониро муҳокима карда, “идомаи татбиқи лоиҳаҳои пешгирӣ аз ҷиноятҳои сайберӣ, мубориза бо гардиши ғайриқонунии маводи мухаддир, такмили расмиёти гумрукӣ ва мубодилаи иттилоот”-ро аз авлавиятҳо донистаанд.

👉

OLAM.TJ

May 23, 2026, 09:09 PM

📷 Photo

Ҷанг алайҳи Эрон сабаби қатъи бунёди корхонаи коркарди партов дар Суғд шудааст

Бо оғози ҳамлаи Амрикову Исроил ба Эрон ва ҷанг алайҳи ин кишвар сарнавишти яке аз лоиҳаҳои муҳими саноатии Минтақаи озоди иқтисодӣ (МОИ)-и Суғд низ норӯшан шуд. Корхонаи муштараки коркарди партов, ки қарор буд бо сармоягузории Тоҷикистону Эрон бунёд шавад ва даҳҳо ҷойи нави корӣ таъсис диҳад, бинобар вазъи ноороми минтақа амалан мутаваққиф шудааст.
Бунёди корхонаи коркарди партов лоиҳаи муштараки Тоҷикистону Эрон буда, бо 40 дарсад сармояи Эрон ва 60 фоиз аз Тоҷикистон сохта мешуд.

👉

OLAM.TJ

May 23, 2026, 09:09 PM

📷 Photo

Оҷонсии омор мегӯяд, дар се моҳ дар Тоҷикистон 48 ҳазор ҷойи кор таъсис ёфтааст

Оҷонсии омор мегӯяд, аз ин теъдод 22 ҳазору 562 ҷойи кор аз ҷониби ташкилоту корхонаҳо ва 25 ҳазору 929 ҷой кор аз ҷониби шахсони воқеӣ ташкил шудааст.
Манбаъ гуфт, аз 22 ҳазору 562 ҷойи коре, ки аз ҷониби ташкилоту корхонаҳо дар се моҳи соли 2026 (январ – март) ташкил шудааст, 67%-и он шуғли доимӣ мебошад. Ҷойҳои корӣ нисбат ба ҳамин давраи соли 2025-ум 30,8% афзудааст. Аз 22,5 ҳазор ҷои корӣ, ки аз сӯи корхонаҳо ташкил шуд, 374 ҷойи кори иловагӣ мебошад ва 1 ҳазор 298 ҷойи корие, ки дубора барқарор шудааст.

👉

OLAM.TJ

May 23, 2026, 09:09 PM

📷 Photo

Ҷуфтҳои даври 1/8 ниҳоии Ҷоми футболи Тоҷикистон-2026 маълум шуданд

Маросими қуръакашии даври асосии мусобиқоти Ҷоми футболи Тоҷикистон-2026 баргузор шуд. Аз рӯи натиҷаҳои он 16 даста аз ҳарифони худ дар даври 1/8 ниҳоии мусобиқа, ки дар он ба рақобат тимҳои лигаи олӣ ҳамроҳ мешаванд, огоҳ шуданд.
Дар мусобиқот, 12 дастаи лигаи олӣ ва 4 намояндаи лигаи якум, ки марҳилаҳои интихобиро гузаштанд, иштирок мекунанд. Маҳз аз ҳамин марҳила, мусобиқа шакли марҳалаи ҳазфӣ (плей-офф)-ро мегирад, яъне дастаи мағлубшуда аз рӯи натиҷаҳои ду вохӯрӣ аз ҳаққи идомаи мусобиқа маҳрум мешавад.

👉

OLAM.TJ

May 23, 2026, 09:09 PM

📷 Photo

Тарҳи ҳифзи Душанбе аз гармӣ ва обхезӣ. Масъулин ва коршиносон чӣ нақша доранд?

Лоиҳаи устувории таъминот бо оби Душанбе аз навсозии обгирӣ аз дарёи Кофарниҳон (КАФ-1) иборат аст, ки устувории низоми таъминот бо оби шаҳрро дар шароити тағйирёбии иқлим тақвият бахшида, сифати обро беҳтар мекунад. Ҷорисозии низоми “SCADA” барои арзёбӣ ва пайгирии таъминот бо об дар вақти воқеӣ ва бунёди долонҳои сабз баҳри беҳбуди обпарто ба коҳиши хавфҳои обхезӣ ва поинравии ҳарорат дар шаҳр кумак карда, Душанберо барои ҳаёт бароҳат ва бехатар месозанд.
Дар Душанбе рӯзи 29-уми апрели соли 2026 семинаре баргузор шуд, ки дар он лоиҳаи устувории таъминот бо оби шаҳр пешниҳод шуд. Семинар бо дастгирии Бонки осиёии рушд (БОР) ташкил шуда, намояндагони сохторҳои давлатӣ, коршиносони байнулмилалӣ ва мутахассисони КВД “Обу корези Душанбе”-ро гирди ҳам овард.

👉

OLAM.TJ

May 9, 2026, 11:44 AM

📷 Photo

Соли гузашта бо кумаки Салиби Сурх ва Ҳилоли Аҳмар 14 шаҳрванди гумшудаи Тоҷикистон пайдо шудаанд

Соли гузашта Кумитаи Байналмилалии Салиби Сурх (КБСС) ва Ҷамъити Ҳилоли Аҳмар (ҶҲА) аз  хонаводаҳое, ки пайвандонашон бедарак гум шудаанд, 91 дархост қабул гардида, бо кумаки онҳо 14 шаҳрванди Тоҷикистон пайдо шудаанд.

👉

OLAM.TJ

May 9, 2026, 11:44 AM

📷 Photo

🪕 Дар шаҳри Хуҷанд ҷашнвора-озмуни шашмақомхонӣ баргузор мешавад.

📍Ин чорабинӣ таҳти унвони “Ушшоқи раҳмонӣ” аз 10 то 12-уми май ва ба муносибати “Рӯзи шашмақом”, ки ҳамасола дар Тоҷикистон рӯзи 12-уми май таҷлил мешавад, сурат мегирад.
Дар он ҳунармандони дастаҳои шашмақомхон, мутахассисони соҳаи фарҳангу санъат, мусиқишиносони кишвар ва берун аз он, аз ҷумла, аз Эрон, Ӯзбекистон, Қирғизистон, Озарбойҷон ва Фаронса иштирок мекунанд.
Ҷашнвора рӯзи 10-уми май, соати 9:00 дар Театри Камоли Хуҷандӣ ифтитоҳ мешавад. Озмуни байналмилалии шашмақомсароён низ рӯзи 11-уми май дар ҳамин макон баргузор хоҳад шуд.

👉

OLAM.TJ

May 9, 2026, 11:44 AM

📷 Photo

Дар Осиёи Марказӣ лоиҳаи ҳифзи хок аз таназзул таҳия мешавад

Кишварҳои Осиёи Марказӣ лоиҳаи нави бузургмиқёсе таҳия мекунанд, ки ба ҳифзи хок, ҳосилнокии заминҳо ва рушди истифодаи устувори замин равона шудааст. Дархост барои маблағгузорӣ ба ин ташаббус аллакай ба Фонди сабзи иқлимии СММ пешниҳод шудааст. Дар ин бора хабаргузории “Kazinform” иттилоъ медиҳад.
Ба иттилои манбаъ, вазифаи калидии лоиҳа,ҳифзи ҳосилнокии заминҳо дар пасманзари тағйирёбии иқлим иборат аст.

👉

OLAM.TJ

May 9, 2026, 11:44 AM

📷 Photo

Раъду барқ дар кӯҳҳо. Чӣ гуна сайругашти маъмулии се хонанда аз шаҳри Турсунзода бо фоҷеа анҷомид?

Чанд рӯз пеш дар пайи раъду барқ дар деҳаи Кадучии шаҳри Турсунзода як ноболиғ ҷон бохта, ду тани дигар ҷароҳат бардоштаанд. Ҳодиса қарибиҳои бегоҳ ҳангоми сайругашти маъмулии се мактабхон дар кӯҳҳои водии Ҳисор рух дод. Он замон шахсияти ноболиғон маълум набуд.

👉

OLAM.TJ

May 9, 2026, 11:44 AM

📷 Photo

Ду ҷудокори тоҷик дар садри радабандии ҷаҳонӣ қарор гирифтанд

Дар радабандии ҷаҳонии ҷудо Эмомалӣ Нуралӣ, ҷудокори шинохтаи тҷоик дар вазни 66 кг ва Муҳиддин Асадуллоев, ҷудокори дигари тоҷик дар вазни 73 кг дар ҷои аввал қарор гирифтанд. Эмомиалӣ бо касби 5226 имтиёз ва Асадуллоев бо 4570 имтиёз пешсафи мутлақ дониста шуданд.
Ин натиҷа ба Эмомалии Нуралӣ имкон дод, ки аз Такеши Такеоку, намояндаи Ҷопон пеш гузарад. Муҳиддин Асадуллоев пас аз ғалаба дар Душанбе якбора се мавқеъ боло рафта, ҳарифони пурқувват аз Амороти Муттаҳидаи Араб, Бразилия ва Фаронсаро қафо гузошт.

👉

OLAM.TJ

May 9, 2026, 11:44 AM

📷 Photo

Бознашри “Фарҳанги имлои забони тоҷикӣ” ва омӯзиши ҳатмии забони давлатӣ. Тавсияи вакилон ба Кумитаи забон ва чанд ниҳоди дигар

👉

OLAM.TJ

May 9, 2026, 11:44 AM

📷 Photo

Шахсияти милливу фаромиллӣ ва қосиди сулҳ. Таҷлили 115-солагии Мирзо Турсунзода дар Душанбе

Рӯзи 5-уми май дар Иттифоқи нависандагони Тоҷикистон ба муносибати 115-солагии Мирзо Турсунзода маҳфили ёдбуд баргузор шуд. Дар он намояндагони дастгоҳи раисҷумҳур, вазорати фарҳанг, аҳли илму адаб ва духтари шоир Фирӯза Турсунзода ҷамъ омаданд ва аз корномаи ӯ ёд оварданд.
Ба гуфтаи аҳли адаб, Мирзо Турсунзода дар кашфи истеъдодҳои ҷавон ва тарбияти насли нави адибон саҳми бориз гузоштааст. Маҳз мактаби шогирдпарварии ӯ буда, ки адабиёти тоҷикро дар нимаи дуюми асри бист бо чеҳраҳои нав шукуфон сохт. Ӯ барои шогирдон на танҳо раҳнамо, балки такягоҳи устувор ҳам маҳсуб мешуд.

👉

OLAM.TJ

May 9, 2026, 11:44 AM

📷 Photo

Оҷонсии омор: Дар се моҳ 6,2 ҳазор соҳибкори хурд фаъолияти худро қатъ кардаанд

Дар се моҳи соли 2026-ум дар мақомоти андоз 11,5 ҳазор соҳибкори хурди нав ба қайд гирифта шуда, дар айни ҳол, 6,2 ҳазор тоҷири хурд фаъолияти худро қатъ кардаанд. Дар ин бора Оҷонсии омори Тоҷикистон хабар медиҳад.
Ба иттилои манбаъ, ҳоло дар кишвар то 349,7 ҳазор соҳибкори инфиродӣ фаъолият мекунанд, ки аз ин 40,5 ҳазор соҳибкор бо шаҳодатнома, 58,7 ҳазор бо патент, 68,1 ҳазор бо шаҳодатномаи махсус ва 182,4 ҳазор хоҷагии деҳқонӣ мебошад. Омори умумии соҳибкорон нисбат ба ҳамин давраи соли гузашта 14556 адад ё 4,3% зиёд шудааст.

👉

OLAM.TJ

May 9, 2026, 11:44 AM

📷 Photo

Як занро дар Исфара барои ба худкушӣ расонидани ҳамсари бародараш 4 сол зиндон кардаанд

Додгоҳи шаҳри Исфара як зани 36-соларо барои ба худкушӣ расонидани ҳамсари бародараш 4 сол равонаи зиндон кардааст. Ин ниҳод аз маҳкумшуда З.Б ном бурда, гуфтааст, ки ӯ сокини ҷамоати Ворух аст ва бо Ш.И, ҳамсари бародараш якҷо зиндагӣ мекард.
Ба гуфтаи манбаъ, маҳкумшуда соли 2025 нисбати келини хонавода “муносибати дағалона нишон дода, ӯро мунтазам таҳқир мекард ва шаъну эътиборашро дар назди дигар аъзои оила паст мезад”.

👉

OLAM.TJ

May 9, 2026, 11:44 AM

📷 Photo

Бо қарори Маҷмаи Умумии Созмони Милали Муттаҳид рӯзҳои 8 ва 9-уми май ҳамчун Рӯзи ёдбуд ва оштӣ эътироф шудаанд. Ин рӯзҳо ба хотири қурбониёни Ҷанги Дуюми Ҷаҳонӣ бахшида шудаанд ва СММ ба кишварҳои узв пешниҳод кардааст, ки як ё ҳарду рӯзро ҳамчун эҳтиром ба қурбониёни ҷанг таҷлил намоянд.

👉

OLAM.TJ

May 2, 2026, 06:32 AM

📷 Photo

1-уми май ҳамчун Рӯзи байналмилалии ҳамбастагии коргарон дар кишварҳои зиёде, аз ҷумла дар Иттиҳоди Шӯравии собиқ, таҷлил мешуд. Имрӯз ин рӯз ҳамчун Рӯзи меҳнаткашон ё Рӯзи коргарон дар беш аз 142 кишвари ҷаҳон қайд мегардад.

👉

OLAM.TJ

May 2, 2026, 06:32 AM

📷 Photo

Соли 1928 – Зодрӯзи Бобо Ҳоҷӣ, шоири тоҷик.

Соли 1951 шуъбаи филологияи Донишкадаи давлатии омӯзгории Душанберо хатм кардааст. Баъдан ходими адабӣ, мудири шуъба, котиби масъули рӯзномаҳо ва маҷаллаи “Машъал”, муҳаррири калони радиои тоҷик, муҳаррири калон ва мудири шуъбаи нашриёти “Ирфон”-у “Маориф” будааст.
Шеърҳои аввалинаш аз соли 1949 ба табъ расидаанд. Муаллифи китобҳо барои бачагон “Раҳмат ба Ватан” (1958), “Бузи айнакдор” (1961), “Шукуфаҳои чаман” (1965), “Гурбаи гелосбон” (1971), “Садарайҳон” (1980) ва ғайра мебошад.
Ашъораш дар маҷмӯаҳои “Насими баҳорон” (1956), “Изҳори муҳаббат” (1962), “Гули Хуршед” (1974), “Нони ҳалол” (1978), “Осиёи чашма” (1984), “Паймона” (1986), “Дурри ятим” (1988), “Ашки булбул” (1990), “Пешдаргирон” (1998) ва ғайра чоп шудаанд. Чанд китоби очеркаш ҳам ба табъ расидааст.

👉

OLAM.TJ

May 2, 2026, 06:32 AM

📷 Photo

Соли 1933 – Зодрӯзи Атахон Сайфуллоев, адабиётшинос, нависандаи тоҷик.

Атахон Сайфуллоев солҳо ҳамчун сармуҳаррири Сарредаксияи илмии Энсиклопедияи советии тоҷик, ходими пешбар ва сарходими илмии Пажуҳишгоҳи забон ва адабиёти Академияи илмҳои Тоҷикистон, директори Донишкадаи марказии такмили маҳорати муаллимони Тоҷикистон, раиси Кумитаи давлатии телевизион ва радиои Тоҷикистон, котиби масъули шуъбаи суғдии Иттифоқи нависандагони Тоҷикистон, ҳамзамон раиси Шӯрои Ҳаракати ваҳдати миллӣ ва эҳёи Тоҷикистон дар вилояти Суғд, муовини раиси Шӯрои мазкур, сармуҳаррири маҷаллаи илмӣ, адабӣ ва ҷамъиятии “Паёми Суғд” будааст.
Сайфуллоев муаллифи беш аз 1000 асару мақолаҳои илмӣ, аз ҷумла тадқиқотҳои таърихӣ-адабӣ доир ба эҷодиёти Камоли Хуҷандӣ, Т.Асирӣ, С.Айнӣ, М.Турсунзода, Ҳ.Карим, Ҷ.Икромӣ, Р.Ҷалил, А.Шукуҳӣ, Ф.Мухаммадиев, П.Толис ва дигарон, ҳамчунин проблемаи таъсири мутақобилаи адабиётҳои миллиро ба тадқиқ гирифтааст.

👉

OLAM.TJ

May 2, 2026, 06:32 AM

📷 Photo

Соли 1937 – Зодрӯзи Марям Исоева, ҳунарпешаи театр ва синамои тоҷик.

Ӯро метавон беҳтарин ҳунарпешаи Тоҷикистон ном бурд. Чун тамоми ҳаёташро дар театр гузаронида, ҳастиашро ба саҳна бахшидааст. Махсусан образи зан-модари тоҷик дар эҷодиёти ӯ бисёр барҷаста дида мешавад. Ӯро гоҳо “модари театри тоҷик” ҳам меноманд.
Марям Исоева баъди хатми Институти давлатии санъати театрии ба номи А. В. Луначарский дар ш. Маскав ҳамчун ҳунарпеша дар Театри давлатии мусиқӣ мазҳакавии ба номи К.Хуҷандӣ ба фаъолият пардохтааст.
Аз соли 1961 ҳунарпешаи  Театри давлатии академии драмавии ба номи А.Лоҳутӣ буд. Соли 1979 ба унвони Ҳунарпешаи халқии Тоҷикистон сазовор дониста шуд.

👉

OLAM.TJ

May 2, 2026, 06:32 AM

📷 Photo

⚡️Ҳамоиши амниятии Осиёи Марказӣ дар Душанбе оғоз шуд

Дар Душанбе Ҳамоиши амниятии Осиёи Марказӣ бо унвони “Низоми амниятии Осиёи Марказӣ: нигарониҳо, таҳдидҳои муосир ва зарфиятҳои роҳбурдӣ (стратегӣ)” оғоз шуд. Дар он намояндагони ниҳодҳои давлатӣ, коршиносон, олимон ва шарикони байналмилалӣ ширкат варзида, масъалаҳои мубрами таъмини амният ва рушди устувори минтақаи Осиёи Марказиро баррасӣ мекунанд.
Хайриддин Усмонзода, директори Маркази тадқиқоти стратегии Тоҷикистон дар ифтитоҳи ҳамоиш гуфт, "Осиёи Марказӣ дар тӯли даҳсолаҳои охир, бахусус, дар шароити афзоиши ноустувории равандҳои байналмилалӣ, ҳамчун минтақаи дорои аҳаммияти роҳбурдии баланд боқӣ мемонад, ки дар он манфиатҳои марказҳои асосии қудрати ҷаҳонӣ ва минтақавӣ ба ҳам меоянд".

👉

OLAM.TJ

May 2, 2026, 06:32 AM

📷 Photo

‼️Игор Ангеловский сармураббии нави тими миллии Тоҷикистон таъйин шуд

🇹🇯Игор Ангеловский, мутахассиси 49-сола аз Мақдуния (Македония)-и Шимолӣ сармураббии нави тими миллии Тоҷикистон таъйин шуд.
⚽️ Дар ин бора чанд лаҳза пеш Федератсияи футболи кишвар иттилоъ дода, гуфт, ӯ дастаро ба қисми ниҳоии Ҷоми Осиё-2027, ки дар Арабистони Саудӣ баргузор мешавад, омода мекунад.
Ба гуфтаи манбаъ, Ангеловский пештар дастаи мунтахаби Мақдунияи Шимолиро роҳбарӣ карда, ин тимро дар соли 2020 бори аввал ба мусобиқаи қаҳрамонии Аврупо баровардааст

👉

OLAM.TJ

May 2, 2026, 06:32 AM

📷 Photo

Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 1 майи соли 2026

Соли 1931 – Дар Тоҷикистон воҳиди авиатсионии аввалин (ҳавонавардӣ) таъсис дода шуд. Дар ҳамин рӯз ду ҳавопаймои навъи Ф-13 ба фурудгоҳ оварда шуданд. Ин баёнгари оғози расмии фаъолияти ҳавонавардӣ дар кишвар аст.
Соли 1940 – Дар Сталинобод (ҳозира Душанбе) аввалин кӯл бо ду соҳили шиноварӣ – барои мардон ва барои занон – бо номи “Комсомол” ба истифода дода шуд.
Соли 1993 – Аввалин 300 паноҳандаи тоҷик аз Афғонистон ба Ватан баргаштанд.
Соли 2008 – Дар Ёвон ду воҳиди аввалини нерӯгоҳи гармидиҳӣ ба кор даромад ва корхонаи “Тоҷикхимпром” баъди бозсозӣ дубора ба фаъолият оғоз кард.
Соли 2009 – Тоҷикистон воридоти нерӯи барқро аз Туркманистон ва Ӯзбекистон қатъ кард.
Соли 2010 – Барои сокинони ноҳияи Варзоб нархи гузаштан аз роҳи пулакии Душанбе–Чаноқ коҳиш дода шуд. Яъне ин шаҳрвандон барои гузар аз ин роҳ нисбат ба дигарон пули камтар медиҳанд.

👉

OLAM.TJ

May 2, 2026, 06:32 AM

📷 Photo

Афзоиши қарздорӣ аз андоз, коҳиши сармоягузории хориҷӣ ва норасоии табибон. Дар маҷлиси ҳукумат чӣ масъалаҳо баррасӣ шуданд?

Дар маҷлиси ҳукумати Тоҷикистон, ки дар он натиҷаҳои рушди иҷтимоию иқтисодии кишвар дар семоҳаи аввали соли 2026 баррасӣ шуд, аз кори чанд бахш, аз ҷумла, афзоиши қарздорӣ аз ҳисоби андоз, коҳиши ҷалби сармоягузорӣ аз хориҷа, вобастагӣ ба воридот ва кам шудани содирот, инчунин  кашолкорӣ дар татбиқи лоиҳаҳо нигаронӣ шудааст.
Тибқи иттилои расмӣ, дар маҷлиси ҳукумат, ки дирӯз, 29-уми апрел таҳти раёсати Эмомалӣ Раҳмон, раисҷумҳури Тоҷикистон баргузор шуд, натиҷаҳои рушди иҷтимоию иқтисодии кишвар дар моҳҳои январ-марти соли 2026 баррасӣ шудааст.

👉

OLAM.TJ

May 2, 2026, 06:32 AM

📷 Photo

“Ба телефон, китобхона, ҳаммом ва табобат дастрасӣ доранд”. Омбудсмени Тоҷикистон шароити нигоҳдории маҳбусонро хуб арзёбӣ кардааст

Ваколатдори ҳуқуқи инсон ё Омбудсмени Тоҷикистон аз шароити нигоҳдории маҳбусон дар боздоштгоҳҳои муваққатӣ нигаронӣ карда, гуфтааст, ки дар бархе аз боздошгоҳҳо зиндониён ба муолиҷа дастрасӣ надоранд. Дар ҳамин ҳол, ин ниҳод, вазъ ва шароити маҳбасҳои кишварро хуб арзёбӣ карда, гуфтааст, ки барои зиндониён шароити табобат фароҳам аст.
Вазъ ва шароити нигоҳдории зиндониёнро Омбудсмени Тоҷикистон дар гузориши солонаи худ, ки чанде пеш нашр шуд, таҳлил кардааст.

👉

OLAM.TJ

May 2, 2026, 06:32 AM

📷 Photo

Собиқадорони Ҷанги Бузурги Ватанӣ аз Тоҷикистон дар куҷо зиндагӣ мекунанд?

Рӯзи 27-уми апрел охирин иштирокчии Ҷанги Бузурги Ватанӣ (ҶБВ) аз Ҳисор – Раҷаб Исмонов, ки 100 сол дошт, даргузашт. Ҳоло дар Тоҷикистон 10 собиқадори ҶБВ умр ба сар мебаранд.
Имрӯз аз ҳама бештар дар вилояти Хатлон собиқадорони ҶБВ иқомат доранд ва теъдоди онҳо 6 нафар аст. Аз ҷумла, 5 нафари онҳо – Сафаралӣ Файзалиев, Машраб Давлатов, Гулмурод Тағоев, Мирзо Ғафуров ва Ҳабиб Сафаров дар ноҳияи Бохтар ва 1 нафар, Яҳё Мирзоев дар Кӯлоб зиндагӣ мекунад.

👉

Showing 30 of 60 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

OLAM.TJ

OLAM.TJ

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

hyperxcric11

Amit Majithia™(CBTF)

CBTF Amit Majithia

Yoongi

⌗ liz’s picks

MOONER.

Center all fans

| Nora Fawn | Fans

Related Telegram Channels

hyperxcric11

Amit Majithia™(CBTF)

CBTF Amit Majithia

Yoongi

⌗ liz’s picks

MOONER.

Center all fans

| Nora Fawn | Fans

User Reviews (0)

Latest Posts