Mehal media

Public

View Channel

19.2K

1.4K

Can't Join? @mehalmedia

7.3k Members

Updated: May 16, 2026 at 10:02 PM

Mehal media

All about truth

@mehalmedia is a dedicated channel for about and truth with regular updates in Memes

Ranking

Global Ranking

#456

Language Ranking

#45

Category Ranking

#23

-1

Participant Growth (Last 4 Days)

Total: 7.3K

24h growth: +1.1K 18%

Latest Posts

Mehal media

May 20, 2026, 08:05 PM

📷 Photo

በመኪና አስቁሞ ዘረፋ ላይ በተሰማሩ የፅንፈኛው ቡድን አባላት ላይ እርምጃ መወሰዱን የአለፋ ወረዳ ፖሊስ ጽ/ቤት አስታወቀ።

በማዕከላዊ ጎንደር ዞን አለፋ ወረዳ ደንገል በር ቀጠና መኪና በማስቆም ዘረፋ ሲፈፅሙ በቆዩ የፅንፈኛው ቡድን አባላት ላይ ህግ የማርስከበር እርምጃ መወሰዱን የገለፁት የአለፋ ወረዳ ፖሊስ አዛዥ ኮ/ር አለልኝ ምግብ ናቸው ።

ፖሊስ አዛዡ እንደገለፁት በወረዳው ደንገል በር ቀጠና ጥምር ጦሩ ከማህበረሰቡ ጋር በመቀናጀት በሰራው የተጠና የደፈጣ ኦፕሬሽን 2 የፅንፈኛ ቡድኑ አባላትን መደምሰሱን አሳውቀዋል ።

ኮ/ር አለልኝ እንደገለፁት በኦፕሬሽኑ ደንገል በር ቀጠና ላይ በተደጋጋሚ የመኪና አስቁሞ ዘረፋ ሲፈፅሙ የቆዩት ፦
1ኛ, ዳኛቸው ተለይ ብርሃኑ
2ኛ, አባይ አሰፋ ደምለው የተባሉ የፅንፈኛ ቡድን አባሎች መደምሰሳቸውን እንዲሁም 1 ጥቁር ክላሽና 1 ቋም ክላሽ መማረኩን ተናግረዋል ።

ግንቦት 12/2018

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም


✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

280

Mehal media

May 20, 2026, 08:05 PM

📷 Photo

ለዘላቂ ሰላምና ልማት ይሰራል ያልነውን ፓርቲ ለመምረጥ ተዘጋጅተናል -የጉራጌ ዞን ነዋሪዎች

በወሰድነው የመራጭነት ካርድ ለዘላቂ ሰላምና ልማት ይሰራል ያልነውን የፖለቲካ ፓርቲ ለመምረጥ ተዘጋጅተናል ሲሉ የጉራጌ ዞን ነዋሪዎች ተናገሩ።

የኢትዮጵያ ብሔራዊ ምርጫ ቦርድ ባስቀመጠው የጊዜ ሰሌዳ መሠረት 7ኛው ጠቅላላ ምርጫ ግንቦት 24 ቀን 2018 ዓ.ም ይካሄዳል።

ተፎካካሪ የፖለቲካ ፓርቲዎችም በመገናኛ ብዙሃን የተመቻቸላቸውን የዓየር ሰዓት በመጠቀም ማኒፌስቷቸውን እና አማራጭ ሃሳቦቻቸውን ለመራጩ ህዝብ በማስተዋወቅ ላይ ናቸው፡፡

በምርጫው ላይ ኢዜአ ያነጋገራቸው የጉራጌ ዞን ነዋሪዎችም በጠቅላላ ምርጫው ለሀገር እና ለህዝብ ዘላቂ ሰላምና ልማትን የሚያስቀጥል ፓርቲ ለመምረጥ መዘጋጀታቸውን ተናግረዋል።

በዞኑ የወልቂጤ ከተማ ነዋሪ ወይዘሮ ማርታ ሽበሺ እንዳሉት በጠቅላላ ምርጫው በንቃት መሳተፍ የሚያስችላቸውን ካርድ ወስደው የድምጽ መስጫ ቀኑን በመጠባበቅ ላይ ናቸው።

ፓርቲዎች በመገናኛ ብዙሀን እና በተለያዩ አማራጮች እያደረጉት ያለውን የምረጡኝ ቅስቀሳና የሚያቀርቧቸውን የፖሊሲ አማራጮች ሲከታተሉ መቆየታቸውን ጠቅሰው፤ ይህም ለሀገርና ለህዝብ ይበጃል ያሉትን የፖለቲካ ፓርቲ ለመለየት እያገዛቸው መሆኑን ተናግረዋል።

ሌላው የወልቂጤ ከተማ ነዋሪ ወጣት ሙባሪክ ጀማል እንዳለው ዴሞክራሲያዊ መብቱን በመጠቀም ድምጹን ይበጀኛል ለሚለው ፓርቲ ለመስጠት ተዘጋጅቷል።

በዘንድሮ ጠቅላላ ምርጫ ለተፎካካሪ የፖለቲካ ፓርቲዎች ምቹ መህዳር መፈጠሩ በነጻነት እንዲንቀሳቀሱ ማድረጉን ገልጾ፣ እሱም ድምጹን ከመሰጠት ባለፈ ለምርጫው ሰላማዊና ፍትሀዊነት የበኩሉን እንደሚወጣም አረጋግጧል።

203

Mehal media

May 20, 2026, 08:05 PM

📷 Photo

በእንጨት ስራ ላይ እያለ በደረሰበት አሰቃቂ አደጋ የግራ እጅ አውራ ጣቱን ያጣው ጄምስ ባይርን የተባለው ግለሰብ፣ በህክምናው ዓለም እምብዛም የማይታይ እና እጅግ ውስብስብ በሆነ ቀዶ ጥገና ዳግም ወደ መደበኛ ህይወቱ ተመልሷል። የቀዶ ጥገና ሐኪሞች የጠፋውን የእጅ ጣት ለመተካት የግራ እግሩን ትልቅ አውራ ጣት በመቁረጥ በእጁ ላይ በተሳካ ሁኔታ ተክለውታል።

የሰው ልጅ እጅ ማንኛውንም መሰረታዊ ቁሳቁስ አጥብቆ ለመያዝ፣ ለመጨበጥ እና የዕለት ተዕለት ተግባራትን ለማከናወን ከአውራ ጣት እንቅስቃሴ ጋር በቀጥታ የተያያዘ በመሆኑ ይህንን ወሳኝ አቅም ለመመለስ የባለሙያዎቹ ብቸኛ ምርጫ የእግር ጣትን ማዛወር ነበር። ይህ በቆዳ፣ በደም ስር፣ በነርቭ እና በአጥንት ማገናኘት ላይ ያተኮረው አስደናቂ የህክምና ስራ ሙሉ ስምንት ሰዓታት የፈጀ ነበር።

ከቀዶ ጥገናው መጠናቀቅ በኋላ ጄምስ ባይርን ነገሮችን የመጨበጥ እና የመያዝ ብቃቱን ሙሉ በሙሉ መመለስ የቻለ ሲሆን፣ አዲሱ የፈጠራ ጣት መልክ ከወትሮው የተለየ እና የእግር ጣት ቅርጽ ያለው ቢሆንም የደረሰበትን የከፋ ስነ-ልቦናዊ እና አካላዊ ጉዳት ሙሉ በሙሉ ቀልብሶታል።

ይህ አስገራሚ ክስተት በአሁኑ ወቅት በዓለማችን ላይ ያለው ዘመናዊው የመልሶ ግንባታ ህክምና (Reconstructive surgery) የደረሰበትን እጅግ ከፍተኛ እና ተአምራዊ የቴክኖሎጂ ደረጃ በተግባር ያሳየ ደማቅ ምስክር ሆኗል።

🌐ለፈጣንና እውነተኛ መረጃ አሁኑኑ ይቀላቀሉ!

455

Mehal media

May 20, 2026, 08:05 PM

📷 Photo

በአሜሪካና እስራኤል የሚደረግ ጥቃት ጦርነቱ እንዲስፋፋ ያደርጋል ስትል ኢራን አስጠነቀቀች

የኢራን እስላማዊ አብዮታዊ ዘብ በአሜሪካ እና በእስራኤል የሚደረግ ምንም አይነት አዲስ ጥቃት ጦርነቱን ከቀጣናው ውጭ እንዲስፋፋ ያደርገዋል ሲል አስጠነቅቋል።

አሜሪካ እና እስራኤል ተደጋጋሚ ካጋጠማቸው ስትራቴጂካዊ ሽንፈት መማር ተስኗቸዋል ብሏል።

የሁለቱ ሀገራት የጦር ኃይሎች ሙሉ አቅማቸውን ተጠቅመው ጥቃት ቢሰነዝሩም፤ ኢራን እስካሁን ድረስ ሁሉንም አቅሟን ላይ እንዳልተጠቀመች ገልጿል።

በኢራን ላይ የሚሰነዘረው ጥቃት ከተደጋገመ ጦርነቱ ከቀጣናው አልፎ በአካባቢው ይስፋፋል ሲል ማስጠንቀቁን ሚዲል ኢስት ሞኒተር ዘግቧል።

ምንም ዓይነት ጥቃት ቢሰነዘር ባልተለመደ እና ባልተጠበቀ መልኩ ምላሽ እንደሚሰጥም የኢራን እስላማዊ አብዮታዊ ዘብ አስታውቋል።

የአሜሪካው ፕሬዚዳንት ዶናልድ ትራምፕ ከሁለት ቀናት በፊት በኢራን ላይ የሚፈጸመው ጥቃት በባህረ ሰላጤው መሪዎች ጥያቄ መሰረት ለሌላ ጊዜ ተላልፏል ማለታቸው ይታወሳል።

ፓኪስታን በፈረንጆቹ ሚያዚያ 8 የተደረገውን የተኩስ አቁም ስምምነት ተከትሎ በኢራን እና በአሜሪካ መካከል የተቋረጠውን ዲፕሎማሲ ለማደስ እየሰራሁ ነው ብላለች።

በአሜሪካና እስራኤል የሚደረግ ጥቃት ጦርነቱ እንዲስፋፋ ያደርጋል ስትል ኢራን አስጠነቀቀች

የኢራን እስላማዊ አብዮታዊ ዘብ በአሜሪካ እና በእስራኤል የሚደረግ ምንም አይነት አዲስ ጥቃት ጦርነቱን ከቀጣናው ውጭ እንዲስፋፋ ያደርገዋል ሲል አስጠነቅቋል።

አሜሪካ እና እስራኤል ተደጋጋሚ ካጋጠማቸው ስትራቴጂካዊ ሽንፈት መማር ተስኗቸዋል ብሏል።

የሁለቱ ሀገራት የጦር ኃይሎች ሙሉ አቅማቸውን ተጠቅመው ጥቃት ቢሰነዝሩም፤ ኢራን እስካሁን ድረስ ሁሉንም አቅሟን ላይ እንዳልተጠቀመች ገልጿል።

394

Mehal media

May 20, 2026, 08:05 PM

📷 Photo

በኢራን ወታደራዊ ተሽከርካሪዎች 1 ሺ የሚጠጉ ጥንዶች በጋራ ጋብቻ ፈጸሙ

ቴህራን በ"ጃን ፋዳ ጥንዶች" ዘመቻ ወደ 1,000 ለሚጠጉ ሙሽሮች ሰፊ የሆነ የጅምላ ሰርግ ስነ ስርዓትን አከናዉናለች። ወታደራዊ ጭብጥ ያላቸውን የሰርግ ኮንቮይዎችን በማሳየት በዋና ዋና የከተማ አደባባዮች ላይ ስነስርአቶች በአንድ ጊዜ ተካሂደዋል። ዝግጅቱ እየጨመረ በመጣዉ ኢኮኖሚያዊ ችግሮች የተነሳ ተመጣጣኝ ወጪ ያለዉ ጋብቻን ለማከናወን፣ የቤተሰብ እሴቶችን እና ማህበራዊ አንድነትን ያበረታታል ብለዋል እንደሚያምኑ የቴህራን መንግስት ባለስልጣናት ተናግረዋል፡፡

በዋና ከተማዋ ዋና ዋና አደባባዮች ላይ በተካሄደው መጠነ ሰፊ የሠርግ ሥነ ሥርዓት ላይ በ “ጃን-ፋዳ ጥንዶች” ዘመቻ የተደራጀው ይህ ዝግጅት በኢራን ብሔራዊ የጋብቻ ቀን ተብሎ ከሚከበረው የዙል-ሂጃህ 1 ኛ ቀን ጋር ተገጣጥሟል።ቀኑ ጥልቅ ሃይማኖታዊ ጠቀሜታ ያለው ሲሆን ይህም የኢማም አሊ እና የነብዩ መሐመድ ሴት ልጅ ፋጢማ የጋብቻ መታሰቢያ በዓል ሲሆን ይህም በእስልምና ባህል እንደ የቤተሰብ ህይወት እና የታማኝነት ሞዴል ተደርጎ የሚወሰደው ህብረት ነው ።

ካለፉት ዓመታት በተለየ፣ ባለሥልጣናቱ በርካታ የከተማ ማዕከሎችን በአንድ ጊዜ ወደ ሰርግ ቦታዎች የሚቀይር የተቀናጀ ቅርጸትን ተግባራዊ አድርገዋል። ወጣት ጥንዶች የሚያጋጥሟቸውን የገንዘብ ሸክሞች በማቃለል ጋብቻን ለማስተዋወቅ የታለመውን ሥነ-ሥርዓት ለመከታተል በሺዎች የሚቆጠሩ ነዋሪዎች በቴህራን የህዝብ አደባባዮች ተሰብስበው ነበር ።የታላቁ ቴህራን መሀመድ የባህል ምክትል ኃላፊ የሆኑት ራሂም ናድ-አሊ እንደተናገሩት ይህ መርሃ ግብር የቤተሰብን ምስረታ ለማበረታታት እና በጋራ በዓላት ማህበራዊ መረጋጋትን ለማጠናከር ያስችላል ብለዋል፡፡

🌐ለፈጣንና እውነተኛ መረጃ አሁኑኑ ይቀላቀሉ!

464

Mehal media

May 20, 2026, 08:05 PM

📷 Photo

በሰባተኛው ጠቅላላ ምርጫ የሁሉንም የህብረተሰብ ክፍል የፖለቲካ ተሳትፎ ማላቅ የሚያስችል ምህዳር መፈጠሩን የሴቶችና ማኅበራዊ ጉዳይ ሚኒስቴር ገለጸ።

በኢትዮጵያ ብሔራዊ ምርጫ ቦርድ የጊዜ ሰሌዳ መሰረት ግንቦት 24/2018 ዓ.ም መራጮች ድምፅ ይሰጡበታል ተብሎ የሚጠበቀው ጠቅላላ ምርጫ ውስን ቀናት ቀርተውታል።

የዘንድሮው ጠቅላላ ምርጫ የመራጮች ምዝገባም በተለያዩ ምዕራፎች በማካሄድና በማራዘም ከየካቲት 28 እስከ ሚያዚያ 24 ቀን 2018 ዓ.ም ሲካሄድ ቆይቶ ተጠናቋል።

መራጮችም በዲጂታል "ምርጫዬ" መተግበሪያና በየምርጫ ጣቢያዎች በአካል በመገኘት ከ50 ሚሊየን 514 በላይ ዜጎች ድምፅ መስጠት የሚያስችላቸውን የምርጫ ካርድ መውሰድ ችለዋል።

በሰባተኛው ጠቅላላ ምርጫም 47 ተፎካካሪ የፖለቲካ ፓርቲዎች 10 ሺህ 934 ዕጩዎችን በማስመዝገብ በመገናኛ ብዙኅን አማካኝነት የፖሊሲ አማራጭ ሃሳባቸውን ለህዝብ በማስተዋወቅ ላይ ናቸው።

በብሔራዊ ምርጫ ቦርድ ለምርጫ ታዛቢነት ዕውቅና የተሰጣቸው 55 የሀገር ውስጥ ድርጅቶችም በተለያዩ አካባቢዎች ከ60 ሺህ 277 በላይ ወኪሎችን አሰማርተዋል።

በመራጮች ትምህርት ላይ ዕውቅና የተሰጣቸው 169 የሲቪል ማኅበረሰብ ድርጅቶችም ለመራጩ ህዝብ የተለያዩ የግንዛቤ ማስጨበጫ ትምህርትና ስልጠና እየሰጡ ይገኛል።

የሴቶችና ማኅበራዊ ጉዳይ ሚኒስትር ዴኤታ ሁሪያ አሊ ለኢዜአ እንዳሉት፤ በምርጫው ሂደት የሴቶች ወጣቶችና የአካል ጉዳተኞችን የፖለቲካ ተሳትፎ ማረጋገጥ የሚያስችል ምኅዳር ተፈጥሯል።

በዘንድሮው ጠቅላላ ምርጫ ለመራጭነት የተመዘገበው ከፍተኛ የህዝብ ቁጥር የዜጎችን ተሳትፎ በማሳደግ የአሳታፊነት አስቻይ ሀገራዊ አጀንዳ መፈጠሩን እንደሚያሳይ ገልጸዋል።

🌐ለፈጣንና እውነተኛ መረጃ አሁኑኑ ይቀላቀሉ!

447

Mehal media

May 20, 2026, 08:05 PM

📷 Photo

በምስራቅ አፍሪካ ከፍተኛ የዝናብ እጥረት ሊከሰት ይችላል - ኢጋድ

ከመጪው ሐምሌ እስከ መስከረም 2018 ዓ.ም ባሉት የክረምት ወራት በኢትዮጵያና በምስራቅ አፍሪካ ሀገራት ከሚጠበቀው በታች የዝናብ እጥረት ሊከሰት እንደሚችል የኢጋድ አደጋ መከላከል ኃላፊ ዶክተር አሕመድ አምዲሆን አስጠነቀቁ።

የምስራቅ አፍሪካ ቀጠና ለአየር ንብረት ለውጥ እጅግ ተጋላጭ በመሆኑ በተደጋጋሚ ለድርቅ እንደሚጋለጥ የገለጹት ኃላፊው፣ በተለይም በኢትዮጵያ መካከለኛው፣ ሰሜንና ምስራቅ አካባቢዎች ከተለመደው ያነሰ ዝናብ እንደሚኖር የአየር ጠባይ ትንበያዎች እንደሚያመላክቱ ይፋ አድርገዋል።

ይህ አስደንጋጭ መረጃ የተሰማው የኢትዮጵያ ሜቲዎሮሎጂ ኢንስቲትዩት ከኢጋድ የአየር ጠባይ ትንበያ ማዕከል ጋር በመተባበር ባዘጋጁት 73ኛው የምስራቅ አፍሪካ የአየር ጠባይ ትንተና እና ትንበያ ጉባኤ ላይ ነው።

ይህ የዝናብ እጥረት በኢትዮጵያ ብቻ ሳይሆን በሱዳን፣ ደቡብ ሱዳን፣ በከፊል ኬንያና ከፊል ኡጋንዳም ላይ እንደሚከሰት የተገለጸ ሲሆን፣ ሀገራቱ ከሚመጣው አደጋ ራሳቸውን ለመከላከል አሁኑኑ ከፍተኛ የቅድመ ጥንቃቄ ሥራዎችን መጀመር እንዳለባቸው አሳስበዋል።

በዚህም መሠረት የውኃ እጥረት ከመከሰቱ በፊት ውኃን ማቆር፣ በአግባቡ መቆጠብ እና የውኃ እጥረት ወደሚታይባቸው አካባቢዎች ውኃን አስቀድሞ ማጓጓዝን የመሰሉ ጠንካራ የቅድመ መከላከል ሥራዎችን በትኩረት መሥራት እንደሚገባ ዶክተር አሕመድ አምዲሆን በጥብቅ አሳስበዋል።

🌐ለፈጣንና እውነተኛ መረጃ አሁኑኑ ይቀላቀሉ!

724

Mehal media

May 20, 2026, 08:05 PM

📷 Photo

ግጭት ተቀስቅሷል‼️
ከትናንት በስተያ ግንቦት 10/2018 ዓ.ም በኦሮሚያ እና በሲዳማ ድንበር በምስራቅ ሲዳማ ዞን በጭሬ ወረዳ ጉበ ሔማ ቀበሌ በገበያ ቦታ ላይ በተነሳ አለመግባባት ምክንያት በሲዳማ እና በኦሮሞ ማኅበረሰብ አባላት መካከል ግጭት ተቀስቅሷል።

በዚህም ምክንያት የሰው ሕይወት የጠፋ ሲሆን፣ በርካታ ወገኖቻች ጉዳት እንደደረሰባቸው የአካባቢው ምንጮች ለአዩዘሀበሻ ገልፀዋል።

እስካሁን ባለው መረጃ የአንድ ሰው አስከሬን እና 7 የቆሰሉ ሰዎች ወደ ጤና ጣቢያ የገቡ ሲሆን፣ ቁጥራቸው በውል ያልታወቁ ሌሎች ሰዎችም መጎዳታቸው ታውቋል።

ግጭቱ አድማሱን አስፍቶ በሰብሎች ላይ ጭፍጨፋ ተፈፅሟል፣ ቤቶች ተቃጥለዋል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም


✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

601

Mehal media

May 20, 2026, 08:05 PM

📷 Photo

የሁለት ወራት ደመወዝ የለም-ህወሓት‼️

በዶ/ር ደብረጽዮን ገብረሚካኤል የሚመራው የህወሃት ቡድን፤ በትግራይ ክልል ለሚገኝ ማንኛውም የመንግስት ሰራተኛ የግንቦት እና የሰኔ ወራት ደመወዝ እንዳይከፈል የሚል ጥብቅ መመሪያ አስተላልፏል።

ዶ/ር ደብረጽዮን ለክልሉ ዞኖች፣ ወረዳዎች እና ለጠቅላይ ፍርድ ቤት ጭምር ባስተላለፉት የጽሁፍ ትዕዛዝ «ለሁለት ወራት ደሞዝ የለም፤ ይህንን ከወዲሁ እወቁት» ሲሉ አስጠንቅቀዋል።

ለውሳኔው እንደ ምክንያት የቀረበው የሀብት ውስንነት መኖሩ እና ፍትሃዊ የደመወዝ ማስተካከያ ለማድረግ መታሰቡ ቢሆንም፣ ቡድኑ «ፌደራሉ በጀት ከልክሎናል» በማለት አስቸኳይ የሀብት ማሰባሰብ ስራ እንዲጀምርም አዟል።

ይህ ይፋዊ መግለጫ «የበጀት እጥረት» ቢለውም፣ ታዛቢዎችና የፖለቲካ ተንታኞች ግን ውሳኔው ህወሃት ለሌላ አዲስ ጦርነትና ወታደራዊ ግጭት እያደረገው ያለውን ስውር ዝግጅት የሚያሳይ ግልጽ ማሳያ ነው ይላሉ።

ከዚህ በተጨማሪ በትግራይ ክልል ትምህርት ግንቦት 30 እንዲያበቃ ወስኗል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 20, 2026, 08:05 PM

📷 Photo

የገዛ ልጃቸውን ለህክምና ወጪ የሸጡት አባት ልብ ሰባሪ ታሪክ

በአፍጋኒስታን የሚገኘው ከፍተኛ የኢኮኖሚ ቀውስ እና ስራ አጥነት ወላጆችን አስገዳጅ እና ልብ ሰባሪ ውሳኔዎች ላይ እየጣላቸው ይገኛል።

በጎር ግዛት የሚኖሩት ሰኢድ አህመድ የተባሉ አባት ያጋጠማቸው እውነተኛ ታሪክ ለዚህ ማሳያ ሆኗል።

የአምስት ዓመት ሴት ልጃቸው ሻይቃ በጽኑ ታማ አስቸኳይ ቀዶ ጥገና ቢያስፈልጋትም፣ አባትየው ግን የህክምና ወጪውን የሚሸፍኑበት ምንም ዓይነት ገንዘብ አልነበራቸውም።

ልጃቸውን ከሞት ለማዳን ያደረጉትን ከባድ ምርጫ ሲያስረዱም “የህክምና ወጪውን ለመክፈል ምንም ገንዘብ ስላልነበረኝ ልጄን ለዘመዴ ለመሸጥ ተገደድኩ” ብለዋል።

እንደ ዘገባዎች መረጃ ከሆነ አባትየው ልጃቸውን ለቅርብ ዘመዳቸው በ200 ሺህ አፍጋኒ (በግምት 3,200 የአሜሪካ ዶላር) ለመሸጥ ተስማምተዋል። በዚህ ስምምነት በተገኘው ገንዘብም የልጅቷ ቀዶ ጥገና በተሳካ ሁኔታ ሊከናወን ችሏል።

ነገር ግን ህጻኗ ወዲያውኑ ከቤተሰቦቿ እንዳትለይ ለማድረግ አባትየው አስገራሚ ድርድር አድርገዋል።

በስምምነቱ መሰረት ዘመዳቸው የህክምና ወጪውን ቅድሚያ እንዲሸፍን እና ቀሪው ክፍያ በሚቀጥሉት አምስት ዓመታት ውስጥ ተከፋፍሎ እንዲጠናቀቅ ተደርጓል። ይህ ስምምነት ህጻኗ ለጊዜውም ቢሆን ከአባቷ እና ከእናቷ ጋር እንድትቆይ እድል ሰጥቷታል።

አባትየው ይህንን ውሳኔ ለመወሰን የተገደዱት ቀዶ ጥገናው ባይደረግ ኖሮ ልጃቸው ህይወቷ እንደሚያልፍ ስላወቁ እና እሷን በህይወት ለማቆየት ብቸኛው አማራጭ ይህ ሆኖ በመገኘቱ እንደሆነ ገልጸዋል። በአሁኑ ወቅት በክልሉ ባለው ከፍተኛ የድህነት፣ የረሃብ እና የመድኃኒት እጥረት ምክንያት የህጻናት ሞት በከፍተኛ ሁኔታ እየጨመረ መምጣቱ ይነገራል።

🌐ለፈጣንና እውነተኛ መረጃ አሁኑኑ ይቀላቀሉ!

696

Mehal media

May 6, 2026, 06:58 AM

📷 Photo

ከ2ሺህ 400 በላይ ሰዎች የዓይን ብሌን ለመለገስ ቃል ገቡ

በኢትዮጵያ የደምና ሕብረ ህዋስ ባንክ አገልግሎት በ2018 በጀት ዓመት በዘጠኝ ወራት ውስጥ 338 የዓይን ብሌን ለማሰባሰብ ታቅዶ 428 የዓይን ብሌን መሰብሰብ መቻሉን ተገልጿል።ህብረተሰቡን ቃል የማስገባት ስራ ላይ ሰፊ እንቅስቃሴ የተደረገ መሆኑን በኢትዮጵያ የደምና ሕብረ ህዋስ ባንክ አገልግሎት የስትራቴጂክ ጉዳዮች ስራ አስፈፃሚ አቶ ገብረአብ ፍስሃ ለብስራት ሬዲዮ እንደገለፁት 2 ሺህ 410 ሰዎች ከህልፈታቸው በኋላ የዓይን ብሌናቸውን ለመለገስ ቃል መግባታቸውን ተናግረዋል፡፡

ባለፉት ዘጠኝ ወራት ለ270 ሰዎች ንቅለ ተከላ ዝግጁ ለማድረግ ታቅዶ በአጠቃላይ 313 የዓይን ብሌኖች በአዲስ አበባ እና በጅማ ለተለያዩ የሕክምና ተቋማት ተሰራጭቷል።ከነዚህም ውስጥ 173 ለመንግሥት ተቋማት፣ 134 ደግሞ ለግል ተቋማት ሆስፒታሎች እንዲሰራጭ ተደረጓል፡፡

አገልግሎት መስጠት ከጀመረ ረጅም ዓመታት ያስቆጠረው የዓይን ባንክ እንደ ሀገር ተደራሽነቱ ውስን መሆኑ በተጨማሪም ህብረተሰቡ በቂ ግንዛቤ ባለመኖሩ ቃል የሚገቡት ቁጥር አነሰተኛ መሆኑ የባንኩ ችግሮች ናቸው ስራ አስፈፃሚው ተናግረዋል፡፡የተሰበሰቡት የዓይን ብሌኖች ከአራቱ ተላላፊ በሽታዎች ነፃ መሆናቸው በላብራቶሪ ተረጋግጦ ንቅለ ተከላው እንደሚከናወን አቶገብረአብ ፍስሃ ጨምረው ለብስራት ሬዲዮ ተናግረዋል።

🌐ለፈጣንና እውነተኛ መረጃ አሁኑኑ ይቀላቀሉ!

608

Mehal media

May 6, 2026, 06:58 AM

📷 Photo

የመውጫ ፈተና ተፈታኞኝ እንዲመዘገቡ ጥሪ ቀረበ!

የ2018 ዓ.ም የቅድመ-ምረቃ ትምህርት መውጫ ፈተና ምዝገባ ትናንት ተጀምሯል።

ምዝገባው ከሚያዚያ 26 እስከ ግንቦት 07/2018 ዓ.ም የሚከናወን መሆኑን የትምህርት ምዘናና ፈተናዎች አገልግሎት ይፋ ማድረጉ ይታወቃል።

ተፈታኞች በተሰጠው የምዝገባ ጊዜ ገደብ ውስጥ ብቻ እንዲመዘገቡ አገልግሎቱ አሳስቧል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

595

Mehal media

May 6, 2026, 06:58 AM

📷 Photo

#ሰበር ዜና

ዶ/ር ደብረፅዮን ገብረሚካኤል የትግራይ መንግስት ፕሬዝዳንት ሆነው ተመረጡ

ዛሬ በተካሄደው 6ኛው ዘመን 6ኛው መደበኛ የትግራይ ምክር ቤት ጉባኤ ዶ/ር ደብረፅዮን ገብረሚካኤል በአብዛኛው ድምፅ የክልሉ ፕሬዝዳንት ሆነው በይፋ ተመርጠዋል።

በዚሁ ስብሰባ ላይ ወይዘሮ ኪሮስ ሐጎስ አፈ-ጉባኤ፣ ወይዘሮ ምህረት በርሄ ደግሞ ምክትል አፈ-ጉባኤ ሆነው ተሰይመዋል።

ምክር ቤቱ ስራውን በይፋ የጀመረው የፕሪቶሪያው ስምምነት በፌደራል መንግስቱ በኩል ተጥሷል በሚል ሲሆን፣ አዲሱ ፕሬዝዳንትም እስከ ቀጣዩ ስብሰባ ድረስ በአስፈፃሚው አካል ላይ አስፈላጊውን ማስተካከያና ሹመት እንዲያደርጉ ሙሉ ስልጣን ተሰጥቷቸዋል።

ይህ እርምጃ በትግራይ ፖለቲካዊ መድረክ አዲስ ምዕራፍ የከፈተ ሲሆን፣ ከፌደራል መንግስቱ ጋር ያለውን ግንኙነት ወዴት ሊያመራው እንደሚችል የብዙዎች መነጋገሪያ ሆኗል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 6, 2026, 06:58 AM

📷 Photo

በነዳጅ የሚሰሩ ተሽከርካሪዎች ላይ ተጥሎ የነበረው እገዳ ሊነሳ ይችላል!
​
የኢትዮጵያ ፌዴራላዊ መንግሥት በነዳጅ የሚሰሩ ተሽከርካሪዎችን ወደ አገር ውስጥ እንዳይገቡ የጣለውን እገዳ ዳግም ሊመለከተው እንደሚችል ፍንጭ ሰጥቷል። ይህ ውሳኔ ኢትዮጵያ የዓለም የንግድ ድርጅት (WTO) አባል ለመሆን ለምታደርገው ጥረት አንዱ አካል ነው።
​ዋና ዋና ነጥቦች፦
​
🔹 የዓለም የንግድ ድርጅት መስፈርት፦ የንግድና ቀጣናዊ ትስስር ሚኒስትር ካሳሁን ጎፌ (ዶ/ር) እንደገለጹት፣ ድርጅቱን ለመቀላቀል ማንኛውንም የንግድ ምርት እንዳይገባ መከልከል (Ban ማድረግ) አይቻልም። ስለዚህ እገዳውን ማንሳት የድርጅቱ አባል ለመሆን የግድ አስፈላጊ ነው።

🔹 ከእገዳ ወደ ታክስ፦ እገዳው ተነሳ ማለት ግን ቀድሞ ወደነበረው ሁኔታ ይመለሳል ማለት አይደለም። መንግሥት የነዳጅ መኪናዎች እንዳይበዙ ለማድረግ ከፍተኛ የኤክሳይዝ ታክስ እና የአካባቢ ጥበቃ ክፍያዎችን (Environmental taxation) ሊጥል ይችላል።

🔹 የትኩረት አቅጣጫ፦ መንግሥት አሁንም ለኤሌክትሪክ ተሽከርካሪዎች (EVs) ቅድሚያ መስጠቱን ይቀጥላል። የነዳጅ መኪናዎች እገዳ ቢነሳም፣ በከፍተኛ ታክስ ምክንያት ዋጋቸው ሊጨምር ስለሚችል የኤሌክትሪክ መኪናዎች አሁንም የተሻለ አማራጭ ሆነው ይቆያሉ።

🔹 ቀጣይ እርምጃዎች፦ የገንዘብ ሚኒስቴር እና የሚመለከታቸው አካላት በነዳጅ መኪናዎች ላይ የሚጣለውን የታክስ መጠን እና ሌሎች መስፈርቶችን በዝርዝር ተወያይተው ይወስናሉ።
​
ይህ እርምጃ ኢትዮጵያ ለ23 ዓመታት የዓለም የንግድ ድርጅትን ለመቀላቀል ለምታደርገው ጥረት ትልቅ ምዕራፍ እንደሆነ ተገልጿል።

🌐ለፈጣንና እውነተኛ መረጃ አሁኑኑ ይቀላቀሉ!

635

Mehal media

May 6, 2026, 06:58 AM

📷 Photo

በአርባ ምንጭ የምርጫ ማስታወቂያ የቀደደው ግለሰብ በ9 ወር ጽኑ እስራት ተቀጣ።

በአርባ ምንጭ ከተማ የዕጩ ተወዳዳሪዎችን የምርጫ ቅስቀሳ ማስታወቂያ በመቅደድ ወንጀል የተከሰሰው ግለሰብ በዘጠኝ ወራት ጽኑ እስራት እንዲቀጣ መወሰኑን የአርባ ምንጭ ከተማ ፖሊስ መምሪያ አስታውቋል።

ሚያዝያ 26 ቀን 2018 ዓ.ም ይፋ በሆነው መረጃ መሠረት፣ ተከሳሽ ተመስገን ካርታ አይሳ የተባለ የ25 ዓመት ወጣት በፈጸመው ሕገ-ወጥ ድርጊት ጥፋተኛ ሆኖ ተገኝቷል።

የወንጀሉ ዝርዝር እንደሚያሳየው፣ ድርጊቱ የተፈጸመው ሚያዝያ 20 ቀን 2018 ዓ.ም ከቀኑ 12፡30 ገደማ በሼቻ ክፍለ ከተማ ጫሞ ቀበሌ "ባይራ" ተብሎ በሚጠራው አካባቢ ነው።

ግለሰቡ በኤሌክትሪክ ምሶሶ ላይ ተለጥፈው የነበሩ ሁለት የምርጫ ማስታወቂያዎችን በመቅደድ ስራ ላይ እያለ በፖሊስ ቁጥጥር ስር ውሏል።

የአርባ ምንጭ ከተማ የመጀመሪያ ደረጃ ፍርድ ቤትም በዛሬው ዕለት በዋለው የወንጀል ችሎት ተከሳሹን የዘጠኝ ወራት ጽኑ እስራት እንዲቀጣ ወስኗል።

ፍርድ ቤቱ በውሳኔው ላይ እንደገለጸው፣ ቅጣቱ ወንጀል ፈጻሚውን ከማረሙም በላይ ሌሎች መሰል እኩይ ተግባራትን የሚፈጽሙ አካላትን የሚያስጠነቅቅና የሕግ የበላይነትን የሚያረጋግጥ ነው።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 6, 2026, 06:58 AM

📷 Photo

ኢትዮጵያ የሱዳንን ክስ አስተባበለች

ኢትዮጵያ በሱዳን መንግሥት የተሰነዘረባትን መሰረተ ቢስ ክስ ውድቅ አደረገች።

የውጭ ጉዳይ ሚኒስቴር ባወጣው መግለጫ እንዳስታወቀው፤ የሱዳን መከላከያ ኃይል እና የውጭ ጉዳይ ሚኒስቴር በጋራ በሰጡት መግለጫ ኢትዮጵያ ላይ ያቀረቡት ክስ መሰረተ ቢስ ነው ብሏል።

የኢትዮጵያ እና የሱዳን ህዝቦች ያላቸውን ታሪካዊ ግንኙነት ከግምት ውስጥ በማስገባት ሱዳን የእርስ በርስ ጦርነት ወቅት አንዳንድ ታጣቂዎች የኢትዮጵያን ሉዓላዊነት እና የግዛት አንድነት በመጣስ የሚደርጉትን ትንኮሳ ለህዝብ ይፋ ከማድረግ መቆጠቡን አንስቷል፡፡

የሱዳን ጦር የህወሃት ቅጥረኛ ወታደሮችን በእርስ በርስ ጦርነቱ ውስጥ ማሳተፉን እና ለእነዚህ ቅጥረኛ ወታደሮች የጦር መሳሪያ እና የገንዘብ ድጋፍ በማድረግ በምዕራብ ኢትዮጵያ ትንኮሳ እንዲፈፅሙ ማድረጉን ጠቅሷል፡፡

በሱዳን የእርስ በርስ ጦርነት የህወሃት ቅጥረኛ ወታደሮች በግልፅ ሲንቀሳቀሱ መታየታቸው ሱዳን ለተለያዩ ፀረ ኢትዮጵያ ኃይሎች መናኸሪያ ሆና እያገለገለች መሆኗን የሚያሳይ ታማኝ መረጃ ነው ብሏል፡፡

መሰል ድርጊቶች እና ቀደም ሲል በሱዳን ጦር እና ባለስልጣናት የተሰነዘሩ ውንጀላዎች እኩይ አጀንዳዎችን ለማራመድ የሚፈልጉ የውጭ ኃይሎችን ዓላማ ለማሳካት ያለመ መሆኑን አመላክቷል፡፡

ኢትዮጵያ በዚህ አስቸጋሪ ወቅት ከሱዳን ህዝቦች ጋር አጋርነቷን እና ያላትን ወዳጅነት አጠናክራ ትቀጥላለች ያለው የሚኒስቴሩ መግለጫ÷ ኢትዮጵያ የሱዳን የእርስ በርስ ጦርነት በውይይት ይፈታል ብላ እንደምታምን አስገንዝቧል፡፡

🌐ለፈጣንና እውነተኛ መረጃ አሁኑኑ ይቀላቀሉ!

596

Mehal media

May 6, 2026, 06:58 AM

📷 Photo

በአደባባይና በጎዳና ላይ የሚካሄድ የሃይማኖት ስብከት ይቁም" - ጉባኤው

የመቐለ የሃይማኖት ተቋማት ጉባኤ ዛሬ ሰኞ ሚያዝያ 26/2018 በሰጠው ጋዜጣዊ መግለጫ በአደባባይና ጎዳና ላይ የሚካሄድ የሃይማኖት ስብከት እንዲቆም አሳስቧል።

ጉባኤው በመቐለ አደባባዮችና ጎዳናዎች ከተለመደው ባፈነገጠ መልኩ በድምፅ ማጉያ የተደገፉ የሃይማኖት ስብከቶች እየታዩ መሆኑን ጠቅሶ፤ ተፈናቃዮች ቀያቸውን ለቀው በስቃይ ባሉበትና ህዝቡ በከባድ ችግር ውስጥ በተዘፈቀበት ሁኔታ በሃይማኖት ሽፋን ሰላም የሚያውኩ አካላት አደብ መግዛት እንዳለባቸው በአፅንኦት ገልጿል።

ህዝብ እና ተሸከርካሪዎች በብዛት በሚንቀሳቀሱባቸው ቦታዎች ከህዝብ ፈቃድ ውጪ በድምፅ ማጉያ የሚካሄድ ስብከት መቆም እንዳለበት አሳስቧል።

በተለያዩ አማኞች መኖሪያና የአምልኮ ቦታዎች ድንጋይ የመወርወር፣ በመጥፎ ቃላት የማንቋሸሽና አካል የማጉደል ተግባራት እንዳሉና ይህን ከጅምሩ ሥርዓት ማስያዝ እንደሚገባ አሳስቧል።

ማንኛውም ሰው በሚከተለው ሃይማኖት ምክንያት ለስድብና አካል ጉዳት መዳረግ ሃይማኖት የሚፃረር ተግባር በመሆኑ አንዱ የሌላውን ክብርና እሴት ከሚጎዳ ስብከት መቆጠብ እንዳለበትና ህዝቡ ካለበት ተደራራቢ ፈተና አንጻር በሃይማኖት ሽፋን ሌላ መከራ መጋበዝ እንደማይገባ መክሯል።

ይህ የሃይማኖት ተቋማት ጉባኤ የኦርቶዶክስ ተዋሕዶ ፣ የእስልምና ፣ የካቶሊክና የወንጌላውያን አማኞች በጋራ ያቋቋሙት ነው።

🌐ለፈጣንና እውነተኛ መረጃ አሁኑኑ ይቀላቀሉ!

970

Mehal media

May 6, 2026, 06:58 AM

📷 Photo

የአርበኞች ቀንን ምክንያት በማድረግ 21 ጊዜ መድፍ ይተኮሳል

በነገው ዕለት የሚከበረውን 85ኛውን የአርበኞች መታሰቢያ ቀን ምክንያት በማድረግ መድፍ እንደሚተኮስ የመከላከያ ሚኒስቴር አስታወቀ።

የአርበኞች መታሰቢያ ቀንን ምክንያት በማድረግ ነገ ሚያዝያ 27 ከንጋቱ 12 ሰዓት ላይ 21 ጊዜ መድፍ እንደሚተኮስ የመከላከያ ሚኒስቴር ለኢቢሲ በላከው መግለጫ አመልክቷል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

1,070

Mehal media

May 6, 2026, 06:58 AM

📷 Photo

በሽርሽር መርከብ ላይ በተከሰተ አስደንጋጭ ወረርሽኝ የ3 ሰዎች ሕይወት አለፈ

በአርጀንቲና እና በኬፕ ቨርዴ መካከል በመጓዝ ላይ በነበረው "ኤምቪ ሆንድየስ" የተሰኘ የሽርሽር መርከብ ላይ፣ በድንገት በተቀሰቀሰና "ሃንታ ቫይረስ" እንደሆነ በተጠረጠረ ወረርሽኝ የሦስት ሰዎች ሕይወት ማለፉ ተረጋገጠ።

ከሟቾቹ መካከልም ሆላንዳዊ ባልና ሚስት እንደሚገኙበት ታውቋል።

ከዚህ በተጨማሪ ሦስት ሌሎች መንገደኞች በጽኑ የታመሙ ሲሆን፤ ሁለቱ በመርከቧ ላይ በሕክምና ክትትል ላይ ይገኛሉ፤ አንዱ ብሪታንያዊ ቱሪስት ደግሞ በጆሃንስበርግ ደቡብ አፍሪካ በሚገኝ ሆስፒታል በከባድ ሁኔታ (ICU) ውስጥ እንደሚገኝ ተገልጿል።

መቀመጫውን በሆላንድ ያደረገው የጉዞው አዘጋጅ "ኦሽንዋይድ ኤክስፔዲሽንስ"፣ በመርከቧ ላይ እጅግ አሳሳቢ የጤና ቀውስ መከሰቱንና ሁኔታውን እየተከታተለ መሆኑን አረጋግጧል።

የመርከቦች እንቅስቃሴ መቆጣጠሪያ መረጃዎች እንደሚያመለክቱት፣ መርከቧ በአሁኑ ወቅት በኬፕ ቨርዴ ዋና ከተማ ፕራያ ወደብ አቅራቢያ ቆማ ትገኛለች።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 6, 2026, 06:58 AM

📷 Photo

ጃፓን ለመለየት የሚያስቸግሩ ካርቶን ድሮኖችን ለጦር ኃይሏ ልታቀርብ ነው

ጃፓን በራዳር ለመለየት እጅግ አስቸጋሪ የሆኑና ከካርቶን የተሠሩ ርካሽ ድሮኖችን ወደ ወታደራዊ አገልግሎት ለማስገባት ማቀዷን አስታውቃለች። እነዚህ ድሮኖች በዋነኝነት የሚመረጡት በዝቅተኛ ዋጋ መመረት መቻላቸውና የጠላትን የራዳር መከላከያ ሰብረው የመግባት ከፍተኛ አቅም ስላላቸው ነው።

የካርቶን ድሮኖች ከብረት ወይም ከሌሎች ቁሳቁሶች እንደሚሠሩት ድሮኖች የራዳር ሞገድን የማንፀባረቅ ዕድላቸው ዝቅተኛ በመሆኑ፣ ሳይታወቁ ረጅም ርቀት የመጓዝ ብቃት አላቸው። ይህ ቴክኖሎጂ በተለይ ለስለላ እና ድንገተኛ ጥቃቶችን ለመሰንዘር ከፍተኛ ጠቀሜታ እንደሚኖረው ታምኖበታል።

ጃፓን ይህን እርምጃ ለመውሰድ የወሰነችው በዓለም አቀፍ ደረጃ እየታየ ያለውን የአቪዬሽን ጦርነት ዘመናዊነት ተከትሎ ሲሆን፣ በዝቅተኛ ወጪ ውጤታማ ወታደራዊ አቅምን ለመገንባት የምታደርገው ጥረት አካል ተደርጎ ተወስዷል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 1, 2026, 03:21 AM

📷 Photo

ቻይና ሙሉ በሙሉ በራሳቸው የሚንቀሳቀሱ ባቡሮችን ይፋ አደረገች

በማዕከላዊ ቻይና ሁቤይ ግዛት ውስጥ የሚገኘው እና በእስያ አህጉር ረጅሙ ክበባዊ የሜትሮ መስመር ተብሎ የሚታወቀው የውሃን ሜትሮ 12 አዳዲስና ሙሉ በሙሉ አውቶማቲክ የሆኑ ባቡሮቹን ማክሰኞ ዕለት በይፋ አስተዋውቋል።

ይህ 59.9 ኪሎ ሜትር ርዝመት ያለው ታሪካዊ የሜትሮ መስመር እጅግ ዘመናዊ በሆነ ቴክኖሎጂ የተደራጀ ነው።

ባቡሮቹ የላቀ አውቶማቲክ የመንዳት ቴክኖሎጂን የሚጠቀሙ ሲሆን፣ ይህም ያለ አሽከርካሪ እርዳታ ሞተራቸውን በራሳቸው ማስነሳት፣ ጉዞ ማድረግ፣ መታጠፍ፣ ወደ ማቆሚያ መመለስ እና በተጠንቀቅ መቆም እንዲችሉ ያደርጋቸዋል።

ከዚህም በተጨማሪ የባቡሮቹን አጠቃላይ እንቅስቃሴ በርቀት መከታተልና መቆጣጠር የሚያስችል ዘመናዊ አሠራር ተገጥሞላቸዋል።

ፈጣን እና ምቹ አገልግሎት ለመስጠት የተዘጋጁት እነዚህ አዳዲስ ባቡሮች፣ በሰዓት ከፍተኛው እስከ 80 ኪሎ ሜትር ፍጥነት የመጓዝ አቅም አላቸው።

እያንዳንዱ ባቡር በተሟላ አቅሙ አገልግሎት ሲሰጥ በአንድ ጊዜ እስከ 2 ሺህ 592 መንገደኞችን የማጓጓዝ ከፍተኛ አቅም እንዳለው ፒፕልስ ዴይሊ ቻይና በዘገባው አመላክቷል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 1, 2026, 03:21 AM

📷 Photo

በ'ፊንቴክ ኢንቨስትመንት' የማጭበርበር ወንጀል የተጠረጠሩ አርቲስቶች እና ቲክቶከሮች ለአቃቢ ህግ ሰባት ቀናት ተፈቀደለት።

የፌደራል መጀመሪያ ደረጃ ፍርድ ቤት፥ በ'ፊንቴክ ኢንቨስትመንት' የማጭበርበር ወንጀል የተጠረጠሩ አርቲስቶች እና ቲክቶከሮች ላይ መርማሪ ፖሊስ የምርመራ መዝገቡን አጠናቆ እንዲያቀርብ ለዛሬ ሚያዚያ21/2018 ዓም ቀጠሮ መስጠቱ ይታወሳል።

በቀጠሮው መሰረት የተሰየመው ችሎቱ ሚያዝያ 9/2018 ዓም በተሰየመበት ወቅት መርማሪ ፖሊስ ጠይቆት ከነበረው የተጨማሪ የ14 ቀናት የምርመራ ጊዜ ውስጥ ችሎቱ "ፖሊስ የመጨረሻ የምርመራ መዝገቡን አደራጅቶ እንዲያቀርብ በሚል" በሰጠው የሰባት ቀናት ጊዜ መሰረት በፖሊስ በኩል የተጠናቀረውን የምርመራ መዝገብ በዛሬው ዕለት አድምጧል።

መርማሪ ፖሊስ በተሰጠው ጊዜ የክስ መዘገቡን አደራጅቶ ለአቃቢ ህግ ማቅረቡን ገልጿል።

በአጠቃላይ በተጠርጣሪዎቹ ላይ ከ 7 ሺ ገጾች በላይ የክስ መዝገብ መደራጀቱን የገለጸው አቃቢ ህግ በመዝገቡ ላይ 1ሺ 400 ተበዳዮች መኖራቸውን ከእነዚህ ተበዳዮችም ፖሊስ የ150ውን ቃል መቀበሉን ፣ ከ 12 ሚዲያዎች፣ከ 15 ባንኮች ደግሞ በተጠርጣሪዎች ዙሪያ ያሉትን መረጃዎችን መሰብሰቡን በዝርዝር አስረድቷል።

ስለሆነም ያለውን የማስረጃ ብዛት፣ የተበዳዮችን ብዛት፣ እና የጉዳዩን ክብደት ከግምት ውስጥ በማስገባት መዝገቡ ሊያስከትል የሚችለው ተደራራቢ ክስ የመመስረቻ የ 10 ቀናት ተጨማሪ ጊዜ ይሰጠን ሲል አቃቢ ህግ ችሎቱን ጠይቋል።

የግራ ቀኙን ክርክር ያደመጠው ችሎቱ አቃቢ ህግ ለክስ መመስረቻ ከጠየቀው የ 10 ቀናት ጊዜ ውስጥ ሰባቱን ቀናት በመፍቀድ ክስ መስርቶ እንዲያቀርብ ለ28/08/18 ዓ/ም ቀነ ቀጠሮ ሰጥቷል።

1,220

Mehal media

May 1, 2026, 03:21 AM

📷 Photo

ዜና እረፍት፦ ታዋቂዋ የሶሻል ሚዲያ ተጽዕኖ ፈጣሪ ቦኒ (Boni) ከዚህ ዓለም በሞት ተለየች

በቲክቶክ እና በፌስቡክ መድረኮች በመቶ ሺዎች የሚቆጠሩ ተከታዮችን ማፍራት የቻለችው ወጣት ቦኒ (Boni) ህይወቷ ማለፉ ተሰማ።

ቦኒ በተለያዩ የማህበራዊ ሚዲያ ስራዎቿ የምትታወቅ ሲሆን፣ በቲክቶክ ከ823 ሺህ በላይ እንዲሁም በፌስቡክ ገጿ ከ298 ሺህ በላይ ተከታዮች ነበሯት።

ወጣቷ ከዚህ ዓለም ከመለየቷ በፊት ባስተላለፈችው የመጨረሻ መልዕክት፤ በህይወት ጉዞዋ ውስጥ የገጠሟትን ተግዳሮቶች በማንሳት ለተከታዮቿ እና ለሚወዷት ሰዎች በሙሉ ስንብቷን ገልጻለች።

በተለይም በማህበራዊ ሚዲያ ላይ የሚሰነዘሩ አሉታዊ አስተያየቶች እና የቃላት ጥቃቶች በሰዎች የአእምሮ ጤና ላይ የሚያሳድሩት ጫና ከፍተኛ መሆኑን ይህ ክስተት ዳግም አሳስቧል።

የብዙዎችን ቀልብ የሳበው የመጨረሻ መልዕክቷም፦ "ለሁላችሁም ይቅርታ አድርጌያለሁ፣ እናንተም ይቅር በሉኝ" የሚል ይዘት ነበረው።

ይህ አሳዛኝ ክስተት ሁላችንም በማህበራዊ ሚዲያ አጠቃቀማችን ላይ እንድንጠነቀቅ እና ለሰዎች የምንሰጠው አስተያየት በህይወታቸው ላይ የሚያመጣውን ለውጥ እንድንገነዘብ ያደርጋል።

1,270

Mehal media

May 1, 2026, 03:21 AM

📷 Photo

የሩሲያው ፕሬዝዳንት ቭላድሚር ፑቲን እና የአሜሪካው ፕሬዝዳንት ዶናልድ ትራምፕ ለ90 ደቂቃ የቆየ የስልክ ውይይት ማድረጋቸው ተገልጿል።

ሁለቱ መሪዎች በመካከለኛው ምስራቅና በፋርስ ባህረ ሰላጤ ስላለው ውጥረት በሰፊው የመከሩ ሲሆን፣ ፑቲን ትራምፕ ከኢራን ጋር ያለውን የተኩስ አቁም ለማራዘም የወሰኑትን ውሳኔ እንደሚደግፉ አስታውቀዋል።

ሆኖም በቴህራን ላይ የሚደረግ ወታደራዊ እርምጃ ለዓለም አቀፉ ማህበረሰብ አስከፊ መዘዝ እንዳለው በመግለጽ ሞስኮ ለችግሩ መፍትሄ ለመስጠት ዝግጁ መሆኗን ገልጸዋል።

ስለ ዩክሬን ጉዳይ በሰፊው የመከሩት ሁለቱ መሪዎቹ ጦርነቱን ለማቆም በሚቻልባቸው መንገዶች ላይ ተመሳሳይ ግምገማዎችን ያንጸባረቁ ሲሆን ፕሬዝዳንት ፑቲን በመጪው የ"ድል ቀን" በዓል ምክንያት ጊዜያዊ የተኩስ አቁም እንዲደረግ ሐሳብ አቅርበዋል።

ዶናልድ ትራምፕ ይህንን ጅምር በመደገፍ በዓሉ በናዚዝም ላይ የተገኘውን የጋራ ድል የሚያስታውስ መሆኑን በመግለጽ አዎንታዊ ምላሽ ሰጥተዋል።

ከውይይቱ በኋላ ትራምፕ ለጋዜጠኞች በሰጡት መግለጫ ከፑቲን ጋር "በጣም ጥሩ ውይይት" ማድረጋቸውንና በአንጻራዊ ሁኔታ በፍጥነት መፍትሔ ላይ እንደሚደረስ ተስፋቸውን ገልጸዋል።

በዚህ ውይይት ላይ ፕሬዝዳንት ፑቲን በዶናልድ ትራምፕ ላይ የተሰነዘረውን የግድያ ሙከራ በጥብቅ በማውገዝ ማንኛውም ዓይነት ፖለቲካዊ ጥቃት ተቀባይነት የሌለው መሆኑን ገልጸዋል።

🌐ለፈጣንና እውነተኛ መረጃ አሁኑኑ ይቀላቀሉ!

812

Mehal media

May 1, 2026, 03:21 AM

📷 Photo

በመካከለኛው ምስራቅ እየተካሄደ ባለው ጦርነት ምክንያት መኖሪያ ቤታቸው የፈረሰባቸውና ሰነዶቻቸው የጠፉባቸው ኢትዮጵያውያንን ወደ አገራቸው ለመመለስ ጥረት እየተደረገ መሆኑ ተገለጸ

የኢትዮጵያ ሠራተኛ ማኅበራት ኮንፌዴሬሽን (ኢሰማኮ) ኮንፌዴሬሽኑ ከውጭ ጉዳይ ሚኒስቴር ጋር በመቀናጀት ዜጎች አስፈላጊውን ድጋፍ የሚያገኙበትን መንገድ እያመቻቸ መሆኑን ገልጿል።

መናኸሪያ ሬዲዮ ያነጋገራቸው የኮንፌዴሬሽኑ ፕሬዝዳንት አቶ ካሳሁን ፎሎ፤ ኮንፌዴሬሽኑ በተለይ በጦርነት ቀጠና ውስጥ ለሚገኙና ሰነዶቻቸው ለጠፉባቸው ዜጎች ከመንግሥት ጋር በመቀናጀት መፍትሔ ለመስጠት እየጣረ መሆኑን ገልጸዋል።

ኮንፌዴሬሽኑ ዜጎች በሚገኙባቸው አገራት ካሉ አቻ የሠራተኛ ማኅበራት ጋር የሁለትዮሽ ስምምነቶችን በመፈረም የጋራ ጥበቃ እያደረገ መሆኑን የተናገሩ ሲሆን፤ እስካሁን ድረስ ከሊባኖስ፣ ከኩዌት እና ከደቡብ ሱዳን አቻ ማኅበራት ጋር ስምምነቶች መደረጋቸውን አስታውቀዋል። በቅርቡም ከባህሬን እና ከኦማን ጋር ተመሳሳይ ስምምነት ለመፈረም ታቅዶ የነበረ ቢሆንም፣ በመካከለኛው ምስራቅ ባለው ወቅታዊ ሁኔታ ምክንያት ለጊዜው መዘግየቱን ተናግረዋል።

ኮንፌዴሬሽኑ ከዚህ ቀደም በተለያዩ ምክንያቶች ታስረው የነበሩ ከ200 በላይ ኢትዮጵያውያን በድርድር ከእስር እንዲፈቱ ማድረጉን ገልጾ፤ በአሁኑ ወቅት በሊባኖስ ባለው ጦርነት ምክንያት መኖሪያ ቤታቸው የፈረሰባቸውና ፓስፖርት እንዲሁም ሌሎች አስፈላጊ ሰነዶቻቸው የጠፉባቸው ዜጎች መኖራቸውን አስታውቋል።

የአረብ የሠራተኛ ማኅበራት ኮንፌዴሬሽን እነዚህን ችግሮች ለኢሰማኮ ያሳወቀ ሲሆን፤ ኮንፌዴሬሽኑም መረጃውን ለውጭ ጉዳይ ሚኒስቴር በማጋራት ዜጎች አስፈላጊውን ድጋፍ አግኝተው ወደ አገራቸው የሚመለሱበትን መንገድ እያመቻቸ እንደሚገኝ አብራርተዋል።

666

Mehal media

May 1, 2026, 03:21 AM

📷 Photo

ለካናዳ የስራ ስምሪት ምንም አይነት ይፋዊ ምዝገባ አለመጀመሩን የሥራና ክህሎት ሚኒስቴር አስታውቋል።

ሚኒስቴር መስሪያ ቤቱ እንዳስታወቀው የሰው ሰራሽ አስተውሎትን ወይም AI/Deepfake በመጠቀም የተፈበረኩና አሳሳች ምስሎችንና በቪዲዮዎችን በማሰራጨት ሚኒስቴር መስሪያ ቤቱ ወደ ካናዳ "ምዝገባ ጀምሯል" የሚሉ ሀሰተኛ መረጃዎችን በመልቀቅ ማህበረሰቡን በማደናገር የሚገኙ አካላት መኖራቸውን አስታውቋል።

የሥራና ክህሎት ሚኒስቴር ከፊውቸር ፊት ኢንተርናሽናል እና ከካናዳ ኤምባሲ ጋር በመተባበር ዜጎችን አሰልጥኖ ወደ ካናዳ ለመላክ የሚያስችል ስምምነት ሚያዝያ 1 ቀን 2018 ዓ.ም መፈራረሙ ይታወሳል።

ይህንኑ ተከትሎ፣ አንዳንድ ሕገ-ወጥ አካላት የፈጠራ ወሬዎች በማህበራዊ ሚዲያ እያሰራጩ የሚገኙ ሲሆን በሰው ሰራሽ አስተውሎትን (AI/Deepfake) በመጠቀም የተፈበረኩና አሳሳች ምስሎችንና በቪዲዮ በማሰራጨት "ምዝገባ ተጀምሯል" የሚሉ ሀሰተኛ መረጃዎችን በመልቀቅ ማህበረሰቡን ማደናገር ላይ ይገኛሉ።

በግል ስልክ ቁጥሮች ደውሉ በማለት ዜጎችን ለኢኮኖሚያዊ ብዝበዛ መጋበዝ ላይ ሲሆኑ እነዚህ ማስታወቂያዎች ሙሉ በሙሉ የማጭበርበር ተግባራት መሆናቸውን ሚኒስቴር መስሪያ ቤቱ ማስጠንቀቁን ብስራት ሬዲዮ ሰምቷል፡፡በአሁኑ ወቅት ለካናዳ የሥራ ስምሪት ምንም አይነት ይፋዊ ምዝገባ አልተጀመረም፡፡

በግል ስልክ ቁጥሮች የሚደረጉ ጥሪዎችም ሆኑ የሚላኩ አጫጭር መልዕክቶች ሚኒስቴሩን መስሪያ ቤቱን እንደማይወክሉ ያስታወቀው ቢሮው የምዝገባ ጥሪ የሚደረገው በብሔራዊ ቴሌቪዥንና የሬዲዮ ጣቢያዎች፤ የሚኒስቴሩን ይፋዊ የማረጋገጫ ምልክት ባላቸው ማህበራዊ ትስስር ገጾች ብቻ በመሆኑ ጥንቃቄ እንዲደረግ አሳስቧል፡፡

🌐ለፈጣንና እውነተኛ መረጃ አሁኑኑ ይቀላቀሉ!

1,140

Mehal media

May 1, 2026, 03:21 AM

📷 Photo

ህወሓት የጄነራል ታደሰ ወረደ አስተዳደር "ፈርሷል" ሲል አወጀ

በህወሓት እና በትግራይ ጊዜያዊ አስተዳደር መካከል ያለው ልዩነት ወደ ከረረ ምዕራፍ ተሸጋግሯል። የህወሓት ቃል አቀባይ አቶ ሚካኤል አስገዶም ለቢቢሲ እንደገለጹት፣ የፌደራል መንግሥት የፕሬዝዳንት ታደሰ ወረደን የሥልጣን ዘመን ለብቻው ማራዘሙ የፕሪቶሪያውን ስምምነት የሚጥስ በመሆኑ ጊዜያዊ አስተዳደሩ ፈርሷል። በዚህም ምክንያት ከስድስት ዓመት በፊት የተመረጠው "የትግራይ መንግሥት ምክር ቤት" ወደ ሥራው እንዲመለስና አዲስ ፕሬዝዳንትና ካቢኔ እንዲሰይም መወሰኑን አስታውቀዋል።

ቃል አቀባዩ፣ ሌተናንት ጄነራል ታደሰ ወረደ "ሰላማዊና ዴሞክራሲያዊ ርክክብ" ካላደረጉ ስህተት እንደሚሆን ያስጠነቀቁ ሲሆን፣ ከፌደራል መንግሥት ጋር ያለው የግንኙነት "ገመድ መበጠሱንም" ገልጸዋል። ህወሓት በ2012 ዓ.ም. የተካሄደው ምርጫ "ታግዶ" የቆየ እንጂ "ያልፈረሰ" በመሆኑ ሕጋዊ ነው ሲል ይከራከራል። በአሁኑ ወቅት ክልሉ 40 በመቶ የሚሆነው መሬቱ በሌሎች ቁጥጥር ስር በመሆኑ አዲስ ምርጫ ማካሄድ እንደማይቻልና ብቸኛው አማራጭ የቀድሞውን ምክር ቤት መመለስ እንደሆነ ድርጅቱ ያምናል።

በሌላ በኩል ፕሬዝዳንት ታደሰ ወረደ የህወሓትን ውሳኔ በጽኑ በመቃወም፣ ድርጊቱ የፕሪቶሪያውን ስምምነት የሚያፈርስና ወደ ጦርነት የሚመራ "መፈንቅለ መንግሥት" ነው ሲሉ ገልጸውታል። ፕሬዝዳንቱ የሚመሩት ካቢኔ መደበኛ ሥራውን እንደሚቀጥል ቢያስታውቁም፣ ህወሓት ግን ምክር ቤቱን ዳግም በማዋቀር አዲስ አስፈጻሚ ለመሰየም በዝግጅት ላይ መሆኑን ገልጿል። ይህ አዲስ ፍጥጫ በትግራይ ክልል ውስጥ "ሁለት መንግሥት" የመኖሩን ስጋት እያባባሰው ይገኛል።

1,290

Mehal media

May 1, 2026, 03:21 AM

📷 Photo

የትራንስፖርት ታሪፍ በተወሰነው መሰረት እንዲቀጥል ትዕዛዝ ተላለፈ

የትራንስፖርት እና ሎጂስቲክስ ሚኒስቴር የትራንስፖርት ታሪፍ በተወሰነው መሰረት ብቻ እንዲቀጥል ተዕዛዝ አስተላልፏል።

ሚኒስቴሩ የትራንስፖርት አገልግሎት ወደ መደበኛ ሁኔታ መመለሱን ለማሳወቅ ባወጣው መግለጫ÷ በመካከለኛው ምሥራቅ የተከሰተው ግጭት በዓለም አቀፍ የነዳጅ ገበያ ላይ ከፍተኛ ተፅዕኖ አሳድሮ የነዳጅ ዋጋ ግሽበትና በአቅርቦት ላይ መስተጓጎል እንዲፈጠር አድርጓል ብሏል።

ይህም ሁኔታ በኢትዮጵያ የናፍታ ዕለታዊ አቅርቦትን ከ9 ሚሊየን ሊትር ወደ 4 ነጥብ 5 ሚሊየን ሊትር እንዲቀንስ አድርጎ በትራንስፖርት አገልግሎት ላይ የሚታወቁ መስተጓጎሎችን አስከትሎ እንደነበር አስታውሷል።

መንግሥት ይህንን ችግር በፍጥነት ለመቆጣጠር የታሪፍ ማሻሻያ፣ የአቅርቦት አደረጃጀት ማሻሻል እና የሎጂስቲክስ ቅንጅት ማጠናከርን ጨምሮ በርካታ አስቸኳይ እና ዘላቂ ርምጃዎች መውሰዱን አመልክቷል።

ይህም የውጭ ጫናዎች ቢኖሩም የሀገር ውስጥ ኢኮኖሚ መረጋጋትን በመጠበቅ እና የሕዝብ አገልግሎቶች እንዳይቋረጡ በማድረግ በኩል መንግሥት የሕዝብ ጥቅምን በማስቀደም የሚከተለውን የፖሊሲ አቅጣጫ የሚያሳይ መሆኑን አስረድቷል።

የገንዘብ ሚኒስቴር በይፋ እንዳሳወቀው የነዳጅ አቅርቦት ወደ መደበኛ ሁኔታው ተመልሷል ያለው ሚኒስቴሩ÷ ይህ ሁኔታ በትራንስፖርት ዘርፍ የተፈጠሩ መስተጓጎሎች በፍጥነት እንዲፈቱ ያስችላልም ብሏል።

በመሆኑም በነዳጅ እጥረት ምክንያት የተፈጠሩ የትራንስፖርት አገልግሎት መስተጓጎሎች ሙሉ በሙሉ እንዲቀረፉ፣ ከአዲስ አበባ እስከ ክልሎች የሚገኙ ሁሉም የዘርፉ አመራሮች እና ተዋናዮች ታሪፍ በተወሰነው መሰረት ብቻ እንዲቀጥል በጥብቅ እንድከታተሉና ትግበራውንም በጋራ ግብረ ኃይል እንዲያረጋግጡ አሳስቧል፡፡

1,200

Mehal media

May 1, 2026, 03:21 AM

📷 Photo

የናፍጣ ነዳጅ አቅርቦት መጠን ከጦርነቱ በፊት ወደነበረበት እንዲመለስ ተወሰነ

የናፍጣ ነዳጅ ከመካከለኛው ምስራቅ ጦርነት በፊት ወደነበረበት የአቅርቦት መጠን እንዲመለስ መወሰኑን የገንዘብ ሚኒስትር አሕመድ ሽዴ አስታውቀዋል።

አቶ አሕመድ ሽዴ በሰጡት መግለጫ፥ በአሁኑ ወቅት ያለውን የምርትና የትራንስፖርት እንቅስቃሴ በማየት የናፍጣ አቅርቦት ወደነበረበት እንዲመለስ መንግሥት ወስኗል ብለዋል።

በጦርነቱ ምክንያት የናፍጣ አቅርቦት በግማሽ ቀንሶ እንደነበር ገልጸው፥ በዚህም በቀን 4 ነጥብ 5 ሚሊየን ሊትር እንዲቀርብ እየተደረገ ነበር ብለዋል።

አሁን ላይ ግን ከጦርነቱ በፊት ይቀርብ የነበረው በቀን 9 ሚሊየን ሊትር ናፍጣ እንዲገባ ተወስኗል ነው ያሉት።

ናፍጣው ከጅቡቲ ወደ አዲስ አበባ መጓጓዝ ጀምሯል ያሉት ሚኒስትሩ፥ አጠቃላይ የነዳጅ ድጎማም ከ300 ቢሊየን ብር ማለፉን ጠቁመዋል።

ቤንዚን እና የአውሮላን ነዳጅ ከጦርነቱ በፊት በነበረው ልክ እየቀረበ እንደሆነ አንስተዋል።

🌐ለፈጣንና እውነተኛ መረጃ አሁኑኑ ይቀላቀሉ!

✅መሀል ሚዲያ ቴሌግራም

✅መሀል ሚዲያ ዩቲዩብ
https://youtube.com/@mehalmedia?si=qIrR-ugTjD0yFBJI

✅መሀል ሚዲያ ፌስቡክ
https://www.facebook.com/share/1J3q2HKXKy/

✅መሀል ሚዲያ ቲክቶክ
https://www.tiktok.com/@desalegnmehal?_r=1&_t=ZS-93sj0dYufl2

Mehal media

May 1, 2026, 03:21 AM

📷 Photo

ዶናልድ ትራምፕ የ'ICE' ተቋምን ስም ወደ 'NICE' ለመቀየር መወሰናቸው አነጋጋሪ ሆኗል

የአሜሪካው ፕሬዝዳንት ዶናልድ ትራምፕ በሀገሪቱ የኢሚግሬሽን እና የጉምሩክ አስከባሪ ተቋም ወይም በምህጻረ ቃሉ ICE ላይ ያልተጠበቀ የስም ለውጥ ለማድረግ ማቀዳቸውን ይፋ አድርገዋል።

ፕሬዝዳንቱ በማህበራዊ ገጻቸው ባስተላለፉት መልዕክት ተቋሙ ከእንግዲህ በኋላ "National" የሚል ቃል ተጨምሮበት NICE (National Immigration and Customs Enforcement) ተብሎ እንዲጠራ የቀረበላቸውን ሀሳብ በሙሉ ድምፅ ደግፈዋል።

ይህ የታቀደው የስም ለውጥ ከቀላል ስያሜ ባለፈ ትልቅ የሚዲያ ስትራቴጂን ያነገበ ነው።

ስያሜው ወደ "NICE" ከተቀየረ ተቋሙን የሚተቹ የዜና አውታሮች እና ጋዜጠኞች ሳይቀሩ ስለ ተቋሙ ሰራተኞች ሲዘግቡ "NICE agents" ወይም "ደግ ወኪሎች" የሚለውን ቃል ለመጠቀም እንደሚገደዱ ታስቧል።

ይህም በተቋሙ ላይ የሚሰነዘሩ አሉታዊ ዘገባዎችን በቃላት ጨዋታ ለመቀልበስ እና በህዝብ ዘንድ ያለውን ገጽታ ለማለስለስ ያለመ እንደሆነ ተነግሯል።

ምንም እንኳን ፕሬዝዳንት ትራምፕ ለውጡ በአስቸኳይ ተግባራዊ እንዲሆን ትዕዛዝ ቢሰጡም ጉዳዩ በቀጥታ ወደ ስራ ከመግባቱ በፊት የሀገሪቱን የህግ መወሰኛ ምክር ቤት ይሁንታ ማግኘት ይኖርበታል።

በአሁኑ ወቅት ይህ ጉዳይ በአሜሪካ ፖለቲካ ውስጥ ትልቅ መነጋገሪያ ሆኖ የቀጠለ ሲሆን ደጋፊዎቻቸው የፕሬዝዳንቱን ብልህነት የሚያሳይ ነው ሲሉ ተቃዋሚዎች ደግሞ መሰረታዊ የፖሊሲ ለውጥ ከማድረግ ይልቅ በቃላት መደበቅ ነው በሚል እየተቹት ይገኛሉ።

🌐ለፈጣንና እውነተኛ መረጃ አሁኑኑ ይቀላቀሉ!

1,020

Showing 30 of 50 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Sarcasm

DOGS Community

8.5m0

Amazing World Of Gumball: The Courthlace Chapter.

12.6k0

$CLOUT | SOL MEMECOIN

1.1m1

Loading recommended channels...

Mehal media

Mehal media

Ranking

Participant Growth (Last 4 Days)

Latest Posts

Rating

User Reviews (0)

Related Telegram Channels

Drive & Cry 🛞

SuperMemeMan

MemeFi Community

CATS Community

Sarcasm

DOGS Community

Amazing World Of Gumball: The Courthlace Chapter.

$CLOUT | SOL MEMECOIN

Related Telegram Channels

Drive & Cry 🛞

SuperMemeMan

MemeFi Community

CATS Community

Sarcasm

DOGS Community

Amazing World Of Gumball: The Courthlace Chapter.

$CLOUT | SOL MEMECOIN

User Reviews (0)

Latest Posts