ምሥራቀ ፀሐይ ጉባኤ ቤት

Public

View Channel

1.7K

14.9K

Can't Join? @mstaketsehay

10.7k Members

Updated: May 13, 2026 at 2:33 PM

ምሥራቀ ፀሐይ ጉባኤ ቤት

ይህ ቻናል የምሥራቀ ፀሐይ አቡነ ቶማስ መታሰቢያ የመጻሕፍት ትርጓሜ ጉባኤ ቤት በቤተ ከርስቲያን ዙሪያ ማስተማሪያና ማወያያ ገጽ ነው።

@mstaketsehay offers specialized information about Medical for subscribers interested in Medical

Ranking

Global Ranking

#456

Language Ranking

#45

Category Ranking

#23

-1

Participant Growth (Last 9 Days)

Total: 10.7K

24h growth: +0 0%

Latest Posts

ምሥራቀ ፀሐይ ጉባኤ ቤት

May 25, 2026, 11:55 PM

◈ሰፈርተኛ ክርስቲያኖች በጎሳ ደም የታጠቡ እንጂ በክርስቶስ ደም የታጠቡ አካለ ክርስቶሶች  አይደሉም።
◈በክርስቶስ ደም የታጠቡ ክርስቲያኖች ጠባያቸው ክርስቶሳዊ ነው።
◈በጎሣ ደም የታጠቡ ሰዎች ግን ጠባያቸው ዲያብሎሳዊ ነው።
◈አንተ አንቺ የታጠብኸው/ሽው በማን ደም ነው? በክርስቶስ ደም ከሆነ ደሙ ለዓለሙ ሁሉ የፈሰሰ ነውር ነቀፋ የሌለበት የቤተ ክርስቲያን ሕይወት ነው።"ነውርና እድፍ እንደ ሌለው እንደ በግ ደም በክቡር የክርስቶስ ደም እንደ ተዋጃችሁ ታውቃላችሁ።"፩.ጴጥ.
፩፥፲፱እን.
◈በክርስቶስ ደም ከታጠብን  ከሁሉም በላይ ስለሆነች ስለ አንዲት ክርስቶሳዊት ቤተ ክርስቲያን ጉዳይ መግባባት ለምን ያቅተናል?
◈የጎሳ ደም ከክርስቶስ ደም ካልበለጠብን ስለ ምን በሰፈር አጥር ውስጥ እንውረገረጋለን?
◈ከትላልቅ ጸጋዎች ሥር ትናንሽ የሰፈር አስተሳስቦች እየተርመሰመሱ ከሕይወት መንገዳችን ለምን ያናጥቡናል?
◈ሥሁቱ የፖለቲካ ሥርዓት ዘር እና ሰፈር እንጂ ሰው እና እውነትን አያውቅም።
◈ብፅዕና የሚገኘው ሰውነትን በደመ ክርስቶስ አንጽቶ በመመላመስ ነው፦"ልብሳቸውን በበጉ ደም አጥበው ያነጹ ብፁዓን ናቸው።"ራእ.፯፥፲፬
◈በደመ ክርስቶስ ከብረው፣ሰውነታቸውን አንጽተው፣ለተዋሕዶተ-ጸጋ በቅተው፦"ወደበጉ ሰርግ እራት የተጠሩ ብፁዓን ናቸው።"ራእ.፲፱፥፱እን.

3,740

ምሥራቀ ፀሐይ ጉባኤ ቤት

May 25, 2026, 11:55 PM

📷 Photo

2,510

ምሥራቀ ፀሐይ ጉባኤ ቤት

May 25, 2026, 11:55 PM

◈ቀዳሜ ኲሉ፦
◈ቀዳሜ ኲሉ የሁሉ ባለቤት የሆነው፣ከሁሉ በፊት የነበረው፣ያለውና የሚኖረው አምላካችን እግዚአብሔር ብቻ ነው።ለቀዳሚነቱ  መነሻ ምክንያት ለማዕከላዊነቱ ወሰን፣ለደሐራዊነቱ መዳረሻ የለውም።
◈ስለ እግዚአብሔርነቱ የሚነገረው ሁሉ ከራሱ ከባለቤቱ በተገለጸው መሠረት ላይ የእምነት ኃልይን አሳርፎ በቃል መናገር በልቡና መመርመር ይቻላል እንጂ በጉሥዓተ ልቡና መተላለፍ አይቻልም።
◈በፍጡራዊ አስተሳስብ ስለ እግዚአብሔር ቀዳማዊ ሀልወት በድርስ ዕውቀት መግለጽ አይቻልም።
◈በባሕርይ መገለጫው ለሃይማኖት ያህል የሚሆነው መረዳት እና በፍጡራዊ አቅም በቅዱሳን አፍ መናገር ይቻላል እንጂ።
◈ስለሆነም እግዚአብሔርን ከተገለጸበት ሁነት በስተቀር በፍጹም ባሕርዩ ያየውም ያወቀውም ደኃራዊ ፍጢር አይገኝም "እኔ ነኝ ብሎ ለደኃራዊው ፍጡር በገለጸበት መንገድ ግን እንዲህ ነው ብሎ ተከሥቶውን መናገር ይቻላል።
◈"ቅዱስ ዮሐንስ፦"መቼም ቢሆን እግዚአብሔርን ያየው አንድ ስንኳ የለም።"ዮሐ.፩፥፲፰ ያለው ይሄንን ነው።
◈ፍጡር ደኃራዊ በድርስ ዕውቀትና መረዳት ባሕርዩን አውቀዋለሁ ቢል ግን ዕብደት ነው ሰንኳን የፈጣራውን የባሕሩን ጥልቀት የሰማዩን ምጥቀት ማንም በድርስ ዕውቀት መረዳት አይችልም።
◈በልብ መታሰቡ በቃል መነገሩ ቅሉ የባሕርይ ቸርነቱ በፍጥረቱ ላይ ስለሆነች ነው።
◈በልብ መታሰቡም ሆነ በቃል መነገሩ እሱን ከመጥቀም በታች ፍጥረቱን ከመጥቀም በላይ ነው።
◈ታስቦ የማይዘለቅ ተነግሮ የማያልቅ ከፍጡር ኩነት በላይ የሆነ ህሊናን የሚገታና የሚያሸንፍ ፍጹም አምላክ ይሄ ነው።
◈“ዘኢይትረከብ በንባብ ወበልቡና ወበሕሊና አላ ይትሌዓል እምሕሊና መዋቲ ወኢይትከሀለነ ንሕትት ዘከመ እፎ ውእቱ-በቃል የማይነገር በልብ በሕሊና የማይመረመር በመዋቲ ሰው ልቡና ከመመርመር ፍጹም የራቀ እንደሆነ እናምናለን እንታመናለን” እንዲል ሃይ.አበ.ዮሐ. ዘአ.፻፰እን.
◈ከጥንት እስከ አሁን ስለ እግዚአብሔር የሚነገሩ ቃሎች ሁሉ ልቡና በሃይማኖት ለማጽናት ያህል የሚያስረዱ ናቸው እንጂ በድርስ ዕውቀት የሚገለጹ አይደሉም።
◈ፍጡር የሚያውቀው የሠራው ያበጀውን ዕቃ ብቻ ነው።ያንንም ቢሆን በከፊል ካልሆነ በስተቀር ያልፈጠረውን ምሉዕ አድርጎ አያውቀውም።
◈ሁሉን የሚያውቅ በባሕርዩ የማይታወቅ፣ሁሉን የሚገልጥ በባሕርዩ የማይገለጥ፣ሁሉን የሚወስን በባሕርዩ የማይወሰን፣ሁሉን የሠራ ከሁሉም በፊት ያለ ምክንያት በዘለዓለማዊነት የነበረ እርሱ ብቻ ነው።
◈ምንም ከመመርመር ከመታወቅ በላይ ነው ብንልም ለሕያዋን ፍጥረቶቹ በባሕርይ መገለጫው የተገለጸ የቅርብ አምላክም ነው።"እኔ የቅርብ አምላክ ነኝ እንጂ የሩቅ አምላክ አይደለሁም።"ኤር.፳፫፥፳፫እን.

2,920

ምሥራቀ ፀሐይ ጉባኤ ቤት

May 25, 2026, 11:55 PM

+. እግዚአብሔር መንፈስ ነው .+

የመንፈስ ቀላል ትርጕሙ «በአካላዊነት ጎልቶ ለዐይን የማይታይ» ፣ «ከመታየት በላይ» ማለት ነው። ቃሉ ወደ አካለ እግዚአብሔር ተጠግቶ ሲነገር የበለጠ ሐሳቡን ከፍ አድርጎ ይገልጣል። እግዚአብሔር የር’ቀ’ቶች ኹሉ መነሻ ስለኾነ - አእምሮአችን ከሚያሰበው ር’ቀ’ት በላይ ረቂቅ ነው። መንፈስ የሚለውም ራሱ የእኛን አስተውሎት/መረዳት ታሳቢ ተደርጎ የተነገረ እንጂ እግዚአብሔርን በኾነው ልክ የሚገልጠው ኾኖ አይደለም። እግዚአብሔር ከምንም - ስለ እሱ ከምናስበውም ከምንናገረውምም በላይ ነው!! እግዚአብሔርን በኾነው ልክ የሚገልጠው እግዚአብሔር ብቻ ነው ፤ እግዚአብሔር በእግዚአብሔርነቱ የሚገለጥለትም አካል የተገለጠውን ለመረዳት እግዚአብሔር መኾን አለበት ፤ እግዚአብሔር የሚገልጠውን እግዚአብሔርነት ማወቅ ለማንም አልተሰጠም። ለማንም አይቻልምና።

ስለ እግዚአብሔር ያለን ዕውቀት እኛ ስለ እሱ ማወቅ የቻልነው መጠን ነው ፤ ይኽም ቢኾን በራሳችን የመጣ ሳይኾን ተገልጦልን ያወቅነው ነው። ያወቅነውም እግዚአብሔርን የማወቃችን ድንበር አይደለም። ከእግዚአብሔር መልካምነት ጋር - ነፍስ በንጽሕና ወደ እሱ በመቅረብ ስትተባበር ፥ ፈቃደ ግብረ ባሕርያቱን ስትሳተፍ እየተገለጠላት የሚኼደው ዕውቀቷ የነበራትን ዕውቀት የሚበልጥ ይኾናል። የዕውቀቷ ፍጻሜም የነበሯት ዕውቀቶች ተቋጭተው ከእነሱ በበለጠ አለማወቅ በ’መ’ያ’ዝ ይኾናል!! የነፍስ ዕውቀት ስለ እግዚአብሔር ምንም አለማወቅ ውስጥ በመግባት ይፈጸማል!! ከእሱ ጋር መኖሯ በቂዋ ስለሚኾን የማወቅ ጥማቷም ይቆረጣል!!

«እግዚአብሔር መንፈስ ነው» የዚኽ ሐሳብ ተሸካሚ ቃል ነው። መንፈስ ምንድነው!? እንደ እውነታው የዚኽን ቃል ደረቅ መዝገበ ቃላዊ ፍቺን ከማስቀመጥ ውጪ ፥ ሐሳቡን በኾነው ልክ ለልብ ማስረዳት አይቻለም ፤ መንፈስ የሚለው ሐሳብ ላይ በሰው ዘንድ ያ’ለ አለመረዳት አ’ለ - «ያ አለመረዳት እግዚአብሔር በነፍሳችን ውስጥ ያለው ቦታ ነው» ለማለት «እግዚአብሔር መንፈስ ነው» ተብሏል።

❝.. ወአልቦ ዘየአምሮ ለወልድ ዘእንበለ አብ ፤ ወለአብኒ አልቦ ዘየአምሮ ዘእንበለ ወልድ - ከአብ በቀር ወልድን የሚያውቅ የለም፥ ከወልድም በቀር አብን የሚያውቅ የለም❞ [ማቴዎስ ፲፩፥፳፯]። ማወቅ ከተነገረስ የአብ ዕውቀት/መታወቅ ወልድ ላይ ፥ የወልድ ዕውቀትም/መታወቅ አብ ላይ ታውቆ ይቀራል። «ወለዘፈቀደ ወልድ ይከሥት ሎቱ - ወልድ ሊገልጥለት ከሚፈቅድ በቀር / ወልድ ሊገልጽለት ለወደደው ይገልጥለታል» የሚለው ቀጣይ ንባብ - በአሚን አኹን ለእኛ የተገለጠው ፥ እኛነታችን ስለ እግዚአብሔር ማወቅ የቻለው የዕውቀት መጠን ነው እንጂ አብ ወልድን ፥ ወልድም አብን የሚያውቅበት ማወቅ ለእኛ ተሰጥቷል ማለት አይደለም። አብ አብነቱ ወልድ ላይ ፥ ወልድም ወልድነቱ አብ ላይ የቀረ ነው!!

አካል ከሕሊናት ኹሉ ለራቀ ለአምላካችን ለልዑል እግዚአብሔር ሲነገር ፥ እኒኹ ኹሉ ታሳቢ ተደርገው ነው። የእግዚአብሔር አካል ሲባል ወደ ሕሊናችን የሚመጣው ሥዕል የእኛ መሰሉ ቅርጽ ከኾነ የእግዚአብሔርን እግዚአብሔርነት መዘንጋት ነው የሚኾነው። እንደሚታወቀው መገለጦች ኹሉ የተሰጡት ለሰዎች ነው ፤ እነዚያ መገለጦች ደግሞ በሰው መረዳት ልክ የኾኑ ናቸው ፤ ለእኛ ተመጥነው የተሰጡ መገለጦችን ያለቀላቸው የእግዚአብሔር ውክያ አድርጎ መውሰድ ይኽን የምሥጢር ድንበር መዝለል ነው።

አንድ እና ኹለት የለውም እግዚአብሔር አካላዊ ነው። በኹኔታዎች [በተፈጣሪያኑ ውስጥ ያለ ፥ እነሱም ጸንተው ያሉበት] ውጥረት እና ጽምረት የሚመላለስ/ተገላጭ ኀይልም [በእሱ የሚኾን ቢኾኖም] አይደለም ፤ አማን በአማን እግዚአብሔር አካላዊ ነው። ሰው ኹነን አካላዊነትን ከእኛ አካልነት ውጪ መረዳት አይቻለንምና ፥ የእግዚአብሔር አካል በእኛ አካል አንጻር ተገልጿል። ይኽ ማለት ቀጥታ የእኛ አካል የእግዚአብሔር አካል ተመስያ ነው ማለት አይደለም። አካለ እግዚአብሔር በእኛ ሕሊና ከሚሣለው አካል የወጣ ፥ በማንም የማይመረመር የአካሎች ኹሉ ፍጻሜ የኾነ ፍጹም አካል ነው።

በቅዱሳት መጻሕፍት ስለ እግዚአብሔር አካል የተነገሩ ምንባባት በዚኽ አግባብ የምንረዳቸው ናቸው። እግዚአብሔር ከተጻፈው ከሚጻፈው ፥ ከታሰበው ከሚታሰበው ፥ ከተነገረው ከሚነገረው ኹሉ በላይ ነው። እንደ እግዚአብሔርነቱ ማንም ምንም ማለት አይችልም ነበር ፤ ግን ከቸርነቱ የተነሣ ለኹለቱ [መላእክት እና ሰዎች] ፍጡራን ስለ እሱ ሊሉ በሚችሉበት መጠን ፣ ሊረዱት በሚችሉበት መጠን ማንነቱን ገልጦላቸዋል። አኹን ያለን መገለጥ/መረዳት ስለ እግዚአብሔር እኛ ልናውቀው የቻልነው መጠን ነው።

-------------------------------
📜ያገምሩ ኵሎ ወአልቦ መኑሂ ዘያገምሮሙ ብርሃናት ቀዳማውያት ፤ ዘኢየአምር መኑሂ ዘከመ እፎ ውእቱ ክዋኔሁ ፤ ወኢያገምሮሙ ልቡና ፤ ወኢያስተጋብኦሙ ሕሊና ፤ ይሬእዩ ኵሎ ፥ ወኢያስተርእዩ ፤ ወአልቦ ዘይትማሰሎሙ ፤ ወይትዔረዮሙ ሕያዋን እሙንቱ እለ ኢይመውቱ ፤ ወኢይትዌለጡ ፤ ርኁቃን እምነ ኵሉ ወቅሩባን ለኵሉ ለባውያን ፤ ወማእምራን ፈድፋደ እምነ ኵሉ ፤ ኢፍጡራን ፤ ወኢይትረከቡ በሐልዮ ወበለብዎ ፤ ርኁቃን ወልዑላን እሙንቱ ፤ አምጻእያኒሆሙ ለኵሉሙ ፍጡራን እም ኀበ ኢሀልዎ ኀበ ሀልዎ፨
☞ኹሉን ይወስናሉ እንጂ የሚወስናቸው ምንም ምን የለም ፤ ኹኔታቸው እንዴት እንደኾነ ማንም የማያውቅ በቅድምና የነበሩ ብርሃናት ናቸው። ልቡና አይመረምራቸውም ፤ ሕሊና አይወስናቸውም ፤ ኹሉን ያያሉ እነርሱ ግን አይታዩም ፤ የሚመስላቸው የሚተካከላቸው የለም ፤ የማይሞቱ የማይለወጡ ሕያዋን ናቸው። ከኹሉ [መረዳህ] የራቁ ለኹሉ [በመግቦት/በሃይማኖት] የቀረቡ ናቸው ፤ ከኹሉ ይልቅ ዕውቀት የባሕርያቸው ነው። ያልተፈጠሩ ናቸው ፤ በማሰብ በመመርመር አይገኙም ፤ ከ’መ’መ’ርመር የራቁ የረቀቁ ናቸውና። ፍጥረታትን ኹሉ ካለመኖር ወደ መኖርያመጡ እነርሱ ናቸው፨
📜➬ ሃይማኖተ አበው ዘሱንትዩ ፻፱ ፥ ፫

ምሥጢሬ አይታወቅም ፤ ነገር ግን የአንተ አእምሮ ሊቀበለው የሚችለውን ምሥጢር አነግርሃለኹ።
➬ መጽሐፈ ቀሌምንጦስ

“ #እግዚአብሔር_መንፈስ_ነው ”
— የዮሐንስ ወንጌል ፬፥፳፬ / 4፥24
▬▬▬▬▬▬  †  ▬▬▬▬▬▬
©️ጉባኤ ደብረ ምጥማቅ

ምሥራቀ ፀሐይ ጉባኤ ቤት

May 25, 2026, 11:55 PM

ሁልጊዜ ቀስቅሱኝ ማለት ጅልነት ነው።
ለትንሣኤ የተፈጠረ ሰው ምን ያተኛዋል?
ማንስ የማን ቀስቀሽ ይሆናል?
በአካሉ የማያገባው ሰውነት አለ ወይ?

3,700

ምሥራቀ ፀሐይ ጉባኤ ቤት

May 25, 2026, 11:55 PM

◈ርቱዓዊ ልምምድ፦
◈ርቱዓዊነት በሕይወት በር እየተመላለሱ የተስፋ ፍጻሜን ለማግኘት በጸናች በቀናች ሐዋርያዊት ጉባኤ ውስጥ የተዋሕዶት ልምምድ ማድረግ ነው።
◈ወይም በዚህች ርትዕት ሐዋርያዊት ጉባኤ ውስጥ እስከ ፍጻሜ ድረስ የእውነት በሩን ሳይለቁ  በግብርም በነገርም የጸና የቀና ክርስቲያን የመሆን ልምምድ ነው።
◈ወይም በሐዋርያዊት ጉባኤ ውስጥ ሁኖ ርቱዓዊነትን በማወቅ እና በመረዳት ላይ ተመሥርቶ የመሆን ልምምድን እያስቀደሙ እስከ ህቅታ ድረስ የመዳን መንገድን ለመጨረስ ሳያቋርጡ ወደ ምድረ ርሥት መጓዝ ነው።
◈ቅዱስ ፍጹም ሐዋርያዊ ተስፋን መውረስ የሚቻለው በዚህ ሕያው መንገድ ነውና።"አመንኩ በዘነበብኩ-የተናገርሁትን አመንሁ።"መዝ.፻፲፭፥፩እን. የአፍ ሌላ የልብ ሌላ ሳይሉ ያመኑትን በሕይወት ልምምድ እየኖሩ ማሳየት የሚቻለው በርቱዓዊነት ልምምድ ውስጥ ነው።
◈የርቱዕነት መነሻው ከእግዚአብሔር ለቅዱሳን የተሰጠው፦ርቱዕ ክሡት ፍጹም የሆነው አስተሳስብ ነው።
◈በዚህ መንገድ፦ረቂቁን ከግዙፉ፣ቋሚውን ከሀላፊው፣እውነቱን ከሀሰቱ፣ጽኑዑን ከወጪ ወራጁ በመለየት የሀሳባትን ቅደም ተከተል በመረዳት ጥርት ያለ ርቱዕ ሐዋርያዊ ህሊናን መፈለግ ነው።
◈ሀሳበ እግዚአብሔር፣ሀሳበ መላእክት፣ሀሳበ ሰብእ፣ሀሳበ ደማውያን፣ሀሳበ ዕፅዋት፣ሀሳበ ፍጥረታት አለ፤
◈ከዚህ ሁሉ ሀሳብ መካከል ለድኅነተ ነፍስ ለርቱዓዊነት የሚበጀንን መለየት እና ሁሉንም በየመልኩ ተረድቶ በርቱዓዊነት መሠረት ላይ ጸንቶ በጠራ ህሊና መገለጽ ያስፈልጋል።
◈ደግሞም ከአቅማችን ድካም የተነሣ ወደ ጽሩይ ህሊና ገብቶ ልቡናን አስፍቶ አእምሮን አቅንቶ መለማመድ እና ከፍ ያለውን ጣዕመ ምሥጢር ማየት ቢያቅተን ወደ ባለቤቱ እንለምናለን፦
"ወንስአል አንቃዲወነ ላዕለ ወሶቤሃ ይሠርቅ ለነ ብርሃን እምነ መጻሕፍተ መለኮት ወእምኔሆሙ ንበርህ በአስማተ ቅድስት ሥላሴ ዘውእቱ እምነትነ-
ወደላይ አቅንተን እንለምን ያንጊዜ የመለኮተን ነገር ከማናገሩ መጻሕፍት ዕውቀት የገልጽለናል ከእነርሱም የሦስቱን ስም በመጥራት አዋቆች እንሆናለን ይሄውም ማመናችን ነው።"ሃይ.አበ.፲፥፪እን.

3,000

ምሥራቀ ፀሐይ ጉባኤ ቤት

May 25, 2026, 11:55 PM

ውስብስብ ችግርን በውስብስብ ችግር መፍታት አይቻልም

ብዙ ሰው ችግሩን በችግር መፍታት ይፈልጋል ።
ለምሳሌ፦ ድብርት አዚም የኅሊና ሁከት የአእምሮ አለመረጋጋት የውስጥ ድካም የልብ መረበሽ..... የገጠመው ሰው እነዚህን ችግሮች መፍታት የሚፈልገው ሌላ ችግር ውስጥ በመግባት ነው ችግሮቹም ወይ በማጨስ ወይም በመጠጣት ወይም በመቃም ወይም በመሳብ ወይም በመሰሰን ወይም በመደባደብ...... ነው።
አንዳንዱ ደግሞ ከዚህ ከፍ በሚል ነገር ራስን በማጥፋት ሕይወቱን በማጨለም ችግሩን የተገላገልሁ የሚመስለው አለ፣ ይህ ሁሉ ግን ከትንሽ ችግር ወደታላቅ ችግር መውረድ እንጂ የችግር መፍትሔ መሆን ፈጽሞ አይችልም

ችግርን በሌላ ችግር እፈታለሁ ማለት በጨለማ ላይ የዛፍ የገደል ጥላ ሲጨመርበት የበለጠ ጨለማው እንደሚጸና ሁሉ ችግርንም በችግር እፈታለሁ ማለት እንደዚህ ነው።
ብልህና አዋቂ ሰው ግን ለችግሮቹ ከችግር የሚወጣበት መፍትሔ ይፈልጋል እንጂ ከችግር የምወጣበት ችግር ነው ብሎ ወደ ሌላ ችግር አይሄድም።
በተለይም ኦርቶዶክሳዊ ሰው በችግር ጊዜ ከጸሎት ወደ ጸሎት ከትሩፋት ወደ ትሩፋት ከጾም ወደ ጾም ከቤተክርስቲያን ወደ ቤተክርስቲያን ከቀኖና ወደ ቀኖና ከንጽሕና ወደ ንጽሕና ወደ ንጽሕና ከእግዚአብሔር ወደ እግዚአብሔር ከተመስጦ ወደ ተመስጦ ከጸጋ ወደ ጸጋ ከበጎ አድራጎት ወደ በጎ አድራጎት ይሄዳል እንጂ ችግርን ለመፍታት ወደ ሌላ ችግር አይሄድም።

✔️ሰው ሲርበው ረሃቡን ለማስታገሥ ወደ እግዚአብሔር ይቀርባል እንጂ ጊዜያዊ ረሃቡን ለማሥተገሥ ብሎ ዘለዓለማዊ የመንግሥተሰማይ ረሃብተኛ ለመሆን እግዚአብሔርን መካድ ሃይማኖቱን መለወጥ የለበትም።
✔️ሰው ገንዘብ ቢያጣ ጊዜያዊ ገንዘብ ለማግኘትና ጊዜያዊ ድህነቱን ለማስወገድ ዘለዓለማዊ ገንዘቡ መንግሥተ ሰማያትን አጥቶ ዘለዓለማዊ የመንግሥተ ሰማያት ደሃ መሆን የለበትም።
✔️ሰው ጊዜያዊ ደስታን ለማግኘት ጊዜያዊ ሳቅ ለመሳቅ ብሎ ዘለዓለማዊ ደስታውን ዘለዓለማዊ ተመትሮ የሌለበት ሳቁን ከሚሰጠው ከእግዚአብሔር መራቅ የለበትም።
✔️ማንኛውም ሰው ችግሮቹን ለመፍታት የሚኳትንባቸው መንገዶች ሁሉም ዘለዓለማዊ ችግሩን የሚያስወግዱለት እንጂ ዘለዓለማዊ ደስታውን አስወግደው ጊዜያዊ ችግሩን የሚፈቱለት ዘለዓለማዊ ደስታውን ነጥቀው ጊዜያዊ ደስታን የሚያመጡለት ዘለዓለማዊ ሐሤቱን ነጥቀው ጊዜያዊ እንባውን የሚያብሱለት ዘለዓለማዊ ባለጸግነቱን ነጥቀው ጊዜያዊ ድህነቱን የሚያስወግዱለት ዘለዓለማዊ ክብሩን ነጥቀው ጊዜያዊ ውርደቱን የሚያስወግዱለት መሆን የለባቸውም ።
ከክርስቶስ ፍቅር ማን ይለየናል መከራ ወይስ ጭንቀት ወይስ ስደት ወይስ ራብ ወይስ ራቍትነት ወይስ ፍርሀት ወይስ ሰይፍ ነውን? ስለ አንተ ቀኑን ሁሉ እንገደላለን እንደሚታረዱ በጎች ተቈጠርን ተብሎ እንደ ተጻፈ ነው በዚህ ሁሉ ግን በወደደን በርሱ ከአሸናፊዎች እንበልጣለን

ሞት ቢሆን ሕይወትም ቢሆን መላእክትም ቢሆኑ ግዛትም ቢሆን ያለውም ቢሆን የሚመጣውም ቢሆን ኀይላትም ቢሆኑ ከፍታም ቢሆን ዝቅታም ቢሆን ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቻለሁ ሮሜ ፰÷፴፭~፴፱

4,650

ምሥራቀ ፀሐይ ጉባኤ ቤት

May 25, 2026, 11:55 PM

◈የዓረብ እኅቶቻችንን የማያታልላቸው የለም፦
◈ካሉበት የስደት ኑሮ እና የሰው ቤት ጫና አንጻር በብዙ ፈተና ውስጥ ሲያልፉ ያገኙትን ሁሉ ሳይመረምሩ ይከተሉና ይታለላሉ፦
1.)ማፍያ አጥማቂ ያታልላቸዋል፤
2.)ሥሁት ፖለቲካ ያታልላቸዋለ፤
3.)ቀማኛ ጎረምሳ ያታልላቸዋል፤
4.)የሰፈር አሰባሳቢ ያታልላቸዋል፤
5.)ድካማቸውን የማይረዳ ቤተ ሰብእ ያታልላቸዋል፤
6.)ቀፋይ ዘማሪ ያታላልቸዋል፤
7.)በወንጌል የሚነግድ ሰባኪው ያታልላቸዋል፤
8.)አስመሳይ አባት ነኝ ባይ ያታልላቸዋል፤
ማን የማያታልላቸው አለ?ከዚህ የተነሣ ተመልሰው ዳግም ልስደት ይደርሳሉ ህሊናቸው ይታወካል።
◈ቆም ብላችሁ፣ የወጣችሁለትን ዓላማ አስባችሁ፣ዙሪያ ገባውን አይታችሁ፣ለቁም ነገር እንድትበቁ ብትሆኑ መልካም ነው።
◈በእነዚህ የዋህ ልጆች የሚቀልድ ሰው ኦርቶዶክሳዊነት አልተረዳም ኦርቶዶክሳዊነት ስለ አንድ የምትንከራተት ነፍስ መዳን መጨነቅ ነው እንጂ በምክንያት ያለ ምክንያት እያሉ ማሳደድ አይደለም።
"እናንተ ግብዞች ጻፊዎችና ፈሪሳውያን መንግሥተ ሰማያትን በሰው ፊት ስለምትዘጉ ወዮላችሁ እናንተ አትገቡም የሚገቡትንም እንዳይገቡ ትከለክላላችሁ እናንተ በጸሎት ርዝመት እያመካኛችሁ የመበለቶችን ቤት ስለምትበሉ ወዮላችሁ ስለዚህ የባሰ ፍርድ ትቀበላላችሁ።
"ማቴ.፳፫፥፲፫-፲፬ የሚለው ቃል የተነገረው ለሁላችንም ነው።

3,800

ምሥራቀ ፀሐይ ጉባኤ ቤት

May 25, 2026, 11:55 PM

ሰፈርተኛ ክርስቲያኖች በጎሳ ደም የታጠበ እንጂ በክርስቶስ ደም የታጠበ አካለ ክርስቶስ  አይደለም።
በክርስቶስ ደም የታጠቡ ክርስቲያኖች ጠባያቸው ክርስቶሳዊ ነው።
በጎሣ ደም የታጠቡ ሰዎች ጠባይ ግን ዲያብሎሳዊ ነው።
አንተ አንቺ የታጠብኸው/ሽው በማን ደም ነው?
በክርስቶስ ደም ከታጠብን ስለ አንዲት ክርስቶሳዊት ቤተ ክርስቲያን ጉዳይ መግባባት ለምን አቃተን?
የጎሳ ደም ከክርስቶስ ደም ካልበለጠብን ስለ ለምን ስለ ኦርቶዶክሳዊት አንድነት መግባባት አቆምን?

4,450

ምሥራቀ ፀሐይ ጉባኤ ቤት

May 25, 2026, 11:55 PM

"መማር ከአምላክ መቀበል ከመልአክ"

3,740

ምሥራቀ ፀሐይ ጉባኤ ቤት

May 10, 2026, 10:52 PM

ስመ ጥሯ ከተማ ጠርሴስ - ሐዋ ፳፩፥፴፱

ለጥንታዊነቷ ድርሳናት የሚመሰክሩላት ጠርሴስ ውኃ ገብ፣ ለም ፣ በፍሬ የተሞላች ለነዋሪዋቿ ምቹ ከመኾኗም በተጨማሪ የወደብ ከተማ እንደመኾኗ የኪልቅያና የአውሮፓ መገናኛ መስመር የንግድ ከተማ ነበረች ።

ከተማዋ በሐዋርያው በቅዱስ ጳውሎስ ዘመን አካባቢ እስከ 500.000 የሚጠጋ ሕዝብ ይኖርባት ነበር።

ከተማዋ የግሪካውያንም መኖሪያ እንደመሆኗ የግሪክ ፍልስፍናዊ አስተሳሰቦች የገነኑባት ፣ ከራሷ ከግሪክም በፍልስፍና መጥቃ የመሪነቱን ቦታ ይዛም ነበር።

ግሪክ የዓለም የዕውቀት ማዕከል እንደመኾኗ የፍልስፍና ተማሪዎቿ አብዛኞቹ እንግዶች ናቸው ። ተወላጅ ተማሪዎቿ በቊጥር አናሳ ነበሩ።

የጠርሴስ የፍልስፍና ተማሪዎች ግን ከሞላ ጎደል የሯሷ ተወላጆች ስለነበሩ በዚኽ ብልጫውን ልትይዝ ችላለች። እንዲያውም የስቶይክ ፈላስፎች መዲና ኹና እንደነበርም ይነገርላታል።

ከ170 (ቅ.ል.ክ) ወዲኽ አይሁዳውያን በጠርሴስ እንዲኖሩ ተፈቅዶላቸው ይኖሩ ነበር - ለከተማዋ እድገትም የራሳቸው አስተዋጽኦ ነበራቸው ተብሎ ስለታሰበ ፥ በከተማው ለመኖር ይበረታቱ ፥ ከኗሪዎቿ የማይተናነስ እኩልነትም ይሰጣቸው ነበር።

በአይሁድ እና በግሪካዊ ጸባይ የተቀረጸ ፣ በስቶይክ ብሎም በመደበኛው የፈላስፎች አስተሳሰብ የበለጸገ ሕዝብ መኖሪያ ፤ መልክአ-ምድራዊ አቀማመጧ ምቹ የኾነ በውኆች የተከበበች እንደ ዕንቊ የምታበራ ሐዋርያው ጳውሎስ እንዳለው "ስመ ጥር" ከተማ ነበረች - ጠርሴስ።
የቅ ጳውሎስ ወላጆች በንግድ ምክንያት በጠርሴስ ይኖሩ ነበር

በክርስትናው ዓለም በሐዋርያዊ አገልግሎቱ አቻ ያልተገኘለት ታላቁ ሐዋርያ ጳውሎስ የተወለደው ከዚኽች ዝነኛ ከተማ ነው።
የቅዱስ ጳውሎስ የትውልድ ሥፍራ ጠርሴስ 🙏🙏🙏
ለዓለም ብርሃን የወጣባት ጠርሴስ 🙏🙏
በሮማ ዘመነ መንግሥት ከፍተኛ የንግድ መዳረሻ የነበረች ከሜዲትራንያን ባሕር በጥቂት ርቀት የምትገኝ ታሪካዊ ከተማ ናት ጠርሴስ

ዘወትር በቅዳሴችን « ቅዱስ ሐዋርያ ጳውሎስ ሠናየ መልእክት ፈዋሴ ዱያን ዘነሣዕከ አክሊለ .. - የምታዜምለት በዓለ ብዙኅ ክብር ጳውሎስ የተወለደባት ከተማ ጠርሴስ🙏🙏

ቅ ጳውሎስ በዘመኑ የነበረውን የጠርሴስ
ፍልስፍና ትምህርት ተምሮ ማደጉ የታመነ ነው ።

- ይኽም በስብከቱ ወቅት ወደ አቴና አቅንቶ ከፈላስፎች ጋር ባደረገው ፍልስፍናዊ ውይይቱ ይታወቃል ። ሐዋ ፲፯፥፲፮-

በዚኽ ፍልስፍናዊ በኾነ አሰባበኩ ታላቁን የሕግ ሰው (የፍርድ ቤት ፈራጅ) ዲዮናስዮስን ወደ ክርስትና መልሶታል

ጠርሴስ ስመ ጥር ናት። የበለጠ ደግሞ በተወዳጅ ልጇ #በቅዱስ_ጳውሎስ ስመ ጥር ሆናለች
አንዳንድ ልጅ እንዲህ አይደል ለእናቱ 🙏🙏

ሐዋርያው ጳውሎስ ወደ ክርስትና ከገባ በኋላ የመጀመሪያዎቹ ዘመናቱ አካባቢ ጊዜውን ያሳልፍ የነበረው በትውልድ ስፍራው በጠርሴስ ነበር።

በእስጢፋኖስ ሞት የተበተኑት ምእመናን ወደ አንጾኪያ ወርደው በዚያ ወንጌልን በሰበኩ ጊዜ እግዚአብሔር አብሯቸው ይሠራ ስለነበር አዳዲስ አማኞች ወደ ክርስትና ገቡ ፤ በኢየሩሳሌም የነበረችው ቤተክርስቲያን ይኽንን ስትሰማ ለበለጠ አገልግሎት በርናባስን ወደ አንጾኪያ ልካ ነበር።

በርናባስ በመጀመሪያ ያደረገው ሐዋርያው ቅዱስ ጳውሎስን መፈለግ ነበርና ጠርሴስ ወርዶ ፈለገው አገኘው ወደ አንጾኪያ ይዞት መጣ በአንድነትም ወንጌልን አስተማሩ። በአንጾኪያም ቤተክርስቲያን በግልጥ ከይሁዲነት የተለየች መኾኗ ተገለጠ የራሷ መታወቂያ "ክርስቲያን" የሚል ስያሜንም ያዘች።

ጠርሴስ ያንን የወንጌል መቅረዝ በማስገኘት በዓለም ሁሉ ላለን ክርስቲያኖች ባለውለታችን ናት ❤
ከእርሷ የተገኘው መቅረዝም በዓለም ባለችዋ ቤተክርስቲያን ለዘለዓለም ሲያበራ ይኖራል።

ጥዑመ ልሳን ምዑዝ ከመ ዕጣን ጳውሎስ መርሐ ዕውራን ዘበጽንፈ ልብስከ የሀይው ዱያን ስፋሕ እዴከ ዘየማን ትባርከነ ለጉቡዓን - አንደበትህ የሚጣፍጥ እንደ ዕጣን የምትሸት የዕውሮች መሪ ጳውሎስ ሆይ በልብስህ ጫፍ ሙታን ይድናሉ ።
እውነተኛ መምህር ሆይ የተሰበሰብነውን ትባርክ ዘንድ ቀኝ እጅህን ዘርጋ ። አባ ጊዮርጊስ

--------------

📜 #ጳውሎስ ግን፦ “እኔስ አይሁዳዊ በኪልቅያ ያለው የጠርሴስ ሰው ኾኜ ስመ ጥር በኾነ ከተማ የምኖር ነኝ ፤...” አለ!
[ሐዋ ፳፩፥፴፱]
ሚያዝያ 29/2018 ዓ.ም
ቀጰዶቅያ
ነቢየ ልዑል አዳሙ
---
ፎቶ - ቅዱስ ጳውሎስ የተወለደበትን ቦታ ስንጎበኝ ካስቀረነው ማስታወሻ

ምሥራቀ ፀሐይ ጉባኤ ቤት

May 10, 2026, 10:52 PM

◈የሲኖዶሱን አዠንዳ አይተን ቤተ ክርስቲያንን ስናስባት ዕንባ ሳይሆን ደም ብናለቅስም ምሬቱ አይወጣልንም።
◈በመጀመሪያው የሚቀረጸው አዠንዳ ከተለመደው አዙሪቱ እንዳይወጣ የውጭ እጆች እና ኦርቶዶክሳዊ ውግንና የሌላቸው ውስጣዊ የባዕዳን ተወካዮች ጠምዝዘው ይቀርጹታል።
◈በመጨረሻም ምንም ሳይሠራ ኮሚቴ ይቋቋም ተብሎ ይበተናል።
ይሄ ኮሚቴ ደግሞ ለእኛ ፊት መመለሻ መሆኑ ነው።
◈ሲጀመር አጀንዳው ሳይዠመር አዠንዳው ያለቀ ነው።
◈የተቋቋመውን ኮሚቴውን ደግሞ ባዕዳኑ በጊዜና በውስጥ ትውውቅ እንደ አባ ለትጹን ነፍስ ያሻሹታል።
◈ከነዚያችው አዠንዳ እንኳን ችግሩ መፍትሄ እንዳያገኝ ለዓመታት እየተንከባለለ በኮሚቴ ይቋቋም ሰበብ ስብሰባው ያልቃል።
◈ከዚያ እኛም ያሉ መስለውን ስንጠብቅ ስንጠብቅ እንሰነብት እና እንረሳቸዋለን ደግሞ ዓመቱ ይደርስና በዚያው አዙሪት ይቀጥላል።
◈ያለ ምንም ረብህ የተደረገው ጉባኤ፣የተቋቋመው ኮሚቴ እና ምንም ሳይሠራ የፈረሰው የበጀት መጨረሻ ኮሚቴ ብዛትኮ በድንቃድንቅ መዝገብ ያስመዘግበን ነበር።
◈የማንን ችግር ማን አጥንቶ ማን ይናገረዋል?"ምእመናን ተቆጥተዋል ጨርሶ እንዳይከፋቸው ብቻ ኮሚቴ ይቋቋም።"ይባላል።አሁንማ ምእመናኑም ተረስተዋል።
◈በቃ ቤተ ክርስቲያን እንዲህ መሳለቂያ እንደሆነች፣እኛም እንዲህ እንደ ተቃጠልነ እንኖራለን።
◈በየቦታው የሚፈሰው የልጆቹ ደም የማይጮኽበት አባት፣ፍርድ ተጎደለ ድሀ ተበደለ የማይል አባት፣ቤተ ክርስቲያን የህልውና ሥጋት ውስጥ መግባቷን እያወቀ ዝም ጭጭ የሚል አባት መሥመሩን የሳተ ነው።
◈የተገለጠውን እውነት በኮሚቲ ሰበብ መፍትሄ እያሳጡ ማኖር ነው።
👉የአብያተ ክርስቲያናት ውድመት፣
👉የምእመናን እልቂት፣
👉የአብነተ ተማሪዎች ሞት፣
👉የንዋየ ቅድሳቱ ስርቆት፣
👉የምእመናን መከራና ረሀብ፣
👉በመከፋፈላችን ምክንያት የደረሰው ችግር፣
👉በምእመናን ላይ እየደረሰ ያለው ጫና፤
👉በአሩሲና በመሳሰለው ያለቁ ክርስቲያኖች እና ጥለን የወጣናቸው ቤተ መቅደሶች፣
👉በኦርቶዶክሳውያን ጥላቻ የሰከረው ሥርዓት ያወደማቸው እንደ አትሮንሰ ማርያም ያሉ የጥንታውያን ገዳማት ጉዳይ፤
👉ውስጥ ለውስጥ ያፋጀ ያለው የሰፈርተኝነት እና የሙስና ጉዳይ፣
👉የተቋሙ ዝማኔ ማጣት ዝርክርክነት፣....ስንቱ ይነገራል? ይሄ ሁሉ አዠንዳ እያለን ካዙሪቱ እንዳንወጣ ተፈርዶብናል።

3,940

ምሥራቀ ፀሐይ ጉባኤ ቤት

May 10, 2026, 10:52 PM

➻ጊዜው የወስላቶችና የተንከሲሶች ነው።
➻የምእመኑ ፈቃድም ለወስላቶች፣ለተንከሲሶች፣ለአውታታዎች የተመቸ ነው።
➻ሐቀኝነት እንደ ኋላቀርነት ወስላታነት እና ተንከሲስነት እንደ ቅድስና እንደ አራዳነት ተቆጥሯል
➻ወስላቶች ማታለልና ማስመሰል፣አፍና ሆድ እንጂ ልብ እና መንፈስ፣ሐቀኝነት እና ሕይወት የላቸውም።
➻በሆድና በዝና፣በማስመሰልና በማታለል፦ተፈጥሯዊ ክብርን፣ባህልን፣ታሪክን፣እሴትን፣ሃይማኖትን...ጥለው የሚያስጥሉ ወስላቶች የገሀነም ደጆች ናቸው።
➻ወስላቶች፣ተንከሲሶችና አውታቶች በብዙ የማስመሰል ሜካፕ የተሞሉ ስለሆኑ ለጊዜው ጀማው አይለያቸውም።
➻ወስላቶች የቤተ ክርስቲያንን ጓዳ ጓድጓዳ አሳልፈው ለመስጠት እና ለመሸጥ የሚፈልጉት የሆድ ጭብጦ ብቻ ነው።ወስላቶች አፋቸውን የሚያዞሩት እንደ ቡሆ ዕቃ ወደ ሚያጎርሳቸው ብቻ ነው።
➻ወስላቶችና ተንከሲሶች ምሥጢር የላቸውም።ጭምተኛ ሰው መስለው፣ለሳንቲም ድቃቂ፣ለጨርቅ እላቂ፣ጆሮ ጠብተው፣ነገር ሠርተው፣ ንጹሓን ምእመናን አሳልፎ ሻጮች ናቸውና ሐቅ የላቸውም።
➻በወስላቶች እና ተንከሲሶች ዘንድ ጽኑዕ ኪዳን እና ቋሚ ሕይወት የለም።እንደ አየሩ እየተገለባበጡ ቆዳቸው ቀይረው ይገኛሉ።
➻የወስላቶች ሃይማኖት ጥቅም ብቻ ነው።

2,110

ምሥራቀ ፀሐይ ጉባኤ ቤት

May 10, 2026, 10:52 PM

◈የሞትን ፅዋን እስክንቀምስ ድረስ ላመኑበት ህሊና መኖር ግድ ነው!!
◈ለትኒሽ ጠብታ ጊዜ አስመስለን እና ህሊናን ዋሽተን ለምን እንኖራለን?
◈በምድር ላይ ትልቁ ኑሮ ህሊናን ሳያታልሉ ከእውነታው ጋራ ሳይጣሉ በምንም አይነት መከራም ቢሆን መኖር ነው።
◈ለጊዜው አድር ባዩና አስመሳዩ ሊጠላህ ይችላል ግን ጠቡ ከህሊና ጠብ በታች ነው።
◈ከህሊናህ ጋራ ስትጣላ ግን ኅዋሳቶችህ ሁሉ ይጣሉሀል መንፈስህ ይረበሻል።ሆድ እና አፍህ ተከፍቶ ልብህና መንፈስ ይዘጋል።
◈በውስጥ በአፍአ በነፍስ በሥጋ ትታወካለህ ሰላምህ ለይምሰል እንጂ እውነተኛ አይደለም።
◈ከህሊናህ ጋራ ስትጣላ፦ፈሪ፣ስግብግብ፣ኑሮ ወዳድ፣አስመሳይ፣ውሸተኛ፣ቀባጣሪ፣የነውር ተባባሪ፣ግብዝ፣ድንዙዝ፣ብኩን፣አውታታ፣ከርታታ፣ህሊና ቢስ ትሆናለህ።
◈ለእውነት እና ለእምነት ስትኖር ግን በኪዳኑ የጸና፣ሐቅ ያለው፣ፍትህ ርትዕን ያነገበ፣ድኀ ተበደለ ፍርድ ተጎደለ የሚል፣በምድር ሰውን በሰማይ እግዚአብሔርን የሚፈራ ትሆናለህ።
◈ህሊና ቢስ ስትሆን ግን በረዶ እንደመታው ሰውነት በክፋት እና በጥፋት ህሊናህን ታቆፈኛለህ፣ክብርህን በነውርህ ትቀይራለህ፣በምድር ሰውን በሰማይ እግዚአብሔርን ትንቃለህ።

2,560

ምሥራቀ ፀሐይ ጉባኤ ቤት

May 10, 2026, 10:52 PM

📷 Photo

2,020

ምሥራቀ ፀሐይ ጉባኤ ቤት

May 10, 2026, 10:52 PM

📷 Photo

◈በቃለ እግዚአብሔር ላይ የተተከለች ልቡና በግብር ስትገለጽ በትሩፋት የለመለመች፣በጽጌ ክብር የተዋበች፣በፍሬ ክብር የከበረች ትሆናለች።
◈ከቃሉ ውጪ የሆነች ልቡና ግን በአእምሮ መገርጣት የሰነነች፣ከጽጌ ክብር የተለየች፣ከፍሬ ትሩፋት የራቆተች ትሆናለች።
◈የሰው ልጅ ማደሪያ ነው፦ቅዱስ መንፈስ ሲያድርበት በመንፈስ የተዋበ በጸጋ የለመለመ ይሆናለ።በፈቃዱ የርኩሥ መንፈስ ማደሪያ ከሆነ ግን በሁሉ የደረቀ የመነመነ ይሆናል።
◈የክርስቲያን ውበት የሚገለጸው በውስጣችን ባለው የመንፈስ ልምላሜ ነው።

2,460

ምሥራቀ ፀሐይ ጉባኤ ቤት

May 10, 2026, 10:52 PM

👉ወሐቢስቶች የጥንት ነገሥታቱን ለምን ታርጌት አደረጓቸው?
◈በውሸት ተቦክተው በውሸት የተጋገሩ ወሐቢስቶች ማስረጃ በሌለበት በትናንት ነገሥታት ላይ በቃልና በጽሑፍ የውሸት ናዳ ማድረስ ከጀመሩ ሰነባብተዋል።
◈በተለይም ባለፉት ስምንት የሞት ዓመታት ወቅትን እያዩ ብቅ ጥልቅ እያሉ የሠሯቸው ግፎች በሰባዊ ፍጡር የሚታሰቡ አይደሉም።
◈አሁን ለምን ተፈልጎ ነው?
◈አንደኛ፦ሥርዓቱ በንትርክ መካከል እንዲሰነብት ለማድረግ ዋነኛው መፍትሄ እነዚህን የውሸት አበጋዞች ጃዝ ማለት አስፈልጓል።
◈ሁለተኛው በአሩሲና በመሳሰለው ያለው ኦርቶዶክሳውያንን የማጽዳት ሥራውን ለመሸፈን የሚደረግ ጩኸት ነው።
◈ሦስተኛ፦ካልተሳካ ሃይማኖታዊ ግጭት ለማስነሣት በማሰብ የሚደረግ የሥርዓቱ ፕላን B(ዕቅድ)ነው
◈አራተኛ፦ኦርቶዶክስን ለማዳከም ጊዜው አሁን ነው ሀይ ባይ ሰው የላትም ሥርዓቱ አይወዳትም ብለው ስላሰቡ ነው።
◈አምስተኛ፦የዓረባውያን የውክልና አጀንዳ አስፈጻሚዎች ስለሆኑ የተጫኑትን ተልእኳቸውን ለመፈጸም ነው።
እና ዓላማቸው ይሄ ሁኖ እያለ የጥንት ነገሥታትትን ለምን ታርጌት ያደርጓቸዋል?
◈እኮ ለምን?
◈አንደኛ ነገሥታቱ ክርስቲያን ስለነበሩ ነባር ታሪካቸውን በውሸት ናዳ ለማጠልሸት ነው።
◈ሁለተኛ በነገሥታቱ በኩል ኦርቶዶክስን ለመምታት ነው።
◈ሦስተኛ አዲስ ትርክት ፈጠራ ላይ ስለሆኑ ነው።
◈አራተኛ፦ወደፊት ምንም አይነት ኦርቶዶክሳዊ ሰው ወደፊት እንዳይመጣ ፍትሀውያን አልነበራችሁም በማለት መከላከያ ዘዴ ነው።
◈አምስተኛ አሁን ያለውን ርኩሥ ሥርዓት በሀሰተኛ ንጽጽር ቅዱስ ለማስባል ነው።
◈ስደስተኛ፦ጠብ የለሽ በዳቦ ብለው ተዘጋጅተናል እናጠፋችኋለን የሚል መልእክት ለማስተላለፍ ነው።
◈መፍትሄው
◈ ለሁሉም የሚበጀው ፍቅር ሰላም አንድነት ብቻ ነው።አባቶቻችሁ እና አባቶቻችን በአንዲት ሀገር ሲኖሩ አንዱ ያንዱን ነጻነት ሳይጋፋ የኖሩበት ዘዴ በጣም ጠቃሚ ነው።
◈እናንተ እንደምታስቡት አባቶቻችን ክፉዎች ቢሆኑ ኑሮ አንተ አሁን አልነበርኽም ነበር!!ዳሩ ግን ክርስትና የነጻነት ሃይማኖት ነው እንጂ የግዴታ ሃይማኖት አይደለምና ሁላችንም አለን።
◈ክርስቲያኖች በበዙበት ሁልጊዜም ማንም በነጻነት ይኖራል።አንዳንድ ሁከቶችን አገዛዙ የሚፈጥራቸው ኬዞች ናቸው።
ክርስቲያን ባነሰበት በአሩሲ እና በመሳሰለው ክርስቲያኖች እንዴት እንደሚኖሩ ግልጽ ነው።
◈ዝም ብሎ በውሸት ናዳ መላላጥ ግን ለማንም ፍጡር አይበጅም።

3,760

ምሥራቀ ፀሐይ ጉባኤ ቤት

May 10, 2026, 10:52 PM

📷 Photo

2,910

ምሥራቀ ፀሐይ ጉባኤ ቤት

May 10, 2026, 10:52 PM

"ወይ ኃይለ ሥላሴ ውኀ ዋና ሲያውቁ።
ሰው አወጣ ብለው እሳቸው ጠለቁ"

2,290

ምሥራቀ ፀሐይ ጉባኤ ቤት

May 10, 2026, 10:52 PM

📷 Photo

2,350

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

📜ወይቤሉ በበይናቲሆሙ ፥ አኮኑ ይነድደነ ልብነ ፥ ዘከመ ይነግረነ በፍኖት ፥ ወይፌክር ለነ መጻሕፍተ!📖

«እርስ በርሳቸውም፦ “በመንገድ ሲናገረን መጻሕፍትንም ሲከፍትልን ልባችን ይቃጠልብን አልነበረምን?” ተባባሉ»
[ሉቃ ፳፬፥፴፪]

1,050

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,670

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,770

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,930

ምሥራቀ ፀሐይ ጉባኤ ቤት

Apr 28, 2026, 09:42 AM

....ውሻና ተማሪን ምን አገናኛቸው .?

ከችግር የተነሣ በአብነት ተማሪዎች ዘንድ መለመን የተለመደ ነገር ነው።

እኛ ላለንበት ትምህርት መሠረቶቹ ነቢያት ቀጥለውም ሐዋርያት ናቸው ፤ የቤተክርስቲያን መምህራን የዕውቀት ሐረጋቸውም ሲቆጠር መዳረሻዎቹ እነዚህ ናቸው።

ነቢያት ከጌታ የተቀበሉትን ረቂቁን ቃለ እግዚአብሔር መጥነው ለሰው በሚረዳው ያስተምሩ ነበር።

ሐዋርያትም አካላዊ ቃል በሥጋ ተገልጦ ሳለ የሰበሰባቸው ቅዱስ የቤተክርስቲያን መሠረቶች እንደመሆናቸው መጠን

ሲማሩም ካደረበት አድረው ከዋለበት ውለው የእጁን ተአምራት አይተው የቃሉን ትምህርት ሰምተው ለዓለም መዳንን የሰበኩ ናቸው።

እነዚህ ሁሉ በዘመናቸው ከተቀበሉት መንፈሳዊ ተልእኮ - ውሻ ካልጮኸባችሁ ትምህርት አይገባችሁምና ለምኑ - የሚል መመሪያ አልተቀበሉም።

ይልቁንም እነርሱም ቀለም ሕዝቡ ቀለብ ልብስ ሆኗቸው መንፈሳዊ ተልእኳቸውን ተወጥተዋል።

ወደ አላመኑት ሲሄዱም የሚያደርሱባቸውን ሁሉ ታግሰው በፍቅር ወንጌልን ሰብከዋል።

በእኛ ሀገር ተማሪ ካልተራበ ትምህርት አይገባውም እንዲገባህ ውሻ ይጩኽብኽ የሚለውን ጎጅ ንግግር ማን ነው የተናገረው .?

ጉባኤ ቤታችንም አቅም በፈቀደ መጠን ለደቀመዛሙርት ማደሪያ ሕንጻ በጎ አድራጊ  ምእመናን አስተባብረን ያሠራነው ይሄንን ችግር ለመቅረፍ ነው።

አሁን ላይ የጉባኤ ቤታችን ደቀመዛሙርት ከቀድሞው የተሻለ ዘመናዊ ምቹ ሕንጻ ተገንብቶላቸው ማረፍ ችለዋል 🙏

በቀጣይም አቅም በፈቀደ ለደቀመዛሙርቱ ምቹ የመማሪያ ከባቢ መፍጠር ከሁሉም ኦርቶዶክሳውያን የሚጠበቅ ታላቅ ተግባር ነው።

በችግር መማራችን ያደረሰብን ጉዳት በርካታ ነው 💔

ከሁሉ በላይ ግን ራእይ አልባ ፣ ተልእኮ ለመፈጸም አቅም የሌለው መምህር የተባለ ሁሉ የተገኘው ረኃብ ካለበት ጉባኤ ቤት ነው።

ማጠቃለያ ፦
ክርስትና የለማኞች ሃይማኖት አይደለም። ታቦት አቁሞ ልመናም ፈጽሞ ሕገ ወጥ የቤተክርስቲያንን ክብር ዝቅ የሚያደርግ አስቀያሚ ተግባር ነው።

ተማሪም ትምህርት የሚገባው ስለለመነ እና ውሻ ስለጮኸበት ሳይሆን መሠረታዊ ፍላጎቱ ተሟልቶለት በሚገባ ካጠና ብቻ ነው።

በኢትዮጵያ ቤተክርስቲያን የረኛው ቁጥር ሚሊዮን ነው ግን በ10 ዓመት ከ10 ሚሊዮን ሕዝብ በላይ ያጣን ብቸኛ አሳዛኝ ሕዝቦች ነን 💔💔

በሥራችን ያገዛችሁንን ሁሉ ከልብ እናመሰግናለን!

ኑ ነገን በትምህርት ቤታችን ላይ እንሥራ🙏
----------------

2,270

ምሥራቀ ፀሐይ ጉባኤ ቤት

Apr 28, 2026, 09:42 AM

👉 ምነው ቅሰፈን ቅሰፈኑ በዛሳ?
👉ምነው መደፋፈሩ በዛሳ?
👉ምነው ሕገ ወጥነቱ በዛሳ?
👉ምነው ሥርዐት አልበኝነቱ በዛሳ?
👉ምነው ማስመሰሉ በዛሳ?
👉ምነው በእግዚአብሔር መሳለቁ በዛሳ?
👉ምነው ሁሉም አይቅርብኝ ባይነቱ በዛሳ?
👉ምነው ከዚያም ከዚያም መርገጡ በዛሳ?
👉ምነው ብርሃንን ከጨለማ ጋር መቀላቀሉ?
👉ምነው ከዚያም ከዚያም መቀላወጡ በዛሳ?
👉ምነው መደዴነቱና ስድነቱ በዛሳ?
👉ምነው ድንበር አልባነቱ በዛሳ?
👉ምነው ሕይወትን ለታይታ ብቻ ማድረጉ በዛሳ?
👉ምነው በክርስትና ስም መልከስከሱ በዛሳ?
👉ምነው ይሉኝታ የለሽነቱ በዛሳ?
👉ምነው ፈሪሀ እግዚአብሔር ማጣቱ በዛሳ?
👉ምነው ኢክርስቲያንነቱ በዛሳ?

ወትትሔዘብኑ ታስተአብዶ በብዝኀ ምሕረቱ ወበትዕግሥቱ ወበኦሆ ብሂሎቱ ላዕሌከ ኢተአምርኑ ከመ ምሕረቱ ለእግዚአብሔር ኪያከ ያገርር ኀበ ንስሐ ።
ወባሕቱ በአምጣነ ታጸንዕ ልበከ ወኢትኔስሕ ፡ትዘግብ ለከ መቅሠፍተ ለእመ ይበጽሐከ ኵነኔሁ ለእግዚአብሔር

ወይስ የእግዚአብሔር ቸርነ ወደ ንስሓ እንዲመራህ ሳታውቅ የቸርነቱንና የመቻሉን የትዕግሥቱንም ባለጠግነት ትንቃለህን ነገር ግን እንደ ጥንካሬህና ንስሓ እንደማይገ፟ባ፟ ልብህ የእግዚአብሔር ቅን ፍርድ በሚገለጥበት ፡በቍጣ ቀን ቍጣን በራስህ ላይ ታከማቻለህ ሮሜ፪÷፬~፮

1,670

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,540

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,950

ምሥራቀ ፀሐይ ጉባኤ ቤት

Apr 28, 2026, 09:42 AM

ጉባኤ ቤታችን [ጉባኤ ደብረ ምጥማቅ] በኦርቶዶክሳውያን ክርስቲያኖች አማካኝነት ያሠራቸውን የደቀመዛሙርት መኖሪያ ቤቶች አስመረቀ!
─━━━━━⊱✿⊰━━━━━─

በ«ብፁዕ አባታችን አቡነ ቀሌምንጦስ የሰሜን ሸዋ ሀገረ ስብከት ሊቀ ጳጳስ» መልካም ፈቃድ ፣ በክቡር መልአከ ሰላም ቆሞስ አባ ወልደ ጊዮርጊስ በኩል ገዳሙ ባመቻቸልን ቦታ ፣ በጉባኤ ቤቱ መምህር በሊቀ ሊቃውንት ነቢየ ልዑል አዳሙ አስተባባሪነት፦

፩. በሕፃን ወለተ-ገብርኤል
፪. በኀይለ-ገብርኤል
፫. በወለተ-ብርሃን
፬. በወለተ-አማኑኤል

አማክኝነት ሙሉ ውጪው ተሸፍኖ - ገዳማችን በማቻቸልን ቦታ - የተሠሩ የደቀመዛሙርት ቤቶችን ፥ በሀገረ ስብከታችን ሊቀ ጳጳስ በ«ብፁዕ አባታችን አቡነ ቀሌምንጦስ» ቡራኬ በዛሬው ዕለት አስመርቋል።

በብፁዕ አባታችን መሪነት ሥርዐተ ቅዳሴ በገዳሙ አገልጋይ ካህናት ከተከናወነ በኋላ - የቡራኬ ሥርዐቱ በብፁዕነታቸው ተፈጽሟል።

ለእንግዶች የ«እንኳን ደና መጣችኹ» መልእክት ያሰሙት የጉባኤ ቤቱ መምህር - ጉባኤ ቤቱን በተወሰነ ደረጃ ለእንግዶች የሚያስተዋውቅ ከውጥን ኺደቶች አንሥተው አኹን እስካለበት ኹኔታ አውስተው ፥ ጉባኤ ቤቱ በዚኽ ልክ ሰፍቶ ማየታቸው በብፁዕነታቸው የቅርብ ክትትል መኾኑን በማንሣት ለብፁዕነታቸው ምስጋናቸውን አቅርበዋል።

ከጉባኤ ቤቱ ደቀመዛሙርት መካከል የኔታ ዳዊት (የድጓ መምህር) በያሬዳዊ ዜማ ምሥጢርን ከኩነታዊው ኹኔታ አዋድደው ጥዑም ዜማ ያሰሙ ሲኾን - በመ/ር ኢሳይያስና በመ/ር ዕዝራ የቅኔ ቆይታ ተደርጓል።

ጉባኤ ቤቱ እያደረገ ያለው አካባቢያዊ አገልግሎት ፣ ነባር አገራዊ ታሪኮችን ድጋሚ በአከባቢው በማንበር ትልቅ ሥራ እያከናወነ ያለ መኾኑን ከገዳሙ መነኰሳትና ከአገር ሽማግሌዎች ከተሰጡ አስተያየቶች ተደምጠዋል።

ክቡር የገዳማችን አበምኔታ መልአከ ሰላም ቆሞስ አባ ወልደ ጊዮርጊስ ከተማ - የተሰጡ ሐሳቦችን አጠናክረው ፥ ከጉባኤ ቤቱ መወጠን አንሥቶ የታሪኩ አካል እንደመኾናቸው መጠን ስለ ጉባኤ ቤቱ አጀማመር ካነሡ በኋላ አኹን ያለበትን ኹኔታ ሲመለከቱ እጅግ የሚገረሙ መኾናቸውን አንሥተው ይኽ ኹሉ የኾነው በእግዚአብሔር አጋዥነት ፣ በብፁዕነታቸው አጋዥነት ፣ በጉባኤ ቤቱ መምህር ትጋት መኽኑን ገልጸዋል።

በመጨረሻ ንግግር እና ቃለ ምዕዳን የሰጡት ብፁዕነታቸው - እያዩት ባለው ነገር ፥ በቦታው ያለው ትጋት ፣ የአገልግሎት ፍቅር ፣ ያለኹበት ኹኔታ ይበቃኛል ባለማለት ዕለት ዕለት በመሻሻል [በኹሉም ዘርፍ ራሱን ለማብቃት የሚያደርጋቸው ጥረቶች] እያሳየ ያለውን ራእይ የቀደመው አገልግሎት ያጀበው እንቅስቃሴውን ከማድነቅ ጋር አበረታትተዋል።

ቤቱንም ለጉባኤ ቤቱ አሠርተው ያስረከቡ፦
◆ሕፃን ወለተ-ገብርኤልን
◆ኀይለ-ገብርኤልን
◆ወለተ-ብርሃንን
◆ወለተ-አማኑኤልን
የሠሩት ቤተክርስቲያን ለአገልግሎት የምትጠብቃቸው አገልጋዮቿ - ተሠርተው በቅተው ነቅተው የሚወጡበት መኾኑን በማስገንዘብ ፤ ከዚኽ የበለጠ መንፈሳዊ ግብርም አለመኖሩን በማንሣት - አባታዊ ቡራኬን ሰጥተዋል።

በመጨረሻም ጉባኤ ቤቱ ፍቅሬን ይገልጽልኛል ብሎ ያዘጋጃቸውን ሥጦታዎች ፥ በብፁዕነታቸው እጅ በሥራው ጉልኽ ድርሻ ለነበራቸው አበርክቷል።

ለብፅዕነታቸው (ይመጥናል ብሎ ሳይኾን የልጅነት ፍቅሩን ለመግለጽ) - በግል በአታቸው ቅዱሳት መጻሕፍትን የሚመለከቱባ ስማቸው የተቀረጸባት አትሮንስ እና የሊቁ ቅዱስ ቄርሎስን ድርሳን ጉባኤ ቤቱ አበርክቷል።

ለክቡር አባታችን መልአከ ሰላም ቆሞስ አባ ወልደ ጊዮርጊስ - የእጅ መስቀል - እንዲኹም ለተራዱን የገዳሙ አገልጋዮች የመጻሕፍት ሽልማትን በብፁዕነታቸው እጅ ሸልሟል።

ቤቱን ላሠሩልን፦
እንደ ሽልማት ሳይኾን ማስታወሻ ይኾናቸዋል ብሎ ያሰባቸውን ስጦታዎች - አበርክቷል።

በመጨረሻም የቊልፍ ርክክ ከተደረገ በኋላ በብፁዕነታቸው መሪነት ጉብኝት ተደርጎ የመርሐ ግብሩ ፍጻሜ ኹኗል።
--------------------------

ጉባኤ ቤቱ "ሰፊ" ከሚባሉ በርካታ ደቀመዛሙርትን ተረክበው ከሚያስተምሩ ቤተ ጉባኤዎች መካከል እየኾነ ያለ ጉባኤ ቤት ነው [በመጽሐፍ ቤት ደረጃ ከ90 በላይ ደቀመዛሙርትን ተቀብሎ ማስተማር መቻል ትልቅ ነገር ነው]።

ይኼ ታላቅ ጅምር ቢኾንም «በእግዚአብሔር ፈቃድ» አኹን የተመረቁ ቤቶችን ያካተተ በርከታ የጥናት እና የምርምር ማዕከላትን ያቀፈ ዐጸደ ጉባኤ እንደሚኖረን ባለ - ሙሉ ተስፋ ነን!!
-----------------------

ስለኹሉም ነገር የጉባኤ ቤት አምላክ ልዑል እግዚአብሔር እመቤታችን ቅድስት ድንግል ማርያም “ቅዱስ” ብላ የገለጸችው ስሙ ለዘለዓለሙ የተመሰገነ ይኹን!!
─━━━━━⊱✿⊰━━━━━─
©️ጉባኤ ደብረ ምጥማቅ
13/08/2018 ዓ.ም

ምሥራቀ ፀሐይ ጉባኤ ቤት

Apr 28, 2026, 09:42 AM

📷 Photo

1,990

Showing 30 of 50 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

FEATURED

Loading recommended channels...

ምሥራቀ ፀሐይ ጉባኤ ቤት

ምሥራቀ ፀሐይ ጉባኤ ቤት

Ranking

Participant Growth (Last 9 Days)

Latest Posts

Rating

User Reviews (0)

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

User Reviews (0)

Latest Posts