Ahmed pharmacy

Public

View Channel

1.7K

14.9K

Can't Join? @medicine576

11.2k Members

Updated: May 13, 2026 at 12:48 PM

Ahmed pharmacy

معلومات طبيه عامة👩‍⚕️ معلومات صيدلانية💉 https://t.me/medicine576876 قناة الجلدية الخاصة بينا👆 ادارة: @Ahmed_S_aldeen

Join @medicine576 for exclusive ahmed_s_aldeen and httpstmemedicine576876 content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 9 Days)

Total: 11.2K

24h growth: +0 0%

Latest Posts

Ahmed pharmacy

May 26, 2026, 02:15 AM

📷 Photo

ليش ابد ميصير ننزل ضغط الدم المرتفع بسرعة؟

مريض الضغط مالتة 20mmHg  هذا ابد ميصير ننطي علاج قوي
البعض بسرعة ينطي علاج ضغط +مدرر سوية

هذا الشي غلط وخطر ⚠️

القلب والدماغ متعودين على تدفق دم معين على قدر ضغط مثلا 20mmHg
من ينزل الضغط بسرعة مثلا بسرعة يصير 14mmHg هنا راح يتغير تدفق الدم للدماغ والقلب ويصير اختلال بالتروية الدموية
لان القلب والدماغ ما متعود على هاي القرائة مال الضغط ومال تدفق الدم هنا ممكن يصير عند المريض اغماء او ممكن نوبة قلبية (تابعوا السرد بالتعليقات👇)

6,690

Ahmed pharmacy

May 26, 2026, 02:15 AM

📷 Photo

الكولشيسين هو لعلاج النقرص شو دا نشوفة هواي ينصرف لأمراض القلب ؟؟!!

شنو علاقة الكولشيسين للذبحة والجلطات؟

تضيق الشرايين الي يسبب مشاكل شلون يصير؟

يصير ضرر حييل بسيط بجدران الشرايين راح يدخل ال LDL بنص الضرر وراح يرسب دهون بهذا المكان
هذا المكان راح تعتبرة المناعة جسم غريب وراح تدز المناعة الى،المناعة تحاصر هل مكان وتسوي مركب اسمة اللويحة(plaque)
هاي اللويحة من تنفجر راح تسببلي مشاكل القلب CAD ذبحات وجلطات

الكولشسين يعتبر اقوة مضادات الالتهاب راح يمنع هجوم المناعة على مكان ضرر الاوعية وراح يحميلي الانسان من امراض القلب

ضروري كملوا الشرح بالتعليقات حتى تفهمون👇

7,140

Ahmed pharmacy

May 26, 2026, 02:15 AM

📷 Photo

اجت احد الاخوات كالت  اني حامل وعندي بواسير وبيهن الم

شنو ننطيها علاج امن وهي حامل؟؟

اول شي مضاد حيوي امن للحمل(اموكسيل)
ثاني شي مخدر للألم امن للحمل(ليدوكاين)
ثالث شي علاج بواسير امن (بروبوليو)
رابع شي ملين للبراز امن للحمل(لاكلتوز)

حفظوا هذا الكيس خاف يتكرر
تفاصيل الكيس والاستخدام بالتعليقات👇

8,530

158

Ahmed pharmacy

May 26, 2026, 02:15 AM

📷 Photo

دكتور صار موقف وياي وانرعبت حيل وتوترت وعصبت وكمت ارجف  اني مابية سكر بس قست السكر مالتي طلع 200 مرتفع

صار بية سكر من الرعبة الي صارت وياي؟؟
اكيد لا هاي حالة اسمها Stress hyperglycemia  ارتفاع السكر بالتوتر

بسبب التوتر او الرعب راح الجسم يدخل انذار والغدة الكضرية راح تفرز"" الكورتيزول و الغلوكاجون""
هاي الهرمونات تكسر السكريات الي بالكبد كولها وتنزلها للجسم حتى يوفر طاقة،،وبسبب هذا التكسير راح يرتفع السكر

هذا ارتفاع السكر مو دائمي يروح بعد ساعات

7,760

Ahmed pharmacy

May 26, 2026, 02:15 AM

📷 Photo

دكتور بنتي عمرها 14 سنة وصلت مرحلة البلوغ لكن صار الها 6 اشهر الحيض عدها مو منتظم تتقدم وتتاخر شنو السبب؟؟

هذا الكيس هواااي يتكرر لازم تعرفوا

اول البلوغ تكون محاور الهرمونات ما ناضجة او مامستقرة (الغدة النخامية_المبايض)

بسبب عدم نضج المحاور مال الغدد التي تفرز الهرمونات التناسلية راح يصير عدم انتظام بالأباضة

هاي الحالة جداا طبيعية وتستمر من 6 اشهر الى سنتين يلة تنضج المحاور وتصير طبيعية

7,450

Ahmed pharmacy

May 26, 2026, 02:15 AM

📷 Photo

ليش الاشخاص المدمنين على القهوة بس يتركون شرب القهوة يصدعون او يصير الم

اكو بعض الاخوات تكولي ماكدر لازم اشرب قهوة اذا ما شربت اصدع ودوخة تلزمني

تعالو نسولف👇
القهوة تحتوي على الكافيين
هذا الكافيين يسبب تقلص بالاوعية الدموية الموجودة بالدماغ

من ينقطع امداد الكافيين (قطع القهوة) راح يصير توسع مفاجئ بالاوعية الدموية مال الدماغ وراح يسبب صداع ودوخة

9,370

102

Ahmed pharmacy

May 26, 2026, 02:15 AM

📷 Photo

ليش الانسان يشهگ من ينصدم او ينرعب
يشهگ ويسحب النفس حيل؟؟

هنا الدماغ يحس بخطر حقيقي وراح بسرعة يحفز الجهاز العصبي السمبثاوي

راح يسبب تشنج قوي بالحجاب الحاجز حتى الشخص يسحب هواء قوي ومفاجئ(يشهگ)

هذا الهواء السريع الي دخل يجهز الجسم بكميات اوكسجين حتى ردة فعل الجسم الدفاعية تكون قوية ونكدر نواجه الموقف

8,750

Ahmed pharmacy

May 26, 2026, 02:15 AM

📷 Photo

ليش الطفل يخاف من الناس الغربة ويكوم يبجي ؟؟

الطفل من عمر 6 اشهر الى عمر سنتين يتطور عندة مركز التعرف على الوجوه بالدماغ
هاي امي ،،هذا ابوي ،،هاي بيبي ووو

يشوف غريب يكول هذا الشخص مو منهم

مركز التعرف الي بالدماغ ما راح يعرف هذا الشخص ويشوف وجهة مو مألوف راح يشخص انو هذا الوجه علامة خطر ويخلي الطفل يبجي بسرعة

هذا تكييف رباني لحماية الطفل حتى الطفل يكوم يبجي وما يروح وية شخص غريب ،، ما يخلي يتعرض للخطر من الغرباء

9,630

178

Ahmed pharmacy

May 26, 2026, 02:15 AM

📷 Photo

ليش بوقت الشجار او النقاش الحاد تصير عند البعض رجفة باليدين او القدمين؟؟

السبب هو هومون الادرينالين

هرمون الادرينالين يجهز الجسم لمحاربة التهديد يخلي الجسم قوي للعراك او الهروب

راح يرتفع الادرينالين ويرفع معدل ضربات القلب ويرفع معدل التنفس يعني يسوي جسر امداد لكل اعضاء الجسم استعداد لمحاربة التهديد وينطي طاقة قوية

سرعة النبض وسرعه التنفس تسبب الرجفة

7,740

107

Ahmed pharmacy

May 26, 2026, 02:15 AM

📷 Photo

تدرون البراستمول اذا نستخدمه هواي يسوي النا صداع؟

الدماغ هو المسؤول عن السيطرة على الالم
من واحد ياخذ مسكن كل يوم مثل الكرزات الدماغ يبدي يتعود على وجود المسكن

الدماغ يكول :-مدام المسكن موجود…خلي هو يسيطر على الالم واني اسحب ايدي

ينسحب الدماغ ويصير اعتمادة على المسكن
ومفعول المسكن وحده ما يكفي…فيصير صداع أقوى
ويرجع ياخذ مسكن حتى يروح الصداع… يروح ساعة ورجع أقوى وهيج يدخل بدوامة اسمها ::الصداع الارتدادي 😣

8,810

138

Ahmed pharmacy

May 10, 2026, 11:58 PM

📷 Photo

مسألة الجنس ومرضى القلب

هواي يجون النا كبار بالعمر عندة مشاكل بالقلب ويريد مقوي جنسي وانتو تدوخون لان اغلب علاجات الجنس تسبب توقف بالقلب عند مرضى القلب

قبلا تنطون المقوي الجنسي تسالة
حجي تكدر تصعد درج بدون تعب قوي؟
تكدر تمشي مسافة بسيطة بدون تعب قوي؟

اذا ذني يكدر يسويهن بدون ما ينقطع تنفسه ويتعب تمام✅

كذلك كون ما يستخدم حبوب تحت اللسان (Glyceryl Trinitrate) او(Nitroglycerin)

كون ما يستخدم isosorbide
ذني الادوية توسع الاوعية والمقوي كذلك يوسع الاوعيه
فيصير توسع قوي بالاوعيه تسبب توقف بالقلب

كون ما يستخدم الي ذكرناهم✅
وانطي حبوبTadalafilلطيف على مرضى القلب بعد العشاء

9,010

Ahmed pharmacy

May 10, 2026, 11:58 PM

📷 Photo

اخواني انتبهو ل Dextromethorphan

لاتنطوها للأطفال الصغار الي عدهم سعال وحد اقصى من عمر 5 سنوات
هاي المادة تكبح السعال وتوقف السعال شلون؟؟

تثبط الجهاز التنفسي وتكبح السعال

الطفل الرئة مالتة بعدها مو قويه وهاي المادة تثبط للجهاز التنفسي ممكن تسبب عندة خلل بالتنفس او فشل بالتنفس

كذلك انتبهو من تصرفون هل علاج للسعال وتردون تنطون ويا موسعات اكو بعض الموسعات يجي مخلوط وياهن هاي المادة فتصير جرعة كبيرة وممكن تسبب تثبيط قوي للتنفس

8,080

104

Ahmed pharmacy

Apr 14, 2026, 12:00 AM

اخواني هاي اللستة مال الاطفال حتى ما تدوخون

✅مضادات الاحتقان✅
من عمر يوم الى عمر سنة انطو قطرة بيبي سلاين
من عمر سنتين الى 4 سنوات قطرات او بخاخ
Oxymetazoline / Xylometazoline
من عمر 5 فما فوق الشرابات الي بيها
Pseudoephedrine / Phenylephrine

✅مضادات التحسس✅
من عمر شهر الى سنة قطرات فنستيل
من عنر سنة الى سنتين شراب دسلوراتادين
من عمر سنتين الى اربع شراب لوراتادين
من عمر 4 فما فوق بكيفكم

✅خافظات الحرارة✅
من عمر يوم براستمول الى عمر 6 اشهر
من عمر 6 اشهر فما فوق بكيفكم بروفين او براستمول

✅مضادات السعال✅
من عمر شهر لعمر سنتين انطو فنستيل تساعدة
من عمر سنتين ال 4 انطو بروسبان
من 5 فما فوق براحتكم اي مضاد سعال

10,100

120

Ahmed pharmacy

Apr 14, 2026, 12:00 AM

الموجة الجديدة من فايروس كورونا الي متنشرة

هواي ناس دا تشكي من هاي الاعراض:.
حرارة عالية ،، كحة واحتقان،، صداع قوي وتعب عام،، انسداد او سيلان الانف

العلاج:-👇👇
1:-خافض حرارة براستمول
2:-اي نوعيه مضادات احتقان مثل (pseudoephedrine و phenylephrine) يجي باسم كولد فلو او اي اسم

3:-حبوب مص الي يجي بيها مينثول او ليدو او حتلو عادية حتى توقف حرقة الفم
4:-شراب للسعال حسب نوع السعال

5:-مضاد حيوي اذا كان طفل صغير حيل او رجال كبير حيل (تجنب للعدوى الثانويه البكتيريا)
6:-حبوب فيتامين C تسرع من الشفاء

6,820

Ahmed pharmacy

Apr 14, 2026, 12:00 AM

اخواني حتى ما تدوخون

اجتكم حامل وعدها هاي اعراض نزلات البرد او الانفلاونزا

الشرابات الامنة للحمل واحد منهن👇
شراب سيدلار (للسعال الجاف)
شراب سيلفودين (للسعال الرطب)
بروسبان (للجاف والرطب)

مضادات الاحتقان الامنة واحد منهن👇
لوراتادين او الرمين

خافضات الحرارة👇
براستمول ابو 1000mg

اذا عدها انسداد بالانف👇
قطرة كلوريد الصوديوم (بيبي سلاين)

اشياء اخرى👇
كذلك حبوب فيتامين C تسرع الشفاء
وحبوب مص نعناع
ذني صرفوهن للحمل امنات حفظوهن❤️

7,560

141

Ahmed pharmacy

Apr 2, 2026, 03:01 PM

📷 Photo

ليش اغلب الي عدهم خرف سمعهم ثقيل؟
تحجي ويا يضل يسوي ها؟ ها؟ ما يسمع زين

او ليش الي ميسمع زين ينصاب بالخرف؟

السمع من يضعف الدماغ راح يضطر يبذل جهد جبير لفهم الكلام فتنشغل كل المناطق المسؤولة عن الذاكرة والانتباه والتركيز حتى يفهم الأصوات بدل ما يخزن المعلومات

يعني كل قوة الدماغ وجهدة راح يخلصها حتى يفهم الاصوات ،،،والجهد مال خزن المعلومات يقل

يعني قله السمع تخلي الخلايا العصبية المسؤلة عن الخزن والذاكرة تضعف تدريجي

7,700

Showing 16 of 16 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

FEATURED

Loading recommended channels...

Ahmed pharmacy

Ahmed pharmacy

Ranking

Participant Growth (Last 9 Days)

Latest Posts

Rating

User Reviews (0)

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

User Reviews (0)

Latest Posts