ቤተ ቅዱስ ዮሐንስ አፈወርቅ

Public

View Channel

1.7K

14.9K

Can't Join? @beteafework

52.9k Members

Updated: May 11, 2026 at 10:57 PM

ቤተ ቅዱስ ዮሐንስ አፈወርቅ

በዚህ ቻናል የቅዱስ ዮሐንስ አፈወርቅ ትምህርቶች እና የአበው ቀደምት የተናገሯቸው መንፈሳዊ ንግግሮች እንዲሁም ልዩ ልዩ ሐይማኖታዊ ትምህርቶችና መልዕክቶች ይተላለፉበታል፡፡

Join @beteafework for exclusive Medical content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 12 Days)

Total: 52.9K

24h growth: +0 0%

Latest Posts

ቤተ ቅዱስ ዮሐንስ አፈወርቅ

May 12, 2026, 12:42 AM

📷 Photo

"የብርሃናት ንጉሥ ብርሃን ኢየሱስ ክርስቶስን ለመውለድ ዛሬ የብርሃን እናት ቅድስት ድንግል ማርያም በእውነት ተወለደች። ከሊባኖስ ተራሮች ርግብ ጸዐዳ ተወለደች፤ በሔዋን ምክንያት የተዘጋው የሕይወት መንገድ ይከፈትልን ዘንድ የሕይወት እናት ዛሬ ተወለደች፡፡ የዓለም ብርሃን ኢየሱስ ክርስቶስን ከእርሷ ይወለድ ዘንድ እመብርሃን ዛሬ ተወለደች፡፡

ኢያቄምና ሐና ዳግሚት ሰማይ ተብላ የተጠራችውን ድንግልን ወለዱ፤ እውነተኛው ፀሐይ ኢየሱስ ክርስቶስ ከእርሷ ይወለድ ዘንድ እመ ፀሐይ (የፀሐይ እናት) ቅድስት ድንግል ዛሬ ተወለደች፤ ብርሃንን ለማስገኘት መወለድ መታደል ነው፤ ከሰው ልጆችም መካከል መመረጥ ዕፁብ ድንቅ ነው፤ የመድኃኔዓለም እናት ለመሆን መወለድ ሰማያዊ ፀጋ ነው።

በእውነት እመብርሃን ቅድስት ድንግል ማርያም የእግዚአብሔር ስጦታ ናት። ንጽሕተ ንጹሐን ቅድስተ ቅዱሳን እመብርሃን ዛሬ ተወልዳልናለችና ደስ ይበለን እልልም እንበል።"

የአለሙን ሁሉ መድኃኒት ለወለደች ለብርሃናት ጌታ እናት በቀራንዮ በመስቀሉ ስር እናት ትሆነን ዘንድ ለተሠጠችን ለመመኪያችን ዘውድ ለተወዳጇ ለቅድስተ ቅዱሳን እናታችን ልደት በዓል እንኳን አደረሰን

( Orthodox and Bible fb page)

6,520

132

ቤተ ቅዱስ ዮሐንስ አፈወርቅ

May 12, 2026, 12:42 AM

📷 Photo

7,130

139

ቤተ ቅዱስ ዮሐንስ አፈወርቅ

May 12, 2026, 12:42 AM

#New #አወዛጋቢው_የፓትርያርክ_ሹመት #አስደናቂው_ራሱን_የሻረው_ሰው #ክፍል2 @ሰንበትTube  #ኦርቶዶክስ_ተዋሕዶ
https://youtu.be/Ptb6wjG_bu4

6,760

ቤተ ቅዱስ ዮሐንስ አፈወርቅ

May 12, 2026, 12:42 AM

#ልደታ_ለማርያም (#ግንቦት_1)

በግንቦት አንድ በዚህችም ቀን አምላክን የወለደች እመቤታችን ቅድስት ድንግል ማርያም ተወለደች እርሷም ለሰው ሁሉ ወገን ድኀነት የሆነባት ናት። ከወንዶች ወገን የከበረ አባቷም ስሙ ኢያቄም ከሴቶች ወገን የከበረች ሚስቱ ሐና ይባላሉ። ሁለቱም ልጅ በማጣት ሲያዝኑ ኖሩ በዚያ ወራት የመካኖችን መብዓ ካህናቱ አይቅበሉም ነበርና።

እነርሱም ከሰው የሚደርስባቸውን ሽሙጥና ኅዘናቸውን ያርቅላቸው ዘንድ በቀንና በሌሊት ወደ እግዚአብሔር ፈጽሞ ይማልዱ ነበር። ሰውን የሚወድ እግዚአብሔርም ከዘራቸው ለዓለሙ ሁሉ መድኃኒት ይሆን ዘንድ መልካም የሆነ ኀሳባቸውን ተመለከተ።

ክቡር እያቄምም አርባ ቀን እስኪፈጸም በተራራ ውስጥ ቁሞ ሲጸልይ ከእግዚአብሔር የታዘዘ መልአክ ተገለጸለትና ለዓለሙ ሁሉ ድኀነት የሚደረግባት ዘር እንደሚሰጠው አበሠረው።

በፍጹም ልብ አምኖ ከተራራው ወረደ ለተመሰገነች ሚስቱ ለሐናም ከእግዚአብሔር መልአክ የሰማውን ያንን ራእይ ነገራት ቃሉ እውነት እንደሆነ እርሷም አመነች ልዑል እግዚአብሔርንም አመሰገኑት።

የተመሰገነች ቅድስት ሐናም ከእርሷ የሚወለደውን በዘመኑ ሁሉ ለቤተ እግዚአብሔር አገልጋይ ታደርገው ዘንድ ለእግዚአብሔር ስለትን ተሳለች። ከዚህም በኋላ ይቺን የከበረች ሕፃን ፀንሳ ወለደች ስሟንም ማርያም ብላ ሰየመቻት ትርጓሜውም እመቤት ነው ደግሞም ሀብትና ስጦታ ማለት ነው።

በእውነት የዓለሙ ሁሉ እመቤት ናት ሁላችን በእርሷ ሰማያዊ ሀብት ልጅነትን ያገኘንባት። ለእግዚአብሔርም ምስጋና ይሁን የሥጋና የነፍስ መድኃኒት የሆነች እርሷን እናቱን ለሰጠን በረከቷም ከሁላችን የክርስቲያን ወገኖች ጋራ ለዘላለሙ ይኑር አሜን።

(#ስንክሳር_ዘወርኀ_ግንቦት)

7,940

180

ቤተ ቅዱስ ዮሐንስ አፈወርቅ

May 12, 2026, 12:42 AM

7,600

269

ቤተ ቅዱስ ዮሐንስ አፈወርቅ

May 12, 2026, 12:42 AM

6,220

111

ቤተ ቅዱስ ዮሐንስ አፈወርቅ

May 12, 2026, 12:42 AM

#እመቤቴ_ሆይ፤ ባትወለጂ እግዚአብሔርን በሥጋ ተገልጦ እናየው ነበርን? በፍጹም። አንቺ ባትወለጂ ፍቅር፣ ምሕረት እና ፍጹም መልካምነት በእውነት ሥጋን ነሥተው በክርስቶስ እናይ ነበርን? በፍጹም። አንቺ ባትወለጂ የእግዚአብሔርን ጸጋ እና ንጽሕና በሰውነት ተገልጦ እናይ ነበርን? በፍጹም። ይኸውም ያንቺ የቅድስና ሕይወት ነው። ከሊቃውንት አንዱ የአንቺ አንዲቷ ትንፋሽ ከቅዱሳን ሁሉ ገድል፣ ምስጋና እና ምልጃ ሁሉ የከበረች እንደሆነች ተናገረ። ይህ ሁሉ ከሰው ኅሊና ስለሆነው ንጽሕናሽ ነው። በዘወትር ቋንቋችን አንቺን "ንጽሕት" ብቻ ማለት ንጽሕናን ማጉደፍ ይሆናል እኮን። ከእግዚአብሔር ቀጥሎ ያንቺ ንጽሕና እና ቅድስና በቃል ከመነገር ይልቅ፤ በዝምታ የልብ ለኆሳስ ቢመሰገን የተገባ ነው። አንቺ ባትወለጂ የእግዚአብሔር ትእዛዝ በምልዓት ሲፈጸም፤ ሕጉ ሲደረግ ምን እንደሚመስል በምን እናውቅ ነበር?

አንቺ ባትወለጂ የክህነት ንጽሕና በምን ይጠበቅ ነበር? አንቺ ባትወለጂ የንስሐ መንገዱን ማን ያመለክተን ነበር? አንቺ ባትወለጂ ያንቺ መታዘዝ፡ የእኛን ዐመጸኛነት እንዴት ይገስፀዋል? አንቺ ባትወለጂ ያንቺ ትሕትና፡ የኔን ትዕቢት ይሰብረው ዘንድ እንዴት ይቻለዋል? ስለ አምላካዊው ኀይሉ፤ ጠላት ሰይጣን ለልጅሽ ይገዛል። የልጅሽ የክርስቶስን ስም ሲሰማ ይንቀጠቀጣል። አንቺ ግን በትሕትናሽ ሰይጣንን አራድሽው። እርሱ መንፈስ ሲሆን "ሥጋ ለባሽ" ብሎ በሚንቃት "በአንዲት ሴት" መሸነፉ ሁልጊዜም ግራ ይገባዋል። ስምሽን የሚጠሩ ሰዎች ፊትም መቆም አይቻለውም። ስምሽን ሲጠሩ ኀይላቸውን ትተው ኀይልሽን ይይዛሉና። ይኸውም እግዚአብሔር ነው። ስምሽን ሲጠሩ ትዕቢታቸውን ጥለው በትሕትናሽ ይጋረዳሉና። ስምሽን ሲጠሩ ጥርጣሬያቸውን በሃይማኖትሽ ያሸንፋሉና። በንጽሕና ቀሚስሽ ስለ እድፈታቸው ከሚከሳቸው ይጋረዳሉና። ሰይጣን ከእነርሱ ዘንድ አይቀርብም። እመቤቴ ሆይ አንቺ ባትወለጂ ከመልካሙ ሁሉ በአፍአ በቀረን ነበር እኮን። አሁንም "መጥተን" ሳለን የቀረን አታድርጊን። እኛ ራሳችንን ብንተው፤ አንቺ አትተዪን። እኛ ብንርቅ፡ አንቺ አትራቂን። እኛ ብንዘነጋ፡ አንቺ አትዘንጊን። መሐርነ፡ ወተሣሃልነ!

(ምንጭ፦ Micky Asres)

7,860

119

ቤተ ቅዱስ ዮሐንስ አፈወርቅ

May 12, 2026, 12:42 AM

📷 Photo

በሰሜን ወሎ ሀገረ ስብከት በራያ ቆቦ ወረዳ ቤተክህነት ስር ለሚገኘው ከእናንተ ከቤተ ቅዱስ ዮሐንስ አፈወርቅ የቴሌግራም ቻናል አባላት የሚከተሉት ንዋየ ቅድሳት ተገዝተው ተልከዋል።

በመግዛትና በማሠራት የተላከ ሲሆን የተረፈው

በዚህ ሊዘጋ በተቃረበ ቤተክርስቲያን እንዳይዘጋና አገልግሎቱ እንዲቀጥል በማድረጉ በጎ ሥራ

7,950

102

ቤተ ቅዱስ ዮሐንስ አፈወርቅ

May 12, 2026, 12:42 AM

ልጆቼ! የእግዚአብሔር ትእዛዝ እንዴት ቀላል እንደሆነ የምታስተውሉ ሁኑ፡፡ ነው የሚለን፡፡

በጣም የሚያቀለው ደግሞ እነዚህን ቀላል ትእዛዛት በራሳችን ጥረት የምናደርጋቸው አይደሉም፡፡ ምክንያቱም በቃሉ "ያለ እኔ ምንም ልታደርጉ አትችሉም" ስለሚለን ጸጋ መንፈስ ቅዱስን አጋዥ አድርገን ነው፡፡ እንግዲያውስ ድሀ ስለሆንኩ እነዚህን ማድረግ አልችልም ብለን ራሳችን ሰነፎች የምናደርግ አንሁን፡፡ ሺህ ጊዜ ደሀ ብንሆን ሁለት ሳንቲም ከሰጠችው መበለት በላይ ድሀ ልንሆን አንችልምና፡፡ ስለዚህ ስንፍናን ከእኛ እናርቅ፡፡

ልጆቼ! እነዚህን በእርሱ እርዳታ ስላደርግንስ ምን እንደምንባል ትገነዘባላችሁን? “ ካላደረግንስ? “እናንተ ርጉማን ከእኔ ዘንድ ሂዱ!” እንግዲያውስ ለእኛ ሳይሆን ለሰይጣንና ለመላእክቱ የተዘጋጀውን እሳት ከሚያገኘን ዓለም ከተፈጠረ ጀምሮ ለእኛ የተዘጋጀውን መንግሥት እንወርስ ዘንድ ዛሬ አብዝተን ዘይት የምንገዛ እንሁን፡፡ እንደነዚያ ሰነፍ ደናግላን እዚያ መግዛት በማይቻልበት ቦታ ሄደን ከምንጠይቅ ዛሬ ሳይመሽብን የሚበቃንን ያህል ዘይት እንግዛ፡፡ ዘይቱ የሚገዛውስ የት ነው? የታመሙት ጋር፤ እስረኞች ጋር፤ ቁርና ሀሩር በሚፈራረቅባቸው ወንድሞቻችናነ እኅቶቻችን ጋር፡፡

ልጆቼ! እንደ ነዌ እዚህ ምድር ባለጸጎች ሆነን ያኔ ከምንለምን ዛሬ አልዓዛርን ልናስበው ይገባል፡፡

(ቅዱስ ዮሐንስ አፈወርቅ)

8,710

167

ቤተ ቅዱስ ዮሐንስ አፈወርቅ

May 12, 2026, 12:42 AM

8,590

280

ቤተ ቅዱስ ዮሐንስ አፈወርቅ

Mar 30, 2026, 09:35 AM

ኑ! ያለንን በማካፈል በዓለ ትንሳኤን ጧሪ ቀባሪ ከሌላቸው፣ ከነዳያን፣ ከተፈናቃዮችና ከአብነት ተማሪዎች ጋር በወልድያ ደብረ ሰላም መድኃኔዓለም በፈለገ ሰላም ሰንበት ትምህርት ቤት አብረን እናክብር።

በዚህ ነዳያንን የማስፈሰክ ሂደት፦

ሰንበት ት/ቤታችን የማስፈሰክ ሥራ ይሰራል ለመሳተፍ የምትፈልጉ በሚከተለው አካውንት አማካኝነት ተሳትፎ ታደርጉ ዘንድ በእግዚአብሔር ስም እንጠይቃለን።

ስልክ፦
➛ ሙሉጌታ ዱባለ (የሰ/ት/ቤቱ ሰብሳቢ) - 0920187706

ተጨማሪ ጥያቄ ካለዎትና ገቢ ያደረጉበትን ለመላክ https://t.me/natansolo ይጠቀሙ

አምላከ ቅዱሳን ለብርሃነ ትንሳኤው በሰላም ያድርሰን።

6,760

ቤተ ቅዱስ ዮሐንስ አፈወርቅ

Mar 30, 2026, 09:35 AM

"ጾምህና ምጽዋትህ ሁለት ዋጋ አላቸው፡፡ ከሰው ክብርን ሽተህ የምትጾም ከሆነ ኃጢአት በአንተ ላይ እንድትበረታ ደንቁርናህም እጅግ ጽኑ እንዲሆን እወቅ፡፡ ነገር ግን ይህ ኃይለ ቃል “ለእናንተ በሰማይ መዝገብ ሰብስቡ መዝገብህ ባለበት ልብህ ደግሞ በዚያ ይሆናልና፡፡” (ማቴ.6፥21) ብሎ ጌታችን ካስተማረው ትምህርት ጋር አንድ ዓይነት ትርጉም ያለው ነው፡፡

ጾምና ምጽዋታችን በከንቱ ፈቃዳችን ምክንያት ለኃጢአት አሳልፎ እንዳይሰጠንና በደላችንንም እጥፍ ድርብ እንዳያደርግብን አምላካችን ይህን ማስተዋል ዘወትር ይሰጠን ዘንድ በዚህ የጦም ወቅት እንለምነው፡፡

ለወደደንና በእኛ ጥቂት ድካም ዘለዓለማዊ ዋጋን ለሚሰጠን ለእርሱ ምስጋና ይሁን ዛሬም ዘወትርም  ለዘለዓለሙ አሜን፡፡

#ቅዱስ_ኤፍሬም

7,860

149

ቤተ ቅዱስ ዮሐንስ አፈወርቅ

Mar 30, 2026, 09:35 AM

በውጊያ ላይ የቆሰለ ወታደር ቁስሉ ይድንለት ዘንድ ለሐኪም ማሳየትን አያፍርም፡፡ ንጉሡም ቢሆን ከቁስሉ የዳነን ወታደር ወደ ሰራዊቱ መልሶ ይቆጥረዋል እንጂ አይተወውም፡፡ እንደዚሁ ሁሉ ጠላታችን ሰይጣን ያገኘው፣ በኃጢአት የጣለው ሰውም ኃጢአቱን በመናዘዝ የንስሐን መድኃኒት ተቀብሎ መዳንን ማፈር የለበትም፡፡

ቆስሎ ቁስሉን መናገር ያፈረና በቶሎ መድኃኒት ያልተደረገለት ወታደር ቁስሉ ወደ ካንሰር ይለወጥና አመርቅዞ መላ ሰውነቱን በመምታት ይጎዳዋል፡፡ ጉዳቱን ቶሎ የተናገረ ታማሚ ግን ታክሞ በመዳን ወደ ጦር ሜዳው ይመለሳል፡፡ ቁስሉን ባለመታከሙ ወደ ካንሰር የተለወጠበትና ያመረቀዘበት ሰው ግን ሊድን አይችልምና ወደ ጦር ሜዳው ሊመለስ አይችልም፡፡

እንደዚሁ ሁሉ በተጋድሎ ውስጥ ያለ ሰው እንደ ወታደር ነው። በተጋድሎ ውስጥ ያለ ሰው በኃጢአት ወድቆ "በኃጢአት ወድቄአለሁ" ብሎ የተናዘዘ የንስሓን መድኃኒት ያገኛል፡፡ ኃጢአቱን የደበቀ ግን ሊድን አይችልም፡፡ ምክንያቱም ታማሚው መድኃኒት አግኝቶ ከቍስሉ ሁሉ ይድን ዘንድ በሽታውን ሁለት ዲናር ወስዶ ለሚያክመው ባለ መድኃኒት አልተናገረምና።"

(ቅዱስ አፍርሐት ዘሶርያ - በእንተ ንስሐ ገጽ 52)

7,300

137

ቤተ ቅዱስ ዮሐንስ አፈወርቅ

Mar 30, 2026, 09:35 AM

በኃጢአት የወደቀ ሰው ምክሩን ሰምቶ ቢመለስ እግዚአብሔርም ሊያመጣበት ካሰበው ቅጣት ይቅር እንደሚለው፣ ከኃጢአቱም ፊቱን እንደሚመልስ ‹‹አጠፋቸውና እደመስሳቸው ዘንድ በሕዝብ ላይና በመንግሥት ላይ ቁርጥ ነገርን ተናገርሁ፤ ስለ እነርሱ የተናገርሁባቸው ሕዝብ ከክፋታቸው ቢመለሱ፣ እኔ አደርግባቸው ዘንድ ካሰብሁት ክፉ ነገር እጸጸታለሁ›› (ኤር ፲፰፥፯፦ ፲) በማለት ተናገረን፡፡

በንስሐ ለመጣ ሰው በያዛችሁት ቁልፍ የመንግሥተ ሰማያትን በር ክፈቱለት፡፡ ስለዚህ የተመሰገነው ሐዋርያ ‹‹ወንድሞቻችን ሆይ ከእናንተ ወገን የተሳሳተ ሰው ቢኖር በመንፈስ ቅዱስ የጸናችሁ እናንተ እንዳትሳሳቱ ለራሳችሁ እየተጠበቃችሁ እንደዚህ ያለውን ሰው ቅንነት ባለው ልቡና አጽኑት›› (ገላ 6፥1) በማለት ይመክራል፡፡

በዚህ ምክሩ ላይም መንጋውን የምትጠብቁ ካህናት ስለ ራሳችሁም መጠንቀቅ እንዳለባችሁ እያስጠነቀቀ ነው፡፡

ሐዋርያው ስለ እራሱ ሲናገርም ‹‹ነገር ግን ለሌላ ሳስተምር እኔ እራሴ የተናቅሁ እንዳልሆን ሰውነቴን አስጨንቃለሁ፣ ሥጋዬንም አስገዛለሁ›› (1ቆሮ 9፡27) በማለት መምህራንም ለሌላው አርአያ መሆን እንጂ መሠናክል መሆን እንደሌለባቸው ይመክራል፡፡ ነገር ግን እናንተ በወንድማዊ ፍቅር ቀርባችሁ በመምከርና በመገሰጽ ወደ መንገድ መልሱት እንጂ (2ተሰ 3፥15)፡፡

8,090

ቤተ ቅዱስ ዮሐንስ አፈወርቅ

Mar 30, 2026, 09:35 AM

📷 Photo

#የመንፈሳዊ_ጉባኤ_ጥሪ_ለሕዝበ_ክርስቲያን

'እስከመጣ ድረስ ለማንበብና ለመምከር ለማስተማርም ተጠንቀቅ።' (1ኛ ጢሞ. 4፥13)

​እነሆ በወልድያ ደብረ ሰላም መድኃኔዓለም ካቴድራል ልዩ መንፈሳዊ ጉባኤ ተዘጋጅቶ ይጠብቃችኋል። የሰሜን ወሎ፣ የደቡብ ወሎ እና የከሚሴ አህጉረ ስብከት ሊቀ ጳጳስ ብፁዕ አቡነ ኤርምያስ እንዲሁም ታዋቂ መምህራነ ወንጌል በተገኙበት፤ ከመጋቢት 18 እስከ 20/2018 ዓም ድረስ የሚቆይ ልዩ መንፈሳዊ ጉባኤ ተደግሷል።

#በዕለቱ_በግፍ_የተሰው_አባታችን_በልዩ_ሁኔታ_ይታሰባሉ!

እርስዎም ​በየዕለቱ ከቀኑ 8:30 ጀምሮ በወልድያ ደብረ ሰላም መድኃኔዓለም ተገኝተው የነፍስ ምግብን ይመገቡ፤ ይባረኩ።

8,600

ቤተ ቅዱስ ዮሐንስ አፈወርቅ

Mar 30, 2026, 09:35 AM

7,120

157

ቤተ ቅዱስ ዮሐንስ አፈወርቅ

Mar 30, 2026, 09:35 AM

እስከዚህ ሰዓት 50,140 ብር ደርሰናል... እነዚህን ቅዱሳት መጻሕፍቱን ገዝተናል ልብሰ ተክህኖ ይቀረናልና ተባብረን እንሙላ! ለመሣተፍ የሚፈልግ በውስጥ መስመር @natansolo አናግሩኝ። እንድታውቁት መጽሐፈ ቅዳሴ (1) - 2300 መጽሐፈ ግንዘት (1)  2350 ግብረ ሕማማት (3) 4300×3=12900 ስንክሳር የዓመቱ = 4000 ለልብሰ ተክህኖ 36500 (ያልሞላልን ያልተገዛ) በጠቅላላው…

7,120

ቤተ ቅዱስ ዮሐንስ አፈወርቅ

Mar 30, 2026, 09:35 AM

አምላካችን ንስሓን የሚንቅ አይደለምና፡፡ የነነዌ ሰዎች በደላቸው በበዛች ጊዜ እግዚአብሔር ነቢዩ ዮናስን ልኮ እንደሚያጠፋቸው ነገራቸው፤ እነርሱም እግዚአብሔርም ጥፋታቸውን ትቶ በምሕረት ዓይኖቹ ተመለከታቸው (ዮና 1፥2 ፣ 3፥1-6)፡፡

የእስራኤል ልጆችም ኃጢአትን ባበዙ ጊዜ ወደ ንስሐ ይመለሱ ዘንድ ተናግሯቸዋል፡፡ እነርሱ ግን አልተቀበሉትም፡፡ ስለዚህም በነቢዩ በኤርምያስ ‹‹ክዳተኞች ልጆች ሆይ! ተመለሱ፤ ቁስላችሁንም እፈውሳለሁ» (ኤር. 3፥22) አለ፡፡ ዳግመኛም በኢየሩሳሌም ጆሮ ‹‹ከዳተኛይቱ እስራኤል ወደ እኔ ተመለሽ›› (ኤር.3 ፥12) አለን፡፡

የእስራኤል ልጆችን አለ (ኤር.4፥3-4)፡፡

እነርሱ አልመለስ ስላሉም ባሏን ትታ በሔደች ሴት ምሳሌነት ‹‹ሰው ሚስቱን ቢፈታ ከእርሱም ዘንድ ሔዳ ሌላ ወንድ ብታገባ በውኑ ደግሞ ወደ እርሱ ትመለሳለችን? ያቺ ሴት እጅግ የረከሰች አይደለችምን? አሁንም እንደ ጌታሽና እንደ አባትሽ፤ እንደ ልጅነት ባልሽም አልጠራሽምን? ቁጣው ለዘለዓለም ይኖራልን? እስከ ፍጻሜስ ድረስ ይጠብቀዋልን?... ከዳተኛይቱ እስራኤል ያደረገችውን አየህን? ወደ ረዘመው ተራራ ሁሉ ወደ ለመለመ ዛፍም ሁሉ በታች ሔደች፤ በዚያም አመነዘረች፡፡ ይህንም ሁሉ ካደረገች በኋላ ወደ እኔ ተመለሽ አልኳት፤ ነገር ግን አልተመለሰችም›› (ኤር ፫፥፮፦ ፯) በማለት ወደ እርሱ ይመለሱ ዘንድ ወቀሳቸው፡፡

ሆኖም አሁንም ቢሆን እንደማይተዋቸው ሲነግራቸው ‹‹ወደኔ ተመለሱ እኔም ወደ እናንተ እመለሳለሁ›› (ሚል ፫ ፥፯፤ ኤር ፫ ፥ ፲፪) በማለት እንደጠራቸው፣ ንስሐቸውንም ተቀብሎ እንደሚምራቸው ነገራቸው። ዳግመኛም በእናንተ ላይ ያወጣሁትን ህግ እሽራለሁ። አለ።

እግዚአብሔር መንፈስ ቅዱስ በነቢዩ አድሮ ሁሉም በሥርዓት እንዲኖሩ ‹‹ዳድቅ ከጽድቁ ተመልሶ ኃጢአት ቢሠራ ይሞትበታል፡፡ ኃጢአተኛውም ከኃጢአቱ ተመልሶ ፍርድንና ጽድቅን ቢያደርግ በሕይወት ይኖርበታል›› (ሕዝ ፴፫ ፥ ፲፰) በማለት ጻድቁ ከጽድቅ ሥራው ተመልሶ ኃጢአት እንዳይሠራ ሲያስጠነቅቅ ለኃጢአተኞች ደግሞ የንስሐን ተስፋ ሰጠ፡፡

ዳግመኛም በነቢዩ ሕዝቅኤል (ሕዝ ፫፥፲፯) ምክንያቱም አላስጠነቀቅኸውምና፡፡ ‹‹ነገር ግን ከመንገዱ ይመለስ ዘንድ ኃጢአተኛውን ብታስጠነቅቀው እርሱም ከመንገዱ ባይመለስ በኃጢአቱ ይሞታል፤ አንተ ግን ነፍስህን ታድናለህ›› (ሕዝ ˚ ፫ ፥፲፯-፳፩) በማለት ሁሉም ሰው ኃጢአተኛውን ከኃጢአቱ እንዲመለስ መምከር እንዳለበት ተናገረ፡፡

9,100

ቤተ ቅዱስ ዮሐንስ አፈወርቅ

Mar 30, 2026, 09:35 AM

እስከዚህ ሰዓት 50,140 ብር ደርሰናል... እነዚህን ቅዱሳት መጻሕፍቱን ገዝተናል ልብሰ ተክህኖ ይቀረናልና ተባብረን እንሙላ! ለመሣተፍ የሚፈልግ በውስጥ መስመር @natansolo አናግሩኝ። እንድታውቁት መጽሐፈ ቅዳሴ (1) - 2300 መጽሐፈ ግንዘት (1)  2350 ግብረ ሕማማት (3) 4300×3=12900 ስንክሳር የዓመቱ = 4000 ለልብሰ ተክህኖ 36500 (ያልሞላልን ያልተገዛ) በጠቅላላው…

7,160

ቤተ ቅዱስ ዮሐንስ አፈወርቅ

Mar 30, 2026, 09:35 AM

የጠላት ፍላጻ ያገኛቸው ሰዎች ደዌአቸውን ለባለ መድኃኒቶች ለማሳየት ፈቃደኞች ካልሆኑ ግን ባለ መድኃኒቶቹ ‹ የሚል ወቀሳ የለባቸውም፡፡ የቆሰሉትም ቢሆኑ ቁስላቸውን ደብቀው የጦሩን ልብስ መልበስ አይችሉም። ምክንያቱም የቁስላቸው ደዌ መላ ሰውነታቸውን መርዟልና፡፡

ሰውነታቸው ተመርዞ እያለ የጦሩን ልብስ ለብሰው ወደ ውጊያው ቢገቡም ቁስላቸው አመርቅዞ ክንዳቸው ይዝልና በውጊያው ውስጥ ይገደላሉ፡፡ በአስከሬናቸው ላይም የቀደመ ቁስል በተገኘባቸው ጊዜ ሁሉም ይሳለቅባቸዋል፡፡ ‹‹በደለኛና አታላይ›› ናቸው በመባልም አስከሬናቸው ወደ ውጭ ይጣላል፡፡

ታክሞ ከበሽታው የዳነ ወታደር ግን ቀድሞ የቆሰለበት ቦታ ላይ ዳግመኛ እንዳይወጋ ይጠነቀቃል፡፡ ምክንያቱም ቀድሞ የተወጋበት ቦታ ላይ ዳግመኛ ከተወጋ ለባለ መድኃኒቱ ቁስሉን ማዳን አዳጋች ይሆንበታልና፡፡ ቁስሉ እንኳ ቢድን ጠባሳው ይቀራል፡፡ በዚህ ጊዜ ታማሚው ከቁስሉ ቢንድን እንኳ ዳግመኛ የጦሩን ልብስ መልበስ አይችልም፡፡ ደፍሮ የጦሩን ልብስ ከለበሰ ደግሞ እራሱን ለወቀሳ አሳልፎ እንደሰጠ ሁሉ ይጸጸታል፡፡

እናንተ የክርስቶስን የጦር ዕቃ የለበሳችሁ ሆይ እንግዲህ ተሸንፋችሁ በጦርነቱ ውስጥ እንዳትወድቁ የጦርነትን ጥበብ ተማሩ! ጠላታችን ተንኮለኛና ጥበበኛ ነውና፡፡ ነገር ግን ክንዱ ከክንዳችን የደከመ ነው፡፡

ስለዚህ ከእሱ ጋር ወደ ጦርነት እንገባ ዘንድ ይገባናል፡፡ ለማሸነፍ ግን ሁል ጊዜ ዝግጁዎች ሆነን መጠበቅ አለብን፡፡ ውጊያችን እንደ እኛ ሥጋና ደም ካለው ጋር አይደለም፡፡ ስለዚህ ጠላታችንን ወደሚያየው እንጠጋ፡፡ እርሱ ከእኛ ያርቀዋል፡፡

እንግዲህ እናንተ በጦርነት ውስጥ የተወጋችሁ ሆይ አጥብቄ እመክራችኋለሁ፡- ‹‹በጦርነቱ ውስጥ ወደቅን›› ማለትን አትፈሩ! መድኃኒቱን በነፃ ውሰዱ፡፡ ንስሓ ግቡ፤ ክፉ ሳያገኛችሁ በፊት በሕይወት ኑሩ፡፡ መጽሐፍ" ላይ ጥበበኛው ባለ መድኃኒት ኃጢአተኞችን እንደማይተዋቸው እንደ ተናገረ ላስታውሳችሁ!

አዳም በበደለ ጊዜ ‹‹አዳም ወዴት አለህ?›› ብሎ ወደ ንስሓ ጠራው (ዘፍ 3፥8)፡፡ አዳምም ኃጢአቱን ባለመናዘዙ በእርሱ እና በልጆቹ ሁሉ ላይ ሞት ተፈረባቸው (ዘፍ 3፥10-19)፡፡

ቃየል በተንኮል የተሞላ ነውና ያቀረበው መስዋዕት በእግዚአብሔር ፊት ተቀባይነትን አላገኘም፡፡ እግዚአብሔርም የንስሓ ጊዜን ሰጠው፡፡ እርሱ ግን አልተቀበለም፡፡ አለው (ዘፍ 4፥7)፡፡

ቃየልም በልቡናው ክፋት ተነሳስቶ ወንድሙ አቤልን ገደለውና ‹‹በምድር ላይ የተረገምህ ነህ፣ ምድርን ባረስህ ጊዜ እንግዲህ ኃይሏን አትሰጥህም፤ በምድር ላይ ኮብላይና ተቅበዝባዥ ትሆናለህ›› (ዘፍ 4፥11-12) ተብሎ ተረገመ፡፡ በኖኅ ጊዜ ለነበሩ ሰዎችም ንስሓ ይገቡ ዘንድ መቶ ሃያ ዓመታትን ሰጣቸው (ዘፍ 6፥3)፡፡ እነርሱ ግን ንስሓ አልገቡም፡፡ መቶው ዓመት ሲጠናቀቅም አጠፋቸው (ዘፍ 7፥23)፡፡

9,220

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

FEATURED

Loading recommended channels...

ቤተ ቅዱስ ዮሐንስ አፈወርቅ

ቤተ ቅዱስ ዮሐንስ አፈወርቅ

Ranking

Participant Growth (Last 12 Days)

Latest Posts

Rating

User Reviews (0)

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

User Reviews (0)

Latest Posts