Medical Analysis 🧪🔬

Public

View Channel

1.7K

14.9K

Can't Join? @MedicalAnalysis12

14.7k Members

Updated: May 13, 2026 at 12:34 AM

Medical Analysis 🧪🔬

السلام عليكم ورحمه الله وبركاته ؛ عملك كمختبري او طبيب 👨‍⚕️يستدعي منك تكون شديد الحرص ع نتائج تحاليلك ومرضاك🔐 وحسن التعامل لان عملك انساني يرتبط ارتباط وثيق باارواح الناس🦋 واهم من هذا تحب مهنتك 🔬😍 بالتوفيق للجميع 🌹💜 @Sala7saad

@MedicalAnalysis12 offers specialized information about sala7saad for subscribers interested in Medical

Ranking

Global Ranking

#456

Language Ranking

#45

Category Ranking

#23

-1

Participant Growth (Last 11 Days)

Total: 14.7K

24h growth: +0 0%

Latest Posts

Medical Analysis 🧪🔬

May 11, 2026, 07:24 AM

📎 File

خطورة تعديل النتائج

1,160

Medical Analysis 🧪🔬

May 11, 2026, 07:24 AM

السلام عليكم ورحمه الله وبركاته ✋

س👈لو درجه حراره التلاجه قلت عن صفر ايه الكيتس اللي هيتاثر وايه اللي مش هيتأثر ؟؟؟

الاجابه 👇

مبدايا لو الكت تلج ف هيخرب ويبوظ لان اكيد الاستابيلتي بتاعته هتقل

انا طبيعي لو حد سألني بقوله استخدم كونترول وشوف النتائج قاريه في التارجت او قريبه منه ولا لاه ولو قرات في التارجت او قريب منه ف ان شاء الله كمل شغل بيه وابقي شيك باستمرار عليه لان ممكن الاستابيلتي تقل مع الوقت

ولو مافيش كونترول ممكن ترسل عينات لمكان يكون شغال بكونترول وتقارن بيه نتيجتك ✋

كمان مهم تعرف ان درجه الحراره المثلي للثلاجه هي من 2-8 فلو قلت درجه الحراره عن 2 هيحصل خلل اكيد في الاستابيلتي بتاعت الكت عندي

بس لازم نكون فاهمين الاتي

لو قلت درجه الحراره بتاعت الثلاجه عن صفر في فصل الصيف وموصلتش لدرجه بدايه التجميد اللي هي -1.5 تقريبا ف مش هنلاقي تأثير علي الكت اما لو في فصل الشتاء في الوضع هيختلف اكيد لان في فصل الشتاء نظرا لبروده الجو ف ال -1.5 دي مع درجه حراره جو قليله ممكن الكت يتلج ف بالتالي ممكن يخرب حتي لو مخربش كله ف اكيد الاستابيلتي بتاعته هتقل مع الوقت

اذا المتحكم هنا درجه حراره الجو مع استخدام كونترول للكت دا

س👈ايه درجه حراره الثلاجه المناسبه عندي لحفظ الكتات سواء في فصل الصيف او فصل الشتاء ؟؟؟؟

الاجابه 👇

درجه حراره الثلاجه اتفقنا من 2-8

ف انت اظبط تلاجتك في الصيف علي درجه حراره 2 وفي الشتا ارفعها ل 7 او 8

طبعا بنعمل كدا لان اكيد الجو ودرجته بياثروا علي درجه حراره الثلاجه

س👈احافظ ازاي علي الكت حتي اخر قطره ؟؟

الاجابه 👇

لو الكت جيد وشركه كويسه حاجتين مهمين هتتجنبهم للحفاظ علي الكت

1- الحفاظ عليه من التلوث

2- الحفاظ عليه من التجميد

س👈هل في محاليل ممكن تحفظ في الفريزر ؟؟

اكيد 👇

المحاليل البودره اللي بتتحل ممكن نقسمها نحفظها في الفريزر عادي

واحيانا بعد الاستندرات بنقسمها ايضا ونحفظها في الفريزر

بس المحاليل اللي بتتحفظ في الفريزر لو خرجت منه مينفعش تتجمد تاني لان الاستابيلتي بتقل

س 👈هو ليه المعظم بيشتكي من الحفظ في الفريزر سواء من نتائج بعض العينات او حفظ بعض المحاليل ؟؟؟

الاجابه 👇

بإختصار لاننا لم نحافظ علي درجه التجميد او درجه حراره الفريزر زي ما البامفلت بيقول ف معظمنا بيستخدم الفريزر بدون ما يعلم كم درجه الحراره

ف الحفظ الامثل اما -18 او -19 او -20

او الحفظ لمده اطول -70

س👈طيب هل ممكن انسي الكت في درجه حراره الغرفه يوم واتنين وثلاثه مثلا ؟؟

الاجابه 👇

طبعا دا بيتحكم فيه عده عوامل

1- درجه حراره الجو

2- هل الكت دا مسموح بيه انه يقعد فتره في درجه حراره الغرفه ولا لاه

لان في بعض كتات تقولك ممكن تتركه في درجه حراره الغرفه مثلا اسبوعين بس بشرط تكون درجه حراره الغرفه من 18-25

اذا المتحكم هنا درجه حراره الجو لان طول المده او قصرها بتختلف من الصيف للشتاء

🤏🏿اخيرا الكت يحفظ في مكانه المظبوط ومنع تلوثه بناءا علي كلام البامفلت للحصول علي افضل وادق نتيجه

والله اعلم ✋

#احمد الجابري

Medical Analysis 🧪🔬

May 11, 2026, 07:24 AM

📎 File

استخدام التخفيف ومشاكل التخفيف

1,160

Medical Analysis 🧪🔬

May 11, 2026, 07:24 AM

السلام عليكم
الله يكرمكوا شغلنا مبني علي اليقين والاثبات اكتر من الشك
ف بلاش التقارير اللي بنشوف فيها كلمة trace
الكلمة دي من اكتر الكلمات اللي فعلا بتحير الدكاتره وممكن تخلي الطبيب يشك في شغلك
ممكن اه نكتب الكلمه دي بس في فحوصات معينه وبتكون نورمال زي UB لكن في فحوصات بكتبها بعد ما نطبق شروط الجوده في شغل الفحص دا وبنكتب بعدها كومنت بتكمله فحوصات اخري
انما علي الفاضي والمليان كدا اوفر
يعني مثال بسيط
في تقرير البول
نلاقي الناس عمالة تكتب
بروتين وسكر واسيتون trace
الحاجات دي لو شاكك اعمل الاختبار التأكيديه
#احمد الجابري

1,350

Medical Analysis 🧪🔬

May 11, 2026, 07:24 AM

📷 Photo

1,230

Medical Analysis 🧪🔬

May 11, 2026, 07:24 AM

📎 File

1,180

Medical Analysis 🧪🔬

May 11, 2026, 07:24 AM

السلام عليكم

🤏🏿من غير ال SOP

Standard Operation Procedures

في المعمل هيكون شغلك كله عشوائي وهيحصل اخطاء فادحه

اهميته 👇

👈تتبع الطرق المعمليه الصحيحه في الشغل

👈بنقلل الاخطاء في العمل

👈بنحصل علي جودة عاليه في النتائج

👈سهولة في التدريب والتعليم

👈الجوده اكيد

👈السلامه

اذاً ال SOP معرفته وتطبيقه مش رفاهيه دا امر واجب في المعمل ودا اساس الشغل الصح للحصول علي ادق النتائج

1,130

Medical Analysis 🧪🔬

May 11, 2026, 07:24 AM

السلام عليكم ورحمة الله وبركاته 🤚

س 1 مامعني السكر التراكمي ؟

ج👈يعني نسبه الهيموجلوبين المرتبط بالجلوكوز في كرات الدم الحمراء

س2 بنستخدمه في ايه ؟

ج👈 اولا بنستخدمه كل 3 شهور علشان نشوف هل السكر منتظم او مش منتظم في الدم في فتره الثلاث شهور السابقه

س3 مدلول نتائجه ؟

ج👈 لو النتيجه من 4-5.6 فدا طبيعي

ومن 5.7 حتي 6.4 فدا معرض للسكر

ومن 6.5 فاعلي فدا كدا يشخص بالفعل سكر

كمان لمريض السكر لو النتيجه اعلي من 7 هنا بنقول ان المريض في حاجه مش مظبوطه اما النظام الغذائي او العلاج ولو النتيجه اقل من 7 هنا بنقول مظبط علاجه والنظام الغذائي 🤚

🤏🏿 تعالوا نعرف شويه حالات عن التراكمي بمناسبه السؤال ؟

1- السكر التراكمي العينه تسحب علي اي مانع تجلط او مباشره من الشعيرات الدمويه

2- تحفظ العينه لمده 3 ايام في درجه من 18-25 او 7 ايام في درجه من 2-8

وعند الحفظ في الثلاجه لما نخرجها نتركها ربع ساعه في الغرفه وتقلب جيدا قبل الشغل

3- العينات الدهنيه لاتؤثر علي قراءه السكر التراكمي

4- التكسير ايضا لا يؤثر علي النتيجه وخاصه لو من الدرجه الاولي والتانيه

5- النتيجه لو اقل من 4 تعاد مع عمل كونترول للجهاز

كذلك لو اعلي من 14

6- السكر التراكمي قبل 2009 كان استخدامه فقط في مرضي السكر يعني اللي اتشخصه سكر لكن بعد 2009 قالت ال ADA الجمعيه الامريكيه للسكر انه يستخدم في تشخيص مرضي السكر في البدايه

7- المنجليه والثلاثيميا تؤثر علي التراكمي ف بالتالي المرضي المصابون لايتم عمل التراكمي لهم لان التراكمي عباره عن ارتباط هيموجلوبين A بالسكر ومرضي المنجليه عندهم هيموجلوبين S والثلاثيميا عندهم هيموجلوبين F فبالتالي النتيجه هتطلع قليله ف ممكن نستبدل التراكمي بالفراكتورزامين

8-مرضي انيميا نقص الحديد التراكمي ايضا يتاثر بالزياده

فلو مريض الهيموجلوبين فوق ال 9 مافيش مشكله

ولو من 9 حتي 7 هنا ممكن نعمل التراكمي بس نعرف انه هيتاثر بالزياده

اما لو الهيموجلوبين اقل من 7 لايتم عمل التراكمي ليه 👇👇

سبب ارتفاع HBA1C عند مرضى انيميا الحديد (IDA)

مفيش تفسير علمي ثابت لهذا السبب

لكن في بعض الفرضيات و النظريات اللي اتكلمت عنها :-

1-بتقول أن نقص الحديد يسبب انخفاض للهيموجلوبين فيبدأ ال bone marrow يزود تصنيع ال RBCs فيزداد عددها ويترتب عليه زيادة قيمة السكر التراكمي

2-بتقول ان السبب هو ان نقص الحديد بيسبب تغيير في شكل و تركيب الهيموجلوبين ويترتب عليه سهولة ارتباط الجلوكوز من الهيموجلوبين وبالتالي يترتب عليه زيادة قيمة السكر التراكمي

3-بتقول ان نقص الحديد بيسبب زيادة في نواتج اكسدة الاحماض الدهنية ويترتب عليه زيادة قيمة السكر التراكمي

4-بتقول ان نقص الحديد بيخلي عمر كريات الدم الحمراء RBCs

أطول بسبب خلل الخليق الحيوي لها

9- بنحاولش نربط بين نتيجه السكر التراكمي والصايم مثلا

لان ممكن صايم يبقي 400 وتراكمي 5 وممكن تراكمي 12 وصايم 60

🤏🏿وبيجي هنا السؤال الاشهر عندي حاله السكر الصايم 250 والتراكمي مثلا 5 ازاي او ايه الاسباب ؟

ج👈 في احتمال لعده اسباب

منها

1-باختصار التراكمي بيقيس السكر عند فتره زمنيه سابقه 3 شهور صح

ف ممكن مريض يكون حديث جدا جدا سكر

فملحقش التراكمي يتاثر

علشان كدا الدكتور لما بيكون شايف نتيجه زي كدا بيروح طالب فراكتوزامين

الثاني

2-المريض ضبط علاجه ونظامه الغذائي كويس جدا فتره طويله وبدا الحاله تتحسن والتراكمي يظبط خالص ومره واحده كدا اكل حلويات بكثره او اكل كارب كتير ف خبط السكر فهنا او نسي او غير العلاج لسا التراكمي متاثرش والسكر العادي طبعا بيتاثر بسرعه

3-مريض ثلاثيميا او منجليه

4- ممكن يكون اللي شغال خفف النتيجه ونسي يضرب في المعامل والتخفيف من اكبر كوارث التراكمي

5- خطأ في الشغل

10- ازاي اكتب نتيجه السكر التراكمي 👇👇

من الافضل والصح تكتب تقارير السكر التراكمي في المعمل عندك بالشكل دا 👇

Glycated Haemoglobin (HbA1c)

🤏🏿هتكتب نتيجه التراكمي

Hb A1c وتكتب قدامها النتيجه بالوحده

🤏🏿وتحتها هتكتب متوسط نتيجه السكر في اخر 3 شهور ودا بنجيبه من معادله

eAG(mg/dl) = 28.7*HbA1c- 46.7

وتكتب Mean of blood glucose (in the last 3 months )

وتكتب قدامها نتيجه السكر ب ال mg/dl

وتحت النتيجه بتكتب الكومنت دا 👇

Comments

* Diagnosing diabetes : According to American Diabetes Association : - Normal : less than 5.7%

- Prediabetes : 5.7% to 6.4%

- Diabetes : 6.5% or higher

* Therapeutic goals for glycemic control for diabetic patients : - Goal of therapy ( Controlled diabetic ) : < 7.0%

- Uncontrolled Diabetic : > = 7 %

- Action suggested : > 8.0%

Care must be taken when interpreting any HbA1c result from patients having any cause of shortened erythrocyte survival .

Medical Analysis 🧪🔬

May 11, 2026, 07:24 AM

In these cases even analytically correct results do not reflect the same level of glycemic control that

would be expected

والله اعلم

#احمد الجابري

969

Medical Analysis 🧪🔬

May 11, 2026, 07:24 AM

السلام عليكم

👈بالنسبه لسرعة الترسيب قراءة ال 1/2 ساعه في انابيب ال fast

تعادل قراءة الساعه في انابيب وسترجرين

👈مافيش حاجه اسمها ساعة تانيه في سرعة الترسيب هي ساعة اولي فقط

👈لو جالي تحليل سرعة ترسيب ومش هقدر اشتغلها في وقتها ؟ او لو مافيش عندي مانع التجلط سترات الصوديوم ؟ ايه العمل

🤏🏿هتسحب تحليل سرعه الترسيب علي مانع تجلط ال ايدتا وهيكون التعامل كالاتي 👇

عندك حلين

1- هنسحب العينه علي ايدتا وتقلب جيدا ثم نأخذ منها لكل 400 ميكرو دم نضيف عليهم 100 ميكرو سترات يعني النسبه تكون 4-1

2- ممكن نستبدل السترات لو مش موجوده بمحلول ملحي

وهيكون ايضا التعامل كالاتي

لكل 400 ميكرو دم مضاف عليهم 100 ميكرو محلول ملح

👈نقطه تانيه 👇

ايه فائده ان اسحب صوره الدم علي ايدتا ؟؟؟

لسببين

1- لو انا مش متوفر عندي انابيب سرعة الترسيب

2- لو مش هشتغلها في نفس الوقت وهركن العينه لان ممكن اسحب العينه علي ايدتا واتركها بحد اقصي 24 ساعه في التلاجه ولما اجي اخرجها اتركها ربع ساعه في درجه حراره الغرفه واقلبها جيدا ثم اتعامل معها عادي جدا

👈هل الاديتا هتؤثر علي سرعه الترسيب ؟؟

بالطبع لاه لسببين 👇

1- لان لايحدث تداخل بين موانع التجلط الايدتا والسترات

2- الايدتا المضافه للعينه بتكون قليله جدا جدا يعني لكل 1 مل مضاف له 25 ميكرو ايدتا فهذا لا يؤدي لتخفيف العينه

👈ليه بنفضل لو مريض له تحاليل كثيره وفي منها صوره دم وسرعه ترسيب بنقول للزميل اسحب علي ايدتا وبعد كدا اشتغل منها سرعه ترسيب ؟؟؟

علشان منسحبش كميه دم كبيره من المريض وبعض المرضي بتوسوس من سحب الدم الزايد فكل لما خففت السحب وقللته بيكون افضل لك عند المريض اكيد

والله اعلم 🍀

#احمد الجابري

1,050

Medical Analysis 🧪🔬

Apr 24, 2026, 10:59 AM

السلام عليكم

عينة السائل المنوي اخرها معايا ساعه ولو مفكتش اللزوجه بتصرف كالاتي 👇👇

الاول زي ما اتفقنا بتترك العينه بحد اقصي ساعه

اذا لم تفك

هنا عندك طريقين

1- mechanical ex

وهنا بنستخدم سرنجه مثلا 5 سم وبنسحب العينه وبنفرغها اكتر من مره

او بنقلب العينه جيدا طبعا من خلال رج الكب وبنجيب بايبته وبنسحب وبنفرغ اكتر من مره مع الضرب بطرف التبس في قاع الكب وهنا بنكسر اي كتل موجوده

ولكن استخدام السرنجه افضل طبعا

2- enzymatic digestion

دي طريقة طبعا بتكون في اجهزة الكازا والفل اتوميتيد

وهنا بنستخدم محلول ال bromelain ودا بيقوم بعمل proteolytic enzyme وبيكسر خيوط ال mucus

الاهم من دا كله علشان في عينات اللزوجه بيكون في خلل في الحركه والعدد لازم نكتب الكومنت دا للطبيب

Sperm count isn’t susceptible to accurate measurement due to incomplete liquefaction of semen

Sample

968

Medical Analysis 🧪🔬

Apr 24, 2026, 10:59 AM

السلام عليكم ورحمه الله وبركاته 🤚
هل تحاليل الدهون تطلب صيااااااام ؟؟؟
هنا اخر التوصيات قالت فعلا ان مش ضروري الصيام لعمل تحاليل الدهون ….ونفس التوصيات قالت بردوا
ان اي نتيجه طالعه معاك غير طبيعيه لازم تعيد تاني التحاليل بصيام من 12 - 14 ساعه طيب
مهو كدا لو عملت تحاليل دهون لمريض فاطر وطلعت عاليه وطلبت انه يجي صايم كدا هتعب المريض وهقعد كل شويه اسحب منه وهتسمع بقي المريض كل شويه يقولك صفيتوا دمي وحوارات كتير ….
يبقي كدا واقعيا والافضل ان التحاليل تتعمل بصيام وخلاص ودا هيقيم الحاله بشكل افضل واحسن
وخاصه كمان لو حاله بتاخد علاج
طيب نقطه ثانيه
معظم المعامل بطلع نتيجه ال ldl بالمعادله ودي بيدخل فيها التراي جليسرايد فتخيل كدا لو التراي اتعمل بعد الاكل مباشره اكيد قيمته بتكون اعلي فبالتالي نتيجه ال ldl مش هتكون حقيقيه
اخيرا الابحاث كلها لما اتعملت اتعملت في اوروبا وطبعا اوروبا بتختلف تماما عننا في ثقافه الاكل والشرب
اذا الاستنتاج ان تحاليل الدهون تتعمل صائم لتقيم المريض بشكل افضل واحسن وظهور نتائج حقيقيه 🤚
كمان مهم جدا الاتي 👇👇👇👇👇
من الاسئله المهمه بخصوص شغل ال hdl و ال ldl
للاسف تحليل ال hdl دا من التحاليل الرخمه شويه وللاسف في معامل كتيره بتضربه ومش بتعمله الله المستعان
س👈اشتغل ال hdl دايركت ولا اندايركت ؟؟؟
وعيوب كل واحده فيهم ؟؟؟
الاجابه 👇
طبعا شغل ال hdl دايركت افضل بكتير جدا من حيث دقة النتيجه بس يعيبه انه غالي الثمن والاستاندر بتاعة بمجرد انك تحله الاستابيلتي بتاعته بتقل
اذا لو عندك ريت شغل عالي هيفيدك جدا جدا
اما بالنسبه لل hdl الاندايركت هو بالفعل ارخص لكن دقة نتائجه بتكون بالطبع اقل
اذا في كلا الحالات للامانه الدايركت يتفوق علي الاندايركت
احيانا في الدايركت بنحل الاستاندر ونحفظه في الفريزر في ابندورفات بس بمجرد خروج الابندورف واستخدامه لا يتجمد ثانيه 🤚
س👈شغل ال ldl كيمياء
هو الافضل بالمعادله ولا شغله بالكيمياء ؟ ولماذا ؟؟ وليه بنوصي دائما بشغله كيمياء ؟؟وامتي اجباري اشتغله بالكيمياء ؟؟
الاجابه 👇
👈 شغل ال ldl بالكيمياء افضل بكثير للحصول علي نتيجه دقيقه وصحيحه
طيب هو ايه خطورة تطبيق معادله ال ldl وخاصه لو التراي اعلي من 400؟؟
المعادله خطورتها انها بطلع نتائج اقل من الحقيقه ف ممكن المريض يكون عنده Risk لاحد امراض القلب وانت مطلع النتيجه طبيعي
👈طيب ليه بيوصي بشغل ال ldl بالكت الخاص بيه مباشرة بغض النظر عن نتيجه التراي ؟؟
لعده اسباب 👇
1-انت بتحصل علي قيمه ال ldl من معادله مكونه من الكوليستيرول والتراي وال hdl فلو في مشكله في شغل واحد منهم للاسف هتاثر علي نتيجه ال ldl
2-شغل ال ldl بالكيمياء فعلا لقينا اختلاف واضح في النتائج بينه وبين المعادله فتبين ان لو تخطي التراي حاجز ال 200 تحديدا وجد فرق في النتائج فكانت قيمه ال ldl باستخدام الكيمياء اعلي من قيمه ال ldl باستخدام المعادله
فكانت النتيجه حقيقيه بإستخدام الكت واقل من الحقيقه بتطبيق المعادله
3-اخيرا لو استخدمنا المعادله وخاصه لو التراي اعلي من 200 قولنا بتعطي نتائج اقل من الحقيقه ✋
لكن ممنوع استخدام المعادله او القسمه علي اي رقم لو التراي تخطي حاجز ال 400
🤏🏿لازم نعرف ان للحصول علي ال ldl بالمعادله لما تيجي تقسم التراي بتكون علي رقمين ملهمش ثالث اما
القسمه علي 5 او القسمه علي 6.5 والافضل القسمه علي 6.5 لانها اكثر دقه والقسمه هنا للحصول علي نتيجه بوحده ال mg/dl
👈مافيش حاجه اسمها القسمه علي 2.2 لو التراي عدي ال 400 الكلام غير صحيح وغير علمي
🤏🏿بعض الارقام المتداوله 👇
👈بيتداول القسمه علي رقم 38 دا فعلا موجود لكن الرقم دا لتحويل نتيجه ال hdl والكوليستيرول من الملي جرام علي الديسيليتر للملي مول علي اللتر
👈بيتداول رقم ايضا القسمه علي 88 ودا فعلا موجود لكن لتحويل نتيجه التراي جليسرايد من الملي جرام علي الديسيليتر للملي مول علي اللتر ✋
والله اعلم 🍀
#احمد الجابري

Medical Analysis 🧪🔬

Apr 24, 2026, 10:59 AM

السلام عليكم 🤚

1-مهم جدا تعرف تعرف امتي الكاست تكون نورمال وامتي تكون اب نورمال بتكلم عن ال hyaline

اما باقي الكاست ظهورها بيكون اب نورمال

2- مهم جدا تعرف امتي ال EPI تكون نورمال وامتي تكون اب نورمال

3- مهم جدا تعرف ال Crystals بتعتبر نورمال وامتي بتكون اب نورمال

4- مهم جدا تعرف ال RBCs تكون نومال وامتي تكون اب نورمال

5- مهم جدا تعرف ال WBCs تكون نورمال وامتي تكون اب نورمال

6- مهم جدا تعرف ال Bacteria تكون نورمال وامتي تكون اب نورمال

طبعا المعرفه بتكون من العدد

والاهم انت بتعد ازاي وبتكتب عددهم بناءاً علي ايه في تقرير البول وخاصة ال EPI و ال Crystals و ال Bacteria و ال Casts

والله اعلم 🤚

#احمد الجابري

999

Medical Analysis 🧪🔬

Apr 24, 2026, 10:59 AM

السلام عليكم ورحمه الله وبركاته ✋

🤏🏿 علشان تكون مميز ومتمكن في شغل السائل المنوي مانيوال عليك وعلي مانيوال منظمه الصحه العالميه

WHO manual for the examination oh human semen

افضل من شرح شغل السائل المنوي

بعض النقط المهمه اللي بيقع فيها كثير من الزملاء 👇

1- ممنوع احضار العينه باستخدام الجماع والافضل احضارها في المعمل علشان سوء نقلها من خارج المعمل ممكن يأثر عليا لان هتختلف درجه الحراره كمان ممكن تتأخر العينه واي تأخير هيأثر عليا وان كان الحد 30 دقيقه

2- لما تجيلك العينه ابقي حضن شريحه معاها في درجه 37 لمده علي الاقل 15 دقيقه علشان الشرائح العاديه بتكون موجوده في درجه الغرفه ف ممكن تأثر علي الحيوانات المنويه ف ممكن تضعف حركتها

3- تنبه علي المريض ممنوع اي جزء يقع من العينه سواء في الاول او الاخير

4- مهم جدا حساب الحجم لانه لو اقل من 1 مل هتضطر تكتب كومنت وتظبط العدد

5- ال ph مهم جدا اللي المعظم مش بيعمله ودا بيفدنا في حاله العينه حجمها قليل او العدد قليل لان ممكن يكون في انسداد

6- لازم يكون عندك متوفر الصبغات الخاصه بالسائل المنوي

7- ال motility الحركه

تفحص في خلال ساعه بالكثير وطبعا بنقدرها بالنسبه المئويه

وطبعا بتتقسم ل

Progressive

Non progressive

وتفحص مره واحده ولا داعي لتكرار فحصها بعد ساعه واتنين وتلاته

8- التشوهات الزياده بتقلل الحركه جدا فلذلك في تقاريرك لو لقيت حيوانات منويه كتيره ميته متكتبش dead واكتب immotile

9- اللزوجه حدك فيها ساعه بعد كدا فكها بإستخدام الطرق المتاحه عندك

10- مافيش حاجه اسمها اللزوجه اكتر من ساعتين وتلاته التقرير بيتكتب فيه اخرك

More than 60 min

Or

More than 1 hour

11- ال morphology بتتفحص بالعدسه 100 وليس 40 والصح انك تفرد فيلم وتستخدم ال rapid stain وتفحص

12- نيجي لنقطه العدد

بناءا علي كلام منظمه الصحه العالميه

لو انت بتفحص بالعدسه 40 ولقيت العدد في الفيلد الواحد اقل من 4 يبقي مافيش داعي انك تستخدم شريحه العد وتكتفي بكتابة العدد كالاتي

Less than 1 million

Or

Less than 2 million

لكن لا تكتب العدد 200 و300 و900 الف

13-بالنسبه بقي لو العدد عالي وهنعد علي شريحه العد

المعظم بيستخدم التخفيف المتعارف عليه وهو 50 ميكرو من السائل الي 950 ميكرو من المحلول

ودا اقل كميه علشان السائل المنوي لزج فلو خت اقل ممكن يأثر

13- في التخفيف الافضل محلول العد نفسه ولو مش متوفر ممكن نستخدم الماء المقطر وممكن محلول الملح ودا معظم المعامل بتستخدمه ولكن التفضيل لمحلول العد او الماء المقطر

14- بتختلف عمليه تخفيف السائل المنوي علي حسب العدد التقريبي في العدسه 40 مع مراعاة الضرب في الفاكتور المتبع

15- العد ممكن يكون في مربعات العد الابيض او مربعات العد الاحمر والافضل والاسهل في مربعات العد الاحمر

16- في حاله لو العينه لزجه جدا وعدت الساعه ولم تفك هنا ممكن تأثر علي الحركه والعدد في شغلك فلازم هنا تكتب كومنت

17-من الافضل ان تضع شيكر او جهاز هزاز داخل الحضانه طول فترة الفحص لضمان امتزاج السائل المنوي كاملا

18- اخيرا الالتزام بكتابه كومنت علي معظم حالات السائل المنوي

🤏🏿دي بعد النقط البسيطه اللي تاخد بالك منها اثناء شغلك في السائل المنوي وبإذن الله نبقي نشرحه بإستفاضه

والله اعلم 🍀
# احمد الجابري

Medical Analysis 🧪🔬

Apr 24, 2026, 10:59 AM

السلام عليكم ورحمه الله وبركاته
👈هنتكلم في موضوع السيوله ال pt من حيث استلام العينه وتدوير العينه والحفظ 👇
مبدايا لازم تكون عارف هيستوري الحاله اللي قدامك علشان لو المريض سألك عن النتيجه تعرف ترد عليه يبقي لازم تكون فاهم الاتي 👈ان قيمه ال INR للمرضي الذين يتلقون العلاج نتيجه الاصابه بال deep venous thrombosis تتراوح مابين 2.0 الي 3.0 ✋وقيمه ال INR للمرضي اللي متركب لهم صمامات في القلب تتراوح مابين 2.5 الي 3.5 ✋
👈طيب ايه الاحتياطات العامه لعمل ال PT والحصول علي افضل النتائج
1- لازم تكون عارف انك تلتزم بنسبه الدم لمانع التجلط سترات الصوديوم وهي 9-1 يعني 1.8دم الي 0.2 سترات وهنا تخلي بالك ان يكون تركيز السترات 3.2 لانه يفرق عن سترات ال ESR اللي تركيزه 3.8
2- هتستخدم انابيب بلاستيك او زجاج في السحب مش هتفرق بحيث هيتم فصلها مباشرا او بالكثير في خلال ساعتين
3- يفضل عدم ترك الرباط الضاغط اكتر من دقيقه اثناء السحب
4- عند سنتره العينه لابد ان تكون علي سرعه مابين 1500 الي 2500 لمده 15 دقيقه لان احنا بنحتاج بلازما فقيره بالصفائح
5- انتبه ان العينه يكون فيها تكسير لان العينات الهيموليسيز بتاثر علي نتيجه ال pt
بالنقص لان بيسرع عمليه تكوين الجلطه
6- العينات الدهنيه لابد ان ينبه علي المريض بسحب عينه اخري صيام 12 ساعه كحد ادني ولو الحاله مستعجله ممكن اشتغلها بس تاخد بالك ان العينات الدهنيه بتاثر علي التحليل بزياده الثواني وخاصه لو هيتم الشغل مانيوال
كمان لابد ان تعلم ان شغل السيوله علي الجهاز بتقنيه ال mechanical detection دي التقنيه اللي بتتفادي فيها العينات الدهنيه
7- انتبه من طول مده التحضين حدك في الصيف من 5-7 دقايق وفي الشتاء حدك 10 دقائق وتكون ظابط درجه حراره ال حمام المائي علي 37 وانتبه ان الحراره متزدش عن كدا لان لو زادت هتاثر علي النتائج ولو قلت هتذود النتيجه اذا لازم تكون هناك معايره للحمام المائي وان كان من باب اولي تلتزم ب ال 180 ثانيه في درجه 37
8-لابد من عمل كونترول علي الاقل اسبوعيا لضمان دقة النتيجه
حفظ العينه 👇
بعد سحب العينه وفصلها جيدا يا اما تشتغلها مباشرا او تشتغلها في غضون 4 ساعات في درجه حراره الغرفه او تحفظها لمده 24 ساعه في درجه حراره الغرفه بشرط ان تكون درجه الحراره مابين 18 الي 25 وان تفصل في تيوب ويحكم غلقه جيدا او الحفظ في الفريزر لمده اسبوعين في درجه حراره -20 او -18
ممنوع الحفظ في التلاجه
🤏🏿ايه اللي ممكن يعلي نتيجه السيوله منك ؟؟؟
1-السحب الخطأ وبالتالي ممكن يحدث جلطه بسيطه فتؤدي لزياده الثواني
2- النسبة والتناسب بين كمية الدم ومانع التجلط مش مظبوطه
3-فترة التحضين لو زادت هتعلي النتيجه
4-صلاحية الريجنت وخاصه لو كان الريئجنت بودره وحليته وجلس اكتر من 12 يوم في الثلاجه او شهر مقسم في ابيندورفات في الفريزر
5-السنترة في سرعات عالية
6- لو العينة دهنية واشتغلتها مانيوال او علي الاجهزه التي لا تتفادي العينات الدهنيه
7-عدم عمل ميكس بسرعة منتظمة داخل الأنبوب .
8-عدم معايره البيبتات .
9- ارتفاع درجه الحراره عن 37 وخاصه لو شغال مانيوال لان ارتفاع الحراره بياثر علي التيست بالارتفاع
10- الحفظ الخطأ للعينه بعد فصلها
11- التأخر في فصل العينه حيث ان الحد في الفصل ساعتين
12- استخدمات كميات قليله في شغل المانيوال وخاصه للمبتدا
13-عدم التأكد من الكونترول للجهاز بصفه دوريه
14- استخدام محاليل غير جيده
والله اعلم
#احمد_الجابري

Medical Analysis 🧪🔬

Apr 24, 2026, 10:59 AM

السلام عليكم

🤏🏿تعلمنا زمان ان من احد طرق عمل كونترول ال pt ان اجيب مجموعه من الاشخاص لا يقلوا عن 5 ويكونوا مبقلظين كدا واصحاء ونعمل مكس بلازما ونطلع قيمة الكونترول

لكن هل الشغل دا صحيح ؟؟؟

👈هذا الشغل منافي تماماً للجوده

اذا الشغل الصحيح والدقيق ان اجيب كونترول ال pt نفسه واشتغله بشكل يومي او لو مش بشتغله بشكل يومي وبشتغله كل فترة مثلا علي حسب اليوم اللي بيجي في العينات لازم اذكر الكلام دا في سياسة العمل

وبعد كدا لازم اعمل External control كل 4 شهور علي الاقل

لو عملنا كدا واتبعنا الجوده في الشغل مش هنشوف لخبطة النتائج اللي كل يوم بنشوفها

والله اعلم 🍀
احمد الجابري

1,120

Medical Analysis 🧪🔬

Apr 24, 2026, 10:59 AM

السلام عليكم

من خلال شغلنا علي اجهزة صور الدم المختلفه

الاوروبي يختلف تماماً عن الصيني

علشان تشتغل علي جهاز صيني لازم ولابد توفر عندك الكونترول

اما الاوروبي صدقني ممكن ماتحتاج كونترول الا كل 3 شهور مره بشرط تكون محافظ عليه

بغض النظر ان بروتوكول الجوده بيقول ان لازم تعمل كونترول يومي وتعمل EC

علي الاقل كل 4 شهور

1,070

Medical Analysis 🧪🔬

Apr 1, 2026, 12:24 PM

🎥 Video

جزء من شرح الفيدال والبروسيلا لاتكس

1,410

Medical Analysis 🧪🔬

Apr 1, 2026, 12:24 PM

https://vt.tiktok.com/ZSu34MgY3/

773

Medical Analysis 🧪🔬

Apr 1, 2026, 12:24 PM

🎤 Voice

معلومه سريعه فنيه: لم يبقي عندك جهاز CBC وشاكك في اي باراميتر سواء هيمجلوبين او صفائح او عد دم او هيماتو كريت او Rbcs وعايز تظبط الفاكتور بتاعه انت مش محتاج المهندس ينزل وتنتظره الا لو حابب تعمل شيك اب علي جهازك بالكامل او لو حابب تصينه لكن لو هتبقي دي المشكله…

1,430

Medical Analysis 🧪🔬

Apr 1, 2026, 12:24 PM

لو حد قدامه معمل للبيع او للايجار في نطاق القاهره
01220512232

2,300

Medical Analysis 🧪🔬

Apr 1, 2026, 12:24 PM

معلومه سريعه فنيه: لم يبقي عندك جهاز CBC وشاكك في اي باراميتر سواء هيمجلوبين او صفائح او عد دم او هيماتو كريت او Rbcs وعايز تظبط الفاكتور بتاعه انت مش محتاج المهندس ينزل وتنتظره الا لو حابب تعمل شيك اب علي جهازك بالكامل او لو حابب تصينه لكن لو هتبقي دي المشكله…

1,910

Medical Analysis 🧪🔬

Apr 1, 2026, 12:24 PM

معلومه سريعه فنيه:
لم يبقي عندك جهاز CBC وشاكك في اي باراميتر سواء هيمجلوبين او صفائح او عد دم او هيماتو كريت او Rbcs وعايز تظبط الفاكتور بتاعه انت مش محتاج المهندس ينزل وتنتظره الا لو حابب تعمل شيك اب علي جهازك بالكامل او لو حابب تصينه لكن لو هتبقي دي المشكله ف حلها بسيط ان شاء الله

اولا لازم تكون عارف هتدخل تعدل اي فاكتور علي الجهاز ودا سواء معاك باسورد الجهاز او الجهاز اوبيند علي حسب لكن فكره تغيير قيمه اي فاكتور....

حضرتك هتقيس اي عينه علي جهاز انت متاكد منه 99% انه محترم ومخرج نتيجه محترمه مقارنه بنتيجه الجهاز قليل الادب 😢 اللي مطلع نتيجه مش مظبوطه
فكره تغيير اي فاكتور للباراميتر
النتيجه الجديده(اللي الجهاز المحترم مطلعها)÷ النتيجه القديمه (اللي جهازك اللي مش مظبوط مطلعها) مضروب في الفاكتور القديم بتاع الجهاز اللي زي الزفت 😒😅
هيطلعلك فاكتور جديد هو دا الفاكتور اللي هتدخله علي جهازك والافضل نعمل 3 عينات وناخد منهم متوسط فاكتور وبس وكدا انت وفرت 500 ج تمن الزياره في خطوه بسيطه وعموما لو لقيت الامر صعب معاك ادفع ال500 ج بتاع الزياره وخللي المهندس ينزل لمعاليك لكن الفكره في الوقت ونتائج العيانين

3,000

Medical Analysis 🧪🔬

Apr 1, 2026, 12:24 PM

السلام عليكم
بعض اخطاء النتائج اللي ممكن تحصل نتيجه خطأ تقني
👈التورنكيت
وانت بتستخدم التورنكيت فى سحب العينات انتبه تتركه اكتر من دقيقتين ولو هتتركه اكتر من كدا يبقي تفكه لمده 5 دقايق وترجع تربطه تاني ويكون الربط gently
لان ترك التورنكيت اكتر من دقيقتين ممكن يأثر علي تحاليل بالزياده وتحاليل بالنقص
التحاليل اللي بتتاثر بالنقص 👇
البوتاسيوم وبيقل بنسبه مابين 6.0-6.2 ٪
التحاليل اللي بتتاثر بالزياده 👇
ال AST وبيتاثر بنسبه من 9-9.5 ٪
الحديد وبيتاثر بنسبه من 6.5-7.0 ٪
الدهون بتتاثر بنسبه من 4.5-5.0 ٪
التوتال بروتين 4.5-5.0 ٪
الالبيومين بتتاثر بنسبه من 4.5-5.0 ٪
الصفرا بتتاثر بنسبه من 8.0-8.5 ٪
يبقي الافضل نلتزم بالطريقه الصحيحه في استخدام الرباط المطاطي للحصول علي ادق وافضل النتائج
👈نقطة ان حد بيقول مش هيحصل حاجه لو تركنا الرباط الضاغط اكتر من دقيقتين مش هيحصل حاجه
هو كلامه صح في المطلق لسببين
1- انه اشتغل علي تحاليل لا تتاثر بالرباط الضاغط مثل
السكر وصورة الدم واليورك …الخ
2- او انه اشتغل علي تحاليل بتتاثر بالرباط الضاغط ولقي النتيجه في تارجت النورمال ف قالك كدا متاثرتش ودا طبعا خطأ لانه خاضع للتجربه الشخصيه 🤚
👈المهم الرباط الضاغط دا ومدة تركه من اهم المعلومات اللي بنتسأل فيها ولازم تكون موجوده في سياسة العمل
والله اعلم 🤚

2,280

Medical Analysis 🧪🔬

Apr 1, 2026, 12:24 PM

السلام عليكم ورحمة الله وبركاته ✋
نركز في الحاله دي 👇👇
حاله جت المعمل وكانت عايزه تعمل
H pylori Ag in stool
واحنا في المعمل اقنعناها انها تعمل UBT افضل وادق منه ودا
اختبار الجرثومه عن طريق التنفس
علي الرغم ان الاتنين بيكشفوا عن ال Ag
فقالت هعمل الاتنين وهقارن النتائج
طبعا الحاله كانت مستوفيه الشروط تماما يعني موقفه مضاد حيوي وادويه الحموضه لمده طويله اكثر من شهر
كانت النتائج كالاتي
H pylori Ag in stool
Positive 42
وكان نتيجه ال UBT
Positive 86
المهم الحاله اخدت بروتوكول العلاج من طبيب الباطنيه ثم وقفت العلاج لمده شهر وجت تعيد التحاليل
فكانت النتائج كالاتي
H pylori Ag in stool
Positive 53
ونتيجه ال UBT
Positive 15
هل النتائج دي صح ووارده؟؟ وكيف كان التصرف مع الحاله واقناعها ؟؟
👈النتائج طبعا صحيحه بعد عمل معايره للجهاز ووارده جدا وهنقول الاسباب
طيب ايه اللي خلي نتيجه الجرثومه في البراز تعلي كدا في الحاله دي علي الرغم من نتيجه ال UBT نزلت
هنا احنا دايما بنقول تحليل جرثومه المعده في البراز يستخدم فقط في التشخيص ولا يستخدم في المتابعه ليه 👇
‏H pylori Ag
لا يفضل عمله في المتابعه بعد العلاج ويفضل عمله في بدايه الاكتشاف كما يفضل عند عمله اخذ 3 عينات مختلفه ✋
لماذا لانه
لا يجوز تقديره كميا ؟
لان البراز في الأصل مُكَوِن غير متجانس بحيث عند أخذ جزء منه فهو لا يعبر عن الكل
لان قد يختلف البراز باختلاف الحمية الغذائية و عدد مرات التبرز و الفترة ما بين مرتين متتاليتين ✋
فكيف لنا بعمل التحليل بطريقة كمية تحدد مدى الإصابة بالبكتيريا وكيف لنا بضمان دقة الرقم و أنه يعبر عن قوة الإصابة الفعلية إذ أن التركيز غير متساوٍ في أجزاء مختلفه من العينه ✋
لذا المفروض احنا بقي واجبنا نفهم الطبيب بالكلام دا كله ونقوله كمان
تقدير الأنتيجين كمياً يفرق في التشخيص وبروتوكول العلاج أو حتى متابعة الحاله ✋
والله اعلم 🍀
#احمد_الجابري

1,630

Medical Analysis 🧪🔬

Apr 1, 2026, 12:24 PM

اتكلمنا عنه كتير جدا جدا
ولا حياة لمن تنادي 👇👇👇
👈هاتلي الدكاترة اللي بتكتب ال HOMA IR مع اللي بيدوا لازيكس عشان يوطوا الضغط مع اللي بيكتب ديكسا وافيل مع حقن الحديد وهاتلي الحزام الجلد ابو توكة واقفل الباب وتعالي 👇👇
💢 تحليل HOMA-IR او ما يعرف ب تحليل مقاومة الأنسولين:

🔬كلمة HOMA-IR دي اختصار ل
(Homeostatic Model Assessment of Insulin Resistance)
وده مش تحليل مباشر ده مجرد معادلة حسابية وغير دقيقة كمان

بتتحسب اعتمادا علي حاجتين:

Fasting Blood Glucose سكر الدم الصايم
Fasting Insulin الانسولين الصايم

ومنهم بنحسب رقم بنعبر بيه عن مدي استجابة الجسم للانسولين

طيب ليه ملوش لازمة ف التشخيص ؟
عشان هو متغير جدًا وبيتأثر بعوامل كتير وله كذا معادلة وملوش نورمال ثابت زي باقي التحاليل
و بيتأثر باخر وجبة والتوتر والضغط النفسي و النوم والوزن والتمارين البدنية

له فايدة بحثية أو استرشادية فقط بيشير بشكل غير مباشر إلى عدم كفاءة استخدام الخلايا للانسولين
👈👈Furosemide *lasix* is a venodilator drug with a weak arterio-dilation effect

Hypertension is a disease of vasoconstriction of arteries

ولهذا ال Furosemide مش علاج لل hypertension لا ف الاستقبال ولا ف الصيدليات ولا العيادات

هتقولي الضغط بينزل عليه؟
هقولك نزول مؤقت وهيرجع يعلي تاني
وال severe diuretic effect بتاعه لما يعمل HypoVolemia فجأة الجسم رد فعله علي ده انه هيعمل severe vasoconstriction
هترجع تديله lasix تاني؟
كدة العيان دخل ف resistant persistant hypertension
👈👈Dexa= delayed reaction
تروح زي الفل ويجيبوها عاوزة تتيب على ما توصل
Avil = relieve cutaneous manifestations
والحالة قاعدة حلوة ما يظهرش عليها حاجة غير لما تدخل في angioedema
#احمد_الجابري

1,300

Medical Analysis 🧪🔬

Apr 1, 2026, 12:24 PM

📌 لماذا يعاني مريض الغسيل الكلوي من انخفاض الهيموجلوبين دائمًا؟

1,460

Showing 27 of 27 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

FEATURED

Loading recommended channels...

Medical Analysis 🧪🔬

Medical Analysis 🧪🔬

Ranking

Participant Growth (Last 11 Days)

Latest Posts

Rating

User Reviews (0)

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

Related Telegram Channels

✊🏻

.

..

$BRAINS AI

.

Alisher Qodirov

1

𝚝𝚑𝚎 𝚙𝚘𝚠𝚎𝚛 𝚘𝚏 𝚒𝚗𝚜𝚙𝚒𝚛𝚊𝚝𝚒𝚘𝚗

User Reviews (0)

Latest Posts