TIKVAH-ETHIOPIA

Public

Can't Join? @tikvahethiopia

1.6m Members

Updated: May 27, 2026 at 9:51 AM

TIKVAH-ETHIOPIA

ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። መረጃና መልዕክት ፦ 0998999899 ማስታወቂያ፦ @TikvahEthMarketingBot 📞 0979333111 @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna

@tikvahethiopia is a growing community focused on tikvahethsport and tikvahethmarketingbot and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 14 Days)

Total: 1.6M

24h growth: +0 0%

Latest Posts

TIKVAH-ETHIOPIA

May 14, 2026, 08:49 PM

📷 Photo

ብፁዕ አቡነ ኤልሳዕ የአርሲ ሀገረ ስብከትን በሊቀ ጵጵስና በቋሚነት እንዲመሩ፣ ሕዝቡንም እንዲያጽናኑ እየደረሰ ያለውን ችግር ከቋሚ ሲኖዶስና በብፁዓን ሊቃነ ጳጳሳት ከሚመራው የሰላም ኮሚቴ ጋር ሆነው የሚመለከተውን የመንግሥት አካል በማነጋገር ዘላቂ መፍትሔ እንዲያፈላልጉ የቅዱስ ሲኖዶስ ምልዓተ ጉባኤ ወሳኔ አሳልፏል።

ከዚህ ቀደም፣ ብፁዕ አቡነ ያሬድ ከምሥራቅ አርሲ ሀገረ ስብከት ተነስተው ብፁዕ አቡነ ኤልሳዕ ሀገረ ስብከቱን እስካሁኑ የግንቦት 2018 ዓ/ም የቅዱስ ሲኖዶስ ርክበ ካህናት ጉባኤ ድረስ እንዲመሩ መመደባቸው ይታወሳል።

በአርሲ ሀገረ ስብከት በተደጋጋሚ በኦርቶዶክሳውያን ምእመናን ላይ በሚፈጸም ግድያ ፣ እገታና ውድመት ምክንያት ምዕመኑ ከፍተኛ የሆነ ቅሬታና ጩኸት ሲያሰማ ነበር። ከዚሁ ጋር በተያያዘ ቅዱስ ሲኖዶስ የሚደርሱትን አቤቱታዎች መነሻ በማድረግ በተደረገ ግምገማ ነው ብፁዕ አቡነ ያሬድ ከአርሲ ሀገረ ስብከት የተነሱት።

ግንቦት 6 ቀን 2018 ዓ/ም

34,300

330

TIKVAH-ETHIOPIA

May 14, 2026, 08:49 PM

📷 Photo

#EOTC

የኢትዮጵያ ኦርቶዶክስ ተዋሕዶ ቤተክርስቲያን ቅዱስ ሲኖዶስ ለሰባት ቀናት ሲያካሂድ የሰነበተውን ቀኖናዊ ጉባኤ ዛሬ ግንቦት 6 ቀን 2018 ዓ.ም. አጠናቋል፡፡

ይህን ተከትሎ በተሰጠው መግለጫ ምልዓተ ጉባኤው ስለ ሀገር ሰላም፣ ስለ ቤተክርስቲያን አንድነት፣ ስለ ሰው ልጅ ሁሉ ደኅንነትና ክብር፣ በአጠቃላይ ወቅታዊ ጉዳዮችን በተመለከተ ሰፊ ውይይቶች መደረጋቸውንና ውሳኔዎች መተላለፋቸውን አመልክቷል።

ከመግለጫው የተወሰደ ፦

" ስለ ዓለምና ስለ ሀገራችን ሰላም፣ ስለ ሰው ልጆች ደኅንነት፣ በየቦታው በሃማኖታቸው ምክንያት መከራ የሚደርስባቸውን በየቦታው የሚገኙና ግጭት ባለባቸው ቦታዎች ያሉ ኦርቶዶክሳውያንን በማሰብ በመጪው የ2018 ዓ/ም ጾመ ሐዋርያት በመላው ዓለም ባሉ የኢትዮጵያ ኦርቶዶክስ ተዋሕዶ ቤተ ክርስቲያን ገዳማት፣ አድባራትና አጥቢያ አብያተ ክርስቲያናት ጸሎተ ምሕላ እንዲደርስ ቅዱስ ሲኖዶስ ወስኗል፡፡

በመላው ዓለም፣ በደቡብ አፍሪካና በሳውዲ ዐረቢያ የሚኖሩ ዜጎቻችን ሰብዓዊ መብት እንዲከበር፣ የርኅራኄ ምሕረትና ፍትሕ እንዲያገኙ የሚመለከታቸው አካላት ተገቢውን ክትትል እንዲያደርጉ ቅዱስ ሲኖዶስ ሐዋርያዊ ጥሪውን ያቀርባል። "

(ሙሉ መግለጫው ከላይ ተያይዟል)

ግንቦት 6 ቀን 2018 ዓ/ም

114,000

TIKVAH-ETHIOPIA

May 14, 2026, 08:49 PM

🎥 Video

" ሌሎች (ወደ መካከለኛው ምስራቅ ከሚሄዱ ውጭ ያሉ) ከዚህ በፊት በሚሰጥበት በዋና ማዕከላችን አገልግሎቱን ያገኛሉ " - አቶ ጄይላን አብዲ ለቲክቫህ ኢትዮጵያ

ከኢትዮጵያ ፌዴራል ፖሊስ የፎረንሲክ ምርመራና የአሻራ ምርመራ ዋና ክፍል የወንጀል ነጻ ማረጋገጫ ለማግኘት ወረፋ እየተጠባበቁ ያሉ ዜጎች " ከፍተኛ እንግልትና ድብደባ እየደረሰብን ነው " ሲሉ ለቲክቫህ ኢትዮጵያ በምሬት ተናግረዋል።

ቲክቫህ ኢትዮጵያ ዛሬ በአገልግሎት መስጫ ማዕከሉ #በቦታው ተገኝቶ የተመለከተ ሲሆን በተገልጋዮች ላይ ከፍተኛ እንግልት እየደረሰባቸው መሆኑን አረጋግጧል።

በሥፍራው ያሉት የፌዴራል ፖሊስ አባላት ተገልጋዮችን ሲፈልጉ ሰልፍ የሚያሲዙ ሲሆን፣ ሲሻቸው ደግሞ በኃይል (በዱላ) ሲያባርሯቸው እንዲሁም ያሰለፏቸውን ሰዎች ሲበትኑ ተመልክቷል።

በአገልግሎት መስጫ ማዕከሉ በቦታው ተገኝተን ያነጋገራቸው ተገልጋዮች አገልግሎቱን ለማግኘት ለበርካታ ቀናት ቢመላለሱም ተገቢውን አገልግሎት ከማጣት ባለፈ ለድብደባና ለንብረት ዘረፋ መዳረጋቸውን ገልጸዋል።

ቲክቫህ ኢትዮጵያ ያነጋገራቸው ከቡታጀራ ከተማ የመጡ አንድ ተገልጋይ " የመጀመሪያ ቀን መጥቼ ሦስት ቀን አድሬያለሁ፥ በሦስተኛው ቀን ግን ፖሊስ ደበደበኝ። ስልኬን እና ብሬንም ተዘርፌያለሁ " ብለዋል።

አክለው " ግንቦት 6 ቀን ቀጠሮ ተሰጥቶኝ ብመጣም ዛሬ ግን ከነአካቴው ' የውጭ ሀገር ክሊራንስ አንሰጥም፣ ለሀገር ውስጥ ብቻ ነው የምንሰጠው ' ብለው ይኸው እስከ አሁን ቆመን ነው ያለነው። ሌሊት መጥቼ ወረፋ መጠባበቅ ከጀመርኩ 8 ሰዓት ሆኖኛል " ሲሉ ተናግረዋል።

" ህዝቡም እየተሰቃየ ነው ያለው፤ እየተደበደበ ነው። ተቀጥቅጦ ሆስፒታል የገባ አለ፣ ዛሬ በድንጋጤ እና እንቅልፍ በማጣት ላይ እያለ ተደብድቦ ራሱን ስቶ የወደቀ ሰው አይቻለሁ " ሲሉ ተናግረዋል።

" ከወንጀል ነጻ ምርመራ ለማድረግ ከመጣሁ 10ኛ ቀኔ ነው " ያሉ አንድ ተገልጋይ ደግሞ ለዛሬ ቀጠሮ ተሰጥቶቸው እንደመጡ እና በተሰጣቸው የወረፋ ቀን ሲመጡም የሚያናግራቸው እና መልስ የሚሰጣቸው ሰው አለማግኘታቸውን ገልፀዋል።

" አሁንም ዝም ብለን ይኸው ፀሐይ እየቀጠቀጠን ነው ያለነው፤ እየተደበደብን ነው ያለነው፣ አሻራ የሰጡ እና የፈረሙ ሰዎች ብቻ እየገቡ ነው። እነዚህ ግን አንድ ወር ተሰቃይተው ነው ዛሬ የደረሳቸው። ያለው ነገር ይሄ ነው " ብለዋል።

" ቢሮ ገብተን ቅሬታ ለማቅረብ ስንሞክር ፖሊሶች ደብድበው ነው የሚያባርሩን። ልንገባ ስንል በሩ ላይ ያሉት አያስገቡንም። ስንጠይቃቸው ራሱ መልስ አይሰጡንም። መረጃ የሚሰጠን ሰው አናውቅም። ብቻ ግራ ገብቶን ነው ለያለነው፣ ምን እንደምናደርግ አናውቅም " ሲሉ ገልጸዋል።

" ዛሬ ጠዋት አንድ ፖሊስ በድምጽ ማጉያ ' አሻራውን በኦንላይን እናደርገዋለን ' እያለ ሲናገር ነበር። አንድ ቦታ ብቻ አድርገው ከሚያጉላሉን በየክፍለ ከተማው ቢያደርጉት ጥሩ ነው። ሰልፍ ይዞ ወረፋ የሚጠባበቀውን ሰው እየበጠበጡ ወከባ የሚፈጥሩት እዛው ያሉት ናቸው " ሲሉ ወቅሰዋን።

" ዛሬ ልብስ ይዤ መጥቻለው እዚህ አስፋልት ላይ ላድር ነው " ያሉን ሌለኛው ተገልጋይ " ለነገ ወረፋ ቶሎ እንዲደርሰኝ መንገድ ላይ ለማደር ወስኛለሁ፣ እንግልቱ ስለበዛብኝ ነገ ያለውን መረጃ አጣርቼ ብሄድ ይሻለኛል ብዬ ይሄው ቁጭ ብያለሁ " ሲሉ ይናገራሉ።

" እዚህ በቆየሁባቸው ጊዜያት ያጣፋሁትን ብር ብነግርህ አታምንም። እዚህ ሰርቼ የምለወጥበት ብር ነው። እዚህ ለሌባ ተጋላጭ ነን " ብለዋል።

" ወረፋ የሚጠባበቀውን ሰው ፖሊስች ይመጡና ሲደበድቡን ግር እንላለን። በዚህ አጋጣሚ ደግሞ ሌቦች ያገኙትን ነገር  እየሰረቁ ነው። የዛሬ ሳምንት ስልኬን ተሰርቄያለሁ። ይሄው ዛሬም ከበፊቱ የተሻለ ነገር ምንም የለም " በማለት አስረድተዋል።

ከክፍለ ሀገር የመጡ አንድ ተገልጋይ በዚህ የወንጀል ነፃ ምርመራ ማረጋገጫ ሂደት ውስጥ የደረሰባቸውን የማጭበርበር ድርጊት ሲያስረዱ " ከክፍለ ሀገር ስመጣ ' ወረፋ እንዳትጠብቅ 7 ሺህ ብር ክፈል እና የሚያሰራልህ ሰው ላገናኝህ ' አለኝ የማውቀው ሰው " ብለዋል።

አክለው " ወረፋው ከባድ መሆኑን ተስማማሁ። ' ቅድሚያ 5 ሺህ ብር አስገባ ' አሉኝ አስገባሁ፤ ከዛም በቀጠሮዬ ሲመጣ ' ቀሪውን 2 ሺህ ብር ላከውና ትገባለህ ' ተባልኩ። ብሩን ስልክላት ግን ስልኳን ዘግታ በዛው ጠፋች " ሲሉ የተፈጸመባቸውን የማጭበርበር ድርጊት ለቲክቫህ ኢትዮጵያ አስረድተዋል።

የኢትዮጵያ ፌዴራል ፓሊስ የኮሚዩኒኬሽን ኃላፊ አቶ ጀይላን አብዲ ለቲክቫህ ኢትዮጵያ ስለጉዳዩ ምን አሉ ?

" ወደ መካከለኛው ምስራቅ ለሥራ ለመሰማራት የወንጀል ነጻ ሠርተፊኬት የሚፈልጉ ተገልጋዮች ከዛሬ ከግንቦት 06/2018 ዓ.ም ጀምሮ በአካል አዲስ አበባ በሚገኘው የፎረንሲክ ወንጀል ምርመራ አሻራ ምርመራ ዋና ክፍል መምጣት ሳያስፈልጋቸው በየአካባቢያቸው በሥራ እና ክህሎት ሚኒስቴር በተዘጋጁ ማዕከላት እና በሚልኳቸው ኤጀንሲዎች በኩል አገልግሎቱን ማግኘት ይችላሉ።

ወረፋው የሚበዛው ወደ መካከለኛው ምስራቅ ለስራ የሚሔዱ ሰዎች መሆኑን ስላወቅን ነው በየአካባቢያቸው እንዲሆን የተደረገው፣ ሌሎች ከዚህ በፊት በሚሰጥበት በዋና ማዕከላችን አገልግሎቱን ያገኛሉ። በየአካባቢያቸው የተደረገው ለእነሱ ብቻ ነው።

ስራና ክህሎት ሚኒስቴር ባዘጋጃቸው ማዕከሎች ከአሁን በኋላ ማመልከት ይችላሉ። ከኤጀንሲዎቹ ጋር ተመቻችቶላቸዋል።

ወደ ውጭ ሀገር የሚልካቸው ኤጀንሲዎች ይሄንን ስራ ያውቃሉ፣ ከስራ እና ክህሎት ጋር ተቀናጅተው ነው የሚሰሩት። እዛ የተዘጋጀ ቡድን አለ። በኦንላይን ወደያውኑ ሁሉንም ነገር ይጨርሱላቸዋል።

ዜጎች ወደዚህ መምጣት አይጠበቅባቸውም፣ ኤጀንሲዎቹ ባሌ ከሆኑ ወይም ድሬዳዋ ከሆኑ እዛው በቀጥታ መላክ ይችላሉ። ሰው እዚህ መንገላታት የለበትም።

አሁን እዚህ መጥቶ ወረፋ የሚጠባበቅ ብዙ ሰው ነው ያለው። ግን በየአካባቢያቸው ምንም ወጪ ሳይወጡ ኦንላይን አገልግሎቱን ማግኘት ይችላሉ " ሲሉ ተናግረዋል።

ቲክቫህ ኢትዮጵያ
አዲስ አበባ
ግንቦት 6 ቀን 2018 ዓ/ም

TIKVAH-ETHIOPIA

May 14, 2026, 08:49 PM

📷 Photo

#መተከል🕯
#Update

‎" አስቁመውን ተሳፋሪ አስወርደው ስልክና ገንዘብ እየሰበሰቡ ባሉበት የትንሹ መኪና ሹፌር አዙሮ ለመሸሽ ሲሞክር ነው ተኩስ የተጀመረው " - ከጥቃቱ የተረፉ ተሳፋሪ
‎
‎ከትላንት በስቲያ ቤንሻንጉል ጉሙዝ ክልል፣ መተከል ዞን ጉባ ወረዳ ወደ ግልገል በለስ በሚወስደው መንገድ " የአፍሪካ ልማት እርሻ " ተብሎ በሚጠራው አከባቢ ስለተፈጸመው አሰቃቂ ጥቃት በተመለከተ ቲክቫህ ኢትዮጵያ ከጥቃቱ ከተረፉ ሰዎች ተጨማሪ ቃል ተቀብሏል።

ታጣቂዎች ጥቃቱን የተፈጸሙት ከጉባ ወደ ግልገል በለስ በመጓዝ ላይ የነበሩ መኪኖች ላይ ነው። በዚህም በርካታ ሰዎች (30 በላይ) መገደላቸው፣  እጅግ በርካታ ሰዎች መቁሰላቸው ፤ የደረሱበት ያልታወቁ መንገደኞች መኖራቸውና ተሽከርካሪዎች መቃጠላቸው ቲክቫህ ኢትዮጵያ ሰምቷል።

ከጥቃቱ የተረፉ የዐይን እማኞች ምን አሉ ?
‎
‎አንድ ከጥቃቱ የተረፉ የጉባ ወረዳ የመንግስት ሰራተኛ ለቲክቫህ ኢትዮጵያ የሰጡት ቃል ፦

" ጥቃቱ የተፈፀመብን ከጉባ ወረዳ ዋና ከተማ ማንኩሽ ከተማ ተነስተን ወደ ግልገል በለስ እየተጓዝን ባለንበት አይሴዴ ቀበሌ፣ የአፍሪካ ልማት እርሻ ተብሎ በሚጠራው አከባቢ ነው።

ቦታው ዳገታማ ነው። መኪኖች መጀመሪያውኑ ተቀራርበው ሲሄዱ ነበር።

አንድ የመንግስት ፒክአፕ መኪና እና ሶስት የሕዝብ ማመላለሻ ቅጥቅጥ መኪኖችን ታጣቂዎች አስቁመው ተሳፋሪ እያስወረዱ ማንበርከክ ጀመሩ።
‎
‎ታጣቂዎቹ ሰው ማስወረድና መዝረፍ የጀመሩት ከአራተኛው መኪና ነበር። ከአራተኛውና ሶስተኛው መኪና በርካቶችን ካስወረዱ በኋላ ገሚሱ ሞባይልና ገንዘብ እየሰበሰቡ ሌሎች ደግሞ በቀጣይቹ መኪኖች ውስጥ ያሉትን እንዲወርዱ ሲያስገድዱ ነበር።

እኛ ሶስተኛው መኪና ውስጥ ስለነበርን ወርደን በተንበረከክንበት ከፊት የነበረው ፒክአፕ የመንግስት መኪና ሹፌር አዙሮ ለማምለጥ ሲሞክር በድንገት ከፍተኛ ተኩስ ተከፈተ።
‎
‎በዚህ አጋጣሚ እኔን ጨምሮ በርካቶች ወደ ጫካ ለማምለጥ ብንሞክርም የጥይት እሩምታ ስለተለቀቀብን አብሮኝ ለስራ ወደ ግልገል በለስ ይጓዝ የነበረ የስራ ባልደረባዬን ጨምሮ በርካቶች ተገደሉ፤ እኔ በፈጣሪ ፈቃድ በሕይወት ተረፍኩኝ " ብለዋል።
‎
ቲክቫህ ኢትዮጵያ ‎ሌሎች በማንኩሽ ጤና ጣቢያ በሕክምና ላይ እንዳሉ የገለፁ ሁለት ከጥቃቱ የተረፉ ተሳፋሪዎችንም አነጋግሯል።

ሁለቱም ስለሁኔታው ተመሳሳይ መረጃ ሰጥተዋል።

አንዱ በጥይት ተከሻው ላይ መመታቱንና ደም እየፈሰሰው ጫካ ውስጥ ወድቆ ከቆየ በኋላ መከላከያ ሰራዊት ወደ አከባቢው ከደረሰ በኋላ ለሕክምና መወሰዱን ገልጿል።

ሌላኛው እግሩ ላይ ተመትቶ ብዙ ደም ስለፈሰሰው ሕክምና እየተደረገለት መሆኑን አስረድቷል።
‎
‎ቲክቫህ ኢትዮጵያ ወረዳው ላይ የሚገኝ አንድ የፖሊስ ምንጭን አነጋግሯል።

" ከጥቃቱ አንድ ቀን አስቀድሞ ከታጣቂዎች ጠፍቶ የመጣ አንድ ሰው መረጃ አድርሶን ለሚመለከያቸው የበላይ የጸጥታ አካላት መረጃ አድርሰን ነበር " ብለዋል።

በአሁኑ ወቅት ጥቃቱ በደረሰበት አከባቢ መከላከያ ሰራዊት መኖሩን ገልጸዋል።

እኚሁ የፖሊስ ምንጭ የሟቾች ቁጥር እስካሁን 27 መድረሱንና አሁንም ግን አስክሬን እየተፈለገ መሆኑን ለቲክቫህ ኢትዮጵያ ተናግረዋል።
‎
‎ጥቃቱ የተፈጸመበት ቦታ ከታላቁ የኢትዮጵያ ሕዳሴ ግድብ 42 ኪሎ ሜትር ርቀት ገደማ ላይ እንደሚገኝ አክለው ገልጸዋል።

‎" ወቅቱ የምርጫ ወቅት ከመሆኑ ጋር ተያይዞ በቀጣይም ስጋቶች አሉ " ሲሉ ለቲክቫህ ኢትዮጵያ ተናግረዋል።
‎
‎ከጥቃቱ ጋር በተያያዘ ከቤንሻንጉል ጉሙዝ ክልል ፖሊስ ኮሚሽን እና ከክልሉ ሰላምና ፀጥታ ቢሮ መረጃ ለማኘት ያደረገው ሙከራ ለጊዜው አልተሳካም።

ቲክቫህ ኢትዮጵያ
ግንቦት 6 ቀን 2018 ዓ/ም
#TikvahEthiopiaFamilyHW

TIKVAH-ETHIOPIA

May 14, 2026, 08:49 PM

📷 Photo

#EFP : ከዛሬ ግንቦት 6 ቀን 2018 ዓ/ም ጀምሮ ወደ መካከለኛው ምሥራቅ ለሥራ ለመሰማራት የወንጀል ነጻ ሠርቲፊኬት የሚፈልጉ ተገልጋዮች በአካል አዲስ አበባ በሚገኘው ፎሬንሲክ ወንጃል ምርመራ አሻራ ምርመራ ዋና ክፈል መምጣት እንደማያስፈልጋቸው የኢትዮጵያ ፌዴራል ፖሊስ አሳወቀ።

ወደ መካከለኛው ምሥራቅ ለሥራ ለመሰማራት የወንጀል ነጻ ሠርቲፊኬት የሚፈልጉ በሥራ እና ክህሎት ሚኒስቴር በተዘጋጁ ማዕከላት አማካኝነት በየአካባቢያቸው በሚገኙና በሚልኳሸው ኤጀንሲዎች በኩል አገልግሎቱን ማግኘት እንደሚችሉ ገልጿል።

በጉዳዩ ላይ ተጨማሪ ማብራሪያ ለማግኘት እንዲሁም በተገልጋዮች ለሚቀርቡ ቅሬታዎች ማብራሪያ ለመጠየቅ ወደ ፌዴራል ፖሊስ ሙከራ ብናደርግም ለጊዜው ስልክ አልተነሳም። ማብራሪያ ከተሰጠን በቀጣይ የምናቀርብ ይሆናል።

ወደ ውጭ ሀገር ተጓዦች የወንጀል ነጻ ሰርተፊኬት ለማግኘት ቀን፣ ማታ፣ በፀሀይና ብርድ ተሰልፈው እየዋሉ ይገኛሉ።

ያለው ሁኔታ ለህገወጦችም በር ከፋች የሆነ ሲሆን ሰዎች በርካታ ብር በመክፈል በጀርባ በኩል ሰርተፊኬቱን ለማግኘት ይጥራሉ። እንዲሁም በአካባቢው ያሉ ደላሎች እና ዘራፊዎች " ኑ እኛ እናስወጣላችኋለን " በሚል ዜጋውን ይዘርፋሉ። " እኛ ጉዳያችሁን እናስጨርሳለን " በሚል ከሰዎች ገንዘብ ተቀብለው የሚጠፉም አሉ።

የራሳቸውንና የሚወዷቸውን ሰዎች ህይወት ለመቀየር ሲሉ በህጋዊ መንገድ ከሀገር ወጥተው ለመስራት የሚጥሩ ብዙሃኑ ወጣቶች እንዲህ ያለው ነገር ሲገጥማቸው ባልተፈለገ መንገድ ከሀገር እንዳይወጡና ህይወታቸውን እንዳያጡ ጥንቃቄ ሊደረግ ይገባል።

ቲክቫህ ኢትዮጵያ
ግንቦት 6 ቀን 2018 ዓ/ም

178,000

TIKVAH-ETHIOPIA

May 14, 2026, 08:49 PM

📷 Photo

#ኢትዮጵያ🇪🇹

በእንግሊዝ ሀገር የነበሩ የኢትዮጵያ ቅርሶች ወደ ኢትዮጵያ ተመለሱ።

በዛሬው ዕለት የአፄ ቴዎድሮስ የእጃቸው የወርቅ አምባር፣ የፀጉራቸው ቁንዳላ (ትንሽ ዘለላ) እና የሸማ ሸሚዝ ቁራጭ ቅርሶች ወደ ሀገር ቤት መመለሳቸው ተገልጿል።

እነዚህ የተመለሱት ቅርሶች በመቅደላ ጦርነት ወቅት የተወሰዱ ሲሆኑ ከ158 ዓመታት በኋላ ወደ ቤታቸው ተመልሰዋል።

የኢትዮጵያ ቅርስ ባለስልጣን ዋና ዳይሬክተር ረ/ፕሮፌሰር አበባው አያሌው ፥ " መንግስት ባደረገው ከፍተኛ የዲፕሎማሲ ጥረትና በተደረገ ስምምነት ቅርሶቹ ወደ ኢትዮጵያ እንዲመለሱ ተደርጓል " ብለዋል። በቀጣይም በተለያዩ ምክንያቶች የተወሰዱ ቅርሶችን ለማስመለስ የሚደረጉ ጥረቶች እንደሚቀጥሉ ገልጸዋል።

#ENA

ግንቦት 6 ቀን 2018 ዓ/ም

187,000

2,679

TIKVAH-ETHIOPIA

May 14, 2026, 08:49 PM

📷 Photo

አቢሲንያ ባንክ
የሁሉም ምርጫ

እንሸልምዎ!

ቅዳሜ ግንቦት 8 ከረፋዱ 4:30 ቀጣይ ዙር የጥያቄ እና መልስ ውድድር በቴሌግራም ቻናላችን ላይ ይደረጋል። በየሳምንቱ አስር አሸናፊዎች ይሸለማሉ! ዛሬውኑ የቴሌግራም ቻናላችንን በመቀላቀልና ቀላል ጥያቄዎችን በመመለስ ይሸለሙ!

የቴሌግራም ሊንክ 👇
https://t.me/+llUA1MmaoxgxM2Y0

158,000

128

TIKVAH-ETHIOPIA

May 14, 2026, 08:49 PM

📷 Photo

#Reminder🔔
#National_ID

የባንክ ሂሳብን ከፋይዳ ቁጥር ጋር ለማስተሳሰር የተሰጠው የጊዜ ገደብ ነገ ይጠናቀቃል።

አዲስ አበባ ከተማን ጨምሮ በ27 ዋና ዋና ከተሞች ለሚገኙ የባንክ ደንበኞች፣ የባንክ ሂሳባቸውን ከፋይዳ (ብሔራዊ መታወቂያ) ቁጥራቸው ጋር የሚያስተሳስሩበት ጊዜ ገደብ ነገ ግንቦት 6 ቀን 2018 ዓ.ም ያበቃል።

ከተሞቹ ፦
- አዲስ አበባ
- ድሬዳዋ
- ሐረር
- ባህርዳር
- ጎንደር
- ደሴ
- ደብረብርሃን
- ኮምቦልቻ
- ሀዋሳ
- አርባ ምንጭ
- ወላይታ ሶዶ
- ሆሳዕና
- ወልቂጤ
- ሸገር
- ጅማ
- አዳማ
- ሻሸመኔ
- ቢሾፍቱ
- ባቱ
- አምቦ
- መቐለ
- አክሱም
- ዓዲግራት
- ጋምቤላ እና አሶሳ ናቸው።

ይህን ሊንክ http://id.et/connect በመጠቀም ካሉበት በመሆን ፋይዳ መታወቂያን ከባንክ ጋር ማስተሳሰር እንደሚቻል የብሔራዊ መታወቂያ ፕሮግራም ገልጿል።

ብሔራዊ ባንክ እስከ ተሰጠው የጊዜ ገደብ ድረስ አካውንታቸውን ያላስተሳሰሩ ደንበኞች የባንክ ሂሳባቸው እንዲዘጋ ወይም እንዳይንቀሳቀስ (Dormant) የሚደረግ መሆኑን፣ ባንኮችም ይህንኑ ለደንበኞቻቸው እንዲያሳውቁ ትዕዛዝ ማስተላለፉን ለቲክቫህ ኢትዮጵያ ገልጾ ነበር።

ሂሳባቸው የተዘጋባቸው ደንበኞች ወደ ባንክ በመቅረብ የማስተሳሰር ሂደቱን በማከናወን ሂሳባቸውን መልሰው ማንቀሳቀስ ይችላሉ።

በሌሎች ከተሞች (ከተጠቀሱት ውጭ) ያሉ የባንክ ደንበኞች የባንክ ሒሳባቸውን እስከ ሰኔ 30 ቀን 2018 ዓ.ም ድረስ ባለው የጊዜ ገደብ ማስተሳሰር ይጠበቅባቸዋል።

ቲክቫህ ኢትዮጵያ
ግንቦት 5 ቀን 2018 ዓ/ም

236,000

TIKVAH-ETHIOPIA

Apr 4, 2026, 05:18 PM

📷 Photo

ነዳጅ እና የጤና ተቋማት !

ወቅታዊ የሆነው የነዳጅ አቅርቦት መስተጓጎል ችግር በተለይ በአዲስ አበባ የሚገኙ እና በርካታ ህሙማንን የሚያስተናግዱ ሪፈራል ሆስፒታሎች እና የጤና ተቋማት ላይ እክል እንዳይፈጥር ምን እየተሰራ ነው ?

በነዳጅ አቅርቦት መሰተጓጎል ችግር ምክንያት የተስተዋለው የነዳጅ አቅርቦት እጥረት በትራንስፖርትና በንግድ ዘርፉ ላይ ከሚያደርሰው ጫና በከፋ መልኩ፣ በሰው ህይወት ላይ ቀጥተኛ አደጋ ወደሚደቅንበት የጤናው ዘርፍ ከተሸጋገረ ጉዳቱ የከፋ ይሆናል።

የጤና ተቋማት ከድንገተኛ አምቡላንስ አገልግሎት ጀምሮ እስከ ህይወት አድን ማሽኖች ኦፕሬሽን ድረስ የሃይል አቅርቦት በሚቋረጥበት ጊዜ በነዳጅ በሚሰሩ ጀነሬተሮች ላይ ጥገኛ መሆናቸው እጥረቱ በሚከሰትበት ወቅት ዘርፉን ለከፋ ቀውስ ያጋልጠዋል።

በተለይም በርካታ ህሙማንን የሚያስተናግዱ ሆስፒታሎች በነዳጅ አቅርቦት መስተጓጎል ምክንያት ችግር እንዳያጋጥማቸው በሚያቀርቡት ጥያቄ መሰረት በአዲስ አበባ ጤና ቢሮ እና ንግድ ቢሮ በኩል የልዩ ድጋፍ ደብዳቤ እየተጻፈላቸው አቅርቦቱ እንዲደርሳቸው እየተደረገ ስለመሆኑ ቲክቫህ ኢትዮጵያ ከቢሮው ሃላፊዎች ሰምቷል።

የአዲስ አበባ ጤና ቢሮ ሃላፊ ዶ/ር ዮሐንስ ጫላ ለቲክቫህ ኢትዮጵያ ምን አሉ ?

" ቅድሚያ ከሚሰጣቸው አንዱ ሴክተር የጤና ሴክተር ነው በዚህ መሰረት ተቋማቱ የትብብር ደብዳቤ እንዲጻፍላቸው ሲመጡ የትብብር ደብዳቤ ይጻፍላቸዋል ይህንን የሚያስፈጽመውም ንግድ ቢሮ።

እኛ ማንኛውም የግል ይሁን የመንግስት ከህክምና ጋር ተያያዥ የሆኑ ስራዎችን የሚሰሩት የጤና ተቋማትን ቅድሚያ እንዲሰጣቸው እና በልዩ ሁኔታ እንዲታዩ ግብረ-ኃይሉ ባስቀመጠው አቅጣጫ መሰረት ቅድሚያ እንዲሰጣቸው የትብብር ደብዳቤ እንጽፍላቸዋለን።

ተቋማቱ ሲጠይቁን ነው የምንጽፍላቸው ነገር ግን ወጥ በሆነ በአንድ ቻናል ስለሆነ መመራት ያለበት፣ ይህንን የሚያስተባብረውን ግብረ-ኃይሉ ሃላፊነት የሰጠው ለንግድ ቢሮ ስለሆነ ለንግድ ቢሮ እንጽፋለን የትብብር ደብዳቤ " ብለዋል።

እንደ ጥቁር አንበሳ ሆስፒታል ያሉ ትልልቅ ተቋማት ያሉበት ሁኔታስ ምን ይመስላል ከዚህ ወቅታዊ ሁኔታ ጋር የሚል ጥያቄ ለሃላፊው አቅርበናል።

በምላሻቸውም :-

" እኛ ይህንን ትብብር እንፈልጋለን" ብለው ያቀረቡ ጥያቄ የለም፣ እስካሁን የገጠማቸው ችግር የለም መብራትም ቢሆን በልዩ ትኩረት ብዙ ጊዜ ሊቋረጥ በማይችሉ ቻናሎች ነው ትልልቆቹ ተቋማት የሚያገኙት።

አንዳንዶቹ ከሁለት ሶርስ (source) መብራት የሚያገኙበት እድል አለ፣ ውሃም መብራትም ይሄ ችግር ከመምጣቱም በፊት በልዩ ትኩረት የሚሰጣቸው ናቸው " ብለዋል።

የአዲስ አበባ ንግድ ቢሮ የኮምዩኒኬሽን ሃላፊ አቶ አሸናፊ ብርሃኑ በበኩላቸው " ለጤና ተቋማት ቅድሚያ እየተሰጣቸው ነው " ብለዋል ።

የትብብር ጥያቄስ እያቀረቡ ነው ?  የሚል ጥያቄ ያቀረብንላቸው ሲሆን " አዎ የቀረቡት ጥያቄዎች መልስ እየተሰጣቸው ነው " ሲሉ መልሰዋል።

በተጨማሪም " ጥያቄ ያቀረቡት ተቋማት መልስ እያገኙ ነው ለጤና ተቋማቱ ሙሉ በሙሉ እየተሰጠ ነው፣ ምንም ችግር የለም " ነው ያሉት።

ቲክቫህ ወቅታዊ ሃገራዊ ሁኔታውን እንዴት እየተወጣቹት ነው የሚለውን ለመስማት ወደ ጥቁር አንበሳ እና የካቲት 12 ሆስፒታሎች ተደጋጋሚ የስልክ ሙከራ ብናደርግም ለጊዜው ምላሽ ማግኘት አልቻልንም።

ቲክቫህ ኢትዮጵያ
አዲስ አበባ
መጋቢት 26 ቀን 2018 ዓ/ም

TIKVAH-ETHIOPIA

Apr 4, 2026, 05:18 PM

📷 Photo

ዋሪት ፈርኒቸር !

ውድ ደንበኞቻችን መጪውን የትንሳኤ በዓል ምክንያት በማድረግ በሁሉም የማሳያ ቅርንጫፎቻችን ከመጋቢት 8 እስከ ሚያዝያ 12፣ 2018 የሚቆይ ታላቅ ቅናሽ አድርገን እየጠበቅናችሁ ነው፡፡

ይጎብኙን!
📍22 - ዋሪት ህንፃ
📍 ጉርድ ሾላ - ሴንቸሪ ሞል
📍 ለቡ - ቫርኔሮ ፊት ለፊት
📍 አዳማ - ሶረቲ ሞል
📍 ቡልቡላ- ልዑል ህንፃ ፊት ለፊት
📍 ወሎ ሰፈር-  Ethiolife life real estate
📍 ጦር ሀይሎች- ኩዊንስ ፊት ለፊት

በዓሉ የደስታ እና የበረከት እንዲሆንላችሁ ከልብ እንመኛለን!


ዋሪት ፈርኒቸር
ትክክለኛ ምርጫ! ዝ👍!
ለተጨማሪ መረጃ: ☎️ 0911210706/07

44,400

TIKVAH-ETHIOPIA

Apr 4, 2026, 05:18 PM

📷 Photo

#MiddleEastWar 5 ሳምንታት ባስቆጠረው የኢራን እና የአሜሪካ ጦርነት ውስጥ ለመጀመሪያ ጊዜ የኢራን ጦር የአሜሪካ የጦር ጄት መትቶ መጣሉ ተነግሯል። ይህንን የሁለቱም ሀገራት ባለስልጣናት አረጋግጠዋል። የተመታው የጦር ጄት ሁለት ሰው የሚይዘው F-15E (Strike Eagle) ሲሆን ከጄቱ ውስጥ የዘለለ አንድ አብራሪ ተገኝቷል ተብሏል (የት እንዳለ ፣ የት እንደተገኘ ምንም አልተባለም) ፤ ሁለተኛው…

46,300

178

TIKVAH-ETHIOPIA

Apr 4, 2026, 05:18 PM

📷 Photo

✨ እንኳን ለብርሃነ ትንሳኤ በሰላም አደረሳችሁ! ✨

የትንሳኤን በዓል ያለ አንዳች ድካም በቤትዎ ሆነዉ በድምቀት ያከብሩ ዘንድ ለበዓል የሚያስፈልጉዎትን ነገሮች ሁሉ በአንድ ቦታ አሟልተን እየጠበቅኖት አንገኛለን።

👉 ዛሬውኑ የፖስታ ገበያ መተግበሪያን ከአፕስቶር ወይም ከፕሌይ ስቶር በማውረድ አልያም http://postgebeya.ethio.post/ ላይ በመግባት ያሻዎትን ይዘዙ፡፡

ለበለጠ መረጃ በነጻ የስልክ መስመር 8536 ይደውሉልን ወይም በቴሌግራም https://t.me/etpccsbot ያግኙን።

Follow us on our social media platforms
https://web.facebook.com/photo/?fbid=122094512661244208&set=a.122094511827244208&__tn__=< | https://t.me/postgebeya | https://www.linkedin.com/company/post-gebeya/posts?lipi=urn:li:page:d_flagship3_search_srp_content;0CVy5O/URD6n0RsOMC/wgg== | https://twitter.com/postgebeya | https://www.instagram.com/postgebeya/ | https://www.tiktok.com/@postgebeya |

TIKVAH-ETHIOPIA

Apr 4, 2026, 05:18 PM

📷 Photo

የሴኔጋል መንግስት በግብረ ሰዶማዊነት ላይ ጠንካራ እርምጃ የሚወስድ አዲስ ህግ አፀደቀ።

የሴኔጋል ፕሬዝዳንት ባሲሩ ዲዮማዬ ፋዬ በሀገሪቱ ግብረ ሰዶማውያንን በከፍተኛ ሁኔታ የሚቀጣ አዲስ ህግ በፊርማቸው አፅድቀዋል።

ይህ አዲስ ህግ ቀደም ሲል በግብረ ሰዶማዊነት ድርጊት ላይ ተጥሎ የነበረውን ከፍተኛ የእስር ቅጣት ወደ 10 ዓመት ከፍ አድርጎታል።

" ከተፈጥሮ ውጪ የሆኑ ድርጊቶች " ተብለው የተመደቡ የተመሳሳይ ፆታ ግንኙነቶች ላይ የሚጣለው ቅጣት ከነበረበት 1-5 ዓመት ወደ 5-10 ዓመት ከፍ እንዲል ተደርጓል።

አዲሱ ህግ ከእስር በተጨማሪ ከ2 ሚሊዮን እስከ 10 ሚሊዮን የሴኔጋል ፍራንክ ($3,500 - $17,600) የሚደርስ ከፍተኛ የገንዘብ መቀጮ ደንግጓል። ይህም ቀደም ሲል ከነበረው (1.5 ሚሊዮን ፍራንክ) እጅግ የላቀ ነው።

ግብረ ሰዶማዊነትን የሚያስተዋውቁ ወይም የገንዘብ ድጋፍ የሚያደርጉ ግለሰቦች ከ3 እስከ 7 ዓመት በሚደርስ እስራት እንዲቀጡ ህጉ ይፈቅዳል።

አፀያፊ የተባለውን ይህን ድርጊት የሚያበረታታ ማንኛውም ድርጊት እንደ ወንጀል እንዲታይ ተደርጓል።

ህጉ ያለምንም ማስረጃ ሌላውን ሰው በግብረ ሰዶማዊነት ወንጀል የሚከስ ማንኛውንም አካል በወንጀል እንደሚቀጣ አካቷል።

ይህ ጠንካራ ህግ ፕሬዝዳንት ባሲሩ ዲዮማዬ ፋዬ እና የሀገሪቱ ጠቅላይ ሚኒስትር ኡስማን ሶንኮ በምርጫ ወቅት ለህዝባቸው የገቡትን ቃል የፈጸሙበት ነው ተብሏል።

የተባበሩት መንግስታት ድርጅት የሰብአዊ መብቶች ከፍተኛ ኮሚሽነር ቮልከር ቱርክ ውሳኔውን " እጅግ አሳሳቢ " ሲሉ የገለጹት ሲሆን ህጉ ሰብአዊ መብቶችን የሚጥስ መሆኑን ተናግረዋል።

በተቃራኒው በሴኔጋል የሚገኙ የሃይማኖት ተቋማት እና ማህበራት ግብረ ሰዶማዊነት "የምዕራባውያን ባህል መጫኛ መሳሪያ ነው" በሚል ጠንካራ ቅጣት እንዲጣል ሲወተውቱ ቆይተዋል ተብሏል።

ከባለፈው የካቲት ወር ጀምሮ በሴኔጋል በርካታ ሰዎች በግብረ ሰዶማዊነት ተጠርጥረው በቁጥጥር ስር ውለዋል።

አዲሱ ህግ ተጠርጣሪዎቹ  ላይ የሚጣለውን ቅጣት የበለጠ በማክበድ በሀገሪቱ ያለውን ጥብቅ ቁጥጥር የሚያጠናክር ነው።

በተለይም ድርጊቱ የተፈጸመው ለአካለ መጠን ባልደረሱ ህፃናት ላይ ከሆነ ከፍተኛው ቅጣት እንደሚተገበር ህጉ ይገልጻል።

ቲክቫህ ኢትዮጵያ
መጋቢት 25 ቀን 2018 ዓ/ም

TIKVAH-ETHIOPIA

Apr 4, 2026, 05:18 PM

📷 Photo

#RedSea በየመን የሚንቀሳቀሱት የሁቲ አማፂያን፣ በዓለም አቀፍ የንግድ መርከቦች ላይ የሚያደርሱትን ጥቃት ዳግም ለመጀመር እየተዘጋጁ እንደሆነ ተነገረ። በተለይም ስትራቴጂካዊ በሆነው የባብ አል-መንደብ የባሕር መስመር እና በቀይ ባሕር ላይ ጥቃታ ለመጀመር ስለማቀዳቸው ዋሽንግተን ፖስት ዘግቧል። የሁቲ አማፂያን ይህንን እርምጃ ለመውሰድ የወሰኑት ከኢራን ጎን ለመቆም መሆኑ ተገልጿል። ቀይ ባሕር ለዓለም…

202,000

1,413

TIKVAH-ETHIOPIA

Apr 4, 2026, 05:18 PM

📷 Photo

በጅማ ' ሄርማታ ት/ቤት ' የተፈጸመው አሰቃቂ ድርጊት ምንድነው ?

⚠️ ወላጆች ልጆቻችሁን ጠብቁ ፣ ውሏቸውን ፣ ባህሪያቸውን ፣ የሚያደርጉትን ተከታተሉ !

የቲክቫህ ኢትዮጵያ ጅማ ቤተሰብ አባል ሄርማታ ትምህርት ቤት መምህር ፦

" የወንጀል ድርጊቱ የተፈጸመው ማክሰኞ ዕለት በጅማ ከተማ ሄርማታ ትምህርት ቤት ነው።

ሟች ሙሳብ መሃመድ ይባላል። ገዳይ ሙአዝ ቢላል ይባላል።

አንዱ የ16 ዓመት አንዱ ደግሞ የ17 ዓመት ታዳጊዎች ፤ የአንድ ክፍል ተማሪዎች ናቸው።

የተለየ ጠብ በመካከላቸው አልነበረም። ሟች የክፍል አለቃ ሲሆን ከትምህርቱ ጎን ለጎን የክፍሉን ፀጥታ የማስከበር ተግባር ላይ ነበር።

በእለቱ ገዳይ አስተማሪ አለመኖሩን ጠብቆ በክፍል መስኮት ለመዝለል ይሞክራል። በዚህም ጊዜ ሙሳብም ' ድርጊትህ ስነምግባራዊ አይደለም ትክክልም አይደለህም ' በማለት ይናገረዋል።

ገዳይም ' አንተ ምን ያገባሃል ? አይመለከትህም ' ብሎ ይመልሳል። ሙሳብ ' እኔ አለቃ እስከሆንኩ ድረስ ይመለከተኛል ' ሲል ይመልስለታል።

በኋላም እሰጣ ገባ ውስጥ ይገባሉ።

ከዚህ በፊትም ልጁ የባህሪ ችግር ስለነበረበት ስሙን ፅፎ ለመምህራን ሰጥቶበታል።

አሁን ፀቡ ሲፈጠር ' ከዚህ በፊትም እንዲህ አድርገኸኛል አለቅህም ' ይለውና ይያያዛሉ። በስፍራው የነበሩ ተማሪዎች ለማገላገል ቢሞክሩም ገዳዩ ተማሪ ስለት አውጥቶ አንገቱ ላይ ይወጋዋል።

ያን በኃይል ለመጣል ሲሞክር ድጋሚ ይወጋዋል። ይህን አሰቃቂ ወንጀል ከፈጸመ በኋላ አብረውት ከነበሩ 3 ግብረአበሮች ጋር ተያይዞ ይሮጣል።

ልጁን ለማተረፍ ተሞከረ። መምህራን ልጁን ይዘው ሆስፒታል ለመሄድ ሲሞከር በመንገድ ላይ ህይወቱ አልፏል።

ገዳይም የ17 ዓመት ልጅ የሆነው ሙአዝ ሊያመልጥ ቢሞክርም በፖሊስ ቁጥጥር ስር ሊውል ችሏል።

ልጁ ያጨሳል፣ ሲጋራ፣ ጋንጃ፣ ሃሺሽ እና የመሳሰሉትን አደንዛዥ እጾች ይጠቀም እንደነበር ታውቋል ፤ በባህሪም አስቸጋሪ ልጅና ከሌሎች ትምህርት ቤቶች ተባሮ የመጣ ነው።

ሟች ስርዓተ ቀብሩ ተፈጽሟል። ሰዎች ፍትህ እንዲሰጥ ሰልፍ ለመውጣት ሞክረው ነበር።

እንዲህ ያለ ተማሪ አደንዛዥ እፅ የሚጠቀም በባህሪም የሚያስቸግር ሆኖ ሳለ እንዴት አትከታተሉም በሚል የታሰሩ መምህራን ነበሩ። ጥበቃውም ታስሯል። ልጁ ደም እየፈሰሰው " ነገሩ እስኪረግብ " ብሎ አቆይቶ ነበር።

እናት በሰላም ደብተር አስይዛ የሸኘችውን ልጅ በደም ተለውሶ፤ ህይወቱ አልፎ አስክሬን ስትቀበል ምን ያህል መሰበርና ምን ያህል መሪር ሃዘን ውስጥ እንደምትወድቅ አስቡት።

ልጁም ህይወቱ አለፈ ፤ ገዳይም ለእስር ተዳረገ። ፖሊስ የምርመራ ስራ እየሰራ ነው።

ይህ ጉዳይ ተሸፋፍኖ እንዳይቀር ነው ያጋራሁት። ነገ በኔ የሚባል ነገር አለ። ነገ በእኔ ልጆችስ ቢደርስ ? እውነታን መናገር ይገባል።

ሟቹን በጉርብትና በትምህርት ቤትም በደምብ አውቀዋለሁ። ነገር ግን ገዳዩ ተማሪ ለኔ የቀረበ ነው። በቤተሰብ ደረጃም ከፍተኛ ኢኮኖሚ ያላቸው ናቸው።

ቤተሰብ ልጆቹን በአግባቡ ሊይዝ ሊጠብቅ፣ ሊቆጣጠር ይገባል። ባህሪያቸውንም መከታተል አለበት።

ዛሬ ላይ የ17 ዓመት ታዳጊ ስለት አንስቶ ጓደኛውን ገደለ ማለት አስቡት ነገ ምን አይነት ልጆች ሊመጡ እንደሚችሉ።

ወላጆች ልጆቻችንን በአግባቡ እንያዝ። ትምህርት ቤት ለቀን ብቻ መተው የለብንም። የት እንደሚውሉ ፣ ምን እንደሚሰሩ ፣ የሚጠቀሙት ነገ ካለ፣ የሚያደርጉት ነገር ካለ እንወቅ። ማህበረሰቡም የባህሪ ችግር ያለባቸውን ልጆች ' እኔ ምን አገባኝ ' ብሎ ከማለፍ ተከታትሎ ማረም አለበት። ነገ ወደሱም ይመጣል።

መንግሥት ፣ የፀጥታ አካሉም ትልቅ ኃላፊነት አለበት። በሌላ ነገር ትኩረት እየተደረገ ትውልድ መጥፋት የለበትም።

ሌላው ' ቲክቶክ ' የተባለ ማህበራዊ ሚዲያ ከመጣ በኋላ በሃላል በአደባባይ መቦዘን፣ ማጨስ ፣ መጠጣት ፣ መሰዳደብ፣ በቡድን መደባደብ ልክ እንደፋሽንና ጥሩ ነገር ተቆጥሮ ትንንሽ ልጆች እንዲያዩት እየተደረገ ነው። ወጣቶች ገና በለጋነታቸው ወደ ወንጀል እንዲገቡ እየተገፉ ነው። በአደባባይ ወጥተው ይህን ኢ-ስነምግባራዊ የሆነ ባህሪ የሚያሳዩ ልጆች እንዲታረሙ ማድረግ ይገባል። የሚመለከታቸው አካላት ልጆችን፦
- ማጨስ፣
- መሰዳደብ፣
- መደባደብ
- መቦዘን፣ የሚያስተምሩ አካላትን አደብ ማስገዛት አለባቸው። "

ቲክቫህ ኢትዮጵያ
ጅማ

#TikvahEthiopiaFamilyJimma

TIKVAH-ETHIOPIA

Apr 4, 2026, 05:18 PM

📷 Photo

" አሳዛኝ ሁኔታው በእርግጥም ተከስቷል፤ ... ገዳዩ ወዲያውኑ እጁን ለፖሊስ ሰጥቷል " - የጅማ ከተማ ኮሚኒኬሽን ፅ/ቤት

➡️ " ፖሊስ የችግሩን መነሻና መንስኤ እያጣራ ይገኛል ! "

በጅማ ሄርማታ ሁለተኛ ደረጃ ትምህርት ቤት የ16 ዓመቱ የ8ኛ ክፍል ተማሪ ሙሳብ መሃመድ በክፍሉ ተማሪ በአሰቃቂ ሁኔታ አንገቱን በስለት ተወግቶ ህይወቱ ማለፉን የትምህርት ቤቱ መምህር ለቲክቫህ ኢትዮጵያ ገልጸዋል።

ሙሳብ የክፍሉ አለቃ የነበረ ሲሆን ገዳይ ሙአዝ ቢላል በክፍል ውስጥ አስተማሪ አለመኖሩን ተከትሎ በመስኮት ዘሎ ለመውጣት ሲሞክር " ለምን እንዲህ ኢ-ስነምግባራዊ ድርጊት ታደርጋለህ ? " ብሎ መጠየቁን ተከትሎ አለመግባባት መፈጠሩን አመልክተዋል።

ገዳይ " ምን አገባህ አንተ ? አይመለከትህም " በማለትና ከዚህ ከፊትም ስሙ ለመምህር እንደተሰጠበት በመግለፅ ከሟች ጋር ይያያዛል።

በኋላም በስለት አንገቱን ደጋግሞ በመውጋት ብዙ ደም ፈሶት ህይወቱ እንዲጠፋ አድርጓል። ወንጀሉን ፈጽሞ ከግበረ አበሮቹ ጋር በመሆን ከስፍራው ሮጦ ቢያመልጥም አሁን ላይ በፖሊስ ቁጥጥር ስር እንደሆነ መምህሩ ለቲክቫህ ኢትዮጵያ አሳውቀዋል።

ይህን አሰቃቂ የወንጀል ድርጊት መፈጸሙን የጅማ ከተማ ኮምዩኒኬሽን ጽ/ቤት ለቲክቫህ ኢትዮጵያ አረጋግጧል።

ጽ/ቤቱ በሰጠው ቃል " አሳዛኝ ሁኔታው በእርግጥም ተከስቷል " ብሏል።

ጽ/ቤቱ ስለግድያው እንደተናገረው " በተማሪዎች መካከል በተፈጠረ አለመግባባት የአንድ ተማሪ ህይወት አልፏል " ብሏል።

እንደ ጽ/ቤቱ መረጃ ሁለቱም ተማሪዎች የ8ኛ ክፍል ተማሪዎች ሲሆኑ፣ ድርጊቱን የፈጸመው የ17 ዓመት እድሜ ያለው ሲሆን ሟች 16 ዓመቱ ነው።

በተጨማሪም ድርጊቱ የተፈጸመው በስለት መሆኑን ገዳዩም ወዲያውኑ እጁን ለፖሊስ መስጠቱን ለቲክቫህ ኢትዮጵያ ገልጿል።

በአሁኑ ወቅት ፖሊስ የችግሩን መነሻና መንስኤ እያጣራ እንደሚገኝ አመልክቷል።

የከተማዋ ኮምዩኒኬሽን የሞተው ተማሪ የቀብር ሥነ-ሥርዓቱ መፈጸሙን በመግለጽ ማህበረሰቡም የተጎጂ ቤተሰቦችን በማጽናናት ላይ ይገኛል ነው ያለው።

" በአሁኑ ሰዓት በትምህርት ቤቱ ትምህርት የቀጠለ ሲሆን የአካባቢው ሰላምም ተረጋግቷል " ብሏል።

ቲክቫህ ኢትዮጵያ
መጋቢት 25 ቀን 2018 ዓ/ም

TIKVAH-ETHIOPIA

Apr 4, 2026, 05:18 PM

📷 Photo

#ethiotelecom

ኢትዮ ቴሌኮም በኦንላይን ሰነዶችን ለማረጋገጥ የሚያስችል የዲጂታል ፊርማ አገልግሎት አስጀምሯል።

ኢትዮ ቴሌኮም ተገልጋዮች በአካል ሳይገኙ ሰነዶችን በዲጂታል መንገድ እንዲፈርሙና ህጋዊ ማረጋገጫ እንዲያገኙ የሚያስችለውን "ቴሌሳይን" (teleSign) የተሰኘ ሶሉሽን በይፋ ስራ አስጀምሯል።

- ከውጭ ጉዳይ ሚኒስቴር፣
- ከፍትህ ሚኒስቴር
- ከፌደራል ሰነዶች ማረጋገጫና ምዝገባ አገልግሎት ጋር በመተባበር የቀረበው ይህ ሲስተም፣ ተገልጋዮች ካሉበት ሆነው የመንግስት አገልግሎቶችን በኦንላይን እንዲያገኙ ለማስቻል ያለመ ነው።

በተለይ በውጭ ሀገር የሚኖሩ ኢትዮጵያውያን በአካል ኤምባሲ ወይም የውክልና መስጫ ቢሮዎች ሳይገኙ የህጋዊ ውክልና ለመስጠትና ለተለያዩ ጉዳዮች የሚገጥማቸውን የጊዜና የጉዞ ወጪ ችግር ለመቅረፍ ታስቦ የተዘጋጀ መሆኑ ተገልጿል።

"ቴሌሳይን" ዜጎች ካሉበት ሆነው የሰነድ ማረጋገጥ፣ የውክልና ስልጣን እና የጠበቃ ፈቃድ አገልግሎት እንዲያገኙ ያስችላል ተብሏል።

በዲጂታል መንገድ ከሚያከናውናቸው ዋና ዋና አገልግሎቶች መካከል  የውክልና ስልጣን አንዱ ሲሆን፤ ይህም የዲያስፖራው ማህበረሰብም ሆነ በሀገር ውስጥ የሚገኙ ዜጎች በአካል ኤምባሲ ወይም ቢሮ ሳይገኙ የውክልና ስልጣን ለመስጠትም ሆነ ለማንሳት ያስችላል።

በተጨማሪም ድርጅቶችና ዜጎች ማንኛውንም ህጋዊ ሰነድ ካሉበት ቦታ ሆነው በዲጂታል መንገድ እንዲያረጋግጡ የሚያስችል የሰነድ ማረጋገጥ አገልግሎትን ያካተተ ሲሆን፤ የህግ ባለሙያዎችም የጠበቃ ፈቃድ ለማውጣትና ለማደስ የሚጠቀሙበት የተቀናጀና ወረቀት-አልባ አሠራር  በሶሉሽኑውስጥ መካተቱ ተነግሯል።

ይህ የዲጂታል ፊርማ መድረክ በሰው ሰራሽ አስተውሎት (AI) የታገዘ የቪዲዮ ማንነት ማረጋገጫን የሚጠቀም ሲሆን፣ ከብሔራዊ የዲጂታል መታወቂያ (ፋይዳ) ጋር በመናበብም የፊርማውን ትክክለኛነት ያረጋግጣል።

ተገልጋዮች በቴሌብር አማካኝነት ክፍያቸውን ፈጽመው በቀን 24 ሰዓት አገልግሎቱን ማግኘት የሚችሉ ሲሆን፣ ይህም ቀደም ሲል ለቀናት ይወስድ የነበረውን አሰራር ወደ ጥቂት ደቂቃዎች ዝቅ እንደሚያደርገው ተገልጿል።

አገልግሎቱ በኢትዮጵያ አዋጅ ቁጥር 1072 ለዲጂታል ፊርማ ከተቀመጠው ህጋዊ ማዕቀፍና ከዓለም አቀፍ ስታንዳርዶች ጋር የተጣጣመ በመሆኑ በህግ ፊት ሙሉ ተቀባይነት እንዳለው ይፋ በማድረጊያ ስነስርዓቱ ወቅት ተነግሯል።

ተገልጋዮች የቴሌሳይን የሞባይል መተግበሪያን ወይም http://telesign.et/ የተሰኘውን የኩባንያውን ድረ-ገጽ በመጠቀም የዲጂታል ፊርማ አገልግሎቱን ማግኘት ይችላሉ ተብሏል።.

TIKVAH-ETHIOPIA

Apr 4, 2026, 05:18 PM

📷 Photo

#IRAN🇮🇷 #HormuzStrait የኢራን ወታደራዊ ቃል አቀባይ ብ/ ጄኔራል አቦልፋዝል ሸካርቺ የዓለማችን ቁልፍ የነዳጅና ቁሳቁሶች መተላለፊ የሆነው ሆርሙዝ ሰርጥ ለአሜሪካ እና እስራኤል ረጅም ጊዜ ተዘግቶ እንደሚቆይ አሳወቁ። እስከመቼ  ድረስ ይዘጋባቸዋል የሚለውን ባያሳውቁም " የኢራን ህዝብ ጠላቶች " በመሆናቸው ሰርጡ ለነሱ እንደማይከፈት ገልጸዋል። ይህ ውሳኔ የቀጠናውን ጦርነት ይበልጥ የሚያባብስ…

220,000

1,038

TIKVAH-ETHIOPIA

Apr 1, 2026, 01:25 AM

📷 Photo

" በሀገር ውስጥ በረራዎች ላይ ምንም አይነት የዋጋ ጭማሪ አልተደረገም " - የኢትዮጵያ አየር መንገድ

የኢትዮጵያ አየር መንገድ ዋና ስራ አስፈፃሚ አቶ መስፍን ጣሰው፣ በአሁኑ ወቅት በዓለም አቀፍ ደረጃ እያጋጠመ ባለው የነዳጅ አቅርቦት መስተጓጎል በኢትዮጵያ አየር መንገድ በረራዎች ላይ መቋረጥ እንዳላስከተለ ገልጸዋል።

ዋና ስራ አስፈፃሚው እንደገለጹት፣ በገልፍ ቀጣና ባለው ግጭት ምክንያት በዓለም አቀፍ የአቪዬሽን ኢንዱስትሪ ላይ የነዳጅ አቅርቦት እጥረትና የዋጋ ጭማሪ ታይቷል።

ይሁን እንጂ፣ የኢትዮጵያ መንግስት ከአማራጭ ቦታዎች ነዳጅ እንዲቀርብ በማድረጉ አየር መንገዱ ስራውን ሳያስተጓጉል መቀጠል ችሏል ብለዋል።

አቶ መስፍን " የኢትዮጵያ አየር መንገድ በረራውን እንዲቀጥል ለማስቻል የኢትዮጵያ መንግስት ከአማራጭ ቦታዎች ነዳጅ እያመጣልን ነው " ሲሉ ገልጸዋል።

አቶ መስፍን አክለውም፣ አየር መንገዱ የነዳጅ አጠቃቀሙን በማሻሻል አንዳንድ የበረራ መስመሮች ላይ ማስተካከያ ቢያደርግም፣ እስካሁን ወደ ሚበርባቸው መዳረሻዎች በሙሉ በረራው እንደቀጠለ መሆኑን አረጋግጠዋል " ወደ የትኛውም የበረራ መዳረሻ የተቋረጠ በረራ የለም፤ የምንበርባቸውን ቦታዎች በሙሉ እየበረርን ነው " ብለዋል።

በተለይ የሀገር ውስጥ በረራዎችን በተመለከተ፣ አሁን ባለው የነዳጅ አቅርቦት ችግር ምክንያት ምንም አይነት ተፅዕኖ እንዳልደረሰባቸው አቶ መስፍን ገልጸዋል።

የሀገር ውስጥ በረራዎች የምልልስ ብዛትም ሆነ መደበኛ መርሃ-ግብር በነበረበት ሁኔታ የሚቀጥል መሆኑንም ጠቅሰዋል።

በነዳጅ እጥረቱ ምክንያት የትኬት ዋጋ ላይ የተደረገ የዋጋ ማስተካከያን በሚመለከት  ዋና ስራ አስፈጻሚው ማብራሪያ ሰጥተዋል።

በማብራሪያቸውም የዓለም አቀፍ የነዳጅ ዋጋ ጭማሪን ተከትሎ በዓለም አቀፍ በረራዎች ላይ የነዳጅ ዋጋ በመጨመሩ መጠነኛ የዋጋ ለውጥ መኖሩን የገለጹት ስራ አስፈፃሚው፣ ይህ አሰራር በሁሉም የዓለም አቀፍ አየር መንገዶች ላይ ተግባራዊ እየሆነ ያለ መሆኑን ጠቁመዋል ሆኖም ግን፣ በሀገር ውስጥ በረራዎች ላይ ምንም አይነት የዋጋ ጭማሪ አልተደረገም ነው ያሉት።

ዋና ስራ አስፈጻሚው " በኢንዱስትሪው ውስጥ አንድ አሰራር አለ፤ የነዳጅ ዋጋ በጣም ከፍ ሲል ያንን በከፊል ለማስተካከል የሚጨመር የነዳጅ 'ፕሪሚየም' (premium) የሚባል አለ።  ያ በተወሰነ ደረጃ ስለተጨመረ አሁን በሁሉም አየር መንገድ ብታዩ የቲኬት ዋጋ በጥቂት ደረጃ ከፍ ብሏል " ብለዋል።

ቲክቫህ ኢትዮጵያ
አዲስ አበባ
መጋቢት 22 ቀን 2018 ዓ/ም

TIKVAH-ETHIOPIA

Apr 1, 2026, 01:25 AM

📷 Photo

#NBE : የዝቅተኛ ወለድ ተመን ለገበያዉ እንዲተዉ ተወስኗል። የኢትዮጵያ ብሔራዊ ባንክ ከሀምሌ 2016 ጀምሮ በወለድ ላይ የተመሰረተ የገንዘብ ፖሊሲ ማእቀፍ ተግባራዊ ሲያደርግ ቆይቷል። የባንኩ የገንዘብ ፖሊሲ ኮሚቴ እንዳለው፤  ትኩረቱ ይህ የፖሊሲ ማዕቀፍ ዉጤታማ ሆኖ ቀጥተኛ ባልሆነ የገንዘብ ፖሊሲ ማለትም በወለድ በኩል በኢኮኖሚ ዉስጥ የሚዘዋወረዉ ገንዘብ ላይ ተጽእኖ በማምጣት ባንኩ ያስቀመጠዉ ዋጋን…

150,000

258

TIKVAH-ETHIOPIA

Apr 1, 2026, 01:25 AM

📷 Photo

የኢትዮጵያ አየር መንገድ ወደ መካከለኛው ምስራቅ አቋርጧቸው ከነበሩ በረራዎች መካከል የትኞቹን በድጋሚ አስጀመረ ?

በመካከለኛው ምስራቅ በተከሰተው ግጭት ምክንያት በርካታ አየር መንገዶች ወደ ቀጠናው ያደርጉት የነበረውን በረራ በጊዜያዊነት ማቋረጣቸው ይታወቃል።

በሳምንት ከ 100 በላይ ምልልሶችን ያደርግ የነበረው የኢትዮጵያ አየር መንገድ ግጭቱ ከተቀሰቀሰበት ጊዜ አንስቶ ወደ መካከለኛው ምስራቅ እና ገልፍ ሃገራት ያደርጋቸው የነበሩ በረራዎችን ካቋረጡ አየር መንገዶች መካከል አንዱ ነው።

ለሳምንታት ተቋረጦ የቆየው በረራ ወደ አንዳንድ የቀጠናው አካባቢዎች በድጋሚ ማስጀመሩን የኢትዮጵያ አየር መንገድ አሳውቋል።

የአየር መንገዱ ዋና ስራ አስፈጻሚ አቶ መስፍን ጣሰው በዛሬው ዕለት ከጋዜጠኞች ለቀረበላቸው ጥያቄ በሰጡት ማብራሪያ "የመሻሻል ነገሮች በምናይባቸው አካባቢዎች በተወሰነ ደረጃ በረራ እንደገና አስጀምረናል" ብለዋል።

በረራ የጀመረባቸው አካባቢዎች :-

• ዩናይትድ አረብ ኤምሬትስ ውስጥ ዱባይ በቀን አንድ በረራ ፣
• አቡዳቢ በቀን አንድ በረራ ፣
• ሻርጃ በቀን አንድ በረራ
• ሳውዲ አረቢያ (ደማም ከተማ) በቀን አንድ በረራ
• ጆርዳን አማን በቀን አንድ በረራ ናቸው።

ይሁን እንጂ አቶ መስፍን  ዶሃ (ኳታር)፣ ባህሬን፣ ኩዌት እንዲሁም ቴላቪቭ እና ቤሩት በረራ እንደተቋረጠባቸው መሆኑን አሳውቀዋል።

የኢትዮጵያ አየር መንገድ ግሩፕ ዋና ስራ አስፈጻሚ አቶ መስፍን ጣሰው በዝርዝር ምን አሉ ?

" እንደሚታወቀው በገልፍ አካባቢ ጦርነት ከተጀመረ አንድ ወር አካባቢ ሆኖታል።

ጦርነቱ ከተጀመረ ጊዜ ጀምሮ የኢትዮጵያ አየር መንገድ ወደ ገልፍ እና መካከለኛው ምስራቅ አገሮች የሚያደርገውን በረራ በተወሰነ ደረጃ ለጊዜው አቋርጧል።

ይህ በመሆኑ ምክንያት ወደ መካከለኛው ምስራቅ እና ገልፍ የሚሄዱ መንገደኞች እያጓጓዝን አይደለም፤ ያ በመንገደኛ ቁጥራችን ላይ የተወሰነ ተፅዕኖ ያሳድራል።

ይሁን እንጂ በሌሎች በምንበርባቸው ዓለም አቀፍ መዳረሻዎቻችን ላይ ያለንን በረራ በማጠናከር ከዚህ ከገልፍ እና መካከለኛው ምስራቅ ያጣነውን መንገደኛ ቁጥር ሌላ ቦታ በመብረር በተወሰነ ደረጃም ቢሆን ለማካካስ ሞክረናል።

በዚህ መንገድ እየቀጠልን ነው፤ ሁኔታውን እየተከታተልን ነው የመሻሻል ነገሮች በምናይባቸው አካባቢዎች በተወሰነ ደረጃ በረራ እንደገና አስጀምረናል ያ እየቀጠለ ነው ያለው።

በረራ ተቋርጦ ከነበረባቸው መካከል አሁን መብረር የጀመርንባቸው ዩናይትድ አረብ ኤምሬትስ ውስጥ ዱባይ በቀን አንድ በረራ እያደረግን ነው፣ አቡዳቢ በቀን አንድ በረራ እያደረግን ነው፣ እንዲሁም ሻርጃ በቀን አንድ በረራ እያደረግን ነው።

በተጨማሪም ሳውዲ አረቢያ ውስጥ ደማም የምትባል ከተማ አቋርጠን ነበር እሱን በረራ ቀጥለናል።

ይሁን እንጂ ዶሃ (ኳታር) ፣ ባህሬን ፣ ኩዌት እንዲሁም ቴላቪቭ እና ቤሩት በረራ እንዳቋረጥን ነው።

እንግዲህ በረራ ስናቋርጥ የበረራ ደህንነትን ትክክለኛ ትንተና አካሂደን ያለውን ሁሉ መረጃ አገናዝበን መብረር ሴፍ (safe) ነው የምንል ሲሆን ብቻ እንበራለን።

በተጨማሪም ጆርዳን አማን አቋርጠን ነበር እሱን ሁለት በረራ ነበረ አሁን በአንድ በረራ ጀምረናል " ብለዋል።

ቲክቫህ ኢትዮጵያ
መጋቢት 22 ቀን 2018 ዓ/ም

TIKVAH-ETHIOPIA

Apr 1, 2026, 01:25 AM

📷 Photo

#ነዳጅ የተጣራ ነጭ ናፍጣ በበርሜል 230 ዶላር ፤ የተጠራ ቤንዚን ደግሞ በ150 ዶላር መድረሱን የንግድና ቀጠናዊ ትስስር ሚኒስቴር አስታወቀ። ኢትዮጵያ በተባራሪ ገበያ (Spot Market)  ነዳጅ ከመደበኛው ዋጋ በላይ እያወጣች እየገዛች ነው ተብሏል። ኢትዮጵያ ነዳጅ የምታገኘው በሆርሙዝ ሰርጥ አልፎ በመሆኑ በመካከለኛው ምስራቅ ጦርነት ምክንያት የአቅርቦት ችግር ገጥሟታል። የንግድና ቀጠናዊ ትስስር…

158,000

939

TIKVAH-ETHIOPIA

Apr 1, 2026, 01:25 AM

📷 Photo

#ነዳጅ

የተጣራ ነጭ ናፍጣ በበርሜል 230 ዶላር ፤ የተጠራ ቤንዚን ደግሞ በ150 ዶላር መድረሱን የንግድና ቀጠናዊ ትስስር ሚኒስቴር አስታወቀ።

ኢትዮጵያ በተባራሪ ገበያ (Spot Market)  ነዳጅ ከመደበኛው ዋጋ በላይ እያወጣች እየገዛች ነው ተብሏል።

ኢትዮጵያ ነዳጅ የምታገኘው በሆርሙዝ ሰርጥ አልፎ በመሆኑ በመካከለኛው ምስራቅ ጦርነት ምክንያት የአቅርቦት ችግር ገጥሟታል።

የንግድና ቀጠናዊ ትስስር ሚኒስትር ካሳሁን ጎፌ (ዶ/ር) ምን አሉ ?

- " የመካከለኛው ምስራቅ ጦርነት በነዳጅ አቅርቦት ላይ ከፍተኛ ችግር ፈጥሯል። "

- " ድፍድፍ ዘይት (ነዳጅ) የሚያመርቱ ሀገራት እና ኩባንያዎች የማምረት ስራቸውን በእጅጉ ቀንሰዋል። "

- " የነዳጅ ማጣራት ስራ የሚሰሩ ሀገራትና ኩባንያዎችም በከፍተኛ ሁኔታ ስራቸውን ቀንሰዋል። "

- " የሆርሙዝ ሰርጥ በቀን ከ140 ሚሊዮን በርሜል በላይ ነዳጅ የሚዘዋወርበት ሰርጥ ነው። 20% የዓለም ነዳጅ የሚዘዋወረው በዚህ ነው። "

- " ኢትዮጵያ ነዳጅ የምታገኘው በሆርሙዝ ሰርጥ አልፎ ነው። ስፍራው ጦርነት ያለበት በመሆኑ የነዳጅ አቅርቦትን አወሳስቦታል። "

- " ከመካከለኛው ምስራቅ ሀገራት ጋር የረጅም ጊዜ የወደፊት ኮንትራት ታስሮ ነዳጅ ግዢ ሲከናወን ነበር ጦርነቱ እንዳጋጠመ ሀገራቱ በኮንትራቱ መሰረት ነዳጅ ማቅረብ እንደማይችሉ አሳውቀዋል። "

- " የተከሰተውን የነዳጅ ችግር ለማቃለል በተባራሪ ገበያ (Spot Market) በውድ ዋጋ ነዳጅ እየገዛን እያቀረብን ነው። በSpot Market የሚገዛው ነዳጅ ሶስት እጥፍ ከመደበኛው ዋጋ የሚጨምር ነው። የአቅርቦትም ችግሩ እንዳለ ሆኖ። "

- " በግዢ ሂደት ላይ የነበረ እና ተግዝቶ ሊቀርብ የነበረ ከ180 ሺህ ሜትሪክ ቶን በላይ ነዳጅ በጦርነት ምክንያት ለኢትዮጵያ ሊቀርብ አልቻለም። ልክ እንደሌሎች ሀገራት ሁሉ። "

-  " ጦርነቱ ካጋጠመ በኃላ በተባራሪ ገበያ (spot market) አማካኝነት 3 ጊዜ ግዢ ተፈጽሞ እሱ ነዳጅ እየቀረበ ነው። "

- " ነዳጅ ከመደበኛው ግዢ ስርዓት ውጭ እየተገዛ (በSpot Market) እየተገዛ ስለሆነ  ኢትዮጵያ ለከፍተኛ ዋጋ ተጋልጣለች። "

- " የተጣራ ነጭ ናፍጣ ዋጋ ከጦርነቱ በፊት በበርሜል 80 ዶላር ይሸጥ ነበር ፤ አሁን በጦርነቱ ምክንያት 230 የአሜሪካ ዶላር ደርሷል። ይሄም ሶስት እጥፍ በነጭ ናፍጣ ላይ የዋጋ ጭማሪ ታይቷል። "

- " ቤንዚን የተጣራ ከጦርነት በፊት 70 ዶላር ገደማ ነበር አሁን ግን 150 ዶላር ደርሷል፤ ይሄም ከእጥፍ በላይ ጨምሯል። "

- " መንግስት ነጭ ናፍጣ በሊትር 95 ብር እየደጎመ ነው። ቤንዚን በሊትር 42 ብር እየደጎመ ነው። መንግሥት እስከሁን 262 ቢሊዮን ብር የነዳጅ ድጎማ አድርጓል። አሁን ላይ በየወሩ ከ15 ቢሊዮን እስከ 20 ቢሊዮን ብር ድጎማ እየተደረገ ነው። ይሄ ብር በማህበራዊ መሰረት ልማት ላይ ኢንቨስት ቢደረግ 20 ሆስፒታል የሚገነባ ገንዘብ በየወሩ ለነዳጅ እየተደጎመ ነው። "

- " አሁን ላይ ቤንዚን እንደሀገር ከፍተኛ እጥረት አልገጠመም። ነገር ግን ነጭ ናፍጣ 50% ያህል አቅርቦት ቀንሷል። በአማካይ በቀን 9.2  ሚሊዮን ሊትር ሲቀርብ የነበረው ወደ 4.5 ሚሊየን ሊትር ዝቅ ብሏል። "

ቲክቫህ ኢትዮጵያ
መጋቢት 22 ቀን 2018 ዓ/ም

TIKVAH-ETHIOPIA

Apr 1, 2026, 01:25 AM

📷 Photo

የማህበራዊ ሚዲያ ኮንተንት ክሪኤተር ነዎት?

ከዩቲዩብ እና ከሌሎች ማህበራዊ ሚዲያ መተግበሪያዎች የሚላክልዎ የማረጋገጫ ደብዳቤ፣ የክፍያ ማስታወቂያ ወይም ሌሎች አስፈላጊ ሰነዶች ለመቀበል አስበዋል ?

እንግዲያዉስ የኢትዮጵያ ፖስታ ዘመናዊ መፍትሄ የሆነዉን የ“Virtual P. O. Box” (ሳጥን አልባ የመልዕክት አገልግሎት) ይዞሎት መቷዋል፡፡

🔹 የተረጋገጠ እና ደህንነቱ የተጠበቀ አገልግሎት
🔹 መልዕክቶችዎን በማንኛውም ቦታ እና በማንኛውም ሰዓት ማግኘት የሚያስችልዎ
🔹 ፈጣን ማሳወቂያ እና ቀላል አስተዳደር

📱 ዛሬውኑ መተግበሪያውን ከአፕስቶር ወይም ከፕሌይ ስቶር "VIRTUAL POST" ብለው በማውረድ
አልያም 👉በ http://app.ethio.post/ በመግባት በጥቂት ደቂቃዎች ውስጥ ይመዝገቡ። — አንድም አስፈላጊ መልዕክት እንዳይዘገይ!

ለበለጠ መረጃ በነጻ የስልክ መስመር 8536 ይደውሉልን ወይም በቴሌግራም https://t.me/etpccsbot ያግኙን።

#Ethiopost #virtual po box
Follow us on our social media platforms
https://www.facebook.com/EthiopianPostalService | https://t.me/Ethiopianpostal | https://www.linkedin.com/company/ethiopost | https://twitter.com/ethiopost | https://www.instagram.com/ethiopostal/ | https://pinterest.com/ethiopost (Philately) | https://www.tiktok.com/@ethiopostal |

TIKVAH-ETHIOPIA

Apr 1, 2026, 01:25 AM

📷 Photo

የመራጭነት ምዝገባ እንዲህ ቀላል ሆኖ አያውቅም!
የኢትዮጵያ ብሔራዊ ምርጫ ቦርድ ባለማው  ዘመናዊው "ምርጫዬ" የዲጂታል አማራጭ በስልክዎ ወይም በኮምፒውተርዎ ባሉበት ሆነው በቀላሉ ይመዝገቡ!

በድረ-ገጽ (Website):
https://mirchaye.portal.nebe.org.et/

ለአንድሮይድ (Android):
https://play.google.com/store/apps/details?id=et.org.nebe.mirchaye

ለአይፎን (iOS):
https://apps.apple.com/us/app/mirchaye/id6756587049

ልዩ መረጃ
የዲጂታል ምዝገባ የሚከናወንባቸውን ልዩ ጣቢያዎች ዝርዝር ለማወቅ የቦርዱን የማህበራዊ ትስስር ገጾች በቅርበት ይከታተሉ። አሁኑኑ ይመዝገቡ!

126,000

109

TIKVAH-ETHIOPIA

Apr 1, 2026, 01:25 AM

📷 Photo

#የነዳጅ_ቀውስ : ከቆየው ሙስና እና ህገወጥ ንግድ እስከዛሬው የጦርነት ጫና ! 🔴 የነዳጅ ነገር - እንኳንስ ዘንቦብሽ ድሮውም ጤዛ ነሽ ! (ቲክቫህ ኢትዮጵያ 🇪🇹Tikvah-Ethiopia) በኢትዮጵያ የተለያዩ ክልል ከተሞች እንደልብ ነዳጅ ማግኘት ፈተና ከሆነ ዓመታት ተቆጥሯል። ከቅርብ ወራት ወዲህ አዲስ አበባ ውስጥም ችግሩ በስፋት ተስተውሏል። በቂ ነዳጅ እያለ " ዋጋው ሊጨመር ነው " በሚል "…

238,000

3,160

TIKVAH-ETHIOPIA

Apr 1, 2026, 01:25 AM

📷 Photo

"በአደጋው የሦስት ሰዎች ህይወት ወዲያውኑ አልፏል " - የአዲስ አበባ ፖሊስ ጠቅላይ መምሪያ

➡️ "አደጋው የደረሰው ከተፈቀደለት ጭነት በላይ ተሳፋሪዎችን በመያዝ ሲያሽከረክር ነው " -የትራፊክ ማኔጅመንት ባለሥልጣን

በአዲስ አበባ ከተማ ኮተቤ 02 መስመር በተለምዶ "አንቆርጫ" ተብሎ በሚጠራው ቁልቀለት ላይ በተከሰተ የትራፊክ አደጋ በሰው እና በንብረት ላይ ከባድ ጉዳት ማድረሱ ተገልጿል።

አደጋው የደረሰው ከተፈቀደለት ጭነት በላይ 19 ሰዎችን ይዞ ፣ሲጓዝ ነበረ በተባለ የህዘብ ማመላለሻ /ታክሲ/ ከንጋቱ 11፡30 አካባቢ መሆኑን የአዲስ አበበ የትራፊክ ማኔጅመንት ባለሥልጣን አሳውቋል።

ቲክቫህ ኢትዮጵያ አደጋው በተመለከተ የአዲስ አበባ ፖሊስ ጠቅላይ መምሪያን ያነጋገረ ሲሆን መንስኤውን በሚመለከት ገና በመጣራት ላይ መሆኑን ገልጿል።

ኮሚሽኑ ተሽከርካሪው በአደጋው ወቅት 19 ሰዎችን ጭኖ የነበረ መሆኑን በመግለጽ የሦስት ሰዎች ህይወት ወዲያውኑ ማለፉን ለቲክቫህ ኢትዮጵያ አረጋግጧል።

በአደጋው ቀላል እና ከባድ አደጋ የደረሰባቸው 16 ሰዎችም በአቅራቢያ ወደሚገኙ ሆስፒታሎች መወሰዳቸው እና የህክምና እርዳታ እየተደረገላቸው መሆኑን ለቲክቫህ ኢትዮጵያ ገልጿል።

ቲክቫህ ኢትዮጵያ
መጋቢት 22 ቀን 2018 ዓ/ም

242,000

TIKVAH-ETHIOPIA

Apr 1, 2026, 01:25 AM

📷 Photo

"በአደጋው የሦስት ሰዎች ህይወት ወዲያውኑ አልፏል " - የአዲስ አበባ ፖሊስ ጠቅላይ መምሪያ ➡️ "አደጋው የደረሰው ከተፈቀደለት ጭነት በላይ ተሳፋሪዎችን በመያዝ ሲያሽከረክር ነው " -የትራፊክ ማኔጅመንት ባለሥልጣን በአዲስ አበባ ከተማ ኮተቤ 02 መስመር በተለምዶ "አንቆርጫ" ተብሎ በሚጠራው ቁልቀለት ላይ በተከሰተ የትራፊክ አደጋ በሰው እና በንብረት ላይ ከባድ ጉዳት ማድረሱ ተገልጿል። አደጋው…

246,000

2,165

TIKVAH-ETHIOPIA

Mar 30, 2026, 05:33 AM

📷 Photo

#ነዳጅ #MiddleEastWar አውስትራሊን የሕዝብ ትራንስፖርት ነፃ ስታደርግ ግብፅ ሱቆችና ካፌዎች በጊዜ እልዲዘጉ ወሰነች። በዓለም አቀፍ ደረጃ እየጨመረ የሚገኘውን የነዳጅ ዋጋ ተከትሎ ግብፅ ሱቆች እና ምግብ ቤቶችን በጊዜ እንዲዘጉ ወስናለች ፤ አውስትራሊያ በበኩሏ የሕዝብ ትራንስፖርትን #ነጻ እንዲሆን አዛለች። #ግብፅ የሆርሙዝ ሰርጥ መዘጋትን ተከትሎ የነዳጅ እና የተፈጥሮ ጋዝ አቅርቦት የተስተጓጎለባት…

137,000

1,384

TIKVAH-ETHIOPIA

Mar 30, 2026, 05:33 AM

📷 Photo

🎉🎉🎉🎉🎉🎉🎉🎉🎉🎉

ለመጀመርያ 6ት ጉዞዎች 20% ቅናሽ

እስከ 30% በተሻለ ዋጋ የተሻለ ጉዞ https://yango.go.link/2ZBUr ይጓዙ

131,000

Showing 30 of 47 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Professor Geleia - Stake 10

Rich Dog 💰🐶 Top Play to Earn Game

1.2m0

LUCKY TIPS 🔥💸🎆

180

Loading recommended channels...

TIKVAH-ETHIOPIA

TIKVAH-ETHIOPIA

Ranking

Participant Growth (Last 14 Days)

Latest Posts

Rating

User Reviews (0)

Related Telegram Channels

Bingo101|UPAY

🇷 🇮 🇸 🇭 🇼 🇮 🇳 🇳 🇮 🇳 🇬 🇸 🏆🏅💰🎉🥇🥈🥉🎉🎊⚽⚽⚽

High odds

Trick Picks Free

SetkaDarts Channel🎯

Professor Geleia - Stake 10

Rich Dog 💰🐶 Top Play to Earn Game

LUCKY TIPS 🔥💸🎆

Related Telegram Channels

Bingo101|UPAY

🇷 🇮 🇸 🇭 🇼 🇮 🇳 🇳 🇮 🇳 🇬 🇸 🏆🏅💰🎉🥇🥈🥉🎉🎊⚽⚽⚽

High odds

Trick Picks Free

SetkaDarts Channel🎯

Professor Geleia - Stake 10

Rich Dog 💰🐶 Top Play to Earn Game

LUCKY TIPS 🔥💸🎆

User Reviews (0)

Latest Posts