Boshqaruvchiga

Public

View Channel

Can't Join? @boshqaruvchiga

7.8k Members

Updated: May 16, 2026 at 1:05 AM

Boshqaruvchiga

Abdulloh Shamsutdinov, Rahimov School asoschilaridan biri, kompaniya Operatsion direktori

@boshqaruvchiga is a growing community focused on biri and direktori and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 5 Days)

Total: 7.8K

24h growth: -44 1%

Latest Posts

Boshqaruvchiga

May 22, 2026, 05:22 AM

G’ayrat, yomon ma’lumot tez tarqalsa — yaxshi

Ba’zida jamoadoshlardan ba’zilari muammoni rahbariga emas, umumiy guruhga yozadi.

Aksar rahbarlar shu joyda “O’zimga yozsangiz bo’lardi-ku…” deb xodimni ayblashdan boshlaydi.

Aslida, xodim avval shaxsiyga yozgan yoki yuziga aytgan bo’ladi.

Javob kechikkan yoki masala hal bo’lmagan bo’ladi.

Shuning uchun masala guruhga majbur chiqariladi.

Buni rahbar o’ziga hujum, hurmatsizlik, deb qabul qiladi.

O’zi nima qilgan to’g’ri? Biz, quyidagicha yo’l tutamiz:

“Xabar berganingiz uchun rahmat. Vaziyatni aniqlab, siz bilan alohida bog’lanamiz.”

Keyin, jim borib — muammoni hal qilamiz. Masala yechilgandan keyin, xodimni o’ziga yozamiz:

“Vaziyat hal bo’ldi, xabar berganingiz uchun katta rahmat.

Yana masala bo’lsa, to’g’ridan-to’g’ri menga yozavering.”

Aqlli xodim o’zi tushunadi.
Keyingi safar to’g’ri kanalni tanlaydi.
Eng muhimi — gapirishdan qo’rqib qolmaydi.

Agar boshida: “O’zimga yozsangiz bo’lardi-ku…” desang — Keyingi safar yozmay qo’yaveradi.

Natijada, muammo senga yetib kelmay qoladi. Muammolar yetib kelmasa, o’sish bo’lmaydi.

Shuning uchun:

Muammo qayerda aytilgani emas — aytilgani muhim.

Tartibni keyin o’rgataverasan.

Ishni muammoni aytgan odamni emas, muammoni yo’q qilishdan boshla.

https://boshqaruvchiga.uz/courses

5,300

Boshqaruvchiga

May 22, 2026, 05:22 AM

G‘ayrat, 2 yil ichida ko‘p kasblar yo‘qoladi

Sababi — Sun’iy ong (AI).

IT loyihalarimizda 2 oydan beri https://antigravity.google/ foydalanishga o‘tdik.

Oldin 5 kishi 6 oy qiladigan ishni hozir 1 kishi 1 haftada qilib qo‘yyapti.

Shuni ko‘rib qiziqib qoldim.

Hafta boshida blogim uchun sayt qilib ko‘rmoqchi bo‘ldim.

Bir qator ham kod yozmadim.

Qilgan ishim — prompt yozish. Ya’ni AI’ga to‘g‘ri vazifa berish, xolos.

Jami 8 soat vaqtim ketdi.
IT bo‘lim menejerining esa taxminan 2 soati.

Natijada to‘liq ishlaydigan sayt tayyor bo‘ldi.
Bepul.
Va aynan o‘zim xohlagan ko‘rinishda.

AI’dan foydalanishda o’zimga qo’ygan qat’iy qoidam bor:

O‘z sohamdagi muammoni avval o‘zim yechishga harakat qilaman.

Masalan, boshqaruvga oid savollarni GPT yoki Gemini’dan so‘ramayman.

Chunki hamma narsani AI’dan so‘rayversang, vaqt o‘tib odamning o‘zi fikrlamay qo‘yadi.

Lekin boshqa sohalarda — marketing, sotuv yoki texnik ishlarda — AI’dan bemalol foydalanaman.

Shunda ikki narsa bo‘ladi:

O‘z sohamda mustaqil fikrlash saqlanadi.
Boshqa sohalarda esa bilim juda tez oshadi.

Xullas, AI’dan qo‘rqma.

Uni ishlatishni o‘rgan.

Chunki yaqin kelajakda ikki xil odam qoladi:

AI bilan super natija qiladiganlar.

Va AI’dan foydalanmaydigan ishsizlar —aqliy mehnat sohasida.

—

Aytgancha, qurgan saytimdan foydalanib ko‘rishing mumkin. https://boshqaruvchiga.uz/courses/amaliy-boshqaruv-rahbarlar-uchun

7,160

Boshqaruvchiga

May 22, 2026, 05:22 AM

G’ayrat, yaxshi xodim ham ketadi

Qarorlaringni mantiq bilan tushuntirmasang — ketadi.

Yuziga ishini maqtab, orqasidan xarakterini yomonlasang — ketadi.

Aytilgan qadriyatlar bilan amaldagi ishlar boshqa bo‘lsa — ketadi.

Jamoada adolatsizlik bo‘lsa va sen bunga ko‘z yumsang — ketadi.

Adolat aybni emas, aybsizni qidirishda yuzaga chiqadi

Jamoa manfaatidan ko‘ra o‘z manfaatini o‘ylaydiganlarni himoya qilsang — ketadi.

Mutaxassisligiga oid masalalarda u oxirgi gapni ayta olmasa — ketadi.

Bozorda qadrini bilaturib arzonroq ishlatishga urinsang — ketadi.

Va’da berib, bajarishga imkoning bo‘la turib bajarmasang — ketadi.

Jamoada hurmatini tushirsang — ketadi.

Loyiha kelajagiga ishontirolmasang — ketadi.

Sendan nimadir o‘rganolmasligini tushunsa — ketadi.

Ishda ma’no yo‘qolsa — ketadi.

Va achchiq haqiqat shuki:

hammasini to‘g‘ri qilsang ham, ba’zilar baribir ketadi.

Ammo qolganlar — aynan shu jamoa uchun kerakli odamlar bo‘ladi.

Yaxshi xodimlar tasodifan kelmaydi va qolmaydi.

Ular to‘g‘ri boshqaruv tizimi bo‘lgan joyda qoladi.

Shu tizimni videodarslarimda bosqichma-bosqich https://boshqaruvchiga.uz/courses/amaliy-boshqaruv-rahbarlar-uchun

7,770

Boshqaruvchiga

May 22, 2026, 05:22 AM

G’ayrat, ba’zilar yakshanbani uxlab o‘tkazadi

Shuning uchun ham ularning hayoti deyarli o‘zgarmaydi.

Rivojlanmoqchi inson uchun esa yakshanba — yetib olish kuni.

Hafta ichida ulgura olmagan ishlaringni tugat.

Oilang bilan vaqt o‘tkaz.

Chala qolgan kitobingni o‘qib ol.

Mayda ishlaringni tartibga keltir.

Xullas, yakshanba — hayotni joyiga qo‘yib olish kuni.

Kimdir bu kunni uyqu bilan o‘tkazadi.

Kimdir esa shu kuni butun haftasini oldinga suradi.

Tanlov o‘zingda.

| https://boshqaruvchiga.uz/courses/amaliy-boshqaruv-rahbarlar-uchun

10,400

Boshqaruvchiga

May 22, 2026, 05:22 AM

G’ayrat, va’da berma, berdingmi bajar

Tugadi.

6,340

Boshqaruvchiga

May 22, 2026, 05:22 AM

G’ayrat, yangi xodimingni eski xodiming bilan kamsitma

Yaqinda bir ukamiz va rahbari o‘rtasida shunaqa vaziyat bo‘ldi.

Eski va yangi xodim tortishib qolib, masalani hal qilish uchun rahbar oldiga kirishgan.

Ukamiz jamoada nisbatan yangi.

Rahbar esa yangi xodimning tomonini deyarli eshitmasdan darrov shunday debdi:

“Falonchi bilan yillar davomida ishlaganman.
Og‘ir kunlarni ko‘rganmiz.

Siz esa hali yangisiz. Sizdan kutmagandim. Nima ahvol bu?!”

Shu gapni eshitib ukamiz ichidan juda hafa bo’libdi. Haqli ham.

To‘g‘ri, sadoqat ko‘pincha yillar davomida sinaladi.
Tabiiy, uzoq ishlagan odamingga ko‘proq ishonasan.

Lekin yangi xodimni shu bilan kamsitsang — uni o‘zingdan uzoqlashtirasan.

Bu eski xodimga ham ziyon. Rahbari so’zsiz tarafini olsa, u asta sekin buziladi.

Rahbar xodimlarni xizmat yiliga qarab emas, adolat bilan boshqaradi.

Ishonching ichingda bo‘lsin.
Adolating esa hammaga ko‘rinsin.

http://boshqaruvchiga.uz/

6,110

Boshqaruvchiga

May 22, 2026, 05:22 AM

G’ayrat, ba’zi muammolar yozilganda yo‘qolib qoladi

Ikki yil oldin rahbarimning ayrim ishlaridan juda norozi edim.

Oldilariga kirib hammasini aytmoqchi bo‘lib yurgandim.

Shunda ustozim aytgan bir gap esimga tushdi:

“E’tirozlaringni avval yoz. Keyin ayt.”

O‘tirib yozishni boshladim.

Yozar ekanman, bitta narsani ko‘rdim: e’tirozlarimning ko‘pi asossiz ekan. Masala esa o‘ylaganimdan ancha oddiy chiqdi.

Shundan beri muammoni juda jiddiy deb bilsam, avval yozaman. Soddalashadi.

Aqlimiz juda band. Yozmasak, muammoni ichimizda kattalashtirib yuboramiz.

Psixologiyada ham yozish hissiy bosimni kamaytirishi aytiladi.

Ba’zi muammolar esa yozilgandan keyin muammo bo‘lmay ham qoladi.

Yoz.

Eng kamida xotirjam bo‘lasan.
Eng ko‘pida — yaxshiroq yechimga kelasan.

—-

Boshqaruvda qiynalayotgan bo’lsang, tizimli boshqaruv bo’yicha videodarsligim yechim bo’lishi

http://boshqaruvchiga.uz/

6,860

Boshqaruvchiga

May 22, 2026, 05:22 AM

G’ayrat, bajarishni niyat qilib muhokama qil

Avvallari rahbarim biror g‘oya aytsa, avvalo keskin rad qilardim.

Maqsadim yomon emas edi —
jiddiy xatolarni oldini olish, mavjud tizimni saqlash.

Lekin natijada muhokama ko‘pincha hissiy bo‘lib ketardi.

Men hujum qilardim.
U kishi himoya qilardilar.

Bugun o‘ylab qarasam, sabrlari juda kuchli https://t.me/azizrakhimov_blog.

O‘zi CEO sifatida biznesni yaxshilaydigan g‘oya topish oson emas.
Ustiga ustak, takliflaring ijro jamoasi tomonidan tez-tez rad qilinsa — bu yanada qiyin.

Hozir ijro jamoasi rahbari sifatida boshqa narsani tushunyapman.

Yangi g‘oya chiqqanda endi avval
“nega bo‘lmaydi?” deb emas,

“agar qilsak zo‘r bo‘ladi, qanday qilib qilsak bo‘ladi?”
degan niyat bilan muhokamaga kirishga harakat qilyapman.

Shunda g‘oyaning faqat kamchiliklari emas,
yaxshi tomonlari ham tezroq ko‘rina boshlaydi.

Odamlar ham fikrini erkinroq aytadi.
Muhokama osonroq kechadi.

Hamkasblarning ham stressi kamaygandek.

Xulosa:
Ba’zi muhokamalar g‘oya sabab emas, niyat sabab buziladi.

Muhokamaga
“nega bo‘lmaydi?” deb kirsang — bahs chiqadi.

“Qanday qilib bo‘ladi?” deb kirsang — yechim chiqadi.

Niyatingni to’g’irla.


http://boshqaruvchiga.uz/

5,970

Boshqaruvchiga

May 22, 2026, 05:22 AM

G’ayrat, baqirib haybatingni tushirma

Filial oshxonasiga kirdim.
Dars boshlangan.

15–20 ta yuqori sinf o‘quvchisi hali ham o‘tiribdi.

“Nimaga hali ham darsga kirmadinglar?! Tezda hammang darsga!” — deb baqirdim.

Tahminan 2 daqiqada yig’ishtirilib, darsga ketishdi.

Keyin, shu 2 daqiqa haqida o’ylab qoldim.

Oldingi safarlar esa jim turib kuzatganman.

Bir daqiqaga yetmay hammasi tarqalib ketardi.

Shunda kitobda o’qigan narsamni yashab tushundim.

Eng kuchsizlar eng ko’p baqiradi

Baqirish ko‘pincha g‘azabdan keladi. G‘azab esa — biz istamagan narsa sodir bo‘lganda paydo bo‘ladi.

Shunda, ta’sir usuli kam odam ovozini ko‘taradi. Yoki kuch ishlatadi.

Qo‘pol o‘xshatish: it ham ta’sir qilish uchun akillaydi. Chunki boshqa usuli yo‘q.

Doim baqiraversang, odamlar ko‘nikib qoladi.

“Eng yomonida urishib berar-da”, deb yuraveradi.

Ovozing qadrsizlanadi.
Odam xatoni emas, sening jahlingni o‘ylaydi.
Fokus xatodan emotsiyaga ko‘chadi.

Oxiri esa bu seni kuchsiz, ilojsiz qilib ko‘rsatadi.

Albatta, g’azablanish va ovoz ko’tarish kerak bo‘ladigan joylar bor.
Ko‘pincha — qadriyat masalalarida.

Lekin aksar hollarda kuching baqirishda emas, xotirjamlikda.

Haqiqatan kuchli rahbarlar baqirish uyoqda tursin, kam gapiradi.

Mayda janjal va ig’volar bilan kunini o’tkazmaydi.

Ular tizimni tuzatish bilan band bo‘ladi.

Xullas, bir gap bilan aytganda:

Rahbar baqirib tartib qilmaydi. Jim tizim qiladi.

http://boshqaruvchiga.uz/

6,090

Boshqaruvchiga

May 22, 2026, 05:22 AM

Ozgina muammoga ham “ishdan ketaman” deyaverma

Ish joyida muammo bo‘lishi, normal.

Tushunmovchilik bo‘ladi.
Bosim bo‘ladi.
Ba’zan adolatsizdek tuyuladigan vaziyatlar chiqadi.

Lekin har safar shunaqa holatda “ishdan ketaman” deyaverish yechim emas.

Chunki hech qaysi ish joyi ideal emas. U yerda odamlar bor.
Odam bor joyda esa muammo ham bo‘ladi.

Buni daraxt ekishga o‘xshatish mumkin.

Daraxtni yangi joyga ko‘chirib eksang, boshida birdaniga ko’karib ketishi qiyin.
Barglari so‘lishi mumkin.
O‘sishi sekinlashadi.
Ildizlari yangi tuproqqa moslashadi.

Agar shu paytda daraxtni ee bu joyga to’g’ri kelmadi, ko’karmadi deb sug‘urib, boshqa joyga ko‘chiraversang, u hech qachon ildiz otmaydi.

Muammo daraxtda emas.
Muammo - unga vaqt berilmayotganida.

Ish ham shunaqa.

Har safar ozgina muammo chiqqanda o’zgartirilaversa,
hech qayerda ko’karib, ildiz otib bo’lmaydi.

Shuning uchun ozgina muammo chiqsa darrov ketish haqida o‘ylashdan oldin
o‘zingdan so‘ra:

Men bu joyda ildiz otishga harakat qildimmi? Sabr qilyabmanmi? O’zimni bor imkoniyatlarimdan foydalanyabmanmi?

Chunki kuchli xodim muammosiz joy qidirmaydi.
U muammolardan qanday qilib foyda olish, o’sish haqida o’ylaydi.

Albatta, bu hamma narsaga chidab ishlayverish kerak degani emas. Ba’zi prinsiplar bo’ladi, ular buzilayotgan joydan cho’zmasdan ketiladi.

https://t.me/xodimga

5,130

Boshqaruvchiga

May 7, 2026, 06:01 PM

G’ayrat, rahbarni diktator qilib qo‘yma

Rahbarlar birdan diktator bo‘lib qolmaydi. Ularni asta-sekin jamoa yasaydi.

Rahbar xato qilsa — o‘ziga yolg‘iz, asos bilan aytmaysan.

Noo‘rin gapirsa — indamasdan hafa bo‘lganingni ichingga yutasan.

Haqsiz dakki bersa — “xo‘p bo‘ladi” deb ketaverasan.

Rahbar esa buni boshqacha o‘qiydi:
“Demak, men doim haqman. Hamma rozi.”

Shu tariqa u chegarani bilmay qoladi.

Nima qilish kerak, deysanmi?

1. Avvalo, bu qiyin, hissiy suhbat bo‘lishini tan ol va o‘zingni bunga tayyorla.

2. Argumentlaring aniq, mantiqiy bo‘lsin. O‘zing qiynalsang, SI bilan maslahatlash.

3. Kechiktirma. Qancha cho‘zilsa, aytishing shuncha qiyinlashadi, u esa jiddiy olmasligi mumkin.

4. Kayfiyati yaxshi paytni topib, yolg‘iz gaplash. Birdan “ataka” qilma, lekin niyatingni ochiq bildir.

5. U qilgan ish yoki aytgan gap senga va kompaniyaga qanday zarar berganini aniq tushuntir.

6. Yoki xatosini o‘zi tushunib yetishi uchun ochiq savollar ber. Ko‘pincha shu usul samaraliroq. Faqat qadriyatini savolga tutma.

7. Hafa bo‘lgan bo‘lsang, bildirishdan qo‘rqma va uyalma. U ham inson, sen ham. Tushunadi.

8. Yakunda fidbek ber: endi nimani qanday qilish to‘g‘ri bo‘lishini ayt va kelishib ol.

9. Bu bir martalik ish emas, doim qilasan. Shunda, bora bora xatosi kamayadi. Seni ko’proq his qiladi.

Unutma:
Rahbaring xatosini tuzatmasang, ko‘pincha hech kim tuzatmaydi.

Ayniqsa u mediada mashhur yoki obro‘li inson bo‘lsa, unga ochiq fidbek beradigan odamlar juda kam bo‘ladi.

Yana bir gap.
Rahbaring ustozing bo‘lsa ham, ishda uni “Ustoz” deb chaqirma.
Bu o‘zingga ham, unga ham psixologik to‘siq qo‘yadi.

Xullas, rahbarlar diktator bo‘lib tug‘ilmaydi.

Ularni ko‘pincha jamoaning
sukuti, qo‘rquvi va “xo‘p bo‘ladi”lari diktatorga aylantiradi.

http://boshqaruvchiga.uz/

Boshqaruvchiga

May 1, 2026, 03:31 PM

G’ayrat, qarindoshni ishga olishga jiddiy e’tibor qil

Avvalo, vazifaga loyiq bo‘lmasa — olma. Vaqt o‘tib ishdan bo‘shatsang, qattiqroq hafa bo‘ladi. Bo‘shatmasang, jamoang xafa bo‘ladi.

Loyiq deb o‘ylayapsanmi? Unda o‘zingdan tashqari yana kimdir intervyu qilsin. Sen qarindosh sifatida ko‘rmaydigan jihatlarni u ko’rishi mumkin.

Suhbat qiladigan odamga oldindan tayinla: qarindoshing qiladigan xato senga ikki karra zarar bo‘lishini, obro‘yingni tushirishini aytsin.

Suhbatdan ham yaxshi o‘tsa, endi o‘zing gaplashib ol. Sen kompaniyada uning rahbarisan, u esa sening xodiming. Akangmi, tog‘angmi — farqi yo‘q. Xodimga qanday munosabat bo‘lsa, u ham shunga tayyor bo‘lsin.

Ish boshladimi? Oddiy xodimlardan ko‘ra unga biroz ko‘proq talabchan bo‘l. Shunda “qarindoshchilik” sabab aynib ketishi qiyinroq bo‘ladi.

Bir kun kelib baribir bo‘shatishga to‘g‘ri kelishi ham mumkin. Ota-ona, qarindoshlar aralashadi. Hafa bo‘lishadi. Lekin rahbar sifatida ba’zan shunga majbursan.

Qarindosh — ishonchli odam bo‘lishi mumkin. Ammo o‘rgana olmasa, ishonchning o‘zi yetmaydi. Senga ham ishonchli, ham o‘rganadigan odamlar kerak.

Faqat ta’minot yoki moliya kabi nozik joylarda yaqin odam bo‘lgani yaxshiroq. Lekin ularga ham talab boshqalarnikidan kam bo‘lmasin.

Xullas, ko’ngil olaman, deb ishxonangga ham, o’zinga ham zulm qilib qo’ymagin, deyman.

Shaxsiy tajriba, sinalgan.

5,470

Boshqaruvchiga

Apr 20, 2026, 11:31 PM

G’ayrat, o‘rgatish — eng muhim ishing

Evos yoki Korzinka ga qara: eng oddiy xodimini ham muntazam treyning qiladi.

Sen esa “o‘zi o‘rganib oladi” deb farosatiga tashlab qo‘yasan.

Keyin xato qilsa: “Ana, eplolmayapti”, deysan.

Vaholanki, unga biror ishni jiddiy o‘rgatmagansan.

Hech kim birdaniga mutaxassis bo‘lib qolmaydi. O‘rgatish kerak.

O‘rgatish — oyda yoki yilda bir bo‘ladigan jimjimador tadbir emas.
U har kuni bo‘lishi kerak.

Kichik fidbek ham treyning.
Qisqa tavsiya ham treyning.
Eng zo‘r treyning — rahbarning o‘zi namuna bo‘lishi.

Buning uchun xodimga vaqt ajratishing kerak:
har kuni 5–10 daqiqa yoki haftasiga 1–2 soat.

Ajratmasang — xatosi ko‘payadi.
Sen norozi bo‘lasan. Yana xodimni ayblaysan.

Ochig‘ini aytsam, aslida ayb o‘zingda.
Vaqt ajratmagansan. O‘rgatmagansan.

Rahbarlik — odamlarni ishlatish emas.
Rahbarlik — odamlarni o‘stirish.

O‘stirmasang, xato qiladi.
Xato qilsa, aybni undan emas — o‘zingdan qidir.

Boshqaruv video darsligimning 3-moduli aynan xodimlarni rivojlantirishga moslangan. Darslik haqida batafsil


http://boshqaruvchiga.uz/

5,980

Boshqaruvchiga

Apr 6, 2026, 09:44 PM

G’ayrat, senga ilindim

Marketing sohasida qariyb 10 yil tajribasi bor, Toshkentdagi eng kuchli marketing agentliklaridan birining asoschisi va rahbari https://t.me/akbarjon_botiraliev do’stimiz intervyu beribdi.

Sohaga qiziquvchi yoki biznesida marketing bilan muammosi borlarga tavsiya https://m.youtube.com/watch?si=J_az7-KUw9UwBJXP&v=M5iro2KJ6xQ&feature=youtu.be

—

Tadbirkor va tajribali rahbar yaqinlarimizdan yana biri https://t.me/mashrabov_aa ham rekruting — ishga yollash bo’yicha videodarslik tayyorlabdi.

Yollash bo’yicha yangi amaliy bilim va instrumentlarni o’rganishni istaganlarga tavsiya https://abror-mashrabov.tilda.ws/rekruting-4-0

—

Boshqaruv va tizim qurish borasida qiyinchiligi borlarga esa o’zimning ham tavsiya qilaman)

5,190

Boshqaruvchiga

Apr 6, 2026, 09:44 PM

G’ayrat, bo‘shatishni cho‘zma.
Bo‘shatdingmi — berkitma

O‘ziga aytdingmi — tamom. Endi jamoaga ham vaziyatni cho‘zmasdan, ochiq ayt.

Sababini mayda-chuydasigacha tushuntirish shart emas.
Lekin ketganini aniq bildir. Sukut mish-mish tug‘diradi. Mish-mish esa ishonchni yemiradi.

Xodimning bo‘shatilishi va o‘zi ketishi jamoaga ikki xil signal beradi.

Bo‘shatilgan xodim — bu kompaniyada tartib, talab va standart bor degani.

O‘zi ketgan xodim esa ko‘pincha ichkarida muammo yoki adolatsizlik bor degan taxminni uyg‘otadi. Ayniqsa kuchli kadr ketgan bo‘lsa.

Ba’zi xodimlarni vaqtida bo‘shatmasang, o‘zi ketib qoladi.
Va jamoada: “Shuni ham olib qololmadi”, degan gap tarqaladi.

O‘zingga savol ber:

– Bir necha marta ketkazish haqida o‘yladingmi? Ketkaz.

– Ko‘pchilik bilan chiqisholmayaptimi? Ketkaz.

– Rahbariga muloyim, jamoaga qo‘polmi? Ketkaz.

– Qayta ishga olarmiding? Yo‘qmi? Ketkaz.

– Qo‘l ostida xodim bo‘lib ishlarmiding? Yo‘qmi? Ketkaz.

– Ikkiyuzlamachiligi, badgumonligi tasdiqlanganmi? Ketkaz.

– U bilan uzoq ishlamoqchi emasmisan? Yo‘qmi? Ketkaz.

Rahbar sifatida eng qiyin ishing — odam ajratish.

Insoniylikni yo‘qotma. Yomonlama. Lekin zaiflik ham qilma. Hayrlash.

Ketadigan odam baribir ketadi.
Savol — u ketguncha qancha zarar qiladi?

Ba’zilar zulukdek yopishadi. Yulib tashlamasang, qon so’rib yuraveradi.

Sen ham, jamoang ham bundanda sog‘lom va kuchliroq muhitga loyiq.

—

To’g’ri, adolat bilan bo’shatish o’ta muhim, bu haqida avvalroq yozgan

5,670

Showing 15 of 15 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Professor Geleia - Stake 10

Rich Dog 💰🐶 Top Play to Earn Game

1.2m0

LUCKY TIPS 🔥💸🎆

180

Loading recommended channels...

Boshqaruvchiga

Boshqaruvchiga

Ranking

Participant Growth (Last 5 Days)

Latest Posts

Rating

User Reviews (0)

Related Telegram Channels

Bingo101|UPAY

🇷 🇮 🇸 🇭 🇼 🇮 🇳 🇳 🇮 🇳 🇬 🇸 🏆🏅💰🎉🥇🥈🥉🎉🎊⚽⚽⚽

High odds

Trick Picks Free

SetkaDarts Channel🎯

Professor Geleia - Stake 10

Rich Dog 💰🐶 Top Play to Earn Game

LUCKY TIPS 🔥💸🎆

Related Telegram Channels

Bingo101|UPAY

🇷 🇮 🇸 🇭 🇼 🇮 🇳 🇳 🇮 🇳 🇬 🇸 🏆🏅💰🎉🥇🥈🥉🎉🎊⚽⚽⚽

High odds

Trick Picks Free

SetkaDarts Channel🎯

Professor Geleia - Stake 10

Rich Dog 💰🐶 Top Play to Earn Game

LUCKY TIPS 🔥💸🎆

User Reviews (0)

Latest Posts