Ытыктабыллаах Үөһээ Бүлүү улууһун олохтоохторо!
«Үөһээ Бүлүү улууһа (оройуона)» муниципальнай оройуон дьаһалтатын аатыттан уонна тус бэйэм ааппыттан эһигини Сахабыт Өрөспүүбүлүкэтин күнүнэн ис сүрэхтэн итиитик-истиҥник эҕэрдэлиибин!
Муус устар 27 күнүгэр, 1922 сыллаахха улуу убайдарбыт Исидор Барахов, Максим Аммосов, Платон Ойуунускай, Степан Аржаков, Степан Васильев, эдэркээн саастарыгар саха норуотун инники дьылҕатын ырааҕынан өтө көрөн, көҥүл, бэйэни салайынар суолу арыйбыттара. Кинилэр дьулуурдаах үлэлэрэ, килбиэннээх сыралара олук уурбут суолу салҕаан, 1992 сыллаахха эмиэ бу күн – муус устар 27 күнүгэр – Сахабыт Сирин Конституцията ылыллан, өрөспүүбүлүкэбит бигэтик үөскээн, саҥа таһымҥа тахсыбыта.
Сыл ахсын бу бэлиэ күн, муус устар 27 күнэ, биһигини ааспыт үйэ балысханнаах, түмүктээх үлэтин, Саха сирин сайдыытын ахтан-санаан, ситиһиилэри сыаналаан, инники үлэбит былаанын торумнуурга ыҥырар.
Саха норуотун инники дьылҕатын ырааҕынан өтө көрөн, Автономияны олохтуур төрүт суолталааҕын өйдөөн турууласпыт сүдү кылааттаах биһиги биир дойдулаахпыт, чулуу убайбыт – Исидор Никифорович Барахов. Кини хорсун быһыытыгар, сүдү үлэтигэр сүгүрүйэн туран, биһигини инники кэтэһэр уларыйыыларга бэлэм буоларга, түмсүүлээх буолан, Сахабыт сирин биир бастыҥ салайааччытын, биир дойдулаахпыт Айсен Сергеевич Николаев тэлэр суолунан, аныгы үйэ түргэн тиэмпэлээх сайдыытыгар сөп түбэһэн үлэлиэххэйиҥ, диэн ыҥырабын!
Бу бэлиэ күнү биһиги бигэтик өйдүөххэ, киэҥ туттуохха уонна кэнчээри ыччаппытын төрөөбүт дойдуларыгар бэриниилээх, патриотическай тыыҥҥа сөптөөхтүк иитиэххэ. Улуу убайдарбыт курдук инникигэ дьулуурдаах, саҥаттан саҥаны айар-тутар, уларыйыыларга бэлэм буолуоҕуҥ! Өрөспүүбүлүкэбит уонна улууспут кэлэр кэскилин, сайдыытын туһугар биир санаанан салайтаран үүнүөҕүҥ-сайдыаҕыҥ!
Эҕэрдэни кытта, Үөһээ Бүлүү улууһун баһылыга, В.В. Николаев.
#СахаӨрөспүүбүлүкэтинКүнэ
#ДеньРеспубликиСахаЯкутия
http://T.me/ValeriNikolaev
