Thar Htoo-Be Unique (B'UNIQ)

Public

View Channel

5.9K

1.2K

1.3K

Can't Join? @tharhtoobeuniquecommunity

1.2k Members

Updated: May 3, 2026 at 6:08 PM

Thar Htoo-Be Unique (B'UNIQ)

For your personal development 🦋 For your professional development 💻 For your life growth 📈 💡Learning • 🧩Leadership •🌻 Becoming LGBTQ+ Friendly Community🌈 More on www.tharhtoobeunique.com/booking/

@tharhtoobeuniquecommunity is a dedicated channel for growth and becoming with regular updates in Life Lessons

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 1.2K

24h growth: +0 0%

Latest Posts

Thar Htoo-Be Unique (B'UNIQ)

Apr 29, 2026, 01:41 AM

စပ်ကူးမှတ်ကူး ကာလမှာ အလုပ်တွေ (ပြည်တွင်း၊ပြည်ပ) ဆယ်ချီ၊ ရာချီလျှောက်ပြီး ဘာသံမှမကြားလို့ လမ်းပျောက်နေနိုင်ပါတယ်။ အလုပ်လက်မဲ့များလို့ အလုပ်တစ်ခုထဲ ၀င်တိုးလျှောက်သူ ဦးရေဟာ အလွန်များပြားလာတဲ့အခါ ကိုယ့်အတွက် အစိမ်းသက်သက်နဲ့လျှောက်နေမိလို့ အလုပ်ရဖို့ ခက်ခဲနေနိုင်ပါတယ်၊ မျှော်လင့်ချက်မဲ့နေနိုင်ပါတယ်…။

တစ်ခါတစ်ရံ ‘လျှောက်သာ လျှောက်လိုက်တာ ဘာသံမှမကြားတာ၊ ပြီးရင် စိတ်ထဲအရမ်းပါလို့ လျှောက်တာမဟုတ်ဘဲ တစ်နေရာ ရလေမလားဆိုတဲ့ မျှော်လင့်ချက်နဲ့ ဖြစ်ချင်ရာဖြစ် လျှောက်လိုက်တာ။ ကျန်အခါတွေမှာ လျှောက်ချင်စိတ်ကို ပျောက်သွားတဲ့အထိ ဖြစ်ပေါ်နေနိုင်ပါတယ်…။ ဟုန်သွားတာမျိုးရှိပါတယ်…။ လက်လျှော့လိုက်ချင်သလိုခံစားသွားရတာမျိုးရှိပါတယ်…။

ဒါဟာ အမှန်တရားပါပဲ…၊

ကိုယ်ဖြစ်လို့ ဒီလိုကြုံနေရတာထက် အလုပ်ရှာနေသူတိုင်း တူညီသော စိတ်ပျက်မှု၊ ခေါင်းကိုက်မှု၊ လမ်းပျောက်မှု၊ အနေအစား ကျပ်တည်းမှု စတာတွေကိုကြုံရနိုင်ပါတယ်။ ဒီတော့ ကိုယ်တစ်ယောက်တည်း မဟုတ်လို့ စိတ်ဓာတ်ကျဖို့ မလိုပါဘူး…။

ဒီလိုဆိုတဲ့အခါ ကိုယ့်အတွက်မေးဖို့ လိုလာတာက

‘ငါဒီအလုပ်တစ်ခုကိုရဖို့ ဘယ်လိုလုပ်ရမလဲ’ ဆိုတဲ့ နေရာကနေ…

‘ငါ့ဆီ ဘယ်လိုအခွင့်အရေးတွေလာနိုင်အောင် လုပ်ဆောင်ရမလဲ’ ဆိုတဲ့ ပြောင်းလဲတွေးခေါ်မှု လိုအပ်လာပါတယ်။ ဆိုလိုရင်းက ကိုယ့်ဆီ အခွင့်အရေးတွေလာအောင်၊ ဘယ်လို ပြင်ဆင်ထားရမလဲ၊ ကြံဆရမလဲ၊ လုပ်ဆောင်ရမလဲဆိုတဲ့အရာဖြစ်ပါတယ်။

သတင်းကောင်းက ကိုယ့်ရဲ့ ပရော်ဖက်ရှင်နယ် လမ်းကြောင်း တိုးတက်ရေးအတွက် တိကျတဲ့ မြေပုံကို မပေးထားဘဲ ကိုယ်တိုင် စိတ်ကြိုက်ပုံဖော်နိုင်တယ်ဆိုတာပါပဲ။

ကိုယ့်ရဲ့ ထိန်းချုပ်နိုင်တဲ့အရာတွေကို ပြန်ကြည့်တာ…ပြင်ဆင်တာ…

ကိုယ်မထိန်းချုပ်နိုင်တဲ့ အရာတွေအပေါ် ဘယ်လိုရှုမြင်တာ၊ နှလုံးသွင်းတာ၊ အရှုံးလို့ မခံယူတာ၊ စတဲ့ မြင်ကွင်းကျယ်တွေကို ကြည့်နိုင်သွားဖို့ လိုလာပါတယ်။

သော့ချက်က ကိုယ့်အတွက် အလုပ်တစ်ခုမှ ရှာလို့မရတော့ရင်

ဘာတွေကို ပြင်ဆင်ထားမလဲ?

သေချာတာက ၀င်ငွေလမ်းကြောင်းအားလုံးကို အလုပ်တစ်ခုတည်းအပေါ်မှာ

အပ်နှံထားလို့မရတော့ဘူးဆိုတာပါပဲ…။

ကိုယ့်အတွက် သာလွန်တဲ့ career strategyတွေ တည်ဆောက်ပြီး

ဘ၀ရပ်တည်ရေးနဲ့ ရှင်သန်ရေးအတွက် ပါးနပ်စွာ တွက်ချက်ပြင်ဆင်သွားဖို့ လိုပါတယ်။

အဆင်ပြေကြပါစေ…
___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻💼

https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 29, 2026, 01:41 AM

ခေတ်ရဲ့အရွေ့က ကိုယ်အနေနဲ့ လူဘယ်နှစ်ဦးကို သိထားတာလဲထက်
ကိုယ့်ကို လူဘယ်နှစ်ဦး သိထားတာလဲဆိုတာက အရေးကြီးလာပါတယ်။

ကိုယ်က ကျွမ်းကျင်နေလင့်ကစား၊ တော်နေလင့်ကစား ကိုယ့်အနေနဲ့ ‘အွန်လိုင်းပေါ် မတက်ရင် ကိုယ်မရှိဘူး’ ဆိုတာနဲ့ သွား ညီမျှပါတယ်။

တစ်ဖန် ကိုယ် ကူညီချင်တဲ့ ပရိသတ် တည်ဆောက်တဲ့အခါ ဟတ်ချလောင်းဆိုပြီး ပွားများလာမှာမဟုတ်ဘဲ ကာလတစ်ခုကြာ အောင့်အီး သည်းခံပြီး လူတွေရလာအောင် လုပ်ဆောင်ရပါတယ်။ တစ်ခါတစ်ရံ ရလဒ်သေချာမထွက်ဘဲ ၂-၃ နှစ်ထိ ကြာမြင့်နိုင်ပါတယ်။

တစ်ဖက်မှာလည်း ကိုယ့်အနေနဲ့ ဘာကြောင့် လူမြင်ကွင်းမထွက်ချင်ရတဲ့ အကြောင်းအရင်းတွေ ရှိနေနိုင်ပါတယ်။

ဖြစ်နိုင်တာတွေက ကိုယ်ဟာ…

အရာအားလုံး သိထားရမယ်လို့ ယုံကြည်နေမိတာ…၊ တကယ်တော့ ကိုယ်အာရုံစိုက်သွားချင်တဲ့ နယ်ပယ် (သို့မဟုတ်) ပြဿနာ ကိုဦးတည်ပြီး ဒီပြဿနာကိုရှင်းလိုတဲ့လူတွေအတွက် လုပ်ဆောင်သွားတာ…

ပြီးပြည့်စုံမှပဲ စတင်တော့မယ်လို့ တွေးထားတာ…၊ တစ်နည်းအားဖြင့် ကိုယ်က ‘စင်းလုံးချောဖို့လိုတယ်၊ ဟိုပစ္စည်း၊ ဒီကိရိယာ မရှိလို့ မစတင်နိုင် တော့ဘူးလို့ ထင်နေနိုင်ပါတယ်။ အမှန်တော့ ရှိတာတွေနဲ့ စတင်နိုင်တာ...

လန်ပြန်ထွက်နေတဲ့ အကတွေ ကို မလုပ်လိုဘူး ၊ Influencerတွေဆိုပြီး အထင်မခံချင်ဘူးဆိုပြီး အမြင်ရှိနေနိုင်ပါတယ်။ တကယ်တော့ ဒါတွေကို လုပ်ဖို့မလိုပါဘူး၊ ကိုယ့်နည်းကိုယ့်ဟန် နဲ့သွားဖို့လိုပါတယ်။ စာဖြင့်ရေးမလား၊ ဗီဒီယိုအတိုအထွာလေးတွေ တင်မလား၊ အသံနဲ့ဖမ်းပြီး ပြောပြမလား စတာတွေလုပ်နိုင်ပါတယ်။

တစ်ပတ်နှစ်ပတ်လောက် အွန်လိုင်းမှာတက်ပြီး post တွေ တင်ပြီး likeတွေ, followersတွေ မရဘူးဆိုပြီး လက်လျှော့လိုက်မိတာ၊ လက်တွေ့မှာ အမြဲပြောင်းလဲနေလို့ ကြာကောင်းကြာနိုင်သလို၊ အနာနဲ့ဆေးတွေ့ရင် ပုံမှန်ထက် မြန်တာမျိုးလည်း ရှိနိုင်ပါတယ်။

ကိုယ့်ရဲ့ လုပ်ငန်းရှင်တွေ သိကုန်မှာ၊မြင်ကုန်မှာကိုစိုးရိမ်တာ၊ ဒီလိုကြောင့် ကိုယ့်ကို အလုပ်ခွင်ကလွဲပြီး လူတွေမသိနေတာမျိုး၊ ပရိသတ်မရှိနေတာမျိုး ဖြစ်နိုင်ပါတယ်။

မမြင်မိတာက ကိုယ့်အနေနဲ့ ‘ရလဒ်ကို’ ရလိုပေမဲ့ ဒီအတွက် ‘လုပ်ရမဲ့ အလုပ်တွေကိုတော့’ လုပ်ဖို့ မေ့နေတတ်ပါတယ်။

သော့ချက်က ကိုယ်ဟာ လူမြင်ကွင်းမထွက်မိဘူးဆိုရင်…

လူတွေကိုယ့်ကို မသိလို့ (9-5 အလုပ်တွေထဲပိတ်မိပြီး) ပိုပြီး ဂျောင်ပိတ်သွားနိုင်ပါတယ်…

ကိုယ်ရသင့် ရထိုက်တဲ့အခွင့်အလမ်းကောင်းတွေကို လက်လွတ်ရှုံးဆုံးနိုင်ပါတယ်…

တိုးသင့်တဲ့ ၀င်ငွေမျိုး မတိုးဘဲ တန့်နေနိုင်ပါတယ်…

နောက်ဆုံး ကိုယ့်ရဲ့အနာဂတ်ကို အခြားလူရဲ့ လက်ထဲမှာ အပ်ထားမိတာမျိုး ဖြစ်နေနိုင်ပါတယ်…

တကယ်တော့ ကိုယ့်အတွက် ‘ပိုလွယ်ကူတဲ့နည်းတွေနဲ့’ လူမြင်ကွင်းကို ထွက်ဖို့က ကိုယ့်ရဲ့လက်၀ယ်မှာ ရှိနေပါတယ်…။

အဆင်ပြေကြပါစေ…

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻💼
https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 29, 2026, 01:41 AM

📷 Photo

Thar Htoo-Be Unique (B'UNIQ)

Apr 29, 2026, 01:41 AM

📷 Photo

Thar Htoo-Be Unique (B'UNIQ)

Apr 29, 2026, 01:41 AM

Reflection Post :

'အစားကောင်း အသောက်ကောင်း စားဖူးခဲ့လေလား'ဆိုတဲ့ လေသံနဲ့ ထမင်း၀ိုင်းမှာ စားနေရင်းတန်းလန်း ပေါ်တင် 'အနှိမ်ခံ'ရဖူးတယ်...၊

ချက်ချင်း လူက ဒေါသ တက်လာပြီး ထွက်သွားချင်စိတ်ဖြစ်ပေါ်ခဲ့ပါတယ်။ ဒါပေမဲ့ သတိ၀င်လာပြီး ပုံမပျက် ဆက်လက်စားနေခဲ့ပါတယ်။ ထွက်သွားလိုက်ရင် သူတို့အလိုကျဖြစ်မယ်၊ ကိုယ့်အပြစ်ဆိုပြီးပုံဖော်မယ်...ဆိုတာပါပဲ။ သရုပ်ပျက်ခံရမှာ ကိုယ်ဆိုပြီးဖြစ်နေမယ်။

ဒီလိုဥပမာတွေတင်မက အများကြီး ကိုယ့်ရဲ့ 'စည်းတွေကို'ထပ်တလဲလဲကျော်တာတွေရှိတယ်။

ဖိတ်ပြီး ၀ိုင်းထဲမှာ ကိုယ့်ကို အရံလို မသိတော့သလို ဘေးချိတ်ထားခံရဖူးတယ်...သွားတော့ မသိတော့သလို ‌ချေတာမျိုးရှိတယ်...။

မချေမငံ ဆက်ဆံပြီး လိုလာမှ ကူပါကယ်ပါ မျိုးဆိုတဲ့ အခြေအနေတွေနဲ့ ထပ်ခါတလဲလဲကြုံဖူးတယ်...

စာသင်ပေးတဲ့ ဆရာ ဆိုပြီးမသတ်မှတ်ဘဲ သူတို့ရဲ့ 'အစေခံ' အဆင့်ထိတောင် ဆွဲချခဲ့တာမျိုးရှိတယ်...

အခြားနှိုက်ချွတ်တာတွေမပါသေး...

ဒီလိုနဲ့ ကိုယ့်ကိုယ်ကို ပြန်မေးကြည့်တယ်...

ငါဘာကြောင့် အဲ့ဒီလောက် သည်းခံစိတ်ကြီးနေရလဲ?
ငါဘာကြောင့် လက်တုံ့ပြန်ဖို့ ၀န်လေးခဲ့ရလဲ?
ငါပြန်လည်ချေပဖို့ အခွင့်အရေးတွေရလင့်ကစား
ဘာလို့မို့မလုပ်ခဲ့တာလဲ?

တစ်ဆက်တည်းမှာပဲ ဒီလို အခြားသူတွေကို ညိုးနွမ်းအောင်လုပ်နိုင်တဲ့
အမှောင်စိတ်တွေ ထူပြောနေတာတွေလည်း ရှိပါသေးလားဆိုတဲ့ မြင်ကွင်းကျယ်ကို မြင်လိုက်ရတယ်။

အော်...

ဘ၀မှာ ဘာလက်မှတ်တွေပဲ ကိုင်ကိုင်၊ ဘာဒီဂရီတွေပဲ ရရ၊ ဘာအတွေ့အကြုံတွေပဲရှိရှိ၊ ဘယ်လောက်ပဲ၀င်ငွေတွေ ပေါပေါ၊ မမူမိတော့ပါလားလို့လည်း တစ်ထစ်ချမြင်လာမိတယ်။

ကြုံခဲ့ရတာတွေကို ပြန်သုံးသပ်ကြည့်တော့...

သူတို့ရဲ့ အရောင်သူတို့ပြမှာပဲ...
သူတို့ရဲ့ အဆင့်မှာ သူတို့နေမှာပဲ...

ငါက ဘာလို့မို့ လိုက်တိုင်းထွာနေရမှာလဲ...

အရေးကြီးတာ ဒီလိုအခြေအနေထဲ ပြန်မရောက်တော့ဖို့...
ကိုယ့်ရဲ့ စည်းတွေဘောင်တွေကို သေချာ ပြန်လည်ကာရံတတ်လာဖို့...
လူတွေရဲ့ အမျိုးမျိုးသော ထင်မြင်ခွင့်တွေမှာ တန်းတူ မတုံ့ပြန်မိဖို့...
ကိုယ့်အနေနဲ့ မှန်မှန်ကန်ကန် နေတတ်သွားဖို့...

စတာတွေကိုပဲ ဦးစားပေးလုပ်ဆောင်မိတော့တယ်...။

သေချာတာကတော့ သွားနေကြတဲ့ 'ပန်းတိုင်' မတူကြလို့
လမ်းတွေလည်း တူနေမှာ မဟုတ်တာ အသေအချာပါပဲ...။

ခွင့်လွတ်သည်းခံဖို့အတွက်နဲ့ပဲတင်းတိမ်ပေးလိုက်မယ်...
ပတ်သက်ဖို့ကတော့ နှစ်ခါအခွင့်အရေး မရတော့ဘူးဆိုတာပါပဲ...။

Peace ✌️
https://t.me/TharHtooBeUnique

Thar Htoo-Be Unique (B'UNIQ)

Apr 29, 2026, 01:41 AM

လူတစ်ရာလောက် တိုးလျှောက်တဲ့ အလုပ်မှာ အလုပ်ရနိုင်ချေက 1% ပဲရှိနေပါတယ်…

လူတစ်ထောင်လောက်လျှောက်တဲ့ အလုပ်မှာတော့ အလုပ်ရနိုင်ချေက 0.1% သာရှိပါတော့တယ်…

အလုပ်လက်မဲ့နှုန်း တိုးလာတာနဲ့အမျှ အလုပ်တွေမှာ ၀င်တိုးလျှောက်တဲ့ လူ အရည်အတွက်ဟာ များလာဖို့ပဲရှိပါတယ်။ ကိုယ့်အတွက် အလုပ်တစ်လုပ်ရဖို့ ဟာ ပြိုင်ဆိုင်မှုများလို့ ယခင်နှစ်တွေကထက် ရာခိုင်နှုန်းအတော်နည်းလာတယ်လို့ဆိုနိုင်ပါတယ်။ အချိတ်အဆက်ကောင်းရင်ကောင်းသလို၊ ဘွဲ့နဲ့အတွေ့အကြုံတွေကြောင့် အပြောင်းအလဲဖြစ်နိုင်ပါတယ်။

ဒါပေမဲ့ ‘ရမှာပါ’ ဆိုတဲ့ မျှော်လင့်ချက်လေးတစ်ခုနဲ့ ၀င်တိုးပြီး လည်ပင်းရှည်ကာ စောင့်နေရတဲ့ ခံစားချက်က အတော် ခက်ခဲတယ်ဆိုတာ ဒါကိုကြုံဖူးသူတိုင်းသိပါတယ်။

“ငါ့ကိုဘယ်အလုပ်ရှင်က ခေါ်မလဲ” ဆိုတဲ့ အတွေးနဲ့ တင်လိုက်၊ လျှောက်လိုက်၊ အင်တာဗျူးအဆင့်မှာတင် လှည့်ပြန်သွားရလိုက် နဲ့ ကုန်သွားတာက ကိုယ့်ရဲ့ အချိန်တွေ၊ ခွန်အားတွေ၊ စိတ်ပင်ပန်းမှုတွေ ဖြစ်ပါတယ်။

တစ်ခါတစ်ရံ အင်တာဗျူးခံရလို့ ပြန်ဆက်သွယ်လာရင်တောင် “ဘယ်အလုပ်မှန်း မမှတ်မိတော့တာမျိုးရှိတယ်” အလုပ်တင်ခဲ့တာ များခဲ့တာဆိုတော့…။

ဒီဖြစ်စဥ်ကို သေချာပြန်တွေးကြည့်တော ကိုယ်က “အလုပ် ကံစမ်းမဲထိုးနေသလို ဆန်နေပါတယ်။”

ဟုတ်ပါတယ်…။

ကံစမ်းမဲ အစောင်ရေတွေကို ပေါက်လိုပေါက်ငြား ထိုးမိပြီး တစ်ကြိမ်လည်းမပေါက်၊ နှစ်ကြိမ်လည်းမပေါက်နဲ့ အကြိမ်ရေများလာတဲ့အထိ ထိုးသာ ထိုးတာ “ပေါက်မှာပါ” ဆိုတဲ့စိတ်နဲ့ပဲ ထိုးပြီး အချိန်နဲ့ငွေတွေကို ပြန်မရဘဲ ရင်းလိုက်တာ က ဘယ်လောက်ငြီးငွေ့စရာ၊ စိတ်ပျက်စရာ ကောင်းလဲဆိုတာ ခံစားလို့ရမှာပါ။

သေချာတာက များများ ၀ယ်ထိုးလေလေ ပေါက်ဖို့ ရာခိုင်နှုန်းနီးစပ်လေလေပေမဲ့ ကိုယ့်ရဲ့ ထိန်းချုပ်မှုအောက်မှာတော့ မရှိနေပါဘူး…။

မမြင်မိတဲ့ အန္တရာယ်တစ်ခုက…

ကိုယ့်အနေနဲ့ ဒီလို “အလုပ်တွေ လျှောက်ခြင်းဟာ ပြင်ဆင်နေခြင်း” လို့ အတွေး၀င်သွားပြီး ဇွတ်မှိတ် (ဘာဖြစ်ဖြစ်)လျှောက်မယ်ဆိုပြီး ဆုံးဖြတ်ထားနိုင်ပါတယ်။ ဒီပြဿနာဟာ ဘယ်အထိ ဆက်သွားလဲဆိုရင် CV/Resumeတွေကိုပဲ ပြင်ဆင်နေမိပြီး အာမခံချက်ရှိတဲ့၊ သေချာတဲ့၊ ကိုယ့်ရဲ့ထိန်းချုပ်မှုအောက်မှာပို ရှိတဲ့ ၀င်ငွေလမ်းကြောင်းမျိုး၊ ကိုယ့်ရဲ့စတင်ချင်တဲ့ passion project လိုမျိုး၊ 9-5 အလွန် ငွေ၀င်ပေါက်တွေ ဖောက်ထားတာမျိုး ကို လုပ်ဖို့ မေ့နေနိုင်ပါတယ်။ ဒီလိုမေ့လျှော့နေခြင်းဟာ ထွက်ပေါက်တွေကို ပိုပိတ်သွားစေနိုင်ပါတယ်…။

အဲ့လိုဆိုလို့ အလုပ်မရှာခိုင်းတော့တာ မဟုတ်ပါဘူး…။

ကိုယ့်အတွက် ဒီလိုအလုပ်ရှာနေခြင်းဟာ ကိုယ့်ရဲ့အိပ်မက်တစ်ခုလုံးကြီးမဖြစ်သင့်ပါဘူး၊ အစီအစဥ်တစ်ခုလုံးကြီးအဖြစ် မှီခိုမထားသင့်ပါဘူး ဆိုတာကို မြင်စေချင်တာဖြစ်တယ်။ အခြားသော လုပ်လို့ရတဲ့ဘောင်တွေကနေတဆင့် ဘယ်လိုထွက်ပေါက်တွေကို လုပ်သွားမလဲဆိုတာ ကို တွေးသင့်ပါတယ်။

အရေးကြီးတာ ‘မျှတပြီးလုပ်နေဖို့’ဖြစ်တယ်။

အလုပ်လည်းရှာရင်း တစ်ဖက် အပို၀င်ငွေလမ်းကြောင်းတွေကိုလည်း တိုးချဲ့ရင်း လုပ်နေသင့်ပါတယ်။

အလုပ်ရာထူးအတွက်လည်း ပြင်ဆင်ဖို့လိုသလို အလုပ်ပြင်ပအတွက်လည်း ပြင်ဆင်ထားဖို့လိုပါတယ်။ အလုပ်ရှာနေတဲ့နေရာမှာပဲ အချိန်တွေ၊ ခွန်အားတွေကို မြုပ်ထားရင် ပိုပြီးရှုံးဆုံးမှုတွေဖြစ်စေပါတယ်။

အဆင်ပြေကြပါစေ…။

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻💼

https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 29, 2026, 01:41 AM

📷 Photo

Thar Htoo-Be Unique (B'UNIQ)

Apr 29, 2026, 01:41 AM

📷 Photo

Thar Htoo-Be Unique (B'UNIQ)

Apr 29, 2026, 01:41 AM

📷 Photo

Thar Htoo-Be Unique (B'UNIQ)

Apr 29, 2026, 01:41 AM

ပရော်ဖက်ရှင်နယ်တို့ ကြိုးစားသလောက် မျှော်မှန်းထားသလို မဖြစ်ထွန်းနေရတဲ့နောက်ကွယ်မှာ ဒီထောင်ချောက် (၃)ခုထဲ ရောက်နေရလို့ ဖြစ်ပါတယ်။

၁။ မျက်စိစုံမှိတ်ပြီး (ဖြစ်ချင်ရာဖြစ်) ကြိုးစားမိနေတဲ့ ထောင်ချောက်…

၂။ ရလဒ်ရပေမဲ့ အမြန်နည်းနဲ့ အောင်မြင်မှုတွေကို လိုက်လံရှာဖွေနေမိတဲ့ ထောင်ချောက်…

၃။ သက်တောင့်သက်သာဖြစ်နေပေမဲ့ တိုးတက်မှု မရှိနေတဲ့ ထောင်ချောက်…တို့ဖြစ်ပါတယ်။

ကိုယ်က ဘာတွေ မမြင်မိဘူးလည်းဆိုရင်…

ငါကြိုးစားမယ်၊ ရလဒ်ထွက်ကိုထွက်ရမယ်ဆိုတဲ့ ဇွတ်မှိတ်ပြီးယုံကြည်ထားတဲ့အချက်၊ တကယ်တော့ အနာနဲ့ဆေးမတွေ့သေးသရွေ့ ‘အလုပ်များပြီး ရှေ့မရောက်ဖြစ်နေနိုင်လို့ပါပဲ။’

တစ်ဖန် အောင်မြင်မှုဆိုတာ တရှိန်ထိုး တက်သွားမဲ့အရာလို့ ယူဆထားတဲ့အချက်၊ အမှန်တော့ အောင်မြင်မှုလမ်းကြောင်းဟာ ‘roller coaster- ချားစီး’ ရသလိုပါပဲ။ အကွေ့အကောင့်များလှပါတယ်။

နောက်ပြီး တူညီတဲ့ နေ့စဥ် အလေ့အထတွေကို လုပ်တာနဲ့ပဲ တိုးတက်မှုလို့ ထင်နေတဲ့အချက်၊ တကယ်တော့ ဒါဟာ ကိုယ်လုပ်ရမဲ့အရာတွေကိုရှောင်နေနိုင်တာ၊ စွန့်စားမှုတွေကို ငြင်းပယ်နေမိတာ ဆိုတဲ့အချက်ကို ပေါ်လွင်နေနိုင်ပါတယ်။

တစ်ခါ အရှိန်မြန်ရင် မြန်မြန်ဆန်ဆန်အောင်မြင်မယ်လို့ မှန်းဆထားမိတဲ့အချက်၊ အမှန်တော့ တစ်ချက်တည်းနဲ့ တန်းအောင်မြင်သွားတယ်ဆိုတာ ရှားပါးဖြစ်စဥ်ဆိုတာပါ၊ စစ်မှန်တဲ့အောင်မြင်မှုဟာ ဖြည်းဖြည်းနဲ့မှန်မှန်သွားနေရတဲ့အရာဖြစ်တယ်။ ဒါဟာလည်း တာရှည်ခံစေတာပါပဲ။

ခါးသီးတဲ့အမှန်တရားက…

ကိုယ့်အနေနဲ့ ကြိုးစားတိုင်း မအောင်မြင်ဘူးဆိုတာ လက်ခံဖို့…၊ ပြီးရင် လိုအပ်တဲ့အကြံပြုချက်တွေကို ရယူပြီး လိုက်လျောညီထွေစွာ လုပ်ဆောင်သွားဖို့ ဖြစ်တယ်…

တစ်သမတ်တည်း အံ၀င်ခွင်ကျလုပ်ဆောင်နေဖို့ထက် ပြောင်းလဲနေတဲ့ အချက်အလက်တွေ၊ အရွေ့တွေမှာ ထက်ကြပ်မကွာ လိုက်ပါစီးမြောနိုင်ဖို့ ဖြစ်တယ်…

တစ်ချက်ကောင်းအကွက်တွေကို မျှော်ကိုးပြီးလုပ်နေမှာထက် ခြေလှမ်း သေးသေးလေးတွေနဲ့ လုပ်ဆောင်နေဖို့ ဖြစ်တယ်…

တူညီတဲ့ အလေ့အကျင့်တွေကိုဖန်တီးနေမိတာဟာ ‘ပိတ်မိ’နေတာကို မြင်ဖို့…၊ တကယ်တော့ ကိုယ့်အနေနဲ့ ဘယ်လိုလိုက်လျှောညီထွေဖြစ်အောင် အကျုံ့အချဲ့ နဲ့လိုက်နေမလဲဆိုတာကို စဥ်းစားဖို့ဖြစ်တယ်…

ဒီတော့ ဇွတ်မှိတ်လုပ်ဆောင်နေခြင်းမှ ထွက်ခါပြီး ပိုကောင်းတဲ့အရွေ့တွေကိုဖန်တီးသွားဖို့ဖြစ်တယ်။

ဥပမာအားဖြင့်…

- ကိုယ့်အတွက် ပုံမှန် တစ်ပတ် တာ လုပ်ဆောင်တဲ့အချိန်ပမာဏကိုပြန်ကြည့်ပြီး ဘယ်အရာတွေကို လျှော့ချမလဲ၊ ဘယ်လို ၀င်ငွေတိုးစေတဲ့ အရာ (၃)ခုက ဘာတွေလဲ ဆိုတာ ဆွဲထုတ်ဖို့ စသဖြင့်…
- အထည်ကြီးရင်းဖို့ ဆိုတာထက် ပမာဏနည်းနည်းနဲ့ရင်းပြီး လုပ်လို့ရတဲ့ အရာတွေကို လုပ်တာ၊ စမ်းသပ်တာ…
- ပုံမှန်အပတ်စဥ် အလေ့အထတွေထက် ကိုယ့်အနေနဲ့ တစ်ပတ်တာမှာ သင့်တင့်တဲ့ ‘စနစ်ကို’ဖန်တီးပြီးအဲ့ဒီအပေါ်မှာ ပြောင်းလွယ်ပြင်လွယ်တဲ့ နည်းနဲ့ချဥ်းကပ်သွားဖို့၊ ဆုံးဖြတ်သွားဖို့…
- ပြင်ပမှာဖြစ်ပျက်နေတဲ့ အရာတွေ လျစ်လျူမရှုထားဘဲ ဒါတွေက ကိုယ့်ရဲ့အရွေ့တွေကို ဘယ်လိုရိုက်ခတ်စေမလဲ၊ လွဲချော်စေမလဲဆိုတာ စောင့်ကြည့်သွားဖို့ စသဖြင့်…

ကိုယ်က အောင်မြင်မှုတွေနဲ့ မလွဲချော်မိဖို့ဆိုရင်…

စုံမှိတ်ကြိုးစားတာထက် မဟာဗျူဟာကျကျ လုပ်သွားဖို့…

လက်လျှော့အရှုံးပေးတာထက် စိတ်ရှည်သည်းခံမှုကို အရှိန်မြင့်တင်သွားဖို့…

မှန်းဆမနေဘဲ ဖြစ်ပေါ်နေတဲ့ အခြေအနေတွေနဲ့ လိုက်လျှောညီထွေရှိစွာ ရွေ့သွားနိုင်ဖို့…လိုပါတယ်။

အဆင်ပြေကြပါစေ…။

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻💼
https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 15, 2026, 02:48 AM

များသောအားဖြင့် ပရော်ဖက်ရှင်နယ်တွေက ရုန်းကန်လှုပ်ရှားနေကြရတာကို တွေ့နေရတယ်၊ ထူးခြားတာက ‘စွမ်းရည်မရှိကြလို့မဟုတ်ဘဲ’ ‘စွမ်းရည်ရှိရဲ့သားနဲ့ ရုန်းကန်နေကြရတာပါ။’

ရပ်ရွာထဲမှာတောင် သမုတ်နေကြတာ တွေရှိတယ်၊ ၀န်ထမ်းလစာ ဆိုပြီး ဘယ်လောက်ပဲရမယ်ဘာမယ်နဲ့…။ ဒီလိုနဲ့ ပညာတတ်ထားမှုအပေါ်မှာတောင် အမြင်မကြည်နေတာမျိုး၊ ခွဲခြားတာမျိုးထိတောင် ကြုံရတယ်…။

‘ငါတို့က သာမန်ပေမဲ့ နင်တို့ထက်ငွေရှာနိုင်တယ်ဆိုတဲ့ အသံတွေ…’

‘နင်တို့ဘယ်လောက်တတ်တတ် အချိန်တန်ရင် ဒီလစာပဲ ရမယ်ဆိုတာတွေ…’

‘ဘယ်မှာလဲ လက်ဆုတ်လက်ကိုင် ဘာတွေရှိနေလို့လဲဆိုတဲ့ တိုင်းထွာမှုတွေ…’

စတဲ့ နားထဲမဆံ့အောင်ကြားနေရပြီး အဖြူအမည်း မသဲကွဲမှုရှိနေကြတယ်။ တလွဲယုံကြည်နေကြတယ်။

လမ်းကြုံလို့ တစ်ခါတည်း ရှင်းလင်းချင်တာက ‘ပညာတွေ’ ‘စွမ်းရည်တွေ’ဟာ ငွေရှာဖို့တစ်ခုတည်းမဟုတ်နေဘူးဆိုတာပါ။ လောကအတွက် တစ်ထောင့်တစ်နေရာမှ အပြောင်းအလဲများစွာကို လုပ်ဆောင်နိုင်ဖို့၊ အခြားလူတွေရဲ့ဘ၀မှာ အပြုသဘောဆောင်ပြောင်းလဲပေးနိုင်ဖို့ဖြစ်ပါတယ်။ နက်နဲမှုကိုသိထားရအောင်ပါ…။ မဟုတ်ရင် ငွေနဲ့တိုင်းထွာပြီး ပညာမတတ်လည်းရှင်သန်လို့ရတယ်၊ ငွေရှာဖို့ပဲ အားပေမယ်ဆိုတာတွေက တစ်ဖက်နင်း ဖြစ်နေနိုင်ပါတယ်။ လုပ်ငန်းဆောင်တာတွေလည်ပတ်နေတာ ကျွမ်းကျင်လုပ်သားတွေကြောင့်ဆိုတာကို အမြင်တွေဖွင့်ဖို့လိုပါတယ်။ အဓိက လုပ်သလောက် ပြန်မရတာက ပြဿနာတက်နေကြတာပါ…။ ကောင်းသွားတာက စွမ်းရည်ရှိသူတွေက ဘယ်လိုပဲ တစ်ကပြန်စပြန်စ ရပ်တည်နေနိုင်ပါတယ်။ ပညာတွေ တတ်မြောက်ထားကြတာမဟုတ်လား။

ဆိုတော့ ပြန်ဆက်ရရင် ‘profile’လို့ခေါ်တဲ့ ကိုယ့်ရဲ့ တတ်မြောက်ထားမှု၊ ပြီးမြောက်ထားမှုနဲ့ ဘ၀အပေါ်နားလည်သဘောပေါက်မှု၊ စွမ်းဆောင်နိုင်မှု စတာတွေမှသည် ရပ်တည်ရေးအတွက် ဘယ်လို ငွေကြေးခိုင်မာမှု ‘profit’ကို ပုံဖော်ကြမလဲ၊ ဖန်တီးကြမလဲ၊ စတာတွေကို ဘယ်လိုလုပ်ဆောင်သွားကြမလဲဆိုတဲ့ အရေးဖြစ်ပါတယ်။ ဒီနေရာမှာ ‘profit’ဆိုတာ အမြတ်အစွန်းချည်းကိုပဲကြည့်ပြီး ငွေရှာသီးသန့်ဆိုတာနဲ့ မရောထွေးစေချင်ပါ။ နားလည်ရလွယ်အောင် သုံးနှုန်းထားခြင်းဖြစ်ပါတယ်။

ရေးနေရင် ရှည်မှာစိုးလို့ အနှစ်ချုပ်သွားရရင်…

ကိုယ့်မှာ ယာဥ် (skill, profile etc.) (ကား၊ဆိုင်ကယ်)ရှိနေသော်လည်း ‘လောင်စာ’ (money, profit,cash etc.) မရှိနေတာနဲ့ ဆင်တူတယ်။ ဒီတော့ ရသလောက် လောင်စာလေးထည့်ပြီး ရွေ့နေရတာမျိုးဖြစ်တယ်။ ကိုယ်တတ်မြောက်ထားတာတွေ ကို လူတွေကသိတယ်။ ဒါပေမဲ့ ေ၀း၀ေး မပြေးနိုင်ဘဲ နှေးကွေးပြီး ခရီးမတွင်နေတာမျိုး ကျပ်တည်းနေတာမျိုးဆန်ပါတယ်။

ဒါဆို ‘လောင်စာ’ရဖို့ ဘာတွေက အတားအဆီးဖြစ်နေရလဲ?

အဓိက ကိုယ့်ရဲ့ အချိန်၊ခွန်အား၊ဥာဏအားတွေက သူများရဲ့ လုပ်ငန်းခွင်မှာ ပုံအောပြီးသွားလုပ်ပေးနေတာ၊ လစာက ရက်တွေ၊အချိန်တွေနဲ့ပဲရနေတာမျိုးဖြစ်တယ်။

တစ်ဖက် ငွေများများရှာနိုင်သူတွေက သူတို့ က ‘ပရိသတ်’ရှိနေတာမျိုးဖြစ်တယ်။ ကိုယ့်ဆီ ဘယ်လိုနည်းနဲ့ လူတွေလာပြီး ရောင်းစရာ၊၀ယ်စရာ၊သင်ယူစရာတွေကို ဘယ်လိုလာ၀ယ်မလဲ၊ ယူမလဲဆိုတဲ့ နည်းပညာတွေသိထားကြတယ်။

အခြေအနေနှစ်ရပ်ပြန်ယှဥ်ရရင် ပရော်ဖက်ရှင်နယ်တို့ လုပ်ငန်းခွင်အတွင်း ဘယ်လောက် ကုန်းရုန်းလုပ်လုပ် အချိန်တန် လစာကိုသာရမယ်။ ကံကောင်းရင် ရာထူးတက်မယ်။ လစာတိုးမယ်။

တစ်ဖက် ပရိသတ်နဲ့ လုပ်နေတဲ့ သူတွေက ချဲ့ထွင်နိုင်လေလေ ငွေတွေ၀င်လာလေလေဖြစ်တယ်။ လူဦးရေအားနဲ့ ပြိုင်နေတာမျိုးဖြစ်တယ်။ ဒီနည်းကို ပရော်ဖက်ရှင်နယ်လို့လေ့လာသင်တာပါ။

သာဓကတွေနဲ့ပြရရင်…

ကျောင်းမှာ စာသင်တဲ့ ဆရာ,ဆရာမတွေက ကျောင်းသားအကန့်အသတ်နဲ့ လစာအကန့်အသတ်ပဲရမယ်။ ဒါပေမဲ့ တတ်ထားတာတွေကို အွန်လိုင်းကနေ အသုတ်လိုက်၊ ဗီဒီယိုသင်ခန်းစာတွေနဲ့ဆိုရင် သင်ယူသူတွေအများကြီးကို ပို့ချပေးနိုင်မယ်။ ဒီတော့ ၀င်ငွေတိုးလာစေမယ်။ စသဖြင့်…။

ပြန်ချုပ်ရရင်တော့ ကိုယ့်ရဲ့ ရလိုတဲ့ ၀င်ငွေကို တည်ပြီး အဲ့ဒီလိုရလာစေဖို့ ဘာတွေလုပ်ဆောင်သွားရမလဲဆိုတာကို စဥ်းစားသွားသင့်ပါတယ်။

အချိန်ကုန် လူပင်ပန်းမဲ့အစား ပိုပြီးချောင်လည်တဲ့နည်းလမ်းတွေကို ရှာကြံသွားပါ…

ကိုယ့်ရဲ့ စွမ်းရည်တွေကို အမြဲသွေးယူနေပါ…

တတ်မြောက်ထားသည်များကို လက်တွေ့လုပ်ဆောင်သွားပါ…

လွယ်ကူပြီးထိရောက်တဲ့နည်းလမ်းများကို ရှာဖွေသွားပါ…

အဆင်ပြေကြပါစေ…။

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻🧭💼

https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 15, 2026, 02:48 AM

📷 Photo

Thar Htoo-Be Unique (B'UNIQ)

Apr 15, 2026, 02:48 AM

CVတွေသေချာရေးပြီး၊ ပြင်ဆင်ပြီး အလုပ်တစ်လုပ်ရနိုးနိုး နဲ့ လည်ပင်းရှည် စောင့်ဆိုင်းနေရတဲ့ အချိန်တွေဟာ ပရော်ဖက်ရှင်နယ်တိုင်းရဲ့ ဘ၀တစ်ကွေ့ကွေ့မှာ ကြုံဖူးကြမယ်လို့ထင်ပါတယ်…။

အလုပ်ဆိုလည်း ရာနဲ့ချီလျှောက်မှ ခု-ဆယ် ဂဏန်းလောက်သာ အင်တာဗျူးရမယ်၊ ဒါတောင် ဆန်ကာတင်အဆင့်မှာတင်ပြုတ်ပြီး အလုပ်မရဘဲ အိမ်ပြန်သွားကြရတဲ့သူတွေဟာ ဒုနဲ့ဒေးရှိကြပါတယ်။ လနဲ့ချီ စောင့်ဆိုင်း ပြီးမှ တစ်နေရာစာ ရမယ်၊ ဒါတောင် ဘယ်တော့ အလုပ်ထုတ်ခံရမလဲဆိုတဲ့ ခံစားချက်ကိုပိုက်ပြီး နေ့စဥ်ရက်ဆက် သွား-လာ လုပ်ကိုင်နေရတယ်။ ဘယ်လောက် စိတ်ရော-လူရော ပင်ပန်းနေလိုက်မလဲဆိုတာ ကြုံဖူးသူတိုင်း အသိဆုံးဖြစ်နေမှာပါ…။

သေချာတာက အလုပ်သံစဥ်တွေထဲ-

- ကိုယ့်ရဲ့ အဖိုးတန်တဲ့ အချိန်တွေကို ရင်းလိုက်ရတယ်…
- ဘယ်သူ ဘယ်၀ါ ဆိုတဲ့ မျက်နှာတွေကို တစ်ကြည့်ကြည့်နဲ့ လုပ်ကိုင်နေရတယ်…
- အချိန်တန် လစာတွေကို စောင့်မျှော်နေရပြီး ဘ၀အရေးကို ဖြေရှင်းနေကြရတယ်…
- အလုပ်နောက်ကျမိလို့၊ ခွင့်ယူမိလို့၊ လွဲချော်မိလို့ ဆိုတဲ့အတွက် အလျှော်အစားပေးလိုက်ရတယ်…

စတဲ့ မဆုံးနိုင်တဲ့ ဖြစ်စဥ်တွေကြား ကိုယ့်ရဲ့ ‘ဘ၀သံစဥ်ဆိုတဲ့ အသက်၀င်လှုပ်ရှားနေရတဲ့အချိန်လေးကိုတွေ့ကြုံခံစားဖို့ သတိမေ့သွားတာမျိုးရှိတယ်။ အချိန်မရတော့တာမျိုးရှိတယ်။

ဒီလိုအလုပ်တွေထဲ ရောက်နေတာ ပြဿနာမဟုတ်ဘူး…၊ ဘာက ပြဿနာဖြစ်နိုင်လည်းဆိုရင်…

၁။ သေချာမှုနောက်လိုက်ပြီး စွန့်စားမှုကို မျက်ကွယ်ပြုလိုက်တော့တယ်…

လစာက အချိန်မှန်၀င်မယ်၊ နောက်လ၊နောက်နှစ်ဆိုတာကြီးက သေချာတယ်။ ဒီလောက်ရမယ်၊ ဒီအရာတွေလုပ်ရမယ်၊ ဒီလူနဲ့တွေ့မယ်၊ ဒါကိုတင်ပြမယ်၊ စတဲ့ ဒီ ပုံစံခွက်ကြီးထဲမှာ နေရတော့ ဆုံးရှုံးမှုနည်းတယ်။ ဘ၀က ပိုလုံခြုံတယ်။ ဒီတော့ ဒါတွေနဲ့ဆန့်ကျင်ဘက်ဆိုတဲ့ အရာတွေကို မလုပ်ရဲတော့ဘူး၊ မလုပ်ချင်တော့ဘူး။ အကျိုးဆက်က comfort-zoneထဲ၀င်မိနေတော့တယ်…။ ဒီလိုနဲ့ ‘ဒီလစာ ဆက်မရတော့ရင်ဘယ်လိုလုပ်မလဲ?’ ‘ဒီအလုပ်လုပ်ရင် နောက်ထပ်အပို၀င်ငွေလမ်းကြောင်း ဘာတွေထပ်ဖောက်နိုင်မလဲ?’ စတာတွေကို ဘာတွေကိုမေးဖို့ မေ့နေနိုင်ပါတယ်…။

၂။ အလုပ်၀န်ထုတ်၀န်ပိုးတွေက ဖန်တီးနိုင်စွမ်းတွေကို စုပ်ယူလိုက်တော့တယ်…

ပရော်ဖက်ရှင်နယ်တွေက အလုပ်တွင်ကျယ်စွာ လုပ်နိုင်ကြတယ်၊ သို့ပေမဲ့ ကိုယ့်ရဲ့စွမ်းအင်တွေကို အလုပ်ခွင်ထဲက ပြီးမြောက်စရာတွေက စုပ်ယူလိုက်တဲ့အခါ လူရော-စိတ်ရော ပင်ပန်းပြီး တီထွင်ဖန်တီးမှုတွေ အတွက်အချိန်မပေးနိုင်ဖြစ်တော့တယ်။ ဒီလိုနဲ့ စိတ်ကူးစိတ်သန်းရှိသော်ငြား ‘နောက်မှပဲလုပ်တော့မယ်’ဆိုတဲ့ အကြောင်းပြချက်တွေ၀င်လာပါတော့တယ်။ လုပ်ငန်းခွင်တွေကနေ ကိုယ့်ရဲ့ရှိရှိသမျှ စွမ်းအင်တွေ၊ ဖန်တီးနိုင်မှု အားတွေကိုယူလိုက်တဲ့အခါ အခြားမှာ ကိုယ့်အတွက် ချဲ့ထွင်စရာတွေကို မလုပ်ဖြစ်တော့အောင်၊ အားပျော့သွားအောင်လုပ်နေစေပါတယ်…။ ဒါက မမြင်ကြတဲ့ ဆုံးရှုံးမှုဖြစ်တယ်။

၃။ ‘ငါနောက်မှ ငွေစုတော့မယ်’ ဆိုတဲ့ အမြင်လွဲတွေနဲ့ ကျင်လည်နေတော့တယ်…

အလုပ်ထဲမှာကျင်လည်နေတဲ့အခါ လစာမှန်နေလို့ ငွေတွေရှိပါတယ်၊ နောက်လစာများများရတော့မှ ပိုပြီး စုတော့မယ်။ လက်တွေ့မှာတော့ တကယ်လည်း လစာတိုးသွားရော အနေအထိုင်အလေ့အထပါ တိုးသွားတယ်။ ဥပမာ ပိုကောင်းတဲ့ အခန်းတွေကိုရွေးချယ်တာ၊ ခရီးပိုထွက်တာ၊ ကုန်ကျစရာများတာတွေကို ရွေးတာ စသဖြင့်…။ အမှတ်တကယ်ဆိုရင် အလုပ်လုပ်ရင်း ဘယ်လို၀င်ငွေချဲ့ထွင်လို့ရသလဲဆိုတဲ့ အမြင်တွေဖွင့်ပြီး လှုပ်ရှားနေဖို့လိုတယ်။

၄။ စွန့်စားမှုကို ကြောက်ရွံ့သွားတော့တယ်…

ပုံမှန်လစာ၀င်နေတဲ့အခါ အခြားသော အပိုအလျှံတွေအတွက် အာရုံမစိုက်ဖြစ်တော့တာ၊ တိုးချဲ့မှုတစ်ခုမလုပ်ဖြစ်တော့တာ၊ ကိုယ်လုပ်ချင်တဲ့အရာတွေကို (သိပေမဲ့)အကောင်အထည်မဖော်ဖြစ်တော့တာ၊ စသဖြင့်ရှိနေနိုင်ပါတယ်။ နောက်ဆုံးရလဒ်က တကယ်စလုပ်ပြီး အခြေအနေကိုသိသွားပြီး ရလဒ်ထွက်တဲ့လူတွေက ခိုင်မာတဲ့၀င်ငွေလမ်းကြောင်းတွေကိုဖောက်နိုင်သွားတာဖြစ်တယ်။ စွန့်စားမှုမယူဖြစ်တဲ့ ပရော်ဖက်ရှင်နယ်တွေကတော့ သေချာမှု၊ ခိုင်မာမှုကိုယူပြီး ဒီစက်၀န်းထဲမှာပဲလည်နေနိုင်တာမျိုးရှိတယ်။

၅။ ရာထူးအပေါ်မှာ တွယ်ကပ်မိသွားတယ်…

“ငါက ဆရာ, ဆရာမ” “ငါက အင်ဂျင်နီယာ” ဆိုပြီး အခြားသောအလုပ်တွေကိုမလုပ်ဖြစ်တာ၊ ရှောင်တာမျိုးကြောင့် ၀င်ငွေနည်းတာ၊ အတွေ့အကြုံနည်းတာမျိုးရှိတယ်။ တကယ်ပြန်မေးရမှာ ကိုယ်က ဒီရာထူး၊ဒီအဆင့် ဆိုတာထက် ကိုယ်က ဘာတွေကို ‘ဖန်တီးပေးနေလဲ’ ဘယ်လို ‘ဗဟုသုတ’တွေကို ပံ့ပိုးပေးနေနိုင်သလဲ ဆိုတဲ့အမြင်ကိုချဲ့နိုင်ရင် အခွင့်အလမ်းတွေပိုပွင့်လာနိုင်ပါတယ်။ ကိုယ်က တစ်နေရာထဲမှာပိတ်မိနေဖို့ မဟုတ်ပါဘဲ ထိုက်သင့်တဲ့အတွေ့အကြုံကိုယူဖို့ ဖြစ်တယ်။

၆။ အခွင့်အလမ်းမြင်မှု မျက်ခြေပြတ်သွားစေတယ်…

ဆိုလိုရင်းက ငါလစဥ်အလုပ်ရှိတယ်၊ ပုံမှန် ၀င်ငွေရှိတယ်၊ ဒီတော့ ငါအချိန်ရှိသေးတယ်၊ နောက်မှ ဒါကိုလုပ်တော့မယ်… စတဲ့ ရွေးချယ်မှုသေးသေးလေးတွေက ကြာလာရင် ရိုက်ခတ်မှုတစ်ခုရှိလာစေတယ်။ တကယ်လည်း အခွင့်အလမ်းအမြင်ချဲ့လာနိုင်တဲ့အခါ ကိုယ်က စွမ်းအင်ကျနေတာ၊ စွန့်စားမှုမလုပ်လိုတော့တာ၊ ၀န်ပိသွားတာ စတဲ့ လုပ်ချင်ပါရဲ့ လုပ်ခွင့်မရတော့တာမျိုးဖြစ်နေနိုင်ပါတယ်။

Thar Htoo-Be Unique (B'UNIQ)

Apr 15, 2026, 02:48 AM

အနှစ်ချုပ်အရဆိုရင် ကိုယ်က အလုပ်ခွင်ရဲ့သံစဥ်ထဲ မြောနေတဲ့အခါ ကိုယ့်အတွက်လုပ်ရမဲ့ (တာရှည်ခံမဲ့)အခွင့်အလမ်းတွေကို မလုပ်ဖြစ်နေဘဲ၊ မစဖြစ်နေဘဲ လုပ်ဖို့အသိ၀င်နေတော့မှာ အချိန်လွန်နေတဲ့အဖြစ်မျိုး မကြုံရဖို့ အခုကတည်းက ပြင်ဆင်သွားသင့်ပါတယ်။

ကိုယ်က ပိုပြီး ၀င်ငွေတိုးလာဖို့ဖြစ်တယ်…

ကိုယ်က ပိုပြီး အလုပ်အတွေ့အကြုံရင့်လာဖို့ဖြစ်တယ်…

ကိုယ်က ပိုပြီး လွတ်လပ်လာဖို့ ဖြစ်တယ်…

ကိုယ်က ပိုပြီး ဘ၀သံစဥ်တွေထဲ အသက်ရှင်ပြီး အသက်၀င်နေဖို့ ဖြစ်တယ်…

အဆင်ပြေကြပါစေ…။

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻💼🌸🌷

https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 15, 2026, 02:48 AM

သမားရိုးကျ တွက်ကြည့်တဲ့အခါ ‘ဘာဘွဲ့နဲ့ပြီးရင် ဘယ်လောက်၀င်ငွေရမလဲ’ဆိုပြီး တွေးကြလေ့ရှိပါတယ်။ တကယ်တော့ ခေတ်ကာလအရ ဒါဟာ မှန်ကန်မှုမရှိတော့ဘူး ဆိုတာပါပဲ။

မြင်ကွင်းကျယ်ကို ကြည့်လိုက်တဲ့အခါ…

၁။ ဘွဲ့က ငွေတန်ဖိုးဆိုတာထက် ဗဟုသုတ ဘယ်လောက်ရှိလဲကိုပဲ ပြနေတာ…

ကိုယ့်ရဲ့ ဘွဲ့က ကိုယ်ဘယ်လောက်ထိ ဗဟုသုတရှိလဲ၊ သင်ယူထားလဲ ဆိုတာကိုပဲ သက်သေပြစေပါတယ်။ သို့သော် ဒါဟာ ‘၀င်ငွေဘယ်လောက်’ရှာနိုင်မလဲဆိုတာကို အာမ,မခံပေးပါဘူး။ ဘာတွေက ‘၀င်ငွေတိုးမြင့်စေလဲ’ ဆိုရင်…

- စျေးကွက် လိုအပ်ချက် (၀ယ်လိုအား)
- စွမ်းရည် ကိုအမှန်အကန်လုပ်ဆောင်နိုင်မှု
- တိုင်းတာနိုင်စွမ်းရှိတဲ့ ‘တန်ဖိုး’တွေကို ဖန်တီးနိုင်မှု

ဒီတော့ ဘွဲ့တစ်ခုတည်းက ငွေ၀င်စေတာမဟုတ်ဘဲ ‘တန်ဖိုး’ဘယ်လောက်ဖန်တီးပြီး ပြဿနာကိုဖြေရှင်းပေးနိုင်လဲဆိုတာက အဖြေဖြစ်နေနိုင်ပါတယ်။

၂။ လက်မှတ်တွေထက် လုပ်ဆောင်နိုင်စွမ်းက အလေးသာစေတာ…

ယခင်လို ဘွဲ့ရ→ အလုပ်၀င်→ အလုပ်အကိုင်အခြေချ ဆိုတဲ့ခေတ်က ကုန်သွားပြီး ဘယ်လိုဖြစ်လာလဲဆိုရင်

စွမ်းရည်→ အလုပ်ပြီးမြောက်မှု→ ရလဒ်ချပြနိုင်မှု→ ၀င်ငွေ ဆိုတဲ့ ခေတ်ကိုဦးတည်နေပါတယ်။

ကိုယ်က ဘာကိုဖြေရှင်းနိုင်စွမ်းရှိလဲ?

ကိုယ်က ဘာကို ထုတ်လုပ်နိုင်စွမ်းရှိလဲ?

ကိုယ်က ဘယ်လို သက်ရောက်မှုမျိုးကို ပုံဖော်နိုင်လဲ? ဆိုတဲ့မေးခွန်းတွေကိုကျော်လွှားကြရလေ့ရှိပါတယ်။

ဥပမာ ဘွဲ့မရှိသော်ငြား portfolio ချပြနိုင်တဲ့ သူက ဘွဲ့ရပြီးprotfolio မရှိထားသူထက် ၀င်ငွေပိုရနိုင်ပါတယ်။

၃။ ဘွဲ့တွေက ‘ကျဥ်းမြောင်းတဲ့’စွမ်းရည်တွေကိုပဲ ထည့်ပေးလိုက်နိုင်တာ…

သာဓကတွေမှာ…

ဆရာ,ဆရာမ တွေဆိုရင် ကျောင်းပညာရေးအတွက်…

သုတေသနလုပ်သူများဆိုရင် တက္ကသိုလ်တွေအတွက်…

ရှေ့နေ ဆိုရင် ဥပဒေနယ်ပယ်တွေအတွက်…

အကယ်၍ ထို ကျောင်း,ဌာနတွေမှ အလုပ်ထုတ်ခံလိုက်ရတဲ့အခါ အပြင်မှာ ကောက်ကာငင်ကာ အလုပ်ပြန်ရှာဖို့မလွယ်ကူနေပါဘူး၊ အကြောင်းက အပြင်လောကနဲ့ ပြန်ချိန်ညှိဖို့ နည်းလမ်းထပ်လိုနေလို့ပါပဲ။

၄။ အလုပ်ခွင်တွေဟာ ကိုယ်ရဲ့ပိုင်ဆိုင်မှုမဟုတ်နေတာ…

အလုပ်အကိုင်တွေက ကိုယ့်ကိုခေါ်ပြီးခန့်မှ ၀င်ငွေရမယ်…၊ တစ်ဖက် ကိုယ်ရဲ့ပိုင်ဆိုင်ထားမှုတွေက ဖန်တီးထားတဲ့ ‘စနစ်တွေ’ ‘လက်ဆုတ်လက်ကိုင်ပြနိုင်တဲ့အရာတွေ ‘ပွားလိုရတဲ့တန်ဖိုးတွေ’ ။ ဥပမာ ကိုယ့်အတွေ့အကြုံတွေနဲ့တကွ ဖန်တီးထားတဲ့ ‘course’တွေ၊ ‘ဒစ်ဂျစ်တယ် ထုတ်ကုန်တွေ’ ‘ရင်းနှီးမြုပ်နှံမှုတွေ’ စသဖြင့်…။ ဆိုတော့ အလုပ်အကိုင်က ‘လစာ’ပေးမယ်၊ ကိုယ့်ရဲ့သီးခြားပိုင်ဆိုင်မှုတွေက ‘လုံခြုံမှု’တွေကိုပေးမယ်။

၅။ ကိုယ့်ရဲ့ ‘စွမ်းရည်’တွေက အပြောင်းအရွေ့လုပ်နိုင်ဖို့လိုတာ…

ဒါကတော့ ကိုယ့်အနေနဲ့ဘယ်နေရာသွားသွား၊ အလုပ်အကိုင်တွေကို လုပ်နိုင်တာ၊ စွမ်းရည်တွေကို ချပြနိုင်နေတာ၊ ကိုယ့်ရဲ့ စွမ်းရည်တွေက သယ်သွားပြုသွားလို့မရရင် ၀င်ငွေကျပ်တည်းမယ်၊ ရရင်တော့ ၀င်ငွေတိုးမယ်။

၆။ စီးပွားရေးအပြောင်းအလဲတွေကမြန်ဆန်စွာဖြစ်နေတာ…ဘွဲ့ (ပရိုဂရမ်)တွေက နှေးနေတာ…

ဘွဲ့တစ်ခုကို ယူလိုက်တဲ့အခါ ပြင်ပကမ္ဘာနဲ့ အချိတ်အဆက်ပြတ်သွားစေနိုင်ပါတယ်။ ဘွဲ့ရသွားတဲ့အခါ အပြင်မှာဖြစ်နေတာနဲ့ ချိန်ညှိရလို့ နှစ်ခါပင်ပန်းရစေပါတယ်။ အကြောင်းက ကိုယ်သင်ယူခဲ့ရတာတွေက ‘ဗဟုသုတ ဟောင်းနေတာ’ ‘အပြင်လောကနဲ့ အံ၀င်ခွင်ကျ မရှိတော့တာမျိုး’ ဖြစ်နေလို့ပါပဲ။ တစ်ခါ ထိုပရိုဂရမ်တွေက အသစ်ထပ်ပြောင်းဖို့အချိန်ကြာမြင့်တာကြောင့် ဗဟုသုတ သစ်ဆန်းမှုမရှိနေတာမျိုးဖြစ်နေနိုင်ပါတယ်။

၇။ ပညာရေးနဲ့ စီးပွားရေး နှစ်ခုကြားမှာ ရှုပ်ထွေးမှုရှိနေတာ…

ပညာသင်မယ်,ပြီးရင်မျှ ေ၀မယ်၊ အလုပ်ပြန်လုပ်မယ်ဆိုတဲ့နေရာကနေပဲ တွေးကြတာများတယ်။ တကယ်တော့ ကိုယ့်ရဲ့ပညာတွေကို ဘယ်လို ‘ငွေသားအဖြစ်ပြန်ပြောင်းမလဲ?’ ‘အလုပ်ပြုတ်သွားရင် ဘယ်လိုပြန်ထိန်းကျောင်းနိုင်အောင်လုပ်မလဲ?’ ‘ဘယ်လိုလွတ်လပ်စွာနဲ့ငွေပြန်ရှာနိုင်မလဲ’ စတဲ့မေးခွန်းမျိုးမေးဖို့လိုပါတယ်။ ကျွမ်းကျင်မှု(ပညာ)တွေပဲရှိပြီး စီးပွားရေးအမြင်မရှိဘူးဆိုရင် အခက်အခဲနဲ့ပိုကြုံနိုင်တယ်။

၈။ စိတ်ပိုင်းဆိုင်ရာလုံခြုံမှုနဲ့ စီးပွားရေးအရ လုံခြုံမှုကို ကွဲပြားအောင်မြင်နိုင်တာ…

ဘွဲ့တွေက ကိုယ့်ရဲ့အဆင့်အတန်း၊ ရာထူးနဲ့ လေးစားမှုတွေကို ရယူနိုင်တယ်၊ တစ်ဖက် စီးပွားရေးအရ လုံခြုံမှုကိုဖန်တီးနိုင်ဖို့ဆိုရင် ‘မတူညီတဲ့ငွေ၀င်ပေါက်တွေကို ဖွင့်ထားရမယ်’ ‘စွမ်းရည်တွေကို လိုက်လျောညီထွေဖြစ်အောင်လုပ်ဆောင်နိုင်ရမယ်’ ‘ငွေကြေး အကြောင်းနားလည်ရမယ်’ ‘ပိုင်ဆိုင်မှုတွေကိုထားရှိရမယ်။’ ဒီတော့ လေးစားအားကျမှုရနေတိုင်း ဖူလုံစွာနေနိုင်၏ မနိုင်၏က နောက်ထပ်အရေးကိစ္စဖြစ်စေတယ်။

အနှစ်ချုပ်အရဆိုသော်…

ဘွဲ့တွေရှိနေခြင်းကြောင့် ‘ငွေကြေးအရ ဖူလုံမှုရှိမယ်’ဆိုတဲ့အမြင်ကို ပြန်ချဲ့သွားသင့်တယ်။ ဘွဲ့တွေဟာ (ငွေကြေးအရ) အခြေခံအုတ်မြစ်နေရာမှာပဲရှိနေတယ်။ ယနေ့လို အပြောင်းအလဲမြန်ဆန်နေတဲ့ခေတ်မှာ ငွေ၀င်ပေါက်များစွာကိုဖန်တီးထားပြီး လိုက်လျောညီထွေဖြစ်အောင်နေထိုင်တာ၊ ပြောင်းနိုင်ရွှေ့နိုင်တဲ့ စွမ်းရည်တွေကို ရယူပိုင်ဆိုင်ထားဖို့သာ လိုပါတော့တယ်။

အဆင်ပြေကြပါစေ။

Thar Htoo-Be Unique (B'UNIQ)

Apr 15, 2026, 02:48 AM

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻🧭💼
https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 15, 2026, 02:48 AM

📷 Photo

Thar Htoo-Be Unique (B'UNIQ)

Apr 15, 2026, 02:48 AM

ကိုယ် လုပ်နေတဲ့ 9-5 အလုပ်အကိုင်က သေချာပြီး လုံခြုံမှုရှိတယ်လို့ ထင်နေခြင်းက အမြင်မှားနေခြင်း ဆိုတာကို လတ်တလောအခြေအနေက သက်သေပြနေပါတယ်။ Job security is an illusion!

အခြေအနေခိုင်မာမှုရှိတဲ့ အလုပ်ခွင်နဲ့ ကုမ္ပဏီတွေတောင် မပြောမဆို မဆိုင်းမတွ အလုပ်ထုတ်နေကြတာကိုကြည့်ရင် ကိုယ့်ရဲ့ရပ်တည်ရေးဟာ အလွန်မှ ထိလွယ်ရှလွယ်ဖြစ်နေစေပါတယ်။

မမေ့သင့်တာက…

ကိုယ့်ရဲ့ ရာထူးဟာ ‘အလုပ်ခွင်’ကလွဲလို့ အပြင်မှာ တန်ဖိုးထားခံရဖို့ မလွယ်ကူနေဘူး…

ကိုယ့်အနေနဲ့ အချိတ်အဆက်အားနည်းနေလို့ အလုပ်အကိုင်သစ်ရှာဖို့ မလွယ်ကူနေပြန်ဘူး…

ကိုယ့်ရဲ့အတွေ့အကြုံတွေဟာ ဌာန,ကုမ္ပဏီတစ်ခုအပေါ်မှာ ပဲအခြေခံလို့ အခြားသောနေရာတွေမှာ ၀င်ဆံ့ဖို့ အာမခံချက် မရှိနေပြန်ဘူး…စတဲ့ ရှုထောင့်စုံကိုမြင်ပြီး ပြင်ဆင်စရာတွေကို ပြန်ထားဖို့လိုပါတယ်…။

အရေးကြီးတာက…

ကိုယ့်ရဲ့အလုပ်အတွေ့အကြုံတွေဟာ တစ်နေရာစာအတွက်ပဲ အလုပ်ဖြစ်တယ်၊ ကျန်တဲ့နေရာတွေမှာ အထောက်အကူမပြုနေဘူးဆိုရင် အဲ့ဒီအလုပ်ဟာ ‘အဖိုးတန်တယ်လို့ မှတ်ယူဖို့ခက်ပါတယ်။’

ကိိုယ့်အနေနဲ့ ဒီလို အခြေမခိုင်တဲ့ အခြေအနေတွေကနေ ရုန်းထွက်ဖို့ဆိုရင်…

ကိုယ့်ရဲ့ ‘စွမ်းရည်တွေဟာ’ အကူးအပြောင်းလွယ်ကူနေရမယ်…

တစ်နေရာမှတစ်နေရာသို့ ‘သယ်ယူသွား’နိုင်ရမယ်…

ကပ်ဘေး၊ အန္တရာယ်တွေ ကျရောက်လာတဲ့အခါ ‘ဒူပေနာပေ’ရှိနေရမယ်…

တကယ်လည်း စွမ်းရည်တွေဟာ ‘ရှားပါးတဲ့စွမ်းရည်တွေ’ဖြစ်နိုင်လေလေ ပိုကောင်းလေလေပါပဲ။

လူတိုင်းလုပ်တတ်တဲ့အလုပ်က ၀င်ငွေရရှိမှုနည်းနေနိုင်တယ်ဆိုတာကို သတိရဖို့လိုပါတယ်…။

စွမ်းရည် အပြောင်းအရွေ့လုပ်ရာမှာ သိထားသင့်တဲ့အရာတွေကို အချက်တွေနဲ့တကွ ဆက်ပြီးကြည့်ရအောင်…

တစ်နေရာမှတစ်နေရာသို့ (အလုပ်အကိုင်အတွက်) သယ်ယူသွားနိုင်ဖို့လုပ်ရာမှာ လိုအပ်တဲ့အရာတွေက…

၁။ ဗဟုသုတတွေ (အတွေ့အကြုံတွေ)

- ဆက်ဆံရေး Communication
- ဦးဆောင်မှု Leadership
- သင်ကြားပို့ချမှု Teaching / training
- ပြဿနာဖြေရှင်းနိုင်မှု Problem solving
- ဒစ်ဂျစ်တယ်ပိုင်းတတ်မြောက်မှု Digital literacy
- ဒေတာ-အချက်အလက် စိစစ်နိုင်မှု Data analysis
- အရေးအသားတတ်မြောက်မှု Writing
- နည်းပြပေးနိုင်မှု Coaching
- ပရောဂျက်စီမံခန့်ခွဲနိုင်မှု Project management

စတဲ့အရာတွေဖြစ်ပါတယ်။ ဒါတွေကို သက်ဆိုင်ရာ လုပ်ငန်းခွင်တွေမှာ ပြန်လည်အသုံးချနိုင်စွမ်းရှိပါတယ်။

၂။ အလုပ်တွေကို နေရာဒေသမရွေး (လွတ်လပ်စွာ) လုပ်နိုင်ဖို့ ပြင်ဆင်ပါ…

- အလုပ်က remote အနေနဲ့ ပြီးမြောက်နိုင််အောင်လုပ်နိုင်လား…
- နယ်စည်းမခြား (နိုင်ငံမရွေး) လုပ်နိုင်တဲ့အလုပ်တွေဖြစ်လား…
- ဒစ်ဂျစ်တယ် ပုံစံ (ခေတ်စကားအရ လက်ပ်တော့ ကွန်ပြူတာတွေနဲ့)မျိုးလုပ်နိုင်လား…
- တိုက်ရိုက် အချိန်နာရီ real-time မဟုတ်ဘဲ သတ်မှတ်ကာလတစ်ခုယူပြီး လုပ်နိုင်လား…စသဖြင့်…။

၃။ အလုပ်ရှင်ရဲ့ အမည်အပေါ်မှာမမှီခိုဘဲ ကိုယ့်ကို လူသိလာအောင်လုပ်ဆောင်ပါ…

- ဆိုရှယ်မီဒီယာ ပလပ်ဖောင်း (Facebook, Instagram, TikTok) တွေတည်ဆောက်တာ…
- လူရှေ့စကားထွက်ပြောတာ…
- ဗဟုသုတမျှ ေ၀တာ…
- အမှတ်တံဆိပ်တည်ဆောက်တာ…
- ပရော်ဖက်ရှင်နယ် ကွန်ယက်ထားရှိတာ…

၄။ တစ်ခုထက်ပိုတဲ့ ၀င်ငွေလမ်းကြောင်းကို ဖောက်ထားပါ…

- အွန်လိုင်းမှ စာသင်ပေးတဲ့ လမ်းကြောင်းတွေ…
- ဆွေးနွေးတိုင်ပင်မှုပေးတဲ့ လမ်းကြောင်းတွေ…
- ဒစ်ဂျစ်တယ်ထုတ်ကုန်တွေကိုလုပ်တာ၊
- အွန်လိုင်းသင်တန်းတွေဖွင့်တာ၊ စသဖြင့်…။

၅။ စဥ်ဆက်မပြတ် လေ့လာသင်ယူနေပါ…

- tools အသစ်တွေကို သင်ယူတာ…
- trends အသွားအလာတွေကို လေ့လာစောင့်ကြည့်တာ…
- ပလပ်ဖောင်းအသစ်တွေတည်ဆောက်ပြီး စမ်းသပ်ကြည့်တာ…
- ကိုယ်ရဲ့ ပင်မ အလုပ်နဲ့ဆက်နွယ်တဲ့ နယ်ပယ်တွေ၊အလုပ်တွေကို လေ့လာတာ…

၆။ ပိုင်ဆိုင်မှု တည်ဆောက်သူ အဖြစ်ရပ်တည်ပါ…

- ၀န်ထမ်းလို တွေးရာမှ အလုပ်ရှင်လိုတွေးတာ၊
- ဥပမာကိုယ့်အနေနဲ့ အခွင့်အလမ်းဖော်ဆောင်သူ၊ ၀င်ငွေလမ်းကြောင်းဖောက်သူ အဖြစ်ရှုမြင်ပြီး လုပ်ဆောင်တာ၊

၇။ ကပ်ဘေးတွေအတွက် ကြိုတင်ပြင်ဆင်ပါ…

- ပရော်ဖက်ရှင်နယ် ကွန်ယက်တည်ဆောက်ထားပါ…
- ငွေကြေးစုဆောင်းထားပါ…
- ဆက်စပ် စွမ်းရည်တွေလေ့လာသင်ယူနေပါ…
- လွတ်လပ်စွာ အလုပ်လုပ်ကိုင်မှုကိုဖန်တီးပါ…

၈။ ခေတ်အမြင်ကိုဖွင့်ပါ…

- ယခင်ခေတ်လို ကုမ္ပဏီမှာ မြဲဖို့၊ သစ္စာစောင့်တည်ဖို့၊ဆိုတာထက် ဘယ်လို ကိုယ့်အနေနဲ့ ‘ပစ်တိုင်းထောင်’လို လဲကျတိုင်း ပြန်ထောင်နိုင်တဲ့ ပုံစံမျိုး တည်ဆောက်ထားမလဲ…
- သင်ယူလေ့လာမှုတွေကို ဘယ်လို တိုးချဲ့ထားမလဲ…
- စွမ်းရည်+လိုက်လျှောညီထွေဖြစ်မှု+ (အရည်အချင်းတွေကို) သယ်သွားသယ်လာလုပ်နိုင်မှု စတာတွေဖြစ်ပါတယ်။

အနှစ်ချုပ်မှာတော့ ကိုယ်ဟာ နေရာဒေသမရွေး လုပ်ကိုင်နိုင်သူဖြစ်ရမယ်၊ မထိန်းချုပ်နိုင်တဲ့အရာတွေနဲ့ကြုံရတဲ့အခါ ဒူပေနာပေဖြစ်နေရမယ်၊ ရှုံးဆုံးမှုနည်းအောင် ပြင်ဆင်ထားရမယ်ဆိုတဲ့ အတွေးအမြင်များနဲ့ ရှေ့ဆက်နေဖို့ လိုပါတယ်။ Job security (အလုပ်စိတ်ချရမှုမှ) အမြင်မှ Capability security (စွမ်းရည်စိတ်ချရမှု) အမြင်သို့ တိုးချဲ့ရှုမြင်သွားဖို့လိုပါတော့တယ်။

အဆင်ပြေကြပါစေ…

Thar Htoo-Be Unique (B'UNIQ)

Apr 15, 2026, 02:48 AM

___
9-5အလွန် ဝင်ငွေလမ်းကြောင်း တိုးချဲ့ချင်တဲ့ ပရော်ဖက်ရှင်နယ်များ https://t.me/tharhtoobeunique Telegram မှာ 9-5လို့ရေးကာ ဆက်သွယ်နိုင်ပါပြီး။

👨‍💻🧭💼
https://t.me/TharHtooBeUnique
https://t.me/BUNIQCoaching

Thar Htoo-Be Unique (B'UNIQ)

Apr 15, 2026, 02:48 AM

📷 Photo

Showing 20 of 20 posts

No more posts

Loading posts...