Xikmadaha Nolosha ❤️✌🏻

Public

View Channel

5.9K

1.2K

1.3K

Can't Join? @Xikmadaha_Nolosha

1.4k Members

Updated: May 19, 2026 at 10:38 PM

Xikmadaha Nolosha ❤️✌🏻

“Our life is too short and i want to live forever 📖🕯.”

@Xikmadaha_Nolosha offers specialized information about want and life for subscribers interested in Life Lessons

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 1.4K

24h growth: +0 0%

Latest Posts

Xikmadaha Nolosha ❤️✌🏻

Apr 29, 2026, 10:09 AM

.

Marka aad aamusan tahay, aamuskaagu waxa uu keenayaa in dadku maladooda kugula dul dhacaan. Qaar waxa ay kuu arkayaan qof wax kujiraan oo muqdar ah, qaar kalena waxa ay kuu arkayaan qof maran oo aan micno lahayn. Laakiin ogow labadoodaba waxaad u tahay muraayad; mid waliba waxa uu kaa dhex arkay waxa uu isagu yahay. Muraayadu been ma sheegto, waxa ay soo celisaa waxa hor taagan oo kaliya. Marnaba maladoodu adiga kuma qusayso.

122

Xikmadaha Nolosha ❤️✌🏻

Apr 29, 2026, 10:09 AM

ASHAACIRADA IYO SALAFIYADA IYO FASIRKA SIFOOYINKA EEBE.

Inta badan yooyootanka u dhaxeeya Ashaacirada iyo Salafiyada oo iyagu isku ah Kooxda weyn ee loo yaqaan Ahlu Sunaha wuxuu ku Saleysan yahay sida loo Aaminayo ama loo fasirayo Magacyada iyo Sifooyinka Eebe.

Asal ahaan Ashaaciradu waa madaraso sheegata in ay isku waddo Daliilka Caqliga iyo midka Diinta (Naqliga)
waxayna ku doodaan in ay wada socdaan Caqliga iyo Naqliga oo aysan iska hor imaanaynin Aslan.

Halka ay Salafiyadu sheegato in ay haystaan Fahamkii Salafka ee Seddexdii Qarni ee ugu horeeysay soo if bixii Diinta Islaamka.
Caqliga iyo Naqligana ay Naqliga hormariyaan Caqligana dib u dhigaan.

In kasta oo ay Ashaacirada Qudhoodu intaa ay Salafiyadu sheegato ee ah diin ku dhisan Fahamkii salafku ay iyaguna la sheegtaan.

Sida badan Ashaacirada iyo Salafiyadu iskuma khilaafsana Asalka ay ku dhisaan Axkaamta diinta ee ah Kitaabka iyo Sunada iyo Ijmaaca iyo Qiyaasta.

Wuxuuse is maan dhaafkoodu yimaadaa inta badan kolka la joogo Fasirka Sifooyinka Eebe,oo Ashaaciradu waxay qabaan in sifooyinka Mutashaabiha ahi la ta’wiiliyo oo Eebe laga fogeeyo oo laga nasaho wax u ekeysiinaya makhluuqaadkiisa.

Halka ay Salafiyadu qabaan in Sifooyinka Eebe sida ku soo aroortay ee ay ku yimaadeen loo daayo iyada oo aan la ta’wiilineynin lana tashbiihinaynin.

Kolka sifaadka la joogo Aayadaha ay labada qolaba ka duulaan waxaa ka mid ah:-

‎﴿ لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ﴾
‎[ الشورى: 11]
“Eebe wax la mid ah oo u dhigma ma jiraan waana mid wax maqla oo wax arka”.

Hadaan tusaale gaaban ka bixiyo kala duwanaanta tafsiir ee sifooyinka Eebe ku saabsan matalan waxaa Quraanka ku badan in uu Eebe Gacan (يد) isu nisbeeyay.

‎تَبَٰرَكَ ٱلَّذِي بِيَدِهِ ٱلۡمُلۡكُ وَهُوَ عَلَىٰ كُلِّ شَيۡءٖ قَدِيرٌ (1)
“Waxaa khayrkiisu batay Allaha ay Gacantiisu ku jirto Mulkiga waana mid wax walba awooda “

Salafiyadu waxay leeyihiin waan sugaynaa in uu Eebe leeyahay Gacanta uu sheegtay lkn tashbiihin mayno oo oran mayno waa gacan kuwa Makhluuqa u eg.

Halka ay Ashaaciradu leeyihiin Gacantu waa Qudro iyo awood ee Eebe gacan u sugi mayno waayo Gacan waxaa lagu yaqaan oo u baahan Makhluuqa.

Waxayna leeyihin ereyga gacan (YAD) macaanida loo isticmaalo waxaa ka mid ah ah Qudrada iyo Awoodda,waxayna daliishadaan Aayada tiraahda.

‎﴿ وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ﴾
‎[ سورة الذاريات: 47]
“Samadii waxaan ku dhisnay Awood oo kolba kolka ka dambeysa waan sii waasicinaynaa”.

Waxay yiraahdeen ilaahay kolka uu doono in uu shey abuuro waxaa ku filan in uu yiraahdo ahow oo wuu ahaani ee Makhluuqa ayaa u baahan in uu yeesho Gacno uu wax ku qabsado.

‎﴿ إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ﴾
‎[ يس: 82]
"Kaliya Amarkiisu markuu wax doono waa inuu yiraahdo ahow oo wuuba ahaan”.

Ashaaciradu waxaa kale oo ay ku doodaan Gacan in Eebe loo sugo ayaaba tashbiihin ah,waayo Gacan waa Gacan in ay weyn tahay iyo in yar tahay Muhiim maaha oo Makhluuq uun baa u baahan,sidaa darteed waa in Eebe laga anfiyaa Gacan hadii loo jeedo mida Jismiga ku taalla.

Waxay yiraahdeen Ereyga gacan Maadaama uu macaani badan qaadan karo sida Qudrad iyo Awood taas aan xubin ka tarjumaynin ee Eebe u cuntanta ayaan ku fasiraynaa.

Waayo tusaale ahaan kolka la leeyahay koox hebla ama Dowlad hebla ayaa gacanta ku haysa ama gacanta ku dhigtay meel fulaan,ma jirto Gacan Dowlad iyo Kooxi leeyihiin ee degaanka dul taalla ee ujeedadu waa iyagaa ka taliya oo awoodooda ayay hoos joogtaa.

Tusaale kale:haday kuu yeeraan qolo gaari riixanaysa oo ay ku yiraahdaan kaalay gacan na sii,kama dhigna gacantaada na sii ee waa awood nagu kordhi.

Gacanta waxaa la mid ah Isha (عين) oo waxay Ashaacirada ku fasiraan Ilaalada waayo Indhaha kolka wax lagu indha indheynayo waa uun ilaalo iyo la socosho.
Tasaale ahaan Alle wuxuu yiri:-

‎﴿ تَجْرِي بِأَعْيُنِنَا جَزَاءً لِّمَن كَانَ كُفِرَ﴾
‎[ القمر: 14]
“Doontii Nabi Nuux Ilaalayada ayay ku socotay “
Lama oran karo oo looma jeedin Indhahayaga ayay ku dhex socotay”.

Xikmadaha Nolosha ❤️✌🏻

Apr 29, 2026, 10:09 AM

Xaga Sarreynta Eebe iyo Nusuusta tilmaanta sida ay Salafiyadu qabaan waa sarreyn daati ah oo Eebe daato ahaan in uu kor u jiro ayay aaminsan yihiin.

Halka ay Ashaaciradu leeyihiin Eebe Jiho laguma sheegi karo waayo waxa Jiho u baahan waa Makhluuqa ee Alle Jihooyinka ma koobaan oo Jihooyinka iyo Carshiga isagaa abuuray oo hortood buu jiray,Saraynta Eebe iyo nusuusta ku soo aroortayna waxay ku awilaan in ay yihiin kuwo macnawi ah oo Manzilo iyo makaano ahaan ayuu Eebe uga sareeyaa khalqigiisa ee daato ahaan uma joogo Samada iyo Carshiga waayo maba qaadaan oo waxay ka mid yihiin khalqigiisa.

Ashaacirada waxay kaloo qabaan in Sifada la bandhigo (Tafwiid)oo la yiraahdo ma naqaan oo Alle ayaa og ujeedada Gacanta,Isha,Lugta,Sarreynta iwm hadii uu Eebe sheegto,kolayse Aamini mayno in Eebe sina u shabaho khalqigiisa.

112

Xikmadaha Nolosha ❤️✌🏻

Apr 29, 2026, 10:09 AM

📷 Photo

Mid ka mid ah tusaalooyinka ugu cajiibsan ee mucjisada luqadeed ee Qur’aanka waa erayga

“Fasayakfikahumullah.”

Eraygan oo ku jira Surah Al-Baqarah wuxuu muujinayaa sida fariin macne badan loogu soo koobi karo hal eray oo qura. Marka la kala jabiyo:

fa -du waxay u taagan tahay “markaas/sidaas darteed”, sa/siin- ku waa astaanta mustaqbalka, yakfī waxay ka dhigan tahay “ku filnaan ama ka difaacid”, ka-du waa “adiga”, halka hum-tu tahay “iyaga”. Marka la isu geeyo dhammaantood, waxay noqonayaan hal eray oo sida jumlad dhammaystiran oo macnaheedu yahay: “Alle ayaa kaa kaafin doona iyaga.”

Waxay muujinaysaa awoodda iyo qotada dheerida afka Qur’aanka. Halkii lagu oran lahaa dhowr eray; Qur’aanku wuxuu adeegsaday hal eray oo qaab dhismeedkiisu si qumman u wada qaadayo dhammaan macnayaashaas.

Ma jirto luqad aduunka ka jirta oo hal eray ku qaadi karta fariin sidaas u dheer.

114

Xikmadaha Nolosha ❤️✌🏻

Apr 29, 2026, 10:09 AM

ILAAHAY WAX XUN DADKA MA FARO EE NAFTAADA LA TASHO.

{ وَلِلَّهِ الْمَثَل الْأَعْلَى }.
"Ilaahay matal sare ayuu leeyahay".

Waligaa hadaad aragto wax damiirka Insaanka fayow ku fool xun ha u qaadan in ay Diin yihiin si kasta oo laguugu diimeeyo,waayo Eebe wuxuu ku daabacay wanaaga waa dareenka iyo Damiirka iyo Caqliga caafimaadka qaba.
waana kuwa uu Eebe kugula xisaabtamayo Qiyaamaha.

Damiirka iyo Caqliga Iimaanka leh waa kuwa lagu kala garan og yahay xaqa iyo waxa san iyo waxa xun.

Rasuulka scw si uu noo tuso in ay xaq tahay ku tiirsanaanta dubaaqeena Iimaanka leh ayuu Nin Asxaabtiisa ka mid oo ugu yimid fadwo si cad ugu yiri:-naftaada weydii Samaha iyo Xumaha.

"وعن وابصةَ بنِ مَعْبِدٍ  قَالَ: أَتَيْتُ رسولَ اللَّه ﷺ فَقَالَ: جِئْتَ تسأَلُ عنِ البِرِّ؟ قُلْتُ: نَعَمْ، فَقَالَ: اسْتَفْتِ قَلْبَكَ، البِرُّ: مَا اطْمَأَنَّتْ إِلَيْهِ النَّفْسُ، واطْمَأَنَّ إِلَيْهِ القَلْبُ، والإِثمُ: مَا حاكَ في النَّفْسِ، وتَرَدَّدَ فِي الصَّدْرِ، وإِنْ أَفْتَاكَ النَّاسُ وَأَفْتَوكَ حديثٌ حسنٌ، رواهُ أحمدُ والدَّارمِيُّ في "مُسْنَدَيْهِما".

“Waabisata binu Macbad wuxuu yiri:- Nabiga scw ayaan u imid,markaasuu igu yiri ma waxaad u timid in aad wanaaga wax iga weydiiso,markaasaan ku iri haa!!,markaasuu igu yiri:Naftaada weydii,sidiisaba wanaagu waa waxa ay Naftu ku xasisho oo uu Qalbigana ku dago,Dambiga iyo Xumaantana waa waxa kaa soo booda oo naftaada ku dhaga oo ay laabtaaduna ka laba-labayso,haday doonaan kuwa wax fadwooda haba kuu fadwoodeene”.

Sideedaba waxaa waajib ah in Rabiga Masalka sare leh in aan loo quurin wax xun oo aan Caqliga Bani Aadanka quman aan sinaba ugu sameyn.

Insaanka Anaaniyadda lagu ibtileeyay badankii waxaa u dabeecad ah in ay Xumaanta ay dani bidaan Rabbi kula galgashaan.

Laakiin Eebe taa waa diiday oo wuxuu yiri:-

وَإِذَا فَعَلُوا فَاحِشَةً قَالُوا وَجَدْنَا عَلَيْهَا آبَاءَنَا وَاللَّهُ أَمَرَنَا بِهَا ۗ قُلْ إِنَّ اللَّهَ لَا يَأْمُرُ بِالْفَحْشَاءِ ۖ أَتَقُولُونَ عَلَى اللَّهِ مَا لَا تَعْلَمُونَ.

"Markay wax xilli oo foolxun sameeyaan waxay oranayaan Aabayaasheen ayaan ka soo gaarnay Ilaahayna waa na faray sidaas,!!waxaad ku tiraahdaa Ilaahay ma faro faaxisho iyo wax fool xun ee ma waxaad Alle ku sheegaysaan wax aydun Cilmi iyo Aqoon u lahayn".

Inta badan Bani Aadamka iimaanka leh waxaa waligiiba laga soo galaa xagga Diinta oo qofka Caamada ah waxaa dhici karta in wax foolxun oo aan Caqli gal ahayn loo tusiyo wax Eebe jecel yahay,laakiin taasna Alle waa diiday oo qofka Muslimka ah waxa marka horeba lagu kalifay waa Caqligiisa iyo Garashadiisa iyo Damiirkiisa,sideedana isma diidaan Caqliga fayow iyo Cilmiga Diinta.

Ilaahay wuxuu yiri:-

﴿أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ﴾

"Miyeysan Dhulka ku socon iyaga oo leh Qalbiyo ay wax ku gartaan iyo Dhago ay wax ku maqlaan Duulku ma Indho beelin ee waxay beeleen Caqliyada garasho ee laabta ugu jira".

Si taa la mid ah Diintu waxay dadka u dirtay in ay Fidrada toosan iyo Damiirka Samaha u samaysan raacaan kolka wax aan fiicneyn wanaag loogu sheego.

Eebe wuxuu yiri:-

﴿ فَأَقِمْ وَجْهَكَ لِلدِّينِ حَنِيفًا ۚ فِطْرَتَ اللَّهِ الَّتِي فَطَرَ النَّاسَ عَلَيْهَا ۚ لَا تَبْدِيلَ لِخَلْقِ اللَّهِ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ﴾
[ الروم: 30]

“Foolkaaga ku toosi Diinta toosan ee xumo ka saliimka ah,taasoo ah Fidrada iyo u dhalashada toosan ee uu Eebe dadka ku abuuray,Ilaahay Abuurkiisa isbadal kuma dhaco,waana middaas Diinta toosan laakiin Dadka badankoodu ma garanayaan”.

Marka waa inaan Alle loo tiirin wax xilli oo aan qaban sida Dhiig Bani Aadam aan waxba galabsan inta lagu faraxasho in la dhaho shaqadaas Allaa noo diray.

Ama dadka inta Diinta fudud lagu adkeeyo in la yiraahdo sidaas baa Alle doonayaa.

Xikmadaha Nolosha ❤️✌🏻

Apr 29, 2026, 10:09 AM

📷 Photo

🪻 Imaamu -Shaafici wuxuu kula Dardaarmay Ardaygiisii ​​Rabiic Bin Suleymaan:

“Haddii Aad Rabto Hagaajinta Qalbigaaga, ama kan Wiilkaaga, ama Walaalkaa, ama Aad Rabto in uu Qof kasta Hagaago,

ku Dhex Beer Qur’aanka, kuna Dhex hay Saaxiibtinimada Qur’aanka.”

Xigasho

📚 [Hilyatul Awliyaac, waxaa Qoray Abuu Nucaym:

127

Xikmadaha Nolosha ❤️✌🏻

Apr 29, 2026, 10:09 AM

Waayo Alle ayaa si cajab badan usoo bandhigay qisadeeda oo Quraanku marna ma dhaliilin maamul wanaageeda halka uu gaalnimadeeda dhaliilay.

Ibnu Xazam waxa uu Xadiiska Nabiga scw ee micnahiisu yahay ma liibaanaan qoom ay haween utaliyeen ku fasiray inuu khaas ku ahaa munaasabadii uu ku yimi ee ahayd in uu kisra gabadhiisa madax oga dhigay Furus taas oo markii Nabiga scw loo soo sheegay uu yiri ma liibanayaan qoomka ay Haweeney utalisay oo uu ula jeeday Furus.

Waayo ibnu Xazam waxa uu yiri waxaan ujeednaa oo Quraanka noo sheegay qoom ay Haweeney utalisay oo liibaanay waana qoomka saba ee ku liibaanay taladii Balqiis oo ka badbaadisay burbur naf iyo maalba leh nafteeda iyo ta qoomkeedana u horseeday inay rumeeyaan Alle iyo Nebi Sulaymaan cs.

Dhab ahaantii waxaa la og yahay in uu Islaamku karaameeyay Haweenka laga soo bilaabo kolka ay dhashaan iyo inta ay dharabta ku jiraan ilaa ay dhalmo days ka noqonayaan ka dibna ka dhimanayaan,Islaamku Hooyada waxa uu siiyay seddex xaq oo ay dhasheeda ku leedahay,wuxuuna jideeyay Jano uu dhex galiyay lugaheeda hoostooda oo cidii u baarinimo fasha oo Awlaadeeda ka mid ahi ay helayso,taasina waa mid si cad kuu tusinaysa in uu Islaamku doonayo in daryeelka hooyadu uusan marna dayacmin.

Islaamku waxa uu Dumarka ka keenay oo oga hiiliyay jaahilnimadii lagula dhaqmi jiray Islaamka ka hor oo ay dadka qaarkood gaareen inay Haweenka karhaan oo marka ay gabar u dhalato nolosha ku aasaan,Islaamku waa ka dhiidhiyay arintaas oo wuu dhaliilay ficilkaas wuxuuna Rabbi madal la sii sheegay ka dhigay in la ciqaabi doono kuwii falkaas foosha xun ku kacay.
‎“وَإِذَا الْمَوْؤُودَةُ سُئِلَتْ .بِأَيِّ ذَنبٍ قُتِلَتْ).
“Waa lays weydiin doonaa tii la nolol xabaaliyay bal dambiga ay galabsatay ee loo dilay”.

Wuxuu kaloo Alle yiri:-

‎وَإِذَا بُشِّرَ أَحَدُهُمْ بِالأُنْثَى ظَلَّ وَجْهُهُ مُسْوَدًّا وَهُوَ كَظِيمٌ * يَتَوَارَى مِنَ القَوْمِ مِنْ سُوءِ مَا بُشِّرَ بِهِ “أَيُمْسِكُهُ عَلَى هُونٍ أَمْ يَدُسُّهُ فِي التُّرَابِ أَلَا سَاءَ مَا يَحْكُمُونَ }

“Haddii midkood loogu bishaareeyo gabadh wajigiisa ayaa madoobaan jiray caro iyo ciil kaambi dartii,dadka ayuu iska qarin jiray xumaanta uu ka aaminsan yahay gabadha loogu bishaareeyay darteed,oo wuxuu ku tallami jiray bal in uu isaga oo ceebeysan iska haysto amaba uu ciidda ku aaso,Alla xumaayeey falkaas ay ku kici jireen”.

Waxaa kale oo la ogyahay in ay haweenku iyagu yihiin mar kasta kuwo la dhowray oo dhib oo dhan laga dheereeyay,oo lama saarin masuuliyad dhaqaale,intay yar yihiina waxaa sanka looga tolay waalidka oo la faray inay si gaar ah oga war hayaan koriimada gabdhaha,bal ee Rasuulka scw wuxuuba sheegay in Jano lagu kasbanayo korinta iyo koolkoolinta gabdhaha.kolkay koraana waa iyaga kuwa loo soo shaqaynayo oo illaa guurkooda iyo yagleelidda Qoyska iyo ilmo korintaba aan dhaqaale ahaan wax masuuliyaas ah iyaga dusha laga saarin.

Rasuulka scw wuxuu yiri:-

‎"وعن عبد الله بن عباس ـ رضي الله عنه ـ‏ ‏قال: ‏قال رسول الله ‌‏ـ صلى الله عليه وسلم ـ‏: (مَنْ وُلِدَتْ له ابنةٌ فلم يئِدْها ولم يُهنْها، ولم يُؤثرْ ولَده عليها ـ يعني الذكَرَ ـ أدخلَه اللهُ بها الجنة ) "رواه أحمد، وصححه الحاكم ووافقه الذهبي، وحسنه الشيخ أحمد شاكر .

“Qofkii gabadh loo dhalo oo aan dhibin oo aan liidin oo aan wiilkiisa ka doorbidin oo si wanaagsan u koriya gabadhaas sababteeda ayuu Ilaahay Janada ku galiyaa”.

Wuxuu kale oo Rasuulka scw yiri:-

‎عن أنس بن مالك ـ رضي الله عنه ـ قال: قال رسول الله ـ صلى الله عليه وسلم ـ: ( مَنْ عال جارتين (بنتين) حتى تبلغا، جاء يوم القيامة أنا وهو وضم أصابعه ) رواه مسلم .

“Qofkii koriya laba gabdhood ilaa ay ka qaan gaaraan wuxuu yimaadaa maalinka Qiyaame aniga iyo isaga oo sidaa isku ah,wuxuuna isku dhajiyay Rasuulka scw labadiisa farood”.

Wuxuu kale oo uu yiri suubanahu:-

‎وعن أنس ـ رضي الله عنه ـ أن النبي ـ صلى الله عليه وسلم ـ قال: ( مَن عال ابنتينِ أو ثلاثًا، أو أختينِ أو ثلاثًا، حتَّى يَبِنَّ (ينفصلن عنه بتزويج أو موت)، أو يموتَ عنهنَّ كُنْتُ أنا وهو في الجنَّةِ كهاتينِ - وأشار بأُصبُعِه الوسطى والَّتي تليها ) رواه ابن ماجه وصححه الألباني .

Xikmadaha Nolosha ❤️✌🏻

Apr 29, 2026, 10:09 AM

“Qofkii koriya laba ama seddex gabdhood oo uu dhalay ama laba ama seddex hablood oo la dhashay ilaa uu guur ama geeri kala gayso ama uu isaguba ka hor geeriyoodo aniga iyo isagaba waxaan Janada isku ahaanaynaa sida farahaas oo kale-wuxuuna markaa ishaaray Nabiga fardhaxada iyo murdisada oo isku dhagan”

Sidoo kale wuxuu Rasuulka scw yiri:-
‎�وعن عقبة بن عامر ـ رضي الله عنه ـ أن النبي ـ صلى الله عليه وسلم ـ قال: ( مَنْ كان له ثلاث بنات فصبَرَ علَيْهِنَّ، وأطعَمَهُنَّ وسقاهُنّ، وكساهُنَّ مِنْ جِدَتِهِ (سعته وطاقته)، كُنَّ لَهُ حجاباً مِن النارِ يومَ القيامة )،

“Qofkii seddex gabdhood dhalay oo u dhabar adeyga korintooda oo ugu dadaala intii tabartiisa ah cunto iyo cabid iyo arrad tirba naarta ayay ka xijaabaan maalinta Qiyaamaha”.

Wuxuu kol kale yiri Rasuulku scw:-

عن عقبة بن عامر رضي الله عنه قال: قال رسول الله ﷺ: “لَا تَكْرَهُوا الْبَنَاتِ، فَإِنَّهُنَّ الْمُؤْنِسَاتُ الْغَالِيَاتُ”.رواه احمد وصححه الباني.
“Ha nicina Hablaha waayo iyagu waa kuwo la weheshado oo qaalli ahe”.

Walaayaal waxaa waayadan badan dad aan iyaga oon lahayn daraasaad ama aqoon dheeri ay oo ay u leeyhiin arimaha diinta iska soo rarta wax kasta oo dad aan Islaam ahayniba ku dhaleeceeyaan diinta Islaamka iyaga oo waliba si gaar ah u beegsada Dumarka una tusa Islaamka inuu iyaga liiday oo u diiday inay shaqaysan karaan ama talada iyo maamulka wax ku yeelan karaan taas oo runtii ah waxba kama jiraan uusan Islaamku shaqo ku lahayn.

Haweenku inay shaqaysan karaan oo ay hantidoodana iyaga gaar u leeyhiin Islaamku wuxuu ku xusay nas Quraan iyo mid Xadiisi ahba.

Ilaahay waxa uu yiri:

‎{لِلرِّجَالِ نَصِيب مِمَّا اِكْتَسَبُوا وَلِلنِّسَاءِ نَصِيب مِمَّا اِكْتَسَبْنَ }

“Raggu waxay leeyihiin wixii ay shaqaystaan,haweenkuna waxay leeyihiin wixii ay shaqaystaan”.

Rasuulka scw wuxuu yiri:-

‎وعن جَابِرٍ-ض- (قَالَ طُلِّقَتْ خَالَتِي فَأَرَادَتْ أَنْ تَجُدَّ نَخْلَهَا فَزَجَرَهَا رَجُلٌ أَنْ تَخْرُجَ فَأَتَتِ النَّبِيَّ صَلَّى اللَّهُ عَلَيْهِ وَسَلَّمَ فَقَالَ بَلَى فَجُدِّي نَخْلَكِ فَإِنَّكِ عَسَى أَنْ تَصَدَّقِي أَوْ تَفْعَلِي مَعْرُوفًا)

“Jaabir wuxuu yiri habaryartey ayaa la furay waxay damacday inay beerteeda ka shaqaysato nin baa canaantay oo damcay inuu u diido,ka dib Nabiga scw ayay u timid oo ay sheegtay arintii wuxuuna Rasuulka scw yiri:ka shaqayso beertaada timirta ah waayo waxaa dhici karta inaad waxa aad ka hesho sadaqaysato ama aad wax uun wanaag ah ku samaysato”.

Imaamu Axmed markuu maqlo in mid saaxibadii ah ay gabari u dhalatay Hambalyo ayuu u diri jiray,wuxuuna oran jiray u sheega in Ambiyada Ilaahay ay inta badan Aabe u ahaayeen Hablo oo qura.

Xikmadaha Nolosha ❤️✌🏻

Apr 29, 2026, 10:09 AM

📷 Photo

Taalo ku taal dalka Finland oo astaan u aha in umadu wax akhrido:

"Wax akhri xitaa haddii aad qarqmayso"

Wax akhrisku waa sirta horumarka ummadaha iyo nolosha shucuubta.!

135

Xikmadaha Nolosha ❤️✌🏻

Apr 29, 2026, 10:09 AM

Ilaahay halkaan kuma sheegin kala fiicnaan iyo kala fadli badnaan kaliya wuxuu ku maamulay xeerin qorshe dhaqaale waliba cadaalad ku qotoma kuna qanci karto gabadha og dhibaatada dhaqaale ee walaalkeed ku soo wajahan ama haysata ee ah masuuliyadda dhaqaale bixinta ee Ragga la dul dhigay ee ay u badan tahay inaysan iyadu haysanin amaba aan xaq iyo waajib loogu lahayn.
Isla Aayada waxaa ku xusan mar ay lab iyo dhadig isku qayb qaateen waana marka Aabaha iyo Hooyada ay lix meelood meel uu midba gaarkiisa u qaadanayo.iyo kol ay hablaha Rag aan waalid iyo walaal ahayn wax la dhaxlayaan oo ay Ragiiba wax dheer yihiin oo ay nus ama sedex meelood laba meel qaadanayaan,halkaa waxaa ku cad inaysan jirin kala doorasho uu Alle kala fadilayo lab iyo dhadig ee ay arintu tahay uun xeerin dhaqaale loo qaybinayo sida masuuliyada maal bixinta loo kala xigo”.

Arinta markhaatiga la yiri laba Haween ah ayaa hal Rag ah u dhiganta lafteedu kama muuqato wax quursi ah oo haweenka lagula kacay waayo masaladu waxay yeelan kartaa cudur daaro caqli gal ah oo la xariira xaga abuurka “bayolgical difference”
Oo ay dhici karto inay Haweenku abuur ahaan ka halmaan badan yihiin Ragga amaba inta badan waxa Ragga dhex maraya oo aysan goob joog ka ahayn oo haddii mid la waayo si ta kale loo helo”.
Kol walbana arintu sidaa maaha oo waxaa jira marar ay markhaatigu ku sinmayaan Rag iyo Dumar,iyo meelo Dumar mooyee aan Ragba markhaatigii laga aqbali karin.

Arinta xukunka iyo maamulidda dowladda haddii laga xigsaday ama loo diiday amaba looga badan yahay kama dhigna in la quursaday ee waa uun wax la xariira abuurka iyo awoodda Rabbi u kala dhaliyay Ragga iyo dumarka,oo taariikh ahaan dunida inta badan Rag ayaa soo maamuli jiray walina maamula waa arin dabiici ah,taasna kama dhigna Haweenku ma gayaan waayo Ilaahay waxa uu Quraanka ku sheegay haweeney Baqiis la oran jiray oo intay qoomkeedii u talisay waliba badbaadisay oo xigmadeedii gayeysiisay inay tolkeed dhibaato la,aan aakhirkii ku biiraan maamulkii Nabi Suleymaan cs.

‎"إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ "
“Hud-hudkii Nabi Suleymaan u waramayay wuxuu yiri waxaan soo arkay haweeney madax u ah reer Saba oo wax kasta la siiyay isla markaana leh sariir weyn”.

Balqiis wuxuu Rabbi noogu sheegay inay ahayd haweeney aan kaligeed taliso ahayn oo arimaha muhiimka ah dadka ka talo galisa oo kolkii ay heshay warqadii Nebi suleymaan cs ee ku baaqaysay inay dowladiisa soo raacaan iskama aysan degdegin wuxuu Rabbi ku amaanay sidii ay u maareysay arintaas.

‎"قَالَتْ يَا أَيُّهَا الْمَلَأُ أَفْتُونِي فِي أَمْرِي مَا كُنتُ قَاطِعَةً أَمْرًا حَتَّىٰ تَشْهَدُونِ (32) قَالُوا نَحْنُ أُولُو قُوَّةٍ وَأُولُو بَأْسٍ شَدِيدٍ وَالْأَمْرُ إِلَيْكِ فَانظُرِي مَاذَا تَأْمُرِينَ (33)

“Waxay tiri dadoow bal ila taliya anigu maahi mid talada kaligeed mintooxsata ilaa aad ila go,aamisaan,waxayna ku yiraahdeen anagu waxaan nahay geesiyaal dagaalka yahano ah oo awood leh ee talada adiga ayay kaa go’daaye na amar sida ay kula tahay”.

Waxaa cajab badan sida uu mar kale Rabi inoogu soo tabiyay caqli badnidii haweentaas iyo sidii ay u maaraysay mushkiladii ka hor muuqatay iyada oo aan caadifad iyo caro dagaal adeegsan oo tolkeedna tusaaleysay inuusan dagaal wax lagu dagdago ahayn”.waxayna tiri:

‎"قَالَتْ إِنَّ الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً ۖ وَكَذَٰلِكَ يَفْعَلُونَ(34) وَإِنِّي مُرْسِلَةٌ إِلَيْهِم بِهَدِيَّةٍ فَنَاظِرَةٌ بِمَ يَرْجِعُ الْمُرْسَلُونَ (35)."

“Waxayna tolkeed ku tiri sideedaba maaha inaan dagaal ku deg degno waayo haddii nalaga guulaysto oo ay dhacdo in ay ciidamada naga soo horjeeda na qabsadaan way ina adoonsanayaan oo dadkeena ilbaxnimada iyo sharafta leh waxay inaga dhigayaan gun la gumaysto,
ee bal inta ayan arintu heerkaas gaarin waxaan u dirayaa hadiyado aan kaga kasbanayno wanaag iyo nabad. “.

Culimo badan oo uu ibnu Xazam ka mid yahay waxa ay qisadan usoo daliishadaan in ay Haweenku madax noqon karaan haddii laga heli mid Balqiis oo kale ah

Xikmadaha Nolosha ❤️✌🏻

Apr 16, 2026, 04:12 AM

🎥 Video

Ibn Al-Qayyim waxa uu ka yidhi roobka:

“Ilaahay "swt" waxa uu u soo diraa roobka hab ah dhibco ah oo is garab socda oo aanay dhibicna dhibicda kale soo gaadhi karin kuna milmi karin ilaa ay soo gaadho dhulka halka ay ku amran tahay in ay ku dhacdo. Dhibcdii hore ee soo dhacday iyo dhibcda danbe ee soo socota midkoodna waqtigeeda kama soo horayn karto kamana danbayn karto. Haddii uu roobku hal mar u soo daadan lahaa sidii biyo la soo shubay waxa uu dhibaatayn lahaa dadka iyo xayawaanka waxaanu baab'in lahaa beeraha iyo midhaha.

Su'aasha ayaa ah haddii Ilaahay swt qorshahan quman u qorsheeyey dhibcaha roobka sidee ayuu noqonaya qorshaha uu u qorsheeyey adoomihiisa.

Muqaalku waa marwo u dhalatay dalka Masar oo maalin rooban taagan daqada gurigeeda iyada oo ducaysanaysa. Xiliga roobka ayaa kamid ah xiliyada la ajiibo ducada ee loo baahan yahay in la ducaysto.

127

Xikmadaha Nolosha ❤️✌🏻

Apr 16, 2026, 04:12 AM

📷 Photo

Xasuusin 💫

Haddii Suuratul-Faatiha ay tahay shifo.
Akhrinta Suuratul-Baqarah ay tahay barako.
Suuratul-Mulk ay tahay badbaado.
Suuradaha Al-Mu‘awwidhat (Falaq iyo Naas) ay yihiin gaashaan difaac ah.
Aayatul-Kursi ay tahay ilaalin ka dhan ah sharka iyo jinniyada.
Labada aayadood ee ugu dambeeya Suuratul-Baqarah ay yihiin kuwa ku filan qofka in ay ka difaacaan wax kasta oo dhib ah.

➡️ sidee buu noqonaya haddaba xaaladda qofka Quraanka oo dhan akhriya oo joogteeya ? ✨

Xikmadaha Nolosha ❤️✌🏻

Apr 16, 2026, 04:12 AM

DIINTA ISLAAMKA IYO DASTUURKA

Dastuur marka la qeexo waa heshiis u dhaxeeya Bulsho meel ku wada nool kaas oo ay ku cadahay qodobada ay ku heshiiyeen umadda ku nool goobtaas uu heshiiskooda ka dhacay,marka heshiiska noocaas ah la galayo Khasab maaha in Umadda halkaas ku nool oo dhan ay goob joog wada ahaadaan,ee waxa ay qolo kasta oo qaab Deegaan ama Qabiil isugu xiran goobta u soo dirsanaysaa ergo ku matasha qaabaynta Dastuurka ama heshiiska.

Kolka laysla meel dhigo heshiiskaas ayaa si loo ansaxiyo haddii la doono afti Umadeed loo qaadaa kadib kolkii la siiyo Shacabka waqti ama muddo uu qof kasta ku soo akhriyo amaba uu kaga soo baaraan dago waxa uu yahay heshiiska la gaaray iyo inuu yahay mid fiican oo Caddaalad ku qotoma oo wax ugu yaal isaga ama Umadda iyo in kale.

Halkaas baa haddii codku u bato aqbalaadda waxa lagu heshiiyayna la meel mariyaa,haddii uu codku u bato in ay Umaddu ka soo horjeesato heshiiskana la laalaa oo dib loogu noqdaa.

Hadaba diinta Islaamka maxay ka qabtaa Dastuur ama heshiis ay Bulsho meel ku wada nool ka gaaraan hab dhaqanka nolol maalmeedkooda?!!

Way dhici kartaa in jawaabta su'ashaas uu ninba meel u qaado laakiin hadaan isku dayo inaan si kooban u cabiro codka jamhuurta Culimada iyo fuqahada iyo muxaqiqiinta Muslimiinta kuwo hore iyo kuwo dambaba waxay isku raacsan yihiin in waxa ay ku heshiiyaan Muslimiintu ay sax tahay ansaxna ka tahay xagga Alle haddii waxaas lagu heshiiyay uu yahay wax aan diinta iyo waxyiga Alle ka hor imaanaynin.

Matalan haddii waxa lagu heshiiyay uu yahay wax Caddaalad ku wada salaysan dulmigana ka dheer inta la doono,hadde heshiiskaas maba noqon karo mid diinta khilaafsan,waayo diinta iyadaa amartay in cadaaladda lagu toosnaado dulmigana laga dheeraado.

Nusuusta ku soo aroortay in Muslimiintu Dastuur ama heshiis samaysan karaan hadaan wax ka tilmaamo waxaa ka mid ah.

-وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِيدَا إِصْلَاحًا يُوَفِّقِ اللَّهُ بَيْنَهُمَا ۗ إِنَّ اللَّهَ كَانَ عَلِيمًا خَبِيرًا (35)

"Hadaad ka cabsataan in ay isku xad gudbaan oo dhibaatada u dhaxaysa ninka iyo naagta is qaba ay cirka isku shareerto bal u saara ergo ninka ehelkiisa iyo ergo haweenta ehelkeda ah oo haday markaasi heshiis doonayaan Ilaahay waa waafajinayaa dhexdooda waayo Alle waa mid Cilmi badan oo khabiir ah"

"وَإِنِ امْرَأَةٌ خَافَتْ مِن بَعْلِهَا نُشُوزًا أَوْ إِعْرَاضًا فَلَا جُنَاحَ عَلَيْهِمَا أَن يُصْلِحَا بَيْنَهُمَا صُلْحًا ۚ وَالصُّلْحُ خَيْرٌ ۗ"

"Haddii haweeney ay ninkeeda kala cabsato kacdoon iyo kala jeensi iyo khilaaf iyo santaagid wax dambi ah dushooda ma ahaanin inay dhexdooda heshiis ka sameystaan waayo heshisku waa khayr".

Marka nin iyo haweentiisa is hayay la yiri ergo heshiis dhex dhigta u saara miyaan la oran karin waxaa ka mudan in Ummad dhan loo saaro ergo heshiis dhex dhigta oo u kala qorta waxa ay ku heshiinayaan iyada oo uu marjaca loo laabanayo mar kasta yahay Kitaabka Quraanka ah iyo Sunada Nabiga ee saxiixa ah.

Sidoo kale wuxuu Alle yiri:

"وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَىٰ بَيْنَهُمْ وَمِمَّا رَزَقْنَاهُمْ يُنفِقُونَ"

"Muminiintu waa kuwa Rabigood ajiiba ee Salaadda oogaya taladoodana ay tahay mid ay ka tashadeen,wixii aan ku irsaaqnayna wax ka bixinaya"

Talada ay ka tashanayaan waa midda nolol maalmeedkooda khusaysa ee ay heshiiska ku yihiin si aan isku dhac iyo amni darro daakhili ah u haleelin Umadda.

Rasuulku scw wuxuu yiri:-

"وعن ابن عبس رضي الله عنه قال-قال رسول الله - صلى الله عليه وسلم - المسلمون على شروطهم " رواه البخاري.

"Xadiis uu Cabdullahi binu Cabaas rc uu ka warinayo Rasuulka scw ayaa waxaa uu ahaa in Rasuulka scw yiri:-Muslimiintu waxay leeyihiin shuruudaha ay ku heshiiyaan".

Waxa kale oo Rasuulku scw yiri:-

"و عن ابي هريرة رضي الله عنه قال قال رسول الله صلي الله عليه وسلم : " والصلح جائز بين المسلمين "رواه أحمد وأبو داود والحاكم.

Xikmadaha Nolosha ❤️✌🏻

Apr 16, 2026, 04:12 AM

"Xadiis kale oo uu Abuu Hureyra rc Rasuulka ka warinayo ayaa isna ahaa in Rasuulka scw yiri:-heshiisku waa mid u banaan Muslimiinta dhexdooda"yacni inay Muslimiintu yeelan karaan wax ay heshiis ku yihiin waa u banaan tahay".

Kaliya waxaa muhiim ah heshiiska ama dastuurka Muslimiintu dhiganayaan inuu yahay mid waafaqsan oon sinaba oga hor imaanaynin diinta Islaamka.

Heshiis kasta oo ay dadka Muslimiinta ah dhigtaan oo diinta waafaqsan waa waajib in la ilaaliyo oo la dhowro waayo Alle swt wuxuu yiri:

"يَا أَيُّهَا الَّذِينَ آَمَنُوا أَوْفُوا بِالْعُقُودِ ٠٠"

"Kuwa Iimaanka laga helayoow oofiya oo ilaaliya heshiisyada iyo ballamada aad dhexdiina gunadaan ood galaysaan".

Rasuulku scw markii uu Magaalada Madiina tagay ee uu u tagay dad kala duwan oo halkaas ku wada nool wuxuu u sameeyay dasruur ama heshis loo yaqaan "saxiifaddii Madiina" ama warqaddii ay reer Madiina heshiiska ku ahaayeen.

Waxyaalihii warqadaas ku qornaana waxaa ugu muhiimsanaa in reer Madiina oo dhan ay isku mid yihiin kuna wada noolaadaan Nabad iyo ammaan,ciddii banaanka kaga soo duushana ay iska wada difaacaan,inta qolo ee Madiina ku nool ee Muslimiin iyo Yahuudba leh qolo kasta waxay xaq u leedahay diinteeda iyo waxa ay aaminsan tahay,reer madiina waxay iska kaashanayaan wixii wanaag ah,waxay isugu kaalmeynayaan wixii samaan ah,waxayna ka wada hortagayaan wixii xumaan ah.....

Warqadaasi oo qodobada ku yaalla ay aad u tiro badnaayeen ciddii doonaysa waxay kaa raajicin karaan Kutubta lagu qoray siirada nabiga scw khaasatan waqtigii uu madiina u haajiray,
Heshiiskaasna baaqi ayuu ahaa ilaa ay qabiilooyinkii yahuudda ay mid kasta iyada si iskeed ah oga baxaysay oo ay u burinaysay.

Ugu dambayn waxaa muhiim ah in Dastuurka ay Ummad Islaam ahi samaysanayso inuu noqdo mid ku salaysan diinta Islaamka ee qiimaha badan,waayo Islaamku ma faro waxaan wanaag iyo Caddaalad ahayn kamana digo wax aan Xumaan iyo Dulmi ahayn.

Abdullahi M Hussein.

Xikmadaha Nolosha ❤️✌🏻

Apr 16, 2026, 04:12 AM

📷 Photo

Abraham Lincoln Kahor inta aanu noqon Madaxweynaha dalka Mareykanka, waxaa uu ahaa qareen aan si aad ah loo aqoon oo ka howl gala maxakamadaha gobolka Illinois.

Waxaa kamid ahaa kiisaskii soo maray Lincoln in nin maalqabeen ahi u soo bandhigay lacag aad u badan si uu u noqdo qareekiisa oo uga difaaco maxakamada kiis ku saabsan muran dhuleed oo u dhexeeyey isaga iyo dhinacyo kale, laakiin Lincoln kadib markii uu dhegaystay ninka sheekadiisa, waxa u soo baxday in ninku uu isku deyaayo in uu qabsado dhul aanu isagu lahayn.

Abraham Lincoln inta uu si degan u xidhay Faylkii ayuu ninkii ​​u celiyay lacagtiisii, isaga oo ku leh waan awooda in aan ku guulaysto kiiskan, laakiin waxaan ku khasaari karaa wax ka muhiimsan.

Waqti kadib ninkii maalqabeenka ahaa ayaa waydiiyey Lincoln sababta uu ku diidey lacagta intaa le'eg?!!, waxa uu ugu jawaabey haddii aan kaa qaadan lahaa lacagtaa marka aan soo kaco xiliga subaxii iskuma eegi kareen muraayadda!!

193

Xikmadaha Nolosha ❤️✌🏻

Apr 16, 2026, 04:12 AM

Waligaa qalad aad gashay inaad raali galin ka bixiso ha dhibsan, qirashada qaladkuna maaha nacasnimo iyo go’aan xumo, laakiin waa garawsho iyo fariidnimo.

Inta aad ku waydo qalad aad gashay, waxa ka badan inta aad ku waayi doonto ku madax adayga qaladka aad ogtahay inaad gashay.

190

Xikmadaha Nolosha ❤️✌🏻

Apr 16, 2026, 04:12 AM

📷 Photo

182

Xikmadaha Nolosha ❤️✌🏻

Apr 16, 2026, 04:12 AM

Marka dagaalka hadda ka socda Bariga Dhexe uu dhammaado (one way or another), waxyaabaha soo socda mar dambe sidii hore ma ahaan doonaan:!

Xiriirka u dhexeeya dalalka Gulf Cooperation Council (GCC) iyo United States – saldhigyadii Mareykanka ee la duqeeyay waxaa laga yaabaa inaan dib loo dhisin, taas oo ka dhigan karta dhammaadka xiriir dheer oo u ekaa “guurka ee u dhaxeeyay labada dhinac”.

Xiriirka muddada dheer ee u dhexeeya United States iyo Israel sida aan maanta u naqaan. Is-afgaradkii labada xisbi ee Mareykanka ee taageerada shuruud la’aanta ah ee Israel wuxuu galay marxalad aad u khatar badan.

Iran iyo dalalka GCC. Haddii dhaqaalaha dalalka Khaliijka ay badbaadaan, noloshu mar dambe sidii hore ma ahaan doonto. Waxay ku khasbanaan doonaan inay dhistaan awood ka hortag (deterrence) oo ay isku difaacaan mustaqbalka, halka Iran mar walba loo arki doono deris aan si fiican loo aamini karin.

United States oo ah quwadda ugu weyn ee aan lala tartamin ee dunida, waxaa laga yaabaa in su’aalo la galiyo. “Boqortooyada” Mareykanka waxaa laga yaabaa inay la qabsato nidaam cusub oo caalami ah oo ay ku qasbanaato inay tanaasul la samayso Russia, China, iyo quwadaha kale ee soo baxaya.

182

Xikmadaha Nolosha ❤️✌🏻

Apr 16, 2026, 04:12 AM

من حاسب نفسه في الدنيا حسابا عسيرا كان حسابه يوم القيامة يسيرا . ومن كان حسابه في الدنيا يسيرا كان حسابه يوم القيامة عسيرا .

Shakhsigii ku xisaabiya naftiisa adduunyada guudkeeda xisaab adag maalinka qiyaamaha xisaabtiisu waxa ay noqon mid fudud.
Halka shakhsigii xisaabtiisa aduunyada fududeeya maalinka qiyaamaha xisaabtiisu waxa ay noqon mid adag.

Xisaabi naftaada si maalinta weyn aadan u shalaayin.

227

Xikmadaha Nolosha ❤️✌🏻

Apr 16, 2026, 04:12 AM

Gabadhu marka ay dhalato, waxay aabbaheed u furtaa albaabka Jannada, marka la guursadana waxay dhammaystirtaa diinta seygeeda, marka ay hooyo noqotana, Jannadu waxay noqotaa labadeeda lugood hoostooda.

Hadda garoo, ma aha xaq uu reer galbeedku March 8th, 1910 siiyaye, waa xaq Allihii Iinsaanka abuuray uu dumurka ku gaar yeelay. Iyagu hadday doonaan maalin ha ugu magac dareene,

#Womansday ❌

213

Showing 20 of 20 posts

No more posts

Loading posts...