አትሮኖስ

Public

View Channel

3.9M

775K

290

Can't Join? @atronosee

274.8k Members

Updated: May 11, 2026 at 3:05 PM

አትሮኖስ

╔╦╦╦═╦╗╔═╦═╦══╦═╗ ║║║║╩╣╚╣═╣║║║║║╩╣ ╚══╩═╩═╩═╩═╩╩╩ ግጥሞች አዳዲስና ቆየት ያሉ የታዋቂ ደራሲያን መፅሐፍቶችን በ PDF እንዲሁንም ያልተነበቡ ድርሰቶችን ግጥሞችን ታሪኮችን ያገኙበታል። Contact. @atronosebot please dont touch the leave button.😔😳😳

@atronosee is a growing community focused on please and leave and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 10 Days)

Total: 274.8K

24h growth: +0 0%

Latest Posts

አትሮኖስ

May 12, 2026, 06:16 AM

#ሳሪና (እኔና ወንደላጤዎቹ)
፡
፡
#ክፍል_አስራ_ዘጠኝ
፡
፡
#ድርሰት_በዘሪሁን_ገመቹ
//

ሰባት ሰዓት አካባቢ ይመስለኛል ስነቃ ራሴን  ሆስፒታል  ተኝቼ አገኘሁት፡፡ ድካሙ ስላለቀቀኝ መልሼ ዓኖቼን ጨፈንኩ ዳግም ስነቃ 9 ሰዓት ተቃርቧል..በራፍ ላይ በአንድ ፖሊስ እየተጠበቅኩ ነው፡፡ዓይኖቼን ስገልጥ ጆሹዋን ለማየት ጠብቄ ነበር፤ የለም፡፡ አልሰማም ማለት ነው..?ፖሊሱን ጠራሁትና ስልኩን እንዲያበድረኝ ጠየቅኩት፤ ሰጠኝ ጆሹዋ ጋር ደወልኩ ጥሪ አይቀበልም ይላል..ግራ ገባኝና   ለፖሊሱ ስልኩን ስመልስለት አንድ ወረቀት አቀበለኝ፡፡

‹‹ምንድነው?››

‹‹ካንቺ ጋር የነበረው ፈረንጅ ነው ስጥልኝ ያለኝ››አለኝ ተስገብግቤ ተቀበልኩትና  በተኛሁበት ማንበብ ቀጠልኩ..ይገርማችኋል የማትገምቱት ነገር ነው የሆነው፡፡ ጆሹዋ የጻፈልኝ በእንግሊዘኛ ነው ሀሳቡን ወደ አማርኛ ተርጉሜ ልንገራችሁ፡፡

‹‹ሳራ በጣም አዝናለው…አታለሺኛል፡፡በጣም አፍቅሬሽ ነበር፡፡ ላገባሽና ወደሀገሬ ልወስድሽ ሁሉ ወስኜ ነበር፡፡ግን ሀኪሞቹ የ2 ወር እርጉዝ መሆንሽን ነገሩኝ ..ራስሽንም የሳትሽው አንድም  በዛ  ምክንያት እንደሆነ ነው ያስረዱኝ፡፡ በተጨማሪም  ፖሊሶቹ  ህጋዊ  ባልሽን በመግደል ወንጀል እንደሚጠረጥሩሽ አስረድተውኛል፡፡ለማንኛውም በሳለፍነው የአስር ቀን የፍቅር ጊዜ አመሰግናለው፡፡በጣም ተደስቼም ነበር፡፡አሁን ግነ በቃ እኔ ውሸት አልወድም……..ከአሁን ወዲህ አንገናኝም ቻው፡፡›› ይላል፡፡

መልሼ ለሶስተኛ ጊዜ  በፀጥታ  ተኛው፡፡ምን  አልባት  ሙሉ በሙሉ እንቅልፌን ስላልጨረስኩ እየቃዠው ይሆናል የሚል ጥርጣሬ ስላደረብኝ ነው መተኛቴ…
እግዜር የተመሰገነ ይሁን ከሆስፒታል ወደ ፖሊስ ጣቢያ ተመልሼ አልገባሁም፡፡ በዋስም ቢሆን ተፈታው፡፡ከዛ በፊት ማለት ከመፈታቴ በፊት የሽማግሌው ልጅ ደበበ ሊጠይቀኝ መጥቶ ነበር፡፡በጣም ነው የደነቀኝ፡፡
‹‹ሰላም ነሽ ሳራ? ተሻለሽ?››አለኝ

‹‹አዎ ሰላም ነኝ..ግን እንዴት መጣህ?››የእኔ ጥያቄ ነበር

‹‹እንዴት አልመጣም ልጠይቅሽ ነዋ?››

‹‹ትመጣለህ ብዬ አልጠበቅኩም ነበር..ቢያንስ በአባትህ ግድያ ነው ተጠርጠርሬ የታሰርኩት፡፡››
‹‹አውቃለው …ግን ውስጤ እንዳላደረግሽው በርግጠኝነት ነግሮኛል…አባቴን ለመግደል ካንቺ በተሻለ  በቂ  ምክንያትም አስተማማኝ አቅምም ያላቸው ብዙ  ሰዎች  በዚህ  ከተማ  ውስጥ እንዳሉ ተረድቼያለው፡፡››
‹‹ያሳዝናል ብቻ››

‹‹ብዙም አያሳዝንም..በአባቴ አፍሬያለው፤አውሬ ሆኖ ነው ያገኘሁት፡፡ የሰው ላብ ተቀልቦ የደለበ …የሰው እንባ ጠጥቶ የሰከረ አሳፋሪ አባት ሆኖብኛል..ይሄን ሀገር በአፋጣኝ መልቀቅ ነው ምፈልገው፤ ስለእሱ የምሰማው ሁሉ ውስጤን እያሳመመኝ ነው››አለኝ በመንገፍገፍ፡፡

‹‹አይዞህ መቻል ነው እንግደህ›› አልኩት ሌላ ምለው ነገር ግራ ስለገባኝ፡፡
‹‹አዎ! እውነትሽን ነው ሌላ ምን ምርጫ አለኝ ብለሽ ነው..?ለማንኛውም አንቺ በዋስ እንድትፈቺ ፖሊሶቹ ተስማምተዋል፡ ፡››

ይህንን መልካም ዜና ከአልጠበቅኩት ሰው በመስማቴ ተደስቼ፡፡‹‹የእውነት?››አልኩት

‹‹አዎ መርማሪውን አሁን ወደ እዚህ ከመምጣቴ   በፊት   አናግሬው ነበር ››ብሎኝ ተሰናብቶኝ ወጣ፡፡

እንሆ ያ ከሆነ ከሁለት ሰዓት በኃላ በዋስ እንደተፈታው ተነገረኝ፡፡ተፈታው ስላችሁ ደግሞ አሁንም ሆስፒታል አልጋ ላይ እንደተኛሁ ነው፡፡ ነገር ግን እኔን ለመጠበቅ  በራፍ  ላይ  ተጐልቶ የነበረው ፖሊስ እግዜር ይማርሽ ብሎኝ አካባቢውን ለቆ ሄዶል ማለቴ ነው፡፡ያ ሁኔታ ደግሞ የደከመው ውስጤ እንዲበረታ አደረገኝ ፡፡በፊትም ለካ በሽታው ተስማምቶኝ ነበር ያራዘምኩት…  መቼስ  እስር  ቤት ውስጥ ከመተኛት ሆስፒታል መተኛት ይሻላል ፡፡
አሁን ግን እንደተፈታው ሳረጋግጥ የሆስፒታል አልጋዬን ለቅቄ መንቀሳቀስ ጀመርኩ በማግስቱ ዶክተሮቹም የመጨረሻ ምርመራ
በማድረግ የተወሰነ ምክር ቢጤ እና  ጥቂት  መድሀኒት  ካስታቀፉኝ በኃላ ከሆስፒታል አሰናበቱኝ፡፡
አሁን እንግዲህ ከእዚህ ሰበበኛ ሀገር ምንም የቀረኝ ነገር የለም፡፡እናቴ እየተጨነቀች ስለሆነ  ዛሬውኑ  ወደናዝሬት  ተመልሼ  መሄድ አለብኝ፡፡ግን ከዛ በፊት ዋስ ሆኖ ያስወጣኝን ደበበን ማመስገን ይጠበቅብኛል፡፡ደወልኩለት ግቢያቸው መሄድ ስላስጠላኝ እዛው አካባቢያቸው የሚገኝ ሰላም ካፌ ቀጠርኩት ፡፡አላስጠበቀኝም፡፡

‹‹እንኳን ከህመምም ከእስርም በሰላም   ተፈታሽ››

‹‹አመሰግናለው…ከመሄዴ በፊት እግዜር ይስጥልኝ ልልህ ነው የመጣሁት››
ኮስተር ብሎ‹‹ምን  አደረግኩልሽና?››

‹‹አምነኸኝ ዋስ ሆነህ ስላስፈታኸኝ ነዋ…..››
‹‹ኦ!! ኸረ እኔ ዋስ አልሆንኩሽም..እርግጥ ካንዴም ሁለቴ ሄጂ ለምኜያቸው ነበር..ግን የቀበሌ መታወቂያ ምናምን እያሉ ስላሰቸገሩኝ ሌላ ሰው እንዲሆንሽ እያፈላለግኩ ሳለ አንድ ዘመድሽ መጥቶ እነሱ
የሚፈልጉትን በማሟላት አስር ሺ ብር አስይዟ ዋስ እንደሆነሽ ስሰማ ተረጋጋው››

‹‹የእኔ ዘመድ..በፍጹም፡፡ እንኳን  አስርሺ  ብር  አስይዞ  ይቅርና  አስር ብር እንኳን አስይዞ  ዋስ  የሚሆነኝ ሰው የለኝም…ይህ  የተሳሳተ  መረጃ ነው፡፡››አልኩት፡
‹‹አይመስለኝም..ያ የተሳሳተ ነው ካልን የአንቺም መፈታ የተሳሳተ ነው ልንል ነው፡፡››

‹‹ምን ላድርግ ግራ ገብቶኝ እኮ ነው፤ለማኛውም ከመሄዴ በፊት ፖሊስ ጣቢያ ሄጄ ማንነቱን ማጣራት አለብኝ››
‹‹ወዴት ነው የምትሄጂው?››

‹‹ወደ ናዝሬት ….እናቴ በጣም ሀሳብ ላይ ወድቃለች ፈጥኜ ሄጄ ካለረጋጋዋት መምጣቷ አይቀርም››
ግራ በገባው ድምጽ ጠየቀኝ‹‹መች ልቴሄጂ አሰብሽ ተዲያ?››

‹‹አሁን በሚኒባስ ልወጣ ነው››

‹‹ ታዲያ ስላአንዳድ ጉዳዬች መች ነው የምንነጋገረው?››

‹‹ደግሞ ምን ምንነጋገረው ጉዳይ አለን ብለህ ነው?››

‹‹ሳራ ምክንያትሽ ምንም  ይሁን  ምንም  ከአባቴ  ጋር  ተጋብተሸ ነበር..››
‹‹አዎ ተጋብተን ነበር፡፡ ምክንያቴ እናቴን ማሳከሚያ ገንዘብ እፈልግ ስለነበር እና እሳቸው ደግሞ ካለገባዋቸው ያንን ብር ሊሰጡኝ እንደማይችሉ ስለነገሩኝ ከእናቴ ህይወት የሚበልጥ ነገር የለም በማለት አግብቼያቸው ነበር፡፡››

‹‹አዝናለው..ለምንኛውም ስለንብረቱ መነጋር አለብን››ብሎ አሰደነቀኝ፡፡

‹‹ስለየትኛው ንብረት?››

‹‹ስለውርሱ ነዋ፡፡ እኔ ጭቅጭቅ ክስ ምናምን አልፈልግም፡፡   ለዛ የሚሆን ጊዜውም ትዕግስቱም የለኝም..፡፡ሁሉን ነገር ተሳስበን በስምምነት እንድንፈፀመው ነው ፍላጐቴ፡፡››
ንግግሩ ግራ አጋብቶኝ ለደቂቃ አፍጥጬ ካየሁት በኃላ‹‹ደቤ አንተ በጣም ጥሩ ሰው ነህ፡፡ እኔ ከእዚህ ከአባትህ ውርስ ምንም አይገባኝም..፡፡ጋብቻውን የፈፀምኩት በእሷቸው ብር ሀብታም ለመሆን ሳይሆን እናቴን በህይወት ለማቆየት  ነበር  ያንን  ደግሞ አሳክቼያለው..ከዛ በላይ ገና ለገና ህጋዊ የጋብቻ ወረቀት አለኝ  ብዬ ያለአግባብ ጥቅም ለማግኘት አልሞክርም፡፡ከህሊናዬ ጋር መጣላት አልፈልግም፡፡››
‹‹ሳራ ድሮም ወድጄሽ ነበር አሁን ደግሞ በጣም ወደድኩሽ  ..፡፡በቃ እንዲ እናድርግ እኔ ወንድምሽ አይደለሁ ደስ ያለኝን ያህል በስጦታ መልኩ ልስጥሽ፤ለራሴ የህሊና እርካታ ስል ማለቴ ነው፤ከዛ ዘመድ እንደሆን እንቀጥላለን፡፡›››አለኝ፡፡
‹‹ዘመድማ ዘመድ ነበርን …አርግዣላቸዋለው እኮ ›››ሳላስበው ዘባረቅኩ አቤት የደነገጠው ድንጋጤ ..የፊቱ መቀያር..
‹‹አይዞህ አትደንግጥ አሁን ከዚህ እንደገባው በሁለት ቀን ውስጥ አስወጣዋለው ፡፡እንዲሁ ነገሩን ነው ያልኩት፡፡››

‹‹አይ ደንግጬ እኮ አይደለም ..ያላሰብኩት ነገር ስለሆነብኝ ነው፡፡››

18,700

አትሮኖስ

May 12, 2026, 06:16 AM

‹‹ብትደነግጥም አይፈረድብህም…››

‹‹ግን ለምን ታስወጪዋለሽ..እኔ የፈለግሽው ቦታ የፈለግሽውን ነገር አድርጌልሽ ለምን አትወልጂውም፡፡››
‹‹እንዴት ብዬ አባት የሌለው ልጅ.?.›››

‹‹ግድ የለሽም አባትም ወንድምም እሆነዋለው…ባጋጣሚ እኔ ልጅ መውለድ አልችልም …መሀን ነኝ ..እና እባክሽ ልማፀንሽ››፡፡

‹‹ለልጁ ወንድምም አባትም ልትሆነው እንደምትችል  በትክክል አምናለው ..ግን እኔስ ለእኔ እኮ ባል መሆን አትችልም … በዚህ  ቀሪ ዕድሜዬ ሙሉ ደግሞ መስዋዕት ማድረግ አልፈልግም››
‹‹እርግጥ እንዳልሽው ይከብዳል እራስ ወዳድም ሆኜ ቀሪ ህይወትሽን መስዋት አድርጊ አልልሽም ግን ከዕድሜሽ ላይ ሁለት አመት ለእኔ እና ለልጅሽ ብትሰጪኝ…ማለት አሁኑኑ ወደ ካናዳ  ይዤሽ  ልሂድ … እዛ ውለጂና አንድ  አመት ከተንከባከብሽው ቡሃላ እኔ  እረከብሻለው፡፡ከዛ
እንደፍላጐትሽ ወይ ወደኢትዬጵያ ትመለሻለሽ…   ካልሆነም   እዛው የራስሽን ህይወት ትቀጥያለሽ፡፡››
‹‹እንዴ እናትና ሁለት ወንድሞች እኮ አሉኝ፡፡ዝም  ብዬ  ሰው  ሀገር ወስጄ በትኜያቸው ልሄድ አልችልም፡፡››
‹‹አውቃለው እነሱም ምንም አይሆኑ፤ የሚያስፈልጋቸውንን ነገር ሁሉ አሁኑኑ  አደርግላቸዋለው፡፡ለአስር  አመት  የሚበቃቸውን  ብር ልሰጣቸው እችላለው ፤አንቺ ብቻ እሺ በይኝ፡፡››

‹‹ወይ ጣጣ ምነው ባልነገርኩህ››

‹‹ኸረ እንኳንም ነገርሺኝ …ካስወረድሽ ቡኃላ ሰምቼ ቢሆን ኖሮ የዘላለም ፀፀት ነበር፡፡››

‹‹አይ ደበበ የማይሆን ነገር እኮ ነው የምትጠይቀኝ››

‹‹ግድ የለሽም ይሆናል…ይሄ ጉዳይ ለእኔ ከምንም በላይ ነው››

‹‹እስቲ ላስብበት››

‹‹አስቢበት ግን አደራ.. ከእኔ ሳትማከሪ  ምንም  ነገር  እንዳታደርጊ በጣም ውስጤን ትጐጂዋለሽ››

‹‹እሺ  እነግርሀለው…  አሁን  ልሂድ››

ፖሊስ ጣቢያ ያልሽው ጋ ሂጂና ስትጨርሺ ደውይልኝ፡፡በትራንፖርት መሄድ የለብሽም.. የእኔ ሹፌር አድርሶሽ ይመጣል፡፡››
‹‹የት? ››

‹‹አዳማ ነዋ››

‹‹ኸረ አያሰፈልግም ..በትራንስፖርት እጠቀማለው፡፡››

‹‹በፍፅም አይሆን..ም ትንሽ ብርም ከባንክ ላውጣና ልጠብቅሽ.. እንደጨረሽ ደውይልኝ›› አለኝና በባጃጅ አሳፍሮ ተለየኝ
አቤት የእኔ  ነገር…  ነገሬ  ሁሉ  እንደተለመደው  በአንዴ  ድብልቅልቅ አለ....እሁን ይሄን ጽንስ ልወልደው ነው? እስከአሁንስ በየሰበባ ሰበብ የቆየው ለዚሁ ይሆን…?ከጐባ ስድስት ኪሎ ሰፈር ወጥቼ ናዝሬት ከናዝሬት ካናዳ ልበር..?አረብ ሀገር ለመብረር ጣር ሆኖብኝ የነበረው
ልጅ በአንዴ በቀላሉ ካናዳ..ለዛውም ቤተሰቦቼንም አሳልፌላቸው..፡፡አጓጊ እድል ሆኖ ነው ያገኘሁት..ከድህነት ጋር ምን አጨመላለቀኝ…ፖሊስ ጣቢያ ስደርስ ለጊዜው ሀሳቤን ገታ አደረግኩና ወደውስጥ ገባው መርማሪውን አገኘሁት፡፡፡

‹‹ምነው ለቀንሽ አልነበር እንዴ ከመቼው ፓሊስ ጣቢያችን ናፈቀሽ?››

‹‹መስተንግዶችሁ ልዩ ነበር እኮ..ለምነ አየናፍቀኝም? ›› አልኩና በነገር ወጋ አደረግኩት
‹‹እሺ አሽሙረኛዋ ምን ልታዘዝ››አለኝ ከተቀመጥኩ ቡኃላ››

‹‹ማ ነበር ዋስ የሆነኝ ሰው?››

‹‹የላክሽውን ሰውም አታውቂም እንዴ?››

‹‹ለጊዜው አላወቅኩትም››

አንድ ዶሴ ነገር አነሳና ገለጥ አድርጎ አየት ካደረገ በኃላ‹‹ካሊድ ይባላል፡፡››አለኝ፡፡
ከመቀመጫዬ ተስፈንጥሬ ተነሳው

‹‹ምን?››

‹‹ኸረ ተረጋጊ ቢሮ ውስጥ ነው ያለሽው››

‹‹የምርህን ነው ወይስ እየቀለድክብኝ ?››

‹‹ለምን ቀልድብሻለው ፡፡ይሄው ከፈለግሽ መታወቂያው›› ብሎ የመታወቂያውን ፎቶ ኮፒ አቀበለኝ፡፡ ፈዝዤ አየሁት.. እራሱ ነው፡፡ የእኔ ካሊዶ ፡፡
ወረቀቱን መልሼለት እየተንደረደርኩ የፖሊስ ጣቢያውን ግቢ ለቅቄ ወጣው ሰዓቴን ሳይ አራት ሰዓት ተኩል ይላል፡፡ አዎ በዚህ ሰዓት ሆስፒታል ነው ሚሆነው ስል አሰብኩ እና ባጃጄን ተሳፍሬ ወደ ሆስፒታል፤ ዶ/ር ታዲዬስን ፈለጋ፡፡
እንደደረስኩ አገኘሁት፡፡ ከሰው ነጥዬ ለብቻው ወሰድኩትና

‹‹ካሊዶን ፈልጌው ነው?››

‹‹ዛሬ ለሊት ተመልሶ ሄደ እኮ››

‹‹ወዴት?››

‹‹ ወደ ስራ ቦታው ነዋ››

‹‹የት እንደሆነ ማወቅ እችላለው?››

‹‹ሀዋሳ መሰለኝ፡፡››

‹‹ምን ዓይነት ድራማ ነው እየሰራችሁብኝ ያላችሁት?››

‹‹የምን ድራማ?››

‹‹ወደኬንያ እንደሄደ የነገርከኝ አንተ መሰልከኝ?››

‹‹በወቅቱ እንደዛ ብሎ ሰለነገረኝ ነው እንጂ ልዋሽሽ ፈልጌ አይደለም፡፡››

‹‹ካወቅክ በኃላ ለምን አልነገርከኝም ?››

‹‹አትንገራት ስላለኝ፡፡››

‹‹ጥሩ ታዲያ አሁን ምን አስመጣው...?››

‹‹ያለሽበትን ሁኔታ ስለሰማ ሊያይሽ መሰለኝ››

‹‹አሁን  ምንም  አልጠይቅህም  ስልክ  ቁጥሩን  እና  ትክክለኛ  መገኛ ቦታውን ብቻ ንገረኝ፡፡››
አቅማማ‹‹ደውዬ ላስፈቅደው?››

‹‹በፈጠረህ በቃ ዝም ብለህ ስጠኝ ድንገት ሄጂ አግኝቼው ለጥያቄዎቼ ሁሉ መልስ እንዲሰጠኝ እፈልጋለው..በፈጠረህ?››
ሳይመስለው ጫር ጫር አድርጐ ሰጠኝ፡፡መንጭቄው ከግቢው ወጣሁና የሮቤ ሚንባስ ውስጥ ገባው፤ከሮቤ መነኸሪያ ቀጥታ በሀይሩፍ ወደ ሀዋሳ፡፡ድንገት አግኝቼው የሚለውን መስማት እና የሚሆነውን ማየት ፈልጋለው፡፡ የእኔ ነገር ግን አይገርማችሁም? አሁን ደግሞ ሀሳቤ በአንዴ ከካናዳ ወደ ሀዋሳ..ብቻ መጨረሻዬ ነው የናፈቀን፡፡ወይ እኔና ወንደላጤዎቼ…..ኮማንደሩ እስር  ቤት  ገባ፤ሽማግሌው  ክንዴ ሞተ፤ሙና  ውቅያኖስ ተሸግራ ተሰደደች፤ካሊዶ በእኔ ፍቅር ተጐድቶ ጎባን ለቆ ኬኒያ ብሎኝ ሸውዶኝ ሀዋሳ ተሸሸገ ፤በፊት ባለበት ያለው ዶ/ር ታዲዬስ ብቻ ነው፡፡ይገርማል ህይወት ድንገት ትሰበስበናለች ደግሞም ትበታትነናለች፡፡

(ፀሀፊው ጨረሰ የባለታሪኮቹ ህይወት ግን ይቀጥላል መሰለኝ፡፡ሁሉም በያሉበት መልካም ቀሪ ህይወት እንዲገጥማቸው ተመኝን😚)

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

አትሮኖስ

May 12, 2026, 06:16 AM

‹‹እየጠበቅንሽ ነው››አለ ፈንጠር ብሎ የቆመው በጭለማ ውስጥ ጨለማ መስሎ አንዱ ፖሊስ
ወደ ውስጥ ተመልሼ ቀሚስ ቢጃማዬን ሳላወልቅ ከውስጥ ሱሪ አጠለቅኩና ከላይ ደግሞ ጃኬት ደረብኩበት፤ ሻርፕ በአንገቴ ጠመጠምኩና ወጣው ጆሹዋ በራሱ መኪና ከኃላ ተከተለን ፡፡እንዲቀር ተማጽኜው ነበር አልሰማም፡፡ፖሊስ  ጣቢያ  መግባቴን  እና  አዳሪ መሆኔን ካረጋገጠ ቡኃላ ተመለሰ፡፡
እኔን በአንድ ጠባብ ክፍል ውስጥ ከሌሎች ሶስት ሴት እስረኞች ጋር ቀላቅለው ቀረቀሩብኝ..፡፡ከዛ ቁንጫውና ብርዱን እንዴት እንዳሰቃዩኝ አትጠይቁኝ፡፡

ጆሹዋ በጥዋት ቢመጣም ሶስት ሰዓት እስኪሆን አላገናኙንም ነበር፡፡ ስለሁኔታው በጥቂቱ አስረዳውትና ወደቤርጐ ተመልሶ   ከሰዓት እንዲመጣ ነግሬ ሸኘውት..፡፡ያው እስከ ከሰዓት በዋስም ቢሆን

መውጣቴ አይቀርም ብዬ ተስፋ ስላደረግኩ ነው፡፡መቼስ ክርስቲያን ተስፋ አይቆርጥም ይባል የለ፡፡
አራት ሰዓት ላይ መርማሪ ፊት ቀረብኩ

‹‹ሙሉ ስምሽ?›› ነገርኩት
‹‹ሞች አቶ ክንዴን ታውቂያቸዋለሽ?››

‹‹አዎ አውቃቸዋለው››

‹‹ግንኙነታችሁን ብታስረጂኝ››

‹‹ሰራተኛቸው ነበርኩ ማለቴ በወር 500 ብር እየከፈሉኝ ምግብ አበስልላቸዋለው፡፡››

‹‹ወይዘሮ ግልፅ ብትሆኚልኝ ለራስሽ ነው የሚጠቅመው..ፊቴ ያስቀመጥኩሽ ድብብቆሽ እንድንጫወት አይደለም..በነፍስ ማጥፋት ሴራ ተሳትፈሻል በሚል ጥርጣሬ ነው ህግ ፊት የቀረብሽው››ብሎ አንቧረቀብኝ፡፡

‹‹እንዴ የምን ነፍስ ማጥፋት .. ?ምን  ሊጠቅመኝ?  ደግሞ  እኮ  እኔ እዚህ ሀገር አልነበርኩም፤ሰውዬው ከሞቱ ቡኃላ ነው የደረስኩት››

‹‹ባልሽ ነበሩ..ለውርስ ስትይ ልታደርጊው ትችያለሽ››

‹‹ባሌ አልነበሩም ለመጋባት ተስማምተን   በመዘጋጃ   ተፈራርመን ነበር፡፡ ግን ቡኃላ ስናስበው የእኛ ጋብቻ የሚሆን ሳላልሆነ በስምምነት ልንፋታ ወስነን ነበር አሁን አመጣጤም ለዛ ነበር፡፡››

‹‹ሊፈቱሽ ስለወሰኑ ተበሳጭተሸባቸው ነበር?››

‹‹አረ በፍጹም ከሳቸው በላይ እኔ ነበርኩ የምፈልገው››

እንዲህ እንዲህ እያላ አራት ሰዓት የጀመረው ምርመራ ሳይጠናቀቅ 6 ሰዓት ተቃረበ ፤አዕምሮዬም አካሌሜ  እየዛለ፤እየተልፈስፈሰፈስኩ ሄድኩና 6 ሰዓት ላይ እራሴን ስቼ  ከተቀመጥኩበትን  ወንበር ተንሸራትቼ ወደኃላ ወደቅኩ ፡፡ከዛ ቡኃላ አላስታውስም…..

✨ይቀጥላል✨

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

13,400

አትሮኖስ

May 12, 2026, 06:16 AM

pinned «#ሳሪና (እኔና ወንደላጤዎቹ) ፡ ፡ #ክፍል_አስራ_ስምንት ፡ ፡ #ድርሰት_ዘሪሁን_ገመቹ /// ወይ ዘመን ..ዘመን ይበራል፡፡ግን ዘመን ነው የሚበረው ወይስ ዕድሜያችን?፡፡ከናንተ ጋር ከተገናኘን ቆየን አይደል? አምና የተለያየን ነን፡፡ትንሽ የተጨናነቀ ሁኔታ ላይ ስላለው ነው የጠፋውት፡፡ይሄን ስላችሁ ችግር አጋጥሞኝ ነው   ያልኳችሁ አይደለም..እንዴ ችግር ብቻ ነው እንዴ የሚያጨናንቀው ?ምቾትና ድሎትም…»

አትሮኖስ

May 12, 2026, 06:16 AM

‹‹ምን››ድንጋጤዬ ልጅቷን መልሶ አስደነገጣት፡፡

‹‹ምነው ታውቂያቸዋለሽ እንዴ?››አለቺኝ እየተርበተበተች..፡፡ምንም ሳልመልስላት  ወደ ጆሹዋ ተመለስኩ፡፡
//

መቼስ ሽማጊሌው በመሞቱ ተገላግሎል ማለት እችላለው፡፡ እኛ በቁም ያለነው ግን ተሰቃየንላችሁ፡፡ከሆስፒታል የወጣው መረጃ እንደሚጠቁመው የተወሰነ የመመረዝ አይነት ፍንጭ እንዳለው ነው፡፡ ይሄንን ፍንጭ የሰሙት ፖሊሶች ደግሞ ሬሳው አዲስ አበባ ሄዶ

ካልተመረመረልን ሞተን እንገኛለን አሉ፡፡እና ይሄውላችሁ ለምርመራ አዲስ አበባ የሄደውን አስከሬን አሁን እየመጣነው ብለውን እየጠበቅን ነው፡፡ድንኳን ተተክሎ ጉድጓዳቸው ገብርኤል ቤ/ክርስቲያን ተምሶና ተስተካክሎ እየጠበቃቸው ነው፡፡
ደግሞ ይገርማችኃል የማይወራ ወሬ የለም፤የሞታቸው መንስኤ ነው ተብሎ የሚተነበይ ሺ ሚሊዬን ምክንያት ነው፡፡ከሁሉም ግን ጐልቶ የሚደመጠው ቂም ከያዙባቸው ለዘመናት የአራጣ ተበዳሪ ደንበኞቻቸው መካከል አንዱ አድብቶ እንደመረዛቸው የሚወራው   ያይላል..ሌላው በየት በኩል እንዳፈተለከ ባላውቅም በዚህ ሁለት ቀናት ውስጥ እኔን አግብተውኝ እንደነበረም ከአንዱ ወደአንዱ እየተስፈነጠረ በከተማዋ አየር ላይ ተበትኗል..አቤት እያንዳንዷ አሮጊቲ እኔን የጐሪጥ እያዩኝ ሲያንሾካሽኩ እና ሥጋዬን ሲዘነጣጥሉት እንዴት ያሸማቅቃል መሰላችሁ፡፡ምን አሮጊቶች እላለው ወጣቱስ ቢሆን ብሶበት   የለ እንዴ….? ለንብረቱ ስትል ነው ያገባችው…አስገድላው ሊሆን ይችላል
…አለፈላት … እከኳን  አራገፈች..  ደግሞ  አኮ  አንድ  ፈረንጅም  አብሮት
ይንከረፋፋል….አንገቷን ደፍታ የቤታቸው ሰራተኛ  ሆና ሰራችላቸው…ምን አለፋችሁ የማይባል የማይፈተፈት ወሬ የለም፡፡
ሌላው በጣም አሳቃቂው ጉዳይ ደግሞ ፖሊስ  የሽማጊሌውን  መኝታ ቤት ፈትሾ ያስፈልጉኛል ያለውን ሰነድ  ጠቅላላ  ሰብስቦ ወስዷል..፡፡እግዲህ ከእዚህ ሰነድ ውስጥ አብዛኛው የአራጣ ተበዳሪዎች ዝርዝር እና ውል..እና የእኔም ኦርጂናል የሰርግ ህጋዊ ውል ሳይገኝበት አይቀርም፡፡‹‹ወይ ነዶ ኩማንደር እግዜር ይይልህ እዛው ወህኒ ያበስብስህ›› ስል በውስጤ ረገምኩት፡፡በእሱ ምክር ባልዘናጋ ኖሮ እንደምንም ቀደም ብዬ ከዚህ ጣጣ መውጣቴ አይቀርም ነበር፡፡ዳሩ እሱ ምን አደረገኝ? መከረኝ እንጂ አላስገደደኝ ፡፡የገንዘብ ፍቅሬ ከድህነት በአቋራጭ የመውጣት ጽኑ ፍላጐቴ እንጂ…
ወህኒ ቤት ሄጂ እዴት አድርጐ እንዳስመረዛቸው   ልጠይቀው   ፈልጌ ነበር ግን ፈራው ...እሱ እና እሳቸው ያላቸው ቅራኔ   በሰፊው ስለሚወራ በዚህ ወቅት ወህኒ ቤት ድረስ ሄዶ ከእሱ መገናኘት በራስ አንገት ላይ ገመድ መሸምቀቅ ነው ብዬ አስቤ ተውኩት፡፡ምን አለ

ቀድሞም እንደዚህ ማሰብ ችዬ ቢሆን ኖሮ፤ግራ ቀኙን ዓይቼ ቢሆን ኖሮ……፡፡
ሬሳው መጣ፡፡እንደመጣ ወደቤትም ሳይገባ ቀጥታ ወደገብርኤል ቤ/ክርስቲያን ተጓዘ፤መቼስ ሽማግሌው በከተማዋ ኖረውበታል ከማለት ይልቅ በስብሰውበታል ማለት ይቀላል፡፡ ከሃምሳ ዓመት  በላይ ይመስለኛል የኖሩት፡፡ የቤተክሪስቲያኑን ግቢ ጢቅ ነው ያለው፡፡ቀብር ሳይሆን ንግስ ነበር የሚመስለው፡፡ሁሉም ሰው የተለያየ አይነት ስሜት ይዞ ነው ቀብሩ ላይ የተገኘው፡፡..እንኳን ሞቱ የሰው ላብ ነው የሚል ነበር….የስንቱን ቤት አፍርሰው ዛሬ  ቀኑ  ሲደርስ እራሳቸውን አፈረሷቸው ሚል አለ ..መቼስ በዚህ ሽማግሌ መሞት እንደእኔና እንደልጃቸው ግራ የተገባ ሰው ያለ አይመስለኝም፡፡ቀብሩ ተጠናቆ ከቤተክርስቲያኑ ግቢ መውጣት እንደተጀመረ 5  ፖሊሶች  ድንገት ፈሰሱና ሶስት ሰዎችን ዓይናችን  እያ  አፋፍሰው  ወሰዱ..፡፡በዚህ ምክንያት ሌላ ትርምስ ተፈጠረ …ሰውነቴ መዛል ጀምሮል፡፡ እኔም ቀላቅለው ወሰዱኝ ብዬ ነበር..እግዜር ይስጣቸው ዘለሉኝ፡፡ግን ሁኔታው በጣም አስፈሪ እንደሆነ ተረዳሁ፡፡ ከአዲስአባ ይዘውት የመጡት
የሬሳው የምርመራ ውጤት ሰውዬው በሰው እጅ መሞቱን  ሙሉ በሙሉ አረጋግጦላቸዋል ማለት ነው፡፡
ወደቤት ተመለስንና ድንኳን ቁጭ አልን፤ጊዜው እየመሸ ነው  ፤አንድ ሰዓት ተቃርቧል፡፡ የሀዘኑ ትርምስ ትንሽ ቀነስ ይበል እንጂ አሁንም እንደደመቀ ነው፡፡እኔ ግን ጭር እንዳልኩ ነው፡፡ፈጽሞ ከሀሳብ እና ከፍራቻ ልላቀቅ አልቻልኩም፡፡አንድ ነገር ወሰንኩ  ነገ  ለሊት  ወደ ናዝሬት መመለስ አለብኝ፡፡እንዴ!! ምነው እዚህ ቁጭ ብዬ ምን አሳቀቀኝ..?ሁሉም ነገር የራሱ ጉዳይ አልኩና ወደሽማግሌው ልጅ ጠጋ ብዬ ‹‹እንግዲህ እግዜር ያጽናህ ለስራ ጉዳይ ካንድ የውጭ ሀገር ሰው ጋር ነበር የመጣውት ድንገት ይህ ችግር ሲፈጠር ነው ሁለት ቀን ሰውዬውን ለምኜ ያዘገየሁት፤ ነገ ለሊት እንንቀሳቀስ እያለኝ ስለሆነ መሄዴ የግድ ይለኛል፡፡››

‹‹ወደ ናዝሬት ነው የምትመለሺው?››

‹‹አይ በዚህ በደሎመና በኩል ነው ምንሄደው ፤ይመስለኛል ከሳምንት ቡኃላ ነው ወደአዳማ የምንመለሰው፡፡››አልኩና ዋሸውት፡፡

‹‹በቃ ወደዛ ስመጣ ደውልልሻለው…እኔም ሁኔታዎችን  ቦታ  ቦታ አስይዤ መጣለው እንገናኛለን ››አለኝ፡፡
እኔም እንደምደውልለት ነግሬው ያንን ቀፋፊ ድንኳን ለቅቄ በመውጣት ወደ ዋቤ ሸበሌ ሆቴል ባጃጅ ተኮናትሬ ሄድኩ…፡፡እንዴ ምነው ልፈነዳ እንዴ፡፡..በነገራችን ላይ ዋቤ ሸበሌ የምሄደው ጆሹዋ አልጋ የያዘው እዛ ስለሆነ ነው፡፡እንደደረስኩ ቤርጐውን ከፍቶ በማስገባት በደስታ ተቀበለኝ
…እዛው ቤርጐ እራትም መጠጥም አዘዘልኝ፡፡ምግቡን ነካ ነካ አድርጌ መጠጡን ግን ጠንከር አድርጌ መውሰድ ቀጠልኩ..ሰው ለካ በጭንቀት ውጥርጥር ሲል መጠጥ ሚመጠው ወዶ አይደለም፡፡

‹‹ጆሹዋ..ነገ ለሊት 11 ሰዓት እንሄዳለን››

‹‹የት?››

‹‹ወደ አዳማ››

‹‹አሪፍ..አንተ ስራ ጨረሰ?››

‹‹አዎ ጨርሼያለው፡፡››

‹‹ጥሩ..3 ቀን ቆይቶ ይመለሳል››አለኝ፡፡

ጥያቄ መሰለኝ የጠየቀኝ ምንም ሳላስብ በደመነፍስ‹‹ አዋ እንመለሳለን›› አልኩት ፡፡ግን እንዴት እንደማደርግ ባላውቅም በምንም ዓይነት ሁኔታ ወደ እዚህ   ሀገር   ተመልሼ   መምጣት   አልፈልግም፡፡   እንዴ ሰው‹ሥጋዬን ቦጨቁት ›ሲሉ ግራ ይገባኝ ነበር ፡፡የሰው ሥጋ በሀሚት እንዴት ይቦጨቃል? እል ነበር፡፡ለካ በጭቅጭቅ ይላል..በሁለት ቀን እኮ ክስት ብዬ በአጥንቴ ብቻ የቀረው መስሎ ነው እየተሰማኝ ያለው…፡፡
እኔ መጠጤን እየማግኩ ጆሹዋ ላፕቶፑ ላይ አቀርቅሮ ኢንተርኔቱን እየጐረጐረ ከምሽቱ 4 ሰዓት ሆነና ድክምክም ብሎኝ ቀድሜው ተኛው..ከደቂቃዎች ቡኃላ ጆሹዋም መጥቶ ተቀላቀለኝ፡፡ተስገብግቤ በእቅፉ ውስጥ ገባው..እሱ ወትሮ እንደሚያደርገኝ ሰውነቴን መዳበስ ከንፈሬን መሳም ጀመረ፤እኔ ግን ለእንደዚህ ዓይነት ጫወታ ዝግጁ አልነበርኩም፤ፍላጎቴ እቅፍቅፍ ብሎ መተኛት ብቻ ነው፡፡…ላስቁመው ወይስ ትንሽ የራሴን ሙድ ላስተካክል እያልኩ በውስጤ እየተሞገትኩ ሳለው..በራፋችን ተንኳኳ

ከንፈሬን ከከንፈሩ አላቅቄ ‹‹ማነው?››ጠየቅኩ፡፡

‹‹ክፈቱ እኛ ነን፡፡››

አስተናጋጆች መስለውኝ‹‹ተኝተናል፡፡››አልጀኳቸው፡፡

‹‹ፖሊሶች ነን ክፈቱ፡፡››

ከዛ ምን ልንገራችሁ፤ እንዴት እንደተነሳው….እንዴት በራፉ ጋር እንደደረስኩ… እንዴት እንደከፈትኩ አላውቅም‹‹ ሙሉ  መሳሪያ የታጠቁ ሶስት ፖሊሶች በራፍ ላይ ገጭ ብለዋል
‹ወይዘሮ ሳራ››

‹‹አዎ ነኝ››

ወረቀት አቀበለኝ እና ‹‹ፖሊስ ጣቢያ  ለጥያቄ ትፈለጊያለሽ››አለኝ፡፡ወረቀቱ የፍርድ ቤት የጥሪ ወረቀት መሰለኝ፡፡ወደ ብርሀን ዞር ብዬ ለማንበብ ሞከርኩ ፡፡አዎ ትክክል ነኝ፡፡

ጆሹዋ ከኃላዬ ‹‹ሀኒ ችግር..ምን ››እያለ ስለሁኔታው እንዳስረዳው ይለፈልፋል እኔ ደንዝዤያለው፡፡

አትሮኖስ

May 12, 2026, 06:16 AM

pinned «#ሳሪና (እኔና ወንደላጤዎቹ) ፡ ፡ #ክፍል_አስራ_ሰባት ፡ ፡ #ድርሰት_በዘሪሁን_ገመቹ /// ወዳጆቼ ወደ አዲስ አመት ልንሸጋገር ዋዜማ ላይ ነን ፡፡እንኳን አደረሳችሁ፡፡በጣም ወከባ ላይ ስለነበርኩ ነው የጠፋሁባችሁ፡፡እስቲ ሰሞኑን ያጋጠመኝን ክስተት ልተርክላችሁ ፡፡ በማግስቱ አደርገዋለው ብያችሁ ነበር አይደል፡፡አሁንም ጽንሱ በውስጤ ነው ያለው..ልውልደው ስለወሰንኩ አይመሰላችሁ ይህች የዘመን መለወጫ…»

አትሮኖስ

May 12, 2026, 06:16 AM

#ሳሪና (እኔና ወንደላጤዎቹ)
፡
፡
#ክፍል_አስራ_ስምንት
፡
፡
#ድርሰት_ዘሪሁን_ገመቹ
///

ወይ ዘመን ..ዘመን ይበራል፡፡ግን ዘመን ነው የሚበረው ወይስ ዕድሜያችን?፡፡ከናንተ ጋር ከተገናኘን ቆየን አይደል? አምና የተለያየን ነን፡፡ትንሽ የተጨናነቀ ሁኔታ ላይ ስላለው ነው የጠፋውት፡፡ይሄን ስላችሁ ችግር አጋጥሞኝ ነው   ያልኳችሁ አይደለም..እንዴ ችግር ብቻ ነው እንዴ የሚያጨናንቀው ?ምቾትና ድሎትም እኮ ያጨናንቃል፡፡

እንደውም አባቴ ነፍሱን ይማረውና እንደዚህ ዓይነቱ  ሁኔታ ሲያጋጥመው ‹‹ራሀብን ሳይሆን ጥጋብን ነው መቻል..ከአረቄ በላይ ወተት ያሰክራል››ይል ነበር፡፡

እውነቱን መሆኑን የተረዳሁት በዚህ ሶስት  ቀን  ውስጥ ነው ፡፡‹‹ሞዝቦልድ አልጋው ይጐረብጠኝ..ሶፋው መቀመጫው ይቆረቁረኝ ጀምሮል፡፡››ብላችሁ .. ድሮም ሲያልፍለት….ምናምን ትሉኛላችሁ ብዬ ፈራው፡፡እኔ ግን እውነቴን ነው ፡፡ምኑንም ላምን እና ተረጋግቼ ላጣጥመው አልቻልኩም፡፡እናቴም እንደ እኔው ሆናለች፡፡ እንደውም ሁለቱ ወንድሞቼ በቀላሉ መላመድ የቻሉንና ከአዲሱ ሁኔታ ጋር እራሳቸውን ያስማሙ ይመስለኛል፡፡

ለማኛውም አሁን ወደ ጐባ እየሄድኩ ነው፡፡ከሳምንት በኋላ ነበር አይደል ሄዳለው ያልኳችሁ..አዎ የአሁኑ ጉዞዬ ድንገተኛ ነው፡፡ከሽማግሌው ጋር የተያያዘ ነው፡፡ጭቅጭቃቸው ሲበዛዛብኝ ነው ለመሄድ የወሰንኩት፡፡
እየሄድን ያለነው ከጆሹዋ ጋር ነው፤እኔ እንኳን ብቻዬን በትራንስፖርት ነበር ለመሄድ ያቀድኩት፤ጆሹዋ ግን አሻፈረኝ አለና ይሄው በእሱ ሹፌርነት እየተጓዝን ነው፡፡ እኚ ፈረንጆች ሲያፈቅሩ የሚገርሙ ፍጡሮች ሆነው ነው ያገኘዋቸው፡፡እንክብካቤያቸው መሬት አይንካሽ ዓይነት ነው፤በወጡ በገብ ቁጥር ‹ሃኒ› እያሉ ከንፈር መምጠጥ‹..አይ ላቨ ዩ›እያሉ በቀን መቶ ጊዜ መናዘዝ..ብቻ ሁለ   ነገራቸው   ግርም ይላችኃል፡፡
ለመሆኑ ከሽማግሌው ጋር በምን ተስማምታችሁ ነው ወደ እሳቸው እየሄድሽ ያለሽው ብላችሁ ከጠየቃችሁኝ መልሴ አስገራሚ ሊሆንባችሁ ይችላል፡፡እሳቸው ከቀናት ክርክር ቡኃላ 200 ሺ ብር ሊሰጡኝ ተስማምተው ነበር፡፡ለእኔ ግን ጤና አልሰጠኝም፡፡እንደዛ ሳማርረው የኖርኩት እግዚያብሄር በዚህ አንድ ሳምንት ውስጥ ያደረገልኝ ድንቅ ነገሮችን መለስ ብዬ ሳስብ ነገሮችን ከእንደገና እንድፈትሻቸው ተገደድኩ፡፡ከሽማግሌው በዚህ አይነት ድርድር ምቀበለው ገንዘብ በዘረፋ የሚገኝ የሀጥያት ገንዘብ መስሎ ተሰማኝ፡፡ምክንያቱም ምንም ይሁን ምንም ከእሳቸው ኪስ በወጣ ገንዘብ ነው እናቴን አሳክሜ ሁለት ዓመት ከተሳቀየችበት የአልጋ ቁራኛ ተላቃ ዛሬ እንደልቧ ሙሉ ጤነኛ የሆነችልኝ፡፡ስለዚህ በቃኝ ለማለት ወሰንኩ፤እንደውም ፍቺው እንዲፈፀም እሳቸው  ዋና  አቀንቃኝ  መሆናቸው  በውስጡ የእግዜያብሄር ስራ ኖሮበት ሊሆን ይችላል፡፡ስለዚህ በነጻ ምንም ገንዘብ ሳልቀበላቸው ለመፋታት ወስኜ ነው ወደ እሳቸው እየሄድኩ ያለሁት፡፡እንዴ አግባብ ያልሆነ ብር ከእሳቸው ለመዝረፍ ስሯሯጥ እግዚያብሄር ተቀይሞኝ ይሄን ፊቴ እያሳየኝ ያለውን  አጓጊ  ህይወት መልሶ ቢነጥቀኝስ ?፡

ይሄንንም ለእሳቸው  ትናንት  ስነግራቸው  አቤት  የተደሰቱት  መደሰት
፤የመረቁኝ ምርቃት፡፡ ዳሩ  የእሳቸው  ምርቃትም  ሆነ  እርግማን በእግዜር ፊት ዋጋ ያለው አይመስለኝም፡፡

..አንድ ቀን ብቻ ነው እዛ ማድረው..ነገ እንደምንም ጨርሼ ተነገወዲያ ወደ ናዝሬት ተመላሽ ነኝ፡፡ለምን ይመስላችኋል የምመለሰው መቼም አትረሱትም..በሆዴ የበቀለውን እና እንሆ ሁለት ወር ሊደፍን ሁለት ቀን ብቻ የቀረውን ፅንስ ዛሬ እንደማስወግደው ምዬ ነግሬያችሁ ነበር
፡፡ግን በቃ ሽማግሌው ሲጨቀጭቁኝ ሁለት ቀን ምንም ለውጥ አያመጣ እስኪ የእሳቸውን ጉዳይ ላስቀድም ብዬ ወደ እሮብ አዘዋወርኩት፡፡‹‹ተይ አንቺ ልጅ አባቱ ያልተቀበለው ልጅ ወልደሽ በኃላ ህይወትሽን ጨለማ እንዳታደርጊ›› አላችሁኝ አይደል..እውነታችሁን ነው፡፡ግድ  የላችሁም እሮብ የመጨረሻ ነው፡፡ደግሞ የእናትነት ስሜት ተፈታትኖኝ የፅንሱ ህይወት  አጐጉቶኝ  እንዳይመስላችሁ…እወነቴን  ነው አልዋሰዋችሁም…ደግሞ ቢያሳዝነኝስ የተፈጥሮ የእናትነት ፍርጃ እንጂ ሀጥያት  አይደለም፡፡ምንም  ቢሆን  በመሀፀን  የበቀለ  የማንነት  ክፋይ ህይወት ነው፡፡በእግር ጣቶች መሀል የገባን ሙጀሌ መንግሎ እንደማውጣት የሚቀል አይምሰላችሁ፡፡

ለማንኛውም ለመሆኑ ይሄ ጆሹዋ የምትይው ፈረንጅሽ ስለሽማግሌሽ እና ሆድሽ ስለለው ሚስጥር ምን ያህል  ያውቃል  ካለችሁኝ? ስለሽማግሌውና ስላአለፈ ውስብስብ ጋብቻዬ ከላይ ከላይም ቢሆን ነግሬዋለው…ስለ ሆድሽ ሚስጥር ያላችሁትን ግን ሆድ ይፍጀው ነው ዝም ነው ያልኩት ፡፡እንዴ ነገ ለማስፈነጥረው ዛሬ ምን አስለፈለፈኝ፡፡
አሰላ፤ሳጉሬ፤በቆጂ፤አሳሳ፤ዶዶላ፤አዳባን አልፈን ሰብስቤ ዋሻን ተሸግረን ዲንሾ ስንደርስ ስልኬ ጮኸ፤ የሽማግሌው ልጅ ነው፡፡ወይኔ  ዛሬ  12 ሰዓት ናዝሬት ላይ ለመገናኘት ቀጠሮ ነበረን..እርግጥ አሁን ሰዓቱ ገና ሰምንት ሰዓት ነው ቢሆንም ይመስለኛል የደወለው ከአዲስ አበባ ሊነሳ መሆኑን ሊነግረኝ እንደሆነ እርግጠኛ ነኝ፡፡ረስቼው እንጂ ቀድሜ በመደወል ይቅርታ ጠይቄው ተለዋጭ ቀጠሮ ማስያዝ ነበረብኝ፡፡ምክንያቱም እሱ እንደአባቱ አይደለም ፤በጣም ጥሩ ሰው ነው፡፡ላስቀይመው አልፈልግም፡፡
ስልኩን አነሳው

‹‹ሄሎ ››

‹‹ሄሎ›› ሳሪ ሰላም ነሽ?››

‹‹ሰላም ነኝ በናትህ ሳልደውልልህ…ከአዲስ አባ ተነሳተሀል እንዴ?››

‹‹አይ ለመምጣት ስላልተመቸኝ ይቅርታ ልጠይቅሽነው?››

‹‹አይ ችግር የለም…እኔም አይመቸኝም ነበር››አልኩት

‹‹በቃ ቻው ስመለስ ደውልልሻለው››››

ድንገት  ሳላስበው‹‹የት  ልትሄድ  ነው?››ስል  ጠየቅኩት..የትስ  ቢሄድ ለእኔ ምን እንደሚረባኝ ለራሴውም አልገባኝ፡፡
‹‹ባክሽ ወደ ጐባ እየሄድኩ ነው፡፡ሻሸመኔ ደርሼያለው››

‹‹ምነው በሰላም?››

‹‹እኔ እንጃ አባዬ ድንገት ራሱን ስቶ ሆስፒታል ገብቷል ብለው ጥዋት ደውለውልኝ ነው፡፡››

‹‹ማታ ሰላም አልነበሩ እንዴ?››በድንጋጤ ሚስጥር አወጣው፡፡

‹‹በምን አወቅሽ?››አለኝ ፡፡

‹‹ማለቴ ለሆነ ጉዳይ ደውለውልኝ ነበር››

‹‹ይገርምሻል እኔንም ማታ አራት ሰዓት አካባቢ  ደውዬለት  በሰላም ነበር ያወራኝ፡፡››

‹‹በቃ እዛው እንገናኝ በሳለም ግባ››

‹‹እንዴ! ትመጫለሽ እንዴ?››አለ ግራ እንደመጋባት ብሎ
፡፡
‹‹በአጋጣሚ ለሆነ ጉዳይ እኔም ወደ ጐባ እየሄድኩ ነው ዲንሾ ደርሼያለው››
‹‹ኦ አሪፍ ነዋ ፤ቀድመሺኝ ስለምትደርሺ ሁሌታውን አጣርተሸ ትደውይልኛለሽ፡፡››
‹‹እሺ ደውልልሀለው›› ብዬ ስልኩን ዘጋው፡፡

ሰውነቴ ተንቀጠቀጠብኝ፡፡ወይኔ ኮማንደሩ እንደፎከረው የሆነ ነገር አደረጋቸው ይሆን እንዴ?ለነፍሳቸው ያሰጋ ይሆን…?ቢሞተስ በእኔ ህይወት ላይ ሚያመጣው ችግር ምን ይሆን?ጌታ ሆይ ባክህ ጠብቀኝ..ከሰሞኑ ገነቴ በደንብ ሳላጣጥመው መልሰህ አታውጣኝ፡፡

ለጆሹሀ ስለሁኔታው በጥቂቱ ነግሬው ከተማው መግቢያ ላይ ከአስፓልቱ በግራው መስመር ወደሚገኘው ሆስፒታል ተጠምዝዞ እንዲገባልኝ ጠየቅኩት፡፡  እንዳልኩት አደረገ፡፡ቦታ ይዞ መኪናዋን እንዳቆመ ወርጄ ቀጥታ ያመራውት ወደ ማውቀው  ዶክተር ታዲዬስ ቢሮ  ነበር፡፡ግን እሱ አልነበረም አንድ በአይን የማውቃትን ነርስን ነው ያገኘውት፡፡

‹‹ዶክተር የለም?››

‹‹አሁን ወጣ››

‹‹ይመለስ ይሆን?››

‹‹አይ የሚመለስ አይመስለኝም… አከራዩ የሆኑ ሽማግሌ እዚህ ለህክምና ገብተው  ስለሞቱ ሬሳውን ተከትሎ ነው ወደ ቤት የሄደው፤››አለቺኝ፡፡

አትሮኖስ

May 12, 2026, 06:16 AM

‹‹እሺ መጣው››አልኩት፡፡ ነይ ብሎኝ እንዴት እንቢ እለዋለው፡፡እስከ አሁን ራሱ ሳይደውልልኝ ስለቆየ ቅር ብሎኛል፡፡
በ20 ደቂቃ ውስጥ ለባበስኩና ለእናቴ ነግሬያት ወጥቼ ሄድኩ፡፡ቤርጐ ነው የሄድኩት፡፡አብሬው አልጋ ለይ ወጥቼ እቅፍ ውስጥ ገብቼ አረፍ ማለት ነበር የፈለግኩት፡፡እሱ ግን እያክለፈለፈ ይዞኝ ወጣ፡፡እነዚህ ፈረንጆች አንዳንዴ መላቅጣቸውም አይታወቅም፡፡ እንደ ህጻን ነው የሚያደርጋቸው፡፡መኪና ውስጥ ገባን፡፡በነገራችን ላይ ለአንድ ወር ሚገለገልበት መኪና ተከራይቷል፡፡እያበረረ ይዞኝ ሄደ፡፡ ወደ ገዛልኝ ኮንደሚኒዬም፡፡ደረስን ፡፡ግራ ቢገባኝም ዝም ብዬ ተከተልኩት፡፡እሱ ጋር ባለው ቁልፍ ከፈተውና ቀድሞኝ  ገባ ፡፡ተከተልኩት..ደንግጬ መልሼ ወጣሁና ከውጭ አስተውዬ አየሁት፡፡ ትክክል ነው፡፡ ተሳስተን ሌላ ቤት የገባን መስሎኝ ነበር፡፡
ቀይ ውብ ምንጣፍ ፤ቅልብጭ ያለ ማራኪ ሶፋ ፤ፊት ለፊት 60 ኢንች ፍላት ቴሌቨዥን ከነማስቀመጫው፤ጂፓስ  ወደ መኝታ ቤት ስገባ የዘነጠ ሞዝቦልድ አልጋ ኮንፎርት የተነጠፈበት፡፡..ክችን ውስጥ  ፍሪጅ ኸረ አውርቼያችሁ አልጨርስም፡፡እንኳን ልብ ድካም አልኖረብኝ.. ወደሳሎን  ተመለስኩ‹‹HAPPY  ETHIOPIAN  NEW YEAR ››የሚል በትልቅ ባነር የተፃፈ ግድግዳ ላይ  አየሁ፡፡  ሶፋ  ላይ ቁጭ ብሎ ሁኔታዬን ሲከታተለኝ ወደነበረው ጆሽዋ እየተንደረደርኩ ሄድኩ ፤ተጠመጠምኩበት፤ከንፈሩን ሳምኩት፤ግንባሩን ሳምኩት
፤ጉንጩን ሳምኩት፤ ወዲያው ተነሳሁና ወደሳሎኑ በራፍ ሄድኩና

ከውስጥ ቆለፍኩት፡፡ ልብሴንም እያወለቅኩ ወደ እሱ መመለስ ጀመርኩ..የታባቱ እንኳን ለእንደዚህ ዓይነት ቸር አፍቃሪ  ይቅርና ለማንስ ይወልቅ የለ እንዴ..
እግር ያልነካው እዛ ውብ የወለል ምናጣፍ ላይ ማራኪና ፤አድካሚ የሆነ ፍቅር ሰራን፡፡እኔም ጆሹዋ እኩል የተደሰትን፡፡ምን ዓይነት ድንቅ ዋዜማ ነው፡፡
ተጠናቀን ጣጣችንን በመጨረስ ልብሳችንን እንደለበስን በተራዬ ጆሹዋንን አግለብልቤ ከቤት ይዤው ወጣው፡፡ወደ ቤት ይዞኝ እንዲሄድ ጠየቅኩት፡፡ እናቴንም ወንድሞቼንም ምንም ሳነግራቸው አክለፍልፌ መኪና ውስጥ አስገባዋቸው፡፡ወደ አዲሱ ቤታችን ይዤያቸው ሄድኩና ከፍቼ ወደ ውስጥ በማስገባት በተንኳቸው፡፡ ከዛ ብኃላ መቼስ የእነሱን ደስታ እና መደነቅ መገመት ይከብዳችኃል ብዬ አልገምትም፡፡
ጆሹዋ ስራ ስለነበረው ወዲያው ነበር  ተለይቶኝ ወደ ሆቴል የሄደው
፡፡እኔም  አንድ ሰዓት ሲሆን ቤተሰቦቼን በአዲሱ ቤት በደስታ ውስጥ እዳሉ  ትቼያቸው ወጣው..አይገርማችሁም ድንገት ከፋኝ ደግሞ የሆነ ነገር እያመረኝ ነው ፡፡..ቅብዝብዝ እያደረገኝ ነው፡፡ ዝም ብዬ ዋናውን አስፓልት ይዤ ያለ ዓላማ በዝግታ እጓዛለው፡፤እናንተ አሁን በአሁን ጆሹዋ ናፈቀኝ፡፡ሄጄ ልረብሸው ግን አልፈልግም፡፡ስራውን ጨርሶ እስኪደውልልኝ የግድ መጠበቅ አለብኝ፡፡

እንደውም ወደ ጭፈራ ቤት ይዞኝ ቢሄድና አዲሱን ዓመት ከእሱ ጋር በደስታ ብቀበለው ደስ ይለኛል፡፡እንዲሁ ግራ በመጋባት ከአንዱ የከተማው ጥግ እስከ ሌላው የከተማው ጥግ የአስፓልቱን ጠርዝ ሳለቅ ስመላለስ 3 ሰዓት ሆነ፡፡ የተባበሩት ነዳጅ ማደያ አካባቢ አምስት የሚሆኑ ልጆች መንገድ ጠርዝ ላይ ጥግ ይዘው በፔስታል የተሞላ ምግብ እየተሸሙ ይበላሉ፡፡ የጐዳና ልጆች   እንደሆኑ ግልጽ ነው..አላሳዘኑኝ ፡፡ይልቅ ቀናሁባቸው፤ ሆዴ ተገለባበጠ..አብሬያቸው ቁጭ ብዬ እየተሸማሁ መብላት አማረኝ፡፡ኪሴ ውስጥ ከ2ሺ ብር በላይ አለኝ፡፡ ትልቅ ሆቴል ገብቼ ምርጥ የተባለ ምግብ መብላት እችላለው፡፡ ግን ይህ ነው ያመረኝ ፡፡
ይሄ የማያድግ የተረገመ ጽንስ ነው አይደል እንዲህ ሚያቅበዘብዘኝ
?በድፍረት ዝም ብዬ ወደ ልጆቹ ተጠጋው..::3 ሴቶች እና ሁለት ወንዶች ናቸው..::አንደኛው ወንድ ቀና ብሎ አየኝ‹‹..ይቅርታ  እርጉዝ ነኝ አብሬያችሁ ልብላ?››
ሁሉም በደስታ ተረባረቡብኝ ‹‹ነይ.. ቁጭ በይ… ጠጋ በሉላት››ያመቻቹልኝ የድንጋይ መቀመጫ ላይ
ተቀመጥኩ..እጅን በመስገባገብ ወደ ፔስታሉ ዘረጋው፡፡ ከመጉረሴ በፊት አንዷ ሴት አጐረሰችን..ሌላዋ አስከተለች..አንዴም የራሴን እጅ መጠቀም ሳልችል

እስኪጨንቀኝ  ጥብስቅ አድርጌ በላው፡፡ደግሞ ሲጣፍጥ፤ጨረስን‹‹..እግዜር ይስጥልኝ››አልኳቸው፡፡
‹‹ኻረ ጣጣ የለውም›› አሉኝ እየተቀባበሉ፤ብቻ ከእነሱ መለየት ከበደኝ፡፡‹‹ ይቅርታ ዛሬ የአዲስ አመት ዋዜማ አይደል
እኔ ብር አለኝ የሆነ ቦታ ሄደን አብረን እናክብረው፡፡››አልኳቸው፡፡
ሁሉም እርስ በርስ ተያዩና ‹‹ይቻላል የት እንሂድ?››ጠየቁኝ፡፡

‹‹እናንተው ምረጡ››

‹‹አበሩ ቂንጬ ቤት እንሂድ?››

‹‹ቂንጬ የሚሸጥበት ቤት አለ እንዴ..?አረ ደህና ምግብ ያለበት
ቤት››ስል ሳቁብኝ

‹‹ምነው?››

‹‹ቂንጬ ማለት እኮ አረቄ  ማለት ነው››አንዷ አብራራችልኝ፡፡

‹‹ቢራ ያለበት ቤት ይሻላል›› ደነገጡ ‹‹ስንት ብር አለሽ?››
ግድ የላችሁም ሶሰት ሶሰት አ ቢራ ጋብዛችኋለው›› ስል  ሁሉም በደስታ እዛው ጭፈራ ጀመሩ፡፡ከዛ ዙሪያዬን
ከበብኝና ይመቸናል ወደ አሉት ቦታ ይዘውኝ ጉዞ

✨ይቀጥላል✨

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

አትሮኖስ

May 12, 2026, 06:16 AM

pinned «#ሳሪና (እኔና ወንደላጤዎቹ) ፡ ፡ #ክፍል_አስራ_ስድስት ፡ ፡ #ድርሰት_በዘሪሁን_ገመቹ //// ሆስፒታል እንደደረስኩ ዶክተሯን  ቢሮዋ አገኘኋት፡በፈገግታ ና  በትህትና ተቀበለቺኝ፡፡ ‹‹እሺ ሳራ በዛው ጠፋሽ እኮ?›› ‹‹ሀገር ቤት ሄጄ ነበር፡፡›› ‹‹ምነው በሰላም?›› ‹‹በሰላም መሆኑን እና የሄድኩበትን ጉዳይ በአጭሩ አብራራውላት፡፡›› ‹‹ታዲያ አሁን ምን ወሰንሽ?›› ‹‹ያው አባቱ  …»

አትሮኖስ

May 12, 2026, 06:16 AM

#ሳሪና (እኔና ወንደላጤዎቹ)
፡
፡
#ክፍል_አስራ_ሰባት
፡
፡
#ድርሰት_በዘሪሁን_ገመቹ
///

ወዳጆቼ ወደ አዲስ አመት ልንሸጋገር ዋዜማ ላይ ነን ፡፡እንኳን አደረሳችሁ፡፡በጣም ወከባ ላይ ስለነበርኩ ነው የጠፋሁባችሁ፡፡እስቲ ሰሞኑን ያጋጠመኝን ክስተት ልተርክላችሁ ፡፡
በማግስቱ አደርገዋለው ብያችሁ ነበር አይደል፡፡አሁንም ጽንሱ በውስጤ ነው ያለው..ልውልደው ስለወሰንኩ አይመሰላችሁ ይህች የዘመን መለወጫ በዓል ትለፍ ብዬ ነው፡፡ የፊታችን ሰኞ ቁርጥ ነው፡፡

መቼስ ይህን ያሳለፍነው አመት  መለስ ብዬ ሳስበው ግራ ግብት ነው ሚለኝ፡፡በመልካም ክስተት ነው ወይስ በክፉ ማስታውሰው..?፡፡እኔ እንጃ መቼስ ባለፈው 2 ወር ያጋጠመኝን ስንክሳር ያየ ማንም ሰው ላንቺ መልካም ዓመት ነበር ብሎ ሊሞገተኝ አይደፍርም፡፡ በፍጹም፡፡ ላለፉት 3 ቀናት የእኔን ህይወት የታዘበ ሰው ግን በጣም ድንቅ ፤ ህይወትሽን የቀየረ ስኬታማ ዓመት ነበር ብሎ ሽንጡን ገትሮ ሊሟገት ይችላል፡፡እውነቱን ነው፡፡

ያው ከ3 ቀን በፊት ከጆሹዋ ጋር አብሬ ማደሬን ከዛም አልፎ በአንድ ቀን አፍቅሬው በአንድ ቀን እንደወደቅኩለት አውግቼያችሆለው፡፡እንደ እዛን ቀን ስራዬ እኮ ጉድ ሆኜ ነበር፡፡መቼስ ምንም እንኳን ፈረንጅ ቢሆንም ማንም ወንድ በአንድ ቀን ለወደቀችለት ሴት ክብር ይኖረዋል ተብሎ በተለይ በሀበሺኛ አዕምሮ መገመት አይቻልም፡፡ ጆሹዋ ግን እንደዚያ አልነበረም፤ከፍራቻዬ በተቃራኒው ነበር ምላሹ፡፡በፍቅር ክንፍ ብሎልኛል፡፡

ከሳምንት በኃላ  ለመጣበት የስራ ጉዳይ ተያይዘን ወደ ባሌ እንሄዳለን፤እስከዛ    እሱ አዲስአበባ እየተመላለሰ ቅድመ ሁኔታዎችን አያመቻቸ ነው፡፡
አትታዘብኝም አንድ ነገር ልንገራችሁ ቤት ወስጄ እኮ ከእናቴ ጋር አስተዋወቅኩት፡፡እርግጥ በመጀመሪያ ሲጠይቀኝ ደስ አላለኝም ነበር፡፡እዛች አራት በአራት ስፋት ያላት ቤት ውስጥ አራት  ሰዎች ተደራርበው እንደሚኖሩ ለአንድ በአድ ማሳየት እየገነባናትን ያለናትን የአዲሲቷን ኢትዬጵያ ስም ማጠልሸት እንዳይሆንብኝ በመስጋት አሻፈረኝ ብዬ ነበር..የእኔ ማር ጆሾዋ ግን አሻፈረኝ አለ፡፡ወንበር አልባ ወደሆነው ቤታችን ወሰድኩት ፤ፍራሽ ላይ ተቀመጠ ፤ከእናቴ ጋር ወዲያው ተግባብተው ወሬ ጀመሩ፤ ቡና አፈላችለት፤ የሰራችውንም ሽሮ ወጥ በእንጀራ እያጣጣመ በላላት፡፡ከዛ ልሸኘው ስወጣ..እንድመለስ ሳይፈቅድልኝ ይዞኝ ወደከታማ ሄደ

‹‹ለማማ ትልቅ ቤት..ክፍል ቤት….ኪራይ ፈልግ››አለኝ፡፡ አልገባኝም‹‹ምን አልክ?››
‹‹ቤት ጠባብ ..እኔ የአንድ አመት ኪራይ ይከፍላል፡ዛሬ ኪራይ ፈልግ››

አላመንኩም‹‹ውድ እኮ ነው ባለአንድ መኝታ ኮንዶሚኒዬም ቤት እንኳን በወር እስከ 15000 ብር ነው ኪራዩ››
‹‹ይሁን.. እኔ ዛሬ ይከፍላል፡፡››

‹‹የእኔ  ማር አትጨናነቅ እኛ ለምደነዋል››

‹‹ኖ..ኖ ፈልግ››አልኝና ተለየኝ፡፡

የማደርገው ግራ ገባኝ፡፡ እወነት ይሄ ልጅ አፈቀረኝ ይሆን እንዴ? ነው ወይስ እግዜያብሄር ያን ሁሉ መከራ በትዕግስት እና በፅናት በመወጣቴ በቃሽ ብሎኝ በካሊዶና በሽማጊሌው የተንኮታኮተውን ልቤን እንዲጠግንልኝ እንደሽልማት ወደ እኔ የላከልኝ መላዕክ ይሆን?››
ለማንኛውም ምን ችገረኝ ብዬ ደላላ ፈለግኩና አሰማራሁ ፡፡በአንድ ሰዓት ወስጥ ወንጂ መስመር ላይ ከሚገኝ ኮንደሚኒዬም ባለአንድ መኝታ ቤት አንደኛ ፎቅ ላይ በ13000 ብር አገኘው፡፡ይሄንንም ለጆሾ ደውዬ ነገርኩት አብረን ሆነን እንድናየው ተስማማንና ከደላላው ጋር ተያይዘን ሄድን፡፡ አየውና ወደደው ፡፡ከባለቤቱ ጋር ተገናኝተን ተነጋርን
፡፡ጆሹዋን ሲያየው ቅድም ከተስማማነው ዋጋ ሊጨምር ፈልጐ ነበር ኮስተርተር ስልበት ግን ተረጋጋ፡፡

‹‹የአንድ አመት ቅድሜያ ከፍለን እንድንፈራረም ነው የፈለግኩት፡፡››አልኩት፡

‹‹አንድ አመት ››አለ ባለቤቱ በቅሬታ እንደመደንገጥ ብሎ

‹‹ምነው ከዛ እንደሁኔታው እንቀጥላለን››

‹‹አይ ከስድስት ወር በላይ ላከራየው አልፈልግም ገዢ ካገኘው ልሸጠው እፈልጋለው፡፡››

‹‹ዋት›› አለ ጆሱዋ፡፡አስረዳሁት

‹‹በቃ ደላላው ሌላ ይፈልግልን ካጣን ለጊዜው ይሄንን እንከራይና አማራጭ እንፈልጋለን፡፡››የሚል አማራጭ አቀረብኩኝ፡፡

ጆሹዋ ቅር አለው ‹‹ቤቱን በጣም ወዶታል፡፡‹‹ሀው  ማች›› ጠየቀ

‹‹ምኑ?››

‹‹ቤቱ ››

‹‹1300 ብር››

‹‹ኖ ሚሸጠው››

‹‹2.5 ሚሊዬ›› አለ ሰውዬው ፈጠን ብሎ፡፡

‹‹እሱ ይገዛል..መጨረሻ››አለ ጆሹዋ

እኔ አላበኝ፤ሰውዬው ደነገጠ፤ ደላላውም ግራ ተጋባ፡፡

‹‹ገዢ ከሆንሽ 2.3 ሚሊዬን ሸጥልሻላው››አለኝ ወደ እኔ ዞሮ

የጆሾዋን እጅ ያዝኩና እየጐተትኩት ከሰዎቹ አርቄ ወሰድኩትና በቁጣ‹‹እየቀለድክብኝ ነው እንዴ?››አልኩት፡፡

‹‹ኖ ቀልድ የለም ፡፡እውነት ነው፡፡››

‹‹ለምን ብለህ ነው ይሄን ሁሉ ብር ለእኔ ምታወጣው..? ምንህ ስለሆንኩ?››
‹‹ነገ ሚስቴ ስለሆነ..ስለማፈቅር፡፡እኔ አያቴ ያወረሰ ብዙ ብር አለ፡፡50 ሚሊዬን ዶላር፡፡ሀብታም ነው፡፡ይሄ ብር ዋጋ ቲኒሽ ››አለኝ፡፡

ወይ ጣጣዬ  ወደ ሰዎቹ ተመለስን ተከራክረን በ2ሚ ብር ተስማማን፡፡በአንድ ሰዓት ውስጥ በደላላውም እገዛ የሚደረገውን አድርገን ፤ተፈራርመን ገንዘቡን  ከፍለን  ቤታችንን ተረከብን፡፡ማወራችሁ በህልሜ ያየሁትን ቅዠት መስሎችኋል አይደል..?እኔም እስከአሁን እንደዛ ነው የሚሰማኝ፡፡ይሄ ሁሉ የሆነው እግዲህ ትናንት ነው ፡፡ከጆሾዋ ተለይቼ ወደቤት የተመለስኩት ማታ 3 ሰዓት አካባቢ ነው፡፡ስለቤቱ ለእናቴ አልነገርኳትም..ለምን ?እኔም በትክክል ስላላመንኩም፡፡እስኪ ልረጋጋ፡፡‹ይሄንን በዓል እዚህቺው ቤት እናሳልፍና ከዛ በኃላ ልንገባበት ስንል  እነግራለው፡፡›  በማለት ስለወሰንኩ ነው ሚስጥሩን ያፈንኩት፡፡

..ሌላው አሳሳቢ የሆነብኝ ደግሞ የዕቃው ሁኔታ ነው ፡፡ያን የሚያህል ቤት ይህቺን ዕቃ ነው ይዘን የምንገባው?እጄ ላይ ካለው   18 ሺ ብር አንድ 8ሺ ብር አውጥቼ አንድ አንድ በጣም አስፈላጊ የሆኑ ነገሮችን

ለመግዛት ወሰንኩ፡፡ ብር ማባከን ባይኖርብኝም ምን አባቱ ከሽማግሌው ጋር ስፋታም የተወሰነ ብራ ማግኘቴ አይቀርም አልኩና በውሳኔዬ ፀናው፡፡
ዛሬ ለሊት እንደ ተነሳው የቤተሰቡን ልብስ ነው ማጠብ የጀመርኩት ፡፡ነገ አዲስ አመት አይደል ቢያንስ አዲስ ልብስ ባይለብሱም ንጹህ ልብስ  መልበስ አለባቸው  ፡፡3 ሰዓት አካባቢ አጠናቀቅኩ፡፡ከዛ ቀጥታ ወደገበያ ነው የሄድኩት፡፡ ለዓመት በዓል የሚያስፈልጉ ነገሮች እንዳቅሚቲ ልገዛ፡፡ በማያውቁት አዲስ ሀገርማ ከፍቶቸው እንዲውል አልፈልግም፡፡..ከገበያ ቅቤውን፤ሽንኩርቱን፤ቅመማ ቅመሙን፤ዶሮውን የሚያስፈልገውን ሁሉ  ገዝቼ ስመለስ 5 ሰዓት ሆኖ  ነበር፡፡እናቴ  ምሳ  ሰርታና  ቡና  አፍልታ ነበር የጠበቀችኝ ፡፡ውልቅልቄ ወጥቶ ደክሞኝ ስለነበር እንደገባው ተዘረርኩ፡፡እናቴ ምግቡንም ቡናውንም እዛው በተኛችበት ሰጠችኝ፤እንደጨረስኩ እንቅልፍ አሸለበኝ ፡፡10 ሰዓት ላይ ስልክ ከእንቅልፌ ቀሰቀሰኝ፡፡ ጆሹዋ ነው
‹‹ሄሎ››

‹‹ይፈልጋል አንተን፡፡››

‹‹መቼ አሁን?››

‹‹አዎ..ናፍቆል በጣም፡፡››

አትሮኖስ

Mar 29, 2026, 11:45 AM

ግን ምን ነካኝ…?የእውነት አፍቅሬው ይሆን ወይስ ውስጤ አንድ የእኔ ነው የሚለው ወንድ ፍለጋ ላይ ስለሆነ ያ ያሳደረብኝ ተፅዕኖ ይሆን፤ በተለይ ከድንግልናዬ ጣጣ ጋር  ተያይዞ…ደግሞስ  ባፈቅረውና ቢያፈቅረኝ እንኳን ለእዚህኛው ችግሬ አይደርስልኝ፡፡..እንዴት ሆኖ? ገና እስክንጀናጀን፤እስክንጠናና፤እስክንፈቃቀድ ሶስት አራት ወር መፍጀቱ ይቀራል፡፡
አይ ለካ እሱም ራሱ ለአንድ ወር ብቻ ነው ኢትዬጵያ ውስጥ የሚቆየው፡፡ አንድ ወር ብቻ፡፡አደጋ ነው፡፡‹‹ሳሪቾ እራስሽን ግዤ
..የያዝሽው መንገድ ከድጡ ወደ ማጡ ሚወስድሽ እንዳይሆን››በማለት ራሴን መከርኩት እና ወደውስጥ ዘልቄ ገባሁ ፡፡በነገራችን   ላይ ጆሹዋን ሳላገኘው በፊት አንድ ነገር ልንገራችሁ፡፡
ነገ ያንን ጉዳይ ላደርገው ነው፡፡ከዶ/ር ጴጥሮስ ጋር ተስማምተናል፡፡በቃ በመቀስ አስወግዶ ሊሰራልኝ ነው፡፡የታባቱ የሞት  መድሀኒት አይደል፡፡ምን ሊረባኝ ብዬ ነው ከእሱ ጋር የምጨናነቅለት፡፡ወንዶች እንዶሆነ እሱን ሰጧቸውም አልሰጧቸውም ለውጥ የላቸውም፡፡እንዲህ ተሳቃ፤ ከስንቱ ሞጭላፍ ተታግላ አትርፋ  ነው  ለእኔ በገፀ በረከትነት ያበረከተችልኝ፡፡ስለምታፈቅረኝ፤ከሌላው ከሁሉም ስለምታስበልጠኝ ነው ብለው ልዩ ቦታ አይሰጡቱ ፡፡እንደውም በተቃራኒው..ፈላጊ አጥታ ይሆን እስከዛሬ የተሸከመችው ባይሉ››ስለዚህ ምን አባቱ ነገ ድራሹን  አስጠፋዋለው፡፡እናንተ  ደግሞ  ዶክተሩ የእውነቱን ነበር ለካ እኔ ልውሰደው  ያለኝ፤ኸረ  10 ሺ  ብር  ሁሉ ልስጥሽና ፅንሱንም በነፃ ላስወግድልሽ ብሎኝ ነበር፡፡ቡኃላ ‹‹ካለሆነ ቁርጡን ንገረኝ ሌላ ቦታ ልሞክር›› ብዬ ሳመርበት ነው ለነገ ሊሰራልኝ የቀጠረኝ፡፡

‹‹እንደደረስኩ ጆሹዋ ቀድሞ ሲጠብቀኝ አገኘሁት››መቼስ ቀጠሮ ነገር እኛ ሀበሾች ካሀበሾችም እኛ ሴቶች አይሞላልን፡፡

ከመቀመጫው ተነስተቶ ሰላምታ ሰጥቶን ወንበር ስቦ በትህትና በማስቀመጥ ተቀበለኝ፡፡በነገራችን ልይ ጆሹዋ የተኮላተፈ ቢሆንም እኔ እንግሊዘኛ በምናገርበት መጠን አማርኛ ይናገራል፡፡ከሶስት አመት በፊት ወደ ሰሜኑ ነው እንጄ ለ6 ወር ኢትዬጵያ ውስጥ ኖሮል፡፡

የየራሳችንን ምርጫ አዘን ራታችንን በላን፡፡እኔ ወይን  እሱ  ቢራ እየጠጣ ትንሽ ትንሽ ማውራ ጀመርን፡፡ጆሹዋ ከአንደበቱ ይልቅ ሰውነቱ ያወራል፡፡ዓይኖቹ ይቅበዘበዛሉ፤ከንፈሮቹን ወዲህና ወዲያ ያጉላላቸዋል፡፡የሆነ የጨነቀው አይነት ድንጉጥ አውሬ ይመስላል፡፡
‹‹ተጫወት እንጂ››

‹‹ኢሺ››አለኝ

‹‹አልተመቸህም ፤ሌላ ቤት እንቀይር?››

‹‹አይ ባር ይከብደል..ሰው ይፈራል፡፡››አለኝ

ምን እንዳልኩት ታውቃላችሁ?‹‹ታዲያ ክላስህ ሆነን እንጠጣ››ብዬው እርፍ፡፡አቤት ገና ጉዴን ከአንደበቴ መዝዤ ሳልጨርስ  ሀገር  አሰዳቢ ፤ ሴት አሰዳቢ ምናምን አላችሁኝ አይደል?፡፡ኸረ ተረጋጉ፡፡መቼስ እንግዳ መንከባከብ ባህላችን ነው ብዬ ነው፡፡ገና በመጣ በሁለተኛ ቀኑ ለምን ይጨናነቅ፡፡
ባቀረብኩለት ምርጫ በጣም ተደሰተ፡፡ተያይዘን እዛው ሆቴል ወደተከራየው አልጋ ክፍል  አመራን፡፡የምንፈልገውን  መጠጥ  እዛው አዘን መጣልን፡፡ዝግ ክፍል ውስጥ እሱ አልጋ ላይ እኔ በቅርብ ርቀት ባለ ወንበር ላይ ተፋጠን መጠጡን  ተያያዝነው፡፡እውነትም  ጆሾዋ ግርግር የሚጨንቀው አይነት ሰው ነበር፡፡አሁን ጫወታው በጣም ነው የጨመረው፡፡

‹‹አንተ በጣም ኮንጆ ነው፡፡››አለኝ፡፡እንዲህ ሲለኝ በውስጤ ሙቀት ተረጨ፡፡መቼስ ፈረንጅ የሰራው ነገር ምርጥ ፤ፈረንጅ የነካው ነገር ቅዱስ፤ፈረንጅ ያተናገረው ነገር ፍጹም እውነት   አይደል ሚመስለን፡፡እኔም እወነትም ቆንጆ ነኝ ማለት ነው››ስል አሰብኩ፡፡አሰብኩናም ተደሰትኩ፡፡ሙሉ ወይን ብቻዬን ልጨርስ አንድ ብርጭቆ ያህል ብቻ ነው የቀረኝ፡፡ሰዓቱም እየበረረ ነው 3፡30 ሆኗል
፡፡እርግጥ ጐባ የማውቃቸው የሴት ጐደኞቼ ዝግጅት አዘጋጅተው ስለጠሩኝ እንደማመሽ ለእናቴ ነግሬያታለው፡፡ግን ሆዴ ፈራ፡፡ በቃ ገና ብዙ የመቆየት ፍላጐት ነው በውስጤ የለው፡፡ገና ከ5 ደቂቃ በፊት እንደመጣው ነው የሚሰማኝ፡፡
ድንገት‹‹ጆሹዋ ፍቅረኛ አለህ?››አልሁት ፡፡እስቲ ቢኖረው ባይኖረው ምን ይፈይድልኛል፡፡

‹‹የለም››

‹‹የእውነት››ደስታ እየተሰማኝ፡፡

‹‹አዎ ፤ተጣላና ተለያየ፤3 መንዝ ሆነ፡፡››

‹‹ሶሪ››አልኩት ካአንገት በላይ

‹‹አንተስ አለህ?››አለኝ

‹‹የለኝም ጥሎኝ ወደ ውጭ ሀገር ኮበለለ››

‹‹አንተን ኮንጆ ጥሎ፡፡››

‹‹አዎ ››

‹‹አኔ አንተን አይነት ሚስት ቢኖረኝ የትም አልሄድም››አለኝ፡፡ምን ለማለት ፈልጐ ነው፡፡ይሄ ሰውዬ እያማለለኝ ነው፡፡በሚወረውራቸው ንግግሮቹ ወሲባዊ ትንኮሳ እያረገብኝ ነው፡፡ሀገራቸው ቢሆን እከሰው ነበር፡፡ የዘፈን ዳር ዳሩ እስክታ ነው ይባላል፡፡ድንገት ላፕቶፑን ከሻንጣ አወጣና የሲሊንዲዬንን ተስረቅራቂ የእንግሊዘኛ ሙዚቃ ከፈተና ‹‹ዳንስ ካንተ ጋር እፈልጋለው››አለኝ፡፡ ተነሳሁ.. ወደባዶ ክፍቱ ወለል  ተያዘን ሄድን ፡፡መደነስ ጀመርን፡፡ እጁ በተከሻዬ ተጠምጥሟል፤የእኔ እጅ አንዱ ወገብን አንድ ትከሻው ላይ ነው፡፡ሙዚቃው ረጋ ያለ ስለሆነ እንቅስቃሴያችንም ረጋ ያለ ነው፡፡ግን በሂደት ሳለስበው  ሰውነቴ ከሰውነቱ ልጥፍ ብሎ ነበር ፡፡ አንገቱን አንገቴ ውስጥ ቀብሮ ትኩስና ሙቅ ትንፋሹን በጆሮዬ ሲለቅብኝ አንቀጠቀጠንኝ፡፡፡ውርረር አደረገኝ
፡፡ደግነቱ ሙዚቃው ማለቁ በጀ፡፡ወደ መቀመጫዬ ተመለስኩ፡፡እሱም ተመለሰና መጠጡን በፍጥነት ጨምሮ  አንደቀደቀው፡፡ሰዓቴን  አየሁ 4፤10 ሆኖል፡፡
‹‹ጆሾዋ ልሂድ በቃ››ስለው ቀላል አልደነገጠም፡፡

‹‹ምነው…ምን አጠፋ?››

‹‹አረ ምንም አላጠፋህም፡፡መሸ… ሰፈሬ ሩቅ ነው ፡፡ቤተሰብ ያስባል››አልኩት፡፡

‹‹ለምን አያድርም …ሌላ አልጋ ይይዛል፡፡››

‹‹ተናግሬ አልመጣሁም፤ዝም ብዬ ማደር አልችልም››

ትንሽ እንደመተከዘ አለና‹‹በቃ አንድ ሙዚቃ..አንድ ዳንስ››

እንደማቅማማት አልኩና ተስማማሁ፡፡የማን እንደሆነ ያላወቅኩት ከቅድሙ ትንሽ ፈጠን ያለ ሙዚቃ ከፈተ፤መደነስ ጀመርን ፤በጣም ጥብቅ አድርጐ ከሰውነቱ ይለጥፈኝና መልሶ ይለቀኛል …መልሶ ደግሞ አንገቱን አንገቴ ውስጥ ይሸጉጥና በትንፋሹ ይለበልበኛል፡፡አልቻልኩም፡፡

‹‹ወድጄሀለው››አለኝ በሹክሹክታ

ከእኔ ባልሆነ ኃይል ተገፋፍቼ‹‹እኔም››አልኩት ፡፡ ከንፈሬን ወደከንፈሩ እየለኩ….ከመንገድ ተቀበለኝ፡፡ጐረሰኝ፡፡አቤት መሳም ይችልበታል..አቤት ያቀልጣል፡፡አቤት ….
ስልኬ ሲጮኻ ከምሽቱ 5፤20 ሆኖ ነበር ፡፡የት መሰለኳችሁ?  እዛው የሆቴል ክፍል ፤ከጆሾሀ ጋር እርቃን ሰውነቴ  እርቃን  ሰውነቱ  ላይ አጣብቄ የደረቱን ፀጉር በድካም በዛሉት ጣቶቼ እያፍተለተልኩ፡፡እሱ ግንባሬን እየሳመ እንደሚያፈቅረኝ ለ1 ሺኛ ጊዜ እየነገረኝ፡፡
የተደወለው ከቤት ነው፡፡የእናቴ ስልክ ነው፡፡ደንግጬ ተነሳሁ፡፡እርቃኔን ወለሉ ላይ ቆምኩና አነሳሁት..
‹‹እማ ይቅርታ ስልክ እምቢ ብሎኝ ነው፡፡ሳላውቅ መሸብኝና ባጃጅ እኮ አጥቼ መንገድ ላይ ቆሜ እየጠበቅኩ ነው፡፡በእግሬ እንዳልመጣ ደግሞ ሩቅ ነው .. ፈራው››ለፈለፍኩ፡፡

‹‹ኸረ ዋና ሰላም መሆንሽ ነው ፡፡ እዛው እደሪና ጥዋት ትመጪያለሽ››

‹‹ይሻላል ብለሽ ነው?››

‹‹አዎ እንዳትመጬ፡፡ አጉል ሰአት ነው››

‹‹እሺ ቻው እማ››

‹‹ቻው ልጄ››

አትሮኖስ

Mar 29, 2026, 11:45 AM

ስልኩን ዘጋሁት፡፡መቆም አቅቶኝ እግሬ እየተንቀጠቀጠ ነው፡፡ወደ ሻወር ገባው ሽንቴን ልሸና፡፡እየለበለበኝ እና እየተሳቀቅኩ ጭርቅ..ጭርቅ እያደረግኩ በመከራ ሸንቼ ጨረስኩን ተመለስኩ፡፡ጆሹዋ እጆቹን ዘርግቶ ተቀበለኝ፡፡ መብራቱን አጠፋሁና በእቅፉ ውስጥ ገብቼ ጥፍት አልኩ፡፡ከአንድ ሰዓት በፊት  ድንግል  የነበርኩት  ልጅ  አሁን  ሴት ነኝ፡፡አይ ጆሹዋ ግን የእውነት ይሆን ያፈቀርከኝ?፡፡ ፅንስ በሆዴ እንደተሸከምኩ ብታውቅስ ምን ይሰማህ ይሆን?ምንም ይሁን ምንም እኔ ግን ደስተኛ ነኝ፡፡በስንት ወሬ ውስጤ ፍንክንክ ማለት ችሎል፤ተመስጌን ነው፡

✨ይቀጥላል✨

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

6,370

Showing 12 of 12 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Magic Tipster 🧙

970

tapswap community

12.5m0

alpine linux espanol

Loading recommended channels...

አትሮኖስ

አትሮኖስ

Ranking

Participant Growth (Last 10 Days)

Latest Posts

Rating

User Reviews (0)

Related Telegram Channels

Magic Tipster 🧙

tapswap community

alpine linux espanol

FreeFont.Pro — Best Free Fonts Daily

EZKROW

Tricks Hub | Latest Tricks

[🛡] MTProxyBoy

clover's corner.𖥔 ݁ ˖𓂃.☘︎ ݁˖

Related Telegram Channels

Magic Tipster 🧙

tapswap community

alpine linux espanol

FreeFont.Pro — Best Free Fonts Daily

EZKROW

Tricks Hub | Latest Tricks

[🛡] MTProxyBoy

clover's corner.𖥔 ݁ ˖𓂃.☘︎ ݁˖

User Reviews (0)

Latest Posts