Addis Standard Amharic

Public

Can't Join? @AddisstandardAmh

18.6k Members

Updated: May 13, 2026 at 10:04 PM

Addis Standard Amharic

አዲስ ስታንዳርድ በጃኬን አሳታሚ ኃ.የተ.የግ.ማ. ባለቤትነት ስር የሚታተም በኢትዮጵያ የሚገኝ ነፃ እና ገለልተኛ ሚዲያ ነው። አዲስ ስታንዳርድ አማርኛ የአዲስ ስታንዳርድ እንግሊዝኛ ሕትመት አካል ነው። ፌስቡክ: https://rb.gy/xwxb3 ትዊተር (X)፡ https://rb.gy/34uh4

Join @AddisstandardAmh for exclusive httpsrbgyxwxb3 and httpsrbgy34uh4 content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 10 Days)

Total: 18.6K

24h growth: +0 0%

Latest Posts

Addis Standard Amharic

May 25, 2026, 10:53 AM

📷 Photo

በነዳጅ ዋጋ መናር ምክንያት የተቀሰቀሰውን መጠነ ሰፊ የሕዝብ ተቃውሞ ተከትሎ #ኬንያ የናፍጣ ዋጋን ልትቀንስ ነው

አዲስ አበባ – የኬንያው ፕሬዚዳንት ዊሊያም ሩቶ በነዳጅ ዋጋ መናር እና በኑሮ ውድነት ምክንያት የተቀሰቀሰውን መጠነ ሰፊ የሕዝብ ተቃውሞ፣ እንዲሁም በአገር አቀፍ ደረጃ የተደረገውን የትራንስፖርት የሥራ ማቆም አድማ ተከትሎ፤ መንግሥት የሰኔ–ሐምሌ 2018 ዓ.ም. የዋጋ ማስተካከያ ተመን ላይ የናፍጣ ዋጋን እንደሚቀንስ አስታወቁ።

ሮይተርስ እንደዘገበው፤ ፕሬዚዳንት ሩቶ ዛሬ በቴሌቪዥን ባደረጉት ንግግር፣ በሸማቾች ላይ የሚደርሰውን ጫና ለማቃለል እና የነዳጅ ማደያ ዋጋን ለማረጋጋት ታሳቢ ካደረጉት እርምጃዎች መካከል የናፍጣ ዋጋ በአንድ ሊትር በ10 የኬንያ ሺሊንግ (በግምት 0.077 ዶላር) እንደሚቀንስ ተናግረዋል።

ውሳኔው ለህዝብ ይፋ የተደረገው፤ የሕዝብ ትራንስፖርት ኦፕሬተሮች የነዳጅ ዋጋ በከፍተኛ ሁኔታ ማደጉን በመቃወም በመላው ኬንያ ለሁለት ቀናት የዘለቀ የሥራ ማቆም አድማ ካደረጉ ከጥቂት ቀናት በኋላ ነው። በተቀሰቀሰው ተቃውሞ ቢያንስ አራት ሰዎች መሞታቸው እና ወደ 30 የሚጠጉ ሌሎች መቁሰላቸው የተዘገበ ሲሆን፤ ክስተቱም ከኃይል አቅርቦት ዋጋ መጨመር ጋር ተያይዞ በናረው የኑሮ ውድነት ላይ የሕዝቡን ከፍተኛ ቅሬታ የሚያሳይ ያስተጋባ እንደነበር ተዘግቧል።

https://www.facebook.com/AddisstandardAmh/posts/pfbid02kXj3L3gFdmi7fn9f4i3RbN2StrgvY379jGQFs8zNUB9WbzASphdu3xxigVu8HxXvl

2,650

Addis Standard Amharic

May 25, 2026, 10:53 AM

📷 Photo

ዜና: #ኢትዮጵያ እና #ጅቡቲ ግዙፍ የነዳጅ እና የጋዝ የንግድ ኮሪደር ለመገንባት ያቀደ ውይይት አካሄዱ

የጅቡቲው ፕሬዝዳንት እስማኤል ዑመር ጌሌ ከኢትዮጵያ ኢንቨስትመንት ሆልዲንግስ (EIH) ዋና ስራ አስፈፃሚ ብሩክ ታየ ጋር ሁለቱን ሀገራት የኢነርጂ ሎጅስቲክስ እንቅስቃሴ ለማፋጠን የሚረዳ መጠነ-ሰፊ የነዳጅ እና ጋዝ ኤክስፖርት ኮሪደር ፕሮጀክቶች ግንባታ ዙሪያ ውይይት ማድረጋቸውን ስለጉዳዩ ቅርበት ያላቸው ምንጮች ለ #አዲስ_ስታንዳርድ ገለጹ።

ውይይቱ ትኩረት ያደረገው በሁለት ምዕራፎች በሚተገበር የኢነርጂ መሠረተ ልማት ዕቅድ ላይ ሲሆን፣ ይህም በቅርቡ የዳንጎቴ ግሩፕ በኢትዮጵያ እያደረገ ያለውን እንቅስቃሴ መሠረት ያደረገ ነው። ዕቅዱ በኢትዮጵያ እና በጅቡቲ መካከል ያለውን ስልታዊ የኢነርጂ ሎጅስቲክስ እና የወጪ ንግድ አቅም ለማጠናከር ያለመ እንደሆነም ተመልክቷል።

https://addisstandard.com/Amharic/?p=12329

2,910

Addis Standard Amharic

May 25, 2026, 10:53 AM

📷 Photo

ትንታኔ፡ የ #ወለጋ ዩኒቨርሲቲ ተማሪዎች ከምግብ እጥረትና ንጽሕና መጓደል ጋር ለተያያዙ የጤና እክሎች መዳረጋቸውን ገለጹ፤ የተማሪዎች ህብረት ኃላፊ ቅሬታውን አስተባበለ

በወለጋ ዩኒቨርሲቲ ነቀምቴ ካምፓስ በመደበኛ መርሃ ግብር የሚማሩ ተማሪዎች፣ በዩኒቨርሲቲው ካፌዎች ውስጥ በተከሰተ የምግብ እጥረት እና የንጽሕና መጓደል ምክንያት ለጤና መታወክ እና ለተጨማሪ ወጪ መዳረጋቸውን ገለጹ።

ለአዲስ ስታንዳርድ አስተያየቱን የሰጠ የሦስተኛ ዓመት የእንስሳት ሕክምና ተማሪ፣ በዩኒቨርሲቲው ውስጥ የሚቀርበው ምግብ ጥራትና አቅርቦት በከፍተኛ ሁኔታ መቀነሱን ገልጿል። እንደ ተማሪው ገለፃ፤ ምግቡ ብዙ ተማሪዎች ሳይመገቡ በፍጥነት የሚያልቅ በመሆኑ፣ አንዳንዶች ቀኑን ሙሉ ያለ ምግብ ለመዋል ይገደዳሉ።

https://addisstandard.com/Amharic/?p=12340

2,830

Addis Standard Amharic

May 25, 2026, 10:53 AM

📷 Photo

#ሳዑዲ_አረቢያ የባህር ንግድ ትስስሯን ለማስፋፋት በ #ጅቡቲ እና በ #ኦማን መካከል የሚያስተሳስረውን አዲስ የ #ቀይ_ባህር የጭነት መስመር የመዘርጋት እቅድ ይፋ አደረገች

አዲስ አበባ - ሳዑዲ አረቢያ የባህር ንግድ ትስስሯን ለማጠናከር እና የ2022 ዓ.ም. (Vision 2030) የኢኮኖሚ ብዝሃነት ስትራቴጂ እቅዷን ለማሳደግ በምታደርገው ጥረት አካል፤ “ሬድ ሲ ኤክስፕረስ” (Red Sea Express) የተሰኘ አዲስ ቀጠናዊ የኮንቴይነር መርከብ ትራንስፖርት አገልግሎት የመዘርጋት እቅድ መጀመሯን አስታውቃለች።

ይህ አገልግሎት ጅቡቲን እና የኦማኑን ሳላላህ ወደብ ጨምሮ በቀይ ባህር እና በባህረ ሰላጤው ቀጠና የሚገኙ ዋና ዋና ወደቦችን ያገናኛል።

በሳዑዲ የወደብ ባለስልጣን (ማዋኒ) በኩል የተጀመረው ይህ አገልግሎት፤ በያንቡ የሚገኘውን የንጉስ ፋህድ ኢንዱስትሪያል ወደብ ከግብፁ አይን ሶክና ወደብ እና ከዮርዳኖሱ አቃባ ወደብ ጋር ያገናኛል። በተጨማሪም የጅዳ እስላማዊ ወደብን ከኦማኑ ሳላላህ ወደብ እና ከጅቡቲ ወደብ ጋር እንደሚያገናኝ የገልፍ ኒውስ እና የአረብ ኒውስ ዘገባዎች ያመላክታሉ።

የሳዑዲ ባለስልጣናት እንደገለጹት፤ አዲሱ የመርከብ ትራንስፖርት መረብ የሎጅስቲክስ ብቃትን ለማሻሻል፣ የጭነት ማጓጓዣ ጊዜን እና የትራንስፖርት ወጪን ለመቀነስ እንዲሁም የቀጠናዊ የአቅርቦት ሰንሰለት ትስስርን ለማጎልበት ያለመ ነው። ይህ እቅድ የሳዑዲ አረቢያን ከነዳጅ ውጪ ያሉ የወጪ ንግድ ዘርፎችን እንደሚደግፍ እና የሳዑዲ ምርቶች በቀጠናዊ ገበያዎች ላይ ያላቸውን ተወዳዳሪነት ያሳድጋል ተብሎ ይጠበቃል።

https://www.facebook.com/AddisstandardAmh/posts/pfbid0qx9DtkTZqsSysbp85f4BHm45E59xNNX1LDBQPvdKPV5RTMrhp7EGJeHQD4WgCPLul

Addis Standard Amharic

May 25, 2026, 10:53 AM

ዜና፡ ከ #አዲስ_አበባ ወደ #ደብረ_ማርቆስ በአውቶቡስ እየተጓዙ የነበሩ መንገደኞች በ #ሰሜን_ሸዋ በታጣቂዎች ታገቱ

ከአዲስ አበባ ተነስተው ወደ ደብረ ማርቆስ በአውቶቢስ በመጓዝ ላይ የነበሩ በርካታ ተሳፋሪዎች በታጣቂዎች መታገታቸውን የትራንስፖርት አገልግሎት ሰጪው ድርጅት ለአዲስ ስታንዳርድ አረጋገጠ። እገታው የተፈጸመው በኦሮሚያ ክልል ሰሜን ሸዋ ዞን በገብረ ጉራቻ እና በፊቼ ከተሞች መካከል ልዩ ስሙ “ዓሊዶሮ” ተብሎ በሚጠራ አካባቢ መሆኑን ድርጅቱ ገልጿል።

ድርጊቱ የተፈጸመው ግንቦት 11 ቀን 2018 ዓ.ም. ሲሆን፣ ታጣቂዎቹ “ኤፍ ኤም” የተሰኘውን የሕዝብ ማመላለሻ አውቶቡስ በኃይል አስቁመው ተሳፋሪዎቹን ወደማይታወቅ ቦታ ይዘዋቸው መውስደዋል። የትራንስፖርት ኩባንያው እንደገለጸው፣ ከሦስት ግለሰቦች በስተቀር 34 ተሳፋሪዎች የደረሱበት እስካሁን አልታወቀም።

ተጨማሪ ለማንበብ፡ https://addisstandard.com/Amharic/?p=12324

2,570

Addis Standard Amharic

May 25, 2026, 10:53 AM

📷 Photo

7ኛውን ጠቅላላ ምርጫ ተከትለው “የሚፈጸሙ ወንጀሎችን” ለመከላከል ነዋሪዎች ንቁ ተሳትፎ እንዲያደርጉ ጥሪ ቀረበ

አዲስ አበባ - መጪው 7ኛው ጠቅላላ ምርጫ በስኬት እንዲጠናቀቅ ነዋሪዎች ንቁ ተሳትፎ እንዲያደርጉ የአዲስ አበባ ሰላምና ፀጥታ አስተዳደር ቢሮ ጥሪ አቀረበ። ቢሮው “ምርጫን ተከትሎ የሚፈፀሙ ወንጀሎችን ቀድሞ በመከላከል ረገድ የህዝቡ ሚና” በሚል መሪ ቃል ዛሬ ከ11ዱም ክፍለ ከተሞች ከተውጣጡ የሕብረተሰብ ክፍሎች ጋር የሕዝብ ውይይት መድረክ አካሂዷል።

በመድረኩ ላይ የተገኙት የአዲስ አበባ ከተማ ሰላምና ፀጥታ ቢሮ ኃላፊ ወ/ሮ ሊዲያ ግርማ እንደገለጹት፤ “የውጭ ጠላቶችና የውስጥ ባንዳዎች” ተቀናጅተው ሊፈጥሩ የሚችሉትን የወንጀል ሴራ ቀድሞ በመከላከልና በመቆጣጠር ረገድ የሕብረተሰቡ ተሳትፎ ከምንጊዜውም በላይ መጠናከር አለበት። አክለውም፣ አንዱ የዲሞክራሲ መገለጫ የሆነው ምርጫ “በሰላማዊ መንገድ እንዲጠናቀቅ በከተማዋ ያለውን የጸና ሰላም ማስቀጠል” እንደሚገባ አሳስበዋል።

ባለፉት አምስት ተከታታይ ዓመታት በከተማዋ ለተመዘገቡት ሁለንተናዊ ስኬቶች የነዋሪዎች አስተዋጽኦ የማይተካ መሆኑን የጠቀሱት ኃላፊዋ፣ “በመጪው የምርጫ ወቅትም ነዋሪዎች የጸጥታ አካላትን በመደገፍ የተለመደ አጋርነታቸውን እንዲያሳዩ” ጥሪ አቅርበዋል ሲል የአዲስ አበባ ከተማ ሰላምና ፀጥታ አስተዳደር ቢሮ ገልጿል።

የአዲስ አበባ ፖሊስ ጠቅላይ መምሪያ ዋና አዛዥ ሌተናል ጀነራል አስራት ደኔሮ በበኩላቸው፤ ለፀጥታና ለደህንነት ስራ ትልቁ አቅም ህዝብ መሆኑን አስገንዝበዋል። ነዋሪው በየአካባቢው ያለውን የፀጥታ ሁኔታ “በትኩረት በመከታተልና” የወንጀል ድርጊት ሲያጋጥም ለፀጥታ አካላት መረጃ በማድረስ የከተማዋን ሰላም የማረጋገጥ ድርሻውን ሊወጣ እንደሚገባም አሳስበዋል።

2,770

Addis Standard Amharic

May 25, 2026, 10:53 AM

📷 Photo

ዜና: የሮይተርስ የምርመራ ዘገባ አር ኤስ ኤፍ #አል-ፋሽርን ከተቆጣጠረ በኋላ በ #ዳርፉር የተፈጸሙ የጅምላ ጭፍጨፋዎችን ይፋ አደረገ

የሮይተርስ የዜና ወኪል ይፋ ያደረገው ሰፊ የምርመራ ዘገባ፣ የሱዳኑ የፈጣን ድጋፍ ኃይል (RSF) እ.ኤ.አ. በጥቅምት 2025 በዳርፉር ክልል የሱዳን ጦር ይዟት የነበረችውን የመጨረሻዋን ስትራቴጂካዊ ከተማ አል-ፋሽርን ሙሉ በሙሉ በቁጥጥሩ ስር ካደረገ በኋላ ባሉት ሦስት ቀናት ውስጥ የፈጸማቸውን ያልተቋረጡ የጅምላ ጭፍጨፋዎች፣ ያለፍርድ የተፈጸሙ ግድያዎችና ሰብአዊ ጥሰቶች በምስልና በሰነድ አስደግፎ ይፋ አድርጓል።

https://www.facebook.com/share/p/18y1NAuMsk/

3,000

Addis Standard Amharic

May 25, 2026, 10:53 AM

📷 Photo

2,530

Addis Standard Amharic

May 25, 2026, 10:53 AM

ዜና፡ ፑቲን የ #ቤጂንግ ጉብኝታቸውን ከ20 በላይ ስምምነቶችን በመፈራረም አጠናቀቁ

የ #ቻይናው ፕሬዚዳንት ሺ ጂንፒንግ እና የ #ሩሲያው አቻቸው ቭላድሚር ፑቲን የሁለቱን አገራት ግንኙነት ይበልጥ ያጠናክራል የተባለ ከ20 በላይ የሁለትዮሽ ስምምነቶች ተፈራረሙ።

ፑቲን በቤጂንግ ባደረጉት የሁለት ቀናት ይፋዊ የሥራ ጉብኝት፤ በንግድ፣ በኢነርጂ፣ በቴክኖሎጂ እና በስትራቴጂካዊ ቅንጅት ዙሪያ ላይ ትኩረት ያደረጉ የሁለትዮሽ ስምምነቶች መፈረማቸው እየተቀያየረ በመጣው ዓለም ጂኦፖለቲካዊ ሁኔታ ውስጥ በሁለቱ ኃይሎች መካከል ያለውን ትስስር ይበልጥ የሚያጠናክር ነው ተብሏል።

ፕሬዚዳንት ፑቲን ግንቦት 11 ቀን 2018 ዓ.ም. ቤጂንግ የደረሱ ሲሆን፤ ይህም ወደ ቻይና ያደረጉት 25ኛው ይፋዊ የሥራ ጉብኝት ሆኖ ተመዝግቧል። ፑቲን ግንቦት 12 ቀን 2018 ዓ.ም. ከቻይና ከመውጣታቸው በፊት በታላቁ የሕዝብ አዳራሽ ከፕሬዚዳንት ሺ ጂንፒንግ ጋር ሰፊ ውይይት አካሂደዋል።

ይህ የፑቲን ጉብኝት የተከናወነው ፕሬዚዳንት ሺ ጂንፒንግ የአሜሪካውን ፕሬዚዳንት ዶናልድ ትራምፕን በቤጂንግ ባስተናገዱ ከጥቂት ቀናት በኋላ ሲሆን፤ ተንታኞች እንደሚሉት ከሆነ ድርጊቱ ቻይና ከዋሽንግተን እና ከሞስኮ ጋር ያላትን ግንኙነት እኩል ለማመጣጠን የምታደርገውን ጥረት የሚያሳይ ነው።

ለፕሬዚዳንት ፑቲን በተደረገው የቻይና መንግሥት ይፋዊ የክብር አቀባበል ሥነ ሥርዓት ላይ የቀይ ምንጣፍ አቀባበል፣ የወታደራዊ ክብር ሰላምታ፣ የመንግሥት እራት ግብዣ እንዲሁም በሁለቱ መሪዎች መካከል የተደረጉ ዝግ የግል ውይይቶች ተከናውነዋል።

እንደ አልጄዚራ ዘገባ፤ ሁለቱም ወገኖች በመካከላቸው ያለውን ግንኙነት “ከዚህ ቀደም ታይቶ በማይታወቅ” ደረጃ ላይ መድረሱን የገለጹት ሲሆን፤ ፕሬዚዳንት ሺ አጋርነቱን “በዓለም አቀፍ ቀውስ ወቅት” የመረጋጋት ምንጭ አድርገው ገለጸውታል። ፕሬዚዳንት ፑቲን በበኩላቸው በብሪክስ፣ በተባበሩት መንግሥታት ድርጅት እና በሻንጋይ ትብብር ድርጅትን ጨምሮ በባለብዙ ወገን መድረኮች ላይ ይበልጥ የተቀናጀ አሠራር መዘርጋት እንዳለበት አጽንኦት ሰጥተዋል።

የቻይና መንግሥት ብዙኃን መገናኛዎች እንደዘገቡት ከሆነ በጉብኝቱ ወቅት የተፈረሙት ስምምነቶች በዋናነት የምጣኔ ሀብት ትብብርን ማስፋፋት፣ የኢነርጂ ንግድ፣ የሳይንስ የጋራ ሥራዎች እና የቴክኖሎጂ አጋርነት ላይ ያተኮሩ ናቸው። ይሁን እንጂ ሁለቱ አገራት ለረጅም ጊዜ ውይይት ሲደረግበት የቆየውን “ፓወር ኦፍ ሳይቤሪያ 2” የተሰኘውን የጋዝ ማቧቧያ መስመር ፕሮጀክት ስምምነት የመጨረሻ ውሳኔ ላይ ከማድረስ የተቆጠቡ ሲሆን፤ ይልቁንም ባለሥልጣናቱ ለወደፊት ድርድሮች የሚሆን ሰፊ የጋራ መግባባት ላይ መደረሱን ገልጸዋል።

2,700

Addis Standard Amharic

May 25, 2026, 10:53 AM

📷 Photo

እውቅና በመስጠት እና በቀጣናዊ መዘዞች መካከል: #ኢትዮጵያ በቀይ ባሕር እቅዷ ውስጥ የ #ሶማሊላንድን አማራጭ በድጋሚ እያጤነችው ይሆን?

ሶማሊላንድ ከሶማሊያ ተለይታ ነፃነቷን ያወጀችበትን 35ኛ ዓመት የምሥረታ በዓል ባሳለፍነው ሰኞ ግንቦት 10 2018 ዓ.ም. ስታከብር፣ በበዓሉ ማግስት በአፍሪካ ቀንድ ቀጣና ውስጥ የነበረው ትኩረት በዝምታ ወደ ኢትዮጵያ ዞሯል። ይህም አዲስ አበባ ከእስራኤል በመቀጠል ለሶማሊላንድ በይፋ እውቅና የምሰጥ ሁለተኛዋ ሀገር ልትሆን ትችላለች ወይ የሚለውን ያልተቋጨ ጥያቄ በድጋሚ እንዲቀሰቀስ አድርጓል።

https://addisstandard.com/Amharic/?p=12317&=1

3,090

Addis Standard Amharic

May 10, 2026, 05:44 PM

📷 Photo

ዜና: መንግሥት የናፍጣ አቅርቦት ወደ ነበረበት መመለሱን ቢያውጅም፣ አሽከርካሪዎች አሁንም በማደያዎች ለቀናት በመሰለፍ ላይ መሆናቸውን ገለጹ

በ #አዋሽ እና በ #አዳማ መካከል የሕዝብ ትራንስፖርት አገልግሎት የሚሰጥ አንድ አሽከርካሪ፣ በአዳማ ከተማ በሚገኝ አንድ የነዳጅ ማደያ ውስጥ ናፍጣ ለመቅዳት ላለፉት ሦስት ቀናት በሰልፍ ላይ መሆኑን ተናግሯል።

ሌላኛው የ #ባቱ ከተማ አሽከርካሪ በበኩሉ አሁንም የናፍጣ እጥረት መኖሩን ገልጿል። “በቅርቡ ሁለት ቦቴ ናፍጣ ገብቷል ተብሎ ነበር፤ ሆኖም የመጣው ናፍጣ ለግብርና ትራክተሮች እና ለኮድ 04 ተሽከርካሪዎች ተሰጥቶ አልቋል” ሲል ለአዲስ ስታንዳርድ ተናግሯል።

ተጨማሪ ለማንበብ፡ https://addisstandard.com/Amharic/?p=12020

2,390

Addis Standard Amharic

May 10, 2026, 05:44 PM

📷 Photo

የ #ኢትዮጵያ ፌደራል ፖሊስ በረከት ወርቁን ጨምሮ አራት ግለሰቦች በከባድ የሙስና ወንጀል እንደሚፈለጉ ገለፀ

የኢትዮጵያ ፌደራል ፖሊስ በረከት ወርቁ አደራ፣ ጌታቸው አሞኘ፣ ይልቃል የኔሰው እና አቡሽ አየለ የተባሉ ግለሰቦች በከባድ የሙስና ወንጀል እንደሚፈለጉ አስታወቀ።

ፖሊስ ባወጣው መረጃ በከባድ የሙስና ወንጀል ተጠርጥረው የሚፈለጉ ግለሰቦችን ማንነትና ምስል ዛሬ ይፋ አድርጓል። በፎቶግራፋቸው ተለይተው የቀረቡ ግለሰቦች በሀገርና በህዝብ ሀብት ላይ ከፍተኛ ጉዳት ያደረሰ "ከባድ የሙስና ወንጀል" በመፈጸም የሚፈለጉ ናቸው ብሏል።

የፌደራል ፖሊስ በመሆኑም ህብረተሰቡ ተጠርጣሪ ግለሰቦች በሚመለከት ማንኛውም ዓይነት መረጃ ካለው፣ እንዲያሳውቅ ጥሪ አቅርቧል፡፡

ፖሊስ ይህን መረጃ ያወጣው፤ ይፈለጋሉ የተባሉት ግለሰቦችን፣ የኢትዮጵያ ነዳጅና ኢነርጂ ባለስልጣን ምክትል ዋና ዳይሬክተር እና የኢትዮጵያ ነዳጅ አቅራቢ ድርጅት ዋና ዳይሬክተርን ጨምሮ በገበያ ላይ የነዳጅ እጥረት እንዲከሰት ያደረጉ 13 ግለሰቦች ላይ ክስ መመስረቱ መገለጹን ተከትሎ ነው።

ተከሳሾቹም 1ኛ አቶ ዲባራ ፉፋ፣ 2ኛ አቶ ሹምአለም ብርሃኔ፣ 3ኛ አቶ እስጢፋኖስ ጌትነት፣ 4ኛ አቶ ይላቅ አወቀ፣ 5ኛ አቶ አበላ ግዛው፣ 6ኛ አቶ ጌታቸው አሞኘ፣ 7ኛ ወ/ሮ በረከት ወርቁ፣ 8ኛ አቡሽ አያለ ገነት፣ 9ኛ አቶ ይልቃል የኔሰው፣ 10ኛ የኛ ፔትሮሊዮም ኃ/የተ/የግ/ማህበር፣ 11ኛ አቶ እስማለም ምህረቱ፣ 12ኛ አቶ አባይነህ አወል እና 13ኛ አቶ ብስራት አበባው ናቸው።

ተከሳሾቹ ከ70 ሚሊየን ብር በላይ የሚገመት ነዳጅና ነጭ ናፍጣ ከመንግሥት ቁጥጥር ውጭ በማድረግ በገበያ ላይ እጥረት እንዲፈጠር ማድረጋቸው በክሱ ላይ ተመላክቷል፡፡ የክስ መዝገቡ ለፌደራል ከፍተኛ ፍርድ ቤት ልደታ ምድብ 3ኛ የሙስና ጉዳዮች ወንጀል ችሎት ቀርቧል፡፡

2,580

Addis Standard Amharic

May 10, 2026, 05:44 PM

📷 Photo

#ማብራሪያ  — የሥልጣን ሽኩቻ በመቐለ፤ #ሕወሓት የ #ትግራይ ክልል ምክር ቤትን እንዴት መልሶ ተቆጣጠረ?

አዲስ አበባ፣ ሚያዝያ 30 ቀን 2018 ዓ.ም፦ ከጦርነቱ ማብቂያ በኋላ በትግራይ ክልል ከተከሰቱት እጅግ ተጽዕኖ ፈጣሪ ፖለቲካዊ ኩነቶች መካከል አንዱ የሆነው፤ ሕዝባዊ ወያነ ሓርነት ትግራይ (ሕወሓት) የትግራይ ክልላዊ ምክር ቤትን በይፋ መልሶ ማቋቋሙ እና ዶክተር ደብረጽዮን ገብረሚካኤልን የክልሉ ፕሬዝዳንት አድርጎ መሰየሙ ከፌዴራል መንግሥት ጋር ያለውን ፍጥጫ ወደ አዲስ ምዕራፍ አሸጋግሮታል። ይህ እርምጃ በፌዴራል መንግሥት ዕውቅና የተሰጠውን እና በሌተናል ጄነራል ታደሰ ወረደ የሚመራውን የትግራይ ጊዜያዊ አስተዳደር በተግባር ወደ ጎን የሚገፋ ሲሆን፣ በትግራይ ውስጥ ሁለት ተፎካካሪ የሥልጣን ማዕከላት እንዲፈጠሩ አድርጓል።

ተጨማሪ ለማንበብ
https://addisstandard.com/Amharic/?p=12039

2,650

Addis Standard Amharic

May 10, 2026, 05:44 PM

📷 Photo

የ #ሶማሊላንድ እና የ #እስራኤል የንግድ ተወካዮች በ #አዲስ_አበባ የኢንቨስትመንት ውይይት አካሄዱ

በሶማሊላንድ እና በእስራኤል መካከል ያለውን የንግድ እና የኢንቨስትመንት ትብብር ማጠናከር በሚቻልባቸው ሁኔታዎች ላይ የሁለቱ ወገኖች የንግድ ተወካዮች እና ከፍተኛ የሥራ ኃላፊዎች በአዲስ አበባ ውይይት ማካሄዳቸውን የሶማሊላንድ የንግድ እና ቱሪዝም ሚኒስቴር አስታወቀ።

ሆርን ዲፕሎማት እንደዘገበው፣ በንግድ እና ቱሪዝም ሚኒስትሩ አብዲራህማን ሀሰን ኑር የተመራ የሶማሊላንድ ልዑክ ከእስራኤል የንግድ እና የዲፕሎማቲክ ተወካዮች ጋር ተገናኝቶ መክሯል።

ውይይቱ በዋናነት በግብርና፣ በኢነርጂ፣ በቴክኖሎጂ፣ በመሠረተ ልማት፣ በፋይናንስ እና በጤና ጥበቃ ዘርፎች የንግድ ትብብርን ማስፋፋት በሚቻልባቸው ነጥቦች ላይ ያተኮረ መሆኑን ሚኒስቴሩ ባወጣው መግለጫ ገልጿል።

በሶማሊላንድ በኩል የማዕከላዊ ባንክ ገዢ አብዲናስር አህመድ ሂርሲ፣ የብሔራዊ ኢንሹራንስ ኤጀንሲ ዋና ዳይሬክተር አብዲሳላን መሐመድ ማሕሙድ (ቡሲ) እና በሶማሊላንድ የንግድ ምክር ቤት ሊቀ መንበር ጃማል አይዲድ ኢብራሂም የሚመሩ የንግድ ማኅበረሰብ አባላት በውይይቱ ላይ ተሳትፈዋል።

በእስራኤል የሶማሊላንድ ተወካይ በሆኑት በዶክተር መሐመድ ሀጂ አማካኝነት በተዘጋጀው በዚህ መድረክ ላይ በኢትዮጵያ የእስራኤል ምክትል አምባሳደር እና ሌሎች ዲፕሎማቶች የተገኙ ሲሆን፣ በእስራኤል በኩል የሶማሊላንድ አምባሳደር ተብለው በመግለጫው የተጠቀሱት ሚካኤል ሎተም በበይነ መረብ አማካኝነት በውይይቱ ላይ ተካፍለዋል።

የሶማሊላንድ የንግድ እና ቱሪዝም ሚኒስቴር እንዳመለከተው፣ የውይይቱ ዋና ዓላማ የረጅም ጊዜ የንግድ እና የኢንቨስትመንት አጋርነት ለመመሥረት የሚያስችሉ ዕድሎችን መፈተሽ ነው።

2,680

Addis Standard Amharic

May 10, 2026, 05:44 PM

📷 Photo

ዜና፡ የ #ትግራይ ጊዜያዊ አስተዳደር ፕሬዝዳንት የደብረጽዮን ገብረሚካኤል ካቢኔ የመጀመሪያውን ስብሰባ ማድረጉን ተከትሎ “አደገኛ የድርጊት አቅጣጫ” ሲሉ አስጠነቀቁ

በፌዴራል መንግሥት የተሾሙት የትግራይ ክልል ጊዜያዊ አስተዳደር ፕሬዝዳንት ሌተናል ጄኔራል ታደሰ ወረደ፣ በዶክተር ደብረጽዮን ገብረሚካኤል የሚመራው ካቢኔ የመጀመሪያውን ስብሰባ ማድረጉን ተከትሎ በክልሉ እየተባባሰ ስለመጣው የፖለቲካ ውጥረት ማስጠንቀቂያ ሰጥተዋል።

ፕሬዝዳንቱ ካቢኔው ያደረገውን ስብሰባ፤ “የአደገኛ እና የአጥፊ ምዕራፍ” መጀመሪያ ሲሉ የገለጹት ሲሆን፣ ስማቸው ያልተጠቀሰ ቡድኖች የአስተዳደሩን ሥልጣን በኃይል ለመቆጣጠር እየሞከሩ መሆኑን ከሰዋል።

ሌተናል ጄኔራል ታደሰ ወረደ ባወጡት  https://www.facebook.com/story.php?story_fbid=922992740776962&id=100091987345047&mibextid=wwXIfr&rdid=MwDST3vGGI0kW9fY፣ ለውይይት እና ለጋራ መግባባት በተደጋጋሚ የቀረቡ ጥሪዎች ችላ መባላቸውን ጠቁመው፣ “የስህተት ስሌቶች” ሲሉ የገለጿቸው ድርጊቶች ሰፋ ያለ ቀውስ ሊያስከትሉ እንደሚችሉ አስጠንቅቀዋል።

https://addisstandard.com/Amharic/?p=12017

2,590

Addis Standard Amharic

May 10, 2026, 05:44 PM

📷 Photo

#ቴህራን የ #አሜሪካን የሰላም ሃሳብ እየመረመረች ባለችበት ወቅት ትራምፕ ከ #ኢራን ጋር ያለው ጦርነት “በፍጥነት ያበቃል” ሲሉ ተነበዩ

የዩናይትድ ስቴትስ ፕሬዝዳንት ዶናልድ ትራምፕ ከኢራን ጋር ያለው ጦርነት “በፍጥነት ያበቃል” የሚል እምነት እንዳላቸው ገለጹ። ሮይተርስ እንደዘገበው፣ ፕሬዝዳንቱ ይህንን የተናገሩት ቴህራን ግጭቶችን ለማቆም እና የሆርሙዝ ሰርጥን ለመክፈት ያለመውንና በአሜሪካ የሚደገፈውን አዲስ የሰላም ሃሳብ እየመረመረች ባለችበት ወቅት ነው።

በ #ፓኪስታን አደራዳሪዎች አማካኝነት የተመቻቸው ይህ የሥምምነት ማዕቀፍ በሦስት ምዕራፎች የሚተገበር እንደሆነ ተገልጿል። እነዚህም...

https://www.facebook.com/share/p/1BBww9r3Fm/

2,800

Addis Standard Amharic

May 10, 2026, 05:44 PM

📷 Photo

በፎቶ፡ የ #ትግራይ ክልል ምክር ቤት ፕሬዝዳንት አድርጎ የመረጣቸው ደብረጽዮን ገብረሚካኤል የመጀመሪያውን የካቢኔ ስብሰባ በ #መቀለ አካሄዱ

የትግራይ ክልል ምክር ቤት በቅርቡ ፕሬዝዳንት አድርጎ የመረጣቸው ደብረጽዮን ገብረሚካኤል (ዶ/ር) በዛሬው ዕለት በመቀለ ከተማ በሚገኘው የፕሬዝዳንት ጽሕፈት ቤት ደጀን አዳራሽ ውስጥ የመጀመሪያውን የካቢኔ ስብሰባ በመምራት በይፋ ሥራ መጀመራቸው ተገለፀ።

የክልሉ ካቢኔ ስብሰባዎቹን በሚያካሂድበት በዚህ አዳራሽ የተደረገው የካቢኔው ስብሰባ፤ ትኩረት ያደረገው በትግራይ ክልል እየተከናወኑ ባሉ የድኅረ ጦርነት የማገገም ጥረቶች ላይ ሲሆን፣ በተለይም ቅድሚያ የሚሰጣቸው አስተዳደራዊ ጉዳዮች፣ ተቋማትን መልሶ መገንባት እና የማኅበራዊ አገልግሎት አቅርቦት ላይ ውይይት መደረጉን አስተዳደሩ አስታውቋል።

ይህ ክስተት የተከናወነው የትግራይ ክልል ከጦርነት በፊት የነበረው ምክር ቤት በድጋሚ በመቋቋመ በጥቂት ቀናት ውስጥ ነው። የምክር ቤቱ ዳግም መቋቋም በፌዴራል መንግሥቱ እውቅና ከተሰጠው የትግራይ ጊዜያዊ አስተዳደር ጋር የፖለቲካ ውጥረት መፍጠሩን ብዙዎች በመግለጽ ላይ ይገኛሉ።

2,770

Addis Standard Amharic

May 10, 2026, 05:44 PM

📷 Photo

ዜና፡ #ሱዳን በሁለት የ #ኢትዮጵያ ድንበር አቅራቢያ ተጨማሪ ኃይልና የአየር መከላከያዎችን እያሰማራች መሆኑ ተገለጸ

የሱዳን ጦር በምዕራብ ኢትዮጵያ ቤኒሻንጉል ጉሙዝ ክልል አዋሳኝ በሆነው በብሉ ናይል ግዛት እንዲሁም ከአማራ ክልል ጋር በሚዋሰነው አወዛጋቢው የአል-ፋሻጋ የድንበር አካባቢዎች ላይ ተጨማሪ ወታደሮችንና የአውሮፕላን መከላከያዎችን እያሰማራ መሆኑ ተዘገበ።

https://www.bloomberg.com/news/articles/2026-05-07/horn-of-africa-tensions-flare-as-sudan-adds-forces-near-ethiopia የሱዳን ጦር በኢትዮጵያ ድንበር አቅራቢያ በሚገኘው በብሉ ናይል ግዛት ተጨማሪ ወታደሮችንና የአየር መከላከያ መሣሪያዎችን አሰማርቷል።

ተጨማሪ ለማንበብ፡ https://addisstandard.com/Amharic/?p=12010

2,550

Addis Standard Amharic

May 10, 2026, 05:44 PM

📷 Photo

ዜና: #ኢትዮጵያ እና #አዘርባጃን የንግድ እና የኢንቨስትመንት ትብብራቸውን ለማጠናከር ተወያዩ

ሁለቱ ሀገራት በ መከላከያ ዘርፍ የታቀደውን #ወታደራዊ የትብብር ስምምነት ይፋዊ ለማድረግ እየተንቀሳቀሱ ባለበት ወቅት ነው ይህ የንግድ ውይይት የተካሄደው።

የዛሬው ውይይት ጠቅላይ ሚኒስትር ዐቢይ አሕመድ በየካቲት 2018 ዓ.ም. በአዘርባጃን መዲና ባኩ ያደረጉትን ይፋዊ ጉብኝት ተከትሎ የመጣ ሲሆን፣ ካሳሁን ጉብኝቱን በኢትዮጵያ እና በአዘርባጃን ግንኙነት ውስጥ “አዲስ የግንኙነት ምዕራፍ” የከፈተ በማለት ገልጸውታል።

https://addisstandard.com/Amharic/?p=12000

2,970

Addis Standard Amharic

May 10, 2026, 05:44 PM

📷 Photo

ዜና፡ #ተመድ እና #ዩናይትድ_ኪንግደም በ #ካርቱም አውሮፕላን ማረፊያ ላይ የተፈጸመውን የድሮን ጥቃት አወገዙ፤ አየር መንገዱ በረራ አለመጀመሩን ገለፁ

በካርቱም ዓለም አቀፍ አውሮፕላን ማረፊያ እና በመዲናዋ የተላያዩ አካባቢዎች ላይ የተሰነዘረውን የድሮን ጥቃት ተከትሎ፣ የአየር በረራዎች መቋረጣቸውንና ይህም ለሰብአዊ እርዳታ አቅርቦት ሥራ ከፍተኛ እንቅፋት መፍጠሩን የተባበሩት መንግሥታት ድርጅት አሳሰበ።

እንደ ‘ሱዳን ትሪቢዩን’ ዘገበ፤ በካርቱም የሚገኘው የብሪታንያ ኤምባሲም፤ በሲቪል መሠረተ ልማቶች እና በሰብአዊ ዕርዳታ መስመሮች ላይ የሚሰነዘሩ ጥቃቶች በአስቸኳይ ሊቆሙ እንደሚገባ አስገንዝቧል።

ተጨማሪ ለማንበብ፡ https://addisstandard.com/Amharic/?p=12003

3,000

Addis Standard Amharic

Apr 28, 2026, 04:37 AM

📷 Photo

ዜና: በ #ሳውዲ_አረቢያ ከ200 በላይ #ኢትዮጵያውያን ወጣቶች የሞት ፍርድ ተፈርዶባቸዋል መባሉን ተከትሎ፣ የ #ትግራይ ወጣቶች ጉዳይ ቢሮ መንግስት ለጉዳዩ አስቸኳይ ትኩረት እንዲሰጥ ጠየቀ

የትግራይ ወጣቶች ጉዳይ ቢሮ ኃላፊ አቶ ሐይሽ ስባጋዲስ ለ #አዲስ_ስታንዳርድ እንደገለጹት፤ “በአሁኑ ወቅት ከ200 በላይ ወጣቶች በዚያ ታስረው በጅምላ የሞት ፍርድ ተፈርዶባቸዋል” ያሉ ሲሆን፣ ብዙዎቹም ቅጣቱ የሚፈጸምበትን ጊዜ በመጠባበቅ ላይ እንደሚገኙ ገልጸዋል።

በሰኔ 2017 ዓ.ም. የወጣ የአዲስ ስታንዳርድ ዘገባ 31 የሰብአዊ መብት ድርጅቶችን በመጥቀስ እንደገለጸው፤ ቢያንስ 37 ኢትዮጵያውያን በሳውዲ አረቢያ ከዕፅ ጋር በተያያዘ የሞት ቅጣት ሊፈጸምባቸው ከሚችሉ የውጭ ዜጎች መካከል ነበሩ።

https://addisstandard.com/Amharic/?p=11834

3,020

Addis Standard Amharic

Apr 28, 2026, 04:37 AM

📷 Photo

በ #ማሊ ወታደራዊ ተቋማት ላይ በታጣቂዎች በተፈጸመ የተቀናጀ ጥቃት የመከላከያ ሚኒስትሩ ሳዲዮ ካማራ ተገደሉ

አዲስ አበባ — በማሊ በመላ ሀገሪቱ በሚገኙ ወታደራዊ ተቋማት ላይ በታጣቂዎች በተፈጸመ የተቀናጀ ጥቃት፣ የሀገሪቱ የመከላከያ ሚኒስትር ጄነራል ሳዲዮ ካማራ መገደላቸውን የመንግሥት ቃል አቀባይ አረጋገጡ።

የመንግሥት ቃል አቀባዩ ኢሳ ኡስማን ኩሊባሊ እሁድ ሚያዝያ 19 ቀን 2018 ዓ.ም. ባወጡት መግለጫ፤ ጄነራል ሳዲዮ የተገደሉት ታጣቂዎች መኖሪያ ቤታቸውን ኢላማ አድርገው በፈጸሙት ጥቃት መሆኑን ገልጸዋል።

በካቲ ከተማ የሚገኘው የመከላከያ ሚኒስትሩ መኖሪያ ቤት ቅዳሜ ሚያዝያ 18 ቀን 2018 ዓ.ም. ጥቃት የደረሰበት ሲሆን፣ ጥቃቱ ከአልቃይዳ ጋር ግንኙነት ባላቸው ታጣቂዎች እና በቱዋሬግ አማፂያን በጋራ የተፈጸመ መሆኑ ተመላክቷል።

ጄነራል ሳዲዮ በ2012 እና 2013 ዓ.ም. በተካሄዱት ተከታታይ መፈንቅለ መንግሥት ሥልጣን በያዘው ወታደራዊ መንግሥት ውስጥ ቁልፍ ሰው ነበሩ።

የአልጄዚራው ዘጋቢ ኒኮላስ ሐክ ስለ ጉዳዩ ሲናገር፤ “ጄነራል ሳዲዮ በገዥው ወታደራዊ አመራር ውስጥ ከፍተኛ ተፅዕኖ ከነበራቸው ግለሰቦች አንዱ ሲሆኑ፣ አንዳንዶችም እንደ ወደፊት የማሊ መሪ አድርገው ይመለከቷቸው ነበር” ብሏል። አክሎም “የእሳቸው መሞት ለሀገሪቱ ጦር ኃይሎች ትልቅ ኪሳራ ነው” ሲል ገልጿል።

2,390

Addis Standard Amharic

Apr 28, 2026, 04:37 AM

📷 Photo

“በማንኛውም መንገድ ጥቅማቸውን ለማስከበር ዝግጁ ናቸው”፤ #የሩሲያው የውጭ ጉዳይ ሚኒስትር ሰርጌ ላቭሮቭ #አሜሪካ #በኢራን እና #ቬንዙዌላ ጣልቃ የምትገባው በነዳጅ ምክንያት ነው ሲሉ ከሰሱ

አዲስ አበባ - የሩሲያ የውጭ ጉዳይ ሚኒስትር ሰርጌ ላቭሮቭ አሜሪካ እንደ ኢራን እና ቬንዙዌላ ባሉ የተፈጥሮ ሀብት በበለጸጉ ሀገራት ላይ ወታደራዊ ጣልቃ ገብነት የምታደርገው ነዳጅን ለመቆጣጠር ነው ሲሉ ከሰሱ። ይህም ድርጊት ዓለም አቀፍ ሕግጋትን እያዳከመ ነው ሲሉ አስጠንቅቀዋል።

ሰርጌ ላቭሮቭ ለሩሲያ ብሔራዊ ቴሌቪዥን በሰጡት እና በውጭ ጉዳይ ሚኒስቴሩ ድረ-ገጽ ላይ አርብ እለት በታተመው ቃለ ምልልስ፤ ዋሽንግተን ከምንም በላይ ለራሷ ጥቅም ቅድሚያ እንደምትሰጥ ገልጸዋል።

“አሜሪካ ማንም ሊያዝዛት እንደማይችል በይፋ አውጃለች። የምትጨነቀው ለራሷ ደኅንነት ብቻ ሲሆን፣ ያንን ደኅንነቷን ለማስጠበቅ ደግሞ አሜሪካውያን የሚፈልጉት የተፈጥሮ ሀብት ያላቸው ሀገራት መሪዎችን በመፈንቅለ መንግሥት፣ በአፈና ወይም በግድያ ለማስወገድ በማንኛውም መንገድ ለመጠቀም ዝግጁ ናት” ብለዋል።

ላቭሮቭ አክለውም አሜሪካ እንደ ኢራን እና ቬንዙዌላ ባሉ ሀገራት የምታደርገው እንቅስቃሴ በግልጽ ከኢነርጂ ፍላጎት ጋር የተያያዘ መሆኑን ገልጸዋል። “አሜሪካውያን ባልደረቦቻችን ጉዳዩ ስለ ነዳጅ መሆኑን አይደብቁም። በዓለም አቀፍ የኢነርጂ ገበያዎች ላይ የበላይነትን የመያዝ መርህ አላቸው” ሲሉ ተናግረዋል።

እንዲህ ያሉ ፖሊሲዎች ዓለም አቀፍ ህግጋት መፍረሳቸውን የሚያሳዩ መሆናቸውን በመጥቀስ፣ የዓለም አቀፍ ግንኙነት ይበልጥ “ጉልበት ያለው ይገዛል” በሚል አካሄድ እየተቀረጸ መሆኑን አስጠንቅቀዋል።

https://www.facebook.com/share/1Ca9TkCJ6J/?mibextid=wwXIfr

Addis Standard Amharic

Apr 28, 2026, 04:37 AM

📷 Photo

የባሕር ዘራፊዎች በ #ሶማሊያ የባሕር ዳርቻ ላይ አንድ ነዳጅ የጫነ መርከብ ጠለፉ

አዲስ አበባ - በሶማሊያ የባሕር ዳርቻ አቅራቢያ ሲጓዝ የነበረ እና 17 ሠራተኞችን የያዘ ነዳጅ የጫነ መርከብ በባሕር ዘራፊዎች መታገቱን የተለያዩ የጸጥታ አካላት ለቢቢሲ ገለጹ።

“ኦነር 25” (Honor 25) የተሰኘው ይህ መርከብ ረቡዕ ሚያዝያ 14 ቀን 2018 ዓ.ም. ምሽት ላይ ስድስት ታጣቂዎች ከባሕር ዳርቻው በግምት 55 ኪሎ ሜትር ርቀት ላይ እንደነበረ ባለሥልጣናቱ ገልጸዋል።

በአንድ ወቅት በባሕር ዝርፊያ ታዋቂ በነበረው በዚህ የሕንድ ውቅያኖስ ክፍል ላለፉት ሦስት ዓመታት ዝርፊያው ጠፍቶ የቆየ ቢሆንም፣ በቅርቡ ግን የዓሣ ማጥመጃ እና የጭነት መርከቦችን ኢላማ ያደረጉ ጥቃቶች ዳግም እያገገሙ መጥተዋል።

ወደ ሶማሊያ መዲና ሞቃዲሾ እያመራ የነበረው የዚህ መርከብ መታገት፣ በአሜሪካ-እስራኤል እና ኢራን ጦርነት ምክንያት የነዳጅ ዋጋ በሦስት እጥፍ በናረባት ሞቃዲሾ ከተማ ውስጥ ሥጋትን ይበልጥ ሊጨምር እንደሚችል ተገምቷል ሲል ቢቢሲ ዘግቧል።

https://www.facebook.com/AddisstandardAmh/posts/pfbid0kk3yPNyZYeiQgyszeyyxCibMzf4551hJSv3yQY855rzpicN22nwNG6fiEvm3tAbZl

2,520

Addis Standard Amharic

Apr 28, 2026, 04:37 AM

📷 Photo

በ #ሱዳን፣ በ #ኤርትራ እና በ #ኢትዮጵያ ሰላም እንዲሰፍን እና ውይይት እንዲጀመር በ #ካርቱም የተመሠረተ ቀጠናዊ ጥምረት ጥሪ አቀረበ

አዲስ አበባ - የሱዳን፣ የኤርትራ እና የኢትዮጵያ ተወካዮችን ያካተተ ቀጠናዊ ጥምረት በሚያዝያ 15 ቀን 2018 ዓ.ም. በካርቱም ባካሄደው ስብሰባ “ሰላም እና አብሮነት” እንዲሰፍን እና “ግጭቶች እንዲያበቁ” ጥሪ ማቅረቡን የሱዳን ዜና አገልግሎት ዘገበ።

የኤርትራ፣ የሱዳን እና የኢትዮጵያ የማህበረሰብ ተወካዮች ጥምረት ስብሰባ “የቀጠናው ሕዝቦች በሰላም እና በመረጋጋት ለመኖር ያለቸውን ፍላጎት” የሚያንጸባርቅ መሆኑን ገልጿል። በተጨማሪም “የአብሮነት እሴቶችን” በማስተዋወቅ “ጥላቻን እና ግጭትን” እንደሚቃወም ዘገባው አመልክቷል።

ከ #ትግራይ፣ ከ #አማራ፣ ከ #ኦሮሞ እና ከ #ሶማሊ ማኅበረሰቦች የተውጣጡ ተወካዮች እንዲሁም ከሱዳን እና ከኤርትራ የመጡ ልዑካን በጋራ በመሆን “ዓመፅ የሚቃወም አንድ አቋም” መያዛቸውን ገልጸዋል። ተሳታፊዎቹ “ውይይት፣ ቀጠናዊ ትብብር እና ለሀገራት ሉዓላዊነት ክብር መስጠት” ለዘላቂ ሰላም አስፈላጊ መንገዶች መሆናቸውን አጽንዖት ሰጥተውበታል።

ተሳታፊዎቹ ድንበር ተሻጋሪ ግንኙነቶችን ማጠናከር አስፈላጊ መሆኑን በመጥቀስ፣ “በድንበር አካባቢ በሚኖሩ ማኅበረሰቦች መካከል መስተጋብር እንዲፈጠር” እና “የአንድነት እና የሰላም እሴቶች” እንዲጸኑ ጥሪ አቅርበዋል። ስብሰባው “ለቀጠናው ሕዝቦች የተረጋጋ እና የበለጸገ መጻኢ ጊዜን ለመፍጠር በጋራ ለመሥራት” ቃል በመግባት መጠናቀቁን ዘገባው ጨምሮ ገልጿል።

2,980

Addis Standard Amharic

Apr 28, 2026, 04:37 AM

📷 Photo

በ #አሜሪካ ቁጥጥር ስር የዋለችው የ #ኢራን መርከብ የ#ቻይና “ስጦታ” አይደለችም ሲል የቻይና የውጭ ጉዳይ ሚኒስቴር አስታወቀ

አዲስ አበባ - በአሜሪካ ኃይሎች ቁጥጥር ስር የዋለችው የኢራንን ሰንደቅ ዓላማ ያነገበች የጭነት መርከብ “ከቻይና የተሰጠች ስጦታ ነች” ሲሉ ፕረዚደንት ዶናልድ ትራምፕ ያቀረቡትን ክስ የቻይና የውጭ ጉዳይ ሚኒስቴር ውድቅ አደረገ። ሚኒስቴሩ ክሱ “በሐቅ ላይ የተመሠረተ አይደለም” ብሏል።

የሚኒስቴሩ ቃል አቀባይ ጉዎ ጂያኩን ዛሬ ለጋዜጠኞች በሰጡት መግለጫ፤ በሀገራት መካከል የሚደረግ የንግድ ልውውጥ እንደተለመደው መቀጠል እንዳለበት አሳስበዋል።

አሜሪካ ከአንድ ሳምንት በላይ በኢራን ወደቦች ላይ የባሕር ኃይል እገዳ የጣለች ሲሆን፣ በሆርሙዝ ሰርጥ በኩል የሚደረገውን የመርከቦች እንቅስቃሴም ስታግድ ቆይታለች።

ለዚህም ምላሽ ኢራን ሰርጡን የዘጋች ሲሆን፣ የንግድ መርከቦችን በቁጥጥር ስር በማዋል የባሕረ ሰላጤውን የባህር ላይ የመርከቦች ዝውውር ሙሉ ለሙሉ በሚባል ሁኔታ አስተጓጉላለች።

በሰላም ጊዜያት፣ ባሕረ ሰላጤውን ከሕንድ ውቅያኖስ ጋር በሚያገናኘው በዚህ ስትራቴጂካዊ የውኃ መስመር በኩል 20 በመቶ የሚሆነው የዓለም የነዳጅ እና የጋዝ ምርት ይጓጓዛል።

ይህ በእንዲህ እንዳለ፤ አሜሪካ በሕንድ፣ በስሪ ላንካ እና በማሌዥያ አቅራቢያ በሚገኙ የውኃ አካላት ውስጥ የኢራን ሰንደቅ ዓላማ ያነገቡ ሦስት የነዳጅ ጫኝ መርከቦችን በቁጥጥር ስር በማዋል አቅጣጫቸውን እንዲቀይሩ ማድረጓን ሮይተርስ የመርከብ ትራንስፖርት ምንጮችን ጠቅሶ ዘግቧል። ረቡዕ ዕለት ኢራን የተራዘመውን የተኩስ አቁም ስምምነት በመጣስ በሆርሙዝ ሰርጥ ሁለት መርከቦችን በቁጥጥር ስር ማዋሏን ተከትሎ የተፈጸመው የአሜሪካ እርምጃ፤ በቀጠናው ያለውን ግጭት ይበልጥ ሊያባብሰው እንደሚችል ተሥግቷል።

2,860

Addis Standard Amharic

Apr 28, 2026, 04:37 AM

📷 Photo

ዜና: በ #ኢራን ጦርነት ሳቢያ የእርዳታ አቅርቦት ችግር መባባሱን ድርጅቱ አስጠነቀቀ፤ ሁኔታው የ #ኢትዮጵያን የሰብአዊ እርዳታ አሳሳቢ ያደርገዋል

ከ #ኢራን ጦርነት ጋር ተያይዞ ዓለም አቀፍ የወጪ ጫናዎች እየተባባሱ በመምጣታቸው፣ የረድኤት ድርጅቶች እንደ ኢትዮጵያ ያሉ ሀገራት እየጨመረ የመጣውን ፍላጎት ለማሟላት የሚገኘው ሀብት እያነሰ በመሆኑ ከፍተኛ ሰብአዊ ጫና ሊገጥማቸው እንደሚችል እያሳሰቡ ይገኛሉ።

በተጨማሪም ብዙ የእርዳታ ሰጪ ሀገራት በጀታቸውን ወደ መከላከያ ወጪ እያዞሩ መሆኑ ችግሩን አባብሶታል።

https://addisstandard.com/Amharic/?p=11819

2,680

Addis Standard Amharic

Apr 28, 2026, 04:37 AM

📷 Photo

ዜና: የ8.5 ቢሊዮን ብር የበጀት ጉድለት በ #ትግራይ ክልል ከፍተኛ የፋይናንስ ቀውስ ማስከተሉ ተገለጸ

የቢሮው ኃላፊ ወይዘሮ ምህረት በየነ ደብዳቤው መላኩን ለ #አዲስ_ስታንዳርድ አረጋግጠው፤ ይህም ጊዜያዊ አስተዳደሩ የታገደው በጀት እንዲለቀቅ ቀደም ሲል ላቀረባቸው ተከታታይ ጥያቄዎች ምላሽ ባለመገኘቱ የተላከ መሆኑን ገልጸዋል።

በህዳር 2018 ዓ.ም የትግራይ ክልል ጊዜያዊ አስተዳደር ባጋጠመው ከፍተኛ የበጀት እጥረት ምክንያት አዲሱን የፌዴራል ሲቪል ሰርቪስ የደመወዝ ጭማሪ ሙሉ በሙሉ መተግበር አለመቻሉን የክልሉ ዕቅድ ኮሚሽን መግለፁን መዘገባችን ይታወሳል።

https://addisstandard.com/Amharic/?p=11818

2,780

Addis Standard Amharic

Apr 28, 2026, 04:37 AM

📷 Photo

ዜና: ሂውማን ራይትስ ዎች የ #አውሮፓ_ኅብረት በ #ኢትዮጵያ ላይ ጠንከር ያለ አካሄድ እንዲከተል ጠየቀ፤ የመብት ጥሰቶች ባልቆሙበት ሁኔታ የዲፕሎማሲ “ግንኙነትን ማደስ” ገንቢ አለመሆኑን አሳወቀ

የሂውማን ራይትስ ዎች ምክትል የአፍሪካ ዳይሬክተር ሌቲሺያ ባደር ለአዲስ ስታንዳርድ በሰጡት ቃለ ምልልስ፤ የአውሮፓ ኅብረት ስለ ሽግግር ፍትሕ ደጋግሞ ቢናገርም፣ ከፍተኛ የሰብአዊ መብት ጥሰት የፈጸሙ አካላትን ተጠያቂ ለማድረግ የታየ ተጨባጭ እርምጃ አነስተኛ ነው።

“ዋናው ሥጋት ግንኙነቱን ወደ መደበኛ የመመለሱ ሂደት ከፍትሕ አሰጣጡ በበለጠ ፍጥነት መጓዙ ነው። ”

https://addisstandard.com/Amharic/?p=11824

2,850

Addis Standard Amharic

Apr 28, 2026, 04:37 AM

📷 Photo

በ #አማራ ክልል #ደቡብ_ወሎ ዞን የ“ቶፕ 150” የሚሊሻ አባላት ስልጠና አጠናቀው ተመረቁ

አዲስ አበባ - “ቶፕ 150” የሚባል የሚሊሺያ መዋቅር ሰልጣኞች ማስመረቁን በአማራ ክልል፣ ደቡብ ወሎ ዞን፣ ለጋምቦ ወረዳ አስታወቀ።ሚሊሺያዎቹ ለተከታታይ ቀናት “ወታደራዊና ፖለቲካዊ ስልጠና” ሲከታተሉ የነበሩ መሆኑን የደቡብ ወሎ ዞን ኮሙኒኬሽን መምሪያ ገልጿል።

በወረዳው 07 ጂንጎ ቀበሌ ሐሙስ ሚያዝያ 15 ቀን 2018 ዓ.ም.በተካሄደው የሰልጣኞች ምርቃ ላይ የመንግሥት የሥራ ኃላፊዎች እና የጦር መኮንኖች ተገኝተዋል። በምርቃ ሥነ-ሥርዓቱ ላይ ንግግር ያደረጉት የዞኑ የማዕድን መምሪያ ኃላፊ አቶ አህመድ አበባው፤ ስልጠናው “የአካባቢውን ሰላም ለማረጋገጥና ህዝቡን ከዘራፊዎች ለመጠበቅ” አቅም እንደሚፈጥር ገልጸዋል።

ይህ መዋቅር፣ በኦሮሚያ ክልል ካለው የፀጥታ መዋቅር ጋር የሚመሳሰል ነው። ከመጋቢት 2014 ዓ.ም. ጀምሮ “ጋቻና ሲርና” (የሥርዓት ጠባቂ) የተሰኘ ተመሳሳይ የሚሊሻ መዋቅር በኦሮሚያ ክልል ተግባራዊ መደረጉ ይታወሳል። መዋቅሩ ማኅበረሰቡን በማደራጀት “ጥቅማቸውን፣ መብታቸውንና ፍላጎታቸውን እንዲያስጠብቁና እንዲከላከሉ” ታስቦ የተነደፈ ነው።

https://www.facebook.com/AddisstandardAmh/posts/pfbid02wYv7nEcf7ibzCcaj8fZScwFWeAnWM3JCbDHu5uJhDdk5tGhbohPUdShvormrsfjDl

Showing 30 of 57 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Magic Tipster 🧙

970

tapswap community

12.5m0

alpine linux espanol

Loading recommended channels...

Addis Standard Amharic

Addis Standard Amharic

Ranking

Participant Growth (Last 10 Days)

Latest Posts

Rating

User Reviews (0)

Related Telegram Channels

Magic Tipster 🧙

tapswap community

alpine linux espanol

FreeFont.Pro — Best Free Fonts Daily

EZKROW

Tricks Hub | Latest Tricks

[🛡] MTProxyBoy

clover's corner.𖥔 ݁ ˖𓂃.☘︎ ݁˖

Related Telegram Channels

Magic Tipster 🧙

tapswap community

alpine linux espanol

FreeFont.Pro — Best Free Fonts Daily

EZKROW

Tricks Hub | Latest Tricks

[🛡] MTProxyBoy

clover's corner.𖥔 ݁ ˖𓂃.☘︎ ݁˖

User Reviews (0)

Latest Posts