NUG Myanmar

Public

View Channel

5.3K

5.2K

Can't Join? @nugmyanmar

16.1k Members

Updated: May 14, 2026 at 3:44 AM

NUG Myanmar

National Unity Government

@nugmyanmar is a dedicated channel for unity and government with regular updates in Government Exams

Ranking

Global Ranking

#456

Language Ranking

#45

Category Ranking

#23

-1

Participant Growth (Last 8 Days)

Total: 16.1K

24h growth: +0 0%

Latest Posts

NUG Myanmar

May 25, 2026, 01:22 AM

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
နိုင်ငံခြားရေးဝန်ကြီးဌာန
ထုတ်ပြန်ချက် (၄/၂၀၂၆)
(၂၀၂၆ ခုနှစ်၊ မေလ ၁၂ ရက်)
၁၃၈၇ ခုနှစ်၊ ကဆုန်လပြည့်ကျော် ၁၂ ရက်
အာဆီယံဥက္ကဋ္ဌ၏ (၄၈) ကြိမ်မြောက် အာဆီယံထိပ်သီးအစည်းအဝေးဆိုင်ရာ ထုတ်ပြန်ချက်နှင့် အာဆီယံ ဘုံသဘောတူညီချက် ၅ ရပ် အကောင်အထည်ဖော်ဆောင်မှုတို့နှင့်စပ်လျဉ်းသည့် ထုတ်ပြန်ချက်
၁။ အမျိုးသားညီညွတ်ရေးအစိုးရသည် ၂၀၂၆ ခုနှစ်၊ မေလ ၈ ရက်နေ့တွင် ဖိလစ်ပိုင်နိုင်ငံ၊ စီဘူးမြို့၌ ဖိလစ်ပိုင်သမ္မတနိုင်ငံက ဥက္ကဋ္ဌအဖြစ် ကျင်းပပြုလုပ်ခဲ့သည့် (၄၈) ကြိမ်မြောက် အာဆီယံထိပ်သီး အစည်းအဝေးမှ ထွက်ပေါ်လာသော ဥက္ကဋ္ဌ၏ ထုတ်ပြန်ချက်အား အလေးအနက်မှတ်သားအပ်ပါသည်။ “Navigating Our Future, Together” ဟူသော ဆောင်ပုဒ်အား ထိပ်သီးအစည်းအဝေး၏ ထပ်လောင်း အတည်ပြုချက်ကို အသိအမှတ်ပြုပြီး၊ အဆိုပါ မျှော်မှန်းချက်အား အပြည့်အဝ အကောင်အထည် ဖော်ဆောင်နိုင်ရေးအတွက် ငြိမ်းချမ်းရေး၊ တည်ငြိမ်ရေးနှင့် အားလုံးပါဝင်နိုင်သော ဖွံ့ဖြိုးတိုးတက်မှုဆီသို့ ဦးတည်သည့် အာဆီယံ၏စုပေါင်းခရီးစဉ်တွင် မြန်မာပြည်သူလူထုအား ချန်လှန်ထားခြင်းမပြုရန် ကိုလည်း အလေးအနက်ထား ဖော်ပြအပ်ပါသည်။
၂။ အမျိုးသားညီညွတ်ရေးအစိုးရသည် မြန်မာနိုင်ငံအတွင်း ပဋိပက္ခများ ဆက်လက် အရှိန်မြင့်တက် လာမှုနှင့် လူသားချင်းစာနာထောက်ထားမှုဆိုင်ရာ အခြေအနေများအပေါ် ထိပ်သီးအစည်းအဝေး၏ စိုးရိမ်ပူပန်ကြောင်းဖော်ပြချက်နှင့် အရပ်သားများအပေါ် အကြမ်းဖက်မှုများအား ရှုတ်ချချက်များကို ကြိုဆိုပါသည်။ နိုင်ငံရေးအကျပ်အတည်းကို ဖြေရှင်းရာ၌ အာဆီယံဘုံသဘော တူညီချက် ၅ ရပ်သည် အဓိကမူဘောင်အဖြစ် ဆက်လက်တည်ရှိလျက်ရှိကြောင်း ထိပ်သီးအစည်းအဝေး၏ ထပ်လောင်း အတည်ပြုချက်ကို ထောက်ခံပြီး၊ ယင်းမူဘောင်အား စစ်မှန်ပြည့်ဝစွာ အကောင်အထည် ဖော်ဆောင် နိုင်ရေးအတွက် မိမိတို့အနေဖြင့် ဆက်လက်၍ ကတိကဝတ်ပြုပါကြောင်းကိုလည်း ထပ်လောင်း အတည်ပြု ဖော်ပြအပ်ပါသည်။
၃။ ခွဲခြားမှုမရှိအကြမ်းဖက်နေမှုများအား ချက်ချင်းရပ်တန့်ရန်နှင့် အစွမ်းကုန် ထိန်းသိမ်းလုပ်ဆောင် သွားကြရန် ထိပ်သီးအစည်းအဝေး၏ သက်ဆိုင်ရာအဖွဲ့အစည်းအားလုံးသို့ တိုက်တွန်းချက်ကို ကြိုဆိုပါသည်။ သို့ရာတွင် ရှုတ်ချပြစ်တင်ပြောဆိုမှုများသည် တာဝန်ခံမှုရှိစေမည့် ခိုင်မာသည့်ယန္တရားများ တွဲဖက်ပါဝင်ရမည်ဖြစ်သည်။ အရပ်သားပြည်သူများနှင့် အရပ်ဘက်အခြေခံအဆောက်အဦများအပေါ် လေကြောင်းတိုက်ခိုက်မှုများ၊ လက်နက်ကြီးပစ်ခတ်မှုများနှင့် အခြားသော ခွဲခြားမှုမရှိအကြမ်းဖက်နေမှု များအား ရပ်တန့်စေရန်အတွက် အာဆီယံအနေဖြင့် ရှင်းလင်းပြတ်သားသည့်၊ အချိန်ကာလ သတ်မှတ်ချက် တိကျစွာပါဝင်သည့် စံသတ်မှတ်ချက်များကို ချမှတ်ရန် တိုက်တွန်းအပ်ပါသည်။ ထိုကဲ့သို့သော ယန္တရားများမရှိပါက အရပ်သားပြည်သူများအား ကာကွယ်စောင့်ရှောက်ပေးရေး တောင်းဆိုချက်မှာ လက်တွေ့မကျဘဲ ဆန္ဒသက်သက်သာ ဖြစ်နေပါလိမ့်မည်။
၄။ အကြမ်းဖက်စစ်အုပ်စု၏ တစ်ဖက်သတ်ရွေးကောက်ပွဲလုပ်ငန်းစဉ်များ ပြီးစီးသွားခြင်းအပေါ် ထိပ်သီးအစည်းအဝေး၏ အသိအမှတ်ပြုမှုကိုလည်း အမျိုးသားညီညွတ်ရေးအစိုးရက သတိပြုမိပါသည်။ လက်နက်ကိုင်ပဋိပက္ခများ ဆက်လက်ဖြစ်ပွားနေချိန်၊ နိုင်ငံရေးအကျဉ်းသားအားလုံး လွတ်မြောက်မှု မရှိသေးဘဲ၊ သင့်လျော်ကောင်းမွန်သော နိုင်ငံရေးအခင်းအကျင်း မရှိသည့် အခြေအနေမျိုးတွင် ပြုလုပ်သည့် မည်သည့်ရွေးကောက်ပွဲလုပ်ငန်းစဉ်မဆို ဒီမိုကရေနည်းကျ တရားဝင်မှုနှင့် ပြည်သူလူထု အား ကိုယ်စားပြုမှု မရှိဟု မိမိတို့အနေဖြင့် ခိုင်မာစွာ ထပ်လောင်းအတည်ပြုအပ်ပါသည်။ အာဆီယံ၏ ကိုယ်ပိုင်မူဝါဒစံနှုန်းများအရ နိုင်ငံရေးလုပ်ငန်းစဉ်များသည် အားလုံးပါဝင်နိုင်ပြီး၊ ယုံကြည်စိတ်ချမှု ရှိစေရန် လိုအပ်ပါသည်။ အဆိုပါစံနှုန်းများနှင့် ကိုက်ညီမှုမရှိသော တစ်ဖက်သတ်လုပ်ငန်းစဉ်များအား အသိအမှတ်မပြုရန် အာဆီယံအား တိုက်တွန်းပါသည်။

1,390

NUG Myanmar

May 25, 2026, 01:22 AM

၅။ အာဆီယံဘုံသဘောတူညီချက် ၅ ရပ်ပါ စတုတ္ထအချက်ကို အကောင်အထည်ဖော်ဆောင်ရန် အတွက် အာဆီယံလူသားချင်း စာနာထောက်ထားမှု အကူအညီပေးရေးအစီအစဉ် ဒုတိယအဆင့် အောက်တွင် AHA Center မှ လူသားချင်းစာနာထောက်ထားမှုဆိုင်ရာ အကူအညီများ ဆက်လက် ပေးအပ်နေမှုအား အသိအမှတ်ပြု ကျေးဇူးတင်ရှိပါသည်။ ဘေးကင်းလုံခြုံ၍ ပွင့်လင်းမြင်သာမှုရှိသော၊ အားလုံးပါဝင်နိုင်ပြီး၊ ခွဲခြားဆက်ဆံမှုမရှိသော နည်းလမ်းများဖြင့် လူသားချင်းစာနာထောက်ထားမှုဆိုင်ရာ အကူအညီများပေးနိုင်ရေးအတွက် ကူညီပံ့ပိုးပေးကြရန် သက်ဆိုင်ရာအဖွဲ့အစည်းအား ထိပ်သီး အစည်းအဝေး၏ တိုက်တွန်းချက်ကို ကြိုဆိုပါသည်။ သို့သော်လည်း ထိရောက်ပြီး၊ မူဝါဒနှင့်ကိုက်ညီသည့် လူသားချင်းစာနာထောက်ထားမှု အကူအညီများပေးရာတွင် နိုင်ငံ၏နယ်မြေနှင့် လူဦးရေများစွာတို့အား စီမံအုပ်ချုပ်နေသည့် အမျိုးသားညီညွတ်ရေးအစိုးရ၊ တိုင်းရင်းသားတော်လှန်ရေး အဖွဲ့အစည်းများနှင့် အတူ ညှိနှိုင်းဆောင်ရွက်ရန် လိုအပ်ကြောင်း ထပ်လောင်းဖော်ပြအပ်ပါသည်။ စစ်အုပ်စုက ထိန်းချုပ် ထားသော ယန္တရားများမှတဆင့်သာ ပေးအပ်သည့် မည်သည့်အကူအညီမဆို နိုင်ငံရေး အမြတ်ထုတ် ခံရနိုင်ပြီး၊ လူသားချင်းစာနာထောက်ထားမှုဆိုင်ရာ အခြေခံမူများဖြစ်သည့် ကြားနေခြင်းနှင့် ခွဲခြားမှု မရှိခြင်း မူများနှင့်လည်း ကိုက်ညီမှုရှိမည်မဟုတ်ပါ။
၆။ အမျိုးသားညီညွတ်ရေးအစိုးရအနေဖြင့် အာဆီယံဥက္ကဋ္ဌ၏ မြန်မာနိုင်ငံဆိုင်ရာ အထူး ကိုယ်စားလှယ် H. E. Ma. Theresa P. Lazaro ၏ ကြိုးပမ်းဆောင်ရွက်မှုများကို ချီးကျူးအသိအမှတ်ပြုပြီး၊ မြန်မာနိုင်ငံရှိ သက်ဆိုင်သည့်အစုအဖွဲ့များနှင့် ကျယ်ပြန့်စွာ ထိတွေ့ဆက်ဆံနေမှုကို ကြိုဆိုပါသည်။ မြန်မာနိုင်ငံဆိုင်ရာ အာဆီယံအထူးကိုယ်စားလှယ်အား ရေရှည်တာဝန်ပေးအပ်ရေးအတွက် လုပ်ငန်း တာဝန်သတ်မှတ်ချက်များနှင့်ပတ်သက်၍ ဆွေးနွေးညှိနှိုင်းနေမှုများကိုလည်း ထောက်ခံပါသည်။ ထိုကဲ့သို့သော လုပ်ပိုင်ခွင့်သတ်မှတ်ချက်များ၌ နိုင်ငံရေးလုပ်ငန်းစဉ်များတွင် အမျိုးသားညီညွတ်ရေး အစိုးရနှင့် တိုင်းရင်းသားတော်လှန်ရေးအဖွဲ့များအား တရားဝင်သက်ဆိုင်သူ အစုအဖွဲ့များအဖြစ် အသိအမှတ်ပြုကာ တရားဝင် စနစ်တကျ ထိတွေ့ဆက်ဆံရေးကိုလည်း အတိအလင်း ထည့်သွင်းရန် အလေးအနက်တိုက်တွန်းပါသည်။
၇။ အမျိုးသားညီညွတ်ရေးအစိုးရအနေဖြင့် နိုင်ငံရေးအကျဉ်းသားအချို့လွှတ်ပေးမှုအပေါ် အာဆီယံ ၏ မှတ်သားချက်ကို အသိအမှတ်ပြုသော်လည်း ထိုသို့သော ဆောင်ရွက်ချက်များမှာ လုံးဝ လုံလောက်မှု မရှိသေးပါ။ သမ္မတ ဦးဝင်းမြင့်အား လွှတ်ပေးမှုနှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား နေရာပြောင်းရွှေ့ခြင်းတို့နှင့် စပ်လျဉ်းသည့် သတင်းများမှာလည်း ရှင်းလင်းမှု မရှိဘဲ အတည်ပြုနိုင်ခြင်းမရှိသေးသည့် အခြေအနေတွင်သာ ရှိနေပါသည်။ လက်ရှိအချိန်တွင် နိုင်ငံရေး အကျဉ်းသား ထောင်ပေါင်းများစွာတို့မှာ မတရားသဖြင့် ဆက်လက်ထိန်းသိမ်းခံထားရဆဲ ဖြစ်ပါသည်။ ယုံကြည်စိတ်ချရပြီး အားလုံးပါဝင်နိုင်သည့် နိုင်ငံရေးဆွေးနွေးပွဲများ ဖြစ်ပေါ်လာရန်အတွက် နိုင်ငံရေး အကျဉ်းသားအားလုံးကို ချက်ချင်းနှင့် ခြွင်းချက်မရှိ လွှတ်ပေးရန် မဖြစ်မနေ လိုအပ်ပါသည်။
၈။ အမျိုးသားညီညွတ်ရေးအစိုးရအနေဖြင့် အာဆီယံအသိုက်အဝန်း တည်ဆောက်ရေး၊ ဒစ်ဂျစ်တယ် အသွင်ကူးပြောင်းရေး၊ ရေရှည်တည်တံ့သောဖွံ့ဖြိုးတိုးတက်ရေးနှင့် အားလုံးပါဝင်နိုင်သော တိုးတက်မှု ဆိုင်ရာ ကတိကဝတ်များအပါအဝင် ထိပ်သီးအစည်းအဝေး၏ ပိုမိုကျယ်ပြန့်သော လုပ်ငန်းစဉ်များကို မှတ်သားထားရှိပါသည်။ အဆိုပါ ဒေသဆိုင်ရာ ကြိုးပမ်းအားထုတ်မှုများတွင် ဖက်ဒရယ်နှင့် ဒီမိုကရေစီ စနစ်ကျင့်သုံးသော မြန်မာနိုင်ငံအနေဖြင့် အပြည့်အဝနှင့် အဓိပ္ပါယ်ရှိစွာ ပါဝင်ပံ့ပိုးနိုင်ရေးဟူသည့် မိမိတို့၏ မျှော်မှန်းချက်များကိုလည်း ထပ်လောင်းအတည်ပြုပါသည်။ ငြိမ်းချမ်းပြီး တည်ငြိမ်သော မြန်မာနိုင်ငံ သည် မြန်မာပြည်သူလူထု၏ အကျိုးစီးပွားအတွက်သာမက အာဆီယံဒေသတစ်ခုလုံး၏ လုံခြုံရေး၊ စည်းလုံးညီညွတ်ရေးနှင့် သာယာဝပြောရေးအတွက်လည်း အခြေခံကျပါသည်။
၉။ အမျိုးသားညီညွတ်ရေးအစိုးရအနေဖြင့် ငြိမ်းချမ်းသော၊ ဖက်ဒရယ်ဒီမိုကရေစီစနစ် ကျင့်သုံး သော မြန်မာနိုင်ငံတော် ပေါ်ပေါက်ရေးအတွက် ခိုင်မာစွာသန္နိဋ္ဌာန်ချမှတ်ထားပြီး၊ ဒေသတွင်း တည်ငြိမ်ရေး၊ လူသားချင်းစာနာထောက်ထားမှုဆိုင်ရာ အကူအညီများပေးအပ်ရေးနှင့် မြန်မာပြည်သူတို့၏ ဂုဏ်သိက္ခာ ကို မြှင့်တင်ရေးဟူသော ဘုံရည်မှန်းချက်များကို ဖော်ဆောင်နိုင်ရန် အာဆီယံဥက္ကဋ္ဌ၊ အာဆီယံ သုံးနိုင်ငံ တွဲဖက်အဖွဲ့ (Troika)၊ အာဆီယံအထူးကိုယ်စားလှယ်၊ သက်ဆိုင်ရာ မိတ်ဖက်အဖွဲ့အစည်းများ အားလုံးနှင့် အပြုသဘောဆောင်စွာ ပူးပေါင်းဆောင်ရွက်သွားရန် အသင့်ရှိပါကြောင်း ဖော်ပြအပ်ပါသည်။
အမျိုးသားညီညွတ်ရေးအစိုးရ
နိုင်ငံခြားရေးဝန်ကြီးဌာန

NUG Myanmar

May 25, 2026, 01:22 AM

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
https://l.facebook.com/l.php?u=http://www.nugmyanmar.org/?fbclid=IwZXh0bgNhZW0CMTAAYnJpZBExUVR0aVZwUjZRVUVxMlhSVXNydGMGYXBwX2lkDzUxNDc3MTU2OTIyODA2MQABHqPJ3yOdmYn_NiyrsvYU3xJ0oug6NFhU4-QkLCl-gjaxCvjCscya3wTvSXYV_aem_aGPd5R0mVZLF1SrmAq23tw&h=AUC6PFz1ygQ2rjZmGK-mZ1g0j_P-IWmIMLGVBlnkN6tOcwifkL-mHeDPDKcqyDaF2EyofwAkjZDGyauVfPOUfmlfb-TuJQIn8PxqeEF_qJhctp16v0zPR7iQDAppy4EF3WHswtnUv4Zaq9y8&__tn__=-UK-R&c[0]=AUDtkzfjjZmkmK-8e1JKSEsCil6ZgGzM2nOhtJYFko_5RUnm7Fqz_VcNgJ3q1dGK4temBdpxFYG6B7SnN9aArvJc7TfIX_IebTJkxmLAFl_QVQf-gLu4i64mnU-Bc6q3DunzNCF-mQtY-WpBX3nS3v-JNv-oMg4YMhphsY0dYg
အာဆီယံနှင့် ရွေးကောက်ပွဲဆိုင်ရာ တရားဝင်မှုအပေါ် စစ်အုပ်စု၏ ပြောဆိုချက်များနှင့်ပတ်သက်၍ သဘောထားထုတ်ပြန်ချက်
(၂၀၂၆ ခုနှစ်၊ မေလ ၁၁ ရက်)
၁။ ရွေးကောက်ပွဲရလဒ်များကို "လျစ်လျူရှုထားသည်" ဟုစွပ်စွဲကာ ၎င်းတို့အား ဒေသတွင်း ထိတွေ့ဆက်ဆံမှုများမှ ဖယ်ကြဉ်ထားခြင်းအပေါ် အာဆီယံနှင့် နိုင်ငံတကာအသိုင်းအဝိုင်းအား ဝေဖန်ထားသည့် စစ်အုပ်စု၏ မကြာသေးမီက ထုတ်ပြန်ခဲ့သည့် ထုတ်ပြန်ချက်များကို အမျိုးသားညီညွတ်ရေးအစိုးရ အနေဖြင့် ပြင်းပြင်းထန်ထန် ကန့်ကွက်ရှုတ်ချအပ်ပါသည်။
၂။ ဤပြောကြားချက်များသည် များစွာ ရှေ့နောက်မညီဘဲ နိုင်ငံရေးအရ ရိုးသားမှုမရှိသည့် လုပ်ရပ်များသာ ဖြစ်ပါသည်။
၃။ ရွေးကောက်ပွဲရလဒ်များကို လေးစားရန် ယခုအခါတွင် တောင်းဆိုနေသော အဆိုပါ စစ်ခေါင်းဆောင်များသည် မြန်မာနိုင်ငံ၏ ၂၀၂၀ ပြည့်နှစ် အထွေထွေရွေးကောက်ပွဲမှ သောင်ပြိုကမ်းပြို အနိုင်ရရှိခဲ့သော ရွေးကောက်ပွဲရလဒ်များကို တရားမဝင် စစ်အာဏာသိမ်းရန် ကြိုးပမ်းမှုဖြင့် ပယ်ဖျက်ခဲ့သော အဖွဲ့အစည်း ဖြစ်ပါသည်။ ရွေးကောက်ခံခေါင်းဆောင်များကို ဆက်လက်ဖမ်းဆီး ချုပ်နှောင်ထားခြင်း၊ နိုင်ငံရေးပါတီများကို ဖိနှိပ်ခြင်း၊ သတင်းမီဒီယာများကို နှုတ်ပိတ်ခြင်းနှင့် နိုင်ငံတစ်ဝှမ်းရှိ အရပ်သားပြည်သူများအပေါ် ရည်ရွယ်ချက်ရှိရှိ အကြမ်းဖက်တိုက်ခိုက်မှုများ ကျူးလွန်နေသမျှ ကာလပတ်လုံး စစ်အုပ်စုအနေဖြင့် ဒီမိုကရေစီကို ကာကွယ်စောင့်ရှောက်နေပါသည်ဟု ပြောဆိုချက်များမှာ လုံးဝယုံကြည်လက်ခံနိုင်ဖွယ်မရှိပါ။
၄။ စစ်အုပ်စုအပေါ် ထားရှိသည့် အာဆီယံ၏ လက်ရှိရပ်တည်ချက်သည် အကြောင်းမဲ့ သက်သက် ပေါ်ပေါက်လာခြင်း မဟုတ်ဘဲ စစ်အုပ်စုအနေဖြင့် အာဆီယံဘုံသဘောတူညီချက် (၅) ရပ် (Five-Point Consensus)ကို အကောင်အထည်ဖော်ရန် လုံးဝ ပျက်ကွက်နေခြင်း၊ အားလုံးပါဝင်နိုင်သော နိုင်ငံရေး ဆွေးနွေးပွဲများ ဖော်ဆောင်ရန် ငြင်းဆန်နေခြင်းနှင့် မြန်မာပြည်သူများအပေါ် အကြမ်းဖက်တိုက်ခိုက်မှုများ ဆက်လက်ပြုလုပ်နေခြင်းတို့ကြောင့် ဖြစ်ပေါ်လာသည့် တိုက်ရိုက်အကျိုးဆက်ပင်ဖြစ်သည်။
၅။ မြန်မာပြည်သူလူထုသည် ဒီမိုကရေစီနည်းကျ ရွေးကောက်ပွဲများမှတစ်ဆင့် ၎င်းတို့၏ နိုင်ငံရေးဆန္ဒသဘောထားကို ရှင်းလင်းပြတ်သားစွာ ဖော်ပြခဲ့ပြီး ဖြစ်ပါသည်။ နိုင်ငံရေးအရ တရားဝင် မှုဆိုသည်မှာ စစ်အာဏာရှင်စနစ်နှင့် ကျယ်ပြန့်သော ပဋိပက္ခများအောက်တွင် အင်အားသုံးခြင်း၊ ဝါဒဖြန့်ခြင်း သို့မဟုတ် တင်းကျပ်စွာ ထိန်းချုပ်ကျင်းပသည့် လွတ်လပ်၍ တရားမျှတမှုမရှိသော အတုအယောင် ရွေးကောက်ပွဲ လုပ်ငန်းစဉ်များမှတစ်ဆင့် ဖန်တီးယူ၍ ရနိုင်မည်မဟုတ်ပါ။
၆။ ပြည်သူလူထုနှင့် နိုင်ငံတကာအသိုင်းအဝိုင်းက ယုံကြည်လက်ခံနိုင်သော ရွေးကောက်ပွဲတစ်ခု အဖြစ်သတ်မှတ်နိုင်ရန်မှာ လွတ်လပ်စွာ ထုတ်ဖော်ပြောဆိုခွင့်၊ နိုင်ငံရေးတွင် ပါဝင်ဆောင်ရွက်ခွင့်၊ မဲဆန္ဒရှင်များအတွက် လုံခြုံမှု၊ လွတ်လပ်သော အဖွဲ့အစည်းများနှင့် ပြည်သူလူထု၏ ယုံကြည်ကိုးစားမှုတို့ မရှိမဖြစ် လိုအပ်ပါသည်။ လက်ရှိ စစ်အာဏာရှင်အုပ်စု၏ စီမံအုပ်ချုပ်မှုအောက်တွင် အဆိုပါ အခြေအနေများအနက် မည်သည့်အချက်မျှ တည်ရှိနေခြင်းမရှိပါ။
၇။ ဒီမိုကရေစီအင်အားစုများ၊ တိုင်းရင်းသားလက်နက်ကိုင် တော်လှန်ရေးအဖွဲ့အစည်းများနှင့် မြန်မာပြည် သူလူထုတစ်ရပ်လုံး၏ ဆန္ဒသဘောထားများကို ဖယ်ကြဉ်ထားသော မည်သည့် နိုင်ငံရေး လုပ်ငန်းစဉ်မျိုးမဆို စစ်မှန်၍ ရေရှည်တည်တံ့သော ငြိမ်းချမ်းရေး၊ တည်ငြိမ်ရေးနှင့် တရားဝင်မှုတို့ကို ဖော်ဆောင်ပေးနိုင်မည် မဟုတ်ပါကြောင်း အမျိုးသားညီညွတ်ရေးအစိုးရအနေဖြင့် ထပ်လောင်း အတည်ပြုပါသည်။
၈။ သို့ဖြစ်ပါ၍ အာဆီယံ၊ ကုလသမဂ္ဂနှင့် နိုင်ငံတကာအသိုင်းအဝိုင်းအနေဖြင့် အနာဂတ် ဖက်ဒရယ် ဒီမိုကရေစီအသွင်ကူးပြောင်းရေးအတွက် မြန်မာပြည်သူလူထု၏ မျှော်မှန်းချက်များကို ဆက်လက်၍ အခိုင်အမာ ထောက်ခံပေးကြပါရန်နှင့် မည်သည့်တာဝန်ယူမှု၊ တာဝန်ခံမှုမျှမရှိဘဲ နိုင်ငံရေးအရ တရားဝင်မှု ရရှိရန် ကြိုးပမ်းနေသော စစ်အုပ်စု၏ လုပ်ရပ်များကို အသိအမှတ်မပြုရန် တိုက်တွန်း တောင်းဆိုအပ် ပါသည်။
၉။ မြန်မာနိုင်ငံရှိ နိုင်ငံရေးပြဿနာကို လုပ်ကြံဖန်တီးထားသော အကြောင်းအရာများ သို့မဟုတ် အတင်းအကျပ် ကျင်းပသော အတုအယောင် ရွေးကောက်ပွဲများမှတစ်ဆင့် ဖြေရှင်းနိုင်မည် မဟုတ်ဘဲ၊ တရားမျှတမှု၊ ဒီမိုကရေစီနှင့်ပြည်သူတို့၏ အချုပ်အခြာအာဏာအပေါ် အခြေခံသည့် အားလုံးပါဝင်နိုင်သော နိုင်ငံရေးအကူးအပြောင်းမှတစ်ဆင့်သာ အခြေခံကျကျ ဖြေရှင်းနိုင်မည် ဖြစ်ပါသည်။
အမျိုးသားညီညွတ်ရေးအစိုးရ

NUG Myanmar

May 25, 2026, 01:22 AM

📷 Photo

936

NUG Myanmar

May 25, 2026, 01:22 AM

The Republic of the Union of Myanmar
National Unity Government
http://www.nugmyanmar.org/?fbclid=IwZXh0bgNhZW0CMTAAYnJpZBExUVR0aVZwUjZRVUVxMlhSVXNydGMGYXBwX2lkDzUxNDc3MTU2OTIyODA2MQABHks3QUpNG-ZovNRs9OUDvmJ2IYnNQ5TE03tXG94Aiwg7_w3C6mAUvubUASLR_aem_MTM8jwWLw1lllbVj4GnqFQ
Statement Regarding the Military Junta's Remarks on ASEAN and Electoral Legitimacy
May 11, 2026
The National Unity Government strongly rejects recent statements made by the military junta criticizing ASEAN and the international community for allegedly “ignoring” the outcome of elections and excluding the junta from regional engagement.
These remarks are deeply contradictory and politically dishonest.
The same military leadership now calling for respect for electoral outcomes is the very institution that nullified the overwhelming results of Myanmar’s 2020 general election through an unlawful coup attempt. The junta cannot credibly claim to defend democracy while continuing to imprison elected leaders, suppress political parties, silence journalists, and wage violence against civilians across the country.
ASEAN’s current position toward the military junta did not arise arbitrarily. It is the direct consequence of the junta’s continued failure to implement the Five-Point Consensus, its refusal to pursue inclusive dialogue, and its ongoing attacks against the people of Myanmar.
The people of Myanmar have already clearly expressed their political will through democratic elections. Legitimacy cannot be manufactured through force, propaganda, or tightly controlled electoral exercises conducted under military rule and widespread conflict.
A credible election requires freedom of expression, political participation, security for voters, independent institutions, and public trust. None of these conditions currently exist under the junta’s administration.
The National Unity Government reiterates that any political process excluding democratic forces, ethnic resistance organizations, and the broader will of the Myanmar people cannot produce genuine peace, stability, or legitimacy.
We therefore call upon ASEAN, the United Nations, and the international community to remain firm in supporting the aspirations of the Myanmar people for a federal democratic future and to reject attempts by the military junta to seek political legitimacy without accountability.
The crisis in Myanmar will not be resolved through staged narratives or coercive elections, but through an inclusive political transition grounded in justice, democracy, and the sovereign will of the people.
National Unity Government of Myanmar

NUG Myanmar

May 25, 2026, 01:22 AM

📷 Photo

1,700

NUG Myanmar

May 25, 2026, 01:22 AM

MoHR (၅) နှစ်တာ ခရီးစဉ် - "ဘာလဲ၊ ဘယ်ကိုလဲ၊ ဘယ်သူ့အတွက်လဲ။”
MoHR ဟာ လွန်ခဲ့တဲ့ ၅ နှစ်ကစလို့ နွေဦးတော်လှန်ရေး ရဲ့ လူ့အခွင့်အရေးယန္တရားအဖြစ် တရားမျှတမှုအတွက် အခိုင်အမာ ခြေလှမ်းခဲ့ပါတယ်။ ဝန်ကြီးဌာနဟာ မြေပြင်က လူ့အခွင့်အရေးချိုးဖောက်မှုဖြစ်စဉ်ပေါင်း ၂၅,၄၈၅ ခု ကို အထောက်အထားခိုင်လုံစွာ မှတ်တမ်းတင်နိုင်ခဲ့ပြီး အဲ့ဒီအထဲက အလွန်ဆိုးရွားတဲ့ ဖြစ်စဉ် ၅၅၁ ခုကို သက်သေ အထောက်အထား အခိုင်အလုံ နဲ့ တရားဥပဒေအရ အရေးယူနိုင်အောင်ခိုင်မာတဲ့ အချက်အလက်တွေပါ ပေါင်းစပ်ပြီး နိုင်ငံတကာတရားစီရင်ရေးအတွက် IIMM ထံ ပေးပို့ထားပြီးဖြစ်သလို အာဂျင်တီးနား၊ ဂျာမနီနဲ့ အင်ဒိုနီးရှားအပါအဝင် နိုင်ငံ (၆) နိုင်ငံမှာ Universal Jurisdiction နဲ့ တရားစွဲဆိုနိုင်ရေးကိုလည်း အားစိုက်တွန်းအားပေးနေပါတယ်။
ဒါ့အပြင် တော်လှန်ရေးအင်အားစုတွေနဲ့ ပြည်သူလူထုအကြား လူ့အခွင့်အရေးစံနှုန်းတွေ ကိန်းဝပ်လာစေဖို့ သင်တန်းသားပေါင်း ၅,၃၀၀ ကျော်ကို အသိပညာပေး သင်ကြားပို့ချနိုင်ခဲ့ပါတယ်။
"ဘယ်ကိုဦးတည်နေတာလဲ" ဆိုတဲ့ မေးခွန်းအတွက် ဝန်ကြီးဌာနရဲ့ အဖြေကတော့ ကျူးလွန်သူတွေ တာဝန်ခံမှုရှိစေရေး (Accountability) နဲ့ လူ့အခွင့်အရေးကို အပြည့်အဝကာကွယ်ပေးမယ့် လွတ်လပ်တဲ့ "ပြည်ထောင်စုလူ့အခွင့်အရေးကော်မရှင် (UHRC)" ပေါ်ပေါက်လာရေးပဲ ဖြစ်ပါတယ်။ ပြည်သူလူထုနဲ့အတူ အမှန်တရားဘက်က ရပ်တည်ရင်း တရားမျှတတဲ့ အနာဂတ်သစ်ဆီကို ဆက်လက်လျှောက်လှမ်းသွားပါမယ်။
“ပြည်သူသာလျှင် အဓိကပါ”
မှတ်ချက် ။ စာသားနှင့်ပြုစုထားသည့် ဝန်ကြီးဌာနရဲ့ ငါးနှစ်မြောက်နှစ်ပတ်လည်အစီရင်ခံစာကို အောက်ဖေါ် ပြပါ link မှ လေ့လာဖတ်ရှုနိုင်သည်။
Full Report of 5th Anniversary - https://www.facebook.com/mohrmyanmar/posts/pfbid02B1fkBoGYQzdyb4Ar4Y2fwidAYp6NJkLRnzu8bwioQKx6sVdqsxvA2ZW83QAVd9Tsl?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=-UK-R
https://www.facebook.com/watch/hashtag/fifthanniversary/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R https://www.facebook.com/watch/hashtag/mohr/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R https://www.facebook.com/watch/hashtag/annualreport/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R
https://www.facebook.com/watch/hashtag/accountability/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R https://www.facebook.com/watch/hashtag/humanrights/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R https://www.facebook.com/watch/hashtag/defenders/?__cft__[0]=AZYhE7Mo3imeUWg9aiJGlX9RdW_kqklV1I4YKihbH1qGAKikrulJmsaawXSUHF88VZ6zkXnZEIcpMgYMBwcPKpTyXfSmCirDLzFUfdQnrNC4jJ-FrNfmY21ocp9O06zwMegfzTkJeFXPJuU3NI-s-ePAXA3RdgY0b2TBFspRYbEsbVxAwBEUkZGnDgLcbZ68cpGtdPC4u-JfwRhbXdKH4fYG&__tn__=*NK-R

NUG Myanmar

May 25, 2026, 01:22 AM

🎥 Video

2,050

NUG Myanmar

May 25, 2026, 01:22 AM

📷 Photo

ရဲဘော်တို့အနေနဲ့ စစ်ရေးအရှိန်အဟုန် မြင့်မားလာတာနဲ့အမျှ ပြည်သူလူထုအပေါ် ကာကွယ်စောင့်ရှောက်ပြီး ပြည်သူအားလုံးက ချစ်ခင်လေးစား ယုံကြည် အားကိုးရတဲ့၊လူ့အခွင့်အရေးနဲ့ စစ်ဘက်ဆိုင်ရာ ကျင့်ဝတ်တွေကို ခိုင်မြဲစွာ စောင့်ထိန်းနိုင်တဲ့ ပြည်သူ့ရင်သွေးများ ဖြစ်အောင် ကြိုးစားကြဖို့ မှာကြားလိုပါတယ်။ တော်လှန်ရေးကာလ ကြာရှည်လာတာနဲ့အမျှ လူထုကိုဝန်ထုပ်ဝန်ပိုး ဖြစ်စေမယ့် ကိစ္စရပ်တွေ၊ လူထုထောက်ခံမှု ကျဆင်းစေမယ့် လုပ်နည်းလုပ်ဟန်အမှားတွေကို လုံးဝ ရှောင်ကြဉ်ကြဖို့ အလေးအနက် တိုက်တွန်းချင်ပါတယ်။
မန်းဝင်းခိုင်သန်း
ပြည်ထောင်စုဝန်ကြီးချုပ်
PDF (၅) နှစ်ပြည့် မိန့်ခွန်းမှ ကောက်နုတ်ချက်

2,060

NUG Myanmar

May 25, 2026, 01:22 AM

📷 Photo

“တော်လှန်ပြည်သူများအနေဖြင့် လတ်တလော အခြေအနေများအပေါ် စိတ်ဓာတ်ကျဆင်းခြင်းမရှိဘဲ မိမိတို့၏ ခိုင်မာသော သန္နိဋ္ဌာန်၊ ပြင်းပြသော ယုံကြည်ချက်များဖြင့် တော်လှန်ရေးပန်းတိုင်သို့မရောက်မချင်း ဇွဲမလျှော့စတမ်း ဆက်လက်လက်တွဲ ဝိုင်းဝန်းပေးကြပါရန် လေးနက်စွာ တိုက်တွန်းနှိုးဆော်အပ်ပါသည်။ ကျွန်ုပ်ကိုယ်တိုင်နှင့်တကွ ကာကွယ်ရေးဝန်ကြီးဌာနမှ တာဝန်ရှိသူများသည် မြေပြင်ရှိ ရဲဘော်များနှင့်အတူ အမြဲတစေ အတူတကွ ရှိနေမည်ဖြစ်ပြီး၊ အာဏာရှင်စနစ်ကို အမြစ်ပြတ်ချေမှုန်းကာ အပြီးသတ်အောင်ပွဲကို မုချရယူပေးသွားမည် ဖြစ်ပါသည်။”
ရည်မွန်
ပြည်ထောင်စုဝန်ကြီး
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ
PDF (၅) နှစ်ပြည့် ဂုဏ်ပြုသဝဏ်လွှာမှ ကောက်နုတ်ချက်

2,240

NUG Myanmar

May 10, 2026, 02:12 PM

📷 Photo

ပြည်သူ့ကာကွယ်ရေးတပ်မတော် တည်ထောင်ခြင်း (၅) နှစ်ပြည့် အထိမ်းအမှတ်အဖြစ် အမျိုးသားညီညွတ်ရေးအစိုးရက သူရဲကောင်းဘွဲ့နှင့် ဆုတံဆိပ်များ ချီးမြှင့်သွားမည်ဖြစ်ကြောင်း အသိပေး ကြေငြာခြင်း
၂၀၂၆ ခုနှစ်၊ မေလ (၅) ရက်နေ့

555

NUG Myanmar

May 10, 2026, 02:12 PM

📷 Photo

ယနေ့ အချိန်အထိ မိမိတို့ရဲ့ အသက်နဲ့ ခန္ဓာကို ပေးဆပ်ခဲ့တဲ့ ပြည်သူ့ကာကွယ်ရေးတပ်မတော်သား အပေါင်းကို လေးနက်စွာ အသိအမှတ်ပြုကြောင်း ပြောကြားလိုပါတယ်။ ဒါ့အပြင် နွေဦးတော်လှန်ရေးသမိုင်းမှာ ပြည်သူ့ကာကွယ်ရေးတပ်မတော်ရဲ့ အခန်းကဏ္ဍကို ထင်ထင်ရှားရှား ရေးထွင်းပုံဖော်လာနိုင်ပြီဖြစ်ကြောင်း ပြောကြားလိုပါတယ်။ ပြည်သူ့ကာကွယ်ရေးတပ်မတော်သားတွေထဲမှာ၊ အသက်နဲ့ ခန္ဓာကို ပေးစွန့်ခဲ့ကြသူတွေရဲ့ မိသားစုဝင် တွေနဲ့၊ ထိခိုက်ဒဏ်ရာရရှိထားတဲ့ရဲဘော်‌ တွေကိုလည်း အချင်းချင်း ဝိုင်းဝန်းကူညီပေးကြဖို့ မေတ္တာရပ်ခံပါတယ်။ အမျိုးသားညီညွတ်ရေးအစိုးရအနေနဲ့လည်း ပြည်သူ့အစိုးရ ပီသစွာ ပြည်သူတော်လှန်ရေး ကို ဦးဆောင်ပြီး ပြည်သူ့ကာကွယ်ရေးတပ်မတော်နဲ့အတူ စစ်အာဏာရှင် စနစ် အမြစ်ပြတ် ချေမှုန်းရေးကို ပြတ်ပြတ်သားသား တိုက်ပွဲဝင်နေကြောင်း ပြောကြားလိုပါတယ်။
ဒူဝါလရှီးလ
နိုင်ငံတော်ယာယီသမ္မတ
PDF (၅) နှစ်ပြည့် မိန့်ခွန်းမှ ကောက်နုတ်ချက်

771

NUG Myanmar

May 10, 2026, 02:12 PM

တော်လှန်ပြည်သူများထံသို့ ပေးပို့သော (၅) နှစ်ပြည့် ဂုဏ်ပြုသဝဏ်လွှာ
​၂၀၂၆ ခုနှစ်၊ မေလ ၅ ရက်
(၁၃၈၈ ခုနှစ်၊ ကဆုန်လပြည့်ကျော် ၅ ရက်)
​ချစ်ကြည်လေးစားအပ်ပါသော တော်လှန်ပြည်သူအပေါင်းတို့ခင်ဗျား -
​ယနေ့သည် ပြည်သူ့ကာကွယ်ရေးတပ်မတော် (PDF) နှင့် ပြည်သူ့ကာကွယ်ရေးအဖွဲ့ (ပကဖ) တို့ကို စတင်တည်ထောင်ဖွဲ့စည်းခဲ့သည်မှာ (၅) နှစ်တိုင်တိုင် ပြည့်မြောက်ခဲ့ပြီ ဖြစ်ပါသည်။ လွန်ခဲ့သော (၅) နှစ်တာကာလကို ပြန်လည်စူးစမ်းကြည့်မည်ဆိုလျှင် လက်နက်မဲ့ ငြိမ်းချမ်းစွာ ဆန္ဒပြခဲ့ကြသည့် ပြည်သူများကို အကြမ်းဖက်စစ်ကောင်စီမှ ရက်ရက်စက်စက် ပစ်ခတ်ဖြိုခွင်းခဲ့ရာမှစ၍၊ မတရားမှုကို ခေါင်းငုံ့မခံလိုသော တော်လှန်လူငယ်များသည် တောတောင်ထဲသို့ ဝင်ရောက်ကာ မိမိတို့ရရှိနိုင်သော လက်လုပ်သေနတ်၊ တူမီးစသည်တို့ဖြင့် အသက်ကို ပဓာနမထားဘဲ ရဲရဲဝံ့ဝံ့ စတင်ခုခံခဲ့ကြပါသည်။ ထိုသို့သော ခက်ခဲကြမ်းတမ်းလှသည့် အခြေအနေမှသည် ယနေ့အချိန်အခါတွင် ခေတ်မီလက်နက်တပ်ဆင်ထားပြီး စစ်ရေးဗျူဟာကျကျ တိုက်ပွဲဝင်နိုင်သော ပြည်သူ့ကာကွယ်ရေးတပ်မတော်အဖြစ်သို့ ရောက်ရှိလာခြင်းသည် တော်လှန်ပြည်သူများ၏ သမိုင်းဝင် ကြိုးပမ်းမှုကြီးပင် ဖြစ်ပါသည်။
​တော်လှန်ပြည်သူများခင်ဗျား -
​ဤ (၅) နှစ်တာ ခရီးကြမ်းတစ်လျှောက်လုံးတွင် တော်လှန်ပြည်သူများ၏ မယိုင်လဲသော ထောက်ခံအားပေးမှု၊ ယုံကြည်ကိုးစားမှုနှင့် အဖက်ဖက်မှ ဝိုင်းဝန်းကူညီပံ့ပိုးမှုများသာ မရှိခဲ့လျှင် ကျွန်ုပ်တို့၏ တော်လှန်ရေးသည် ယနေ့ကဲ့သို့ အောင်မြင်မှုအဆင့်တစ်ခုသို့ ရောက်ရှိလာနိုင်မည် မဟုတ်ပါ။ စစ်ကောင်စီ၏ လူမဆန်သော ရွာလုံးကျွတ်မီးရှို့မှုများ၊ ဖမ်းဆီးသတ်ဖြတ်မှုများနှင့် လေကြောင်းရန်များကြားမှပင် မိမိတို့၏ ထမင်းလုပ်ကို ခွဲဝေကျွေးမွေးခဲ့ကြသော၊ ရရာနည်းလမ်းဖြင့် ရန်ပုံငွေများ ထည့်ဝင်လှူဒါန်းခဲ့ကြသော ပြည်သူများ၏ ကျေးဇူးတရားသည် တိုင်းထွာ၍ မရနိုင်လောက်အောင် ကြီးမားလှပါသည်။ အထူးသဖြင့် စစ်အာဏာရှင်စနစ် အမြစ်ပြတ်ရေးအတွက် မိမိတို့၏ ဘဝ၊ အိုးအိမ်နှင့် စည်းစိမ်များကို စွန့်လွှတ်အနစ်နာခံကာ တော်လှန်ရေးအင်အားစုများနှင့်အတူ ရေနှင့်ငါးပမာ တသားတည်း ရပ်တည်ပေးခဲ့ကြသော တော်လှန်ပြည်သူတစ်ရပ်လုံးကို ကာကွယ်ရေးဝန်ကြီးဌာနအနေဖြင့် ဦးညွှတ်ကာ အလေးအမြတ်ပြု ဂုဏ်ပြုအပ်ပါသည်။
​ထို့အတူပင် နွေဦးတော်လှန်ရေး၏ ရည်မှန်းချက်များ အောင်မြင်ရန်အတွက် မိမိအသက်နှင့် ခန္ဓာကို စွန့်လွှတ်ပေးဆပ်သွားခဲ့ကြသော အာဇာနည်သူရဲကောင်း ရဲဘော်များ၊ ယခုအချိန်အထိ ရှေ့တန်းစစ်မျက်နှာပြင် အသီးသီးတွင် အခက်အခဲပေါင်းများစွာကို ရင်ဆိုင်ကျော်လွှားပြီး တိုက်ပွဲဝင်နေကြဆဲဖြစ်သော ရဲဘော်ရဲဘက်များ၏ ကြီးမြတ်သော စွန့်လွှတ်အနစ်နာခံမှုများကိုလည်း ကျွန်ုပ်တို့ ဘယ်သောအခါမျှ မေ့ပျောက်မည် မဟုတ်ပါ။
​တော်လှန်ပြည်သူများခင်ဗျား -
​ကျွန်ုပ်တို့၏ ပြည်သူ့ကာကွယ်ရေးတပ်မတော်သည် ပြည်သူ့ရင်သွေးများဖြင့် ဖွဲ့စည်းထားသည့် တပ်မတော်ဖြစ်သည်နှင့်အညီ ပြည်သူ့ယုံကြည်မှုကို ထိန်းသိမ်းရန်မှာ အသက်တမျှ အရေးကြီးပါသည်။ (၅) နှစ်တာ ဖြတ်သန်းမှုအတွင်း အောင်မြင်မှုများ ရှိခဲ့သလို၊ စစ်ရေးအတွေ့အကြုံနှင့် ကျင့်ဝတ်စည်းကမ်းပိုင်းဆိုင်ရာ ထိန်းကျောင်းကွပ်ကဲမှု လိုအပ်ချက်များကြောင့် နေရာဒေသအချို့တွင် ပြည်သူလူထု၏ ယုံကြည်မှုကို အတိုင်းအတာတစ်ခုထိ ထိခိုက်စေခဲ့သည့် အမှားအယွင်းများ၊ ဟာကွက်များ ရှိခဲ့သည်ကိုလည်း ကျွန်ုပ်တို့ မျက်ကွယ်ပြုထားမည် မဟုတ်ပါ။ ဤအချက်များအပေါ် ကာကွယ်ရေးဝန်ကြီးဌာနအနေဖြင့် အထူးသတိပြု ဆန်းစစ်နေပြီး ထိရောက်သော အရေးယူဖြေရှင်းမှုများ ပြုလုပ်လျက်ရှိပါသည်။ နောင်တွင်လည်း ကွပ်ကဲမှုစနစ် ပိုမိုခိုင်မာအားကောင်းစေရန်၊ စစ်သည်တော်ကျင့်ဝတ်ကို တိကျစွာ လိုက်နာရန်နှင့် တော်လှန်ပြည်သူများကို အမှန်တကယ် အကာအကွယ်ပေးနိုင်သော ကျင့်ဝတ် စည်းကမ်းရှိသည့် တပ်မတော်ဖြစ်လာစေရန် ပြုပြင်ထိန်းကျောင်းမှုများကို ဆထက်ထမ်းပိုး အရှိန်အဟုန်မြှင့် ဆောင်ရွက်သွားမည်ဟု ပြည်သူလူထုရှေ့မှောက်တွင် ကတိသစ္စာပြုပါသည်။
​လက်ရှိ စစ်ရေးအခြေအနေများကို သုံးသပ်ရလျှင် ကျွန်ုပ်တို့ သိမ်းပိုက်ရရှိထားသည့် မြို့အချို့ကို ဗျူဟာအရ ယာယီစွန့်ခွာရမှုများ အပါအဝင် မြေပြင်တွင် အခက်အခဲများ၊ အတက်အကျများ ရှိနေမည်မှာ စစ်မက်ရေးရာ၏ သဘာဝပင် ဖြစ်ပါသည်။ သို့ရာတွင် လှေနံဓားထစ် စစ်ဗျူဟာများကို မသုံးဘဲ ရန်သူ့အခြေအနေနှင့် မိမိအင်အားအပေါ် မူတည်၍ ပြောင်းလွယ်ပြင်လွယ်ရှိသော ပြည်သူ့စစ်မဟာဗျူဟာများကို ကျင့်သုံးကာ တိုင်းရင်းသား လက်နက်ကိုင် မဟာမိတ်အဖွဲ့အစည်းများနှင့် ပိုမိုခိုင်မာစွာ လက်တွဲ၍ တိုက်ပွဲဝင်သွားမည် ဖြစ်ပါသည်။

NUG Myanmar

May 10, 2026, 02:12 PM

ထို့ကြောင့် တော်လှန်ပြည်သူများအနေဖြင့် လတ်တလော အခြေအနေများအပေါ် စိတ်ဓာတ်ကျဆင်းခြင်း မရှိဘဲ၊ မိမိတို့၏ ခိုင်မာသော သန္နိဋ္ဌာန်၊ ပြင်းပြသော ယုံကြည်ချက်များဖြင့် တော်လှန်ရေးပန်းတိုင်သို့ မရောက်မချင်း ဇွဲမလျှော့စတမ်း ဆက်လက်လက်တွဲ ဝိုင်းဝန်းပေးကြပါရန် လေးနက်စွာ တိုက်တွန်းနှိုးဆော်အပ်ပါသည်။ ကျွန်ုပ်ကိုယ်တိုင်နှင့်တကွ ကာကွယ်ရေးဝန်ကြီးဌာနမှ တာဝန်ရှိသူများသည် မြေပြင်ရှိ ရဲဘော်များနှင့်အတူ အမြဲတစေ အတူတကွ ရှိနေမည်ဖြစ်ပြီး၊ အာဏာရှင်စနစ်ကို အမြစ်ပြတ်ချေမှုန်းကာ အပြီးသတ်အောင်ပွဲကို မုချရယူပေးသွားမည် ဖြစ်ပါသည်။
​ပြည်သူ့တော်လှန်ရေးသည် ပြည်သူ့အင်အားဖြင့်သာ အောင်ရမည်ဖြစ်ပါကြောင်းနှင့် တော်လှန်ပြည်သူတစ်ရပ်လုံး ဘေးအန္တရာယ်ကင်းစင်ကာ မျှော်လင့်တောင့်တအပ်သော ဖက်ဒရယ်ဒီမိုကရေစီပန်းတိုင်သို့ မကြာမီ ရောက်ရှိပါစေကြောင်း ဆုမွန်ကောင်းတောင်းရင်း ဤ (၅) နှစ်ပြည့် သဝဏ်လွှာကို လေးစားစွာဖြင့် ပေးပို့အပ်ပါသည်။
​ပြည်သူ့တော်လှန်ရေး မုချအောင်ရမည်။
ရည်မွန်
ပြည်ထောင်စုဝန်ကြီး
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

640

NUG Myanmar

May 10, 2026, 02:12 PM

📷 Photo

443

NUG Myanmar

May 10, 2026, 02:12 PM

📷 Photo

352

NUG Myanmar

May 10, 2026, 02:12 PM

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
နိုင်ငံတော်သမ္မတရုံး
[email protected]
ပြည်သူ့ကာကွယ်ရေးတပ်မတော် (PDF) ဖွဲ့စည်းတည်ထောင်ခြင်း၊ (၅) နှစ်ပြည့်အထိမ်းအမှတ်နေ့တွင် အမျိုးသားညီညွတ်ရေးအစိုးရအဖွဲ့၏ ယာယီသမ္မတ ဒူဝါလရှီးလ ပြောကြားသည့် မိန့်ခွန်း
၂၀၂၆ ခုနှစ်၊ မေလ (၅) ရက်နေ့
ဒီနေ့ မေလ ၅ ရက်နေ့ဟာ ပြည်သူ့ကာကွယ်ရေးတပ်မတော် ဖွဲ့စည်းတည်ထောင်ခြင်း (၅) နှစ်ပြည့် မြောက်တဲ့ နေ့တစ်နေ့ ဖြစ်ပါတယ်။ ပြည်သူ့ကာကွယ်ရေးတပ်မတော်ဟာ ပြည်သူလူထုရဲ့ ဝမ်းကြာတိုက်ထဲကနေ မွေးဖွား သန့်စင်လာတဲ့ ပြည်သူ့တပ်မတော်ဖြစ်ပါတယ်။ ကျွန်တော်တို့ အားလုံးဟာ တော်လှန်ရေးခရီးကြမ်းတွေ ကိုလည်း အတူဖြတ်သန်းခဲ့ကြသလို၊ နိုင်ငံရေးလောကဓံ အနိမ့်အမြင့်တွေကိုလည်း အတူတူ ဖြတ်သန်း ကျော်ဖြတ်ခဲ့ကြပါတယ်။ ယနေ့အချိန်အထိ ကျော်ဖြတ် ကူးမြောက်ခဲ့တဲ့ တော်လှန်ရေးခရီးကြမ်းထဲမှာ၊ ကျွန်တော်တို့ပြည်သူ့ကာကွယ်ရေးတပ်မတော်ဟာ -- လက်နက်ကိုင်တော်လှန်ရေးသမိုင်းမှာ၊ မကြုံဖူးတဲ့ အောင်မြင်မှုအထွဋ်အထိပ်တွေကိုလည်း ရရှိခဲ့တာ တွေ့ရပါတယ်။ ဒါပေမယ့် လက်ရှိ အချိန်မှာ၊ ကျွန်တော်တို့ဟာ ပြည်သူလူထုတစ်ရပ်လုံး လိုလားတဲ့ ခရီးဆုံးပန်းတိုင်ကိုတော့ မရောက်သေးဘူးဆိုတာ သတိပြုရမှာဖြစ်ပါတယ်။
ကျွန်တော်တို့အနေနဲ့ လက်ရှိ အချိန်မှာ၊ ကြုံတွေ့နေရတဲ့ နိုင်ငံရေးစိန်ခေါ်ချက်တွေ အမြောက်အမြား ရှိနေသလို၊ စစ်ရေးအရ လက်လွှတ်ဆုံးရှုံးရမှု တချို့လည်း ခပ်စိပ်စိပ် ကြုံတွေ့နေကြရပါတယ်။ တော်လှန်ရေးရဲ့ သဘောဟာ အနိမ့်အမြင့် - အတက်အကျတွေ ရှိတတ်သလို၊ ရှေ့နှစ်လှမ်းတိုး - နောက်တစ်လှမ်း ဆုတ်ရတဲ့ ဖြစ်စဉ်မျိုးတွေလည်း ရှိတတ်ကြောင်း ပြောကြားလိုပါတယ်။ ဒါ့အပြင် နိုင်ငံရေးမိုးသက်မုန်တိုင်းကြားထဲမှာ ပြင်းထန်တဲ့ လှိုင်းတွေအပေါ် စီးနင်း ကျော်ဖြတ်ကြရတာတွေ လည်း ရှိနေတတ်ပါတယ်။ ကျွန်တော်တို့အနေနဲ့၊ မြေပြင်မှာ ဖြစ်ပေါ်နေတဲ့ အရှိပကတိတွေကို လျစ်လျှူရှုလို့ မရသလို၊ ကျွန်တော်တို့ အားလုံး မျှော်လင့်တဲ့ ရည်မှန်းချက်ပန်းတိုင်ကိုလည်း မျက်ခြေပြတ်လို့ မရဘူးလို့ ပြောချင်ပါတယ်။
သေချာတာ တစ်ခုကတော့ -- ကျွန်တော်တို့အားလုံး လုံ့လထုတ် ကြိုးစားရုန်းကန်ခဲ့တဲ့ တော်လှန်ရေး ခြေလှမ်းတွေဟာ -- ယနေ့ အချိန်အထိ “အလဟဿ မဖြစ်ခဲ့ဘူး” ဆိုတာ၊ ရဲရဲဝံ့ဝံ့ ပြောနိုင်ပါတယ်။ အားထုတ်မှုတိုင်းမှာ၊ ရလဒ်တွေ ရှိသလို၊ သက်ရောက်မှုတိုင်းမှာ ထိရောက်တဲ့ ခရီးလမ်းတွေကို လျှောက်လှမ်းနိုင်ခဲ့တာတွေ့ရပါတယ်။ ဒါပေမယ့်….တစ်ဖက်မှာလည်း/ ကျွန်တော်တို့ အားလုံးဟာ တော်လှန်ရေးတစ်ခုလုံးကို မြော်မြင်ပြီး၊ ဇွဲနပဲရှိရှိ ထပ်မံ ကျော်ဖြတ်ကြဖို့ --- အထူး လိုအပ်တယ်လို့ တိုက်တွန်းချင်ပါတယ်။
ကျွန်တော်တို့ရဲ့ တော်လှန်ရေးရဲဘော်တွေဖြစ်တဲ့ ပြည်သူ့ကာကွယ်ရေးတပ်မတော်သားအားလုံးဟာ စစ်အာဏာရှင်စနစ်ဆန့်ကျင်ရေးမှာ ခြေစုံရပ် ပါဝင်ထားကြတဲ့သူတွေ ဖြစ်ပါတယ်။ ပြည်သူ့ကာကွယ် ရေးတပ်မတော်သားတွေဟာ တစ်ဖက်မှာ တော်လှန်ရေးသမားတွေဖြစ်သလို၊ တစ်ဖက်မှာလည်း ပြည်သူ့အရေးတော်ပုံတပ်သားတွေအဖြစ် တာဝန်ယူထားကြရပါတယ်။ တော်လှန်ရေးအလွန်ကာလ တွေ ရောက်လာရင်လည်း၊ “တိုင်းပြုပြည်ပြုသမားတွေအဖြစ်” - ဖက်ဒရယ်ဒီမိုကရေစီနိုင်ငံတော်သစ် တည်ဆောက်ရေးမှာ ဆက်လက်ပါဝင်ကြရအုံးမှာဖြစ်ပါတယ်။ ဒါ့ကြောင့် ကျွန်တော်တို့ရဲ့ ရဲဘော်ရဲဘက် အားလုံးဟာ တော်လှန်ရေးကာလအတွင်းမှာ၊ မိမိတို့ရဲ့ အသိဉာဏ်ပညာကိုယ်ခံအားကို ဖြည့်တင်းရင်း ရဲရဲဝံ့ဝံ့ တိုက်ပွဲဝင်ကြဖို့ လေးနက်စွာ တိုက်တွန်းလိုပါတယ်။ နွေဦးတော်လှန်ရေး အရေးတော်ပုံတပ်သား အားလုံးဟာ ပြည်သူအားကိုးထိုက်တဲ့သူတွေဖြစ်ရမှာဖြစ်သလို / လူထုယုံကြည်ထိုက်တဲ့သူတွေလည်း ဖြစ်ဖို့ လိုပါတယ်။ ဒါ့အပြင် စည်းကမ်းသေဝပ်ပြီး၊ စနစ်ကျတဲ့ ပြည်သူ့တပ်မတော်တစ်ရပ်ကိုလည်း ပါဝင် တည်ဆောက်ကြဖို့ လိုပါတယ်။
ကျွန်တော်တို့ အမျိုးသားညီညွတ်ရေးအစိုးရအနေနဲ့ ပြည်သူ့အစိုးရကောင်းတစ်ရပ်ဖြစ်အောင် ကြိုးစားနေသလို၊ ပြည်သူ့ကာကွယ်ရေးတပ်မတော်အနေနဲ့လည်း ပြည်သူချစ်တဲ့ တပ်မတော်အဖြစ် အမြဲ ချီတက်နိုင်ဖို့ မျှော်လင့်ပါတယ်။ ကျွန်တော်တို့ လက်ရှိ ဖြတ်သန်းနေတဲ့ နွေဦးတော်လှန်ရေး - အရေးတော်ပုံကြီးဟာ၊ ဖြစ်မှု ပျက်မှုတွေ အင်မတန်မှ မြန်ဆန်ပါတယ်။ တက်လွယ်ကျလွယ်ဖြစ်စဉ် တွေလည်း များပြားလွန်းတာတွေ့ရပါတယ်။ တစ်ဖက်မှာလည်း သတ္တိ၊ ဗျတ္တိနဲ့ ဇွဲလုံ့လ၊ ဝီရိယတွေကို ထင်ထင်ရှားရှားတွေ့မြင်ရပါတယ်။ ယုံကြည်ချက် ထက်သန်ပြင်းပြမှုတွေက ဒီရေလှိုင်းလုံးကြီးတွေလို အရှိန်အဟုန် ပြင်းထန်တာကိုလည်း တွေ့မြင်ခဲ့ရပါတယ်။ ဒီလို အသွင်အပြင်တွေကို လူထုတစ်ရပ်လုံး မှာ တွေ့မြင်ခဲ့ရသလို၊ ပြည်သူ့ကာကွယ်ရေးတပ်မတော်သားအားလုံးထဲမှာလည်း ထင်ရှားစွာ မြင်တွေ့ နေရပါတယ်။ ကျွန်တော်တို့အနေနဲ့ -- နွေဦးတော်လှန်ရေးရဲ့ ဂုဏ်ဒြပ်ကို အမြင့်မားဆုံးအထိ ဆက်လက် ဖော်ဆောင်နိုင်ကြဖို့ လေးနက်စွာ တိုက်တွန်းချင်ပါတယ်။ ဒါ့အပြင် ပြည်သူ့တပ်မတော် သားကောင်း ပီသစွာနဲ့ နွေဦးတော်လှန်ရေးကို အလေးအမြတ် ဦးညွှတ်ကြဖို့ ဖြစ်ပါတယ်။

NUG Myanmar

May 10, 2026, 02:12 PM

နိဂုံးချုပ်အားဖြင့် ပြောကြားလိုတာကတော့ -- ယနေ့ အချိန်အထိ မိမိတို့ရဲ့ အသက်နဲ့ ခန္ဓာကို ပေးဆပ်ခဲ့တဲ့ ပြည်သူ့ကာကွယ်ရေးတပ်မတော်သား အပေါင်းကို၊ လေးနက်စွာ အသိအမှတ်ပြုကြောင်း ထပ်မံပြောကြားလိုပါတယ်။ ဒါ့အပြင် နွေဦးတော်လှန်ရေးသမိုင်းမှာ၊ ပြည်သူ့ကာကွယ်ရေးတပ်မတော်ရဲ့ အခန်းကဏ္ဍကို ထင်ထင်ရှားရှား ရေးထွင်းပုံဖော်လာနိုင်ပြီဖြစ်ကြောင်း ပြောကြားလိုပါတယ်။ ပြည်သူ့ကာကွယ်ရေးတပ်မတော်သားတွေထဲမှာ၊ အသက်နဲ့ ခန္ဓာကို ပေးစွန့်ခဲ့ကြသူတွေရဲ့ မိသားစုဝင် တွေနဲ့၊ ထိခိုက်ဒဏ်ရာရရှိထားတဲ့ ရဲဘော်‌တွေကိုလည်း အချင်းချင်း ဝိုင်းဝန်းကူညီပေးကြဖို့ မေတ္တာရပ်ခံ ပါတယ်။ ကျွန်တော်တို့ အမျိုးသားညီညွတ်ရေးအစိုးရအနေနဲ့လည်း ပြည်သူ့အစိုးရ ပီသစွာ၊ ပြည်သူ့တော်လှန်ရေးကို ဦးဆောင်ပြီး၊ ပြည်သူ့ကာကွယ်ရေးတပ်မတော်နဲ့အတူ -- စစ်အာဏာရှင်စနစ် အမြစ်ပြတ် ချေမှုန်းရေးကို၊ ပြတ်ပြတ်သားသား တိုက်ပွဲဝင်နေကြောင်း ပြောကြားရင်း နိဂုံးချုပ်အပ် ပါတယ်ခင်ဗျား….

586

NUG Myanmar

May 10, 2026, 02:12 PM

📷 Photo

318

NUG Myanmar

Apr 28, 2026, 12:57 AM

📷 Photo

အမျိုးသားညီညွတ်​ရေးအစိုးရ၏ (၅) နှစ်ပြည့်​နှစ်ပတ်လည်နေ့သို့ ပေးပို့သည့် သဝဏ်လွှာ
၂၀၂၆ ခုနှစ်၊ ဧပြီလ (၁၆) ရက်

2,830

NUG Myanmar

Apr 28, 2026, 12:57 AM

📷 Photo

1,590

NUG Myanmar

Apr 28, 2026, 12:57 AM

❝ အမျိုးသားညီညွတ်ရေးအစိုးရ ဖွဲ့စည်းတည်ထောင်ခြင်း (၅) နှစ်မြောက် နှစ်ပတ်လည်နေ့သို့ ပေးပို့သည့် ဂုဏ်ယူဝမ်းမြောက်ကြောင်း သဝဏ်လွှာ ❞
ရက်စွဲ ။ ။ ၂၀၂၆ ခုနှစ်၊ ဧပြီလ (၁၆) ရက်
၁။ ၂၀၂၀ ပြည့်နှစ် အထွေထွေ ရွေးကောက်ပွဲရလဒ်နှင့် ပြည်သူ့ဆန္ဒတို့ကို အခြေခံ၍ အမျိုးသား ညီညွတ်ရေး အစိုးရ (National Unity Government)ကို စတင် ဖွဲ့စည်းတည်ထောင်ခဲ့သည်မှာ ယနေ့ ၂၀၂၆ ခုနှစ်၊ ဧပြီလ (၁၆)ရက်တွင် (၅)နှစ်တိုင် ပြည့်မြောက်ခဲ့ပြီ ဖြစ်သည့်အတွက် ကျွန်ုပ်တို့ မကွေး ဖက်ဒရယ်ယူနစ် ကြားကာလအစိုးရက အထူးပင် ဂုဏ်ယူဝမ်းမြောက်မိပါသည်။
၂။ အမျိုးသားညီညွတ်ရေးအစိုးရသည် လွန်ခဲ့သော (၅) နှစ်တာကာလအတွင်း အာဏာရှင်စနစ် ဟူသမျှ အမြစ်ပြတ် ချုပ်ငြိမ်းရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးဟူသော သမိုင်းပေး တာဝန်များကို ခက်ခဲကြမ်းတမ်းသော အကန့်အသတ်နှင့် စိန်ခေါ်မှုများကြားမှ ပြည်သူ့အကျိုးကို ရှေးရှုကာ တစိုက်မတ်မတ် ဦးဆောင်မှုပေးခဲ့သည်ကို ကျွန်ုပ်တို့က လေးနက်စွာ အသိအမှတ်ပြု မှတ်တမ်းတင်ပါသည်။
၃။ ထိုသို့ ကြိုးပမ်းအားထုတ်ခဲ့ရာတွင် ဖက်ဒရယ်ဒီမိုကရေစီပြည်ထောင်စု၏ အခြေခံ အုတ်မြစ် ဖြစ်သည့် "ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ (Steering Council for the Emergence of a Federal Democratic Union - SCEF)" ပေါ်ပေါက်လာစေရန် အမျှော်အမြင် ရှိစွာဖြင့် အင်တိုက်အားတိုက် ညှိနှိုင်းဆောင်ရွက်နိုင်ခဲ့မှုအပေါ် ကျွန်ုပ်တို့အနေဖြင့် အထူးပင် ဂုဏ်ယူ ဝမ်းမြောက်ပါသည်။ SCEF ပေါ်ပေါက်လာခြင်းသည် ဖက်ဒရယ်စနစ်ကို လက်တွေ့ကျကျ အကောင်အထည်ဖော်ရန်နှင့် တိုင်းရင်းသားလူမျိုးပေါင်းစုံ စုစည်းညီညွတ်သော နိုင်ငံရေး အခင်းအကျင်းသစ် တစ်ရပ် တည်ဆောက်ရန်အတွက် အလွန်အရေးပါသော သမိုင်းဝင် ခြေလှမ်းသစ် တစ်ခု ဖြစ်သည်ဟု ကျွန်ုပ်တို့က အခိုင်အမာ ယုံကြည်ပါသည်။
၄။ ကျွန်ုပ်တို့ မကွေးဖက်ဒရယ်ယူနစ် ကြားကာလအစိုးရအနေဖြင့်လည်း ပြည်ထောင်စု အစိုးရဖြစ်သည့် အမျိုးသားညီညွတ်ရေး အစိုးရ အပါအဝင် အခြားသော တော်လှန်ရေး အဖွဲ့အစည်းများ၊ မဟာမိတ်အင်အားစုများ အားလုံးနှင့်အတူ တော်လှန်ရေးပန်းတိုင်သို့ မရောက်မချင်း တူညီသော ဘုံရည်မှန်းချက်၊ ခိုင်မာသော သန္နိဋ္ဌာန်တို့ဖြင့် အတူတကွ လက်တွဲ တိုက်ပွဲဝင်သွားမည် ဖြစ်ကြောင်း ဤသဝဏ်လွှာဖြင့် ထပ်လောင်း ကတိပြုအပ်ပါသည်။
မကွေးဖက်ဒရယ်ယူနစ်ကြားကာလအစိုးရ

NUG Myanmar

Apr 28, 2026, 12:57 AM

📷 Photo

3,140

NUG Myanmar

Apr 28, 2026, 12:57 AM

📷 Photo

ကျွန်တော်တို့ ဖြတ်သန်းချီတက်လာခဲ့ကြတဲ့ (၅) နှစ်တာ၊ အချိန်ကာလမှာ - အောင်မြင်သော တော်လှန်ရေးဖြစ်ရပ်တွေကို ဖန်တီးနိုင်ခဲ့သလို၊ အောင်မြင်ဖို့ ကြိုးစားနေဆဲ အခြေအနေတွေကိုလည်း ဖြတ်သန်းနေရပါတယ်။ တစ်ဖက်မှာလည်း ခရီးဆုံးပန်းတိုင်အထိ ရောက်အောင် လျှောက်လှမ်းရင်း၊ စိန်ခေါ်ချက် အမျိုးမျိုးနဲ့လည်း ကြုံတွေ့နေရကြောင်း၊ ပြည်သူလူထုတစ်ရပ်လုံးကို ပွင့်ပွင့်လင်းလင်း ဝန်ခံလိုပါတယ်။ အထူးသဖြင့် ကျွန်တော်တို့ နိုင်ငံရဲ့ ပထဝီနိုင်ငံရေးအကျပ်အတည်းနဲ့ သမိုင်းဆိုင်ရာ နာကျည်းချက်တွေကို ခက်ခက်ခဲခဲ ကျော်ဖြတ်ဖို့ ကြိုးစားခဲ့ရပါတယ်။ လက်ရှိအချိန်မှာလည်း ကမ္ဘာ့နိုင်ငံရေး အခြေအနေတွေရဲ့ သက်ရောက်မှု ကြောင့်၊ ကျွန်တော်တို့ နိုင်ငံရဲ့ ပြည်တွင်းရေး အခြေအနေကိုလည်း ရိုက်ခတ်နေတာတွေ အမြောက်အမြား ရှိနေပါတယ်။
ဒူဝါလရှီးလ
နိုင်ငံတော်ယာယီသမ္မတ
အမျိုးသားညီညွတ်ရေးအစိုးရဖွဲ့စည်းခြင်း (၅)နှစ်ပြည့် မိန့်ခွန်းမှ ကောက်နုတ်ချက်

1,470

NUG Myanmar

Apr 28, 2026, 12:57 AM

🎥 Video

"(၇) ကြိမ်မြောက် မြန်မာနိုင်ငံဆိုင်ရာ ကွန်ဂရက်လွှတ်တော် ဆွေးနွေးပွဲသို့ ပြည်ထောင်စုဝန်ကြီးချုပ် မန်းဝင်းခိုင်သန်း က ပေးပို့သော အဖွင့်နှုတ်ခွန်းဆက်မိန့်ခွန်း"
၂၀၂၆ ခုနှစ် ၊ ဧပြီလ ၁၆ ရက်နေ့
“Opening Remarks – BRI’s 7th Congressional Briefing on Burma “
Mahn Win Khaing Thann
Prime Minister of the National Unity Government
16 April 2026

1,770

NUG Myanmar

Apr 28, 2026, 12:57 AM

အမျိုးသားညီညွတ်ရေးအစိုးရ ဟာ ၅ နှစ်တာကာလအတွင်း တော်လှန်ရေးကို ဦးဆောင်လာခဲ့ရာမှာ ကျွန်တော်တို့ရဲ့ ခေါင်းဆောင် များဖြစ်ကြတဲ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော်သမ္မတကြီး ဦးဝင်းမြင့် နဲ့တကွ မတရားဖမ်းဆီး ထိန်းသိမ်းခံထားရတဲ့ နိုင်ငံရေးအကျဉ်းသားအားလုံးရဲ့ အခြေအနေကို တစ်မိနစ်တစ်စက္ကန့်မျှ မေ့လျော့ခြင်းမရှိကြောင်း အလေးအနက်ပြောကြားလိုပါ တယ်။ စစ်အုပ်စုဟာ ကျွန်တော်တို့ရဲ့ ခေါင်းဆောင်တွေကို မတရားပုဒ်မတွေတပ်ပြီး ချုပ်နှောင် ထားနိုင်ပေမဲ့ သူတို့ရဲ့ စိတ်ဓာတ်နဲ့ ပြည်သူ့အပေါ်ထားတဲ့ မေတ္တာတွေကိုတော့ ဘယ်တော့မှ ပိတ်လှောင်ထားနိုင်မှာမဟုတ်ပါဘူး။ ကျွန်တော်တို့ရဲ့ ခေါင်းဆောင်ကြီးများနဲ့တကွ နွေဦးတော်လှန် ရေးအတွင်း မတရားဖမ်းဆီးခံထားရသူအားလုံးကို 'ချွင်းချက်မရှိ အမြန်ဆုံးလွှတ်ပေးဖို့' ပြတ်ပြတ်သားသား တောင်းဆိုပါတယ်။ သူတို့အားလုံး အမြန်ဆုံး ပြန်လည်လွတ်မြောက်လာရေး ဟာ ကျွန်တော်တို့ တော်လှန်ရေးရဲ့ အဓိကတာဝန်တစ်ခုဖြစ်သလို၊ သူတို့ရဲ့ အနစ်နာခံမှုတွေ ဟာလည်း ကျွန်တော်တို့အတွက် အားမလျော့တမ်း ရှေ့ဆက်ဖို့ ခွန်အားတွေပဲဖြစ်ပါတယ်။
ဒူဝါလရှီးလ
နိုင်ငံတော်ယာယီသမ္မတ
အမျိုးသားညီညွတ်ရေးအစိုးရဖွဲ့စည်းခြင်း (၅)နှစ်ပြည့် မိန့်ခွန်းမှ ကောက်နုတ်ချက်

1,580

NUG Myanmar

Apr 28, 2026, 12:57 AM

📷 Photo

1,030

NUG Myanmar

Apr 28, 2026, 12:57 AM

အမျိုးသားညီညွတ်ရေးအစိုးရ ဖွဲ့စည်းတည်ထောင်ခြင်း (၅) နှစ်မြောက်နေ့သို့ ပေးပို့သောသဝဏ်လွှာ
၂၀၂၆ ခုနှစ်၊ ဧပြီလ ၁၆ ရက်
၁။ ၂၀၂၁ ခုနှစ်၊ ဧပြီလ (၁၆) ရက်နေ့တွင် ၂၀၂၀ ပြည့်နှစ် အထွေထွေရွေးကောက်ပွဲရလဒ်နှင့် ပြည်သူ့ဆန္ဒကိုအခြေခံ၍ စတင်ဖွဲ့စည်းခဲ့သော အမျိုးသားညီညွတ်ရေးအစိုးရ (NUG) သည် ယနေ့အချိန်တွင် (၅) နှစ် ပြည့်မြောက်ခဲ့ပြီ ဖြစ်ပါသည်။ ဤ (၅) နှစ်တာ တော်လှန်ရေးခရီးအတွင်း အမျိုးသားညီညွတ်ရေးအစိုးရအနေဖြင့် ပြည်တွင်း၊ ပြည်ပ နိုင်ငံရေးစိန်ခေါ်မှုများကြားမှ တော်လှန်ရေး၏ ဦးဆောင်မှုအခန်းကဏ္ဍတွင် ပါဝင်နိုင်ခဲ့ခြင်းအပေါ် ပြည်ထောင်စုလွှတ်တော်ကိုယ်စားပြုကော်မတီအနေဖြင့် လေးစားဂုဏ်ယူကြောင်း ဖော်ပြအပ်ပါသည်။
၂။ အမျိုးသားညီညွတ်ရေးအစိုးရ (NUG) အနေဖြင့် တော်လှန်ရေးခရီးလမ်းတစ်လျှောက် စိန်ခေါ်မှုအခက်အခဲပေါင်းများစွာကို ရင်ဆိုင်ကျော်ဖြတ်ကာ ပြည်သူ့အာဏာကို ပြည်သူ့ထံ ပြန်လည်အပ်နှံနိုင်ရေးအတွက် တိုင်းရင်းသားတော်လှန်ရေးအင်အားစုများ၊ ပြည်သူ့ကာကွယ်ရေးတပ်ဖွဲ့များနှင့် အခြားတော်လှန်ရေးအင်အားစုအသီးသီးတို့နှင့်အတူ စစ်ရေးနှင့် နိုင်ငံရေးဟန်ချက်ညီညီဖြင့် ပူးပေါင်းဆောင်ရွက်နိုင်ခဲ့ခြင်းသည် (၅) နှစ်တာကာလအတွင်း ရရှိခဲ့သော အကြီးမားဆုံးအောင်မြင်မှုများပင်ဖြစ်ပါသည်။ အထူးသဖြင့် အမျိုးသားညီညွတ်ရေးအစိုးရအနေဖြင့် စိုးမိုးနယ်မြေများ၌ ပြည်သူ့အုပ်ချုပ်ရေး၊ တရားစီရင်ရေး၊ ပညာရေးနှင့် ကျန်းမာရေးကဏ္ဍများကို လက်တွေ့ကျကျ ဖော်ဆောင်နိုင်ခြင်းသည် နိုင်ငံတကာမျက်နှာစာ၌ အစိုးရတစ်ရပ်၏ တာဝန်ယူမှု၊ တာဝန်ခံမှုကို အခိုင်အမာ သက်သေပြနိုင်ခဲ့ခြင်းဖြစ်ပါသည်။ ထိုကဲ့သို့သော ကြိုးပမ်းအားထုတ်မှုများသည် စစ်အာဏာရှင်စနစ် အမြစ်ပြတ်ရေးအတွက်သာမက အနာဂတ်ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးအတွက် ခိုင်မာသော အုတ်မြစ်များ ချနိုင်ခဲ့ခြင်းဖြစ်သည့်အတွက် ဂုဏ်ပြုမှတ်တမ်းတင်အပ်ပါသည်။
၃။ ထို့အပြင် အမျိုးသားညီညွတ်ရေးအစိုးရအနေဖြင့် ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ (SCEF) ပေါ်ပေါက်လာရေးအတွက် အင်အားစုအသီးသီးမှ ဘုံရည်မှန်းချက်တူညီသော အဖွဲ့အစည်းများကို ပေါင်းစည်းကာ အစပြုနိုင်ခဲ့သည့်အတွက် အထူးပင် လေးစားဂုဏ်ယူမိပါသည်။ ဤကောင်စီ ပေါ်ပေါက်လာခြင်းသည် တော်လှန်ရေးအင်အားစုများအကြား နိုင်ငံရေးအရ အပြန်အလှန် ယုံကြည်မှုကို လက်တွေ့ကျကျ သက်သေပြလိုက်ခြင်းဖြစ်သကဲ့သို့ အနာဂတ် ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် လိုအပ်သော စုပေါင်းခေါင်းဆောင်မှု မဏ္ဍိုင်ကို ခိုင်မာစွာ တည်ဆောက်နိုင်ခဲ့ခြင်းလည်း ဖြစ်ပါသည်။
၄။ စစ်အာဏာရှင်စနစ်ဆိုးကို တိုက်ဖျက်ရာတွင် စစ်ရေးအရ ညီညွတ်ရုံသာမက နိုင်ငံရေးအရပါ တစ်သံတည်းထွက်ကာ ဟန်ချက်ညီညီ ဦးဆောင်နိုင်မည့် နိုင်ငံရေးဦးဆောင်မှုယန္တရားကို ဖော်ဆောင်နိုင်ခြင်းသည် တော်လှန်ရေး၏ အလှည့်အပြောင်းမှတ်တိုင်တစ်ခုဖြစ်ပြီး ပြည်သူလူထု မျှော်လင့်တောင့်တသည့် ဖက်ဒရယ်ဒီမိုကရေစီပြည်ထောင်စုဆီသို့ အရောက်လှမ်းနိုင်မည့် မဟာဗျူဟာမြောက် အောင်မြင်မှုပင်ဖြစ်ပါသည်။ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) အနေဖြင့် ကျန်ရှိနေသော အခြားသော တိုင်းရင်းသားတော်လှန်ရေးအင်အားစုများ အားလုံးနှင့်လည်း ပိုမိုစုစည်းညီညွတ်သော နိုင်ငံရေးပေါင်းစည်းမှုများကို ဆက်လက်ဖော်ဆောင်သွားနိုင်မည်ဟု ယုံကြည်မျှော်လင့်ပါသည်။
၅။ မိမိတို့ တော်လှန်ရေးအင်အားစုအားလုံးသည် မတူကွဲပြားသော အင်အားစုများ ဖြစ်ကြသော်လည်း ဖက်ဒရယ်ဒီမိုကရေစီပြည်ထောင်စုဟူသော ဘုံရည်မှန်းချက်ပန်းတိုင်ကို မျက်နှာမူကာ ချီတက်နေကြခြင်းဖြစ်ပါသည်။ မိမိတို့၏ ညီညွတ်မှုအားမာန်သည်သာလျှင် အနာဂတ်ဖက်ဒရယ် ဒီမိုကရေစီပြည်ထောင်စုဆီသို့ အမြန်ဆုံး ပို့ဆောင်ပေးမည်ဖြစ်ပါသည်။
၆။ ပြည်ထောင်စုလွှတ်တော်ကိုယ်စားပြုကော်မတီသည် ပြည်သူ့ဆန္ဒကို ကိုယ်စားပြုသည့်အတွက် နိုင်ငံရေးအရ တရားဝင်မှုကိုပေးစွမ်းပြီး အမျိုးသားညီညွတ်ရေးအစိုးရသည် ထိုတရားဝင်မှုကို အခြေခံ၍ အုပ်ချုပ်ရေးစွမ်းဆောင်ရည်ကို ဖော်ဆောင်ကာ ထိုမဏ္ဍိုင်နှစ်ရပ်အကြား အပြန်အလှန်ထိန်းကျောင်းခြင်းနှင့် ပူးပေါင်းဆောင်ရွက်ခြင်းများကို လုပ်ဆောင်ရပါသည်။ လွှတ်တော်၏ နိုင်ငံရေးအရ ထိန်းကျောင်းမှုနှင့် အစိုးရ၏ လက်တွေ့အကောင်အထည်ဖော်မှုတို့ ဟန်ချက်ညီညီ ယှဉ်တွဲနေမှသာလျှင် တော်လှန်ရေးခရီးလမ်းသည် တည့်မတ်မှန်ကန်ပြီး လိုရာပန်းတိုင်သို့ ရောက်ရှိမည်ဖြစ်ပါသည်။
၇။ ထို့ကြောင့် စစ်အာဏာရှင်စနစ် အပြီးတိုင်ချုပ်ငြိမ်း၍ ပြည်သူ့အာဏာ ပြည်သူ့ထံ ပြန်လည်ရောက်ရှိသည်အထိ ပြည်ထောင်စုလွှတ်တော်ကိုယ်စားပြုကော်မတီသည် အမျိုးသားညီညွတ်ရေးအစိုးရနှင့်အတူ မယိုင်မလဲ ဆက်လက်ရပ်တည်သွားမည်ဖြစ်ပါသည်။ အမျိုးသားညီညွတ်ရေးအစိုးရ (NUG) အနေဖြင့် မတူကွဲပြားသော အင်အားစုများအကြား အပြန်အလှန် ယုံကြည်လေးစားမှုကို အခြေခံ၍ အနာဂတ် ဖက်ဒရယ်ဒီမိုကရေစီပြည်ထောင်စုကြီး၏ ခိုင်မာသော မဏ္ဍိုင်တစ်ခုအဖြစ် ဆက်လက်ဝင့်ထည်နိုင်ပါစေကြောင်း ဆန္ဒပြုလျက် ဤသဝဏ်လွှာအား ပေးပို့အပ်ပါသည်။
ပြည်ထောင်စုလွှတ်တော်ကိုယ်စားပြုကော်မတီ
https://crphmyanmar.org/.../message-on-5th-anniversary.../

NUG Myanmar

Apr 28, 2026, 12:57 AM

📷 Photo

985

NUG Myanmar

Apr 13, 2026, 11:55 AM

"Shared Sovereignty" between the federal and state/unit levels, alongside
"Collective Leadership" among ethnic revolutionary organizations (EROs),
democratic forces, and people's representatives, will serve as a robust foundation for building a new Federal Democratic Union. This union will ensure national equality and the full right to self-determination.
4. As CDM civil servants who have consistently rejected and revolted against every mechanism of the military dictatorship, we believe the emergence of the SCEF represents a transformative political landscape. By providing legitimate leadership to coordinate the military and political movements of various revolutionary organizations, the SCEF will accelerate the total collapse of the autocratic system.
5. To achieve our common goal of establishing a new Federal Democratic Union, all CDM civil servants from our eight local based councils pledge to participate to the best of our ability in our respective roles. We are committed to following the policy guidelines of the SCEF to ensure a swift revolutionary victory and the successful implementation of transitional arrangements.
Jointly Issued By:
(1) Kachin State CDM Civil Servants Council (KSCCSC)
(2) Karenni State Civil Servants CDM Council (KSCSC-CDM)
(3) Sagaing Federal Unit CDM Civil Servants Council (CCSC-SFU)
(4) Bago Region CDM Civil Servant Council (BRCC)
(5) Mandalay Civil Disobedience Movement Organization (MCDMO)
(6) Mon State CDM Civil Servants Council (CCSC-MON)
(7) Yangon Federal Unit CDM Civil Servants Organization (YFCCO)
(8) Shan State CDM Council (Pre Founding

1,910

Showing 30 of 40 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

NUG Myanmar

NUG Myanmar

Ranking

Participant Growth (Last 8 Days)

Latest Posts

Rating

User Reviews (0)

Related Telegram Channels

ІПСА АБІТ • IASA ABIT 2026

MP BOARD EXAM 2026

Maths By Gagan Pratap

U.S. Department of Justice

Casa Rusa en Buenos Aires🇦🇷

RabisirGeography

Fx Replay

LMT Government Jobs

Related Telegram Channels

ІПСА АБІТ • IASA ABIT 2026

MP BOARD EXAM 2026

Maths By Gagan Pratap

U.S. Department of Justice

Casa Rusa en Buenos Aires🇦🇷

RabisirGeography

Fx Replay

LMT Government Jobs

User Reviews (0)

Latest Posts