Ministry of Trade and Regional Integration-Ethiopia

Ministry of Trade and Regional Integration-Ethiopia

Public

Can't Join? @motri_gov_et

0

20.9k Members

Updated: May 13, 2026 at 2:02 PM

Ministry of Trade and Regional Integration-Ethiopia

An Official Channel of Ministry of Trade and Regional Integration. ይህ የንግድና ቀጣናዊ ትስስር ሚኒሰቴር ኦፊሴላዊ ቻናል ነው።

@motri_gov_et offers specialized information about official and trade for subscribers interested in Government Exams

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 8 Days)

Total: 20.9K

24h growth: +123 1%

Loading posts...

Rating

Login required

Loading reviews...

Loading recommended channels...

Latest Posts

Ministry of Trade and Regional Integration-Ethiopia

May 26, 2026, 12:39 AM

📷 Photo

"የንግድ አሠራርን በማዘመን፤ ለትውልድ የሚሻገር የተቋም ግንባታ በዕውን እየተገበረ ነው" ክቡር ካሳሁን ጎፌ (ዶ/ር)

የንግድና ቀጣናዊ ትስስር ሚኒስቴር የንግድ ዘርፍ ሪፎርም ዐቢይ ኮሚቴ፣ በሪፎርሙ ንዑስ ኮሚቴዎች የተከናወኑ የሥራ አፈጻጸሞችን በዛሬው ዕለት ገምግሟል።

የንግድና ቀጣናዊ ትስስር ሚኒስትር ክቡር ዶ/ር ካሳሁን ጎፌ በግምገማ መድረኩ ላይ እንደገለጹት፤ የንግድ ዘርፍ ሪፎርሙ የሕግና የመመሪያ ማሻሻያዎችን ከማድረግ ባሻገር፣ ንግድን በማሳለጥ ዘላቂ የኢኮኖሚ ዕድገት ለማምጣት አሠራሩን በቴክኖሎጂ እና በግልጽነት ላይ እንዲመሠረት በማድረግ፣ ጠንካራ ተቋማትንና ትውልድ ተሻጋሪ ሥርዓትን የመገንባት ሂደት መሆኑን አጽንኦት ሰጥተዋል።

በግምገማውም፣ ንዑስ ኮሚቴው እስካሁን ያከናወናቸው ሥራዎች አበረታች መሆናቸው የተገለጸ ሲሆን፣ በቀጣይ የሚከናወኑ ተግባራት በተያዘላቸው የጊዜ ገደብ እንዲጠናቀቁ ዐቢይ ኮሚቴው ጥብቅ አቅጣጫ አስቀምጧል።

በተጨማሪም ክቡር ሚኒስትሩ፣ በሪፎርሙ ትግበራ ሂደት ውስጥ ለሠራተኞችና ለተገልጋዮች ምቹ የሥራ ከባቢን የሚፈጥሩ ተግባራት በልዩ ትኩረት ተፈጻሚ እንዲሆኑ አቅጣጫ ሰጥተዋል።

2,110

7

0

Ministry of Trade and Regional Integration-Ethiopia

May 26, 2026, 12:39 AM

📷 Photo

በንግድና ቀጣናዊ ትስስር ሚኒስቴር በሳምንቱ የተከናወኑ አበይት ክንውኖች #በዜና_መጽሔት

#Ethiopian_MoTRI

1,020

6

Ministry of Trade and Regional Integration-Ethiopia

May 26, 2026, 12:39 AM

📷 Photo

2,990

7

0

Ministry of Trade and Regional Integration-Ethiopia

May 10, 2026, 11:13 PM

📷 Photo

2,120

2

0

Ministry of Trade and Regional Integration-Ethiopia

May 10, 2026, 11:13 PM

📷 Photo

የንግድና ቀጣናዊ ትስስር ሚኒስቴር ሚኒስትር ክቡር ካሳሁን ጎፌ (ዶ/ር) ከዓለም አቀፍ የገንዘብ ፈንድ (IMF) የልዑካን ቡድን ጋር ተወያዩ።

(ሚያዝያ 30 ቀን 2018 ዓ.ም.) የንግድና ቀጣናዊ ትስስር ሚኒስቴር ሚኒስትር ክቡር ካሳሁን ጎፌ (ዶ/ር) ከዓለም አቀፍ የገንዘብ ፈንድ (IMF) የልዑካን ቡድን ጋር በሀገሪቱ የንግድ ዘርፍ ሪፎርም ትግበራ ሂደትና በትብብር በሚከናወኑ ተግባራት ዙሪያ ውጤታማ ውይይት አድርገዋል።

በውይይቱ ወቅት በኢትዮጵያ እየተተገበረ ያለው የማክሮ ኢኮኖሚ ሪፎርም እና የአይ.ኤም.ኤፍ የድጋፍ ፕሮግራሞች መሰረታዊ የኢኮኖሚ ሽግግርን ከማረጋገጥ አንጻር ያለባቸው የትግበራ ምዕራፎች መዳሰሳቸውን ሚኒስትሩ አብራርተዋል።

ኢትዮጵያ በተለይም በግሉ ዘርፍ የሚመራ የንግድ ሥርዓትን እውን ለማድረግ በወሰደቻቸው ወሳኝ እርምጃዎች፣ የገበያ ተወዳዳሪነትን በማጎልበትና የኢኮኖሚ እድገትን በማፋጠን ረገድ ተጨባጭ ውጤቶች እየተመዘገቡ መሆኑን ክቡር ሚኒስትሩ ገልጸዋል።

በተጨማሪም የሪፎርሙ ትግበራ የሀገሪቱን የገበያ ዕድሎች በማስፋት፣ ቀጣናዊና ዓለም አቀፍ የንግድ ትስስሮችን ይበልጥ በማጠናከር ረገድ እያሳየ ያለው ከፍተኛ እመርታ መመዝገቡን በቀጣይ በሚከናወኑ የትብብር መስኮችና ለላቀ ውጤት በጋራ በሚሰሩባቸው ጉዳዮች ዙሪያ መግባባት ላይ መደረሱ ተገልጿል።

1,720

Ministry of Trade and Regional Integration-Ethiopia

May 10, 2026, 11:13 PM

📷 Photo

ኢትዮጵያና አዘርባጃን የንግድና የኢኮኖሚ ትስስራቸውን ወደ ላቀ ደረጃ ለማሸጋገር ያለመ ዉይይት አደረጉ።

(አዲስ አበባ ፤ ሚያዚያ 29 ቀን 2018 ዓ.ም) የንግድና ቀጣናዊ ትስስር ሚኒስትር ክቡር ካሳሁን ጎፌ (ዶ/ር) ከአዘርባጃን ሪፐብሊክ የኢኮኖሚ ምክትል ሚኒስትር ኤልኑር አሊዬቭ ጋር በጽህፈት ቤታቸው ተወያይተዋል።

ውይይቱ የሁለቱን አገራት ዲፕሎማሲያዊ ግንኙነት ወደ ጠንካራ የንግድና ኢኮኖሚ ትስስር ለመቀየር የተዘጋጄ ሲሆን በተለይም ክቡር ጠቅላይ ሚኒስትር ዶ/ር አብይ አህመድ እ.ኤ.አ በየካቲት 2026 በአዘርባጃን ያደረጉትን ታሪካዊ ጉብኝት ተከትሎ የመጡ ውጤቶችን ተግባራዊ ለማድረግ ያለመ ነው ።

ክቡር ዶ/ር ካሳሁን ጎፌ በንግግራቸው ወቅት ባለፉት ዓመታት የሁለቱ አገራት የንግድ ልውውጥ ዝቅተኛ የነበረ ቢሆንም ከቅርብ ጊዜ ወዲህ ግን ከፍተኛ ለውጥ እየታየ መሆኑን ጠቅሰዋል፡፡ ኢትዮጵያ ተግባራዊ እያደረገችው ያለው የማክሮ ኢኮኖሚ ማሻሻያ ለአዘርባጃን ባለሀብቶች ምቹ ሁኔታን መፍጠሩን የገለጹት ሚኒስትሩ በተለይም በግብርና፣ በማዕድን፣ በማኑፋክቸሪንግ፣ በቱሪዝም እና በቴክኖሎጂ ዘርፎች ሰፊ የኢንቨስትመንት ዕድሎች መኖራቸውን አስረድተዋል ።

በተጨማሪም ኢትዮጵያ የአፍሪካ አህጉራዊ ነጻ የንግድ ቀጠና (AfCFTA) አባል መሆኗን ተከትሎ የአዘርባጃን ባለሀብቶች ኢትዮጵያን እንደ መግቢያ በር በመጠቀም ከ54 አገራት በላይ የሚሸፍነውንና 3.4 ትሪሊዮን ዶላር የሀገር ውስጥ ጥቅል ምርት (GDP) ያለውን ሰፊ የአፍሪካ ገበያ ማግኘት እንደሚችሉ አስረድተዋል፡፡

2,350

Ministry of Trade and Regional Integration-Ethiopia

May 10, 2026, 11:13 PM

ኢትዮጵያም እ.ኤ.አ እስከ 2026 መጨረሻ ድረስ የዓለም ንግድ ድርጅት (WTO) አባልነት ድርድሯን ለማጠናቀቅ በትኩረት እየሰራች መሆኑን አብራርተዋል ። የአዘርባጃኑ የኢኮኖሚ ምክትል ሚኒስትር  ኤልኑር አሊዬቭ በበኩላቸዉ አዘርባጃን በንግድ፣ በኢንቨስትመንትና በቴክኖሎጂ ዘርፎች ከኢትዮጵያ ጋር በጋራና በትብብር ለመስራት ያላትን ጽኑ አቋም ገልጸዋል።
ምክትል ሚኒስትሩ አክለውም የአዘርባጃን ባለሀብቶች በኢትዮጵያ ውስጥ በግብርና፣ በምግብ ማቀነባበሪያ፣ በኢነርጂና በቴክኖሎጂ ዘርፎች ኢንቨስት እንዲያደርጉ አስፈላጊውን ድጋፍ እንደሚያደርጉ አረጋግጠዋል። በውይይቱ ማጠቃለያ ላይ ሁለቱም ወገኖች የነበረው ዲፕሎማሲያዊ ግንኙነት ወደ ተጨባጭና ዘርፈ ብዙ የኢኮኖሚ ትብብር እንዲያድግ በቁርጠኝነት ለመስራት ተስማምተዋል ።

2,200

7

0

Ministry of Trade and Regional Integration-Ethiopia

May 10, 2026, 11:13 PM

የኢትዮ-ጅቡቲ የንግድ ኮሪደርን ለማሳለጥና ቀጣናዊ ትስስርን ለማጠናከር የሚያስችሉ የትግበራ አቅጣጫዎች ላይ ምክክር ተደረገ።

የንግድና ቀጣናዊ ትስስር ሚኒስትር ክቡር ካሳሁን ጎፌ (ዶ/ር) ከጅቡቲው የንግድ እና ቱሪዝም ሚኒስትር ክቡር መሐመድ ዋርሳማ፣ የትሬድማርክ አፍሪካ (TradeMark Africa) ከፍተኛ አመራሮች፣ የአውሮፓ ህብረት ተወካዮች እና የኢትዮጵያ-ጂቡቲ ኮሪደር ብሄራዊ ጥምር ኮሚቴ ጋር በኢትዮ-ጅቡቲ የንግድ ኮሪደር ልማት ዙሪያ ፍሬያማ የቨርቹዋል ውይይት አካሂደዋል ።

በውይይቱም የብሔራዊ ጥምር ኮሚቴው የስካሁኑ ተግባራትና ቀጣይ የትኩረት ጉዳዮች ላይ በስፋት የተመከረ ሲሆን በተለይም የኮሪደር ልማቱን በማጠናከር የሁለቱን አገራት የጋራ ብልጽግና እውን ከማድረግ ባለፈ ቀጣናዊ የኢኮኖሚ ትስስርን ማረጋገጥ በሚያስችሉ የትግበራ አቅጣጫዎች ላይ በስፋት ምክክር ተደርጓል።

ክቡር ሚኒስትሩ በውይይቱ ወቅት የጅቡቲ ኮሪደር ከ90 በመቶ በላይ የሚሆነውን የኢትዮጵያ የወጪ እና ገቢ ንግድ የሚያስተናግድ በመሆኑ ለኢትዮጵያ የብልጽግና ጉዞ ወሳኝ የኢኮኖሚ የጀርባ አጥንት መሆኑን ገልጸዋል ። ኮሪደሩ ንግድን ለማሳለጥ፣ የገበያ ዕድሎችን ለማስፋትና ለብሔራዊ ፕሮጀክቶች ስኬት ጉልህ ሚና ያለው በመሆኑ በጥምር ኮሚቴው ማዕቀፍ ለሚከናወኑ ፕሮጀክቶች የሚጠበቅብንን አገራዊ ኃላፊነት ለመወጣት ቁርጠኛ ነን ብለዋል።

በአፍሪካ ቀንድ ቀጣናዊ የኢኮኖሚ ትስስርን ለማሳደግ ታስቦ ከአዉሮፓ ህብረትበተገኜ ድጋፍ በ32 ሚሊዮን ዶላር በጀት በኮሪደሩ ላይ እየተተገበረ ያለው የልማት ፕሮጀክት አፈጻጸም በጋራ ተገምግሟል ። ፕሮጀክቶቹ በተቀመጠላቸው የጊዜ ገደብ እንዲጠናቀቁና የሁለቱ አገራት አሠራሮች እርስ በርስ የተጣጣሙ  መሆን እንዳለባቸዉ ክቡር ሚኒስትሩ አንስተዋል ።

ይህ ተግባራዊ መሆኑ በአፍሪካ ቀንድ ያለውን ቀጣናዊ የኢኮኖሚ ትስስር ይበልጥ በማጠናከር የሁለቱን አገራት ታሪካዊ ወንድማማችነት ወደ ላቀ ደረጃ እንደሚያሸጋግረው ተጠቁሟል ።

በመጨረሻም ክቡር ካሳሁን ጎፌ (ዶ/ር) ትሬድ ማርክ አፍሪካ (TMA) እና ሌሎች ተባባሪ አካላት ለኮሪደር ልማቱ እያበረከቱ ላለው ገንቢ አስተዋጽኦ ምስጋናቸውን አቅርበዋል። የኢትዮ-ጅቡቲ የንግድ ኮሪደርን ይበልጥ ቀልጣፋ፣ ዘመናዊና የንግድ ሥራ አመቺነትን የሚያረጋግጥ ለማድረግ ሚኒስቴር መሥሪያ ቤቱ የጀመረው ጥረት በላቀ ውጤት ተጠናክሮ የሚቀጥል ይሆናል ።

2,020

Ministry of Trade and Regional Integration-Ethiopia

Apr 13, 2026, 11:05 PM

🎥 Video

#ዛሬ_ልዩ_የፋሲካ_በዓል_ግብዣ_በዓባይ_ቲቪ!
​የንግድና ቀጣናዊ ትስስር ሚኒስትር ክቡር ካሳሁን ጎፌ (ዶ/ር) በዓባይ ቲቪ ከታዋቂዋ ጋዜጠኛ መቅደስ ጋር ያደረጉትን ልዩ የፋሲካ በዓል ቆይታ ዛሬ በዓባይ ቴሌቪዥን "ጉዞ ከመቅዲ ጋር" መርሃ-ግብር ላይ እንዲከታተሉ ተጋብዘዋል።

​ክቡር ሚኒስትሩ በቆይታቸው ስለ በዓል ትዝታዎቻቸው፣ ስለ ስራ መመሪያዎቻቸው እና ስለ ወቅታዊ ሀገራዊ ጉዳዮች ሰፋ ያለና አዝናኝ ቆይታ አድርገዋል ።

​✨ ዛሬ እንዳያመልጥዎ! ✨
​
​📺 መርሃ-ግብር፦ ጉዞ ከመቅዲ ጋር
👤 እንግዳ፦ ክቡር ካሳሁን ጎፌ (ዶ/ር)
📍 ጣቢያ፦ ዓባይ ቲቪ (Abay TV)
📅 ቀን፦ ዛሬ (በዕለተ ፋሲካ )

Kassahun Gofe Balami

2,000

2

Ministry of Trade and Regional Integration-Ethiopia

Apr 13, 2026, 11:05 PM

🎥 Video

ከክቡር ካሳሁን ጎፌ (ዶ/ር) የንግድና ቀጣናዊ ትስስር ሚኒስትር ጋር ልዩ የበዓል ቆይታ። የሚኒስቴር መስሪያቤታችን አገልግሎቶች እና ምድረ ግቢን በተመለከተ።

1,640

0

Ministry of Trade and Regional Integration-Ethiopia

Apr 13, 2026, 11:05 PM

🎥 Video

ልዩ የበዓል ቆይታ "አገልግሎቶቻችን ከ70% በላይ በኦንላይን እየተሰጠ ይገኛል። ከክቡር ካሳሁን ጎፌ (ዶ/ር) የንግድና ቀጣናዊ ትስስር ሚኒስትር ጋር።

1,290

5

0

Ministry of Trade and Regional Integration-Ethiopia

Apr 13, 2026, 11:05 PM

📷 Photo

ክቡር ካሳሁን ጎፌ (ዶ/ር) እየተገነባ የሚገኘውን "የአብሮነት መንደር" የቤት ግንባታ ሂደት ጎበኙ።

የንግድና ቀጠናዊ ትስስር ሚኒስትር ክቡር ካሳሁን ጎፌ (ዶ/ር) በሚኒስቴር መሥሪያ ቤቱና በተጠሪ ተቋማት አስተባባሪነት በባሌ ሮቤ ከተማ እየተገነባ የሚገኘውን የ"አብሮነት መንደር" የቤት ግንባታ ሂደት ዛሬ በቦታው ተገኝተው ጎብኝተዋል።

ይህ የቤት ግንባታ ፕሮጀክት የሀገራዊ የበጎ ፈቃድ አገልግሎት መርሃ-ግብር አካል ሲሆን፣ ለአቅመ ደካማ ዜጎቻችን ዘመናዊና ምቹ መጠለያ ለመፍጠር የታለመ ነው።

ክቡር ሚኒስትሩ በጉብኝታቸው ወቅት ግንባታው አሁን ላይ ያለበትን ደረጃ በዝርዝር የተመለከቱ ሲሆን፣ ፕሮጀክቱ የታለመለትን ግብ እንዲመታ ከተቋማቱ የስራ ኃላፊዎችና ከግንባታ ባለሙያዎች ጋር መክረዋል።

በውይይቱም ግንባታው በጥራትና በተቀመጠለት የጊዜ ገደብ ተጠናቆ ለተጠቃሚዎች እንዲተላለፍ የጋራ መግባባት ላይ የተደረሰ ሲሆን፣ በቀጣዮቹ 15 ቀናት ውስጥ ሙሉ በሙሉ ተጠናቆ ለአገልግሎት እንደሚበቃ ተገልጿል።

2,390

Ministry of Trade and Regional Integration-Ethiopia

Apr 13, 2026, 11:05 PM

📷 Photo

ለመላው የክርስትና እምነት ተከታዮች እንኳን ለኢየሱስ ክርስቶስ የትንሣኤ በዓል በሰላም አደረሳችሁ። በዓሉ የሰላም፣ የፍቅርና የአብሮነት እንዲሆንልን ከልብ እመኛለሁ።
መልካም የትንሣኤ በዓል!

Hordoftoota amantii Kiristaanaa hundaaf, baga ayyaana du'aa ka'uu Iyyesuus Kiristoosiin nagaan isin ga'e. Ayyaanni kun kan nagaa, jaalalaa fi walta’insaa akka nuuf ta’un hawwa
Ayyaana Faasikaa Gaarii!

ክቡር ካሳሁን ጎፌ (ዶ/ር)
የኢፌዴሪ የንግድና ቀጣናዊ ትስስር ሚኒስቴር ሚኒስትር

2,090

11

Ministry of Trade and Regional Integration-Ethiopia

Apr 13, 2026, 11:05 PM

📷 Photo

የንግድና ቀጣናዊ ትስስር ሚኒስቴር ሰራተኞች ስፖርት ቡድን ለጥሎ ማለፍ ውድድር አለፈ።

የንግድና ቀጣናዊ ትስስር ሚኒስቴር ሰራተኞች ስፖርት ቡድን ዛሬ ባካሄደው 3ኛ ጨዋታው የፌደራል ፍርድ ቤቶች ስፖርት ቡድንን ገጥሞ 4 ለ 3 በሆነ ውጤት አሸንፏል፡፡

ቡድኑ ዛሬ በኢትዮጵያ ስፖርት አካዳሚ በተካደው ጨዋታ የተሻለ የጨዋታ እንቅስቃሰሴ በማድረግ በአሸናፊነት በማጠናቀቁ ለጥሎ ማለፍ ውድድር ማለፉን አረጋግጧል፡፡

ኪሩቤል አይቸ፣ ሽመልስ አበባው፣ኦብሳ ጨምር እና አበበ ተፈራ የጨዋታውን ጎሎች በማስቆጠር ቡድኑ ላስመዘገበው ውጤት ጉልህ ድርሻ አበርክተዋል፡፡

2,530

12

Ministry of Trade and Regional Integration-Ethiopia

Apr 13, 2026, 11:05 PM

📷 Photo

ለመላው የክርስትና እምነት ተከታዮች፣ እንኳን ለጌታችን መድሃኒታችን ለኢየሱስ ክርስቶስ ስቅለት በዓል በሰላም አደረሳችሁ!

Hordoftoota Amantaa Kiristaanaa hundaaf, Baga Ayyaana Yaadannoo Fannifamuu Gooftaa Iyyasuus Kiristoosiin Isin Gahe!

2,220

4

Ministry of Trade and Regional Integration-Ethiopia

Apr 13, 2026, 11:05 PM

🎥 Video

በኢፌዴሪ የንግድና ቀጣናዊ ትስስር ሚኒስቴር በሶማሌ ክልል ደገሃቡር ከተማ የተገነባ ዘመናዊ ሁለተኛ ደረጃ የቁም እንስሳት የግብይት ማዕከል።

2,530

3

0

Ministry of Trade and Regional Integration-Ethiopia

Apr 2, 2026, 04:08 PM

የንግድና ቀጠናዊ ትስስር ሚኒስቴር በነዳጅና በሌሎች የግብይት ሰንሰለቶች ላይ የሚታዩ ሕገወጥነቶችን ለማረም እየወሰደ ያለው እርምጃ የሚበረታታ መሆኑን የሕዝብ ተወካዮች ምክር ቤት አስታውቋል፡፡

(አዲስ አበባ ፣ መጋቢት 23 ቀን 2018 ዓ.ም) የንግድና ቀጠናዊ ትስስር ሚኒስቴር  የንግድ ዘርፍ የስምንት ወራት የእቅድ አፈጻጸም ሪፖርቱን ለምክር ቤቱ የንግድና ቱሪዝም ጉዳዮች ቋሚ ኮሚቴ አቅርቧል፡፡

የቀረበዉን ሪፖርት ያደመጠዉ ኮሚቴዉ የተለያዩ ጥያቄዎችን አቅርቧል፡፡በተለይም በነዳጅ ላይ እየተወሰዱ ስላሉ እርምጃዎች ፣ የክትትልና ቁጥጥር ስራዎችን ለማጠናከር ለይ እየተሰሩ ያሉ ስራዎችን በተመለከተ እንዲሁም ከወጪና የሃገር ዉስጥ ንግድ ጋር የተያያዙ ጥያቄዎችንና አስተያየቶችን  የቋሚ ኮሚቴዉ አባላት ያነሱ ሲሆን ፣ በክቡር ሚኒስትር ካሳሁን ጎፌ(ዶ/ር) ምላሽ ተሰጥቶባቸዋል፡፡

ክቡር ሚኒስትር ካሳሁን ጎፌ (ዶ/ር) በሰጡት ማብራሪያ  የወጪ ንግድ አፈጻጸሙ 6.76 ቢሊዮን ዶላር በመድረስ የእቅዱን 116 በመቶ ማሳካት መቻሉ አመላክተዋል።

የመካከለኛው ምስራቅ ቀውስን ተከትሎ ያጋጠመውን የነዳጅ እጥረት ተጽዕኖ ለመቀነስ እየተወሰዱ ስላሉ መፍትሄዎችና የሪጉላቶሪ ስራዎች በስፋት የገለጹ ሲሆን የንግድ ምዝገባና ፈቃድ አገልግሎትን በኦንላይን በመስጠት ረገድ በሀገር አቀፍ ደረጃ 2.65 ሚሊዮን ክንውኖች መከናወናቸውን ለቋሚ ኮሚቴዉ አብራርተዋል፡፡

በድህረ-ፈቃድ ኢንስፔክሽን ደግሞ 1.33 ሚሊዮን ስራዎች መሰራታቸውን ጠቁመዋል። በተጨማሪም አምራቹንና ሸማቹን በቀጥታ የሚያገናኙ የቅዳሜና እሁድ ግብይት ማዕከላት ቁጥር ከ1,503 ወደ 2,103 ማደጉን ይህም በስፋት የሚቀጥል መሆኑን ሚኒስትሩ አብራርተዋል፡፡

እንዲሁም የአፍሪካ አህጉራዊ ነፃ ንግድ ቀጠና (AfCFTA) ስምምነት ከመስከረም 29 ቀን 2018 ዓ.ም ጀምሮ መተግበሩንና የዓለም ንግድ ድርጅት (WTO) አባልነት ድርድር በከፍተኛ ትጋት እየተከናወነ መሆኑን ጠቁመዋል።

የቋሚ ኮሚቴው ሰብሳቢ ክብርት ወ/ሮ አይሻ ያህያ በበኩላቸው በሚኒስቴሩ እየተወሰዱ ያሉ የሕግ ማስከበር እርምጃዎችና በኤክስፖርት ላይ የታየው የ116 በመቶ እድገት የሚበረታታ መሆኑን ጠቅሰው በቀጣይም ለኤክስፖርት ምርቶች ትኩረት እንዲሰጥና ውጤታማ የሆኑት የቅዳሜና እሁድ ገበያዎች ተጠናክረው እንዲቀጥሉ አሳስበዋል።

2,290

Ministry of Trade and Regional Integration-Ethiopia

Apr 2, 2026, 04:08 PM

🎥 Video

የነዳጅ ቅድሚያ የሚሰጣቸው አካላት ⛽

1,410

2

0

Ministry of Trade and Regional Integration-Ethiopia

Apr 2, 2026, 04:08 PM

📷 Photo

በስምንት ወራት ውስጥ ከ2.6 ሚሊዮን በላይ የኦንላይን የንግድ ምዝገባና ፈቃድ አገልግሎቶች ተሰጡ።

(አዲስ አበባ፡ መጋቢት 23 ቀን 2018 ዓ.ም) የንግድና ቀጣናዊ ትስስር ሚኒስቴር በ2018 በጀት ዓመት ባለፉት ስምንት ወራት፣ የዕቅዱን 110 በመቶ በመፈጸም ከ2.6 ሚሊዮን በላይ የኦንላይን የንግድ ምዝገባና ፈቃድ አገልግሎቶችን መስጠቱን አስታወቀ።

የኢፌዴሪ የንግድና ቀጣናዊ ትስስር ሚኒስትር ክቡር ካሳሁን ጎፌ (ዶ/ር)፤ የመሥሪያ ቤታቸውን የስምንት ወራት የሥራ አፈጻጸም ሪፖርት ለሕዝብ ተወካዮች ምክር ቤት አባላት ባቀረቡበት ወቅት እንደገለጹት፤ በበጀት ዓመቱ 2,427,320 የንግድ ምዝገባና ፈቃድ አገልግሎቶችን ለመስጠት ታቅዶ፣ 2,659,605 አገልግሎቶችን በተግባር ማከናወን ተችሏል።

ሚኒስቴር መሥሪያ ቤቱ "ዲጂታል ኢትዮጵያ 2030" ራዕይን እውን ለማድረግ ቀዳሚ ከሆኑ ተቋማት አንዱ ሲሆን፤ የዘረጋው የኦንላይን የንግድ ምዝገባና ፈቃድ አሰራር የንግዱ ማህበረሰብ ጊዜውን፣ ጉልበቱንና ገንዘቡን ሳያባክን ባለበት ቦታ ሆኖ ቀልጣፋ አገልግሎት እንዲያገኝ አስችሏል።

በተጨማሪም የዲጂታል አገልግሎት ሽፋኑን ይበልጥ ለማሳደግ፣ የወጪ ንግድ የኮንትራት ምዝገባ እና የመላኪያ ፈቃድ አገልግሎቶች በኦንላይን መሰጠት መጀመራቸውን ሚኒስትሩ በሪፖርታቸው ጠቁመዋል።

ሚኒስቴር መሥሪያ ቤቱ ባለፉት ስምንት ወራት በየዘርፉ ካቀዳቸው ተግባራት በላይ አፈጻጸም በማስመዝገብ ተጨባጭ ስኬቶችን እያረጋገጠ ይገኛል።

#Ethiopia_Motri

2,340

Ministry of Trade and Regional Integration-Ethiopia

Apr 2, 2026, 04:08 PM

📷 Photo

2,110

0

0

Ministry of Trade and Regional Integration-Ethiopia

Apr 2, 2026, 04:08 PM

📷 Photo

#አሁን

የንግድና ቀጠናዊ ትስስር ሚኒስቴር የ2018 በጀት ዓመት የንግድ ዘርፍ የስምንት ወራት አፈጻጸሙን ለህዝብ ተወካዮች ምክር ቤት እያቀረበ ነዉ። ሚኒስቴር መስሪያ ቤቱና ተጠሪ ተቋማት የሰሯቸዉን ክንዉኖች ለንግድና ቱሪዝም ጉዳዮች ቋሚ ኮሚቴ እያቀረበ ነዉ።

2,000

9

Ministry of Trade and Regional Integration-Ethiopia

Apr 2, 2026, 04:08 PM

📷 Photo

በስምንት ወራት ውስጥ ከ6.7 ቢሊዮን ዶላር በላይ የውጭ ንግድ ገቢ ተገኘ።

አዲስ አበባ፡ መጋቢት 23 ቀን 2018 ዓ.ም. በ2018 በጀት ዓመት ባለፉት ስምንት ወራት ከወጪ ንግድ 5.83 ቢሊዮን የአሜሪካ ዶላር ገቢ ለማግኘት ታቅዶ፣ 6.76 ቢሊዮን ዶላር ማግኘት መቻሉን የንግድና ቀጣናዊ ትስስር ሚኒስቴር አስታወቀ።

የኢፌዴሪ የንግድና ቀጣናዊ ትስስር ሚኒስትር ክቡር ካሳሁን ጎፌ (ዶ/ር) ለሕዝብ ተወካዮች ምክር ቤት ባቀረቡት ሪፖርት እንደገለጹት፤ የዘንድሮው አፈጻጸም ከባለፈው በጀት ዓመት ተመሳሳይ ወቅት ጋር ሲነጻጸር የ2.4 ቢሊዮን ዶላር ወይም የ50 በመቶ ብልጫ አለው።

እንደ ሚኒስትሩ ገለጻ፣ ከፍተኛ አፈጻጸም የታየባቸው ዘርፎች ማዕድን (149.44%)፣ ኤሌክትሪክና ሌሎች (112.35%)፣ ግብርና (90.53%) እና ማኑፋክቸሪንግ (87.68%) ናቸው። ሚኒስቴሩ በቀጥታ ከሚከታተላቸው የወጪ ንግድ ምርቶችም 606.8 ሚሊዮን ዶላር ለማግኘት ታቅዶ፣ 527.9 ሚሊዮን ዶላር ወይም የዕቅዱን 87 በመቶ ማሳካት ተችሏል።

የዚህ ስኬት ዋና ምንጮች፦
* በሀገሪቱ የተወሰደው የማክሮ ኢኮኖሚ ማሻሻያ ምርትና ምርታማነትን ማሳደጉ፣
* የገበያ መዳረሻዎችን የማስፋት ሥራ መሠራቱ፣
* በሕገ-ወጥ የምርት ክምችት ላይ የተደረገው ጥብቅ ቁጥጥር ወደ ውጭ የሚላኩ ምርቶችን መጠን መጨመሩ፣
* የማነጻጸሪያ ዋጋ ተመን በዓለም አቀፍ የገበያ ዋጋ ልዋዋጭነት መሠረት በየወቅቱ ክለሳ የምደረግ እንደሆነ ክቡር ሚኒስትሩ አብራርተዋል።

#Ethiopia_Motri

2,060

Ministry of Trade and Regional Integration-Ethiopia

Apr 2, 2026, 04:08 PM

መንግሥት በመካከለኛው ምስራቅ ጦርነትና ዓለም አቀፍ ቀውስ ምክንያት በነዳጅ አቅርቦት ላይ ያጋጠመውን ችግር ለመቋቋም የሚያስችሉ ውሳኔዎችን ይፋ አደረገ

አዲስ አበባ፤ መጋቢት 22/2018 ፦ መንግሥት በመካከለኛው ምስራቅ ጦርነትና ዓለም አቀፍ ቀውስ ምክንያት በነዳጅ አቅርቦት ላይ ያጋጠመውን ችግር ለመቋቋም የሚያስችሉ ውሳኔዎችን ማሳለፉን የንግድና ቀጣናዊ ትስስር ሚኒስትር ካሳሁን ጎፌ(ዶ/ር) ገለጹ።

የንግድና ቀጣናዊ ትስስር ሚኒስትር ካሳሁን ጎፌ (ዶ/ር) በመካካለኛው ምስራቅ ያለው ጦርነትና አለመረጋጋት በሀገራችን የነዳጅ ግብይትና አቅርቦት ላይ ሊያደርስ የሚችለውን ተጽዕኖ እንዲሁም መንግሥት የሚከተላቸውን አቅጣጫዎች በተመለከተ ለኢዜአ ማብራሪያ ሰጥተዋል።

የነዳጅ አቅርቦትና ስርጭትን የሚከታተል፣ እርምጃ የሚወስድና የነዳጅ ቅድሚያ የሚሰጣቸውን ዘርፍች የሚለይ ልዩ ክፍል መቋቋሙንም ይፋ አድርገዋል።

በመካከለኛው ምስራቅ ያለው ጦርነትና አለመረጋጋት በሀገራችን የነዳጅ ግብይትና አቅርቦት ላይ ተጽዕኖ ማሳደሩን ተናግረዋል።

በጦርነቱ ምክንያት በዓለም አቀፍ ደረጃ ከጦርነቱ በፊት የአንድ በርሜል ነጭ ናፍጣ ዋጋ 80 ዶላር የነበረ ሲሆን አሁን 230 ዶላር መድረሱን ቤንዚንም ከ70 ወደ 150 ዶላር ማሻቀቡን ገልጸዋል።

ኢትዮጵያ ከመካከለኛው ምስራቅ ሀገራት ጋር የነበራት የረጅም ጊዜ የነዳጅ ግብይት ውል በጦርነቱ ምክንያት መስተጓጎሉንና አቅራቢ ሀገራቱ ምርቱን ማቅረብ እንደማይችሉ ማሳወቃቸውን አስታውሰዋል።

በዚህም ምክንያት በግዥ ሂደት ላይ የነበረ ከ180 ሺህ ሜትሪክ ቶን በላይ ነዳጅ አለመቅረቡን ጠቅሰዋል።

በጦርነቱና አለመረጋጋቱ ምክንያትም በነጭ ናፍጣ ላይ የነበረው የቀን አቅርቦት ከ9 ነጥብ 2 ሚሊዮን ሊትር ወደ 4 ነጥብብ 5 ሚሊዮን ሊትር ዝቅ ማለቱን ጠቁመዋል።

የተለያዩ ሀገራት ያጋጠማቸውን የነዳጅ አቅርቦት እጥረት ተከትሎ የተለያዩ ማህበራዊና ኢኮኖሚያዊ እቀባዎችን እያደረጉ መሆኑን ገልጸው፥ የኢትዮጵያ መንግሥት የሚከተለው መርህ ግን ከህዝቡ ጋር በመተባበር ችግሩን በጋራ ለመሻገር መሆኑን ጠቅሰዋል።

መንግሥት የተፈጠረውን የአቅርቦት እጥረት ለመቅረፍና ማህበራዊና ኢኮኖሚያዊ እንቅስቃሴዎች እንዳይገቱ ነዳጅን ከተጓዳኝ ገበያ ስለሚገዛና የዓለም የነዳጅ ዋጋ በመጨመሩ ምክንያት በሦስት እጥፍ ዋጋ እየገዛ ለማቅረብ መገደዱን ሚኒስትሩ አስረድተዋል።

ምንም እንኳን የዓለም አቀፍ የነዳጅ ዋጋ በከፍተኛ ሁኔታ ቢጨምርም፣ መንግሥት የዜጎችን ኑሮ ለመታደግ በአሁኑ ወቅት በነጭ ናፍጣ ላይ በአንድ ሊትር 95 ብር፣ በቤንዚን ላይ ደግሞ 42 ብር ድጎማ እያደረገ ይገኛል ነው ያሉት።

እስካሁን 262 ቢሊዮን ብር ገደማ ድጎማ ማድረጉን በማንሳት የተደረገ ሲሆን፣ በየወሩም ከ15 እስከ 20 ቢሊዮን ብር ለድጎማ እየተመደበ መሆኑ ጠቅሰዋል።

ያጋጠመው የነዳጅ አቅርቦት እጥረት በሀገርና በዜጎች ማህበራዊና ኢኮኖሚያዊ እንቅስቃሴ ላይ ጫና እንዳያሳድርና በፍትሐዊነት ለመምራት መንግሥት ከዛሬ ጀምሮ ተግባራዊ የሚሆን የቅድሚያ አሰጣጥ ውሳኔ ማሳለፉን ሚኒስትሩ ይፋ አድርገዋል።

በዚህም መሠረት

1. ነዳጅ የሚያጓጉዙ ተሽከርካሪዎች በማደያ የቅድሚያ ቅድሚያ እንዲሰጣቸው

2. ከፍተኛ አምራችና የኤክስፖርት ድርጅቶች በቀጥታ ፣

3. ልዩ ትኩረት የሚሹ የመንግሥትና የግል ፕሮጀክቶች በቀጥታ፣

4. የገቢና ወጪ ንግድን ጨምሮ መሠረታዊ የፍጆታ ምርቶችን የሚያጓጉዙ ተሽከርካሪዎች

5. ግብርናን የሚያዘምኑ ትራክተሮች፣

6. የከተማና ሀገር አቀፍ የብዙሃን ትራንስፖርት ተሽከርካሪዎች

7. እንዲሁም በናፍጣ የሚሰሩ የሕዝብ ማመላለሻ ተሽከርካሪዎች ነዳጅን በቅድሚያ እንዲያገኙ የሚያደርግ የቅድሚያ የነዳጅ አጠቃቀም አሠራር የሚተገበር መሆኑን ገልጸዋል።

ከዚህ ውጭ የሚደረግ የነዳጅ ስርጭት ተገቢ ባለመሆኑ እርምጃ ይወሰዳል ያሉት ሚኒስትር፥ ይህንን ውሳኔ በአግባቡ ለማስፈጸም በቅንጅት እንደሚሠራም ገልጸዋል።

በሌላ በኩል መንግሥት የፌደራልና የክልል ተቋማትን ያካተተና ስርጭቱን 24/7 የሚከታተል የሁኔታዎች ልዩ የመከታተያ ክፍል ማቋቋሙን ይፋ አድርገዋል።

ልዩ የመከታተያ ክፍሉ በማዕከል የሚመራ ሲሆን የነዳጅ አቅርቦት፣ ስርጭትና አጠቃቀምን የሚከታተል፣ ውሳኔዎችን የሚየቀርብና ቅድሚያ የሚሰጣቸውን የሚለይ መሆኑን ተናግረዋል።

በነዳጅ ግብይትና አቅርቦት ዙሪያ ሕገ-ወጥ ድርጊት የፈጸሙ የሥራ ኃላፊዎችን ጨምሮ 658 ግለሰቦች በቁጥጥር ስር የዋሉ ሲሆን፣ ከ720 ሺህ ሊትር በላይ ነዳጅ ተይዞ ለመንግሥት ገቢ ሆኗል ብለዋል።

ከህብረተሰቡ የሚከጠበቁ ተግባራትን ይፋ ያደረጉ ሲሆን በዚህም መሠረት፦

1) ነዳጅን በቁጠባ እንዲጠቀም፣

2) የታዳሽ ኃይል አማራጮችን የመጠቀም ስልትን መከተል፣

3) የእግር ጉዞ ባህልን ማጎልበት

4) አላስፈላጊ የጉዞ ፕሮግራሞችን መሰረዝና ማቆም

5) የሕዝብ ትራንስፖርትን መጠቀም

6) በነዳጅ ግብይት ላይ የሚስተዋሉ ሕገ-ወጥ ተግባራትን በማጋለጥ ረገድ ከመንግሥት ጋር ተባብሮ እንዲሠራ ጥሪ አቅርበዋል።

Ministry of Trade and Regional Integration-Ethiopia

Apr 2, 2026, 04:08 PM

📷 Photo

የኢፌዴሪ የንግድና ቀጣናዊ ትስስር ሚኒስቴር ሚኒስትር ክቡር ካሳሁን ጎፌ (ዶ/ር) የተመራ ልዑካን ቡድን በአፋር ብሄራዊ ክልላዊ መንግስት የንግድ መሠረተ ልማቶችን በይፋ ስራ ለማስጀመር ሰመራ ከተማ ገባ። በሰመራ ሱልጣን አሊሚራ አየር ማረፊያ ሰደርሱ የአፋር ክልላዊ መንግሥት ምክትል ርዕሰ መስተዳድር ክቡር አቶ ኡመር ኑር አርባ፣ የክልሉና የዞኑ ከፍተኛ አመራሮች ደማቅ አቀባበል አድርጎላቸዋል።

2,630

8

Ministry of Trade and Regional Integration-Ethiopia

Apr 2, 2026, 04:08 PM

📷 Photo

2,190

0

0

Showing 25 of 25 posts

No more posts