Oromia Education Bureau

Public

View Channel

5.3K

5.2K

Can't Join? @OromiaEducationBureauOfficial

173.3k Members

Updated: May 11, 2026 at 1:12 PM

Oromia Education Bureau

Get the latest Education News, Exam schedules, Policy Updates, and others announcements. #OEB #BBO

@OromiaEducationBureauOfficial is a growing community focused on news and policy and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 8 Days)

Total: 173.3K

24h growth: -1409 1%

Latest Posts

Oromia Education Bureau

May 12, 2026, 08:24 AM

📷 Photo

Haasaa Hogganaan Biiroo Barnootaa Oromiyaa Dr. Tolaa Bariisoo Kabaja Ayyaana Hundeeffama Biiroo Barnootaa Oromiyaa Waggaa 33ffaa irratti taasisan guutuusaa.
------
"Har’a Guyyaa Kabajamaafi Seena-qabeessa kana irratti walitti dhufnee waggaa 33ffaa hundeeffama Biiroo Barnootaa Oromiyaa waliin kabajuu keenyaaf gammachuu olaanaa natti dhagaheme ibsachun barbaada.

Guyyaan kun hojii cimaa, kutannoofi injifannoo uummanni keenya damee barnootaa keessatti imala waggoota 33 keessatti galmeessise yaadachuuf, akkasumas fuulduratti karoora keenya ittiin cimsachuuf nu kakaasa.

Waggoota 33 darban keessatti, mootummaafi uummanni Oromoo waliin ta’uun carraa barnootaa babal’isuuf hojii guddaa hojjetaniiru.
Baadiyyaafi magaalaa keessatti manneen barnootaa haaraa kumaatamaanlakkaa'aman ijaaruun, deeggarsa hawaasaa cimsuunfi hirmaannaa maatii dabaluun jijjiirama olaanaafi qabatamaa fideera.

Bu’aan gurguddoon galmaa'an keessaa muraasni ;
• Carraan barnootaa sadarkaa hundatti bal’achuun, Manneen Barnootaa Bu'uura Boruu 20180 ol ijaaruun lakkoofsi barattootaa dachaan dabaleera.. Kanaanis yeroo ammaa Oromiyaa keessatti daa'imman miliyoona 2.4 barachaa jiru
• Hirmaannaan dubartootaa barnoota keessatti olaanaa ta’ee, walgitiinsi saalaa fooyya’eera.
• Baay’innifi gahumsi barsiisotaa dabaluun, leenjiin isaanii fooyya’ee bu’aa barnootaa irratti jijjiirama fideera.
• Manneen barnootaa keessatti laaboraatorii, mana kitaabaafi teeknoolojii barnootaa akkaataa haaraan diriiruun jalqabiin sadarkaa gaarii irra gaheera.
• Barnootni Afaan Oromootiin kennamu cimuun eenyummaafi aadaa keenya tikfachuuf bu’uura cimaa ta’eera.
• Bu’aan qormaataafi gahumsi barattootaa sadarkaa gara sadarkaatti fooyya’aa dhufeera.
• Qindoominni mootummaa, hawaasa fi dhaabbilee deeggartootaa jabaachuun sirna barnootaa cimsuuf gumaacheera.
• Bu’aawwan kunneen hojii waloofi kutannoo uummata keenyaati.
Kanaafuu, hojii misooma barnoota keenya itti fufsiisuun barbaachisaadha.

Kallattiinn keenya itti aannu Qulqullina barnootaa dabaluu, walqixxummaa guutuu mirkaneessuufi teeknoolojii haaraa bal’inaan fayyadamuun dhaloota sadarkaa addunyaatti dorgomaa ta'e horachuudha.

Barnootni bu’uura misoomaafi bilisummaa uummataa waan ta'eef sirna barnootaa cimaafi beekumsa xabboo hammatee qophaa'e irratti hundaa'un dhaloota gahumsa qabu ni horanna, dhalootni barnootaan gahome dinagdee, siyaasaafi hawaasummaa ummata keenyaa ni guddisa. Kunis imala badhaadhina biyya keenyaa ni mirkaneessa.

Dhumarratti, barsiisota keenyaaf galata guddaa dhiheessaa; isin dhaloota ijaaraa jirtu.
Kanaafuu, kabajaafi jaalala guddatu isniif mala !
Ogummaa keessaniin hojii hojjachaa jirtaniif ulfaadhaa, galatoomaa isiniin jechun barbaada .

Barattoonni keenya immoo carraa barsiisotni isiniif diriirsanitti cimtanii fayyadamuun barnoota keessan irratti kutannoon hojjechaa, egeree biyya keessanii ijaaraa!

Hawaasni keenyas akkuma kanaan duraa barnoota deeggaruu akka itti fuftan yaboo isiniin jechun barbaada .

Baga gammaddan! Baga Kabaja Ayyaana Hundeeffama Biiroo Barnootaa Oromiyaa Waggaa 33ffaa Nagaan Geessan!
Galatoomaa!"

#Galma_ Harsadee
#Bishooftuu
#Caamsaa - 01/2018

💙 💠
💙 https://t.me/OromiaeducationbureauCenter 💠

| https://www.facebook.com/biiroobarnootaaoromiyaa|📱 https://www.facebook.com/biiroobarnootaaoromiyaa| https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f| https://www.youtube.com/@Oromiaeducationbureau📱 https://www.youtube.com/@Oromiaeducationbureau|📱 https://www.instagram.com/biiroobarnootaoromiyaa 📱 https://www.instagram.com/biiroobarnootaoromiyaa/ 🤖 https://t.me/bekerdotcombot https://www.instagram.com/biiroobarnootaoromiyaa

4,590

Oromia Education Bureau

May 12, 2026, 08:24 AM

📷 Photo

Haasawa Pirezidaantiin Mootummaa Naannoo Oromiyaa Kabajamoo Obbo Shimallis Abdiisaa Kabaja Ayyaana Hundeeffama Biiroo Barnootaa Oromiyaa Waggaa 33ffaa Irratti Taasisan Guutuu Isaa;

"𝐈𝐣𝐚𝐚𝐫𝐬𝐚 𝐃𝐡𝐚𝐥𝐨𝐨𝐭𝐚𝐚: 𝐈𝐦𝐚𝐥𝐚 𝐁𝐚𝐫𝐧𝐨𝐨𝐭𝐚 𝐎𝐫𝐨𝐦𝐢𝐲𝐚𝐚 𝐖𝐚𝐠𝐠𝐨𝐨𝐭𝐚 𝟑𝟑
Maatiifi qooddattoonni barnoota Oromiyaa marti, baga gammaddan! Baga gammanne!
Kurneewwan sadan darban imala seena-qabeessa, akkasumas boqonnaa irbuun saba keenyaa ititee itti tikfameedha. Barnoonni hawaasa tokkoof tajaajila mootummaa qofa miti; utubaa caasawaa-olaanaa (superstructure) dammaqiinsi, kabajnifi eenyummaan saba tokkoo ittiin ijaaramuudha.

Warri nugabroomsuu barbaadan dursa qabeenya keenya osoo hintaane, sammuufi dammaqiinsa keenya too’achuu irratti hojjechaa turan. Sababiin isaas, ummanni barateefi sammuun isaa bilisoome salphatti hingabroomu. Kanaaf, qabsoon gama barnootaatiin taasisaa ture, qabsoo kutaa galanii barachuu qofa hinturre. Imala yaaduu danda’uufi ofta’uu ture.

Imala carraa barnootaa argachuun, akkasumas afaan ofiitiin barachuun gaaffii siyaasaa adda duree itti ta’e xumurree, har’a dhaloota mil. 12.4 ta’u manneen barnootaa keessatti saayinsiifi teknoolojiin addunyaa waliin dorgomuuf qopheessaa jirra. Kun guddina dhaabbata tokkoo osoo hintaane, kutannoo ummanni keenya bilisummaa sammuu goonfachuuf qabu kan agarsiisudha.

Ce’umsa kana duuba humna riphaa, garuu murteessaa tokkotu jira: barsiisota keenya. Barsiisonni keenya kaffaltii gahaa malee, bishaaniifi bineensaan nyaatamaa, roobafi aduu osoo hin nuffiin, gammoojjiifi baddaa Oromiyaatti dambali'uun dhaloota qartanii asiin geessan oolmaa keessan gonkumaa hinirraanfannu. Isin warra duula bilisummaa ummata keenyaf dursee dhaloota hidhachiisedha. Wareegamni keessan ijaarama Oromiyaa har’a argaa jirtan kana. Galanni keessanis injifannoofi ifa har'a sabni keenya gonfateedha.

Gulantaan qabsoo barnootaa keenya guddachaa dhufeera. Har’a dorgommiin keenya ogummaafi kalaqaan addunyaa injifachuudha. Gulantaaqabsoo kanaaf qaamoleen afur adda durummaan socho’uu qabu:
1. Barsiisonni yeroo mara of-haaromsuun dhaloota dorgomaa qopheessuu irratti gahee keessan bahachuu qabdu.
2. Maatiin barnoonni mana barnootaatti akka hindhumne hubachuun, fayyaa, nyaataafi barnoota ijoollee keessanii daran hordofuu qabdu.
3. Barattoonni keenya ofitti amanamummaafi qorannoon addunyaa injifachuuf qophaa’uu qabdu.
4. Mootummaan Naannoo Oromiyaa, caasaan gulantaan jiru dhimma barnootaa tumsuu qaba.
5. Dabalataaniis, miidiyaan (OBN) keessumaa OBN Gaammeen mala hawwataafi saayinsawaa ta’een (cartoon film dabalatee) sammuu ijoollee ijaaruu, bilchina miiraafi kalaqa goonfachiisuu, akkasumas safuu hawaasaa hubachiisuu qabdu.

Dhumarrattis, Prof. Birhaanuu Naggaa, Ministirri Ministeera Barnootaa, sirna kanarratti argamuun nuwaliin injifannoo kana ayyaaneffachuu isaanitiif maqaa kiyyaafi maqaa Mootummaa Naannoo Oromiyaatiin galateeffachuun barbaada.

Barnoonni bu’uura bilisummaafi badhaadhina keenyaati! Baga ittiin isin gahe."

Obbo Shimallis Abdiisaa - PMNO
#Bishooftuu #Galma_Harsadee

💙 💠
💙 https://t.me/OromiaeducationbureauCenter 💠

| https://www.facebook.com/biiroobarnootaaoromiyaa|📱 https://www.facebook.com/biiroobarnootaaoromiyaa| https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f| https://www.youtube.com/@Oromiaeducationbureau📱 https://www.youtube.com/@Oromiaeducationbureau|📱 https://www.instagram.com/biiroobarnootaoromiyaa 📱 https://www.instagram.com/biiroobarnootaoromiyaa/ 🤖 https://t.me/bekerdotcombot https://www.instagram.com/biiroobarnootaoromiyaa

Oromia Education Bureau

May 12, 2026, 08:24 AM

pinned a photo

Oromia Education Bureau

May 12, 2026, 08:24 AM

📷 Photo

BBO qaamolee milkaa'ina barnootaaf gumaachaniif beekamtii kenne.

Caamsaa 01,2018. Hundeeffama waggaa 33ffaa bu'uureffachuun BBO Dhaabbilee Barnootaa Ol'aanoo, faayinaansii,maxxansaa,teekinoloojiifi kanneen biroo milkaa'ina Barnootaaf gumaachaa jiraniif beekamtii kenne.

💙 💠
💙 https://t.me/OromiaeducationbureauCenter 💠

| https://www.facebook.com/biiroobarnootaaoromiyaa|📱 https://www.facebook.com/biiroobarnootaaoromiyaa| https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f| https://www.youtube.com/@Oromiaeducationbureau📱 https://www.youtube.com/@Oromiaeducationbureau|📱| https://t.me/bekerdotcombot🤖 https://t.me/bekerdotcombot|

Oromia Education Bureau

May 12, 2026, 08:24 AM

📷 Photo

#LIVE
Kabaja Ayyaana Hundeeffama Biiroo Barnootaa Oromiyaa Waggaa 33ffaa
#Harsadii_Bishooftuu
Caamsaa 01/2018

https://t.me/OromiaeducationbureauCenter 💠

10,600

Oromia Education Bureau

Apr 26, 2026, 10:46 PM

📷 Photo

https://tglink.io/c6087a66ccdd6c
If you sign up using my link, I earn $10
Use for 3 months. Get your credit card.
0% fees. Full control.
Up to $100,000 limit.
15% cashback on purchases over $1,000 (after 3 transactions).
20% back on Amazon purchases.
Works with Google Pay & Apple Pay.
Worldwide use. No verification.
Spend smart. Earn more. 💳✨

6,440

Oromia Education Bureau

Apr 26, 2026, 10:46 PM

https://www.instagram.com/biiroobarnootaoromiyaa?igsh=bjZsZjFudmdhMXlp&utm_source=qr📱

Get real updates on exams,results and official announcements.

https://www.instagram.com/biiroobarnootaoromiyaa [ https://www.instagram.com/biiroobarnootaoromiyaa ]

Be the first to know 🚀

3,850

Oromia Education Bureau

Apr 26, 2026, 10:46 PM

📷 Photo

Qormaatni Naannoofi Biyyoolessaa Bara 2018 Waxabajjii keessa kennama jedhame.
-----------------
BBO- Ebla 16/2018 Qormaatni Naannoo kutaa 6ffaa. 8ffaafi Biyyoolessaa kutaa 12ffaa bara 2018 ji'a Waxabajjii/2018 jalqabaafi walakkaa irraa eegalee kan kennamu ta'uu Biiroo Barnootaa Oromiyaatti Daayirektarri Daayirektoreetii Qormaataafi Iyyaafannoo Barnootaa obbo Huseen Qaasim ibsaniiru.
Qormaatni Naannoo kutaa 6ffaafi kutaa 8ffaa ji'a Waxabajjii guyyoota hojii jalqabarraa kennamuu kan jalqabu yoo ta'u, qormaatni biyyoolessaa kutaa 12ffaa immoo ji'a Waxabajjii walakkaa irraa eegalee kan kennamu ta'uu himaniiru.
Barattootni qormaata biyyoolessaafi naannoo fudhachuuf qophiirra jiranis daran qophii isaanii akka cimsan jajjabeessaniiru.

Haaluma walfakkaatun, hoggansiifi barsiisotni manneen barnootaa fooyya'insi qabxii barattootaa harka keessan waan jiruuf abdiin keenyaafi maatii barattootaa akka dhugoomsitan jechuun kan dhaaman yoo ta'u, maatiin barattootaa. GTBfi caasaan mootummaa godinaa hanga gandaa jiranis deeggarsa kanaan dura barattoota keenyaa taasisaa turtan caalaa milkaa'ina olaanaa galmeessisuuf akka hojjattan jechuun dhaamsa dabarsaniiru.

Dhimarratti, Qormaatni Naannoo kutaa 6ffaafi 8ffaa guuyyootni 45 qofa kan hafan yoo ta'u, Qormaatni Biyyoolessaa kutaa 12ffaa immoo, guyyoota 55 kan hafan waan ta'eef barattootnifi barsiisotni keenya yeroo muraasa hafte tanatti fayyadamuun qabxii olaanaa galmeessuuf akka hojjattan dhaamsa keenya ta'a.

- #Yeroo qo'annoo Gaarii Barattoota keenyaaf,
-#Ifaajjii Barsiisota keenyaaf firii Gaarii hawwina.
#Barri kan milkii haata'u!
#Carraa_Gaarii!

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Apr 26, 2026, 10:46 PM

📷 Photo

Hundeeffama Biiroo Barnootaa Oromiyaa Waggaa 33ffaa Sababeeffachuun Godinni Jimmaa Dorgommii Ispoortii Manneen Barnootaan Kabajuu Eegale.
-----------
BBO- Ebla 14/2018 Hundeeffama Biiroo Barnootaa Oromiyaa Waggaa 33ffaa sababeeffachuun Godina Jimmaatti Dorgommiin Ispoortii Manneen Barnootaa Aanaalee Godinichaatti argaman giddutti geggeessuu eegalaniiru.

Sirna baniinsa dorgommii shaampiyoonaa manneen barnootaa irratti argamuu haasawa kan taasisan bulchaan Godina Jimmaa Obbo Tijjaanii Naasir yoo ta'an, haasawa isaaniin, barattoonni har'aa, egeree biyya keenyaa keessatti murteessummaa isaan qaban hubachuun mootummaan jijjiiramaa xiyyeeffannoo kennuun irratti hojjataa akka jiru ibsaniiru.
Dabalataanis, manneen barnootaa giddu gala beekumsi itti horatamu qofa otuu hin taane bu'uura ispoorteessitoota ciccimoon keessaa burqan akka ta'e kan himan Obbo Tijjaaniin, dorgommiin shaampiyoonaan akkanaas iddoo olaanaa akka qabu himaniiru.

Itti aansuun, Hogganaa Ittaanaan Biiroo Barnoota Oromiyaa Dr. Kaasahun Galaanaa, sirna baniinsa dorgommii shaampiyoon liigii manneen barnootaa godinichaa irratti argamuun haasawa taasisaniin, bu'uurri ispoorteessita bebbekamoo hedduun isaanii manneen barnootaa akka ta'e ibsuun, Biiroon Barnootaa Oromiyaa hundeeffama isaa waggaa 33ffaa gaafa kabaju hojiiwwan waggoota 33'n darban hojjechaa tureen lammilee beekumsaan biyya kana ceesisuu danda'an heddumminaan horachuun biyyaaf gumaachaa akka jiru dubbataniiru.
Dabalataanis, kabajni ayyaana Hundeeffama BBO waggaa 33ffaa Godinaaleefi Magaalota Naannoo keenyaa keessatti sadarkaa manneen barnootaa irraa kaasee gaggeeffamaa akka jiru himuun, torban tokkoon booda sadarkaa naannootti kan kabajamu ta'uu Dr. Kaasahun beeksisaniiru.

Hogganaan Waajjira Barnootaa Godina Jimmaa Obbo Miftaahuu Abdulqaadir haala kabaja ayyaanichaafi dorgommii Shaampiyoon Liigii Manneen Barnootaan walqabatee haasawa taasisaniin kaayyoo dorgommichaa ibsaniiru. Kaayyoon dorgommichaas jedhan obbo Miftaahuu, 1)Hundeeffama BBOfi Imala Waggoota 33 yaadachuufi
2) Dorgommii kanaan Ispoorteessitoota Godinicha bakka bu'uun shaampiyoonaa sadarkaa naannoo irratti hirmaatan filachuuf akka ta'ee fi shaapiyoonichi Ebla 14-21/2018tti torban tokkoof kan gaggeeffamu ta'uu himaniiru.
Shaampiyoonaan ispoortii liigii manneen barnootaa Aanaalee Godina Jimmaa kun torban tokkoof Magaalaa Jimmaatti kan gaggeeffamu yemmuu ta'u, gosoota ispoortii 4'n ispoorteessitoota 500 ol hirmaachisuun kan dorgomamu ta'uunis beekameera.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Apr 26, 2026, 10:46 PM

https://www.instagram.com/biiroobarnootaoromiyaa?igsh=bjZsZjFudmdhMXlp&utm_source=qr📱

Get real updates on exams,results and official announcements.

https://www.instagram.com/biiroobarnootaoromiyaa [ https://www.instagram.com/biiroobarnootaoromiyaa ]

11,600

Oromia Education Bureau

Mar 29, 2026, 09:10 AM

📷 Photo

‎#Barattoota_Shamarranii_Manneen Barnootaa Keessatti #Deeggaruuf #Murteessummaa_Gumiifi Qajeelfama Isaarratti Leenjiin Kennamaa Jira
‎+++++++++++
‎BBO, Bitootessa 4/2018 Barattoota shamarranii manneen barnootaa keessatti deeggaruufi barnoota isaaniitti cimanii akka barataniif Ogeessota Kornayaa godinaalee, aanaaleefi barsiisota manneen barnootaa gumii shamarraniirratti hojjetaniif leenjiin #Qajeeltoowwan_Gumii_Gita_Kornayaarratti kennamaa jira. Hirmaattonni leenjii #Sagantaa_Siistama_Tiraaniformeeshinii #Barnootaa /System for Transformation Education Program(#STEP) Dhaabbata gargaarsaa #UNICEFn godinaaleefi aanaalee deeggaramaniif kan kennamudha.
‎Saganticha BBOtti #Daayirektoreetiin #Idileessa_Sirna Kornayaafi Daa'immanii Aadde #Na'iimaan #Abbaabiyyaa jalqabsiisanii jiru.
‎Haasawa taasisaniin hojiin barnootaa keenya kan inni guutuu ta'u barattoonni dhiiraafi shamarranii walqixa carraa kennametti yoo fayyadaman waan ta'eef, #Leenjiin Yaad-rimee Kornayaafi #Qajeeltoowwan_Gumii_Gita_ Kornayaafi hundeeffama akkasumas hojiirra oolmaa isaarrtti kennamu kun miidhaa ykn dhiibbaa barattoota shamarraniirra gahu xiqqeessuuf kan gargaarudha jechuun ibsan.
‎Carraan barnootaa walqixa kenname bu'a qabeessa kan ta'u barattoonni dubaraa barsiisotaafi barattoota warra dhiiraa waliin wal-deeggaranii yoo baratan qofaadha. Kana dhugoomsuuf ammoo barsiisonnii Gumii shamarranii hoggananiifi gumiiwwan biroo keessatti qajeeltoo isaan deeggaru irratti bu'uureffachuun hojjechuun hojii filannoo hinqabnedha jedhan Aadde Na'iimaan.
‎Karaa biraan leenjiin irra deddeebiin itti fayyadama meeshaa qulqullinaa (Moodeesii) barattoota shamarranii manneen barnootaa keessatti itti fayyadama isaarrattis kan kennamu waan ta'eef itti xiyyeeffattanii akka hordoftan jechuun dhaamaniiru.
‎Itti dabaluunis dhumarratti Leenjicha hordoftanii asii yeroo deebitan qabatama gochuun barattoota keenya fayyadamoo akka gootan jechuun dhaamsa jabduu barsiisotaafi ogeessota Kornayaa godinaaleefi aanaaleerraa hirmaataniif dhaamaniiru.
‎Leenjiin kennamu ogeessotaafi barsiisota Kolleejjii Barnoota Barsiisotaa muuxannoo gahaa qabaniin kennamaa jira.
‎#MATA_DUREE_LEENJII
‎#Yaad_rimee_Kornayaafi_Gita_Kornayaa
‎#Qajeeltoowwan_Gumii gita Kornayaafi Hundeeffama isaa
‎#Itti_Fayyadama_Meeshaalee Qulqullinaa(Moodeesii) barattoota Shamarranii irra deddeebiin itti fayyadama irrattis leenjiin hubannaa uumuu ni kennama.
‎#Biiroon_Barnootaa qisaasamni barnootarratti akka hin uumamneef #Hawaasa_Dhaabbilee_Deeggartoota misoomaa, dhaabbilee #mootummaafi mit-mootummaa waliin qindoominaan hojjechaa jira. Barattoonni shamarranii sababa dhiibbaa garaa garaan mana barumsaarraa akka hindeebineefi barnoota isaaniitti cimanii akka barataniif manneen barnootaa keessatti haala mijeessuun deeggarsa addaa taasisaa jira.
‎Haaluma kanaan hirmaannaafi qabxiin barattootaa keessattuu barnoota sad.1ffaa keessattii fooyyee guddaa agarsiisaa jira.
‎Leenjitoonni leenjii guyyaa har'aa kennameefiitti gammaduun dhiibbaa barattoota shamarranii manneen barnootaa keessattifi alatti mudatu furuuf leenjii fala rakkoo ta'u argachuufi irratti hojjechuu akka qaban ibsaniiru.
‎Leenjichi guyyoota 2'f kan itti fufu ta'a.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

pinned a photo

Oromia Education Bureau

Mar 29, 2026, 09:10 AM

📷 Photo

Hogganaan BBO Raawwii Hojii Piroojektoota Ijaarsa Manneen Barnootaa Sad. 2ffaa 27 Gamaaggaman
--------
BBO- Bitootessa 03/2018 Hogganaa Biiroo Barnootaa Oromiyaa Dr. Tolaa Bariisoo raawwii hojii pirojektoota ijaarsa Manneen Barnootaa Ifa Boruu Sad. 2ffaa 23fi Manneen Barnootaa 4 Ministeera Barnootaan ijaarsisaa jiran 4 ijaarsi isaanii Muddee 2018 keessa eegalamanii turan raawwiin isaanii sadarkaa maal irra akka jiran koonntiraaktaroota ijaarsarratti bobba'an galma biirichaatti walitti qabuun gamaaggama raawwii hojichaa gaggeessaniiru
Pirojektootni ijaarsa manneen barnootaa ifa boruu sad. 2ffaa 23fi manneen barnootaa sad. 2ffaa moodela ta'an kanneen dhaabbileen ijaarsarratti bobba'an;
1-Korporeeshinii Ijaarsaafi Riil Isteetii Magaalaa Shaggar
2- OBM
3- Dhaabbata Konistraakshinii Waldaa Misoomaa Oromiyaa
4- Imagine One Day yoo ta'an manneen barnootaa Ifa Boruu Sad. 2ffaa 23 BBO waliin waliigaltee kan mallatteessan yoo ta'u, Manneen Barnootaa Moodelotaa Sad. 2ffaa 4 immoo, Ministeera Barnootaa waliin kan waliif mallatteessan ta'uun beekameera.

Haaluma kana bu'uureeffachuun raawwii hojii ji'oota lamaa ol darban keessatti hojjataman gabaasa ijaarsa manneen barnootaa 27 gabaasa kan dhiheessan BBOtti Daayirektarri Daayirektoreetii Ijaarsafi Suphaa Dhaabbilee Barnootaa Injinar Ayyalaa Xibabuu yoo ta'an, Injinar Ayyalaan hordoffiifi daawwannaa yeroo yeroo gaggeessaa jiran irraa ka'un gabaasa raawwii ijaarsaa dhiheessaniiru
Gabaasa Raawwii ijaarsaa walii galaa dhihaate irratti hundaa'un dhaabbileen ijaarsaa afranuu haalaafi sadarkaa ijaarsi isaanii irra jiru walduraa duuban dhiheessaniiru.
Gabaasa raawwii ijaarsa manneen barnootaa sad. 2ffaa 27 dhihaate keessatti dhaabbileen ijaarsaa sadarkaa gaarii irra (hanga 60% -70%) jiran akkuma jiran raawwin isaanii kan harkifataa jiranis mul'achuu kan hubatame yoo ta'u, haala yeroo waliigalteerra taa'en xumuramuu qabu irratti mariin gaggeeffameera.
Marii gaggeeffameen dhaabbileen ijaarsaa hojiin jala harkifachaa jirus maqaa dhahun, rakkoon isaanii kan gamaaggamame yoo ta'u, malli furmaataafi kallattiin kaa'ameera.
Hogganaan BBO Dr. Tolaa Bariisoo gamaaggama gaggeessaniin ijaarsi Manneen Barnootaa kun ji'oota shan keessatti akka xumuramu waliigalamuu ibsuu, gabaasa har'a dhihaatan irraa hubatamuun kan danda'amu dhaabbileen ijaarsaa 4nuu raawwii gaarii irra kan jiran ta'uu dubbataniiru. Dhaabbileen tokko tokko immoo saayitiiwwan tokko tokkorratti harkifannaan kan jiru waan ta'eef xiyyeeffannoo olaanaa kennuun yeroo waliigaltee keenyan dura akka xumurtan jechuun kallattii kennaniiru.

Walumaagalatti ijaarsi manneen barnootaa sad. 2ffaa 27 kunniin Bitootessaa - Eblaa/2018 keessatti xumuramuu kan danda'amu yoo ta'u, bara barnootaa 2019tti adeemsi baruu barsiisuu keessatti kan gaggeeffamu ta'uun beekameera.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

Barnoota Hojiifi Gochaa Irratti Waliin Hojjachuuf #B_B_O fi #B_C_H_U_O_O Sanada Walii Galtee Waliif Mallatteessan.
-----------
BBO- Guraandhala 30/2018 Barnoota hojiifi gochaa kutaa 10ffaafi 11ffaa keessatti kennamu irratti waliin hojjachuuf Biiroon Barnootaa Oromiyaa(BBO)fi Biiroon Carraa Hojii Uumuufi Ogummaa Oromiyaa(BCHUOO)
sanada waliigaltee har'a bakka hoggansi, daayirektarootnifi hojjattootni biiroo lamaanuu argamanitti galma xiqqaa BBO keessatti waliif mallatteessaniiru.

Waliigaltee waliin hojjachuu kan mallatteessan gara BBOtii hogganaa I/A BBO Dr. Galaanaa W/Mikaa'el yoo ta'an gara BCHUOOtin immoo hogganaa I/A BCHUOO obbo Nasraddiin Qaadii ta'uun kaayyoofi barbaachisummaa waliigaltees hirmaattotaaf ibsaniiru.

Kaayyoon walii galtee kanaas ; Barattoota kutaa 11ffaafi 12ffaa barnoota hojiifi gochaa leenjisuun ogummaa yeroon barbaadu gonfachiisuu yoo ta'u, leenjiin kun dhaloota ogummaan cimuun jireenya isaaniifi hawaasa isaanii jijjiiruufi gabaa addunyaa keessatti dorgomaa taasisuu irratti kan xiyyeeffate ta'uunis beekameera.
Leenjiin kennamu kunis istaandardii Ministeerri Barnootaa biyya keenyaa baase irratti hundaa'ee kan kennamu waan ta'eef humna namaa gahome horachuu keessatti gahee guddaa akka qabu ibsameera.
Barnootnifi Leenjii. barsiisotniifi giddu galli leenjii BCHUOOn kan kennamu yoo ta'u, BBOn immoo, baasii leenjichaafi haala mijeessuun waliigaltee keessatti eerameera.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

Barnootni Ga'eessotaa Hawaasa Teeknooloojitti Fayyadamu Horachuuf Murteessaadha Jedhame.
----------------
BBO- Guraandhala 28/2018 Biiroon Barnootaa Oromiyaafi dhaabbatni miti mootummaa Helvetas Ethiopia jedhamu dhimma barnoota Ga'eessotaa irratti waliin hojjachuuf har'a bakka hoggantootnifi daayirektarootni BBO argamanitti waliigalteerra gahameera.
Dhaabbatni Helvetas Itoophiyaa jedhamu mootummaa Itoophiyaa irraa heyyama argachuun biyya keenya keessa kan socho'uu jalqabe Akka Lakk. Awurooppaatti bara 2003 irraa kan eegale yoo ta'u, bara kana immoo, Biiroo Barnootaa Oromiyaa waliin dhimma barnoota Ga'eessotaa irratti, hawaasni barreessuu. dubbisuufi lakkoofsota shallaguu hin dandeenye barsiisuufi dandeessisuuf kan kaayyeffate yoo ta'u, lammiiwwan barreessuu, dubbisuu danda'an madaallii ifaan adda baafachuun barnoota ogummaa jireenyaaf isaan fayyadu dabalataan kan kennu ta'uu, barreeffama bakka buutun dhaabbatichaa waltajjiif dhiheessan irraa hubatamuun danda'ameera.

Dhaabbatni 'Helvetas Ethiopia' guddina misooma walitti fufiinsa qabu hawaasa keessatti mirkaneessuufi barnootaafi leenjii ogummaa kennuun jireenyi hawaasa godinaalee rakkoo keessa jiran fayyadamaa taasisuu irratti kan hojjatuudha.
Dhaabbatichi BBO waliin hojiiwwan hojjatamuu qaban keessaa;
- Haala mijeessitoota Barnoota Ga'eessotaa leenjisuufi gahomsuu,
- Ga'eessota dubbisuu, barreessuufi herrega shallaguu dandeessisuu,
- Sirna barnootaa sagantichaa fooyyessuufi humna namaa gahomsuu irratti bajata ramaduun kan hojjatanii ta'uu,
- Ga'eessota Madaallii Ifaa darban ogummaa hojiiwwan adda addaa leenjisuun gahomsuufi kkf irrarti kan hojjatu ta'uun beekameera.

Waltajjii kanarratti argamuun haasawa kan taasisan Hog. I/A BBO obbo Girmaa Baayisaa yoo ta'an, haasawa isaanii keessatti dhaabbatni 'Helvetas Ethiopia ' barnoota naannoo keenyaa deeggaruufi biiroo keenya waliin hojjachuuf heyyamamoo ta'uusaaf galateeffataniiru. Itti aansuun haawasni keenya carraa barnoota idilee otuu hin argatin yeroo ammaa dubbisuu, barreessuufi shallaguu irratti rakkoo guddaa keessa jiran (ga'eessotni) bara dijitaalawaa kana keessa jireenya isaanii guyyaa guyyaan socho'an keessatti rakkataa waan jiraniif furmaata laachuun kan danda'amu mootummaa qofaan otuu hin taane dhaabbilee miti mootummaa akka Helvetas Ethiopia waliin yoo hojjanneedha jedhaniiru.
Kanaafuu, dhaabbileen biyya keenya keessatti dhimma barnootaa irratti hojjatan kanneen biroos gara naannoo keenyaa dhufuun gumaacha akka taasisan dhaamsa dabarsaniiru.
Itti aansuun haala barnootaa waliigalaafi ga'eessota naannoo keenyaa kan ibsan BBOtti, Daayirektara Daayirektoreetii Sagantaa Barnootaa Al Idilee obbo Tashoomaa Abbabaa yoo ta'an, ibsa taasisan keessatti, BBOn barnoota ga'eessotaa dabalatee barnoota saffisaa, fagoo, galgalaafi bu'uura irratti hawaasa keenya wallaalummaa barreessuufi dubbisuu keessaa baasuf bu'uura irraa hojjataa kan jiru ta'uu ibsaniiru. Hawaasni barate guddina biyyaafi guddina jireenya dhuunfaaf fayyadamoo waan ta'aniif dhaabbilee miti mootummaafi qaamota qooda fudhattoota barnootaa waliin cimanii kan hojjatan ta'uu ibsaniiru.
Dhumarratti, dhaabbata Helvetas Ethiopia waliin barnoota ga'eessotaa irratti hojjachuuf kaka'umsaafi fedhii dhaabbatichi qabu dinqisiifataniiru.

Dhumarratti, dhaabbatni Helvetas Ethiopia'n guyyaa dhihoo keessatti hojiisaa Godina Arsii Lixaa keessatti akka eegalu kallattiin kennameefiira.
Dhaabbatichis kallattii kennameef fudhachuun bu'aa deeggarsa isaa ji'oota muraasa keessatti qabatamaan kan agarsiisuu ta'uu waadaa galeera.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

Gahumsa Keessoo Barnootaa Fooyyessuuf Sababaafi Dhiibbaa Kutaarraa Kutaatti Ce'uufi Harcaatii Barattootaa Irratti Qorannoon Eegalame.
---------------
BBO- Guraandhala 27/2018 Biiroon Barnootaa Oromiyaa dhimmoota qulqullina barnootaa mirkaneessuu danda'an irratti damee hedduun qo'annoofi qorannoo saayinsaawaa gaggeessun hudhaalee qulqullina barnootaa furaa dhufeera.

Haaluma kanaan rakkoowwan qulqullina barnootaa keessaa ijoo kan ta'eefi hatattamaan furmaata argachuu kan qabu tokko #Gahumsa_Keessoo (Internal Efficiency) barnootaa ti. Rakkoo gahumsa keessoo barnootaa furuuf immoo, qoramnoon saayinsaawaa ta'e gaggeessun murteessaa waan ta'eef qorannoo BBOn gaggeessaa ture qofaan hiikuu yaaluu caalaa hayyoota barnootaa qaama alaatin qorachiisuf murteesseera.

Bu'uuruma kanaan, gufuuwwan gahumsa keessoo barnootaa ta'an keessaa sababootaafi dhiibbaawwan kutaarraa gara kutaatti ce'uufi harcaatii barattootaa Sad. 2ffaa irratti mata duree qorannichaa:
Gahumsa Keessoo Barnoota Sad. 2ffaa Irratti:
Sababootaafi Dhiibbaawwan Kutaarraa Kutaatti Ce’uufi Harcaatii Barattootaa
(#Internal_Efficiency_of_Secondary_Education in Oromia Regional State: #Causes_and_Implications_of_Transition_and_Dropout Rates) irratti qorannoo akka gaggeessan hayyoota barnootaa Yunivarsiitiiwwan irraa walitti babahaniin akka qoratamu kennameera.

Qorannoon gaggeeffamu kun #barattootni_kutaa_8ffaa_gara_kutaa_9ffaa ce' uu dadhabuufi #harcaatii_barattootaa Sad. 2ffaa keessa jiru irratti sababootaafi dhiibbaawwan jiran adda baasun furmaata waliin agarsiisuu irratti kan xiyyeeffatu ta'unis beekameera.

Qorannoo kanaaf yaada ka'umsa ta'u BBOtti Daayirektara Daayirektoreetii Sagantaa Barnoota Sad. 2ffaa Doktara Kaadhimamaa Mangistuu Lataa barreeffama mata dureen isaa - "#An_Overview_of_Internal_Efficiency: Specific Focus on Secondary Education".jedhu dhihessaniiru.

Haaluma walfakkaatuun mata duree qorannoo rakkoo gahumsa keessoo barnoota naannoo keenya furuu danda'u jedhamee #hayyootni_barnootaa_Yunivarsiitiiwwan_irraa_dhufan_filataniifi_wixinee isaa #bakka_hoggantootni_Itti_Aantotniifi_Daayirektarootni_BBO jiranitti dhiheessaniiru.

Wixinee qorannichaa dhihaate irratti #hirmaattotni_mariichaa_gaaffilee_yaadota_galteefi_gabbisaa wixinee ta'an kennuun bu'aan qorannoo kanaa rakkoo barnoota keenyaa akka furuu danda'utti of kennuun hojjatamuu akka qabuufi BBOnis qorattootaaf deeggarsa barbaachisaa ta'e akka taasisu dhaamsa dabarsuun mariin wixinee qorannichaa Giddu Gala Qorannoofi Leenjii Barnootaa Oromiyaa - Adaamaatti gaggeeffamaa oole xumurameera.

#Gahumsa_keessoo_barnootaa_fooyyessuun_qisaasama_qabeenya_ummata_keenyaa_haa_hambifnu!

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

Qormaatni Madaallii Gahumsa Ogummaa Barsiisotaafi Hoggansa Manneen Barnootaa Guyyaan Beekame.
---------
BBO- Guraandhala 21/2018 Biiroon Barnootaa Oromiyaa barsiisotaafi hoggansa manneen barnootaa naannichaa yeroo yeroon qormaata madaallii gahumsa ogummaa barsiisotaafi hoggansa manneen barnootaa mirkaneessu kennuun Heyyama Gahumsa Ogummaa kennaa turuun ni beekama.

Haaluma kanaan bara 2018 keessa qormaata marsaa bara kanaaf kennamu fudhachuuf fedhiin 'online'n galmaa'an:-
#Barsiisotniifi_hoggansi manneen barnootaa Sad.1ffaa (kutaa 1-6) barsiisan - 11,572
#Barsiisotniifi_HMB_Sad_Giddu_Galeessaa (kutaa 7-8) barsiisan - 7,244 fi
#Barsiisotniifi_HMB_Sad_2ffaa (kutaa 9-12) barsiisan - 5,776 ,
#Walumaa_galatti naannoo keenyatti fedhiisaanitiin galmaa'un #guyyaa_qormaataa_madaallii_ogummaa_eeggachaa_jiran 24 592 ta'uun beekameera.

Qormaatni Madaallii Gahumsa Ogummaa Barsiisotaafi hoggansa manneen barnootaa Bara 2018 Kennamu #Akka_Biyyaatti_Guyyaafi_Sa'aatii #Walfakkaatu_Keessatti_Kan_Kennamu Ta'uu Ministeerri Barnootaa Itoophiyaa Ergaa Dabarseera.

Kanaafuu,
#Guyyaa_Qormaataa :- Bitootessa 28/2018,
#Sa'aatiin Qormaataa :- Ganama Sa'aatii 3:00 - 5;00 tti kennama.
#Haala_Qormaataa :- 'Online' kompitaraan
#Qophii_Qormaataa:- Barsiisaan hunduu Sadarkaa Sadarkaa Barsiisaa Jirutti Gosa barnootaa barsiisaa Jiru keessaa qophaa'a.
#Iddoo_Qormaataa:- Waajjirri Barnootaa Godinaalee, Magaalotaa, Kutaa Magaalotaafi Aanaaleen ogeessota ICT isaanii waliin ta'uun dursanii kan isin beeksisan ta'uu kallattiin kennameera.

#Barsiisummaan_Handhura_Ogummaa_Maraati!

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

Baga Guyyaa Ayyaana Injifannoo Adwaa Waggaa 130ffaa Nagaan Geessan!

#Guraandhala 23/2018

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

‎ Teeknooloojitti Fayyadamuun Sagantaa Barnoota Saffisaa Meeshaa Dijitaalan Kennuusaa Dhaabbatni Faawondeeshinii Waaqoo Guutuu Ibse.
--------------
BBO- Guraandhala 20/2018 Dhaabbatni gargaarsaa Faawondeeshinii Waaqoo Guutuu barattoota sagantaa barnoota saffisaa baratan meeshaa ammayyaa 'Tablet' tti fayyadamuun adeemsa baruu barsiisuu dijitaalessuun daa'imman godinaalee gammoojjiifi horsiisee bulaatti carraa barnootaa idilee hin argatiniifi sababa harcaatiin hiriyoota isaanii biraa duubatti hafaniif (#Tablet_Based_Accelerated Self_Learning_Program_For_Out_Of_School_Children) kennuuf godina Baaleefi Baalee Bahaa irraa aanolee lama ( Gurraa Dhaamoleefi Gindhir) Manneen Barnootaa 12 filataman keessaa dura bu'ootaafi barsiisota, hogggantoota godina lamaanuu, hoggantoota aanaalee lamaaniifi sagantaa barnootaa Al- Idileetti abbootii adeemsaafi godinaaleefi aanolee , walumatti hirmaattota dhimmi barnootni Saffisaa kallattiin ilaallatu 32 Godina Baalee - Bulchiinsa Magaalaa Roobeetti leenjii kennamerraa hubatameera.

Manneen Barnootaa filataman 12 keessatti barattoota argamaniif 'Tabileetiin' kan raabsamu waan ta'eef dura bu'ootni manneen barnootaa dhaabbaticharraa fudhachuun gara mama barnoota isaanii deebi'aniiru.

'Tablet'n dhaabbatni Faawondeeshinii Waaqoo Guutuu barattoota sagantaa barnoota Saffisaaf raabsan kun, baay'ee ammayyaa kan ta'e, itti fayyadamuuf salphaa, salphumatti kan hubatamu, barattootni ofumaa isaanii kan ittiin of barsiisan, gosa barnootaa Afaan Oromoo, Herrega, Ingiliffa, Saayinsii Naannoo, Gadaafi Dhaweessaa itti fe'ame ta'uufi tajaajila barnootaa kanneen qofaaf kan oolu ta'ee kan dhihaate ta'uu leenjii kenname irraa hubatamuun danda'ameera.

Sagantaa kanarratti kan argaman BBOtti Daayirektara Daayirektoreetii Barnoota Al-Idilee obbo Tashoomaa Abbabbaa yoo ta'an, haasawa taasisaniin BBOn barnoota qulqullina qabu lammii hunda biraan gahuuf sagantaa idileefi al idileen barsiisaa kan jiru ta'uu ibsuun, keessattu sagantaan barnootaa Al-Idilee lammiiwwan sababa adda addaatin carraa manneen barnootaa idilee galuu dhaban carraa biraa kan uumef ta'uu dubbachuun, barnootni Saffisaa immoo, daa'imman umrii 9-14 jiran waan hammatuuf ijoolleen kunniin sagantaa kanatti fayyadamuun ji'a 10 keessatti hiriyoota isaanii biraan kan dhaqqabsiisu ta'uu ibsaniiru.
Sagantaa barnoota saffisaa kanarratti biiroon keenyas of danda'ee kan hojjataa jiru ta'uufi dhaabbileen miti mootummaa biroos irratti hojjataa kan yoo ta'u, Dhaabbata Faawondeeshinii Waaqoo Guutuu adda kan isa taasisu barnooticha teeknooloojitti fayyadamuun dijitaalesauu isaati kan jedhan obbo Tashooman, dhaabbatichi daa'imman hawaasa keenyaa gargaaruuf keessattu, aanaaleefi manneen barnootaa haalli mijataan hin jirre filachuun barnoota keenya deeggaruu isaanii dinqisiifataniiru.
Kanumarratti hundaa'un leenjitootni manneen barnootaa irraa dhuftan haala itti fayyadama Tableetichaafi barattootni ofiin barsiisuu danda'an irratti haala mijeessuu akka danda'an gochuu irratti bu'uurri isaan ta'uu dubbataniiru.

Itti aansuun haasawa kan taasisan I/G Waajjira Barnootaa Godina Barnootaa obbo Tashaalee Disaasaa godinni isaanii carraa argateef Faawondeeshinii Waaqoo Guutuufi BBO galateeffataniiru.
Leenjichas xiyyeeffannoon kennameefi akka hordofamu, keessattuu barsiisotni asii galanii barattoota isaanii gahumsan akka deeggaran leenjitootaaf dhaamsa dabarsaniiru.

Leenjitootnis leenjii booda yaada kennaniin, haala itti fayyadama 'Tablet' fi barachuu barattootaa deeggaran qabatamaan kan leenji'an ta'uu ibsuun haala salphaa ta'een hojiirra oolchuu akka danda'an ofitti amanamummaa qaban dubbataniiru.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Oromia Education Bureau

Mar 29, 2026, 09:10 AM

📷 Photo

‎#Madaalliin_Adeemsa_Hojiirra_Oolmaa Sirna Barnootaa Bu'uura Boruufi Sad. 1ffaa (Preprimary & Primary School #Curriculum_Implementation_Formative #Evaluation) Gaggeeffamaa jira.
‎++++++++++
‎BBO, Gurraandhala 17/2018 #Madaalliin Adeemsa Hojiirra Oolmaa Sirna Barnootaa Bu'uura Boruufi Sad.1ffaa (Preprimary & Primary School Curriculum Implementation Formative Evaluation) jedhu Godinalaee 9, Bul. Magaalotaa 6, Aanaalee baddaa 13fi Horsiisee Bulaa 3 keessatti hojiin sakatta'insaa hanga daree barnootaatti gageegffame irratti mariin argannoorratti gageegffamaa jira.
‎#Madaalliin_Maalummaa Adeemsa Hojiirra Oolmaa Sirna Barnootaa kun bifa #Saayinsaawaafi_walittifufaa ta'een raawwii sirna barnootaa qorachuuf hordofamuudha.
‎Xiyyeeffannoon madaallii hojiirra oolmaa kun ciminaalee, hanqinaaleefi danqaalee raawwii sirna barnootaa keessatti mudatan adda baasuun fooyyessaafi gabbisaa deemuun hojiirra oolmaa sirna barnootichaaf akka galteetti itti fayyadamuuf kan gargaaru ta'uu #BBOtti Ogeessi Sirna barnootaa sagantaa barnootaa sad.1ffaa #Obbo_Darajjee_ Mokonnon yadaa kennaniiru.
‎Hojii madaallii kana kanneen gaggeessan
‎Barsiisota KBB (#Ciroo_Adoolaa, #Yaaballoo_Sabbataa, D/Doolloofi Shaambuu) irraafi garee ogeeyyii BBO waliin ta'uun gaggeeffame.
‎#Kaayyoowwan_Ijoo_Madaallii
‎#Haalli sirni barnootichaa sirriitti hojiirra oolaa jiraachuu isaa sakatta’uu.
‎Wal-simsiisummaa kaayyoowwan sirna barnootaa, dhiyeessii barannoofi gochaalee iyyaafannoo sakatta’uu,
‎#Ciminaaleefi hanqinaalee adeemsa baruu-barsiisuu adda baasuu
‎Tarsiimoowwan baruu-barsiisuufi hirmaannaa barattootaafi hoggansa daree barnootaa sakatta’uufi dhimmoota deeggersa baruu-barsiisuu barbaadan adda baasuu,
‎#Dhiyeessiifi itti fayyadama meeshaalee barnootaa (TLMs) madaaluu
‎Meeshaalee barnootaa sirrummaa (relevance) qaban (Kitaaba Barataa, Qajeelcha Barsiisaa) deeggersi biroo gahaan jiraachuufi itti fayyadama isaanii sakatta’uu,
‎#Dagaaginaafi foyya’insa barachuu hordofuu (Monitor Learner Progress and Development) Barattoonni gahumsawwan eegaman gonfachuu,
‎Hirmaannaafi barachuu barattootaa fedhii garaa garaa qaban madaaluu,
‎#Gahumsa barsiisotaafi deeggarsa ogummaa barbaadamu madaaluu,
‎Hubannoo barsiisonni sirna barnootichaa irratti qaban, mala barnoota barataa-giddugaleeffateefi tarsiimoowwan iyyaafannoo sakatta’uu,
‎Fedhii dagaaginaafi deeggersa ogummaa barsiisotaa adda baasuu,
‎#Sirna deeggersaafi hoggansaa MB sakatta’uu, Akkaataa hoggansi MB hojiirra oolmaa sirna barnootaa deeggaraa jiru madaaluu.
‎#Hojiirra oolmaa Sirna Barnootaa keessatti rakkoolee baratamoofi sirnaawaa ta'an adda baasuu (Contextual and Systemic Challenges), Rakkoolee sadarkaa MB, hawaasaafi olaanaa kanneen akka baay’ina barattootaa, bu’uuraalee barnootaa raawwii sirna barnootichaa danqan adda baasuufi kkf irratti mariin gadi fagoo ta'e gaggeeffamaa jira.
‎Akka waliigalaatti madaalliin gaggeeffame erga yaanni irratti kennameen booda rakkoolee sakatta'insaan adda baafame akka galteetti fudhachuun hojii qophii kitaabaas ta'e gabbisa sirna barnootaa fooyyessuu keessatti akka itti dhimma bahamuu danda'u hubatamee jira qorannoo taasifamerraa.

💙 💠
💙 https://t.me/OromiaeducationbureauCenter 💠

https://www.facebook.com/biiroobarnootaaoromiyaa📱 https://www.facebook.com/biiroobarnootaaoromiyaa https://whatsapp.com/channel/0029VaAAvFq7IUYa2Tpk7t2f📱 https://whatsapp.com/channel/0029VaAAvFq7IUYa2Tpk7t2f https://www.youtube.com/@Oromiaeducationbureau📱 https://www.youtube.com/@Oromiaeducationbureau📱 https://t.me/bekerdotcombot🤖 https://t.me/bekerdotcombot

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Oromia Education Bureau

Oromia Education Bureau

Ranking

Participant Growth (Last 8 Days)

Latest Posts

Rating

User Reviews (0)

Related Telegram Channels

ІПСА АБІТ • IASA ABIT 2026

MP BOARD EXAM 2026

Maths By Gagan Pratap

U.S. Department of Justice

Casa Rusa en Buenos Aires🇦🇷

RabisirGeography

Fx Replay

LMT Government Jobs

Related Telegram Channels

ІПСА АБІТ • IASA ABIT 2026

MP BOARD EXAM 2026

Maths By Gagan Pratap

U.S. Department of Justice

Casa Rusa en Buenos Aires🇦🇷

RabisirGeography

Fx Replay

LMT Government Jobs

User Reviews (0)

Latest Posts