Yederaw - የደራው

Public

View Channel

Can't Join? @yederaw

19.7k Members

Updated: May 13, 2026 at 2:06 PM

Yederaw - የደራው

ይህ የደራው ነው!! 📌በመጽሔት 📌በማህበራዊ ሚዲያዎች 📌በኢንተርኔት ቲቪ ከናንተ ጋር ነን!! የደራው መጽሔት "ፀሐይ አትጠልቅም!" visit | www.yederaw.com ያግኙን @YederawSupport

@yederaw offers specialized information about wwwyederawcom and yederawsupport for subscribers interested in Flipkart Offers

Ranking

Global Ranking

#456

Language Ranking

#45

Category Ranking

#23

-1

Participant Growth (Last 9 Days)

Total: 19.7K

24h growth: +0 0%

Latest Posts

Yederaw - የደራው

May 26, 2026, 12:34 AM

📷 Photo

850

Yederaw - የደራው

May 26, 2026, 12:34 AM

📷 Photo

1,260

Yederaw - የደራው

May 26, 2026, 12:34 AM

ሊዮስ የምግብ ዘይትና አኩሪ ምርቶች ለ'እኛው ለኛው' የአረጋውያን መርጃ ማዕከል የግማሽ ሚሊዮን ብር ድጋፍ አበረከተ

በምግብ ዘይትና አኩሪ ምርቶች ዝግጅት የሚታወቀው ሊዮስ (Leos)፤ በቢሾፍቱ ከተማ ለሚገኘውና ለሁለት አስርተ ዓመታት በአረጋውያን መርጃነት ለዘለቀው 'እኛው ለኛው' ማዕከል የ500,000 (አምስት መቶ ሺህ) ብር የገንዘብ ድጋፍ አደረገ።

​ይህ የድጋፍ መርሀግብር የተከናወነው በግብርናውና በኢንዱስትሪው ዘርፍ ቀዳሚ ተጠቃሽ የሆኑትና የሊዮስ የምግብ ዘይትና ሶያ ምርቶች ባለቤት የነበሩት የመቶ አለቃ ለማ አስፋው መታሰቢያ ፕሮግራም ላይ ነው።

​መቶ አለቃ ለማ አስፋው በኢትዮጵያ የመጀመሪያውን ዓለም አቀፍ የዶሮና የእንስሳት መኖ ማምረቻ ድርጅት በመመስረት የሚታወቁ ሲሆን፤ ከዚህም ባሻገር አለማ ፋርምስ (Alema Farms) እና ሊዮስ የምግብ ዘይት ፋብሪካን በመሳሰሉ ግዙፍ ተቋማት አማካኝነት በሀገሪቱ የግብርና ግብዓት እጥረት ላይ ትልቅ መፍትሄ ሲያመጡ የቆዩ ባለራዕይ ነበሩ።

​ይህ በስማቸው የተደረገው ድጋፍም ድርጅቱ የእሳቸውን የበጎ አድራጎት አርአያነት ለመከተል ያለውን ቁርጠኝነት የሚያሳይ ነው።
​
​በቢሾፍቱ ከተማ በተካሄደው በዚህ ስነ-ስርዓት ላይ የዲቦራ ፋዉንዴሽን መስራችና ባለቤት አቶ አባዱላ ገመዳን ጨምሮ ሌሎች ጥሪ የተደረገላቸው እንግዶችና የድርጅቱ አመራሮች ተገኝተዋል።

​ሊዮስ የምግብ ዘይትና አኩሪ ምርቶች ድርጅት ጥራት ያለው ምርት ለገበያ ለማቅረብ በጥር 2007 ዓ.ም ተመስርቶ ወደ ስራ መግባቱ ይታወሳል። ድጋፍ የተደረገለት 'እኛው ለኛው' የአረጋውያንና የህጻናት መርጃ ማእከልም ላለፉት 20 ዓመታት በርካታ ወገኖችን ሲረዳ የቆየ አንጋፋ ተቋም ነው።

796

Yederaw - የደራው

May 26, 2026, 12:34 AM

ኮምፓስ ፕሮፐርቲስ የቤት እጥረትን ለመቅረፍ አዳዲስ የሪል እስቴት ፕሮጀክቶችን ይፋ አደረገ

#Yederaw | ከኮንስትራክሽን ዘርፍ ወደ ሪል እስቴት አልሚነት የተሸጋገረው ኮምፓስ ፕሮፐርቲስ፣ በዋና ከተማዋ አዲስ አበባ የሚስተዋለውን ከፍተኛ የመኖሪያ ቤት እጥረት በዘላቂነት ለማቃለል ሰፊ እንቅስቃሴ መጀመሩን አስታወቀ።

ኩባንያው ከዚህ ቀደም በመስቀል ፍላወር እና በቄራ አካባቢዎች የገነባቸውን ዘመናዊ አፓርትመንቶች አጠናቆ ለባለቤቶቹ ማስረከቡ የሚታወስ ሲሆን፤ በዛሬው ዕለት ደግሞ በቦሌ አትላስ አካባቢ በ1,496 ካሬ ሜትር መሬት ላይ ያሳነፀውን ባለ 15 ወለል ዘመናዊ አፓርትመንት በይፋ ለገበያ ማቅረቡን አብስሯል።

በዚሁ የቦሌ አትላስ ፕሮጀክት የከተማዋን ነዋሪዎች የተለያየ ፍላጎትና አቅም ያማከሉ፣ ከ80 እስከ 165 ካሬ ሜትር ስፋት ያላቸው ባለ አንድ እና ባለ ሦስት መኝታ ቤቶች ተካተውበታል።
የኩባንያው የልማት ራዕይ በዚህ ብቻ አላበቃም፤ በካዛንቺስ አካባቢ ለንግድ እና ለመኖሪያ አገልግሎት የሚውል ባለ 19 ወለል ግዙፍ ሕንፃ በመገንባት ላይ ይገኛል። በተጨማሪም በአደይ አበባ (ሳሪስ) አካባቢ ሰፊ የመኖሪያ መንደር ለመገንባት የሚያስችለውን የቅድመ ዝግጅት ሥራ ማጠናቀቁን የገለጸው ድርጅቱ፣ ለዚህም ይረዳው ዘንድ የጎህ ፕሮፐርቲ ኮርፖሬሽንን 80 በመቶ የባለቤትነት ድርሻ መግዛቱን አሳውቋል።

እነዚህ ተከታታይ እና ግዙፍ ፕሮጀክቶች፣ ኮምፓስ ፕሮፐርቲስ በኮንስትራክሽን ዘርፍ ያካበተውን ሰፊ ልምድ ወደ ቤት ልማት በማሸጋገር የብዙ ዜጎችን የቤት ባለቤት የመሆን ሕልም ዕውን ለማድረግ እንዲሁም በከተማዋ ያለውን የቤት አቅርቦትና ፍላጎት አለመመጣጠን ለማጥበብ ከፍተኛ አስተዋጽኦ እንደሚያበረክቱ በሽያጭ መርሐግብሩ ላይ ተገልጿል።

#ኮምፓስ_ፕሮፐርቲስ #ሪል_እስቴት #አዲስ_አበባ #መኖሪያ_ቤት #ኢትዮጵያ #CompassProperties #AddisAbaba #RealEstateEthiopia

1,380

Yederaw - የደራው

May 26, 2026, 12:34 AM

በዘንድሮው የ‘ግራንድ አፍሪካን ረን’ ለዕድለኛ ተሳታፊ ዘመናዊ የቶዮታ መኪና በዕጣ እንደሚቀርብ ተገለፀ

ዘመናዊ መኪና የሚያሸልመው ፤ በሺዎች የሚቆጠሩ የዲያስፖራው ማህበረሰብ አባላት በየዓመቱ የሚሳተፉበት የግራንድ አፍሪካን ረን የ5ኪሜ የመዝናኛ ሩጫ ዝግጅት በመጪው ኦክቶበር በዋሽንግተን ዲሲ ከተማ ለ8ኛ ዓመት ሊካሄድ መሆኑ ተገለፀ።

እ.አ.አ በኦክቶበር 10 2026 በሚካሄደው ዝግጅት  ከሚካፈሉ ተሳታፊዎች መካከል እድለኛ የሆነ ባለዕጣ የ2026 ቶዮታ ኮሮላ መኪና በዝግጅቱ ማጠናቀቂያ ላይ የዕጣ ማውጣት ስነስርዓት ተከናውኖ እንደሚሸለም ታውቋል።

የመኪና ሽልማቱ የዝግጅቱ ቀዳሚ አጋር በሆነው አሌክሳንድሪያ ቶዮታ የተዘጋጅቶ የሚቀርብ እንደሆነ ተገልፆል። እንደሁልጊዜውም በዚህ ዝግጅት ላይ ታላላቅ አትሌቶች እና የኪነጥበብ ባለሞያዎች በክብር እንግድነት እንደሚሳተፉም አዘጋጁ ኖቫ ኮኔክሽንስ የላከው ጋዜጣዊ መግለጫ ይጠቁማል።

"ቅድሚያ ለማህበረሰብ" በሚል መረሃ-ግበር የዝግጅቱ አጋር ሆኖ ለአለፉት 5 ዓመታት የቆየው እና ለቀጣዮቹ ዓመታት በአጋርነት የሚቆየዉ የአሌክሳንደሪያ ቶዮታ የጄነራል ማኔጀር የሆኑት አቶ ያሬድ ማን አለብህ እንደገለፁት፣ ግራንድ አፍሪካ ረን ከሩጫም በላይ ለዳያስፖራው ማህበረሱብ የመገናኛ እና ለበጎ አድራጎት ድርጅቶች የገንዘብ ማሰባሰቢያ መድረክ ሆኖ የሚያገለግል ከመሆኑም ባሻገር የድርጅታቸው የረጅም ጊዜ ደንበኞቹን ለማመስገን በዝግጅቱ ላይ ሽልማት እንደሚያቀርቡ ገልፀዉ፣ የአሌክሳንደሪያ ቶዮታ ከዳያስፖራው ማህበረስብ ጎን በቀጣይነትምበኣጋርነት እንደሚቆም ጠቁመዋል።

የመዝናኛ ሩጫው ዋና አዘጋጅ የሆኑት ዶክተር ጋሻው አብዛ ዝግጅቱ ከአንድ ቀን የ5 ኪሜ የቤተሰብ ሩጫነት የበለጠ ፋይዳ ያለው መርሀግብር መሆኑን ጠቁመው፤ ኢትዮጵያዊያንና ትውልደ ኢትዮጵያንን ብሎም አፍሪካዊያንን በማቀራርብ ረገድ ጉልህ ሚና እንዳለው ገልፀዋል።

የመኪና ስጦታዉ ለአንድ ዕድለኛ ከሚያበረክተው እገዝ ጎን ለጎን የዕጣ ማውጣቱ ሂደት በዝግጅቱ ቀን አዝናኝ እና አጓጊ ሆኖ እንዲከናውን እየተሰራበት መሆኑንም አዘጋጆቹ ገልፀዋል፡፡

የዘንድሮው ለ4ኛ ጊዜ በስጦታነት የሚቀረብ የቶዮታ መኪና ነው። የግራንድ አፍሪካ ረን ምዝገባ በዝግጅቱ ድረ-ገፅ http://www.africanrun.com/ ላይ ከሰኔ ወር መጀመሪያ አንስቶ እንደሚጀመር አዘጋጆቹ አያይዘው አንስተዋል።

985

Yederaw - የደራው

May 26, 2026, 12:34 AM

📷 Photo

1,250

Yederaw - የደራው

Apr 13, 2026, 11:01 PM

📷 Photo

772

Yederaw - የደራው

Apr 13, 2026, 11:01 PM

የኢትዮጵያን ገጽታ ለዓለም የሚያስተዋውቅ ታላቅ የዲጂታል ዘመቻ ይፋ ሆነ

#Yederaw | የኢትዮጵያን ተፈጥሯዊ ጸጋዎች፣ ታሪካዊ ቅርሶች እና ዘመናዊ ገጽታ በታዋቂ የማህበራዊ ሚዲያ ተፅዕኖ ፈጣሪዎች (Influencers) አማካኝነት ለዓለም አቀፉ ማህበረሰብ ለማስተዋወቅ ያለመ አዲስ ፕሮጀክት ይፋ ተደረገ።

"ኢንፍሉዌንሰር ቱር 2026" የተሰኘው ይህ መርሃ ግብር፣ የሀገሪቱን የቱሪዝም ዘርፍ በዲጂታል አማራጮች ለማነቃቃት ታቅዶ የተቀረጸ ነው።

የፕሮጀክቱ ዋና ዋና ዓላማዎች

* ዓለም አቀፍ እውቅና፦ በሀገር ውስጥና በዓለም አቀፍ ደረጃ የሚገኙ ታዋቂ ግለሰቦች በተለያዩ የኢትዮጵያ ክልሎች በመዘዋወር ያዩትን ተጨባጭ እውነት ለተከታዮቻቸው በከፍተኛ ጥራት እንዲያጋሩ ምቹ ሁኔታ መፍጠር።

* ሁለገብ ተሳትፎ፦ መርሃ ግብሩ የቱሪስት መዳረሻዎችን ከማስተዋወቅ ባለፈ፣ የዩኒቨርሲቲ ጉብኝቶችን፣ ማህበረሰብ ተኮር የበጎ አድራጎት ተግባራትን እና ስፖርታዊ እንቅስቃሴዎችን ያካትታል።

* የዘርፉን አቅም መገንባት፦ በየክልሉ የሚገኙ አዳዲስ የዲጂታል ይዘት ፈጣሪዎች ከታዋቂዎቹ ጋር ተቀናጅተው እንዲሰሩ በማድረግ የይዘት ፈጠራ ጥበብን ማሳደግ።

ይህንን ግዙፍ ንቅናቄ በበላይነት የሚመራው ኤን ዜድ ኮሙኒኬሽን (NZ Communication) ሲሆን፣ ድርጅቱ የኢንፍሉዌንሰሮችን አስተዳደር እና የዘመቻ አፈጻጸሙን በኃላፊነት ያከናውናል። በፕሮጀክቱ ላይ የሚሳተፉ ተፅዕኖ ፈጣሪዎች የሀገራቸውን ገጽታ ያለ ምንም ክፍያ በፈቃደኝነት ለማስተዋወቅ መስማማታቸው ተገልጿል።

ኤን ዜድ ኮሙኒኬሽን በሰጠው መግለጫ፣ ፕሮጀክቱን ስኬታማ ለማድረግ ከሚዲያ ተቋማት፣ ከንግድ ድርጅቶች እና ከከተማ መስተዳድሮች ጋር በቅንጅት ለመስራት ዝግጅቱን ማጠናቀቁን አስታውቋል። ይህ እንቅስቃሴ ለሀገራዊ ኩራትና ለኢትዮጵያ የቱሪዝም ዕድገት ትልቅ አዎንታዊ ተፅዕኖ ይኖረዋል ተብሎ ይጠበቃል።

1,020

Yederaw - የደራው

Apr 13, 2026, 11:01 PM

ከሩብ ክፍለ ዘመን በላይ በምስል የታተመ የጥበብ ጉዞ፦ የፎቶግራፍ ባለሙያው ሲሳይ ጉዛይ

#Ethiopia | ​በጥበብ ዓለም ውስጥ የአንድን ሰው ማንነት፣ የአንድን አፍታ ስሜት እና የታሪክን ሂደት በቋሚነት አስሮ ማስቀረት የሚችለው የካሜራ ሌንስ ብቻ ነው።

በዚህ ረገድ ላለፉት 25 ዓመታት ካሜራውን እንደ ብዕር በመጠቀም በኢትዮጵያ የፎቶግራፍ ጥበብ ውስጥ ደማቅ አሻራውን ያሳረፈው ድንቅ ባለሙያ ሲሳይ ጉዛይ ተጠቃሽ ነው።

​የ25 ዓመታት የጥበብ አሻራ
​ሲሳይ ጉዛይ በፎቶግራፍ ሙያ ውስጥ ለሁለት አስርት ዓመታት ተኩል የዘለቀው ቆይታው፣ ሙያውን ከቴክኒክ ባለፈ ወደ ጥልቅ ስሜት ቀያይሮታል።

በሺዎች የሚቆጠሩ ድንቅ ምስሎችን ለታሪክ ያበረከተው ሲሳይ፣ በተለይም በሰው ልጆች ስሜትና በታላላቅ ሁነቶች ላይ የሚያደርገው ትኩረት ልዩ ያደርገዋል።

​ተወዳጅ ሰብዕና እና ሙያዊ ብቃት
​ባለሙያው ከሥራው ባለፈ በሰብዕናው "ሰውን አክባሪና በሁሉ ዘንድ ተወዳጅ" በመሆኑ ይታወቃል።

በሥራው ወቅት የሚያሳየው ትህትና እና ከደንበኞቹ ጋር ያለው የቀረበ ግንኙነት፣ በፎቶግራፎቹ ላይ የሚታዩት ሰዎች ነፃ ሆነው የውስጥ ስሜታቸውን እንዲገልጹ ትልቅ ድልድይ ሆኗቸዋል። ይህ ተወዳጅነቱ የብዙዎችን የልብ ወዳጅነት እንዲያተርፍ አስችሎታል።

​ታላቅ የፎቶ ኤግዚቢሽን በቅርቡ
​ላለፉት 25 ዓመታት የተከማቹ ድንቅ የጥበብ ሥራዎችን ለአይን ለማብቃት እና የፎቶግራፍን ፋይዳ ለማሳየት፣ ሲሳይ ጉዛይ በቅርብ ጊዜ ውስጥ ታላቅ የፎቶ ኤግዚቢሽን ለማዘጋጀት በከፍተኛ ዝግጅት ላይ ይገኛል።

​የአጋርነት ጥሪ
​ይህንን ተወዳጅ ፎቶግራፈር በሚያዘጋጀው የፎቶ ኤግዚቢሽን ላይ በሐሳብም ሆነ በሌሎች ድጋፎች ማገዝ ለምትሹ በሚከተለው ስልክ ቁጥር ደውላችሁ ማነጋገር ትችላላችሁ፦
📞 0911 24 58 11

​የሲሳይ ጉዛይ የረጅም ዘመን የጥበብ ሥራና የሕይወት ተሞክሮ በኢቢኤስ (EBS) ቴሌቪዥን "ውሎ" ፕሮግራም ላይ ቀርቦ ለተመልካች መቅረቡ የሚታወስ ሲሆን፣ ሙሉ ቆይታውን በYouTube መመልከት ይቻላል።

ሙሉ ቆይታውን በዚህ ሊንክ መመልከት ትችላላችሁ፦
https://youtu.be/4xQRmfGR2xs?si=kzakTLYMKqVoS93V

​#getutemesgen #getu #ጌጡ #Ethiopia #Photography #SisayGuzay #PhotoExhibition #Art #Documentary #HistoryInFrames #EBSTV #VisualStorytelling

1,030

Yederaw - የደራው

Apr 13, 2026, 11:01 PM

📷 Photo

874

Yederaw - የደራው

Apr 13, 2026, 11:01 PM

ኪ ሃውሲንግ ለ300 አባላቱ የቤት ዕጣ አወጣ!

#Yederaw | ኪ ሃውሲንግ ፋይናንስ ሶሉሸን መጋቢት 12 ቀን 2018 ዓ.ም በጌትፋም ሆቴል ባዘጋጀው ልዩ መርሐግብር ለ300 አዳዲስ አባላቱ የቤት ዕጣ አውጥቷል።

በዕጣው አሸናፊ የሆኑት ቤቶች ስብጥር፦

* 45 ዕድለኞች — ባለ 1 መኝታ
* 105 ዕድለኞች — ባለ 2 መኝታ
* 150 ዕድለኞች — ባለ 3 መኝታ
ስለ አሰራር ሞዴሉ

ተቋሙ "Economies of Scale" በተሰኘው የፋይናንስ ሞዴል አማካኝነት፤ አነስተኛ ገቢ ያላቸው ዜጎች በዝቅተኛ ቅድመ-ክፍያ እና በወር ከ2 ሺህ ብር በሚጀምር ቁጠባ የቤት ባለቤት እንዲሆኑ እያስቻለ ይገኛል።

ኪ ሃውሲንግ ወደ ገበያ ከገባ ጊዜ ጀምሮ በአዲስ አበባ በሚገኙ 7 ሳይቶች እና በባህር ዳር በሚገኙ 2 ሳይቶች በመቶዎች የሚቆጠሩ አባላቱን የቤት ባለቤት ማድረግ መቻሉ ተገልጿል።

ቀጣይ እቅዶች እና አጠቃላይ እይታ
የተቋሙ አባላት ቁጥር በአሁኑ ወቅት ከ20,000 በላይ የደረሰ ሲሆን፣ በቀጣይም "ኪ መንደር" የተሰኘ ግዙፍ የመኖሪያ መንደር ግንባታ ለመጀመር ዝግጅት እየተደረገ ነው።

ይህ የዕጣ አወጣጥ መርሐግብር የግሉ ዘርፍ በሃገሪቱ የቤት ልማት ላይ ያለውን ጉልህ አሻራ ያሳየና የብዙዎችን ተስፋ ያለመለመ መሆኑን በስነ-ስርዓቱ ላይ የተገኙ ታዛቢዎች መስክረዋል።

#KeyHousing #ኪሃውሲንግ #EthiopiaNews #AddisAbaba #HousingLottery #RealEstateEthiopia #LocalNews #NewsUpdate

956

Yederaw - የደራው

Apr 13, 2026, 11:01 PM

📷 Photo

926

Yederaw - የደራው

Apr 2, 2026, 04:16 PM

📷 Photo

1,060

Yederaw - የደራው

Apr 2, 2026, 04:16 PM

የእህትነት እና የሴቶች ኃይል በፍቅር የተከበረበት ቀን

#Ethiopia | ላይፍ ሴንተር ዓለም አቀፍ የሴቶችን ቀን አስመልክቶ በኢትዮጵያ ሆቴል ቁ.2 የተለየ የ “እህትማማችነት” ፕሮግራም አዘጋጀ። በዚህ ፕሮግራም 100 የሴቶች ድጋፍ ፕሮግራም ተጠቃሚዎች ከ10 ስኬታማና ተፅዕኖ ፈጣሪ ሴቶች መሪዎች ጋር ተገናኝተው ልምዳቸውን ተካፍለው እርስ በርሳቸው ለመነሳሳትና ለመበርታት ዕድል አግኝተዋል።

ፕሮግራሙ በእንግዶች መቀበልና በአጭር የመግቢያ ንግግር ተጀምሮ በላይፍ ሴንተር የተዘጋጀ አነሳሽ ቪዲዮ ቀርቧል። ከዚያም የላይፍ ሴንተር መስራችና ዳይሬክተር የቀድሞው የኢትዮጵያ ጠቅላይ ሚኒስትር ባለቤት ወ/ሮ ሙሉ ግርማይ የፕሮግራሙን አስፈላጊነት በመግለጽ ሴቶች እርስ በርሳቸው በመደጋገፍ ሕይወታቸውን እና ማህበረሰባቸውን እንዴት መቀየር እንደሚችሉ አጋርተዋል።

በመቀጠል በሙያዊና ቴክኒካዊ እይታ የተሞላ ዠአነሳሽ ንግግር በቀድሞዋ የአዲስአበባ ከተማ አስተዳደር የሴቶች እና ህፃናት ቢሮ ኃላፊ ዶ/ር ሃና የሺንጉሥ ቀርቦ ሴቶች ያላቸውን አቅም፣ ኃይል እና የመሪነት ችሎታ እንዲያውቁ አነሳሳ። ከዚያ በኋላ የሴቶችን ጽናትና ኃይል የሚያንጸባርቅ የግጥም ንባብ ተቀርቦ ከዚያም አንዲት የላይፍ ሴንተር ተጠቃሚ የስኬት ታሪኳን አካፍላ ሁሉንም በጣም አነሳሳች

የፕሮግራሙ ዋና ክፍል የነበረው የጠረጴዛ ውይይት ነበር። በእያንዳንዱ ጠረጴዛ አንዲት ስኬታማ ሴት ከ10 የሴቶች ድጋፍ ፕሮግራም ተጠቃሚዎች ጋር ተቀምጠው ልምዳቸውን፣ ምክራቸውን እና እውቀታቸውን አካፍለዋል። ይህም ሴቶች እርስ በርሳቸው እንዲቀራረቡ፣ እንዲያበረታቱና እንዲነሳሱ ትልቅ ዕድል ፈጥሯል።

ፕሮግራሙ በመጨረሻ እንደገና በ Mulu Girmay የመዝጊያ ንግግር ተዘግቶ ተሳታፊዎች በአንድነት የቡድን ፎቶ አንስተው በኋላ አብረው ማዕድ በመካፈል የእህትነት መንፈሳቸውን አከበሩ።

በዚህ ልዩ ዓለም አቀፍ የሴቶች ቀን ላይ ላይፍ ሴንተር ሴቶችን ማበርታት፣ እህትነትን ማጠናከር እና ሴቶች እርስ በርሳቸው ተደጋግፈው እንዲያድጉ የሚያግዝ ጅማሮ ቀጥሎ ይሰራል።

1,150

Showing 14 of 14 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Yederaw - የደራው

Yederaw - የደራው

Ranking

Participant Growth (Last 9 Days)

Latest Posts

Rating

User Reviews (0)

Related Telegram Channels

Shroomy

Genuine deals | Shopping offers & deals

Trend Micro MCX

[Deals India]™ hot loot offers Deals amazon flipkart

Planet Sandbox

Amazon Offers Flipkart Deals Hub

Store TheStarkArmy of Mr Neophyte | Mr_Neophyte Shop

contact lenses🍓🍓

Related Telegram Channels

Shroomy

Genuine deals | Shopping offers & deals

Trend Micro MCX

[Deals India]™ hot loot offers Deals amazon flipkart

Planet Sandbox

Amazon Offers Flipkart Deals Hub

Store TheStarkArmy of Mr Neophyte | Mr_Neophyte Shop

contact lenses🍓🍓

User Reviews (0)

Latest Posts