الشاعر مصطفى الصالحي

Public

View Channel

Can't Join? @mustafaaa11234

10.3k Members

Updated: May 15, 2026 at 3:00 AM

الشاعر مصطفى الصالحي

07815633945 للتواصل

@mustafaaa11234 is a growing community focused on 07815633945 and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 10.3K

24h growth: +21 0%

Latest Posts

الشاعر مصطفى الصالحي

May 23, 2026, 04:13 PM

علي يبني
علي يبني
،،،،،،،،،،،،،،
انــه محـــــــد شلـع گلبي
غيــــر اخياتــــك يالأكبـر
كلهن يصيحـلي الحگــــه
علي شــــــو كلش تأخــر
مــن الخيــــم طلعن عليه
وحــده تركض وحده تعثر
شــرد اگلهن وانتـــه صاير
مدري الأكبـــر مدري الزغر
ياتعبنه بسك اگعـد ياتعبـنه
عذبتنه يبني كلش عذبتـنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلي بويـــــه البويه حلوه
منك مــــن اسمعها اطيب
شنهي صايــر تحچي گـوه
وي ابـــــوك المــو غريــب
يبني سولف خــل اسمعك
راح اموتــــن يالحبيــــب
كــــون اخــــم الدنيــه كله
مثــل الأكبــــر مااجيـــــب
فارگوني وينه وينه الفارگوني
لونسوني شنهي ملو لو نسوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبنــي حتــــئ المايعرفــــك
مـــن يمر عليـــــنه يبچــــي
اغلئ واحـــــــد انتـــه عدي
واغلئ واحد گـــــوه يحچي
يبني چنــت امنيتي اشبگك
بس شبگــك موش هچــــي
يالأعز مــــــن روحي اعــزك
يبني گـــــوم اعليـــــه تچي
موكته الفرگه كلش مو وكته
ماردته بويه منـــــك ماردتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انـــــــــه المحيـــــرني كلش
امــــك الكساعـــــــه تنشــد
جيـــــــــــــب اليقنعها يبني
بچلمت المايرضــــه يگعـــد
والله حيــــــــره حتار گلبي
ويـــــن اروح اويــــن اشرد
تركــــــد الدنيــــــه بكبــرها
وانه مــــو بالهون اركــــــــد
حل اريدن يبني منك حل اريدن
مايفيدن عيــوني ضلن مايفيدن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

3,670

الشاعر مصطفى الصالحي

May 23, 2026, 04:13 PM

يمه يزينب يمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلشي اتحمل،، الــــــــه الفراگ وعلي
شالــــع گلبي،، وكتــــــر ماخذ ياهلي
بلوة زينــــب،، بيها محـــــــــد مبتلي
،،
ضيـــــم البيه،، ابـــــــــد مامــر ابشر
ياهـــو المثلي،، من الزغــر شابع قهر
راحــــو اهلي،، راحـو وضهري نكسر
،،
حيل مابيــــه بعــــــــد ماتاني
حيلي خلص كله يـــم اخواني
هسه زينب مــو مثل ماچانت
الچلمه تطلع گوه مــن الساني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فراگ اخـواني،، اله مايرهـــــــم دوه
راحــــــو عني،، وگمت ماشـــم الهوه
گلبـــي عليهم،، احترگ مو بس نچوه
،،
ويـــن الغالي ،، مشه واليسـوه السهر
ويــــن الچانو،، گبــل لا طيحن ضهر
جرحـــو گلبي،، وجرح البگلبي كبـــر
،،
غير اموتن غير حتئ انساهم
وين ماروحــن گمــت الگاهم
بكثــــر ماگلبي يحب اخواني
عوزه بس يطلع يروح وياهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اول تالــــي،، اعليه ابـــــــــد ماينشد
بتكم انـــــه،، لازم البــــــت تنفگـــــد
راحت زينب،، بعــــــد زينــــب ماترد
،،
وي الغربــه،، امشي ماترهــــــــم تره
بسوگ وصاحو،، انتـــــي بتمن يامره
ماضل واحد،، بيـــــــــــه بتمن مادره
،،
الحادي ماضــل بشر ماحاچيله
هاي زينـــــــب هاي رمله وليله
گلبي ورم ياهلي مــــن الحادي
يطگنـه بس ماندري شمسويله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وي الغربـــه،، رحـــــــت والماله گلب
ابچي وهمه،، ضحــك گاضين الدرب
زينب انــــه،، شجاب زينــــب الغرب
،،
محــــد يدري،، بيــه شمسويه الهزل
گـــد ماعثرت،، گمت مااوگف عــدل
هزله الناگــه،، وتسحل بزينب سحل
،،
بكثر ماعثرت متت حسبالي
عدله اضلن هاي موش ابالي
الف مره الناگــــه عثرت بيه
وعلي وفوگ الألف يتراوالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

4,840

الشاعر مصطفى الصالحي

May 23, 2026, 04:13 PM

حي الله مسلم شيخ الكوفه
حي الله مسلم شيخ الكوفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مسلم تحـــزم عليها وشـــــــــن عليها الغاره
ابـــــو ثار وماتنخــه بزلمه ياخـــــــــــذ ثاره
القصر والبالقصر ضلت خايفـــــــه ومحتاره
اليله ابن عــم الحسين اليله شــــــــد اوزاره
اليله كـــــل البالقصـر يتنخون
بلكي مسلم يتعب ويرتاحـون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غطت الكوفه بكبرها وطاح ثلمه مــن القصر
صارت الحيطان حمره من الذبـح ذاك العصر
شكثر ذابـــــح زلم مسلم محــد يعرف شكثر
مگبل مگابلها چان الغـــــدر بس لهل الغــــدر
الله حــــي البألحرب مايرتاح
تذري گام يذري مثل المرواح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابــــن هاشـــم وال هاشـــــم تغلب وماتنغلب
الحرب كل ماگضت مسلم يرجــع يرد الحرب
الهوه راد يگطعه مسلم اشــوه اذا بس الدرب
حيله من حيل ابو فاضل والگلب نفس الگلب
ناس مسلم گالت وگالت ناس
هذا مــو مسلم الطب العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكوفــــه شبــت نار بيها ونار ابـــد ماتنطفي
وزلـــم مثـــــل الماي گامــت بشوارع تنچفي
تتعـــب وتكتفي الوادم هوه ابــــــد مايكتفي
المايموت يگول مسلم لبو الاكبر مـــــو وفي
خاف عابس گالو اعله مجنون
انه اكثـــــر منـــه يل ماتدرون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال المسلم
،، مصطفئ الصالحي

3,560

الشاعر مصطفى الصالحي

May 23, 2026, 04:13 PM

اخ ياخويه
،،،،،،،،،،،،،،،،،،،،،،،،،،،،،،،،،،،،،
عافني وراح ابـــو فاضل
عافنـــي وماگال اخـــوي
شكثر حلفتـه وندهتـــــه
ومارضئ يگوم ابن ابوي
نمت طـــــول بطول يمه
هوه يرفس وانــــه اهوي
گومــي خل نلطم يزينب
گومي خنصيــــــح يبوي
،،
راح التحبينــــــه  يختي الغالي راح
وگف من شافاني اجيت النوب طاح
رمح واحــــــــد اشوه من نگول بيه
منين ماكضنــــــــــــه تبزني الرماح
،،،،،،،،،،،،،،،،،،،،،،،،،،،،،،،،،،
بعد چلمة خويــــه ماكو
ولا اخـــــو اليسند گفاي
بعد كـل ماامشي وحدي
بس خيالي يضــل وراي
شمالنـي اعله الماي گتله
شبيه وديتــــه اعله ماي
شبيه مارحـــــت بمچانه
شلون راحـــت عني هاي
،،
گومي كضيني يزينــــــب حيلي باد
ترفه صارت روحي ترفه اوكتي حاد
هاضعفني ام عون صايــــر من وراه
الهوه لو جاساني يختي يذبني غـاد
،،،،،،،،،،،،،،،،،،،،،،،،،،،،،،
البارحــــــه التمينه كلنه
اليــــــوم كلنه مطشرين
البارحــه بعافيتي يختي
اليوم ابشرچ ماهــو زين
البارحه شزين ابو فاضل
گاعـــــــد بصف الحسين
وتارس الخيمه ضحكنــه
اليوم بس نـــــوح اونين
،،
اليوم مدري شماله گلبي يبزني حيل
الدنيا سوده بعيني صـارت چنها ليل
گمت ماشوفن اليمي وگــــــوه اگوم
وين مامالـــــت هدومي وياها اميل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راح ابو عيــــون الحنينه
الشوف ماشبعان منــــــه
وردت الخــساران لهلــــه
يختي من رديــــــت عنه
گمت بس من گمت گلبي
طاح يــــم عباس چنــــه
هوه يرفس وانــــه اونن
ونـــــه اليه والـــه ونـــه
،،
الهضمه من گتله ارد اروح وگلي وين
راد يشبگني وتذكـــــر مالــــــــه ادين
عـــــدل ماشفاني مغوش اخــــــــوي
عين نابـــــــت سهم بيها وعميه عين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، شور گعده،،
،،وداع ابالفضل

4,070

الشاعر مصطفى الصالحي

May 23, 2026, 04:13 PM

بقيعنا مطلبنا
بقيعنا مطلبنا
،،،،،،،،،،،،،،،،،،،،،،،،،
اله ناخـــــــــذ ثارنه ودم الرضيـع
هذا حگ الشيعه والحگ مايضيـع
يجي يوم وتنبني گبور البقيــــــع
وبوصالح بيــــــــــــــــده اليبنيها
،،،،،،،،،،،،،،،،،،،،،،،،،
خلص حدها وبعد ماضل بيها حد
اطلابه هاي وعنها مانسكت بعــد
وعد منك رايـــده الشيعه وعــــد
والزياره مسابـــــــــــــــگ نخليها
،،،،،،،،،،،،،،،،،،،،،،،،،،،
الحسن يستاهل تجيـــــه مشايه
الحسن لاگبـــه عليه لارايـــــــــه
الحسن محد ســـــوه يمه اقرايه
وهاي صعبه وانتــــه تعرف بيها
،،،،،،،،،،،،،،،،،،،،،،،،،،،،
شوكت نمشي الفاطمه وام البنين
غيرهن ماعدنــه بس ذني الثنين
زين منـــه وهچي متحملين زين
وانته تدري گلوبنــــــه شچاويها
،،،،،،،،،،،،،،،،،،،،،،،،،،،،،،
دموع ماضلت بعــــــد بعيونــــه
للبقيــــــــــــع نروح مايردونـــــه
من الزياره الوادم يمنعونــــــــــه
گبور عود شلون نسجــــــــد ليها
،،،،،،،،،،،،،،،،،،،،،،،،،،،،،،،
مصطفئ الصالحي

6,500

الشاعر مصطفى الصالحي

May 23, 2026, 04:13 PM

الشاعر مصطفى الصالحي

May 23, 2026, 04:13 PM

الشاعر مصطفى الصالحي

May 23, 2026, 04:13 PM

مولاي مولاي
مولاي مولاي
،،،،،،،،،،،،،،،،،،،،،،،،،،
اعتــذر يحسين منـــــك
وارجـــــو تقبل اعتذاري
حايــــر بروحي وحبيبي
مسلب وعالغبــــره عاري
انــه مرتاح وبنـــاتــــــك
حافي تركـض بالصحاري
يبــو عيون الحلوه اريدك
بيــــــــــــدك تغير مساري
،،
كلش اعتــــــــذر منـــك يمذبوح
مامجـــروح جسمي وكلك جروح
ماجايسني حافــــــر دوم يحسين
وفوگــــــاك الحوافـــر ترد وتروح
،،
انتــــه اصبعك مو بچفك وانه عندي عشر اصابع
انه ضــــل يطول عمري وعلي الاكبر عمره ضايع
انه مامسحوگ صدري وانته صدرك سحگ شابع
يالنهارك مثـــــــــــل ليلك يالعشت عمرك مواجع
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مستحي وماادري شحچي
بيا وجـــــــــه حاير اجيلك
امشي بذنـوبي اعلـه حيلي
وانته رايـــــح لجلي حيلك
ملتهي بغيــــــــــرك حبيبي
واجي يميــــــك واشتكيلك
عود حاســب روحي خادم
وتارس ذنوبـــــــي بشليلك
،،
انــــــه البالذنـــب يحسين غرگان
انــــه المن وراه ذبحــوك عطشان
ماأســوالي شي وعيلك محسوب
منك اعتذر مــــــــو خوش انسان
،،
مالي غيرك ويــــن اروحن عبدك ورايد رضاتك
انته غالي هواي عندي وماكو واحـد من غلاتك
ياحبيبي الدنيا ركضه فدوه شــــد ايدي بعباتك
لاتهدني حسين احلفك بزينــب وشيمة بناتــــك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه واحـــــد مالــــه داعي
عله ذنوبي چنـــــــت نايم
قبلني يامولاي فــــــــدوه
للخـــــــــدم خليني خادم
هايـــــــم بغيــرك هضيمه
يفترض بيك انـــــه هايم
جسمي سالـم والله فشله
وانته جسمك ماهو سالم
،،
موش انتــــــه التنام بحر الشموس
موش انتـــــه العيلك الوادم ادوس
كــون انه بمچانك وانتــــــــه ترتاح
لخيامـــــــك ترد يحسين محروس
،،
وسفه وسفه بالحوافــــر ينسحگ حلو المعاني
امـــــــده الموت الخذاكم ياحبيبي وماخذاني
شنهي چا زينــــــــب سبيه وانه مرتاح بزماني
والله فشله حسين منك اساكــت الثارك وتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ارد اگلك انــــه حبــــــك
وخايف الگه بگلبي غيرك
ارد اسير الحـــب اصيرن
ونحسب يحسين اسيـرك
يبـــــو خيـــــر المايخلص
وكلها عاشـــت عله خيرك
تنذبــــــح ياوسفه ضامي
وانتـــــه زمزم ماي بيرك
،،
يالمالك شبيـــــــــــه بكل الفــــلاك
متعيني الزمان العاري خــــــــــلاك
انتـــــه اعله العرش اسمك يمولاي
وغيرك مايصيــر تراب جـــــــــواك
،،
كلشي فاني الــــه حبـــك مال حـــد ومالي تالي
اغله واحـــد انته عدنه ماكـــو غيرك هسه غالي
انته ابونه وانته اخونه وانته والي المالي والي
مثل راسك باقي اسمك كل وكت يحسين عالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،،شور گعده،،،
اعتذار الخادم

الشاعر مصطفى الصالحي

May 23, 2026, 04:13 PM

گلبي مو مال فراگ ياحيدر
انته يمه ومشتاگ ياحيـــدر
،،،،،،،،،،،،،،،،،،،،،،،،،،،،،،،،،،،،،،،،،،
هجرك يفت الحيـــل ويهدمـه
ياهوه الله الكل يــــوم نشتمه
عمري بديته اعليـــــك شيلمه
يالبكلهن سباگ ومگـــــــــــدر
،،،،،،،،،،،،،،،،،،،،،،،،،،،،،،،،،،،،،،،،،،
بويه عمري بلياك ماريـــــــده
عمره العزازه تروح شيفيـــده
هذا يازلمه اعليك شال ايـــده
لون ملگه بميدان مايگـــــــدر
،،،،،،،،،،،،،،،،،،،،،،،،،،،،،،،،،،،،،،،،،،،
عنــــي يالناوي تروح حاچيني
گلبـــك شلــــون اطاك تجفيني
خـــــــل اموتــــن وياك تانيني
لاتلف ساگ بساگ وتنطــــــــر
،،،،،،،،،،،،،،،،،،،،،،،،،،،،،،،،،،،،،،،،،،،
تخلي زينب وتروح مــو سهله
وثگــل الفراگ شلون شيحمله
ميته زينب بجفاك مــــو عدله
تخلص اليل اعليـــــك تتحسر
،،،،،،،،،،،،،،،،،،،،،،،،،،،،،،،،،،،،،،،،،،،،
الفرگـه يابويـه اعليك ماترهم
بگلبي اضمك عالموت لو تنضم
كلشي صار بلايــك بويه اضلم
والحجر حزنآ بيـــــــك يتفسر
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
قصيدة استعراضيه

6,680

الشاعر مصطفى الصالحي

May 23, 2026, 04:13 PM

حسين ياحبيبي حسين
،،،،،،،،،،،،،،،،،،،،،،،،،،،،،،،،،،،،،،
من ايدي كضني ماريد اضيع
وحسبني خادم عـــد الرضيع
ماريــــد اروح الغيرك وتيـــه
انتــه الوجيــه وانته الشفيع
،،
روحي بغرامك اسيره
وذنوبي كلش چبيــره
تلمني بعباتـــك اريدك
يالملموك بحصيــــــره
،،
خليني خادم خادم يامـــــولاي
مــــن كلشي نادم نادم يامولاي
ضايع واجيتك اجيتك يامولاي
بيك انــــــه هايم هايم يامولاي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يحسين احبــك والحب جنون
كلشي علمودك لابــــــــد يهون
انتـه الوسيله وانتـــــه النجاة
وانتــــه التعين الماعنده عون
،،
ماانســـــه فضلك عليه
لازمني دوم مــــن اديه
كل مااعوفـــــك تردني
وتبعدني عــــــن الأذيه
،،
امنحني عــــذرك عــــذرك ياالمذبوح
ضمني اعله صدرك صدرك ياالمذبوح
ماعنـــــدي غيرك غيــرك يالمذبـــوح
يامحله عفـــــــوك عفوك يالمذبـــوح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ويـن الگــــــه مثلك بالدنيا وين
كـــــــــــل ماازعلك تطيني عين
اغلط وشوفــــك تضحكلي دوم
چا شنهي گلبـــــــــك ايا حسين
،،
مضحي اعله مودي ابناتك
وتدعيلي حتئ بصـــــلاتك
شمسوي خاطر تحبنـــــــي
ماأســــــوه طارف عباتــك
،،
ماأسوه تعبك تعبــــــك يالعطشان
ولاشوغــت اهلك اهلك يالعطشان
هوه انتـــــــه عايز عايز يالعطشان
شيبنـــــه گلبــــك گلبك يالعطشان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من عيني اشربــك لو بيدي ماي
والدنـــيا المها الطـــــــولك فياي
غيـــــر اليحبــــــــك لازم يموت
يالماكــــــــــو مثلك بالدنيا هاي
،،
وداعــــت رقيـــــه التحبها
كل حســــــــره لجلك اذبها
تحركني حرگـــــت  خيمكم
وبس انتــــــه تعرف سببها
،،
بيـــــك انه مغرم مغرم اي يحسين
مــــو بس محرم محرم اي يحسين
خل عمري يگضي يگضي بس وياك
وخل يومي اضلم اضلم اي يحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور،،،

6,220

الشاعر مصطفى الصالحي

May 9, 2026, 06:50 AM

الله الك ياحيــدر مسويها
الدنيا ليمت ماردت تنهيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكون كونك ياعلي وكلها بحماك
دوم بألجـــــــــدام والوادم وراك
انتــــــــه تامر والخلگ كلهم فداك
كلشي بيدك ياعلي وكلشي برضاك
انتــــــــــه التموتها والتحيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انته الأول ياعلي وانتــــه الأخير
انته الأكبــــر ماشفت غيرك چبير
المو اميــــر شلون اگلله اميــــــر
انتـه راعي العرش غيرك مايصير
حچايه هاي وبس الك نحچيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
علي قالـــع خيبر وحامي الدخيل
الدنيا يعدلها علي كـــــــل ماتميل
شيخ هاشم هذا ابو السيف الثگيل
علي هــــــــذا الماوگف وياه جبيل
الشيخه بس الحيدر وراعيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
علي يگـــــــدر ليلها يسويـه نهار
علي يامـــر عالشمس وتگله صار
علي يحمي الكون ما يحميله جار
علي بيـــــــده الدنيا ويغير المسار
بكيف حيدر ربك مخليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،نزال

4,860

الشاعر مصطفى الصالحي

May 9, 2026, 06:50 AM

علي بويه دخيلك يابو حسين
علي بويه دخيلك يابو حسين
،،،،،،،،،،،،،،،،،،،،،،،،،،،،،،،،،،،،،،،،،،،،،
بويه مو وكـــــت الموادع لاتغمض عيونك
شنهي يابو حسين صايـــــر شوتغير لونـك
لاتون عليك زينـــــب والله امـوت ابدونك
گوم يابو حسين ورحــــــــــم حالي
شلون اعيش وانتــــــه موش گبالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالنويت تروح عني الفرگه صعبه تريد حيل
روحي ماتحمل الفرگه وانته شديت الرحيل
باچـــر خلافك تغثني الوادم وبيـــــــه تعيل
وانته تدري حسين ينحز راســــــــه
وتدري ياهـــو الگام بويـــــه وداسه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وسفه يالكرار نايــــــــم واليتامه ابابــــــك
مادريـــت تروح مني ولاحسبـــت حسابــك
من عمت عيني يحيدر كلف چنــــه صوابك
ريــــــــــــت عميه ولاتشوفك عيني
راح اعوفــــــــــك وانته كل سنيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وداعــــــت الله وبالسلامه يالعفتني الحالي
بويه مـــــن اذكــــر مصابـــــك يلچم دلالي
يالعفتني الدار وحشـــه وبس مچانك خالي
مــــــــن تحـــــن الروح بيش ارضيها
وانتــــــــه تــدري بروحتــــك تاذيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه ماعودت عيني عالبواچي وعالنحيـب
الفرگه هيه العودتني لهاي ماينفع طبيـــــب
وشتضن الروح تسكت عنها لو راح الحبيب
والله مااسكـــــــت ولاكــــف نوحي
بشوفـــــت عيونـك اطيب جروحي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالچنت اغفه اعلئ چفك عيني هسه مساهره
ليمت تردلي يبويه اليــــــــل اخلصه مناطره
ياعلي وداعــــت عيونـــك هسه زينب حايره
شلون اغمض وانتــه خالي امچانك
يلي خلصــــــت العمــر بحضانـــــك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من ارشيف 2019
الشاعر مصطفئ الصالحي
قصيدة استعراضيه

5,010

الشاعر مصطفى الصالحي

May 9, 2026, 06:50 AM

pinned «مولا مولا علي مولا مولا علي ،،،،،،،،،،،،،،،،،،،،،،،،،،،،، بسم الله ياعلي مبچي الزلـــم كلها بسم الله ياعلي مــــــن أولها لوألها بسم الله ياعلي مامالــــــــت الدنيا بسم الله ياعلي اعله امتونه شايلها ،، ياحيدر اول واخــــــر ياحيدر باطـن وضاهر ياحيدر ياعلي…»

الشاعر مصطفى الصالحي

May 9, 2026, 06:50 AM

گلبي مو مال فراگ ياحيدر
انته يمي ومشتاگ ياحيـــدر
،،،،،،،،،،،،،،،،،،،،،،،،،،،،،،،،،،،،،،،،،،
هجرك يفت الحيـــل ويهدمـه
ياهوه الله الكل يــــوم نشتمه
عمري بديته اعليـــــك شيلمه
يالبكلهن سباگ ومگـــــــــــدر
،،،،،،،،،،،،،،،،،،،،،،،،،،،،،،،،،،،،،،،،،،
بويه عمري بلياك ماريـــــــده
عمره العزازه تروح شيفيـــده
هذا يازلمه اعليك شال ايـــده
لون ملگه بميدان مايگـــــــدر
،،،،،،،،،،،،،،،،،،،،،،،،،،،،،،،،،،،،،،،،،،،
عنــــي يالناوي تروح حاچيني
گلبـــك شلــــون اطاك تجفيني
خـــــــل اموتــــن وياك تانيني
لاتلف ساگ بساگ وتنطــــــــر
،،،،،،،،،،،،،،،،،،،،،،،،،،،،،،،،،،،،،،،،،،،
تخلي زينب وتروح مــو سهله
وثگــل الفراگ شلون شيحمله
ميته زينب بجفاك مــــو عدله
تخلص اليل اعليـــــك تتحسر
،،،،،،،،،،،،،،،،،،،،،،،،،،،،،،،،،،،،،،،،،،،،
الفرگـه يابويـه اعليك ماترهم
بگلبي اضمك عالموت لو تنضم
كلشي صار بلايــك بويه اضلم
والحجر حزنآ بيـــــــك يتفسر
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

4,240

الشاعر مصطفى الصالحي

May 9, 2026, 06:50 AM

اليوم حيدر طايح بمحرابه
واصل الحد الجبين صوابه
،،،،،،،،،،،،،،،،،،،،،،،،،،،،،،،،،،،،،،،،،
وين هاشم خـــــل يشدون الحزم
وخلهم يلطمـــــون عالروس بعزم
طاح حامــي دخيلها وشيخ الزلم
ماكو واحــــــــــــــد مايلف انگابه
،،،،،،،،،،،،،،،،،،،،،،،،،،،،،،،،،،،،،،،،،
اليــــوم حماي الحمه براسه نطبر
اليوم ضهر الحسن وحسين نكسر
اليوم زينب ماتــت بهذا الخبــــــر
والحبيب اليـــــــــوم عافه احبابه
،،،،،،،،،،،،،،،،،،،،،،،،،،،،،،،،،،،،،،،،،،
خبر هذا وخبر كلش مـــــــو سهل
الكون ضال شلون ماندري عــــدل
تجرء عالكرار وتماده النـــــــــــذل
وسال بالمحراب دم اخضابــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم ونـت زينــــب اطـــر الگلب
تشوف ابوها گبالها ودمـه يصــب
اليوم اكثر يوم عـــد زينب صعب
طلابه هاي وماكـــو منها طلابـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد راح يروح عـــــن زينب علي
وراح تطلع چلمة الياهــــــــو الي
هاي اخر ليله يــــــــم اهله الولي
الون وجهه مشابــــــــــه العصابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله مــــــو بس زينب الدنيا تون
اليله حتئ السمه ماخــذها الحزن
اليله العيون التصب ماضــن تچن
علي مــــــو بلهون يگضي مصابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي،،،،،

4,620

الشاعر مصطفى الصالحي

May 9, 2026, 06:50 AM

ياحيدر يابويه
ياحيدر يابويه
،،،،،،،،،،،،،،،،،،،،،،،،،
فراگ ماعايـــــز دليلي وفرگتــــــــك كلش ثگيله
حاسبين حساب كلشي وموتـــــــــك ولاحاسبيله
اخ ياليلة وداعـــــك رمشــــــه صارت موش ليله
فارگتنه وماكـو واحــــــــــــد بينه ماهديت حيله
،،
وين رايــــــح عنه وين
ماكو حـل يابو الحسين
لـــــــو تموتنــــــه وراك
لو نصبـــــــــــح تايهين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يلتوصيني اعله روحي رحـــــت وفراگك كسرها
روحتك مــــــو هينه عدي زغيره وعليه شكبرها
يابعد گلبي وعيوني لابعـــــــــــد روحي وعمرها
لالطـــــــم زينـــب يرجعك لابواچــــيها وسهرها
،،
ذاب بويـــه الگلب ذاب
ومن وراك الراس شاب
ياعلي الزهره عليـــــك
فكني مــن هذا العذاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد گعده وياك ماكـــــــو هيـــــه هاي الماتريح
وماتهدينـــه البواچــي شمانسوي شمانصيــــح
تفرفح المذبـوح گلبي اليله مــــن فرگاك فرفح
موش ماي عليـك عيني اليله دم اعليك تنضح
،،
طاح مــــن گالولي طاح
صحت بس ماكو اصياح
مثــــــــــل اليذبحون بي
علي صوتـي اعليـك راح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالچنت ليليه يمي وماافز اله اعله صوتـــــك
اليله من دون اليالي فززوني بخبر موتـــــــك
اليله الثغيب التثغبه ياعلي بنيتـــــــك يفوتك
مانگلك بعـــــــد اگعد ياعلي انتـــــه ومروتك
،،
حيل ماضــل عدنه حيل
ولادمــــع عدنـه اليسيل
بكثــــر مانبچي عليــــك
رادت الوادم تشيـــــــــل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شهادة امير المؤمنين،،،

4,960

الشاعر مصطفى الصالحي

May 9, 2026, 06:50 AM

مولا مولا علي
مولا مولا علي
،،،،،،،،،،،،،،،،،،،،،،،،،،،،،
بسم الله ياعلي مبچي الزلـــم كلها
بسم الله ياعلي مــــــن أولها لوألها
بسم الله ياعلي مامالــــــــت الدنيا
بسم الله ياعلي اعله امتونه شايلها
،،
ياحيدر اول واخــــــر
ياحيدر باطـن وضاهر
ياحيدر ياعلي دخيلك
ياحيدر انــــك القاهـر
،،،،،،،،،،،،،،،،،،،،،،،،،،،،،،،،،
بسم الله ياعلي يالمحـــد يشبهك
بسم الله ياعلي يالهايم بحبــــــك
بسم الله ياعلي يالماردت غيـــرك
بسم الله ياعلي يالماكو مـن گلبك
،،
ياحيدر حبي وجنــوني
ياحيدر تارس عيـــوني
ياحيدر مكتفي بحبــك
ياحيدر والله خيعونـي
،،،،،،،،،،،،،،،،،،،،،،،،،،،،،،،،،،،
بسم الله ياعلي وخـــل يسمع الايم
بسم الله ياعلي سيــــد علئ الوادم
بسم الله ياعلي مـــن ربــك منصب
بسم الله ياعلي جبريـــل الك خادم
،،
ياحيدر غيرك شعنــده
ياحيدر انته ابو الشده
ياحيــــدر كلمن يودك
ياحيدر اكثــــــر توده
،،،،،،،،،،،،،،،،،،،،،،،،،،،،،،،،،،،،،،
بسم الله ياعلي وبگلبي خليتـــــــك
بسم الله ياعلي وصار الگلب بيتــك
بسم الله ياعلي يالتمشــي وي دمي
بسم الله ياعلي ومن زغري حبيتك
،،
ياحيــدر بطارف الساني
ياحيدر مااحــــــب ثاني
ياحيدر روحي من روحه
ياحيدر هـــــــوه سواني
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور
حب امير المؤمنين ع

4,960

الشاعر مصطفى الصالحي

May 9, 2026, 06:50 AM

يبن الحسن يالقاسم
يبن الحسن يالقاسم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جسام عيونـــــــــه ولا تتـــوصف
گمر واهل الطف ... ضواها عيونه
جسام وطــولـــه فياي اخيامــــه
طلع والثامه... ولاضــــــــــم لونه

طلع عالطف خيم والاكبـــــر يتبـــسم
يجاســـم ياروحي رحتلك فـــــــــدوه
يالاكبـــــــر انـــــه الها تميـــل واعدلها
الحرب لجل عيونك يالاكبـــــــر تسوه

مـــــــــــو چفي اليلوي
لازلمه ولاگــــــــــــــوي
يلويني وچفـــي عباس

هـــــــــذا انـــه المايهم
للمـــــــــــــــوت وللزلم
وبكلهن رافـــــع الراس
،،،،،،،،،،،،،،،،،،،،،،،،،،،،،،،،،،
جسام بزوده يگـــل للاكبــــــــــر
اطر العسكــــــر ... وضيع اعلومه
جاسم يگله تجيــــــــــك اعلومي
يالاكبـــــــر يومي... الي الملزومه

لسوي الماصاير وخلي الكـــــــــل حاير
يالاكبــــر مايعبر هــــــــــوه الله اعليها
الاگيهم ملگــه وثــــــــــر لا ماتلگــــــه
اليلاگيها القاســــــم ثـــــــــره يسويها

حياها وياهـــــــــــــــله
لگضيـــــــــــــلك كربله
لعيونك يبــــن الحسين

هاويها ومـــــــــن گلب
وعيوني اعله الحـــرب
ومتناي هاي السنيــــن
،،،،،،،،،،،،،،،،،،،،،،،،،،،،،،،،،
جسام وچفـه يحــــب الملگـــه
يالاكبر عشگه... رفيجه الصارم
جسام وطبعـــــــه حلو وعناده
تعرفه القاده... ملح كــل هاشم

تچوه الطف منه الحسن بالطف چنــه
هلا الاكبر گله وضاگـــــــــــت بهاليـها
يالاكبـــــــر لاتهتم علئ الملگـــه معلم
يغالـــــي وللغالي الماتنچفـي اچفيـها

تحلالـــــــــــي الماحلت
عـــــــد غيري ولاگضت
حيل الله بحيلي معگود

ياريتــــــــــــــــك ياعلي
ياكشخت كـــــــــل هلي
يازلمه يلاگي الحيــــود
،،،،،،،،،،،،،،،،،،،،،،،،،،،،،،،،،،،
جسام يگلـه يالاكبــــــــر حلوه
حلاة الخـــوه... شفتها بعينـــك
جسام يگله نطـــــــرها بواهس
مثل ماعابس... ركض لحسينك

العله الطف ينشدنا ترئ الطف مو گدنا
فخر هاشـم احنـــــــه وملوحة الساده
واليــــدور ملاگـــه ننشفله رياگــــــــه
علي صحنه وماتت من سمعته القاده

ملگانــــــه هـــنا حلـــه
يالأكبـــــر بأولــــــــــــه
تتراجـــف خلها السباع

يالحيـــــــــــد ويالكلف
يالگلبــــــك مايـــــــرف
ياحيلــــي الهادل الگاع
،،،،،،،،،،،،،،،،،،،،،،،،،،،،،،،،،،،،
مصطفئ الصالحي
من ارشيف محرم

الشاعر مصطفى الصالحي

May 9, 2026, 06:50 AM

📷 Photo

انا لله وانا اليه راجعون

6,340

الشاعر مصطفى الصالحي

May 2, 2026, 04:39 AM

شحال گلبك يالرضا اليوم والله يعينه
جنازه ابــوك وعالجسر وحـده مخلينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم كسران الضهر بيـــــن اعليك وبده
والسده بطف كربله اليوم عالكاضم سده
حسين ضــل الوحده وانته ابوك الوحده
ومثل زينب يالرضا الكاضــــــم مگيدينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليــوم عنــــــك يالرضا عزاز گلبك رايحه
اليوم حزنك وحـــــــدك لاعزه ولافاتحـــه
خيمه ابوك وللأسف الخيمه امست طايحه
ابو عيون الكلها ود اليـــــــوم غمض عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من عمت عين الوكت شكثر وياكم جسه
بده مـــن كسر الضلع الهذا يومك مانسه
عليكم اليـــــــــل اليمر مكدر يمر هندسه
الفرح مامركم ابــــــــــــد والفرح ناسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل ماضل بالرضا اخــــذ حيله الكاضم
محني مـن كثر الحزن يمشي بين الوادم
وين هاشم خــل تجي مات رهاب هاشم
ماكو اهــــــل فزعو اله الغربه المشيعينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

8,360

الشاعر مصطفى الصالحي

May 2, 2026, 04:39 AM

اليله المنازل خاليـــــــــه اليله
---------------------------------
اليله الحنيــــن محمل ضعونـه
دايــــــر گفاه ومفـرد متونــــه
رچــب بناتــه وسـرج ميمونــه
واهل المدينــه العـوده تدعيلـه
------------------------------------
اليله الحبيـــــب يودع احبابـه
وبوداعه چنــــه مطــول غيابه
عزل مضيفه وبيـده ســـد بابه
وگام المنيته والها شــــد حيله
-----------------------------------
اليله اليطــب الدور اهالينـــــه
يشبع بواچي اليطرش اعلينــه
شايــل بختها ومايــرد لينـــــه
والعنه تمشي احبابـــــه ياويله
-----------------------------------
طوح ضعنها وغـربــــت هاشم
ياربي رده مـــــــن السفر سالم
هواي الضعنهم عرضـت الوادم
ماعندي غيرك خاطـــر اشكيله
-----------------------------------
اليله العليلــه تفارگ اخوتـــــها
وتبطي اعله باب البيت وگفتها
دمعتها محــد مســـــح دمعتها
طـــول النهار حسيــــن تبچيله
-------------------------------------
مصطفئ الصالحي

8,980

الشاعر مصطفى الصالحي

Apr 22, 2026, 11:22 AM

واويلاه يازينب
،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلها صاحــــــــــــت علئ زينب ياغريبـه ياغريبه
الغاليه العــــــــــــد ابو فاضل والحبيبه والحبيبه

الشام يهل ام عون غيـــــر حالي ،، ويلي يزينب
الشام چتال اخوتـــــي وچتالــي ،، ويلي يزينب
الشام عله مــــــن الهضم سوالي ،، ويلي يزينب

يهلي العمر ،، خلص متاعـــب
ماتگضي ابد،، هاي المصايـب
ام الخـــــدر،، مــــو للخرايب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الدنيا مارحمت بزينـــــــــــــــــــــب تعبتها تعبتها
مــــــــــن زغرها والمصايـــــب عاشرتها عاشرتها

وين ماروح الحـــــــــــزن گدامي،، ويلي يزينب
والتعب يلحگني ضـــــل لحلامي،، ويلي يزينب
بزغري للطف حزميــــت احزامي،، ويلي يزينب

يهلي الحــــزن،، مابيـه حيله
والفرگه احس،، كلش ثجيـله
ويـــــــن الذي،، يعين العقيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ها يالتحبون زينـــــــــــب ها يخوتي ها يخوتي
الشام والبالشام كلها تريـــــــد موتي تريد موتي

ناس لاعدهم خجـــل لاغيـــــره،، ويلي يزينب
ديــــرة الشمات هاي الديــــــره ،، ويلي يزينب
تحيرك وماتلگه حــــــل للحيره ،، ويلي يزينب

انه ام خـــدر،، والخدري غالي
گام الصخر،، يبچي اعله حالي
شفت التعب ،، حتــئ بخيالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الموت شفت الموت يهلي بهاي عيني بهاي عيني
ليش وي المايحبنــــــي عايفينـــي عايفينـــــــي

ضوگ ضگت الموت من شماتهم ،، ويلي يزينب
سهم چنها وبألگلــــــب چلماتهم ،، ويلي يزينب
سنين عدي مــــــن تمر ساعاتهم ،، ويلي يزينب

ضيم الغرب،، محــــد يحمله
زيــن وعلي،، ليهسه عدلـــــه
گمت النفس،، بالگــــوه اكمله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

7,640

الشاعر مصطفى الصالحي

Apr 22, 2026, 11:22 AM

يمــــــولاي يمـــــولاي يالكضــــــــــام  يمولاي
حچي هواي حچي هواي بعيوني حچي هواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يــــــم باب الحضــــــــره يامحله النضـــــــره
مـــــــن ابــن الزهـــره الكلها رحمه عيونــــــه
تدخلـــــــــــه الوادم خادم مــــــــــــــو خادم
مايطلـــــــع نادم يطـــي اليطلبونــــــــــــــــه
اليطبلــه يـــــدلله
گبـــل لا يــــوصله
يگله ياهــــــــــــلا
الك مني شتريـــد
دوه الروح دوه الروح بالحضــره دوه الروح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياموطن روحـــــــــــي وبلســـــــم لجروحي
ولچماتني ونوحي بيـــــــــك أمـــــــــن گلبي
عــــــــن كلشي ابعدني ماريـــــــــــــد تهدني
لجفوفك شدني خاف اضيــــــــــــــــع دربي
الك مني وعــــــد
يمولاي وعهـــــــد
اضلن للأبـــــــــــد
خادم للحسيــــــن
بـــــــلا راي بـــــلا راي تايــــــــه بــــــلا راي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالبيــــــــــك امالي غيـــــــــــــر مــــن حالي
غيــــــــــرك يالغالي منـــــو يقبـــــــــل مثلي
مولاي ادخيــــــلك عبــــــــــــــــدك وشكيلك
بيا لچمــــــــــــــه ابديلك حتئ اخفف حملي
الحمل زاد الحمل
بعـــــــــد ماانقبل
اضلن هـــل شكل
ماتقبــــــــل بهاي
يبو الحيل يبو الحيل شــد حيلي يبو الحيل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشــــــــده شما تكبر يــــــــم بابــك تزغــــر
غيــــــــرك مايگـــــــــــــدر يگضي التگضيها
اليطلب لو جنـــــــــــــــه ماتبخــــل عنــــــه
وتگله تمنـــــــــــه الجنـــــــــــــه الك والبيها
ابــــد ماتعتــــــذر
شكثر ناس شكثـر
الك سجـدت شكر
حبيبـــــي يمولاي
بالعيــــــــون بالعيــــــون رسمناك بالعيـــون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

الشاعر مصطفى الصالحي

Apr 8, 2026, 05:34 AM

https://youtu.be/cB4YSTv9190?si=HL6Db6ZB3FP6Nj4W

7,120

الشاعر مصطفى الصالحي

Apr 8, 2026, 05:34 AM

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،

8,100

الشاعر مصطفى الصالحي

Apr 8, 2026, 05:34 AM

https://youtu.be/r9fkoO-MbEk?si=Q1DIGY5-e-EqVBGC

6,510

الشاعر مصطفى الصالحي

Apr 8, 2026, 05:34 AM

ياخوان ام عـــون اگعدو
عله اختكم گومو انشدو
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لانعاوي ولابواچــي ولااخـــــــــــــت فوگاي لطمت
بوگه چنهم بايگيني سكته زينــــب سكتـــه طلعت
ركضه صار وداعي ركضه وماكو دمعه اعليه صبت
الضحكت بطيحت خيمنه هسـه بالتشيــع ضحكت
،،
وين ماروحــــــــن شماته
العدله والميتــــــــه وراي
حتئ  بالتغسيل گالـــــــو
وخرو زينب ماكــــو ماي
،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الميت الما يمه وادم تبچي يكره حتئ موتـــــــــه
يهلي صاحــــو بالشوارع واليصــــــح عالي صوته
المايجي التشيــع زينب باچر الفرحــــــــه التفوته
نعش ماكــــو اخوان يمه نعش شبعو موت اخوته
،،
غير مـن يموت واحــــــد
غيــــــــــــر لازم يستراح
موش كل شويــه شامـت
ذبله چلمه وعنــــــي راح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الغربه من تموت سكته وانتــــه عايش بين غربه
الصعبه موش الموت عدي ياهو اليشيعني صعبه
ردت اموتـن يـــم اخوتي بس غلبني الوكت غلبه
متت يـــــم المايحبني متــــت يمه وبرد گلبـــــه
،،
شكثر شافت ضيم روحي
بعـــــد اكثــر شرد اشوف
جنازه فوگ متون غربـــه
وبيها بالشارع تطــــــوف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عاتبتكم چيــــف اخوتي وچيف احبكم عاتبتكم
ماعفتكم وانــه عدلـــــه وانه ميتـــــه ماعفتكم
شفت كـــــل الشيعوني بس يخوتي ماشفتكــم
يابو فاضل يابو الاكبر باخــر انفاسي وصحتكم
،،
انـــــــــــه ياشلعان گلبي
انه زينـــــب انــــــه هاي
يالوراكــــــم عفتو زينب
عفت كلشي الكــم وراي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده،،،،،،

7,780

Showing 27 of 27 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

الشاعر مصطفى الصالحي

الشاعر مصطفى الصالحي

Ranking

Participant Growth (Last 6 Days)

Latest Posts

Rating

User Reviews (0)

Related Telegram Channels

Shroomy

Genuine deals | Shopping offers & deals

Trend Micro MCX

[Deals India]™ hot loot offers Deals amazon flipkart

Planet Sandbox

Amazon Offers Flipkart Deals Hub

Store TheStarkArmy of Mr Neophyte | Mr_Neophyte Shop

contact lenses🍓🍓

Related Telegram Channels

Shroomy

Genuine deals | Shopping offers & deals

Trend Micro MCX

[Deals India]™ hot loot offers Deals amazon flipkart

Planet Sandbox

Amazon Offers Flipkart Deals Hub

Store TheStarkArmy of Mr Neophyte | Mr_Neophyte Shop

contact lenses🍓🍓

User Reviews (0)

Latest Posts