Ethiopian Architecture and Urbanism

Ethiopian Architecture and Urbanism

Public

Can't Join? @ethiopianarchitectureandurbanism

0

15.4k Members

Updated: May 14, 2026 at 6:44 AM

Ethiopian Architecture and Urbanism

It is a platform for information on historical and contemporary architecture, urbanism, landscape, and the construction industry inside Ethiopia. It will also include similar issues from across the world.

@ethiopianarchitectureandurbanism offers specialized information about historical and urbanism for subscribers interested in Desi

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 8 Days)

Total: 15.4K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

Ethiopian Architecture and Urbanism

May 24, 2026, 09:10 PM

📷 Photo

ዘለቀ በላይ አሁን ደግሞ  ወደ መንፈሳዊ ሕንፃ ንድፍ (ecclesiastical design) ፊቱን አዙሯል።

ለፍልውሃ ሰባተኛ ቀን አድቬንቲስት ቤተ-ክርስቲያን የሰራው አዲሱ የሕንፃ ኮምፕሌክስ፣ ጭምት  ለሆነው የ1950ዎቹ  የቀደመ ታሪካዊ ቤተክርስትያን ሕንፃ ደማቅ እና ተጫዋች የሆነ ዳራ (background) ሰጥቶታል።

​ዘለቀ ሊደፈር እስከሚችለው ድረስ  የሚሄድ  ደፋር ባለሙያ ነው። እንደ ማዕቀፍ እና እንደ ሊፍት ሆኖ የሚያገለግለውን  ድፍረት የተሞላበት ቀጥተኛ (vertical) አካል የሕንፃውን አጠቃላይ ገጽታ አንደኛው  መለያ  አድርጎታል።

​በሕንፃዎች ላይ የሚሰሩ የአየር ላይ ድልድዮችን (sky bridges) የመፈተሽ ሙከራውን ደግሞ ጥቂት ወደፊት ፈቀቅ አድርጎታል። ስቴርስ ህንጻ ላይ ያለውን የመጀመርያውን ኪውቦክታ (Cubocta) የሰማይ ድልድዩን አንረሳውም። ፍጹም አስገራሚ የሆነው ባለ መስታወት ማገናኛ ድልድይ የዚህ የጥበብ ስራ ሌላው  መለያ (signature) ነው። ለመሆኑ ልክ  እንዳለመው ይህ መስታወት ድልድይ በተግባር ይገነባ ይሆን? ይሄንን ግዜ የሚመልሰው ይሆናል።  ግን ግን ቤተክርስትያኑ ወጪ አውጥቶ ምንም ብረት እና የሚጋርድ ነገር ሳይኖር በመስታወት ብቻ ቢገነባው ሳያስደስት አይቀርም።

​እንዲህ ሁሌ የድፍረት አድማሱን የሚያሰፋ  አስተዋይ ባለ ተሰጥኦ እና ምናበ-ሰፊ አርክቴክት በኢትዮጵያ በመኖሩ ኩራት ሊሰማን ይገባል።

ግን ማህበረሰባችንስ ድምጻዊውን፣ ሙዚቀኛውን ፣ጸሀፊውን፣ ተውኔተኛውን፣ ሯጩን፣ ሰአሊውን እንዲሁም ቀራጺውን ሲያደንቅ እንደዚህ ያለውን ህንጻ ነዳፊ አላደንቅ አለሳ!

አገራችን ሆይ ህንጻ ነዳፊዎችሽን አድንቂ!

ጽሁፍ። ዳዊት በንቲ

1,430

24

0

Ethiopian Architecture and Urbanism

May 24, 2026, 09:10 PM

📷 Photo

1,380

2

0

Ethiopian Architecture and Urbanism

May 24, 2026, 09:10 PM

📷 Photo

አሁናዊ ኪነህንጻ
Everlasting Christ Reveleation Church የወንጌላውያን ቤተክርስቲያን።
ቦሌ መንገድ

1,540

22

Ethiopian Architecture and Urbanism

May 10, 2026, 11:27 AM

📎 File

አዲስ መጽሀፍ

UN-Habitat የ2026 - 2029 የመፍትሄዎች ካታሎግ መጽሀፍ

​አካታች፣ ፅኑ እና ቀጣይነት ያላቸውን ከተሞች ለመገንባት ምን ያስፈልጋል?

​የUN-Habitat የ2026 - 2029 የመፍትሄዎች ካታሎግ፤ መንግስታት፣ ማህበረሰቦች እና አጋሮች የዛሬዎቹን አስቸጋሪ የከተማ ተግዳሮቶች እንዲወጡ ለመርዳት የተሞከሩ መሳሪያዎችን፣ የተረጋገጡ ዘዴዎችን እና አለምአቀፍ ልምዶችን በአንድ ላይ አሰባስቧል።

​ከ2030 አጀንዳ፣ ከአዲሱ የከተሞች አጀንዳ (New Urban Agenda) እና ከUN-Habitat የ2026–2029 ስትራቴጂካዊ እቅድ ጋር የተጣጣመው ይህ ካታሎግ፣ ለሚከተሉት አካላት እንደ ተግባራዊ ግብዓት እንዲያገለግል ተደርጎ የተዘጋጀ ነው፦
• ​ለአባል ሀገራት፣ ለብሔራዊ እና ለክልል/ለአካባቢ መንግስታት
• ​ለቴክኒክ ክፍሎች እና ለከተማ አመራሮች
• ​ለገንዘብ ድጋፍ ሰጪ አጋሮች እና ለለጋሾች እና
• ​ለተባበሩት መንግስታት ድርጅቶች እና ለእርዳታ ሰጪ ድርጅት  አስተባባሪዎች (Resident Coordinators)

​ካታሎጉ በሶስቱ ዋና ዋና አምዶች ማለትም በስትራቴጂካዊ ትኩረት፣ በውጤት ዘርፎቻችን እና በትግበራ መንገዶቻችን ላይ የተዋቀረ ነው።

እነዚህም የሚከተሉትን ተጨባጭ መፍትሄዎች ያካትታሉ፦
​🏘 ቤት እና መሬት
🛖 መደበኛ ያልሆኑ ሰፈራዎች ( slum )
🚰 መሰረታዊ የከተማ አገልግሎቶች
📈 ዝግጁነት፣ ምላሽ አሰጣጥ፣ ማገገም እና መልሶ ግንባታ
🌱 አካባቢ እና የአየር ንብረት እርምጃ
🏗 የተቀናጀ የከተማ እና የቦታ ፕላን፣ አስተዳደር፣ ኢንቨስትመንት እና ፋይናንስ
📊 አሳታፊ ባለብዙ-ደረጃ አስተዳደር እና የዘላቂ ልማት ግቦችን (SDGs) በአካባቢ ደረጃ መተግበር
🧑‍🏫 እውቀት፣ መረጃ፣ ዲጂታላይዜሽን እና የአቅም ግንባታ
🤝 አጋርነት፣ ጥምረት፣ ጥብቅና እና ኮሙኒኬሽን
​

932

Ethiopian Architecture and Urbanism

May 10, 2026, 11:27 AM

ዱርዬው አሸዋ

የነዳጅ እጥረት ከፈጠረብን አንዳጅ ድርጊቶች መካከል ዱርዬው አሸዋ ንግድ መስፋፋትና የአሸዋ ልኬት ቅሸባ ይገኝበታል።

በተለምዶ ዱርዬው_አሸዋ የሚባለው ከወንዝ ከሚገኘው የታጠበ አሸዋ ሳይሆን በተለምዶ ዳካ የሚባለውን ከአለምጤና አካባቢ ተቆፍሮ የሚጫን አሸዋ መሰል ነገር ነው። ይህ አሸዋ በርካሽ ዋጋ አዲስ አበባ ይመጣል። የመተሃራና ሌሎች የወንዝ አሸዋም ይመጣና ሜዳ ላይ ይገለበጣል። ከዛም እንደ ግዢው ሁኔታ እየተቀላቀለ በሲኖዎች ላይ ይጫንና እላዩ ላይ ውሃ እስኪጠግብ ይለቀቅበትና ከመተሃራ ወይ ከአንዱ የወንዝ የመጣ አሸዋ ተብሎ በየፕሮጀክቱ ይራገፋል። በዚህም ይገነባል። አደጋ አለው!

ይህ የአሸዋ ንግድን በስሱ እንዳጠናሁት በሚከተለው መልክ የገበያ ስርዓት ልኬትና ስያሜ ወጥቶለት የሚከናወን ነው ። ገዢው አያውቅም። አሸዋ አቅራቢ ሹፌሮች ተግባብተው ይተገብሩታል።

ለእንባቢ ለማሳየት ያህል የሚከተሉት የአሸዋ ግብይት ቋንቋቸውና መለያቸው አቅርቤያለሁ:-
፩) ዳካ በዳካ :- ሙሉ ለሙሉ የዳካ ( ድክሞ) አሸዋ ውሃ ተርከፍክፎበት ለተንከራፈፈ ኮንቴ ወይም ምታም ለሆነ ፐርቼዘር በርካሽ በወቅታዊ ዋጋ 110,000.00 ብር አካባቢ ይሸጣል።

፪) ዳካ በበለጬ :- እዚህ ቦታ ላይ "በለጬ" የበርጫው ሳይሆን የዳካ አሸዋን ነጣና ገርጣ ያለ ቀለም የሚቀይር ቀጠንጠን ያለች አሸዋ መጠሪያ ነው። ይቺ በለጬ የምትባል አሸዋ ዳካው ላይ ተጨምራ ተማስሎ ውሃ ጠጥቶ ለገበያ ይቀርባል።

፫) 20 በ 80:- የሚባለው 20% የወንዝ አሸዋ 80% ዳካ ተቀላቅሎ የሚሸጥ

፬) 50 በ 50 :- ይህ ግማሽ የወንዝ አሸዋ ግማሽ የ ዳካ አሸዋ ቅልቅል ሲሆን ውሃ ጠግቦ መቀላቀሉ ለመለየት በሚከብድ ሁኔታ ለፕሮጀክት የሚቀርብ ሲሆን ከ 120ሺህ-130ሺህ ብር ለሳይቶች ይቀርባል።

ሌላም....ሌላም ድብልቅልቅ ...... ፈተና ነው።አደጋ አለው!

ወገኖቼ ይሄ ተግባር በድብቅ የሚከናወን ሳይሆን በቀን በጠራራው ጸሃይ ሳይቀር በሃላል እየተከናወነ ያለ ማንም ሰው ከጋርመንት ቱሉዲምቱ ሲሄድ ኮዬ አካባቢ ሲኖዎች እንደ ነዳጅ ቀጂ ተሰልፈው ወጠምሻ ወጣቶች በአካፋ እየቀላቀሉ የሚጭኑት አንዳንዶችም በሎደር ቀላቅላው ሲጭኑ እዛው ወንዝ ገብተው ውሃ አጠጥተው በሸራ ሸፍነው ወደ መሃል ከተማ ሲወስዱት የሚታይ ጉዳይ ነው።

ይህንን ለመጻፍ የወሰንኩት ሰሞኑን በኮዬ መስመር ስጓዝ ከአሸዋ ማቀላቀያ ቦታዎች ጭኖ የወጣ መኪና ከፊት ለፊታችን ተጉዞ አንድ የተዘጋጀ አርማታ (Ready Mix) አቅራቢ ግቢ ሲገባ በመመልከቴ ነው።

እንደ አንድ መሃንዲስ በዚህ መሰል አሸዋ የተሰራ ህንጻ በቸርነቱ እንጂ በስትራክቸሩ እንደማይቆም እርግጠኛ ነኝ።

በተጨማሪም አንድ የአሸዋ ቅሸባ ላክልና ልውጣ። በትክክለኛው ልኬት የብዙዎቹ የሲኖ አሸዋ ልኬት 16.7 ሜኩብ አካባቢ ነው። ነገር ግን ጥቂት የማይባሉት የዱርዬው አሸዋ አቅራቢዎች መጫኛቸው ላይ በላሜራ የተለበጠ መቀነሻ አሰርተውበት የሚያቀርቡት አሸዋ ልኬት ከ12ሜኩብ አይበልጥም። ይህም በእያንዳንዱ ቢያጆ እስከ አራት ሜኩብ አሸዋ ይቀሸባል ማለት ነው። ይህም 25% ቅሸባ ነው።

እናማ ገንቢና አስገንቢ ወገኔ ሆይ!!!

አሸዋ ስትገዙ በተቻለ መጠን ከወንዝ መምጣቱን ተከታተሉ ከተራገፈ በኋላም ለክታችሁ ክፈሉ። በጥራትም በመጠንም እትቀሸቡ ንቁ!

ከታች ያለው ፎቶ በከተማችን ካሉ የአሸዋ ማቀላቀያ ቦታዎች በአንዱ ያነሳሁት ነው።

ምንጭ። ደሳለኝ ከበደ። ሲቪል መሀንዲስ፣ ገንቢ፣ አማካሪ።

Ethiopian Architecture and Urbanism

May 10, 2026, 11:27 AM

📷 Photo

1,230

0

0

Ethiopian Architecture and Urbanism

May 10, 2026, 11:27 AM

📷 Photo

1,440

0

0

Ethiopian Architecture and Urbanism

May 10, 2026, 11:27 AM

ጣልያን ሲገባ የነበሩ ቅርሶች።

ጣልያን ኢትዮጵያን ዳግም ወርሮ አዲስ አበባን ከተቆጣጠረ በኋላ ቀስ በቀስ የኢትዮጵያ ንጉሰ ነገስትን ምልክቶች ማጥፋት እንዳለበት ወስኗል።

ከጠፉት ምልክቶች መካከል አራት ኪሎ የሚገኘው በአክሱም ሀውልት አምሳል ለቀኃሥ ንግስና ሲባል በ1923 ዓም የተቀረጸው ሰአት ያለበት ሀውልት (clock tower)  ነበር። ሀውልቱን የቀረጸው ፖላንዳዊ መሀንዲስ Wieslaw Karol Knake ሲሆን በሀውልቱ ላይ ደግሞ ቀኃሥ መለያቸው አድርገው በምልክትነት የሚወስዱት ባለሶስት እጅ ኮከብ ነበረበት።

ጣልያን እንደገባ በመጀመሪያ የንጉሱ ዋነኛ ምልክታቸው አድርገው የያዙትን ኮከብ (የሰለሞን ኮከብ) ከሀውልቱ ላይ አንስቶ የራሱን ባለአምስት እጅ የሮማ ኮከብ (Stella di'Italia) ተከለበት። ሆኖም ግን ሀውልቱ ራሱ በአክሱም ንድፍ መሰረት አክሱም ድረስ ተሂዶ እና ጥናት  ተጠንቶ የተገነባ በመሆኑ ይህ ለጣሊያን ሊዋጥለት አልቻለም።

በመሆኑም በወርሀ ጥር 1929 ዓም ጣልያን አገራችንን በወረረ በ9ኛው ወር አካባቢ ውስጡ ብረት ሆኖ የተሰራውን ሀውልት ደርምሶ አስወግዶታል። ቦታውንም ፒያዛሌ  ቺንኩዌ ማጂዮ (ግንቦት 5 አደባባይ ጣልያን የገባበት ቀን መሆኑን ያስታውሷል) ብሎ ሰይሞት በቦታው ተሽከርካሪ እንቅስቃሴ  የሚያሳልጥ ትራፊክ ፖሊስ መቆምያ አድርጎት ቆይቶ ነበር።

ጣልያን ከወጣ በኋላም በጥቅምት 1934 ዓም አካባቢ ንጉሱ አዲስ ሀውልት በአክሱም ሀውልት አምሳል በክቡ አስቀርጸው ቦታውን ግን ጣልያን ያወጣለትን   ስም በመጠቀም ሚያዝያ 27 አደባባይ ብለው ጠሩት። እዚህ ላይ ጣልያን የገባበት እና ንጉሱ የተመለሱበት ቀን አንድ መሆኑን ጨምረን እናስታውሳለን። እስከአሁን ይህንን ከድል በኋላ የተቀረጸውን ሀውልት ማን እንደገነባው ለማወቅ ያደረግነው ጥረት አልተሳካም።

የተያያዙት ምስሎች ሀውልቱ ሲገነባ፣ የንጉሱን ኮከብ ከላዩ ሆኖ፣ የሮማን ኮኮብ ይዞ እንዲሁም ሲፈርስ እና ከፈረሰ በኋላ ቦታው ቺንኩዌ ማጂዮ ተብሎ ትራፊክ ቆሞበት ያመለክታሉ።

1,640

6

Ethiopian Architecture and Urbanism

May 10, 2026, 11:27 AM

📷 Photo

1,670

2

0

Ethiopian Architecture and Urbanism

May 10, 2026, 11:27 AM

የኢጣልያ ወታደሮች በሚያዝያ ወር 1928 አዲስ አበባ ከተማ ሲገቡ የምናገኛትን አዲስ አበባ የሚያሳይ ተንቀሳቃሽ ምስል።

በ2፡10 አካባቢ ለአጼ ኃ/ስላሴ ንግስ ቀን የተተከለ ጣልያን ያፈረሰዉ አራት ኪሎ ሀዉልት ያለበት ቦታ ላይ የተተከለዉ ሀውልት ይታያል፡፡ 3፡27 አካባቢ የኬዎርኮፍ ህንጻ ፈራርሶ እንመለከታለን፡፡ ብዙ የታወቁ ቦታዎችን በተንቀሳቃሽ ምስሉ ላይ ማየት ይቻላል፡፡ ከእሁድ ሚያዝያ 25 ቀን 1928 እስከ ማክሰኞ ሚያዝያ 27 ቀን 1928 ድረስ በነበሩት ሶስት የመንግስት አልባ ቀናት ዉስጥ አራዳ በእሳት ነዳ እና ተዘርፋ እንዲሁም ብዙዎች ሰዎች ሞተውባት እንደነበር ከምስሉ መረዳት ይቻላል፡፡ 4፡08 ላይ ከነበረው እሳት ተርፎ ከቆዩልን ጥቂት የእንጨት ቤቶች ውስጥ አሁንም ከራስ መኮንን ድልድይ ወደ ደጎል አደባባይ ስንደርስ በቀኝ በኩል ከሲኒማ አምፒር አለፍ ብሎ የሚገኘዉ ቤት አለ፡፡

ለገሀር ባቡር ጣብያ፣ የኢጣልያ ኤምባሲ ይታያሉ።

5፡22 ላይ የደጎል አደባባይ መሀሉ ላይ የግዜዉ ፖሊስ የሚቆምበት ጥላ ያለው ተንቀሳቃሽ መዋቅር የሚታይ ሲሆን በግራ በኩል አሁን የኢትዮጵ አየር መንገድ ቢሮ ያለበት ህንጻ የተገነባበት ቦታ ላይ የነበረ ማግዳሊኖስ ፈረስ የተባለ የዘመኑን ኪነህንፃ የደረሰበትን ከፍተኛ ጣራ ሊገልጽ የሚችል ባለሁለት ፎቅ የንግድ ህንጻ የነበረበት ቤት ሙሉ በሙሉ በእሳት ወድሞ ይታያል፡፡ በዚያን ግዜ የአርማታ ግንባታ ጥበብ ያልነበረ ሲሆን የተረፉት ህንጻዎች በድንጋይ የተሰሩት እንደነ ማቲፍ ኬዎርኮፍ ህንጻ ነበሩ፡፡

5፡29 ላይ አሁን የኤሌትሪክ ህንፃ የሚገኝበት ቦታ ይታያል፡፡ 6፡03 ላይ ከመኪናዉ በስተቀኝ የስላሴ ኮከብ ይታያል (Place de la etoile) ፡፡ ኮከቡን ጣልያኖች አፍርሰዉ ባዶ ቦታውን ፒያዛ ሊቶሪዮ ብለው የሰየሙት ሲሆን አሁን ቼንትሮ ባር ያለበት ቦታ ነዉ፡፡ 6፡25 ላይ በሩቁ በግራ በኩል ከቤቶቹ ጀርባ ከፍ ብሎ ጣርያዉ የሚታየዉ ቤት፣ ጣልያን ሳይገባ በፊት ረጅሙና ብዙ ፎቅ የነበረዉ የሙሲ ሚናስ ኬርቤኪያን ቤት ነበር፡፡ ይህ ቤት ከቃጠሎዉ ተርፎ አሁንም ድረስ አገልግሎት የሚሰጥ ቤት ነዉ፡፡

6፡31 ላይ ከሲኒማ አምፒር ወደ ራስመኮንን ሲኬድ በግራበኩል ያለው ትልቅ የጣራ ተዳፋት ያለው እስከአሁን ድረስ የሚገኘው ቤት ይታያል፡፡ 6፡56 ላይ የአጼ ሚኒሊክ ሀዉልት ይታያል፡፡
ተንቀሳቃሽ ምስል ምንጭ Pathe.

አማርኛ ጽሁፍ የ የአእምሮ ንብረት ነዉ፡፡

1,530

Ethiopian Architecture and Urbanism

May 10, 2026, 11:27 AM

📷 Photo

ከ ጣልያን ወረራ በፊት የተገነቡ ዘመናዊ ህንጻዎች። (ክፍል 2)

ጣልያን አዲስ አበባ ሲገባ ያገኛቸው በውጭ አገር ነዳፊዎች የተነደፉ ዘመናዊ ህንጻ ምስሎች ተያይዘዋል። አቢሲኒያ ባንክ፣ ተፈሪ መኮንን ትምህርት ቤት እና ዳግማዊ ምኒልክ ትምህርት ቤት።

1,880

12

Ethiopian Architecture and Urbanism

May 10, 2026, 11:27 AM

🎥 Video

የኢጣልያ ወታደሮች በሚያዝያ ወር 1928 አዲስ አበባ ከተማ ሲገቡ የምናገኛትን አዲስ አበባ የሚያሳይ ተንቀሳቃሽ ምስል

ተንቀሳቃሽ ምስል ምንጭ Pathe.

1,280

3

0

Ethiopian Architecture and Urbanism

Apr 27, 2026, 11:02 PM

📷 Photo

ባህላዊ ኪነህንጻ

ብርብር ማርያም አዲስ ቤተክርስትያን በግንባታ ላይ - 1926/1927 ዓ.ም
ጋሞ ዞን

Frobenius Institute Image Database/Ethiopia Expedition #013

በ HETTCL 1860s-90s

1,630

8

Ethiopian Architecture and Urbanism

Apr 27, 2026, 11:02 PM

📷 Photo

ከላይ ምስሉ የተያያዘው በግንባታ ላይ የነበረው ብርብር ማርያም አሁናዊ ገጽታው
ምንጭ። ሰዋስው ዶት ኮም

1,640

19

Ethiopian Architecture and Urbanism

Apr 27, 2026, 11:02 PM

📷 Photo

የቆዩ የከተማ ምስሎች

ወሊሶ
በጣልያን ወረራ ወቅት
1929/1930 ዓ.ም


Deutsche Fotothek/German Photo Library/Schottenloher, Rudolf Photographs:
http://www.deutschefotothek.de/

በ HETTCL በኩል

1,190

2

Ethiopian Architecture and Urbanism

Apr 27, 2026, 11:02 PM

📷 Photo

ለኮንስትራክሽን ኢንዱስትሪው ገለልተኛ የሙያ ምክር ቤቶች እንዲቋቋሙ ጥሪ ቀረበ

የኢትዮጵያን ኮንስትራክሽን ኢንዱስትሪ የሠለጠነ፣ በዓለም አቀፍ ደረጃ ተወዳዳሪ፣ ከብልሹ አሠራርና ሌብነት የፀዳና በተገቢው መንገድ እንዲመራ ለማስቻል ገለልተኛ የሙያ ምክር ቤቶች እንዲቋቋሙ፣ የኢትዮጵያ የአማካሪ መሐንዲሶችና አርክቴክቶች ማኅበር ጥሪ አቀረበ፡፡
ማኅበሩ ጥሪውን ያቀረበው ከሚያዝያ 9 እስከ 12 ቀን 2018 ዓ.ም ለመጀመሪያ ጊዜ የተካሄደው፣ የኢትዮጵያ የመሠረተ ልማትና ኮንስትራክሽን ሳምንት ማጠቃለያ በአዲስ ኢንተርናሽናል ኮንቬንሽን ሴንተር ሲከናወን ነው።
የኢትዮጵያ የአማካሪ መሐንዲሶችና አርክቴክቶች ማኅበር ፕሬዚዳንት ዳዊት ኡርጌቾ (ኢንጂነር)፣ ‹‹የኢትዮጵያን የኮንስትራክሽን ኢንዱስትሪ በሥርዓት ላይ በተመሠረተ መንገድ ማሻሻል›› በሚል መሪ ሐሳብ ባቀረቡት የመወያያ ጽሑፍ፣ በዘርፉ ያለውን ችግር ለመፍታት ግልጽና አስቀድሞ መተንበይ የሚያስችል አቅርቦት (Predictable Deliveries) ያለው፣ በዲጂታል ቴክኖሎጂ የታገዘ፣ በሙያዊ ብቃት የጠነከረ ሥነ ምኅዳር የተገነባበት፣ እንዲሁም ዘላቂና ተወዳዳሪ የወደፊት ዕድል እንዲኖረው ለማድረግ መንግሥትና የግሉ ዘርፍ በትብብር ሊሠሩ እንደሚገባ አስረድተዋል።
ለዚህ ይረዳ ዘንድ የኮንስትራክሽን ኢንዱስትሪ ትራስፎርሜሽን ንቅናቄ በከተማና መሠረተ ልማት ሚኒስቴር አማካይነት ወደ ተግባር መገባቱ መልካም መሆኑን፣ ሆኖም ኢንዱስትሪው በሚመራበት ማዕቀፍ ውስጥ ሳይካተቱ የቀሩ ሕጎችን መደንገግ እንደሚገባ ጠቁመዋል።

ተጨማሪ ያንብቡ: https://ethiopianreporter.com/154954/

2,050

Ethiopian Architecture and Urbanism

Apr 27, 2026, 11:02 PM

📷 Photo

ድሮ እና ዘንድሮ

አንበሳ ህንጻ፣ መስቀል አደባባይ

2,080

7

Ethiopian Architecture and Urbanism

Apr 27, 2026, 11:02 PM

📷 Photo

የቆዩ የሀውልት ምስሎች

ሚያእያ 27 ሀውልት

አራት ኪሎ የሚገኘው የሚያዝያ 27 የድል በዓል መታሰቢያ ሀውልት በ ጥቅምት 1936 ዓም  የተመረቀ ሲሆን እስከ 1944 ዓም  ድረስ መሰረቱ ላይ ያሉት ክቦች አልገጠሙም ነበር።

ሀውልቱን ማን እንደቀረጸው እስከአሁን  መረጃውን ለማግኘት አልቻልንም።

ሁለቱም የማይገኙ ምስሎች (rare images) የተገኙት ከ ቲመቲ ፔን ጆንሰን (Timothy Penn Johnson) ነው።

3,150

10

Ethiopian Architecture and Urbanism

Apr 27, 2026, 11:02 PM

📷 Photo

ድሮ እና ዘንድሮ
ናይል ሆቴል

ይህ ከአዲስአበባ ስታድዮም በስተምእራብ የሚገኘው የቀድሞው ናይል ሆቴል ህንጻ ከተወሰነ በኋላ ብሉ ናይል ሆቴል ተብሎ እንደነበር የሚታወቅ ሲሆን አሁን ደግሞ አንድ ወለል ተጨምሮበት የ ቤተዛታ ሆስፒታል በመሆን ያገለግላል።

2,190

9

Ethiopian Architecture and Urbanism

Apr 27, 2026, 11:02 PM

📷 Photo

ድሮ እና ዘንድሮ
(ድራሴና ዛፉ በጣም አድጓል)

2,560

18

Ethiopian Architecture and Urbanism

Apr 27, 2026, 11:02 PM

📷 Photo

የስመ-ንብረት ዝውውር ክፍያን በተመለከተ በማህበራዊ ሚዲያ ለተነሱ ጥያቄዎች የተዘጋጀ መረጃ።

1. በሽያጭ ወይም በስጦታ የሚደረግ ስም ዝውውር

በሽያጭ ወይም በስጦታ ስም ለማዛወር የሚከፈሉ የአገልግሎት ክፍያዎች የሚከተሉት ናቸው፡-
• ለአሻራና ቴምብር ቀረጥ – 6%
• ለንግድ/ቅይጥ ይዞታ ከሆነ ተጨማሪ 15%
• ለምዝገባ – 1,000 ብር
• ሰነድ ማጣራት – 1,000 ብር
• ለሰርተፊኬት – 1,100 ብር
• ለዋስትና ፈንድ – 0.3%
• አደጋ ጊዜ መቋቋሚያ ፈንድ – 0.1% (ከሻጭና ከገዥ)
• ለምህንድስና/ልኬት አገልግሎት – በቦታ ስፋት መሰረት

2. በውርስ የሚደረግ ስም ዝውውር
በውርስ ምክንያት ለሚደረግ የስም ዝውውር የሚከተሉት ክፍያዎች ይጠየቃሉ፡-
• ለአሻራና ቴምብር ቀረጥ – 6%
• ለምዝገባ – 1,000 ብር
• ለሰነድ ማጣራት – 1,000 ብር
• ለሰርተፊኬት – 1,100 ብር
• ለምህንድስና/ልኬት አገልግሎት – በቦታ ስፋት መሰረት

• የፍርድ ቤት ጉዳዮች፦ ከህግ አሰራር፣ ከውሳኔ እና ከወራሽ ምርመራ ጋር የተያያዙ ጉዳዮች የሚመለከቱት ፍርድ ቤትን እንጂ ኤጀንሲውን አይደለም።
• የወራሽነት ማረጋገጫ፦ ትክክለኛ ወራሽን የመለየት ስልጣን የፍርድ ቤት ነው። ውርስ ለማጣራት የሚወስደው ጊዜም በፍርድ ቤቱ የአገልግሎት አሰጣጥ ስታንዳርድ የሚወሰን ነው።
• የኤጀንሲው ድርሻ፦ ኤጀንሲው አገልግሎት የሚሰጠው ከፍርድ ቤት የውርስ ማጣራት ሪፖርት ሲቀርብ እና የአገልግሎት ቅድመ ሁኔታዎች ሲሟሉ ብቻ ነው።


ምንጭ። የመ/ይ/ም/መ/ኤ (AA-LHRIA)

ለበለጠ መረጃ
https://addiscadaster.gov.et/

2,540

Ethiopian Architecture and Urbanism

Apr 27, 2026, 11:02 PM

📷 Photo

የጥገና ሥራ ለማከናወን የሚቋረጥ የኃይል አቅርቦት

ነገ ሚያዝያ 10 ቀን 2018 ዓ.ም በአዲስ አበባ እና ሸገር ከተሞች የጥገና ሥራ ለማከናወን የኃይል አቅርቦት የሚቋረጥባቸው አካባቢዎች፡-

✅ ከጠዋቱ 3፡00-9፡30 ድረስ

ኤሞሌስ ፋብሪካ፣ ካሰዴ፣ ጣፎ፣ 44 ማዞሪያ፣ ሰንዳፋ ጫፍ፣ የካ አባዶ፣ የካሰዴ አካባቢ፣ አምባሳደር ሪልኤስቴት፣ አያት ቤቶች ዞን 1፣2፣8፣ መሪ 40/60፣ 72 ቤቶች በከፊል፣ ጀሞ -2 ኮንዶሚኒየም፣ የስ ውሃ፣ ዓለምገና ማርስ ብስኩት፣ አርኪ ውሃ፣ ሱሉልታ መሐል ከተማ፣ ለገዲማ፣ ጫንጮ አቢሲኒያ ሲሚንቶ፣ አሸዋ፣ ሱሉልታ ዲያስፖራ ሰፈር፣ ጎሮ አርባ፣ ሱሉልታ መሀል ከተማ እና አካባቢው የኃይል አቅርቦት ይቋረጣል፡፡

ኢትዮጵያ ኤሌክትሪክ አገልግሎት

2,710

1

Ethiopian Architecture and Urbanism

Apr 13, 2026, 09:39 AM

📷 Photo

የቆዩ የከተማ ምስሎች።
ከጣልያን ወረራ በፊት (1928 በፊት)  እና ከታላቁ ዘረፋ (ሚያዝያ 25-27 1928) በኋላ የተነሳ የአራዳ እምብርት ላይ ያለ ህንጻ።

የማግዳሊኖስ ፍሬረስ ህንጻ እና የቻኖታኪስ መደብር።

ከ ገነተልዑል ቤተመንግስት በራስመኮንን ድልድይ በኩል እንዲሁም ከምኒልክ ቤተመንግስት ወደ መናገሻ ጊዮርጊስ ሲኬድ መገናኛ ስፍራ ላይ የነበረ ህንጻ ስለነበር በውበቱ እጅግ ግሩም የንግድ ህንጻ የነበረ ሲሆን ከቁሳቁስ መደብርነት በተጨማሪ ቪየና የተባለም ምግብ ቤት ነበረበት።

በምድር ወለሉም ላይ ማግዳሊኖስ ፍሬረስ ወይንም የማግዳሊኖስ ወንድማማቾች የተባለ ታዋቂ የግሪካውያን መደብር ነበረው።

በ ሚያዝያ 25-27 1928 ዓም በነበሩት ሶስት  መንግስት አልባ ቀናት በነበረው ታላቁ ዘረፋ ተብሎ በሚጠራው ወቅት በከተማው ያሉ  የነጮች መደብሮች በሙሉ ተዘርፈው ሲቃጠሉ ይህም ህንጻ የዘረፋው እና የቃጠሎው ገፈት ቀማሽ ሆኖ በሁለተኛው ምስል እንደሚታየው ሊወድም ችሏል።

አሁን በዚህ ህንጻ ፈንታ ደጎል አደባባይ የኢትዮጵያ አየር መንገድ ያለበት ህንጻ ይገኛል።

ይህ ህንጻ በአዲስአበባ ዘይቤ ኪነህንጻ የሚመደብ እና በዘይቤው ውስጥ በንድፍ ዝርዝር ልህቀት የሚተካከል የሌለው በአራዳ እምብርት ላይ የነበረ   ህንጻ በመሆኑ በተከታታይ እሱን እና አካባቢውን እናጠናለን።

ምስሎቹ ለጥራት ሲባል በ ጄመናይ ቀልመው የተስተካከሉ ሲሆን ያልተስተካከሉትም ተያይዘዋል።

ጽሁፍ። ዳዊት በንቲ

1,540

Ethiopian Architecture and Urbanism

Apr 13, 2026, 09:39 AM

📷 Photo

1,670

6

0

Ethiopian Architecture and Urbanism

Apr 13, 2026, 09:39 AM

📷 Photo

የቆዩ የከተማ ምስሎች
ደብረማርቆስ

የደብረ ማርቆስ ከፊል ገጽታ፣ መሥከረም 1967 ዓም

በ ታሪካችን ገጽ በኩል

1,200

6

Ethiopian Architecture and Urbanism

Apr 13, 2026, 09:39 AM

የቢሾፍቱ አየር ማረፊያ ፕሮጀክት እጩዎች ዝርዝር በዋናነት በቻይና ኩባንያዎች ተይዟል።

Chinese Firms Dominate Shortlist for Bishoftu Airport Project

​የኢትዮጵያ አየር መንገድ ግሩፕ የቢሾፍቱ ዓለም አቀፍ አየር ማረፊያ ፕሮጀክት የዋና ሥራዎች የግንባታ፣ የግዥ እና የፋይናንስ (EPC-F) ጨረታ የቅድመ-ብቃት ግምገማን አጠናቆ ዓለም አቀፍ ጥምረት ያላቸውን ድርጅቶች በእጩነት መርጧል። ግሩፑ ውጤቱን ቅዳሜ ዕለት ያሳወቀ ሲሆን፣ የተመረጡት ተጫራቾች ዝርዝር የጨረታ ሰነድ ቀርቦላቸው ወደ ቀጣዩ ደረጃ እንዲሸጋገሩ ይደረጋል።
​ፕሮጀክቱ በአራት ዋና ዋና ክፍሎች የተከፈለ ሲሆን፣ እነሱም፡-
• ​F1: ዋና ዋና መገልገያዎች (Main Facilities)
• ​F2: የድጋፍ ሰጪ መገልገያዎች (Support Facilities)
• ​I1: የአየር ማረፊያ ሜዳ እና መሰረተ ልማት (Airfield and Infrastructure)
• ​I2: ከግቢ ውጭ ያሉ ትስስሮች (Offsite Links) ናቸው።
​ለዋና ዋና መገልገያዎች (F1) ፓኬጅ ሰባት ኩባንያዎች ያለፉ ሲሆን፣ ከእነዚህም መካከል፡-
• ​ቻይና ኮሚዩኒኬሽንስ ኮንስትራክሽን ካምፓኒ (CCCC)
• ​በቻይና ኮንስትራክሽን ኤይትዝ (eighth) ኢንጂነሪንግ ዲቪዥን (CCEED) እና በቻይና ሮድ ኤንድ ብሪጅ ኮርፖሬሽን (CRBC) የተመሰረተ ጥምረት
• ​ቤጂንግ አርባን ኮንስትራክሽን ግሩፕ (BUCG) እና ሌሎች አራት ድርጅቶች ይገኙበታል።
​ለከግቢ ውጭ ትስስሮች (I2) ፓኬጅ ደግሞ በኢትዮ-ጂቡቲ ምድር ባቡር (EDR) እና በቻይና ሲቪል ኢንጂነሪንግ ኮንስትራክሽን ኮርፖሬሽን (CCECC) መካከል የተመሰረተ ጥምረት በእጩነት ከቀረቡት መካከል አንዱ ነው። በጥቅሉ ሲታይ በእጩነት ከተመረጡት ኩባንያዎች መካከል ግማሽ ያህሉ የቻይና ኩባንያዎች ናቸው።

ምንጭ። Addis Fortune.

2,290

16

Ethiopian Architecture and Urbanism

Apr 13, 2026, 09:39 AM

📷 Photo

2,320

13

0

Ethiopian Architecture and Urbanism

Apr 13, 2026, 09:39 AM

📷 Photo

ሳግራዳ ፋሚሊያ ቤተክርስቲያን
ባርሴሎና ፣ ስፔን።

በሰማያዊ ቀለም ያረፉት በሙሉ እስካሁን ያልተጠናቀቁ ናቸው።

​የመካከለኛው የኢየሱስ ክርስቶስ ግንብ እና በላዩ ላይ ያለው መስቀል ተጠናቆ፣ ባዚሊካው (ቤተ ክርስቲያኑ) የመጨረሻውን 172.5 ሜትር ከፍታ ላይ ደርሷል።
​ስለዚህ ዛሬ የምናየው  የህንጻው  ገጽታ (skyline) በመሰረቱ ተጠናቋል።

​ነገር ግን ፕሮጀክቱ ገና አላለቀም።
​አሁንም የቀሩት ዋና ዋና ነገሮች የሚከተሉት ናቸው፦
• ​የክብር ፊት (The Glory Façade)፦ ዋናው መግቢያ ሲሆን፣ ትልቁ እና እጅግ ውስብስብ የሆነው ክፍል ነው።
• ​የዙሪያው መዋቅሮች እና የጌጣጌጥ አካላት ክፍሎች።
• ​በመካከለኛው ግንብ እና በሌሎች አካባቢዎች ያሉ የውስጥ ዝርዝር ስራዎች።
​የክብር ፊት (The Glory Façade) በትክክል የቀረው ትልቁ ክፍል ነው።
​እናም እሱ እጅግ ግዙፍ ነው።
​ይህ ክፍል ወደ ፈጣሪ የሚወስደውን መንገድ የሚያመለክት ሲሆን፣ ምሳሌያዊ ደረጃዎችን፣ ቅርጻ ቅርጾችን እና ወደ ከተማዋ የሚመለከት ታላቅ መግቢያን ይይዛል።

​በዚህ ክፍል ላይ የሚከናወነው ግንባታ እስከ ቀጣዩ አስር አመት ድረስ እንደሚቀጥል ይጠበቃል።
​በመካከለኛው ግንብ ውስጥ እንኳን ግንባታው ቢያንስ ለጥቂት ተጨማሪ ዓመታት ይቀጥላል።
​ስለዚህ አዎ — ሳግራዳ ፋሚሊያ በመጨረሻ ሙሉ ከፍታው ላይ ደርሷል። ነገር ግን አሁንም ሙሉ በሙሉ አልተጠናቀቀም።

​ከ140 ዓመታት በላይ በኋላ፣ አሁን በመጨረሻው ምዕራፍ ላይ እንገኛለን።

ምንጭ። Barcelona untold

1,650

Ethiopian Architecture and Urbanism

Apr 13, 2026, 09:39 AM

📷 Photo

የቆዩ የከተማ ምስሎች።

ደሴ
ደሴ ጣልያን ወረራ ግዜ ይህንን ትመስል ነበር። በምስሎቹ ላይ የንጉስ ሚካኤል አዳራሽ በግልጽ ይታያል። አዳራሹንም ጣልያን የወሎ ግዛት የጦር ዋና ማዘዣ ግቢ አድርጎት ነበር።

2,260

2

Ethiopian Architecture and Urbanism

Apr 13, 2026, 09:39 AM

📷 Photo

ረዣዥም ሀውልቶች

በየአህጉሩ ያሉ ረዣዥም ሀውልቶች ከነቁመታቸው ቀርበዋል።

በአገራችን ረዥሙ ሀውልት የቱ ይሆን?

ምንጭ። Brilliant Maps

2,070

4

Showing 30 of 44 posts