CHRIST TUBE - ETH🇪🇹

Public

View Channel

30.2K

27.6K

Can't Join? @Christ_Tube

24.6k Members

Updated: May 12, 2026 at 9:20 AM

CHRIST TUBE - ETH🇪🇹

"ለእኔ ሕይወት ክርስቶስ፥ ሞትም ጥቅም ነውና።" (ወደ ፊልጵስዩስ ሰዎች 1:21) 🔍 የዚህ ቻናል አላማ ኢየሱስ ክርስቶስን መስበክ ነው፡፡ 📌 በተጨማሪም ◈ኢየሱስን የሚያስናፍቁ ድንቅ ዝማሬዎች ◈ስለ ክርስቶስ የሚያሳስቡ ዘመን ተሻጋሪ መልክቶች ◈መፅሐፍ ቅዱሳዊ ጥያቄዎችና ◈ተስፋ ሰጪ ሀሳቦች ይቀርብበታል ✍️ ለሀሳብ እና አስተያየት👇 📩 @Christ_Tube_Bot Creator @Beki_MW

Join @Christ_Tube for exclusive beki_mw and christ_tube_bot content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 12 Days)

Total: 24.6K

24h growth: +0 0%

Latest Posts

CHRIST TUBE - ETH🇪🇹

May 11, 2026, 05:05 PM

📷 Photo

#የማለዳ_ቃል 🌤☀️

“እነሆ፥ ቶሎ ብዬ እመጣለሁ፤ ማንም አክሊልህን እንዳይወስድብህ ያለህን አጽንተህ ያዝ።”
— ራእይ 3፥11

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,630

CHRIST TUBE - ETH🇪🇹

May 11, 2026, 05:05 PM

በእግዚአብሔር ዓይን ታዩ!
መራራው ይጣፍላችው!
ለቅሶው ወደ ደስታ!
ህመማችው ወደ ጤንነት ይለወጥ!
ከፊት መሪ ከኋላ ድጋፍ ይሁንላቹ!
አግኙ አትጡ ጎዶሎነት ይራገፍላቹ!
ከዚህ ሁሉ የሚልቀው መገኘቱ ሁሌ ይሰማችሁ!

መልካም ምሽት !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,370

CHRIST TUBE - ETH🇪🇹

May 11, 2026, 05:05 PM

📷 Photo

#የማለዳ_ቃል 🌤☀️

“ከመሥዋዕት ይልቅ ምሕረትን፥ ከሚቃጠልም መሥዋዕት ይልቅ እግዚአብሔርን ማወቅ እወድዳለሁና።”
— ሆሴዕ 6፥6

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,350

CHRIST TUBE - ETH🇪🇹

May 11, 2026, 05:05 PM

ክፍል 28
የማርቆስ ወንጌል ጥናት

ማር 11፡15-18

ከቢታንያ ወደ ኢየሩሳሌም ከደቀ መዛሙርቱ ጋር መጣ። ወደ መቅደስ ሲመጣ ግን ደስ ያላሰኘው ነገር ተመለእክተ። የአህዛብ የጸሎት ስፍራ እንዲሆን እግዚአብሔር የፈቀደው የመቅደሱ ስፍራ፤ በነጋዴዎች፣ በሚገዙና ገንዘብ በሚለውጡ ተሞልቶ ነበር። እርግቦች ሌሎችም ለመሰዋት የሚቀርቡ እንስሳት የሚሸጥበት ስፍራም ስለነበር፤ ይህ የንግድ አይነት በመንፈሳዊ ወይም በሃይማኖት ስም የመጣ ሳይሆን አይቀርም።

የጌታ ቤት የሚጸለይበት ቤት እንጂ የንግድ ስፍራ አይደለም። ለጌታ እንኳን ቢሆን ምንሸጠውና ምንገዛው፤ ጸሎቱን ያውም አህዛብ እንዳይቀርቡ በማድረግ መሆን የለበትም። ኢየሱስን ይህ አስቆጥቶት የወሰደው እርምጃ፣ ቅናቱን የሚያሳይ ነው። እንዲህ ያለ የመቅደስ ቅናት በእውነተኛ የብሉይ ኪዳን ነብያትም ይታይ ነበር።
ሠዎች ቤተ መቅደስ ውስጥ የተለያየ ተግባራትን ሲፈጽሙ፤ ሩቅ ሂደው ከመግዛት እና ከመቸገር ሰዎችን ያገዙ ሊመስላቸው ይችላል። ኢየሱስ ግን ይፈጽሙ የነእብሩት ውንብድና እንደሆነ ነበር የተረዳው። መልካም ሃሳቦቻችን የእግዚአብሔርን ቃል በመሻር ለመተግበር ከመሞከር ልንታቀብ ይገባል።

የእግዚአብሔር ቃል የበላይና በኛ ተሞክሮዎች የማይጨመርበትም የማይቀነስበትም ነው። በዛ ላይ እግዚአብሔር እስራኤልን ከአህዛብ ጋር አንድ አድርጎ ሊመሰገን እቅዱ ሁኖ ሳለ፤ በመቅደሱ ‘እኔ ብቻ ልገኝ’ ማለታቸው ከወንጌሉ ትምህርት በተቃራኒ መቆም ነው። “አህዛብ ለእግዚአብሔር ዘምሩ፣ ህዝቦችም ጌታን አመስግኑ” እንደተባለው፣ እግዚአብሔር በሁሉም ህዝብ መክበርን ይፈልጋል እንጂ የአይሁድ አምላክ ብቻ አይደለም።

የኢየሱስን አጸፋ ስንመለከት፣ ቫዮለንስ ያለበት እንዳልሆነ ልንረዳ ያስፈልጋል። ኢየሱስ ጅራፍን እንዳበጀ መጽሐፉ ቢነግረንም፤ የገረፈው ግን ሰዎችን አይደለም። የገለበጠውም ገበታቸውን እንጂ እነርሱንም ቢሆን ስራቸውን አይደለም። ለእግዚአብብሔር ቤት ምን ያህል ብንቀና፤ ሰዎች ላይ አላስፈላጊ እርምጃን በመውሰድ አለመሆኑን ግን ልንረዳ ያስፈልጋል። የሚገርመው ኢየሱስ ይህን ሁሉ ያደረገው ስሜታዊ ሁኖም አልነበረም። ይህንም የምንማረው ቁጥር 17 ላይ “አስተማራቸውም” የሚል ቃል መኖሩ፣ ቢቆጣቸውምና ቢቃወማቸውም፣ ትክክል አለመሆናቸውን የሚያስተምርበት ጊዜም እርጋታም ነበረው። ይህን ትምህርቱንም ካህናትም ህዝቡም በፍርሃት ይሰሙት ነበር። በዚህ ሁሉ ውስጥ ሊገድሉት የሚፈልጉት እንኳን፣ በቅንዓት ይነሳሱበት ነበር እንጂ ችግር አያገኙበትም ነበር።

ማር 11:19-26
ኢየሱስ አብዛኛውን ምሽቶቹን የሚያሳልፈው ከኢየሩሳሌም ወጣ ብሎ ባሉ መንደሮች ነበር። ማለዳ ደግሞ ወደ ኢየሩሳሌም ይመለሳል።

እንደ ልማዱ በአንዱ ማለዳ ወደ ኢየሩሳሌም ሲወርዱ ጌታ እንድትደርቅ የረገማት በለስ ልክ ቃል እንደተናገረባት ከሥርዋ ደርቃ ተመለከቷት።

ጴጥሮስም ትዝ ብሎት "እንዳልከው ሆነ እኮ" አይነት ቃል በመገረም ተናገረ። የኢየሱስ መልስ ግን "አያቹህ እኔ መሲሁ ነኝ::" የሚል ቀረርቶ አልነበረም።

እንድየውም በተቃራኒው እኔ ያደረኩትን እናንተም ልታደርጉት ትችላላችሁ የሚል ነበር። ታድያ እንዲህ አይነት የተአምራት ሂወት በልምድ ወይም በመከራ የሚመጣ ሳይሆን መንገዱንም ነግሯተዋል።

እግዚአብሔር በእኛ እንዲሰራ ልመናችንንም እንዲፈጽምልን፤ ማድረግ ያለብንን ነገሮች ኢየሱስ በዚህ ክፍል ውስጥ ተናግሯል።

አንደኛው በእግዚአብሔር ልናምን ይገባል። ቃላችን ውስጦ ልዕለ ተፈጥሮዊ ሀይል እንዳለ ልናስብ አይገባም። ያልነው ወይም የለመንነው የሚሆነው እግዚአብሔር ሲረዳን ብቻ ነውና እግዚአብሔርን ልናምን ይገባል።

ይህም እመነት ያለመጠራጠር መሆን አሀበት። ብንጠራጠር እግዚአብሔርን እናሳዝናለኖና።

በእግዚአብሔር ላይ ከማመን በተጨማሪ የለመንነው መልስ እንዲያገኝ የይቅርታ ሰዎች መሆን ይኖርብናል። አባታችን እግዚአብሔር ይቅር እንደሚለን እኛም በማንም ላይ አንዳች ቢኖርብን ይቅር ልንል ያስፈልገናል።

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

May 11, 2026, 05:05 PM

📷 Photo

#የማለዳ_ቃል 🌤☀️

“እነሆ፥ አንድ ምሥጢር እነግራችኋለሁ፤ ሁላችን አናንቀላፋም ነገር ግን የኋለኛው መለከት ሲነፋ ሁላችን በድንገት በቅጽበተ ዓይን እንለወጣለን፤ መለከት ይነፋልና ሙታንም የማይበሰብሱ ሆነው ይነሣሉ እኛም እንለወጣለን።”
— 1ኛ ቆሮንቶስ 15፥51-52

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,550

CHRIST TUBE - ETH🇪🇹

May 11, 2026, 05:05 PM

ክፍል 27
የማርቆስ ወንጌል ጥናት

ማር 11፡1-10
ኢየሱስ ከርሱ ጋር ከነበሩት ደቀ መዛሙርት ሁለቱን ደቀ መዛሙርት ልኮ፤ አንዲትን ውርንጫ ፈትተው እንዲያመጡለት ለሚጠይቁትም ይህች ማንም ያልተቀመጠባት ውርንጭላ ለጌታ ታስፈልገውለች ማእቱን እንመለከታለን። የመጽሐፍ ቅዱስ መምህራን ይህ ቤት በኋላ ጌታ ከደቀ መዛሙርቱ ጋር እራት የበላበት፣ ምናልባትም የማርቆስ እናት የሆነችው የማርያም ደርብ ቤት ሊሆን ይችላል።
በርግጥ የክፍሉ ዋና ሃሳብ የኢየሱስ ጉዞ ሊያመልክተንና እንዴት ወደ ኢየሩሳሌም በትንቢቱ መሠረት እንደገባ ሊያሳየን ቢሆንም፤ ብዙም ሳንለጥጠው፣ ስለ አህያይቱም አንድ አንድ ትምህርቶችን ልንወስድ እንችላለን ብዬ አስባለው። ከንዚህ ሃሳቦች መካከል፣ ኢየሱስ ይህችን ማንም ያላወቃትን አህያ ታስፈልገኛለች ማለቱ፣ ታስራ ሳለች እንድትፈታ ማድረጉ፣ ልክ እንደቀደሙት ምንባባት ኢየሱስ የተናቁትን የሚሻና አገልጋይ መሆኑን ያሳየናል። ደግሞ ደቀ መዛሙርቱ እርሱ ባዘዛቸው መሠረት መታዘዝና መሄዳቸው፣ በደረሱም ጊዜ ሁሉ እርሱ እንደተናገረው መሆኑም፣ ጌታ አድርጉ የሚለንን ነገሮች ጥቃቅን እንኳን ቢሆኑ ያለን እንደሚሆን ማስተዋል ይኖርብናል። ደግሞም እርሱ ልኮን በስሙ የጠየቅነውን ሚነሳን አይኖርም።

የሚገርመው የኢየሱስ መንገድ ብዙም የከበረ ባይመስለም፣ እርሱ የመረጣት አህያ ግን በብዙ ክብር ኢየሱስ ወደ ከተማይቱ እንዲገባ ምክንያት ሲሆነው እናያለን። እርሱ ለራሱ ከድንጋዮች እንኳን ለራሱ አላማ ሊያስነሳ የሚፈልገውንም ክብር ሊቀበል የሚችል ሉአላዊ አምላክ ነው። ከህጻናትና ጡት ከሚጠቡት ምስጋና ሆነለት። ብዙዎች ልብሳቸውን እያነጠፉ እየቀደሙትና እየተከተሉት ሆሳእና በጌታ ስም የሚመጣ የተባረክ ነው፣ መንግስቱም የተባረከች ነው በማለት በክብር ተቀበሉት።
ይህ ግን የኢየሱስ መክበር መፈጸሚያው አልነበረም፣ እንደየውም ወደ ሞቱ የሚሄድበት መንገዱ ነበር። እግዚአብሔር ዝቅ ዝቅ ብልንለት መጠን ቢያከብረንም ፣ ክብሩ ግን ከአላማችን ሊያስተን አይገባም። ክብራችን የእግዚአብሔርን ፍቃድ መፈጸም እንደሆነም ልንዘንጋ አይገባም። የሰዎች ጭብጨባ እንዳይውጠንም ልንጠነቀቅ ይገባል። ምክንያቱም ኢየሱስን በጩሀት የተቀበሉት እነዚውሁ ሰዎች ነበሩ “ስቀለው ስቀለው” በማለት ያሰቀሉት። “የሚያከብረኝ ጌታ ነው” የሚል የህይወት አቋም ሊኖረን ይገባል።

ማር 11፡11-14
ጊዜው መሽቶ ስለነበረ ደቀ መዛሙርቱን ይዞ ወደ ቢታኛ ወጣ። በማግስቱም ከቢታኛ ሲወጣ ተርቦ ነበርና፣ ቅጠል ያላት በለስ አንዳች ይገኝባት እንደሆን ብሎ ቢወጣ ምንም ፍሬ ከቅጠል በቀር ሊያገኝባት አልቻለም። በዚያኑ ጊዜ ካንቺ ፍሬ ከአሁን ጀምሮ ማንም አይብላ ሲል ረገማት።

ከዚህ ክፍል ልንማር የምንችላቸው ብዙ ነግሮች እንዳሉ አስባለው። ወደ አዕምሮዬ ከሚመጡት መካከል አንደኛው፣ ኢየሱስ የተናገረው የሚሆንለት መሆኑን ነው። በኛ አውድም ስንመለከተው ሰዎች የሚናገሯቸው በጎም ሆነ ክፉ የሚያስከትሉት አስከትሎት እንዳለ መገንዘብ ይኖርብናል።

ሌላኛው እና ዋናው ግን ከቃላት አጠቃቀሙ ተነስተን ትረካው ስለ እስራኤል ታሪክም የሚያስተምረን ነገር ይኖረናል። አብዛኛው መምህራን እንደሚስማሙበት፣ እስራኤል ብዙ ጊዜ በበለስ ተመስላለች። እናም ፍሬ አለማፍራቷ፤ ከእግዚአብሔር ዘንድ ፍርድን እንዳስከተለባት በተግባር እያስተማረም ሊሆን ይችላል።
ዛሬም ከኛ ህይወት ጋር እንድናዛምደው የሚያስፈልገን፤ ብዙ ፍሬ ከኛ ሲጠበቅ፣ ያለ ፍሬ ፣ ቅጠል ብቻ ሁነን ምንመላለስ ከሆነ ትርጉም እንደሌለውና እግዚአብሔርም ሊፈርድብን ስለሚችል፤ ራሳችንን እየመረመረን ለተራቡት የመጥገብ ምክንያት መሆን እንጂ ስም ብቻ ይዘን ከሩቅ ሲያዩን መልካም ሲቀርቡን ግን ምንም ልናበረክት የምንሆን ሊሆን አይገባም።


ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

May 11, 2026, 05:05 PM

#Spiritual speech

🗣 ❝መሬት የመጨረሻ መኖሪያችን አይደለችም የተፈጠርነው እጅግ ለተሻለ ነገር ነው! ❝

👤 ፓስተር ሪክ ዋረን

ለእኔ ሕይወት ክርስቶስ ነው
➥
➥ https://t.me/CHRISTFAMILY
ሼር በማድረግ ለሌሎች ያድርሱ!

1,420

CHRIST TUBE - ETH🇪🇹

May 11, 2026, 05:05 PM

ክፍል 26
የማርቆስ ወንጌል ጥናት

ማር 10:35-45 (2)
መስቀሉን ዘለው ክብር፤ ያውም በቀረቤታቸው ጌታን መለመናቸው፤ ሌሎች ደቀ መዛሙርትን አስቆጥቷቸው፤ ሁሉም የዘብዴዎስ ልጆችን መቆጣት ጀመሩ።በርግጥ ይህ ጊዜ ሁኖ እንጂ፤ ሁለቱም የዘብዴዎስ ልጆች፤ ማለትም ዮሐንስና ያዕቆብ ከባድ መከራ ውስጥ በማለፍ ለጌታ ዋጋ እንደ ከፈሉ የሐዋርያት ሥራና የዮሐንስ ራዕይ ይነግሩናል። ከዚያም በዘለለ መልኩ፤ ባኋሪያቸውም ተቀይረው ጌታን ሚመስሉ ሲሆኑ እናያለን።ጌታ ለሚጠየቀው ጥያቄ ሁሉ መልስ ከሰጠ በኋላ ትምህርት ያስምራል። በዚህም ጥያቄ መልስ ከሰጠ በኋላ፤ ያስተማረው ትምህርት፤ ስለ ትህትናና ዝቅ ማለት ነው።እነዚህ ሁለት ደቀመዛሙርት፤ ፊተኛ፣ የበላይ መሆን ነው የፈለጉት፤ ፍላጎቱ ምንም ችግር የለበትም። የፈለጉበት መንገድና አላማ ነበር ልክ ያልነበረው። በመሆኑም ጌታ፤ ፊተኛ ፤ መሆን የሚፈልግ፤ መንገዱ ኋለኛ መሆን ነው። ከፍ ማለት ሚፈልግ፤ ዝቅ ዝቅ ሊል ነው የሚገባው።እንደዚህ እራሱን በእግዚአብሔር እጅ ራሱን የሚያዋርድ እንጂ፤ በአቋራጭ መንገድ መክበር የለም። መክበርም ስንል ጌታ ሚፈልገውን አይነት ክብር ነው። ይህን በኢየሱስ ማየት ተችሏል። የአለም ነገስታት መንግስታቸውን ሚያጸኑት፤ በሀይልና በጥበባቸው ሲሆን፤ አንዳቸውም ውጤታማ አልሆኑም። ኢየሱስ ግን መስቀልን መርጦ፤ ተዋርዶ፤ አሸናፊ ሁኗል።ላገለግል እንጂ እንዲያገለግሉኝ አልመጣውም ሲል፤ በአለም ታሪክ ተሰምቶ ማይታወቅ እንግዳ  እና አዲስ የመሪነት ሞዴል አሳየ። እግሬን ካላጠባቹህ በሚባልበት አለም፤ ጌታ ሁኖ ሳለ እግር አጠበ። በርግጥም እንዳስተማረው ግን ከበረ እንጂ ተዋርዶ አልቀረም። ከስም ሁሉ በላይ የሆነን ስም ተጎናጸፈ። በሠማይ በምድር፤ በሁሉ ስፈራ ነገሰ።

ማር 10:46-52
ልክ ወደ ኢየሱስ ህጻናት ሲመጡ፤ ደቀ መዛሙርት ይከለክሏቸው እንደነበረ፤ ልክ ኢያኢሮስ ልጁን እንዲያስነሳለት ጌታን እየለመነ፤ ሰዎች ያደክሙት እንደነበረ፤ አሁንም በዚህ ክፍል ውስጥ በርጦሎሚዎስ፤ ወደ ጌታ እንዳይጮህ ሊከለክሉት ሲሞክሩ ይታያል።ኢየሱስ ምን ያህል፤ ለተከታዮቹ ስለርሱና ስለ አገልግሎቱ ቢያስተምራቸውም፤ እነርሱ ግን ኢየሱስ ምን አይነት አገልጋይ እንደሆነ አላስተዋሉም ነበር። ኢየሱስ በነገስታት ጉባኤ ተገኝቶ የወይን ጠጅ እየተጎነጨ ራሱን ደስ የሚያሰኝ፤ በብዙ አጃቢዎች ተከቦ ሳሱን ከሌሎች የሚለይ ሳይሆን፤ የተጠፉትን ፍለጋ የመጣ እረኛ፤ የታከሙትን ሊያክም የመጣ ሀኪምና ሊያገለግል ወዶ የመጣ አገልጋይ ነበር።አገልግሎቱ ራስን ዝቅ በማድረግና በርህራሄ የተመላ ነበር። ስለዚህ ምንም ብዙዎች በርጠሚዎስ ዝም እንዲል ቢያስገድዱትም፤ ኢየሱስ ግን የአይነ ስውሩን ጩሀት ይሰማ ዘንድ ጆሮዎቹን አዘንብሎ ነበር። ኢየሱስ ወደርሱ የሚመጡትን ሊፈውስና ሊያሳርፍ ወደርሱ ይጣራል። በርጤሚዎስ እንደጠራው በዕምነት ወደርሱ ሂዶ እንደተፈወሰው ሁሉ ዛሬም ሸህም በከበደን ነገር ሁሉ ወደርሱ ብንቀርብ፤ የዳዊት ልጅ የታመነ ወዳጅ ነው።

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

May 11, 2026, 05:05 PM

ክፍል 25
የማርቆስ ወንጌል ጥናት

ማር 10፡23-25
የህግ አዋቂው ያለውን ማካፈል ተስኖት ሲሄድ፤ ጌታ ምንም በዚህ ሰው ደስ ቢሰኝም ለዚህ ውሳኔው ግን ላመቻመቸልተም። ኢየሱስ ከልባቸው እርሱን አስቀደመው የሚከተሉትን ይፈልጋል።  በቤተ ክርስቲያን ታሪክ ይህ ያያለውን ማካፈል ተስኖ የሄደው ሰው፤ ባርናባስ የተባለው ደቀ መዝሙር ሊሆን እንደሚችል ሃስብ ሰንዝረዋል። ምናልባት እርሱ ኋላ ላይ ገብቶት ተመልሶ እንደሆነ፤ የእንደገና እድል ስለመኖሩ ማሳያ ነው። ስለ ዘላለም ህይወት ወይም ስለ መንግስተ ሰማ ይ ጠይቆት ነበርና፣ አሁን ለደቀ መዛሙርቱ ሰው ወደ እግዚአብሔር መንግስት እንዳይገባ ወይም የዘላለምን ህይወት እንዳይወርስ ከሚያደርጉት ነገሮች መካከል አፍቅሮተ ንዋይ መሆኑን ነገራቸው። ግነታዊ በሆነም ዘይቤ ግመል በመርፌ ቀዳዳ ቢያልፍ ከሃብታም መንግስተ ሠማይ መውረስ እንደሚከብድና፤ አስጨናቂ እንደሚያደርገው ተናገረ።  በርግጥ ይህን ክፍል በቤተ ክርስቲያን ታሪክ፤አይንህን አውጠተህ ጣላት የሚለውን ጥቅስ በቀጥታ ተርጉሞ፤ ራሱን እንደጎነደለው ኢርጋኔስ፤ አንቶኒ እና ፓኮሚየስ የተባሉም የቤተ ክርስቲያን አባቶች፤ ይህን ክፍል በቀጥታ ተረድተው ያላቸውን ሁሉ ሽጠው መንነው ነበር። ስለዚህ ባለጠግነት ጥንቃኤ የሚያሻው ነገር መሆኑንና እውነተኛ ብልጽግና እግዚአብሄር እራሱ መሆኑን መገንዘብ ይኖርብናል እንጂ ከቶውኑ መጽሐፍ ቅዱስ ድሆች እንድንሆን፤ ወይም ብልጽግናን እንድንጠላ አይደለም። እግዚአብሔር ትጉ ሰራተኞች ለራሳችንም ለሌሎችም የምንተረፍ እንድንሆን ይፈልጋል። ነገር ግን ከእግዚአብሔርም ሆነ ከሰዎች የሚበልጥ ብልጽግና በእግዚአብሔር ዘንድ ጽዩፍ ነው።

ማር 10፡26-30
ኢየሱስ ስለ ብልጽግና እና ብልጽግና በመውደድ የእጊአብሔር መንግስት መውረስ ከባድ እንደሆነ ከተናገረ በኋላ፤ በደቀ መዛሙርቱ ዘንድ ጥያቄ ተፈጠረ። ጥያቄውም ይህ ከህጻንነቱ ጀምሮ ህጉን የጠበቀ ወጣት ሊድን ሚችልበት ቀሪ ነገር ካለውና ኢየሱስም እንዳለው ግመል በመርፌ ቀዳዳ ብታለፍ ይቀላል የተባለው ድነት፤ ማን ሊያገኘው፣ ማንስ ሊድን የሚል ጥያቄ እና ስጋታስነሳ። ጥያቄያቸው ትክክል ነው። መዳን ሊያሳስበን የሚገባ ርዕሰ ጉዳይ ነው። ሌላው ተጨማሪ ነው። ጥቂቶች ብቻ በጭንቅ የሚድኑስ ከሆነ፤ እንዲህ አይነቱን ጥያቄ ማንሳት ተገቢ ነው። ኢየሱስ ግን ለስጋታቸው መልስ ነበረው። መልሱም በሰው የማይቻል በእግዚአብሔር ይቻላል የሚል ነው። አዎ በምድር ከሚታይ ገንዘብ፣ ዝና፣ ተድላ እንዲሁም ሌሎች የሃጢአት መገለጫዎች ርቀን እግዚአብሔርን እየወደድን መኖር በኛ ጉልበት የሚቻል አይደለም። ነገር ግን ህይወታችንን ለእግዚአብሔር ብንሰጥ እርሱ የማይቻለውን ያስችለናል። ይህ የእግዚአብሔር እኛን የማዳን ስራ ግን የኛንም ውሳኔ የሚጠይቅ መሆኑ መዘንጋት የለብንም። ለዛ ነው ጴጥሮስ ሁሉን ትተን ተከተልንህ ሲለው፤ እኔን ሁሉን ተቶ የተከተለ በሰማይም በምድርም ብድራት አለው በማለት የመለሰለት። ኢየሱስን ብለን ይምናጣቸው ነገሮች ሁሉ በምድርም ቢሆን በሰማይ፤ መከራም እየተቀበልን መውረሳችን የማይቀር ነው።

ማር 10፡32-34
መዝሙር 1 ከሚያስተምረን ትምህርቶች አንዱ፣ ጻድቃን በሃጣን ጉባኤ መቆም እንደማይችሉ ነው። ኢየሱስ ስል ጽድቅና መንግስተ ሠማያት ለመግባት ስለሚያስፈልገው ዉሳኔና ቁርጠኝነት ሲያስተምር፣ ብዙዎች እርሱን መከተል ሲፈሩ እናያለን። በርግጥ ጌታ ለሃጢአተኞች የሚራራ ቢሆንም፤ ለኀጢአት አለመራራቱ፤ ብዙዎች እንዲፈሩና እንዲያፈገፍጉ ምክን =ያት ይሆናቸው ነበር። ኢየሱስ ግን እነርሱን እንዳይፈሩ ከማበረታታት ይልቅ ጨምሮ ሊደርስበት ስላለ መከራ እየነገራቸው ይባስ መንግስተ ሠማይ ዋጋ የምታስከፍል መሆኗን ሊቀበል ካለው መከራ ተነስቶ ያስተምር ነበር። ንጉስ ወደ ኢየሩሳሌም ሊነግስ ነው የሚገባው፣ በዚያም ነው መምበሩ ያለው። ኢየሱስ ግን ኢየሩሳሌም ሊነግስ ሳይሆን ሊሰቀል ወደርሷ እንደሚገባ ይነግራቸው ነበር። በርግጥ መስቀል ለብዙዎች በወቅቱ ስላልገባቸው ነው እንጂ፤ ኢየሱስ የነገስበት ቦታ ነው። መስቀል አስቀድሞም እንዳየነው፣ በብዙዎች እንደ ድካም ታየ እንጂ፤ የእግዚአብሔር ሃይል የተገለጠበት ስፍራ ነበር። ከምንም በላይ ግን የሚያሳዝነው፤ የእግዚአብሔርን ማዳን ከእስራኤል ወደ አህዛብ ያደርሳሉ የተባሉት የእስራኤል የሃይማኖት ሰዎችም ሆኑ ህዝቦች በዚህ የማዳን መንገድ ሲሰናከሉና፤ ለመሰቀሉ ምክንያት ሲሆኑ ነው። ለአህዛብ ህይወትን መስጠት ሲገባቸው፣ ሞትን እንኩ ፍረዱ ሲሉ ክፋትን አቀናብረው ሰጧቸው። እግዚአብሔር ግን ይህን ክፋታቸውን ለመልካም ቀየረውና፤ በመሲሁ ሞት፣ ለአህዛብ ብርሃን ወጣ፤ በርሱ ለሚያምኑ ሁሉ የዘላለም ህይወት ምክንያት ሆናቸው።

ማር 10:35-45
እግዚአብሔር እንዲያደርግልን ምንለምነውን ሁሉ እንደማይመልስልን፤ ምሳሌ ሊሆኑን ከሚችሉት ምንባባት መካከል፤ የዘብዴዎስ ልጆች ልመን አንዱ ነው። በርግጥ የምንለምነው ሁሉ አይሰማም ብቻ ሳይሆን፤ ለጌታ ከአገልግሎትም ሆነ ከስጋ ዝምድና ያለን ቀረቤታ በራሱ አንዳች ሊጨምር እንደማይችል መረዳት እንችላለን።የዘብዴዎስ ልጆች ጥያቄ አጭር እና ግልጽ ነው። መክበረህ እንደማይቀር እናውቃለን ያኔ ስትከበር ለኛ ሚሆን ስልጣን አመቻችልን ሚል ነበር። በርግጥ የኢየሱስን መክበር ማወቃቸው፤ ጥሩ ግንዛቤ እንዳላቸው ልንጠረጥር እንችላለን።ነገር ግን ሉቃስ አየሱስ ከተነሳ በኋላ፤ ደቀ መዛሙርቱ ለካ ሚያስቡት መክበር መሲሀዊ መንግስት ኢየሱስ ሊገነባ እንዳለ እንጂ፤ መስቀሉ ምን ያህል ቢያስተምራቸው ዘንግተውት ነበር። እንደየውም እንደበድሞው ኢየሱስ ሊሰቀል እንዳለ ብቻ ሳይሆን፤ የሚከተሉትም የዚሁ እውነት ተካፋይ ይሆናሉ። መስቀሉን የዘነጋ መክበርን እንዳንናፍቅ ጌታ ይርዳን።

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

May 11, 2026, 05:05 PM

📷 Photo

#የማለዳ_ቃል 🌤☀️

መዝሙር 90
¯¯¯¯¯¯¯¯¯¯
¹⁴ በማለዳ ምሕረትህን እንጠግባለን፤ በዘመናችን ሁሉ ደስ ይለናል ሐሤትም እናደርጋለን።
¹⁵ መከራ ባሳየኸን ዘመን ፈንታ፥ ክፉም ባየንባቸው ዘመኖች ፋንታ ደስ ይለናል።

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,660

CHRIST TUBE - ETH🇪🇹

Mar 31, 2026, 06:54 AM

ክፍል 14
የማርቆስ ወንጌል ጥናት

ማር 5፡25-34
ከአስራ ሁለቱ ደቀ መዛሙርት ጋር፣ ጌታ ወደ ኢያኢሮስ ቤት እየሄደ ነው። ብዙ ሰዎችም ይጋፉታል። በዚህ መሃል ግን ሌላ ስቅዩ ሴት፤ ያሳያችውን ታላቅ እምነት እንመለከታለን። ይህች ሴት ከአሥራ ሁለት ዓመት ጀምሮ ደም የሚፈሳት ሴት ነበረች። ዛሬ ስለ ጌታ ሰምታ ከመምጣቷ አስቀድሞ፤ ይፈውሷት እንደሆነ ስትል፤ ብዙ ባለ መድኃኒቶች ጋር ገንዘቧን ሁሉ ከስራ፤ ምንም ልትጠቀም ያላቻለች ሴት ነበረች። የኢየሱስን ልብስ የዳሰስሁ እንደሆነ እድናለሁ ብላለችና፤ በሰዎች መካከል መጥታ ልብሱን ዳሰሰች። ልክ በቀደመው ክፍል፤ ኢየሱስ ሰዎችን ለመፈወስ ቤታቸው ድረስ በመሄድ ለማገልገል ፍቃደኛ መሆኑን እንደተመለከትን ሁሉ፤ በዚህም ክፍል፤ ኢየሱስ ሰዎች ሊነኩት የሚችል ቅሩብ መሆኑን እናያለን። በሰዎች መካከል እየተጋፋ ማገልገሉ የሚገርም ነው።ይህን ባደረገች ጊዜ ወድያውኑ ተፈውሳ ነበርና፤ ጌታ ሃይል ከርሱ እንደወጣ አውቆ፤ ማን እንደ ዳሰሰው ጠየቀ። በዝዙርያው የነበሩት ደቀ መዛሙርት ግን ብዙ ሰው እየተጋፋው እያለ እንዲህ ማለቱ አስቆጣቸው። ነገር ግን ልክ ኢየሱስ ከርሱ ሃይል መውጣቱን እንዳወቀ፤ ይህች ሴትም፣ መፈወሷን በሰውነቷ አውቃለችና፤ እየፈራችና እየተንቀጠቀጠች፤ በፊቱ ተደፍታ እውነቱን ሁሉ ነገረችው። ምናልባት የነበረባት ህመም፤ ሆነ ሌሎች ምክንያቶች፤ እንኳን ኢየሱስን አንድን አይሁዳዊ የመዳሰስ እድል ላይኖራት ይችል ነበር። ከነበራት ታላቅ እምነት የተነሳ ግን ይህን ውሳኔ ስትወስን ይታያል። ኢየሱስም እንዴት ቅዱስ ስሆን አረከሽኝ አላላትም። በለምጻሙ ሰው ሂወት እንዳየነው ግን፤ ከርሷ ወደርሱ የሚተላለፍ ጉድፍ ሳይሆን፤ ከኢየሱስ ወደርሷ የሚተላለፍ ፈውስ፣ ንጽህና እናያለን። ስትነካው ከተፈወሰችው በላይ፤ በንግግሩ ፈወሳት። “ልጄ ሆይ እምነትሽ አድኖሻል፤ በሰላም ሂጂ፤ ከስቃይሽም ሁኡ ተፈወሽ አላት”

ማር 5፡35-43
በመሃል ከ12 አመት ደም ይፈሳት የነበረች ሴት ትረካ በመሃል ገባ እንጂ፤ ኢየሱስ ይሄድ የነበረው ወደ ኢያኢሮስ ቤት ሲጓዝ ነበር። ታላቅ ተአምራት ለዚች ሴት ሁኖ ሳያበቃ ግን ሌላ መርዶ ከኢያኢሮስ ቤት በመጡ ሰዎች ተነገረ። ኢየሱስ ሊፈውሳት ወደርሷ እየሄደ ያለው፣ የኢያኢሮስ ልጅ ሞተች። ኢያኢሮስንም፣ ሰዎቹ ጌታን አታስቸግረው ሙታለችና ሲሉ ወተወቱት። ይህን ኢየሱስ እንደሰማ፤ ለኢያኢሮስ፣ እመን እንጂ አትፍራ ሲለው ይታያል። ኢየሱስ ይህን ሰው ማበረታታትም ሆነ እምነቱን መጠበቅ ፈልጓል። ምክንያቱ ደግሞ፤ ኢያኢሮስ ትልቁ ጥያቄው እንዳትሞት ኢየሱስ ይደርስላት ዘንድ ነበር። ያቺ ሴት በመሃል ገባት፤ ጌታን በማዘግየት ልጄ እንድትሞት ሆነ ብሎ ተቆጭቶ ይሁን? ብቻ ተስፋ ቆርጦ ብዙ ሳያስብ እንዳልቀረ እሙን ነው። ኢየሱስ ግን ማመንህን አትተው እንጂ አልረፈደም የሚል ተስፋ አበሰረው። ከሩቅ ከሰሙት መርዶ ይልቅ፤ ወደ  ቤቱ ሲቃረቡ የሰሙት፣ ልጅቷ እኮ ሙታለች የሚል ውትውታ፤ የለቅሶና የዋይታ ድምጽ ብዙና ተስፋ የሚያስቆርጥ ነው። ኢየሱስ ግን ሊያደርግ ያለውን ያውቃልና፤ ሶስት ተማሪዎቹን፤ የሟች እናትና አባትን ይዞ፤ ልጅቱ ወዳለችበት ገባ። ለምን ብዙ ሰው ሳለ እነዚህን ብቻ ይዞ እንደገባ በግልጽ ባናውቅም። ወሬው ተወርቶ እንደቀድሞው፣ አገልግሎቱን እንዳያስተጓጉልበት የፈለገ ይመስላል። ለዛም ነው፤ ካስነሳት በኋላ ለማንም እንዳይናገሩ ያስጠነቀቃቸው። ኢየሱስ ጣሊታ ቁሚ ብሎ አስነሳት። ተነሳችም። ይህንን ክፍል በርግጥ ከህይወታችን ጋር እንድናዛምደው ያስፈልጋል። ኢየሱስን ስንከተለው፣ ልመናችንንም ወደርሱ ስናቀርብ፤ ተስፋ የገባለን ነገር እንዳይሆን፤ ሌሎች ያዘገዩን ቢሆን፤ ያንተ/ ያንቺ ነገር አብቅቷል ብንባል፣ ቢሳቅብን፣ ሌላም ሌላም ተግዳሮት ቢያጋጥመን፤ ሳንፈራ ኢየሱስን ልናምን ያስፈልገናል። ቢዘገይም በርግጥ ይመጣልና!
ምዕራፍ 5 ተጠናቋል ነገ ምዕራፍ 6 እናጠናለን ይቀጥላል......

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

ክፍል 12
የማርቆስ ወንጌል ጥናት

ማር 4፡26-32
የእግዚአብሔርን መንግስት፣ በምድር ዘርን እንደሚዘራ ሰው አድርጎ ጌታ ይመስላታል። ዘርን የሚዘራ ሰው፣ የዘራው ዘር፣ እንዴት ዘሩ እንደበቀለና እንዳደገ ሳያውቅ፣ ምድር ግን አውቃ በመጀመርያ ቡቃያ፤ ኋላም ዛላ፣ ከዛም ፍጹም ሰብልን ታፈራለች። በምትዘራ ጊዜ በሚዘራትም ሆነ በሌሎች ልብ አትባልም ዘሪቱ። ነገር ግን ፍሬ ባፈራች ጊዜ መከርን ፍለጋ ማጭድን ይሰድዳል። የእግዚአብሔር መንግስት፣ እንደ ሰናፍጭ ቅንጣት ናት፣ በምድር በተዘራች ጊዜ ከሁሉ የምታንስ ብትሆንም፤ በተዘራች ጊዜ ግን ታድግና፣ ከአትክልቶች ሁሉ የምትበልጥ ትሆናለች። ወፎችም። ጥላዋን ፈልገው ማረፍ እስኪችሉባት ድረስ ቅርንጫፎችን ታደርጋለች። በምሳሌዎቹ ጌታ በእርሱ ብቻ ኋላም፣ በደቀ መዛሙርቱ የሚሰበከው የእግዚአብሔር መንግስት፣ በጅምሩ አካባቢ፤ የትም የማይደርስ፣ ተስፋም የማይደረግበት ይመስላል። ነገር ግን በጊዜው የእግዚአብሔር መንግስት ማንም ሊቋቋማት እስከማይችል ድረስ የምትሰፋ፤ ትልልቅ የሚባሉትን ሁሉ በልጣና ልቃ የምትታይበት ጊዜ ሊመጣ በመሆኑ በትዕግስት እንዲያገለግሉ እያሳሰበ ነው።
ማር 4፡33-41
ጌታ፣ ትላንት የተመለከትነውንና ሌሎችንም ምሳሌዎች ጨምሮ፤ ብዙ ትምህርቶችን፣ መስማት በሚችሉበት መጠን ያስተምራቸው ነበር። በተለየ መንገድ ግን ለደቀ መዛሙርቱ ብቻቸውን በሆኑ ጊዜ ነገሩን ሁሉ ይፈታላቸው ነበር። ይህን ስለዘሪው ምሳሌ ላይ ለማየት ሞክረ ነበር።በመሸም ጊዜ፣ ወደ ማዶ እንሻገር ብሏቸዋልና፤ በውስጧ ተቀምጦ ያስተምር በነበረበት ታንኳ፤ ወሰዱት። ብርቱ ዐውሎ ንፋስም ተነስቶ ውኃ በታንኳይቱ እስኪሞላ ድረስ ማዕበሉ በታንኳይቱ መግባት ጀመረ። ኢየሱስ ግን በስተኋላ ተኝቶ ነበር። ጠፋን ብለው በተርበተበቱበት ጊዜ ጩሀታቸውን ሰምቶ፤ ንፋሱን ገጸጸው፣ ባህሩንም ዝም በል አለው። ታላቅ ጸጥታም ሆነ። አውሎ ንፋስ መነሳቱ፣ ከታንኳይቱ በስተኋላ መተኛቱና፣ ኋላ ላይ ጸጥትታ መሆኑ፤ የዮናስን ታሪክ በትንሹም ቢሆን ያስታውሰናል። ሙሉ በሙሉ ከመመሳሰል ይልቅ ግን ተቃራኒ ሁኖ ነው የቀረበው። የዮናስ ታሪክ፣ ከአገልግሎት የሚያፈገፍግን አገልጋይ ሲስል፣ ኢየሱስ ደግሞ አገልግሎቱን አጠናቅቆ ወደ ሌላ አገልግሎት እየገሰገሰ ነው። ማዕበሉ የተነሳው የዮናስ ኃጢአተኝነት እንዲገለጥ ሲሆን፣ አሁን ደግሞ የኢየሱስ ክብር እንዲገለጥ። ልክ ንፋሱን እንደገጸጸው፣ የፈሩትንም እንዴት እምነት አይኖራቹህም ብሎ ገጸጻቸው። ማን ቢሆን ነው፣ ንፋስ፣ ባህር የሚታዘዝለት የሚል አግራሞትና ፍርሃትን ተሞሉ። ኢየሱስ አሁንም እያስተማረ ያለ ይመስለኛል። እንደቀድሞ በትወራ ብቻ ሳይሆን፤ ግልጽ እና ተግባራዊ በሆነ መልኩ፣ ሊታመንበት የተገባው ታዳጊ መሆኑን ያሳስባል።የትኛውም አይነት ማዕበል ህይወታችንን እያናወጠው ይሁን፤ ኢየሱስ ዝም ሊያሰኘው ይችላል። አጋንንትን ጸጥ በሉ ሲላቸው ታዘዙት። ንፋስ ማዕበሉም እንዲሁ።  አዎ ኢየሱስ የሚያቅተው የለም። እኛም ሲገጽጸን የምንታዘዝለት እንድንሆን ጌታ ይርዳን!
ምዕራፍ 4 ተጠናቋል ነገ ምዕራፍ 5 ጥናቱን እንቀጥላለን.....

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

ክፍል 13
የማርቆስ ወንጌል ጥናት

ማር 5:1-13
ጌታ በታንኳይቱ ጌርጌሴኖን በሠላም ከደቀ መዛሙርቱ ጋር ከደረሰ በኋላ፤ በአጋንንት የሚሰቃይ፣ ራሱን በድንጋይ የሚቦጫጭር፣ ቀነም ማታም የሚጮህ እና ሰው ከሚኖርበት አካበቢ ርቆ፤ በመቃብር ስፍራ የሚኖርን ሰው አገኘ።ይህ ሰው ተስፋ የተቆረጠበት ደግሞም ለሌሎች ሰዎች ስጋት ነበር። ኢየሱስን ባገኘ ጊዜ ግን፤ ሁሉ ነገር መልክ መያዝ ጀመረ። በማንም ተሸንፎ የማያውቀው፤ ለኢየሱስ ሰገደ። በእረሱ ውስጥ የነበሩት መናፍስት፤ እንዳታጠፋን እያሉ ሲማጸኑ ተሰሙ። ያበጩሀቱ ያስፈራራና ይረብሽ የነበረው፤ በሰከኑ ቃላት ማውራት ጀመረ።

ኢየሱስ ሰውየውን ከዚህ ሁሉ ነጻ አውጥቶ እረፍትን ሰጠው። ይህን አይነት በእስራት የነበረ ሰው፤ ያውም በመጀመርያው ክፍለ ዘመን፤ እንዴት መፈወስ ወይም ማከም እንደሚቻል ማሰብ ያዳግታል። ጌታ ግን በአፉ ቃል ብቻ ነጻ አወጣው።አጋንንቶቹ ከአገር እንዳያስወጣቸው መለመናቸውና ወደ እርያ እንዲገቡ መለመናቸው፤ ብዙም ግልጽ ባይሆንልኝም፤ የመጨረሻውን ፍርድ እንዳይፈርድባቸው እየለመኑት ይሆናል። ልታጠፋን መጣህን ስላሉተ። ነገር ግን የኢየሱስ ወደ ምድር የመምጣት አላማው ይህ ባለመሆኑ (በርግጥ ሴይጣንን ለማጥፋት የሚገለጥበት ጊዜ የመጣል) የተጠየኩትን ሲያደርግላቸው እናያለን።ማር 5፡14-20በርግጥ ሰው ሳይለብስ ስናየው እንጂ፤ ለብሶ አንፈራውም። ለዘመናት እርቃኑን ራሱን እየጎዳ የሚኖረውን ሰው ግን ልብስ ለብሶ ባዩት ጊዜ ፈሩት። ይህም የሆነው አጋንንት ያሰቃየው የነበረው ሰው ምን አይነት አዘቅጥ ውስጥ እንደነበር ነው።  ጌታ ግን ምን እንዳደረገለት በተነገራቸው ጊዜ፣ አሁንም ልክ እንደቅድሙ፣ ተቃራኒ አጸፋ ነበራቸው። እንዲህ ታላቅ ተአምራት ሲደረግ አይተው ኢየሱስ ከነርሱ ጋር እንዲኖር መመኘት ሲገባቸው፣ ከነርሱ እንዲለይ፣ ከአገራቸውም እንዲወጣ ሲለምኑት ይታያል።ሰዎች ካገኘነው ጌታ ይልቅ የጠፋብን አሳማ ስለሚቆጨን፤ እንዲህ አይነት አጸፋ በመስማታችን ልንደነቅ አይገባንም።

ኢየሱስ በዙርያችን ካሉ ትርፍ ሁሉ ይበልጣል። በኢየሱስ የምናገኘው ነጻነት፣ ከገቢ ምንጫችን/አሳማ ሊነጻጸር አይችልም። ይህን የሆነለት ብቻ ነው የሚያውቀው። በአካባቢው የነበሩ ሰዎች የተፍጠረውንና የነበረውን ነገር ሁሉ እያዩ፤ ምንም ባይመስላቸውም፤ የተፈወሰው ሰው ግን፤ ኢየሱስን ‘አትሂድብኝ!’ ሲል ቃተተ። ጌታ ግን ከሱ ጋር ከሚቆይ ይልቅ፣ ያደረገለትን ቢያወራ ለብዙዎች ይደርሳልና፤ ሄደህ ለቤተሰዎችህ፣ የተደረገለህን ‘ንገር!’ አለው። ሁሉም እስኪደነቁ ድረስ በአስር ከተማ ጌታ ያደረገለት አወራ። ኢየሱስ በህይወታችን ያደረገውን እንድንመሰክርለት  ይፈልጋል። ደግሞም በኛ ትልቅ ነገር ሲያደርግ ብዙዎችን ሊጠራ አስቦ ነው። የጌታ ማዳን የገባቸው፣ በጎነቱንም የሚያወሩ ወጣቶች እንድንሆን ጌታ ይርዳን!

ማር 5፡21-25
ኢየሱስ ከደቀ መዛሙርቱ ጋር አሁንም በታንኳይቱ ወደ ማዶ ከተሻገረ በኋላ፤ በባህር አጠገብ ብዙ ሰዎች ከበውት ሳለ፤ አንድ ሰው ወደርሱ መጥቶ ስለጠየቀው እርዳታ ማርቆስ ይዘግብልናል። ወደ ማዶ ተሻግሮ የመጣው ግን በዛች ከብዙ ነገር ከተረፈችው ታንኳ መሆኑን ግን እንድናስተውለለት ማርቆስ የፍለገ ይመስላል። ይህ ወደ ኢየሱስ የመጣው ሰው፤ ስሙ ኢያኢሮስ መሆኑንና የሙክራብ አለቃ እንደነበር ማርቆስ ይገልጽልናል። ማርቆስ ስሙንና ተግባሩን ብቻ ሳይሆን፤ ይህ ሰው ምን ታላቅ ቢሆን፤ ኢየሱስን ሲያየውም እንዴት በእግሩ ስር ወድቆ እንደለመነው ይነግረናል። ይህ እንዲሆን ያስቻለው ስለ ኢየሱስ ከሰማው ነገር ተነስቶ ሊሆን ይችላል። የመጣበትም ምክንያት የልጁ ለሞት መቃረቧ በመሆኑም፤ ያለበት አጣብቂኝም ሊሆን ይችላል እንዲህ ያስኮነው። ነገር ግን  ያደረገው ነገር ከጭንቀትም ሆነ ከአክብሮት፤ የትኛውም የኢየሱስ ሓዋርያ ሰው ከእግሩ ተደፍቶ ሲለምነው፤ ዝም ያለ የለም
ለሰው ይሰገድ ዘንድ አግባብ እንዳይደለ፤ የአይሁዶች ልማድ እንደሆነ፤ መርዶኪዮስ ለሓማ አልሰግድም ከማለቱ፣ ጴጥሮስም፣ ቆርኖሊዎስ እንዳይስግድለት ከመከለከሉ እናያለን። ኢየሱስ ግን ሲሰግድለት አለመቃወሙ፤ ሊያመለክት የሚችል ልዩ ማንነት እንዳለው አያጠያይቅም።ኢያሪኦስ፣ ኢየሱስ እንዲያደርግለት የፈለገውም፤ ልትሞት የቀረበችውን ልጁን ኢየሱስ እጁን ጭኖባት በህይወት እንዲያኖራት ነው። ይህ ታላቅ እምነት ነው። የሚከተሉት ደቀ መዛሙርቱ እንኳን ማመን ባልቻሉበት ወቅት፤ ይህ የሙክራብ አለቃ ኢየሱስ ላይ ታላቅ እምነት ነበረው። ልክ እንደ ኢያኢሮስ እምነት ሁሉ፤ ኢየሱስ እርሱን አምነው ልባቸውን ለሚከፍቱለት ሁሉ፤ የሚያሳየው መታዘዝም ያስደንቃል። ወደዚህ ሰው ቤት ይገባ ዘንድ፤ ብዙ ህዝብ እሱን ከተከተለበት፤ ለልመናው ጆሮዎቹን አዘንብሎ ወደ ኢያኢሮስ ቤት ሲሄድ እንመለከታለን።

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

📷 Photo

#የማለዳ_ቃል 🌤☀️

“የያዕቆብ አምላክ ረዳቱ የሆነ ተስፋውም በአምላኩ በእግዚአብሔር የሆነ ሰው ምስጉን ነው፤”
— መዝሙር 146፥5

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,190

CHRIST TUBE - ETH🇪🇹

Mar 31, 2026, 06:54 AM

ክፍል 10
የማርቆስ ወንጌል ጥናት
ማር 4፡1-8
የዘሪው ምሳሌጌታ ባህር ዳር ሲያስተምር ሳለ፣ እጅግ ብዙ ሰዎች ወደርሱ ስለተሰበሰቡ፤ በታንኳ ገብቶ ያስተምራቸው ነበር። ጌታ በተለያዩ መንገድ እያስተማረ የነበረ ሲሆን፤ ብዚህ ስፍራ በምሳሌ እንዳስተማራቸው የእግዚአብሔር ቃል ይናገራል። በምሳሌ ካስተማራቸው ትምህርቶች መካከል በዚህ ስፍራ የተብራራው፤ የዘሪው ምሳሌን ነው። ምሳሌውን እንደምናውቀው፣ ዘሪ በመዝራት ላይ ሳለ፤ የሚዘራቸው ዘሮች በተለያዩ የመሬት አይነቶች ላይ መውደቃቸውና ያጋጠማቸውን ውጤት ነው በምሳሌ ያስተማረው። ዘሩና ዘሪው በሁሉም ምሳሌዎች ውስጥ ተመሳሳይ ሲሆኑ፤ የሚለያዩት፤ ዘሩ የወደቀባቸው ስፍራዎችና ያጋጠማቸው ተግዳሮትና ውጤት ነበር። የመጀምርያው ዘር የወደቀው በመንገድ ዳር ሲሆን፤ ያጋጠመው ተግዳሮት ደግሞ ወፎች ናቸው። ውጤቱ ደግሞ መበላት ነበር። ሁለተኛው ዘር ደግሞ የወደቀው፣ በጭንጫ ላይ ሲሆን፤ ያጋጠመው ተግዳሮትም ጥልቀት በሌለው ስፍራ ላይ በመተከሉ በጸሐይ መመታት ሲሆን፤ ዉጤቱም መድረቅ ነበር። ሦስተኛው ዘር በእሾህ መካከል የወደቀ ሲሆን፤ ያጋጠመው ተግዳሮት እሾሁ ሲሆን፤ ውጢቱ/መጨረሻውም በእሾህ መጣነቅ፣ ፍሬም አለመስጠት ነበር። አራተኛውና የመጨረሻው፣ በመልካም መሬት ላይ የወደቀ ሲሆን፣ ምንም ነገር ሳይገዳደረው፤ ብዙ ፍሬ ያፈራ ዘር ነው።

ማር 4፡9-13
በቀጥታ ጌታ ስላስተማረው ምሳሌ ትርጓሜ ከማየታችን አስቀድመን፤ የምሳሌዎቹን አስፈላጊነትና ከዛ ጋር ተያይዘው ስላሉ ጉዳዮች እንመልከት። ጌታ ምሳሌውን ወድያው እንደጨረሰ፣ “የሚሰማ ጆሮ ያለው ይስማ” በሚል አረፍተ ነገር ነበር ምሳሌውን የቋይረዱት መሆኑን ነው ያረዳው። ለምን ብለን ከጠየቅን፣ የተለያዩ መልሶችን ልናገኝ እንችላለን። አንዳንዶች፣ እግዚአብሔር ለፈለገው ራሱን ገልጦ ለማይፈልገው ደግሞ ራሱን ሚስጥር እንደሚያደርግ ሲሉ፤ ሌሎች ደግሞ የምሳሌው እንዳይገባቸው የተፈለጉ ሰዎች፣ ስለ ድንዳኔያቸው ብዛት ለማይረባ አዕምሮ ስለተሰጡ መሲሁን ባለማወቅ እየተቀጡ ነው ይላሉ። ሁለቱም ትርጓሜዎች በየራሳቸው ጤናማና አከራካሪ ክርስቲያናዊ አተረጓገሞች/ምልከታዎች ቢሆኑም፤ ከአዉዱ ተነስተን ግን ይህን የእግዚአብሔርን ሚስጥር የመግለጥና የመጋረድ ሥራ አስፈላጊነት ለምን እንደሆነ፤ ይህን ሃሳብ ሳናነሳ መመለስ እንደምንችል አስባለው።ይህን እንድል የረዳኝ፣ “... ለናንተ ግን..... በውጭ ላሉት” የሚሉ ሁለት ሃረጎች ናቸው። ጌታ ሚስጥሩን ማወቅ የሚችሉ፤በውስጥ ያሉ ወይም፣ በኢየሱስ የሚያምኑ ናቸው ሲል፤ በውጭ ያሉ ኢየሱስን የማይከተሉ ሰዎች ደግሞ ይህ ሚስጥር አይገባቸውም እንዲገባቸውም አይፈለገም እያለ ያለ ይመስላል። ጳውሎስ በ1ቆሮንጦስ2 እና ኤፌሶን 1 ላይ እንደሚያብራራው፤ እግዚአብሔር አለም ሳይፈጠር ለሚያምኑት ያዘጋጀው ለክብራችን የገለጠው የዘላለም ሚስጥር አለ። ይህ ሚስጥር ስጦታ ነው። ይህ ሚስጥር እግዚአብሔርን መምሰልና ለርሱ ክብር መኖር ነው። ይህን ሚስጥር በዚህ አለም ያሉ ገዦች አላወቁትም። ለዛም ነው፤ ይህን ሚስጥር ይዞ የመጣውን የክብር ጌታ የሰቀሉት። ስለዚህ እግዚአብሔር በኢየሱስ ለማያምን ቢፈልግ እንኳን እንዳያውቅ ያደርገዋል። ምክንያቱም የእግዚአብሔር በጎ ስጦታና ፍጹም በረከት ወደ አካሉ፣ ወደ ቤተ ክርስቲያን፣ ወደ ማህበሩ፣ ኢየሱስን ተቀብለን ካልገባን፤ በውጭ በጨለማ እንኖራለን። ውጭ የሚለው ቃል በመጽሐፍ ቅዱሳችን ፍርድን፣ አለምንና አለማዊነትን፣ ኃጢአትን የሚያመለክት መሆኑን ልብ ይላል !


ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

📷 Photo

#የማለዳ_ቃል 🌤☀️

“ልባቸውን የቈሰሉትን ይፈውሳል፥ ሕማማቸውንም ይጠግናል።”
— መዝሙር 147፥3

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,340

CHRIST TUBE - ETH🇪🇹

Mar 31, 2026, 06:54 AM

ክፍል 11
የማርቆስ ወንጌል ጥናት

ማር 4፡14-20
የዘሪው ምሳሌ ፍችጌታ አስቀድሞ ያስተማርውን ምሳሌ ለጠየቁት ሰዎች ማብራራት ጀመረ። ዘሩ ቃሉን የሚወክል ነበር። መሬቱ ደግሞ የሰዎችን ልብ። በመንገድ ዳር ወደቁት የተባሉት፣ ሴይጣን ወድያው ቃሉን ከሰሙት ልብ እንደሚቀማ የሚያሳይ ነው። በጭንጫ ላይ የተዘሩት ደግሞ፤ ቃሉን ሲሰሙ ለጊዜው በደስታ የሚቀበሉትን ነው። ነገር ግን ሥር ስሌላቸው፣ መከራ በመጣ ጊዜ የሚሰናከሉ ናቸው። በእሾህ መካከል የወደቀው በዚህ አለም አሳብና የባለጸግነት ማታለል እንዲሁም የሌላ ነገር ምኞት ቃሉን እንደሚያንቁት ያሳያል። ከዚህም የተነሳ አያፈራም።

የመጨረሻው ምሳሌ ግን፣ ቃሉን ሰምተው የሚቀበሉት፤ ብዙህ ፍሬም የሚያፈሩ ናቸው። የእግዚአብሔርን ቃል ስንሰማ፣ ሴይጣን ቃሉን በሽንገላው እንዳይቀማን ልንቃወም፤ መከራ ነቅንቆ እንዳይጥለን፣ ሥር ሰደን በክርስቶስ ትምህርት ልንተከል፤ የዚህም አለም አሳብ፣ ብልጽግናና ምኞት እንዳያንቀን፣ የዚህ አለም ጊዜያዊነት ልንገነዘብና ሠማያዊውን ብድራት ትኩር ብሎ መመልከት፤ ለእግዚአብሔር ቃል ትልቅ ስፍራ ኑሮን በኛ እንዲዋሃድ እንዲሰራም በመፍቀድ በፍሬያችን እግዚአብሔርን ልናከብር ይገባል!

ማር 4፡21-23የመብራት አስፈላጊነት፣ እንዲበራ፣ ብርሃኑም እንዲገለጥ እንጂ እንዲሸፈን አይደለም። በመሆኑም ጌታ፣ መብራትን ከአልጋ በታች ሊያኖሩት ያመጡታልን? በማለት ይጠይቃቸዋል። መልሱ ግልጽ ነው። አይ በመቅረጽ ላይ ያኖሩታል እንጂ የሚል ነው። ብርሃን ያስፈለገው፣ ብዙዎች እንዲጠቀሙበት በመሆኑ፤ መብራቱ ብቻ ሳይሆን፣ በደምብ እንዲበራ እና እንዲታይ፣ ከፍ ያለ ስፍራ ላይ መቀመጥ ይኖርበታል። የተሰወረ የሚመስል ነገር፣ የሚገለጥበት ጊዜ ይመጣል። ስለዚህ ብርሃን የሚያበራ መሳርያ፣ ኩራዝ፣ ፋኖስ ወይም በነሱ አውድ ችቦ፣ መቅረዝ ወዘተ በተሰወረ ወይም ዝቅ ባለ ስፍራ የሚቀመጥ ቢሆንም፤ ሊበራ ስለሚያስፈልግ ግን በሚታይ እና ግልጥ በሆነ ስፍራ ላይ ተደርጎ እንዲበራ እንደሚደረገው፤ እንዲሁ ለጊዜው በሚስጥር እየተማሩ ያሉት ምሳሌ በግልጥ በሁሉም ዘንድ የሚሰማበት፤ ብዙዎችም የሚጠቀሙበት ጊዜ መምጣቱ አለመቅረቱ እያሳሰባቸው ያለ ይመስለኛል። በተለይ ግን ማቴዎስ 5፡15 ላይ ካለው ሃሳብ ጋር ስናስተያየው፤ የደቀ መዛሙርቱም ሂወት፤ በተራራ ላይ እንዳለች ከተማ ለብዙዎች የሚታይ በመሆኑ፣ መልካሙ ስራችንን በማሳየት እንደብርሃን ልንታይና እግዚአብሔር ስለ መልካም ሥራችን ይመሰገን ዘንድ ይገባል። ይህም ምሳሌ እንደቀድሞ ሊሰማ እና ሊተገበር የተገባ በመሆኑ፤ “የሚሰማ ጆሮ ያለው ቢኖር ይስማ።” በማለት ያሳስባቸዋል።

ማር 4፡24- 25
ማርቆስ የጌታን ትምህርቶች ዋና ዋና ሃሳብ ቀነጫጭቦ በችኮላ እየዘገበ ነው ያለው። ይህንንም ልል የቻልኩበት ምክንያቴ፤ በማቴዎስ የተራራው ስብከት ላይ ከምዕራፍ 5 እስከ 7 ሰፊ ሽፋን ተሰጥቶ የተዘገቡ ትምህርቶችን እጥርጥ ባለ መልኩ እያሰፈረ መሆኑ ነው። ልክ ትናንት ጌታ፣ ደቀ መዛሙርቱ፤ ለአለም ብርሃን መደረጋቸውን አሳጥሮ ማቀርቡን እንዳየነው ሁሉ፤ ዛሬም ሶስት የስብከት እጥርጥሮችን በሁለቱ ቁጥሮች ውስጥ እንመለከታለን።

የመጀመርያው ስለ ፍርድ የተነገረ ነው። ማቴዎስ 7 ላይ በሰፊው ተብራርቷል። በሰዎች ላይ ለመፍረድ ከመነሳታችን በፊት፤ በእኛ ዘንድ ስላለው ስህተት ልብ ልንል እንደሚገባን የሚያስተምር ነው። አይ እኔ መፍረድ ብቻ ነው ምፈልገው ያለን እንደሆነ ግን፤ በሰዎች በምንፈርደው ልክ የሚፈረድብን ይሆናል። ፍርድን ስናስብ ልብ ማለት ከሚገባን ነገሮች መካከል፤ አንድኛ በሰው ላይ መፍረድ የጌታ ስልጣን መሆኑን። 1ቆሮ 4፡5። እኛም እንድንፈርድ ማስረጃና ስልጣን ካገኘን ደግሞ፣ መፍረድ ያለብን በቅን፣ በጌታ ስልጣንና ስም። 1ቆሮ 5፡4። ነገር ግን ግልጽ ባልሆነ በሰው ልብ ሃሳብ፤ ወይም እንዲህ ሊሆን ይችላል በሚል ልንፈርድ አይገባም። በተለይ የሰዎችን ድካም ልናክም፣ ይቅር ልንል እንጂ ሸክምን ልንጨምር አይገባም። ለሚደክሙት፣ መጸለይ፣ መምከር እንጂ መፍረድ አይኖርብንም። በዚህ ላይ በማከልም፣ ጌታ ሌላ ያስተማረው፣ ከምንሰማው ነገር መጠንቀቅ እንዳለብን ነው። ይሄም ውይይትንና የሌሎችን ሃሳብ ላለመስማት ዝግ ሁኑ ማለት ሳይሆን፤ በክፉ ሰዎች ግብዝነት፣ በአታላይ የስህተት ትምህርታቸውም እንዳንወሰድ አስተዋዮች መሆን እንዳለብንም ጭምር ነው።

በመዝሙርም እንደተጻፈው፣ ምስጉን ሰው፤ በዋዘኞች ወንበር አይቀመጥም፣ በክፉዎችም ምክርም አይሄድም።በመጨረሻም፣ “ያለው እንደሚጨመርለት፣ ከሌለው ግን ያው ያለው እንደሚወሰድበት” ጌታ ያስተማረው ትምህርት ነው። በሌላው ወንጌላዊ ትንታኔ፤ ትምህርቱ፣ ጌታ በሰጠን ጸጋ ስንታመንና ስናገለግል፤ እግዚአብሔር በትልቅ ስፍራ ወይም አገልግሎት ወይም በረከት፤ እንደ ታማኝነታችን መጠን እንደሚሾመን እና፤ ባለን መክሊት ሳናገለግልና ሳንታመን ከኖርን ግን ያቺኑ የሰጠንን እንደሚቀማን ነው የሚያብራራው። ስለዚህ፣ በሰዎች ቅንነት በጎደለው መንገድ እንዳንፈርድ! ከሚያታልል ትምህርት እንድንርቅና ጌታ በሰጠን ነገር ሁሉ ታማኞች ሁነን እንድናገለግል ጌታ እንዲረዳን እንጸልይ!

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

📷 Photo

#የማለዳ_ቃል 🌤☀️

“ወይስ ሥጋችሁ ከእግዚአብሔር የተቀበላችሁት በእናንተ የሚኖረው የመንፈስ ቅዱስ ቤተ መቅደስ እንደ ሆነ አታውቁምን? በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ።”
— 1ኛ ቆሮንቶስ 6፥19-20

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,310

CHRIST TUBE - ETH🇪🇹

Mar 31, 2026, 06:54 AM

ክፍል 9
የማርቆስ ወንጌል ጥናት

ማር 3:20-35
የኢየሱስ አገልግሎት ለብዙ ሰዎች ተደራሽ እየሆነ ይገኛል። እርሱ ተገኘ በተባለበት ቤት ሁሉ፤ ምግብ ለመብላት እስኪሳናቸው ድረስ፤ ብዙ ሰዎች በዙርያው ይሰበሰቡ ነበር።እግዚአብሔር የእርሱ በሆኑ ሰዎች ሲሰራ፤ ለአገልግሎት በሮችን ይከፍታል። መኸሩ ብዙ ነውና፤ እግዚአብሔር ነዶ በነዶ እስክንሆን ድረስ በረከቱን ያትረፈርፍልናል።ይሁን እንጂ በሮች በተፈቱ መጠን፤ ጠቃዋሚዎችም እንደሚበዙ፤ መጽሐፍ ቅዱስ ያስተምረናል። ጌታ በብዙ አያገለገለ በነበረበት ወቅት፤ አገልግሎቱ ላይ ተቃውሞ ያነሱ ሁለት አካላትን እንመለከታለን።የመጀመርያዎቹ፣ ዘመዶቹ ናቸው። አበደ ብለዋልና በአገልግሎቱ መሀል ሊጠሩትና ወደራሳቸው ሊጠሩት ሲፈልጉ ይታያል። ሌሎቹ ደግሞ ጻፎች ናቸው። ጻፎች ኢየሱስ "በኤልዜቡል አለበት። በአጋንንት መንፈስ አጋንንትን ያወጣል" በማለት አገልግሎቱን ሲያጠለሹ እናያለን።ጌታ ለሁለቱም የመለሰላቸውን መልስ ከታች የምናይ ይሆናል።  እነዚህ ሁለት ሃሳቦችን እንድናስብ ላሳስብ።
1. መኸሩ ብዙ ነውና እግዚአብሔር፣ ሳንታክት በሙሉ አቅማችን ምናገለግበትን በር እንዲሰጠን መጸለይ ይኖርብናል።
2. ተቃዋሚዎች ሁሌም እንዳሉ መዘንጋት የለብንም። ሊቋወሙን የሚችሉት ደግሞ፤ ከሩቅም ከቅርብም፤ ከውስጥም ከውጪም ሊሆን እንደሚችል መዘንጋት የለብንም።ብዙ ጊዜ ተቃውሞ የሚገጥመን በጣም በሚቀርቡን ሰዎች ነው። ወላጆቻችን (በዳዊትና በዮሴፍ እንደታየው) የትዳር አጋር (ሜልኮል) ዘመዳችን (ሎጥ) የስራ ባልደረባ (ሐማ) አብሮ የሚያገለግል (ይሁዳ) ወዘተረፈ እኛ ግን ይህን አውቀን፤ አዲስ ነገር እንደመጣ ሳናስብ አገልግሎታችንን መቀጠል አለብን።ለምን እንደሆነ ባላውቅም፤ በብሉይ ኪዳንም ሆነ በአዲስ ኪዳን፤ በኛም ዘመን፤ መንፈስ ቅዱስ ሲሰራ ስንቃወም የምንገኘው፤ የቤተ ክርስቲያን አገልጋዮችና መሪዎች ናቸው። እና በዚህም ልንቆም አይገባም።

ማር 3:20-35
ኢየሱስ ለሚነሳበት ጥያቄና ትችት ሁሉ፤ አጥጋቢ መልስ መስጠት መቻሉ፣ በጴጥሮስ የመጀመርያይቱ መልክት 3፡15፤ ያለውን፣ “... ለሚጠይቋቹህ ጥያቄ ሁሉ፣ መልስ ለመስጠት ዘወትር የተዘጋጃቹህ ሁኑ!” ትዕዛዝ መጠበቅ እንዳለብን ያሳስበናል። መጀመርያ ጌታ ማብራርያ የሰጠው፤ “በአጋንንት አለቃ፣ አጋንንትን ያወጣል” ለተባለው ትችት፣ ነበረ በምሳሌ መልስ የሰጠው።  የጌታ ምሳሌያዊ መልስ፣ አንድ ጥያቄን በሁለት ምሳሌ በማቅረብ ነበር። ጥያቄው፣ “እንዴት ሴይጣን፣ ሴይጣንን፣ ሊያወጣ ይችላል?” የሚል አጠያያቂ ያይደለ ጥያቄ ሲሆን፤ ይህን ለማብራራት፣ ያቀረባቸው ምሳሌዎች ደግሞ፤ መንግስት እርስ በእርሱ ከተቀዋወመ ሊቆም አይችልም። የሚልና፤ ቤትም እርስ በርሱ ከተለያየ አለመቆሙን ነው ያሳየው። ስለዚህ፣ ጸሃፍት እያቀረቡ ያሉት ተቃውሞ፤ ልክ ሊሆን አይችልም። ኢየሱስ ሰዎችን ነጻ ያወጣው "በእግዚአብሔር ጣት" እንጂ በአጋንት ሊሆን አይችልም። አለዝያ፣ ሴይጣን መንግስቱ እርስ በርስ በመቀዋወም እየፈራረሰ ነው። መጨረሻም መጥቶበታል። ኢየሱስ ግን የቀረበበትን ተቃውሞ ያረቀ ብቻ ሳይሆን፤ "በበሩ የሚገባ እረኛ" በመሆኑ፤ አጋንንትን የሚያወጣበትንም ምክንያት አቅርቧል። ሃይለኛውን በማሰር፣ ቤቱን መበዝበዝ ስለሚቻለ፤ የሴይጣንን መንግስት እያፈረሰ መሆኑን አስረድቷቸዋል። አስፈሪው ነገር ግን፤ የኢየሱስን ሥራ በማጠልሸት፤ መንፈስ ቅዱስን የሚሳደብ ይቅር የማይባል ኃጢአት ይሆናል።
ሁለተኛው፣ ደግሞ ከወላጆቹ ለቀረበለት ፍለጋ ያቀረበው መልስ ነው። "የእግዛብሔርን ፍቃድ፣ የሚያደርግ ነው ቤተሰቤ"። በማለት፣ "አብዷል" ያሉትንም፣ ስብከቱን አቋርጦ እንዲመጣ የፈለጉትንም ሌላ ትልቅ አላማ እንዳለው ተናግሯል። ብዙ ጊዜ ከወላጆችና ከቅርብ ዘመዶቻችን የሚመጣልንን እንደዚህ አይነት፤ “ና/ነይን!” ጥሪ፣ “በአባቴ ቤት መኖር እንደሚገባኝ አታውቁምን?” አይነት መልስ፤ ለኤሊያብ ዳዊት የሰጠውን አይነት የዝምታ እምቢታ ያስፈልጋል። የኢየሱስ ስንሆን፣ የእግዛብሔር ቤተሰው ነን። ለርሱ ራሳችንን በሰጠንበት ልክ፤ ራሳችንን ለማንም ልንሰጥ አይገባንም። እርሱ እምቢ ወይም ልሂድ የማንለው ብቸኛ ወዳጃችን ነው። ለቤተሰብም ሆነ ለቤተ ክርስቲያን መምህራን ሳይቀር  “እምቢ” ምንልባቸው ጉዳዮች ይኖራሉ።

ለኔ ሕይወት ክርስቶስ ነው
SHARE |
SHARE | https://t.me/CHRISTFAMILY

CHRIST TUBE - ETH🇪🇹

Mar 31, 2026, 06:54 AM

📷 Photo

#የማለዳ_ቃል 🌤☀️

መዝሙር 119
¯¯¯¯¯¯¯¯¯¯
¹³⁰ የቃልህ ፍቺ ያበራል፥ ሕፃናትንም አስተዋዮች ያደርጋል።
…
¹⁶² ብዙ ምርኮ እንዳገኘ በቃልህ ደስ አለኝ።
¹⁶³ ዓመፃን ጠላሁ ተጸየፍሁም፤ ሕግን ግን ወደድሁ።
¹⁶⁴ ስለ ጽድቅህ ፍርድ ሰባት ጊዜ በቀን አመሰግንሃለሁ።
¹⁶⁵ ሕግህን ለሚወድዱ ብዙ ሰላም ነው፥ ዕንቅፋትም የለባቸውም።

መልካም ቀን !

ለእኔ ሕይወት ክርስቶስ ነው
SHARE |
SHARE | https://t.me/CHRISTFAMILY

1,420

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

FEATURED

CryptoMania

1.1k0

FEATURED

Loading recommended channels...

CHRIST TUBE - ETH🇪🇹

CHRIST TUBE - ETH🇪🇹

Ranking

Participant Growth (Last 12 Days)

Latest Posts

Rating

User Reviews (0)

Related Telegram Channels

CryptoMania

CRYPTO FEATURES FREE SIGNALS

Effective Crypto & Forex Community🎖

Crypto Verse

CRYPTO PUMPS POLONIEX

Airdrop Foster

istanbulblockchainweek

Toko RootSec Bot 📱

Related Telegram Channels

CryptoMania

CRYPTO FEATURES FREE SIGNALS

Effective Crypto & Forex Community🎖

Crypto Verse

CRYPTO PUMPS POLONIEX

Airdrop Foster

istanbulblockchainweek

Toko RootSec Bot 📱

User Reviews (0)

Latest Posts